جميع الروايات كامله

 القطه التي روضت الفهد 

الفصل الثامن حتي الخامس عشر 

بقلم نرمين هاني

كامله على مدونه النجم المتوهج للروايات 

فى الكليه

سيف بغضب شديد وصوت عالى : نعم انتى بتقولى ايه انتى نسيتى نفسك يابت انتى ولا أي انتى ازاى تكلمينى بالأسلوب دا ؟!!

مي ببرود : والله براحتى وبعدين انا عمرى ما هساوى نفسى بيك انت اش وصلك بيا اصلا ؟

سيف بتريقه : تصدقى فعلا عندك حق دا انا لو فضلت اكل من هنا للسنه الجايه مش هبقى كلبوظ زيك كدا

مي بغضب وهي تتوجه نحوه : لا بقى انت كدا جبت اخرك معايا

شمس وهي تشدها وتقف أمامها : 

- اهمدى بقى خلاص خلصنا مترديش عليه وخلاص

مي بغضب ونرفزه : انتى مش شايفه كلامه سبينى بدل ما اديكي بوكس اطيرك انتى كمان اوعى من سكتى بقولك

شهد و آسر : هههههههههههههههههههههه

نور الدين بغضب وصوت مرتفع : ببببس أي ده اومال لو مكنتش قاعد اي اطفال لسه ؟!

مي بتريقه وهي تنظر له : لا مش اطفال يلا بقى ارفد حضرته اسبوع عشان يتربى ويتعلم يتكلم ازاى

سيف بغضب : يرفد مين يابت انتى متتلمي بقا

مي ببرود وهي تنظر للعميد : يلا عشان ورانا محاضرات مش فاضيين

نور الدين بتردد : تمام هيترفد

سيف بذهول : مين دا اللى هيترفد ؟!!🤔😱

مي بضحك واستهزاء : انت ياننوس بابا 😂😉

ثم نظرت للعميد قائله : بيتهيألى احنا كده خلصنا مهمتنا عن اذنك بقى

و بتهديد قالت : واتمنى حضرتك مترجعش ف كلامك عشان منزعلش واحنا زعلنا وحش ولا ايه ياشباب

شمس وشهد وآسر : وحش جداااا

مي : قشطه يلا بينا بقا

وخرجو.....................

سيف بذهول وغضب : انت بتقول ايه يابابا وازاى تنصر الزباله دى عليا و رفد أي دا ؟!!

نور الدين بهدوء : اقعد بس الأول واهدى كده

سيف بغضب وهو يجلس : ادينى قعدت ممكن افهم بقا

نور الدين بغيظ حكاله اللى حصل

سيف بصدمه وذهول : اييييه ؟!!!

نور الدين : زى ماسمعت كدا والمطلوب منك مشوفش وشك ف الجامعه الاسبوع دا انا مش ناقص فضايح بسببك فاهم وﻻ لا

سيف بغيظ : ماشى يابابا ولنفسه........والله لوريكي يابنت ال... بقا انا تعملى فيا كدا اما خليتك تندمى على اليوم اللى فكرتي تقفى قصادى فيه مبقاش سيف نور الدين ؟!!

----------------------------------------------

ف المدرج

شمس بضحك حتى دمعت عيناها : هههههههههههههههههههههههه يالهوى ياجدعان شوفتى شكله لما آسر شال الباروكة والشنب 

مي بضحك : ههههههههههههههههه لا وهو بيقول بنتى انا عملت كدا وشهد تقول زيه وده يحط رجل على رجل تقوم دى مقلداه هههههههههههه كانوا مسخره والله😂

شهد بغيظ : هههههههه تصدقي انك واطيه وبعدين يا جزمه كنتى هتفضحينا اصلا بضحكتك دى

مي بغمزه : خلاص بقا قلبك ابيض اهى عدت على خير

شمس بارتياح : الحمد لله والله احنا هناخد ثواب قد كدا العميد دا اصلا طمع الدنيا فيه دا مكانش راحم حد ابدا

شهد : فعلا عندك حق بس عارفين مامى كانت بتقول

مي تقاطعها بضحك : مامى خالتى بقيت مامى يرحم جدك كان فاكر كنتاكى محل ملابس

شمس : هههههههههههههههههههههههه

شهد بغيظ : بس يابتش الهبله

مي وهي تضربها بغيظ : احم حاتر بس اتلمى

شهد : بصو بقا كانت بتقول

تقاطعها شمس بضحك : بت بت يا ميوش ذاكرتى المحاضره اللى فاتت

شهد بغيظ : ابو اللى يعبركم

مي : هههههههههههههههههه خلاص قولى و لشمس بمرح..........نفضى ودنك يابت البت دى بتقول كلام زى الفل اسمعى ها قولي😂👂

شهد بتساؤل : هو انا كنت بقول اى

مي بغيظ : نعم يااختى و لشمس......خلاص متنضفيش خليها بقرفها والله انتو هتشلوني

شهد بضحك : ههههههههههه خلاص خلاص بصى بالمختصر يعنى الواد آسر دا طلع جدع كده انتو ايه رأيكو

شمس ومي ينظرون لبعض وبغمزه : والله

شهد : مش اللى فى دماغكم يا زباله انتى وهى بس انا مستغربه جدعنته دى مع ان اللي يشوفه يقول عمره ما كان يعبرنا

مي : الصراحه معاكى حق هو يبان واطى وكمان كل شويه بنت دا بيبدل فيهم زى هدومه يابنتى تقوليش بيختار الطقم على البنت اللى معاه

شهد وشمس : ههههههههههههههههههههههه

مازن وهو يدخل المدرج : السلام عليكم ازيكو ياشباب

الكل : وعليكم السلام ازيك يادكتور

شمس بصوت واطى : اهو جه عم النحنوح😃

مي وشهد : ههههههه يخرب عقلك

شمس بغيظ : اي بتكلم غلط انا مثلا

مازن بصوت عالى : الصوت يا آنسه

شمس بغيط : طيب خلاص سكتنا

مازن : تمام يلا نبدأ المحاضرة اتكلمنا المحاضره اللى فاتت عن.....................

ونسيبهم بقا ربنا معاهم

---------------------------------------------------------------

ف الجزيره

فهد بتردد : طيب أنا عايز أسألك سؤال

قطه : اكيد اتفضل

فهد بحيره : هو ربنا ممكن يسامحنى على تقصيرى اللى فات والبنات والخمره وكل الذنوب اللى عملتها دى ؟

قطه وهى تهز رأسها بتأكيد : اكيد طبعا ربنا غفور رحيم ، عارف احلى حاجه واجملها علاقتك مع ربنا انك لما تيجى ترجعله مش بيقولك هو انت لسه جاى تفتكرنى ؟ ولا بيسألك كنت فين المده دى كلها ونسينى ؟ ولا بيقولك اشمعنا افتكرتنى وقت ازمتك ؟ مهما بعدنا عنه بنرجع له تانى بنلاقيه قريب مننا ورحمته مستنيانا , وعارف اكيد ربنا بيحبك اووى

فهد بذهول : بيحبنى ؟!!

قطه بابتسامه : اه طبعا بيحبك عارف ليه

فهد بتركيز : ليه ؟!!

قطه بهدوء : علشان لسه قدامك فرصه انك تتوب وتقرب منه وعلشان ربنا سايب لك باب التوبة مفتوح بس انت ادخل ، طيب ممكن تقولى ايه اللى منعك تقرب منه ؟! 

فهد بحزن : خايف ميقبلش توبتى😔 

قطه بهدوء : و اكيد خايف انك توعده ومتوفيش بوعدك وانك مش هترجع للذنب تاني وترجع واكيد هتخاف متكونش سعيد بالقرب منه وانك هتبعد عن الدنيا والناس هتبعد عنك صح

فهد بتأكيد : فعلا

قطه بتوضيح : كل الخوف اللي جواك ده سببه الشيطان , عارف الشيطان وعد ربنا انك تكون معاه في النار وانك هتفضل تعيس طول حياتك وصدقني مهما كان معاك من زرق ونعم هتحس انك فقير مش فقر فلوس لالالا خالص انت شكلك غنى الفقر اللى هتكون فيه فقر الرضى عن نفسك والسعادة وقال الله تعالى" فبعزتك لأغوينهم أجمعين إلا عبادك منهم المخلصين" اهو ربنا بيوعدك انه هيغفرلك ومش بس كده ده لا هيرزقك كمان من فضله بس خليك مخلص لله وعلى فكره مش هتحس بحلاوة الطاعة غير لما تجربها زي العسل مش هتحس بحلاوته غير لما تدوقه

جميله ببراءة : دا ربنا دا حلو اوى

فهد : اه والله عندك حق 

ثم قال وهو ينظر لقطه بحيره : انا نفسى اصلى بس البيت والعيلة والخروج والفسح والبنات مش عارف حصل ايه انا كنت وانا صغير بصلى ابويا كان محببنى في الصلاة وكنت بحفظ قرآن كمان فجأه بعد ما مات بعدت حتى القرآن اللى حفظته نسيه وممكن كمان اكون نسيت الوضوء ازاى وكل لما احاول ارجع معرفش

قطه : بص اولا كدا لازم تعرف مين هو الله عز وجل

فهد يقاطعها : ما انا عارف انتى فاكرانى كافر ولا اى

قطه : لا طبعا انا عارفه انك مسلم بس مش معنى انك مكتوب في البطاقه مسلم تبقى كدا مسلم لله انت معملتش حاجه تثبت بيها انك مسلم , زى ما ربنا أنعم علينا بنعمة الإسلام من غير منطلبها لازم انت كمان تبقى مسلم بجد بأفعالك وتحمد ربنا على نعمة الإسلام دى لازم تعرف إننا هنتحاسب على أعمالنا وأقوالنا واكيد كل اللى تعرفه عن دينك شوية معلومات عامه ودا مش صح جرب تعرف ربنا اكتر، قدرته نعمه وغيره و لما تعرفه هتحبه اكتر فهتحب الصلاه و تخلص الظهر و أنت مشتاق لصلاة العصر وهكذا و لما تحبه هيحبك فيقربك منه أكتر ولما تعرفه أكتر هتخاف منه أكتر فتصلي برضه بس الخوف لوحده هيخليك تيأس من رحمته فتضيع و الحب بس هيخليك تطمن فتخربها ذنوب...لازم حب و خوف سوا التوازن دا مهم جدا يعنى مثلا لما تعرف أنه عارف أن فرعون هيموت ع الكفر و مع ذلك بعتله رسل و قال " فقولا له قولا لينا لعله يتذكر أو يخشى " رغم أنه ادَّعى أنه رب و إله هتحس برحمته و لما تعرف عقوبة فرعون في الدنيا والآخرة و إصراره ع الكفر و قد إيه ربنا ضرب بيه مثل قوي للنموذج الظالم الكافر .. ساعتها هتخاف على نفسك انت كمان و تظبط الأداء فتصلي

فهد بحيره : طيب يعنى اعمل اى ؟!!

جميله بطفولة وتلقائية : صلى عشان تدخل معانا الجنه

فهد وقطه : هههههههههههههههههههههه 

قطه : نرجع لموضوعنا انت بتقول اعمل اى افهم يعنى ايه صلاة وصلى بخشوع مش شوية حركات وخلاص وفى الاخر إسمك صليت عارف لما تحس أنه فرضها عليك عشان بيحبك ساعتها هتصلي بقلب تاني خالص و الذنوب بتسقط من على ظهرك في الركوع والسجود والتسبيح والتكبير الخطوات دى هى اللي بترفع درجاتك و تزيد حسناتك وتكفر سيئاتك واستغفر كتير عشان ربنا يغفرلك 

فهد : طيب بس انا حاسس ان ربنا مش هيقبل توبتى

جميله بطفوله : لا هيقبل وانا هدعى كتير ربنا عشان تدخل الجنة معانا والنار متلسعكش

فهد وقطه : هههههههههههههههههههههه

قطه : يابنتى متقطعنيش بص لو حاسس انك مش قادر تتوب من الذنوب دي فالصلاة أصلا هتساعدك يعنى مهما بتعمل من ذنوب متبطلش صلاة لأن الصلاة هى اللى هتشدك وتبعدك عن الذنب دا ويقول الله تعالى " إن الصلاة تنهَىٰ عن الفحشاء و المنكر " .. ف انت كل ما تصلي ذنوبك هتقل .. فتصلي أكتر و تخشع أكتر و متقولش هبدأ أصلي من بكرة .. دا مدخل الشيطان على فكره .. قوم دلوقتي اتوضى وعلى الصلاة وش .. و مفيش حاجة اسمها أصلي حافظت على الصلاة قفش فبطلت قفش دا مدخل الشيطان برضه ولما ربنا يكرمك و تحافظ على الصلاة .. ما تفرحش بنفسك و أنا جامد بقى و كده عشان ما تقعش .. لازم تنسب الفضل لربنا مش شطارة منك أمال احنا بنقول " إياك نعبد و إياك نستعين " ليه؟ وعلى فكره معظم الحاجات دي حصلت مع ناس كتير من اللي بيصلوا لحد ما فهموا أنا بحاول أديك الخلاصة .. الشيطان هيفضل يزرع جواك اليأس والضياع كل شوية .. فكك منه أنت فيك أمل ويمكن ربنا بعتك هنا والطياره وقعت بيك لهدف انك ترجعله تانى صح ولا اى ؟

فهد ببتسامه وراحة : صح جدا عندك حق

قطة : آخر حاجه بقى هقولهالك بصى ياسيدى امشي بمبدأ إن الصلاة دي مش حاجة روتينية أنت مجبر تعملها , لاء خالص علي فكرة إنت رايح تقعد مع ربنا شوية , تقعد معاه خمس دقايق بس .. كتير ؟ كتير علي اللي خلقك؟ اللي اداك كل حاجة اكيد مش كتير يعنى وبعدين استعد للصلاة كأنك رايح تقابل حد بتحبه يعنى تروح و انت متلهف اوي ولما اجى اسألك رايح فين قولى (رايح اقعد مع ربنا شوية) خليه إحساس داخلي جواك واول ما تيجى ترفع إيدك و تقول الله أكبر .. إبتسم إبتسامة حد مشتاق بيقابل حد بيحبه .. قول الله أكبر و جواك صوت بيقول جتلك يا حبيبي خمس دقايق أصلك واحشنى اووى.. علي فكرة مش جنان إنك تكلم ربنا .. ده هو اللى خلقك يعنى هو أقرب ليك من أبوك و أمك واصحابك واى حد حواليك اقرأ كل كلمة بالراحة اووووي نبدأ مثلا الحمد لله رب العالمين لما تقولها ربنا هيرد عليك يقولك اى بقا"حمدني عبدي و شكرني و عرف إن النعمة اللى معاه دى من عندى هتيجى تكمل بقى .. "الرحمن الرحيم" ربنا هيرد عليك ويقول"شهد لي عبدي إني رحمن رحيم خد يا عبدي من رحمتي كمان" و إسمع ربك بيرد عليك فتبتسم و تكمل طب "مالك يوم الدين ربنا بيتباهى بيك قدام الملايكة يقولهم عبدي شهد إني مالك يوم الدين خففوا عنه فى يوم الحساب حسابه...طيب إياك نعبد و إياك نستعين .. يرد ربنا صدق عبدي ..عبدي صادق هو يعبدني .. خد يا عبدي حسنات .. ويستعين بيا؟ أنا معاك علطول.. فتبتسم أكتر و تيجي لآخر جزء "إهدنا الصراط المستقيم فربنا يرد عليك ويقول"بس كده يا عبدي؟ عبدي طلب مني طلب و له ما طلب .. الصراط المستقيم ده اللي هتمشي عليه يوم القيامة كل ما هيكون مستقيم كل ما وصولك للجنه أسهل فتخيل بقى معايا ربنا بعزته وجلاله يرد يقولك حاضر لك ماطلبت.. إسمع صوت بيهمس جواك هتحس براحه كبيره اووى والله بعدين في مرحلة الاعتدال من الركوع لما بتقول (سمع الله لمن حمده) إحمده انت بطريقتك فتقول شكراً يارب علي كل النعم الي مدهالي..كلمة بطريقتك انت بقى وقت السجود بقا .. الله تخيل لما تهمس في بطن الأرض فيسمعك من في السماء .. قوله (أنا بحبك) قوله خليك معايا يارب في المحنة كذا وقول محنتك قوله (أنا محتار) قوله عايز أقولك حاجة و فضفضله صدقنى لو عملت كده هتحس انك اغنى انسان على الارض وهتحس براحه عمرك ما حستها قبل كدا

فهد براحه وسعاده : تمام جدا طيب اتوضى منين بقى عشان اصلى

جميله بفرح وقفت وبقت تتنطط : هيييييييييييييييييييييييييه فهد هيصلى ويدخل الجنة معانا هيييييييييييييييه

فهد وقطه : هههههههههههههههههههه

جميله وهي تمسك يده بلهفة : يلا عشان نروح نتوضى وانا هقولك تتوضى ازاى و هحفظك سورة الفاتحه عشان تصلي معانا بقا وهحفظك من المصحف بتاعى كتيير يلا بقى قوم

فهد بابتسامه وهو يوقف : يلا قدامي يا زئرده

وراح عشان يتوضى وقطه فضلت تدعى لى بالهداية والثبات😊😉 

--------------------------------------------------------

ف منزل شهد

ايمان بخضه : انتى اتجننتى ياندى ازاى تعملى كدا ؟

ندى بندم : يعنى انا غلطانه انى قولتلك ياماما يعنى

ايمان بغضب : لا وكمان مكنتش عايزة تقوليلى دا انتى كده اتجننتى رسمى

ندى وهى تحاول اقناعها : ياماما بس انا كان لازم اعمل كدا

ايمان بغضب ونرفزه : والله يعنى يبقى العيب فى جوزك و تروحى تقولى للدكتوره قوليله العيب فيا انا دا انتى كدا تبقى مجنونه ومتخلفه كمان

- فلاش باك - 

ف العياده

وبعد أن تم الكشف على ندى ويوسف ورؤية التحاليل

ندى بقلق : ها يا دكتورة انا كويسه مش كدا

الدكتوره وهى تنظر للتحاليل بأسف : الحقيقه جوزك عنده شوية مشاكل بس ان شاء الله بالعلاج هتقدرو تخلفوا بإذن الله

ندى بصدمه ودموع : يعني فى أمل

الدكتورة : اكيد طبعا ان شاء الله خير متقلقيش

ندى بتفكير : طيب ممكن تقوليله العيب منى انا

الدكتورة بصدمه : نعم ؟!

ندى بتوسل : ارجوكى لو سمحتى قوليله كده دا هو ممكن يطلقنى وحتى لو معملش كده هيحس دايما بالنقص وهيتوجع واحنا برضو هنيجى ونتعالج

الدكتورة بتردد : تمام

ندى بامتنان : شكرا جدا ليكى انا هروح اندهله بقا عشان تقوليله

- باك -

ندى بهدوء : ياماما بس افهمى انا عملت كدا ليه

ايمان بغضب : لا بفهم ولا بنيل انتى متخلفة ومش بعيد يتجوز عليكى واهو حقه بقا مراته مبتخلفش محدش هيقدر يلومه

ندى بخوف وقلق : لا طبعا وبعدين انا عملت كدا عشانه مش عشانى وهو بيحبنى وعمره ما هيتجوز عليا وبعدين اللى حصل حصل بقى ياماما مفيش حاجه هتتغير وان شاء الله العلاج يجيب نتيجه ونخلف

ايمان وهى تقف بغيظ : خليكى ف هبلك وطيبتك دى لحد اما تلاقيه داخلك بواحدة وساعتها متجيش تعيطيلي انتى فاهمه وسبتها ومشيت

ندى بتنهيده : اوووووف عمرك ما هتفهمينى ياماما

خالد وهو يخرج من غرفته : ايه دا ندوش عندنا يا الف مرحب بيكى ياعسل

ندى بغيظ : لسه نايم لحد دلوقتى ابقى تعالى قابلنى ان نفعت وبعدين قال الواد مقطع السؤال عنى اووى

خالد بضحك : هههههههههههههه دا انتى شايله ومعبيه منى بقا طيب قوليلى أمك كانت بتزعقلك ليه ؟!

ندى بضيق : تعرف تخليك في حالك وتروح تشوف كليتك متنساش انك آخر سنه وشد حيلك شويه وسيبك من البنات اللي تعرفهم دول

خالد وهو يضيق عينيه : وانتي اش عرفك بحكاية البنات دى ؟!!

ندى بضحك : رويتر قالتلى

خالد بغيظ : ماشى ياشهد اما وريتك

ندى باستهزاء : ورى نفسك ياخويا الأول على الأقل هى بتسأل مش زيك

خالد بملل : ما خلاص بقى خلصنا يوسف هيجى ولا لا

ندى بسرحان : هيخلص شغله ويجي

خالد : تمام

ندى لنفسها بخوف وسرحان ....معقول ممكن يتجوز عليا زى ما ماما ما بتقول ؟!!

------------------------

الحب والخوف من فقدان شخص بتحبه بيوصلك انك ممكن تخبى عليه حاجه تحس انها هتوجعه و مش مهم

هتوجعك انت ولا لا بالنسبالك بيبقى مش مهم الأهم بيكون انك متشوفش حبيبك موجوع قدامك حتى لو

هتستحمل وجع الدنيا كله

--------------------------

فى الكليه

أمام المدرج

شمس بغيظ : شايفين الدكتور عمال يهزر مع البنات جو المحاضره ازاى دا مبقاش فى دم خالص والله ولا اى احترام للمكان اللى هو فيه

شهد بضحك : عندك حق بس برضو هما اللى بيدوله فرصه الحق عليهم بقى

شمس بتريقه : ههههههههه عيال هبله اصلا انا عارفه ياختى عاجبهم فيه أي لا وفي واحدة جنبى طول المحاضره تقول للى جمبها أي بقا شايفه حلو ازاى يا بخت اللى هتجوزه وهو اصلا خلة سنان وطالع لها زتونه كمان

مي وهي تنظر خلف شمس بخضه : لا مش للدرجادى ياشيخه

شهد وهى تبتلع ريقها وبغمزه : هو فى زى دكتور مازن يابنتي وبعدين دا شكلو محترم حتى 

ثم غمزت لشهد بطرف عينيها قائلة : 

- انا عارفه انك بتهزرى صح

شمس بضحك واستهزاء : ههههههه بهزر أى ﻻ طبعا وبعدين محترم اى بس دا مصدق وقع وسط بنات وبعدين بقولك هو خلة سنان يابنتى

مازن من خلفها بغضب : هو مين دا اللى خلة سنان يا آنسه ؟ّ!!

شمس وهى تنظر لهم بخوف : اوعوا تقولوا انو ورايا اكيد بيتهيألى صح

مي بضحك : هههههه البس

شهد بغمزه : لفى بقى يا حلوة وربنا معاكى

شمس وهى تلف بتردد و..............

----------------------------------------------------------------------------

ف الجزيره

فهد بعد أن أدى فرضه وقرأ ورد من القرآن وشعور جديد دخل في أعماق قلبه بحلاوة الإيمان امسك بى دفتر صغير أخذه من قطه وكتب فيه بعض الكلمات وهي..............

صلاتى

البعد عنها عذاب كبير

دى فيها الراحة وفيها الخير

معرفش ازاى بعدت سنين

وبقيت محروم منها كتير

دى لذة الصلاة والخشوع

تسوى كتير ملايين

و ياربى اقبلنى حبيبك ومن عطفك متحرمنيش

دى همومى تهد جبال وبسجده ليك انمحت في الحال

واحساس جديد دلوقت انا فيه

مش عارف اوصفو بإيه

كل اللى عارفه وفاهمه

انى عمرى ما هبعد يوم مهما يحصلي أو يكون

دا انا لاقيت نفسى ف قربك

وف بعدك انا مهموم

يقاطعه صوت من خلفه........................

- فهد فهد الحق قطه -

تقولها جميله بخوف وفزع وهي تتجه نحوه بسرعة

فهد بخضه وهو يقف : في أي ؟!!

جميله بدموع : ..................... 

---------------------------------------------------

ف الشارع

وأمام عماره فخمه جدا

ادهم بصدمه : يعنى اى عزلو

البواب : زى مابقول لسيادك كده عزلوا من شهر تقريبا وانا معرفش عنهم اي حاجه والله يا باشا

ادهم بحزن : .....................

----------------------------------------------------------------------------------------------------

يترا شمس هتعمل اى مع مازن😂😉ومازن رد فعلو على كلام شمس دا اى😉🤔

ويترا سيف هينتقم من مى ازاى🙄🤔

ويترا فعلا ممكن يوسف يتجوز على ندى زى ما امها قالت وف رأيكوا اللى عملته ندى دا صح ولا غلط😍🤔🤔

ويترا اى اللى حصل لقطه خلى جميله تخاف كدا 🤔

ومين الناس اللى ادهم بيسال عليهم دول😍😊

كل دا هتعرفو قريب😉😌

قراءة ممتعه ليكو ومستنيه رأيكوا وتشجيعكوا 😍

#رواية_القطه_التى_روضت_الفهد

يلا بينا نكمل الروايه الحلوه دي

الفصل التاسع

ف الكليه

أمام المدرج

مازن من خلفها بغضب : هو مين دا اللى خلة سنان يا آنسه ؟!!

شمس وهى تنظر لهم بخوف : اوعى تقولوا انو ورايا اكيد بيتهيألى صح

مي بضحك : هههههه البس

شهد بغمزه : لفى بقى يا حلوة وربنا معاكى

شمس وهى تلف بتردد و خوف

شمس باندهاش مصطنع : احم اى دا دكتور مازن , أنت هنا من امتى تصدق العيال دول كانو عمالين يقطعو في فروتك وانا اقولهم دكتور مازن دا ملوش زى اه والنيعمه زى مابقولك كده وهما ابدا بس متقلقش انا هظبطهم سيبلى انا الحكايه دى وﻻ يكون عندك فكره خالص

شهد ومى ينظرون لها بصدمه وذهول لما تقوله.............😳😳😳😳

شهد بصدمه : انتي سامعه اللى انا سمعاه ؟!😱

مي بصدمه مماثلة : انتى شايفه اللي انا شايفاه ايه اللى بيحصل دا ؟!😨😲

شمس وهي تكتم ضحكتها بصعوبة على شكلهم : شوف هيحاولوا ينكروا اهو بس انا عن نفسى حقنيه وميعجبنيش يجيبوا ف سيرة حضرتك كدا واسكت دا حتى يبقى عيب فى حقى

مازن باستهزاء : ﻻ ياشيخه😏

شمس ببرائه مصطنعه : طبعا هكدب عليك يعني ؟!!

مازن وهو يرفع احدى حاجبيه : ومين بقى اللى خلة سنان وطالع لها زتونه ؟!

شمس بإستهبال ولخبطه : نعم فين بقى السؤال بص انا احط ايدى على السؤال تلاقيني فوريرة

شهد ومي : ههههههههههههه البس

مازن وهو يجز على اسنانه : مين اللى خلة سنان ؟!!😡😬

شمس ببرائه مصطنعه ومرح : بعيدا يعنى عن ان شكلك مش عايز سنانك تانى لان بالمنظر دا هيقعوا منك ومش هتعرف تعوضهم تانى خلاص لان انت وصلت سن اليأس من بدرى , بس ﻻمؤاخذه يعنى أي خلة سنان دى انا اللى اعرفه ان في لسان وسنان وﻻسه معرفش بقى مين خلة سنان دى بس انت ممكن تسأل بره يمكن حد يكون عنده وﻻ حاجه اقولك ف مول بره ف حاجات فله كدا يمكن تلاقيها هناك

شهد ومي : هههههههههههههههههههههههههه

مازن بعدم فهم ولخبطه : هى اى دى اللى هلاقيها فى المول ؟؟

شمس ببراءة : خلة سنان

شهد ومي : ههههههههههههههههههههههههههههههههه

مازن بغيظ : احنا هنهزر يا آنسه

شمس لنفسها : لا حوش الاحترام حوش على أساس مكنش فى ضحك ومرقعه من شويه صحيح اللى اختشو اللى اختشو امممم مش فاكره😂

شمس : هو المثل كان بيقول أي ياعيال اللي اختشو حصلهم ايه ؟؟

مازن وهو ينظر لها بتعجب شديد : 

- نعم انتى بتقولى ايه انتى مجنونة ولا ايه ، ايه اللى جاب الأمثال في كلامنا دلوقت ؟!!

شمس بتلقائيه : لا منا كنت بقوله لنفسى من شويه ومعرفتش اكمله تخيل دا انا مستوايا انحدر خالص والله

مازن وهو يرفع حاجبيه : واى اللى خلاكى تقولى المثل دا بقا ؟!!😒

شمس بخضه : مين ؟!

مازن بغيظ : أي اللى خلاكى تقولى المثل دا ؟

شمس بمرح : معلش يعنى دا كلام بينى وبين نفسويتى متقطعناش لوسمحت واستنى بقى هعرف المثل واجيلك أصل المثل دا يركب مع حاجات كتير بتحصل دلوقتى اصطوبر بس كدا

مازن باستغراب وتساؤل : اصطوبر دى بأي لغه دى ؟!🤔

شمس بمرح : بالهيروغليفى الياباني اليونانى لما احتلو مصر كانوا بيتكلمو كده وشوف من وسط الناس دى كلها العبد لله اللى اكتشفها عشان تعرف مين اللى قاعده عندك ف المحاضره وتقدروا قيمتى شويه

مازن ينظر لها بغيظ واستهزاء ولا يرد..................🙄😕

شمس بمرح وفخر : النظره دى نظرة انبهار صح انا عارفه لعلمك كتير بيبصولى كدا ؟!😅👌

شهد ومي بهستريا : هههههههههههههههههههههههههههههههه مش قادره

مازن وهو ينظر في ساعته ولنفسه بخضه : يانهار ابيض دا انا عندى محاضره دلوقت اللى يخربيتكو

ومشى بسرعه

شمس وهى تراقبه بعينيها حتى اختفى و................

شمس بفخر : هرب الجبان شوفتو خاف منى لما عرف انى بتكلم لغات وممكن ابهدلو في الأمم المتحدة خاف وجرى خدتو بالكو انتو

مي وشهد ينظرون لها بغضب : ----------🙄😒😬 

شمس بخوف مصطنع : احم خلاص متخدوش بالكم خليه معايا يونسنى ولا تزعلو

شهد بغيظ : بقى احنا بنقطع في فروتو هه ؟!!

مي بغضب : بتبعينا ياواطيه طيب والله لوريكي

شمس بلخبطه وخوف : هههههههههه اهدو احنا ف الجامعه بلاش فضايح

مي بتفكير : تفتكرى نعاقبها ازاى يااخت شهد ؟!!

شهد بتفكير : امممممم ايه رأيك نجيب مايه مغليه ونحط راسها فيها

شمس تنظر لهم بصدمه وخوف.......😳😳😱😨

مي بمرح : لا احنا لسه هنسخن انا هقعد عليها ابططها ونخلص ولشمس..... تعالى بقى ياحلوه

شمس بخضه وهي ترجع للخلف : لالالالا كله الا كده بقولك ايه مش انا ياماما هه انتى لو قعدتى فوقى هطبق في بعضى

ثم قالت بمسكه وسهتنه : حرام عليكى ياشيخه دا انا اوزعه وبجرى من السرير للصاله ومن الصاله للسرير وحالتى تصعب على الكافر والله يا اوختشى وبعدين مش كفايا بمشى وسطكم الناس تضحك عليا اه يا حظك المنيل ياشمس ياشماتة ابله ظاظا فيكي ياشمس😂😥 

مي بمرح : كاااااااات هايل والله يا فنانة استعدى بقى للمشهد اللي بعدو

شمس بضحك وفخر : شوفتونى علي وضعى والله بس مفيش دموع نزلت للأسف لسه عصره عيني قبل ما اجى

شهد بتعب : اه يانى منك فرهدتينى هو فى حد هيعرف يقاوحك فى اللماضه دا انتى تعملى دكتوراه فيها والله

شمس بفخر : لعلمك عرضو عليا كتير بس انا اللى برفض متواضعة بقا

مى بضحك : يااااااولالالاه شايفه هتفرقع اهى عماله تنفخ وبتنفخ قدامنا احنا هههههههههههههههه

شهد : اه شوفتى على اساس يعنى ان احنا مش خابزينها وعجنينها يعنى هه

شمس بتريقه : متعملونى ساندوتش بالمره

شهد : باااااااااااااااس كفايه يالا نروح أخلصوا البت ندى ف البيت عايزه اروح ارغى معاها شويه وكويس ان بكرة مفيش سكاشن يعنى هنرغى براحتنا

شمس بتفكير : طيب ايه رأيكو نجمع الشله الواطيه اللي محدش بيشوفهم ونتقابل بكره ونعمل جلسة وابقى هاتى ندى برضو اهو نستفيد من خبراتها

شهد ومى بفرحه : قشطات

شمس بتعب : تماموز يلا بقى نروح

مى : لا روحوا انتوا انا هروح اشترى شويه حاجات

شهد : قشطه نيجى معاكى طاه

مى بتريقه : اه عشان تقعدى تزنى عليا ويالا نروح يلا نروح وانتى مش عاجبك حاجه ومفيش حاجه مقاسك ودا ضيق ودا واسع والهبل دا لا يا اختى منك ليها انا هروح لوحدى بيتك بيتك يلا

شمس بغمزه : براحتك بكره تندم ياجميل😉

شهد : يلا يا بنتي سيبك منها

ومشيوا و مي راحت تشوف محل تجيب منو لبس

---------------------------------------------------

ف الشارع

وأمام عماره فخمه جدا

ادهم بصدمه : يعنى اى عزلو ؟!!

البواب : زى مابقول لسيادك كده عزلوا من شهر تقريبا وانا معرفش عنهم اى حاجه والله يا باشا

ادهم بحزن : يعنى بعد ما اوصل للعنوان ملقهاش دا انت متعرفش عملت ايه عشان اوصلو دا انا طلع عينى

البواب بأسى : معلش بقى يابنى والله انا لو اعرف مكانهم كنت قولتلك عموما هات نمره المحمول

التليفون ) بتاعك وانا لو عرفت حاجه هرن عليك )

ادهم ببتسامة حزن : تشكر ياحاج اتفضل الرقم 010*****************

البواب : تمام يا بني لو عرفت حاجه عنهم هبلغك طوالى

ادهم : شكرا يلا السلامو عليكم

البواب وهو يجلس امام العماره : وعليكم السلام فى حفظ الله يابنى

ومشى ادهم مضايق ومخنوق أن معرفش يوصل لحريته بس مازال عندو امل ان البواب يعرف حاجه عنها ويبلغو😏😔...............

----------------------------------------------------------------------

ف الجزيره

- فهد فهد الحق قطه -

تقولها جميله بخوف وفزع وهي تتجه نحوه بسرعة

فهد بخضه وهو يقف : ف أي ؟!! 

جميله بدموع : مش عارفة كنا قاعدين نضحك وبعدين غمضت عنيها ووقعت

فهد بخضه وفزع : انتى بتقولى ايه طيب هى فين ؟!!

جميله وهي تمسك يده بسرعه وخوف : جوه تعالى يلا بسرعه

وجريوا على الاوضه لقو قطة واقعه على الارض

فهد بفزع وخوف شديد وهو يحاول إفاقتها ولجميله : هاتى مايه بسرعه

جميله بخوف تعطيه المايه وبعياط شديد وشهقه : هى قطه راحت عند ربنا زى ماما😢😓

فهد اتوتر اكثر من كلام جميلة وحس بالخوف وخصوصا انها مش بتفوق :

لا ياحبيبتى هى هتبقى كويسه متخافيش -

وبعد محاولات عديدة في افاقتها............................

قطه بدوخه وهى تضع يدها على مقدمة رأسها : ااااااااه دماغى

فهد براحه : انتى كويسه

قطه : الحمد لله

جميله وهى تحتضنها بعياط : انا افتكرتك روحتى عند ربنا زى ماما

قطه وهى تضمها بحنان : لا ياحبيبتى متخافيش انا كويسه اهو ومعاكى

فهد باصرار : لمو حاجتكو والاكل ويلا عشان هنمشي من هنا لازم نشوف مكان يخرجنا من الجزيره دى وبسرعه

قطه وهى تقف بوهن : مين قال ان احنا هنمشي من هنا لو انت عايز تمشى اتفضل و قولتلك كدا كتير قبل كدا

فهد بغضب ونرفزه : انتى مجنونه انتى مشوفتيش انتى كنتى عامله ازاى من شويه وانا واقف متكتف مش عارف افوقك ازاااى ولا جميلة كانت حالتها عاملة ازااااى أي هنفضل هنا لحد ما نموت دا كلام ناس مجانين انا زهقت😡😡

قطه بغضب : متغلطش لو سمحت وبعدين فعلا عندك حق انت واحد طيار وكل شويه من بلد لبلد فعلا ليك حق تزهق وتبقى عايز تمشى بس على فكره انا مش منعاك اتفضل امشى لكن انا مش همشى من هنا

فهد بغضب ونرفزه : مش هتمشى ليه ادينى سبب واحد مقنع يخليكى قاعده هنا يلا اقنعينى اتفضلى ؟!!

قطه بغضب و انهيار ودموع شديدة : ماشى قولى بقا اما حقك يتاخد منك وانت واقف تتفرج اما امك تموت قدامك من الحسرة وانت مش قادر تعملها حاجه اما ابوك متشوفش منه حنيه طول عمرك لما تبقى عايش ف بيتك وابوك يدوبك تلمحه كدا ويبقى دا انجاز وف الآخر يتجوز ويسبنا خالص لحد ما امي تموت بحسرتها كل دا وعايزنى ارجع تانى للناس اللى مفيش ف قلوبهم أى رحمه ومرات ابويا هى اللى رمتنى هنا والله انا بشكر ربنا ليل ونهار انها جابتنى هنا مموتتنيش ودا كله عشان ورث وفلوس وبتقولى ادينى سبب انت عمرك ما هتحس بالوجع اللى انا فيه لان عمرك ما جربت تعيش زي ولا مريت باللي مريت بيه... الاب اللى المفروض يبقى احن حد عليك يبقى اقسى مخلوق على الارض لما تفرح او تنجح وتبقى عايز تجرى عليه عشان تفرحو بيك متلاقيهوش عايزنى ارجع وسط الناس اللى مبترحمش دول تانى دول وحوش والطمع والجشع ماليهم انا مش عارفه مسلمين ازاى هييقفو قدام ربنا هيقولو ايه بجد مش عارفه ايه رأيك يكفيك الأسباب دى انا دلوقتى عايشه ف راحه نفسيه بعيد عن القرف والوجع اللى كنت فيه وف الآخر تيجى انت تقولى مجنونه انا هبقى مجنونه فعلا لو رجعت للناس دول تانى😥😪😥

( قطه كانت تتحدث والدموع تنهمر من عيونها بشده )

فهد بتأثر : ......................

---------------------------------------------------

ف الشارع

عربيه تأتي بسرعة شديدة ناحية مى

مي بخضه وفزع ولم تستطع تحريك قدمها من الأرض : عااااااااااااااااااااااااا هموووت

سيف وهو يقف بالسيارة في اللحظة الأخيرة وينزل من سيارته بغرور وشر : متخافيش مش هموتك

بس بيتهيألى جه وقت الحساب وهنتحاسب دلوقتى ياحلوه

می : ....................

-------------------------------------------------

توصل شهد لمنزلها ثم تصعد على درجات السلم بهدوء

( شهد شهد استنى )

يقولها شخص من خلفها فتلتفت شهد و.................

-------------------------------------------------------------------------------------------------

يترا فهد هيقدر يقنع قطه انها تخرج من الجزيره ولا لا وحتى لو اقتنعت هيعرفو يخرجو منها 😉🤔 ويترا وجهة نظر قطه صح 😉😔

ويترا سيف يعمل اى ف مى🙄🤔

ويترا مين اللى نده على شهد🤔😉

واى اللى هيحصل بين ندى ويوسف وام ندى هتقول ليوسف على الحقيقه ولا لا😉

وادهم هيلاقى حوريته ولا لا ويترا مين هى حوريته اصلا😍😉

كل دا هتعرفو قريب😉😌

قراءة ممتعه ليكو ومستنيه رأيكوا وتشجيعكوا 😍

#رواية_القطه_التى_روضت_الفهد

يلا نكمل

الفصل العاشر

ف الجزيره

فهد بتأثر : معقول كل الوجع دا جواكى مع ان ما يبانش عليكي اي حاجه واللى يشوفك يقول معندكيش اى مشاكل وعايشه برواقة بال

قطه بثقة : عشان مؤمنه اني قد اى حاجه ربنا يحطينى فيها فمهما حطنى فى اصعب من اللى كنت فيه مليون مره وانا عارفه انى قده وهعديه أصل بالعقل كده لو مكنتش قده مكنشى حطني فيه من اصله مش هو قال فى كتابه (لا يكلف الله نفسا الا وسعها) وانا واثقه ان دا مهما كان ومهما حصل خير ليا

فهد باستغراب : اى الثقة دى كلها دا انتى واثقه ف نفسك اووى

قطه بهدوء : واثقا في قدرة ربنا مش فى نفسى

فهد بهدوء : تمام جهزى نفسك عشان بكره هنمشي من هنا

قطه بتعجب : نعم ؟!

فهد بتحدي : زى ما سمعتى كده بالظبط اللى انتى بتعمليه دا اصلا اسمه هروب

قطه باستغراب شديد : هروب ؟!!

فهد بجديه وزعيق : طبعا انك تحبسى نفسك ف المكان دا و متحاوليش تخرجى منه دا مش هروب انك متحاوليش ترجعي حقك دا مش ضعف لعلمك دا قمة الاستسلام انتى لازم تخرجى من هنا وتروحى وترجعى حقك على الأقل فكرى ف جميله اى عايزها تقضي حياتها كلها هنا.. جميله اللى نفسها تروح المدرسه وتعيش طفولتها زى بقيت زمايلها ذنبها أي متردى كل الكلام اللى قلتيه دا ميبررلكيش موقفك وزى ما دلتنى وساعدتني ارجع نفسي واقرب من ربنا تانى انا هرد لك جميلك ده وارجعلك حقك وارجعك بيتك وساعتها هحس انى رديتلك جميلك ومفيش نقاش في الموضوع دا بكره الصبح هنمشي من هنا

قطه بحيرة ودموع سابته ومشيت من غير ولا كلمه😢😓

فهد بتحدى واصرار : لازم اقف جنبك واساعدك انا حسيت انك مسئولة منى ومش هسيبك الا لما ارجعك بيتك تانى

---------------------------------------------------------

ف الشارع

عربيه تأتي بسرعة شديدة ناحية مي

مي بخضه وفزع ولم تستطع تحريك قدمها من الأرض : عااااااااااااااااااااااااا هموووت

سيف وهو يقف بالسيارة في اللحظة الأخيرة وينزل من سيارته بغرور وشر : متخافيش مش هموتك بس بيتهيألى جه وقت الحساب وهنتحاسب دلوقتى ياحلوه

مي بغضب شديد وصوت مرتفع :

- انت مجنون اى اللى عملته دا يا حيوان كنت هتموتنى

سيف باستهزاء : لمى نفسك عشان مزعلكيش وبتريقه وتقليد........اصل انا زعلى وحش اوووى اووى

مي باستهزاء وثقه : ياراجل طيب ما تزعل ولا تنفلق حتى انا مالى دا على اساس ان هيغمى عليا يعنى وهنهار لو زعلت مثلا يلا ياض اتكل من هنا يلا ياعم مش فاضيين😅

سيف باستغراب : انتى بنوته منين من المدبح ؟!!

مي بعند : اه من المدبح ولسه سنه السكاكين كمان ايه رأيك بقى

سيف بغضب : رأي انى همسح بيكى الشارع دا كله دلوقت وهتشوفى

مي بضحك هستيرى : هههههههههههههههههههههههه بقى انت يا معصعص هتمسح بيا انا الشارع ههههههههههههههههههههه لا وسعت منك دى

سيف بغضب وهو يقترب منها : طيب انا هوريكى

مي بصراخ شديد : عااااااااااااااااااااااااااااااااااااااااااااااااا الحقونى عااااااااااااااااااااااااااااااااااااااااااااااااااااااااا عااااااااااااااااااااااااااااااااااااااااااااااااااااااالحقونى ياناس عاااااااااااااااااااااااااااا

سيف بغضب وهو يبتعد عنها و يضع يديه على أذنه : يخربيتك ودنى طارت

ثم قال بغيظ وغضب : صرخى من هنا لبكره محدش هيعبرك عشان محدش ف الشارع اصلا انتى فاكره ان حاجه زى دى تفوتني لا ياماما مش انا دا انا

يقاطعه صوت شخص من خلفه بشدة : ف حاجه يا انسه ؟!

سيف وهو ينظر للشخص الذي يقف خلفه ويبتلع ريقه بصعوبه

( شخص طويل مليان عضلات من الآخر لو نفخ بس سيف هيطير ياجماعه😅😂 )

مي بابتسامه واسعه : والله على حسب

سيف بتوسل لمى : حياة عيالك ياشيخه انا مش ناقص انتى عندك حق انا معصعص و بق على الفاضى بس بلاش اى حركة جنان هه انا مش حمل نفخه منه 

مي بابتسامه : بس كدا دا انت تؤمر وللشخص بصوت عالى : الاستاذ دا كان بيعاكسنى وعاوز يخطفنى كمان 

سيف بصدمه وذهول : هارسوح مين دا انا ؟!😨😨😲😲😱

مي ببرائه مصطنعه : ايوا مش حرام عليكو اى القرف دا انتو معندكوش اخوات بلاستك😂😂 اقصد اخوات بنات اتقوا الله بقى 😂😉

الشخص : عندك حق والله يا آنسه مبقاش ف احترام بس متقلقيش انا هعرفو مقاموا وهعلموا الأدب عشان يحرم يعمل كده تانى ف بنات الناس تعالى بقى ياحلو😡😬 ويقترب نحو سيف ببطء

سيف ينظر له برعب وخوف شديد وصدمة ولا يرد : -------------------😥😱

مي بخضه مصطنعة وتغمض عينيها بخوف مصطنع : لالالالالا مقدرش اشوف الحاجات دى انا قلبى رهيف استنى لما امشى وابقى اتسلى انت فيه بقى اصلى بخاف من الدم ولو تبقى حاجه ابقى ارمى العضم للكلاب يلا اهم غلابه😂😂

سيف بخضه وزعيق : انتى بتقولى انتى بتهزرى دا هيموتنى والله اوديكو ف داهيه

مي بغيظ : داهيه تاخدك جتك القرف عيل ملزق وبعدين انت كان نفسك تمسح الشارع واهو هيتمسح بس مش بيا بقا وانا محبش اخلى في نفسك حاجة ومعملهاش برستيجي ينهاااار😂

وللشخص بضحك : يلا ربنا معاك بقا

الشخص وهو يقترب منه : تعالى بقى عشان تحرم تقرب من بنات الناس تانى والبوكس ف وشه👊👊👊

مي بضحك وشر : تستاهل اخلع انا بقى وجريت

سيف بوجع والم : اااااه اااااااااه خلاص ارحمني اااااااه الله يخربيت ايدك مرزبة كفاااااااااااية استويت

وبعد ما خد العلقه التمام

الشخص وهو ينظف ملابسه وينظر لسيف الملقى على الارض.......انا عارف امتى البلد هتنضف من اشكالكو عيال مقرفه 😡ومشى

-------------------------------------------------

توصل شهد لمنزلها ثم تصعد على درجات السلم بهدوء

- شهد شهد استنى - 

يقولها شخص من خلفها فتلتفت شهد و...............

شهد بابتسامه : ازيك يايوسف اى جاى عندنا ولا اى ؟!

يوسف بابتسامه : اه يا رويتر جاى عندكوا اومال جاى للجيران مثلا

شهد بغيظ : يخربيت اللطافة طيب يلا ياخويا ندخل انا هموت من الجوع

شهد وهي تمسك المفتاح لتفتح الباب

يوسف بسرعه : استنى

شهد باستغراب وهي تنظر له : فى اى يابنى مش هندخل ولا أي ؟! 

يوسف : لا كنت عايز اقولك على حاجه الأول

شهد بدهشه : حاجه اى قلقتنى ؟!

يوسف : بصى ياستى انا وندى ......( وحكى لها كل حاجه وان في مشاكل ف الحمل وكدا ) 

شهد بصدمه : ايييه ؟!!!

يوسف بحزن : زى ما قولتلك كدا المهم انا بقولك عشان تحاولى تفرفشى ندى شويه من ساعة الموضوع ده وهى على طول سرحانه ومبتنمش

شهد ببتسامه : متقلقش انا هروقها وان شاء الله كلها كم شهر ويجي نونو كده يقولى ياشهد و بمرح......اه مليش انا فى جو خالتو دا اه انتو كده هتكبرونى وانا لسه صغنتته

يوسف بغيظ وتريقه : صغنتته طيب افتحى الباب ياشهد انا استاهل ضرب الجزمه انى قولتلك حاجه

شهد بضحك : هههههههههه حبيبي تسلم😂😂

وفتحت ودخلو

شهد ويوسف : السلامو عليكم

ندى ببتسامه : انتو قابلته بعض ولا اى

شهد وهي تجلس بجوارها : اه قابلنا بعض على السلم

ندى : طيب يا اختى وانتى عامله ايه

شهد بضحك : انا حلوه اهو وزى الفل

ايمان وهى تخرج من المطبخ : انتى جيتى ياشهد

ثم رأت يوسف فنظرت له بضيق قائله : 

اهلا يايوسف ازيك -

يوسف باستغراب لضيقها : الحمد لله ياطنط

ايمان وهى تنظر لندى قائله : 

روحى هاتى بصلتين من عند الجيران ياندى عشان البصل خلص وعايزة اعمل اكل -

ندى وهى تنظر ليوسف بقلق : لا شهد هتروح

شهد بصوت عالى : نعمين وحته ياحلوه انا هروح عند الواد آسر دا هى ناقصه غلاسه وبعدين بصل أي دا اللى هروح اجيبه انا مبرحش عند حد

ندى بصوت واطي لشهد : قومى روحى يازفته امك هتستفرد بيوسف والله اعلم هتقولو أي ؟! 

شهد باستغراب ووشوشة : ليه هو فى ايه 

ندى بصوت واطي : هقولك بعدين بس اخلصي

شهد باستغراب : ماشى هروح اما نشوف اخرتها

ومشيت وراحت خبطت على باب شقة آسر

طق...........طق...........طق

يفتح الباب وتظهر سيده يظهر عليها كم هي حنونة وطيبه

فريدة بابتسامة ( أم آسر ) : ازيك ياشهد عامله ايه ياحبيبتى

شهد ببتسامه مجامله : الحمد لله يا طنط معلش لو ازعجتك بس ماما عايزه بصلتين من عندك

فريده وهي تمسك يدها : عنيا ياحبيبتى بس تعالى ادخلى متقفيش على الباب كده

شهد وهي تدخل المنزل وتنظر له نظرة سريعه : بسرعه بقى ياطنط

فريده وهي تدخل المطبخ وتقول : حاضر ياحبيبتى ثواني وجايه

شهد وهى تنظر للمنزل بإعجاب رغم انه بسيط لكن عجبها زوقه ثم فجأة سمعت صوت جيتار

شهد باستغراب وهي تتوجه نحو مصدر الصوت : الله حلو اووى بس جاى منين دا

ف غرفة آسر

كان جالس يداعب أوتاره وهو يدندن بصوته العذب ويقول...................

مالى كده حيران

مش راسي علي واحدة

جوايا مليان حنان

يكفى 100 وحدة

مالى كده منحوس

وحالتى مقلوبه

وكل مااحب واحده ....القيها مخطوبه

الأولى كانت حنين ....حبتها اربع سنين

مش بس طلعت عروسه ....دى مخلفه بنتين😂👩‍👧‍👧

والتانيه دى كانت رانيا

جرحتنى هى التانيه معرفش دى جاتلى منين و

يقاطعه صوت ضحك هستيرى من خلفه يبص يلاقى...........

شهد بضحك شديد : ههههههههههههههههههههههه هموت مش قادره ههههههههههههه اى الاغنيه دى ,دى

بضحك اووى هههههههههههههه

آسر باستغراب وتساؤل : انتى بتعملى ايه هنا ؟!

شهد وهي تحاول تسيطر على ضحكتها : ههههههه جايه اخد بصل

آسر بتعجب وذهول : نعم يا اختي ليه حد قالك اني ببيع بصل ف اوضتى ؟!!

شهد بضحك : ههههههه لا انا

شهد انتى روحتى فين - - 

قالتها فريده بصوت عالى

شهد بسرعه تخرج من غرفته و تتجه نحوها قائلة : أيوة ياطنط

فريده باستغراب وتساؤل : انتى كنتى فين ؟!

شهد بسرعه وتوتر وهي تأخذ منها البصل : لالا مكنتش شكرا جدا على البصل سلام يا طنط وخرجت بسرعه

فريده بتعجب : ربنا يشفيكى يابنتى هو انا ناقصه هبل مش كفايا آسر عليا

آسر من خلفها : مالو بقا آسر ياست الكل ؟! 

فريده وهى تنظر له بعتاب : يعني مش عارف عجبك حالك دا يعنى

آسر بزهق : يووووووووه هنرجع للموال دا تانى بقى

فريده بغضب : تانى وتالت ورابع اى هتفضل كده لأمتى السنة بتاخدها ف تلات سنين والبنات اللى كل شويه يكلموك والتليفون ماسكه 24 ساعة ف اليوم الصلاة تصلى وقت وعشره لا مش هتفوق لنفسك بقى اخرت اللى بتعمله دا اى

آسر بضيق وملل : ماما اقفلى السيره دى بقى وارحمينى مش كل شويه الكلام دا

فريده بغضب : كل دا عشان ابوها موفقش عليك وماله هى الخسرانه فى غيرها كتير

آسر بغضب : السيره دى متجيش تانى على لسانك ياماما ماشى

فريده وهي تمسك يده : لا ما انا مش هشوف ابنى كده واقعد اتفرج أي يعني سابتك واتجوزت غيرك هه أي هتوقف حياتك بقى على كده خلاص ، ياحبيبى اللى زيك اتخرج دلوقتى واتجوز وفتح بيت

آسر : اللى زى هههههههههههه لا ضحكتينى وانا لما اروح اتقدم لواحده وابوها يعوز شبكه ومهر وشقه ب200 الف اجيب منين بقى ما تقولى اجيب منين دا انا حاسس انهم بيتعاملوا مع العريس زى مايكون بنك او فرصه وجات لهم لازم ينفضوا كدا , وميبقاش معاه ولا مليم او يتجوز وهو مديون لطوب الارض وياريت فى الآخر بيعجب

فريده : هههههههههههههه والله ف دى عندك حق بس مش كله يا حبيبي ف ناس ميهمهاش الكلام دا اهم حاجه انك هتصون بنتهم وخلاص

آسر باستهزاء : اه طيب لما تلاقيهم ابقى قوليلى و سيبينى بقى ف حالى واهو مدام مش عارفين نتجوز اهو نعيش يومين والبنات اهى مالية الجامعة وقفلى بقى على الموضوع دا

فريده بغضب : يا آسر اسمع

يقاطعها آسر : خلاص اقولك انا هسيبلك البيت وامشى وخرج ورزع الباب وراه

فريده بحزن على حال ابنها و بدعاء : ربنا يهديك يابنى ويريح قلبك يارب

-----------------------------------------

ف منزل شمس

شمس وهي تدخل على أدهم الغرفة لتجده هائما بعالم آخر فخطت على اطراف اصابعها بهدوء و.......

شمس لنفسها باستغراب : اممممممم هو مالو باصص للسقف كدا ليه وتبص للسقف بقرف..........اممممم مفيهوش ميزة توحد ربنا عشان يبص له يعنى🤔😂

شمس وهى تقترب منه وبصوت عالي : انت بتعمل ايه ؟؟

أدهم بفزع وهو يقف : يخربيتك

ثم قال بغضب : انتى بتستهبلى دا انتى فصيلة ياشيخه اى مش هتبطلى مقالبك دى بقا

شمس بضحك : تؤتؤ قولى بقا سرحان و شردان وهيمان في أي قولي اعترف بسرعه الانكار مش هيفيدك احسن لو خبيت هتضطر اسلط عليك ماما وساعتها بقى هى هتيجى تقررك وانت حر بقى

أدهم بضيق : يخربيت الزن خلاص هحكيلك

شمس بمرح : ها يلا قول

أدهم بتنهيده. : .بص يا ستى أي 

تقاطعه شمس بخضه : استنى

أدهم باستغراب : ف أي يابت هو انا كنت لسه نطقت

شمس بضحك وغمزه : هروح اعمل فشار عشان شكل ف حكايات والسهره صباحى وكدا وشكلك بتحب في قصة حب أصل السقف بتاعنا دا محدش يبصله بصراحه إلا و إذا كان الموضوع في واحدة ومن هذا المنطلق انا استنتجت من ذكائي اللامثالى دهون ان الحكاية محتاجه فشار هفشر واجيلك ماشي

أدهم بـ غيظ وغضب وهو يرمي عليها الوساده : امشى يا جزمه من هنا ومش عايز اشوف وشك تانى

شمس بضحك وهو تخرج له لسانها : هفشر برضو واجيلك وهتعترف بكل حاجة

وجريت بسرعه على المطبخ

أدهم بنفاذ صبر : ربنا يكون ف عونه اللى هيخدك والله احتمال يرجعك تاني يوم وبتفكير ....تانى يوم اى دا لو كمل معاها يومين خطوبه يبقى نكرمه ونديله شهادة تقدير كمان ربنا يستر ونلاقى حد ندبسهاله بدل ماهى قاعده تقرف فيا كدا😅

-----------------------------------------------------

ف الجزيره

جميله ببراءه : هو في أي إحنا مش هنطلع ناكل مع فهد بره ؟!

قطه بحزن : لا

جميله باستغراب وتساؤل : ليه بقا ؟!

قطه : انا مش جعانه وبعدين هنمشى بكره

جميله بفرح : هييييييه بجد هنروح بيتنا

قطه بابتسامه : ايوا يا حبيبتى

جميله بفرح : ماشى انا هروح اقول لفهد بقا وجريت على فهد

جميلة : فهد فهد..... و باستغراب : اى دا ؟!!!

فهد : .......................

------------------------------------------------------

ف منزل شهد

على السفره

يوسف وهو يقف : تسلم ايديكى يا طنط الأكل تحفه بجد

ايمان بابتسامه صفره : الله يسلمك

شهد بوشوشة : هو ف اى امك بتبص ليوسف كدا ليه انا حاسه انها شويه وهتاكله ؟!!

ندى بقلق : متخافيش انا مسيطره مش هخليها تقوله حاجه

شهد باستغراب : هو اى دا اللى هتقولهوله

ندى بزهق : اوووف بعدين

شهد وهى تقف : طااه انا هروح اقعد على النت شويه وارجع لك

ندى بعدم اهتمام وهي تنظر لوالدتها بقلق : ماشى ماشى

شهد وهي تتجه نحو غرفتها : اى العيله دى بس ياربى لاما هيجننونى لاما هيجننونى مهو مفيش غير كدة يارب صبرنى

ثم دخلت غرفتها وفتحت الفيس لقت رسالة من حازم مكتوب فيها............

شهد بصدمه وذهول : اى دا هو اش عرفه الحجات دى عنى😲😲😱

وف الخارج..........

ايمان بجدية : يوسف

يوسف بابتسامه : ايوا ياطنط

ايمان : ...................... 

--------------------------------------------------------------

ف منزل شمس

شمس وهي تجلس أمام أدهم و تأكل الفشار

شمس والفشار فى فمها : ها انا نضفت ودنى وغسلتها ببرسيل واريال وخلتها فله وجاهزه تسمع اى حاجه وادى الفشار يعنى كله تحت السيطره يامعلم يلا احكى بقى

أدهم باستغراب : برسيل واريال ؟!🙄😏

شمس بضحك : متدخلنيش ف تفاصيل يالا اشجينى مين بقا دى اللى مبهدلاك كدا ؟!!

أدهم بغيظ : اتلمى يا لمضه

شمس بمرح : اخلص ياعم الفشار هيخلص من قبل ما تتكلم وانا مش قادره اعمل تانى ها مين دى بقا ؟

أدهم بسرحان : ملك

شمس باستغراب : ملك مين ؟!

أدهم : ................... 

---------------------------------------------------------------------------------------------------

يترا اى حكاية آسر وهيتغير ولا هيفضل كدا😍😉

وسيف بعد العلقه الحلوه دى هيعمل اى فى مى😂😂😉

واى الرساله اللى بعتها حازم لشهد وليه اتصدمت كدا ومين حازم دا اصلا🙄🤔 ويترا ايمان هتفاتح يوسف فى موضوع الحمل ولا لا ولو فاتحته هتقوله اى😏😉

ويترا فهد بيعمل اى خلى جميله تستغرب كدا😍😉 ومين ملك دى واى حكايتها مع ادهم 🤔😉

كل دا هتعرفو قريب😉😌

قراءة ممتعه ليكو ومستنيه رأيكوا وتشجيعكوا 😍

#رواية_القطه_التى_روضت_الفهد

الفصل الحادى عشر

شمس باستغراب : ملك مين ؟!

أدهم بغيظ : احنا هنستهبل بقى ولا ايه مش عارفه ملك مين

شمس بضحك : انت اهبل يالا وانا اش عرفني مين ملك يعنى وبفخر.........بص انا عارفه طبعا انى مهمة وكدا بس من كتر الناس اللى اعرفهم بنسى يعنى مش معقول هفتكر الناس كلها يعنى وبعدين ما الدنيا مليانه ملكات انت بتتكلم عن انهى واحده فيهم بقا يلا قول

أدهم بغيظ واستغراب : ملكات استغفر الله العظيم يارب صبرنى على ما ابتليتني يارب

شمس بضحك : ماتخلص ياعم انت جاى تتوب هنا😂

أدهم بغيظ : ملك جارتنا و اللى كنتى مصاحباها يابومه😂

شمس باستغراب مضحك : ألله مش ملك مشيت من هنا من شهر وزياده باين ومعبرتناش تانى دا حتى انا بتصل عليها يدينى مغلق اه مهو اللي علي علي ياعم لعلمك انا بكره هيبقى معايا فلوس قد كده وهتمنظر عليكو برضو وعارف انا بقى أي 

أدهم يقاطعها بغيظ وغضب وضربها على كتفها : بببببببببببببس خلينى اقول جمله مفيده من ساعة مقعدتي لوكلك لوكلك اى ارحمى خليني انطق قرفتينى ياشيخه 

شمس بصدمه مضحكة وهي تنظر للفشار الملقى على الأرض : هارسوح دلقت الفشار😨😨😱😱

أدهم بذهول : نعم يعنى ده اللى لفت انتباهك وكل الكلام اللى قولته ده ايه هه انتى هتجننينى ؟!

شمس وهي تلم الفشار من على الأرض : بس بقى انا اللى غلطانه مهو انت مش عارف الفشار دا بيساعد على التركيز ازاى انت مخدتش بالك ولا أي ؟! 😂🤔 

أدهم بغيظ : لا خدت بالى بأمارة ملك مين هه😏

شمس بمرح وذكاء مضحك : لعلمك السؤال دا كان غرضه لفت الانتباه مش المفروض اتأكد انك مركز معايا ولا أي ؟! 

أدهم بستغراب : هو مين اللى المفروض يركز مع مين انتى هبله يابت انا اللي بحكيلك ؟!

شمس بتفكير مضحك : هههههههه ودا يمنع يعنى انك تركز معايا مش المفروض تركز ف اللى بتحكيه عشان انا اركز وانا بسمعك لازم يبقى فيه تشويق اتعلموها بقى أي دا

أدهم باستهزاء : يعني اعمل اى يا أبله شمس ؟؟

شمس بتريقه : أبله أنا يتقلى أبله هههههههههه انا يتقلى دكتورة شمس انت مش عارف انى ناويه احضر الضاكتوراه فى الهندسة ولا أي 

أدهم بضحك وتريقه : لا والله ماعرف انك ناويه هه واخده بالك يعنى لسه بتنوى انك هتحضرى ههههههههههه الضاكتوراه

شمس بفخر : اديك عرفت وبوشوشة...بقولك ايه اوعى تقول لحد احسن الصحافة مستقصدانى والجدران ليها ودان ولحد دلوقتى مركبتش حلقان والموضوع دا قلقنى اووى موغوشنى كدا ازاى ميتركبلهاش حلقان هه😂🤔

أدهم ينظر لها بغضب شديد وغيظ ولا يرد عليها🤨😕😕😡

شمس بقلق من نظرته : هو انت بتبصلى كده ليه انا بستفسر بس ؟!

أدهم يقف ويتجه نحوها ببطء وعينه مليانه شرار..........😬😡

شمس وهى تقف وترجع للخلف : احم انا عارفه انا مالى ان شالله عنها ما ركبت حلقان خلاص والله انا هعرفها غلطتها هقولها اما ابوكى يقبض هنجبلك حلقان متقلقش انت خالص مش دى حجة الشعب المصرى بردك🤔😉

أدهم يمسكها ويكتم فمها بغضب : باااااااس صدعتينى ارحمى اى مدفع اضرب ف وشى وكل دا ومقولتيش حاجه تنفع بنفعه فشار وعملتى وكلتى واندلق عايزه اى تانى هه

شمس وهى تحاول التحدث : اممممممممممممممم امممممممممممم

أدهم بغضب : ما تنطقي عايزه اى ؟!!

شمس وهى تشاور على يده الموضوعة على فمها : اممممممممم اممممممممم اهوووو هووووو ههووو ميهوووو امممممممم😂😂

أدهم بغيظ وعدم فهم : مش فاهم بتقولى ايه🤔

شمس وهى تحاول ازاحة يده : اممممممممممممم اممممممم اهوووو هووووووو هووووو ميهوووو ميهااا اممممممم😂😂

أدهم شال ايده بعد ما خد باله انها على فمها : ها كنتى بتقولى أي

شمس بضحك : كنت بحاول اعطس بس مش عارفه 😂عاجبك كدا يعنى اجى اعطس معرفش اهى راحت بسببك يلا هتروح من ربنا فين😂✋ 

أدهم يجلس وهو يضع يده على دماغه : اه يادماغى يانا منك لله ياشمس انا اللى استاهل اني عبرتك وعملتلك قيمة وقلت احكيلك يلا امشى اطلعى بره يابت انتى مش عايز اشوف وشك تانى

شمس بهزار وضحك : هههههههه هطلقنى اهون عليك ياابو الاداهيم برضو يهون عليك الفشار اللى كلناه سوا دا لسه مبردش ياراجل

أدهم : ههههههههههههههههههه يخرب بيت هبلك يلا يابت من هنا

شمس وهى تجلس ببراءة وتضع يدها على فمها : لا لا لا خالص والله هقعد ساكته اهو بس احكي يلا🤭

أدهم بتحذير : امممممم مش عايزك تكلمى الا بخصوص ملك والا هضربك واطلعك بره

شمس : بس كده انت تؤمر عنيا الاتنين اوعدك مش هتكلم الا بخصوص ملك

أدهم وهو يجلس مرة أخرى : ماشى تمام يلا بقى عشان اقولك ايه اللى حصل مع ملك

شمس باستهبال وضحك : ملك مين بقى ؟! 😂🤔

أدهم : .............. 

----------------------------------------------------------------

ف منزل شهد

شهد دخلت غرفتها وفتحت الفيس لقت رسالة من حازم مكتوب فيها

شهد بصدمه وذهول : اى دا هو اش عرفه الحجات دى عنى 😲😲😨😱

شهد وهى تنظر للرسالة بذهول و كان مضمون الرسالة هو( ازيك ياشهد أي فينك كل ده ؟! , طول اليوم مستنيكى تفتحى ولما شفتك داخله البيت قولت هتفتحى فيس بس مفتحتيش عموما انا عايز اقولك انا اعرف عنك حاجات كتير ولما كلمتك على الفيس دى مش اول مره اعرفك لا خالص انا عارف عنك كل حاجه انتى اسمك شهد صلاح وساكنه ف شارع**** عماره رقم9 و عندك اخ اسمه خالد وأخت اسمها ندى متجوزه واحد اسمه يوسف واصحابك اللى على طول معاهم ف الكليه اسمهم شمس ومي باين وبتحبى الشعر جدا والرسم برضو وعايزه تبقى حاجه مشهوره اممممم وعلى طول او اغلب الوقت يعني على النت ف اوضتك واخوكى مش مهتم بيكى ولا مامتك وابوكى على طول مسافر امممممم بيتهيألى كفايا كدا وعلى فكره انا معجب بيكى جدا وبحبك اووى

شهد بتفكير وسرحان : اكيد دا حد عرفنى وبتفكير .... معقول يكون مقلب من حد من العيال اممممم لالالالالا مظنش هما مش فاضيين يعملوا كده وعارفين انى مبحبش كده ...طيب اعمل أي ارد عليه اقوله ايه دا بيقول بيحبنى أي الهبل دا بقا ويطلع مين ده ؟!!🤔😏

........

وف نفس الوقت في الخارج

ايمان بجدية : يوسف

يوسف ببتسامه : ايوا ياطنط

ايمان بجدية وشده : الدكتو

ندى تقاطعها بمرح وسرعه : ههههههههههههه صحيح ياحبيبى مش انت كنت بتقول هتسافر النهارده فى شغل

يوسف وهو ينظر لها : ايوا ان شاء الله وبفكر اسافر دلوقت

ندى وهي تقف بسرعه وتتجه نحوه وتمسك يده : احسن برضو عشان متتأخرش

يوسف باستغراب لتصرفها : مالك ف اى ؟!

ندى بابتسامه مصطنعه وتوتر بسيط : لالا مفيش حاجه بس بس اه شهد عايزانى ابات معاها النهارده بقالى كتير مقعدتش معاها وكدا وخايفه ترفض 

يوسف ببتسامه : لا وانا هرفض ليه خليكى مدام مش هكون موجود ف البيت

ولنفسه بقلق .... احسن امى تموتك ولا حاجه على ماارجع

ندى : تسلم يارب وأما توصل كلمني ماشى عشان اطمن عليك مش هنام الا لما تكلمنى

يوسف : ماشى ولحماته بابتسامه....... عن اذنك بقى ياحماتى

ايمان بضيق : بس انا كنت

ندى تقاطعها بمرح : اذنك معاك يلا بقا عشان متتأخرش وابقى مطمنه عليك هه وأما توصل اتصل بيا على طول

يوسف باستغراب لما تفعله : ماشى ياحبيبتى ثم يقبلها على رأسها ....يلا دعواتك

ندى وهي توصله للباب : ربنا معاك يارب ويوفقك وترجعلي بالسلامه يارب ياحبيبى

يوسف : يارب يلا سلامو عليكم

ندى بتنهيدة ارتياح وهي تغلق الباب خلفه : وعليكم السلام ولنفسها بارتياح : الحمد لله معرفش حاجه😊

---------------------------------------------------

وف غرفة شهد

شهد لنفسها بتفكير : امممممم منا لازم ارد عليه واشوفه مين وعايز ايه ؟ 

شهد وهي تكتب ف الشات : نعم انت مين وازاى بتحبنى وعرفت الحجات دى كلها عنى منين ؟!😮🤔

حازم يكتب : هههههههه العصفورة قالتلي😉

شهد : انت بتهزر ولا مجنون ولا ايه انا بتكلم جد على فكرة ؟!

حازم : عادى شوفتك وشدتينى كدا معرفش ازاى ولقيت نفسى حبيتك ومعرفتش اتعرف عليكى الا عن طريق الفيس بس ياستى هى دى كل الحكايه

شهد لنفسها : يعنى هو بيحبنى ههههههههه ايه الهبل دا وانا قلبى بيدق كدا ليه هههههه طيب اقوله ايه ( بقى ( شهد اول مره حد يقولها حاجه زى دى او يهتم بيها اصلا 

حازم يكتب : اى يابنتى روحتى فين😊🤔

شهد تكتب : معاك☺️🙈

حازم : طيب مردتيش عليا

شهد : ارد على اى🤔

حازم يكتب : بحببببببك وبمووووووت فيكى يا شهدى وانتى اول بنت تخطفنى كدا بجد شدتينى معرفش ازاى وخلتيني ادور عنك واعرف عنك كل حاجه وصدقينى مش هتندمى بعلاقتك بيا ها تقبلى ترتبطى بيه😍😍 

شهد بفرح وهي تتنطط : عااااااااااااا دا بيقول بيحبنى عااااااااااااااااااااا اخيرا لقيت حد يحبنى كدا بقى ويهتم بيا هيييييح اممممممم لا انا لازم اتقل لا يقول مدلوقه انا هرد اقوله افكر وبتفكير.........هو انا عامله كدا ليه ثم نظرت لصورته على الفيس.......امممممم بس هو شكله حلو والله وانا استريحتله برضه ومدام بيحبنى يبقى خلاص

حازم يكتب : يا بنتى انتى بتروحى فين؟! 😣

شهد تكتب : احم طيب هفكر وهرد عليك🙈🙈

حازم : ماشى بس انا عايز اطلب منك طلب

شهد تكتب : طلب اى دا😏

يقاطع تركيزها مشبك وقع في الشرفة الخاصة بغرفتها فتقوم بضيق وتتجه للشرفة وتفتحها........

شهد بغضب : عايزه اى يازفته

مي بضحك وهى تقف ف بلكونتها : متيجى تاخديلك قلمين احسن يابت

شهد : يخرب بيت رخامتك عايزه ايه مش فاضيالك

مي بتساؤل وفضول : ليه وراكى ايه يااختى ؟!

شهد بتوتر : لا دى ندى هنا و قاعده معاها

مي بفرح : طيب كويس جدا انا اخدت رقم العيال واتفقت معاهم وهنتقابل بعد بكره عشان المحاضره معادها اتغير وبقت بكره وبيقولو البت اميره هتتجوز بكره واحنا اتعزمنا وهنروح نخربها بقا💃💃😉

شهد بسرعه : قشطه يلا بقا اشوفك بكره يلا سلام ومتحدفيش مشابك فى بلكونتى تانى انتى فاهمه

مي باستغراب : بت انتى وراكى حاجه مالك متسربعة كدا ليه

شهد بهروب : بقولك ايه انتى رايقه بكره نبقى نتكلم انا هنام اصلا

مي بتعجب : ومن امتى بقى بتنامى بدرى كدا هه ؟!!

شهد بتوتر : مي انا داخله انام ويلا بقى متروقيش عليا اه بكره ابقى عدى عليا نروح الكليه مع بعض

مى : طيب بس مش هستنى كتير

شهد : ماشى يلا سلام بقى ودخلت بسرعه

مى وهى تنظر لطيفها باستغراب : اقطع دراعى ان مكان البت دي وراها حاجه يلا ياخبر النهارده بربع جنيه بكره يبقى بشلن بكره اقررها على رواقه امممم اما ادخل اكل بقى احسن انا جوعت منه لله قطع نفسى بس يستاهل زمانه في الجبس دلوقت دا لو مدخلش العناية كمان يلا اما ندخل نشوف المكرونة البشاميل دى احسن الواحد حاسس انه هبط كدا ودخلت تاكل البشاميل😂

----------------------------------------------------------

ف المستشفى

نور الدين بغضب : انا عايز اعرف مين اللى عمل فيك كدا ؟!

سيف بضيق وهو يرقد على فراش المرضى : يابابا وانا هعرف منين يعنى ؟

كريم ( صاحب سيف ).....خلاص يا عمى الحمد لله انها عدت على خير

نور الدين ينظر لهم بغضب ويخرج من الغرفه : ماشى اما نشوف أي أخرت طيشك دا ياسى سيف

كريم بغمزه : ها مش هتقولي مين اللى عمل فيك كدا ؟!

سيف بغيظ : حكاله كل حاجه

كريم بضحك حتى دمعت عيناه : هههههههههههههههههههههه يالهوى ياجدعان مش قادر ههههههههههههه بقى بنت تعمل فيك كده ههههههههههههههههه دا انت مستواك انحدر خالص 

سيف بغضب وهو يضربه ف كتفه : اتلم يازفت طيب انا اهو وانت اهو ان ما خليتها تجيلى ركعة وتقول انها بتحبنى مبقاش انا سيف

كريم بضحك واستفزاز : هههههههههههههههههههه ياراجل هههههههههه هو انت بقى فيك حيل اصلا

سيف بغضب وتحدي : بكره تشوف

كريم بتسلية : تراهنى

سيف بتحدى ومن غير تفكير : أراهنك وانا متأكد انى هكسب الرهان

كريم ببتسامه : قشطه يامعلم يبقى تعرفني عليها عشان اتفرج واشوف النتيجه

سيف : تمام ولنفسه بتحدى وشر ....... اما خليتك تجيلى راكعة مبقاش انا سيف يا كوره انتى ؟!!👿

-------------------------------------------------------

ف الجزيره

جميلة : فهد فهد و باستغراب ..... أي دا ؟!!

فهد باستغراب : أي فى أي ؟!!

جميله بفرح : انت بتقرا قرآن لوحدك

فهد بضحك : هههههههههههههه اومال انتى فاكرانى مبعرفش أقرا ولا أي ؟!

جميله : لا بس مبسوطه عشان هتدخل الجنه معانا

فهد : قولى يارب يا زئرده

جميله بمرح : يارب يا زئرده

فهد وهو يضربها على رأسها بلطف : 

- بطلى لماضه

جميله : عارف قطه بتقول ان احنا هنرجع بيتنا بكره

قطه من خلفها : دا لو عرفنا يعنى

فهد بستغراب : وايه المشكله يعنى عادى ؟!

قطه باستهزاء : هو ايه اللى عادى انت فاكر ان الحكايه سهله كدا احنا عارفين هنخرج منين ولا هنعمل أي وأي اللى ممكن يقابلنا في طريقنا واحنا ماشيين

فهد بتفكير : ان شاء الله نلاقى حل متقلقيش على الصبح اكون فكرت في حل

قطه : ماشى اما نشوف

جميله : اممممممم أي رأيك نعوم مش البحر دا ليه شاطئ الناحيه التانيه

قطه بضحك : ههههههههههه نعوم اى بس يلا يابت قومى نامى عشان هقومك تصلى الفجر ولو مقومتيش هدلق عليكى مايه مفهوم

جميله بضحك ومرح وجريت على جوا : ماشى

قطه وهى تدخل وراها : يلا تصبح على خير

فهد بسرحان وتفكير : وانتى من اهله 

ولنفسه.........لازم افكر كويس لان اي غلطه ممكن حد فينا يحصله حاجه 🤔

---------------------------------------------

ف منزل شهد

ندى بقلق من نظرات والدتها : أي ياماما بتبصيلى كده ليه ؟!

ايمان بضيق : مش عارفه ببصلك كده ليه مخلتنيش اقوله ليه اللى حصل هه مستنيه ايه اما تلاقيه دخلك بواحدة

ندى بضيق : ماما قلتلك يوسف بيحبنى و عمره مايعمل كدا وانا واثقه فيه جدا كمان

ايمان : ههههههههههه بيحبك هههههههههه طيب ابقى تعالى قبلينى كل الرجاله يا حبيبتى بيبقو عايزين يشوفو عيال ليهم ومدام عارف ان العيب مش منه يبقى هيتجوز عشان يخلف وبكرة تشوفي

ندى تنظر لها بضيق ولا تعلق على كلامها 😣😒..................

في غرفة شهد

شهد وهى تنظر لهاتفها بصدمه

شهد تكتب : نعم بتقول ايه نتقابل ازاى يعنى ؟!😲🙄

حازم يكتب : ............... 

-------------------------------------------------

ف منزل شمس

شمس بإستهبال : ملك مين بقا ؟!😂🤔

ادهم بغيظ : تانى انتى محرمتيش

شمس بضحك وذكاء : لا احنا اتفقنا انى متكلمش ف اى حاجه غير ملك لو بصيت للسؤال هتلاقى اسم ملك فيه صح ولا مش صح أنكر بقى😂😉

ادهم بنفاذ صبر : شمس لآخر مره بقولها لو ماتعدلتى هعدلك مسمعش حسك تاني اتكلمي جد مره في حياتك

شمس بضحك : هههههههههههه ما انا الجد بتاعى هزار

ادهم بذكاء : خلاص اتكلمى بهزار

شمس بضحك اكتر : منا الهزار بتاعى تهييس😂😂

ادهم بغضب : .......................

---------------------------------------------------------------------------------------------------

يترا فهد وقطه هيخرجو من الجزيره ولا لا 🤔😊 ولو خرجو هيخرجو ازاى😉🤔

ويترى اى حكاية حازم وشهد هترضى تقابله ولا لا🤔😉

واى حكاية ادهم وملك 🤔😉

كل دا هتعرفو قريب😉😌

قراءة ممتعه ليكو ومستنيه رايكوا وتشجيعكوا 😍

#رواية_القطه_التى_روضت_الفهد

الفصل الثانى عشر

في غرفة شهد

شهد وهى تنظر لهاتفها بصدمه

شهد تكتب بصدمه : نعم بتقول ايه نتقابل ازاى يعنى !!؟🙄😮😮

حازم يكتب ببتسامه : عادى يعنى مفيهاش حاجه انا بحبك وعايز اشوفك واتكلم معاكى

شهد بتفكير لنفسها : لا طبعا مش هينفع ازاى يعنى هروح اقعد مع واحد معرفوش، ولو حد شافنى بقى وجه قال لبابا او خالد دا مش بعيد يموتونى🤔😏 

شهد تكتب ف الشات : معلش يا حازم بس مش هينفع ممكن خالد اخويا يشوفنا مع بعض ؟

حازم : ياستى متقلقيش مش هيحصل حاجه ولا انتى عايزة تزعليني منك بقا 🙁

شهد تكتب : لا طبعا انا مقصدش بس يعنى

حازم : مبسش هنتقابل بكره ف كافيتريا ******** عارفاها ؟

شهد تكتب : ماشى ان شاء الله هبقى اشوف

حازم : برضو هتشوفى ، يابنتى انا بحبك مش معقول خوفك دا اكيد هحافظ عليكى يعنى😍😊 

شهد تكتب بتردد وحيرة : انا عارفه والله بس خلاص ماشى هاجى

حازم يكتب بفرح : قشطه جدا هستناكى

شهد ببتسامه تكتب : تمام

حازم يكتب : هاتى بقى رقم تلفونك عشان اعرف اقابلك

-- شهد بتردد بقت تكتب الرقم وتمسحه ومش عارفه تبعتهوله ولا لا --

حازم يكتب : أي يابنتى روحتى فين ؟!

شهد لنفسها : مدام بيحبنى عادى بقى

وكتبت : هنا اهو والرقم 010***********

حازم يكتب بابتسامه : تمام هتصل بيكى بكره بقى عشان اقابلك

شهد تكتب : تمام

ندى وهي تدخل عليها الغرفه فجأه : شهد 

شهد بتوتر وهي تغلق الفيس بسرعة وتنظر لها : ايوا

ندى باستغراب وشك : انتى قفلتى الفيس ليه ؟!

شهد بابتسامه متوتره : عادى يابنتى كنت بفكر انام

ندى بشك : اممم طيب انا هنام جنبك النهارده

شهد بفرح : بجد ؟!!

ندى وهي تجلس على الفراش : ايوة يا ستى يوسف مسافر وانا قولت ابات هنا بقى ، احسن انا لو قعدت انا وحماتي ف مكان واحد مش بعيد نخلص على بعض

شهد بقهقهة وهي تتوجه لتجلس بجوارها : هههههههههههههههههههههههههه ربنا يكون فى عونك والله

وبغمزه : معلش بقا يا ندوش كله عشان يوسف يهون ولا اى ؟! 

ندى بحب : عندك حق ، والله انتى متعرفيش انا بحب يوسف قد ايه ، اومال انا مستحمله رزاله وخنقة أمه دى ليه هه مهو عشانه

شهد بمرح : سيدى ياسيدى على الحب ربنا يسعدكو يارب

ندى بحزن : يارب ويرزقنا بطفل ينور حياتنا يارب

شهد وهي تعتدل في جلستها و بلؤم : مالك يابت هو فى حاجه ولا اي ؟!!

ندى بحزن حكتلها كل حاجه

شهد بصدمه فقد توقعت أن تقول ما قاله لها يوسف ولكن حدث ماﻻ تتوقعه😮😲😱

شهد بصدمه : هارسوح انتى بتقولى ايه يعنى العيب منه وانتى خبيتى عليه ؟!!

ندى بهدوء : ايوا امال كنتى عايزانى اعمل ايه يعنى انتى عارفه يوسف ممكن لو عرف حاجه زى دى كرامته تنقح عليه ويطلقنى عشان اتجوز واخلف ، وانتى عارفه انى مقدرش اعيش من غيره ، يوسف ياشهد مش مجرد جوزى دا ابنى وحبيبى وابويا وكل حاجه ليا ف الدنيا دى ، انا لما كنت هنا ف البيت مكنش فى حد مهتم بيا خالص اديكى شايفه يا ستى ابوكى على طول مسافر وبيجي يومين ويرجع وأما حد يكلمه يقول مهو كله عشانكم ، وامك المطبخ دا مكانها على طول يعنى عمرها ما صحبتنا زى أى أم

ثم قالت باستهزاء :

- وخالد اخوكي بقى اديكى شايفه عامل ازاى وبحب.....يوسف عوضنى عن كل دا بجد هو احسن حاجه حصلتلى فى حياتى احسن حاجه حصلتلى فى حياتى 

شهد بسرحان وهي تتخيل حازم : ياااه بجد ياريت الاقى حب زى حبك انتى ويوسف كده ويطلع بيحبنى بجد مش بيتسلى؟!🤔

ندى وهى تنظر لها بتركيز : لا ياشيخه وهو مين دا بقا ؟!

شهد بعد ان فاقت من سرحانها : هه اللى هقابله يعنى ويحبنى

ندى بهدوء : بصى ياشهد انا هقولك نصيحه خلى بالك من قلبك كويس ، كسرة القلب مش سهله خالص على فكره يعنى قبل ما تفكرى تديه لحد لازم تفكرى مليون مره وتتأكدى ان الشخص دا يستاهل فعلا مش اى حد يجى يقولنا انه بيحبنا نجرى عليه علطول فاهمانى

شهد بسرحان وتنهيده : ايوا فاهمه

ندى بابتسامه : ربنا يحميكى يارب ياحبيبتى ويبعتلك اللى يستاهلك

شهد بحب : يارب ويخليكى ليا ياقلبى وبتذكر وهي تخبط دماغها بكف يدها ........اوبس صحيح كنت هنسى خالص العيال جمعو بعض وهنتقابل نقضى يوم مع بعض بعد بكره ان شاء الله وقالوا اجيبك معايا اهو نغير جو ونستفيد من خبراتك يامعلم

ندى بضحك : هههههههههههه والله فكره قشطه جدا انا موافقه بس هتصل بيوسف الأول كدا واشوف رأيه أي 

شهد بتريقه : ماشى يا اختى اتصلى بيوسف باشا بتاعك شوفى رأيو اى و بمسكنه..... اه يا ميلة بختى يا انا إﻻ ماعندي حد أخد رأيه فى اى نيلة ف أم الحياه البائسه دهيت😂

ندى بضحك : وأمك يا اختى نسيتها ولا أي ؟!

شهد وهي تغمض عيونها و تتمدد على الفراش بتعب : بكره بقى ابقى اقولها يلا نامى بقى عشان هنصحى بدرى

ندى بابتسامه : لا مش هعرف انام الا لما يوسف يكلمنى عشان اطمن انو وصل

شهد تفتح عيونها وتنظر لها بغيظ : مرارتى ياعالم يابنتى راعى شعورى طاه اى الناس دى ، ماشى بكره اتخطب وانتقم منك اشد انتقام

ندى بضحك وهي تلقي عليها المخده : هههههههه ماشى يا اختى اتخطبى انتى بس وابقى انتقمي براحتك يلا نامى ياهبله

شهد وهى تنظر لها بغيظ : ماشى يا جزمة يلا هو انا ورايا أي غير النوم يعنى يلا تصبحى على خير

ندى ببتسامه : وانتي من اهله يا حبيبتى

شهد وهي تمثل النوم ولنفسها : ياترى حازم ده بيحبنى بجد ولا هيكسر قلبى فعلا ؟!!

ثم قالت بتنهيده : وياترى انا بحبه ولا مشدودة ليه بس عشان مهتم بيا وخلاص ؟!!! وأخذت تفكر به حتى غطت فى سبات عميق

-----------------------------------------------------

ف منزل شمس

أدهم بذكاء : خلاص اتكلمى بهزار

شمس بضحك اكتر : منا الهزار بتاعى تهييس😂😂

أدهم بغضب : خلاص قومى امشى من هنا بدل مطلع الضرب اللى فى الدنيا كله عليكى😡

شمس وهي تحاول كتم ضحكتها : خلاص هتكلم جد طيب انت مالك ومال ملك بقا مش فاهمه برضه ؟

أدهم بحب : بحبها

شمس تنظر له بصدمة ولا تعلق😮🙄

أدهم باستغراب لرد فعلها : فى اى يابت مالك بلمتى كده ليه؟!!

شمس بتساؤل : هو انت شفتها بعد مامشيت من هنا ؟🤔

أدهم باستغراب من سؤالها : لا مشوفتهاش

شمس بتعجب مضحك ومرح : اومال حبيتها إزاى باللاسلكى ههههه ﻻ تصدق لو نشرنا الموضوع دا على الفيس هيلم أعجاب قد كدا ونكتب تحته اى بقا ﻻتخرج قبل ان تقول سبحان الله😂😉

أدهم بغيظ : انتى هبله يابت ؟

شمس بضحك : لا اصل انت بتقول كلام مش معقول يعنى انا على ما اتذكر يعني لما كانت هنا وكنتو تتقابلوا كنت بتبص فى الارض يعنى من الاخر كدا انا اشك انك عارف شكلها اصلا وشوف بقى هى ماشيه من امتى تيجى انت دلوقتى تقولى إنك بتحبها طيب ازاى دا ياجدع أي حبتها فى صمت كنت عاملها على الضيق يعنى ومقولتوش لحد هههههههههههههههههههه😂😂

أدهم بغيظ : هو يعنى عشان ابقى بحبها لازم افضل مبحلق فيها واقعد اقولها فى كلام حب وبعدين انتى ناسيه حاجه مهمه جدا انى مسئول عنكو يعنى فكرة انى احب دى كانت غلط من الاول اصلا وكمان ياحلوه لازم احافظ عليها حتى من نفسى

شمس بذهول : ثوانى بس يعنى هو الحب غلط

أدهم بهدوء : لا طبعا انا مقصدش كده يا اذكى اخواتك اقصد انى مكنش ينفع أكلمها وعلقها بيا وانا مش جاهز للجواز والارتباط بيها

شمس باستهزاء وضحك : لا والله فالح وفضلت تحبها في صمت وف الآخر لا طلت بلح الشام ولا عنب اليمن وأخذت قلبك معاها وطارت😄

أدهم بضيق : انتى بتتريقى ؟!

شمس بضحك : لا حاشا لله انا اتريق عليك بردك انت اهبل يابنى مكنت لمحت لها حتى أو قلت لماما كانت قالتلها او قلتلى جاى دلوقتى بعد مامشيت تتكلم وتقول انك بتحبها

أدهم بغيظ وحزن : يعنى انا غلطان انى قولتلك يعنى وبعدين انا كان فى ايدى اى اعمله مش كنت بشتغل عشان مصاريف كليتك ومصاريف البيت جايه دلوقتى تتريقي وتقولى معرفش اى

شمس بعد ما حست انها غلطت قربت عليه وباست راسه وقالت

شمس : ياحبيبى والله مااقصد طيب ماتدور عليها

أدهم بضيق : دورت وروحت البيت اللى كانوا عايشين فيه مش عايز اقولك دوخت قد أي على ما وصلت له وفي الآخر لقيتهم عزلوا والبواب ميعرفش اى حاجه عنهم

شمس بمرح : اوبااااا عزلوا ياحلاوة طيب هتعمل ايه

أدهم : منا لو عارف مكنتش اتحوجت لوحده زيك اصلا

شمس بغيظ وغضب : اى الرخامه دى يا رخم ماشى ماشى خد الخبرة منى بقا

أدهم وهو ينظر لها بتركيز : اشجينى ياخبيره

شمس بمرح وضحك : اسجينى مايه😂😜

أدهم بغيظ : بطلى رخامه بقا انا مش ناقص

شمس بحنيه وهدوء بعد ماحست انو فعلا مخنوق اووى : طيب هقولك على حاجه اصبر ياحبيبى مقدماكش غير كدا واكيد ربنا ليه حكمة فى اللى حصلك دا وهيعوضك بعد الصبر دا خير كتير ان شاء الله بس اضحك كده من قلبك .. انت عارف ليه كل تأخيره وفيها خيره علشان ربنا عاوزك تصبر شويه ولما تصبر هيرزقك باللى كان نفسك فيه واحسن يعنى لو مكانتش هى ف هيرزقك بالاحسن منها أضحك بقى وبلاش جو الاكتئاب ده وسبها على الله ولو نصيبك يامعلم ربنا قادر يجمعكوا تانى 

أدهم بابتسامه : ونعمه بالله وبضحك .... تصدقى اول مره تقولى حاجه عدله لا برافو عليكى بجد

شمس وهى تقف بغيظ و تضربه في كتفه : بقى كده ماشى وبعدين يابنى دى مواهب مدفونه مستنيه اللى يكتشفها وبعدين مش حلوه فى حقك تكتئب كده وعندك اخت عسل وسكر زى دا انت تبوظ سمعتي في المنطقة كده ياعم يلا بقا تصبح على خير كفايه اوى كدا النهارده 

أدهم وهو يقف ويحتضنها بحب : وانتى من اهله ربنا يخليكى ليا ياحبيبتى

شمس وهى تبتعد عن حضنه باستغراب ومرح : لا مهو مش معنى انى اتساهلت معاك وضيعت وقتى الثمين وقعدت ارغى معاك تقوم تحضنى كدا انت فاكره مال سايب ولا أي🤔😏

أدهم بغيظ : تصدقى انا غلطان انتى مينفعش معاكى حنيه ابدا عايزه الضرب بالجزمة

شمس بضحك ومرح : ههههههههههههه لو جزمه غاليه غاليه يعنى معنديش مانع مطلقا

أدهم بغيظ وهو يجلس على الفراش : بره ياشمس وشدى الباب وراكى ومش عايز اشوف خلقتك تانى

شمس بمسكنه وضحك : هههههههه اخس عليك ياابو الاداهيم بعد ما اخدت غرضك منى ترمينى كده مااشى يا سيدي يلا الأرزاق على الله😂👌

أدهم بضحك : هههههههههههههه تصدقى تنفعى شحاته وهتلمى قد كدا كمان

شمس بغيظ وتوعد : بقى كده مااااااااشى اصطوبر عليا بس إما وريتك

أدهم بلامبالاه : قال اصطوبر قال اما تعرفى تتكلمى عدل إبقى تعالى كلمينى يا حلوة و يلا امشى عايز انام

* قالها وهو يتمدد على الفراش بتعب *

شمس : طاااايب بس نصيحه أخويه يعنى ياريت تبطل بحلقة ف السقف وتتخيل ست ملك والجو دا ماااشى عشان المره الجايه هلسعك قلم على قفاك افوقك لأن السقف المعفن دا ميتبصلوش اصلا😂😉

أدهم وهو يقوم من الفراش ويتجه نحوها : بقى كده طيب تعالى بقا

شمس تغلق الباب بسرعه وتجرى وهى بتضحك🏃‍♀️

ادهم وهو ينظر للباب المغلق أمامه : ربنا يهديكى ياشمس ويرجعك ليا ياملك يارب وبحزن....يعنى اما يجي الوقت اللى اقدر اخطبها فيه ملقهاش يارب رجعهالى يارب وأخذ يفكر بها ويدعو الله أن يقابلها مرة أخرى ويرزقه بها في الحلال حتى غطى في سبات عميق

-----------------------------------------

احيانا كثيرة تأتي بعض الأشياء لتعكر صفو حياتنا ونشعر أننا غير مقدر لنا السعادة فى هذه الحياة ونشعر أن القدر يعاندنا دائما ولكن نصبر فمن الممكن أن تكون السعاده مختبئة لنا حتى وقتها الصحيح عسى الأيام المقبله كلها خير بإذن الله😊😉

-----------------------------------------

ف الجزيره

قطه وهى تجلس ف الحجره ولا تستطيع النوم من كثرة التفكير فهي قد تعودت على هدوء هذا المكان ولا تريد أن ترجع لما كانت عليه فى السابق

قطه لنفسها بخوف : معقول ممكن ارجع تانى؟!! و ياترى هقدر اخد حقى فعلا ولا لا ثم أخذت تتذكر قسوة زوجة أبيها عليها وكرهها لها وتتذكر كل ما عانته من ظلم وقسوة عندما مات والديها فأخذت نفس عميق وقالت لنفسها بشجاعة : لازم ارجع حقى ، لازم ابقى قويه ، لازم اتخلى عن ضعفى دا ثم نظرت لجميله النائمة بجوارها وقالت : عشان خاطرك يا حبيبتى هرجع تانى وهبقى قويه وأرجع حقنا من مرات ابوكى وبتحدى وعند : لو حتى هيكون آخر يوم فى عمرى

وف الخارج...........

فهد بفرح : هى دى مقدمناش غير كدا وانا هبدا اجهز كل حاجه نحتاجها من بكره ونام والابتسامه مرسومه على شفتيه وسعيد بحصوله على فكرة خروجه من هذا المكان😊

-------------------------------------------

فى منزل آسر

آسر يجلس على فراشه بتعب ويقول لنفسه : يادى الليلة العسل مش هنام بقى والا اى استغفر الله العظيم يارب و بضيق : يعنى كان لازم يا ماما تجيبي سيرتها قدامي تاني

و بتنهيده : هتلاقيها دلوقتى متهنيه وفرحانه بالعريس الغنى وأنا هنا بغني ظلموه ومش عارف اتنيل انام ثم قال وهو يحاول النوم مرة أخرى : منا لازم انام وانسى ثم أغمض عينيه مرة أخرى وأخذ الكثير من الوقت حتى غطى فى سبات عميق

-------------------------------------------------

في صباح اليوم التالى 

ف الجزيره

قامت قطة قبيل الفجر بساعة وبدأت يومها بالتهجد ثم أيقظت جميله وفهد لصلاة الفجر وصلوها معا ثم دخلت حجرتها هي وجميله مره أخرى وجميله نامت أما هي فأخذت تقرأ الأذكار ثم قرئت ورد القرآن وجلست تستغفر ربها فترة من الوقت ثم رفعت يدها لأعلى وقامت بالدعاء لربها قائلة ...أستودعك يا الله حلمي الساكن في قلبي و الأمل الذي لا يفارقني ، و الرضا الذي يلزمني ، والرجاء الذي فيك لا يخيب يارب رجعلى حقى يااارب ثم اخرجت تنهيدة حارة من أعماق قلبها وقامت لتخرج لترى ماذا يفعل فهد ؟!

------------------------------------------------------

فى نفس الوقت فى الخارج

كان فهد استيقظ من نومه بعد ان نام مرة أخرى بعد الفجر، فستيقظ وهو يشعر بتعب شديد فى ظهره ﻻ يعلم هل هذا بسبب صلابة الفراش الذي ينام عليه أم بسبب صلابة جسده ،،،،،،

فهد بالم : اه يا عضمك يافهد ياﻻ كلها كام يوم وارجع لسريرى تانى و انام براحتى😃

قطه بابتسامة وثقة وهي تتوجه نحو فهد : صباح الخير

فهد ببتسامه وهو ينظر لها : صباح الفل

قطه : ها هنعمل أي فكرت ف حاجه

فهد بتأكيد وسعادة : طبعا فكرت بصى بقى ياستى احنا هنعمل............

---------------------------------------------------------------------------------------------------

يترا اى فكرة فهد وهينفذوها فعلا ولا لا😉🤔

واى اللى هيحصل مع ادهم ومين هى حريته دى وهيلاقيها ولا لا😉

كل دا هتعرفو قريب😉😌

قراءة ممتعه ليكو ومستنيه رايكوا وتشجيعكوا 😍

#رواية_القطه_التى_روضت_الفهد

الفصل الثالث عشر

فى الجزيره

فهد بتأكيد وسعاده : بصى بقى ياستى احنا هنعمل مركب

قطه باستغراب وصدمه : نعم مركب😮😱🤔

فهد : ................ 

---------------------------

ف منزل شهد

شعرت شهد بأشعة حارقة تسقط على وجنتيها لتفتح عينيها بكسل وهى تنظر حولها ثم تنظر لساعتها فى اللحظة التي دخلت عليها .............. 

مي بغيظ : قومى يا اختى يلا نموسيتك كحلى

شهد أشارت لها بالموافقة هاتفه بنعاس : طيب طيب

مي وهي تضربها بغيظ : هو ايه اللى طيب قومى يازفته ورانا محاضره انا مش قلتلك امبارح

شهد تقوم بخضة : اوووبس دا انا نسيت خالص 

مي بخبث : اللى واخد عقلك 😉

شهد بتوتر وهي تقوم من الفراش : والله انتى فايقه ورايقه وبعدين ايه اللى جابك عندنا الصبح كدا هه

مي بضحك : ههههههه قمت ملقتش حاجه اعملها قولت اجى اصحيكى عشان نروح مع بعض يلا اخلصي البسي بسرعه عشان منتأخرش وانا هستناكى بره

شهد بمرح : قشطات

وخرجت مى وشهد راحت تشوف هتلبس أي ؟!

---------------------------------------------------

فى منزل شمس

شمس بمرح وهى تخرج من غرفتها : صباح الفل

أدهم و رانيا بابتسامه : صباح النور

رانيا : يلا اقعدي افطري

شمس وهى تضرب أدهم فى كتفه : 

- قوم من هنا ياض دا مكانى

أدهم ببرود : انتى سمعتى حد قال حاجه ياماما ؟!

رانيا بضحك : هههههههه لا

شمس بغيظ وهى تنقل انظارها بينهما : بقى كده ماشى بس ابقو افتكروها

أدهم بضحك : ههههه هو أتوبيس ما تترزعى فى اى حته😂

شمس بغضب : اووووف ماشى 

وجلست على الكرسى المجاور

رانيا بابتسامه : عندك محاضرات كتير النهارده ؟!

شمس والطعام فى فمها : لا هو سكشن واحد وهنروح فرح اميره بالليل انا والعيال

أدهم بضيق وهو يمسك اذنها : قلت ميت مره متتكلميش والأكل ف بوك حصل

شمس بمرح : ههههههه مش فاكره الصراحه بس اعتبره حصل وسيب ودنى يا بني هنعس يا بني وهيبقى ذنبى فى رقبتك حرام عليك عايزة اتجوز انا 😂☺️

رانيا بضحك : ههههههههههههههه عايزه تتجوزى دا امه داعيه عليه اللى هيخدك

شمس : ناااااعم ليه يعنى ان شاء الله معيوبه ولا معيوبه لعلمك دا هيبقى حظه من السما و امه بتدعيله صبح وليل وليل وصبح مش بتبطل يعنى دا كفايه انه هيتجوز واحده فى شياكتى وثقافتى وعلمى النفيس ولباقتى وكيوت زى و

يقاطعها أدهم : بببببببس ببببس كفايه كدب بقى حرام عليكى احنا لسه فى اول اليوم

شمس بضحك وغمزه : احم احم تصدق عندك حق هههههههه انا بقول كفايه كده برضو عشان منأفورش يعنى😄😉

أدهم باستهزاء : هههههههه وانتى لسه مأفورتيش يالهووى ألطم ياناس 

شمس بضحك وغمزه : هههههههههه لا هات لطامة بالكهربا بتعمل احلى شغل واسأل بره ههههههه

رانيا : ههههههههههههههه ربنا يهديكى ياشمس وتعقلي كدا احسن اخوكى هيتجنن منك ارحمنى الواد شويه مش كده

شمس بخضه وضحك : هههههههه لالالالا بلاش الدعوه دى ياحاجه احسن السما تكون مفتوحة وتستجاب دا انا يحصلى حاجه لو عقلت وبعدين انا مبحبش الناس العاقله دى دول يجيبو اكتئاب ياحاجه والله والواحد يقعد جمبهم شوية يقوم يسح دموع

أدهم بتريقه : يسح دى بأى لغه دى🤔

شمس بضحك : ههههههههههههه بنفس لغة اصطوبر كدا بالظبط ولسه فى مواهب مبانتش مش بقولك كنز يابنى انتو مش عارفين مين اللى ساكن معاكو فى قلب البيت ده على وضعى والله

أدهم : لا حول ولا قوة الا بالله 

رانيا : استغفر الله العظيم

شمس بضحك : البقاء لله شوف الدنيا يااه حد يصدق ان دا كله يحصل ياﻻ هيييييح دنيا ولأدهم….بس معلش يعنى هو مين الى مات اصل محدش بلغنى والله😂😂🤔

أدهم وهو يقف ويقبل رأس رانيا : انا ماشى احسن هيحصلى حاجه وانا مش ناقص ربنا معاكى ياماما يلا سلامو عليكم

رانيا : وعليكم السلام فى حفظ الله يابنى

شمس بصوت واطى : هو انا عايزه استفسر على حاجه لو ممكن يعنى ياحاجه ؟!

رانيا بزهق : خير

شمس : هو انتى كل شويه دعوات لسى ادهم اﻻ ما افتكرتى الغلبانه اللى جنبك دى بحاجه هو انا بنت البواب وﻻ حاجه امممم بس احنا معندناش بواب يبقى بت مين بقا

رانيا وهي تتوجه للمطبخ تاركة إياها تحدث نفسها : عوض عليا عوض الصابرين يارب

شمس باستغراب : مالهم دول أي ياربي العيله دى بس مش مقدرنى خالص ياﻻ اﻻرزاق على الله

وبصوت عالي : انا نازله ياماما تعوزيش حاجه

رانيا من الداخل بصوت عالى : ﻻ خلى بالك من نفسك و متتأخريش

شمس بضحك : منا طبعا هاخد بالى من نفسى هو انا حلتى غيرها اخد بالى منها يلا توكلنا على الله وفتحت الباب ونزلت عشان تروح كليتها

-------------------------------------------------------

فى منزل شهد

خالد خرج من غرفته وتوجه نحو مي

خالد ببتسامه : اى دا مي عندنا يااهلا وسهلا بيكى ياعسل

مي بضيق ولنفسها : بدأنا عم الغتت جه

مي بابتسامه صفره : احسن منك ياخالد

خالد بغيظ : طيب ليه الرزاله دى بس ؟!

ايمان وندى وهم يتجهون نحوهم

ندى وهى تحتضن مي : ميوش ازيك

مي بابتسامه وهي تبادلها الاحتضان : حبيبى وحشتنى والله

ايمان بضحك : مالك اى خالد رزل عليكى ولا أي ؟!

مى بثقه : لا هو ولا عشرة زيه ياخالتو

ندى بغمزه : على وضعك يا اسطى

مي بفخر : احم احم طبعا يابنتى

خالد : بقولك يا مي أي

مي مقاطعة اياه : صحيح ياندى هتيجى معانا الفرح بالليل ؟!

خالد ينظر لها بضيق ولا يعلق

ندى بضحك : مش عارفه على حسب مزاجي

مي : هههههههه خلاص قشطه

شهد وهى تخرج من غرفتها بسرعه : يلا يابنتى اتأخرنا

مى وهى تقف ثم تنظر لها بانبهار : تمام يلا بس اى الشياكه دى كلها

شهد بثقه وغرور : طول عمرى يابنتى بس يلا بقى عشان منتأخرش

خالد بسرعه ولهفه وهو ينظر لمي : مي معلش كنت عايزك فى موضوع كدا

مي : معلش مش فاضيه بعدين ثم قالت وهى تنظر لشهد : يلا يابنتى

شهد : قشطه يلا

ونزلو

ندى وهى تنظر لخالد باستغراب : موضوع اى دا اللى عايز مي فيه ؟!

خالد بلامبالاه : متشغليش بالك انتى

ندى وهي ترفع حاجبها : طيب

---------------------------------------------------

فى الجزيره

فهد : طبعا اى رأيك فى الفكره

جميله من خلفه بفرح : حلوه اوووى وانا بعرف اعمل مركب بالورقة هعملكوا بقا وهتبقى حلوه والله😂

قطه باستهزاء : ههههههههههههههههههههههههههههههه برافو عليكى والله😂😉

فهد بغيظ : ياشيخه هنهزر

قطه بضحك : انا برضو اللى بهزر هتعمل مركب ازاى يعنى ؟!

فهد بهدوء : بالخشب انتي ناسيه ان الجزيره مليانه اشجار

قطه بستهزاء : لا بس فين الأدوات اللى هتستخدمها ياناصح🤔

فهد : هندور ونشوف ما هو على مااظن مفيش حل غير دا

قطه بتنهيده : خلاص ماشى ندور وماله

فهد : تمام يلا بينا روحى انتى وجميله من هنا وأشار فى اتجاه وانا هروح من هنا وأشار فى الاتجاه المعاكس بس متبعديش ماشى

قطه : تمام اما نشوف اخرتها

وراحو يدورو على حاجه تساعدهم

-------------------------------------

في مكان آخر

شخص 1 يتحدث في الهاتف بغضب : نعم يعنى ايه اللى بتقوله دا وازاى دا حصل ؟!

شخص2 بخوف : ياباشا والله ماعرف بس انا شوفت فهد باشا على الجزيره والله معرفش راح هناك ازاى 

شخص 1 بزعيق وغضب : انت بتستهبل وجاى تقولى دلوقتى ياحيوان ؟!

شخص 2 بتوتر : حقك عليا يا باشا بس كان لازم اتأكد الاول

شخص 1 بتريقه : واتأكدت يافالح

شخص2 : ايوا يافندم وسألت شركة الطيران وعرفت ان الطياره اللى كان راكبها لقوها واقعة فى البحر

شخص 1 بتفكير : اممممم كدا انا فهمت

شخص2 : طيب هنعمل ايه دلوقتى ياباشا ؟!

شخص1 : انا هقولك تعمل ايه بص.................*هنعرف بعدين😉😃 * 

شخص2 : تمام ياباشا هنفذ دلوقتى 

شخص 1 بغيظ : تمام يلا غور ومش عايز غلطه مفهوم

شخص 2 : مفهوم سلام ياباشا

شخص 1 وهو يغلق هاتفه و بتنهيده قال : اتمنى فهد ميكونش عرف حاجه ربنا يستر

-----------------------------------

ف الكليه

مى ماشيه سرحانه

شهد بمرح : ها وصلتى لحد فين كدا ؟!

مي فاقت من سرحانها : هه

شهد : لا دا الموضوع كبير اووى بقى

مي بحزن وتنهيده : عادي

شهد وهى تنظر لها بتركيز : مالك يابت فى أي ؟!

مي : .........................

---------------------------------------------------------------------------------------------------

يترا مين الشخصين دول واى علاقتهم بفهد 🤔😉

ويترا هيلاقو ادوات يعملو مركب ولا هيخرجو ازاى😉

ويترا مي ملها وخالد ليه علاقة بالموضوع ولا لا وسيف هيعمل اى مع مي 😉🤔

كل دا هتعرفو قريب😉😌

قراءة ممتعه ليكو ومستنيه رايكوا وتشجيعكوا 😍

#رواية_القطه_التى_روضت_الفهد

الفصل الرابع عشر

شهد وهى تنظر لها بتركيز : مالك يابت فى أي ؟!🤔

مي بضيق : خالد

شهد بتركيز : خالد اخويا ؟!!

مي : ايوا

شهد باستغراب : مالو !!

شمس من خلفهم بمرح : صباح اللى بتغنى بتلكو فى اى من غيرى يا اندال انتو

شهد بضحك : ههههههههههههه احنا نقدر ياباشا

شمس وهى تنظر لمي وبغمزه : كيف احوالكم أيها البؤساء ؟😂😉

مى بغيظ : والله انتى رايقه

شمس بضحك ومرح : قل أعوذ برب الفلق حابس حابس قالع لابس أي يا حقنه مالك🤔😏

شهد : كانت لسه هتتكلم انتى طبيتى ها فى أي بقى قولى ؟!

مي : بعد المحاضرة بقى

شمس بضحك : يلا هتلاقى المسهوك جه😄

شهد ومى : هههههههههههههه تانى

شمس : ههههههههههه يلا

ودخلو المدرج يحضرو المحاضرة

----------------------------------------------------------

امام المسجد

دلف أدهم الى المسجد الذى لايرتاح إلا فيه ولا يجد هذه الطمأنينة التي تتغلغل داخل قلبه إلا فى هذا المكان الطاهر وما ان دخل حتى قام بالوضوء ثم وقف فى الصف الاول وصلى وبعد انتهاء الصلاة جلس يختم الصلاة ثم قال بدعاء وهو يرفع يديه لأعلى....اللهم آنس قلوبنا بذكرك واملأ أرواحنا بحبك و اقر اعيننا بقربك وأسعدنا فى الآخرة بجوارك ومتع أبصارنا فى الجنة بالنظر إلى وجهك الكريم يالله وبعد أن دعا وأخرج ما فى قلبه إلى خالقه وترك أمنيته تصعد إلى السماء ولا يخلو دعائه لحريته أن يحفظها الله وتعود اليه ويرزقه الله بها فى الحلال

الشيخ وهو يجلس بجواره : ازيك يا ادهم عامل أي يابنى

أدهم بابتسامه وتنهيده : الحمد لله ياسيدنا حضرتك عامل أي

الشيخ : الحمد لله قولى انت اخبارك أي فى الحفظ

أدهم بابتسامه : الحمد لله محافظ على الورد بتاعى يوميا

الشيح : ربنا يحميك يابنى ياريت كل الشباب زيك كده والله كانت الدنيا اتغيرت

أدهم بابتسامه : مفيش حد زى التانى ياشيخنا ثم قام وقال : يلا عن اذنك بقى عشان هرجع الشغل تانى أي خدمات

الشيخ : ربنا يحميك يابنى تشكر مع السلامه

أدهم : السلامو عليكم

الشيخ : وعليكم السلام

وخرج ادهم وتوجه نحو مقر عمله بعد أن أدى فريضته😍😊

------------------------------------------------------

ف الجزيره

قطه بضيق : مفيش اى حاجه يلا نرجع انا تعبت واحنا بعدنا اوى

جميله بتعب : اه يلا وانا كمان جعت اوى

قطه : ماشى يلا

ولفوا عشان يرجعو قابلو فهد

فهد وهو ينظر لهم باستغراب : أي لقيتو حاجه

قطه : ولا الهوا

فهد بضحك : ولا انا

جميله بضيق : يعنى ايه مش هنرجع بيتنا تانى ؟

فهد بتنهيده : لا ان شاء الله هنلاقى حل يلا بينا نرجع احسن احنا بعدنا اوى

قطه وجميله : يلا

وأخذوا طريقهم للرجوع لمكانهم

----------------------------------------

ف الكليه

كريم بملل : أي يابنى هى فين🤔😏

سيف وهو ينظر حوله : مش عارف يمكن عندها محاضره ولا حاجه

كريم بزهق : يعنى هقف كتير

سيف بغضب : متصبر بقى ياكريم اى الزن دا

كريم : طيب

سيف بلهفه وهو ينظر فى اتجاه ما : اهى جايه هناك اهى

كريم وهو ينظر فى نفس الاتجاه بدقة : انهى واحده

سيف يشاور على مي : اللى فى النص القلبوظه دى👆

كريم فى نفسه : هارسوح دى مي مش معقول ؟!!😮😏

عند البنات.......... 

شهد : هنروح ولا اى

شمس : لا هنروح نشوف ست مي مالها

مي بإستهبال : ليه هو انا مالى منا زى الفل اهو

شهد بغمزه : ياراجل😉

مي : طبعا

شمس : لا بجد فى اى

مي بملل : مفيش ياستى خالد اخو شهد كان قالى انه بيحبنى وعايز يتجوزنى تخيلو

شهد وشمس : نعم يااختى

مي بضحك : زى ما سمعتو كدهون

شهد باستغراب : غريبه

شمس بضحك : جدا جدا

مي : اومال انا اقول اى بقى دا انا قولت الواد دا اتجنن ولا أي

شهد : ههههههههه والله مش هو اخويا اهو بس تبقى هبله لو عبرتيه دا مبيبطلش كلام على النت مع البنات

مي بضحك : مهو انا قولتله كدا ورفضته

شمس بضحك : خلاص فكك بقا وبعدين يابنتي السنجلة جنتلة والارتباط احباط دا اﻻرتباط كله نكد فى نكد معادا لو جه اللى بحلم بيه طبعا اللى هو المستحيل دا مش هيبقى نكد ولا حاجه😂😉

مي وشهد : ههههههههههههههههههههههه

مي : عندك حق والله دا حتى من اسمه ارتباط جاى من الربطه والخنقة

شهد : هههههه ﻻ بقى مش كله

شمس باستهزاء : يابنتى الحب دا مجرد استهبال لذيذ😉

مي بضحك : حمار بيكدب

شمس بضحك مماثل : وبقره بتصدق خلصانه بخازوق معتبر هههههههههههه😂😂

الكل : ههههههههههههههههههههههههههههههههههههه

شمس بضحك : استنى هشرحلها بالتفاصيل بصى ياستى اول مرحله فيه بداية من أنت سندي وضهري والبنكرياس والكلام دا مع سرعة ضربات القلب تؤدي الى خروج كلمات ممحونه تمام وبعد كده تلاقيه اتسجل على الفون بحب عمرى و هييييح بقى وبعد كدا يقولك اى بقى امسحي كل الولاد اللى عندك على الفيس وقرايبك متكلمهمش واحتمال يقولك متروحيش عندهم اصلا و بعدين يروح واخد منك الباسورد بتاع الفيس الواد بيغير بقى حقه طبعا مش راجل ولا اى بعد كده بقى هيقولك ابعدى عن صاحبتك دى مش مطمن لها وقربى من دى ويقعد ينقيلك فى اصحابك بعد كدا بقا ياستى مرحلة الاغاني والشعر تبعتو لبعض اغانى بداعى الرومانسيه الممحونه دى فيقعد يبعتلك ف اغانى وانتى تردى عليه بااغنيه يبعتلك شعر وانتى بتردى عليه بشعر بردك و تقرفونا , بعد كدا ندخل على مرحلة انتى مراتى وام العيال وتقعدو بقى تتفقوا هنخلف كام عيل ومعرفش اي والمصيبة انكو بتبقو مصدقين نفسكم انكم هتكملو فى الآخر، بعد كدا بقى يا حلوة مرحلة النكد تقعدى فاتحه الفيس ومراقبة فى صمت ولو عمل لايك ولا كومنت لبنت يبقى ليلته سوده و مطينة بطين وفى هذه المرحلة يتاخد اسكرين شوت والليلة تتقفل بنكد طبعا زى اى بنت مصريه اصيله يعنى ازاى يتعملها لايك يعني وحتى لو الايك دا اتعمل غلط و شالها فى نفس الدقيقه دى برضه بيتلقط الاسكرين فى ثانيه متفهميش ازاى واحلى حاجه فى البنات هنا بقى ان عندهم خاصية الانتربول وموهوبين فى التجسس وهيبدأ الشك بقى ياحلوه هتشكى انو بيخونك فى الثانيه خمسين مره ويبدأ بقا الوسواس القهرى يشتغل و اللى بعدو بقا على طول مرحلة البلوك ودا لازم تعملو بلوك لبعض مش أقل من 5 مرات وبعد كدا يتلغى وترجعوا تتكلمو تانى وبعد الليله دى كلها بقى ياحلوه كل دا بينتهى بخازوق شفاف سريع الخلعان بجملة انتى تستهلى حد احسن منى فتروحى تنزلى دمعتين كنتى محوشاهم لوقت عوزه زى دى كدا وتكتئبى شويه وتقرفينا معاكى وكل شويه تشيلى صورة الواتس والفيس ومحدش بيبقا فاهم دا بلوك ولا تخلف عقلى ولا اى ظروفك فبلاها وجع القلب دا احسن ولا أي بقى😂🤔

-- دا كله ومى وشهد واقعين من الضحك على كلامها --

مي وشهد بضحك حتى دمعت عيناهم : ههههههههههههههههههههههههه كفاية

شهد : حرام عليكى ياشيخه سديتي نفسي عن الحب والله الحب دا اجمل شئ فى الدنيا

مي : الاجمل من الحب انك تحس ان فى حد بيحبك وبيخاف عليكى بس شمس جابت الخلاصة👌

شمس بضحك : هههههههههههه اى خدمه وبعدين دا لعب عيال وناس قاعده بتتسلى دا مش حب اصلا يلا بقا احنا ملناش غير بعض فى الآخر وهنقعد جنب بعض كده قعدة المطلقين متقلقوش احنا كدا على وضعنا

مي : هههههههه طيب يلا ياختى انتى وهيه عشان نظبط نفسنا عشان الفرح كفايا رغى

شهد بتردد : لا انا عندى مشوار كدا هخلصه الاول

مي باستغراب : مشوار اى دا🤔

ترررن..... ترررن

يرن تليفون شهد وشهد تتوتر لان اللى بيرن حازم

شمس باستغراب لعدم ردها على الهاتف : متردى يابنتى مالك

شهد بابتسامه مصطنعه : لا دا خالد هطنشه مش ناقصه رخامه بقى ، بقولكوا اى همشى انا بقى عشان متأخرش

مي باستفهام وفضول : ايوا يعنى متتأخريش على أي بقى😏

شهد بسرعه : بعدين بعدين ومشيت بسرعه

شمس وهي تنظر لمي باستغراب : انتي فاهمه حاجه

مي : ولا الهوا بس البت دى وراها حاجه انا قلبى مش مطمن يا اوزعه

شمس بضحك وغيظ : هههههههههههه بطلى اوزعه دى بدل ما اضربك و يلا نمشي وبعدين نبقى نشوف الموضوع دا

مى بضحك : يالا يااختى

ومشيوا

------------------------------------------------

على الجانب الآخر

سيف وهو يضرب كريم بغيظ : سرحان فى ايه يازفت ما مشيت خلاص

كريم بعد أن فاق من سرحانه : هه لا مفيش ولنفسه..... امممم طيب هعمل ايه بقى فى الوقعة دى ثم

بابتسامة بعد أن خطرت على باله فكره .... طيب والله فكرة حلوة😄

سيف بغيظ : انا عايز افهم انت بتضحك على أي

كريم وهو ينظر له بابتسامة : لا مفيش يا اخويا يلا ورينا شطارتك بقى وهنشوف هتكسب الرهان ولا هيروح عليك

سيف بتوعد : تمام هتشوف انا هعمل فيها اى😈

------------------------------------------

ف الجزيره

فهد وقطه وجميله بصدمه وذهول بعد مارجعو : ايييييييه دا مش معقول ؟!😮😱😱

--------------------------------------

فى منزل آسر

يجلس كل من فريدة وآسر امام التلفاز

فريده بهدوء : مش هتروح كليتك

آسر بألم : لا

فريده بحزن على حال ابنها : براحتك بس لتانى مره محدش يستاهل اللى بتعمله فى نفسك دا وهى هتتجوز اهى وانت زى ماانت

آسر بغضب وهو يقف ويتجه لحجرته : ماشى ياماما سبينى براحتى بقى

فريده بدعاء : ربنا يريح بالك يا بني يارب

آسر لنفسه والدموع تنهمر من عينيه : لازم اروح الفرح دا لازم عشان انهى الموضوع دا للأبد

-------------------------------------------------------------------------

فى الكافيه

شهد واقفه تنظر فى جميع الاتجاهات وجميع الوجوه التى تمر من امامها 

شخص من خلفها : ازيك ياشهد

بتبص شهد تلاقى....................

---------------------------------------------------------------------------------------------------

يترا فهد وقطه شافو اى صدمهم كدا😉🤔

ويترا شهد هتعمل اى مع حازم 😊😉

كل دا هتعرفو قريب😉😌

قراءة ممتعه ليكو ومستنيه رايكوا وتشجيعكوا 😍

الفصل الخامس عشر

ف الجزيره

جميله بفرح وهي تشير بيدها فى اتجاه ما : الله انت اللى عملت دى , دى حلوة اوووى😄

فهد وهو ينظر للطائرة الموجودة أمامه بصدمه وذهول : جت منين دى ؟!🤔🤨

قطه بذهول وهي تنظر حولها بتوتر : مش عارفه

فهد بقلق : ايه الهبل دا بقى هى الجزيره دى مسكونه ولا اى🙄😏

قطه بتوتر : طيب احنا هنعمل ايه دلوقت

جميله بطفولة : هنركبها ونروح بيتنا بقى

فهد بتفكير : فعلا احنا مقدمناش غير كدا يلا لمو حاجتكم عشان نمشى

قطه وهى تنظر للطائرة بقلق واستغراب : طيب برضو جت ازاى دى ؟!

فهد وهو يقترب من الطائرة ليفحصها : مش مهم المهم انها توصلنا يالا بسرعه

قطه وجميله وهم يتوجهون للداخل لجلب متعلقاتهم : ماشى ودخلو بسرعه

فهد وهو يفحص الطائرة : امممم كل حاجه تمام بس جت ازاى دى بس مش معقول جت لوحدها يعنى

وبعد شويه..................

قطه من خلفه : احنا جاهزين يلا

فهد وهو ينظر لهم : تمام وفتح لهم باب الطائره وركبو

وركب هو كمان وانطلقوا

---------------------------------------------------------------------------------------

فى الكافيه

شهد واقفه تنظر فى جميع الاتجاهات وجميع الوجوه التى تمر من امامها 

شخص من خلفها : ازيك ياشهد

بتبص شهد تلاقى شخص طويل ملامحه عاديه قمحاوى البشره ذات عيون بنية وشعر اسود ناعم 

شهد بإحراج من تأملها به : احم حازم مش كدا☺️

حازم بابتسامه : ايوا يا ستى حازم وشد ليها الكرسى :

- يلا اتفضلى اقعدى

شهد وهي تجلس باحراج : احم شكرا ولنفسها....يعنى انا اتكلم معاها على النت زى الفل واشوفه اتكسف كدا اوووف بقى

حازم وهو يجلس أمامها : العفو على ايه انتى متعرفيش انا مبسوط قد ايه انك قاعده معايا دا انا بحلم باللحظه دى من زمان اوووى

شهد بابتسامة خجل : ياااه للدرجادى😌☺️

حازم وهو يمسك يدها بحب : طبعا انتى مش عارفه انا بحبك قد ايه

شهد وهى تنظر ليدها الموضوعة فى يده وبتحاول تسحبها بتوتر : احم ايدى ممكن حد يشوفنا

حازم وهو يمسك يدها بقوة حانية : متقلقيش وبعدين احنا بنحب بعض محدش ليه عندنا حاجه ولا أي

شهد بابتسامه : ماشى طيب انت هتيجي تتقدملي امتي بقي

حازم بصدمه : اتقدملك بسرعه كدا ؟!😮🤔

شهد باستغراب : مش انت بتقول انك بتحبنى يبقى فين المشكلة بقى وبعدين انا حاسه انى بعمل حاجه غلط وانا قاعده معاك كدا من ورا اهلى

حازم بابتسامة : ياحبيبتى انا لسه معترفلك بحبى امبارح وكمان مش متاكد من حبك لسه يعنى اكيد مشاعرك ليا متلخبطة فنستنى شويه كده و اجى اتقدملك علطول وكمان على ما اخويا يجى من السفر عشان يبقى معايا حد وانا جى اقابل ابوكى

شهد بابتسامة اطمئنان : خلاص ماشى مفيش مشكله

حازم بضحكه : تمام قوليلى بقى عملتى ايه فى يومك النهاردة

شهد بفرح من اهتمامه : انا قومت من النوم و............*وبدأت تحكي له اللى حصل فى يومها وفي

حياتها عموما *

وبدأت حكاية حازم وشهد

----------------------------------------------------------

شخص1 وهو يتحدث فى الهاتف : ها كل حاجه تمام ولا عكيت الدنيا

شخص2 : عيب عليك ياباشا كله تمام وهتلاقيه فى الجو دلوقتى

شخص 1 بارتياح : تمام اوووى كدا يلا سلام

شخص2 : سلام ياباشا

--------------------------------------------------------

وبعد مده ف الطياره

ف الجو

جميله بفرح : الله حلوة اوووى الطياره دى ثم قالت وهى تنظر للبحر من شباك الطائرة......بصى البحر اهو يعنى احنا دلوقتى فوق البحر

قطه بسرحان ولنفسها : معقول انا هرجع تانى للى كنت فيه

جميله باستغراب لعدم ردها : قطه

قطه ببتسامه بعد ان فاقت من سرحانها : ايوا يا حبيبتى

جميلة : هو احنا هنروح أنهى بيت

قطه بهدوء : هنروح بيت جدو لحد اما افكر هرجع حقى ازاى وبتحدى لنفسها ...... ولازم ارجعوا حتى

لو هموت

----------------------------------------------------------------------

فى الكافيه

شهد بخضه وهي تنظر للساعة فى يدها : يانهار ابيض انا اتأخرت اووى ولحازم : معلش انا لازم امشى ووقفت

حازم وهو ينظر لها بضيق مصطنع : علطول كدا دا انا ملحقتش اشبع منك

شهد بابتسامة حب : معلش بقى هكلمك بالليل بعد ما اروح من الفرح

حازم بابتسامة : ماشى وابقى صوريلى اللى هتلبسيه مش عايز حاجه ملفته هه اصل انا بغير اووى

شهد بفرح : ماشى يلا سلام

حازم بابتسامة : سلام

---------------------------------------------------------------------

ومر اليوم عادي جدا وبالليل

فى منزل شمس

شمس وهى تخرج من غرفتها : انا ماشية ياماما

أدهم بإعجاب : اى الحلاوة دى كلها 

شمس بثقة : طول عمرى يابنى😊

( شمس كانت لابسه فستان بسيط لونه نبيتى وفى حزام باللون الدهبى وطرحة باللون الذهبى وكان شكلها حلو جدا ) 

أدهم بغمزه : ايوا يا واثق انت😉

رانيا بابتسامه : ربنا يحميكي يا بنتي ياارب ويرزقك باللي يسعدك ويهنيكى يارب

شمس بدعاء : ياااااااااارب 

أدهم بغيظ : مستعجله اوى انتى هه

شمس : ههههههههه احم بهزر بهزر يلا بقا عشان توصلنى

أدهم : سواق سيادتك أنا مثلا

شمس بضحك : ههههههههههه دا على اساس ان احنا عندنا عربيه مثلا ولا حاجه انت يابنى حافظ مش فاهم

أدهم بضحك وهو يقف : ههههههههههه بقى كده ماشى يلا انجرى قدامى

شمس بغيظ : انجرى فى حد يقول لآنسه فى جمالى كده انجرى بيئه اووى يعنى شكلك كدا معندكش اى خبرة فى التعامل مع الجنس اللطيف😂

أدهم بضحك حتى دمعت عيناه : هههههههههههههه جنس لطيف هههههههههههههه بأمارة ان بناطيلى وتشيرتاتى بتتحول من عندي لعندك وتقوليلى جنس لطيف هههههههههههههه دا اللى هو ازاى بقى يعنى مش فاهم ؟!😂😏 

شمس بمرح : احم لا خالص مش انا اللى بعمل كده روح شوف بقى مين اللى بياخد هدومك انا مليش دعوه اكيد فى حرامى وسطينا

أدهم باستهزاء : لا ياشيخه ؟!!!

شمس بضحك : طبعا

رانيا بحب : ربنا يحميكم يارب يا حبايبى ويخليكوا ليا وافرح بيكو قبل مااموت

شمس وأدهم وهم يتجهون نحوها فى سرعة ويقبلون رأسها ويقولون معا

شمس وأدهم : بعد الشر عليكى ياست الكل

شمس : ربنا يخليكى لينا يا رورو يارب دا انتى ست الكل فى البيت دا هو احنا نقدر نعيش من غيرك برضه

رانيا بضحكه : ايوه يا بكاشه كلى بعقلي حلاوه كلى

شمس بمرح : انا برضه يا رورو تعرفى عنى كده برضه 

رانيا : هههههههه لا يا حبيبتى انا معرفش عنك غير كدا ويلا بطلى لماضه عشان متتأخروش وخدو بالكو من نفسكو

شمس : قشطه يلا بينا

أدهم وهو يقبل رأس والدته : يلا دعواتك ياأمي هوصل البت دى واجى يلا سلامو عليكم

رانيا بدعاء : وعليكم السلام ربنا يحميكم يا ولادي يارب

----------------------------------------------------

فى منزل آسر

آسر دخل اخد شاور ولبس اشيك بدله عنده وكان فى منتهى الروعه والشياكه وخرج من اوضته بثقة

فريده باستغراب لملابسه : على فين بالشياكة دى كلها يابنى ؟!!

آسر بضحكة سخريه وألم : رايح فرح خطيبتى😣

فريده بصدمه : ايييييه ؟!!!

آسر بهدوء : زى ما سمعتى كده ياماما 

فريده بذهول : يعني انت بتتكلم جد ؟!

آسر ببرود : اكيد طبعا مش لازم اروح اشوف اللى فضلتني عليه برضه

فريده بحزن على حال ابنها : انا مش عارفه انت بتعمل فى نفسك كده ليه يابنى بس

آسر وهو يخرج من المنزل : لازم اعمل كدا عشان اشيلها من قلبى خالص سلام

فريده بدعاء : ربنا يريح بالك يا بني يارب

-----------------------------------------------------------

فى منزل شهد

طق.......طق......طق

ندى وهي تتوجه لتفتح الباب و...............

شمس بمرح وهي تدخل المنزل : السلامو عليكم

ندى بفرح وهي تحتضنها : وحشانى يا اوزعه عامله أي

شمس وهى تبتعد عنها بضيق : برضو اوزعه والله انا لابسه كعب يابنتى ارفعو من معنوياتي شوية مش كدا الله😅

ايمان بضحك : تعالى ياشمس اتفضلى

شمس وهي تتوجه نحوها وتقبلها : ازيك ياطنط

ايمان : الحمد لله ياحبيبتى

شمس وهى تنظر لندى باستغراب : انتى مش جايه معانا ولا أي ؟!

ندى : لا مليش مزاج بس هخرج معاكو بكره القعدة اللى بتقعدوها دى حلوه اوى 

شمس بمرح وفخر : طبعا مش اى حد يابنتى

شهد وهى تخرج من غرفتها : اهلا الصداع جه

شمس وهى تنظر لها بانبهار : اى الشياكه دى وقال بيقولو عليا حلوه

شهد بضحك : ايه رأيك

شهد كانت لابسه فستان لونه سيمونى فى دهبى برضه وطرحه دهبى وكانت جميله جدا ) ) 

شمس : تحفه واحلى حاجه فكره ان كلنا نلبس نفس لون الطرحه

ندى بابتسامه : فعلا شكلكو حلو وهتاخدو كدا الجو من العروسه

شمس وشهد : هههههههههههههههههه

خالد وهو يدخل عليهم وبصوت هادى : السلام عليكم ازيك ياشمس

شمس بمرح : اهلا ياخالد عامل ايه انت مالك خرع ليه كدا انشف يابنى كده شوية وخليك حمش😂😉

الكل : ههههههههههههههههه يخربيت لسانك

ندى بضحك : اشرب بريل

الكل : ههههههههههههههههههههه

خالد بغيظ وهو ينظر لشمس : خلصتوه ماشى ياشمس ابقى افتكريها

شمس بمرح : احم احم اسفين ياصلاح

شهد : يلا يابت عشان نشوف مي عشان نلحق الفرح من اوله

شمس وهى تقف : قشطه يلا سلام ياجماعه

وسلمت عليهم ونزلو راحو لمي

-----------------------------------------------------

بعد شويه

ف حجرة مي

شهد بضيق : اخلصى بقى ابوس ايدك كل ده بتلبسي

مي بضيق وهي ترى نفسها فى المرآه : الله اعمل اى يعنى الفستان اضيق عليا

شهد بضحك : هههههههههه ماانتى اللى مفجوعه و متبطليش اكل نعملك ايه بقا

مي تبصلها بغيظ : اخرسي يابت

شمس وهي تدخل عليهم : يلا يا مي بقا مش معقول كل دا ؟! 

مي : اوووف خلاص امري لله هجيب الفستان الجديد بقى خساره فيها والله

شهد بضحك : هههههههههههه ياعيني لا صعبتى عليا والله

شمس باستغراب : انتى مش عايزه تروحى ولا اى ؟!

مي بضحك : لا طبعا انا ريحه مش هيبقى فى بوفيه ومرحش يحصلى حاجه والله😂

شهد وشمس : هههههههههههههههههههه يامفجوعه

شمس : وانتى رايحه ليه ياشهد مش مبطيهاش من ايام المدرسه

شهد بغيظ : اه والله بس هيعملو الفرح فى قاعه حلوه اووى وانا نفسى اووى ادخل القاعه دى

شمس بضحك : هههههههههه والله مجانين واحده رايحه للأكل و واحده رايحه للقاعة الطم وﻻ اجيب لطامة بالكهربا

مي بضحك : هههههههه ﻻ الطمى انتى الكهربا جاية غاليه الشهر دا مش ناقصين

شهد : هههههه طيب وانتى رايحه ليه بقى يا فالحه ؟!!

شمس بضحك : ههههههههههههه رايحه اشوف مين الاهبل اللى اتجوزها😂😂

الكل : هههههههههههههههههههههههههههههههه

مي وهى تخرج فستان من الشنطه وكان فستان لونه زهرى وفيه فصوص باللون الذهبى وكان فعلا خطير

مي ببتسامه : ها ايه رأيكو

شهد بانبهار : وووووواووووو

شمس : خطير بجد عندك حق والله فعلا خساره فيها

شهد بسرعه : يلا بقى بسرعة عشان نلحق الفرح من اوله

مي وهى تتجه نحو الحمام : قشطه هغير واجى بسرعه

شهد وشمس : تمام

وراحت تغير وهما قعدو يستنوها

------------------------------------------

فى المطار

بعد ما وصلو

فهد بابتسامه : حمدلله على السلامه

جميله بفرح : هييييه رجعنا تانى

قطه بابتسامه وهي تنظر لفهد : شكرا جدا

فهد بابتسامه : العفو على ايه دا انا اللى المفروض اشكرك دا انتى خلتينى انسان جديد

قطه بابتسامه : ﻻ انا معملتش حاجه انا كنت مجرد سبب زى ماانت كنت سبب انى ارجع هنا تانى يعنى احنا كدا خالصين وفرصه سعيده جدا وشكرا مره تانيه يلا عن اذنك بقى

فهد بخضه : ايه دا يعنى انا مش هشوفكو تانى

فهد ...مش معقول - مين- 

يقولها شخص بذهول من خلفه

يبص فهد يلاقى............................

------------------------------------------------------------------------------------------------

يتر اى اللى هيحصل فى الفرح دا🤔😂

ومين اللى نده على فهد 🤔😊

كل دا هتعرفو قريب😉😌

قراءة ممتعه ليكو ومستنيه رايكوا وتشجيعكوا 😍

#رواية_القطه_التى_روضت_الفهد

تعديل المقال