 |
(كنزي تتحدي مروان الصعيدي)
من الحلقه السادسه حتي الحلقه العاشره
كنزي
مروان::مستعجبا انتي عايزه تقفي ضدي مع الغريب
نجاه ٠٠ بحزم صالح مش غريب
مروان٠٠ بدهشه تقصدي اي
نجاه ٠٠ بجديه أنا إللي عندي قولته
مروان٠٠ بعصبيه وأنا بردو إللي عندي قولته
بعد كام يوم جوازي علي بت صالح عن اذنك
نجاه٠٠بحزن يابني حرام عليك واجع قلبي ليه
مروان٠٠ أنا أديت كلمه ومش هرجع في كلمتي ٠
وسابها ومشي
نجاه بهمس٠٠ليه كدا يا إبني
بعد مرور أسبوع
وبعد معاناه من كنزي لاقناع أهلها علي ما عزمت عليه
اقام مروان حفل كبير في البلد اقنعته أمه بالفرح لأنها عروس ولا بد من فرحتها مثل كل البنات
مع إنها حاولت بكل قوتها لعدم إتمام هذا الزواج
دخلت باب الفلا مع أمها وكانت ترتدي الفستان الابيض وكانت تضع كامل زينتها فظهرت إنها ملاك بدون اجنحه
وجدت الكثير من الناس في الفيلا ستات من الاهل و الجيران
جلست علي الكنبه ووسطها البنات يغنوا ويرقصوا
نجاة همست إلي نهال
نجاه ::بنتك طالعه زيك قمر في ليله تمام
نهال٠٠بخوف شكرا بس خدي بالك منها أنا خايفه عليها
نجاه٠٠دي في عنيا أنا مش هسمح لحد يزعلها
نهال٠٠انا أتمنى
كنزي بصوت عالي ٠٠انا عايزه ارقص
نهال٠٠اقعدي هاديه
كنزي ٠٠ أنا العروسة ولازم ارقص
نجاة ٠ههههههههه بس كدا قولي هترقصي علي اي
كنزي ٠٠ غنو أي حاجة وأنا هرقص
غنو البنات الموجودين وقامت ورقصت وغنت واتنطت زي الاطفال
دخل مروان وجدها ترقص
زم شفتيه بدهشه
مروان٠٠ بهمس دي أكيد مش طبيعية بترقص علي اي دي اكيد هبله
نجاه٠٠ يلا يا كنزي عريسك وصل
بحزن حضنت أمها أبقى تعالي زوريني علي طول وأنا كمان هجيلك
نهال٠٠بحزن شديد هجيلك كل وقت والتاني
اقترب منها مروان ومسك يدها بقوه
مروان٠٠جز علي اسنانه مش يلا
كنزي ٠٠حاضر الله سلام بقي يا مامي
مسكت زراعه ونظرت إليه وابتسمت
كنزي ٠٠ يلا يا مارو
مروان٠٠ بصلها بقرف مارووو
وطلعت علي السلم وكانت كل سلمه تتعثر في الفستان
كنزي ٠٠ اصبر واحدة واحدة مستعجل على إي هو أنا هطير
لم يرد عليها واسرع آكتر علي السلالم
دخل الغرفه وسحب يده بقوة واغلق الباب خلفه بقوة
كنزي ٠٠ بسم الله الرحمن الرحيم خدتني يا مارو
مسكها من يدها بقوه
لو سمعتك بتقولي الكلمة دي تآني هقطع لسانك ومسمعش صوتك غير لحاضر ونعم ومش عايز سهوكه سمعتي
كنزي ٠٠ طيب دي أقول عليها إزاي حاضر ونعم
مروان٠٠ بصوت عالي قولي حاضر وبس
كنزي ٠٠ وطي صوتك الناس إللي برة تقول عليك اي
مروان٠٠ الناس إللي برة محدش فيهم هممني وترك يدها بقوه
كنزي ٠٠ والله حرام عليك بسكوته زيي يتعمل فيها كدا
مروان٠٠ مستغربا بسكويته
كنزي ٠٠ اقتربت منه
هو أنا مش حلوه ونظرت ليه بعيونها
الواسعه العسلي الساحره
سرح مروان لبعض الوقت
مروان٠٠ زقها بعيد عنه لازم يبقى في حدود بينا
لازم تعرفي آنتي بقيتي مرات مين وشايله أسم مين أي غلطه منك هطلع روحك زي الناموسه إللي بفعصها سمعتي
هزت راسها بأنها سمعت
غير هدومه وجلس علي السرير دخلت الحمام فكت الطرحه وخرجت بالفستان اقتربت من سرير مروان
ببتسامه ٠اعطته ظهرها أفتح لي السوستة
نظر لها نظرات غضب
مروان٠٠ مسكها من ذراعها لو متعدلتيش أنا هعدلك
كنزي ٠٠ تلوت من شده مسكته لها
خلاص خلاص مش عايزه حاجه منك
رماها علي السرير
مروان٠٠ أنا قولت صوتك اسمعه لحاضر ونعم
كنزي ٠٠ ببتسامه صفره حاضر يا سي السيد
وبعدها حاولت خلع الفستان واستطاعت خلعه بعد معاناه
لبست بجامه بنطلون تحت الركبه بشويه وكت فوقه ولمت شعرها ديل حصان وانزلت بعض خصلات الشعر علي وجهها
رأت صينيه مليانه أكل أسرعت لها وبدأت تاكل
كنزي ٠٠ مش هتاجي تاكل الاكل حلو اوي
نظر لها بقرف ولم يتحدث بأي كلمه
مروان ٠٠بقرف هو آنتي فاكره نفسك عروسه بجد
كنزي ٠٠ وقفت ووضعت يدها حول وسطها وأنا ناقصه اي
حلوه واموره ومفيش مني اتنين
نظر إليها باندهاش
مروان٠٠ آنتي عارفة أنا مين لما تعرفي مش هتجراي تقفي الوقفه دي
أسرعت كنزي إلي السرير كانت ذاهبة للنوم
كنزي ٠٠ بنعاس وهي تتثاوب
إللي اعرفه إنك جوزي تصبح على خير
مروان٠٠ زقها جامد
آنتي فاكره نفسك هتنامى هنا جمبي تبقي بتحلمى
كنزي ٠٠ أمال هنام فين مفيش سرير غير ده
مروان٠٠ هتنامى علي الارض
وانزلها من على السرير
وقفت صامته مصدومه لبعض الوقت
كنزي ٠٠بعد مده من الصمت
علي فكره النوم علي الارض صحي آكتر من السرير
فرشت علي الارض واخذت مخدة تصبح على خير
دهش مروان من تصرفها وبعد تفكير طويل في كيفيه أخذ تاره من تلك المجنونه
(في شقة صالح)
نهال٠٠بعصبيه أنا غلطانه أنا ازاي أعمل في بنتي كدا
أنا أكيد ماكنتش في وعيي أنا هروح اجيبها وكانت خارجه
مسكها صالح
صالح ٠٠ اهدي بس بنتك دلوقتي في بيت جوزها الناس تقول إي لو روحتي دلوقتي الصبح ابقي روحي
ياسين٠٠ دي يتخاف منها مش يتخاف عليها
نهال٠٠اختك صوت بس دي هوا
ميغركش الشويتين إللي بتعملهم
ياسين٠٠ أنا عارف كنزي آكتر منكم هتعرف تمشي امورها
قومي نامي والصبح هنلاقي القرد بيتنطط
نهال٠٠ربنا معاكي ربنا معاكي
تصبحو علي خير
ياسين٠٠ بهمس ربنا يستر
في منزل عيسي السيوطى
حسنيه٠٠ازاي نجاه وافقت تجوز ابنها لبنت صالح هو عارف مين صالح
عيسى ٠٠هو لو عارف كان اتجوزها
حسنية لها في المكرر وحاوله تزويج بنتها لمروان لكنه كان من المحال
عيسى ٠٠اكيد هيرميها رميه الكلاب
إبراهيم ٠٠ومين هيقول له
عيسى ٠٠انا هجبها له بطريقه غير مباشرة
بس خلينا في موضوعك وجوازك من اخته
خليه ياخد فرحته وأنا هكلمه علي اخته
(في فيلا جلال السيوطي)
في غرفه نجاه٠٠٠تتحدث مع نفسها
ناوي على اي يا مروان وهتعمل اي مع بت صالح وأنا هسكت علي إللي هتعمله بس دي بت صالح
مينفعش اسكت
وليه صالح وافق علي جواز إبني من بنته
ياتري ناوي علي إي يا صالح واي جابك تاني البلد استر يارب
في أذان الفجر
كنزي ٠٠ مارو مارو
مروان٠٠ بصوت عالي نظر لها بغضب
آنتي بتفهمى إزاي مسمعش الكلمة دي تآني وليه بتصحيني دلوقتي في إي والله ما يكون سبب زفت زيك
ليكون حسابك عندي عسير
كنزي ٠٠ اهدي اهدي ليطق لك عرق
أنا بصحيك عشان تصلي الفجر
بصوت أقرب إلي الهمس ٠٠٠يمكن الشيطان إللي راكبك يطلع
مسكها من ذراعها بقوه٠٠هو آنتي إي
إي رماكي عليا هو أنا ذنوبي كتير
كنزي ٠٠ شششش صوتك عالي أهلك يقولو إي
مروان٠٠ بصوت عالي بس بس صوتك معصبني
رماها علي السرير
كنزي ٠٠ الله هو أنا غلطانه عشان صحيتك أنا عيزاك تدخل الجنة معايا
مروان٠٠ أسكتي أسكتي صوتك وحش
كنزي ٠٠ حاضر حاضر بس والنبي أعصابك
لقد وصل الغضب اعلاه عند مروان فسابها وخرج
كنزي ٠٠ هو أنا غلطانة عشان صحيته ٠٠٠يكون------------ ٠٠٠اللهم اخزيك يا شيطان
عاد في الصباح الباكر وجدها نائمه واضعه يدها تحت خدها ونائمه مبتسمة مثل الاطفال
مروان٠٠بستغراب دي هبله نايمه صاحيه ولا علي بالها اي حاجه
كنزي ٠٠ بفزع في إي في إي أنا بغرقك نظرت امامها وجدت مروان واقف امامهاوفي يده كوب ماء الذي افرغه عليها
كنزي ٠٠بفزع في حد يصحي حد كده
مروان٠٠ قومي نامى في مقامك
كنزي ٠٠ علي فكرة إحنا كلنا مقامنا الارض منها واليها نعود
بس ماشي أنا كدا كدا ضهري وجعني
عند قرب الظهر
برجله يصحي تلك النائمه
مروان٠٠ قومي قومي
كنزي ٠٠ بطل غلاسه يا ياسو وسبني انام
مروان٠٠ بقرف ياسو قومي فزي
كنزي ٠٠ فتحت عيونها بصعوبه
هو انت
مروان٠٠ مسكها من شعرها احترميني لما تتكلمي معايا وقومي حضري ليا الفطار
كنزي ٠٠ براحه براحه شعري هيتقطع
تركها بعد ما زقها
مروان٠٠ غوري حضري الفطار
كنزي ٠٠ بدلع حاضر إنت تؤمر بس والنبي بلاش شعري لأحسن أنا مربياه علي الغالي
مروان٠٠ بصوت عالي غوري حضري الفطور غوري
أسرعت كنزي إلي الخارج بعد ارتداءها اسدال الصلاة
في المطبخ
كنزي ٠٠ صباح الخير
دلال ٠٠ست كنزي صباح النور
ليه صاحيه بدري وليه جاية هنا
كنزي ٠٠ أولا أنا مش ست قوليلي يا كوكي ثانيا جاية عشان احضر الفطور لجوزي حبيبي
نجاه٠٠انتي لسه عروسه ٠الفطور هياجي لحد عندك
كنزي ٠٠ مروان قالي أنا حابب أفطر من يد مراتي حبيبتي
إستغربت نجاه من طريقة كلام كنزي عن مروان
نجاه٠٠بدهشه هو قال لك كدا
كنزي ٠٠بتريقه بالحرف قالهولى
نجاه ٠٠بعدم تصديق ٠٠يمكن
كنزي ٠٠ هو مروان بيحب يفطر اي
جلست كنزي مع دلال تحكي معها عن مروان وعن ماذا يحب وماذا بكره وبعدها خرجت إلي مروان
داخل غرفه مروان
نجاه٠٠صباح الخير يا عريس صباحيه مباركة
مروان٠٠ أنا عارفك جاية تطمني حصل إي ٠٠اطمني محصلش حاجة ومش هيحصل أنا اتجوزتها عشان اربيها ولو لقيت واحدة غيرها وعجبتني هتجوزها
نجاه٠٠يا حبيبي حرام عليك هي عملت اي
مروان ٠٠قله ادبها عليا
نجاه٠٠دي باين عليها غلبانه
مروان٠٠ دي لئيمه وادبها علي يدي
نجاه ٠٠انا سامعه دوشه دا أكيد أهلها
عشان خاطر أمك قابل الناس كويس
مروان٠٠ أنا مش نازل ومش عايز أقابل حد
نجاه٠٠ليه بس دي مش الاصول
مروان٠٠ روحي آنتي شوفيهم واعملي الواجب
نجاه::لاحوله ولاقوه الا بالله
في غرفه الضيوف
كنزي ٠٠بفرح وحشتوني آوي آوي آوي
ياسين٠٠ بلاش افوره دا كان سواد الليل
كنزي ٠٠ بردو وحشتوني
نهال٠٠هو كويس معاكي
كنزي ٠٠ زي الفل والياسمين دا حديقه لوحده
ياسين٠٠ همس إلي أخته حديقة بصل
كنزي ٠٠ بس يا سيكلوجي
نجاه٠٠والله نورتوا
نهال٠٠شكرا ياام مروان
ظلو يحكو لمده طويلة وبعدها رحلو
مروان٠٠ دلال دلال
دلال ٠٠ نعم يا باش مهندز
مروان٠٠ تعالي
أنا عايز حاجات دلوقتي تكون هنا
دلال ٠٠ حاضر يا باشمهندز
ذهبت كنزي إلي غرفتها وجدتها مكركبه ووجدت مروان يجلس علي كرسي ويضع رجل علي رجل وهو يشرب سيجاره المعتاد ونظر لها من فوق لتحت
كنزي ٠٠ هو إي إللي شقلب الاوضه كدا
مروان٠٠ اقلعي المسخره إللي آنتي لبساها دي
كنزي ٠٠ دا اسدال علي فكره
مروان رما عليها جلبيه ومنديل(إشارب) فلاحين البسي دول عايز إلاوضه انضف من وشك
وقفت صامته لبعض الوقت بزهول
كنزي ٠٠ حاضر يا سيدي مروان
لبست الجلابيه وربطت المنديل علي راسها
وضعت يدها في وسطها
كنزي ٠٠والله أنا عسل في أي حاجه البسها
مسكها من شعرها
مروان٠٠ اتكلمي عدل وبلاش سهوكة
كنزي ٠٠ حاضر حاضر هو أنا قولت حاجة غلط
قدامك ربع ساعة ولاوضه تلمع
(في ارض جلال السيوطي االجديدة)
أدهم ٠٠الارض اتحسنت كتير عن الأول
صالح ٠٠ ربنا مش بيضيع تعب حد تعب بجد
أدهم ٠٠ صراحة إنت عامل إللي عليك واكتر
صالح ٠٠ دا واجبي
عيسى ٠٠٠اتي من بعيد السلام عليكم
وعليكم السلام
عيسى ٠٠ازيك يا صالح عاش من شافك
أدهم ٠٠عمي هو إنت ليه جاي هنا
وهوانت تعرف الباشمهندس صالح
عيسى ٠٠انا جيت اطمن علي الارض واشوفها هتنفع ولا لا
وصالح أنا اعرفه من زماااان زمان آوي ولا إي يا صالح ونظر إليه نظرات ذات معني
صالح ٠٠ إحنا ولاد عم في المقام
عيسى ٠٠بلؤم ولاد عم وبس يا صالح
صالح ٠٠ لم يهتم صالح بنظرات عيسي
عن اذنكم ورايا شغل كتير
وتركهم ومشي على عمله
ادهم٠٠تقصد اي يا عمي بولاد عم وبس
عيسى ٠٠سيبك من صالح وخلينا في المهم هتخطب صفاء امتي
ادهم٠٠ما إنت عارف يا عمي مش هينفع أكلم مروان في أي حاجة وهو عريس
عيسى ٠٠ نستنى شويه ومالو بس مش كتير عشان في ناس بتطلب صفاء وأنا برفض وبقول إبن عمها أولي بيها
أدهم ٠٠اكيد أنا أولي بيها بس الصبر
(في منزل عيسى السيوطى)
حسنية ٠٠يابت اضغطي عليه شوية كمان
صفاء ٠٠وانا أعمل إي آكتر من إللي بعمله
حسنية ٠٠يعني بت صالح طوت مروان وإنتي هبله ولا نافعه في أي حاجه حتي أختك الهبله زيك م عرفتش توقع مروان
صفاء ٠٠ادهم غير مروان خالص
حسنية ٠٠لمانشوف
(في منزل جلال السيوطي)
في غرفه مروان
كنزي ٠٠ أهوه خلصت يا سيدي عايز حاجه مني تآني
مروان ٠٠ تعالي ورايا ودخل الحمام
شايفه الحمام ده أنا عايزه يبرق من النضافه
ظلت لبعض الوقت واقفه صامته بزهول
وبعد مده من الصمت
كنزي ٠٠ حاضر يا سيدي
وقف علي باب الحمام و بدا يعطيها تعليمات
وهو في قمه سعادته
ياسمين خالد شكرا علي مجهودك
زهره الجبل
الحلقه السابعه
كنزي
(كنزي تتحدي مروان الصعيدي)
بعد حوالي ربع ساعة
كنزي ٠٠ بتعب اه ياني خلصت أهو زي الفل
مروان٠٠ ببتسامه خبث مسك كل زجاجات الشامبو و الكلور وكبها على الارض
مش عاجبني نضفي كويس
كنزي ٠٠بزهول حرام عليك أنا حيلي اتهد إنت معندكش أخوات بنات
مسكها من ذراعها بقوة نضفي من غير كلام وكلميني عدل
كنزي ٠٠ نظرت له بعيونها الساحره وهي تتلوي من مسكته
علي فكره الموزه هتتكسر في أيدك كدا
مروان٠٠ بأستغراب موزه
كنزي ٠٠ اقصد أنا هتكسر في أيدك ما أنا زي الموزه حلوه وطريه
حلوه وطريه ومسكره
مروان٠٠ بقرف آنتي واحدة هبلة وغبية
كنزي ٠٠ ببتسامه ثقه وحلوه
مروان٠٠ مسكها بقوة أنا ممكن اخليكي زي الكلب الجربان
كنزي ٠٠ إنت الخسران هو حد طايل يجوز واحدة زي حلوه وتعليم عالي وبنت ناس
مروان٠٠ آنتي وآحده مغرورة وإنتي مقامك أقل من مقام أي حد بيشتغل عندي
كنزي ٠٠ بثقه إنت نسيت إني مراتك ومقامك من مقام مراتك
مروان٠٠ بصوت عالي آنتي تقصدي اي
كنزي ٠٠ اقصد سيبني عشان أخلص تنضيف الحمام
مروان٠٠ عشر دقايق والحمام يبقى انضف من وشك
أسرعت إلي المرايا ونظرت إلي المرايا والي مروان
كنزي ٠٠ والله وشي زي القمر ونضيف وزي الفل
مروان٠٠بصوت عالي اخلصي
في غرفه نورهان
دلال ٠٠هي حلوه وزي القمر وباين عليها بنت ناس بس راسها ناشفه
نورهان ٠٠ ربنا يقدرها علي المصيبة إللي اتجوزتها
دلال ٠٠متقوليش كدا علي سيدي مروان هو عصبي بس طيب
نورهان ٠٠بعصبيه قومي من هنا أنا عاوزه أنام
دلال ٠٠ حاضر يا ستي
في غرفه أدهم
أدهم ٠٠بقولك أنا هقنعه بس لما يخلص العسل إللي هو فيه
عقبالنا يا بت
صفاء ٠٠ في حياتك يا قلبي
ادهم٠٠خليكي متفائله
صفاء ٠٠ابويا بيضغط عليا علي كل عريس يتقدم وأنا بحاول أقنعه إن ولا واحد ينفع غير إبن عمي
أدهم ٠٠بعصبيه والله أقتلك وأقتل ابوكي وأقتل العريس إللي أتقدم قولي لأبوكي ليمها
ابتسمت صفاء
صفاء ٠٠ الله ما إنت إللي مش بتتحرك
أدهم ٠٠ هانت يا صفصف
صفاء ٠٠ ههههههههه قولها تآني كدا
أدهم ٠٠هو موديني في داهيه غير الضحكه السافلة دي
في منزل صالح
اجتمعت العائلة علي العشاء
ياسين٠٠ أنا معرفش آنتي قلقانه عليها ليه كدا يا أم ياسين بنتك يتخاف منها
نهال٠٠اختك هوا هوا علي الفاضي
صالح ٠٠ متخفيش عليها مش هيقدر يعمل حاجه
نهال٠٠بخوف انا سمعت كلام كتير عنه إن جبار
ياسين٠٠ وبنتك جبااااااااااره
ونظر إليها بعمق وفتح عينه علي وسعها
نهال٠٠مالك بتبص لي كدا ليه
ياسين٠٠ عينك فيها حاجه غريبة
نهال٠٠انا مش كنزي عشان تضحك عليا بالكلمتين بتوعك دول
ياسين٠٠احم ليه كدا يا ام ياسين
خسارة والله كانت فار تجارب ليا
نهال٠٠متقولش علي أختك كدا
في منزل جلال السيوطي
في غرفه مروان ٠٠٠
كانت تقف امامه وهو ياكل وتمسك فوطه صغيرة
كنزي ٠٠ ببتسامه صفره هو أنا هفضل واقفه كدا
مروان٠٠ وهو ياكل هتفضلي كده لحد ما أخلص وبعدين تاكلي وراي
عارفه مين إللي بياكلو ورانا
كنزي ٠٠ وقد فهمت قصده ببتسامه
في الصعيد الراجل بيأكل ومراته وراه
مروان٠٠ لا الصعايده اتغيرو خالص
بس الكلاب هما إللي بياكلو ورانا والست عادي بتاكل مع جوزها
كنزي ٠٠ ابتسمت له دون الرد علي كلامه
أخذ ساعة وهو ياكل
مروان٠٠ الحمد لله
كنزي ٠٠ يعني أكل يا سيدي
مروان٠٠ إعملي شاي الأول عشان وراكي شغل في الحمام
كنزي ٠٠ حمام ٠٠٠٠شغل إي تآني
مروان٠٠ م تسأليش قولي حاضر و بس وجز علي اسنانه حاضر وبس
كنزي ٠٠ حاضر حاضر يا حبيبي
مروان٠٠ نعم يا أختي حبيبك
كنزي ٠٠ هو إنت مش جوزي أقول بقا إللي أنا عايزاه
مروان٠٠ دا قدام الناس وبس انما هنا سيدك مروان تعالي ورايا ودخل الحمام
كنزي ٠٠ بهمس الله يهدك
مروان٠٠ اخلصي
كنزي ٠٠ حاضر جاية اهوواخذت لقمه علي السريع فالشغل الذي اشتغلته جعلها جعانه جدا
كنزي :: نعم يا سيدي ٠٠وعندما راته فتحت
عيونها علي وسعها ووقفت صامته
فقد كان يقف بدون ملابس
مروان٠٠ تعالي حميني مش أنا جوزك
خرجت مسرعه وهي في قمة خجلها
جلست علي السرير وحست إن جسدها سخن ووضعت يدها علي جبينها
كنزي ٠٠ أنا ولعت
وبعد حوالي نص ساعة خرج وهو يرتدي ملابسها الداخلية فقط
نظر إليها بغضب ومسكها من زراعها
أنا مش قولت لك تعالي حميني طلعتي ليه إي اكسفتي
كنزي ٠٠ نظرت إليه وابتسمت ونظرت للأرض وادعت الكسوف واحدة واحدة عليا هو كله علي الساخن كدا
مروان٠٠ بت آنتي هبله رسمي آنتي عقلك راح لحته تآني خالص
كنزي ٠٠ نظرت له بلؤم واي يعني هو عيب ولا حرام
مروان٠٠ دا بعيد عن خيالك المريض
غوري هاتي لي اللبس
كنزي ٠٠ بدلع حاضر
بهمس استني عليا يا مارو
احضرت له ملابسه
مروان٠٠ لبسيني
ووقف كأنه صنم
سرحت كنزي في جسده العريض الملئ بالشعيرات الخفيفه ونظرت إلي لحيتة البسيطه وعيونه المليئه بالغموض وشديدة السواد ونظرت إلي جسده الرياضي فهو لاعب خيل ماهر جدا
مروان٠٠ بخبث اي عجبتك
كنزي ٠٠ ببتسامه و بدلع إنت عجبني من زمان
أثناء تلبيسه كان يضربها ضربات خفيفه علي رقبتها واوقات علي ظهرها واوقات علي كتفها
كنزي ٠٠بتعب دا أنا لو بلبس إبني مش هيعمل فيا كدا
مروان٠٠ أبعدها عنه بشده أي مش عاجبك
كنزي ٠٠بدهشه نظرت إلي الطاوله
هومش كان في أكل هنا هو راح فين
مروان٠٠ أخدته دلال
كنزي ٠٠ بس أنا مكلتش وأنا تعبانه وجعانه
مروان٠٠ معاد الاكل خلص غوري نامى
كنزي ٠٠ على فكره الاكل بالليل بيتخن وأنا عاوزه أفضل موزه وحلوه عشان أعجب جوزي تصبح على خير وذهب مكانها للنوم
وفي منتصف الليل قامت علي مهل
ونظرت إلي مروان وجدته نائم
خرجت علي مهل إلي المطبخ واحضرت أكل خفيف وأكلت وذهبت إلي النوم
وفتح عيونه حين نومها
مروان بهمس٠٠هوانتي لسة شوفتي حاجه ٠٠٠مر أسبوع على نفس الوضع
في منزل صالح
يجلس في الغرفه بمفرده ويتكلم مع نفسه بصوت واطي أقرب إلي الهمس٠٠٠وريني بقى يا مروان هتعمل إي هو إنت فاكر إللي عملو أبوك معايا هتعملو في بنتي
وريني هتعمل إي لما تعرف إللي عملتوا وإللي لسة هعمله ولسه اللعبة مخلصتش
وخبط علي باب غرفته
صالح ٠٠ ادخل
ياسين٠٠ السلام عليكم
صالح ٠٠ وعليكم السلام
ياسين٠٠ أنا هروح عند كوكي النهاردة
صالح ٠٠ ماشي بس إوعى تحتك بإللي إسمه مروان
ياسين٠٠ متخفش أنا أعرف أرد عليه ازاي
(في ارض جلال السيوطي القديمة)
يجلس مروان علي الكنبة المعتاد الجلوس عليها ويجلس بجواره عمه عيسى
عيسى ٠٠قولت إي يا مروان
مروان٠٠ سيبني أفكر في الموضوع الاول
عيسى ٠٠ابراهيم بيحب نورهان من زمان ومش هيلاقى أحسن منها أدب وجمال
مروان٠٠ ومريضه
عيسى ٠٠هو راضي بيها بنت عمه وعجباه
مروان٠٠ أنا قولت هفكر الأول
عيسى ٠٠وامتي هترد
مروان٠٠ لما أخد قرار أكيد هقول لك
واتي أدهم من بعيد
أدهم ٠٠السلام عليكم
فغمز عيسى لادهم ففهم إنه يتحدث معه عن جوازه من صفاء ففهم ما يرمي عمه عليه
عيسى ٠٠طيب أنا هروح أشوف مصالحي
تركهم عيسى بمفردهم
أدهم ٠٠بتردد مروان احم أنا عايز عايز
مروان٠٠ تجوز
أدهم ٠٠صراحه أيوا البت هتروح مني
مروان٠٠ هتروح فين ماهي قاعدة دول بيضحكو عليك لما بيقولولك هتروح أنا عارف الناس دي آكتر منك
أدهم ٠٠بس أنا بحب صفاء وعايز أتجوزها
مروان٠٠ بعدين نتكلم في الموضوع ده يلا أتفضل علي شغلك
ادهم٠٠مروان انا٠٠٠٠٠٠٠٠٠٠
مروان٠٠ أنا قولت شوف شغلك
(في فيلا جلال السيوطي)
كنزي ٠٠ الاكل دا لمين يا دلال
دلال٠٠لستي نورهان
كنزي ٠٠ أي دا بجد انا عاوزه أتعرف عليها
دلال ٠٠احم طيب ممكن أقول لها الأول
واسرعت كنزي إلي غرفه نورهان
نورهان ٠٠ادخل
كنزي ٠٠ صباحك عسل
أنا كنزي هو آنتي ليه مش بتخرجي علطول في الاوضة إطلعي شوفي الدنيا
نجاه ٠٠ بعصبيه كنزي إي دخلك هنا اتفضلي روحي اوضتك
نورهان ٠٠متخليها تعرف ليه أنا قاعده هنا
نجاة ٠٠بعصبيه نورهان أسكتي وإنتي اتفضلي علي اوضتك
نجاه بصوت عالي ٠٠انا قولت قومي
كنزي ٠٠ حاضر حاضر هو الكل هنا عصبي عن اذنك يا نور هجيلك تآني
نورهان ٠٠الاحسن متجيش
كنزي ٠٠ سلام دلوقتي وهرجعلك
واسرعت إلي الخارج
نجاه::مش عايزه كنزي تعرف حاجه
نورهان::خليه تعرف جبروت جوزها
نحاه::يا بنتي حرام متكرهيش كنزي في مروان
برجاء عشان خاطر امك
اشاحت وجهها للناحيه الاخري
(في منزل عيسى السيوطي)
عيسى ٠٠الضربه القاضيه علي مروان
إبراهيم ٠٠وهو مش هيعرف
عيسى ٠٠دا لو عمل فيها قرد مش هيعرف
ابراهيم ٠٠لو عرف يبقى خلصت
عيسى ٠٠هو إي إللي هيعرفه
ابراهيم ٠٠ضامن الناس يعني
عيسى ٠٠انا دافع كتير
ابراهيم ٠٠ربنا يستر
في غرفه صفاء
صفاء ٠٠ خلاص يا أدهم مروان مش عايز الموضوع يكمل كل واحد يروح لحاله
أدهم ٠٠بعصبي بت آنتي بتقولي إي أنا بقولك إنه في كذا موضوع في دماغه هيخلصوا وهيفضا لينا و نتجوز بقي يا صفصف
صفاء ٠٠كلام مش بأخد غير كلام
أدهم٠٠كلام وافعال وهتشوفي لو حكمت هتجوزك غصب عنه
صفاء ٠٠ بجد يا أدهم
أدهم ٠٠ بجد يا قلب ادهم
(على قهوه فؤش السايح)
إحنا هنروح في داهيه لو عرف إن إحنا إللي عملناها
وهو مين إللي هيعرفوا وبعدين خلاص إحنا عملناها وخلص الموضوع
ربنا يستر دي هتروح فيها رقاب لو عرف
(في فيلا جلال السيوطي)
في غرفه مروان
هو ياكل وهي تقف تنتظر إن يخلص اكله
مروان٠٠ هدخل أخد دش اخرج ألاقي الشاي جاهز وولو مش عدل مزاجي هكبو عليكي خلاص
كنزي ٠٠ حاضر يا سيدي
وهنا بدأت كنزي خبثها ولعبها مع مروان
دخل مروان الحمام وخطر علي بال كنزي فكرة
خرج مروان بعد نصف ساعة جلس علي السرير وبدأ يشرب الشاي
وجدها تنظر إليه وفتحة عيونها علي وسعها
مروان٠٠ أي عجبك ولا اي
كنزي ٠٠ اقتربت منه ورمشت بعيونها
هي مال عيونك
مروان٠٠ مال عيوني حلوه مش كدا
كنزي ٠٠ هي ليه حمره آوي كدا هو إنت تعبان ولا اي
مروان٠٠ حمرا ليه شيطان
كنزي ٠٠ بصوت هامس جدا
دا إنت ابليس
مروان ٠٠انتي بتقولي حاجه
كنزي ٠٠ لا بقول الاحمرار زاد أنا خايفه ليكون فيك مرض ولا حاجة
مروان٠٠ مرض
كنزي ٠٠ المرض قضاء ربنا إنت معترض٠٠انا هروح اودي الاكل في المطبخ وخرجت كنزي ولكن وقفت خلف الباب
أسرع مروان إلي المرايا ونظر إلي نفسه بقلق ماهو عيني مفهاش حاجه أمال إي حكاية إنها حمره
ضحكت كنزي وهي خلف الباب لقد نجحت خطتها
كنزي ٠٠ طيب يا مروان أدبك علي يدي والله لاجننك واخليك تكلم نفسك يارب عيني علي ما نويت
في غرفه نورهان
نورهان ٠٠ادخل
كنزي ٠٠ أهو جيت زي ما قولتلك
نورهان ٠٠انتي كدا هتزعلي الحاجة نجاه منك
كنزي ٠٠ ليه هو أنا عملت حاجة غلط
نورهان ٠٠قالتلك متجيش واهو آنتي جيتي
كنزي ٠٠ وهو أنا لما اجيلك يبقى كسرت كلامها٠٠ عموما هي أكيد نامت تعالي نحكي للصبح
نورهان ٠٠نحكي ليه ونحكي في اي
كنزي ٠٠ عشان خلاص بقينا أصحاب وهنحكي في كل حاجة وأي حاجه
وجلسة بجوارها علي السرير وتربعت٠٠قوليلي بقى قاعده على طول لوحدك ليه
نورهان ٠٠عشان مبعرفش إطلع من هنا لوحدي
كنزي ٠٠ ازاي يعني
نورهان ٠٠ هطلع ليه وفين
كنزي ٠٠ في أي مكان برة الفيلا جوا الفيلا في الجنينه تعالي عندي روحي المطبخ
نورهان ٠٠انا عاحزه
كنزي ٠٠ عاجزه ازاي
نورهان ٠٠مش بمشي عندي عجز
كنزي ٠٠ أنا أسفه والله ماكنت اعرف
نورهان ٠٠واهو عرفتي
كنزي ٠٠ باسف هو ازاي حصلك كدا
نورهان ٠٠مروان هو السبب جوزك مرضني
كنزي ٠٠ بأستغراب ٠٠٠ازاي يعني
وسمعت صوته ينادي عليها بصوت عالي
نورهان ٠٠ روحي له أحسن تقعدي جمبي
كنزي ٠٠ هجيلك تآني بكرة ٠وباستها في خدها وخرجت بسرعة
إستغربت نورهان من تصرفها
دخلت عليه وجدته فارد جسده علي السرير
مروان٠٠ كنتي فين
كنزي ٠٠ بدلع وحشتك
مروان٠٠ بقرف ونظر لها من تحت لفوق وهز في راسه غوري نامي
كنزي ٠٠ حاضر يا حبيبي
وذهبت للنوم علي الارض
وتحدثت مع نفسها
بأسف إنت السبب في مرض أختك دا إنت معندكش قلب ولا رحمه ٠٠مااااااشي٠٠٠
وحوالي منتصف الليل
كنزي ٠٠ وقفت بجوار سرير مروان وصمتت لبعض الوقت وجدته نايم بعمق إنت إزاى جايلك نوم ضميرك قتلته عموما طيب
كنزي ٠٠ مروان مروان اصحي
مروان٠٠ إي في إي مصحياني دلوقتي ليه
كنزي ٠٠ إنت إللي صحتني مش انا
مروان٠٠ أنا بأستغراب ازاي
كنزي ٠٠ وإنت نايم عمال تقول امشي من هنا غور من وشي أنا مليش ذنب أنا مش السبب وكلام كثير مش مفهوم
مروان٠٠ بأستغراب أنا بتكلم وأنا نايم
كنزي ٠٠ هو أنا هكدب عليك
ده حتي وشك غرق من كتر الضغط إللي كنت فيه
مروان٠٠ رمي الغطا من عليه
و جدها إمامه زقها بعيد عنه ٠٠ابعدي كدا واسرع إلي المرايا وفعلا وجد ماء علي وجهه بلع ريقه بصعوبة
بس أنا مش فاكر إني كنت بحلم
كنزي ٠٠ بتحصل معايا ساعات بكون
بحلم وانسي حلمت في اي
بس بفتكر حاجات بسيطه فبعرف إني كنت بحلم
متخفش استعيذ من الشيطان وروح نام وأنا هروح أنام تصبح على خير
وذهبت إلي النوم وهي مبتسمة وتذكرت حين وضعت علي وجهة الماء فقد علمها ياسياين كيف تكون يدها خفيفه وفعلا بلت يدها بالماء ووضعت قطرات علي وجهة وهو نائم وفعلا نجحت وابتسمت
كنزي ٠٠بهمس ولسة عليك
لم ينام مروان طوال الليل
مروان٠٠ أنا مش فاكر كنت بحلم في إي بس المايه دي جت منين
هو في حد بيحلم وينسا ومين إللي كنت بقوله امشي
كنزي ٠٠ أمشى امشي ههههههههه لالا
والله ما هعمل كدا تاني
نظر إليها وجدها نائمه بعمق
مروان٠٠ زقها برجله ٠٠قومي قومي
كنزي ٠٠ استيقظت وهي تفرك في عيونها إي في إي عايز حاجه
مروان٠٠ هو آنتي بتتكلمي مع مين ومين إللي يمشي وليه بتضحكي
كنزي بصوت هامس هو إنت متعرفش
مروان٠٠ لا معرفش
كنزي ٠٠ أصل أنا عندي مرض الكلام وأنا نايمه وأتخيل ناس بتكلمني واكلمهم
مروان٠٠ مسكها الكلام ده مش عليا
كنزي ٠٠ الله دا مرض وأنا مالي ربنا عايز كدا ادعيلى ربنا يشفيني
واذن الفجر
كنزي ٠٠ الله أكبر الله أكبر
عن اذنك شويه وابعدت يده وفتحت البلكونه ورفعت يدها ونظرت إلي السماء ٠٠يارب اشفيني يا رب اشفيني وونظرت إلي مروان الله
قول يا رب
خرج من الغرفه دون كلام
ابتسمت كنزي حين خروجه
كنزي ٠٠ والله شكلك راكبك عفريت وأنا إللي هطلعه
صلت الفجر وذهبت للنوم علي السرير ونامت نومتها المعتاد واضعه يدها تحت خدها مثل الاطفال
رايكم في كنزي
ياسمين خالد😍😍😍😍😍😍
زهره الجبل
الحلقه الثامنه
كنزي
(كنزي تتحدي مروان الصعيدي)
وجدها نائمه نومت الاطفال واضعه كفة يدها تحت خديها
كنزي ٠٠ بخضه الله في حد يصحي حد كدا
دلق عليها كوباية ميه
مروان٠٠ قومي حضري الفطور ومتناميش هنا تآني أصلي بقرف
كنزي ٠٠وهي تتثاوب ليه جربانه
مروان٠٠ مسكها من شعرها متروديش علي كلامي
كنزي ٠٠ بدلع شعري شعري
مروان٠٠ قومي حضري الفطور
كنزي ٠٠ببتسامه حاضر يا سيدي
تقف كالعاده وهو يفطر
مروان٠٠ ادخل
نجاه ٠٠ صباح الخير
صباح النور
نجاه ٠٠كان في موضوع عايزه أكلمك فيه
مروان٠٠ لو علي أدهم مش وقته دلوقتي بعدين
نجاه ٠٠بتأثر نورهان اختك
مروان٠٠ لامباله مالها
نجاه ٠٠ في دكتور نفسي في البلد بيقولوا إن هو شاطر أنا بقول يشوف اختك
مروان٠٠ جبنالها أحسن الأطباء ومفيش فايدة جت على دا
نجاه٠٠يمكن ربنا كاتب الشفا علي ايده
مروان٠٠ خلاص يا إمه مفيش دكاترة هتدخل هنا تاني
نجاه ٠٠ياابني
مروان٠٠بزهق أنا قولت خلاص الموضوع خلصان
مشت نجاه وكلها الم وحزن علي ابنها وتصرفاته
كنزي ٠٠ دي أختك وإنت مسؤل عنها لازم تعالجها لازم توديها لدكتور وكمان عشره
مروان٠٠ بشخط اخرسي ولا كلمه مسمعش صوتك
كنزي ٠٠ بحزن إنت إي معندكش رحمه
مروان٠٠ هتشوفي عندي ولا لا
البسي وتعالي ورايا
كنزي ::ليه هروح فين
مروان ::البسي وانتي ساكته
وبشخط اخلصي
كنزي::حاااضر يا سيدي
بهمس لما اشوف اخرتها معاك اي
ماشي يا مارو
لبست كنزي وخرجت معه غصب وهويشدها من يدها
حست كنزي ان مروان ينوي شئ ما
(في منزل عيسى)
عيسى ٠٠اخوك مش موافق يبقى هجوزها لأي حد يكون كويس
أدهم ٠٠ بغضب يعني اي أنا قولت صفاء ليا
عيسى ٠٠اخوك مش موافق
أدهم ٠٠هيوافق بس الصبر
عيسى ٠٠لحد أمتا هنصبر
أدهم ٠٠امي هتقنعه وقريب آوي هناجي كلنا
غمز عيسى لزوجته
عيسى ٠٠طيب أنا معايا شغل مهم هروح اشوفه مش هتاجي معايا
أدهم ٠٠احم لا شويه كدا وهاجي
عيسى ٠٠طيب متطولش سلام عليكم
ورحل عيسى
حسنية ٠٠ والله أنا مصبره عمك بالعافية
أدهم ٠٠انا هخلص الموضوع عن قريب
حسنية ٠٠انا عندي خطة لونفذتها يمكن أخوك يوافق مع إنها خطيره وعمك ممكن يطلقني فيها بس أعمل إي البت بتحبك
أدهم ٠٠خطه إي
حسنيه٠٠هو إنت صغير مستني أخوك يجوزك اكتب على البت وحط أخوك في الخيه
أدهم ٠٠انتي بتقولي إي يا مرات عمي دا كدا عمره ما هيوافق مروان راسه انشف من الحجر ولو عملت حاجة زي كده عمره ما هيوافق
حسنيه٠٠ خلاص عمك لو جوزها لواحد تآني متزعلش
أدهم ٠٠بغضب انا أروح فيكم في داهيه الموضوع عايز صبر وأنا بحاول مع مروان
حسنيه٠٠ أنا قولت إللي عندي
(في اصطبل جلال السيوطي)
مروان٠٠ صابر صابر
صابر ٠٠نعم ياباشمهندز
مروان٠٠ طلع كل العمال إللي هنا
صابر ٠٠حاضر يا باشمهندز
كنزي ٠٠ ابتسمت بفرح هو إحنا هنا ليه هو إنت هتركب خيل وتركبني وراك
ابتسم مروان٠٠٠اماااااااااال إي هبسطك اوووي
كنزي ٠٠ بفرح الله أنا نفسي اركب خيل
مروان٠٠ أنا هعملك كل إللي نفسك فيه
كنزي ٠٠ الله عليك يا مارو يا قلبي
مروان٠٠ شايفه الاصطبل دا كله
نظرت حولها ٠٠٠٠اه أكيد شيفاه واسع وجميل
مروان٠٠ عايزه انضف من وشك
بزهول فتحت عينها علي وسعها
كنزي ٠٠بصدمه تقصد اي
مروان ٠٠اقصد هتملي ميه للخيل وهتكنسي الارض و هتشيلي روث الخيل وهتحطي الاكل ليها
بشخط ابداي يا لااااا
كنزي ٠٠ببتسامه حبيبي أنا كوكو حبيبتك
مروان٠٠ بصوت عالي
أنا قولت ابداي يالا
كنزي ٠٠ حااااضر٠٠٠
بصوت هامس استحمل بقى إللي هعمله فيك ماشي يا ماروو
مروان٠٠ اخلصي
وجلس علي الكرسي وبدأ يشرب سيجاره المعتاد
بدأت تكنس وتجمع رواث الخيل وبقايا الأكل في مكان واحد استحملت الرائحه بصعوبة حاولت بكل طاقتها تجنب الرائحه وضعت الاشرب حول فمها وانفها
يجلس علي الكرسي ويتابع كل حركاتها كانت ترقص وتغني وكأنها في حديقة زهور
مروان٠٠ دي هبلة هبله دي مجنونه
كنزي ٠٠ بصوت عالي عاااااااا الحقني يا مروان عااااا عااااا يلهووووي يختااااااي
أسرع إليها في اي
كنزي ٠٠ تعبان تعبان ورا الزباله
مروان٠٠ هو فين
كنزي ٠٠ أهو أهو تحت رجلي أهو عااا اهو الحق يا مارو
واسرعت إلي الخارج وهي خارجه زقت مروان في روث الخيل والزباله والماية التي غسلت بها الخيل ووقفت علي باب الاصطبل تنظر إلي مروان والرائحه الفظيعه
استطاع الوقوف بصعوبة وجسده وشعره وجهه كله مايه غير نظيفه
وبقايا أكل وروث الخيل
مروان٠٠ الله يخرب بيتك و بصوته العالي والله لأخلي نهارك زي وشك حد يمسك الزفت دي
والله ما هعديها ٠٠ صابر صابر
اتي صابر وحين راه بذلك المنظر تفاجأ ودهش ووقف مكانه كألصنم
مروان٠٠ إنت هتقف كده كتير هات خرطوم بسرعه
صابر ٠٠حاضر ياباشمهندز
كنزي ٠٠ وهي تحاول كتم ضحكاتهة
الله غصب عني هو يعني كنت اقصد ثواني في جردل ميه أهو ٠٠
مروان::لمحها تمسك الجرد
لا لا لا لا امسكها امسك الزفت دي
ودلقت الجردل عليه وكان فية بقايا شرب الخيل وكانت رائحتها عفنه
مروان٠٠ بصوته العالي
الله يخرب بيتك حد يمسك المصيبة دي
كنزي ٠٠ هو أنا يعني كنت أعرف وبعدين عايز حد غريب يمسك مراتك
اتي صابر بالخرطوم وفتح المياه ورش علي مروان
مسك كنزي من زراعها بقوة أدبك في البيت وجرها خلفه
صابر ٠٠انتي إللي جبتيه لنفسك حد يدخل في النار برجليه
شدها مروان بقوه إلي الفلا
كنزي ٠٠ بالراحه أنا ماكنتش اقصد
مروان٠٠ أنا مروان السيوطي يتعمل فيا كدا
كنزي ٠٠ الناس هتقول عليك إي وإنت جاررني كدا الناس هتضحك عليك
انا مراتك برضو يا مارو براحه
جرها اكتر فهو بلغ من الغضب اعلاه
مروان٠٠ أنا مش بيهمني حد انا هعرفك مقامك
كنزي ٠٠ طيب أبعد عني شويه ريحتك وحشه
مروان٠٠ بصوته العال
وريحتي دي مش آنتي السبب فيها يا اغبي مخاليق ربنا
(Flash pack)
السيوطي ٠٠صالح أحسن منكم بقى مهندس وأبوه فرحان بيه وطاير بيه في السما وإنتوا غير المشاكل مفيش
عيسى ٠٠وهو هيعمل اي بالشهاده
السيوطي ٠٠بشخط هيعمل إي بالشهاده دا بقي باش مهندس كفاية رافع رأس ابوه
جلال ٠٠يا أبويا إحنا عملنا إللي علينا وبعدين صالح معندوش الأراضي إللي عندنا
السيوطي ٠٠بكره يبقي عنده أحسن مننا الواد حط يده في يد أبوه وهيبقى فوق فوق وإنتوا غير الفشل ما وراكم غورو من وشي غورو
(في غرفة جلال وعيسي)
عيسى ٠٠وبعدين في صالح إللي مبوظ علاقتنا مع ابونا
جلال ٠٠وصالح ماله بإللي بيحصل أبونا إللي دماغه ناشفه
عيسى ٠٠ابوك فاضل عليه يتبري مننا
(عودة للزمن الحاضر)
نهال٠٠صالح صالح
صالح ٠٠ايوا يانهال
نهال٠٠مالك سرحان في إي
صالح٠٠لا أبدا أصل البت كنزي وحشتني
رأيكم في حلقه اليوم
زهره الجبل
الحلقه التاسعه
كنزي
كنزي تتحدي مروان الصعيدي
نهال&وانا وحشتني اوي
صالح&هو يااسين راحلها
نهاال&كان هيروحلها والشغل شويه أنا عايزه اروحلها وحشتني خالص
صاالح&الصبح عندها
(في فيلا جلال السيوطي)
مروان & أنا قولت أجل الموضوع هو كل شويه هنتكلم في نفس الموضوع
أدهم&يا مروان صفاء عرسانها كتار ومعك هيجوزها لأي واحد فيهم طيب خطوبه بس
مروان&عمك بيقولك أي كلام بيضحك عليك
أدهم&بس أنا بحب صفاء وعايز اخطبها
مروان&وأنا قولت مش وقته واتفضل على اوضتك
خرج أدهم وكله غضب من اخيه
(في غرفة ادهم)
ادهم& ايوا يا صفاء أنا خلاص اخدت القرار احنا هنتجوز وهنحط مروان قدام الامر الواقع
صفاء&وأنا هقنع أبويا ازاي
أدهم&أنا هقنعه من غير كدا الموضوع هيطول
صفاء&وأنا هحاول مع أمي تخلي أبويا يوافق
بس الحاجه نجاة هنعمل معاها ايه
أدهم& أنا هقولها وافقت تقف في صفي كان بها بس ماوفقتش هقنعها ماتقولش لمروان دلوقتي
صفاء&ربنا يستر
(في غرفة نورهان)
كنزي&أنا قولت أنا قولت اكيد نومتي الوقت متأخر
نورهان&أنا بنام على ع الفحر
كنزي&حوالي الساعه 2بعد نص الليل
نورهان&مش فارقه صبح من ليل.أهو ساعات وخلاص أخبار مروان ايه
كنزي&دا عسل وحنين وطيب ومفيش منه اتنين دا مش بينام غير لما انام ولا بياكل غير لما أشبع ويحطلي الاكل في بوقي.يصحي الليل يغطيني نظرت الى
نورهان وجدت ملامحها جامده
نورهان&بتحكي علي اساس اني معرفش مروان اخويا أنا اكتر واحده عارفه والدليل مرضي
كنزي&هو. قاسي شويه بس
نورهان&مافيهاش بس بعد كلمة قاسي
كنزي&تعالي احكيلك حصل ايه النهارده وحكت كنزي كل اللي حصل منها لمروان
نورهان بزهول انتي متأكده انك عايشه ولا انتي روح
كنزي&هههههههه اسكتي بعد اللي عمله بعد ماجينا هنا انتي حيوانه انتي هبله انت مش بتفهمي وخلاني اغسل الهدوم يمكن عشر مرات وبعدين رماها من البلكونة غير أنه نومني من غير عشا وجابلي هدوم من السايس بتاع الخيل وخلاني البسها وقالي نامي بيها اتأكدت انه نام قلعت الهدوم وروحت المطبخ اكلت وقولت اشوفك نايمه ولا صاحيه
نورهان&احمدي ربنا أنك عايشه لحد دلوقتي
كنزي& الحمدلله على كل حال قوليلي بقا انتي هو السبب في مرضك ازاي
نورهان&مش حابه أفتكر حاجه
كنزي&بالعكس الكلام بيريح واهوه ندردش
نورهان&أنا استريحتلك وهحكيلك اللي حصل
وأنا في تالته ثانوي جه في بلادنا مدرس عربي من بلد تانيه درسلي في المدرسه وكنت حابه اجيب مجموع في كل المواد وفعلا اخدت دروس في كل المواد ومن ضمنهم العربي اتعودت عليه واتعود عليا وأعجبت بيه وهو كمان اعجب بيا وحبينا بعض وطلبني من مروان رفض.في البدايه حاول مره واتنين وبرضوا ماوافقش ولما قولت أنا عيزاه ومش هجوز غيره كل جهده طلعه بره البلد وخلى المدرسه ترفده ومره كنت بتخانق معاه ع السلم وبقوله حرام عليك ليه بتعمل كدا هو عملك ايه كان رده مش مناسب ومش اد المقام واللي يوجع أمي كانت واقفه في صفه وكانت موافقه ع اللي عمله شد الخناق وقعت من ع السلم ومن ساعتها حالتي زي ما انتي شايفه 3سنين وأنا على نفس الوضع غير التعب النفسي وجسمي اللي هزل
بكت كنزي حين سمعتها لقصة نورهان ااخدتها في حضنها
كنزي&ماتزعليش هتبقي احسن وأنا هحاول اخليه يجيبلك دكاتره من كل أنحاء العالم
نورهان ::جابولي دكاتره كتير وماينفعش كلهم بيقولوا دا مرض نفسي مش جسدي
كنزي&بفرح جيتي في ملعبي
نورهان&ازاي وبعدين خلاص مش فارقه معايا اتعالج او مااتعالجش
كنزي&اوعي تقولي كدا انتي لازم ترجعي زي الاول واحسن واذا كان ع الطب النفسي ياسو عبقري نفسي
نورهان&ياسو دا برشام ولا حقن
كنزي&هههههههه هو برشام وحقن هههههههه ياسو دا اخويا دكتور نفسي دا كل تجاربه عليا أنا الفار اللي بيجرب فيه وكل اللي اتعلمته بطلعه على اخوكي تعالي احكيلك كان بيعمل معايا ايه وظلوا طوال الليل يحكوا على يا سين ويضحكوا ويهزروا لحد اذان الفجر
كنزي&أول ماسمعت اذان الفجر نطت من على السرير اخوكي هيصحى ومش هيلاقيني سلااااام
نورهان&ربنا يعينك ويصبرك
(في منزل صالح)
نهاال&أنت كدا هتتأخر أنا هروح قبلك
يااسين&أنا هخلص ع الضهر يعني مش هتأخر
نهاال&أنا قولت هروح مع ابوك وأبقى حصلنا
صاالح&خلاص يا يااسين روح شغلك وابقى حصلنا على هناك
ياااسين&خلاص اللي تشوفه
محمد (في أرض جلال السيوطي)
يجلس على الكنبه المخصصه له كالعاده
مروان&انت بتقول ايه دا أنا هخرب بيتكم كلكم
دكتور حسن&احنا مانعرفش حالة المرضى دا من فين يعني ايه البهايم كلها جالها نفس المرض
دكتور حسن&الدكتور الخاص للحيوانات. قال في شخص حط حاجه في الشرب والمرض انتشر بسرعه وأنا بعمل اللي عليا
مروان &وانت كنت فين والناس اللي معاك كانوا فين الموضوع يخلص بسرعه والا كلكم هتروحوا في ستين داهيه وأنا هعرف مين الكلب اللي عمل كدا اتفضل شوف شغلك
عيسى&السلام عليكم
صحيح اللي سمعته كل المواشي جالها المرض
مروان&بسرعه كدا عرفت
عيسى&الاخبار اللي زي دي بتوصل زي الهوا
مروان&ايوا المواشي جالها مرض بس فيه واحد ابن حرام لعب في عداد عمره وحط دوا للمواشي بس والله لا أعرفه ولما اعرفه ماهرحمه
عيسى&احم صلح المشكله الاول وبعدين شوف مين ابن الحرام اللي عمل كدا
(في منزل عيسى السيوطي)
حسنيه&بقولك لو قولتلهه هيطلقني وأنا عارفه مش هيوافق من غير موافقة اخوك
أدهم&طيب والعمل يا مرات عمي مروان مأجل الموضوع لحين ميسره
حسنيه&والله عندي فكره بس اطلعني أنا من الموضوع خالص
أدهم&ايه هو الحقيني بيه تجوز من ورانا وتقول هو دا الحل اللي لقيته قدامك وكدا تحط اخوك وعمك في الخيه ها قولت ايه
أدهم&بعد صمت لبعض اللحظات أنا موافق بس الموضوع عايز ترتيب
حسنيه&رتب ونفذ بس بلاش اطول الترتيب
(في منزل جلال السيوطي)
كنزي&وحشتوني خالص فين صلوحه ماجاش معاكم ليه
نهاال&كان جاي بس بيقول عنده شغل استنيت اخوكي على ماخلص شغله
نجاة&نورتوا يا ام ياااسين
نهال&شكرا يا ام مروان
كنزي&اعرفكم يا ماما نجاة الدكتور يااسو اقصد ياسين بيقولوا انه اخويا
نجاة&أهلا وسهلا يا دكتور شرفتنا
يااسين&تشكري يا خالتي ازي كوكي معاكم
نجاة&يارب احنا نكون كويسين معاها
كنزي &دا انتوا زي العسل
نجاة&بنت أصول اختك وانت بقا دكتور ايه
كنزي&دكتور سيكولوجي
يااسين&هو انت الجواز ماعقلكيش
كنزي&البركه فيك ركبتني عفاريت الدنيا
ياااااسين&يابت الحاجه هتاخد فكره وحشه عني
أنا دكتور نفساني
نجاة&هو انت الدكتور النفساني اللي شغال في المستشفى العام اللي في البلد
يااسين&أنا بعينه
نجاة&أنا سمعت كلام كتير عنك
ياسين&خير يارب
نجاة&كله خير دا بيقولوا أنك.شاطر
يااسين&احم يعني علي قدي
نجاة&متواضع زي ابوك
كنزي&هو انتي تعرفي بابا وكمان متواضع
نجاة&أصل احنا ولاد عم
ظلوا وقت طويل يحكوا وبعدها رحلوا
نجاة&أنا قولت لأ يعنى لأ
كنزي&ليه بس دا هيشوفها ع الماشي
نجاة&من غير مامروان يعرف مش هيشوفها
كنزي&مروان مش هيوافق حد يشوفها ودي بنتك دوري علي مصلحتها يعني هي عجباكي قعدتها دي وبعدين انتي هتفضلي معاهم
نجاة&افكر الاول
كنزي&فكري في مصلحة نونو
نجاة&مين نونو
كنزي&اقصد.نورهان
نجاة &هو انتي مش سايبه حد إلا واطلعي اسم عليه
كنزي&لا أنا بحب الدلع اوي
نجاة&مروان أخباره ايه
كنزي&دا مش بيقولي غير ياكوكي ويل حياتي ويا قلبي ويا عمري
(من داخل غرفة مروان)
مروان انتي يازفت ياللي اسمك كوسه
كنزي&احم شوفتي أهو سمعتي بودنك عن إذنك بقا أروح أشوف حب السنين ايوا يا قلب الكوسه أنا جايه اهوه
نجاة&بأسف ربنا يهديك يا ابني
في قهوة فؤش
الموضوع كبر ومروان قالب الدنيا ولو شم خبر إن إحنا إللي عملناها هنروح فيها
نطلب فلوس ونهرب من البلد
هيوافق يدينا فلوس تآني.
هيوافق غصب عنه كدا خطر عليه قبل ما يكون خطر علينا
خلاص نطلب منه فلوس كتير ونهرب برة البلد
في منزل عيسى السيوطي
حسنية ٠٠اهو ربنا بيخلص من إللي بيعملوا في الناس
ابراهيم ٠٠المواشي في حاله يبكي عليها قاسي القلب
حسنية ٠٠بس مين إللي عملها
عيسى ٠٠واحد إبن حرام
إبراهيم ٠٠كدا مش هينفع نكلمه في أي موضوع
عيسى ٠٠ دا قدامه كتير عشان يلم الموضوع
حسنية ٠٠وش بنت صالح فقر عليه
ابراهيم ٠٠ يعني موضوعي هيتاجل لحين ميسرة
عيسى ٠٠ هتستني كتير شويه الحالة صعبه اوي
Flash back
جلال ٠٠ يعني خلاص يا صالح هتتجوز
صالح ٠٠ ده كتب كتاب يعني الجواز لسة شويه
عيسى ٠٠ صراحة يا صالح حظك دايما في مكانه
صالح ٠٠ صفي ضميرك يا عيسى وحظك هيتعدل أحسن مني
عيسي٠٠تقصد إيه يا صالح أنا ضميري وحش ليه دخلت جوا ضميري وعرفته
ايمن ٠٠ خلاص بقى يا جماعة إحنا اجتمعنا هنا عشان نحتفل بكتب كتاب صالح
ايمن صديق صالح والمقرب إليه وابن عمه من بعيد
دايما يجتمعوا شباب البلد في قهوه السايح الذي سماها ابنه من بعده فؤش
جلال ٠٠ مبروك يا صالح عقبالنا كلنا
صالح ٠٠ يلا بقى عايزين نفرح بيكم كلكم
عيسى ٠٠ كفاية إنت فرحتنا وأنا عن قريب قولو يا رب
يارب
ايمن ٠٠ بس عرفت تنقي جمال وادب وبنت ناس
عيسى ٠٠ مش بقول حظه في رجليه
جلال ٠٠وامتي الفرح
صالح ٠٠ لسه شويه لما اثبت في الشغل
عيسى ٠٠ سيبك من الشغل في أراضي الغريب وتعالى إشتغل في اراضينا ومتخفش هنبسطك وهنديك آكتر من إللي بتاخده
صالح ٠٠ يحاول الادعاء إنه هادي
لا يا عيسى الارض إللي هشتغل فيها ارض ابويا
جلال ٠٠ارض أبوك حرام الشغل فيها سيبك منها
صالح أنا قررت إبني عليها بيت وهزرع الباقي وهتبقى أحسن الأراضي
سلام أنا مش فاضي
عيسى ٠٠من دلوقتي اتكبر علينا
ايمن ٠٠ حرام عليك قول كلمه كويسه في حق إبن عمك
عيسى ٠٠ ماهو قدامك بيتكلم بتكبر
جلال ٠٠انا هروح البيت سلام
في منزل السيوطي
السيوطي ٠٠ آنتو ش فتوا
عيسي٠٠بهمس إلي جلال أهو هيبدأ
جلال ٠٠ ليه كنت عايز حاجه مننا
السيوطي ٠٠ شوفو صالح بيعمل اية مع ابوه واعملو زيو ماشي في ديل ابوه وأنا ديلي مقطوع عايزكم أحسن الناس تقفو جنبي ومعايا عايز افتخر بيكم لكن لا بتسمعو الكلام ولا بتحسو
جلال ٠٠صالح صالح ٠٠ طيب شوف كامل أبو صالح بيعمل اية مع ابنة دايما مكبره قدام الناس دايما بيتفاهم معاه مش كله أوامر وشخط
ودايما محسسنا اننا فاشلين في كل حاجة ٠هو إنت جربتنا في حاجه وفشلنا واذا فشلنا يبقي إحنا صوره منك
وقبل ما يخلص الكلمة ضربه كف علي خده
السيوطي ٠٠انت بتحملني فشلكم
ليه إيه ناقصكم في إللي بعمله معاكم كامل مش بيعمل ربعه مع صالح غورو مش عايز أشوف حد فيكم
(عودة للزمن الحاضر)
في فيلا جلال السيوطي
في غرفه مروان
تقف صامته كالصنم وبعد لحظات من الصمت
كنزي ٠٠ احم ممكن تقولي إللي قولته تآني
مروان٠٠ ومالوا أعيد تآني مع إني مش بحب أعيد كلامي ده شوال أرز مخلط معاه العدس عايزك تفصلى الرز عن العدس وحزاري أشوف رزايه مع عدسايه
كنزي ٠٠ ليه هما آلأتنين مؤنث يعني عادي
مروان٠٠ مسكها من ذراعها آنتي هتهزري
كنزي ٠٠ صراحة إنت إللي بتهزر ازاي افصل الرز عن العدس بدلع بعدين أيدك ناشفة وأنا طريه هتكسر في ايدك
مروان٠٠ مسكها بشده أسلوب السهوكة ده مش معايا
كنزي ٠٠ حاضر حاضر هو كله عنف كدا
مروان٠٠ ترك يدها الصبح ألاقي الرز في ناحية والعدس في ناحية
كنزي ٠٠ بدلع متسبهم متلخبطين هما مبسوطين كدا ليه عاوز تفرقهم
مروان٠٠ بصوت عالي ومسكها من شعرها قولت بطلي أسلوب السهوكه
كنزي ٠٠ حاضر حاضر بس بلاش الغالي
دخلت الحمام أخدت دش وخرجت وجدته جالس علي السرير نظر إليها من فوق لتحت وبلع لعابه
بصعوبة خرجت من الحمام وكانت ترتدي هوت شورت و تيشرت حمالات فاظهرت كل مفاتنها وربطت شعرها زيل حصان وانطلقت بعض الخصلات
مروان٠٠ بعد صمت دام للحظات
إيه إللي لبساه دا
كنزي ٠٠ هوت شورت
مروان٠٠ يتكلم بصعوبة هو أنا بقولك إسمه إيه
جلست علي الارض وبدأت في فصل الرز عن العدس
كنزي ٠٠ عشان أخد راحتي
مروان٠٠ احم هو آنتي هتقعدى كدا
كنزي ٠٠ أمال يعني هلبس اسدال أكيد هقعد كدا عشان الجو حر وعشان أخلص بسرعة سيبني بقى اركز
أخذ طوال الليل يحاول النوم فلم يستطع فمنظرهاحرك كل غرائزه
كرجل ظل ينظر إليها طوال الليل يحاول إبعاد نظره عنها يبعد نظره للحظات ثم يعود النظر اليها
لاحظت كنزي إنه ينظر لها فلم تعلق علي نظراته
كنزي ٠٠ إيه إللي مطير النوم من عينك
مروان٠٠ وإنتي مالك أنام ولا اصحي ركزي في إللي بتعمليه عشان بكره معاكي مشوار
كنزي ٠٠ مشوار إيه
مروان٠٠ هفسحك
كنزي ٠٠ بفرحه بجد هتفسحني تفسحني
مروان ٠٠امااااااال هفسحك فسحه عمرك ما هتنسيها
كنزي ٠٠ بهمس ربنا يستر
يا تري ماذا ينوي مروان لكنزي
زهره الجبل
الحلقه العاشره
حلقه طويله اهو
في الصباح
مروان٠٠ هدخل أخد دوش تكوني حضرتي الفطور
كنزي ٠٠ هتفسحني النهاردة
مروان٠٠ و مستعجله ليه هفسحك بس مش النهاردة معايا شغل النهاردة ودخل الحمام
كنزي ٠٠ أنا هحضر لك احلي فطور
في غرفه نورهان
نورهان ٠٠انا مش حابه حد يشوفني
نجاه ٠٠خلاص إللي تشوفيه أنا عملت إللي عليا
نورهان ٠٠انتي متأكده عملتي إللي عليكي
نجاه ٠٠ يابنتي أنا غلبت معاكي
نورهان ٠٠انتي بتعملي كدا عشان ترضي ضميرك ريحي ضميرك أنا
زي الفل
نجاة ٠٠انا بعمل كده عشان آنتي بنتي مش عشان ضميري
نورهان ٠٠ ممكن تسبيني لوحدي
نجاه ٠٠ حاضر يا بنتي هريحك مني
في غرفه أدهم
أدهم ٠٠ الاسبوع الجاي هنكتب الكتاب
صفاء ٠٠ يعني خلاص آخر قرار
أدهم ٠٠مخلوش لينا حل تآني
صفاء ٠٠والحاجه نجاه عارفه
أدهم ٠٠مش هتفرق خلي الكل يتفاجئ
صفاء ٠٠ ربنا يستر
في غرفه مروان
تقف كالعاده منتظره الانتهاء من فطوره
كنزي ٠٠ بزهول٠٠ مروان إنت إزاي عملت كدا
مروان٠٠ بقرف عملت اية
كنزي ٠٠ ازاي أكلت ٦بيضات وقالب جبنة كبير وطبق عسل وكوباية لبن كبيره و قطعتين كيكه
مروان٠٠ نعم يا أختي فين ده كله كان علي الصينية بيضه و كوبايه لبن
كنزي ٠٠ خرجت عند الباب دلال دلال
دلال ٠٠نعم يا ستي
كنزي ٠٠ قولت لك قوليلي يا كوكي أو كوكو إيه كان هنا علي الصينية
دلال ٠٠قالت نفس إللي قالته كنزي
مروان٠٠ حطتيهم فين
دلال ٠٠حطتهم من شوية مع الست كنزي
كنزي ٠٠ كوكي وخلاص روحي
شوفت لسة من شويه جابت الصينيه هنا
مروان٠٠ بس أنا مكلتش دا كله
كنزي ٠٠ جلست بجانبه مسكت أيده وعند مسكتها جسده ارتعش
يبقي أكيد في حاجه مضايقاك وبتفكر في حاجه أنا زيك كده ساعات باكل كتير ومحسش إني كلت حاجه دا عشان عقلي في مكان تآني خالص ومش حاسه إني باكل
دايما مامي كانت تقولي كل دا اكلتيه لوحدك
أكيد إنت بتاكل وبالك مشغول
مروان٠٠ هو في حد بيأكل ميحسش إنه أكل الكميه دي
كنزي ٠٠ بتحصل
سحب يده منها وتذكر مشكلة المواشي ربما أخدت وقت من تفكيره وشاغله باله خرج من الغرفه
وهو في عالم تآني
كنزي ٠٠ سامحني يا رب
في ارض جلال السيوطي
يجلس كالعاده علي الكنبه المخصصة له يجلس وذهنه شارد
فيما حدث اليوم كيف ياكل ولا يحس بالاكل
جابر ٠٠انا هجيبه لو راح تحت الارض
مروان٠٠ بتقول حاجه
جابر ٠٠يا باشمهندس أنا بقول علي سيد إللي مشي من البلد وكان شغال هنا
مروان٠٠ أكيد له يد في إللي حصل تغطس وتقب وتجيبه لازم أعرف مين إللي عمل كده
جابر ٠٠ هروح لناسه وأضغط عليهم واعرف فين راح
مروان٠٠ النهاردة عايز آخر الموضوع
جابر ٠٠اعتبره خلص يا باشمهندس
مروان٠٠ ناديلي الباشمهندس صالح
جابر ٠٠ أوامرك يا باشمهندس
صالح ٠٠ السلام عليكم
مروان٠٠ وعليكم السلام
صالح ٠٠. طلبتني
مروان٠٠ الدكتور البيطري صحبك عمل انجاز
صالح ٠٠ أنا عرفت إن المواشي اتحسنت منه
مروان٠٠ يعمل حسابه هيفضل معانا هنا
صالح ٠٠ مش هيقدر يسيب عيلته وأهله أنا اتحايلت عليه عشان ياجي يلحق المواشي
مروان٠٠ إنت تعرفه من زمان
صالح ٠٠ كنا شغالين في مزرعة وآحده أنا ماسك الارض وهو المواشي واتعرفنا علي بعض وكان دكتور ماهر
مروان٠٠ يبقى أقنعه يفضل معانا
صالح ٠٠ أنا هقوله بس مش هقدر اقنعه
مروان٠٠ هدفعله ضعف إللي بياخذه
صالح ٠٠ مش هدف فلوس عشان خاطر اهله
مروان٠٠ هوفر ليه بيت ولاهله
صالح ٠٠ هحاول
مروان٠٠ أقنعه مش تحاول تقنعه
صالح ٠٠ عن اذنك ورايا شغل
بهمس مش هاين عليه يقول شكرا عايز الناس كلها تحت رجليه ربنا يصبرني
في فيلا جلال السيوطي
نجاه ٠٠ ربنا يستر وميعرفش
كنزي ٠٠ ومين بس إللي هيقوله
كان ياسين جاي يزورني عادي
نجاه ٠٠انتي اقنعتيها إزاي دا أنا معرفتش
كنزي ٠٠ أنا محدش يعرف يقول لا معايا بفضل اذن اذن اذن والذن أمر من السحر لحد ما يزهقوا مني ويقولوا إعملي إللي عيزاه
نجاه ٠٠ آنتي هتقوليلي ما آنتي زنيتي عليا ووافقت وربنا يستر
كنزي ٠٠ الباب بيرن اقصد الجرس
أكيد هو أصله مظبوط في مواعيده هروح افتح
نجاه بهمس ٠٠زي أبوه نسخة منه صفة وشكلا
ياسين٠٠ السلام عليكم
نجاه ٠٠ وعليكم السلام شرفت يا دكتور
ياسين٠٠ شكرا يا خالتي
نجاه ٠٠ هشوف نورهان جاهزه ولا لسة
ياسين٠٠ اتفضلي
كنزي ٠٠ وحشتني يا ياسو عامل إيه من غيري
ياسين٠٠ بكلم نفسي آنتي قوليلي عامله اية مع المتعجرف ده
كنزي ٠٠ ولا متقولش كده علي مارو
ياسين٠٠ مارو هو ده بيدلع عادي زينا
كنزي ٠٠ ليه حد قالك إنه من زوات الاربع عشان تقول زينا
ياسين٠٠ اوبا ابتدينا نغير عليه شكله حصل يابت أبوي وأمي
كنزي ٠٠ هو إيه دا
ياسين٠٠ القلب دق و المشاعر بترقص علي دقاته
كنزي ٠٠ دق إيه ورقص إيه دا موريني النجوم في الليل والنهار بس أنا يرضو مش ساهله
ياسين٠٠ بتعملي كل إللي اتعلمتيه
كنزي ٠٠ وبحط التاتش بتاعي
دلال ٠٠ ستي نورهان جاهزه اتفضل
دخل ياسين وكنزي علي نورهان وكانت تجلس علي السرير
نجاه ٠٠ أتفضل
ياسين٠٠ احم أنا ياسين وإنتي
نورهان ٠٠ أكيد عارف إسمي ليه بتسأل
ياسين٠٠ عارفه من الناس حاجه وإنتي تقوليه بنفسك حاجه
نورهان ٠٠ هتفرق
ياسين٠٠ هتفرق كتير عرفي إسمك وسنك وقولي أي حاجه عن شخصيتك
نورهان ٠٠ وايه علاقة ده كله بمرضي
ياسين٠٠ تعارف عشان أعرف كل حاجه عنك عشان أعرف فين السبب ونحاول نعالجه اتكلمي إللي عيزاه
نظرت إلي أمها لاحظ إنها لم تستطع الكلام وهي موجودة
ياسين٠٠ أخد نجاة علي جنب نورهان مش هتعرف تتكلم وحضرتك موجودة لو سمحتي تسبينا شوية وكنزي هتفضل معانا ولا مش واثقة فيا ولا في كنزي
نجاه بتردد٠٠كل إللي هاممني بنتي وأكيد واثقه وإلا مكنتش دخلتك من إلاول أنا هخرج بس متطولش إنت عارف الوضع
ياسين٠٠ عارف أكيد الوضع ومتقلقيش مش هطول
خرجت نجاه وظل ياسين مع كنزي ونورهان
ياسين٠٠ خدي جنب ومسمعش صوتك
كنزي ٠٠ ولا كاني موجودة وجلست علي الكنبة وتربعت وظلت تلعب بالهاتف
ياسين ٠٠اي بقى المشكلة ليه مش عايزه تتعالجي
الأول عرفيني إسمك و سنك
نورهان ٠٠واتعالج ليه ولمين أنا محدش هماه ولا حد بيحبني كده أحسن لا أشوف حد ولا حد يشوفني
ياسين٠٠ والله حرام عليكي
نورهان ٠٠ ليه
ياسين٠٠ نظر لها بعمق هو مش حرام الجمال ده ميشوفش العالم ولا العالم يشوفه وخصوصا العيون السود دول حرام ما يشوفوش العالم
نورهان ٠٠لم تستطع الكلام فكلامه اثر فيها جدا وبعد لحظات من الصمت
احم إنت بتبالغ في الكلام
ياسين٠٠ هو ده إللي أنا شايفه وأنا بقول إللي جوايا لو مش كده يبقي أكيد عندك مشكله
نورهان ٠٠خلينا في مرضي عندك علاج لحالتي
ياسين٠٠ للأسف علاجك عندك آنتي لو حابه تتعالجي هتتعالجي حبي الحياة الحياة هتحبك
خلي ليكي هدف واسعي عشانه
كنزي ٠٠ الدنيا مجنونة ما مجنونه
ياسين٠٠ أسكتي شويه
كنزي ٠٠ نظرت من الشباك ورأت عربية مروان
كنزي ٠٠ يالهوي يالهوي مروان جه انزل بسرعة وقول جيت تزورني
ياسين٠٠ هجيلك تآني فكري في إللي قولتهولك
كنزي ٠٠ يلا يلا بطل نحنحه أخلص وزقته علي الخارج وقبل خروجه ألقي نظره علي نورهان
ظلت نورهان تفكر في ياسين طوال الليل دخلت عليها نجاه
نجاه ٠٠ الحمدالله اخوكي محسش بحاجة
نورهان ٠٠ الحمد لله
نجاه٠٠لو إنك مش هتتحسني مش هضغط عليكي زي كل مره
نورهان ٠٠ أكيد مش هيبان من أول مره
نجاه ٠٠ يعني فيه مره تآني مش زي إللي قبله
نورهان ٠٠ نديله فرصة تآني
نجاه ٠٠كتبلك أي نوع دوا
نورهان ٠٠ملحقش يعمل حاجه كنزي شافت مروان ونزل علي طول
نجاه ٠٠ خلاص نشوف المرة الجاية
تصبحي علي خير وسبتها ومشيت
لم تنام طوال الليل و ظلت تفكر في كلام ياسين
نورهان ٠٠بصوت واطي جمالي هو فين جمالي عيوني سوده وحلوه أكيد بيكذب بس هيكذب ليه
ظلت علي هذا النحو حتي نامت
في اسطبل جلال السيوطي
كنزي ٠٠ احم بقلق هو أنا هنضف تآني هنا
مروان٠٠ لا طبعا هو أنا أرضي تنضفي حاجه زي كده ودي حاجة الرجاله
كنزي ٠٠ أنا بقول كدا برضو ٠٠٠انا عارفه المرة إللي فاتت الشيطان هو إللي قالك تعمل كده
مروان٠٠ ضحك بخبس شيطان ومالوا وبصوت عالي صابر صابر
صابر ٠٠اؤمر يا باشمهندس
مروان٠٠ هاتلي فرحان وجهزه عشان خارج بيه
صابر ٠٠احم فرحان فرحان
مروان٠٠ أيوا فرحان واخلص بسرعة
صابر ٠٠ حاضر يا باشمهندس
استر يارب استر يارب
كنزي ٠٠ هو إنت هتركب خيل
مروان٠٠ هنركب
كنزي ٠٠ بفرحه أنا هركب خيل والله أنا نفسي اركب خيل
مروان٠٠ وأنا هعملك إللي نفسك فيه
صابر٠٠الفرس جاهز
مروان٠٠ أتفضل انت
صابر٠٠استر يا رب
مروان٠٠ ركب الفرس ومد أيده إلي كنزي تعالي
كنزي ٠٠ هركب وراك
مروان٠٠ تعالي وركبت خلفه وضرب الفرس برجله أسرع بطريقة جنونيه
وبدأ يصدر أفعال غريبه واسرع وكأنه طاير في الهواء وبدأ يصدر أصوات مرعبه
كنزي ٠٠ عا عا عا أنا مبسوطة آوي ومسكن في مروان جامد
مروان٠٠ الفرس كدا هيفلت مني خفي شويه
كنزي ٠٠ لوخفيت ممكن أقع سرع شويه أنا حاسه إني طايره
مروان٠٠ وأنا متأكد إني اتدبست فيكي
كنزي ٠٠ دي احلي تدبيسه
وضرب الفرس بقدمه بشده فأسرع الحصان آكتر واكتر وخطرت علي بال مروان فكرة لرعبها فهدا لم يرعبها بل يبسطها
مروان٠٠ الحصان مش راضي يقف شكلنا هنعمل حادثة أنا مش عارف أسيطر عليه
كنزي ٠٠ بخوف يعني إحنا ممكن نقع
مروان٠٠ ابتسم حين علم بخوفها
أكيد هنقع
كنزي ٠٠ حضنت مروان آكتر وشدته بقوة علي الارض ووقعوا في كوم من التبني وغرقو فيه
خرج مروان من التبن ينظف نفسه
خرج وكله غضب منها وبصوت عالي
الله يخرب بيتك آنتي إيه إيه إللي عملته عشان ابتلى بيكي
كنزي ٠٠ ههههههههههههه ههههههههه
ونضفت نفسها مش قولت هنقع مش أحسن مانقع علي الارض دا بدل ما تشكرني
مروان٠٠ دا أنا هخلص عليكي واريح البشرية منك
كنزي ٠٠ وطي صوتك أحبالك الصوتيه هتتقطع
مروان٠٠ مسكها بقوة أسكتي أسكتي مش عايز اسمع صوتك
وذهبوا إلي البيت وكله غضب منها وهي كانت مبسوطة اشد الانبساط فكل فخ يصنعه لها هو يقع فيه
يجلس علي الترعه وكله هم وحزن لماذا يفعل اخاه معه هكذا لماذا لا يتفاهم معه ولماذا يحرمه من الإنسانه التي يحبها
ممكن تبعد شوية عايزة أصور المشهد ده وإنت مبوظ اللقطه
نظر أدهم إلي الصوت الذي يتحدث ونظر إليها من فوق لتحت
أدهم ٠٠ نعم
عايزة أصور الترعه من الناحية إللي موجود فيها ممكن تاخد لك جنب
أدهم ٠٠ شكلك مش من البلد من طريقه لبسك وكلامك وجراتك
أنا ندي وفعلا مش من البلد
أدهم ٠٠ ماهو واضح هتمشي لوحدك هنا الناس ما بتصدق تلاقي وآحده زيك حلوه واموره
ندي ٠٠لا بقولك إيه أتكلم عدل هو أنا آه ابان سفيفه لكن بقوة دراكولا
أدهم ٠٠ايه مالك داخله فيا شمال ليه
ندي ٠٠ما هو شكلك منهم ما صدقت إني عبرتك
أدهم ٠٠ بت آنتي اصلك مش عارفه بتكلمي مين
ندي ٠٠بكلم مين يعني
أدهم ٠٠ صبرني يا رب والله ما أنا عايز ولا نفسي ولا ليا مزاج اناقش
ولا اتخانق مع حد
مش عارفه أنا مين لسه هشرح أنا مين٠٠٠ سيبها لك صوري براحتك اقولك اشربي من الترعه بعد ما تصوريها
ندي ٠٠ شكلك شربت منها كتير
أدهم ٠٠بعصبيه يابت مش عايز اخرج عن شعوري
ندي ٠٠طاب ما تخرج هو حد ماسكك دا شعورك وإنت حر فيه
أدهم ٠٠اقول لك سلام عليكم
ندا٠٠وقفت إمامه احم معلش يا حضرت بس إنت إللي غلطان
أدهم ٠٠ بأستغراب أنا غلطان عموما حقك عليا أنا غلطان غلطان غلطان
ندي ٠٠ خلاص خلاص سمعت بس كويس اعترفت بغلطك
ادهم٠٠بعصبيه أنا نادر إني اتعصب أنا إيه مخليني أقف معاكي لحد دلوقتي
ندي ٠٠ايه يا عم إنت ليه روحك في مناخيرك كده
احم هو ممكن أسألك سؤال
أدهم ٠٠ صبرني يا رب
ندي ٠٠ ممكن تشرحلي أروح فيلا السيوحي ازاي
أدهم ٠٠ ههههههههه السيوحي
ندي ٠٠ أنا قولت حاجة ضحكتك
أدهم ٠٠ تقصدي السيوطي
ندي ٠٠ المهم تعرف تشرحلي أروح إزاي لاحسن كل إللي اسأله كإني سألت علي بيت الافاعي
أدهم ٠٠افاعي طيب فوتي اوصلك لبيت الأفاعى
ندي ٠٠شكله صاحب الفيلا واحد مفتري دا الناس خايفه اوي
أدهم ٠٠ مفتري وهو آنتي مش خايفه تروحي هناك
ندي ٠٠ أنا مش بخاف غير من ربنا والقوي فيه إللي اقوي منه وهو إنت تعرف واحد إسمه مروان أنا سمعت عنه كلام كتير واحد متسلط وقاسي ولا أخوه ليل ونهار علي الفرسة لما هلكها وفرهدها
٠أدهم ٠٠احم وكل ده عرفتيه من الناس
ندي ٠٠انا ليا يومين هنا وسمعت كلام كتير
أدهم ٠٠متحكميش علي حد من غير ما تعرفيه
ندي ٠٠اهو هعرفه واحكم
أدهم ٠٠هتعرفيه ازاي
ندي ٠٠ دي حاجه خاصه ملكش فيها
ومتتعداش حدودك
أدهم ٠٠والله أنا غلطان انى ماشي معاكي
ندي ٠٠ خلاص خلاص مضطره استحملك أصل مفيش حد راضي يوديني هناك
أدهم ٠٠ احم يعني آنتي إللي مغصوبة عليا
ندي ٠٠ حاجه زي كده
ادهم٠٠لا وليه مغصوبة أنا هريحك مني سلام
ندي ٠٠ خلاص خلاص
ادهم٠٠مسمعش صوتك لحد ما نوصل
ندي ٠٠ هحاول متكلمش بس موعدكش
تمسك الكاميرا وعندما تجد منظر يشدها تقف تصوره ويقف هو يتابعها
اFlash pack
علي قهوه السايح
عيسي٠٠ أي ياجماعه مديين الموضوع أكبر من حقه
ايمن ٠٠ ازاي أكبر من حقه دا الارض ما شاء الله عليها ولا البيت صراحه حاجه آخر حلاوة مبروك يا صالح
صالح ٠٠ عقبالكم كلكم الحمد لله تعبت بس التعب ربنا عوض بيه خير
ايمن ٠٠ إيه رأي العروسة في البيت
صالح ٠٠ أكيد عجبها متفقين علي كل حاجه من إلاول
عيسى ٠٠والارض إللي حوالين البيت
هتعمل فيها إيه
صالح ٠٠ هزرعها
جلال ٠٠انا هروح البيت أنا تعبان سلام عليكم
صالح ٠٠ أسرع إليه أي يا جلال م سمعتش صوتك
جلال ٠٠ وعايزني اقولك إيه ما كفاية إللي هسمعه من ابويا
صالح ٠٠ مالك يا جلال حالك مش عاجبنى
جلال ٠٠ حالي زي الفل مالو حالي
مبروك سلام
عودة للزمن الحاضر
في فيلا جلال السيوطي
في غرفه نورهان
نورهان ٠٠ ههههههههههههه والله آنتي مش ساهله ويتخاف منك رمتيه علي التبن
كنزي ٠٠ هو فاكر إنه اذكي مني لاكن علي مين أنا لاحظت من صابر لما طلب فرحان الحصان إنه ملامحة اتغيرت واستغربت من طلبه فعرفت
إن فيه حاجه غلط ولما ركبنا الحصان حركاته غريبه عرفت علي طول إن ده نوع من الحصنه العصبيين ومش هيقبل أي حد يركبه هو فاكر إني هخاف
نورهان ٠٠غريبه إنه صابر علي عمايلك لحد دلوقتي
كنزي ٠٠ يابنتي قولي إزاي أنا إللي صابره عليه
نورهان ٠٠والرز والعدس
كنزي ٠٠ أسكتي اليوم ده صحي الصبح لقي العدس في ناحية والرز في ناحية كانت مفاجأه ليه إزاي عملتها
نورهان ٠٠ هو آنتي ازاي عملتيها
كنزي ٠٠ ياسين عملها فيا كتير كيس رز مع عدس ويخليني افرزهم عن بعض قال بتخلي الواحد يركزوعنده صبر بس كمية اخوكي كانت كبيره بس خلصتها حسيته هيتجنن يومها
في منزل عيسى
عيسى ٠٠ صالح جابله الدكتور البيطري إللي عالج المواشي دي غريبة قوي
ابراهيم ٠٠مش اغرب من إنه جوز ليه بنته
عيسى ٠٠صالح بيرسم علي حاجه ومروان مش حاسس
حسنية ٠٠بت صالح شكلها هتقش ومش ساهله
عيسى ٠٠امال زي بناتك ملهمش عازه ولا فايده
ابراهيم ٠٠ يعني المواشي بقت تمام
عيسى ٠٠ أحسن من الأول الدكتور إللي جابه صالح دكتور شاطر
حسنية ٠٠كله لبته أنا هروح أزورهم بكره واشوف الوضع هناك واشوف حامل ولا لا
في فيلا جلال السيوطي
أدهم ٠٠سلام عليكم
حسين الحارس الخاص للفيلا
وعليكم السلام أهلا ياسعاده البيه أجهز الفرس
أدهم ٠٠لا مش خارج دلوقتي
ندي ٠٠ احم هو أنا سمعت أجهز الفرس يقصد إيه
أدهم ٠٠ متركزيش ادخلي تعالي تعالي
ندي ٠٠ماهو إحنا دخلنا عادي دا أنا كنت فاكره محتاجين تاشيره دخول
هو انت بتيجي هنا كتير هما عرفينك إنت بتشتغل هنا
أدهم ٠٠ممكن تسكتي شويه ميه كلمه في الثانية
رن الجرس وفتحت دلال
دلال ٠٠يامرحب يا بيه أجهز الغدا
أدهم ٠٠مش وقته
نظر إليها وجدها تقف علي الباب مصدومة
أي مالك ادخلي
ندي ٠٠هو إنت مين بالظبط
ادهم٠٠ادخل الأول ده أنا إللي عايز أعرف آنتي مين
ندي ٠٠ دخلت علي مهل بقولك إيه أي حركه كدا ولا كدا أنا بلعب كاراتيه ونظرت حولها واعجبت بالفيلا اشد إعجاب وأخرجت الكاميرا وبدأت تصور
أدهم ٠٠متنسيش تاخدي صورة للقمر إللي في الصورة ده
نظرت إلي الصورة وجدت أدهم وهو يركب علي الحصان
أدهم ٠٠قمر صح
ندي ٠٠بصدمه وخوف هما ليه معلقين صورتك
أدهم ٠٠لقيوني حلو وأمور فقالو نزين الحيطه
زهره الجبل
❤️❤️❤️❤️❤️❤️❤️❤️💙💙💙💙💙💙💙
