سكريبت كامل

 


سكريبت كامل

لو سمحت يا عمو عايزه ٥٠جنيه عسليه و٣٠جنيه هوهوز و٢٠جنيه شيبسي و٣


طفي السجاير ولف وبصلي كان شاب وسيم بشرته قمحاوي وطويل شويه لا شويتين ولا انا اللي قصيره اي اللي أنا بقوله ده


بصلي ببرود واتكلم : عمو؟ هو أنا كبير للدرجه دي


اتكلمت بأحراج :ما اخدتش بالي ممكن بقا تجيب ليا الحاجات وعايزه كمان عليهم اندومي وايس كريم ولو في سندوتشات حط يلا خلي الواحد يشبع 


رفع حاجبه وبصلي بصدمه : كل الاكل ده ليكي؟


=قليل صح أنا بقول اجيب حاجات تاني اصل بعيد عنك بقا لسه واخده من بابا العيديه كل سنه وانتَ طيب بقا وقولت اصرف ال ٢٠٠ كلها اقولك علي سر اصلاً اصلاً بابا لو عرف هيزعقلي


ضحك بكل صوته :اصلاً! 

لا الصراحه مالهوش حق الحج خالص 


بصيت في ساعه ايدي : طب ممكن بسرعه عشان أنا لازم ارجع البيت حالاً


دخل جوا واتكلم بصوت عالي عشان اسمعه : انتِ ساكنه جديده هنا اصل أنا أول مره اشوفك


= ايوه لسه ساكنه جديد من يومين كده أخذنا الشقه قبل العيد،  هو انتَ بتشتغل هنا اصل انتَ لابس بدله مش باين انك شغال هنا؟ 


حط الحلويات في شنطتين ومد ايده واخدتهم


اخد نفس عميق واتكلم : لأ أنا مش بشتغل هنا المحل ده تبع ام حسن راحت تجيب شويه حاجات وأنا وقفت هنا عبقال ما ترجع أنا أصلا لسه راجع من الشغل عشان كده لابس بدله، انتِ اسمك اي


ابتسمت بهدوء :تاج اسمي تاج


=وأنا يوسف 


مشيت خطوتين ورجعت بصيت عليه وابتسمت :  هشوفك تاني


=ممكن

 

في صباح اليوم التالي


 شفتيها واتكلمت ببراءه :بابا حبيبي أنا


=لأ يا تاج


تاج برجاء :أنا لسه ما اتكلمتش اسمعني بس


الاب بزعيق : لا يا تاج مش هسمع هو أنا بلاقي فلوسي في الشارع صارفه إمبارح ٢٠٠ جنيه حلويات يا مستفزه هتموتيني في مره من عمايلك دي 


ابتسمت بخبث و بصيت ببراءه : طب يا بابا مش انتِ بتفرح لما انا بفرح انا بفرح بقا لما بجيب حلويات لأ أنا زعلانه منك بقا


نفخ الاب  وبصلها بضيق : خلاص سامحتك


نطت تاج في حضنه وطبطب الاب عليها بحنان


* حضنك ليا سند، قوه، حنان، حب، يديمك ليا يا بابا *


افتكرت تاج يوسف وابتسمت وبعدين قالت : بابا أنا هنزل اجيب عسليه واطلع ومش هصرف فلوسي كلها وعد سلام


نزلت تاج على السلم وراحت السوبر ماركت لقيت ام حسن اللي واقفه


_لو سمحتي عايزه ٢٠ جنيه عسليه


=من عيني يا تاج البنات ثانيه واحده


دخلت ام حسن تجيب العسليه وانا فضلت ابص يمين وشمال ما لقيتش يوسف


اخدت العسليه ومشيت ومش واخده بالي راحت عربيه  خبطتني 


قولت في سري : ايوه اكيد دلوقتي هينزل من العربيه يوسف وتكون صدفه عجيبه غريبه وينزل بقا من العربيه ويتأسف وياخذني في العربيه واروح المستشفى ونتعرف على بعض واشكره اني ساعدني الله اما قصه عبره بصحيح!


لقيت نزل من العربيه راجل كبيره قد ابويا وهزقني جامد عشان ما اخدتش بالي


وما حصلتش معايا زي اللي بيحصل في الروايه ليييه عشان أنا بومه!


قومت من على الأرض ومشيت وأنا بعرج وطبعاً عمو اللي خبطني هو اللي غلطان بس عمري ما اروح اقول


طلعت فوق على الشقه واتهزقت تاني من ماما وبابا عشان ما باخدش بالي من العربيات!


فضلت كام يوم قاعده في الشقه ما بنزلش حتى اجيب عسليه انا للسرير والسرير ليا ما فيش حاجة تفرقني عن بعض يا عمري، اي اللي أنا بقوله ده!


نزلت أخيراً الشارع بعد اسبوع قاعده في البيت ما بعملش حاجة وروحت جري علي السوبر ماركت لقيت بردوا أم حسن اي ده فين قره عيني


اشتريت عسليه وشيبسي وبيبسي وحزينه بقا وروحت قعدت على البحر ومسكت الموبايل لقيته فاصل شحن ولقيت الساعه ٦  بليل، فضلت قاعده علي البحر وطلعت العسليه وفضلت اكل فيها وانا فقدت الأمل خلاص أني مش هشوف يوسف تاني هو انا حبيته ولا اى؟


لقيت حد قعد جمبي واخد عسليه من الكيس


خوفت ابص على اللي جمبي ليكون حرامي قومت جريت


لقيته بيجري ورايا


= يا تاج استنى يا بت يا هبله حرامي اي اللي هيسرق عسليه


وقفت تاج وبطلت جري وبصت وراها لقيت يوسف عمال يضحك جامد


=هههههه مش قادر  هسرق عسليه يا هبله وقومتي وسبتي التليفون هههههه كح كح كح


تاج بغيظ : أنتَ قعدت جمبي وما عملتش صوت وأخذت عسليه خوفت وجريت


قعد يوسف علي الرمل وقعدت جمبه تاج وبصوا للبحر


=البحر حلو


_ اممم، مالك شكلك متغير، شكلك تعبان


=عندي الكانسر


اتفزعت وبصيت ليه لقيته مبتسم


اتكلمت بتوتر : ااا ربنا يشفيك يارب ما تخافش هتخف إن شاء الله خلي عندك صبر


ابتسم بهدوء :الحمد لله أنا مش زعلان أنا عارف اني مش هقدر اقاوم بس ربنا بيقول يوضع سره في أضعف حلقه وانا مؤمن بربنا وعارف كويس إن لا يصيبنا إلا ما كتب الله لنا، وأنا مش هستسلم وهتعالج وبإذن الله هخف


بصيت عليه لقيت دمعه في عينه حاولت اضحكه واهزر معاه


=عارف ياولا هقولك حاجة تفاؤل في بنت كانت بتعيط راحت مسحت دموعها وابتسمت وقالت لابأس ربنا هياخذني في يوم من الايام


ضحك جامد وبانت غمازته : قنبله تفاؤل


فضلنا نهزر ونضحك ونأكل في العسليه والحلويات  واتعرفنا على بعض اكتر وفضلنا نتفرج على محمد طاهر على تليفونه


_ بسم الله ماشاء الله احنا ما بنقرش


_ ما حدش في الدنيا دي يستاهل يتحط على رأسك غير الشامبو


_وأنا خايف


_ يا اديل اصحى يا اديل اصحى يا اديل اصحى يا اديل اصحى يا اديل


_ كنت فين يا احمر اللون لما كنت بس بلمس الكوره اجيب جون


فضلنا نضحك ونتفرج وبعدين بصيت في الساعه لقيتها الساعه ١٢ بليل وتليفوني فاصل وتقريباً كده والله واعلم هتهزق في البيت كالعاده


وزي ما قولت اتهزقت جامد واتنكد عليا ليييه عشان أنا بومه


عدت الايام واتخطبنا انا ويوسف وهو راح المستشفى يتعالج وانا ساعه كل جلسه اكلمه فيديو كول واحاول اضحكه واتكلم معاه عشان انسيه وجع الكيماوي


*اللهم اشفي كل مريض يتألم من الوجع *


فضلنا سنه على الحال ده اكلمه دايما واروح ليه المستشفى مع ماما وبابا مره كل أسبوع


* وجودك مع الشخص اللي بتحبه وتفضل جمبه وسند ليه دي حاجة كبيره اوي *


&&&&&&$&


 ومره واحده قعد يومين  ما يردش على المكالمات وانا هموت من القلق


فضلت حابسه نفسي في اوضتي وفضلت اعيط للمره العاشره عشان مش بيرد على الموبايل


طق طق طق


_قولت سبوني لوحدي


=أنا يا تاج


جريت على الباب وفتحت لقيت يوسف يا شيخ بقا ينفع كده افتح الباب بالمنظر ده


يوسف بضحك : أعوذ بالله انا هغير رأيي اتفضلي دبلتك


فضلت اضحك جامد وما كنتش مصدقه كان ما عندهوش شعر بس كان جميل، جميل اوى


=بحبك وعايز اتجوزك


يا جدددددع في حد يخض حد كده سيبني افكر


مسكني من هدومي ليه قله القيمه دي بس وخرجني من الاوضه لقيت المأذون


= الحقيقه اول مره اشوف حد بيتجوز بالبجامه وشعري المنعكش وحدائق الهالات السوده دي استنى طب البس سفتان واحط اننر وروج


_سفتان واننر وروج مخارج الحروف في ذمه الله تعالى يا بت هنا


بارك الله لكما وبارك عليكما وجمع بينكما في خييير


ماما ومامته فضلوا يزغرطوا جامد وأنا حقيقي كنت في قمه السعاده


= انا عايزه اعمل فرح  وارقص على اغنيه حبيبتك بالتلاته واطير بالفستان


ضحك :ماشي 


ونمشي في الشارع  ومره واحده المطره تمطر سبحان الله في شهر ٧ وانتَ تروح خالع الجاكيت بتاعك عشان ما اتعبش من البرد


ضحك بصوته كله :  وانا اموت  من البرد عادي؟


_وتيجي تحت البيت وتغني اغنيه حبيبتي افتحي شباكك أنا جيت وأنا افتح الشباك وانبهر زي ياسمين رئيس؟


= انتِ هبله يا تاج ده شغل افلام أوي ما فيش الكلام ده 


_  أنا حظي كده عارف ليييه 


ضحك وغمز :عشان انت بومه


اختاروا ناس تكمل معاكم مش عليكوا اختار زوجه تنفع ام، اختاروا بنت أصول وأنا اخترت تاج البنات ♥️🕊️


أنا كنت المذنب والعاصي ولما لحمت جمالك توبت وكأني شوفتك تاج رأسي ورسمتك ليا البيت والبخت 💙


استنى اللحظه اللي هتبص فيها للسماء وتقول يارب معقول أنا فرحان كده انتظر فستمطر قلوبنا بقطرات الفرج


ألاء_فرج

تاج_يوسف

إرسال تعليق

أحدث أقدم

إعلان آخر الموضوع

CLOSE ADS
CLOSE ADS
close