جميع الروايات كامله

زهرتى 

الجزء التاسع والعاشر 

بقلم حنان عبد العزيز

كامله على مدونة النجم المتوهج للروايات 

الجزء التاسع

تمر الايام بملل مع التغير فى حياه ابطالنا قليلا من حماس زهره الشديد والاستعدادت التى تقوم بها بنفسها وتشرف عليها من أجل زواجها مع عدى 

وعدى الذى يتابع شغفها بحب والقلق ينهش بداخله من معرفتها الحقيقه الصادمه لها .....

حازم التى لم تتركه سلوى ابدا وتحاول اخراجه من حزنه وتقوى على جرح قلبها وتساعده فى البحث عن زهره بكل الطرق وتسانده دايما وهو ارتاح لها كثيرا ولكن لم يشغله اى شئ سوى العثور على زهره زوجته ....

كان مازن لا يعطى لنسمه اى اهتمام كان ينام فى الصاله ويتركها تنام فى الغرفه بمفردها لأنه عندما يراها يصبح ضعيف جدا أمام جمالها البرئ لذالك يتجنبها على أمل الرساله التى ارسلتها زهره باللقاء القريب ...

فتح عيونه بزعر من صوت الباب العالى والخبط المتواصل بسرعه وغضب فتح عيونه بضيق وقام من على تلك الكنبه المزعجه التى ينام عليها تلك الاونه واتجه إلى الباب وفتحه ثوانى ونظر أمامه بقلق وصدمه من وجودهم: أهلا يا خالى 

حمحم الرجل بضيق : نسمه فين يا مازن 

نظر له مازن بضيق: لييه يا خال 

صرخ الرجل بغضب: هو اييه الى لييه يا ولد بقولك نسمه بنت اخويا فين فرحها قرب وجوزها عايزها 

قال مازن بسخريه: والله وفين المحروس جوزها دا بقا 

: أنا خطيبها اهو 

نظر مازن الى صاحب الصوت وصدم من هيئته كان سمين ويرتدى جلباب فلاحى ويبدو عليه انه فى الاربعينات من عمره 

صرخ بهم بغضب: انتوا بتقولوا اييه عايزين تجوزوا نسمه للحيوان دا 

نعم كيف لتلك الملاك الجميلة أن تتزوج من ذالك الوحش السمين مجرد فقط رؤيته تخاف منه كيف تصبح تلك الاميره زوجته 

صاح به خاله بغضب: الى مش عاجبك دا يبقا بن عمها ومتربى فى الصعيد وهو الى هيعرف يعدل تربيتها بتاعه مصر دى 

كاد أن يرد عليه مازن بغضب ويصرخ انها زوجته ولكن قاطعه دخول امه بغضب: خير يا اخويا جاى تاخد نسمه وتكمل اهانه ليها 

: متدخليش انتى يا ام مازن احنا عايزين بنت اخويا وهنمشى 

نظرت لهم بتحدى: وانا مرات ابنى مش هتطلع بره بيتها 

نظر الجميع الى بعضهم بصدمه من كلامهم حتى صاح بها بغضب: انتى بتقولى اييه مرات مين 

قال مازن بسخريه وغضب: مراتى اييه يا خالى مش سامع انا ونسمه اتجوزنا وبقت مراتى اظن ملكش اى حق انك تاخدها من بيت جوزها والاا 

: والا اييه هتضرب خالك يا مازن 

ابتسم مازن بسخريه: لا طبعا يا خالى اصل انا اتربيت انى ممدش ايدى لا على الى منى ولا على حريم مش شبهه ناس 

ونظر لهم بغضب وسخرية حتى صاح ذالك العريس بغضب: قصده اييه بالحديت دا انا عايز مرتى نسمه وسع يا جدع انت من طريقى 

وازاح مازن من أمامه سرعان ما اوقفه مازن بغضب وسدد له لكمه اطاحته أرضا وهو يقول بغضب: تبقا تفكر تيجى جمب مراتى يا حيوان انت فااهم يلا بره

امسكته والدته بصعوبه ونظرت الى اخواتها بغضب: مرات ابنى مش طالعه بره بيت جوزها مع السلامه 

ثم أغلقت الباب فى وجههم بغضب نظرت إلى مازن الذى يصرخ بغضب: شدتينى لييه كنتى سبينى اموت الحيوان دا 

 ووقف يتنفس بسرعه وغضب 

ابتسمت له ووالدته بخبث : مالك متضايق كده لييه 

قال بغضب ولا وعى: انتى مش شايفه الحيوان كان عايز يدخل يجيبها ازاى دا انا كنت هدفنه مكانه حوشتينى لييه 

اكملت حديثها بخبث : وانت يهمك فى اييه هو انت معتبرها مراتك اصلا 

ثوانى واستعاد وعيه وقال بتوتر : احم قصدى يعنى انها فى بيتى ودا واجبى وكده 

ثم اكمل : أنا هدخل اغير هدومى للشغل 

ثم اتجه إلى غرفته بسرعه متجاهلا نظرات امه الخبيثه المصوبه عليه ....

فتح الباب بضيق نظر أمامه باستغراب وقلق وهو يجدها تجلس على السرير وتبكى وجسدها يعلو ويهبط من البكاء 

وقف قليلا لا يعرف ماذا يفعل حتى حسم أمره واتجه إليها بهدوء وجلس بجانبها: ممكن اعرف بتعيطى لييه 

ثوانى وارتمت داخل حضنه بعياط أكثر: أنا أسفه على كل المشاكل الى بسببى اسفه 

بدأ قلبه يدق بشده من انها داخل احضانه سيطر على نفسه الذى يخرج ببطء ونظر إليهاوقال بتوتر: متتأسفيش انتى م.يعنى مراتى ودا واجبى وانتى مش السبب فى حاجه متعيطيش 

خرجت من حضنه بخجل ونظرت الى الأرض: أسفه 

قال بمرح تلقائي: يا دى النيله اسفه اسفه اييه يا بنتى انتى مش بتعرفى تقولى غيرهم 

نظرت له بدموع عالقه داخل خضراويتها ببرائه: لا والله بعرف أتكلم غيرهم 

لم يتمالك نفسه من الضحك وأخذ يضحك بشده ولا يستطيع التوقف وهو يقول بين ضحكاته: هههههههههه يخرب عقلك ضحكتينى ههههههههههههه دا انتى نيله خالص هههههههههه انا هقوم البس احسن 

ثم اتجه إلى الحمام ومازالت ضحكاته مسيطره عليه 

نظر اليه بهيام ووضعت يدها على قلبها بحزن : معقول سبت الناس كلها وجاى تدق لواحد مش بيحبنى اهدى يا قلبى اهدى وكفاية وجع بالله عليك ..........

......................

جاءت تلك اللحظه التى ينتظرها قلبه يكاد يخرج من ضلوعه من الانتظار وكثره الدق نظرت إلى المرأه للمره الاخيره حتى قال مالك بسخريه: يا عم كفايه بقا دا انت هتتجوز واحده متجوزه كمان وعامل الهيلمان دا كله 

رفع انظاره بضيق : قولتلك ميه مره متجبش سيره جوزاها دا خالص فااهم النهارده فرحى على زهره ارجوك متبوظش حاجه 

نظر له مالك بالامبالاه: مليش فيه يا اخويا بس لما تدمر بعد ما تعرف الحقيقه وتسيبك متجيش تقول يا ماالك 

صرخ به بغضب افزعه: ماالك اخرس 

صمت مالك خوفا من نبره صوته ثوانى وخرج عدى من الغرفه واتجه إلى الغرفه المخصصه لها حتى ياخذها ياخذ عروسته التى خطفت قلبه منذ اول نظره من عيونها البريئه الساحره 

فتح الباب بخفه وتوتر ثوانى ووقف مصدوم من كتله الجمال التى أمامه 

كانت اميره من عالم ديزنى بفستانها الأبيض المرصع باللولى والمنفوش من الاسفل وطرحه طويله فوقها تاج تنزل الى آخر الفستان بانسيابه وتنظر له بتلك الابتسامه التى لا تغيب عن وجهها 

اتجه إليها بعشق ويحاول كبت دموعه وقبل جبينها بحب: كلمه بعشقك هتكون قليله عن الى جوايا بس الى عايزك تعرفيه انك وصلتينى لمرحله من العشق لدرجه الموت ودى عمرى ما توقعت انى اوصلها فى يوم 

اقتربت منه بابتسامه وحب وقبلت خده: عارفه ان اكتر ذكرياتنا سوا مش فاكراها بس الى فكراهم كفيله انهم يخلونى أحبك قد الدنيا دى كلها وهنفضل سوا نعمل ذكريات جديده انا وإنت وبس ..

تابطت ذراعه بفرحه ونزلوا الى الأسفل وسط المعازيم القليله حتى لا يعرفها أحد ويتلقون التهانى والمباركات حتى جاءت لهم تلك الحقوده ماهى

 ( ما هى ولا ما هو😂😂سورى اندمجت شويه يلا نكمل )

ابتسمت لهم بشر دفين: الف مبروك يا عدى بيه 

نظر لها عدى بقرف ولم يرد اما زهره تابطت زراع عدى بغيره وابتسمت لها : الله يبارك فيكى ياا.. سورى مش فاكره اسمك 

نظرت لها ماهى بغضب وابتعدت عنهم نظر لها عدى بغمزه: طيب حاسبى بس الغيره هتولعى 

نظرت له بغيظ: ايوه بغير مش جوزى الااه 

ثم اتجهوا الى الاستيج ورقصوا برومانسيه وهى غائصه داخل احضانه بعشق وهو يضمها له بتملك وحب ولا يشعران باى شئ حولهما حتى نظر لها عدى داخل عيونها : عايز اقولك حاجه يا زهره 

نظرت له بحب : عدى حبيبى يقول الى هو عايزه 

ابتسم لها يريد أخبارها الحقيقه لا يريد أن يبنى حياتهم الجديده على كذب : بعدين لما المعازيم تمشى 

مرت عده ساعات وفعلا خرج كل المعزيم استأذنت زهره أن تذهب إلى الحمام وتغير ذالك الفستان لأنه ثقيل 

وجلس عدى مع مالك فى الأسفل 

عدى : مالك يا مالك كنت مختفى فين طول الفرح 

نظر له مالك بتعب: لا مفيش كنت بشوف كام حاجه كده  ....بقولك يا عدى مش ناوى تقول لزهره لسه 

تنهد عدى : هقولها يا مالك كل حاجه دلوقتى عايز ابدا حياتى معاها على الحقيقه والصراحه 

جاءت زهره من خلفهم باستغراب: حقيقه اييه يا عدى 

نظر عدى الى مالك بقلق ثم نظر إلى زهره وكاد أن يتحدث لولا رن الجرس ودخول آخر شخصين كاد عقلك ان يتوقعهم؟؟؟؟؟؟؟؟؟؟ 

.................

: الو يا سلوى

صرخت به بقلق : حازم انا لقيت زهره تعالى بسرعه على المكان دا يلا 

وقف حازم بصدمه يحاول استيعاب ما سمعه منذ قليل هل فعلا وجدها 

ثوانى ووجد رساله أخرى من رقم غريب "لو عايز نصفى كل حاجه تعالى على العنوان دا   زهره"

ثوانى ذالك نفس عنوان الذى اعطته له سلوى لم يفهم اى شئ سوى أنها خرج من الشقه بسرعه متوجها إلى ذالك العنوان باقصى سرعه لديه...........

حنان عبد العزيز 🖤

جماعه الجزء الجاى هيكون لقاء الجبابره الى مستنينه بقالنا كتيرر فتفاعل كتير بقا علشان انزل الى بعده بدرى🙂🖤

ليصلك الأجزاء القادمه التعليق 20 ملصق ولايك وعمل متابعه لصفحتى الشخصية

💔💔💔زهرتى 💔💔💔

الجزء العاشر

 

لحظات صدمه استيعاب فرح اشتياق غضب وعدم فهم 

اتجه إليها بسرعه واشتياق: زهره وحشتينى اوى انا جيت جيت أهو متقلقيش انا معاكى 

نظرت له بعدم فهم وخوف واتجهت نحو عدى ومسكت ذراعه بخوف وقلق: عدى مين دا 

نظر لها مازن باستغراب: زهره مالك انا مازن انتى خايفه منى اييه 

نظر له عدى بغضب وهو يحكم قبضته: مازن مين يا جدع انت ازااى اصلا تدخل الفيلا هنا وتتكلم مع مراتى كده 

نظر له بصدمه وغضب: نعم مرات مين م..مراتك ازاى زهره قولى انه بيكدب قولى 

مسكت فى عدى أكثر بخوف ودموع : عدى انا مش فاهمه حاجه مين دا 

عدى بغضب: تاخد نفسك ونخرج خالص بره والا هتطلع جثه برره 

..: زهره 

نظر الجميع الى مصدر الصوت ثوانى وبدأ عدى قلبه يطرق كالطبول من الخوف من رؤيه ذالك الشخص امامهم وزهره التى تمسك يد عدى بخوف وتنظر نحو ذالك القادم باستغراب وقلق 

اتجه إليها حازم بدموع وفرحه: زهره وحشتينى انا اسف اسف والله انا وانتى هنبدا من جديد والله وهننسى كل الى فاتت وهنعيش ذى اى اتنين متجوزين طبيعين بس ارجعيلى يا زهره أنا ندمان صدقينى 

صرخ به مازن بغضب: ندمان ندمان على اييه انت زلتها وضربتها انت دمرتها اييه يا أخى ولسه عايزها ترجعلك دا على جثتى زهره هترجع معايا ومش هتشوف وشها خالص 

نظر اليه حازم بغضب: زهره مراتى وهترجع معايا وانا وهى هنعرف نرجع حياتنا الطبيعيه تانى اطلع انت منها يا مازن 

قاطعهم عدى بصرااخ: باااس انت وهو زهره مش خارجه بره الفيلا من هنا فااهمين يلااا كله بره 

حازم بغضب: براا مين بقولك مراتى يعنى هترجع معايااا 

قاطعتهم زهره بصرااخ: باااااس باااس حراام عليكم انا مين انا مش فاكره حاجه انا مرات مين وانت مين و..وعدى. يعنى عدى مش جوزى ..أنا مين 

ثم وقعت على الأرض مغمى عليها اتجه إليها الجميع بقلق وخوف كاد أن يحملها حازم ولكن ازااحه عدى بقوه: ابعد ايدك عنها 

وحملها عدى واتجه إلى إحدى السيارات بسرعه وقلق عليها 

اتجه حازم ومازن خلفه بسرعه وغضب من تصرفه واتجهت معهم سلوى بقلق ينهش داخل قلبها من القادم ....

كان الجميع يضعون يدهم على قلوبهم من القلق والخوف عليها وكلااا منهم بداخلهم العديد من التساؤلاات الكثيره ولكن كل واحد فيهم يكتم غضبه بداخله حتى يطمأنوا عليها 

خرج الدكتور إليهم وينظر لهم بضيق: مين قريب المريضه 

قالوا الثلاثه فى صوت واحد: أنا يا دكتور 

نظروا إلى بعضهم بغضب 

حتى قال عدى : أنا يا دكتور جوزها اييه حالتها دلوقتى

حمحم الدكتور بعمليه: حالتها حاليا مستقره هو فى احتمال انها ترجع ذاكرتها بعد الضغط الى واضع عليها الى اتعرضتله ساعتين وهتفوق ونعرف عن اذنكم ...

صاح مازن بغضب: ممكن اعرف بقا انت تبقا مين وزهره مراتك ازااى 

حازم بغضب: مرات مين زهره مراتى انا مطلقتهاش وهتفضل مراتى 

عدى بغضب: مراتك الى انت اذيتها ودمرتها مش كده الى ذيك اصلا خساره فيه كلمه رااجل وانت ..

ونظر لمازن بغضب: عايز تاخد واحده متجوزه انت مجنون صح والى بيقول انها مراته احب اقولك انى طلقتها منك من اول يوم شوفتها فيك واتجوزتها انا يعنى زهره مراتى أنا 

اتجه إليه حازم بجنون وغضب ومسك قميصه: انت بتقول اييه طلاق اييه زهره مراتى مراتى انا انت فااهم

اتجهت نحوه سلوى بسرعه وازاحت يده من عدى وابعدته عنه وقامت بتهدأته

عدى ببرود: دا الى عندى وقلته زهره هترجع معايا البيت علشان هى مراتى 

نظر لها مازن بغضب: ويا ترى زهره عارفه الكلام دا 

وضع عدى يده داخل جيوبه بثقه: ايوه وهتروح معايا 

نظر له بغيظ: لا زهره أكيد ليها رأى تانى علشان هى الى بعتت ليا الرساله بالعنوان دا وانى اجيلها 

حازم بصدمه: ازاى وبعتالى نفس الرساله برده على العنوان دا 

نظر الجميع الى بعضهم بصدمه وكانت الصدمه الأكبر من نصيب عدى الذى صرخ بهم: انتوا مجانين ازاى هتكلمكوا وهى فاقده الذاكره اصلا ومش معاها موبيل 

قاطعتهم سلوى : ممكن تكون مش فاقده الذاكره وعملت كده علشان تتنتقم 

نظروا كل واحد بهم الى الاخر بصدمه من هول التفكير بذالك 

ثوانى واتجه إلى غرفه زهره بسرعه فتح الباب وانصدم لا يوجد أحد بالغرفه كانت هنا على السرير والان ليست هنا 

صرخ عدى بقوه: زهراااااااه 

................

فركت يديها بخوف عليه فقد قاربت الساعه على الثالثه فجرا ولا يرد على الهاتف فمنذ خروجه عندما رأى رساله على الهاتف جرى بسرعه ولا تعرف اين هو حتى الآن 

ثوانى وسمعت صوت الباب يفتح ويدخل الى غرفته صامتا غير عابئ لها بملامحه الباهته الحزينه 

احتارت أن تدخل خلفه وتسأله ما به او تصمت ولكن قلقها وخوفها عليه من منظره الغير مهندم والباهت اتجهت خلفه وجدته يجلس على السرير ويضع يده بين وجههه بصمت 

اتجهت إليه بتوتر وخوف : م..مازن انت كويس 

لارد 

اتجهت إليه أكثر وانحنت نحوه بقلق: مازن انت كويس 

ازارح يديه ونظر إليها بعيونه الحمراء من الغضب وقام بزقها بعيدا عنه وصرخ بها: ابعدى عنى فااهمه اوعى تفكرى علشان هى هربت منى هقرب منك انسى فااهمه انا اتجوزتك علشان خاطر امى غير كده انا بكرهك فااهمه ومحدش هياخد مكان زهره فى قلبى هى الوحيده الى فى قلبى وفى حياتى هى الوحيده الى تستاهل حبى انتى ابعدى بره بره خالص ابعدى عن حياتى بقا انا بكرهك .....

ثم جلس مره أخرى ووضع يده على وجههه وأخذ يبكى بشده كالطفل التائهه 

وتلك المكومه على الأرض تسمع كلامه بصدمه لتلك الدرجه يكرهها هل يحب غيرها فعلا هل لا يطيقها لذالك الحد 

نظرت إليه بدموع قهر وذل سرعان ما سمعت بكائهه تحولت إلى دموع شفقه على حاله تحاملت على ألم قلبها واتجهت إليه وجلست بجانبه ووضعت يديها على كتفه بهدوؤ ودون كلام 

ثوانى ووجدت نفسها داخل احضانه يشبث بها بقوه كالغريق وهو يبكى كالضائع: لييه سابتنى يا نسمه انا كنت مستعد احميها من كل خطر حواليها وكنا هنبدأ سوا بس هى لييه هربت منى تانى لييه عملت كل دا 

أما هى كانت صامته تمام لا ترد عليه فقط تطبطب على ظهره بهدوؤ ودموعها تنزل فى صمت وظلوا هكذا الى أن غلبه النعااس ..........

.............   ................

مالك بقلق من أمام الباب : عدى افتح ابوس ايدك متعملش فى نفسك حاجه 

كان بالداخل كالوحش الكاسر يكسر كل شئ أمامه بغضب اعمى وهو يصرخ بغضب: هربت منى يا مالك هربت منى كانت بتضحك عليا طول الوقت الى فااات يا مااالك ليييييه 

مالك بقلق: طيب طيب افتح بس ونشوف الموضوع دا يمكن نكون ظالمنها يا عدى 

عدى بصرااخ: الخدامه لقت التليفون والخط فى اوضتها يا ماالك ونفس الرقم الى بعتت عليه الرسايل ليييه تستغلنى كده انا اتجرحت يا مالك اتجرحت من حب حياتى 

ثم جلس على الأرض بانهيار ودموع خافته: حتى موت ابويا مكسرنيش كده قد كسرتها ليا دا انا حبيتها وكنت هعيش معاها فى سعااده ليييه تعمل فيا كده ليييه 

ثم نظر بشرار أمامه وقال بغضب: بس ورحمه امى مش هسيب حقى وهجيبها ذليله عندى وتعرف مين هو عدى وتشوف وشى التانى 

.....................................

نظرت له بتعب: كنت عارفه انى هلقيك هنا 

نظر للأمام بدموع: هى لييه هربت منى تانى لييه مدتنيش فرصه واحده بس اعتذر ليها ونبنى سوا حياتنا يا سلوى لييه 

جلست بجانبه ونظرت الى البحر بشرود: مش كل حاجه بنحلم بيها بنتحقق ولا كل شخص بنتنمى انه يكون ليا بيكون نصيبنا فى الاخر ونرجع ونقول دى حكمه ربنا 

مسحت بعض الدموع التى نزلت منها ونظرت له : أرجع لحياتك يا حازم كفايه الى ضاع عليها وعلى غيرها 

نظر لها بدموع: الوجع كبير اوى دى زهره يا سلوى 

نظرت له بألم وصمتت ونظروا الاثنين امامهم بدموع وألم حاد يقتل قلوبهم على كل عاشق لا يهتم بقلب الاخر ويجرحه أمامه.........

ومرت تلك الليله بين الجميع ألم دموع وعيد كرههه انتصار فرحه خبيثه تخطيط ناجح وانتقام لمن أسر القلب يوما.......

دخلت سلوى الى شقتها بتعب وهى تنظر إلى الأرجاء وكانها تبحث عن أحد ذالك الذى أنس وحدتها خلال تلك الفتره الاخيره وأصبح الونيس والصاحب على مداار الشهرين الأخيرين

دخلت الى إحدى الغرف بمرح: انتى مش قاعده بره لييه يا ست زهره 

رفعت زهره عيونها الخضراء لها بابتسامه بسيطه: مستنيااكى.؟؟؟؟؟؟؟

حنان عبد العزيز 🖤

تكملة الرواية من هنا 👇👇👇👇👇👇

من هنا

تعديل المقال