 |
مجنونة كبير الصعيد
البارت الاول والتاني بقلم رنا احمد
كامله على مدونة النجم المتوهج للروايات
في الصعيد ...
في قصر الصياد التي يتكون في اربع طوابق .
في الطابق الاول ....
كان يقف كمال أمام المراه وهو يرتدي عبايته لتبتسم إليه وداد .
/ربنا يقويك ي سيد الناس ويعينك علي كل الي انت فيه .
كمال بابتسامه /طول مانتي معايا ي ست الناس كل حاجه بتعدي ي وداد ربنا يخليكي لينا كلنا ي ست الدار الباشا ابنك لساته نايم مش كده .
وداد بحنان /ايوه ي حبت عيني ده بيشقا جوي فسبته يرتاح شوي .
كمال بحده وقوه وهو يربت عصاه أرضا /ده دلع مايع أكده ده بعدي هيكون كبير الصعيد كلها وهو المسؤول عن كل حاجه في البلد خليه يقوم ورنا هام كتير وقولي ل بنتك تعقل كده يوسف هو الشخص المناسب ليها ول ابنها ده عمه هيكون في مقام ابوه الله يرحمه انا نازل علشان نفطر وكلهم الاقيهم ورايا .
**************** ..
في جناح سليم ....
كان يقف أمام المراه وهو يصفف شعره ويرتدي جلبابه الصعيدي لتسير وداد بابتسامه صافيه .
/صباح النور ي قلب امك.
سليم بابتسامه وهو يقبل يدها/صباح الفل ي ست الناس كلها .
وداد بابتسامه /قلب امك انت انزل بسرعه ل حسن الحاج كمال قالب عليك جوي.
سليم بمرح وغمزه/الراجل ده بيغير مني جوي اكمني واكل منه الجو .
وداد بضحك /ههههه يحزك ي واد ي سليم طب شوف زين باشا التاني ل حسن ابوك هيتقلب علينا واحنا مش قد غضب الكبير .
سليم بابتسامه/امرك ي ست الكل.
في القاهره ...
في شقه نور ....
كانت تقف حنان في المطبخ وهي تتضع الفطار وتصرخ بغيظ شديد.
/انتي ي همي التقيل ي عملي الاسود في حياتي .
نور بنعاس وغيظ /ايه ي حنان مالك هو كل يوم الموال ده ي وليه .
حنان بغيظ شديد/ولولولي عليكي ي بعيده كل ده نوم ي بت الدكتور سيد اتصل من بدري وقالب عليكي الدنيا .
نور وهي تاكل بغيظ/استغفر الله العظيم يارب دي حته مدير مزرعه محاسسني أنه وزير الصحه وبعدين انا دكتوره كبيره في البلد ي عني اروح علي كيفي .
حنان باستفزاز وخبث/هههه فيه دي عندك حق انتي والبهايم مشاء الله نفس الدماغ .
نور بغيظ شديد/تشكري ي أما.
ساجد بابتسامه /صباح الفل .
نور بابتسامه/اهلا باجمل معيد في جامعات مصر كلها .
ساجد بابتسامه/تسلمي ي ستي .
حنان بغيظ شديد/بقولكم ايه انتوا هتفضلوا انتوا الاتنين في ارابيزي كده العمر كله نفس حد فيكم يتجوز وتمشوا من وشي بقا .
نور بخبث ومكر/اهي اهي عي دي اخرتها ي وليه اكمنانا ايتام خلاص عايزه ترمي ولادك في الشارع علشان تتجوزي وتعيشي حياتك راح فين ضمير الام راح فين .
حنان وهي تتدفعه بالشبشب بغيظ /راح مشوار ومش راجع ي روح امك جاتك الهم .
نور وهي تخرج من غرفتها بعدما ارتدت ملابسها /هو الزمن كده مفيش ام بقت ام بترقص بمرح مفيش صاحب بقا صاحب مفيش راجل بقا راجل للوووووي سلام ي ابلتي.
حنان بغيظ شديد/عوض عليا عوض الصابرين يارب .
ساجد بضحك /هههههه .
في المزرعه التي تعمل بها نور فهي تعمل طبيبه بيطريه .
كانت تقف وهي تتدون ملاحظتها ليقترب منها سيد مدير المزرعه بغيظ شديد.
/بصي بقا ما هو حل من الاتنين ي تسيبي انتي المزرعه ي أما هسيب البلد انا واطفش .
نور باستفزاز وخبث/خلاص اطفش انت شوفلك عقد عمل في السعوديه الشغل هناك نار .
سيد بغيظ شديد/لا ي اختي ده بعدك انا قاعد علي قلبك العمر كله لحد محد فينا يخلص علي التاني المهم جهزي نفسك علشان هتسافري الصعيد .
نور بغيظ شديد/نعم اسافر الصعيد ليه .
سيد بخبث ومكر/انتي عارفه مرض الحمه القلاعيه الي داير في البهايم اليومين دول ومنتشر اوي في الصعيد فبصراحه الوزاره طلبت مني ارشح دكتور وبصراحه ملقتش احسن منك كفاءه ونهاره ي نور انتي زي بنتي برضه .
نور بغيظ شديد/لا وانت الصادق انت عايز تتطفشني من هنا علشان يخلالك الجو مع فريال صاحبه مزرعه ارانب الي بتاخدها المكتب تعرفها الارانب بتخلف اوي ولا فاكرني مش واحده بالي .
سيد بغيظ شديد/هو انتي فيه حاجه بتخفي عليكي ي اختي المهم جهزي نفسك بكره للسفر سلام .
نور بغيظ شديد/ربنا ينتقم منك ي سيد ي ابن زكيه الهي تولع ومطافي مصر كلها مش عارفه تتطفيك اخرتها هتروحي الصعيد ي نور ي مانتي صغيره وحلوه ي نور .
********************.
في فيلا الصياد ...
في غرفه زين ...
كان يقف زين وهو يضع سلاحه جانبا بعدما جهزه للسفر الي ذلك المهمه ليسير إليه سليم بابتسامه.
/صباح الفل ي زين الصعيد .
زين بابتسامه /اهلين ي كبير الصعيد كيف حالك ي سليم .
سليم بابتسامه وحنان /انا زين ي اخويا طمني عليك انت اخبارك ايه.
زين بحزن وضيق /هيكون مالي ي كبير الصعيد بطلع من مهمه لمهمه واهي ماشيه .
سليم بحزن من أجل أخيه /لساتك عاد مش قادر تنساها ي زين .
زين بوجع وصراخ /ايه الي يخليني انساها ي سليم ايه الي عملناه انا وهي علشان نبعد عن بعض كده ونتحرم من بعض كده .
كمال بغضب جحيمي/علشان عمها قتل ابن اخويا الله يرحمه الي هو جوز اختك الي قهر قلبها ويتم ابنها وانت لسانك بتفكر في بنتهم ي زين قسما بالله لو اسم البت دي جه علي لسانك مره تانيه لانت ابني ولا اعرفك فاهم ويلا علشان نفطروا.
سليم بقلق بالغ/حاضر ي حاج يلا ي زين يلا .
****************.
علي مائده الافطار.....
كانوا يجلسون جميعهم باحترام .
كمال بجديه /علي فكره ي سليم فيه دكتوره هتيجي البلد النهارده علشان تعالج البهايم المرضانه دي جهزلها المندره .
سليم بابتسامه/امرك ي حاج .
شهد وهي تتطعم ابنها /أبا انا لازما انزل مصر اجيب شهاده ميلاد فارس .
سليم بابتسامه/وانتي تنزلي ليه واحنا موجودين ي شهد .
شهد بابتسامه /تسلملي ي اخويا بس لازما اني ي عني اي حد قريب من الاب علشان ياخدها.
كمال بجديه /خلاص ي يوسف ابن عمك يروح معاكي .
شهد بضيق /مش مستاهله ي ابوي انا مش عيله صغيره ومش محتاجه ل حد .
يوسف بحزن شديد/هو ابن عمك وعم ابنك حد برضك ي شهد ده ربنا الي يعلم معزتك عندي .
كمال بغضب شديد/الحديد خلص خلاص يوسف الي هيروح معاكي وانت ي سليم متنساش موضوع الدكتوره وأبقا كلم اختك فيروز تنزل الاجازه دي .
سليم بابتسامه/حاضر ي ابوي عن اذنكم .
زين بضيق /وانا طالع انام شويه.
يوسف بحزن شديد/يلا ي شهد علشان منتاخروش .
شهد بضيق /حاضر .
وداد بحزن/بالراحه علي ولادي ي كمال مش كده .
كمال بجديه /ولادك مش صغيرين ي وداد لازم يعرفوا مصلحتهم فين انا مش هعيشلهم العمر كله ي وداد .
وداد بابتسامه /ربنا يخليك لينا ي سيد الناس .
****************.
في شقه نور ...
كانت تجلس نور بفوضويه بغيظ شديد/ي عيني ياعيني علي الوله اه علي الي حصلك ي نور ي بنتي منك لله ي سيد .
لتنظر بغيظ الي والدتتها الي تعد شنتطها وهي تكتم ضحكاتها.
/اضحكي اضحكي مشاء الله علي النشاط ده انا لم بطلب منك خاصه بتطلعي عيني علشان تعملهالي لكن مشاء الله حهزتي الشنطه في ثواني .
حنان بضحك /ههههه اخيرا هرتاح منك ي بت ي نور مصر كلها هترتاح منك ومن صداعك .
نور بغيظ شديد/انتي فكراني رايحه ومش راجعه ده بعدكم هما يومين بالظبط وهتلاقيني فوق دماغكم وهانتقم منكم انتوا وسيد .
******************.
في الصعيد ...
كانت تقف نور وهي تنظر بدقه وتفحص لتنصدم مما يمسكها من يدها بهلع .
/انتي دكتوره مش كده .
نور باستغراب وقلق /ايوه انا فيه ايه .
عوض وهو يسحبها وراءه سريعا /تعالي معايا بسرعه .
في فيلا الصياد ..
في غرفه سليم ..
كان يصرخ سليم بالم شديد فهو يعاني من التهابات حده في المراره .
كمال بحزن شديد/أكده ي سليم ي عني عجبك وجعك كده قولتلك مليون مره اعملها انا مش خابر انت بتعمل كده ليه ي ولدي.
وداد بدموع ووجع/هو الزفت عوض اخر كده ليه.
عوض وهو يمسك يد نور بلهفه /أنا جيت اهو ي ست الناس .
نور بجديه /مساء الخير ي جماعه فين العجل الي عايز يتعالج .
سليم بصدمه /عجل .
( مجنونه كبير الصعيد )
البارت الثاني
مجنونه كبير الصعيد
في غرفه سليم ....
كانوا ينظرون الجميع لها باستغراب شديد من هذه الذي تتحدث بكل تلك الجراءه .
سليم بالم شديد وغيظ /مين ده الي عجل ي بت انتي .
نور باستغراب وهمس /يمكن الكلمه دي عيب عندهم هنا يمكن بيقولوا عليه حاجه تانيه احممم طب البقره أو الجاموسه اي حيوان .
سليم بغيظ شديد/اه ي أما مين البت دي ي عوض الكلب .
عوض بخوف /والله ي كبير الصعيد الي لقيتها دلوقتي انا لقيتها واقفه في الشارع مفهماش حاجه جيبتها معايا .
نور بغيظ شديد/ايه مش فاهمه حاجه دي متحترم نفسك وبعدين مين ده الي كبير الصعيد العمده المفروض يكون كبير كده ووقور ايه حته العيل الي مش بيناله وش من قفا ده .
كمال بعصبية/ي بتي انتي دكتوره صح .
نور بغرور وثقه/ايوه اني الدكتوره نور .
وداد بدموع وضيق /طب ومستنيه ايه متتصرفي عاد مش شيفاه هيموت قدامك .
نور بانتباه /اه هو انتوا قصدكم اعالج ابنكم ده طيب ماشي مش تقولوه كده وسعوا كده وسعوه اقلع .
سليم بصدمه وغيظ/مين ده الي يقلع ي وليه انتي اتجننتي ولا ايه اتلمي بدل ماطخك عيرين .
نور بغيظ شديد/بقولك ايه وانت عملي زي هارون في سلسال الدم كده وانا مش فاهمه منك حاجه اخلص ورايا شغل كتير اقلع بسرعه .
كمال بعصبية /جرا ايه ي بتي متتحشمي شويه مش كده .
نور وهي ترمي الشنطه بغيظ علي سليم ليصرخ الما /الله يخربيتك ي بعيده كسرتيني اكتر من متكسر .
نور بغيظ شديد/هو فيه ايه بقا متيجيبوا دكتور حشمه احسن هو انا هشم علي ضهر ايدي ولا ايه مش لازم اكشف ولا معايا العصايا السحريه.
كمال بقلق /هو عنده المراره ي بتي دايما الماه كده .
نور وهي تفتح الشنطه وتمسك بيدها حقنه كبيره /تمام العلاج عندي ثانيه واحده وكله هيبقى زي الفل .
سليم وهو ينظر المعدات الي في شنطتها بفزع شديد /لا قسما بالله دي مش ممكن تكون دكتوره دي سباكه .
نور بابتسامه ومرح /خلاص بقا ي سولي الحقنه الحلوه دي رايحه علي دراع مين علي دراع سولي العسول .
سليم بغيظ شديد/هو انتي بدلعي ابن اختك ولا ايه انا ليمكن اخد الحقنه دي واصل .
نور بغيظ شديد/استغفر الله العظيم يارب بص مش هتحس بحاجه واقف كوعك كده .
سليم بغيظ وصراخ /مش بقولكم سباكه .
كمال بغيظ شديد/ماخلاص عاد ي سليم انت صغير ولا ايه.
نور وهي تمسك ذراعه بأحكام /تعال معايا ي عوض امسك دراعه كويس حلال الله واكبر ..
بعد فتره ......
كان ينام سليم وهو يفتح عيناه بالفعل الالم قد زال لكنه لا يستطيع الحركه .
كمال بابتسامه /حمد لله على سلامتك ي كبير الصعيد مشاء الله الدكتوره ايديها فيها العافيه الحمد .
سليم وهو يشعر بأنه لا يستطيع الحركه/الحمد لله ي ابويا بس انا عامل زي المضروب علي دماغه .
نور بجديه /ده من تأثير الحقنه كمان ساعتين وهتبقا زي الفل متقلقش .
وداد بابتسامه/تسلمي ي بنتي .
كمال بجديه /هي الحقنه اسمها ايه ي بنتي لحسن الحاله دي بتجيله كتير جوي .
نور بابتسامه/حضرتك هتروح الصيدليه تقولهم حقنه جنون البقر بنديها للبقر لما يبقا هايج .
كمال بصدمه /جنون البقر.
سليم بغيظ وصراخ/وانا مالي بقول عامل زي العجل المسلوخ كده ليه منك الله ي بعيده ي دكتوره البهائم انتي .
كمال بجديه/هو انتي الدكتوره نور السيد الي جايه البلد هنه علشان موضوع البهائم .
نور بابتسامه بريئه /ايوه انا .
كمال بابتسامه /اهلا وسهلا ي بتي نورتي وشرفتي البلد المندره جاهزه .
وداد بابتسامه وحنان /لا والله العظيم ميحصل واصل بعد اذنك طبعا ي حاج نور هتقعد معانا هنه في الدوار الدوار كبير جوي ويسيع الحبايب كلهم وبعدين دي زي بناتي انا مش هسيبها واصل .
كمال بابتسامه /خلاص الي تأمري بيه ي حاجه .
وداد وهي تحتضن نور /تعالي ي بت تأكلي لقمه تعالي .
ليخرجوا ثويا الي الخارج لينظر إليهم سليم بغيظ .
/اشكوا اليك يارب ماشي ي نور مبقاش انا سليم لو مخليت الفتره الي هتقعدي فيها هنه فتره سوده في حياتك كلها .
*****************.
في الطريق ....
في سياره يوسف ...
كانت تجلس شهد بجانبه بضيق وتجاهل كبير .
يوسف بحزن شديد/شهد ممكن اعرف انتي واخده مني موقف كده ليه .
شهد بدموع وضيق /علشان انت مصمم تتضغط عليا ي يوسف انا مش عايزه اتجوز بعد علي الله يرحمه ليه انت مش فاهم ده .
يوسف بحزن/لانك عارفه زين اني بحبك من زمان جوي ي شهد وصدقيني أنا عايز اكونلك سند انتي وفارس ده مهما كان ابن اخويا محدش هيخاف عليه قدي واصل ولا يحبه زي .
شهد بدموع /بس انا بقا مش عايز اتجوز ي يوسف مش عايزه انا قلبي لسه محروق علي روحي الي راحت مني وجوايا عقد الدنيا كلها دور علي واحده بنت صغيره تسعدك وتكون انت اول بختها ي ابن عمي.
يوسف بعشق /بس انا بقا مش عايز غيرك ي شهد .
شهد بغيظ شديد/خلاص ي يوسف براحتك انا عملت الي عليا .
فارس بطفوله وبراءه /عمو يوسف عايز شيكولاته .
يوسف بابتسامه باهته /من عنيا ي قلب عمك .
*********************.
في الجامعه ...
كانت تجلس فيروز وهي تتدون ملاحظتها وهي تعدل نظارتها الطبيه لتقترب منها صديقتها ندا .
ندا بغيظ شديد/ايه ي بنتي بقالي ساعه بدور عليكي .
فيروز بابتسامه/وانا روحت فين ي اختي مانا قاعده اهو .
ندا بغيظ /عجبك الي عملتيه انبارح ده احرجتي الولد قدام الناس .
فيروز بضحك /ههههه واه عاد هو الي يستاهل وبعدين سبحان الله ي شيخه لما بحرق دم راجل وخصوصا لو كان شاب من العيال المايعه دي بيستفزوني جوي جوي .
ندا بابتسامه/ي سلام ليه ي عني مهم شباب زيهم زي سليم وزين ويوسف مثلا.
فيروز بغيظ شديد /امشي ي بت ده انا اخواتي رجاله بجد مش ورق زي العيال دي .
ندا بابتسامه/طب يلا يا اختي عندنا محاضره والنهارده جايلنا دكتور جديد مش عايزين ناخدلنا كلمتين من اول المحاضره .
فيروز وفي تمسك كتبها /والله يبقا هو الي جابه ل روحه وهطلع عليه جناني كله النهارده .
في القاعه .....
كان يسير ساجد بابتسامه.
/صباح الخير انا الدكتور ساجد السيد الي هدرسلكم شريعه وقانون الشباب يعتبرون زي اخوهم والبنات كمان اي حد يحب يستفسر عن حاجه يكلمني في أي وقت احنا اتفقنا هتكون اخوات .
فيروز بغيظ شديد /ايوه ماهي بتبدي كده البنات يعتبروني زي اخوهم وبعدين زي صاحبهم وبعدين جوز أنهم وبعدين تعالي معايا الشقه وامي بتولد وبعد كام شهر تلاقيها في الي قربت تولد مش كده ي دكتور ي محترم .
الجميع بضحك/هههههه .
ساجد بعصبية/بس اسكتوا ايه الي بتقوله ده ي بتاعه انتي .
فيروز بغرور وثقه /اولا اسمي فيروز كمال الصياد عمده الدباح ثانيا الي قولته ده هو الي بيحصل علشان توقع البنات مش كده .
ساجد باستفزاز وخبث/وانت ايه علاقتك انت بالبنات .
/هههههههه.
فيروز بغضب شديد/نعم قصدك ايه.
ندا بقلق شديد/معلش ي دكتور هي بس فرفوشه كده وبتحب تهزر .
ساجد بعصبية/تمام يبقا مش هتحضر اي محضرات غير لما تعتزر .
فيروز بغيظ شديد/ي سلام مناقص تقولي هاتي ولسا امرك بالمره انا مش هتعتزر .
ساجد بغضب شديد/تمام يبقا اتفضلي بره المحاضره .
فيروز بغيظ شديد وهي تسير للخارج /ماشي والله لستناك بره .
لينظر ساجد الي أثرها باستغراب شديد من ذلك الفتاه ....
****************.
في دوار الكبير...
كان يجلس زين بضحك شديد وهو يستمع إلي حديث سليم.
سليم بغيظ شديد/انت بتضحك ي وين وانا دمي محروق كده .
زين بضحك /بصراحه نفس اشوافها البت دي الي عمله كده في كبير الصعيد.
سليم بغيظ شديد/دلوقتي تشوفها ي اخويا شافها عفريت لسانها نايمه ماهي تكيه ابوها وابوك وامك بدل ميعلقوها علي الي عملته معايا رحلوا بيها اخر ترحيب وهيخلوها قاعده هنه كمان .
في غرفه نور ....
كانت تفتح عيناها بنعاس لتنظر الي المكان باستغراب شديد لتتذكر .
/ايوه صح ده انا في الصعيد في بيت الحاج كامل ابو سليم الحمار .
لتنظر من الشرفه بسعاده كالاطفال فهي تعشق اللاسماك الملونه التي تملأ ذلك الحوض لتسرع اليه بفرحه كالاطفال ..
*******************.
من امام حوض السمك ...
كانت تقف نور بسعاده وهي تمسك هاتفها .
/الله اتصور بقا سيلفي .
لتمسك هاتفها لما تعابر بمن يقف خلفها بخبث ليدفعها داخل الحوض .
سليم بضحك /هههههههه تعيشي وتاخدي غيرها أكده السيلفي هيكون حلو جوي جوي ههههه.
للمتابعه اترك تعليق
