جميع الروايات كامله

 صعيدي_علمني_الأدب
البارت_الحادي_عشر والثاني عشر والثالث عشر والرابع عشر والخامس عشر 
بقلم حنين عادل
كامله على مدونة النجم المتوهج للروايات 

روح: ماتستعبطش يا يونس افتح يونيييييس بااااااباااا عاااااااا  الحقونييييي😭...

نزلت من علي السرير وهيا بتصوت راحه ناحيه الشباك

روح: حديييد ليه حرااااام يالهوي يالهوي اعمل ايه ...

التعبان رايح ناحيتها تاني...

طلعت تجري ناحيه الباب..

روح: اقولك لاتأذيني ولا ائذيك ماااشي عااااا اه يا يونس الكلب دقااات قلبي علت هامووت ..

التعبان رايح ناحيتها تاني

روح: لااه ده انت مصمم بقا هوا موصيك عليا ...اعمل ايه اعمل ايه يا ربي ..

بصت لقت شنطتها علي السرير طلعت تجري عليه ومسكت شنطتها وطلعت تليفونها ...

روح: يارب ترد يا باباااا

رنت علي ابوها كتير ما ردش ...

روح: كده يا يونس ..كده بتبص علي الارض مالقتش التعبان فجأة لقته قدامها علي السرير.

نزلت تجري من علي السرير اتنعقلت وقعت ...

روح : اه يا ضهري اه ..حاولت تقوم بسرعه وهيا بتقنع نفسها انها قادرة علي التحدي و المواجهه...

روح وهيا ماسكه ضهرها: ااااه ايه ده التليفون فين ...وقع تحت السرير اهئ اهئ عملت ايه في حياتي لكل ده ياربي ..

التعبان فضل واقف زي ما هوا تقريبا هبط..

روح: دلوقتي هبطت ابوس ايدك اتعتع من مكانك بقا ارجوك ...

فضل واقف برده...

روح: اكيد انت راجل عشان تنح اه لو في يوم نلاقي كل الرجاله انقرضت بس يسيبوا بابا ومصطفي كيوت كده ومثقف ودمه خفيف والواد كرم شكله طيب ...

التعبان راح ناحيتها تاني ...

طلعت تجري وجابت التليفون بسرعه ..

روح: يابابا رد بقا حرااااااام اهئ اهئ 

بقلم حنين عادل

................... 

في الفرح...

الصعايده دول ...الصعيدي دايما ريس عشان متربي كويس مستشار محامي ودكتور طيار و ظابط ومهندس

الاغاني شغاله والناس نازله رقص ومصطفي كان بيرقص ..

مصطفي راح ناحيه يونس ..

مصطفي: يونس

يونس:  مش سامعك 

يونس خدوا وطلع بره بعيد عن الفرح..

مصطفي: مش خبرتني انك هتجيب روح معاك وخلتني امشي بعد ما كنت واقف هاخبط علي الباب ماجبتهاش ليه ؟!!

يونس: لقتها تعبانه فقالتلي روح انت .

مصطفي: تعبانه مالها انا هاروح اشوفها واطمن عليها

مصطفي كان رايح ...

يونس مسكه من ايده..

مصطفي: ايه؟!

يونس: انا عارف تعبانه مالها ..سيبها

مصطفي: مالها يا خوي؟!!

يونس: اباااي عليك يا مصطفي حاجات بنات 

مصطفي : حاجات بنات ايه ؟؟! اااه فهمت فهمت 😂

يونس: طيب يلا روح هيص مع صحابك

مصطفي دخل يكمل رقص ويونس دخل وراه واقف بعيد بيبص علي العروسه والعريس بابتسامه ..

يونس بتفكير: ميته (امتي) يا يونس تفرح كده وتلاقي اللي تعشقك وتتحملك وتكونلك الدنيا بحالها وتعوضك سنينك ميته ...فجأة اجت صورة روح قدامه ..

بقلم حنين عادل

 ايه يا يونس اتعلمت القساوة دي منين هههه اكيد عارف منين ..واقف ولا كأن حاجه حوصلت وسايبها لوحديها مع حيه افرد عملت لها حاچه هاتكون مبسووط ده انت زعلت لما كانت هتعاود مصر كانك ميتلك ميت  لاه انا هاروح افتحلها انا مش كده ...

مشي يونس وهوا في نيته يروح يفتحلها..

لولولولولولولولي لولولولولي مبروك يا عريس مبروك يا عروسه ..

بيلف يونس علي الصوت بيلاقيها روح ...

كل اللي الفرح من رجاله وستات مبحلقين فيها ..

روح  وكرم وهما وافقين  علي المسرح ...

روح: بالمناسبه الحلوة دي بقا هاغنيلكم انتوا ماتعرفونيش انا روح بدر النمر .

روح راحت للدي جي وقالتله حاجه ...

وبعدين رجعت تاني ...

..اوبا ايه الجمدان ده دي فرسه ومحتاجه خياال

* ايوه ربنا يوعدنا..

يونس كان واقف وسامع ومتعصب علي اخره ...

يونس بتفكير: اهدي يا يونس ماتبوظش فرح صاحبك اهدي ...

روح وقفت علي المسرح ...

وبدأت تغني وترقص في نفس الوقت..

جاني بهداوة داوى جرح قديم وجدد

روحي راحت مني نن عينه خدني غصب عني هوبا

علم علامة جوة قلبي سابلي بصمة

بسمة العيون ورسمة الشفايف شايف الحلاوة

اصل الافندي دة في حتة تانية عندي

مترستق جوة قلبي وفي قلبي له غلاوة

طلع كرم ومصطفي يرقصوا معاها والفرح شعلل بزيادة ويونس خلاص هايطرشق من العصبيه وهيا بترقص وبتغني زي طريقه روبي لكم ان تتخيلوا..

مين ده اللي ساوى بينه وبين الناس دة ماس وهما نحاس

حساس وروحه حلوة زي غنوة رقصة هوبا

مش ممكن انسى كل كلمة همسة لمسة

قلبي جوة وبس هو اللي بحبه وجنبه بحس قوة(قالتها وهيا بتشاور علي كرم)

انا شوفت كتير وقليل وماشوفتش حد جميل وتقيل كدة

استاذ فنان دكتور مدرسة فن وهندسة ايه دة كل دة (وكرم بيرقصها ويلففها)

دة ادرجي حلنجي ومزاجنجي بس جد ومش كلامنجي

دا فتني هوسني تعبني ما ريحني

واشواقي تمرج اوي اشواقي تمرجحني 

خلصت الاغنيه ويونس كان طالعلها وناوي يجبها من شعرها...

كرم نزل علي ركبه ...

يونس وقف باستغراب ..

كرم: تتجوزيني؟!

روح بابتسامه: موافقه ...

سمعها يونس من هنا وطلع علي المسرح وفاجئ كرم ببونيه في وشه..

كرم تف الدم اللي اجي في بوقه علي جمب وراح عاطي ل يونس بونيه...

بعدت روح ومصطفي بعيد..

ويونس وكرم نازلين ضرب في بعض والناس بتحوشهم عن بعض...

روح قربت وشدت يونس بعصبيه: ابعد عنه هوا عملك ايه ؟!

فاجأها بقلم ومسكها من شعرها وشدها وراه وكرم نايم علي الارض واخد علقه تمام ...

مصطفي راح يقول لبدر وشاكر علي اللي حصل هما كانوا قاعدين مع رجاله البلد الكبار واغلبيه الفرح شباب..

روح: اااه سبني ..سبني ياغبي ..

فضل ماشي لحد ما وصل البيت ..

روح بعصبيه: سيبني

سابها من ايده وزقها ...

وقعت علي الارض جمب الترابيزة ودماغها اتخبطت وفجاة حست الدنيا عتمه وفقدت الوعي...

يونس بعصبيه : انتي هتمثلي قومييي بتستعرضي جسمك قدام الرجاله ما انت واحدة زباله قووومي..

بيقرب منها وبيعدل وشها بيلاقيها مغمي عليها 

بيدخل بدر وشاكر ومصطفي البيت...

بيجري بدر عليها: رووح روووح انت عملت فيها ايه عملت ايه

مصطفي بيجيب ميه بسرعه وبيرش عليها بس مش بتفوق 

بدر بيمسك يونس من ليقته: عملت فيها ايه انت ناسي انك واعدني ناسي

يونس بيشيل ايده بعصبيه:انت ماتعرفش كانت بتعمل ايه ياعمي

بدر بعصبيه: عاوز تموت البت ميت مرة اقولك تحوش عصبيتك علي جمب وتمسك اعصابك ووعدتني بكده انت مش راجل .

يونس بعصبيه: لاه يا عمي راجل وسيد الرجاله كمان اللي مش راجل اللي ماعرفش يربي بنته ..

طااااخ..صوت قلم نزل علي وشه ..

شاكر: من ميته وانت كده اول مرة احس اني ماعرفتش اربي اخص عليك يا كلب..واداله قلم تاني...

بدر: فعلا انا اللي غلطان مش لاني ماربتهاش لأ لان جبتها حته غريبه عنها وعايزها تتغير وفكرت انك راجل وهتصونها وتحميها وتكون حنين عليها وتكون اب واخ وزوج وتعوضها الحنان اللي اتحرمت منه بس انا كنت غلطان لو كنت جوزتهالك كنت رميتها في النار بايدي ...

يونس واقف ساكت..

بدر قرب علي روح وشالها وطلع علي السلم ..

شاكر: اتصل علي الدكتور يا مصطفي

مصطفي: حاضر يا بوي..

يونس: يابو...

شاكر: ما عايزش اسمع صوتك يا خسارة تربيتي فيك 

فضل يونس واقف مكانه : انا ازاي قلت كده ازاي طاوعني لساني وجرحت عمي بالشكل ده بس هوا كل مرة بيغلطني ومش بيشوف عمايل بنته كل شئ متخطط له ومرسومله كل شئ من يوم ما اجت وهيا مش ناويه تجيبها لبر وغلبتني انا معرفتش اصد قصادها بالعند ماعرفتش وهيا دلوك الغلطانه وانا اللي طلعت غلطان انتي ايه شيطانه ..يتبع..

#صعيدي_علمني_الأدب😂 

#البارت_الثاني_عشر 

في اوضه روح...

بدر ومصطفي وشاكر واقف ...

روح فاقت والدكتورة بتخيطلها الجرح اللي في دماغها وهيا بتعيط ...

خلصت الدكتورة وكتبتلها علاج ...

بدر: شكرا يا دكتورة

الدكتورة: العفو يا حاج..

شاكر: وصل الدكتورة يا مصطفي وهات العلاج .

مصطفي: حاضر يا بوي

مشي مصطفي مع الدكتورة..

شاكر: ارتاحي يا بتي حمد الله علي سلامتك..

روح: الله يسلمك يا عمي

مشي شاكر وبدر  فضل هوا وروح مع بعض...

بدر قعد جمبها ...

روح: انت ساكت ليه ؟!

بدر: انتي ليه بتعملي كده فيا؟!

روح: بعمل ايه ؟!

بدر: بتقلقيني عليكي انتي عارفه انك الحاجه الوحيدة اللي عايشلها لو حصلك حاجه ماعدش ليها لازمه اعيش..

روح ببكاء: انت بتقول كده ليه بعيد الشر عنك انا متخيلش حياتي ثانيه من غيرك ..

بدر: ما تبكيش يا بتي انا عارف انك جيتي هنا مجبورة وماكنتيش عايزة تيجي وانا اللي اصريت احنا هنمشي ..

روح بابتسامه: بجد يا بابا

بدر: بجد يا حبيبتي 

حضنته من فرحتها خلاص الهم انزاح وحققت اكبر انتصاراتها ..

الأب وحده هو الرجل الوحيد في اعطاف هذا الكون يحب انثاه بلا مقابل بلا غايه يحبها في جميع انفعالاتها ..

طيبه / شريره/ مجنونه/حزينه/ مرحه..

وفي كل اوقاتها يحبها..

حاضره /غائبه/حيه/ميته

وهذا هو صمام الامان الذي يطوقها الي 

ابديه الموت ..بقلم حنين عادل

............................

في الصالون..

يونس: يابوي سايق عليك النبي ماتزودهاش عليا انا عارف اني غلطان من ساسي لراسي

شاكر: ماتوقعتش منك انت كده استحاله تكون يونس ولدي اللي ربيته من ميته عصبي قوي كده ومن ميته بتضرب وبتجرح وماعيهمكش حد 

يونس: ابوس علي راسك ورجلك سامحني يابوي انا ماقدرش علي زعلك مني ..

شاكر: مش انا اللي لازم اسمحك عمك اللي غلطت فيه وهنته هوا اللي لازم يسامحك وبعديها افكر انا .

يونس: طيب انا طالعله استسمحه 

شاكر: لاه مش دلوك سيبه يهدي للصبح وماعايزش اشوف خلقتك غير لما تصلح اللي هببته 

يونس بحزن : حاضر يا بوي

طلع يونس وبص علي اوضه روح اللي كان بابها مفتوح ..

لقي مصطفي طالع  علي السلم ..

مصطفي: يو.....

مسكه يونس ودخله معاه اوضته وهوا حاطط ايده علي بوقه..

مصطفي : في ايه ؟!!

يونس: الدكتورة قالت ايه؟!

مصطفي: مالكش صالح عامل زي اللي يقتل القتيل ويمشي في الجنازة 

يونس بصله بعصبيه...

مصطفي: احم ..ما تخدش كل حاجه علي اعصابك اكده ماشاء الله لما افتريت عالبت وزقيتها بس وماعملتش غير اكده خدت تلات غرز في راسها بس وكتبتلها علاج وانا جبته ممكن تهملني اروح اعطيهولهم..

يونس : غووور 

مصطفي: حاضر...مافيش غيري في البيت ده تطلعوا عصبيتكم فيه ..

يونس: بتقول حاجه ياض

مصطفي: لاه بكح

يونس: طب كح بره يلا ..

خرج مصطفي من اوضه يونس ..

يونس بتفكير: بعد كل اللي حوصل وخايف عليها مابقتش فاهمك يا نمر  .

.........................

في اوضه صفاء...ومكالمه تليفون..

كريمه: كل ده حوصل يا خيتي بسبب الحچاب اللي حطيته في اوضه يونس..

صفاء: حجاب ايه مش هتبطلي جهل يا بت 

كريمه: دا الشيخ مخلوف سره باتع قالي حوطيله الحجاب ده تحت مخدته وهوا ماعايشوفش ست غيرك ويبقوا في نظره قرود ومايبقاش طايقهم واهو بانت البشاير مدد يا سيدي مخلوف مدد

صفاء: والله مافي حاجه جايباكي ورا غير مشيك ورا الدجالين دول ومش بسبب حجابك يا ختي هيا من يوم ما اجت وهما ناقر ونقير. .

كريمه: اهو شغال من قبل ما احطهوله مش قلتلك سره باتع..

صفاء: ماتفوريش دمي يا بت انتي الدجالين هبلوكي سلام ..

كريمه: بالسلامه يا خيتي مسيرك تعرفي انه سره باتع بردك وتصدقي ...

........................

في اوضه روح...

بدر: انا هاروح انام والصبح نمشي ان شاء الله جهزي الشنط .

روح: حاضر..

بدر: تصبحي علي خير

روح: وانت من اهل الخير يا حبيبي..

طلع بدر علي اوضته وروح قفلت الباب ومسكت تليفونها..

ورنت علي كرم..

كرم: الوو

روح: كرم انت كويس 

كرم: الحمد لله..

روح: انا اسفه يا كرم اني دخلتك في كل ده انا اسفه بس ما كانش في الخطه انك تتقدملي يعني ؟!

كرم بتوتر: ما انا اندمجت اوي بس انتي وافقتي يعني ؟!

روح: انا وافقت عشان يونس يتعصب وعمل اللي كونت عاوزاه وقلبها غم...

كرم بحزن: اه

روح: في حاجه واجعاك ولا ايه؟!

كرم: ايده تقيله اوي ابن الرفدي

روح: هههههههه تعيش وتاخد غيرها ..يلا تصبح علي خير كله تمام وورايا سفر بدري

كرم: ايه مسافره

روح: ايوه الحمد لله اخيرا هنمشي ..

كرم: ليه ؟!

روح: بتسأل ليه مش حابه هنا خالص ..

كرم: تروحي وترجعي بالسلامه

روح: ارجع استحاله يا بني دا انا ماصدقت اني امشي يلا اشوف وشك بخير سلام..

كرم: سلام...

روح سندت علي السرير بابتسامه وافتكرت بعد ماحاولت ترن علي ابوها ماردش رنت علي كرم واجي بسرعه 

#flash_back 

كرم : ماتخافيش ما تخافيش..

روح واقفه علي السرير: الحقني يا كرم هايموتني عااااا

كرم: اهدي انا هاكسر الباب ..

كسر كرم الباب ..

روح: حاسب يا كرم حاسب التعبان ..

جاب ملايه ورماها علي التعبان ومسك عصايه وقعد يضرب فوقه لحد ما مات ...

روح: مات ؟!!

نزلت روح ووقفت جمبه..

كرم: لا شكله لسه عايش ...

روح حضنته وكلبشت فيه ..

كرم اتصدم بس حضنها هوا كمان وهوا مبتسم ..

روح خدت بالها بعدت عنه وهيا مكسوفه ووشها احمر..

روح: احم ..انا اسفه 

كرم بتفكير: بتتأسفي هوا انتي ايه معقوله مش حاسه ؟!!

روح: كرم عاوزه منك حاجه.  

كرم: اتفضلي عاوزه ايه ؟!

روح: تيجي معايا الفرح

كرم: بس كده 

روح: لأ عايزه يونس يبقي حريقه هوا لما بيتعصب بيبوظ الدنيا يعني مثلا هاغني وكده وانت ترقص معايا وتمثل انك معجب وكده عشان يحل عني بقا..

كرم: تمام ..

روح: بس تتحمل بقا 

كرم: اتحمل ايه؟!

روح: يونس عنيف لما بيتعصب بيضرب فاعمل حسابك انك هتاخد علقه تمام ..

كرم: علقه ايه هوا انتي ماشيه مع سوسن دا انا افرمه

روح: تمام اتفقنا...

كرم: بس ايه القمر ده اسم علي مسمي يا قمر

روح: دي اقل حاجه عندي وقلت رووح

كرم: لاه قمر ..

روح: طيب قمر قمر يلا بقا انكجني ..

وطلعوا مع بعض من البيت ودخلوا الفرح..

#back 

روح: خلاص هارجع لحياتي بقا والجامعه خلاص قربت انا لازم اغير من نفسي بقا واتخرج انا مش هافضل طول عمري كده بدل ما بابا يجبلي ابن خال ولا حاجه ويقولي اتجوزيه ...

منك لله يا يونس دماغي واجعاني جتك ضربه في ايدك ..

نامت رووح بعد سيل من الشتائم والدعاوي علي النمر..

..........................

في اوضه كرم 

الكدمات ماليه وشه ..ونايم علي سريره..

كرم: خلاص يا كرم قصتك هتنتهي من قبل ما تبتدي قمرك هاتهملك وتمشي كيف اخبرها اني حبيتها من اول ماعيني شافتها حبيت كل حاجه فيها جنانها وتنطيطها عيونها اللي كيف لون الخضره وشعرها الحرير وشفايفها المرسومه اللي كيف الفراوله كيف اخبرها اني لما طلبت اتجوزها في الفرح كنت بتكلم جد وانها لما وافقت كنت طاير من الفرحه فكرته حقيقه وحتي لو حلم ياريته ماكان خلص وماصحيتش منيه ..هتهمليني يا قمر؟!

..........................

بقلم حنين عادل

يونس قاعد في الجنينه الخلفيه وبيعزف علي الجيتار ..

بيفتكرها وهيا بتضحك وبتجري قدامه بيفتكر لما كان شايلها عالحصان بيفتكر لما كانت واقفه ورا ابوها وبطلعله لسانها وبتضحك...بيبتسم تلقائيا

بيفتح عينه فجأه ...

يونس: مالك يا نمر في ايه اللي شقلبلك حالك بتفكر فيها ليه ليه يانمر؟!!

قام وساب الجيتار وراح اوضته وهوا بيحاول ما يفكرش فيها ...بس تلقائيا قرب من اوضتها وكان هايخبط. .بس رجع تاني ودخل اوضته وقفل الباب واترمي علي السرير وحاول مايفكرش وناااام

...........................

في الصباح..

شاكر ويونس ومصطفي وصفاء قاعدين علي الفطار..

يونس: اومال عمي بدر فين ؟!!

شاكر: ولك عين تسأل؟!

صفاء: بعت البت صفيه قالها انه نازل...

في نفس الوقت روح نازله والشاش علي دماغها وشايله شنطتين  وبدر نازل وشايل شنطتين وصفيه شايله شنطتين ...

شاكر وكل اللي علي السفره وقف ..

شاكر : وه وه ..انت رايح فين يا خوي

بدر: معاود داري من خرج من داره اتقل مقداره

شاكر: ماعاش ولا كان اللي يقل مقدارك يا خوي وبعدين ده دارك

بدر: لاه مش داري انا ماشي وكفايه قوي اللي حوصل لحد اكده

يونس: عمي...

بدر: يلا يا روح ..

شاكر: يا خوي..طب عظيم بيمين.....

بدر مقاطعا: انتهت يا شاكر انا ماشي ماعدش ليه لازمه الكلام..

يونس: ارجوك يا عمي اسمعني

بدر: يلا يا روح ..

طلع بدر من البيت ويونس بيحاول يكلمه وشاكر بس مافيش فايده .....يتبع

ولسه اللي جاي تقيل مع كاتبه الجيل😎

بشكر كل اللي دخل يباركلي وكل حد ساب كومنت قمر زيه .

تفتكروا روح هتقعد المره دي ولا هتمشي وان مشت يبقي قصتها مع يونس خلصت او ممكن تبدا قصه جديده مع كرم ..توقعوا مع انا محدش يتوقعني

#صعيدي_علمني_الأدب😂 

#البارت_الثالث_عشر 

طلع بدر من البيت ويونس بيحاول يكلمه وشاكر بس مافيش فايده ...

يونس طلع وراه: ارجوك يا عمي تسمعني ...

بيركب العربيه وبتركب روح...

شاكر: يابدر...

بدر: اشوف وشك بخير يا خوي ...

يونس: يا عمي انا اسف ...

بدر: اطلع يا بني . 

روح بتبص ليونس وبتغمز 

بتمشي العربيه ...ويونس بيفضل واقف بيبص عليها وجواه احاسيس مختلفه ..

بيدخل يونس البيت ...

يونس: يابوي 

شاكر بعصبيه: ماعدش ليك كلام معايا واصل ...اعتبرني مت..

يونس: بعيد الشر عنك يا بوي انا اسف انا عارف اني غلطت وغلطي واعر بس سامحني انا مالياش غيرك يا بوي ..

بيمشي شاكر وبيسيبه.  

بيروح يونس وبيقعد في الجنينه الخلفيه وبيمسك جيتاره

وبيبدأ يعزف ...

يونس بتفكير: انت عملت ايه يا يونس في حياتك خلي الكل يبعد عنك روح اللي مش طايقاك من وقت ما اجت وعمك اللي ممشيه مكسور الخاطر وابوك واولهم امك اللي اتخلت عنك وسابتك اااااااه ااااااااااه يا قلبي مش ناوي ترتاح  بقا  وتنسي اللي فات ..

.........................

علي التليفون...

صفاء: مشت يا بت افرحي

كريمه: بركاتك يا شيخ مخلوف بركاتك 

صفاء: بردك مافيش فايده فيكي 

كريمه: انا مبسوطه اوي واخيرا الجو فضالك يا بت يا كريمه ...بقلم حنين عادل

صفاء: يلا شدي حيلك بقا 

كريمه: شهر بالكتير وهيكون جوزي ..

............................

بعد ساعات...

نزل بدر من العربيه وروح نزلت قدام فيلا جميله اقل ما يقال عنها قصر...

والخدامين اشتالوا الشنط..

روح طلعت تجري : عاااااااا وحشتيني وحشتيني وحشتيني ...

طلعت تجري عالجنينه وقعدت علي المرجيحه تبوس فيها

قامت وقفت وشمرت بنطلونها وقعدت علي البيسين ونزلت رجليها فيه وقعدت تحركها بضحك..

بدر وقف يضحك عليها وجه قعد جمبها...

روح: شمر يا راجل ..

بدر: هههه حاضر مبسوطه ياروح ..

روح: جدا جدا جدا انت مش متخيل انا بحب الفيلا دي قد ايه يا بابا هوا انت في حاجه مزعلاك.  

بدر: حاجات مش حاجه .

روح: انا عارفه انك زعلان مني واني زودتها الوقت اللي فات بس صدقني هتغير وهاتكون فخور بيا يا بابا

بدر: قولتي كده كتير ومافيش تغيير انا عارف ان يونس ما كانش غلطان انتي اللي كنتي بتستفزيه ده كان رد فعل بسيط علي افعالك بس انا ما تعودتش اجي عليكي بس خلاص انسي بعد كده الغلطه بحساب ..

روح: انا اسفه يا بابا اوعدك انك مش هتزعل مني تاني يا عسل انت ..انت طالع حلو كده لمين يا راجل انت 

بدر: كلي بعقلي حلاوة يا بت

روح: بجد ..مش ناوي تستقر بقا واجوزك كده واشوف عيالك قبل ما اموت.

بدر: عندك عروسه حلوة..

روح: عندي كتير بس أشر انت بس وتلاقيهم زي الرز دا انت بدر النمر صاحب شركات النمر اكبر شركات للمقاولات وعندك بنتك روح النمر احلي بنت في مصر 

بدر: انتي مغرورة لمين يا بت ؟!

روح: من حق الحلو يدلع دي ثقه بس ها قولت ايه. .

بدر: فس ايه يابت انتي اتهبلتي ..

روح: ليه يابابا انت عايش من عشرين سنه لوحدك..

بدر: ماحدش يقدر يعوضني عن سارة في حياتي انتي بتقولي ايه امك دي ما كانتش مراتي بس دي كانت صاحبتي وامي واختي وحياتي كلها اتحدينا العالم عشان نتجوز بس للاسف الفرحه ما طولتش كتير ..

روح: ربنا يرحمها كان نفسي اشوفها هنتقابل في الجنه ان شاء الله ..

..................................

في المساء..

يونس: يابوي ماتزودهاش عليا

شاكر: هملني دلوك يا يونس

يونس بعيون مليانه دموع: انت كمان يا بوي هتتخلي عني وتهملني كيفها هوا انا وحش للدرجادي عشان الكل يبعد عني لو انت هملتني اعيش ليه ..

شاكر بيحضنه: انت مالكش ذنب في اللي حوصل يا يونس  امك اللي كانت ما عجبهاش عيشتها وباصه لفوق فوق اوي 

دي مش ام وماتساواش انك تفضل طول عمرك تفكر فيها..

يونس: نفسي اشوفها نفسي اعرف منيها هيا ليه هملتني كان ايه هوا ذنبي ليه ؟!

شاكر: كان غلطي اني ماعرفتش اختارلك امك صوح ..

يونس: هيا فين يا بوي ريحني وخبرني

شاكر: ماعرفش مكانها

يونس: ماشي يا بوي ..مسيرك هاتخبرني ..

بيبوس يونس ايد شاكر وبيطلع علي اوضته.  

يونس بتفكير: انا هاروح القاهره اعتذر لعمي واستسمحه ..

نام علي السرير وبص للسقف افتكرها وهيا بتغمزله وهيا ماشيه وبتضحك ضحك علي جنانها. 

يونس بتفكير: ماعداش ساعات وحاسس اني عايز اشوفك مش فاهم انا ايه اللي انا فيه ده   

نام بعد صراع من التفكير ...

.............................

روح واقفه في بلكونتها ..وبتغني

كتروا من الحب تلاقوا تلاقوا تلاقوا في الضلمه الف قمر بنحب يا ناس نكدب لو قلنا ما بنحبش ❤️💥

بدر : انتي لسه صاحيه ..

روح: تعالي يا حبيبي مش جايلي نووم ..

بدر: ومش جايلك نوم ليه بقا بتفكري في ايه

روح: في الدنيا يا حاج ..

بدر: جامعتك بعد تلات ايام ها مستعده تجيبي من الاوائل زي كل سنه. 

روح: اه طبعا بس الاوائل بجد ان شاء الله ..

بدر: طيب انا هاروح انام..

روح: لأ خليك معايا شويه واحكيلي قصتك انت وماما

بدر: شوفتها في يوم وانا راكب حصاني شايله صينيه الاكل وماشيه فضلت وراها لما راحت لابوها الغيط وحطت الصينيه حسيت في حاجه شداني ليها استنت لما ابوها اكل وشالت الصينيه ومشت شويه وانا وراها اتنعقلت وقعت نزلت من علي حصاني وجريت عليها بسرعه قومتها ولميتلها الاطباق من علي الارض كانت مخبيه وشها مني بس كان باين عينيها كانت نفس عينيكي وخدت مني الصينيه من غير اي كلمه ومشت اسرتني من يومها بقيت كل يوم اروح استناها لما تروح لابوها وتيجي حبيت ادبها قبل اي حاجه ...

كنت ابن العمده وابويا شديد روحت ليه في يوم وكنت هاقوله انا عايز اتجوز فاجئني انه خلاص خطبلي وفرحي بعد اسبوع غضبت واتعصبت وثورت عليه بس اللي كان في دماغه في دماغه روحت خطبتها من ابوها بعد ما اقنعته اني هاقنع ابوي بس ابوي ما اقتنعش ولما عرف طردهم من البلد طلعت دورت عليهم لحد ما لقيتهم وكتبت عليها وخدتها وروحت لابوي بس طردني وغضب عليا ..

بس كانت احلي حاجه حصلتلي ما ندمتش عليها نزلت القاهرة وانا شاب مش معايا جنيه وهيا استحملتني كنا بنشتغل ليل ونهار واستحملت وكافحت معايا اربع سنين وربنا كرمنا اخر كرم بدعاها فتحت شركه واتنين وتلاته وبقيت غني وهيا كل ده جمبي وفي ضهري وسانداني لحد ما حملت فيكي الدكتور قالها الحمل فيه خطر عليكي قولتلها انا مش عايز غيرك من الدنيا واترجيتها بس قالتلي ان ربنا هيسترها واللي عاوزه ربنا هيكون وانها نفسها في طفل ونفسها تبقي ام استسلمت لقرارها وكنت خايف طول فترة الحمل وماسك قلبي بايدي كنت خايف اخسرها ماكنش عندي طاقه لمجرد التفكير اني اخسرها واجه اليوم ده خلفتك والحمد لله كانت كويسه كنت مبسوط ان ربنا استجاب لدعايا و حماها ليا بس الفرحه ما كملتش بعد ست شهور عملت حادثه وماتت الدنيا مش علي مزاج حد 

دخلت في حاله اكتئاب بعدها فترة كبيرة ماكنتش عارف اكمل حياتي من غيرها بس قولت لازم استقوي عشانك عشانك اعرف اربيكي خدتك وروحت الصعيد تاني وانتي عندك ست شهور بس ابوي كالعادة كان قاسي طردني وقالي ماشوفش وشك تاني ده نتيجه انك عصيتني وكان سبب موتها ان عصيته ..

رجعت تاني مكسور الخاطر بس كان لازم اكون قوي عشانك ربيتك وكنت باخدك معايا الشغل واغيرلك واشربك اللبن كنت مبسوط وانا شايفك بتكبري قدامي وكنت بشوف فيكي امك...بقلم حنين عادل

روح: ياااه يا بابا انت راجل عظيم

بدر: كل اللي عاوزة في الحياة انك تكوني كويسه وانك تشوفي مستقبلك العمر قدامك ماتضيعهوش خليكي قويه وانجحي انا مش هاعيشلك علطول

روح: في ايه يا بابا بتكرر الكلمه دي كتير ليه ..ربنا يخليك ويطول في عمرك ..

بدر: يلا تصبحي علي خير

روح: وانت من اهل الخير يا حبيبي..

بتدخل روح وبتقفل البلكونه بتنام علي سريرها ..

روح بتفكير: معقول هلاقي اللي يحبني زي ما انت حبيت ماما  يا بابا ولا لأ زي ما يكون الحب متحرم عليا لازم اتخذل واتجرح من كل اللي بحبهم ...

افتكرت يونس وهوا بيجري وراها بالسلاح : هههههه مش عارفه ليه كل الناس بتحبني اوي كده اكيد دي حاجه في الشخصيه..

نامت روح وهيا بتفتكر يونس ...

وكأن الأرواح تتلاقي ...

..............................

في الصباح...

صحي يونس من النوم وخد شاور ونزل ...

شاكر ومصطفي وصفاء علي السفره...

قعد يونس وبدأ في الفطار ...

الكل خلص ..قام شاكر راح اوضه المكتب ..

يونس: انا عاوز عنوان عمي بدر يا بوي

شاكر باستغراب : ليه ؟!

يونس: انا عاروح اعتذر له انا غلطت فيه ولازم اصلح غلطي

شاكر: خايف تروح تزود الطين بله

يونس: لاه ماتخافش يا بوي 

شاكر مسك ورقه وكتبله عنوان بدر ..

شاكر: هتروح ميته

يونس: دلوك ..بجهز شنطتي ..

تليفون يونس رن ...

يونس: ايوه يا باشا..ايه ..بس ..تمام يا فندم

شاكر: في ايه..

يونس: جالي مأموريه طارئه..

شاكر: هتقعد كام يوم

يونس: من تلات ايام لسبوع

شاكر: خلاص روح بعد ما تخلص مأموريتك ...

يونس : حاضر يا بوي بس تفتكر هيسامحني

شاكر: بدر قلبه ابيض وهيسامحك ..

............................

بتصحي روح من النوم بتلبس ملابس رياضيه 

بتنزل تركب عربيتها وتروح النادي. .

بتنزل من عربيتهل تجري كعادتها ..

بيجري جمبها شخص ..

روح بغضب: عايز ايه ؟!

حسام: انا اسف يا روح انا اتأسفت كتير اقبلي اعتذاري 

روح وقفت بعصبيه: اعتذارك بجد مش محروج من نفسك ده انا حبيتك حبيتك بجد ازاي تعمل فيا كده 

حسام: كانت غلطه ممكن تسامحيني ونبدأ صفحه جديده

روح بزعيق : دفترك قفلته من زمان وابعد عني احسنلك ...

الناس كانت بتبص عليهم وحسام حس بالاحراج

بيمد ايده وبيحطها علي كتفها ..

طاااااخ ...ضربته بالقلم ...

روح بعصبيه: حذاري ايدك تتحط عليا او تلمسني يا حيوان ماتنساش نفسك انا روح بدر النمر

حسام بغضب: انتي ازاي عملتي كده ازاي اتجرأتي هدفعك التمن غالي..

بيرفع ايده عشان يضربها بيلاقي ايد بتمسكها ......يتبع

ولسه اللي جاي تقيل مع كاتبه الجيل😎

مين بقا اللي مسك ايدها وهل في امل روح ترجع تاني الصعيد ...

#صعيدي_علمني_الأدب😂 

#البارت_الرابع_عشر 

حسام بغضب: انتي ازاي عملتي كده انت لازم تتربي 

بيرفع ايده عشان يضربها بيلاقي ايد بتمسكها ..

روح: يادي النيله السوده يوسف هوا اليوم باين من اوله

حسام: عايز ايه يا يوسف امشي احسنلك

يوسف: جاي تضرب خطيبتي وتقولي امشي ..اداله بالروسيه وقع عالأرض

روح: سابقا ..سابقا يا يوسف..انا لازم اغير النادي ده ..لانه لم..

حسام قام من علي الارض وبدأ يضرب في يوسف

وروح سابتهم وهما نازلين طحن في بعض

يوسف شافها ضرب حسام بالبونيه غاب عن الوعي وطلع يجري وراها...

يوسف : روح ياروح 

روح مكمله جري ..

يوسف: روح ارجوكي اسمعيني

روح وقفت بعصبيه: اسمع ايه يا يوسف ؟!

يوسف: انا اسف اديني فرصه ارجوكي ..

روح بعصبيه: اديك فرصه لايه اديك فرصه تضحك عليا تاني ..

يوسف: انا غلطت سامحيني ..

روح: انا كنت زي اللعبه في ايديكم حسام حب ينتقم مني لما سبته بعد ما اكتشفت خيانته ليا بعتك انت كان ذكي كنت موجوعه ومجروحه وزي الغريق اللي بيستنجد بقشه اكتشفت اني ما حبتهوش هوا كان حاجه كده زي حب تملك اعجاب حبيتك انت حسيت انك عوض ربنا ليا بعد التلاته خطابي بس طلع كل شئ وهم بعتك عشان تكسرلي قلبي وكنت نعم الممثل واللهي تفوقت علي نفسك ..

يوسف: انا بحبك يا روح ..

روح: وانا كنت بحبك بس عارف دلوقتي بكرهك وبقرف منك 

يوسف: القلب اللي حب عمره ما يكره

روح: بالعكس القلب اللي حب اوي لما بيتجرح بيكره اوي انا نسيتك خلاص نسيت حبي ليك عارف امتي لما شوفتك واقف معاه وبتحكيله اني هبله وساذجه وبقيت زي الميه في ايدك وبقيت بموت في التراب اللي بتمشي عليه واني هاجي معاك الشقه قريب زي ما جرحتني وخونت ثقتي هاتتردلك وهتيجي اللي تجرحك 

يوسف: ارجوكي سامحيني انا كنت اخدها لعبه في الاول بس واللهي حبيتك اوي 

روح: عايزني اسامحك؟!

يوسف: ايوه وهاعمل اي حاجه عشان تسامحيني

روح: ابعد عني ...

مشت روح وسابت يوسف واقف ...

يوسف: هتسامحيني يا روح هتسامحيني ..

بقلم حنين عادل

...................

روح دخلت بعربيتها ..

وطلعت اوضتها اخدت شاور ونزلت الجنينه.

قلبت في تليفونها شويه وبدأت تبكي ..

لقت اللي بيحط ايده علي كتفها.

روح بصت: بابا ..

بدر : ايه مالك بتعيطي ليه 

روح مسحت دموعها: مافيش يا بابا.

بدر قعد جمبها وخدها في حضنه 

بدر: انتي اتعودتي انك تخبي عليا حاجه احكيلي

روح ببكاء: النهاردة عيد الأم ..

بدر حضنها اكتر ..

بدر: عارفه لو مانت عايشه يا روح كانت حبتك اوي يوم ماعرفت انها حامل في بنت كانت طايره من الفرحه كانت بتقول دي هتبقي حبيبتي واختي وصاحبتي وكل حاجه كانت بنت وحيدة واخين كان نفسها في اخت ليها كانت بتقول ربنا هايعوضني بيها ربنا يرحمها ماتعيطيش ادعيلها بالرحمه 

روح ببكاء: ربنا يرحمها انا مش عارفه من غيرك كنت عملت اوعي تسيبني يا بابا انا من غيرك اموت ..

بدر بشرود: انا هافضل معاكي يا حبيبتي ..

بقلم حنين عادل

.....................

في الليل

في منطقه صحرا في كذا مخزن كبير للمخدرات.

ضرب نار كتير ويونس واخد ساتر وعمال يضرب نار..

* هانعمل ايه يا باشا ؟!

يونس: مش هنستفاد حاجه ان فضلنا كده للصبح احمي ضهري

* تمام يا باشا 

بيجري يونس وبيلف من ورا اللي بيضربوا نار وبياخد ساتر وبيضرب نار عليهم ...

بيمسك الجهاز بتاعه ...

يونس: اهجمهوا..

بيهجم العساكر واولهم يونس وبيدخل المخزن بيلاقي واحد واقف ولابس حزام ناسف..

يونس: اهدي ..اهدي 

بيحط الراجل ايده علي الحزام ..

يونس: انسحبوووووا

.............

في الصعيد.......

كرم بيلم هدومه في الشنطه..

ام كرم: عاوزه اعرف رايح علي فين يا ولدي

كرم: رايح مصر ادور علي شغل ياما 

ام كرم: رب هنا رب هناك يا ولدي خليك هنا وربنا هايبعتلك رزقك ..

كرم: يا ما انا من ساعه ما اتخرجت  من الجامعه وانا مش لاقي شغل وشغال في حاجات ماليش دعوه بيها

ام كرم: مش شغال في وكاله ابوك والحمد لله مكفيانا واكتر

كرم: بس مش بعد تعبي في الكليه ياما اشتغل في وكاله ابوي انا عندي طموح وعايز احقق ذاتي

ام كرم: ماشي اللي تشوفه يا ولدي بس متنساش امك

كرم: انت بتقولي ايه يا ما انا انسي نفسي ومانساكيش ربنا ما يحرمني منك ولا من طلتك

ام كرم:  ربنا يخليك ليا يا ولدي وينجحك وتوصل لاعلي المراتب قلبي وربي راضي عنك

كرم: ادعيلي يا ما 

ام كرم: بدعيلك في كل صلاه يا ولدي

كرم: ادعيلي براحه القلب والبال يا ما

ام كرم: ربنا يريح قلبك وبالك وينولك مرادك

كرم: من بوقك لباب السما صحيني بدري عشان القطر 

ام كرم: ماشي ولو اني يعز عليا فراقك يا ولدي تصبح علي خير

كرم: وانتي من اهل الخير 

خرجت ام كرم ...

كرم: وحشتيني يا قمر  ..وحشتيني مسيرنا نتقابل ..بقيت عايز انام عشان احلم بيكي  تصبحي علي جنه 

....................

في المقابر ...

صفاء: انا مش عارفه طاوعتك ازاي يا بت حرام عليكي جايبانا في الوقت ده هنا ليه

صفاء واقفه جمب كريمه اللي بتحفر حفره في الأرض ..

كريمه: ياخيتي دي تعليمات الشيخ مخلوف قالي لازمن ادفنها هنا في المقابر.

صفاء : منك لله انتي والشيخ مخلوف بتاعك اللي هيجبلنا اخر ده 

كريمه: يلا دفنت العمل اهو ..يارب اجعله من نصيبي يارب 

قامت كريمه تنفض ايدها وصفاء جمبها.

صفاء: يلا يا بت

لقوا كلب اسود كبير واقف وطلع يجري وراهم 

وهما بيجروا وبيصوتوا ..

......................

طق طق ...

الباب بيخبط..

روح: ادخل ..

بدر: ايه مش هتتعشي ولا ايه

روح: ماليش نفس يا بابا

بدر: خلاص اروح اكل المكرونه البشميل بتاعتك بقا

روح: بس مش اوي

بدر: مش اوي ايه

روح: مش ماليش نفس اوي

بدر: خلي عندك مبدأ 

روح: مافيش مبدأ في المكرونه البشميل

بدر بضحك: طيب يلا يا مجنونه

روح: يلا يا روح الروح 

نزل بدر وروح يتعشوا وكان بيأكلها بايده

روح: الواحد كان نسي طعمها .

بدر: علي اساس انك لحقتي تنسي 

روح بضحك: المكرونه حلوه اوي يا بابا 

بدر: الف هنا علي قلبك

روح: انا هاطلع بقي انام تصبح علي خير

بدر: وانتي من اهل الخير 

....................

يونس: انسحبوووا

الراجل فجر الحزاااام  وهما بيجروا .....يتبع

#صعيدي_علمني_الأدب😂 

#البارت_الخامس_عشر 

يونس: انسحبوووا

الراجل فجر الحزاااام  وهما بيجروا لدرجه طاروا من شده الانفجار .

وقع يونس علي الأرض والعساكر ...يونس قام من علي الارض ودراعه فيها حروق كبيره ورقبته ...

قام شاف العساكر في منهم اللي اتصاب وفي منهم اللي مات ...

يونس مسك جهاز الارسال بتاعه وكلمهم يبعتوا دعم ليه ..

قعد علي الارض جمب عسكري ميت افتكر لما كان بيقول له انه فرحه بعد شهر ومستني بفارغ الصبر يخلص المأموريه دي وياخد اجازه وانه الوحيد علي اربع بنات وابوه متوفي وعلي قد حالهم ..

يونس: ربنا يرحمك ويصبرهم علي فراقك عريس الجنه ان شاء الله انت شهيد طب يارتني كنت انا عارف ما تخافش وماتشيلش هم امك واخواتك ليهم ربنا ماتقلقش ارتاح ...

رفع راسه لفوق وبص للسما وعينه دمعت ..

يونس: يااارب ليه كل ده بيحصل ليه ناس مالهاش ذنب بتروح والفاسدين عايشين منعمين مش اعتراض حاشا لله بس احساس بالعجز ..لما تبقي مسؤول عن حمايه حد وما تقدرش تحميه ..

مش دايما نحكم علي حد من تصرفاته مش عشان عصبي يبقي قوي وجامد وقاسي دا بيبقي احن مما تتخيله عمر ما كان اللي بيبان هوا الواقع احيانا بيبقي انعكاس لحاجه حلوه ماخدتش حقها انها تبان وتظهر بسبب جرح حد سببه او حد استغل الحاجه دي كلنا فينا الحلو والوحش بس بيظهر لما نحتاج ليه ....بقلم حنين عادل

..............................

في المقابر...

صفاء: اجري يا بت ..

كريمه: ما عتش قادره يا خيتي نفسي انقطع

صفاء: قومي قومي الكلب اجي

كريمه قامت تجري اتنعقلت وقعت والكلب عضها في رجليها  ...

صفاء جريت وسابتها ...

الكلب ما كانش بيعض دي كان بياكل ..كريمه قعدت تصوت وتبعده بس مش عارفه لقت جمبها حجر كبير خبطته في دماغه الكلب رجع لورا وكانه داخ .

قامت كريمه من علي الارض تجري ورجلها بتنزل دم لحد ما طلعت بره المقابر..

لقت صفاء اختها مستنياها ..

كريمه: بقي اكده يا خيتي تهمليني وتجري ..

صفاء: ما شوفتيش شكله عامل ازاي وه وه ايه الدم ده 

كريمه بنهجان: رجلي مش حاسه بيها واغمي عليها ...

صفاء: بت ..بت يا كريمه قومي سايق عليكي النبي هاتفضحينا.

صفاء قعدت تفوق فيها لحد ما فتحت عينيها ..

صفاء: ساعديني وقومي عشان نعاود الدار ..

صفاء سندتها ..

كريمه ببكاء: رجلي واجعاني قوي 

صفاء: معلهش استحملي هانعاود الدار وهاشيع للدكتورة .

فضلت صفاء مسنده كريمه لحد ما وصلت البيت و قالت للغفير يساعدها ..

دخلت هيا وكريمه والغفير لقت شاكر قدامها متعصب

حطت كريمه علي الكنبه..

شاكر: كنتي فين يا مره في انصاص الليالي 

صفاء: ك..ك.كنت ..مع كريمه .

شاكر: معاها فين يا وليه 

صفاء: ما انت خابر انها بتمشي وهيا نايمه كلمتني وقالتلي انها صحت لقتها في المقابر وكانت خايفه ومرعوبه طلعت اجري عليها لقيت الكلب بينهش في رجليها 

شاكر: وه ..

صفاء: ايوه ..حتي شوف رجلها يا حبه عيني متدمرة شيع للدكتورة تلحقها يا ابو يونس

شاكر: يا مسعود ..يا مسعود

دخل مسعود الغفير : ايوه يا حضره العمده امرك

شاكر: روح هات الدكتورة وماتعاودش من غيرها 

مسعود: امرك يا حضرة العمدة..

شاكر: دخليها اوضه الضيوف ونضفيلها الجرح علي ما الدكتورة تيجي

صفاء: حاضر..

صفاء سندتها وهيا بتتنفس براحه ودخلتها الاوضه ..

كريمه بتبكي من وجع رجليها .

صفاء كشفت رجليها اتصدمت من الجرح ..

صفاء وهيا بتنضفه: مش قلتلك يا خيتي الشيخ مخلوف ده هايجبلنا اخر ربي يسترها ..

الباب بيخبط ..ودخلت الدكتورة..

وقفت صفاء من بعيد تشوفها..

الدكتورة: دا جرح عميق جدا والجلد اتقطع وكام شريان لازمها عمليات عشان ترجع طبيعيه

صفاء: يامري حالتها صعبه اوي اكده

الدكتورة: للاسف انا هاكتبلها مسكن علي لما تنقلوها للمستشفي

صفاء: شكرا يا دكتورة

طلعت الدكتورة وقالت لشاكر نفس الكلام وادته الروشته..

شاكر: ياواد روح هات الدوا 

الغفير خد الروشته وراح يجيب الدوا 

شاكر: سبحان الله من اعمالكم سلط عليكم ..

ايوه شاكر عارف بس مستني يشوف اخرهم ..بقلم حنين عادل

............................

صوت الاسعاف ..

والدكاترة بيشتالوا المتصابين علي الترولي

ويونس واقف مش حاسس بالدنيا ..كل اللي بيفكر فيه انه ماقدرش يحميهم الناس اللي من نوعيه يونس قليله اوي في الزمن ده الناس اللي بتعمل من قلبها ومش بتفكر بيلوم نفسه علي حاجه مالهوش ذنب فيها كان ذنبه ايه دا واحد تكفيري وفجر نفسه ..بس احساسه بالمسؤوليه بيعذبه يمكن لو ..يمكن كان ...بيعيد الزمن لو كان حصل لوكنت بعدت ..بس قدر الله ماشاء فعل ...بقلم حنين عادل

الدكتور: يونس باشا ..يونس باشا

يونس: ايوه ايوه يا دكتور

الدكتور: بكلمك بقالي ساعه انت جروحك كبيرة 

يونس: الحمد لله 

الدكتور: طب اتفضل معايا اعالجهملك

يونس: ماشي

مشي يونس مع الدكتور ودخل الاسعاف لقي الشاب مفاح عينه

يونس بفرحه: هوا عايش

الدكتور: كان نبضه ضعيف جدا وقلبه هيقف بس الحمد لله لحقناه..

يونس بفرحه : الحمد لله شد حيلك يا عريس 

..عريس ايه بقا 

يونس بضحك: لاه ما تقولش كده ان شاء الله هتبقي كويس احمد ربنا 

..الحمد لله علي كل حال ..

يونس : سبحان الله وما كان ربك نسيا ❤️ دي اكيد دعوه امك ..

..ربنا عالم انها غلبانه هيا واخواتي

يونس: اللي معاه ربنا ما يغلبش ارتاح ..

..ونعم بالله 

.......................

في نادي ليلي..

يوسف واقف هوا وبنت عالبار.

* ما خلاص بقا يا يوسف مش كنت بتضحك عليها دلوقتي حبيتها

يوسف: ايوه بحبها بس مش راضيه تسامحني عارفه هيا من النوعيه اللي مش بتسامح لو عملت ايه ..

* خلاص ريح قلبك وانساها

يوسف: ما قدرش بحبها الكام يوم اللي غابتهم انا كنت هاموت مش عارف اعمل ايه عشان تسامحني كله من حسام الكلب روح دي بتاعتي انا بمزاجها غصب عنها بتاعتي ..

* طب ايه رايك اني اقلك علي طريقه تخليها ليك علطول 

يوسف: ايه ؟!

*............................................................

*‏............................................................

*‏............................................................

يوسف: انتي اتجننتي بقولك عايزها تسامحني تقوليلي اعمل كده ايه يا ميرا عايزاها تكرهني بزياده

* فكر بس صدقني دي دماغها جامدة ومافيش احسن من اللي قولتهولك ده

يوسف: عايز صحبتك يتعمل فيها كده

* مش صاحبتي كانت صاحبتي يا يوسف فكر بس في اللي قولتهولك( بضحكه بشر)

يوسف: مش عارف ليه بتكرهيها كده ..

* انا لا بحبها ولا بكرها ولا هيا في دماغي اصلا انت طلبت رأيي وانا قولتلك عملت باللي قولتلك عليه هاتبقي انت الكسبان فكر كويس

بقلم حنين عادل

..............................

في الصباح..

بتصحي روح من نومها وكالعاده بتاخد شاور و بتشرب النسكافيه بتاعها..

بتنزل تحت ..

بدر: تعالي يا روح افطري معايا

روح: ما انت عارف يا حاج اني مش بفطر دلوقتي

بدر: يابنتي نفتح نفس بعض 

روح قعدت علي السفره : ماشي يا بابا بس بذمتك خلقتي دي تفتح النفس

بدر: نعم ..دي تفتحها ونص وان انتي مافتحتيش النفس مين يفتحها..

روح: الله الله علي كلامك الحلو يا سي بابا

اكلها في بوقها ..

روح بابتسامه : ربنا ما يحرمني منك يا حبيبي ...يلا بقا بدايه الجامعه بكره عاوزة اروح اشتري لبس

بدر: تشتري لبس دا انتي عندك لبس يكفي بلد

روح: الله بقا قديم يا بابا 

بدر: هاتروحي مع ميرا

روح: ميرا ..لأ خلاص ميرا بح ..

بدر: ازاي دي كانت اكتر واحده بتحبيها واكتر من اخوات

روح: طلعت ورق يا بابا ما طلعتش صاحبتي واختي زي ما كنت فاكراها يلا الله يسهلها انا هاروح مع ياسمين 

بدر: ماشي خلي بالك من نفسك وماتتاخريش 

روح: حاضر ..

بدر: محتاجه فلوس 

روح: لأ معايا وبعدين احنا حسابنا مشترك يعني انا مليونيرة 

بدر: ما انا هفلس قريب علي ايدك

روح: هيا الفلوس بتيجي ليه مش عشان تروح ونتبسط بيها..

بدر:  الاعتدال في الاسراف يابنتي ..

روح: حاضر..يلا باي ..

مشت روح وضحك بدر عليها ..

بدر بتفكير: خايف عليكي يا بنتي مالكيش حد من بعدي غير ربنا

...................

في محطه القطر..

بيقف القطر وبينزل من كرم..

كرم: بلد جديده وكبيرة يا تري هاتحققيلي منايا ..

نزل كرم من القطر ...ومشي 

الدنيا زحمه جدا وهوا مش عارف حاجه في البلد .

مشي شويه راح الموقف ...

السواق : رايح فين يا استاذ

كرم: انا عاوز اروح الزمالك ..

السواق شاور ليه علي عربيه..

كرم راح ركب ..

كرم بتفكير: جايلك يا قمر ...اتوحشتك ياتري هاتحسي بيا امتي .

........................

في المستشفي..

يونس قاعد الدكتور بيغيرله علي ايده

الدكتور: الحمد لله انها جت علي قد كده

يونس: الحمد لله ده انفجار ربنا سترها

خلصله الدكتور وراح يطمن علي الشاب ...

دخل الاوضه ...

يونس: ها عامل ايه يا عريس

..الحمد لله 

يونس: تستاهل الحمد

..انت ازاي كده يا باشا

يونس: كده ازاي يعني

..يعني من بعيد باين قاسي وتخوف بس انت غير كده خالص

يونس: انا ازاي بقا

..يعني حنين وطيب وجدع

يونس: بص يا محمد كل واحد بيشوف الناس زي ما هوا عايز يشوفهم لو عايز تشوفني كويس وطيب هاتشوفني لو عايز تشوفني قاسي وبخوف هاتشوفني كده برده طيب انا عملت معاك حاجه بينتلك اني قاسي وبخوف

..الصراحه لأ ..

يونس: حمد الله علي السلامه يا محمد

..الله يسلمك يا باشا 

بقلم حنين عادل

..................

في احد المحلات..

روح طلعت لابسه بلوزه كت علي بنطلون..

روح: ها ايه رايك

ياسمين: دا عاشر طقم يا بنتي

روح: اخر واحد اخر واحد

ياسمين: كنتي بتقولي كده من اربعه فاتوا

روح: ها ايك رايك عشان لسه الشوز

ياسمين: انا اللي جبته لنفسي

استوب ...

ياسمين صاحبه روح جدا بس ميرا كانت الانتيم وكانت روح بتحبها جدا بس صداقه العمر انتهت بموقف

............................

في مستشفي ..

كريمه علي الترول ...

كريمه ببكاء: انا خايفه اوي يا خيتي

صفاء: ما تخافيش يا خيتي ماتخافيش ان شاء الله هاتبقي كويسه

دخلت اوضه العمليات وهيا خايفه وبتعيط ..

فعلا من اعمالكم سلط عليكم..

..........................

طلع يونس من المستشفي راح السكن بتاعه 

اترمي علي السرير ...

حط ايده ورا دماغه 

جت صورتها في باله ..

ابتسم بتلقائيه ..

يونس: وحشتك العصبيه وحرق الدم ولا ايه يا نمر جرا ايه يا قلبي هاتنخ ولا ايه وحتي ان نخيت ما خلاص كل حاجه خلصت ..

عقله: ايوه كده احسن 

قلبه: بس ممكن تصحح اللي حوصل والميه ترجع لمجاريها 

يونس: لا اله الا الله محمد رسول الله

وكانه بيوقف عقله عن التفكير وبيقول لقلبه اهدي وماتمشيش ورا اللي هايجرحك ..

اصعب حاجه انك تعيش في صراع ما بين قلبك وعقلك بتبقي بين نارين قلبك ليه قرار وعقلك ليه قرار تاني وانت حيران مابينهم  ...بقلم كاتبه الجيل

..............................

كرم كان واقف في شقه راقيه ..

كرم : بس كده غالي قوي

@ انت جاي تأجر شقه في حي الزمالك اللي من ارقي احياء القاهره  وبتقول غالي ..

كرم: بس كده كتير اكرمني شويه

@ اللي عندي قلته احنا مش بنفاصل يا ابن الحلال وفي كتير يتمنوها سلام ما تعطلنيش .

كرم: خلاص موافق استهدي بالله ..

بيطلع العقد وكرم بيمضي عليه..

كرم بتفكير: كله عشانك يا قمري ..يتبع

ولسه اللي جاي تقيل مع كاتبه الجيل😎

توقعاتكم للي جاي مع ان انا محدش يتوقعني ياتري ميرا قالت ليوسف ايه ؟!!

وكرم هيقابل روح ..ويوسف هايعملها حاجه وحشه ..ويونس هايروح يستسمح عمه

يتبع

تعديل المقال