القطه التي روضت الفهد
الفصل الثانى والتالت والرابع والخامس
بقلم نرمين هاني
كامله على مدونة النجم المتوهج للروايات
مازن بغضب وزعيق شديد قائلا :
- انتى بتستهبلى يا آنسه اى الهزار البايخ ده يلا قولى انا كنت بقول اى احنا مش جايين نلعب هنا ؟؟
شمس بصدمه انه زعقلها بالشكل دا والكل كان بيبص عليها فضايقت اكتر وخدت كتبها ومشيت من غيرولا كلمه.........
مازن وهو ينظر له باستغراب وغضب قائلا :
انتى يابنتى انا مش بكلمك ؟!!
شمس وهى على الباب نظرت له نظرة غضب و ببرود وقالت :
- بطرد نفسى قبل ما انطرد ومشيت بسرعه
مازن باستغراب لنفسه : ايه البت دى !!!
شمس بغيظ وغضب وهى تمشى ف الطرقه : انا يزعقلى كدا اما وريتك مبقاش انا شمس
وبدعاء وهى ترفع يدها لأعلى :
- اللهى وانت واقف كدا تروح متشنكل واقع وكلهم يضحكوا عليك تيجى تقوم تقع تانى وتقضيها قاعد على الأرض جتك القرف ف شكلك😂😒
- في المدرج -
شهد باستغراب لنفسها : اى اللى عملتو دا غريبه مخدتش حقها يعنى من امتى الهدوء دا ؟!
مازن بصوت عالى : ببببس بس اسكتو يلا ركزو معايا وفجأة اتكعبل وقع و برستيجو بقى فى الارض
الكل بضحك : هههههههههههههههههههههههههههههههههه
شهد بضحك شديد : هههههههههههه بركاتك ياحاجه😂
مازن بغضب : بس اى اول مره تشوفوا حد وقع مش عايز اسمع صوت حد فيكم مفهوم
الكل سكت وقال : مفهوم
مازن : تمام يلا نكمل...... ( ونسيبهم بقا ربنا معاهم )
-------------------------------------------------------------
ف منزل فهد
رجاء قائلة بصوت عالى : ندى
ندى وهى تتجه نحوها بسرعه : ايوا ياماما
ثم بتوتر قائله : اقصد يارجاء هانم
رجاء بحزم : هتروحو للدكتور عشان الخلفه ولا لا
ندى نظرت لها بضيق وحزن قائلة :
ان شاء الله مع ان دى حاجه بتاع ربنا يعنى الخلفة دى رزق واحنا مش بقالنا كتير متجوزين يعنى -
رجاء باستهزاء : مش بقالكوا كتير هههههههه مين فهمك كدا دا قرايبنا كلهم من اول شهر كانو حوامل وتقولى مش كتير انتو هتروحو للدكتور عشان لو العيب فيكى ياحبيبتى اشوفله واحده تانيه اه انا عايزه اشوف لى حفيد
ندى بغضب : اى اشوفله واحده تانيه دى هو انا لعبه فى ايديكى وعموما احنا هنروح عشان نطمن مش اكتر وبعدين نبقى نشوف عن أذنك
رجاء باستهزاء : إذنك معاكى يا اختى انا عارفه كان اتجوزك على اى الأهبل دا ، دا انتى لا مال ولا جمال جتو نيله في ذوقه الهباب ثم قالت بخبث....يلا بكره اجوزوا الاحسن منك
ندى بخوف ودعاء لنفسها وهي ترفع يدها لأعلى :
يارب اقف معايا وارزقنى بطفل يارب ....يارب ميكونش فيا حاجه ياارب
وذهبت تصلي وتدعي ربها حتى يرزقها بما تتمنى هى وزوجها
--------------------------------------------------
- في المطار -
فهد بغمزه وهو يتوجه نحو رشا قائلا : حبيبى
رشا بضحك ( المضيفة ) : ازيك ياكابتن
فهد بضحك وغمزه : زى الفل اهو وانتى
رشا بتساؤل : حلوة اهو اى هتسافر برضو ؟!
فهد بضحك : طبعا دا اساسى ماانتى عارفه
رشا بضحك : هههههه عارفه طبعا طيب فى حد هيطلع معاك
فهد بغمزه : لو عايزة تيجى معنديش مانع
رشا : ههههههه ياريت وبحزن...... بس مش هينفع للأسف
فهد بحزن مصطنع : ياخساره يالا بقا تتعوض مره تانيه
رشا : قشطه بس انت هتسافر دلوقتى ولا بالليل
فهد وهو يتجه لطيارته قائلا بمرح :
حالا سلام يا قطه
رشا بضحك وهى تنظر له بانبهار : سلام
ولنفسها : هو ف حد بالجمال دا ولا روقان البال دى نفسى اعرف هيتجوز واحده شكلها ايه اكيد هتبقى ملكة جمال مش احنا اللى ف الآخر هنتجوز واحد هيبقى همه على بطنه وخلاص😂😒
و بتنهيده قالت : يلا حظوظ
واتجه فهد لطيارته وركبها وطلع بيها
----------------------------------------------------------
ف الكليه
ف الكافتيريا
آسر : شموسه ازيك
-------------------
آسر : شاب مستهتر وبتاع بنات بيعيد السنة على اتنين و تلاته مش عشان مبيذاكرش
لا خالص عشان يعرف يظبط البنات و يصاحبهم من الجامعه
---------------------
شمس بغيظ وغضب : اى شموسه دى اسمى آنسه شمس
آسر بابتسامه : خلاص ياستى ولا تزعلى
شمس وهى تستند بمرفقيها على الطاولة قائلة بملل :
- مش زعلانة و يلا قوم من هنا من ناقصه غتاته
شهد وهي تتجه نحوها بمرح : ههههههه سالخير يامعلم
شمس بغيظ : والله اى الرواقه دى يااختى
شهد وهي تجلس على الكرسى المجاور لها قائله بضحك :
- هههههههههه اصلك متعرفيش اللى حصل بعد ما مشيتى
شمس بلهفة : اوعى تقولى وقع ومعرفش يقوم والدعوة استجابت صح
شهد بضحك : ههههههههههه دا برستيجو بقى فى الارض بس قام تاني شكلك مدعتش بضمير
شمس بضحك : هههههههه يستاهل والله
آسر وهو ينقل انظاره بينهم بعدم فهم : هو مين دا ؟!
شهد بعد أن لاحظت وجوده فنظرت له بضيق : انت بتعمل ايه هنا اصلا
آسر وهو ينظر لها ببرود : قاعد
شهد باستهزاء وتريقه : لا ياشيخ قاعد بجد ، تصدق وانا اللى كنت فاكراك واقف لا بجد ابهرتني بالمعلومه دى
آسر ببرود : طيب كويس
شمس بغيظ : يخربيت الرزاله بقولك اى تعرف تمشى من هنا ولا لا
ثم قالت بتساؤل وغيظ : انت ايه اللى مقعدك معانا اصلا 😏
آسر باستفزاز : والله براحتى انا قاعد ف الكافتيريا مش فوق دماغكم
شهد لنفسها : يخربيت تقل دمك و لشمس .... يلا نمشي قبل ما ارتكب جناية
شمس بضحك : يلا ياوحش
وذهبوا نحو باب الجامعه للخروج منها
آسر لنفسه وهو ينظر لشهد باستغراب : انا عارف اى التناكة دى بس موزه والله
ثم قال وهو يوقف : يلا أما نروح نظبط نفسنا شويه
--------------------------------------------------------
بعد فترة من الزمن
- ف الطياره -
فهد بخضه وخوف بعد أن اكتشف عطل في الطائرة :
- يانهار اسود الله يخربيتكو هموت اكيد حد بصلى في السفريه دى
وبتفكير وسرعة : مقدميش غير كدا وقام بسرعه لبس البارشوت وفتح الباب الخلفي الخاص بالطائرة
وغمض عينيه بخوف : اشهد ان لا اله الا الله وقفز من الطائرة
فهد ف الجو بخوف وفزع : يالهوى يالهوى يالهوى هنزل ميت هنزل ميت
ولكنه نزل سليم الحمد لله ولكن ف البحر....................
فهد وهو ياخذ نفسه بصعوبة ويعوم على وش المياه : الحمد لله ثم نظر أمامه فرأى الطائرة وهى تقع من بعيد
فهد لنفسه بتفكير : انا لازم اعوم لحد ما اوصلها عشان يعرفو يوصلولى
ولكن جاءت موجة عالية جدا وقذفته بعيد جدا
فهد بفزع : حاااااسب حاااااسب عاااااااااااااااا
وغمض عيونه بشده وعندما فتحها رأى نفسه على الشاطئ
فهد وهى يحاول تنظيم انفاسه وينظر حوله ليعرف أين هو ولكن لم يشاهد أحد
فهد باستغراب وهو ينظر حوله ليرى مكان تغطيه الأشجار من كل جانب والرمال فكان مكان شديد الجمال
فهد باستغراب : أي المكان دا اممممم دى شكلها جزيرة
ثم وقف وظبط ملابسه وقال :
- انا لازم اشوف حد اعرف منو انا فين او اشوف عربيه توصلنى
ثم بدأ يسير فتره ليست بقليله ولا يرى أى شخص حوله حتى رأى من بعيد بنت جالسة على شاطئ البحر
فتوجه نحوها ولنفسه بفرح : اخيرا لقيت حد دنا رجلى ورمت
------------------------------------------
ف منزل شهد
شهد وهي تجلس على موقع التواصل الاجتماعى الفيس بوك وفتحت الرسائل وجدت رساله من شاب وكان
مضمون الرسالة هو : هاى شهد ازيك
شهد بحيرة ولنفسها : مين دا اللى بعتلى ، طيب ارد ولا اى انا هرد اشوف مين واقفل على طول
شهد تكتب ف الشات : ايوة مين حضرتك ؟!
لم تمر عدة ثوانى وجاءها الرد
الشخص : انا حازم وعجبنى بروفايلك اوى وعرفت منو ان اسمك شهد واتمنى نبقى اصدقاء اى رأيك
شهد : ...........................
----------------------------------------------------------------------
في جزيرة تحيط بها المياه من كل جانب والزهور والزرع الأخضر فكان منظر ترتاح له الأعين كانت تجلس فتاة على شاطئ المياه بهدوء...............
شخص من خلفها بصوت مرتفع نوعا ما :
- احم
الفتاة بخضه وهى تقف و تنظر له باستغراب :
- اي دا انت مين ؟!
الشخص وهو ينظر لها بدقة وابتسامة خبث ظهرت على شفتيه : انتى اللى مين ؟؟
الفتاة بجديه : انت هنا ف ارضى انت مين ؟!!
الشخص بإبتسامه وهو يمد لها يده ليسلم عليها : انا فهد وانتى ؟
الفتاه وهى تتجاهل يده الممدوده نحوها وبلا مبالاة قالت : انا قطه
فهد باحراج لتجاهلها يده الممدودة للسلام و باستغراب وتساؤل : قطه اسمك قطه ؟!
قطه ببرود : ايوا قطه
فهد بضحك شديد :
- هههههههههههه يالهوى على المسخرة ههههههههه وانا اما اجى اندهلك اقولك تعالى ياقطه ههههههههههههههههه😂😂
قطه بغضب :
- انت مالك باسمي يااستاذ انت ، وانت مالك قطه بطه فرخه انا حره وبعدين انت هنا ازاى اصلا ؟!😏
فهد باستغراب : يعنى اى ازاى ؟!
قطه باستهزاء وسخرية : يعنى جيت منين
فهد باستهزاء : طلعت من البحر ، ممكن اعرف بقى انا فين و هلاقى مواصلات فين هنا عشان ارجع بلدى
قطه بضحك : هههههههههههههه هههههههههههه مواصلات هههههههههههه😅
فهد بغضب : انا قلت نكته ولا حاجه
قطه : اصل حضرتك ف جزيره مهجوره مفيش اى وسائل مواصلات تروح منها
فهد بصدمه شديده : نعم ياختى ؟!
* البس *
يقولها شخص من خلفه
يبص فهد يلاقى : .............................................
--------------------------------------------------------------
الفصل الثالث
يبص فهد يلاقى بنت جايه عليه وهي بتضحك بسعاده
البنت بابتسامه : ههههههههه منور والله
فهد وهو ينظر لها باستغراب : انتى مين انتى كمان
البنت بثقه : انا جميله مش باين عليا ولا اى
فهد باستهزاء وضحك : هههههههههههه هو انتى باينه من الارض اصلا عشان يبان فيكى حاجه
جميله وهى تنظر له بغضب : هضربك والله
فهد وهو يحاول ان يمسك يدها : تضربى مين طيب تعالى بقا
جميله بخضه وهي ترجع للخلف خطوة : اى دا انت عايز تمسك ايدى انت اتجننت ؟!!
فهد بصدمه شديده : نعم يااختى
جميله بمرح : انت مش عارف انو حرام وبعدين احنا صعايده يجتلونى طوالى😒😊
فهد بضحك حتى دمعت عيناه : ههههههههههههههههه انتى عندك كام سنه يابت انتى😂😉
جميله بغيظ : بس متقلش بت انا عندى عشر سنين
فهد باستهزاء : بحالهم يعنى انا لو كنت اتجوزت كنت خلفت قدك
جميله بتفكير مضحك : اه يعنى انت جاى هنا عشان عايز تتجوز
قطه بزهق : بس بقى ايه الرغى دا
فهد : فى حاجه ياق وبتركيز واستهزاء......اقصد يا انسه قطه ما انا جيت امسك ايد الصغيره قالت كدا ما بالك بقى لو قلت قطه بس مش بعيد تقيموا عليا الحد دلوقتى منا وقعت وسط مجانين
جميله بضحك : هههههههههههه مين قالك قطه دى هى مسمهاش قطه
فهد باستغراب وهو ينظر لقطه بتركيز :
- اومال اسمها اى ؟!
جميله : اسمها م
تقاطعها قطه بغضب : جميله يالا عشان نصلي وننام ثم نظرت اتجاه فهد وقالت.......وانت يااستاذ لو عايز تصلى تعالى عشان اوريك تتوضى منين
فهد بسرحان وهو ينظر لعيونها ولم يسمع أي كلمة مما قالوه
جميلة بصوت عالى : انت ياعم مبتردش ليه صحيح انت اسمك ايه ؟!!
فهد بعد أن فاق من سرحانه : اسمى فهد
جميله بفرحة طفولية : طيب ايه رأيك بقى لو تصلى بينا احنا بس اللى هنا لوحدنا ومفيش حد هنا خالص غيرنا
فهد بتوتر : اصلى
قطه لنفسها : هو مسيحى ولا اى مالو اتوتر كدا ليه
ثم نظرت لجميله بابتسامه وقالت : يلا ياجميله احنا وسيبى الأستاذ براحته عن أذنك
جميله بطفولة : طيب هصلى واشوفك بكره بقا عشان عايزه انام يلا تصبح على خير
فهد : وانتي من اهله
وذهبوا لكي يؤدوا فرضهم وهو أخذ ينظر لهم بسرحان وأخذ يتذكر أنه لم يصلى من وقت ما كان صغير وغرق في ذكرياته المؤلمة ثم فاق من سرحانه وبتفكير وهو ينظر حوله......اى اللى وقعت فيه دا واى حكاية البنات دول و بسرحان وهو يتذكر عيون قطه......غريبه اووى عنيها فيها راحة وأمان مشوفتهاش فى بنت قبلها غير كدا حاسس انى اعرفها قبل كده ثم فاق من سرحانه وقال لنفسه بتنهيده : يا ترى انتى ايه حكايتك وانا هطلع من هنا ازاى ؟!!🤔😊
-------------------------------------------------
فى منزل شهد
شهد تجلس وتتحدث مع حازم على موقع الفيس بوك
الشخص : انا حازم وعجبنى بروفايلك اوى وعرفت منو ان اسمك شهد واتمنى نبقى اصدقاء اى رأيك😉
شهد وهي تكتب : اصدقاء هو حضرتك متعرفنيش ؟!
حازم وهو يبتسم بخبث ويكتب : لا عارفك بس من البوستات اللى بتكتبيها وعجبانى اوى طريقة تفكيرك نفس طريقة تفكيري بالضبط فعشان كدا عايز نكون اصحاب واخوات بس مش اكتر من كدا 😊
شهد بتفكير وحيرة ومردتش عليه
حازم يكتب : ها اى رأيك دى معرفة الناس كنز حتى
شهد ضحكت : هههههههههه
ثم كتبت : ماشى
حازم : تمام يالا بقى عرفينى على نفسك
وقعدوا يتكلمو طول الليل وشهد عجبها اوى طريقه كلامه وتفكيره ونامت وهى بتكلمه
----------------------------------------------
ف الفيلا
في غرفة يوسف وندى
ندى وهى تجلس على الفراش وتنظر ليوسف بضيق :
- يوسف ماما عايزانا نروح لدكتور عشان الحمل
يوسف وهو يجلس على الفراش بتعب : تمام
ندى بغضب : هو ايه اللى تمام
يوسف : يعني مفيهاش حاجه لما نروح عشان نطمن
ندى بتعجب : انت كمان بتقول كدا ؟!
يوسف باستغراب : ف اى ياحبيبتى اى المشكله
ندى بهدوء : مفيش ...ثم جلست جواره وقالت بخوف....طيب لو طلع عندى عيب بعد الشر يعنى هتعمل ايه
يوسف بابتسامه : بعد الشر ياقلبي وبعدين اما يجى وقتها نبقى نتكلم يلا عشان انا هموت وانام مش قادر خالص والله افتح عينى يلا تصبحى على خير ياقمر وتمدد على الفراش وغطي في سبات عميق
ندى وهى تنظر له بقلق ولنفسها : ياترى لو كان فيا حاجه هتسيبنى ولا هتعمل ايه يايوسف ربنا يستر
ونامت وهى قلقانه وبتفكر وتدعي ربها أن يرزقها ما تتمنى
-----------------------------------------------------------
في اليوم التالي
شمس وهي تمسك هاتفها وتضغط عدة أرقام ثم تضعه على أذنها ولكن لم يأتيها الرد
شمس بغيظ : مبتردش ليه الزفته دى 😏
شهد وهى نائمه على الفراش والشمس تلعب بين جفونها ل تفتح عيونها وهي تزفر بضيق وحنق من الاتصال المستمر على هاتفها ثم أخذت الهاتف من جوارها ولم تنظر فيه وقالت.........
شمس بصوت نائم : مين
شمس بغضب وضيق :
- مين ايه انتى لسه نايمه ؟!
شهد وهى تبعد الهاتف من على اذنها و تنظر للساعه ثم قالت بخضه وهى تنهض من الفراش :
لالالا دا انا فى الطريق اهو خلاص جيت اصلا
شمس بتوعد وهي تتجه نحو باب الكليه : والله ؟!! طيب عارفه هما خمس دقايق انا دلوقت على الباب اهو وداخله الكليه تبقى تتأخرى بقا وهتشوفى هعمل فيكى ايه
شهد وهي تتوجه للحمام لكي تتوضأ وتؤدى فرضها : قشطه سلام
شمس : سلام
شمس وهى تدخل الكلية و تنظر لرجل الأمن بابتسامة قائلة :
السلام عليكم ازيك ياعم محمود -
محمود ( رجل الأمن ) وهو ينظر لها بابتسامة :
- الحمد لله يابنتى فين الكارنيه
شمس وهى تنظر ف شنطتها بدقه ولكن....
شمس بمرح : شكلي نسيته
محمود ينظر لها ببرود ويقول : وبعدين
شمس بمرح وابتسامه شقيه مرسومة على شفتيها : ولا قبلين هدخل بقى
محمود برفعة حاجب : لا مفيش دخول
شمس وهى تنظر له بغيظ : بدأنا بقى و باستهزاء وتريقه... وليه مفيش دخول
محمود : الكارنيه الاول وبعدين ابقى ادخلى اش عرفني انك من الكليه دى
شمس لنفسها بضيق.....يخربيت الزهايمر و لمحمود : اوووف يعني انا نفسى افهم في حد عاقل هيصحى بدرى كدا ويجى الكلية المعفنه دى وهو مش طالب فيها يعنى انا عايزة افهم بس بالعقل كدا فيه
محمود : اه فيه وماله
شمس بغيظ : هو ايه اللى ومالو بس وبتركيز .... و اشمعنى بقى بتقفوا الصبح بس وآخر النهار لا جاوب بقى
محمود : ملكيش فيه المهم الكارنيه
مازن من خلفها : ازيك ياعم محمود
محمود بابتسامه وهو ينظر له : اهلا ازيك يادكتور اخبارك ايه ؟
مازن : الحمد لله ياراجل ياطيب ثم قال وهو ينظر لشمس.........انا شفتك قبل كدا
شمس بضحك : لا انا مشوفتكش ولنفسها بضحك .... انا دعيت عليك بس
مازن يقول بسرحان : انتى البنت بتاع امبارح صح ؟!!
شمس وهى تنظر له بجدية : اولا اسمى آنسه شمس مش بت ثانيا ايوا انا اللى كنت مع حضرتك في المحاضرة امبارح
ثم بمرح بعد ما خطرت على بالها فكره وببتسامه شقيه قالت وهي تمشي أمامه : اهلا وسهلا اتفضل والله مكانك ومطرحك والله لا انت داخل يلا تعالى
ومشيت وهو دخل وراها
محمود بغيظ وهو ينظر لها : ماشى ياشمس
شمس لنفسها بضحك : ههههههههههه كويس والله جيت بمصلحه
مازن وهو ينظر لها بتأمل : قولتيلى اسمك شمس مش كدا ؟!!
شمس بخضه بعد أن لاحظت وجوده ثم قالت وهى تنظر له بغضب : انت مالك الله اى الناس دى هو عشان دكتور بقى هترغى معايا وسبته ومشيت
مازن باستغراب مضحك وهو ينظر لطيفها : البت دى مجنونة ولا اى ؟!
---------------------------------------------------------------
ف الجزيره
جميله وهى تمسك عصا وتحركها على وجه فهد وهو نائم
فهد بضيق وهو مغمض عينيه : اوووف اى اللى على وشى دا ؟!!
جميله وهي تكتم ضحكتها : ههههههههههه يلا قوم بقى
فهد وهو يجلس وينظر لها باستغراب : ايه دا انتى مين ؟!🤔
جميلة بغضب وزعيق : نعم نستنى
فهد وقد تذكر كل ما حدث أمس فقال بخضه : ياستى لا خلاص افتكرت خلاص
جميله بضحك : ايوا كدا
فهد وهو ينظر حوله وبصوت واطي : اومال هى فين😉🤔
جميله باستغراب : هى مين
فهد بصوت واطي : اللى كانت معاكي
جميله بوشوشة : جوه بس انت بتسأل ليه
فهد : عادي
جميله بوشوشة : طيب بتكلم بصوت واطي ليه مفيش حد هنا غيرنا😃
فهد بغيظ : تعرفي تمشى من هنا او تعالى يا زئرده انتي ورينى مكان اغسل فيه وشى
جميله باستفزاز : زئرده طيب مش همشى الا لما تقولى لو سمحتى يا انسه جميله
فهد بصدمة وغضب : لا مش انا ياماما ان شالله عنى مغسلت قال لو سمحتى قال
جميله ببرود : براحتك
فهد بضيق وهو يبعد الذباب عن وجهه :
- اى القرف دا ؟!!
جميله وهي تحاول كتم ضحكتها : في حاجه
فهد وهو عايز يضربها وبغيظ : مفيش
عند قطه
تنهض قطه من مكانها وهي تقول بهدوء وابتسامه : اللهم ارزقنا خير هذا اليوم وخير مافيه وأعوذ بك من شره وشر مافيه ثم قامت وصلت وجلست تختم الصلاة وتدعى وتبوح ما فى قلبها إلى خالقها حتى انتهت ثم.....
قطه لنفسها : اومال فين جميلة ثم بخضه : يانهار ابيض دا فيه واحد جه هنا امبارح ليكون عمل فيها
حاجه وطلعت تجرى على بره
جميله بضحك : ههههههههه مكان من الأول
فهد وهو يغسل وجهه بغيظ : تعرفى تخرسى بقى
جميله : اخرس اه ماانت خلاص اللى عايزه خدتو
فهد بتساؤل : بقولك اى مقولتليش اللى كانت معاكى اسمها اى وازاى انتو هنا اصلا ؟!!
جميله بغمزه : تدفع كام وانا اقولك
فهد باستغراب : انتى متأكده ان عندك عشر سنين ؟!!
جميله بضحك : هههههههههه هما اللى بيقولو بس انا عايشة بقالى كتير
جميلة.......جميله
تقولها قطه بصوت عالى من خلفها
جميله وهى تشاور لها : ايوا انا هنا اهو
قطه بغضب وهى تتوجه نحوها :
- مقولتليش ليه انا افتكرت حصلك حاجه ؟!
فهد بغيظ : هيحصلها ايه يعنى
قطه ببرود : انا موجهتش لحضرتك كلام
فهد بغيظ وتساؤل : ما هى واقفة معايا ولا انا مش مالى عينك
قطه : على فكره احنا لسه شايفين حضرتك امبارح ومنعرفش عنك اى حاجه ممكن اعرف بقى انت مين وجيت هنا ازاى ؟!
جميله وهى تنظر له بتركيز : اه جيت ازاى عايزين نعرف ؟
فهد بهدوء : قص عليهم كل شئ
جميله بفرحه : الله يعنى انت طيار خلاص روح هات الطيارة بتاعتك عشان تروحنا بيتنا بقى
قطه بتحذير : بس
فهد بغضب : هو ايه اللى بس انا عايز اعرف انتو مين و بتعملوا ايه هنا واى اللى جابكم هنا اصلا ؟ّ!
قطة : ...........................
-------------------------------------------------
ف عيادة دكتور النسا - -
يوسف بهدوء : اهدى ياحبيبتى ان شاء الله خير
ندى بقلق : يارب
ثم سمعوا نداء باسمها
يوسف وهو يوقف : يلا
ندى بتوتر : لا خليك انا هدخل ولما اكتشف هنديلك
يوسف وهو يجلس مرة أخرى : ماشى براحتك ربنا معاكى
ندى بخوف : يارب
وطرقت الباب ودخلت
ندى بتوتر : السلام عليكم
الدكتوره وهي تقف بابتسامه : وعليكم السلام مالك متوترة كدا ليه متقلقيش ان شاء الله ابشرك
ندى بابتسامه : يارب
الدكتور : طيب يلا عشان اكشف عليكى
ندى : ماشى
وبعد الكشف
يوسف بقلق : ها يادكتوره طمنينا
الدكتوره وهى تنظر لندى بتردد : .........................
-------------------------------------------------------------
ف الكليه
شهد وهي تدخل المدرج : ازيك يا اسطى
شمس بغضب واستهزاء : والله ما لسه بدرى
شهد بضحك : هههههههه والله وانا اللى فاكره انى اتأخرت😂
شمس وهى تنظر لها بغضب :
- والله ليكى نفس تهزرى انا عايزه افهم ايه اللى صحاكى متأخر يابت انتى , انتى مش عارفه ان فى محاضرة بدرى هه واهى فاتتك ياحلوه
شهد بضيق : معلش بقا راحت عليا نومه
شمس باستغراب : و انتى ايه اللى سهرك ؟!
شهد بتردد : ..............................
-----------------------------------------------------------
الفصل الرابع
جميله بفرحه : الله يعنى انت طيار خلاص روح هات الطيارة عشان تروحنا بيتنا بقى
قطه بتحذير : بس
فهد بغضب : هو ايه اللى بس انا عايز اعرف انتو مين و بتعملوا ايه هنا واى اللى جابكم هنا اصلا ؟!
قطه ببرود : وانت مالك
فهد باستغراب لردها فقد توقع أن تحكى له : نعم ؟!
قطه : هو ايه اللى نعم انت تتدخل فى حياتى بتاع اى ان شاء الله وانت مالك اصلا
فهد بغضب وغيظ شديد : طيب ماانتى عرفتى ايه اللى جابنى هنا كان مالك بقا؟!
قطه باستفزاز : والله انا سألت كان ممكن متجوبش وكنت هحترم دا زى ما حضرتك محترم قرارى كدا بالظبط
وسبته ومشيت ببرود
فهد ينظر لها بغضب وغيظ : مش معقول فى كده
ثم قال لنفسه باستغراب : ازاى بنت تكلمنى بالشكل دا دنا البنات تتمنى انى ابصلهم بس؟!!
جميله بمرح : ههههههههههههه شكلك ييييع
فهد وهو ينظر لها بغضب : حتى انتى يا زئرده يلا يابت من هنا
جميله بمرح وضحك : مقدرش على القطه هيتشطر على الفار هههههههههههه قال فهد قال
ثم قالت وهي تخرج لسانها له بضحك :
- دا انت محصلتش فرخه هههههههههههه😂👅
فهد وهو يجرى وراها : طيب تعالى بقا انا هوريكى
جميله وهى تجرى بمرح : هههههههههههههههه خلاص خلاص ههههههههههههه
فهد وهو يمسكها من ملابسها بغيظ : بتقولى اى بقا مين دا اللى فرخه؟
جميله باستعباط وضحك : ههههههه لا احنا معندناش فراخ لسه مجبناش بضاعة أول ما نجيب هنحجزلك على طول بس قولى الاسم والنبى
فهد باندهاش : لا انا كدا هتجنن لا بجد هتجننونى انا مشوفتش كده دا ولا ريا وسكينه اى دا
جميله بعدم فهم وبراءة : هههههههههه مين ريا وسكينه دول اخواتك؟!!
فهد : اشمعنى دول اللى متعرفهمش؟
جميله وهى تهز كتيفيها : وانا اعرفهم منين يعنى
ثم قالت بتحذير : وبعدين مينفعش تجيب سيرة حد مش موجود
فهد وهو يضع يده على دماغه : اااااه يا انا يا دماغي اااه ، انا عارف اى الحظ المنيل اللى وقعت فيه دا😂😒
جميله بضحك : انت جاى تندب حظك هنا ياعم انت
فهد بغضب : بببببس بقا صدعتينى يلا هش من هنا
جميله وهى تجرى : ههههههههههههه انا مش فرخة زيك عشان تقولى هش
فهد وهو ينظر لها بغيظ : اه يابنت ال
ولنفسه بضيق : بقى انا على اخر الزمن اتمرمط كدا
ثم قال وهو ينظر حوله : انا لازم اخرج من هنا انا مش هقدر اتحمل اقعد اكتر من كدا ف المكان دا ؟
-----------------------------------------------------
ف عيادة دكتور النسا - -
وبعد الكشف
يوسف بقلق : ها يادكتوره طمنينا
الدكتوره وهى تنظر لندى بتردد : للأسف مدام ندى عندها شوية مشاكل بس ان شاء الله مع العلاج هتبقى تمام
يوسف بصدمه : ايييه ؟!!!
ندى تنظر له بدموع صامته
يوسف بعد أن رأى دموعها يقف ويقول : تمام يا دكتورة ان شاء الله نتابع معاكى يالا ياحبيبتى
الدكتوره : مع السلامه
وفى السيارة يعم الصمت فيها
يوسف ينظر لها بطرف عينيه ويراها تبكى بصمت فيقف على جنب و................
يوسف وهو ينظر لها بابتسامة :
- ندى
ندى تنظر له بصمت ولا تتحدث😔
يوسف وهو يمسك يدها : حبيبتى انا معاكى ومش هسيبك انتى عارفه انا بحبك ازاى وان شاء الله نخلف والدكتوره قالت ان فى امل مش كدا ولا ايه؟
ندى بدموع وتقول لنفسها : ياريت كان فى أمل انت متعرفش حاجه وانا مش هقدر اقولك
يوسف وهو يمسح دموعها وببتسامه : مش عايزين عياط فاهمه ولا لا مع انك زى القمر وانتى معيطه بس دا مش معناه انك تعيطى يعنى وبعدين عايزك تفهمي انى عمرى ما هسيبك ياقمرى
ندى وهى تنظر له ببتسامه خجوله : ماشى☺️
يوسف بضحك : هههههههه للدرجه دى بتتكسفى منى اشحال لو مكناش متجوزين من فتره
وبغمزه : وبعدين ما تقعديش تبصيلي بعيونك الحلوه دى عشان مراتي بتغير عليا يااختى
ندى بضحك وهي تضربه فى كتفه برفق وقالت :
- حقها تغير طبعا عشان مرض الغيره دا عشق ولوبطلت تغير يبقى حبها راح ربنا يخليك ليا ياجو
يوسف وهو يمسك يدها ويقبلها : ويخليكى ليا ياروح قلبى يالا بينا بقا
ثم ساق السياره بقلق يحاول اخفاءه من والدته بعدما تعلم ما حدث ولنفسه : ربنا يستر
ندى لنفسها بحزن : يارب قوينى اعدي المرحله دى يارب ارزقنى باللى بتمناه
--------------------------------------------------------
ف الكليه
شهد بضيق : معلش بقا راحت عليا نومه
شمس باستغراب : وانتى ايه اللى سهرك؟
شهد بتردد : عادى مكنتش عارفه انام
شمس باستهزاء : لا ياراجل اممم بقى مكنتيش عايزة تنامى فتقومى تسهري وتصحى الظهر هه وانتى عارفه ان كان فيه محاضره مهمه مش كدا انتى بتكدبى صح ؟
شهد بتوتر : انتى هبله يابت ولا ايه اكيد مبكدبش
شمس وهي تهز كتفيها بملل : طيب براحتك
شهد : اممممم قوليلى بقا خدتو ايه
شمس بضحك : هههههههههههههههه بصى هو الدكتور مكنش قادر يتكلم اصلا انا مش عارفه بيقدرو يجو الكلية ازاى وهما كدا دا اللى زيهم المفروض يكتبو وصيتهم دلوقت😂
شهد بضحك : ههههههههههههههههههه وطبعا قضيتها تريقه عليه طول المحاضره
شمس ببرائه : لا خالص يعنى بقى انا اعمل كدا مطلقا يابنتى دا انا حتى كيوت
مي من خلفها برخامه : ههههههههههه كيوت شحن
---------------------------------
" مي "
بنت عسوله جدا وقلبوظه تبقى بنت خاله شهد وجارتها وصاحبتهم التالته وهى ذات عيون
خضراء و ملامح طفولية جميلة
-------------------------------
شهد بخضة : و دول بيطلعوا امتى
مي بصت ف الساعه وبضحك : بيطلعوا الساعه 1 وخمسة بالظبط
شمس : اهلا بواخه هانم
مي بضحك : ماشاء الله مقابلة تفتح النفس😅
شمس وشهد : ههههههههههههههههههههه
مي لشهد بغيظ : انتى اتأخرتى ليه يابوت انتى
شهد بمرح : مش عارفه ليه كل الناس بتدخل فى حياة كل الناس بطريقه تضايق كل الناس كدا كتيشر
شمس بضحك : اوفر اوفر يعنى
مي وهي تضربهم بغيظ : يخرب بيت الرخامه
شهد وهى تنظر امامها بدهشه : اى دا ؟!
بيبصوا لقوا بنت داخله عليهم حاطه مكياج اوفر ولبس آخر شياكة وعامله شعرها بشكل يلفت الأنظار
مي بصدمه : هارسود البت دى حلوه اووى دا احنا كدا مش بنات ؟!
شمس بضحك : هههههههه حلوه ههههه طيب ورقه وقلم وسجلي معايا ياست الكل
آی لاينر وماسكرا و كونتور وكونسيلر كوريكتور ولوس باودر وهايلايت وايشادو وفاونديشن وليب لاينر وليب ستيك وتحتهم برايمر وليله كبيره اووى سعادتك ....هى خلصت من هنا وبصتلهم لقيتهم متنحين
وفاتحين بقهم بشكل مضحك راحت لسعه كل واحده قلم على قفاها😂😂
مى وشهد بألم : اااااااه يخربيت ايدك مرزبة
شمس بضحك : هههههههههه بفوقكم متنحين كدا ليه
مي بعدم فهم : هو اللى انتى قولتيه دا اى هه ؟!
شهد بذكاء وفخر : بصى هو انا استنتج يعنى بذكائى يعنى أنها كانت بتشتم البت دى مش كدا برضو😂😂
شمس بغيظ : اه طبعا كدا
مي بغمزه : دا انتى طلعتى جامده
شهد بغرور : احم احم طبعا يابنتى والله انا خساره فى البلد دى علي وضعى والله
شمس وهي تضربها بغيظ : بس اى انتى ما بتصدقي تنفخى ف نفسك انا اقصد المكياج اللى حطاه يا هبله انتى وهي
مي وشهد ينظرون لبعض باستغراب ثم ينظرون لشمس بحده
شمس بقلق : احم احم اى ف اى احنا في المحاضره هه اعقلو
مي وهي تشد وجهها عشان تبصلها : بتقولى مكياج ؟😏🤨
شهد وهى تشد وجهها هى الأخرى : وانتى تعرفى الحاجات دى منين انتى بتحطى الحجات دى من ورانا يابت طيب ليه دا انا عندى استعداد للانحراف والله بس مش لاقيه اللى يوجهنى 😒😂
شمس وهي تبعد وجهها عنهم : أي هتخلعوا رقبتى اتهدوا هههههههههه انحراف يا جزمه وبعدين انا عندى واحده صاحبتى متجوزه فشوفتهم عندها وسالتها على أسمائهم
شهد ومي وهم يهزون رؤوسهم : اااااااه
شمس : تك اووه
مي وهي تنظر باتجاه الفتاة : ههههههههههههه بصوا الواد آسر جرى عليها ازاى
شمس بضحك : ههههههههههه اومال انتى فاكره بيعيد السنة ليه مهو عشان يظبط البنات وهما هبل و بيصدقوا
مي وهي تقف : اممممم طيب انا هروح اجيب عصير من الكافتيريا عشان عطشانه ما تيجى معايا يا شهدي
شهد بذهول وتريقه : شهدى الله يرحم ؟!!
ثم قالت وهي تضع قدما فوق الأخرى......انسى
مي بغيظ : بت واطيه تفوووو ثم نظرت لشمس بتساؤل
شمس بضحك : هههههه متبصليش انا مش قادره اقوم من مكانى الواحد عجز باين كدا
مي : تصدقوا انكم جزم جتكو القرف هروح لوحدى ومشيت وهي تضرب الارض بقدمها بغيظ
شهد وشمس بضحك : هههههههه حاسبى الأرض هتتهد يا بكبوظه😂
وراحت مي تشتري عصير وبعد ما اشترته وهي راجعه خبطت ف...........
الشخص بصدمه وهو ينظر لقميصه الأبيض الذي أصبح ملطخ بالألوان :
- اى اللى انتى هببته دا ؟!!
مي وهي تنظر له بصدمة قائله :
- هار اسوح والله مقصدش
الشخص بغضب شديد : متقصديش أي انتى مجنونه دلقتي العصير كله عليا يا متخلفة مش كفايه تخينه بالشكل دا كمان مبتشوفيش
مي بغضب : لم نفسك احسنلك وبعدين انا تأسفت اعمل ايه تانى يعنى
الشخص : واعمل اى بأسفك دا
مي وهى تنظر له بغضب شديد : تصدق انا غلطانه انى احترمتك واعتذرت لك اصلا
الشخص بغضب وزعيق : اتلمى يابت انتى
مي بصوت عالى وغاضب و بتقليد ويزو😂 : ليه شايفنى متبعتره يا عمود نور من غير كهربا ياعربيه من غير بنزين يا تسريحه من غير مراية يا سرير من غير ملايه يا ترول لباس من غير ترباس يا قيحه يا تلقيحه ياشعر عيره يالون خميره يا عصاية غاليه تحت الكوم مرميه ياا
الشخص يقاطعها بصدمه : بااااااااااس اى مضرب اضرب ف وشى
ثم قال لها بغضب : ......................
---------------------------------------------------
ف الجزيره
يجلس فهد يفكر في طريقة يخرج بها من هذه الجزيرة وفجأة يسمع صوت
فهد لنفسه بذهول : لالا اكيد بيتهيألى !!!
وفجأة يسمع صوت ارتطام في الأرض فينظر بخضه ليرى..............
------------------------------------------------
الفصل الخامس
في الكليه
الشخص يقاطعها بصدمه : بااااااااااس اى مضرب إضرب ف وشى
ثم قال لها بغضب : انتى ازاى تكلمينى كده انتى اتجننتى باين انتى مش عارفه انا ابقى ابن مين ؟
مي بنرفزه : لم نفسك احسن لك وبعدين هتكون ابن مين يعنى ابن بارم ديله طظ فيك😅😏
الشخص بصدمه : طظ فيا انا ياكوره دا انا لو شوطك تدحرجي قدامى
كل اللى واقف : ههههههههههههههههههههههههههههه
مي بغضب : كورة مين يا معصعص انت تصدق ماما قالتى اشترى حاجه شبهك كده اسمها الزعافه عشان العنكبوت مالى البيت😂
الكل : هههههههههههههههههههههههههههههههههه
الشخص بزعيق : لا انتى كده زودتيها اوووى اتقى شرى احسنلك بدل ما اموتك دلوقت
شهد وشمس بعد ما خرجو من المدرج
شهد بلهفة : اى اللمه دى شكلها خناقة تعالى نتفرج
شمس بضحك : ههههههههه طول عمرك تموتى فى الفضايح يلا بينا وراحو يشوفو ف اى لقو...........
شمس وشهد بصدمه : هااااار سوح مى وجريو عليها
شمس باستفهام : أي في أي وللشخص بتساؤل....ف اى يا استاذ ؟!
شهد : ايه يابت ف اى الواد دا ضايقك
مي بتحدى : لا طبعا هو حد يقدر دا انا كنت فرمته دلوقت ولا قعدت عليه بططته
الكل : هههههههههههههههههههههههههههههههه
الشخص بغضب : تبططى مين ياكوره انتى هو عشان ساكتلك بقا ولا ايه
شمس بغضب : لا بقولك ايه هى مش لوحدها احنا معاها متستقلش اننا بنات احنا ممكن نفرمك دلوقتى
مازن وهو يتجه نحوهم بغضب : اى دا فيه اى اى اللى بيحصل هنا و للشخص .....ف اى ياسيف ؟!
سيف وهى يشير بأصبعه نحو مي : البت دى قليلة الأدب ومتربتش
مي بغضب : بقولك ايه انا لحد دلوقتى محترمه معاك متخلنيش أقل أدبي
سيف بذهول : كل دا ومحترمه ومقلتيش أدبك هو فى اكتر من كدا قلة أدب
مي بعند : طبعا فيه تحب تشوف
سيف بغضب : انا ممكن دلوقتى ازقلك بره الكليه دى خالص انتى متعرفيش انا ابقى ابن مين
شمس بعدم اهتمام : ولا يهمنا هتكون ابن مين يعنى🤔😒
سيف بفخر : ابن عميد الكلية ياحلوه
شمس وشهد ومي رجعو لورا خطوه بصدمه : اييييييه😮😲
شمس بصدمه مضحكه : .بيقول ابن العميد ؟!!
مي بصدمه : اه
شهد : يعنى كدا احنا بالصلاة على النبي اترفدنا
شمس وشهد ومى بصدمه : يااااااحلاوووه
سيف بغرور : رجعته ورا يعنى ووشكو اتخطف مش كنتو من شويه هتضربونى
رجل الأمن بصوت عالى : اتفضلو على مكتب العميد يا اساتذه
سيف بابتسامة خبث : ورايا
شهد وشمس ومي وهم ينظرون لبعض بخوف : ربنا يستر
وراحوا لمكتب العميد و................
------------------------------------------------------------
ف الفيلا
ندى بحزن تحاول اخفائه : السلامو عليكم
رجاء بلهفه : ها الدكتور قال ايه
يوسف بهدوء وهو يجلس : مقلش حاجه
ندى باستغراب لرده : هه
رجاء بغضب : يعنى اى مقلش حاجه فهمت انا اى كدا بقا
يوسف بابتسامه : يعني احنا كويسين وزي الفل يا حبيبتى ومفيناش اى حاجه
رجاء بغيظ وهى تنظر لندى المصدومه : والله ؟!
يوسف : زى ما قولتلك كدا وان شاء الله قريب والبيت كله يتملى عيال
رجاء بشك وهي تنظر لندى : انتى مالك ساكته كدا ليه هه اللى بيقولو يوسف دا صح
ندى بتوتر : اه صح
رجاء بشك : متأكده وبتحذير غاضب :
- والله لو كنتو بتكدبو عليا لوريكو ايام سوده
ندى وهى تبتلع ريقها بصعوبة فهي تعلم انها لاتعرف الرحمه : لا ابدا مبنكدبش
يوسف وهو يوقف : انا هروح الشركه عشان اتأخرت
ثم اقترب من ندى : متخافيش واهدى انا معاكى مش هسيبك يلا سلامو عليكم
ندى : وعليكم السلام ربنا يحفظك يارب
ومشى يوسف............
رجاء وهى تنظر لندى بتركيز وتحاصرها بعيونها 🙄: ----------------
ندى بتوتر من نظراتها : احم انا هروح اغير عن اذنك وطلعت بسرعه
رجاء بغيظ : ماشى انا هعرف ان كنتو بتكدبو ولا لا ولو طلعتو بتكدبو هجرجرك من شعرك واخرجك من البيت ده وهتتحاسبوا حساب عسير
-----------------------------------------------
ف الجزيره
يجلس فهد يفكر في طريقة يخرج بها من هذه الجزيرة وفجأة يسمع صوت
فهد لنفسه : لالا اكيد بيتهيألى
وفجأة يسمع صوت ارتطام في الأرض فينظر بخضه ليرى كيس كبير جدااا وقع من السما
جميله بفرح وهي تجري نحوه : عاااااااااااااااااااا الأكل جه هيييييييييييييييه
فهد ببص للسما شاف طيارة بتبعد و واقف مذهول من اللي بيحصل😱😲
قطه بضحك : هههههههههههه اهدى ياهبله
فهد بذهول شديد : اى اللى حصل دا ؟!!
قطه باستغراب : ف أي ؟!
فهد بزعيق : هو ايه اللى فى أي قاعدين انتو الاتنين فى مكان محدش يعرفه و لوحدكوا وطياره تيجى تنزل الأكل وتقولى في أي انا هتجنن , انطقى انتو مين وأي حكايتكو والا والله العظيم لتشوفو على ايدى اللي عمركو ما شفتوه يلا انطقى ؟!
قطه بخوف ولكن لم تبين له هذا : انت متقدرش تعمل حاجة وبعدين احنا كل اسبوع الطياره دى بتيجى وترمى الأكل معرفش بقى مين اللى بيعمل كدا
فهد بتساؤل : وانتو ايه اللى جابكوا هنا ؟!
قطه : كنا مع اهلنا وتوهنا منهم وملقناهمش تانى
جميله باندفاع طفولي : لا احنا
قطه تقاطعها بنظرة تحذير
فهد بانتباه وهو ينظر لجميلة : انتو اى
جميله بتوتر وهي تنظر لقطة : لا مفيش
فهد بشك : ماشى تمام وذهب ليرى الأكل (وكان عبارة عن معلبات جبنة ولانشون وتونه وحلاوه وغيره )
فهد بتعجب : دا كله معلبات ؟!
قطه بهدوء : بيتهيألى احسن مانموت من الجوع ولا أي
فهد بغيظ : عندك حق
ثم نظر لها بتفحص قائلا بتحذير : بس اعملو حسابكم احنا هنمشى النهارده نشوف مكان نخرج منو من
الجزيرة دى
قطه ببرود : والله محدش ماسكك اتفضل امشى بس احنا هنقعد هنا
فهد باستغراب : تقعدو هنا فين انتو مجانين ؟!
قطه بغضب : لو سمحت متغلطش
فهد بهدوء حتى يقنعها : هو ايه اللى مغلطتش هو المكان حلو وجميل تمام بس دا ميمنعش انكم تفضلو هنا علطول يعني
قطه بعند : والله انا حره ودى حاجه خاصه بيا ملكش انك تدخل فيها
جميله بتوسل : لالالا انا عايزه اروح مش عايزه اقعد هنا
قطه بحيرة ووجع والدموع ظهرت ف عيونها : عن اذنك توجهت للداخل بسرعة
فهد باستغراب لدموعها ولنفسه : البنت دى وراها حكاية جامدة لو كانت تاهت من اهلها زى ما بتقول كانت تبقى عايزه ترجع وموضوع الطياره دا كمان غريب
جميله بطفوله وهي تشد ملابس فهد :
- فهد مش انت بقيت صاحبي روح هات الطياره بتاعتك وروحنا
فهد بابتسامه وتنهيده وهو ينظر لها :
- هههههههههه دلوقت بقيت صاحبك دا انتى شكلك هتبقى بتاعة مصلحتك يا زئرده انتى
جميلة بغضب : خلاص انا مش عايزه منك حاجه وراحت عند قطه
جميله وهى تدخل عليها : تعالى يلا ناكل
قطه وهي تمسح دموعها بسرعه : ماشى يلا
جميله وهى تنظر لها بتركيز : انتى كنتى بتعيطى صح ؟!!
قطه بتنهيده : لا ياحببتى
جميله وهى تنظر لها بعند :
- لا كنتى بتعيطى مش انتى قولتيلى اللى بيكدب بيروح النار واديكى بتكدبى اهو وكمان كدبتى على فهد كده هتروحى النار
قطه بضحك : ههههههههههههههه والله انتى اللى مصبرانى على الدنيا دى
ثم نظرت لها بانتباه وتركيز قائله : جميله مش عايزاكى تعرفى فهد دا حاجه عننا وكمان متقوليليش اسمى الحقيقى تقوليلى قطه قدامه ماشى
جميله باستغراب : ليه دا فهد دا شكله طيب وجميل اووى وعيونه خضرا زي ؟!
قطه بضحك : هههههههههههههههههه هو عشان عينه خضرا زيك يبقى طيب وجميل
جميله ببراءة : ايوا
قطه بهدوء : لا احنا منعرفهوش وبعدين شوفتى دا مبيصليش يبقى حلو ازاى بقا
جميله بتفكير : خلاص انا هقوله واخليه يصلى عشان يدخل الجنه وميدخلش النار
قطه بابتسامه : ههههههههههههه طيب هو احنا نعرف هو مسلم ولا لا
جميله باستغراب : يعنى اى ؟!
قطه : يعنى هو ممكن يكون مسيحى ومبيصليش زينا
جميلة بتفكير طفولي : ماشى انا هعرف وجريت بسرعه
قطه بلهفة : جميله استنى ولنفسها........مش عارفه ليه قلقانه من الراجل دا
وبدعاء وهى ترفع يدها لأعلى.......يارب احمينا يارب أحنا ملناش غيرك
جميله وهي تنط عليه من الخلف : فهد
فهد وقع بخضه : يخربيتك هقطع الخلف بسببك عايزه اى يا زئرده انتى ؟!😅🤔
جميله بذكاء : هههههههههه هو يعنى اى مسيحى ؟!
فهد : اييه ؟!!
جميله بتساؤل : يعنى اى مسيحى ؟؟
فهد بتوتر ومش عارف يقولها اى : روحى قطه هتقولك
جميله بعند : لا قول انت
فهد : يعنى مش مؤمن بسيدنا محمد عليه الصلاة والسلام
جميله بتلقائيه : عليه الصلاة والسلام طيب هو انت مسيحى
فهد بابتسامه : لا طبعا انا مسلم
جميله بفرح : ماشى وجريت
فهد بستغراب وهو يضرب كفا على الآخر : ايه الجنان دا
جميله وهي تدخل على قطه بفرح : طلع مسلم وهيدخل الجنة معانا هيييييه
قطه بضحك : ههههههههههههههههههههههه وعرفتى منين يا مجنونه انتى
جميله : قلتله وهو قالى انه مسلم زينا
قطه باستغراب : طيب اومال ليه مبيصليش ؟!
جميلة بحيرة : مش عارفه بس احنا لازم نخليه يصلى عشان هو حلو والنار هتلسعو
قطه بضحك : ههههههههههههههه هتلسعو و بتفكير......بس انتى عندك حق على الأقل نكسب ثواب، وكمان نبقى مطمنين وهو معانا انه ميعملش فينا حاجه
جميله بحيره : طيب هنعمل ايه
قطه : هقولك احنا هنعمل أي.....................
-------------------------------------------------------
ف الكليه
ف مكتب العميد نور الدين
نور الدين بجدية وتساؤل : في أي ياسيف واى اللى بهدل هدومك كده ؟!
سيف وهو يجلس ويضع قدما فوق الأخرى : الكوره دى اللى عملت كدا ومش بس كدا هزئتني هى واصحابها ف الكليه بحالها
مي لنفسها بتريقة : ياننوس بابا ناقص نجبلك الرضعه
نور الدين بغضب : انتو اتجننتو ولا ايه ازاى تعملو كدا اومال لو مكنتوش بنات
شمس بهدوء : حضرتك احنا
تقاطعها مي بغضب : انا مغلطش هو اللى غلط فى الأول وانا اعتذرت له بس هو مقبلش اعتذاري وغلط واللى اعرفه ان اللى غلط يتأدب وانا ادبتهولك عشان شكلك معرفتش تربية كفايه
شهد وشمس بصدمه من كلام مي قائلين معا : انتى بتقولى ايه يخربيتك هتودينا فى داهيه ؟!
نور الدين بغضب : واضح انك انتى اللى مش متربيه انتو التلاته اهلكو يجو بكره هنا وانا ليا تصرف تاني اتفضلو
وخرجو ووجهم عليها علامات الحزن والضيق
سيف وهو ينظر لمي بابتسامة انتصار : عشان تعرفى متغلطيش فى اسيادك بعد كدا ياكوره انتى
مي بغضب وهي تتجه نحوه لتضربه : والله لوريك انت كدا جبت اخرك بقى ؟!
شهد وشمس يمسكوها : صلى على النبى
سيف وهو يمشي بغرور : نتقابل بكره ياحلوه باااااى
مي بغضب وهى تنظر لهم : شايفين
شمس : سيبك منو دلوقتى انا لو قلتلهم فى البيت انى اترفدت احتمال يقعدوني من الكليه خالص
شهد : وانا مش بعيد يقيمو عليا الحد
مي بضحك : ههههههههههههههه معلش مش داخلين بصدر واسع وعاملين فيها عبده موته
شمس بغضب : انتى بتستهبلى تصدقى احنا نستاهل ضرب الجزمه فعلا
شهد بغيظ : اللى حصل حصل احنا لازم نشوف حل للموضوع دا غير ان احنا نقول لأهلنا
مي بتأكيد : صح جدا
شمس بتفكير : اممممممم خلاص لقيتها
مي وشهد بلهفة واستفهام : هى آي ؟!!
شمس بضحك : هههههههههه الفكرة هي مجنونه شويه بس مش جديد علينا الجنان يعنى
مي وشهد بانتباه : طيب قولى
شمس : بصو احنا هنعمل........................
------------------------------------------------------
يتبع
