جميع الروايات كامله

 صعيدي_علمني_الأدب
البارت_التاسع والعاشر 
بقلم حنين عادل
كامله على مدونة النجم المتوهج للروايات 

بدر: خلاص يا بنتي انا اسف انا اللي غلطت اني جبتك هنا احنا هنرجع تاني..

روح: بجد يا بابا

بدر: ايوه بجد انا ماعنديش اغلي منك روحي جهزي شنطك..

يونس بتفكير: هاتمشي؟!! ماتمشي علي الاقل ارتاح واخلص منيها ..بس ليه مش مبسوط ..لاه اتبسط مش مبسوط كيف ياراچل خلي عندك دم ده لسه كسره ليك دراعك ..بس متنساش انه كان فيه شرخ من اخر عمليه يعني لسه ضعيف هيا مالهاش ذنب الدنيا رايحه بيك علي فين يانمر حته بت زي دي تعمل فيك كده ...

روح : حاضر ..

شاكر:  انت عاتقول ايه يا خوي

بدر: لازمن نعاود كفايه اوي اللي حوصل استني لما اعاود بيها جته

شاكر: استهدي بالله بس يا خوي يمين بعظيم ابدا ما تخرج من اهنيه وانت زعلان ..

بدر: مش زعلان يا خوي بس هاعاود

روح واقفه وحاسه ان الدنيا هتبوظ.

يونس: انا بعتذرلك يا عمي انا عارف اني غلط اعتبرني ولدك وغلط

شاكر: خليك وسماح المرادي يونس ولدك وغلط وان حوصل حاجه تانيه يبقي حقك.

روح بتفكير: لا يا بابا والنبي انا ماصدقت ماتوافقش لأ

روح: انا رايحه اجهز شنطتي عن اذنك يا بابا

روح كانت ماشيه...

شاكر: استني يا روح

روح لفت: نعم يا عمي ..

شاكر بص ل.بدر: هاتزعل اخوك   

بدر: لاه يا خوي بس اي غلط تاني هاعاود ..

روح بتفكير: عااااااا لا يا بابا بقا اه يا شاكر يا ابن الل..

يونس: ربنا ما يجيب غلط

روح بتبصله بعصبيه .....

صعيدي_علمني_الأدب
البارت_التاسع والعاشر 
بقلم حنين عادل

بدر: خلاص يا روح حقك عليا انا ومتخافيش من اي حاجه وانا معاكي..

روح بحزن: بس يا بابا..

بدر: خلاص يا حبيبتي ما تزعليش اعتبرينا بنقضي اجازه ..

روح : حاضر يا بابا انا طالعه ارتاح ..

بتبص ل يونس بقرف وبتطلع ...

يونس بتفكير: ماشي يا بت عمي ..

بقلم حنين عادل..

طلعت روح اوضتها ...

روح: اعمل ايه يا ربي اكتر من كده  انا شكلي هاعيش واموت في البلد دي مع الكائن ده ..

مسكت هدومها ودخلت الحمام تاخد شاور دافي يهدي اعصابها ..

.............................

بدر: حسك عينك يا يونس تعمل اللي عملته ده تاني او تفكر تئذيها قلت لك ميه مره ان روح بتحب العند ان عاندتها تخسر قدامها قلتلك سايسها تاخد عينيها وقلبها انما انت كل اللي عملته لحد دلوك قللت منها واتعاملت معاها بالعنف ..

يونس: بس يا عمي ..

بدر: بس ايه طلعتلك الخيول عاودت ولا لاه

يونس : عاودت

شاكر: خلاص بقا يا خوي سماح يونس مش هيكررها

بدر: اتمني ..

يونس بتفكير: ايه الجمال ده تبقي الغلطانه وتطلعني الغلطان تستفزني وتعصبني وتطلع البريئه والمسكينه والمظلومه دي انتي حكايه وروايه 😡

..........................

طلعت من الحمام بالبرنس والفوطه علي شعرها  ووافقه بتنشف في شعرها قدام المرايه ..

مصطفي : رووح انتي كويسه.  

روح : عااااااا جعزتني يخربيتك ..

لف مصطفي وشه الناحيه التانيه ..

مصطفي ووشه احمر: يخربيتك انتي ايه ده كله ايه ده كله.

روح : ايه ايه انت مكسوف يا بطه 😂

مصطفي: كنتي اقفلي الباب انا كنت جاي اطمن عليكي بعد ما يونس سحلك وراه كيف البهيمه

روح: بس يا غلس وبعدين انت كنت شايفني ما انا ندهت عليك ما انقذتنيش ليه يا جبان

مصطفي: اه عشان كان ربط ايدي معاكي نتسحلوا سوا سوا

روح: انت ندل اوي يا مصطفي 

مصطفي: انا عارف هوا العمر بعزقه ولا بعزقه ..

هااااااااع ... روح كبت علي مصطفي ميه من قفاه ..

مصطفي بصلها: ليه كده.  

روح: تستاهل يا جبان ..

مصطفي مسك ازازه الميه اللي في ايد روح ..

روح: مصطفي لأ بطل ..

فضل يجري وراها وطلعت علي السرير وهوا يرش ويجي عليها نزلت من علي السرير وهيا بتضحك وهوا ووقفت عند الباب رش ميه راحت موطيه وهيا ضهرها للباب ...

روح: ههههههه ماجتش فيا ههههههههه بس عسل ياض خفيف كده مش زي الظابط الهم بتاعكم المعقد ده ماتتجوزني ياض..

مصطفي بتوتر: بس بقا

روح: مالك في ايه انت هتتعدي من الاهبل اخوك ..

مصطفي: يونس ..

صعيدي_علمني_الأدب
البارت_التاسع والعاشر 
بقلم حنين عادل

روح: ايوه هوا في اهبل ومجنون غيره ..

مصطفي: يونس وراكي..

روح: اه مش تقول ....ايه 😢

بتبص روح وراها بتلاقيه واقف ووشه احمر..

روح بترجع لورا ...

روح: انت عامل زي عفريت العلبه كده ليه

يونس: ايه اللي انتوا بتهببوه ده

روح: بنلعب

يونس: بشكلك ده

روح: مالي يعني ما انا عسل اهو

يونس بعصبيه ولسه هايقرب منها افتكر عمه ...

مسك مصطفي من ليقته وهاتك يا ضرب...

مصطفي: يا خووي يا خوووي يوووه 

روح بضحك علي منظر مصطفي: هوا كله ضرب ضرب ما فيش شتيمه ..

مصطفي: ههههههههه حلوه ...ااااااه خلاص اسف انت ماعندكش رحمه 

روح: لا رحمه ولا دم ولا لحمه ههههههه

يونس بصلها بعصبيه وساب مصطفي مصطفي طلع يجري. 

روح: خف ايدك عليه ده يا حبه عيني كيوت وقمر كده مش جحش زي ناس. 

يونس بيقرب منها لحد ما زنقها في الحيطه: كيوت وقمر..

روح بتحاول تشجع نفسها: اه صحيح يا نمر بلييز قول لعمي يجوزنا انا عارفه اني اكبر منه بس عادي الطب اتقدم ..

يونس: بقا عاوزه تتجوزيه

بقلم حنين عادل

روح: يا ريت ولو سمحت ابعد ما ينفعش الوقفه دي انا هابقي مرات اخ..

باسها لاول مره وكانه بيثبت لنفسه ملكيتها وكان العالم وقف اللحظه دي حاولت تبعده ما عرفتش بس حست باحساس لاول مره تحسه ..

بدر : روووح ..وداخل الاوضه. 

يونس بعد عنها بسرعه وهيا واقفه وشها احمر وبتمسح شفايفها..

بدر: يونس انت بتعمل ايه هنا .

صعيدي_علمني_الأدب
البارت_التاسع والعاشر 
بقلم حنين عادل

روح حضنت ابوها : باسني في بوقي يا حضره البكباشي..

بدر: ايه..

روح ببكاء مصطنع: باسني في بوقي يا بابا خدش حيائي

يونس كان عايز الارض تنشق وتبلعه

بدر بعصبيه: ايه ؟!

يونس: مممماحصلش ياعمي انا كنت جاي اطيب بخطرها  دخلت لقيتها واقفه كده وبتلعب مع مصطفي وده عيب فاااا كنت بفهمها بس يا عمي انما اتهام واعر زي ده ماقدرش عليه 

بدر: طب روح انت يا يونس 

يونس مشي  ..

روح: ايه ده يا بابا سيبته كده

بدر: يونس مايعملش كده يا روح..

روح: يعني انا كذابه..

بدر: انتي اكبر كذابه

روح: تمام ماصدقتنيش ليه بقا 

بدر : هههههه يلا يا لمضه البسي حاجه مقفله وتعالي نتعشي ...

روح: حاضر

بدر: واقفلي الباب يا هانم

روح: حاضر ..

بينزل بدر و بتقعد روح علي السرير بتفتكره لما كان بيبوسها ..

روح بضحك: انت وقعت ولا ايه يا نمر 

بقلم حنين عادل 

............................

الكل متجمع علي السفره..

ومرات شاكر بتحط الأكل..

بتنزل روح علي السلم بفستان طويل بحمالات لونه بامبي ضيق من فوق وواسع من تحت وسايبه شعرها بقت تحسها حوريه طالعه من البحر  وحاطه منديل ابيض علي شعرها..

يونس انبهر بجمالها ..يونس بيقع في حبها بس مش عارف ومش حاسس صحيح النمر مش بيحب غير خناقه ..

روح: مساء الخير..

الكل : مساء النور

مصطفي: مساء الجمال ..

بتبصله روح وهيا بتضحك وبتشد كرسي وبتقعد وهيا بتضحك وبتغمزله...

مصطفي بيبتسم ليها يونس بيزغر ليه بيشنق. ويفضل يكح روح بتقوم بسرعه تديله ميه..

يونس بيتعصب بس مش بيبين ..

مرات شاكر بتحط ل يونس فطير قدامه ..

يونس: كتر خيرك يا مرت ابوي

روح بصت باستغراب وكملت اكل. 

صعيدي_علمني_الأدب
البارت_التاسع والعاشر 
بقلم حنين عادل

خلصوا العشاء وروح طلعت اوضتها ....قعدت شويه تقلب علي التليفون من الفيس للواتس ومن الواتس للفيس وتنزل صورها عليه ..

روح لقتها بتبحث علي الفيس يونس النمر ..

روح : انا ايه اللي بعمله ده 

وكانت هتطلع لقت صفحته. 

دخلتها وقعدت تقلب في صوره وفي بوستاته ..

روح: انسان غامض ...

لفت نظرها مشاركه بوست معاه ان فرح صاحبه بكره دخلت التعليقات بس ما فهمتش حاجه..

روح: انا هاروح اسأل مصطفي..

قامت روح وراحت تخبط علي مصطفي ..

مصطفي فتح وبص يمين وشمال كانه بيسرق..

روح: في ايه يا بني

مصطفي: يونس مانعني اني اكلمك او اقرب ليكي

روح: واللهي وده بقا ليه ان شاء الله 

مصطفي: ما عارفش..

روح: المهم هوا في فرح هنا بكره

مصطفي: ايوه فرح صاحب يونس ده يبقي صاحب عمره

روح: اه...مصطفااا ممكن اطلب طلب بلييز بلييز

مصطفي: انا قلقان😢

روح: لا متخافش طلب زقنقن اد كده ..

مصطفي: ايه وربنا يستر..

روح: زهقانه اوي يا مصطفي عايزه اخرج..

مصطفي: نعم انتي طول اليوم بره

روح: مش انت رايح فرح صاحب يونس

مصطفي: ايوه

روح: انا عايزه اجي معاك والنبي يا مصطفي انا هتخنق في البيت ده هامووت وانت الوحيد اللي برتاح لك وبطمن ليك وديني الفرح دي هتبقي اول مره اروح فيها فرح صعيدي ..

مصطفي: بس ...

روح: حبه صغيرين وهنمشي عشان خاطري 

مصطفي: خاطرك عندي كبير حاضر يا بت عمي بس نعمل تمويه مش عايز يونس يشوفنا

روح بفرحه: ماشي شكرا يا مصطفي ..

مصطفي: العفو..بس اوعديني ماتعمليش حاجه اكده ولا اكده انت فاهماني

صعيدي_علمني_الأدب
البارت_التاسع والعاشر 
بقلم حنين عادل

روح: انت بتقول ايه انا بتاعت الكلام ده وعد طبعا

مصطفي: ربنا يستر..

.......................

في اوضه روح...

ماسكه رقم كرم اللي ادهولها في ورقه

مسكت تليفونها ورنت عليه..

كرم: الووو مين ؟!

روح: انا روح يا كرم ..

كرم: قمر ..كيفك وصلتي القاهره بالسلامه

روح: روح ...يا كرم.. لأ انا ماسافرتش يونس مسكني

كرم بقلق: طب انتي كويسه .

روح: الحمد لله ...ممكن اطلب منك طلب

كرم: اطلبي انتي انت طلبتي عمري اقدمهولك ..

روح: انا عاوزه........ ......

بتقفل معاه التليفون وهيا بتضحك ..

روح: خبطه في الدماغ تدوخ انما خبطتين توجع  واهو بنتسلي يا نمر هههههههه انا ماخدتش حقي منك علي جرجرتي وراك كده وهاخده الطاق طاقين ......يتبع

ولسه اللي جاي تقيل مع كاتبه الجيل😎

ها طلبت ايه من كرم المره دي وناويه تعمل ايه في الفرح توقعاتكم مع ان انا محدش يتوقعني😂

تفاعل جامد جدا واكمل انا بكتب كل يوم عشان تفاعلكم الحلو ده 

#صعيدي_علمني_الأدب😂 

#البارت_العاشر 

في الصباح..

روح : صباح الخير يا ست البنات هيا الساعه كام

قامت تشوف في تليفونها الساعه 11 ...

روح بتفكير: غريبه يعني اومال بابا فين النهارده ...

قامت وخدت شاور ولبست بنطلون جينز عليه بلوزه بيضه ولمت شعرها ونزلت...

لقت مرات عمها شاكر قاعده في الصالون..

روح: صباح الخير يا مرات عمي 

مرات عمها: صباح النور يا بتي 

روح: الا صحيح انا عماله اقولك مرات عمي مرات عمي انتي اسمك ايه يا عسل 

مرات عمها بضحك: اسمي صفاء...

روح: عاشت الاسامي صحيح فين بابا وعمي شاكر

صفاء: ابوكي وعمك شاكر ويونس طلعوا يلفوا في البلد شويه وعملين سبق بينهم ..

روح: اه طيب ..

صفاء: يا صفيه يا صفيه

صفيه: ايوه يا ست صفاء

صفاء: جهزي لستك روح الفطور

صعيدي_علمني_الأدب
البارت_التاسع والعاشر 
بقلم حنين عادل

صفيه راحت تجهز الفطار وروح فضلت قاعده..

روح : ممكن اسألك سوال  يا مرات عمي.

صفاء: اسألي يا بتي

روح: انا سمعت يونس امبارح بيقولك يا مرات ابوي ...هوا انتي مش امه 

صفاء: لاه انا ام مصطفي ومريم ..

روح: مريم ؟! انتي عندك بنت اومال ما شفتهاش يعني

صفاء: الله يرحمها ماتت وهيا صغيره ..

روح: الله يرحمها ...اومال ام يونس فين ..

صفيه: الفطور جاهز..

صفاء: يلا افطري 

روح: تمام..

قامت روح وراحت عالسفره و قعدت تفطر ..

ترررن ترررن...

ردت روح علي التليفون..

روح: جبت اللي طلبته منك يا كرم

كرم: ايوه يا قمر ..

روح: رووووح روووووح...

كرم: ماشي يا قمر ..

روح: يادي النيله هاتجبهولي ازاي .

كرم: هتقابليني؟!!

روح: تمام بس فين وانا ما عرفش حاجه في البلد دي 

كرم: اومال هنتقابل فين..

روح: اقولك تعالي قدام البيت الكبير او بعيد عنه عشره متر مثلا يونس وبابا وعمي شاكر مش هنا

كرم: تمام .. هاكون عندك بعد ١٠ دقايق

روح: اوك..

كرم: سلام يا قمر

روح: سلام ...رووووح ..

قفلت التليفون وهيا بتبتسم..

شربت قهوتها و قامت حطت تليفونها  في جيبها وطلعت ..

خرجت من البيت واتمشت شويه لحد ما قابلته

روح: فين؟!

كرم ادالها شنطه..

روح: كل حاجه تمام ..

كرم: ايوه بس خلي بالك ..

روح: شكرا يا كرم مش عارفه من غيرك كنت عملت ايه .

كرم:  العفو يا قمر..

روح: رووووح يابني 

كرم: ما قلتلك قمر لايق عليكي اكتر 

روح: طيب انا لازم امشي وشكرا للمره التانيه يا كرم

كرم فضل واقف يبص ليها وهيا ماشيه بحب واعجاب..

صعيدي_علمني_الأدب
البارت_التاسع والعاشر 
بقلم حنين عادل

دخلت روح البيت وعانت الشنطه في اوضتها تحت الكرسي وطلعت ..

بقلم حنين عادل

........................

عند اسطبل الخيول

بدر ويونس وشاكر راكبين الخيول وواقفين..

يونس: جاهز يا عمي

بدر: ايوه وهاكسبك كمان

شاكر : متعشمين اوي .

روح: حصل يا عمي انا اللي هاكسبكم

روح كانت راكبه الفرس ووقفت جمبهم ..

يونس بضحك: نسيتي اللي حصل ولا ايه

روح: لا منسيتش يا خفيف

بدر: انزلي يا روح عشان ما تتأذيش

روح: متخافش يا بابا

شاكر: طيب يلا استعدوا ..

روح: استنوا  لحد فين؟!!

شاكر: لحد اخر الارض دي وترجعي لنفس المكان تاني

روح: ماشي ..

روح ميلت علي الحصان الابيض اللي كانت راكباه اللي هوا رهوانه اللي وقعتها قبل كده وقالت لها حاجه

بصلها يونس باستغراب ..

روح: ريدي ..

شاكر: بعد ١ ..٢...٣..

بقلم حنين عادل..

طلعوا كلهم يجروا وحصان يونس الاسود كان سابق وبعدها حصان رووح بقا جمبه ..

بقت المنافسه ما بين حصان يونس وروح..

روح: يلا يا رهوانه وريهم ..

يونس : فهد ما يخسرش

روح: ما تستعجلش يا نمر..

حصان روح بدأ يسبق حصان يونس ولكن حصان يونس رجع تاني وبقوا جمب بعض وحصان بدر سابق حصان شاكر بس المنافسه بين روح ويونس..

لفوا وهما خلاص في طريق النهايه..

وحصان يونس جمب حصان رووح

لحد ما رهوانه سبقت فهد ووصلت ل.خط النهايه..

روح وقفتها وميلت عليها تاني وقالت لها حاجه في ودنها..

روح: مش قلتلك ما تستعجلش يا ابن عمي

يونس: ازاي رهوانه تبقي معاكي كده انتي قلتي ليها ايه

صعيدي_علمني_الأدب
البارت_التاسع والعاشر 
بقلم حنين عادل

روح: مش لازم تعرف يا نمر

يونس: اهو منك نستفيد

وصل حصان بدر ..وبعديها شاكر..

روح: اهو انا اللي كسبتكم يا عمي 

شاكر: عفارم عليكي يا بتي بس ازاي رهوانه تسبق فهد

روح وهيا بتبص ل.يونس: عشان  حطت في دماغها تهزمه والبنت لما بتحط حاجه في دماغها بتنفذها يا عمي..

بدر: بت ابوكي .

روح: قلب روح من جوه 

يونس بصلها بابتسامه .

روح بتفكير: شايفاك هادي ورايق ومبتسم ولازم تتعصب النهارده اصطبر عليا يا نمر...

شاكر: يلا عالدار نتغدي.

بدر: يلا..

يونس: ممكن اتمشي انا وروح شويه

بدر: ليه

يونس: نتكلم ونتعرف 

بدر: تتمشي معاه يا روح

روح باستغراب وتفكير: يا تري عايز ايه ده لما نشوف

بدر: ها يا بتي

روح: ما عنديش مانع 

شاكر: طيب يلا يا بدر 

مشي شاكر وبدر ونزل يونس وروح من علي الاحصنه. 

روح بصتله: عايز ايه يا نمر..

يونس بابتسامه: ليه يا روح نفضل ناقر ونقير علطول كده .

روح: عشان انت انسان مغرور وشايف نفسك علي الفاضي وانت هوا اساسا

يونس: وانتي اللي متواضعه وماليه مركزك ونسمه اووي 

روح: وسليط اللسان وعصبي وعنيف

يونس: وانتي مابتطلعش منك العيبه وهاديه وتتحطي علي الجرح يطيب..

روح: عاوز ايه يا نمر انا وحشه وانت اوحش بميه درجه..وعارف مش عايزه اتكلم معاك لان كلامك ما بيلذش ومش بينزلي من زور سلام انا ماشيه..

مشت روح وسابته واقف بيبص بابتسامه ياتري انت فيك ايه يا نمر ومتغير ليه...

روح بتفكير: حاساك مش طبيعي يا نمر ..

وصلت لقدام البيت وجايه تدخل اتخبطت في حد...

روح: ااااه ..ايه الغباء ده مش تبصي قدامك يابت انتي

بصلتها البنت بغضب من فوق لتحت...

..انتي مين يا بت انتي

روح: مين اللي بت يا شاطره انت نسيتي نفسك ولا ايه

..شاطره ..لاه انتي عايز تتربي وتتعلمي كيف تكلمي اسيادك..

روح: انا اسفه بس حضرتك مين..

..انا ستك كريمه .

روح: ستي كريمه مين ما حصليش الانبهار

..اخت مرت العمده ..

روح: ااه ..يا بطه ..غوري يا بت من قدامي بدل ما اروقك غوري 

كريمه: بته اما تبتك ..

روح: لأ انتي عاوزه تتربي بقا ..مسكتها روح من شعرها وهاتك يا ضرب...

 الغفير  حاول يحوشهم عن بعض ما قدرش ..

طلع يجري دخل للعمده

الغفير: يا حضره العمده يا حضره العمده .

شاكر: في ايه يا واد

الغفير: الست روح والست كريمه ماسكين في خناق بعض وهاتك يا ضرب .

شاكر: ضرب وه..

بدر سمع طلع يجري والعمده طلع لقي كريمه نايمه فوق روح بتخنقها وروح بتحاول تبعدها ومش قادره ومن هنا عزيزي القارئ يتحقق قول مايقدرش علي الست غير ست زيها. ...

صعيدي_علمني_الأدب
البارت_التاسع والعاشر 
بقلم حنين عادل

شاكر: كريمه بعدي عنها ...

بدر شد كريمه من فوقها بعصبيه وقوم روح اللي كانت بتكح وحالتها حاله ..

بدر بعصبيه : انتي مين وازاي تعملي اكده

شاكر: ايه اللي هببتيه ده يا كريمه..

كريمه: ماهيا اللي بدات وشتمتني 

بدر بعصبيه: نفترض كده تخنقيها عاوزة تموتيها 

شاكر: حقك عليا انا يا بدر اعتذريلها يا كريمه

كريمه: بس...

شاكر : ما بسش قولت اعتذريلها

كريمه بعصبيه: اسفه

روح بصتلها بعصبيه وقرف ومشت مع ابوها..

بدر جابلها ميه ...

بدر: احسن؟!!

روح: الحمد لله انا طالعه اوضتي يا بابا يمكن قضي ربنا يجيلي بقا واخلص من كل حاجه عشان ارتاح..

بدر: بعيد الشر عنك يا بتي ..بقلم حنين عادل

طلعت روح علي اوضتها ...

دخلت وبصت علي الشنطه اللي جبها كرم..

وابتسمت...

طلعت من اوضتها. 

خبطت علي اوضه مصطفي ..

مصطفي فتح...

روح: انتي فين طول اليوم يا بني

مصطفي: بذاكر

روح دخلت وهوا وبص يمين وشمال وساب الباب  مفتوح ودخل قعد ..

روح: نفسي اعرف بتذاكر ايه من يوم ما جيت احنا في اجازة يا بني 

مصطفي: ما انا بذاكر المنهج اللي جاي ان جبت المركز التاني يونس بيبهدلني لازم اجيب الاول

روح: عالمدرسه؟!

مصطفي: لاه

روح: دا انت جامد بقا عالمحافظه ؟!

مصطفي: لاه

روح: اومال علي ايه علي نفسك

مصطفي: علي مستوي الجمهوريه ...

روح: وه وه وه ايه ده 

مصطفي: ايوه انا بجيب الاول كل سنه ..

بقلم حنين عادل

روح: عارف يا مصطفي عندنا مطلعين نكت عن الصعايدة مرة واحد صعيدي عمل ....بتطلعهم اغبياء جدا كنت بقعد اسمع اصحابي وهما بيتريقوا عليهم عشان كده ماجتليش الشجاعه في مرة اني اقول ان اصلنا صعيدي مع العلم ان الطفل الصعيدي اذكي طفل في مصر بس مش عارفه ليه بيقللوا منهم مع ان هما اذكياء وغير كده خالص وانت بتقول ان بتبقي الاول علي الجمهوريه يجوا يشوفوا..

مصطفي : في مقوله بتقول وان لم يجدوا فيك عيبا كسوك من عيوبهم وعابوك لما نبقي عارفين كلام ربنا ومتحفظين وساترين بناتنا نبقي متخلفين وقفل وما بنفهمش لما نبقي بناكلوا من خيرنا ومن ارضنا وبنشرب اللبن من مواشينا نبقي برده متخلفين وراجعيين وبدائيين    احنا طلع من عندنا علماء وقامات زي عبد الباسط عبد الصمد والشيخ محمد صديق المنشاوي وعباس العقاد والدكتور طه حسين و مصطفي لطفي المنفلوطي وعبد الرحمن الابنودي وهدي شعراوي وناديه مكرم عبيد وغيرهم كتير وبيتهمونا في الاخر بالتخلف طب ازاي ؟!! ........

روح : ايه الكلام الجامد ده يلا انت مثقف وانا مش بحب المثقفين بس تحيه جامده جدا لاهل الصعيد ..

مصطفي: هههههههه معلش بقا خلقه ربنا ..ايه ده بتحيينا روح النمر لأ دا انا بحلم.  

روح: ههه لا صاحي ... المهم ..علي اتفاقنا يا باشا

مصطفي: ايوه ربنا يسترها

روح: اسيبك بقا تكمل مذاكره..

خرجت روح من اوضه مصطفي لقت كريمه طالعه من اوضه يونس ..بصتلها بقرف ...

روح بتفكير: يلا جمع ووفق ما انتم مقرفين زي بعض لأ وعاملي فيها محترم بلا قرف ..

بس لقت يونس طالع علي السلم...

صعيدي_علمني_الأدب
البارت_التاسع والعاشر 
بقلم حنين عادل

روح باستغراب : اومال هيا كانت جوه ليه يلا وانا مالي ..

دخلت اوضتها..

روح: مالي طب وانا مالي وانا مالي بالاحزان انا مالي مالي طب وانا مالي وانا مالي بالاحزان انا مالي عايشه احلي ليالي ويا حبيبي الغالي بحبك اوي يا عيوني بحبك مهما لموني بحبك اوي يا عيوني يا عيوني بحبك مهما لموني ويلوموا وانا مالي انا مالي انا مالي مالييييييييي   

سمعت صوت صفير..

بتبص وراها لقت يونس واقف وساند علي الباب

يونس: ما اتخيلتش انك صوتك يبقي حلو اوي كده صوت كروان..

روح: وليه بقا ما تخيلتش ان شاء الله مش لايق علي شكلي العفش ولا ايه..

يونس: انتي المفروض ما حدش يقولك كلام حلو انتي عايزه حاجات دبش ..

روح: ما الدبش مش بيطلع الا من الدبش اللي زيه ..

يونس كان لسه هايتكلم..

كريمه بابتسامه ودلع: الغدا جهز يا يونس ..

روح: يا بت هو ده انتي بجد ممحونه اوي ؟! 

يونس : طيب يا كريمه شكرا روحي وانا جاي وراكي

يونس: قلتلك ميه مره اقفلي بابك عليكي

كانت لسه هترد قفل الباب ونزل..

روح: انسان رخم ...

بصت تحت الكرسي وطلعت الشنطه اللي جبها كرم فتحتها  لقت فيها سله مصنوعه من الخيش صغيره ومربوط عليها حبل فكت الحبل وفتحتها بالراحه فيظهر فيها تعبان كبير ...

قفلتها بسرعه وهيا خايفه من شكله...

روح: مش انت خليت تعبان ميه يقرصني ومش بيسمم انا جبتلك بقا تعبان من اللي بيسمم وبينهي..هههههه

اتسحبت بالراحه وطلعت من اوضتها ودخلت اوضه يونس وحطت السله تحت الكرسي ..

وطلعت براحه ..دخلت اوضتها..

روح: ما تخافش انا هبقي السم والترياق لما يقرصك مش هاسيبك تموت..ههههههههه

الباب بيخبط.

روح: ادخل..

صفيه : الغدا جاهز يا ست روح

روح: ماليش نفس دلوقتي روحي انتي..

قعدت روح علي السرير بابتسامه مستنيه اللي يحصل..

مسكت تليفونها وكتبت علي الفيس..

يستفزونك ليخرجون اسوأ ما فيك ثم يقولون هذا انت ايوه انا اتفضل عايز حاجه....

قعدت تقلب بملل بين البوستات ....لقت بوست ليونس 

مااهتمتش بيه غير لما لقت بنت معلقه عليه يارب تكون من نصيبي ..

كانت كاتبه اسم صفحتها برموز ماتعرفش تستفهم منها عن حاجه او اسمها ومالهاش اصدقاء غير يونس دي عاملاله البيدج بتاعها مخصوص وباين جدا..

روح: مش هاينفع ابعتلها اد او رساله ليه كل ده يا تري انتي مين الفضول هايموتني...

قفلت التليفون ونمت  بعد ما حاولت تعرف حاجه عن البنت بس مافيش فايده..

.......................

في غرفه صفاء

كريمه : وه يا خيتي يعني دي العروسه اللي كنتي عاتقولي عليها..

صفاء: ايوه هيا بس البت مش طايقاه وبتحاول تبوظ الموضوع باي شكل..

كريمه : امتي بقا يحس بيا سنين قدامه ولا حاسس ومستنياه وقولت طالما مافيش ست في حياته يمكن يحس بيا ..

صفاء: هوا لو كان رايدك كان اتقدملك من سنين خبرتك تشيلي الموضوع ده من راسك وماتعلقيش نفسك في احباال دايبه.

كريمه:بحبه.. بحبه يا خيتي ومش شايفه غيره راجلي وحبيبي وسندي وهستناه لو فضلت عمري كله.

........................

في المساء...

صحيت روح من النوم وبصت في الساعه لقتها ٧ ..

صعيدي_علمني_الأدب
البارت_التاسع والعاشر 
بقلم حنين عادل

روح: ياه نمت كل ده اتأخرت

قامت دخلت خدت دش ولبست فستان سواريه نبيتي عشان الفرح وهيلز وسابت شعرها وحطت ميكب سيمبل وكانت زي الأميرات

خدت شنطتها وبصت في المرايه تاني ورايحه تفتح الباب مش بيتفتح..

حاولت كتير تفتح فيه ومافيش فايده ..

قعدت تخبط عليه: افتحولي ..افتحولي ...

روح ركنت علي الباب وبتبص لقت السله اللي كانت في اوضه يونس...

روح: نهار اسود ايه اللي جابك هنا ...

يونس من ورا الباب: من حفر حفره لابن عمه وقع فيها

روح: ق..قصدك ايه ؟!

يونس: قصدي ان التعبان اللي حطتيهولي في اوضتي عندك دلوقتي ..

روح: ايه ...افتح ..افتح يا مجنون افتح 

يونس: مش كنتي عاوزاني اموت اديكي انتي اللي هتموتي وسلميلي علي الشهداء بقا

روح سمعت صوت هييييح ..

بتبص لقت التعبان واقف وناصب راسه كده وبيطلع لسانه ...

طلعت تجري وطلعت علي السرير..

روح بخوف: باباااااااا باااااابااااا الحقونييييي يا يونس الكلب افتح عاااااااااا 😭

يونس: ده انا هاعلمك الادب ههههههه

روح: افتااااااح ارجوك والنبي يا باااابا ياباااابااا

يونس: ما تتعبيش روحك كلهم في الفرح سلام بقا اصله فرح صاحبي ...

التعبان رايح ناحيتها. 

روح: ماتستعبطش يا يونس افتح يونيييييس بااااااباااا عاااااااا  الحقونييييي😭.....يتبع

ولسه اللي جاي تقيل مع كاتبه الجيل😎

ما تقولوش قصير بحاول اطوله علي قد ما اقدر واللي بيقول البنت قليله الادب ورعونه ومش عارفه ايه اسم الروايه صعيدي علمني الادب وابوها اخدها الصعيد عشان تتربي برده يعني دي الفكره اساسا ..

رأيكم ايه لحد كده وهل يونس هايفتح الباب ولا هايسيبه بس مقلب جامد انه يرجعلها التعبان برده 😂

تكملة الرواية من هنا

تعديل المقال