 |
رواية أحببت قمر الصعيد
من البارت الحادي عشر حتي الثالث عشر والاخير
بقلم حنين محمد عبد الرحيم
قمر : اه علي وجع قلبي بس لا خلاص يا قمر
خلاص....
وفضلت تفكر لحد ما غطست في النوم.....
على الجانب الآخر
اسر في البيت قاعد زي ما قمر سابته مابيردش علي حد لحد ما قام فضل رايح جاي في البيت.....
يفتكر وهي كانت واقفه في المطبخ بتعمل الاكل وهو كان بيخضها....
بيفتكر من شهرين لما قالتله بحبك وكانوا بيخططوا لحياتهم سوا وبداو يعيشوا مع بعض
بيفتكر لما كانت بتعمل مقالب فيه وهو يرد عليها
بيفتكر وهما قاعدين مع بعض بيتفرجوا علي TV..
ومبسوطين وبيضحكوا
بيفتكر قلبه كان بيدق ازاي وهو معاها لحد ما فاق من كل ده على خبط على باب الشقة....
اسر بلهفة : اكيد قمر حبيبتي راجعت قمر حبيبتي مستحيل تسبني انا كنت عارف
وراح فتح الباب بسرعة بس لقي لؤي.....
اسر ساب لؤي ودخل.......
لؤي : في ايه يا اسر مالك ؟!.... رنيت عليك كتير مش بترد قلقتني عليك يا اخي....
اسر ساكت ومبيقولش حاجة..
لؤي : في ايه يا اسر مالك ؟!..... في ايه يا صاحبي!؟!
انت شكلك مش هتقولي حاجة طب هنادي على قمر كدة.....مرات اخويا.... مرات اخويا.... هي مش بترد ليه نايمة ولا ايه ؟!
اسر سكت....
للكاتبة حنين عبدالرحيم (حنون)
لؤي بقلق : اسر متقلقنيش عليك اكتر من كدة في ايه يا اسر بس....
لؤي وهو بيتكلم لمح الصور على الارض
راح مسكها وهو مصدوم ويقول :
ايه ده ؟!!..... لا مش مصدق ؟!!!.... ايه ده يا اسر....
وبعدين لؤي قرب من اسر :
اسر قولي طيب ايه اللي حصل؟؟؟
للكاتبة حنين عبدالرحيم (حنون)
اسر اترمي في حضن لؤي وبدات دموعه تنزل لا إراديا....
اسر : سابتني يا لؤي.... حتي هي سابتني زي ماما وبابا سابوني كلهم يا لؤي.... مش قادر يا لؤي.... قلبي واجعني اوي مش قادر....
لؤي : اهدي كدة يا صاحبي اهدي بس وفهمني وكل حاجة هتتحل......
اسر حكي للؤي كل حاجه....
لؤي : الزباله دي .....تارا دي عايزه تتربى.....
اسر : مارضيتش تسمعني حتى يا لؤي
ماسمعتنيش وسابتني.....سابتني....
لؤي : اهدي يا صاحبي.... اهدي كده وكل حاجه هتتحل.... طب هي راحت فين؟!
اسر : معرفش حتى هي راحت فين بس كانت بتقول انها تاخذ شقه جنب شغلها مش عارف اعمل ايه يا لؤي مش عارف.....
لؤي : طب اهدي كده يا صاحبي و كل حاجه هتتحل
ما تخافش هترجعلك يا اسر...
هترجعوا لبعض....
اسر : ماعتقدش يا لؤي ماعتقدش دي حتى مابصيتش في عينيا قبل ما تمشي يا لؤي
حسيت انها كرهتني
وانا فعلا استحق كل ده لاني كان لازم من الاول واصارحها بس ما قدرتش خوفت تضيع من بين يدي خوفت قوي واهو اللي خايف منه حصل
وحبيبتي راحت مني
و مشيت وسابتني يا لؤي .....مشيت وسابتني.......
لؤي : اهدا كده يا اسر ما تخافش يا صاحبي اهدا...
لؤي فضل يهدى فيه وبعدين لؤي مشي
واسر قعد شويه يفكر في قمر لحد ما غلبه النوم.....
جاء صباح يوم جديد
قمر صحيت اخذت شاور ولابست وجهزت
ولقت باب غرفتها بيخبط فتحت لقيت ريان.....
ريان بابتسامة : صباح الخير يا قمر....
قمر : صباح النور....
ريان : انا قولت اجي اوصلك على الشركه وبعدين اروح ادورلك على شقه تكوني خلصتي الشغل....
قمر : ما فيش داعي يا ريان انا هروح الشركه هي مش بعيده قوي يعني.....
ريان بهزار : يا ستي يلا هي كيميا يعني هوصلك واروح يلا بقى يا اختي..... بلاش سهوكة البنات دي......
قمر بضحك : حاضر ....
نزلت وركبت معاه ووصلها الشركه
وهو فعلا راح يدور على شقه
وهي بدات في الشغل..
❤❤❤❤❤❤❤❤❤❤❤❤❤❤❤
على الجانب الاخر
اسر صحي من النوم ملامحه باهته وعينيه وارمه
من العياط بالليل لبس اي حاجه جاءت قدامه
ومافطرش
ونزل اول حاجه راح الجامعه علشان يشوف تارا.....
راح الجامعه وشافها واقفه مع صاحبتها راح لها
و شدها من ايديها لحد ما وصلوا لمكان يعني
مامفيهوش ناس بعض الشيء
وراح رازعها حتة قلم جاب اجلها..😂😂
اسر : يا حيوانه...... يا حيوانه .....
ونزل ماسكها من شعرها جامد:
مش قولت لك ماتقربيش من قمر قولت لك ولا لا وفضل يشد على شعرها اكثر لدرجه انه كان هيتقطع في يده......
تارا : اه.... اه.... سابني بقي يا اسر....
بس ايه رايك اهم حاجه انكم مش مع بعض انا كده اخذت حقي يا اسوري.....
اسر ضربها قلم تاني.....
اسر : انتي ايه والله ما هسيبك هوريكي النجوم في عز الظهر وافتكري كلامي كويس يا تارا. .....
وراح رماها على الارض وركب عربيته ومشي
ومش عارف يروح فين
ومش طايق نفسه اساسا
ولا طايق اي حاجه حواليه
ومش قادر يواجه قمر مش قادر و مش عارف يقول لها ايه حتى مش عارف حاجه ؟؟؟؟
بيلف بالعربيه وخلاص لحد ما نزل كده عند مقاعد كانت محطوطه في حديقه هاديه كده وراح قعد على مقعد منهم
وبيبص للسماء وسرحان وبس....
للكاتبة حنين عبدالرحيم (حنون)
بيفتكر هزارهم مع بعض ويضحك من غير سبب و يفتكر كل حاجه حصلت معاهم
وكل لحظه كانوا بيعشوها.....
وقمر قاعده في المكتب هي كمان مش عارفه تركز في الشغل بتتخيل اسر في كل حته اسر محتل تفكيرها قبل قلبها.....
استوب هنا...🖐
المخرج قال اقسملي الشاشه نصين كده نص اسر وهو باصص للسماء و بيفتكرها
والنصف الثاني قمر وهي بتفكر في اسر بقلبها قبل عقلها ومش عارفة تركز في الشغل
وكل الكلام ده على اغنية ناسيني ليه ( معلش هقرفكم بتامر حسني بس ده قلبي ده 😂❤)
أنا مقدرش أبعد ثانية🎶🎶
أنا بعدك مليش في الدنيا🎶🎶
يا أول حب عاش قلبي معاه🎶🎶
الأيام بقت مش هي🎶
ياريت ترجع وحشت عينيا🎶
حياتي في بعدك انت مش حياة🎶
ناسيني ليه؟🎼
بتتعب قلبي وياك🎼
ده ميهونش أبداً عليا أنساك، آه🎼
تعالى لومني ريح قلبي وارتاح🎼
تعالى ياللي نفسي في حضنك أرتاح🎶🎶
ناسيني ليه؟🎶
بتتعب قلبي وياك🎶
ده ميهونش أبداً عليا أنساك، آه🎶
تعالى لومني ريح قلبي وارتاح
تعالى ياللي نفسي في حضنك أرتاح🎶
أنا مقدرش أعيش مستني🎶
ده مش بإيدي غصب عني🎶
واحشني حبيبي🎶
قولي أنا أعمل إيه؟🎶
ماشوفتش حاجة ماللي حصلي🎶
وبسمع ناس كتير بتقولي🎶
زمانه نسيك وعاش
تفتكره ليه؟🎶
ناسيني ليه؟
بتتعب قلبي وياك
ده ميهونش أبداً عليا أنساك، آه🎶
تعالى لومني ريح قلبي وارتاح🎶
تعالى ياللي نفسي في حضنك أرتاح
ناسيني ليه؟
بتتعب قلبي وياك
ده ميهونش أبداً عليا أنساك، آه
تعالى لومني ريح قلبي وارتاح
تعالى ياللي نفسي في حضنك أرتاح🎶🎶🎶
يا جماعه انا في الاخراج والتأليف معنديش
ياما ارحميني تقولوش السبكي 😂😂
المهم المشهد اللذيذ ده خلص نرجع بقى لبطلنا ركب عربيته وفضل يلف بيها زي ما كان بيعمل لحد ما سمع صوت الاذان في المسجد قلبه ارتاح....
و راح يصلي دخل المسجد اتوضا وصلي
وبعد ما كل المصلين خلصوا ومشيوا هو فضل قاعد وبيعيط و بيدعي لربنا
جاء من وراه شيخ حط ايده على كتف وقال :
مالك يا ابني ايه اللي مزعلك؟!!
اسر : كل اللي بحبهم بيروحوا مني يا شيخنا حتي حبييتي ومراتي سابتني ومشيت.....
الشيخ : اهدي يا ابني واصبر وافتكر (لو كان خيرا لبقي)
احكيلي يا ابني ايه مشكلتك.. ؟!!
اسر حكاله كل حاجة :
ورفضت حتي تسمعني ....وانا اساسا مش قادر اروح اواجهها اخر كلمة قالتها لي كانت طلقني وانا مش هقدر استحمل يا شيخنا.....
الشيخ : اهدي يا ابني روح لمراتك واتكلم معاها
وقول اللي عايزه
وكل اللي عندك
وسيبها وهي تقرر بس لازم تواجهها يا ابني
وربك غفور رحيم فما بالك العبد بقى
روحلها يا ابني قبل مايفوت الاوان
وتتمنى بس انك تقول لها كلمه واحده......
اسر مسح دموعه :
بجد شكرا يا شيخنا على كلامك
وقام ومشي وقال:
انا هروح لقمر ايوه هروح لحبيبتي
واقولها كل حاجه واحكيلها واخليها تسمعني غصبا عنها مش برضاها هخليها تسمع كل حاجه
انا بحبها ومستحيل اخليها تروح مني
لا ....
قمر مش هتسيبني ....
مستحيل تسيبني ...
لا .....
يلا ....
وراح ركب عربيته وهو بيسوق ........
لؤي اتصل به......
لؤي : اسر انت مش في البيت ولا في الجامعة انت فين يا اسر ؟؟
اسر : انا رايح لقمر دلوقتي يا لؤي
رايح لحبيبتي.... لازم اقولها على كل حاجة....
لازم تسمع كل حاجة غصبا عنها.....
انا لازم اواجهها....
لؤي : روح يا صاحبي ربنا معاك انا واثق انها هترجعلك يا اسر ماتخافش يا صاحبي....
اسر : ايوه يا لؤي هترجع معايا ان شاء الله
يلا انا قربت اوصل باي انت بقى......
لؤي : ايوه يا عم حبيبة القلب بقى......
اسر : اقفل يا ولا
وقفل....
لؤي : ربنا يسعد قلبك يا صاحبي.....
للكاتبة حنين عبدالرحيم (حنون)
❤❤❤❤❤❤❤❤❤❤❤❤
على الجانب الاخر.....
قمر خلصت شغلها بسرعه لانها مش قادره تركز استاذنت علشان تمشي
وجالها ريان
ريان : ايه يا قمر مالك؟!
قمر : مش قادره يا ريان مخنوقه شويه بس عايزه امشي.....
ريان : طب خلاص انا لقيتلك شقه
وبعثت واحده تنقل حاجاتك من الاوتيل للشقه....
قمر : بجد شكرا يا ريان مش عارفه اقولك ايه بجد انت حقيقي انسان كويس جدا......
ريان وبيحاول يهزر عشان يخرجها من مود الحزن.....
ريان : عيب كده..... بقى يا وليه يا مفتريه في شكر بين الاخوات ها.....
قمر ضحكت : لا طبعا....
ريان : يبقى خلاص يا اسطا.....
قمر : يا اسطا؟!!!
ريان : بلاش يا اسطا ؟؟؟؟
يا زميلي.....
قمر : يا زميلي....
ريان : انتي شكلك نارم و هتتعبيني معاكي.....
قمر بضحك : لا خلاص يا اسطا....
ريان : اوبا احنا بنقول يا اسطا اهو.....
قمر : اومال.....
وقعدوا يضحكوا مع بعض شوية....
مين بقي اللي شاف ده ؟!!
اسر اول ما وصل الشركة لقي قمر وريان واقفين قدام الشركه مع بعض.....
اسر بعصبية راحلها :
بتعملي ايه يا هانم؟!
قمر بتفاجئ: اسر.....
اسر بعصبية : ايوه اسر
ما انتي بعد ما سبتيني ماشيه على حل شعرك......صح ؟!..... بس انتي لسه مراتي يا هانم....
قمر : انت بتقول ايه يا اسر انت اتجننت ده ريان وده يبقى.....
اسر بعصبية : هو ده بقى الاستاذ ريان اه انا فاكره مش ده بتاع الكورس
اتاريكي سبتيني علشانه صح يا قمر صح؟!؟
قمر : انت مجنون ايه يا اسر ايه اللي انت بتقوله ده....
وفجاه اسر ضرب قمر بالقلم (اسر ضرب كتير اوي النهاردة 😂😂)
قمر اتفاجئت وريان قال بعصبيه:
انت مجنون يا جدع انت ازاي تعمل كده يا....
للكاتبة حنين عبدالرحيم (حنون)
قمر والدموع في عينيها مسكت ريان وقالت:
خلاص يا ريان......
وبعدين وجهت نظرها لاسر:
ايوه انا بحب ريان يا اسر و عمري ما حبيتك ولا هحبك حتى تمام كدة.....
اسر : وكمان بتقوليها في وشي يا خائنه بس انا مش هلوث ايدي باني اضرب واحده زيك.....
وبعدين غمض عيناه وقال :
قمر انتي طالق......
في اللحظة دي كل حاجه سكتت وحتى الزمن وقف
و القلوب دقاتها عليت
واللي بتتكلم بس نظرات عيونهم لبعض اللي جايز تبقى اخر مره تلتقي.........يتبع
يلا حلقة جامدة اهي علشان تعرفوا لما اغيب عليكم برجع بقوة 😂
وتوقعاتكم بقي في الكومنتس ويريت اللي يتوقع يعملي منشن علشان انا مبقراش كل الكومنتس اساسا 🙂😹
يلا تاك كير يا حلوين 😍😍
يلا تفاعل بقي وكومنتات قد مجرة درب التبانة 😹😹
مقولة النهاردة
( الفاشلون اثنان: الأول فكر ولم يفعل والثاني فعل ولم يفكر.)
#رواية : احببت قمر الصعيد
#بقلم الكاتبة : حنين محمد عبدالرحيم (حنون)
احببت قمر الصعيد (ما قبل الاخير)
البارت 12
تفاعل بقا عشان متاخرش في البارت القادم☺️☺️☺️
ريان واقف مصدوم من اللي حصل واسر فضل باصص لقمر ودمعة من عيونه خانته ونزلت بصلها بصة عتاب ومشي وسابها.....
وقمر مقدرتش تمسك نفسها وهي كمان دموعها نزلت....
ريان واقف جنبها :
اهدي يا قمر....اهدي طيب تعالي...
وركبها العربية وقعد يهدي فيها شوية....
ويشربها ماية....
للكاتبة حنين عبدالرحيم (حنون)
ريان : اهدي يا قمر ارجوكي بلاش دموع من فضلك...
طب انتي ليه عملتي كده وقولتي كده يا قمر مع اني عارف كويس انك بتحبيه ليه كده يا قمر؟!!
قمر : ماشفتهوش يا ريان كلمني ازاي ماعندهوش ثقة فيا يا ريان بيحاول يبرر غلطه ويعديه بانه يطلعني انا اللي غلطانه ده مد ايده عليا حتى قبل ما اتكلم انا صحيح جايز اكون بحبه بس كفايه ظلم واهانه فيا لحد كده هفضل لحد امتي كده
خلاص ...
اسر طلع خالص من حياتي
وكده كل حاجه بينا انتهت فعلا انا هبدا حياه جديده بدايه جديده وقمر جديده......
للكاتبة حنين عبدالرحيم (حنون)
ريان : بس انا عايز اقولك حاجه يا قمر زي ما انتي زعلانه علشان هو ماسمعكيش انتي كمان ماحاولتيش تسمعيه لما كان هيقولك سبب الصور دي ايه ولا ايه؟!
قمر : جايز عندك حق بس خلاص جايز علاقتنا من البدايه اساسا كانت غلط ودلوقتي كل شيء انتهي خلاص.....
ريان : خلاص يا قمر اهدي وانا معاكي ومش هسيب اختي وصديقتي اوكي....
قمر : مش عارفه اقولك ايه بجد يا ريان انت انسان كويس جدا انت ليه بتعمل معايا كل ده؟!
للكاتبة حنين عبدالرحيم (حنون)
ريان بهزار : خلاص يا ستي هي سيره قولتلك علشان بعتبرك اختي وصديقتي مابحبش شغل العواطف ده علشان بضعف قدامه...😹
قمر ابتسمت : انت مبتعرفش تتكلم جد خالص...
ريان : هي الضحكه دي هي اللي مخلياني ماعرفش اتكلم جد يلا بقى علشان اروح اوريكي شقتك بقى...
قمر : يلا....
ريان في نفسه بدا يسوق العربيه
وقال في نفسه :
باين عليها مكسوره جامد لانها حبت جامد وهي انسانه طيبه انا هفضل معها لحد ما تبقى قويه كده وتقدر تتجاوز كسرتها وما فيش حد هيعرف وجع الفراق قدي..
امي سابتني ومشيت وفارقتها فانا عارف احساس انك تفارق شخص انت بتحبه جامد....
ريان بيسوق وقمر طول الطريق سرحانه لحد ما وصلوا الشقه
ريان : يلا بقى يا قمر وصلنا....
قمر : يلا
وطلعها فرجها علي الشقه....
ريان : ها ايه رايك؟!
قمر : جميله جدا...
ريان بغرور مصطنع :
عارف عارف علشان ذوقي بس...
قمر : متواضع....
ريان : جدا يا اسطا...
يلا اطير انا بقى علشان لسه هبدا الشغل مع بابا زي ما انتي عارفه هاروح اشوفه....
قمر : ماشي يا ريان بالتوفيق....
ريان : شكرا يا زميلي باي .....
قمر : .باي ......
قمر دخلت اخذت شاور وكانها نفسها الميه
وهي بتنزل عليها تمحي معها كل حاجه حصلت
تمحي كل حبها لاسر .....كل الماضي ....
وكل حاجه
بس ازاى هي ماتعرفش ان قلبها هو اللي بيفكر مش عقلها
خلصت شاور و غيرت هدومها وحتى ماكلتش وراحت فردت جسمها على السرير على اساس انها تنام
بس ازاي اسر والحب والاشتياق في دماغها وقلبها و
مش قادره تمسح حاجه ومش عارفه ازاي هتبدا حياة جديده من غير اسر اللي هو اول واحد اخذ بيديها لطريق تحقيق حلمها ....
ايوه بس هاتحاول علشان نفسها بقى
هتحاول وهتقاوم شعور الاشتياق والحب مش سهل
بس هاتحاول تدوس عليه علشان حلمها وفضلت تفكر برضه.....
للكاتبة حنين عبدالرحيم (حنون)
❤❤❤❤❤❤❤❤❤❤❤
على الجانب الاخر....
اسر تايه عن العالم سايق عربيته لحد ما وصل البيت
وصل لقي لؤي هناك قدام البيت......
لؤي : ايه يا زميكس فين قمر مرات اخويا انا مستنيكم علشان اعملكم استقبال بقى....
اسر من غير ما يرد فتح باب الشقه ودخل
لؤي دخل وراه وقفل الباب........
لؤي : اسر فهمني ايه اللي حصل....
اسر : طلقتها....
لؤي بصدمة : نعم!!!!! انت اكيد بتهزر....
اسر: لا مش بهزر دي خاينه وبتحب غيري انا طلقتها خلاص خلصنا.....
لؤي : انت بتقول ايه اكيد قمر مش كده انت مجنون يا اسر.....
اسر : لا مش مجنون وهي قالتها بنفسها انا مش بحبك وبتحب ريان...
وحكي للؤي اللي حصل.....
لؤي : وانت بقى صدقتها ممكن تكون عملت كده وقالت كده لما شافتك ما عندكش ثقه فيها.....
اسر : عملت او ما عملتش انا خلاص طلقتها
وطلعت من حياتى يلا بقى يا لؤي علشان هدخل اخد شاور واشوف كده شغلي بقى اللي انا سايبه ده و ارجع لحياتي بقي.....
للكاتبة حنين عبدالرحيم (حنون)
لؤي : اسر انت مجنون انت طلقت قمر و بالنسبه لك عادي كده......
اسر ببرود : ايوه يعني اعمل ايه يعني واحده مش بتحبني وكمان كده كده جوازنا كان غلط من البدايه....
لؤي : اسر بطل هبل بقى اسر صوت او عيط اعمل اي حاجه اسر ما تقلقنيش عليك ماتفضلش كاتم كل حاجه جواك كده.....
اسر : وانا هكتم ليه جوايا ما فيش حاجه...
لؤي بزعيق : اسر انت شكلك اتجننت....
اسر بعصبية : اتجننت ولا لأ حاجه متخصكش يا لؤي يلا بقى اتفضل امشي علشان اخذ شاور و اشوف شغلي
للكاتبة حنين عبدالرحيم (حنون)
لؤي بزعيق : مش ماشي يا اسر مش ماشي.....
.
اسر بعصبية : لؤي امشي قبل ما افقد عصابي....
لؤي بزعيق : افقدها يا اسر يلا....ولؤي ضرب اسر في كتفه وقال : تعال اضربني يلا تعال يا اسر....
اسر فقد اعصابه وراح ضرب لؤي بوكس
ولؤي هو كمان ردلوا البوكس
وفضلوا يضربوا في بعض
ولؤي بالزعيق بيقول:
اعمل اي رد فعل يا ابني ما تقلقنيش عليك....
لحد ما هما الاثنين سابوا بعض بعد ما تعبوا
واسر قعد على ركبتيه على الارض وقال بدموع و كسره:
بحبها يا لؤي اعمل ايه يعني وجع قلبي اللي انا حاسس به دلوقتي ماحدش هيحس بيه ابدا...........
لما اللي انا بحبها تقولي بحب حد غيرك لما مراتي تبقي مش بتحبني....... مش قادر يا لؤي مش قادر...
لؤي نزل على الارض قعد جنبه وبعدين اخده في حضنه
وقال :
اهدي كدة يا صاحبي اهدي.....
اسر : اعمل ايه طيب بس هحاول انساها خالص هحاول واركز في شغلي و بس.....
قمر : خلاص هنساه واركز في شغلي وبس.......
للكاتبة حنين عبدالرحيم (حنون)
------------------------------------------------------------
بعد مرور عام...... ❤❤❤❤❤❤
قمر اجتهدت جدا فى شغلها
وفي سنه واحده بس بقت سيده اعمال
والحمد لله ناجحه و بقى عندها شركه خاصه بها.....
في شركة قمر اللي هي اسمها KM ....
قمر مديرة الشركة قاعدة في مكتبها وبتشوف الاوراق...
دخل ريان...
(صح صح ريان وقمر بقوا اصحاب اوي)
ريان : مسا مسا على اجمل سيده اعمال في المجرة....
قمر : مسا مسا يا زميلي....
ريان : اوعى بقى انا خليتك تبقى منحرفه وتقولي
يا زميلي و يا اسطا ومسا مسا ...
انا جامد بقى....
قمر بضحك : يا عم هو ده الحاجه الوحيده اللي انت علمتهالي....
ريان : والله يا اختي طب والله انتي زي القطط تاكلي جمبري وتنكري 😹.... هتقوليلي اشمعني جمبري هقولك هو ده جاء في دماغي وخلاص....
طب بذمتك ماعلمتكيش ازاي تلعبي بابجي قولي اعترفي...
قمر بضحك : لا الواحد يقول اللي ليه و يقول اللي عليه برده....لا علمتني....
ريان : ما تيجي نتغدى بره النهارده في مطعم فتح جديد بس ايه حاجه اخر فخامه تيجي نجربه النهاردة
قمر : ودي حاجه تفوتنا برده احنا اي مطعم جديد راشقين فيه يلا....
ريان : بقى في سيده اعمال تقول راشقين؟؟؟
ايوه بقى تربيتي.....
للكاتبة حنين عبدالرحيم (حنون)
قمر : اومال.....
ريان : طب يلا يا اختي انا في عصافير في بطني بتسوسو من الجوع.....
قمر : يلا....
وخرجوا من الشركه يتغدوا في المطعم......
على الجانب الآخر....
اسر كل يوم بيخلص شغل في المستشفى وبعدين بيروح للؤي
اسر : لؤي....
لؤي : ايه يا صاحبي!!!
اسر : يلا علشان نسهر النهاردة.....
لؤي : اسر يا صاحبي انت بقالك سنة علي الحال ده
انت عمرك ما كنت بتسهر ولا بتعمل الكلام ده يا اسر....
بس دلوقتي بقي لازم كل يوم سهر وشرب....
اسر يا صاحبي كدة مينفعش....
اسر : لؤي فكك بقي من البوقين دول ويلا....
للكاتبة حنين عبدالرحيم (حنون)
لؤي في نفسه :
امتي ترجع زي ما كنت يا صاحبي امتي؟؟؟
وراحوا هما الاثنين.....
لؤي : خلاص يا اسر كفاية كدة بقي....
اسر بتوهان وعدم وعي:
ملكش دعوة انت يا لؤي...
يلا يا ابني هات واحد تاني....
لؤي : يا اسر خلاص بقي انت كل يوم بتشرب كدة لحد ما بتقدرش حتي تروح....
اسر بتوهان : سيبني بقي يا لؤي انت مش حاسس بحاجة انا كل يوم يا لؤي كل يوم لازم افكر فيها قبل ما انام مبعرفش مبقدرش استحمل الذكريات
مبقدرش مش عايز افتكر...
مش عايز....
لؤي : طب خلاص كده بقى انت كترت قوي كفايه كده علشان تعرف على الاقل تطلع شقتك.....
اسر بتوهان : وانت مفكرني اني سكرت ولا ايه
لا تبقى غلطان انا اقدر اقف اهو واسر بيحاول يقف ولكن بيقع (اللي هو كل ما اجي اقف اقع اقف اقع اقف اقع 🙂😂)
وكالعادة لؤي بيوصله لشقته وهو ينظر نظرة شفقة وحزن على حال صديقه :
مش عارف اعملك ايه يا صاحبي مش عارف
مش قادر اشوفك في الحالة دي...
محدش هيقدر يرجعك غير قمر....
بس هعمل ايه...
وهترجع ازاي بس....
وبعدين مشي....... 🚶 🚶 ....يتبع
توقعاتكم للحلقة الاخيرة احتمال تنزل بكرة او بعده على حسب واظن انتوا عارفيني في المواعيد 🙂😂
يلا تاك كير يا حلوين ❤❤
يلا تفاعل بقي وكومنتات قد مجرة درب التبانةعلشان الجاية تنزل.. علشان التفاعل قل وانا كدة هزعل وابهدل الدنيا واجيب ناس تزعل 😂
#رواية: أحببت قمر الصعيد
#للكاتبة : حنين محمد عبدالرحيم (حنون)
معلومة نفسية
( نفسيا
"البكاء عند مشاهدة الافلام"
*هل تعلم ماذا يقول علم_النفس عن الاشخاص الذين يبكون عند مشاهدة الافلام والبرامج؟؟
إن
الاشخاص الذين يبكون بسرعه عند مشاهدة الافلام هم اشخاص اكثر تعاطف مع الاخرين واقل انانيه وعاده ما يكونون
اكثر سخاء في التبرع للجمعيات الخيريه ولديهم الرغبه والقوة
في جعل العالم مكان اكثر سعادة...
كما ان هؤلاء الاشخاص يملكون درجة عاليه من الخيال
تجعلهم اشخاص صادقين عند الاستماع لمشاكل الاخرين ومحاولة حلها كما يتميزون بالقوة الداخليه ويتمتعون بوضع صحي افضل ممن يكبتون مشاعرهم ويؤجلون التعامل معها لاحقا
بصراحة هل يوجد اشخاص هكذا في حياتك؟)
احببت قمر الصعيد
(بوصوا يا جماعة الحلقة الاخيرة كبيرة شوية فهقسمها لبارتين تمام ده البارت الاول من الحلقة الأخيرة و البارت التانبي بكرة اوكي يا حلوين ❤❤) لوفيه تفاعل هنزل الجزء التاني من البارت الاخير انهارده
البارت 13(البارت الاول من الحلقة الاخيرة)
جاء صباح يوم جديد و كالعاده قمر صحيت اخذت شاور ولبست بدله فورمال لونها ازرق وشميز ابيض وطرحة زرقا وهيلز بيضا وكانت من الاخر سيدة اعمال جامدة يعني ...(متاخدوش في بالكم بعاكس قمر 😂😂)
ونزلت ركبت عربيتها علشان تروح الشركة وصلت الشركة ودخلت بهيبة وسط كل موظفينها اللي بيشتغلوا عندها ودخلت مكتبها وقعدت على الكرسي بتاعها بكل فخامة كدة وبعدين اتصلت على السكرتيرة.....
قمر : الو. .....
=ايوة استاذة قمر
قمر : قهوة بسرعة من فصلك وهاتي ملف الثفقة مع شركة *** علشان عايزين نناقشه اوكي
=تحت امرك استاذة قمر.... وقمر قفلت
ولقت ريان بيرن....
قمر : صباح الخير....
ريان: صباح النور يا قمر.... قمر في حاجة كده وعايزه اتكلم معاكي فيها....
للكاتبة حنين عبدالرحيم (حنون)
قمر بقلق : في ايه يا ريان انت كويس ؟
ريان : اه بس محتاج اتكلم معاكي....
قمر : طب تعالى حالا على الشركه وانت رايح على شغلك عدي على الشركه نتكلم وانت روح على شغلك...
ريان : ماشي يا روري انا جاي...
قمر : طب بذمتك ده منظر دلع....
ريان : ايوة والله حلو.....
قمر : اقفل يا ريان يلا اقفل....
وقفل...
وبعد شوية وصل الشركة عند قمر......
ريان : هالو....
قمر : هالو يا اخويا تعالي اقعد.... وقعد...
قمر : ها قولي في ايه ؟!
ريان بضيق : مخنوق اوي اوي يا قمر فاكره البنت اللي كنت قايلك اني معجب بها....
قمر : ايوه؟!
ريان بحزن : خطوبتها النهارده؟!
قمر : ايه؟!!!!! ازاي ده حصل!!!!! مش كنت بتقول انها بتحبك هي كمان وخلاص رايح تتقدم.....
ريان : ايوه بس مش عارف ايه اللي حصل؟!!!
ومخنوق جامد
للكاتبة حنين عبدالرحيم (حنون)
قمر : خلاص يا ريان صدقني (لو كان خيرا لبقى)
اكيد هي مش من نصيبك....
ريان : بس دي هي كانت قايلالي انها بتحبني انا خايف مثلا تكون مغصوبه او حاجه.....
قمر : طب انت سألتها....
ريان : لا مسألتهاش وهي بترن عليا بس انا مابردش مش عايز اسمعها الخاينه دي.....
قمر بحزن : لا اسمعها يا ريان اسمع اسبابها جايز فعلا تكون مغصوبه لازم تسمعها
لو كل حد في الدنيا دي سمع الانسان اللي بيحبه جايز يكون عنده اسباب قويه بجد ما كانش حصل فراق كثير في حياتنا.....
ريان حس بحزنهاو انها رجعت ثاني لذكرياتها القديمه: لسه برده يا قمر بتحبيه...
قمر : اكدب يا ريان لو قولت لا....
بحاول اشغل نفسي بالشغل يا ريان بس مش عارفه مهما بشتغل مجرد ما احط دماغي على المخده بالليل بفتكر كل حاجه و كانها لسه امبارح.....
للكاتبة حنين عبدالرحيم (حنون)
ريان : ومين قالك انك مطلوب منك تنسى اللي بيحب بجد بيحب بقلبه اللي عمره ما بينسي يا قمر
وده دليل على انك حبتيه بجد....
حبتيه بروحك وقلبك قبل عقلك....
وانا هقوم ارن عليها واشوفها واسمعها زي ما قولتي لي....
قمر بابتسامة : يلا.....
وقام رن عليها وسمعها واتكلم معها وبعدين رجع لقمر
ريان بفرحة : قمر الحمد لله اني سمعت كلامك بجد وكلمتها.... رحمة فعلا مغصوبة والدها بيحب الفلوس
جامد زي ما قولتلك والدتها متوفية....
والعريس اللي جاه ده عطاله فلوس وباع بنته
وغصبها على الجوازة دي بس انا مش هسمحله يعمل كدة انا هروحلها يا قمر....
ياااااا لو مكنتش سمعت كلامك كان زمانها ضاعت مني لبقية عمري....
انا هروحلها.....
قمر : روح يا ريان يلا الحق حبك....
ريان بفرحة : بجد شكرا يا قمر شكرا انتي احلى صديقه واخت دخلت حياتي....
وراح مشي قمر ابتسمت لفرحته وقالت:
ربنا يسعد قلبك يا ريان
انت وقفت جنبي كثير اوي ودايما
بتساعدني ربنا يسعدك انت وحبيبتك يا رب
وكملت شغلها......
للكاتبة حنين عبدالرحيم (حنون)
❤❤❤❤❤❤❤❤❤❤❤❤❤
على الجانب الآخر.....
اسر صحي مصدع جدا طبعا دخل عمل كوبايه قهوه واخذ شاور ومافطرش و لبس بدله سوداء ونزل راح الجامعه وبعدين اتجه للمستشفى يشوف شغله
وبعدين كالعاده راح يشوف لؤي علشان يسهروا......
على الجانب الآخر
قمر بتتصل بريان....
قمر : ها يا ريان عملت ايه؟؟؟
ريان : خلاص يا قمر روحت لها وكمان كلمت بابا راح معايا وحددنا الخطوبه بكره....
قمر بصدمة : بكرة ؟!!!
ريان : ايوه يا قمر انا مش هخليها تقعد مع والدها ده اكثر من كده الخطوبه بكره والفرح بعد شهر.....
قمر : عندك حق في دي مبروك يا عريس......
ريان : الله يبارك فيكي يا اختي زغرطي بقى كده.....
قمر ضحكت : بقي يا متخلف انا في الشركة دلوقتي انت مجنون... ؟!!
ريان : انا مش مجنون انتي اللي عاقلة زياده عن اللزوم يا بنت افرحي كده وزغرطي وهيصي....
قمر : والله انا حاسه اني بكلم واحده صاحبتي.....
ريان : بقى كده انا شبه واحده صاحبتك ماشي
ورحمة خالي حسن لاوريكي... 😂
قمر : هتوريني ايه بقى يا عم انت هتبقى مشغول مع حبيبه القلب بقى....
ريان : اه يا اختي حبيية قلبي دي عقلي دي روحي قلبي بوصي حته مولتن كيك كده.....
قمر : خلاص يا عم انت هتعاكس البنت قدامي ولا ايه
لا يا حبيبي احنا بنتنا بنت ناس انت فاهم لو فكرت بس فكرت في يوم تزعلها هتلاقيني في وشك.....
ريان : يا سلام يا اختي وانتي بقى اختها ولا اختي؟؟؟
قمر : هي دي محتاجه سؤال اختها طبعا...😂
ريان : اقفلي قمر وصح هتعبك معايا تروحوا تجيبوا فساتين مع بعض انتوا الاتنين... وتتقابلوا بالمرة
بوصي هتحبيها اوي....
قمر : اكيد طبعا من غير ما تقول كنا هنروح اتصل بيها وهاتها هنا ونروح انا وهي دلوقتي يلا....
ريان: ماشي يا قمر يلا باي..... وقفل
قمر ضحكت وقالت :
شوف الولا قفل معايا ازاي اول ما قولتله يكلمها بس...
ربنا يسعدهم يا رب....
ريان اتصل برحمة خطيبته واخدها ووصلوا الشركة
قمر نزلت سلمت عليها وراحوا مع بعض اشتروا فساتين ورجعوا
قمر اختارت فستان ازرق بكوم وحجاب ابيض وهيلز بيضاء.....
ورحمه خطيبه ريان دلوقتي اختارت فستان اوف وايت عليه ورد احمر بكوم وطرحه حمراء وهيلز باللون الاحمر....
المهم اليوم خلص.....
وكالعاده اسر راح شرب وسكر و رجع البيت.....
للكاتبة حنين عبدالرحيم (حنون)
❤❤❤❤❤❤❤❤❤❤❤❤
جاء صباح اليوم التالي
اسر قام اخذ شاور....
ولبس و نزل ....
وقمر اخذت شاور ولبست بس ماراحتش الشركه راحت على فيلا ريان....
قمر : صباح الخير....
ريان : صباح النور يا قمر....
قمر : يلا انا هجهز الفلة علشان الحفلة....
ريان : ايوه ما احنا هنعمل الخطوبه هنا ورحمه كمان هتيجي تلبس هنا.....
قمر : ماشي يا ريان يلا روح انت شوف هتعمل ايه عقبال ما اشوف شغلي بقى وابدا ازين الفيلا....
ريان بامتنان : بجد شكرا يا قمر....
قمر وهي بتقلده : ما فيش شكر بين الصحاب ولا ايه يا زميكس ...
ريان : ولا ايه ؟!
قمر : ولا اه...
وهما الاتنين ضحكوا....
قمر : وكمان اساسا انا هقف معاك نستقبل المعازيم مش اخويا....
ريان : ربنا يخليكي ليا يا اجمل اخت في مجرة درب التبانة....
وبدات قمر تزيين الفيلا
وفعلا زينتها وكانت حلوه جدا
وكانت رحمه بتلبس وقمر معها
قمر خلصت قبلها وقالت:
هروح انا ابدا استقبل الضيوف يا عروسه ماشي.....
للكاتبة حنين عبدالرحيم (حنون)
رحمة : ماشي.....
قمر كانت في غايه الجمال
وخرجت لقيت ريان لبس هو و والده واقفين بيستقبلوا الضيوف راحت عليهم.....
ريان : ايه العسل ده....
قمر : الهي تنستر يا ابني وانت كمان طالع اجمد عريس.....
ريان وهو بيقلدها : الهي تنستري يا بنتي...
وضحكوا وكملوا استقبال الضيوف....
عند اسر......
اسر : يلا يا برو علشان نسهر.....
لؤي : ايه رايك يا اسر بلاش سهر النهارده و تعال نروح خطوبه كده نفك عن نفسنا....
اسر : خطوبه مين؟!
لؤي : خطوبه ابن رجل اعمال اعرفه اتصل بيا
وطلب مني احضر يلا تعالي معايا واهو نغير مود
يلا روح اجهز وتعالي.....
اسر : اوكي....
للكاتبة حنين عبدالرحيم (حنون)
اسر روح لبس بدله لونها كافيه راقيه جدا وقميص ابيض
ونزل هو ولؤي
لؤي اللي كان لابس بدله سوداء وقميص ابيض واساسا اساسا لؤي عسل في اي حاجة يلبسها 😂😂 (طب تتوقعوا انا في مخيلتي كدة متخيلة لؤي مين من الممثلين ؟! )
راحوا الخطوبة....
ريان : قمر تعال نسيب بابا يستقبل باقي الضيوف ونقعد احنا شويه انا تعبت....
قمر : وانا كمان الصراحه....
ريان : طب يلا....
للكاتبة حنين عبدالرحيم (حنون)
وراحوا هما الاثنين قعدوا
اسر ولؤي وصلوا الخطوبه اللي هي طلعت خطوبة ريان....
اسر ولؤي سلموا على والد ريان وبعدين دخلوا وقاعدوا .....
لؤي : تنسيق الحفله والترتيب حلو.....
اسر : اه جدا بس.....
لؤي : بس ايه سكت ليه؟؟!
لؤي لقي اسر مبحلق ما بيتكلمش بص مكان ما اسر بيبص لقي ريان قاعد مع قمر بيضحكوا مع بعض....
اسر الدم غلي في عروقه و كان ماسك في ايده كاس اتكسر في ايده....
لؤي مسكه قال: اهدي يا اسر..... اهدي....
اسر : هو انا مالي انا هادي اهو عادي....
وبعدين لقي رجل الاعمال اللي هو والد ريان
وقف وقال:
اولا حابب ارحب بكم و اشكركم كلكم على حضوركم
ثانيا حابب اقول مبروك لابني وحبيب قلبي ريان اللي هيخطب النهارده وريان راح لوالده ووقف جنبه....
اسر اتصدم يعني ريان هو العريس يبقى اكيد قمر العروسه لا مستحيل.......
وافتكر ان هو ردها اول ما طلقها على طول لانه قال لو هي مش ليه يبقى مش هيسيبها لغيره......
قمر كانت واقفه وشافت اسر واتصدمت:
أسر.... وبصتله
ولسه اسر رايح بعصبيه ناحيه قمر.....
لقي رحمه اللي نازله من على السلم
وريان ماسك ايديها ووالده قال: دي تبقى خطيبه ابني......
الكل سقف ورحب بها.....
وقمر راحت وقفت جمب ريان و رحمه.....
اسر بتفاجئ : يعني مش هي العروسه يعني هي مش بتحبه.....
وراح لها
اسر بصوت عصبي و في نفس الوقت في نبره اشتياق:
قمر....
قمر غمضت عيناها اول ما سمعت صوته اول ما سمعت اسمها طالع منه كانها بتقوله:
عيد ثاني وثالث وحشني جمال اسمي و انت بتقوله....
قمر ردت ببرود : ايوه دكتور اسر اهلا.....
اسر بعصبية : مش عيب واحده تقول لجوزها دكتور اسر.....
قمر بسخرية : جوزها قصدك طليقي.....
اسر : هو انتي ما تعرفيش اني رديتك ولا ايه يا حبيبتي.....
وبعدين مسك ايديها ومشي بيها وهي بتحاول تبعد ايديها وفي نفس الوقت مش عايزه تعلي صوتها علشان ماتبوظش فرحة ريان........يتبع
استنوا البارت 2 من الحلقة الاخيرة بكرة يا حلوين ❤❤❤توقاعتكم بقي
يلا تاك كير يا حلوين 😍😍
يلا تفاعل بقي وكومنتات قد مجرة درب التبانةعلشان الجاية تنزل.. علشان التفاعل قل وانا كدة هزعل وابهدل الدنيا واجيب ناس تزعل 😂
#رواية: أحببت قمر الصعيد
#للكاتبة : حنين محمد عبدالرحيم (حنون)
معلومة نفسية
(العديد من الأشخاص يخافون من الشعور بالسعادة؛ فهم يعتقدون أنه سيحدث لهم أمر غير جيد بعد هذه السعادة.)
أحببت قمر الصعيد
البارت(الاخير )
ملحوظة قبل البدا (حلقة النهاردة فيها محن ورومانسية فهي خطر على السناجل 😂😂)
لو الرواية عجبتكم تتفاعل اكتر تشجيع لرواية القادمة هتكون اجمل
اسر بعصبية : مش عيب واحده تقول لجوزها دكتور اسر.....
قمر بسخرية : جوزها قصدك طليقي.....
اسر : هو انتي ما تعرفيش اني رديتك ولا ايه يا حبيبتي.....
وبعدين مسك ايديها وماشي بها وهي بتحاول تبعد ايديها وفي نفس الوقت مش عايزه تعلي صوتها علشان ماتبوظش فرحة ريان.....
ريان لاحظ واتعصب ولسه قايم راح لؤي جاء وقال في ودنه :سيبهم ما تخافش هو ردها يعني مراته هما محتاجين يتكلموا مع بعض شويه هما الاثنين مدمرين من الفراق....لازم يتعاتبوا....
ريان : بس مش ممكن ياذيها...
لؤي : مستحيل اسر بيحبها زي روحه.....
ريان : فعلا قمر متدمره ولازم يتعاتبوا.....
لؤي : يلا يا عريس افرح انت بقى.....
على الجانب الآخر
اسر خد قمر بالعافيه لحد ما وصلوا شقته ودخلها....
قمر : انت ازاي تتجرأ يا دكتور اسر....
اسر ساكت وباصص بس في عيون قمر....
نظرات عشق اشتياق وعتاب وحب بس اكيد مش كره....
قمر سكتت وفضلت هي كمان بصاله....
اسر بصوت مبحوح ومليان اشتياق: وحشتيني....
قمر دقات قلبها عليت جامد بس قالت :
لا يا قمر اجمدي كده ما بيثقش فيكي.....وردت بقوة وقالت :
وحشتك انت كذاب انت حتى ما بتثقش فيا وفوق كل ده بتخوني.....
اسر : انا بثق فيكي بس صدقيني الدم غلي في عروقي يوم ما شوفتك واقفه مع ريان....
مقدرتش امسك نفسي وكمان حتي انتي مرضتيش تسمعيني حتي انتي مبتثقيش فيا....
قمر بعصبية : اثق فيك اثق فيك ايه بعد الصور اللي انا شوفتها ده انت بتخوني و عايزني ارجعلك
لأ يا اسر فوق انت دلوقتي بتكلم قمر صاحبة شركه KM يعني مش قمر العبيطه اللي هتضحك عليها.....
اسر حط ايده على بوقها وماخليهاش تكمل كلامها....
اسر : اسمعيني وانا هقو لك كل حاجه ارجوكي لاخر مره وحكالها حكاية الصور....
اسر : والله صدقيني انا عمري ما خونتك ولا هخونك.....
قمر بسخرية : وانت طالب مني بقى اني اصدق الكلام ده انا مش عبيطه يا اسر.....
اسر : قمر بوصى فى عيونى يا قمر انا بكذب.....قمر بوصي....
ورفعلها وشها بايده لحد ما عيونهم التقت
قمر فضلت بصاله نظرات حب و اشتياق وعتاب وهو كذلك....
لحد ما فاقوا من شرودهم على صوت جرس الباب...
اسر راح يفتح لقى تارا....
اسر بعصبية :
انتي يا حيوانة ايه اللي جابك هنا...
امشي يلا غوري....
تارا دخلت برضه من غير كلام.... لقت قمر.....
اسر بعصبية : قولتلك امشي غوري من هنا يلا ....
تارا بهدوء : قمر... اسر.... ممكن تسمعوني....
اسر : مش عايز اسمع من خلقتك ولا كلمة.... يلا امشي من هنا يلا....
تارا بترجي : اسر ارجوك.... قمر من فضلك.... هتكلم معاكم بس 5 دقايق.... 5 دقايق بس...
اسر مسكها بعصبية وبيرميها برة.....
قمر : استني سيبها تتكلم....
اسر سابها....
تارا : شكرا انا كنت عايزة اقولكم انا واكملت بدموع
انا والدتي اتوفيت من أسبوع واتحرمت منها جايز ربنا حرمني منها بسبب اللي انا عملته وفرقتكم عن بعض
وبعدتكم عن بعض.... سامحوني....
قمر صدقيني اسر بيحبك وعمره ما خانك والصور دي اسر جالي لانه هو شهم ويومها قولتله ان في حرامي و والدي و والدتي كانوا مسافرين وساعتها جابلي جاردات وروح على طول....
قمر اسر بيحبك بجد ومن ساعة ما سبتيه وهو متدمر
وبقي بيسهر ويشرب وحالته متدهورة يا قمر.... صدقيني.... انا اسفة يا اسر.... انا اسفة يا قمر...
سامحوني.... انا فعلا غلطت... معلش يا جماعة...
انا اسفة بس ربنا عاقبني وحرمني من والدتي سامحوني....
قمر مش مصدقة وبتلوم نفسها ازاي عملت كدة في اسر.... بعدين قمر بصت لاسر بمعني سامح تارا خلاص...
وقمر قربت من تارا.... وقالت :
خلاص مسامحينك يا تارا.... البقاء لله....
تارا : في حياتك الباقية بجد سامحتوني....
قمر : ايوة...
اسر : ايوة خلاص يا تارا....
تارا : بجد مش عارفة اقولكم ايه ربنا يسعدكم يا رب....
وبعدين تارا مشيت....
اسر وقمر فضلوا باصين لبعض وبس والدموع مالية عيونهم هما الاتنين....
لحظات من الصمت.....
من العتاب بنظرات العيون....
لحد ما قطع الصمت ده اسر وهو بيفتح دراعته لقمر (موسيقي هادية جدا في الخلفية)
وبالتصوير البطئ
قمر جريت عليه حضنته.....
وهما الاتنين انفجروا في العياط....
اسر : وحشتيني يا روحي.... وحشتيني .....
قمر : وانت كمان يا حبيبي وحشتني جامد اوي يا اسر
جامد اوي....
اسر : اسف يا قمري اسف يا روحي لو كنت زعلتك...
قمر : انا اللي اسفة يا حبيبي.... اسفة لو زعلتك....
اسر : بحبك....
قمر : بعشقك....
قمر بحزن : اسر حبيبي هو انت فعلا بقيت بتشرب....
اسر خرج من حضنها بجزن وقال :
مكنتش بقدر اتحمل الم الاشتياق يا قمري كنت بموت الف مرة من الاحساس ده فكنت بحاول انساه....
قمر : اسر حبيبي اوعدني انك خلاص هتبطل كل ده يا روحي.... انا خلاص معاك هنا....
اسر حضنها : اوعدك يا قمري اوعدك
اهم حاجة انتي تبقي جنبي وبس يا روحي
تبقي جنبي وبس....
قمر : وانا عمري ما هسيبك يا حبيبي.... عمري....
أسر : بس ايه الجمدان ده يا قمري بقيتي سيدة اعمال
جامدة....
قمر : اه شوفت بقى مش انت لوحدك اللي دكتور مشهور انا كمان سيده اعمال.....
اسر بضحك : وحد يقدر يقول حاجه برضه.....
قمر : وحشتني ضحكتك يا روحي.....
اسر بحب : انتي كلك وحشتيني يا قمري ضحكتك وهدوئك وحتى طبخك.....
قمر بضحك : طبخي ؟؟... بقي هو ده اللي فاكره...
اسر : انتي الشيف بتاعي.....
قمر بغرور : طبعا
وقعدوا يضحكوا مع بعض لحد ما الجرس رن
قام اسر يفتح لقي لؤي وريان....
لؤي : ايه يا برو هو من لقى احبابه نسي اصحابه ولا ايه....
وبعدين ريان دخل شاف قمر :
ايوه ولا ايه يا ست قمر....
قمر : عيب يا زميكس هو انا اقدر انساك برده......
اسر بغيرة : نعم يا اختي انتي وهو؟!
قمر بضحك على غيرته :
صح يا اسر نسيت اقولك ريان هو اللي وقف جنبي السنه دي ريان اخويا و انسان بجد كويس جدا وعمره ما سابني لحظة.....
ريان : اكيد مش هسيبك مش اختي بقى......
اسر بامتنان وحزن :
شكرا بجد يا ريان انا اللي كنت المفروض ابقى معاها بس ما كنتش جنبها شكرا لانك كنت معاها.....
ريان : دي اختي يا اسر
وعلى الله تفكر تزعل اختي ثاني واحب اقو لك بقى انها بتحبك لا لا بتموت فيك صدقني خذها كلمه مني....
اسر وهو موجه نظره لقمر : ما انا عارف....
لؤي : انا من رايي بقى نسيبهم يا اما اسر هيطردنا دلوقتي وانا حاسه عايز يقول اطلعوا بره.....
ريان : وانا كمان حاسس.....
اسر : بتفهموا اهو يلا سكه السلامه وخذوا الباب فى ايديكم.....
لؤي : بقي تطردنا بس ماشي يا عم همشي علشان خاطر قمر بس.....
ومشيوا 🚶 🚶
قمر : اسر.....
اسر بحب : وحشني اسمي و انتي بتقوليه نعم يا عيون اسر وروح اسر وقلب اسر....
قمر بدموع : انا لازم اقولك اني حقيقي عرفت قد ايه بحبك لما بعدنا....
اسربدموع على دموع قمر :
وانا يا روحي عرفت اني مش بحبك...
انا بدمنك يا قمري...
بدمنك يا عيون اسر....
قمر :بحبك....
اسر : لا لا انا كدة اتعود على الرومانسية دي بقي....
قمر : قصدك يعني اني مش رومانسية يا اسر....
اسر: هو انا اقدر اقول حاجة بس يا عيون اسر....
وبعدين باس ايديها وقال :
ربنا يخليكي ليا يا قمري ....
قمر : ويخليك ليا يا روحي....
بعد مرور 5 سنوات..... ❤❤❤
قمر : جاسر جاسر تعالي هنا.....
وقمر وقعت قمر : اه.....
اسر طلع يجري اول ما سمع صوت قمر:
قمر يا روحي مالك؟؟؟
قمر : مفيش كنت بجري وراء جاسر مش عايز ياكل....
اسر : جاسر انت يا ولد....
جاسر بطفولية : نعم يا بابي....
اسر : معذب مامي ليه يا جاسر.....
جاسر : انا مش عايت اتل ده انا عايت تبت
(مش عايز اكل ده انا عايز شيبس)
اسر : انت بتتكلم هيروغليفي ولا ايه يالا ابنك بيقول ايه يا قمر...
قمر بضحك : بيقول مش عايز ياكل الاكل ده وعايز ياكل شيبس
اسر مسكه من التيشرت بتاعه وقال :
بقي ابوك دكتور وعايز تاكل حاجات مش صحية
انت ابن مين يا ولد؟؟
جاسر : ابنك انت ومامي يا بابي انت نسيت ولا ايه
لما الكاتبة حنون خليتكم تسيبوا بعض من 5 سنين...
اسر : حنون الهي تقعي من فوق الكنبة يا حنون يا بت ام حنون دمرت حياتنا في البداية بس حبنا كان اقوي ورجعنا بقي بس انت ازاي عرفت....
جاسر : وانت مالك وكمان انت بتستم (بتشتم) حنون ليه ؟!
اسر : دمرت حياتنا يا عم يالهوي لو اطولها بس...
قمر : خلاص بقي يا اسر مهما كان حنون الكاتبة برضه...
اسر : ما هو ده اللي مصبرني عليها لولا كدة كنت قتلتها....
انا بقي لازم اتكلم مش هسكت على اهانتي من اسر 😂
حنون: استنوا كدة يا جماعة سيبوني عليه يقتل مين
المجنون ده طب ورحمة خالي حسن لأقتلك وامحيك من الرواية يا اسر يا ابن ام اسر ده بيتحدي حنون قال....
جاسر : اهدي كدة بت (بس) يا حنون ....
حنون:اهدي ايه يا جاسر مش شايف ابوك خرجني عن شعوري ازاي.....
اسر :انت بتكلم مين يا جاسر
جاسر : بكلم حنون يا بابي....
اسر :حنون في عينك يلا كول وبطل هبل.... وتعالوا نتفرج على فيلم....
واسر اخد جاسر وقعده في حضنه وقمر قعدت في حضنه بيتفرجوا على فيلم....
اسر : قمري....
قمر : اممم...
اسر : بحبك يا قمر الصعيد....
قمر بضحك : انت لسه فاكر حكاية الصعيد دي....
اسر : دي كانت اجمل حاجة حصلتلي.....
قمر بحب : بعشقك يا عيون قمر الصعيد.....
اقروا الكلام ده 👇👇
الحمد لله انا كدة خلصت الرواية ودي اخر رواية هكتبها خلاص والحمد لله مبسوطة انها عجبتكم وحبتوها
مبسوطة بتفاعلكم وارائكم الحلوة
دي اخر رواية هكتبها قبل الدراسة ونتقابل بقي في اجازة نص السنة والحمد لله كانت ختامها مسك كدة زي ما بيقولوا دي تقريبا اكتر رواية نجحت ليا
هتوحشوني اوي بجد انا اتعودت عليكم كلكم وعلي الكومنتس التحفة بتاعتكم
كنت بحاول دايما زي ما بخليكم تستمتعوا بالرواية
كنت بحب افيدكم باني احط مقولة او معلومة نفسية مثلا في النهاية علشان تبقوا بتستمتعوا وفي نفس الوقت تستفادوا ❤
رايكم طبعا في الرواية كاملة يا حلوين 😍😍
#حنين محمد عبدالرحيم (حنون)
بداية الروايه من هنا 👇👇👇
