 |
القطه التي روضت الفهد
الفصل السادس والسابع
بقلم نرمين هاني
كامله على مدونة النجم المتوهج للروايات
في الجزيرة
جميلة بحيرة وتساؤل : طيب هنعمل ايه ؟!
قطه : هقولك احنا هنعمل ايه بصى ياقلبى احنا هنتكلم قدامه الاول عن الصلاة واهميتها و كدا ماشى
جميله : ليه انا ممكن اروح اقوله يجى يصلى معانا على طول واخليه يجي
قطه بهدوء : لا يا حبيبتى مينفعش مش هيرضى احنا هنعمل زى ما قولتلك كده قشطة
جميله بضحك : عسل
قطه وهى تحتضنها بحب : والله انتى اللى عسل وسكر
جميله بحب : انا بحبك اوووى
قطه : وانا كمان يلا بقى نقوم نصلى وناكل
جميله بفرحة طفولية : ماشى
وراحو يتوضوا ويصلو..............
----------------------------------------------------------
ف الكليه
شمس بتفكير : اممممممم خلاص لقيتها
مي وشهد بلهفة : هى اى؟
شمس بضحك : هههههههههه الفكرة هي مجنونه شويه بس مش جديد علينا الجنان يعنى
مي وشهد بانتباه : طيب قولى
شمس : بصو احنا هنعمل .............. ( هتعرفو بعدين😂😉 )
مي وشهد بذهول : يخربيت دماغك
شمس بفخر : ههههههههههههههههههه على وضعى والله وبعدين انتو فاكرين ان عميد الكلية عايز اهلنا ليه عشان يزعقلنا أدامهم والجو دا ﻻ طبعا ، دا ياحلوين كلب فلوس بلد زباله يعنى بشوية فلوس الليله دى تنفض ونرجع تانى يوم
مي : عندك حق وكمان مش عارف يربي ابنه
ثم قالت بتفكير : بس احنا عايزين راجل معانا
شهد بتفكير : راجل ؟! امممممم ايه رأيكو اجيب خالد اخويا اهو اسلكوا شويه من البنات اللي يعرفهم دول وازرعوا في مشاكلي يمكن يهتم بيا شويه
مي بضحك : ههههههههههههههههههههه اتنيلى ياشيخه احنا ناقصين اخوكى هيقعد يزعق بقا شويه ويعمل فيها ظابط علينا وبتاع لا مش هينفع طبعا
شهد وهى ترى آسر أمامها : آسر
مي وشمس باستغراب : نعم ؟!
شهد : انتى ناسيه انه نقل جمبنا جديد يعنى المفروض يخدمنا وكفايا ان احنا جيران
مي بضحك واستهزاء : هههههههههههه دا على اساس ان الشهامة بتصر منه دا واد بتاع بنات وكل شوية مع واحدة مش هينفع طبعا وبعدين مين بقى اللى هيروح يقوله
شهد : انا هروح اقوله مفيش قدامنا غيره
شمس بتفكير وتساؤل : افرضى فهمنا غلط هنعمل ايه بقى ياحلوه ؟
مي : لا مش هيفهمنا غلط ولا حاجه وبعدين فعلا احنا فعلا منعرفش غيره و مقدمناش وقت يلا نروح كلنا نقوله
شمس بتنهيدة : ماشي يلا ربنا يستر
وراحو عند آسر
شهد بهدوء : آسر
آسر باستغراب وهو يلتفت لها : لالالا مش معقول شهد جايه بنفسها تكلمنى دا انا كدا بحلم ياجدعان
مي بغيظ : جرا ايه يالا انت هتحور لخص الكلام دا مبيكلش معانا عايزينك فى موضوع
آسر بضيق : تعرفى تسكتى انتى انا موجهتلكيش كلام على فكره
مي بغضب : انت تطول اصلا تكلمنى ؟!!
شمس وهي تمسك يد مي : بقولك ايه مش وقت خناق
ثم نظرت لآسر وقالت بتنهيدة :
- بص بقى من الاخر احنا عايزينك فى خدمه احنا حصل معانا ( وحكتله اللى حصل وان مينفعش يقولو لأهلهم والخطه اللي اتفقوا ينفذوها )
آسر بذهول : نعم انتو بتهزروا دا احنا نروح في داهية
شهد : ياسيدى متخفش احنا المسؤولين عن اى حاجه هتحصل وبعدين احنا هنعمل كده عشان يتأدب بس
آسر بتفكير وتردد : اممممممممم
مي بتوسل : يالا بقى مش هيحصل حاجه متقلقيش ولنفسها بغيظ ....بقى انا على اخر الزمن اتذلل لواحد زيك صبرنى يارب عشان فاضل تكه وهنفجر فيه ومحدش هيعرف يوقفنى هبططه كدا تحتى وهو مش حمل نفخه منى المعصعص دا😂😉
آسر بابتسامه وهو يغمز لشهد بعينيه : خلاص ماشى عشان الجيره بس
شمس باستهزاء : لا اصيل والله
شهد : خلاص نتقابل بكره بقا بدري عشان نجهز كل حاجه يالا يابنات سلام يا آسر
آسر : سلام ولنفسه بذهول واستهزاء ...قال بنات قال دول شياطين
ومشيوا
شمس وهى خارجه من البوابه : سلام ياعم محمود
محمود( رجل الأمن ) بغيظ : تجيبى الكارنيه بكره ياشمس فاهمه مش هتدخلى من غيره
شمس بضحك : هههههههههههههه لا واضح انك دعيت عليا النهارده عشان كدا اترفدت
مي بضحك : هههههههههههههه كدا ياعم محمود برضو واحنا غلابة وفي حالنا
محمود باستهزاء : غلابه مهو واضح دا انتو قرود
شمس بضحك واندهاش مصطنع : قرود حتى عم محمود مش معترف ان احنا آنسات يالا لطم جماعي
ياشباب😂
الكل : ههههههههههههههههههههههههههه
مي بمرح : اللطم على الخيبة والويبة ابتدى 321 اكشن
شهد بمرح : هههههههههههههه يالا يا جزمه منك ليها كفاية رغى ورانا رفد اقصد هتتأخر على البيت
شمس ومي : يالا يا بومه
شهد ومي ركبو تاكس عشان ساكنين مع بعض ف نفس الشارع
وشمس ركبت اتوبيس وروحت
-------------------------------------------------------------------
ف الجزيره
فهد وقطه وجميله يجلسون على شاطئ الجزيره ويأكلون
قطه بهدوء : سميتى ياجميله قبل ما تاكلى وﻻ ﻻ
جميله : نسيت
قطه بضيق : كدا برضو انتى ناسيه الحديث اللى قولتهولك عن عائشة رضى الله عنها قالت ( إذا أكل أحدكم الطعام فليقل بسم الله وإن نسي في أوله فليقل بسم الله أوله وآخره ) يبقى نقول ايه بقا
جميله : بسم الله أوله وآخره
فهد بإحراج ولنفسه : بسم الله أوله وآخره
جميله بمرح وهى تنظر لفهد : وانت يافهد سمى عشان الشيطان مياكلش معاك
فهد بابتسامه وتساؤل : ماشى قوليلى بقى انتى فى سنه كام ياجميله ولا مرحتيش المدرسه ؟!
جميله بطفوله : لا روحت دا انا كنت شاطره اوى اشطر من البت نسمة
فهد بضحك : نسمة مين ؟!
جميله بغيظ طفولي : دي بت رخمه وكانت بتاخد منى السندوتشات
فهد بضحك : ههههههههههههه والله انتى عسل
ثم نظر لقطه ببتسامه : وانتي ياقطه
قطه بجدية : اولا اسمى آنسه قطه ثانيا ملكش فيه
فهد واختفت ابتسامته : على فكره احنا شكلنا مطولين يبقى ياريت نتعامل احسن من كدا ولا أي ياجميله
جميله بضحك : ههههههههه انا مالى الله
قطه : خلاص تمام
فهد : وبلاش آنسه دى مش متعود عليها ياستى اعتبريني اخوكى
قطه بتردد : معنديش اخوات
فهد : ههههههههههه اعتبري بقا عندك على ما نطلع من هنا وانا اوعدك مش هضايقك تمام
قطه : تمام
جميله بمرح : طيب وانا
فهد بضحك : اركنى انتى يا زئرده على جنب
جميله بغيظ وهى تضربه : تانى زئرده طيب تعالى بقا
فهد وهو يجرى منها بهزار : هههههههههههههه لو عرفتى تمسكيني بقا
قطه وهى تنظر لهما ببتسامه : شكله كويس ربنا يهديه ويسترها معانا يارب
----------------------------------------------------------
ف منزل شمس
شمس وهى تدخل المنزل : السلامو عليكم
رانيا والدتها : وعليكم السلام يلا عشان تتغدى قبل الأكل مايبرد
شمس وهي تجلس بتعب : هو أدهم فين
رانيا : جه تعبان ودخل ينام وقال اما تيجى اصحيه
شمس بمرح : قشطه سيبيلى انا بقا الطلعه دى ياكبيره
رانيا بضحك : ههههههههه ماشى يا اختى اتعاملى انتى بقا اما نشوف
شمس بغمزه : قشطه لو اتاخرت اكتر من دقيقتين بلغى لبوس النجدة
رانيا بضحك : ههههههههههه ربنا معاكى يا مغلبانى
شمس وهي تدخل الغرفه علي أدهم وبمرح : قوم ياعم يلا
أدهم نائم ولم يرد عليها
شمس بتفكير : اممم ادلق عليه مايه ساقعه ﻻ مش بعيد يزقولنى تحت الدش مجنون ويعملها وراحت
ماسكه المخده وعلى دماغه
شمس بصوت عالى و خوف مصطنع : أدهم الحق قوم بسررررعه قوم شوف ايه اللى حصل😮
أدهم يقوم منتور من الفراش و بفزع : فى اى ماما حصلها حاجه ؟!🤔🙄
شمس بخوف مصطنع : اه قالتى اصحيك عشان الاكل هيبرد يرضيك اﻷكل يبرد يعنى
أدهم بعدم استيعاب : نعم ؟!
شمس وهي ترجع للخلف ببطئ وبمرح :
- اصلك مش فاهم أبعاد الموضوع لو الأكل برد هيبقى عايز يسخن ولما يسخن الأنبوبة هتفضى ولما تفضى هتبقى عايزه فلوس تتملى ودا هيتسبب في انهيار مصروف البيت فدا هيأثر عليا تبقى مصيبه وﻻ ﻻ انا عايزه رأيك بمنتهى الوضوح والشفافية ومن غير غباوة هه😂✋
أدهم بغضب وغيظ وهو يقف و يقترب منها ببطء : عايزه رأي مش كدا
شمس بقلق : هههههههههههه طيب هيبقى شفوى ولا تحريرى عشان احمى وشى بس
أدهم وهو يقترب منها ببطء : الاتنين
شمس وهى تجرى للخارج : ماما الحقي ابنك عايز يضربنى
رانيا بتساؤل : أي في أي
شمس ببراءة : شايفه عشان رحت اصحيه ياكل عايز يضربنى دا جزاتى يعنى
ادهم بغيظ وتريقة : لا ياشيخه ؟!
شمس بضحك : هههههههههههه اي بكدب انا مثلا
أدهم وهو يقترب منها و يمسك أذنها : ينفع الخضة اللى خضتهالى دى
شمس بألم : ااه ااه ودنى ، يا بني سيب ودنى هتكبر عن التانيه مش هتجوز كده
رانيا بضحك : ههههههههههههههههههه أي علاقة الودن بالجواز ياهبله ؟!
أدهم بضحك : انا عارف ايه الهبل دا ؟!!
شمس بمرح : طيب بالنسبه لودنى اللى فى ايدك دي ايه ظروفها
أدهم : اكتمى يابت
شمس بمرح : لو عاوزها خدها معنديش مانع
أدهم وهو يحرر أذنها من قبضته : لا يااختى خديها
رانيا : طيب يلا عشان ناكل
شمس : قشطه
وجلسو يأكلون بحب وسعاده
--------------------------------------------------
ف منزل مي
مي وهي تدخل المنزل بمرح : سالخير عليكى ياحاجه
ناديه ( والدتها ) : اهلا يا اختي كل ده تأخير
مي بملل وهي تجلس : معلش بقا وبعدين هو انا كنت بلعب يعنى ؟!
ناديه : لا مبتلعبيش هو انتى بتخنك دا تعرفى تلعبى مش قولنا تخسى شويه
مي : يادى اخس انا عاجبنى شكلى كدا الله كل شويه خسى خسى أي فى أي
ناديه بهدوء حتى تقنعها :
- ياحببتى انتى مش شايفه بقيتى عامله ازاى مفيش حد هيتقدملك وانتى كدا
مي وهي تقف وتدخل غرفتها بضيق : وانا مش عايزه اتجوز اصلا
ناديه بنفاذ صبر : ماشى يا مي اما نشوف اخرتها معاكى أي
مي دخلت غرفتها ودخلت الشرفة و............
مي بتحدف مشبك على الشرفة اللى قدامها......( مي وشهد بيتهم قصاد بعض )
شهد وهى تخرج من غرفتها وتنظر لمي بغيظ : أي يابت في ايه هى ناقصه
مي باستهزاء : أي أمك كدرتك زي
شهد باستهزاء : ههههههههههههه لا انا امى مشغوله ف المطبخ مش فاضيه حتى خالد عمال يكلم ف التليفون مش فاضيلي
مي بضحك : ههههههههههههههه رواقه والله
شهد : طيب عايزين نشوف الحاجات اللى هنجبها
مي : طيب بقولك اي احدفى كدا طوبة فى البلكونه اللى جنبك دى عشان نتفق مع آسر
شهد باستغراب : أي انتى هبله ولا ايه
آسر وهو يدخل البلكونه ناظرا لهم بغضب وغيظ قائلا :
- أي الدوشه دى أي مبتزهقوش
شهد بابتسامه : كويس انك طلعت عشان نتفق على الحاجات اللى هنجبها
آسر بغمزه : متقلقوش انا جبت كل حاجه وانا جاي ع الله يطمر
مي وهى تنظر له بتعجب : غريبه !!😮🤔
شهد بتعجب اكبر : فعلا !!!
آسر باستغراب : هي أي اللى غريبه
شهد : لا مفيش فكك خلاص نتقابل بكره قبل ماندخل الكليه وربنا يستر
آسر : تمام يلا عن اذنكم
شهد ومى : اتفضل ....ودخل أسر شقته
شهد باستغراب وتساؤل : هو الواد دا غريب شويه ولا انا بيتهيألى ؟!
مى : لا ده غريب جدا بس فكك بقى اهم حاجه انه يساعدنا بكره وخلاص
شهد : صح طيب يلا سلام بقا
مى : سلام يا اختي اما اروح اكل ف محشى ما تيجى تاكلى معايا تفتحى نفسى
شهد بضحك : هههههههههههههههه هو انتى ناقصه فتحان نفس
مى بغيظ : امشى يا جزمه سلام
شهد بضحك : سلاموز
ودخلت مي تشوف المحشى وشهد دخلت تقعد على النت
----------------------------------------------------
ف الفيلا
في غرفة يوسف
ندى قاعده سرحانه
يوسف بتساؤل : أي يابنتى بكلمك
ندى بعد ان فاقت من سرحانها : ايوا
يوسف وهو ينظر لها بانتباه ويحاصرها بعيونه قائلا :
- هى ماما قالتلك حاجة ولا اى
ندى بابتسامه مصطنعه : لا ياحبيبى بقولك انا كنت عايزة اروح لماما بكره شويه
يوسف بابتسامه : وماله والله وحشانى والبت شهد كمان خلاص نروح بكره
ندى بابتسامه وتنهيده : تمام ولنفسها بتنهيده ......لازم احكى لماما يمكن ارتاح شويه
----------------------------------------------------------
في غرفة شهد
شهد وهى تنظر لشاشة الفيس باستغراب وضيق : أي الهبل دا
وكتبت ف الشات بضيق : انت بتقول ايه يا حازم رقم تليفون اي دا اللى انت عايزه انت فاكرني أي😮😒
حازم وهو يرد عليها : خلاص ياقمر متزعليش انا كنت بقول عادى والله مفيش ف نيتى أي حاجه وحشه وبعدين انا كنت عايزه عشان انتى طول يوم قافله عشان اطمن عليكى وكدا😊😉
شهد وهى تحدث نفسها : طيب اديهوله ولا اى امممممم ايه الهبل دا لا طبعا
شهد وهي تكتب : معلش بس مش هينفع انا اسفه😏
حازم يرد عليها : خلاص مفيش مشاكل😊
شهد تكتب : تمام هكلمك بكره بقا عشان هنام عشان هصحى بدرى☺️
حازم يكتب : مع انى كنت عايز اتكلم معاكى بس يلا تتعوض بكره بقى😍
شهد تكتب : تمام مع السلامة
حازم يكتب : سلام ياعسل😉😍
وقفلت الفيس
شهد لنفسها : شكله طيب بس انا ليه حاسه انى بعمل حاجه غلط امممممم لا طالما بتكلم معاه بحدود يبقى
خلاص ، اما اقوم انام بقى عشان اصحى فايقه ودخلت على السرير ونامت
--------------------------------------------------
في صباح اليوم التالى
ف الجامعه
مي بتوتر : جاهزه ياشهد خلى بالك مش عايزين عك احسن نتسوح كلنا مستقبل مصر بين ايديكى خدى
بالك ابوس ايدك
شهد بزهق : خلاص بقا الله دى المره المليون اللي بتقوليلى فيها الكلام دا ، متقلقيش انا وآسر عارفين هنعمل ايه
شمس بابتسامه : تمام
آسر : طيب يلا بقى ندخل
سيف وهو يتجه نحوهم : اى ياكوره عامله اى
مي بغضب : ..............................
--------------------------------------------------------
ف الجزيره
قطه : يلا بقى ياجميله عشان نبدء بصى هنقعد ونتكلم قدامه ماشى
جميله : ماشى يلا بينا بقا عشان يصلى بقا معانا عشان النار متلسعوش
قطه بضحك : هههههههههههههههههه يلا ياعسل
وراحو ناحية فهد و.............................
----------------------------------------------------------------------------------------------------
يترا ندى هتقول اى لمامتها😉🤔وسر اى اللى مخبياه😏😉
ويترا علاقة حازم بشهد صح وهتكون نتيجتها اى 🤔😊
ويترا هيعملو اى مع العميد واى رد فعل مى على سيف وهيتخنقو تانى ولا لا😂😉
ويترا قطه هتعرف تخلى فهد يصلى وهتنجح خطتها هى وجميله ولا مش هيأثر فيه🤔😉
كل دا هتعرفو قريب😉😌
قراءة ممتعه ليكو ومستنيه رأيكوا وتشجيعكوا 😍
#رواية_القطه_التى_روضت_الفهد
الفصل السابع
ف منزل شمس
قام أدهم من فراشه وهو يقول بهدوء.....اللهم ارزقنا خير هذا اليوم وخير مافيه وأعوذ بك من شره وشر مافيه ثم دخل وتوضأ لكى يصلى صلاة الضحى وصلى وجلس يختم الصلاة ويدعى ويبوح مافى قلبه إلى خالقه حتى انتهى ثم نهض واتجه للخارج
أدهم وهو يتوجه لوالدته و ينحنى ليقبل يدها : صباح الخير على عيونك ياست الكل
رانيا : صباح الخير يا حبيب قلبى
أدهم وهو يجلس على الطعام وينظر حوله : اومال اللمضه فين
رانيا بضحك : نزلت راحت الجامعه
أدهم : ربنا يوفقها يارب
رانيا : ويوفقك ياحبيبى يارب ويرزقك باللى تسعدك وتهنيك وتلاقى شغل حلو كدا وتكون في أعلى المناصب يارب
أدهم بحب : يارب ياماما وبعدين انا الحمد لله احسن من غيرى كتير وبشتغل وبكسب من عرقى مش محتاج لحد والحمد لله ربنا سترها معانا
رانيا بدعاء : ربنا يابنى يعطيك على قد نيتك الحلوة دى ويكرمك يارب دا انت من ساعة ما أبوك ما مات وانت شايل كله فوق دماغك
أدهم بضحك : مش دا واجبى ولا ايه ياحاجه
رانيا بتذكر : بقولك ايه صحيح مش انت بتقول صاحبك فهد دا غنى طيب ما تخليه يشوف لك واسطه مهو مش معقول تبقى مهندس قد الدنيا وتقف بياع في محل كدا دا ميرضيش ربنا يعنى
أدهم بضحك : فهد دا دماغ لوحده وبعدين انا متعودتش اطلب من حد حاجه نصيبى هيجيلى
رانيا بلؤم : طيب بمناسبة نصيبك بقى مش ناوى تفرحنى بيك
ادهم بضحك مصطنع : ههههههههههه مش لما اجوز اللمضه الاول وبعدين نبقى نشوف الموضوع دا ولنفسه بحزن.... ياترى انتى فين يا حوريتي بس لو اعرف الاقيكي فين كنت ارتحت
رانيا بضيق : بس
يقاطعها ادهم وهو يقف ويقبل رأسها : تسلم ايدك يالا نتكلم اما ارجع انا كده هتأخر يالا سلام عليكم ادعيلى يا حاجة
نهضت هي خلفه وهي تدعي له بأفضل الدعوات واطيبها قائله : ربنا يحميك يابنى يارب ويرزقك بالحلال ويسعد قلبك ويفرحك زى ماانت مفرحنا دايما ياارب
أما هو فتوجه للخارج وهو يذكر الله سرا فدائما لسانه يتردد بذكر الله و قلبه عامرا بالإيمان ودائما يحمد الله كثيرا على حاله فهو أفضل كثيرا من غيره من الشباب يكفى انه بار بأهل بيته وحسن السمعة ويتقى الله فى كل امور حياته.................
----------------------------------------------
فى الجامعه
سيف وهو يتجه نحوهم : اى ياكوره عامله اى
مي بغضب : اتلم ياض انت احسن والله افرمك😡
سيف باستفزاز : لوحدك ولا معاكى حد صحيح جبتى اهلك ولا مرضيوش يجو معاكى؟!!
مي وهي تتجه نحوه بغضب وغيظ 🚶♀️😬
شمس وهي تمسكها :حياة عيالك ياشيخه لميها احنا لسه معندناش من الاولانيه نخلص بس وبعدها اعملى
اللى انتى عاوزاه
مي ببرود : ماشي يلا ندخل
ترررن..... تررن
يرن هاتف سيف
سيف وهو ينظر لهاتفه ويقوم بوضعه على أذنيه قائلا : الو
مي : يلا اخلصو
سيف وهو يبعد الهاتف عن أذنه : شويه وجايلك ومشى وهو يتحدث ف الهاتف
مي بغيظ : غور جتك القرف ف شكلك عيل ملزق
الكل : ههههههههههههههههههههههههه
شمس : يالا ياجماعه وخبطو ودخلو
آسر بجدية وغرور وهو يضخم صوته : السلامو عليكم انا والد مي خير ايه اللى حصل...
( آسر لابس بدله وشنب وباروكة شعر عشان يبان أكبر من سنه )
شهد بجديه وهي تغير من صوتها : وانا والدة شمس خير يافندم
( شهد لابسه فستان شيك ونضارة ومكياج ومغيرة في شكلها )
نور الدين بهدوء : اتفضلوا اقعدوا يا حضرات
آسر وشهد قعدو
شهد وهى تنظر للعميد بجدية : ها شمس عملت اى ؟
نور الدين بغضب : عيالكو ياحضرات مش محترمين اما بنت تهزء ولد ف الجامعه دا يبقى أي مفيش احترام ومش متربيه وخصوصا ان الولد دا يبقى ابنى
آسر وهو يضع قدما فوق الأخرى و بغرور : وأي اللى حصل علشان تهزئه يافندم اكيد في سبب ولا هى بنتى بتمشى تهزء الناس من غير سبب
شهد لنفسها : يخربيتك دا انا قربت اصدق انك ابوها فعلا اما اعمل زيه بقا
شهد بغرور وهي تضع قدما فوق الأخرى أيضا : عندك حق يا حضرة اكيد في سبب
مي لنفسها : ههههههههه يالهوى مش عارفه امسك ضحكتي هفضحهم كده وضحكت
هههههههههههههههههههههههههه
الكل بصلها بتساؤل واستغراب
مي ببتسامه : احم اسفه معلش🤭😂
شهد بنظرة تحذير لمي : ها أي السبب
نور الدين : السبب ان بناتكو مش محترمين و هياخدو هما وزملائهم اسبوع رفد
مي وشمس بخضه : ايه أسبوع
آسر وهو يخرج دفتر الشيكات من جاكيته : طيب لو مبلغ ب 100 الف جنيه تجدد بيه الجامعه دى الموضوع يتقفل
شهد لنفسها : هههههههه 100 ألف يامعفن دا انت لو حيلتك 100 جنيه مش هنعرف نشوفك
نور الدين بلهفه وهو يأخذ منه الشيك : اكيد ياباشا الجامعه جامعتهم
شمس لنفسها : واطى وزباله
آسر بغمزه لشهد : تمام جدا
مي بفرح : اكشن
شمس بضحك وغمزه : استووووب كدا حلو اوووى
نور الدين بتعجب : هو ف أي ؟!
آسر وهو يقف وبصوته الطبيعى : حالا وهتعرف ف اى ثم يضع يده في جيب الجاكت ويخرج تسجيل صوتي صغير
نور الدين باستغراب : أي دا ؟
مي بشماته : دا اللى هيوديك فى داهية
يخلع آسر الباروكة والشارب ثم يقفون بجانب بعض و......................
نور الدين بغضب وذهول : انتو ازاى تعملو فيا كدا اى المقلب السخيف دا ؟!!
آسر : هو انت لسه شفت حاجه ثم يضغط على زر تشغيل المسجل فيسمعون المحادثه التى تمت منذ قليل
............
فلاش باك - -
شمس بتفكير : اممممممم خلاص لقيتها
مي وشهد بلهفة : هى اى ؟
شمس بضحك : هههههههههه الفكرة هي مجنونه شويه بس مش جديد علينا الجنان يعنى
مي وشهد بانتباه : طيب قولى
شمس : بصو احنا هنعمل مقلب فيه هنجيب مكياج ونغير من شكلنا وشهد طبعا استاذه ف الحاجات دى هتعرف تغير شكلنا بسهولة ونيجى على أساس حد فينا ولى أمر للتانى ونسجله المحادثه اللي هتم دى وبكده يبقى كل حاجة اتحلت بس لازم نمثل صح ونغير صوتنا عشان محدش يعرفنا
مي وشهد بذهول : يخربيت دماغك
- باك -
نور الدين وهو ينظر لهم بغضب شديد ثم قال بصوت عالي :
انتو عملتولى كمين يا شوية عيال دا انا هوديكو ف داهيه
شمس ببرود : حضرتك اللى اضطرتنا لكدا
مي بتهديد : وبعدين بالتسجبل اللى معانا دا مش احنا اللى هنروح في داهيه ؟
شهد بتوضيح : احنا مغلطناش احنا مكنش ينفع نقول لأهلنا
شمس بابتسامه : وحتى لو قلنا احنا مش معانا فلوس زى غيرنا هنيجى ندفع عشان نرجع
آسر : وياريت يكون دا درس ليك
مي بتحذير : وده لو حصل تانى التسجيل دا هيروح الوزارة البلد مش سايبه وكل واحد هنا ياخد حقه وابن البواب زى ابن العميد
شهد : وكلنا ولاد تسعه يا حضرة العميد
نور الدين بغضب ونرفزه : اعتبر دا تهديد ؟
مي بتحدى : بالظبط كدا وبعدين احنا مجبناش حاجة من عندنا ولو عرفنا ان دا حصل تانى التعامل هيبقى مع الوزاره بقى
نور الدين وهو يكتم غيظه : ماشى
مي وشمس وشهد وآسر ضحكو وغمزو لبعض
طق.........طق........طق
نور الدين بضيق : ادخل
سيف بفرح : ها خلصتو ولا اى
مي بغرور : خلصنا اى
سيف : الرفد طبعا عشان تعرفى ازاى تتعاملى مع اسيادك ياحلوه
مي بضحك : ههههههههههههههههههههه لا حلوه انت اللى هتاخد الرفد دا
سيف بغضب : نعم يااختى؟!!
مي للعميد بجدية : بيتهيألى انه هو اللى غلط وحكمك هيتنفذ فعلا واللى غلط هيتعاقب والرفد أسبوع هيتنفذ بس مش علينا
شهد : علي ابن حضرتك
شمس بابتسامه وتأكيد : بالظبط كدهون
سيف بغضب : انتو بتستهبلو اى الهبل ده ما تقول حاجه يابابا
مي بتريقه : بابا دى ف البيت ياحلو والمعاملة بالمثل والبادى أظلم😊😉
سيف بغضب : نعم انتى هتساوى نفسك بيا يا زباله انتى ؟!!
مي بغضب ونرفزه : كمان بتشتمنى لا بقولك ايه اوعى تفتكرنى كيوت وجميله ورقيقه وجو البنات دا والمصحف اقلبلك من بوﻻء ف ثانية فاتقى شرى احسنلك عشان انا فى كلاب صعرانة بتجرى ف دماغى دلوقتى
مي وشمس وآسر : هههههههههههههههههههههههههه
سيف بغضب شديد وغيظ : نعم انتى بتقولى ايه انتى نسيتى نفسك يابت انتى ولا اى انتى ازاى تكلمينى بالاسلوب دا ؟!!!
مي ببرود : .......................
---------------------------------------------------------------
ف الجزيره
قطه : يالا بقى ياجميله عشان نبدأ بصى هنقعد و نتكلم قدامه ماشى
جميله : ماشى يلا بينا بقا عشان يصلى بقا معانا عشان النار متلسعوش
قطه بضحك : هههههههههههههههههه يلا ياعسل
وراحو ناحية فهد
قطه : السلامو عليكم
فهد بابتسامه : وعليكم السلام تعالو اقعدو انا زهقت من القعدة لوحدى
جميله وفهد يجلسون على الشاطئ
جميله : هههههههه تزهق وانا موجوده
فهد بضحك : هههههههههههه والله انتى عفريته
قطه : عارف يافهد انا زعلانه من جميله جدا
فهد باستغراب وتساؤل : ليه ؟!
جميله بخضه : انتى زعلانه منى
قطه : اه عشان مرضتيش تقومى تصلى الفجر وقولتى عايزه انام
جميله باستغراب : طيب منا صليت الصبح
قطه بعتاب : ودا ينفع برضو
فهد باستغراب : انتى مش شايفه انها صغيره شويه على الصلاه وبعدين كويس انها صلت الصبح اصلا ؟!!
قطه بهدوء : لا هى مش صغيره ولا حاجه وبعدين الصلاه دى اول حاجه هنتحاسب عليها يوم القيامة ويقول الله تعالى ( اننى انا الله لا إله إلا أنا فاعبدني وأقم الصلاة لذكري ) طيب بصى ياجميله هسألك سؤال
جميله بانتباه : أي ؟
قطه بهدوء : هو انتى بتحبى ربنا ؟!!
جميله بطفولة : طبعا بحبه اوووى قد الدنيا دى كلها كمان
قطه بحنيه : طيب هو الحب كلام وخلاص مش لما انا بندهلك مش بتيجى على طول بتسمعى كلامى ولا مبترديش ؟!
جميله : لا برد وباجى على طول
فهد شده كلامهم وركز فيه
قطه : طيب ولما ربنا بينده علينا 5 مرات ف اليوم واحنا بنقول أي مش قادره اقوم اصلى كده ينفع
جميله باعتراض : لا مينفعش
قطه وهى تنظر لفهد : عارفه انتى كده مش عايزه تقابلى ربنا ولا تكلميه مش مش قادرة تصلي الصلاه اصلا صلة العبد بربه انتى بتكلمى ربنا وانتى ساجدة و ربنا بيكلمك في قرآنه ، رديتى عليا وعلى فهد لما بنندهلك عشان بتحبينا صح
جميلة بطفولة : ايوة بحبكم
قطه بحنيه : طيب كمان يا حبيبتى الحب والكمال لله عز وجل بس دا بيظهر ف اى بقا بتجنبك الحاجات الوحشة اللى تزعل ربنا منك و تعملى كل حاجه كأنك شايفاه ولو انتى مش شايفاها هو شايفك ، وربنا موجود معاكى علطول " وفي أنفسكم أفلا تبصرون " طيب انتى شايفه ايدك ورجلك
جميله بتركيز : ايوه
قطه : ف ناس مشلولة معندهمش ايد زيك يبقى احنا المفروض نصلى ونشكر ربنا على النعمه دى ومنأخرش وقت صح ولا أي ؟!!
جميله بابتسامه : صح
فهد بتساؤل وفضول : طيب اى فايدة الصلاه يعنى ؟!
قطه بابتسامه انه اتجاوب معهم :
- الصلاة ليها فوايد كتير اووى ركز معايا بقى الصلاة بتخليك نشيط كدا ومش مكسل وخصوصا بعد صلاة الفجر بتجدد نشاطك عشان كده تلاقى الدراسة والمذاكرة بتبقى حلوة جدا بعد الفجر والمعلومه بتوصلك أسرع وكمان بتجدد طاقتك الإيجابية في الحياة ، و بتخليك تحس بالراحه النفسيه ، وبتخلصك من الضغوط النفسيه اللى بتعيشها من قلق وتوتر وغيره كتير ويقول الله سبحانه وتعالى وبصوت رائع وتجويد قالت بسم الله الرحمن الرحيم : " أقم الصلاة لدلوك الشمس إلى غسق الليل وقرآن الفجر إن قرآن الفجر كان مشهودا ومن الليل فتهجد به نافلة لك عسى أن يبعثك ربك مقاما محمودا " وكان رسول الله صلى الله عليه وسلم
جميله بطفولة وتلقائية : عليه الصلاة والسلام ولفهد بطفولة ....قول زي
فهد ببتسامه : عليه الصلاة والسلام
قطه بابتسامه : وكان رسول الله لايجد الراحة سوى بالصلاة وقد قال النبي صلى الله عليه وسلم لبلال (يابلال أقم الصلاة أرحنا بها ) ولم يقل الرسول صلى الله عليه وسلم أقم الصلاة نرتاح منها عشان ليها فوايد كتير وكمان بتحمينا من امراض كتير عصبية ونفسية يعنى لما تكون ساجد الدم يتجه بفعل الجاذبية الأرضية لدماغك في الشرايين بتوسع ولما ترفع دماغك الضغط بينخفض وتتقلص الشرايين ودا بقى بيحمينا من حدوث جلطة ، وعارف انا لما دماغى تكون بتوجعني اتوضى واصلى واطول فى السجود بحس انى ارتحت وكمان بحس وانا بصلى انى بلاقى نفسى لما تسجد وتدعي وتستشير ربنا في امورك هيستجيب ليك وهيطمنك انه جنبك ف الوقت اللى تحس ان الناس كلها مش معاك فيه هو هيكون معاك بس طبعا لازم تكون خاشع فيها مش تصلى كروته كدا وخلاص
فهد بتردد : طيب أنا عايز أسألك سؤال🤔🤔
قطه : اكيد اتفضل
فهد : ...........................
------------------------------------------------
ف منزل شهد
ايمان بخضه : انتى اتجننتى ياندى ازاى تعملى كدا ؟!
ندى بندم : يعنى انا غلطانه انى قولتلك ياماما يعنى
ايمان بغضب : ...................
-------------------------------------------------------------------------------------------------
يترا اى حكاية ادهم ومين حوريته دى وهيلاقيها ولا لا😍😉
ويترا مى هتعمل اى مع سيف وفعلا هيترفد اسبوع ولا اى اللى هيحصل😂😉
ويترا اى السؤال اللى فهد هيسأله لقطه 🤔🙄
ويتر ايمان والدة ندى غضبانه منها ليه واى اللى ندى عملته🤔😏
كل دا هتعرفو قريب😉😌
قراءة ممتعه ليكو ومستنيه رأيكوا وتشجيعكوا 😍
#رواية_القطه_التى_روضت_الفهد
تعليقات
إرسال تعليق