💔💔💔زهرتى 💔💔💔 الجزء السابع بقلم حنان عبد العزيز كامله على مدونة النجم المتوهج للروايات

💔💔💔زهرتى 💔💔💔

الجزء السابع والتامن

بقلم حنان عبد العزيز

كامله على مدونة النجم المتوهج للروايات 

نظرت لها زهره بصدمه : نعم جوزك!

خرجت زهره من حضنه بصدمه ودموع وهى تنظر له بدموع: الكلام دا حقيقى 

نظر عدى لتلك الواقفه امامهم بغضب : انتى جايه لييه هنا انتى مجنونه 

صرخت به الأخرى بغضب: مجنونه لما الاقيك فى المكتب فى حضن واحده رخيصه شبهها لازم اتجنن فعلا 

قاطعها بصفعه قويه على وجهها وهو يتحدث بغضب حارق: اخرسى دى أنضف منك مليون مره اطلعى بره يا زباله من هنا 

نظرت له بغضب وصدمه: انتى بتطردنى أنا ماهى امجد بتطردنى علشان خاطر مين واحده رخيصه ذى دى 

صرخ بها عدى بغضب: الى بتتكلمى عليها دى تبقا مراتى يعنى أظن دلوقتى عرفتى مين الرخيصه الى هنا كويس 

فتحت عينيها بصدمه : م.مراتك ازااى وأنا 

ضم عدى زهراء التى تبكى بصمت الى حضنه وقال بابتسامه ماكره: إنتى مين فكرنى كده يا مالك مين دى 

نظر له مالك بخبث وابتسامه: دى ماهى امجد شريكه معانا فى مشروع الشركه السياحيه 

رفع عدى حاجبيه بتفكير مصطنع: أممممم يعنى مش مراتى 

مالك بابتسامه يحاول كتمها بجديه: لا 

: أممم ولا حتى خطيبتى 

نظر مالك الى ماهى بخبث: لا يا عدى هى يدوبك بعتت لكاام واحد من الصحافه انها مراتك علشان تدبسك وتحطك قدام الأمر الواقع 

نظرت لهم ماهى بغضب وجنون: كدااب انا معملتش كده 

عدى بصرامه مخيفه وهو مازال محتضن زهره التى تزرف الدموع وتشاهد ما حولها بصدمه: لا حقيقى ولا إنتى فكرك انك هتعرفى توقعى عدى الاسيوطى يا حلوه لااا فوقى واعرفى انتى بتخططى على مين وأنا عمرى ما هبص لواحده رخيصه شبهك يا إييه اسمك ماهى صح 

لم ترد عليه ماهى ونظرت اليه بغضب ووجههت نظراتها الناريه المرعبه الى زهره التى تتباعها بخوف وغادرت وهى تلعن وتتوعد لهم بالهلااك........

خرجت من حضنه بدموع ولم تنظر لهم فقط نظرت إلى الأرض بدموع 

نظر عدى الى مالك ليخرج 

خرج مالك من المكتب بهدوؤ 

اقترب عدى من زهره ومسك يديها ورفع توجهها اليه باصابعه: ممكن تسمعينى وتبطلى عيااط 

ارتمت فى حضنه واخذت تبكى بشده وهو يدخلها الى حضنه أكثر ويطمأنها ويهدئها حتى قالت بدموع: أنا أسفه شكيت فيك أسفه 

ضمها إليه أكثر بابتسامه حانيه: أولا متتاسفيش ثانيا انتى مراتى ومن حقك تغيرى عليا وقت ما تحبى 

مسحت دموعها بطفوليه وخرجت من حضنه: أنا مش بغير على فكره 

ضحك على منظرها : ماشى يا ستى مش بتغيرى كده كويس 

: اااه كويس يلا بقا هاتلى أكل علشان جعانه 

: عايزه تاكلى اييه يا ستى 

صفقت يديها بحمااس: بيتزا وبيبسى وشيبسى وبااس 

قرص خدها بابتسامه : ماشى يا ست زهره 

...........................

: إيييه يا جميل قاعد لوحدك لييه 

اتجه بنظره عليها باستغراب: أفندم 

جلست بجانبه باريحيه ومرح: قاعد لوحدك كده لييه وانت قمر كده 

نظر إليها بسخريه: انتى هبله يا بنتى مش المفروض الولد هو إلى بيعاكس مش البنت 

ضحكت بمرح: يااعم فكك احنا بقينا فى ٢٠٢١ زمن سيطره حمو الطيخا جاى بيندبك الافيونه ههههههههههههه

نظر أمامه بصمت ولم يرد عليها 

: أمممم بتعمل اييه هنا بقا يا عمر 

لم ينظر اليها: اسمى حازم مش عمر 

نظرت له بضحك: حاازم حاازم هههههههههه

تنهد بضيق: ممكن تسبينى لوحدى 

: مش هينفع والله يا باشا بص انا لازم اخليك فريش وفرافيش

نفخ حازم بضيق: بت انتى متعصبنيش انا عايز اقعد لوحدى 

: مالك احكيلى 

نظر داخل عيونها وتنهد بتعب وبدات عيونه تتجمع بها الدموع: كنت بعيد دايما عنها مكنتش اعرفها لما اتجبرت على جوازى منها كنت متضايق اوى انا مش بحب حد يجبرنى على حاجه ساعتها عاملتها بقسوه اوى لقيت فجأه قلبى بيدق ليها قلبى الى عمره ما دق لاى بنت بس كنت بعاند قلبى وبقول لا مستحيل احبها وبدأ قسوتى تكبر وتذيد عليها لدرجه انى اتجوزت واحده وجيبتها قدام عنيها وزلتها قدامها كتير فى الاخر هربت وضااعت منى بقت تكرهنى اوى انا بقيت بكرهه نفسى كل ما افتكر انا كنت بزلها ازااى عايزها ترجعلى وهعمل اى حاجه علشان تسامحنى بس ترجعلى 

نظر إلى تلك الجالسه بجانبه وهى تنظر له بصمت ولم تتحدث تنهد بحزن: اكيد بتفكرى فيا انى زباله ووحش ومعنديش أخلاق ولا ضمير بس حبيتها والله بحبها مش متخيل حياتى من غيرها بحبها والله 

ثم اخذت تنزل دموعه تدريجيا على وجهه حتى راها تعطى له منديلا 

اخذه بهدوؤ ومسح دموعه ونظر امامه بحزن حتى قالت بهدوؤ: الى عملته صعب على اى واحده تتقبله فى حياتها بس دموعك دى أكبر دليل على ندمك بس فى الاول وفى الاخر دا قراراها بس انا هساعدك 

نظر لها باستغراب: هتساعدينى ازااى 

رفعت هى ياقه التيشيرت الخاص بها بمرح: معاك الصحفيه سلوى عماد هههههههههه

ابتسم بهدوؤ: أهلا بيكى 

رفعت شعرها الأسود الكيرلى قليلا وبدأت تتحدث بجديه: بص يا سيدى انا هدورلك على مراتك كطبيعه مهنتى بس لو ملقتهاش حابه انهى تيجى معايا مش هتشوفها ماشى 

نظر لها بامل: ياريت بجد تلاقيها انا بس عايز اعتذلها ووتدينى فرصه بس احسسها انى ندمت ومستعد اكمل حياتى معاها من جديد وننسى كل الى فاتت 

تنهدت سلوى: حاضر بس كنت عايزه صوره ليها 

ثم سحبت منه هاتفهه الذى بجانبه وسجلت رقمها عليه : دا رقمى كلمنى واتس وتبعتيلى الصوره عليه 

: ي

حاضر شكرا ليكى جدا 

: ولا يهمك يا جميل انت يا ابو عيون سودا انت هههههههههه

ابتسم حازم بابتسامه بسيطه ثم ودعته سلوى على أمل اللقاء القريب وهى رجع بنظره الى البحر وهو يتخيل انه رجع مع معشوقته مره أخرى الى حياتهم سويا ولكن حياتهم الورديه معاا من البدايه......

- كل الأشياء في متناول يدي ، إلا يديك 

.............

: أنا مش فاهمه يا مازن يعنى انت متاكد انها زهره 

قالت سمر تلك الكلمات باستغراب لمازن الذى يجلس امامها: ايوه يا سمر هى صدقينى كلمتنى اكيد علشان تطمنى انها بخير وكويسه

: طيب طالما هى كويسه مجاتش لييه ورفعت على حازم قضيه خلع ذى ما كانت ناويه دى بقالها اكتر من شهر منعرفش عنها حاجه 

تنهد مازن بحيره: مش عارف والله يا سمر عموما انا بعت الرقم لواحد صاحبى يشوفلى نظامه اييه يمكن نعرف نوصل لمكانها

: الرقم الى كلمتك منه 

: ايوه لازم اتاكد برده ويارب تطلع هى احساسى بيقولى انها هى 

نظرت له سمر بحزن: مازن انت لسه متعلق بزهره 

نظر لها بجديه: ايوه يا سمر لسه بحبها انا بحبها بقالى ٣ سنين من اول مره شوفتك فيها انتى وهى سوا وكانت بتضحك ضحكتها هى الى هدت دنيتى كلها هى الى مسكتنى بيها اكتر فضلت ساكت ومتابع ليها من بعيد لحد ما تكبر واتقدم رسمى بس فجأه اختفت من قدام عنيا واكتشف انها اتجوزت لا وبنت خالتك تبقا ضرتها وجع قلبى ساعتها وانا شايف الكسره والحزن فى عنيها هدنى اوى يا سمر دلوقتى مش هسيبها تروح منى مهما حصل 

نظرت له سمر بحزن وابتسامه: ربنا ينولك كل الى فى بالك يا حبيبى 

قاطع حديثهم رن الجرس بسرعه خرجوا من الصالون على خروج والدتهم بقلق من المطبخ من صوت الجرس القوى 

اتجه مازن لفتح الباب وكانت الصدمه

كانت توجد فتاه منتقبه عيونها الخضراء الملوثه من أثر البكاء 

اتجهت إليها والده مازن بسرعه وخوف : نسمه يا حبيبتى 

ارتمت تلك الفتاه داخل احضانها وبدأت تبكى بشده وهى تقول بعياط شديد: الحقينى يا عمتو هيموتونى الحقينى والنبى 

نظرت سمر الى مازن بصدمه كبيره وظلوا صامتين تحت بكاء تلك الفتاه داخل احضان والدتهم 

...........................

كانت تجلس على السلم وهى تتاوب بنوم ولكن تفتح عيونها بصعوبه ولكن تريد رؤيته قبل أن تنام 

هو دايما ينهى عمله متاخرا لا تستطيع الجلوس معه ابدا حتى سمعت صوت عدى الصادم: زهره انتى اييه الى مصحيكى لحد دلوقتى 

نظرت له بضيق: علشان مش عارفه اشوفك خالص يا عدى انا اصلا مش يبقا فاكره انت نمت جمبى ولا لا بنام وبقوم لوحدى انت مش جوزى 

تنهد عدى بتوتر: ما انتى عارفه يا حبيبتى الشغل وكده 

زفرت بضيق: هو انت كنت كده يا عدى قبل الحادثه يعنى انا كنت مستحمله الوضع دا 

اقترب منها عدى ومسك يدها بهدوؤ: يا حبيبتى هما بس ضغط اليومين دول فى الشغل وهفوق منهم بس 

زفرت بضيق: طيب ماشى يلا تعالى ننام فى الاوضه 

نظر لها بصدمه وقال بسرعه: لا طبعا مينفعش ؟؟؟؟؟؟؟؟؟؟؟

حنان عبد العزيز 🖤

جماعه انا ملغبطتش الأحداث انا ضيفت جزئيه بس كده وحدت رايكم فيها واشكركم اوى انكم قلتوا رايكم بس انا هخليها روايه لوحدها علشان فعلا تاخد حقها ومتهوش فى وسط احداث زهره 🖤

💔💔💔زهرتى 💔💔💔

الفصل الثامن

صرخ بصدمه : لا طبعا مينفعش 

نظرت له باستغراب : لييه مش فاهمه ما انت بتنام فى الاوضه كل يوم 

نظر حوله بتوتر : أ.أصل يعنى ااه لسه عندى شغل تحت فى المكتب هخلصه واجى 

نظرت له بعدم تصديق وهى تضيق عيونها: عدى انت مخبى عليا حاجه مش كده 

نظر إليها بخوف وتوتر : هخبى اييه يعنى 

: لا انت شكلك متوتر خالص يا عدى انت منتهز انى مش فاكره حاجه وبتعمل اى حاجه قولى انت مخبى عليا اييه ولييه بتبعد عنى ومش بتقرب منى ذى اى اتنين متجوزين بقالنا اكتر من شهر سوا ومفيش حاجه 

لا يعرف ماذا يقول وماذا يتحدث هل يقول لها انه ليس زوجها ولكنها ملكت قلبه وعقله هل ذالك فعلا الوقت المناسب لقول الحقيقه هل ستظل بجانبه بعد قوله لها ما حدث 

ثوانى وأخذ نفس عميق وقال : أيوه يا زهره فى حاجه انتى متعرفيهاش 

نظرت له بخوف: يعنى انت مخبى عليا اييه يا عدى 

مسك يديها بهدوء ونزلوا الى الأسفل واجلسها على الكرسى بهدوؤ وهى تنظر له بدموع وقلق 

تنفس بعمق: أنا كنت عايز اقولك الكلام دا من زمان بس قلت استنى شويه بعد ما ترتاحى شويه 

مسك يديها أكثر: احنا يعنى متجوزناش 

نظرت له بصدمه وغضب ووقفت مره واحده : نعاام ازااى يعنى انا مش مراتك 

وقف أمامها بهدوؤ: اهدى دا مش قصدى على فكره 

ثوانى واكمل: قصدى احنا كتبنا كتابنا ومعملناش فرح علشان كده فى ناس كتير متعرفش جوزانا وكده علشان كان ليا صفقه كبيره ومشغول الفتره دى وكده 

ثوانى وهدأت انظارها بهدوؤء: وانت مقولتليش لييه قبل كده 

نظر لها بتوتر : علشان الضغط غلط عليكى ومردتش اتعبك بس احنا متجوزين يعنى بس ناقصنا الفرح 

نظرت له بابتسامه جميله لا تليق سوا بها : على فكره مكنتش هزعل طالما فى الحالتين انك جوزى بس ملحوقه يعنى 

نظر لها باستغراب: مش فاهم 

ابتسمت بحماس: هنعمل فرحنا يوم الخميس اييه رأيك 

نظر لها بصدمه : يوم الخميس الى هو بعد بكره مش كده 

هزت راسها بحماس وفرحه: ايوه بصراحه كنت زعلانه أن ذكريات فرحنا ناسياها ومش فاكره منها حاجه بس طالما كده ممكن نعمل فرحنا ونعيش سوا من اول وجديد 

تحدث عدى باعتراض: أيوه ..بس ....

قاطعته بحماس: مبسش يا عدى يلا هروح اجيب مجلات دلوقتى واختار فستان الفرح علشان ننجز وبكره الصبح نبدا فى التجهيزات وافق وافق وحياتى عندك والنبى والنبى 

نظر داخل عيونها التى تترجاه بطفوله وحزن تلك النظرات التى يضعف أمامها ويوافق على أى شئ مسلوب الإرادة ابتسم لها بعشق: حاضر يا زهرتى اعملى الى انتى عايزااه 

اتجهت إليه وقبلته من خده بحب: شكرا يا قمر 

ثم اتجهت بسرعه وحماس الى غرفتها لتبدأ فى التجهيزات بفرحه 

أما هو نظر لها الى أثرها بابتسامه عشق متناسى كل تلك العوائق التى تمنع تلك الزيجه بكل الطرق ...

..........

: نعااام اتجوز مين انتوا اتجننتوا 

: مازن خد بالك انك بتتكلم مع امك وفوق كويس انت فااهم 

نظر لها بغضب وغيظ: ما انتى جايه تدبيسينى فى واحده وبتقوليلى اتجوزها يا مازن البسها يا مازن وعايزانى اهدى مش كده 

اتجهت إليه مى بهدوؤ: يا مازن اهدى مش كده يا حبيبي اسمع بس كلام ماما للاخر 

نظرت له والدته بغضب:: لا ازااى  الأستاذ يسمع امه ويقف جمبها ومع واحده يتيمه ويساعدها 

نظر لهم بضيق : اساعدها على عينى وعلى راسى تقعد فى البيت مقولتش حاجه بس اتجوزها مش هيحصل انا مش هشيل شيله غيرى 

صرخت به والدته بغضب: ماااازن حاسب على كلامك 

قاطع صراخهم خروج ذالك الصوت الملئ بالحزن والدموع: أنا أسفه يا عمتو انا لازم امشى مش عايزه اسبب مشاكل أكبر من كده 

اتجهت إليها مى بقلق: بتقولى اييه بس يا نسمه بره خطر عليكى مينفعش 

نظرت والدتها الى مازن بغضب: مش هتمشى يا نسمه انتى تعتبرى خلاص مرات مازن مش كده ولا اييه يا مازن 

نظر مازن إليهم بضيق ولم يرد 

ردت عليهم نسمه بدموع خلف نقابها الأسود: مش عايزه اجبر حد يا عمتو على حاجه وفعلا مينفعش يشيل بلوه لنفسه 

سمر بحزن: يا بنتى بره خطر عليكى اعمامك لو لقوكى يا هيقتلوكى يا هيجوزكى الغفير دا 

قالت بدموع وقهره: معنديش حل غير انى امشى مش هجبره أن يتحوزنى ويشيل هم مش همه

نظر لها بضيق وحزن على حالها قليلا: على فكره محدش بيجبرنى على حاجه لو مش عايز اتجوزك مش هتجوزك 

ثم اتجه إلى الباب بضيق : انا رايح اجيب الماذون وهاجى

احتضنتها مى بدموع وحزن على حال تلك الفتاه التى كتب عليها الحزن طول حياتها ...

.................

: انت فين 

نظر إلى الرساله ورد باستغراب: فى البيت انتى وصلتى لحاجه لزهره 

ارسلت له ريكورد بصوتها بمرح: يعنى  مينفعش اتطمن على صاحبى المكتاب يا حازم يا كئيب 

ابتسم بهدوء ثم أرسل لها: لا متقلقيش انا كويس 

: أنا مش قلقانه خالص على فكره بقولك اييه افتح الباب كده بتاعك فى حد بيخبط 

نظر إلى الرساله باستغراب وفعلا سمع صوت خبط اتجه إلى الباب باستغراب فتح ونظر لها بصدمه: يخرب عقلك انتى بتعملى اييه هنا وعرفتى البيت ازااى 

رفعت شعرها الكيرلى بغرور: مش قولتلك معاك الصحفيه سلوى عماد اى خدمه يا باشا يلا ادخل البس 

: نعاام هلبس لييه

: اووف عليك يا حازم لازم تستفسر البس بس كده يلاا وتعالى 

وقف مكانه ينظر لها بدهشه قامت هى بذقه الى الداخل: يلااااا 

دخل حازم وغير ثيابه كانت هى فى تلك الأوقات تنظر إلى ارجاء الشقه ونزلت منها دموعها بلا اراده سرعان ما مسحتها عندما سمعت صوته خلفها بغيظ: لبست اهو هتعملى اييه يعنى 

ابتسمت له بمرح متجاهله ذالك الألم فى قلبها: يلا بقا علشان تعزمنى 

نظر لها باستغراب: أنا الى هعزمك 

: ايوه يلااا علشان جعاانه ولو اتأخرت هخليك تجيبلى الصباره الى بترقص يلااا

ابتسم بهدوء على جنان تلك الفتاه واتجهوا الى إحدى المطاعم يتحدثوا قليلا .....

........................

تم عقد القران بينهم اخيرا وأصبحت زوجته وهو يسيطر بصعوبه على غضبه والا يكسر كل شئ أمامه الان حتى ودع الماذون اوقفته امه بصرامه: نسمه تبقا بنت اخويا يا مازن لو فكرت بس تاذيها ساعتها هتنسى أن ليك ام وافتكر انها بنت خالك قبل اى حاجه وأنها دلوقتى ملهاش غيرك فااهم 

لم يرد عليها واتجه إلى غرفته بغيظ وغضب يغلى هو لم يتمنى تلك اللحظه الى مع حبيته زهره التى ينتظرها الى اليوم وينتظر وجودها فى حياته الان أصبح متجوز من فتاه غيرها حتى لا يعرف شكلها هى ترتدى النقاب منذ وقت كبير ولكن لا يهمه هو فقط يحميها 

دخل إلى غرفته بضيق واترمى على السرير بتعب 

مرت دقايق ومازال يضع يده على وجهه بتفكير وضيق حتى سمع صوت غلق الباب وخطوات رقيقه هادئه خمن انها هى ثبت على وضعيته حتى شعر انها تتحرك اخيرا نحو الحمام 

أخذ نفس عميق يحاول كبت غضبه من أن يصرخ بها 

مرت دقايق وسمع خطواتها مره أخرى تقف بجمود ولا تعرف ماذا تفعل نفخ بضيق وفتح عيونه ولعن نفسه انه كان يغمضها من البدايه يا الله من تلك الملاك ه.هل تلك زوجته بشعرها الذهبى المجدول خلفها وعيونها الخضراء الجميله التى كان يخفيها ذالك النقاب وبجامتها الرقيقه وتنظر حولها بتوتر وخجل وخدود حمرا من الخجل 

ظلت انظاره مثبته عليها ولا يستطيع أن يزيحها من عليها حتى فاق على صوتها الهادئ: احم كنت عايزه فرشه علشان انام على الأرض 

فاق على صوتها ونظر لها باستغراب: تنامى على الأرض لييه 

فركت يديها بتوتر ومازالت تنظر ارضا: أنا اتعودت على كده مش بينمونى غير على الأرض 

المه قلبه على ذاالك هى تقول ذالك بتلقائية ولكن المه قلبه كثيرا ثوانى وقام من السرير وقال لها : روحى نامى على السرير 

: بس 

قاطعها: مبسش انا مش هخليكى تنامى على الأرض يلا نامى 

: ط..طيب وانت 

: نامى انتى بس

اتجهت الى السرير بخجل وتمددت عليه اما هو نظر إليها قليلا ثوانى واتجه إلى الشرفه ينظر إلى السماء بتفكير: اييه الى بهببه دا انا لييه بحلقت اوى كده هى فعلا جميله بس زهره الى انت بتحبها ومستنيها ناسيتها بس اييه يأكدلى أن زهره جايه فعلا وانى بضيع عمرى وانا مستنى..بس انا حبى ليها مش مرتبط بوقت استناها العمر كله 

فاق على رساله رفعها ونظر إلى محتواها بصدمه وفرحه : "هانت يا مازن هشوفك قريب ونتجمع على خير "

....................

نزلت من سيارته بمرح: أتمنى تكون اتبسطت معايا النهارده يا استاذ حازم 

ابتسم حازم: ارتحت جدا والله يا سلمى وشكرا انك سمعتينى كتير النهارده 

ابتسمت بمرح: يا عم متقولش كده الاه بؤحرج..يلا بااى 

ابتسم لها بوداع: بااى 

نظر إليها قليلا حتى اختفت من السلم وأدار سيارته واتجه إلى وجهته

صعدت الى شقتها ودلفت إليها ثوانى وارتمت على الأرض بعياط شديد وهى تصرخ: ياارب خلااث مش قادره صبرنى يارب صبرنى وطبطب على قلبى ياارب 

حنان عبد العزيز 

تكملة الرواية من هنا 👇👇👇👇👇👇

من هنا