روايه شمس الزين
البارت التاسع والعاشر
بقلم حنين عادل
كامله على مدونة النجم المتوهج للروايات
شمس صحيت وعملت فشار وقعدت تسمع فيلم
دق دق دق
شمس: مين
مريم: ممكن أدخل
شمس: اتفضلي
مريم: ازيك
شمس: الحمدلله بخير
مريم: يارب ديما تكونى بخير
شمس: أنا وانت
مريم: نتعرف طيب ولا هنتكلم كلام ناشف كده كتير
شمس: شمس مرات زين عندى 18 سنه وانت؟
مريم بضحك: عارفه انك مرات زين والله بصي ي ستي أنا مريم بنت عمه كنت عايشه هنا وسافرت بعد ثانويه عامه كملت تعليم برا وبابا سافر معايا عندى 22 سنه مش اكبر منك بكتير برضو
شمس: اها اهلا اتشرفت
مريم: أنا اكتر يروحي م تيجي نعمل اى حاجة كده بدل م احنا قاعدين
شمس: هنعمل ايه
مريم: تعالى ننزل نعمل كيك ونقعد ف البلكونه شويه
شمس: تمام يلا
شمس نزلت مع مريم عملوا كيك وطلعوا قعدوا ف البلكونه
مريم: مش هتكلميني عن نفسك وعن زين وكده
شمس: مفيش حاجه نتكلم عليها اصلا
مريم بغمزه: بجااد
شمس ضحكت: اها والله
مريم: بس باين عليكي بتحبيه
شمس: وانت بقي عرفتي منين
مريم: العيون فضاحه زي م بيقولوا
شمس: مش عارفه
مريم: هو اي حوار مش عارفه معاكوا
شمس: مع مين !!
مريم: هه لا قصدي كل م اسأل حد ع حاجه يقولى مش عارف وكده يعني
شمس: اها بس انا حقيقي مش عارفه احساسي بحس اني بكرهه ف ساعات وساعات بحس انه مينفعش يبعد عني مجرد الفكره اصلا مش هستحملها يعني بحس اني عايزاه قريب اوي مني ومش عايزاه يبعد دقيقه عني مش عارفه افسر احساسي بس أنا عايزاه معايا وف حياتي ف كل ساعه ف حياتي بس مش حاسه الاحساس ده من ناحيته ومش عايزه افرض نفسي عليه عشان كل حاجة جت بسرعة كده وهو ليه حياته ومستقبله
مريم: تفسير احساسك يستي انك بتعشقيه مش بتحبيه بس
زين: هو مين ده اللى بتحبه
روايه شمس الزين
البارت التاسع والعاشر
شمس: زين !!
زين: هو مين ده اللى عتحبه
شمس: زين انت هنا م امتى !!
زين: م اخر جمله مريم جالتها
مريم: كنا بنتكلم ع ابطال مسلسل
زين: انتوا مبتكلموش عيل صغير مين ده اللى عتحبيه
شمس: قالتلك كنا بنتكلم ع ابطال مسلسل وبعد اذنك عايزه ادخل انام عشان الكليه بكره
شمس عدت زين ودخلت الاوضه وزين بص لمريم وسابها ودخل الاوضه ورا شمس
زين: شمس
شمس: .....
زين: عارف انك صاحيه ملحجتيش تنامى ف دقيقه
شمس: نعم
زين: انت عارفه ان كليتك بكره مش محتاج افكرك انك ف الكليه هتبقي طالبه عندي وبس
شمس: لا ي زين مش محتاج تفكرني ممكن تطفي النور عشان ننام
زين طفي النور وكل واحد فيهم نام ف طرف م السرير
تاني يوم ...
زين: شمس .. شمس
شمس: اممم
زين: جومي عشان متتأخريش مش م أول يوم
شمس: حاضر قايمه اهو
زين: غيري وانزلى عشان نفطر ونمشي
شمس: حاضر
شمس غيرت وزين ونزلوا عشان يفطروا
شمس: صباح الخير
العمده: صباح النور ي شموسه
شمس ابتسمت وقعدت تاكل
العمده: زين
زين: نعم ي ابوى
العمده: عتروحوا وتيجوا كل يوم !
زين: ايوه
العمده: المشوار بعيد واكده مرتك عتتعب ومش عتلحق تحفظلها كلمتين م اللى بتاخدهم أنا بجول تاخد الشجه اللى هناك وتجعدوا فيها وأنا هكلم الابواب يوضبها ع ماتروحوا
روايه شمس الزين
البارت التاسع والعاشر
زين: اللى تشوفه
العمده: اى رأيك ي شمس
شمس: اللى تشوفه ي عمى
العمده: ع بركه الله يبجي تروحوا تجوا فيها وتيجوا ف الايام الفاضيه
شمس: تمام
زين وشمس خلصوا فطار ومشيوا
زين: ده الجدول خليه معاكى عشان تعرفي مين عليكي م الدكاتره
شمس: تمام
زين: محاضرتى متتأخريش عليها عشان متطرديش
شمس: حاضر
زين: ملكيش خلطه بالشباب هناك
شمس: مش عارفه ليه حاسه انى بنت اختك
زين: اسمعي الكلام اللى بقولك عليه وبعد م تخلصي المحاضرات اللى وراكى تجيلي ع المكتب
شمس: حاضر تؤمر بحاجه تانى
زين بصلها: لا
كملوا الطريق ووصلوا الجامعه زين وداها عند الكليه بتاعتها
زين: اسألى حد م البنات ع المدرج وادخلى اقعدى فيه
شمس: تمام
كانت شايفه بنت واقفه بعيد شويه وراحت تسألها
شمس: لو سمحتى
البنت: نعم
شمس: مدرج (أ) فين
البنت: ثانيه انا كمان داخله تعالى نروح مع بعض
شمس: تمام
البنت: ملك اسمي ملك
شمس: وانا شمس
ملك: شكلك هاديه خالص
شمس: عشان في ناس ولمه كتشير اديني خمس دقايق وهروق عليك
ملك: ههههه اى الضحك ده ده احنا هنبقي صحاب جامد اوي
شمس: احنا بقينا صحاب خلاص
ملك: طب تعالى عشان منطردش م أول محاضره
شمس: يلا
دخلوا أول محاضره وكانوا مركزين مع الدكتور وسجلوا معاه المحاضره
شمس: أنا عيله وبرجع ف كلامي مين قال انى عايزه أدخل طب
ملك: انا فرهدتت مشقادره لسه عندنا محاضره كمان نص ساعه
شمس: اشطا
ملك: تعالى نجيب اكل ونشرب حاجه ف الكافتيريا
روايه شمس الزين
البارت التاسع والعاشر
شمس: تمام يلا
دخلوا الكافتيريا وطلبوا اكل وبيبسي
ملك: نسيت اخد رقمك
شمس: اكتبي يستي 010********
ملك: سجلتك تيمون
شمس: كتبتك بومبا
ملك: اشطاات
شمس: يلا عشان منتأخرش ع محاضرة علينا دكتور زين
ملك: يلا
دخلوا المحاضره
زين: ازيكوا ي شباب معاكوا دكتور زين هندخل ف الشرح علطول ونتعرف ف اخر المحاضره
بدأ يشرح وكلوا مركز معاه وشمس مركزه وبتكتب وراه
خلصوا المحاضره واتعرف ع الطالبه وطلعوا
ملك: قمر اوى دكتور زين ده
شمس: ااه
شخص: لو سمحت ي انسه شمس
شمس: نعم اتفضل
شخص: ممكن الكشكول بتاعك انقل المحاضره عشان فيه حاجات ملحقتش اكتبها
شمس شافت زين واقف ورا بيبص عليها
شمس: ا ا معلش أنا اسفه بس ممكن تاخدوا م ملك عشان انا برضو وقعت حاجات مكتبتهاش وسابتهم ومشيت
ملك: ي شمس استني
شمس: هبقي اكلمك فون
ملك: اشطا هستني
شمس راحت لدكتور زين المكتب
زين: مين اللى كنت واقفه معاه برا ده
شمس: ده واحد زميلنا كان عايز الكشكول ينقل المحاضرة
زين: ومفيش غيرك كتب الزفت المحاضره
شمس: معرفش وبعدين انا قولتله يأخد كشكول ملك ومشيت
زين: تمام يلا عشان نمشي
زين مشي وشمس كانت ماشيه وراه وصلوا عند العربية وركبوا وراحوا الشقه
زين: ي عم عبدو
عم عبدو: دكتور الزين ي اهلا وسهلا نورت العماره كلها
زين: العماره منوره بأهلها
عم عبدو: ربنا يخليك ي دكتور مفتاح الشقه اهو العمده كلمنى وانا ظبطهالك
زين: تسلم ي طيب ربنا يديك الصحه
زين طلع الشقه وفتحها كان شكلها حلو اوي وكانها جديدة محدش عاش فيها قبل كده
زين: ادخلى
شمس دخلت وكانت بتبص ع الشقه بانبهار كده دخلت الاوضه وغيرت وطلعت
شمس: اعمل اكل
زين: هنطلب اكل م برا
شمس: تمام
زين: هتاكلى ايه
شمس: بيتزا مارجريتا
زين: تمام وطلب اتنين بيتزا وبيبسي
اكلوا وزين دخل الاوضه ينام
شمس: زين .. زين
زين: اممم
شمس: ..
البارت العاشر عايزه تفاعل 😢♥️♥️
روايه شمس الزين
البارت التاسع والعاشر
شمس: ممكن نقعد ف البلكونه شويه
زين: مش قادر
شمس: تمام
شمس طلعت م الاوضه عملت شاى بالنعناع ومسكت كتاب أقرأ فيه وطلعت ف البلكونه
زين مد ايده بطرحه
شمس: ايه !!
زين: مش قولتلك قبل كده متخرجيش بره م غير طرحتك
شمس: مخدتش بالى وبعدين مفيش حد اصلا
زين: قعد قصادها وفضل سرحان
شمس: زين
زين: امم
شمس: انت هتفضل زعلان كده
زين: بس أنا مش زعلان
شمس: امال مش مديني وش ليه م ساعه م الشاب ده وقف معايا وطلب منى الكشكول
زين: عشان كان المفروض تعمليلي احترام ومتقفيش ف اى مكان ف شباب
شمس: مقصدتش والله وبعدين انا مدتلوش الكشكول ودبست ملك معاه
زين: ..
شمس: اووف طيب انا اسفه
زين: تمام
شمس: اعملك شاى بالنعناع
زين: ماشي
شمس دخلت تعمل الشاى وزين أخد الكتاب اللى كانت بتقرأ فيه يقرأه
كان مكتوب اقتباس لـ محمود درويش
"كَلمَاتك..تُرسِلُني إلَى هُنَاك
حَيثُ لا هُنَاك إلّا أنا..وكَلِمَاتُكَ..وعَيْنَاكَ..
زين قرأه وبص ف الفراغ وسرح ف شمس وتفاصيلها وانه وقع ف حبها بس مش مُعترف لنفسه
شمس: زيين
زين: اييه
شمس: سرحت ف اي كده
زين: لا ولا حاجه
شمس: طيب اتفضل الشاى
زين: تسلم ايدك
شمس: الله يسلمك م كل سوء
قعدوا يشربوا الشاى
شمس: أشغل اغنيه
زين: لـ ام كلثوم ؟
شمس: اها
زين: تمام
شمس شغلت اغنيه للست
شمس: زين قوم
زين: ليه !
شمس: قوم بس
زين: قومت اهو
شمس سحبت زين م ايده والاغنيه شغاله وبدأوا يرقصوا سلو
" أمل حياتي يحب غالى مينتهيش
ي غنوه حلوه سمعها قلبي ولا تتنسيش
خد عمرى كله بس النهارده خليني اعيش
خليني جمبك خليني في حضن قلبك خليني
وسيبني احلم سيبني ياريت زمانى مايصحنيش
ياريت ياريت مايصحنيش"
روايه شمس الزين
البارت التاسع والعاشر
شمس: تعرف !
زين: اممم
شمس: م زمان اوي نفسي اعمل كده
زين: كده ازاى
شمس: يعنيي ارقص مع شخصي المفضل بالليل كده ع البحر مع اغنية للست بس عادى عملناها ف الشقه هنا
زين: طيب ادخلى اجهزى بسرعه
شمس: اييه
زين: هننزل نتمشي ع البحر
شمس بفرحه: بجد !
زين: جد الجد والله
شمس: هلبس ف ثانيه
شمس لبست دريس ازرق شكله حلو اوى وسيمبل و زين كان لابس طقم كلاسيك حلو اوى
شمس: خلصت
زين: تمام يلا
زين أخد شمس ف العربية ووصلوا عند البحر ونزلوا يتمشوا مكنش في حد عشان الوقت كان متأخر
زين: شغلى
شمس: أشغل ايه
زين: اغنيه الاغنيه اللى بتحبيها للست
شمس شغلت اغنيه للست
زين سحب ايديها ورقصوا سلو ع البحر
شمس: ممكن حد يشوفنا
زين: مفيش حد غيرنا
شمس: تمام
زين: شمس
شمس بصتله: اممم
زين: انا قولتلك قبل كده ان عيونك حلوه
على صوت الست وهى بتقول:
يا حبيبي .. الليل وسماه ..
ونجومه وقمره ..قمره وسهره ..
وانت وأنا .. ي حبيبي أنا .. ي حياتي أنا
كلنا كلنا ..في الحب سوا ..
والهوى أه منه الهوي ..
سهران الهوى .. يسقينا الهنا ..
ويقول بالهنا .. يا حبيبي ..
يالا نعيش ف عيون الليل ..
ونقول للشمس .. تعالى تعالى ..
بعد سنه .. مش قبل سنه
دى ليله حب حلوه .. بألف ليله وليله
بكل العمر .. هو العمر ايه غير ليله زى الليله.
زين حضن شمس وهمس ف ودنها بحبك
شمس: اي ده هرموناتي عامله شغل عالى معقول بقيت بتخيل كده
زين: في حاجة
شمس: لا بكلم نفسي
زين: طيب نروح عشان تعرفي تصحي بدرى للكليه
روايه شمس الزين
البارت التاسع والعاشر
شمس: خلينا قاعدين شويه ع البحر
زين: تمام
قعدوا ع البحر وكل واحد فيهم سرحان
زين: بحبك
شمس بصيتله: بتقول حاجه
زين: لا
شمس: اووف لا ده كده كتير
زين: هو ايه اللى كتير !
شمس: لا لا مفيش بقيت بسرح كتير يعني
زين: اها بس انا قولتها انتِ مكنتيش بتتخيلي أو بتسحري
شمس: احلف
زين: والله
شمس: ايه !
زين: بحبك♥️
يتبع....
بقلم:حنين
تعليقات
إرسال تعليق