💞الحلقه التانيه والتالته من روايتكم💞كل_هذا_الحب(عشق_حنين) 💞 بقلم دي دي فتحي كامله على مدونة النجم المتوهج للروايات

 💞الحلقه التانيه والتالته من روايتكم💞كل_هذا_الحب(عشق_حنين) 💞

بقلم دي دي فتحي

كامله على مدونة النجم المتوهج للروايات

🙏كلمتان خفيفتان علي اللسان حبيبتان الي الرحمن ثقيلتان في الميزان *سبحان الله وبحمده سبحان الله العظيم)🙏

                       💐 قراءة ممتعه 💐

👈بعد عده ايام من محادثات إبراهيم وحنين علي الخاص لم تدرك حنين إن ابراهيم أناني كمعظم الشباب وذئب كبير مثله مثل غيره لا يختلف عن حالهم كثير

* حنين اتصدمت من طلبه وخصوصا انهم لسه عرفين بعض من فتره بسيطه

 وبعتتله رساله وهي مازالت علي صدمتها... انا مقدرش اعمل كدا مقدرش

* ابراهيم بعتلها تسجيل صوتي وبجديه ( ده شرطي عشان نكمل مع بعض... يااما تفتحي الكاميرا و تكلميني فيديو او تبعتيلي صورك او تعمليلي بلوك 👈 حظر ) 

* حنين بدهشه اكثر وصدمه وبعتتله رساله / كيف لي ان احظرك ولما شرطك مقابل حظرك ؟؟

* ابراهيم بجديه اكثر وعنف في تسجيل صوتي اخر (نعم زي ما سمعتي كدا... انا اضايقت منك ومن رسايلك... رافضه انك تتكلمي فون... او تكلميني فيديو علي الماسنجر... و رافضه انك تبعتيلي صورك... وبعنف اكتر وصوت عالي في التسجيل... فاهميني انتي عايزه ايه مني فاهميني او سبيني وابعدي عني) 

* حنين كتبت رساله بحب وعشق / انا عايزاك انت و عايزه قلبك وحبك

* ابراهيم بعدم اهتمام كتب رساله / وانا عايز صورك او تكلميني فيديو يا  اما الخيار الاخير تحظريني

* حنين كتبت بحزن ووجع / ارجوك اديني فرصه للتفكير لاني مش هقدر اقرر بسرعه كدا لاني متربتش علي كدا ومعنديش الجرأة اعمل كدا ارجوك متحكمش علي قلبي بالعذاب تاني كفايه مره ارجوك

* ابراهيم كتب رساله بعدم مبالاه/ تصبحي علي خير فكري في الثلاثه اختيارت وده اخر ما عندي وفصل النت

****************************

👈 حنين فضلت تبكي كتير اوي وتفكر ولنفسها  ( انا كنت فكراه هيحبني من كلماتي زي ما انا حبيته من كلماته و اشعاره) وبدموع ووجع وقهر رفعت ايديها تنادي ربها 🤲🤲

يا رب ارحمني يا رب معنديش قدره اتحمل العذاب والوجع تاني ومش هقدر استحمل بعده عني

ولنفسها.. أسر كان بيحبني مجرد غلطه عملها قسيت قلبي عليه وبعدت عنه والنتيجه كانت انتحاره بس ابراهيم!!! 

👈 وصوت يحدثها من داخلها... إبراهيم ماله هو مش بيحبك انتي بس اللي بتحبيه هو للكل وبيكلم بنات كتير وبيصاحب الكل وكلهم عنده واحد وشبه بعض و مش بيميز بين بنات الاصول و من البنات العابره في حياته

ولنفسها... انا لازم ابعد عنه واعمله حظر من قلبي ومن حياتي واعرفه ان البنات مش كلهم زي بعض وان انا غير اي حد

👈 وتاني يوم حنين بعتت لإبراهيم كذا رسالة جميله  لكي يبقوا تذكار منها ليه وبعدين عملتله حظر وتركته وهي قلبها متعذب و موجوع

***************************

👈 مر يوم واتنين علي حنين وابراهيم ومر اسبوع واسبوعين و حنين كانت بتموت كل يوم وهي بعيده عنه 

قلبها دقاته بدأت تقل حياتها بقت اشبه بالجحيم بسبب بعدها عنه ومر كمان أسبوعين يعني عدا شهر وخلاص كل قواها تلاشت

وقررت انها تلغي الحظر...وفعلا الغت الحظر ودخلت صفحته الشخصيه لكي تعرف اخباره من اشعاره وللأسف الشديد وجدت الامور عنده علي ما يرام لا يختلف علي حاله الكثير يكتب اشعار حزينه يتلقي تعليقات من هذا وذاك ويرد عليهم بكل سلاسه وكان معظم التعليقات من البنات الذي يعشقن ابراهيم وهم بالنسبه له مثلهم مثل غيرهم

حنين لنفسها.. ياااااه وانا اللي كنت مفكراه انه تعبان لغيابي عنه وبيتألم لبعدي عنه... وهي بتكمل تصفحها لصفحته الشخصيه وجدت رقم هاتف محمول له فقررت ان تاخذه وتتصل بيه من غير ما يدرك من المتصل هكذا كانت تفكر

وبالفعل رنت عليه مره بعد مره وفي كل مره كان يفتح فيها الخط قلبها يدق بسرعه وعنف وكان يسألها في كل مره... من تكوني وهي لا تتكلم ولا تجيب

 وفي مره من المرات وكعادتها وهي ترن عليه لكي تسمع صوته... قال لها بتعب واضح / ارجوكي قوليلي انتي مين او اقفلي لاني تعبان ومش قادر اتكلم

حنين قفلت الخط وهي موجوعه وحزينه لتعبه وبعتت له رساله تلو الاخري تدعي له بالشفاء العاجل له وكم ألمها تعبه

 وكان يرد عليها برسائل لكي تقول من هي و تكشف له عن هوايتها وهي ترسل له وتقول أنا

** معشوقتك الخرساء**  انا من احبك و احببتك في صمت

 وارسل لها رساله اخري يقول لها✍️ (انتي اكيد كذا او كذا او كذا وهي ترد عليه برسايل انا مش كذا ولا كذا انا معشوقتك الخرساء فقط )

فكذا وكذا ما هم الا بنات كان يعرفهم

فأرسل اليها رساله اخري ✍️ (انتي اكيد بنت تعرفني ممكن تكوني مراتي الاولي او الثانيه او خطيبتي الاولي او الثانيه)

فضاق قلبها من شده وجعه كل دي بنات يعرفهم غير زوجاته وخطيباته فلماذا احببته ولما هو بعينه وبعتت له رساله وقالت له ✍️( انا احببتك رغم ان طريقنا كله اشواق ولا تهنئ عيني حتى تراك فأنت لي الروح والوجدان خذ مني يا حبيبي ما تشاء فعيناي عيناك وشفتاي شفتاك امام عيناك انا اتوه وتضيع مني كل الحروف.. بعدك عني شقاء 💔💔)

يا من تقسو علي اليك بعض الكلمات 👇👇

انا الضياء لعيناك 

انا السكن حيث تهواه 

انت لي عبير الزهور وزقزقه العصافير 

وانت لي الصمت في الليل الطويل 

فخذني يا حبيبي كيف شئت وحيث شئت

حين تعلن الحب فأنت حبيبي وحين تعلن العشق فأنت معشوقي ولما لا فأنا منك واليك جنوني

👈 فكانت للرساله اثرها علي أذان ابراهيم وليس علي قلبه فكان رده ✍️(عرفيني عن نفسك وانا اساعدك انتي كدا بتعذبي نفسك انا ممكن اخطب واسيبك أو حتي اتجوز وانتي اللي باديكي تكوني حكمتي علي نفسك بعذاب سنينك فانا انتظرك لكي تكشفي عن هويتك وشخصيتك )

وهي مازالت علي صمتها ورفضها انها تخبره عن هوايتها... لكي تفضل اكتر وقت تسمع صوته الذي يريح عقلها و يذيب قلبها وايام قليله وبدأ ابراهيم يبعتلها علي الواتساب تسجيلات بصوته ومن ثم صور له كثيره بالإضافة إلي صفحته الشخصيه التي كانت مليئه بصوره علي عكس حنين العاشقه الخرساء الذي لا يعرف ابراهيم عنها شئ

👈 حنين بعتت لإبراهيم رسايل كتابيه علي الواتساب برغم انها لم تكشف له عن هوايتها انها حنين... الا انه طلب منها كما طلب من حنين طلب يكلمها فيديو او ترسل له صورها كما أرسل لها صوره... وما كان من حنين الا انها رفضت طلبه برساله... وهو سابها حوالي اسبوع ومرداش يبعتلها لا رسايل ولا اي تسجيلات صوتيه... وهي كمان مردتش تبعتله ظننا منها انه هو هيتراجع عن كلامه 

وبعد الاسبوع ماعدا... رن تليفون حنين برقم ابراهيم فرقصت اوتار قلبها من الفرحة و اللهفه وفتحت الخط و مناها حبه و قلبه ولما لا فهي من سميت نفسها معشوقته الخرساء

👈 ابراهيم بصوت يذيب الحديد وبهمس / انتي ممكن تردي عليا وتقولي اسمك ايه... ولا انتي خرساء فعلا... وبمرح... تعرفي حتي الخرس بيبقي ليهم صوت

 هام همه... اعملي كدا زيهم سمعيني بس اي حاجه نفسي اسمع اي حاجه منك بصي انا هتكلم وأسألك وانتي ردي ام بالايحاب او الرفض بصوت الخرس او اي حاجه بس المهم  انك تردي عليا

وبهمس يخطف القلوب انا هتكلم اهو / انتي خرساء فعلا؟؟

👈 حنين ولاول مره من ساعة ما عرفت ابراهيم وبصوت الخرس ايييا بمعني لا 

* ابراهيم بنفس نبره صوته /اه فهمت انتي مش خرساء طيب انتي بتحبيني فعلا ولا دي حركه من حركات البنات 

* حنين —————

* ابراهيم بهمس / يعني افهم من سكوتك ده انك بتحبيني صح كدا

حنين سكتت للمره الثانيه... وسكوتها اكدله انها بتعشقه مش بس بتحبه 

وبعد وقت علي هامه همه الخرس اللي بينهم  نام وهو بيكلمها

 ((وكان عندها احساس واحد بس... انها تروح عنده وتلمس بايديها بحب وعشق علي وشه شعره ده كان احساسها وقتها واتمنت لو ده يبقا حقيقه ويكملوا حياتهم مع بعض ))

***************************كل هذا الحب (عشق حنين) بقلمي دي دي فتحي... صفحتي الشخصيه باسم... اللهم أسألك الفردوس لوالدى 

فضلوا علي الهمهمه دي لحد ما جه ابراهيم في يوم هددها و بقسوه وعنف / انا مليت واتضايقت منك وانتي مبسوطه وسعيده بهمهمتك دي وانا كل يوم اتصل عليكي وافضل اتكلم وانتي مازلتي علي صمتك وسكوتك ومترديش عليا وانا اكتفيت منك ومن صمتك ومش هتحايل عليكي تاني ولا هرد عليكي وانتي مترنيش عليا تاني... يااما تبعتيلي صورك وتكلمني فيديو وتعرفيني بنفسك وقفل الخط في وجهها

كلماته وعنفه اخافتها كثيرا وخافت اكتر من ضعف قلبها امام حبيبها ابراهيم....فما كان عليها غير انها فكرت انها تبعتله صور لبنت من علي النت ظننا منها ان اي صور لبنت جميله تشبه جمالها هيرضيه... وبالحل ده تكون راضته و مخسرتش حبيبها وعشقيها ولاخسرت مبادئها

👈 ابراهيم... اخد الصور وبحث عنها... ولاسف حدث منه مالم يتوقع عقباه!!!

@@@@@@@@@@@@@@@@@@

👈انتهت الحلقه ٢✋ نكمل بكره ان شاء الله🙏 

✍️توقعاتكم🤳👇👇👇

👈حكايتنا رايحه بينا لفين؟؟؟ 

👈ابراهيم هيحب حنين ولا هيفضل علي عناد قلبه وقسوته؟؟؟ 

👈ابراهيم هيعاقب حنين ازاي علي اللي عملته وهي هتقدر تتحمل عقابه ولا هيكون رده فعلها ايه؟؟؟ 

كل ده🖕 واكتر هنعرفه بكره ان شاء الله🙏

لينك الراويه على الواتباد

https://my.w.tt/Se9lpeoNj1

💐💐💐💐💐💐💐💐💐💐💐💐

👈👈انا عادتآ بقلب احداث الراويه في نصها بس الراويه دي غير اي روايه لانها مشكله جيل كامل... فعشان كدا هقلب احداثها راسا علي عقب من بعد الحلقه ال٥ وهقلبها كمان مره في نصها... بس ياريت لما اقلبها في المرتين محدش يهاجمني بعنف... وثقوا دايما في قلم دى دى فتحى... وافكركم بكلمتي الشهيره لكم من لما كنت معاكم في #عذاب_رعد وهي ((اني واخده الكتابه احتراف مش هوايه عابره والسلام... لاني اتعودت من لما كنت في الكل اني اللي اكتبه يكون مميز عن غيره)) فياريت تخليكوا معايه مهما كانت احداث الراويه وتديوني فرصه اعرض مشكله جيل كامل ونساعدهم للخروج من بحر الظلمات(الفيس) اللي وقعوا فيه 👉👉

🤳يلا الكل يجاوب علي اسئلتي ويتوقع✍️ ايه اللي هيحصل... والذئب اللعين هيعمل ايه في معشوقته الخرساء؟؟؟ 

💞الحلقه ٣ من روايتكم💞#كل_هذا_الحب(#عشق_حنين) 💞

✍️انا مش هنزل دعاء النهارده لاني عيزاكم انتم يااحلي فانز تدعوا لصحبتي وحبيبتي ان ربنا يشفيها ويعافيها ويرزقها بذريه الصالحه عاجلاً غير آجلا ويخفف عنها تعبها ووجعها وألامها🙏

                           🌹قراءة ممتعه 🌹

ساذجه بطلتنا حنين لما افتكرت ان إبراهيم مش هيوصل لصاحبه الصوره ولكن حبها ليه لاغي عقلها وفكرت بقلبها فقط... لم يكن القلب كافيا لاتخاذ القرار المناسب والفعال في تلك الموقف فلو كانت حنين فكرت دقيقه واحده بعقلها لعرفت انه بأبسط الطرق هيوصل لحقيقة هذه الصور

👈 ابراهيم اخذ الصور وبحث عنها وعرف صاحبه الصور وعرف ان حنين كذبت عليه وخدعته وشككته فيها هي اه غلطانه لكن هي معزوره لانها خايفه من خسارته و في نفس الوقت مش عايزه تخسر مبادئها التي تربت عليها. 

الامور زادت صعوبه وتعقد بينهم وخصوصا بعد كذب حنين علي ابراهيم... وما كان منه... الا انه اجبرها علي الاختيار  بينه وبين صورها ومحادثته فيديو... وما كان منها الا انها خضعت لنداء قلبها المشتاق اليه فكلمته شيئا فا شيئا دون ان تفتح الكاميرا

وما كان منه الا انه سخر من صوتها في الكلام وقال لها انا مش مصدق ان ده صوتك انتي اكيد  بتضحكي عليه وهي ليست ذالك انما هي ملاك في صوره انسان... هي هادئه وصوتها لا يسمع اذنيها وقال لها ساخرا

(ده صوتك وانا كنت فاكر صوتك اشبه بصوت الملاك)

👈 حنين لنفسها ((عذرا يا حبيبي فأنا ملاك ولكنك لا تفهم معني الملاك ولا تعرف معني الاحساس بالحب و بفيض المشاعر ))

✍️يا من اناديه بحبيبي انا لن اخدعك انا من أحببتك واعشقك وليس من حقك التقليل مني ولكني حقي عليك ان تحتويني وتهتم بي 

***************************

استمر الحال بينهم عده ايام ومرت الاسابيع عليهم وهما علي حديثهم سواء وكانت كل يوم ترن عليه في الصباح الباكر لكي يذهب لعمله وتقضي معظم اليوم في قلق وخوف عليه وتسهر الليل كله لسماع صوته واول ما يرن هاتفها باسمه يرقص قلبها بعنف وتتسارع دقاته وضرباته من أول المكالمه لنهايتها

وفي يوم صمم إبراهيم علي ان حنين ترسل له صورها او تكلمه فيديو 🤳

👈حنين برغم حبها الشديد لابراهيم الا انها عارفه حدودها معاه ومينفعش أبدا تتخطاها ولكن ابراهيم كان بيستغل حبها له وسيله للضغط عليها في تنفيذ ما يطلبه منها وبعد مراوغه وتصميم منه

 فما كان من حنين الا انها استجابت لرغبته وارسلت له صورتها هي واخوها علي الواتساب وليست صوره بمفردها... وكانت في قمه الجمال والرقه و شكلها كان هادئ وملامحها بريئه كانت شبه القطط البريئه او شبه السنديلات

وقابل ابراهيم صوره هذه الملاك البرئ  باستهتزاء و تريقه(( انا كنت مفكرك ملكه جمال علي اصرارك اني مشفش صورتك )) كهذا قال لها ذالك القاسي القلب المتحجر المشاعر 

حنين لنفسها ((اااه يا حبيبي لما كل هذا فأنا بشهاده الجميع جميله الجميلات هادئه الطباع وبريئه وجوهوه مكنونه للي يقدرها ويعلم قيمتها اما انت فتزوجت مرات وخطبت مرات وكثير الحديث مع البنات فكذالك يكون رد فعلك على من حرمت علي نفسها كل انواع الرجال الا انت... و من اجلك تخطت كل الحدود لأجلك ولعدم خسارتك ولما لا فأنت حبيبي ومعشوقي)

👈استمر الحال بينهم علي ذالك حوالي اسبوعين... ولكنها جميله وسمعتها وسمعته اهلها تجبر اي شخص انه يتقدملها ويتمناها زوجه له فتقدم لخطبتها الكثير والكثير منذ رحيل حبيبها وهي ترفض و حتي ذالك الحين ترفض

👈فلماذا هي ترفض الان لأجل أسر الذي اسرته بحبها ولا لاجل ابراهيم الذي اذاب قلبها حبا وعشقا 

وللاسف كان نصيب الاسد... من أجل ابراهيم الذي بكلماته واشعاره انساها حبها لأسر وتانيب ضميرها الذي كانت تعيش فيه منذ اربع سنوات علي الرغم من ان  ابراهيم لم يعترف لها ولا مره واحده بحبه ولا باعجابه بها الا انها هي من تحبه وتعشقه

****************************كل هذا الحب (عشق حنين) بقلمي دي دي فتحي... صفحتي الشخصية باسم.. اللهم أسألك الفردوس لوالدى 

👈وفي احدي المرات👇 

اتقدم لخطبتها صاحب أسر وكان معيدا هو الاخر ويعرف بحكايتها هي واسر وكان يحبها ويعشقها ولكنها كانت تحب أسر ويحبها واتقدم لها بعد موت أسر بسنه وهي رفضته ومقدرش يعيش في نفس المكان وسافر لكي ينسي حنين وحبه لها ولما رجع... كان متخيل ان حنين اتجوزت من اي شخص وانجبت اطفال... و لكن الصدمه والفرحه اصابته  لما لقي حنين متجوزتش

فرح جدا والفرح ملئ قلبه وحياته وظنا منه ان حنين هتكون ملكه هو ولم يدرك ما اصاب حنين من لعنه عشقها لابراهيم

👈 مروان... شاب وسيم وكان يعشق حنين وكل ما يمنعه هو حب اسر لها وحبها له فما كان عليه الا انه اختار البعد وسافر ولما رجع اكتشف ان حنين لم تتزوج اتقدم لخطبتها وابو حنين اداه مهله للرد اسبوع

👈وبعد اسبوع ذهب مروان الي بيت حنين وطلب من أبوها انه يتحدث معها علي انفراد وابوها وافق لان ده من حق اي رجل يتقدم لخطبه فتاه 

* وبعد وقت من اقعدتهم مع بعض... مروان بحب وجديه لحنين / انا عارف كل اللي كان بينك وبين اسر بس والله العظيم انا بحبك وبعشقك وعمري ما هحب حد غيرك ابدا فارجوكي اقبلي إتجوزيني واديني فرصه اثبتلك حبي وعشقي ليكي وانا اوعدك اني هكون ليكي الاب والاخ والصديق والزوج والحبيب وكل حاجه تتمنيها

 فما كان من حنين غير الصمت فقط نعم الصمت ولا شئ اخر 

وبعد وقت من صمتها 

* مروان بجديه وحزن / انا هديكي فرصه اسبوع كمان تفكري ممكن تكوني محتاجه وقت اطول عشان تفكري براحتك بس ارجوكي بلاش تحكمي عليا بالعذاب والبعد عنك وسابها وخرج

👈 حنين بعد ماخرج مروان رنت علي ابراهيم وقالتله علي كل اللي حصل... وما صدر منه كان كارثه بالنسبه لحنين

 وبكل بساطه من إبراهيم و بلا مبالاه منه وبهدوء / طالما هو كويس كدا يبقي ربنا يوفقك وانا اتمني لك السعاده

* حنين لنفسها (( اااه اااه يا حبيبي وماذا عني انا وماذا عن قلبي وعن احلامي وامالي معك لماذا طعنتني بخنجر مسموم في قلبي لماذا كل هذه القسوه منك هكذا انا لا شئ بالنسبة لك يا من جرحتني وانا اناديك بحبيبي استحلفك بالله لا ترضي بتعذيبي 💔💔))

 👈حنين بحزن ووجع / انا كنت مفكره ان

* ابراهيم بمقاطعه وعنف... كنتي فاكره ايه هقولك لا انا بحبك ولا كنتي فكراني هقولك انا هاجي اخطبك طب هخطب ايه سراب وكل اللي بنا محادثات في التليفون وصور عموما انا مشفتكيش قبل كدا وجها لوجه ممكن تقابليني في اي مكان وانا اشرحلك ظروفي وافهمك وضعي ايه 

* حنين بجديه / بس ده مينفعش انا معنديش الجرأه اني اعمل كدا... وبعدين احنا اماكنا بعيده عن بعض  

* ابراهيم بجديه / وانا معنديش استعداد ارتبط بانسانه معرفهاش ولو اماكنا بعيده فا انتي قولي عنوانك بالظبط وانا اجيلك نتقابل في مكان قريب من بيتك

* حنين أنا بعتلك /صورتي وكلمتك صوت انت ممكن تجيلي البيت قدام اهلي وقدام الكل وساعتها ليك حريه الاختيار بس انا مقدرش اعمل اللي انت بتطلبه ده

* ابراهيم بعنف وجديه / خلاص لو خايفه اوي كدا انا هقولك علي عنوان شقتي تجيلي فيها ومحدش من اهلك هيشوفك ابدا

حنين بصدمه وذهول... انا مستحيييل اعمل كدا لا تربيتي ولا اخلاقي ولاديني يسمحولي اعمل كدا... وبجديه... ولو اهلي مش هيشوفوني فيه ربنا مطلع عليه في كل وقت وفي كل حين وانا مقدرش اعمل كدا 

ابراهيم بعنف اكتر... وانا بقي مش أهل للجواز ولا لاي علاقه ممكن اكون ليكي صديق لما تتخطبي تفضل صداقتنا عادي وممكن تفضل كمان لغايه لما تتجوزي وبجديه اكتر /انا ليا أصدقاء بنات كتير متجوزين ويعتبر انا وهما واحد بيحكولي عن كل حاجه وانا كمان بيحكيلهم

👈👈((لاسف الشديد سوا عقلكم رفض او قبل... بس فيه بنات كتير متجوزين بيكلموا شباب علي الفيس بحجه بعتبره اخويه وبفضفض معاه... بحجه ظروف حياتي صعبه وجوزي خنقني... بظروف الحياه الصعبه اللي احنا عيشينها... بحجه جوزي مش مهتم بيه جوزي مش محتويني جوزي مش بيقولي كلام حلو... جوزي مش بيحبني... جوزي وجوزي واكن جوزها ده شيطان مش انسان طافح الدم طول اليوم عشان يوفر لسيادتها الاكل الكويس واللبس الكويس والشقه الكويسه والعيشه المرتاحه هي واولادها وعشان يجبلها تليفون تتمظر بيه قدام ده وده وياريتها بتستكفي بكدا وبس الا بتروح تتكلم مع واحد ملهوش اي لازمه وتقولك بفضفض معاه احنا اخوات انا مش بعمل حاجه غلط امال انتي بتعملي ايه لما تخوني ثقه اهلك وجوزك والاهم من ده كله ربنا طيب سؤال بقا... بتعرفي تنام وتحطي راسك على المخده كدا وانتي عامله الجرم الفظيع ده طيب لما بتصي في وش جوزك وهو نايم ومهدود حيله كدا بسبب تعبه في شغله طول اليوم... ضميرك بيبقا مستريح بتبقي مبسوطه وانتي بتكلمي شاب وانتي متجوزه وام لاطفال ملهومش ذنب غير انك امهم.. ولاسف بعد كدا بتقعي في المحظور والشخص اللي بيكلمها بيبتزها بشتئ الطرق وتقع في الفخ وتكون النهايه دمار بيتها وضياع اولادها... يا بنات احظروا الوقوع في بحر الظلمات... وخافوا يومآ ترجعون فيه الي الله.. الشاب مش هيخسر كتير بس انتم اللي هتخسروا كل حاجه 😔😔😔

* حنين بعد ابراهيم ماقالها خلينا أصدقاء ردت بجديه وحزن/ بس انا مش عايزاك صديقي لأنك حبيبي اللي بحلم بيه يكون من نصيبي ومش عيزه حاجه من الدنيا غيرك انت

* ابراهيم بجديه اكتر / وانا عند رأي خلينا اصدقاء و روحي شوفي حياتك بعيد عني وقفل الخط

👈 فما كان من حنين الا انها وافقت علي مروان وقلبها وعقلها وكيانها مع ابراهيم 💔💔

👈لينك الراويه علي الواتباد👇 

https://my.w.tt/Se9lpeoNj1

@@@@@@@@@@@@@@@@@

✍️انتهت الحلقه ٣🖐️ نكمل بكره ان شاء الله🙏

✍️توقعاتكم 🤳👇👇👇

👈حنين فعلا هتتجوز مروان ولا حاجه هتحصل تمنعهم ؟؟؟ 

👈طب لو اتجوزته ابراهيم هيعمل ايه وخصوصا انه مااخدش من فريسته اللي هو عايزه ؟؟؟ 

👈حنين هتقدر تتخطي حبها لابراهيم ولا هيفضل عقبه في حياتها... انا عن نفسي بقول هيفضل عقبه في حياتها لانها غلطت لما خانت ثقه اهلها فيها وسمحتله يدخل حياتها عن طريق النت مهما كانت ظروفها مكنش ينفع ابدا تسمحله بكدا هي غلطت ولازم اللي غلط يتحمل نتيجه غلطته مهما كانت النتيجه👈 حتي لو كانت دمار حياتها... وده لاسف اللي هتشوفوه في الحلقات الجايه 💔💔

💐💐💐💐💐💐💐💐💐💐💐💐

🤳انتظروني بكره ان شاء الله في نفس الميعاد🙏 

✍️مستنيه توقعاتكم وارائكم لانها بتهمني جدا 😘

🧡بحبكم جدا🧡

💚دومتم بخير يارب 💚

❤️#دي_دي_فتحي❤️

تكملة الرواية من هنا 👇👇👇

من هنا