 |
السلام عليكم ورحمة الله وبركاته
اللهم صل وسلم على سيدنا محمد 🌸
مختمره بين يدي شيطان
بقلم إيمان عكاشه
الحلقه الاولي والثانية والثالثة
كامله على مدونة النجم المتوهج للروايات
.......................................
في قصر عائله الباسل تستيقظ بطلتنا السابعه صباحا مثل كل يوم
ريحان :الحمد لله الذي احيانا بعد مماتنا واليه النشور انا هروح اصلي الضحي وانزل تحت اساعد ماما
وبعد ما انهت ريحان صلاتهاوقرائة اذكار الصباح ذهبت لتساعد والدتها
استوووب تعريف ريحان (ريحان عماد الباسل لديها ٢٢ سنه متخرجه من كليه تربيه وهي ترتدي الخمار )
ريحان نزلت عند والدتها في المطبخ
ريحان :السلام عليكم صباح الخير يا ماما
جهاد :صباح الخير يا حبيبتي
ريحان :ماما هو في ايه انا شيفه في حركه في القصر غريبه وعمالين تعملوا تجهيزات وكمان انا شوفت الخدم بينضفوا الاوضه المقفوله دي
جهاد :اه يا حبيبتي اصل ابن عمك رعد جاي انهارده
ريحان : رعد هو انا بصراحه مش فاكره
جهاد :يا حبيبتي هو عايش برا من زمان من ساعت ما عمك الله يرحمه لما سافر ورعد منزلش هنا غير مره ولا مرتين علشان كده ممكن متفتكروش
ريحان بعدم اهتمام : ماشي يا حبيبتي طب انتي عايزه مني اي مساعده
جهاد :اه يا حبيبتي روحي صحي اختك
ريحان :حاضر يا ماما
وذهبت ريحان
جهاد لكريمه:متعرفيش ايه الي بيحصل من زمان رعد مجاش وكل لما عمي يكلمه علشان يجي مش بيرضي ليه دلواقتي فجأة جه
كريمه زوجة محمد عم ريحان وهو اصغر من عماد والدها
كريمه :والله معرفش كل الي اعرفه اني عمي سليمان كلمه زي كل يوم يطمن عليه وبعدين قلنا انو هينزل مصر
جهاد :ده عيال عمه ممكن ميفتكروش رعد زي ريحان
عند ريحان
ريحان: بسمله يا بسمله اصحي
بسمله بصراخ :في ايه البيت بيولع
ريحان بضحك علي شكلها : لا يا ختي البيت مش بيولع لكن لو مقمتيش دلواقتي ماما الي هتيجي تولع فيكي
بسمله : لا يا ختي خلاص انا قومت اهو
استوووب تعريف بسمله اخت ريحان ( بسمله فتاة لديها ٢١ سنه في كليه آداب هي لا ترتدي الخمار ولكن ترتدي ملابس محترمه)
ريحان : طيب يا حبيبتي انا هنزل
بسمله : ماشي وانا هحصلك
وذهبت ريحان وهي في طريقها قابلت ابنت عمها
علياء بسخريه : شيخ ريحان صباح الخير
ريحان بهدوء : صباح النور يا علياء
علياء : يا شيخه مش هتغيري البتاع ده دا حتي ابن عمك جي و اول مره يشوفك من سنين هيشوفك كده وانتي عامله زي الست العجوزه دا حتي طنط جهاد مش لبساه
ريحان : انا مش هرد عليكي
استووب تعريف علياء بنت محمد عم ريحان ( علياء فتاة في ال ٢٦ من عمرها متخرجه من كليه تجاره ودائما تردتي ملابس ضيقه)
وتركت ريحان علياء وذهبت عند والدتها
ريحان :ماما انا صحيت بسمله
جهاد : طيب يا حبيبتي يلا علشان الفطار جهز
ريحان :يلا يا ماما
واجتمعت جميع العائله علي الفطار
محمد :بابا هو رعد هيوصل امتي
سليمان (الجد) : علي الضهر كده
عماد : تمام مين الي هيروح يجيبه من المطار
سليمان :لا هو قالي هيجي بطياره خاصه
ياسين : مش غريب انه بعد كل الفتره دي يرجع كده فجأة
مالك : اه بصراحه انا كمان مستغرب
تعريف ياسين ومالك ( يا سين اخو ريحان ولديه٢٤ سنه وهو يعمل في شركات الباسل مع والده عماد )
( مالك يكون اخو علياء ولديه ٢٥ سنه وهو يعمل ايضا مع والده محمد )
بسنت : بس في حاجه انا عايزه اعرفها هو ليه كل الفتره دي اصلا كان بعيد عنا وليه يا جدي مكنتش بتكلمنا عنه انا اصلا مكنتش اعرف ان عندنا ابن عم
نتعرف علي بسنت ( بسنت تكون اخت مالك وعلياء الصغيرة وفي نفس سن بسمله ومعاها في نفس الكليه وهي فتاة جميله و لبسها محترم عكس علياء وبتحب ريحان )
بسمله : توأمي انا كنت هسأل نفس السؤال
بسنت : يابنتي احنا اصلا بنفكر زي بعد علشان احنا دايما في قلوب بعد
بسمله : قلبي
وقامت بتقبيلها علي الهوا
مالك : ايه شغل الدرامه ده ده انتوا لسه امبارح مقطعين شعور بعض علي حدة جزمه
بسنت : الله يكسفك يا شيخ طب ماتسيحش
وبسمله وشها احمر من الكسوف
ريحان : اول امبارح عملوا ايه مع بعض
بسمله : بس يا ريحان بالله عليكي متقوليش حاجه
ريحان : تد فعي كام
بسنت : ريحان حبيبت قلبي والله انتي جدعه ومش هتقولي صح
بسمله : اه دي اختي وانا عارفاها مش هتقول علي خناقت الموز
بسنت : غبيه غبيييييه
وكل العائله ضحكت عليهم
سليمان : ربنا يخليكم لبعض يا حبيبي
علياء : بس يا جدي برضو مقولتلناش علي حكايه رعد
سليمان : رعد ده بيكون حفيدي الاول من عمكم حسن ومراته الله يرحمها تقي حسن اخد عيلته وسافر علشان يدير الشركه الي برا مصر ومات هو ومراته
ريحان : الله يرحمهم يا جدي بس احنا حضرنا جنازتهم يا جدي بس مشفناش رعد
سليمان : لانه لما هو جه حضر الجنازه وسافر بعدها علي طول ومن سعتها كل يوم اكلمه اطمن عليه وانا الي طلبت منه يجي
بسنت : طب هو فضل هناك ليه وكمان ازاي تسيبوا يا جدي يقعد بره لوحده
سليمان : يا بنتي هو ساعتها كان عنده ٢٠ سنه وكانت جامعته هناك ولما خلص الجامعه مسك شركتنا في امريكا بدل حسن الله يرحمه وكمان فتح لنفيه شركه ادويه والحمد لله شركته كبرت وباقت سلسله شركات حول العالم
بسنت : اه فهمت
واكملوا طعامهم
بسمله :يلا يا بسنت
بسنت : يلا
مالك :يلا يا ياسين احنا علي الشركه
محمد وعماد : استنوا احنا جايين معاكم
سليمان : متنسوش تيجوا هنا قبل الضهر علشان رعد
وذهب الجميع وبقي في البيت ريحان وعلياء وكريمه وجهاد وسليمان
كريمه : جهاد يلا احنا كمان علشان نرتب كل حاجه
جهاد : يلا يا حبيبتي ده اب الغاليه جاي لازم نعمل كل الاكل الي بيحبه
كريمه: اه طبعا يلا
ريحان : عايزني اساعدكم
جهاد : لا يا حبيبت ماما احنا هنخلص كل حاجه وكمان الخدم معانا
علياء بكره : سبيها يا طنط تعمل يمكن عايزه تشتغل خدامه
كريمه بحده : علياء احترمي نفسك اه الي انتي بتقوليه ده علي الاقل بتساعد مش ناس عمرها مقالت اسعدك يا ماما ولا شالت مسؤليه اعتزري حالا لريحان
علياء : لا طبعا مش هعتزر
وتركتهم وذهبت بغضب
كريمه : معلش يا ريحان يا حبيبتي
ريحان : ولا يهمك يا طنط عن اذن حضرتك
وبعد فتره من الوقت وصلت الفتاتان من الجامعه وانهت السيدتان جميع الاكل
في شركه باسل لصناعه الذهب
مالك : ياسو يلا علشان نروح علشان
ياسين : اولا قولتلك ميت مره قبل ما تخش خبط علي الباب وثانيا متندهليش كده تاني
مالك : تمام يا عم يلا لشان رعوودي وحشني اوي البارد ده
ياسين : هقوله علي فكره علي رعووودي وبار كمان
مالك بخوف : لا يا عم ده علي قلم يحولك
ياسين: طب يلا
مالك : يلا
وذهبوا الي القصر
في القصر
مالك : نحن هنا اه ده هو رعد لسه موصلش
سليمان : لا لسه
كريمه : تلاقي علي وصول
وفي هذه اللحظة وصل رعد
رعد : السلام عليكم
سليمان : وعليكم السلام يا بني
واحتضن رعد وبعدها بالحظات تركه
مالك : رعووودي وحشتني اوي
وقام ايضا باحتضانه
ياسين : عامله ايه يا رعد
وسلم عليه وقام باحتضانه
نتعرف علي بطلنا ( رعد حسن الباسل شاب في ال ٢٨ من عمره وسيم جدا ويملك شركات ادويه حول العالم ولقبه الشيطان )
كريمه : رعد حبيبي وحشتني اوي
وسلمت عليه
جهاد : خلاص يا كريمه خليني اسلم عليه
علياء بدلع : ازيك يا رعد
ومدت يدها
رعد بجمود : الحمد لله
تجاهل يدها
بسمله وبسنت في نفس اللحظه : السلام عليكم ازيك يا رعد
وبعدين بصوا لبعض وضحكوا
بسنت : المسي حاجه حمره بسرعه
بسمله : اهو ولمست لبسها فهي كانت ترتدي درس فيه ورد احمر
بسنت : وانا كمان اهو ولمست بسمله
وضحكوا الاثنان وضحكت العائله عليهم
سليمان : رعد انت اكيد فاكر ياسين ومالك بس معتقدش انك فاكر علياء وبسنت وبسمله
رعد : الحقيقه لا مش فاكرهم
سليمان : دي علياء بنت عمك محمد ودي اختها بسنتوهما اخوات مالك ودي بسمله اخت ياسين
جهاد :وفي ريحان بنتي واختهم هي فين
بسمله :بتصلي يا ماما انا هروح انادلها
جهاد : ماشي يا حبيبتي
وبعد عدة دقائق وصلت ريحان وهي ترتدي ملابس واسعه كالعاده مع خمارها الذي زادها جمالا
ريحان : السلام عليكم
سليمان : وعليكم السلام يا حبيبتي تعالي سلمي علي رعد ابن عمك
ريحان : السلام عليكم ازيك يا رعد
رعد : وعليكم السلام
سليمان : يلا يا ام ياسين حضروا الاكل علشان رعد
كريمه : حاضر
رعد: لا يا جدي انا هطلع علي هروح استريح وهاجي باليل
سليمان: اه الي انت بتقولوا ده يا رعد انت هتقعد هنا معانا
رعد بهدوء: لا يا جدي انا اشتريت قصر هنا هقعد فيه وهجلكم باليل علي الغدا
سليمان : لايابني
قاطعه رعد
رعد : لو سمحت يا جدي خليني علي راحتي
سليمان ماشي يا جدي
وذهب رعد
في الليل في قصر عائلةالباسل
رعد وصل
كريمه للخدم : يلا حضروا رعد وصل
جهاد :يلا بسرعه
وبعد الغداء
رعد :جدي كنت عايز حضرتك في موضوع
سليمان : تعال يا رعد في المكتب
وذهبوا الي المكتب
رعد : جدي انا كنت عايز اطلب منك طلب
سليمان : اتفضل يا بني
رعد :
في الخارج
علياء : الله علي حلوته ده كتلة جمال مشيه علي الارض
ريحان : حرام عليكي يا علياء ربنا امرنا نغض بصرنا
علياء : بس يا شيخه نقطينه بسكاتك
بسنت : علياء مينفعش كده ريحان عندها حق
علياء : اسكتي انتي التاني ولا اقولك انا قايمه ده انتوا قرف
وبعد عدة دقائق ياسين ذهب لريحان
ياسين : ريحان جدي عايزك في المكتب
ريحان : حاضر جايه اهو
وذهبت ريحان لغرفه المكتب وطرقت علي الباب
سليمان : ادخلي يا ريحان
ريحان دخلت
ريحان : جدي ياسين قالي اني حضرتك عايزني
سليمان : اه يا حبيبت اقعدي
ريحان ذهبت وجلست علي كرسي مواجه للجد
سليمان : ريحان حبيبتي انتي عارفه انا بحبك اد ايه وعارفه اني مفيش حد هيخاف عليكي في الدنيا دي قدي صح
ريحان : صح يا جدي بس هو حضرتك بتقولي كده ليه
سليمان : وعارفه اني عمري مهاخد قرار يخصك غلط
كل هذا يحدث امام رعد وهو جالس بهدوء علي الكنبه
ريحان بقلق : صح يا جدي بس حضرتك كده بتقلقني هو في ايه
سليمان: رعد طلب ايدك وانا وافقت
ريحان :٠٠٠٠٠يتبع
رايكم في البارت
توقعاتكم رد فعل ريحان
رأيكم في الشخصيات وتحليلكم للاحداث
أكملها ولا لا اللي هيتابع عاوز تفاعل
والسلام عليكم ورحمةالله وبركاته ❤
الحلقة الثانية
السلام عليكم ورحمة الله وبركاته
اللهم صل وسلم وبارك على سيدنا محمد 🌸
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ريحان :
سليمان: ريحان
ريحان : بس يا جدي انا معرفوش
سليمان :يا بنتي مانتي عارفه ان دي عادات وتقاليد عيلتنا ان البنت تتجوز ابن عمها
ريحان : لو علي كلام حضرتك يبقي المفروض رعد يتجوز علياء مش انا لان علياء الاكبر
سليمان : لا يا حبيبتي عمك حسن قبل ما يموت كتب وصيه انك انتي تكوني مرات رعد مش علياء
ريحان : طيب يا جدي الي تشوفه حضرتك
سليمان : ريحان انا مش عايز اجبرك علي حاجه يا بنتي لو انتي مش موافقه قولي
ريحان : لا يا جدي انا موافقه
سليمان : متاكده يا بنتي
ريحان : اه يا جدي
سليمان : طيب يا بنتي علي بركه الله فرحكم بعد اسبوع
ريحان : تمام يا جدي عن اذنك
سليمان : نادي بسمله وبسنت وياسين ومالك
وفعلا ذهبت ريحان
رعد : عن اذنك يا جدي
سليمان : اتفضل يا ابني
وذهب رعد
ريحان : يا رب ان كان ده خير ليا فقربه وان كان شر ابعده
وذهب لكي تناديهم لجدها
سليمان : اتفضل
ودخل كل من مالك وياسين وبسمله وبسنت
مالك : في ايه يا جدي ريحان قالتلنا ان حضرتك عايزنا
سليمان بصرامه : اسمعوني كويس ومش عايز اي اعتراض
ياسين : اتفضل يا جدي
سليمان : خطوبة ياسين و بسنت ومالك و بسمله مع فرح ريحان ورعد بعد اسبوع
الجميع في صدمه منهم السعيد ومنهم الحزين
بسنت : اه الكلام ده يا جدي
بسمله : احنا مش موافقين
ياسين : انا مش موافق
سليمان :وانت يا مالك مش هتقول حاجه علي العموم ده الي هيحصل ويلا اتفضلوا
خرج الجميع وهم في حزن وذهب ياسين وهو في قمه غضبه فهو يكره ان يجبره احد علي شئ والفتيات ذهبن في غضب ايضا الي غرفه ريحان ومالك ذهب خلف ياسين خوفا عليه
في المطبخ
كريمه : جهاد متعرفيش في ايه
جهاد : لا والله
كريمه :ربنا يستر ده العيال طلعين من المكتب وهم هيطقوا
في غرفه ريحان
بسنت : اوف ايه ده هو بالعفيه
بسمله: معرفش انا زهق من العادات المقرفه دي اوف بجد
ريحان : ملكم يا بنات
بسنت : جدو عايز يخطبني لياسين ومالك لبسمله
بسمله : بنات احنا لازم نعمل حاجه
ريحان : ده نصبنا يا بنات
بسنت : ريحان انتي مش ممكن تقبلي انك تتجوزي شخص متعرفوش
بسمله : اه يا ريحان انتي جواز مش زينا خطوبه وكمان احنا علي الاقل عرفين هنتخطب لمين لكن انتي لا
بسنت : ده لو الخطوبه دي تمت
بسمله : بتفكري في الي بفكر فيه
بسنت : توأمي طبعا
ريحان : ربنا يهديكم وينورلي طريقي
عند بطلنا
علي الهاتف
رعد بجديه : سيف دير كل حاجه عندك علشان انا هقعد اسبوع هنا
سيف : ليه في حاجه
رعد : فرحي بعد اسبوع
سيف : مبروك يا صحبي انا هكون عندك قبل الفرح بيوم
رعد : تمام سيف سلم البضايع انت بدالي سلام
سيف : تمام سلام
استوووب نعرف سيف ( سيف صديق رعد المقرب وهو في ٢٧ من عمره شاب وسيم وقوي جدا يعمل مع رعد ويعرف كل اعمال رعد او بمعني اخر هو بئر اسراره )
رعد : كلها اسبوع وهتبقي بين ايدي يا ملاكي
عند ياسين ومالك
مالك : اهدي يا ياسين
ياسين: انا عايز افهم بس هو ايه الهو بيعمله ده انا هروح اكلمه
مالك : اهدي بس يا ياسين ده جدك مهما كان
ياسين : اه مهو انتي فرحان طبعا هيجوزك لحبيبة القلب انا ماشي
مالك :طب استني انا هاجي معاك
وذهب ياسين ومالك للقصر
في القصر
بسنت : ها هنعمل ايه
بسمله : امال توأمي وطبعا علي الاساس فهمه انا بفكر في ايه
بسنت : خدني الحماس مش اكتر بس بجد هنعمل ايه
بسمله : بصي احنا كل واحده مننا تروح تتكلم مع ياسين ومالك وتفهمه ان هي مش عايزه ونروح كلنا نقنع جدي
بسنت : تمام فهمت
عند ريحان
ريحان : السلام عليكم ورحمةالله
نور : وعليكم السلام ورحمةالله وبركاته ريحان عامله ايه
ريحان : الحمد لله
نور : مالك يا ريحان
ريحان قالت لنور كل شئ
نور : طب انتي ليه مرفضتيش
ريحان : معرفش انا حسيت اني مرتاحه وكمان مش عايزه ازعل جدي
نور : طب انتي صليتي استخاره
ريحان : لا لسه
نور : طب صلي استخاره وادعي لو خير ربنا يقدمهولك ولو شر يبعدهولك
ريحان : حاضر هعمل كده وانشاء الله خير
نور : هسيبك وهكلمك تاني ماشي سلام
ريحان : في حفظ الله
استووووب نتعرف علي نور ( نور تكون صديقه حور المقربه وهي في نفس سنها وجميله جدا وهي ترتدي الخمار مثل ريحان وكانت معها في نفس الجامعه)
في المكتب
سليمان : انا اتكلمت مع الولاد
محمد : وكان رد فعلهم ايه
عماد : اكيد اتنرفزوا وكده بس كل ده هيفهموا لما يكبروا
محمد : بس ليه يا بابا ريحان لرعد المفروض علياء علشان هي الاكبر
سليمان : علشان اخوك حسن قبل مايموت كتب وصيه ان رعد يتجوز ريحان
محمد : فهمت
عماد : طب وعلياء
سليمان : بلال طلب ايدها
محمد : البشمهندس بلال
سليمان : اه
عماد : بصراحه هو شاب ممتاز واخلاقه عاليا
استووب نتعرف علي بلال ( بلال يكون صديق ياسين ومالك وهو عنده ٣٠ سنه وهو متدين )
محمد : اه انا عن نفسي موافق
سليمان : تمام كده كتب كتابها مع ريحان ومع خطوبه بسنت وبسمله
عماد : بس مش بعد اسبوع بدري اوي
سليمان : لا رعد استأذن يعملها بعد اسبوع علشان مش هيقدر يقعد هنا اكتر من كده
عماد : تمام
محمد : تعالي يا عماد نروح نفرح ام ياسين وام مالك
عماد : يلا
سليمان : محمد اندهلي علياء معاك
محمد : حاضر
وذهبوا لكي يخبروا كل من جهاد وكريمه وقد سعدوا جدا
عند كريمه وجهاد في الصالون
كريمه : مبروك يا جهاد
جهاد : الله يبارك فيكي ومبروك ليكي انتي كمان
كريمه : احنا معندناش وقت لازم نظبط كل حاجه معناش الا اسبوع
جهاد : انا عارفه هما مستعجلين علي ايه
عماد : علشان رعد مش هيقدر يقعد هنا اكتر من اسبوع علشان شغله
كريمه : ربنا معاه
جهاد :يارب
محمد : يلا احنا يا عماد علي شغلنا
عماد :يلا
اليوم التالي
عند ريحان
ريحان : الحمد لله صليت استخاره
نور : ها وحسه بقيه
ريحان : مرتاحه بس حلمت حلم غريب
نور : حلم ايه
ريحان: لما اشوفك هبقي اقولك
نور : ماشي يا حبيبتي
عند رعد في قصره يستيقظ ويدخل الحمام
زينب : يلا بسرعه رعد بيه صحي دلواقتي الفطار والقهوة تكون علي السفره حالا
الخدم : حاضر يا فندم
زينب تكون مربيه رعد من وهو صغير وكانت معه بعد موت والديه
وبعد فتره نزل رعد واكل طعامه وشربه قهوته وذهب الي الشركه
عند سيف في امريكا
(الحوار بالانجليزي)
سيف: اهلا جاك
جاك : مسيو سيف اهلا ولكن اين الشيطان
سيف : ليس هنا ولكني هنا مكانه بضاعه المخدرات سوف تصل في معادها المحدد
جاك : حسنا وماذا ن بضاعه السلاح
سيف : سوف تصل ايضا في وقتها
جاك: حسنا مسيو سيف ولكن هل الشيطان سوف يكون موجود
سيف : لا
جاك : حسنا الي اللقاء
سيف : الي اللقاء
٠٠٠٠يتبع
رأيكم في البارت
توقعاتكم ماذا سوف تفعل ريحان عندما تعلم شخصيه رعد الا وهي الشيطان؟
رأيكم في الزواج بهذه الطريقه؟
انا حقا ارغب في معرفة رأيكم في الروايه
وماذا سوفه تفعلون لو انكم مكان البنات / الشباب؟
تحليلكم للاحداث
ماهو الحلم الذي رأته ريحان؟
واريد منكم ان تنيرو صفحاتي بضغطكم علي النجم الحزين المنطفئ
والسلام عليكم ورحمة الله وبركاته ❤❤
متنسوش #متابعه لصفحتي 😍
الحلقة الثالثة
السلام عليكم ورحمة الله وبركاته ❤❤
اللهم صل وسلم على سيدنا محمد 🌺
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في غرفه بسمله
بسنت بعصبيه : هو ايه ده انا مش فاهمه بعني ايه القرف ده انا يحصل معايا كده
بسمله : انتي كلمتي ياسين
بسنت: اه ويارتني يا ختي مكلمته
بسمله : ليه ايه الي حصل
بسنت :
فلاش باك
ياسين داخل الي القصر وهو في قمه غضبه
بسنت : ياسين عايزه اتكلم معاك
ياسين : نعم عايزه ايه
بسنت بصوت عالي : بص يا بني الناس من الاخر انت تروح تقول لجدو انك مش عايزني تمام وان الخطوبه دي مش هتم
ياسين بنرفزة: صوتك ميعلاش مفهههوم
بسنت :انا هعلي صوتي زي مانا عايزه وانت هتعمل الي انا بقوله
ياسبن : طب والله لتكوني خطبتي تمام انا مكنتش موافق بس خلاص انتي بقي دخلتي دماغي علشان تبقي تعلي صوتك كويس
وتركها وذهب
نهايه الفلاش باك
بسمله : يا نهارك اسود انتي هبله يابت بقي تعلي صوتك علي ياسين لا وكمان تكلميه بصيغه الامر احمدي ربك انه مقطكيش بحاجه انا اصلا ميتغربه انه مكلمش جدي
بسنت : اه يابنتي كل ده علشان صوتي علي امال كنتي عايزاني اعمل ايه واحده مغصوبه اروح اخده بالحضن بس انا بقي هخلي يطلب هو الي يبقي عايز يسبني مش هو بيعاندني انا بقي هوري العناد
بسمله :هتعملي ايه يا مجنونه اعقلي كده اخويا ياسين مبيهزرش
بسنت : اسكتي انت بس صحيح انتي بقي عملتي ايه مع مالك
بسمله تسللت الحمرا الي خدودها
بسمله بكسوف: معملتش حاجه
بسنت : اوعي يكون يابت بتحبيه امال عمال تقول امباح هنعمل وتزعقي كل ده وانتي واقعه
بسمله : حب ايه وواقعه ايه الكلام الاهبل ده احنا اتكلمنا وهو اقنعني
بسنت : بت انتي متكدبيش انطقي قولي حصل ايه
بسمله : خلاص هقول ايهدي
فلاش باك
بسمله بكسوف : مالك كنت عايزه اتكلم معاك
مالك : تحت امرك اتفضلي
بسمله بتقطع : هو ٠٠يعني٠٠ قرار جدي و
مالك : بسمله انا مش معترض علي قرار جدي والعصبيه الي انتي عملتيها امبارح والشويتين دول ميمشوش معايا انا بحبك وعارف انك بتحبيني
بسمله كانت سوف تنفخر من الاحراج ووجهها اصبح احمر من الخجل
بسمله : انت بتقول ايه
مالك بضحكه : بقول الي انتي مش عارفه تقوليه خجلك ده بياكد كلامي بسمله انا مش عايزك مغصوبه انتي لو مش عايزاني انا اوعدك اني هقف قصاد جدي بس انا متاكد انك عايزاني وانك بتحبيني
بسمله:
مالك : بسمله موافقه تكوني حبيبتي قبل خطبتي وانشاء الله مراتي
بسمله :
مالك بحزن : خلاص يا بسمله رسلتك وصلت انا هروح اقول لجدي
بسمله : هتلبس كرافته ايه يوم الخطوبه
مالك : ايه
بسمله : موافقه
وركضت الي الاعلي
مالك : مجنونه بس بحبك
نهايه الفلاش باك
بسنت : هههح ده انتي واقعة واقعة يعني يخرب بيت الرومانسيه
بسمله : بس بقي علشان بتكسف
بسنت : بت ايه واستني هنا تعاليلي يعني تبقي بتحبي اخويا وانا معرفش ده انتي ليلتك سوده
وركضت بسنت خلف بسمله لكي تضربها حتي خرجوا خارج الغرفه وذهبت بسمله الي غرفة ريحان وبسنت خلفها
ريحان: في ايه بتجروا وري بعض ليه
بسنت بنهيج : ريحان امسكيها انا مش قادرة
بسمله : ولا انا يخربيتك انا نفسي اتقطع
ريحان : طب ممكن تفهموني في ايه
وقصوا علي ريحان ماحدث لكل من بسنت وبسمله
بسنت : طب بسمله وبتحب مالك انا عمل ايه وروحت اكحلها عمتها
ريحان بتعقل : انتي غلطانه يا بسنت
بسنت : انا
ريحان : اه انتي اتعاملتي غلط مع الموضوع المفروض انك تتكلمي مع ياسين بهدوء خصوصا انه ملوش ذنب هو ذيه ذيك بالظبط وكمان انتي اتكلمتي معاه بنرفزه واستخدمتي صيغه الامر وياسين بيكره الصوت العالي وانتي مشاء الله صوتك كان جايب اخر الشارع انا عرفاكي اولا وثانيا عمره محب اني حد يامره بحاجه انا اصلا استغربت انه منفعلش علي جدي وانتي عملتي اكتر حاجتين بيكرهم فهو عاند معاكي وحب يعقبك علشان عارف انك هتخافي توجهي جدو
بسنت : طب وانا هعمل ايه دلواقتي
ريحان : كل الي اقدر اقولهولك انك
تصلي استخاره وربنا يقدملك الخير
بسنت : يارب
ريحان : وانتي يا ست بسمله
بسنت : لا دي محتاجه تضرب
ريحان : بسمله الحب مش حرام ولا جريمه بس مينفعش انك تتكلمي مع مالك في مكان لوحديكم
بسمله : انا كنت بتكلم معاه في موضوع جدي بس والله
ريحان : يا حبيبتي هو لسه مش خطيبك وحتي لو بقي خطيبك لازم يكون في محرم ماشي
بسمله : حاضر انا هستغفر ربنا
بسنت : وانا كمان
ريحان : وحاجه كمان ياست بسمله ازاي متقوليليش حاجه زي كده ها
بسنت : يلا يا ريحان هجوم عليها
وانقضي كل من ريحان وبسنت علي بسمله وهم يضحكون وغير شاعرين بالغرفه التي بجوارهم التي تملقها الحزن والدموع والمعاصي
في غرفه علياء
علياء : الو امير الحقني
امير : الو في ايه يا حبيبتي مالك
استوووب نتعرف علي امير ( امير عثمان السيوفي ابن راجل الاعمال الكبير عثمان السيوفي شاب ذو ٢٨ سنه
وستعرفون جزء من شخصيته الان)
علياء : جدي عايز يجوزني لمهندس عنده عنده في الشركه وبابا موافق
امير : يعني ايه الكلام ده وانتي موافقه
علياء : وانا لو موافقه هكلمك ليه
امير : طب وانتي عايزه ايه دلواقتي
علياء : عايزاك تيجي تطلب ايدي من جدي
امير : علياء مش هينفع
علياء : ليه يعني انت مش قوليل وجدي اكيد هيوافق عليك وخصوصا انك ابن راجل اعمال كبير
امير : بصي يا علياء من الاخر انا مش هتجوز وحده كلمتها او قابلتها انا عايز مراتي تكون مكلمتش حد قبل كده واكون اول راجل في حياتها مش مقضياها
علياءبصدمه :انت بتقول ايه انا ٠٠انامش مصدقه انت ازاي كده انت ليه عملت كده
امير : تسلية كنت بتسلي بيكي انتي حلوه وعجبتيني وكمان كنتي سهله
علياء بدموع : انا مش هقولك غير كلمه واحده انا حبيتك بس انت خساره فيك الحب ده انت كسرت قلبي وبكره هتلقي برضو حد كسر قلبك
واغلقت الخط وانهمرت دموعها مثل الشلال وهي تلعن نفسها لحماقتها وتصديقها لهذا المجادع الذي خدعها واوهمها بحبه وفي النهايه يخبرها انه لن يتزوج بواحده كلمته وخرجت معه لما فعل هذا للتسلية حقا اللعب بالقلوب
اصبح مسلي بالنسبه لهم حقا يا معشر
الذكور اصبحت عاداتكم ان تكسرو القلوب وتلعبون بالنساء وتقولون في
النهايه نحن لم نفعل شئ انتن اللاتي يسهل خداعكن نعم نحن حقا حمقاوات لاننا نظن انكم رجال ولكنكم في الحقيقه ذكور ولستم رجال لا يحق لكم ان تكونوا رجال صدقت المقوله التي تقول ليس كل الذكور رجال
وانتن يا معشر النساء لما تفعلن هذا لما
تبيعن انفسكن وقلوبكن انظرن نعم انفسكن لا تستغربوا وتقولوا اني ابالغ هي فقط تحدثت معه لم تسلمه نفسها حرفيا لا انا لا ابالغ لانه اذا طلب منها هذا لن تتردد ابدا لاننا هكذا دائما نجعل قلوبنا هي من تقودنا ونجعل الحب يعمينا عن الحقيقه ونصل الي هذه النهايه هنهايه كل علاقه ليست في الحلال علاقه يصورها الشيطان لكن جميله ولكنها علاقه حرمها الله ويمكن
ونكون بعدها مكسورون القلب جسد بدون روح لماذا لا نسمع كلام الله عز وجل الله جعل المرأة مثل الياقوت صعب جدا ان تصل اليه الله منك من اشياء كثيره لكي تكوني ياقوته لا يحصل عليكي الا الرجال فرفقا بالقلوب لا تفعلن هذا في انفسكن التزموا بكلام الله رفقا بقلوبكم
نرجع عند ريحان
ريحان : خلاص يا بنات مش قادرة
بسنت : وانا كمان فصلت
بسمله : يخربتكم بهدلتوني
بسنت : بسمله يلا نروح نشوف هنعمل ايه علشان الخطوبه
بسمله : ايه ده يعني رضيتي
بسنت : اصبح امر واقع ولازم اعيشه مش هنكد علي نفسي وكمان دي خطوبه وانا قررت اني هصلي استخاره ولو استريحت يبقي خلاص ولو العكس هواجه جدي
بسمله : ربنا معاكي
ريحان : ربنا يقدملك الخير
بسنت : يارب
بسمله : بقولكم ايه ماتيجو نروح نعمل شوبينج ونشتري حاجات الخطوبه وريحان تشتري حاجات الفرح
بسنت : اشطا فكره جامد
ريحان : طب روحوا انتوا غيرو وانا هتصل علي نور تيجي معانا
بسمله : ماشي يلا
بسنت : ماشي
وخرج كل من بسنت وبسمله
وفي نفس اللحظه رن هاتف ريحان
ريحان : السلام عليكم مين معايا ٠٠٠٠
ريحان بصدمه : مين
رايكم من فضلكم ومتابعه ولايكات
تكملة الرواية من هنا 👇👇👇👇👇👇
تعليقات
إرسال تعليق