فرصة حياه
بقلم نوني الهواري
الفصل الثالث والرابع
كامله على مدونة النجم المتوهج للروايات
ذهبت منى إليهم وهم يجلسون على السفرة
منى..السلام عليكم
الكل..وعليكم السلام
نظر احمد ل منى وقال..حمد لله على السلامة ياحبيبتي ماما عاملة ايه
ردت منى من غير اي تعبير
منى..الله يسلمك ياحبيبي ماما كويسة الحمد لله
وقفت هالة للسلام على منى ومدت يدها لها لكن منى تقدمت خطوتين وقالت..خليكي كملي اكلك
نظرت ل ليلى وقالت..ها يا ليلى كله تمام
ليلى..اه تمام تعالي كلي معانا
منى..لأشكرا انا اكلت عند ماما
قاطعها احمد ..ايه دا أنتم مرحتوش النادي واتغديتوا هنالك
منى..لأ رحنا النادي لكن ماما أصرت اننا نأكل في البيت لان اكل النادي مش حلو وانا حاولت اقنعها لكن هي أصرت وقالتلي إني مش بأكل كويس وان وشي اصفر ولازم حد يهتم بيا وبأكلي وبكل حاجة عشان البيبي
رد احمد بلهفة..مالك ياحبيبتي حاسة بأيه في حاجة وجعاكي
منى بتمثيل..اه شوية الم ووجع في بطني وماما قالتلي متتحركيش ولا تعملي حاجة لحد ما تقومي بالسلامة
احمد بخوف..خلاص ياحبيبتي اطلعي ارتاحي على السرير ومتتحركيش خالص واي حاجة إني مش بأكل كويس وان وشي اصفر ولازم حد يهتم بيا وبأكلي وبكل حاجة عشان البيبي
رد احمد بلهفة..مالك ياحبيبتي حاسة بأيه في حاجة وجعاكي
منى بتمثيل..اه شوية الم ووجع في بطني وماما قالتلي متتحركيش ولا تعملي حاجة لحد ما تقومي بالسلامة
احمد بخوف..خلاص ياحبيبتي اطلعي ارتاحي على السرير ومتتحركيش خالص واي حاجة عايزها قوليلي عليها
منى هزت رأسها بمعنى نعم وطلعت على فوق وعلى وجهها ابتسامة خبيثة لنجاح بداية خطتها
نظرت هالة لمحمد نظرات فهمها محمد بمعنى هي بتعمل كدا ليه
لم يعلق محمد وهالة على ما حدث ولكن احمد طلع يجري وراء منى فهو خايف عليها وعلى البيبي وعلى استعداد لفعل اي شئ لراحتها وسلامة البيبي
ليلى مسكينة لم تفهم شئ مما حدث وهالة لم تريد اخبارها بشئ حتى لا يقولوا ان هالة سبب المشاكل سكت الجميع للحظات ثم قالت ليلى..أنا هلم السفرة وقامت واخذت الأطباق التي استطاعت حملها ولحقتها هالة بالباقي وغسلتا الأطباق ونظفتا المطبخ وصنعت ليلى الشاي والكاكاو للاطفال وخرجتا إلى الحديقة ووجدتا محمد يلعب مع الأطفال نادت ليلى على محمد والاطفال ليشربوا جميعا وجلسوا يتحدثوا والاطفال تلعب
في غرفة احمد ومنى
دخل احمد على منى وجدها تغير ملابسها وما ان رأته حتى تصنعت الالم والتعب
احمد بخوف..في ايه مالك يا حبيبتي تحبي نروح المستشفى
منى بخبث..لأ ياحبيبي بس هرتاح شوية وابقى كويسة
احمد..بس لو تقوليلي حاسة بأيه
متى..ألم في بطني وماما خوفتني جدا على البيبي وان بعد التعب والانتظار دا كله يروح مننا و
بكت بكاء متصنع
احمد وقد تملك منه الخوف ..لأ متقوليش كدا ان شاء الله يجي بالسلامة وانت متتحركيش من مكانك وانا هوصي عليكي ليلى تخدمك وتنفذ كل طلباتك
منى بأبتسامة نصر..حاضر يا قلبي انا هرتاح شويةوانت انزل اقعد معاهم عشان اخوك مايزعلش
احمد..ماشي ياحبيبتي ولو عايزة حاجة رني عليا وانا مش طالع برا البيت اوكيه
منى..اوكيه يا قلبي
غادر احمد الغرفة
استلقت منى على السرير وهي تشعر براحة كبيرة لتفكر في القادم
نزل احمد إلى أسفل وانضم إليهم في الحديقة واخذ يتحدث معهم حتى تأخر الوقت وغادر محمد وهالة والاطفال وطلع احمد وليلى إلى عرفهم للنوم
قبل ذلك في منزل رامي
دخل رامي منزله فوجد امه في انتظاره حتى تحضر الغدا ويأكلوا معا هي وأخته نور
رامي..السلام عليكم
سوسن/نور..وعليكم السلام
سوسن..يالا يا نور نحضر الغدا اكيد اخوكي جعان
نور..حاضر يا ماما
رامي..اه والله يا امي حاسس هيغمى عليا من قلة الاكل
سوسن..ليه يابني مكلتش حاجة
رامي..انتي عارفة مش بحب اكل برا بحب اكل البيت
سوسن..كنت حتى اكلت بسكوت وعصير يالا غير هدومك بسرعة عشان نأكل
رامي..حاضر
ذهب رامي إلى غرفته وليغتسل ويلبس ملابس بيتية مريحة ويخرج ليجد امه وأخته جالسات على السفرة في انتظاره جلس وبدأوا بتناول الطعام بدون كلام وبعد الانتهاء من الاكل قامت نور واخذت الأطباق للمطبخ وغسلتها ونظفت المطبخ ثم ذهبت إلى غرفتها كي تذاكر
سوسن..رامي اعملك شاي ولا قهوة
رامي..قهوة عندي صداع
سوسن..حاضر الف سلامة عليك هجيبلك مسكن
ذهبت سوسن للمطبخ وأعدت القهوة واحضرت المسكن وخرجت لتجد رامي يجلس في البلكونة دخلت له واعطته القهوة والمسكن
سوسن..بالشفا ياحبيبي
رامي..تسلم ايدك يا امي
اخد رامي المسكن وشرب القهوة وهو ينظر مرة إلى امه ومرة إلى الشارع فهم يسكونو في عمارة بمنطقة راقية تتمتع بالهدوء خاصة في الليل ويسكنوافي الدور السابع
شعرت سوسن ان رامي يريد أن يتكلم معها في نفس الموضوع (موضوع هبه)
سوسن..مش ناوي تريح قلبي وتتجوز دا انت اللي قدك عيالهم طولهم
رامي..أنا لو عليا كنت اتجوزت من زمان لكن انتي اللي مش راضية
سوسن..هنرجع لموضوع هبه تاني
رامي..مالها هبه بس يا امي
سوسن..انت عارف
رامي..لأ مش عارف مش دي هبه اللي انتي مربياها معانا لما كانت امها بتروح الشغل وتسبها معاكي
سوسن..بس دي مش هبه اللي انا ربتها دي بقت وحدة تانية من يوم أبوها ما مات وهي اتغيرت انت عارف ايه عن شغلها
رامي..ايوة عارف شغالة في محل في مول كبير
سوسن..وليه مش انت قولتلي انك هتكلم احمد يشغلها في شركة ابوه
سرح رامي هو فعلا كلم احمد وهو رحب بالفكرة وقال له تشتغل في الحسابات لان تعليمها متوسط وعندما أخبرها رفضت وقالت إنها بتقبض من شغلها كويس ومش هتسيب شغلها
لاحظت سوسن شرود ابنها
سوسن..رامي رحت فين
رامي..ابدا بس برضو الشغل مش عيب
سوسن.. ايوة مش عيب بس تقدر تقولي هي ليه مرضتش تشتغل معاكم
رامي بكذب..لأ هي مش مرضتش بس مرتب الحسابات اقل بكتير من مرتب المول وانتي عارفة ان امها مريضة ومحتاجة علاج كتير
سوسن..ماشي هعدي كذبك مع اني عارفة انك قولتلها انك هتتكفل بدواء امها وهي مرضتش وعارفة كمان انك قولتليها تسيب الشغل وهي برضو مرضتش
تفاجئ رامي ان امه عارفة كل شئ وحاول الرد لكن قاطعته مكملة كلامها
سوسن..طب انت عارف هي بتروح الساعة كام
رامي..لأ مش عارف بس هي بتكلمني كل يوم قبل ما انام
سوسن ..ما انت لو بتصلي الفجر كنت عرفت هي بتروح الساعة كام
رامي بسخرية..دا على اساس انك بتصلي الفجر في الجامع وبتشوفيها
سوسن بحدة..مع ان كلامك فيه سخرية وانا مربتكش على كدا بس انا بصلي قبل الفجر وبستنى صلاة الفجر وانت عارف الحي هادي واقل صوت بيتسمع وانا بسمع صوت عربية كل يوم الساعة ٣ ولما بطلع البلكونة بلاقي هبه نزلة منها وياريت بشوف نفس العربية كل يوم كنت قلت مديرها ولا زميلها بوصفها وخايف عليها وبيوصلها كنت نزلت بنفسي عشان أشكره لكن كل يوم عربية مختلفة وكمان بسمع صوت ضحكة هبه وهتقولي بتسمعي من السابع هقولك مع الهدوء ممكن تسمع من العاشر وانت عارف ضحكة هبه
سكت رامي ولم يرد
سوسن..مش معقول كل دا ومش شايف
رامي..يا امي انا بحبها ومش هتجوز غيرها
سوسن بعصبية من غباء أبنها فهي لم تكذب في حرف مما قالت فهي عندها بنت واستحالةتسوء سمعة بنت بالكذب
سوسن..يبقى بلاش تتجوز احسن
وقفت سوسن وتركت أبنها
رامي تنهد وارجع ظهره للخلف فهو لا يعرف ماذا يفعل فهو لايستطيع ان يغضب امه فهي تعبت عليهم بعد وفاة والده وجاءها عرسان هي رفضت وفضلت اولادها على نفسها مع انها كانت صغيرة في السن في نفس الوقت تذكر هبه اخرج هاتفه واتصل عليها فلم ترد واعاد الاتصال مرات عدة وبعد حوالي ساعة رنت عليه
هبه..الو ازيك ياقلبي
رامي..الحمد لله كويس انتي فين برن عليكي ومش بتردي
هبه بأرتباك..معلش ياحبيبي كان عندي بضاعة كنت برتبها ومكنش هينفع اكلمك لان صاحب المحل كان واقف بيراقب عشان يشوف مين بيشتغل ومين مش بيشتغل
رامي..ما انا قولتلك سيبي الشغل دا أنا دلوقتي حالتي المادية كويسة الحمد لله يعني ملهوش لازمة بهدلتك دي
هبه..خلاص انا خدت على الشغل وبعدين المقابل كويس جدا
رامي..ايوة بس انا هتجوزك وهتسيبي الشغل وهشتري الشقة من مامتك وتعيش معنا عشان انت تهتمي بيها قلتي ايه
هبه..رامي انا تعبانة دلوقتي نتكلم بعدين
رامي..طيب انتي روحتي ولا لسة
هبه..لأ لسة قدامي شوية
رامي..لسة ايه الساعة ١:٣٠
هبه..رامي انت عارف اني بروح متأخر والمول بيقفل متأخر
رامي..اجي اوصلك للبيت
هبه..لا لأ مش هينفع انا بروح مع صحبتي
رامي..طيب يا قلبي خلي بالك من نفسك
هبه..ما تقلقش مع السلامة
رامي..مع السلامة
دخل رامي غرفته وحاول إنتظار هبه ولكن دون فائدة فالساعة ٢:٣٠وهي لم تعد وهو لم يقدر على التحمل وغلبه النوم
الفصل الرابع
في صباح يوم جديد تستيقظ ليلى مبكرا كي تحضر الفطور لأخيها وزوجته فلابد أن تستيقظ قبلهم حتى لاتفتعل منى المشاكل قامت ليلى ودخلت الحمام وتوضأت صلت فرضها ونزلت لأسفل حضرت الفطار وضعته على المائدة وذهبت كي توقظ أخيها طرقت الباب الغرفة بهدوء وقالت ليلى..ابيه الفطار جاهز
في داخل الغرفة
كان احمد ومنى مازالوا نائمين استيقظ احمد على صوت الطرقات
احمد..حاضر يا ليلى هحصلك على طول
تمللت منى في نومها وقالت..ايه الإزعاج ده على الصبح هو الواحد ميعرفش يرتاح في البيت دا
احمد..حرام عليكي كل دا ومش مرتاحة دي ليلى مش بتخليكي تعملي حاجة عايزة إيه تاني
منى بزعل..كدا يا احمد انا تقوللي كداوبعدين انا حامل وتعبانة لازم تستحملوني
احمد..انتي حيرتيني لو سبناكي نايمة تقولي ماحدش مهتم بيا ولو صحناكي تقولي مش مرتاحة انا عايزة انام المفروض اعمل ايه
اقتربت منه منى وحضنته
منى..المفروض تستحملني وبعدين خلاص كلها شهرين والبيبي يشرف ونرتاح كلنا
قبل احمد جبينها وقال..يارب يا قلبي يجي بالسلامة دا أنا هموت واشوفه واشيله وابوسه ياه نفسي في اللحظة دي ربنا يقومك بالسلامة يا حبيبتي
منى..ان شاء الله يا قلبي يالا بقى أجهز قبل ما ليلى تيجي تاني
احمد..حاضر ياستي
قام احمد ودخل الحمام واتوضى وصلى ولبس ملابسه ويمشط شعره وينظر لمنى
احمد..ايه ياحبيبتي مش هتقومي تفطري معانا
منى..هقوم اهو
قامت منى من على السرير وراحت الحمام واتوضت وصليت ونزلت إلى أسفل
في الأسفل كانت ليلى تنتظرهم على المائدة وتفكر كيف تطلب من أخيها ان يحضر خادمة تساعدها في البيت
أخرجها احمد من شرودها
احمد..صباح الخير
ليلى..صباح الخير يا ابيه
احمد..ايه الفطار الجامد ده
منى بغيرة فهو لم يقولها يوما هكذا
منى..اهو فطار زي كل يوم ايه الجديد فيه
نظر لها احمد ..في ايه يامنى مالك
ليلى تحاول ان تلطف الجو
ليلى..ايه يا جماعة خلونا نفطر احنا هنقضيها كلام
احمد..لأ ياستي
جلسوا على المائدة وبدأوا يأكلوا ليلى تفرك يداها لاحظها احمد وقال..مالك يا ليلى في حاجة
ليلى بتوتر..اه لأ اصل بصراحة كنت عايزة اطلب منك طلب
احمد..طلب ايه انتي تؤمري ياقمر
منى تنظر لهم بغيرة دون كلام فهي تريد احمد لها هي وبس
ليلى..كنت عايزاك تشوف لي واحدة تساعدني في شغل البيت عشان عايزة انزل شغلي
اندفعت منى في الرد..شغل ايه اللي انتي عايزة ترجعيه
ليلى..شغلي اللي انا سيبها من اكتر من شهر
احمد..حاضر يا ليلى سيبلي يومين وتكون عندك واحدة شاطرة
وقبل أن ترد ليلى قاطعتها منى..لأ طبعا انا مش موافقة
ليلى بأستغراب..ليه يا مني مش موافقة
منى بتوتر..عشان الشغلات مش مضمونات وكمان هتعمل الاكل وانا خايفة على البيبي وعايزة اكل من ايد حد مضمون
احمد بتفهم ..خلاص يا حبيبتي نجيب وحدة تهتم بالبيت وليلى تعمل الاكل
منى..لأ ازاي هتكون معايا لوحدي مش يمكن تعمل فيا حاجة وانتم مش في البيت
احمد بخوف..خلاص يا ليلى تأجل موضوع الشغل شوية واتحملي معلش لحد لما منى تولد وتبطل الخوف الزايد وترجع منى لطبيعتها
ليلى بأستسلام..خلاص يا ابيه اللي تشوفه
وقف احمد وقال..أنا ماشي عايزين حاجة
ليلى..لأشكرا
منى..أنا هروح لماما وبعدين رايحين نشتري هدوم البيبي والسرير
احمد..ماشي يا قلبي خلي بالك من نفسك ومن البيبي
ذهب أحمد وصعدت منى لكي تبدل ملابسها وتخرج من البيت
جلست ليلى تفكر شهرين ليس وقت قصير لتحمل منى فهي تعبت وتريد العودة إلى عملها
قامت من على المائدة وحملت معها الأطباق إلى المطبخ ونظفت المطبخ وأعدت الغدا ورتبت البيت
سمعت طرقات على الباب
ذهبت لتفتح الباب
ليلى..مين
محمد انا يا ليلى افتحي
فتحت ليلى الباب وسلمت على محمد وهالة والاطفال
دخلت هالة والاطفال ولم يدخل محمد
ليلى..انت مش هتدخل يا محمد
محمد..لا عندي ميعاد شغل مع شركة....عشان اتمم الصفقة لأحسن احوكي يعلقني لكن مش هتأخر اوعو تأكلو من غيري ماشي
ليلى/هالة..ماشي اوعى تتأخر وجيب حاجة حلوة معاك
يضحك الجميع ف ليلى وهالة اصدقاء من زمان وهما نفس التفكير
محمد..حاضر امشي قبل ما أتأخر عن ميعادي
يغادر محمد وتدخل ليلى وهالة والاطفال
يجلسو في الحديقة فالجو رائع يلعب الأطفال بالكرة وليلى وهالة يتحدثون
هالة..مال شكلك مش عجبني
ليلى..ابدا بس زي ما انت شايفة شغل البيت والغسيل وتحضير الاكل وترتيب اوضة منى واحمد
هالة..ايه دا حتى اوضة نومها دا كتير اوى
ليلى..هعمل ايه
هالة..جيبي خادمة تساعدك
ليلى..طلبت من أبيه احمد ووافق لكن منى مش راضية
هالة. ليه بقى إنشاء الله
ليلى.. عشان خايفة تأكل من ايدها او تقعد معها
هالة.. طب وشغلك
ليلى..أنا عايزة انزل شغلي بس ابيه قالي اصبري لحد منى ما تولد
هالة..بس دي في السابع
ليلى..هعمل ايه مضطرة اصبر شوية مش عايزة ابيه احمد يزعل مني انت عارفة هو مستني البيبي ليه كام سنه
هالة..ايوة يا ليلى بس
لم تكمل كلامها هناك طرقات على الباب ذهبت لتفتح الباب
محمد..السلام عليكم
ليلى..وعليكم السلام
دخل محمد إلى الحديقة حيث تجلس هالة
هالة ..ها ايه الاخبار
محمد..كله تمام عيب عليكي دا أنا محمد
هالة..ماشي يا جامد انت
محمد..اوعي تكوني بتتريقي عليا
هالة بضحك..أنا ابدا
ليلى..هقوم اشوف الاكل
لما رجعت ليلى
محمد..ليلى انتي مش هتنزلي شغلك ولا قاعدة البيت عجباكي
نظرت ليلى ل هالة
هالة..والله ما قولت حاجة
محمد..هو في ايه
ليلى بدأت تحكي لمحمد و دخلت منى عليهم فجأة وسمعت كلام ليلى لمحمد
منى بعصبية..ومين يهتم بالبيت لما انتي تنزلي شغلك
هالة.شوفي حد تكون محل ثقة
منى..أنا مش بأمن لشغلات
هالة..غريبة ما كان عندك شغالة ازاي دلوقتي مش بتأمني ليهم
منى بصوت عالي..انتي جاية هنا عشان توقعي بيني وبين ليلى انتي عايزة إيه يا هالة
دخل احمد بسرعة في ايه يا جماعة
محمد..مفيش حاجة انت عارف الستات ودمغها
منى..قصدك ان انا دماغي فاضية
هالة ..محمد ماقلش كدا يامنى
منى..انتي بالذات متتكلميش عشان أنتي السبب في كل دا مش انتي اللي جاية عشان توقعي بيني وبين ليلى
هالة..أنا مش هرد عليكي
محمد..يالا يا هالة هاتي العيال ويالابينا
احمد..هو ايه اللي حصل لكل دا
حكى محمد اللي حصل ل أحمد من الاول احمد بص ل منى نظرة هي فهمتها
ردت منى بسرعة..هالة كل ماتيجي توقع بينا وانا سمعتك بودني فاكرة ياست هالة لما قلتي ل ليلى خليها تساعدك وهي قالتلك اني تعبانة قولتلها ياسلام تعبانة من شغل البيت لكن النادي والمول مش تعبانة
هالة..ايوة فاكرة كلامي كويس بس كلامي مفيهوش حاجة غلط
منى بعصبية..عايزة تيجي البيت دا تيجي وانتي ساكتة ومتدخليش في حاجة تيجي ضيفة وبس وان كان مش عاجبك كلامي بلاش تتعبي نفسك وتيجي
هالة ومحمد مصدومين من كلام منى ومحمد مصدوم أكتر من اخوه احمد الذي لم ينطق بكلمة
ليلى بصوت عالي..البيت دا بيت ابويا وانتي مش هتتحكمي فيه وبعدين هالة زيها زيك هي مرات اخويا وانتي كمان مرات اخويا
محمد أخذ هالة والاطفال ومشى من غير ولا كلمة
ليلى صعدت إلى غرفتها
صعد احمد إلى غرفته
فضلت منى تفكر كيف تستفيد من هذا الموقف
صعدت الى غرفتها وجدت احمد في الحمام قعدت على السرير اول ما طلع بصت عليه وعنيها فيها دموع وقالت منى..اسمع يا احمد انا خلاص عايزة ارجع بيتي وانت حر عايز تقعد هنا خليك لكن انا لا
احمد..ايه الكلام دا محصلش حاجة لكل دا
منى..لأ حصل ان أختك بعد كل دا تقول ان البيت دا بيت أبوها واني انا زيي زي هالة مش كفاية إني مش واخدة راحتي ولا عارفة اتكلم ولا اعزم اهلي وان ضحكت بصوت عالي معاك تقولي وطي صوتك عشان ليلى متسمعش ولا حتى نأكل ونشرب براحتنا زي ما كنا في بيتنا انا حاسة إن عندي مية سنة انا تعبت ودا آخر كلام عندي يا اما نرجع بيتنا يا اما ارجع بيت بابا
احمد..طيب اهدي ياحبيبتي شوية عشان اللي في بطنك
منى..متقوليش اهدي دا اخر كلام
احمد..طيب وليلى ازاي اسبها لوحدها
منى..يجي البيه اخوك والهانم مراته يجربوا عشان يعرفوا مش كلام وخلاص
احمد..أنا أخوها الكبير يعني مكان أبوها ولازم تكون تحت رعايتي
منى..خلاص تيجي هي تعيش معنا
احمد ..وايه الفرق بين هنا وهناك
متى..لأ في فرق ان هناك هتبقا في بيتي محدش هيدخل بينا
أحمد..وبيت ابويا يتقفل
منى. لأ يتباع وتستفيدو منه
احمد..انتي بتقولي ايه ابيعه
منى..ايوة هو الحل الوحيد عشان ليلى تعرف ان ملهاش غيرك ولكن لو البيت زي ما هو كل شوية هتقول عايزة ارجع بيت بابا وانت مش هتقدر تقول لأ وانا مش هرجع هنا تاني يبقا هو دا الحل الوحيد وانت حر
سكت احمد يفكر بحيرة منى معها حق ليلى طول ما البيت موجود هتفكر ترجع تعيش فيه وهو غير مستعد ان يخسر زوجته وطفله القادم يبقى الحل هو بيع البيت ......
تعليقات
إرسال تعليق