من الفصل السادس حتي العاشر احببت طباخه كامله علي مدونة النجم المتوهج للروايات

من الفصل السادس حتي العاشر

احببت طباخه

مامتها و باباها :ايييه

امل (مامتها ):ايه اللي بتقوليه ده يا شهد انتي اتجننتي شغل ايه ما تتكلم يا عبدلله و بتستخبي كمان

باباها (عبدلله ):شهد تعالي هنا

شهد طلعت من اوضتها و هي خايفة و متوترة و مش مجمعة 

شهد :اصل..اصل ...

امل :في ايه يا شهد مالك ما تتكلمي

شهد:يا ماما عايزة اخفف عنكم الحمل شوية

عبدلله :لما اموت ابقي اشتغلي يا شهد

شهد و دموعها نزلت من عينيها:بعد الشر عليك يا بابا متقولش كدا يا حبيبي ربنا يديك طولة العمر ... طب انتو كنتو عايزين تقولو ايه يا ماما

امل :بصراحة يا شهد احنا عايزينك تحولي إعلام عربي

شهد:ليه يا ماما

امل:من غير ليه احنا يا بنتي ناس علي قد حالنا اه بس مش لدرجة انك تشتغلي و كل حاجة غليت دلوقتي يا بنتي احنا اه هندفعلك السنة دي منضمنش السنين اللي جاية

شهد و دموعها نازلة من عينيها:ليه .. ليه عايزين تكسرو أحلامي

و دخلت اوضتها و سندت ضهرها علي الباب و هي منهارة و بتعيط و قعدت علي الأرض

شهد :علي فكرة انا عايزة اشتغل عشاني مش عشان حد عشان حسيت اني هتقل في المصاريف الشغل مش عيب يا ماما مش حرام

عبدلله :انتي عايزة الناس تقول ايه يا شهد

شهد:يقولو اللي يقولوه الناس دول عايزين يقولو اللي علي مزاجهم و بس

مامتها راحت عند الباب و بتخبط:افتحي يا شهد و بطلي عياط انا هبيع الشبكة بتاعتي عشان تكملي الحاجة اللي انتي حباها بس افتحي

في اللحظة دي ملك صحيت علي صوتهم و قامت من النوم قعدت جنب شهد و بتمسح دموعها و بطبطب عليها و حضنتها

ملك :متزعليش يا شهد بصي انا محوشة مصروفي في الحصالة خديهم ليكي  عشان الجامعة

ابتسمت شهد علي براءتها و حضنتها اوي :يا روحي ربنا يخليكي ليا يا لوكة انا مش عايزة حاجة .... لو سمحتي يا ماما سيبيني دلوقتي

امل :كدا يا شهد كدا توجعي قلبي فاكرة لما كان ابوكي يزعقلك كنتي تيجي في حضني و تعيطي دلوقتي بقيت خلاص طب افتحي و هعملك كل اللي نفسك فيه

شهد:مش عايزة يا ماما مش عايزة حاجة ... سيبوني اعمل الحاجة اللي بحبها مش عايزة تبيعي حاجة انا عايزة اعتمد علي نفسي يا ماما

في اللحظة دي موبايل شهد رن و كانت شيماء ملك جابتلها الفون ترد شهد سابته جنبها و بدل ما تكنسل فتحت عليها من غير قصد و شيماء سمعتها و هي بتعيط

باباها :افتحي يا شهد عشان اتكلم معاكي

شهد ساكتة و بتعيط

_________

شيماء و مامتها كانو صاحيين بيسمعو مسرحية ريا و سكينة و اتصلت علي شهد تشوفها عملت ايه مع مامتها سمعتها بتعيط و بابها و مامتها بيزعقو و قالت 

شيماء :الو الو شهد ردي

راحت قفلت و بصت ل مامتها 

شيماء:ماما انا نازلة لشهد 

وفاء:في ايه شهد مالها

شيماء:معرفش بس مش مطمنة شهد بتعيط و باباها و مامتها بيزعقو تقريبا موافقوش علي الشغل 

وفاء :طب استني البس عبايتي و نازلة معاكي

_________

عند شهد كانت لسة بتعيط و حاسة ان كل أحلامها اتدمرت

في الوقت ده وفاء و شيماء رنو الجرس

امل:حاضر جاية اهو 

فتحت شافت شيماء و وفاء

شيماء دخلت علي اوضة شهد لاقتها قافلة الأوضة

شيماء:شهد افتحي انتي بتعيطي ليه

شهد:سيبيني يا شيماء عايزة اكون لوحدي 

و كانت ملك لسة حضناها و بطبطب عليها

شيماء:لا مش هسيبك عشان انتي حتة مني انتي اختي و صاحبتي فاكرة لما كنا صغيرين و واحدة فينا تغلط كانت التانية بتستخبي في حضن التانية عشان متحسش بالوجع مش هسيبك و امشي و اقول براحتك انتي حتة من قلبي بحس بيكي حتي وانتي عاملة نفسك مبسوطة اوعي تفكري اني مش عارفة انك لما جيتيلي انك مش زعلانة لا عارفة بس قولت اسيبك و هتحكيلي

شهد في اللحظة دي فتحت الباب و شمياء خدتها في حضنها و بتهديها

________

امل :كنت عارفة ان محدش هيأثر عليها غير شيماء 

وفاء:عايزة اتكلم معاكو انتي و الحاج عبدلله و سيبو شهد مع شيماء دلوقتي 

امل :اتفضلي يا وفاء في الصالون

دخلو الصالون

امل :تشربي ايه يا وفاء

وفاء:هو ايه اللي اشرب ايه يا امل انا مش ضيفة انا عايزة افهم شهد مالها بتعيط ليه 

عبدلله :بنتي عايزة تشتغل يا ام شيماء

لو بنتك طلبت منك تشتغل هتوافقي

 وفاء:ولله لو بنتي عايزة اسيبها تشتغل طالما هي عايزة تعتمد علي نفسها

امل :والناس يا وفاء هيقولو علينا ايه

وفاء:الناس كلها عارفة أخلاق شهد و هيقولو ايه هيقولو ان انتو عرفتو تربو صح و هيقولو أنها ب 100 راجل 

لما شهد قالتلي كدا زعلت بس من جوايا فرحت بيها أنها عايزة تشيل مسؤلية من دلوقتي ده بدل ما تشجعوها بتحبطوها بنتكم مغلطتش ولا عملت حاجة غلط ولا ايه يا حاج عبدلله

عبدلله :عداكي العيب يا ام شيماء لكن 

وفاء :مفيش لكن يا حاج قومي يا امل صالحي بنتك و خديها في حضنك وانت كمان يا حاج عبدلله عن اذنكم انا داخلالها

عبدلله و امل بصو لبعض و فهمو انهم كسرو شهد و كانو هيهدو حلمها

وفاء دخلت لشهد و خدتها في حضنها

شهد بعياط:مش عايزة احول من الجامعة دي يا ماما وفاء مش عايزة

وفاء:غصب عن اي حد هتفضلي فيها و  هتشتغلي يا شهد

و طول ما انا عايشة محدش هيقدر يزعلك انتي بنتي التانية 

شهد :ربنا يخليكي ليا يا ماما انا بحبك اوي

في اللحظة دي دخل امل و عبدلله

عبدلله: شهد

شهد بصتله و هي في حضن وفاء :نعم يا بابا

عبدلله :انا موافق يا شهد بس بشرط

شهد :شرط ايه يا بابا

عبدلله :الشغل مياثرش علي مستواكي في الدراسة

شهد بصت لوفاء و باستها : انتي احسن فوفا في الدنيا بحبك لالا بعشقك يا فوفا

و جريت علي باباها :موافقة يا بابا ...موافقة يا حبيبي و أوعدك اني هجيب تقديرات عالية جدااااا 

كلهم فرحو و شيماء و وفاء روحو بيتهم و شهد و ملك نامو و مامتها و باباها خلاص اقتنعو 

___________

اما مازن في الوقت ده روح البيت بعد ما وصل خالد و رانيا و مروة مامتها

_________

في البيت عند رانيا 

كانت رانيا بتفكر في ريماس و عارفة ان ريماس بتحب مازن لكن مازن ميعرفش حاجة

مروة مامتها دخلت الأوضة :انتي لسة صاحية يا رانيا

رانيا :ماما ... اتفضلي .... خالد نام 

مروة :اه يا حبيبتي نام الحمدلله

مروة قعدت جنبها علي السرير و قالت

عارفة يا رانيا من يوم ما ياسمين (مامت مازن )ماتت و وصتني عليه قبل ما تموت كان مازن عنده 10 سنين وقتها مكنش بيقعد كتير مع ابوه ربيته معاكي و كبر دلوقتي و بقا راجل الله يرحمك يا ياسمين كان نفسي تشوفي مازن دلوقتي بقا عامل ازاي ابوه مات من 5 سنين لما ابوه مات كان مازن يجي يقولي انا هشتغل و هنجح و هثبت نفسي بنفسي حتى جوز خالتو معتمدش عليه و فعلا نجح و بقا مخرج كبير و مشهور و سنه صغير 

رانيا :ياااه يا ماما فكرتيني بطنط ياسمين كانت طيبة اوي عكس طنط رباب نهائي

مروة :رباب عكسها فرق السما من الارض يا بنتي مازن جدع و حنين و ابني اللي مجبتهوش ابني الكبير اللي بجد

رانيا بتضحك: كل ده مدح في مازن يا ماما

مروة :مازن ابن حلال و يستاهل كل خير

يلا يا روكا نامي

رانيا :خليكي نايمة جنبي يا ماما

مروة:لا هنام جنب خالد عشان لو صحي بالليل

باست رأس رانيا و خرجت

و رانيا نامت 

______________

في الصباح 

عند شهد صحيت الفجر صلت و وقفت في البلكونة كعادتها تدعي ربنا و هي باصة للسما و رنت علي شيماء تصلي الفجر  و قرأت قران لحد ما الشمس طلعت و حضرت الفطار و صحت ملك من النوم و بعدها لبست و نزلت تروح تحضر الانترفيو في المطعم

_____________

في فيلا شاهر سليم الحناوي ( والد زياد )

زياد نزل و ريماس و مامته وباباه كانو بيفطرو 

زياد :صباح الخير

رباب و ريماس و شاهر:صباح النور

و هما بيفطرو الجرس رن

ريماس قامت تفتح كان قلبها حاسس انه هو مازن

ريماس بسعادة :ابيه  مازن اتفضل

مازن:صباح الورد يا ريمو

ريماس:عامل ايه دلوقتي 

مازن: تمام الحمدلله

ريماس :تعالي افطر بقا شكلك مكلتش حاجة 

مازن دخل معاها

مازن :صباح الفل 

رباب :ايه صباح الفل دي يا مازن قول Good Morning  

مازن :حاضر يا خالتي 

رباب :مش اسمها قولتلك خالتي اسمها ..

قاطعها مازن :ما خلاص يا خالتي بقا عديها

زياد و ريماس ضحكو

رباب بصتلهم و كملو اكل

في اللحظة دي موبايل مازن رن و كانت رانيا 

مازن:روكا ازيك ... خالد عامل ايه و ماما مروة

رانيا:كويس الحمدلله بيسلم عليك

انا اتصلت عشان...

مازن قاطعها :انتي اجازة يا بنتي كام يوم لحد ما خالد يقوم بالسلامة

رانيا باستغراب :انت عرفت ازاي يا مازن اني عايزة اجازة

مازن :عارف انك هتقولي كدا ولله

(ريماس )كانت متضايقة وقتها لكن حاولت متبينش

رانيا :طيب انا عموما عايزة انهاردة بس اجازة ممكن و بكرة هاجي وماما عازماك انهاردة علي الغدا

مازن :ماشي تمام هاجي ان شاء الله ... سلام 

زياد:صحيح خالد عامل ايه بقالي كتير مشوفتوش ولا شوفت طنط مروة

مازن :يا عم انت فاضي تشوفني اصلا 

زياد:علي رأيك ولله

مازن :طب لو فاضي تعالي معايا انهاردة معزوم عندهم ع الغدا

ريماس:لا يا ابيه مازن انت انهاردة هتاكل معانا بقالك كتير متغدتش معانا 

مازن :معلش يا ريمو ولله مشغول عنكم عشان الشغل بس انا بفطر معاكو اهو و كمان عشان رانيا متزعلش وعدتها هروح

ريماس بعدها ب 5 دقايق :الحمدلله شبعت

و طلعت اوضتها و عيطت جامد حست ان مازن بيحب رانيا فعلا و بقت متأكدة من ده جدا قلبها وجعها اوي

__________

اما شهد كانت وصلت المطعم

شهد :لو سمحت

...... :أيوة حضرتك تؤمري بحاجة 

شهد:حضرتك كنتو طالبين كاشير و ويتر صح

.....:اه مظبوط بس للاسف الوظيفتين دول اتنين اتعينو فيها

شهد بحزن :يعني خلاص كدا

ماشي

.......:بس حضرتك في وظيفة فاضية لكن معتقدش هتوافقي عليها لكن هي بنفس المرتب

شهد :قول ايه هي

.........:مساعدة شيف (طباخ )

شهد بفرحة :بجد انا بعرف اطبخ كويس اوي و دي اسهل حاجة ليا 

.....:طيب تمام تعالي معايا عشان تعملي انترفيو و نشوف هتنفعي ولا لا

شهد :حاضر

___________

عند رانيا 

كانت بتحضر هي و مامتها كل حاجة عشان الغدا

مامتها :أكدتي علي مازن يا رانيا

رانيا:اه يا ماما ولله جاي

مروة :ماشي يا حبيبتي حطي الفراخ تتسلق علي ما اخرط الملوخية

رانيا :حاضر يا ماما

________

اما مازن كان في الشغل و كان حاسس انه مفيش حاجة متظبطة لان رانيا كانت نشيطة و شايلة الشغل كلو و كان متعصب عشان محدش بينجز زيها

مازن :يلا يا حاتم أنجز 

حاتم المساعد :يا استاذ مازن بنظبط اللوكيشن حاضر حضرتك متقلقش اوي كدا

مازن لنفسه :فينك يا رانيا دلوقتي كان زمان كل حاجة خلصانة

__________

اما شهد

عملت الانترفيو و نجحت

مدير المطعم:ماشاء الله بتعرفي تعملي الاكلات اللي في المنيو فعلا لا احنا نمشيك يا طارق

طارق (الشيف ) بيضحك: اللي حضرتك شايفه يا حمزة

حمزة (مدير المطعم ):بصي يا شهد انتي كدا تمام هتكوني مساعدة طارق و في ايام إجازته ممكن تعملي اكل مكانه

شهد بفرحة و سعادة كبيرة:ماشي يا استاذ حمزة

حمزة :الفترة دي هيكون الشيفت بتاعك الصبح فترة الجامعة هيكون الشيفت بتاعك مسائي 

شهد :تمام

حمزة :تمام من بكرة ان شاء الله تيجي تستلمي الشيفت بتاعك

شهد:تمام استأذن انا و اجي بكرة 

حمزة :تمام اتفضلي

______________

عند مازن كان لسة مخلص تصوير البرنامج

مازن:استوب 

هايل يا جماعة يلا رجعو كل حاجة عشان حلقة بكرة

مي المذيعة :مازن ايه رايك في الحلقة كنت حلوة صح

مازن بصلها بقرف:اه مش بطال عن إذنك

في شخص قرب من مازن و كان ابن صاحب القناة و هيمسك مكان والده الشغل لان والده سافر لندن

ناصر(ابن صاحب القناة ):أستاذ مازن صح

مازن :أيوة مين حضرتك

ناصر :انا ناصر العمري ابن امجد العمري

مازن :اه اهلا بحضرتك

ناصر:سمعت انك مخرج شاطر بس باين عليك فعلا بدليل أن الإعلانات كتيرة في القناة

مازن :الإعلانات بفضل الإعلاميين

ناصر :و بشطارتك برضو

مازن :ربنا يخليك

ناصر :دي حقيقة انا متابعك بقالي فترة

مازن :تشرفت بيك جدا

ناصر:وانا كمان ولله

___________

عند شركة زياد

السكرتيرة (ندي  ) تخبط علي باب المكتب و زياد يسمحلها بالدخول و كان ماسك ملف في ايده

ندي : باشمهندس زياد في اتنين برة عايزين حضرتك

زياد :مين دول و اسمهم ايه

ندي:الأستاذ رامي و الأستاذ أحمد

زياد ساب الملف من ايده :خليهم يدخلو بسرعة يا ندي 

ندي:حاضر 

و خرجت ندي ندهت عليهم و دخلو اول ما دخلو حضنو بعض جامد 

☆رامي:صاحب زياد و مازن من ايام ثانوي و الجامعة و بيشتغل مهندس في شركة خالو(بابا احمد)

☆احمد :ابن عمت رامي و بيشتغل مهندس في  شركة والده و صاحب زياد  و مازن جدا

رامي:واحشني جدااا اقسم بالله

زياد :وانتو ولله واحشني اوي

احمد :عاش من شافك يا عم لازم نيجي يعني عشان نشوفك

زياد:شاهر باشا (باباه )مخليني مش عارف اروح اي مكان ولا حتي عارف اخرج

رامي :كان الله في عونك يا زيزو

احمد:بس لازم نخرج احنا بقالنا أسبوع مشوفناش بعض

زياد:طب بص انا بكرة فاضي و نخرج نروح النادي و بالمرة اكلم مازن ده هيفرح اوي لما نتجمع

رامي:هتصل انا علي مازن و هتفق معاه و نظبط اليوم ده عايزين نقعد شوية مع بعض

احمد :و اخيرا بقا هنتجمع يوم يااااه وحشني ولله

رامي :طب هنستاذن احنا بقا يا زياد و بكرة هنروح النادي مع بعض و عايزين نروح الجيم اللي بتدفع فلوسه علي الفاضي و انت مبتروحش اصلا كابتن عمرو سألني عليك كذا مرة و قولتلها انك مضغوط في الشغل

زياد:ياااااه تصدق فعلا ولله ما بروح بس بكرة هروح و نعمل كل حاجة و كمان مازن اجازة بكرة

احمد و رامي :أيوة بقا

__________

اما في المدرسة عند كريم و ملك

دخلت الميس دينا( مدرسة اللغة العربية )

ميس دينا :السلام عليكم

الكل :و عليكم السلام

دينا:اتفضلو اقعدو ... يلا طلعو كتاب العربي عشان ناخد الدرس الجديد

ملك بتكلم جني:يا جني الحقيني مش لاقية الكتاب

جني:طب دوري كويس يا ملك

ملك :شكلي نسيته وانا بحط السندويشات الصبح

جني:ربنا يستر دي ميس دينا ممكن تضربك زي ما عملت مع رحمة  المرة اللي فاتت

(كريم كان سامعهم لانه قاعد قدامهم و طلع استيكر لزقه علي الاسم بتاعه ) و حط الكتاب علي الديسك بتاع ملك

ملك :ايه ده يا كريم ده مش كتابي

كريم :خديه انتي عشان متتضربيش من ميس دينا

جني و ملك  استغربو

ميس دينا :سكووت بقا مش عايزة صوت

مين مجابش الكتاب

كريم وقف 

يتبع ......

عاوزة تفاعل وكومنتات كتير مش تفاعل بس ولا كومنتات بس عاوزة الاتنين عشان اقدر اكمل⁦♥️⁩✨

الفصل السابع:

ميس دينا :سكووت بقا مش عايزة صوت

مين مجابش الكتاب

كريم وقف :انا يا ميس مجبتوش

ميس دينا :نسيته ليه يا كريم اول مرة تنساه يعني

كريم:وانا بحضر الشنطة الصبح نسيته علي السرير غصب عني يا ميس

ميس دينا :اممممم ماشي يا كريم افتح ايدك

ملك كانت هتقوم تقولها لكن خافت الميس تعرف انهم بيكدبو

____________

شهد كانت روحت البيت و بتحضر الغدا في المطبخ و كانت سعيدة جدا مامتها دخلت عندها

امل:الله علي السعادة الجميلة دي اللي عليكي

شهد :ماما انا مبسوطة اوي اني اتقبلت في المطعم

امل:ربنا يديمها عليكي يا حبيبة ماما هتروحي بكرة

شهد :اه يا ماما ان شاء الله ادعيلي

امل:بدعيلك يا حبيبتي ولله

شهد باست ايدها :ربنا يخليكي ليا يا ست الكل

باباها دخل في الوقت ده و سمع اخر جملة

عبدلله :ومفيش ربنا يخليك ليا يا بابا

شهد جريت عليه حضنته و باسته :ربنا يخليك ليا يا احلي بابا في الدنيا .... بحبكو ولله

عبدلله :و يخليكي لينا يارب

الله انا شامم ريحة حاجات حلوة

شهد :بعملكو اكلة روعة نص ساعة و اخلص و زمان ملك جاية من المدرسة و ناكل كلنا

__________

كريم و ملك و هما راجعين من المدرسة و في طريقهم للبيت

كريم :خلاص يا ملك متزعليش

ملك:ليه كدا يا كريم اهو اتضربت بسببي و لو ميس دينا عرفت انك كدبت عليها كانت هتزعل مننا جامد

كريم :متزعليش يا لوكا يلا انا طالع الشقة لما تخلصي مذاكرة نلعب

ملك :ماشي يا كريم ..باي

________

ملك طلعت و خبطت على باب الشقة و مامتها فتحتلها و شهد كانت وقتها بتحضر الاكل علي السفرة و هما بياكلو

باباها :عملتي ايه يا شهد في الشغل اتقبلتي

شهد :اه يا بابا الحمد لله

مامتها :ربنا معاكي يا حبيبتي و تحققي كل اللي بتتمنيه يارب

شهد :يارب يا امي يارب

________

مازن وصل الشقة عند رانيا و بيرن الجرس 

رانيا فتحت و هي فرحانة :مستر مازن اتفضل 

مازن بيضحك :لا مستر دي في الشغل إنما هنا مشيها مازن عادي

رانيا ضحكت :عندك حق اتفضل يا مازن ماما مستنياك

مازن دخل سلم علي مامتها

مروة مامت رانيا :اهلا يا حبيبي ازيك

مازن :وحشاني يا ماما

مروة :بكاش يا واد لازم ابعتلك عشان تيجي

مازن:ولله اسألي رانيا مضغوط جدا في الشغل

رانيا :5 دقايق و الاكل يكون ع السفرة بعد اذنكو 

مازن :انا جعان جدا ولله بسرعة يا روكا 

رانيا و هي في المطبخ :حاضر يا مازن

__________

زياد كان لسة داخل الفيلا

لاحظ أن ريماس قاعدة في الليفنج مش بتضحك و دي مش عادتها و بتتفرج علي tv و هي سرحانة 

قرب منها و قعد جنبها 

ريماس بصتله :أبيه انت جيت انتي

زياد :من ساعة م انتي كنتي سرحانة

ريماس :انا زهقانة مش بخرج من ساعة ما اخدت الاجازة مخرجتش

زياد :وايه كمان  مزعلك و مضايقك كدا

ريماس:انا اكتر واحدة مظلومة في البيت ده ماما و متعرفش عني اي حاجة و بابا وانت علي طول في الشغل و معنديش صحاب انا اه عندي كل حاجة و اي حاجة نفسي فيها بجيبها و مش بتتاخرو عليا لكن انا نفسي احس اني مش وحيدة 

زياد اخدها في حضنه و طبطب عليها

زياد :اوعدك يا حبيبتي اني هفضي نفسي و اخرجك متزعليش مني 

اما ماما دي عادتها ولا تشتريها

ريماس :انا مش زعلانة منك عارفة انه غصب عنك لكن انا زهقت مفيش غير دادة بس اللي بتكون معايا و مهتمة بيا

زياد :صحيح هيا دادة فاطمة فين 

ريماس :بتحضر الغدا و جاية

___________

والد زياد ايجا و رباب ايجت من النادي و دادة فاطمة كانت جهزت الأكل و هما قاعدين ع السفرة بياكلو

زياد :بابا انا بكرة اجازة

شاهر :ليه في حاجة

زياد :رايح النادي واحتمال اروح الجيم مع رامي و احمد و مازن

شاهر: ماشي يا حبيبي روح ولو عايز اجازة تاني موافق

زياد :متشكر اوي يا بابا

رباب في اللحظة دي جاتلها فكرة أنها تقول ل ميار تروح النادي عشان تقرب اكتر من زياد

__________

شيماء كانت بتكلم شهد و هما واقفين في البلكونة في الموبايل 

شيماء :شهد ما تيجي نخرج بكرة بعد ما تخلصي الشيفت بتاعك

شهد :هنروح فين يعني

شيماء :تعالي نروح البحر او النادي نقعد شوية هناك نغير جو ان شاء الله حتي نروح و نرجع تاني المهم نخرج

شهد بتضحك: حاضر بكرة تعدي عليا الساعة 1 و نروح مع بعض

شيماء :اشطا بقا و اخيرا هنخرج

شهد :طب يلا بقا هقفل وانام عشان اصحي بدري اروح الشغل

شيماء :ماشي يا قلبي تصبحي علي خير

شهد :وانتي من اهله

_________

رباب (مامت زياد) بتتصل علي ميار

رباب:هاي ميار

ميار:هاي طنط ازيك

رباب :Fine

المهم اسمعيني كويس زياد رايح النادي بكرة تجهزي نفسك و تروحي و تقربي منه و تتكلمي معاه فاهمة  

ميار:بس يا طنط ده محاولش يصالحني حتي

رباب:مش مهم دلوقتي المهم تعملي اللي بقولك عليه

ميار:حاضر يا طنط

__________

صحيت شهد الصبح ركبت تاكسي و وصلت المطعم و لبست اليونيفورم و بدأت في مساعدة الشيف طارق في تحضير الأكل

________

اما زياد راح الجيم مع صحابه أحمد و رامي  و قرر بعد ما يخلص يروحو النادي لأن مازن كان عنده تصوير حلقة و هيخلص علي الظهر

كابتن عمرو المدرب بتاع الجيم:اهلا و انا اقول الجيم منور ليه 

زياد :ازيك يا عمرو عامل ايه

عمرو:تمام يا باشمهندس متغبش كدا تاني عشان بتوحشنا ولله

زياد :ان شاء الله 

عمرو :طب هسيبك تكمل تمرين

زياد :تمام يا كابتن

احمد :اخيرا بقا يا زياد كررها تاني يا عم

رامي:لا انسي شاهر بيه مستحيل يكررهها 

زياد بيضحك : يا عم ان شاء الله هتتكرر

_________

شهد كانت بتحضر السلطة و شيماء رنت عليها و ردت 

شهد :ايه يا شيمو 

شيماء :في ايه يا بنتي

شهد :5 دقايق و هخلص الشيفت بتاعي

انتي فين 

شيماء :انا برة قدام المطعم ... متتاخريش

شهد: حاضر اقفلي و هطلعلك

بعد 5 دقائق كانت شهد خلصت و سلمت اليونيفورم

و خرجت ل شيماء

__________

شيماء :ايه بتموتي جوة انجزي يا بنتي الخروجة هتضييع

شهد :طب وقفي تاكسي عشان نروح يلا

_________

مازن كان لسة مخلص شغل و زياد اتصل

مازن :ايه يا عم ازيك

زياد :تعالي علي النادي هنتغدا هناك

مازن :حاضر يا زياد هلم حاجتي و اجيلك

سلام

___________

زياد بص لاحمد و رامي و هو في النادي

زياد:هروح أجري شوية في النادي و راجعلكم لحد ما مازن يجي

احمد و كريم :ماشي يا معلم بس متتاخرش

_________

شيماء و شهد وصلو و دخلو النادي

شيماء :تعالي نطلب اكل و ناكل انا جعانة اوي

شهد:اشطا يلا بينا 

في نفس الوقت زياد كان بيجري ومش اخد باله و هو بيجري خبط في شهد من كتفها

زياد :انا اسف اسف بجد مكنش قصدي ولله

شهد :ايه ده مش تفتح 

هو انت 

زياد :مش انتي اللي كنتي في الجامعة

شهد :اه انا 

ياريت بعد كدا يا استاذ تبص قدامك مش تمشي تخبط  في الناس كدا 

زياد:اسف جدا ولله بس ممكن اسأل سؤال 

شهد :نعم اتفضل

زياد :انتي في كلية إعلام صح

شهد استغربت :انا لا انا ... انا لسة في 3 ثانوي  بس كنت رايحة ادفع مصاريف لأختي عشان كانت تعبانة

شيماء تنحت لكلامها و كتمت ضحكتها

زياد :بجد

شيماء:اه بجد اومال هنهزر معاك ليه يعني

زياد :طيب فرصة سعيدة و اتشرفت بيكي جدا .... يا

هو حضرتك اسمك ايه؟

شهد :شه شيماء إسمي شيماء 

و بصت ل شيماء و غمزتلها

زياد :امممممم قصدك شاي ماء حاجة ساقعة بيبسي

شهد سمعت كدا و فطست من الضحك و بتبص ل شيماء و تضحك

زياد في سره : (يخربيت جمال ضحكتك ايه ده انا اول مرة في حياتي اوقف بنت و اتكلم معاها اشمعنا انتي اللي حبيت اعرف اسمك يمكن فضول مني )

شيماء:ايه يا ظريف منك ليها في ايه

زياد :وانتي مضايقة ليه انا بهزر معاها

شيماء :وانت بقا حضرتك اسمك ايه ان شاء الله

زياد :زياد إسمي زياد

شيماء :زياد و لا ناقص

شهد ضحكت: بس بقا عيب كدا ... اتشرفت  بيك يا استاذ زياد

زياد :الشرف ليا و بعدين ايه أستاذ زياد دي انا مش كبير اوي كدا 

شهد :ماشي ... علي العموم انا اسمي شهد و دي اسمها شيماء و احنا كنا بندفع مصاريف الجامعة عشان داخلين اولي إعلام انجلش

زياد اتصدم و اندهش جدا :اوبس يعني انا اتضحك عليا بقا صح

شهد :اه حاجة زي كدا تقريبا

زياد و شيماء ضحكو 

شهد :يلا كفاية كدا عن ازنك بقا 

زياد :تمام باي

و مشيت شهد و زياد فضل باصص عليها اوي و بعدين نده عليها

زياد:شهد

شهد لفت بضهرها لزياد و هي من بعيد 

شهد :نعم

زياد :هشوفك تاني

شهد استغربت :سيبها بظروفها ... لو لينا نصيب نتقابل هنتقابل اكيد سلام 

___________

زياد فضل واقف سرحان من لماضتها و ضحكتها وانه النصيب خلاهم يتقابلو للمرة التانية

و زياد مش من طبعه أنه يتكلم مع بنت او يعامل بنت كويس بس استغرب من اللي عمله و قال لنفسه : يمكن فضول مني او مش عارف

و قرر يجري شوية و يرجع لصحابه

_________

اما شهد و شيماء

شهد:يخربيت جمال ضحكته و عينيه تجنن تجنن يا شيمو

شيماء :بس بس اهدي انتي مشوفتيهوش غير مرة واحدة و دي التانية ايه وقعتي ولا ايه

شهد :لا طبعا بس مش عارفة انا عملت كدا ازاي انا ازاي مش هزقته و مشيت و اتكلمت معاه

شيماء :طيب يلا بقا نقعد و ناكل عشان جعانة 

شهد :يلا يا قلبي

و قعدو علي ترابيزة و الويتر ايجا طلبو اكل

___________

عند زياد و صحابه 

بعد ما زياد انتهي من الجري راح لصحابه و قعد معاهم

احمد :كل ده يا زياد ده احنا كنا هنمشي خلاص 

زياد مسك زجاجة المياه و شرب منها :بقالي كتير مجرتش ... اومال انتو هتفضلو قاعدين كدا مش هتجرو

رامي :يا عم براحة علينا .... احنا مهدودين من الشغل 

في اللحظة دي ايجا الويتر قدم العصائر اللي طلبها احمد

احمد :هو مازن اتأخر ليه كدا 

زياد :مش عارف بتصل بيه مش بيرد و قالي انه جاى في الطريق 

رامي :الباشا ايجا اهو 

احمد :ياريتنا جبنا في سيرة ربع جنيه

مازن :كنتو بتتكلمو عليا وانا بقول انا بكح ليه اكيد حد  جاب في سيرتي

زياد :ايه اللي اخرك كدا

مازن:اعمل ايه كنت بجهز لحلقة بكرة و اتأخرت شوية في التصوير

مازن مسك كوب العصير اللي قدام زياد و شربها مرة واحدة

زياد بصله:انت غبي يا مازن مش الكوباية بتاعتي دي قوم روح يلا 

مازن: لما اكل الأول

احمد :أنت دائما كدا انك علي بطنك

مازن :اومال همي علي بطنك انت انا هقوم اطلب اكل حد عايز حاجة اللي عايز يجيب لنفسه عشان مش هجيب ماشي 

و سابهم مازن و مشي

احمد بيضحك:الواد ده مجنون

زياد:ايه الجديد ماهو علي طول كدا

بعد ربع ساعة مازن ايجا و معاه صينية كبيرة مليانة اكل و 3 كوبايات عصير

رامي باستغراب:هو الاكل ده ليك لوحدك يا مازن

مازن و هو بياكل :اومال هجيب 8 ياكلو معايا يعني

زياد:سيبك منه يا رامي ده ممكن ياكلك انت كمان

مازن :ولله لو هتفضلو تتريقو كدا هاخد اكلي و اسيبكم و امشي

زياد قام من الترابيزة:طيب هروح الكافيتيريا اجيب حاجة اشربها بدل اللي شربها

_______

زياد و هو ماشي

ميار شافته و كانت قاعدة مع رودينا

ميار:رودي بصي زياد ... زياد اهو

رودينا :اه طب اندهي عليه

ميار :زياد زياد

زياد سمعها و راحلها

ميار :زياد انت بتعمل ايه هنا

زياد :عادي بتمشي و بشم هوا في حاجة

و بص ل رودينا

ازيك يا رودينا

رودينا :تمام

زياد بص لميار:عايزة حاجة انا ماشي

ميار :طيب ما تقعد معايا .. انت ماشي دلوقتي 

زياد :مش هينفع قاعد مع صحابي 

يلا اشوفك بعدين باي

و سابها و مشي

_________

اما شهد كانت خلصت اكل هي و شيماء و ندهت علي الويتر تحاسب و تمشي

_________

اما زياد رجع قعد علي الترابيزة مع صحابه

زياد بص ل مازن :انت لسة بتاكل

مازن :احتمال اطلب تاني علي فكرة

رامي :سيبك منه يا زياد

الويتر ايجا قدم الاكل

رامي :شكرا

انا طلبتلك من الاكل اللي بتحبه معانا يلا ناكل

________

اما رودينا و ميار

كانت ميار متضايقة عشان زياد مرضيش يقعد معاها

ميار:هو ليه بيعاملني كدا يا رودي انا تعبت بجد تعبت ولله

رودينا :معلش يا ميار متزعليش هو زياد كدا دي عادته ما انتي عارفة

ميار :نفسي يحس اني بجد بحبه نفسي احس انه بيحبني بجد

_________

اما زياد و رامي و احمد و مازن كانو خلصو اكل و حاسبو و مشيو

_________

في فيلا زياد

شاهر :مش هينفع يا حبيبتي انا رايح القاهرة بكرة شغل... المرة الجاية هفسحك

ريماس :و النبي يا بابا انا ماليش دعوة عايزة اخرج مانا مش هفضل قاعدة لوحدي هنا

شاهر:ليه هتفضلي لوحدك مامتك مش رايحة الاتيليه غير بعد يومين و بتروح و ترجع تاني

رباب:انا رايحة مع ماهي و ناني شرم الشيخ عشان في بارتي ( حفلة ) هناك تجنن

شاهر بعصبية :يعني ايه تروحي حفلة من غير ما اعرف ولا تقوليلي 

رباب :اديك عرفت و بعدين ما انت كنت كدا كدا هتسافر القاهرة هقعد هنا اعمل ايه

شاهر:ايه اللي تعملي ايه تقعدي مع بنتك يا هانم

رباب ببرود:ليه يعني هي صغيرة عشان اقعد معاها

شاهر:مش هتروحي الزفت ده قولت

رباب:انا خلاص حجزت التذاكر و هسافر

ريماس :يا بابا ولله هسمع كلام حضرتك و هقعد

وانا مخرجتش من يوم ما اخدت الاجازة

شاهر :بصي يا حبيبتي ولله ليكي عليا هخرجك لما ارجع

ريماس :خلاص يا بابا مش مهم بعد اذنك

و طلعت اوضتها فوق

رباب :هه ما هو دلعك ده اللي هيبوظها

و سابته و مشيت

_________

في المساء

كانت شهد قاعدة في اوضتها بتفكر في زياد و مبتسمة و بتقول لنفسها:يا ترى هشوفك تاني يا زياد ... ايه الهبل اللي بقوله ده نامي يا شهد نامي

_______

في فيلا زياد

ريماس كانت في الليفنج بتتفرج علي Tv 

رباب راحت عندها

رباب:يلا يا ريماس اطلعي أوضتك نامي 

ريماس:هستني زياد يا ماما

رباب:طيب تصبحي علي خير

بعد مرور ساعة

زياد دخل شاف ريماس بتتفرج علي tv

قعد جمبها

زياد:سهرانة ليه يا حبيبتي لحد دلوقتي 

ريماس:كنت مستنياك يا ابيه اتأخرت ليه كدا

زياد :كنت في النادي

ريماس:و قال ايه مش فاضيلك يا ريمو معلش يا ريمو مضغوط في الشغل يا ريمو

زياد بيضحك:روحت عشان بقالي كتير مشوفتش صحابي ولله 

ريماس:طيب دادة فاطمة دخلت نامت. ..احضرلك العشا

زياد:لا يا حبيبتي انا كلت في النادي.... ادخلي يلا نامي بقا 

قفلت ريماس ال Tv 

و باسته من خده :يلا تصبح علي خير يا ابيه

______________

تاني يوم الصبح

صحيت شهد و صلت و لبست و فطرت كالعادة و ركبت تاكسي عشان توصل شغلها و في المطعم قابلت حمزة (مدير المطعم  )

شهد:صباح الخير يا استاذ حمزة

حمزة :صباح النور يا شهد

انا متاسف جدا بس حصل حاجة. ............

يتبع.....  اهو جزء كمان لو في تفاعل هنزل تاني

الفصل الثامن :

احببت طباخه

حمزة :صباح النور يا شهد

انا متاسف جدا بس حصل حاجة

شهد بقلق :خير يا استاذ حمزة قلقتني

حمزة :بصراحة الشيف طارق حصلتله ظروف مراته تعبانة جدا و قربت تولد و هو لازم يكون جنبها الفترة دي لان محدش معاها

شهد :مش فاهمة يعني هو مش هيجي الأيام دي ولا ايه

حمزة :هو اتصل بيا امبارح وانا مقدر الظروف و قالي ان شهد بتعرف تعمل الاكلات اللي في المنيو لو هتقدري يا شهد تمسكي مكانه ياريت

شهد بسعادة :اه طبعا اقدر

حمزة :تمام يبقا انتي هتكوني الشيف المؤقت الشهر ده لحد ما طارق يجي

شهد بملامح حزن :اه طيب ماشي بعد اذن حضرتك اعمل الطلبات اللي في المنيو

حمزة :اتفضلي

دخلت شهد المطبخ و قالت لنفسها:يعني انا فرحانة ليه ده انا شيف (طباخة) مؤقت مش علي طول ... بس لا مش مهم اي حاجة يعني اهو احسن من مفيش برضو

____________

 ريماس كانت قاعدة مع دادة فاطمة لان زياد راح الشركة و مامتها سافرت شرم عشان عندها حفلة هناك و باباها سافر القاهرة لان عنده شغل هناك

ريماس :عارفة يا دادة من غيرك مكنتش عارفة هحب البيت ده ازاي

دادة فاطمة :ليه يا ريمو ده كلنا بنحبك

ريماس:لكن محدش موجود معايا يا دادة

كلو مشغول

دادة فاطمة :معلش يا حبيبتي عشان زياد و شاهر بيه و شغله اخد وقتهم و رباب هانم

ريماس :رباب هانم معندهاش حاجة مهمة تعملها كل حاجة في حياتها تافهة حتي شغلها تافه

دادة فاطمة :متزعليش يا حبيبتي هي ولله كدا لكن مامتك دي طيبة جدا صدقيني 

_________

في شرم الشيخ 

كانت رباب (مامت زياد ) و نوال(مامت ميار ) و ماهي صديقتهم التالتة وصلو الي الفندق و طلعو اوضتهم يرتاحو و اتقابلو علي الشاطىء

كانت رباب و نوال قاعدين و كانت ماهي لسة منزلتش

نوال و هي بتشرب عصير :ايه يا رباب اومال زياد هيفضل معلق بنتي كدا

رباب:مين اللي قال كدا يا ناني طب ده زياد بنفسه هو قالي افاتحك في الموضوع ده

نوال بفرحة :بجد طب الخطوبة امتي بقا 

رباب حست أنها اتحطت في أمر واقع من غير ما زياد يعرف :ها ... الخميس الجاي

نوال :بجد يعني كلها 7 أيام خلاص 

بعدها ماهي جات عليهم و اتكلمو

_______

اما احمد صاحب زياد

احمد دخل مكتب رامي :بقولك ايه يا رامي انا جعان ما تيجي نطلب اكل

رامي وهو ماسك ملف ف ايده:انت اتعديت من مازن ولا ايه و بعدين انا مش جعان عايز تطلب اطلب انت كفاية سمعت كلامك قبل كدا انا و زياد و كنا هنروح المستشفي بسبب المطعم اللي يقرف اللي خليتنا نروحلها

احمد بيضحك :يا عم ما انا روحت معاكو و اكلت زيكو و بعدين ده موضوع عدي عليه شهر قلبك ابيض بقا

رامي:انسي ايه بس ده كان يوم اسود و قال ايه ده انا هاكلكو اكل هتاكلو صوابعكو وراها و خليت معدتنا قلبت و قعدنا يومين مناكلش بسبب غباءك

احمد :خلاص يا روميو بقا انا جعان انسي المطعم ده

رامي :مش عايز روح انت

احمد :طيب انا هستأذن بابا و اروح اي مطعم قريب من هنا بس لو الاكل حلو و قولتلي عايز اكل مش هطلبلك ولا هاكلك معايا انت حر سلام

خرج أحمد 

رامي :ابو شكلك عيل رخم

بس انا جعان اوي خد يلا يا احمد

____________

احمد كان برة الشركة و ركب عربيته عشان يشوف اي مطعم قريب من الشركة

و شاف مطعم Hello اللي بتشتغل فيه شهد

ركن العربية و نزل و دخل المطعم

 الويتر :حضرتك تطلب ايه يا فندم

احمد :المنيو من فضلك

الويتر قدمله المينيو:اتفضل يا فندم

احمد :امممم عايز فرخة مشوية و نجرسكو و سلطة و .......

 الويتر:تمام يا فندم تؤمر بحاجة تاني

احمد :لا شكرا

الويتر :تمام

_______

إبراهيم كان في البنك و فاتن زميلته جاتله المكتب

فاتن :زميلة إبراهيم في البنك بتشتغل محاسبة و عندها 25 سنة و كانت زميلته في الجامعة خريجة تجارة انجلش 

شعرها بني فاتح و عينيها عسلي فاتح و عندها غمازات

فاتن :ايه يا هيما مستر كرم بيقولك خلصت الكشف بتاع الحسابات

إبراهيم :قوليلو ربع ساعة بالظبط و هقدمهوله

فاتن ابتسمت :ماشي يا هيما بعد ازنك هروح أقوله 

و خرجت فاتن

إبراهيم ابتسم و قرر يفاتحها في الموضوع

(هتعرفوه بعدين )

__________

شهد كانت خلصت طلبات الزبائن و احمد كان بياكل و عجبه الاكل جدا

احمد :لو سمحت عايز زي اللي انا طلبته ده تاني بس ديلفيري مش هنا

الويتر :تحت امرك يا فندم

حمزة مدير المطعم بيكلم الكاشير وليد

حمزة :وليد مش ملاحظ حاجة

وليد :اه ملاحظ ان كل الزبائن اخدت طلبات ديلفيري و دي عمرها ما حصلت

حمزة :تفتكر اكل شهد عجبهم اوي كدا

وليد :اكيد طبعا شهد دي وشها حلو علي المطعم جدا

حمزة :عموما لسة شهر اما نشوف شغلها كويس ولا ايه ... يلا شوف شغلك انت

_____________

احمد وصل الشركة و دخل مكتب رامي

رامي :انت كلت 

احمد :الاكل يجنن يا بني يجنن 

رامي :الريحة باينة انه الاكل حلو انت طلبتلي صح

احمد بخبث:انت عبيط انت مش قولت مش عايز اكل منك و مش عايز اروح المستشفي

فتح احمد الوجبات و بدأت ياكل 

رامي قام من مكتبه و قعد قدامه :حمادة

احمد :نعم

رامي :أحمد انا جعان و الأكل شكله حلو

احمد :امممم عايز ايه يعني مش كنت من ساعة وحش 

رامي :حبيبي يا احمد عيب عليك

احمد بصله :بهزر معاك يا عم انا جايبلك ده ليك انت بس مفيش مانع اكل معاك عشان جعان جدا

بدأ رامي ياكل معاه

رامي :يا احمد ما انت كلت هناك سيبني اكل انا بقا الاكل روعة فين المطعم ده

احمد :ده مطعم جنب الشركة قريب من  هنا

لكن تقريبا غيره الشيف عشان الاكل مكنش بالطعامة دي انا خلاص هخليه المطعم المفضل ليا و هجيب الواد مازن و زياد و نتغدا هناك بكرة

رامي :بالذات مازن ده مش هيمشي من هناك اصلا

احمد بيضحك : اه فعلا

___________

 كريم و ملك كانو في المدرسة وقت الفسحة

ملك :يا كريم تعالى نلعب مع جني و شادي و سيف

كريم :انا مبحبش سيف ده و مش عايز العب معاه

ملك :ملكش دعوة بيه يا كريم احنا هنلعب مع صحابنا شادي و جني

كريم بعصبية :يوووه بقا يا ملك خلاص مش هنلعب معاهم

ملك :انت بتزعق ليه يا كريم

في اللحظة دي الجرس رن وقت الفسحة خلص

كريم :يلا ندخل الفصل بقا

ملك :ماشي

__________

 مازن كان مع رانيا في الشغل و كانو بيلمو كل حاجة لان الحلقة خلصت

مازن :منورة يا روكا  كنت متسوح من غيرك ولله

رانيا بتضحك :عشان تعرف بس ان كل حاجة من غيري مش متظبطة 

مازن :طب بس بس متاخديش مقلب في نفسك اوي كدا ده انا بجاملك

رانيا :ولله بقا كدا

مازن :صحيح خالد عامل ايه

رانيا :الحمدلله بقا كويس ماما هتاخدله اجازة أسبوع عشان الدكتور قال عايز راحة

مازن :ربنا يقومه بالسلامة يارب

في اللحظة دي ناصر (ابن صاحب القناة ) ايجا عندهم

ناصر :ازيك يا مازن

مازن :اهلا ازيك يا ناصر عامل ايه

ناصر :مين دي اول مرة اشوفها معانا هنا 

مازن :اه دي رانيا معدة البرامج بس كانت في إجازة يوم ما انت جيت قابلتني 

و ده يا رانيا ناصر ابن رئيس القناة

رانيا :اه حضرتك أستاذ ناصر ... اهلا بيك نورت القناة

ناصر ابتسم :اهلا بيكي يا رانيا

مازن :و باباك عامل ايه صحيح

واحشنا ولله

ناصر :هو كويس الحمدلله

________________

شهد كانت خلصت الشيفت بتاعها و حمزة كان سعيد جدا لان الناس عجبها الاكل جدا

و هي خارجة حد وقفها

...... :يا انسة لو سمحتي

 بتبص شهد :أيوة

_______________

عند شيماء و وفاء

وفاء كانت واقفة في البلكونة و كانت حنان مامت إبراهيم في البلكونة اللي جنبها لان إبراهيم و شيماء شقتهم جنب بعض

حنان:ازيك يا وفاء

وفاء :اهلا يا حنان ازيك عاش من شافك 

حنان :انا برضو اومال لو مش جيران يعني و الشقة جنب الشقة

وفاء :علي رايك إبراهيم عامل ايه صحيح 

حنان :الحمدلله بخير .... بصي بقا انا عازماكي بكرة انتي و شيماء عندنا علي الغدا عشان هي وحشاني و بقالي كتير ما شوفتهاش

وفاء:ماشي يا حنان هقولها و نيجي

حنان :ياريت ولله بقالنا كتير مقعدناش مع بعض

______________

عند زياد كان في الشركة و السكرتيرة ندى دخلت مكتبه

ندي : باشمهندس زياد انا خلصت كل التصميمات و حطتهم علي CD زي ما حضرتك قولت

زياد :تمام يا ندي لو عايزة تروحي دلوقتي ماشي انا كمان ربع ساعة و اروح

ندي :تمام يا باشمهندس

بعد ازنك

زياد :اتفضلي

____________

اما شهد كانت روحت البيت و كانت بتحضر الغدا لباباها و مامتها و اختها

____________

اما رامي و احمد

كانو خلصو شغل و في العريية بيتكلمو

احمد :طالما انت بتحبها من زمان ليه معترفتلهاش يا بني

رامي بحزن :هقولها ازاي انت عايزني اخسر صاحبي و اخونه

احمد :انت غبي يا رامي ... انت كنت هتخطبها

رامي :مكنش هيفهم كدا و كنت خايف تجرحني و مترضاش تحبني زي مانا بحبها

احمد :فاكر لما قعدت اقولك قولها انك بتحبها و هي هتفهم و يمكن تكون بتحبك

رامي بعصبية :أحمد كفاية بقا هي مش بتحبني خلاص كفاية

نزلني هنا عشان مخنوق

احمد :انزلك فين يا بني عربيتك أسامة السواق هيروحها اهدي انت بس عشان خاطري

رامي سكت و مردش عليه

احمد لنفسه :ربنا يجعلها من نصيبك يا صاحبي يارب

يتبع ....

الفصل 9 : 

احببت طباخة 

احمد لنفسه :ربنا يجعلها من نصيبك يا صاحبي يارب

و بعدها وصلو لحد الشقة بتاعته

و احمد راح الفيلا بتاعته

ملحوظة (احمد ابن خال رامي)

لكن احمد مستواه المادي اعلي و رامي مستواه المادي اقل و بيشتغل في شركة خالو بابا احمد

_____________

عند شيماء في البيت كانو بياكلو هي و مامتها وفاء و كريم

وفاء :بت يا شوشو اعملي حسابك احنا معزومين بكرة

شيماء بصتلها :فين يا ماما

وفاء:عند خالتك حنان أم إبراهيم

شيماء قامت من علي السفرة و حضنت امها و باستها :يخليكي ليا يا ست الكل يا نبع الحنان انتي

وفاء :ايه يا بت كل ده عشان معزومة على الغدا اومال لو قالتلك تتجوزيه هتعملي ايه 

شيماء اتكسفت و بصت للاكل :هو مين يا ماما

وفاء :الاكل يا روح امك كلي يا بت كلي

شيماء بصت ل كريم :كوكي عايزاك تنزل تجيبلي حاجات من المكتبة

كريم :عايز 5 جنيه تمن المشوار

وفاء :جرا ايه يا واد يا كريم هو كل حاجة عايز تمنها ايه في ايه

كريم :طب شوفي مين يجيبلك بقا

__________

شهد كانت اتغدت هي و مامتها و باباها و ملك  كانت بتتفرج علي Tv مع مامتها و باباها و ملك و تليفونها رن كانت شيماء

و دخلت ترد عليها و وقفت في البلكونة

شيماء بسعادة:الو يا جزمة

شهد :ايه يا فردتي

شيماء بتضحك :ولله ماشي يا حيوانة

شهد :ليه سر السعادة دي بقا

شيماء :انا معزومة عند طنط نونا (مامت إبراهيم)

شهد:أيوة بقا يا عم

شيماء :اتنيلي ده لما بياكل معايا مش بعرف اكل و بحب ابصله و نظراتي بتكون فضحاني خايفة اوي يا شهد ميكنش بيحبني

شهد :متقوليش كدا انا واثقة ان هيما بيحبك ولله

شيماء :تفتكري ولا ده وهم انا عايشة فيه

شهد :ولله انا متأكدة باين عليه يا بنتي

شيماء :لكن ده عمره ما اعترف ولا قالي بحبك 

واخدت نفس طويل :يا شهد خايفة يكون حب من طرف واحد

شهد :سيبيها علي ربنا و بعدين ما طنط حنان موجبة معاكي اهي و هتخليكي تشوفيه

شيماء :انا مبسوطة اوي يا شهد بجد لو يعرف بحبه قد ايه ده لو ابو الهول كان حس و نطق ولله العظيم

شهد بتضحك :طب بصي جنبك كدا

شيماء بتبص جمبها كان إبراهيم واقف في البلكونة

 و في اللحظة دي بصلها

شيماء :طب يا شهد هكلمك تاني سلام 

شهد :يا بنت الجزمة بتنفضيلي عشان المز ايجا

سلام ياختي

و قفلت معاها 

شيماء بصت لإبراهيم :احم احم...ازيك يا هيما

إبراهيم :تمام وانتي

شيماء :تمام الحمدلله

إبراهيم :يارب دايما

شيماء حاولت تفتح موضوع معاه

شيماء :صحيح ده فرح صلاح صاحبك كان امبارح انت روحت

إبراهيم :اه روحت ... عقبالك

شيماء : ميرسي و عقبالك انت كمان

إبراهيم سرح في حاجة لمدة دقيقة و قالها :قريب قريب اوي ان شاء الله

شيماء فرحت لأنها حست ان الكلام عليها

إبراهيم :عن إذنك داخل جوة

شيماء :ها ... اه  اتفضل انا كمان داخلة

شيماء دخلت و قالت لنفسها :يارب تكون انا يارب تكون انا

__________

إبراهيم قرر انه يتصل علي فاتن زميلته و يشوف ردها ايه علي الموضوع اللي فاتحها فيه

إبراهيم :فاتن ازيك

فاتن :تمام يا هيما وانت اخبارك ايه ؟

إبراهيم: تمام الحمدلله 

سكت لحظات

إبراهيم :فاتن

فاتن :ها 

إبراهيم :قولتي ايه علي الموضوع اللي قولتلك عليه انهاردة في الشغل

فاتن بارتباك:انا انا موافقة يا هيما

إبراهيم بسعادة كبيرة :أيوة بقا

كدا تمام انا هفاتح ماما في موضوعنا ده و هعملها مفاجأة عشان دي عايزة تخلص مني اصلا و ما هتصدق

___________

اما شيماء اتصلت علي شهد

شيماء :انا فرحانة اوي يا شهد

شهد :من ايه يا بت يا شوشو ابو الهول نطق ولا ايه

شيماء :لا لسة يا اختي

شهد :اومال ايه اللي حصل

شيماء حكتلها اللي حصل

شهد :بجد يارب يكون اللي في بالي

شيماء :يارب تفتكري قصده عليا انا

شهد :اكيد طبعا اومال هيكون قصده مين

شيماء :يارب ... المهم الواد كوكي مرضيش يجيبلي حاجات من المكتبة عايزة انزل بكرة أشتري حاجات ناقصة عندي عدي عليا و بالمرة اشوفك قبل ما تروحي الشغل عشان انتي وحشاني ولله

شهد :حاضر يا قلبي هعدي عليكي الصبح بس اصحي بدري عشان متاخرش

شيماء :حاضر

__________

في المساء 

كانت نوال و ماهي و رباب رجعو من شرم 

و رباب مامت اتدبست و مش عارفة تتصرف ازاي

____

اما نوال كانت سعيدة اوي أنها حققت إللى نفسها فيه

و دخلت اوضة ميار صحتها

نوال :ميار حبيبتي اصحى

ميار :ايه يا مامي سيبيني انام بقا بليز

نوال:عندي ليكي خبر بمليون جنيه

ميار :يا مامي بكرة

نوال :طيب خطوبتك علي زياد يوم الخميس الجاي

ميار قامت من السرير :ايه بتهزري يا مامي صح

نوال :لا طبعا رباب اللي قالتلي و اخيرا يا حبيبة قلبي هفرح بيكي لا و مش اي حد ده زياد

ميار و فرحتها قلبت بحزن:يعني مش زياد اللي قالك

نوال:يا حبيبتي زياد او نوال المهم انك هتتخطبي لزياد و خلاص 

ميار بحزن:طيب

________

في الصباح

كانت شهد صحيت و رايحة بيت شيماء و بترن الجرس

ترن ترن ترن

فتحت وفاء

شهد حضنتها :حبيبة قلبي وحشتيني 

وفاء :يا بت يا بكاشة لو وحشتك برضو كنتي تسألي ياختي و تيجي تشوفيني

شهد :ولله يا فوفا الشغل ما انتي عارفة

صحيح هي شيماء لبست ولا لسة

وفاء :نايمة يا اختي شوفيها

شهد :بتهزري انا داخلة اصحيها

شهد دخلت تصحي شيماء :زفتة اصحي يلا

و فتحت شهد الستارة و البلكونة

شيماء مفتحة نص عين و عين لا :بس بس اقفلي الستاير و النبي

وفاء :كفاية نوم بقا شهد هتتأخر علي الشغل و كمان عشان تلحقي تجيبي اللي ناقصك و تيجي بدري عشان حنان عزمانا علي الغدا

شيماء:يووووه عايزة انام بقا

ايه قولتي ايه انا صحيت اصلا 

و قامت باست مامتها و بتلبس

____________

عند إبراهيم

حنان :يلا يا هيما اصحي بقا عندي ليك مفاجأة

إبراهيم :يووووه بقا انت هتقرفيني انا ليه عايز انام شوية

حنان :اخص عليك وانا اللي بفكر في مصلحتك

إبراهيم :لا متفكريش سيبيني انام و النبي شوية

حنان :يا حبيبي في ضيوف جايين انهاردة ولازم تصحي بدري

إبراهيم :هو كل شوية ضيوف ضيوف ايه ده

و رحمة ابويا تسيبيني انام شوية 

حنان :طب قوم و بعدين هتتأخر علي الشغل

إبراهيم :هي الساعة كام انا اتأخرت ولا ايه

حنان :اول مرة تصحي متأخر يعني كنت سهران امبارح ولا ايه

 ابراهيم ابتسم و افتكر انه كان سهران بيكلم فاتن

_______

بعد ربع ساعة كانت شيماء خلصت و جهزت و إبراهيم كان خلص و كانو واقفين جنب الباب بيتكلمو

شيماء :بقيت اقلق من كل مرة غدا ده و مبعرفش امسك نفسي قدام هيما بحب علي طول ابصله يا شهد مش عارفة اعمل ايه

شهد :ما قولتلك امبارح طنط نونا هتوجب معاكي ... و بصيله براحتك يا مزة

شيماء :انا بحبه اوي و بتكسف جدا لما بشوفه و بلاقيه باصصلي كدا خايفة ميكونش بيحبني يا شهد

شهد :يوووه تاني يا شيماء .... لا يا هبلة انتي انا واثقة انه بيحبك هو كمان مش لازم يقول

شيماء و هي بتتكلم الباب بتاع إبراهيم اتفتح و هي مش واخدة بالها

شيماء :ملاقيش كدا هيما خارج من الشقة و بيقولي صباح الخير يا حبيبتي

شهد في اللحظة دي خبطت في رجل شيماء جامد

شيماء بعصبية:ااااااه في ايه يا جاموسة

إبراهيم ضحك :صباح الخير يا بنات

شيماء وشها احمر من الكسوف و شهد مش قادرة تتكلم و مش قادرة تمسك نفسها من الضحك و إبراهيم بيضحك علي كلامها

شهد :احم صباح الخير يا إبراهيم

إبراهيم :صباح النور علي فين كدا بدري

شهد : علي الشغل بتاعي و شيماء هتجيب حاجات من المكتبة

إبراهيم :انتي بتشتغلي يا شهد

شهد :اه في مطعم

إبراهيم :ربنا معاكي ... تحبو اوصلكو

شهد :لا ربنا يخليك تسلم يارب

إبراهيم بيضحك :شيماء مش هتصبحي

شيماء لسة ساكتة و مكسوفة

إبراهيم و شهد :شيماء

شيماء :ها ... مش اتاخرنا يلا بينا بقا

شيماء شدت ايد شهد و مشيت بسرعة و قلبها كان عمال يدق جامد اوووي

شهد :خلاص اهدي براحة

شيماء :يلهوي يلهوي يلهوي

شهد :بس بس في ايه اهدي

شيماء :ايه اللي انا قولته ده سمعني و اكيد عرف اني بحبه

كنت بقول في سري:يا ارض انشقي و ابلعيني 

شهد بتضحك :بصراحة كنتي مسخرة

شيماء :اكيد فهمني غلط و قال اني مش كويسة

شهد :ايه اللي بتقوليه ده يا هبلة انتي

انا وانتي عارفين كويس اوي ان هيما بيحبك

شيماء :بجد يا دودو

شهد :اه بجد يا قلب دودو

شيماء كانت وصلت المكتبة

شيماء :طيب وقفي التاكسي ده 

شهد :تاكسي

_______

شهد كانت وصلت المطعم و الغريبة أنه المطعم كان في زبائن كتير و ده مش بيحصل خالص

دخلت لبست اليونيفورم

و بدأت تحضر الأصناف

________

اما ميار كانت قاعدة في الفيلا بتاعتها جنب البيسين (حمام السباحة ) و فاتحة اللاب توب و فاتحة أكونت زياد بتتفرج علي صوره و بتشرب العصير

ايجت مامتها نوال

نوال :Good Morning Mayar

(صباح الخير يا ميار  )

ميار :Good Morning Mamy

(صباح الخير يا مامي) 

... ايه رايحة فين  كدا

نوال : رايحة انا و رباب النادي تيجي معانا

ميار : لا يا مامي انا هخرج مع رودي صاحبتي

نوال:ما تتصلي ب زياد خليه يخرجك

ميار :في ايه يا مامي انتي دايما كدا مخلياني انا اللي اتصل بيه 

نوال :انتي حرة بس انتي كدا هتطيريه من ايدك انتي عارفة احنا مصدقنا يوافق علي الخطوبة

و كمان انتي عارفة الناس دي معاها فلوس قد ايه

ميار بحزن :ايه يا مامي انتي مش مكفيكي الفلوس دي كلها اللي بابي سايبهالنا

نوال بتضحك : فلوس هه انتي مسمية شوية الملاليم دي فلوس ما انتي فقر زي ابوكي

يلا انا ماشية سلام

ميار دموعها نزلت:الله يرحمك يا بابا وحشتني أوي

___________

زياد كان خرج راح الشركة هو و باباه

ريماس كانت بتتفرج علي التليفزيون

شافت مامتها بتتكلم جنبها في الموبايل مع نوال صاحبتها و سمعت أنها خارجة

ريماس :ماما انتي خارجة

رباب :اه رايحة النادي

ريماس : والنبي يا ماما خديني معاكي انا زهقت من القعدة دي

رباب :انا هروح مع أصحابي و انتي اصلا بتزهقي منهم

ريماس :لا ولله يا ماما مش هزهق

رباب :طيب روحي البسي بسرعة بس ياريت يا حبيبتي تقوليلي يا مامي قدامهم ماشي يا روحي 

ريماس كتمت ضحكتها :حاضر يا ماما قصدي يا مامي

رباب :برافو عليكي يا حبيبتي يلا انا هطلع استناكي في العريية

____________

في الوقت ده كان إبراهيم و فاتن بيهزرو مع بعض و بيضحكو

إبراهيم :ياااه بجد انا مبسوط اوي انك وافقتي

فاتن:صحيح هتعرفني علي مامتك امتي و هتفاتحها في الموضوع بتاعنا

إبراهيم :يومين كدا عشان انهاردة عندنا عزومة

فاتن بابتسامة :تمام هروح اكمل شغل

إبراهيم : ماشي يا تونا وانا كمان

___________

وقت الظهر  اتصل احمد علي مازن و اتفق يروح علي الشركة بتاعة زياد و اخد رامي و راحو مع بعض علي الشركة

ندي السكرتيرة دخلت ل زياد :باشمهندس زياد

زياد :أيوة يا ندى في حاجة

ندي  :حضرتك الأستاذ رامي و احمد برة عايزين حضرتك 

زياد :دخليهم طبعا يا بنتي دول صحابي يدخلو عادي في اي وقت 

طلعت ندي قالتلهم

دخلو المكتب

احمد :ايه يا باشمهندس يلا قوم

زياد :في ايه و على فين

رامي:هنروح نتغدا في مطعم جامد جدا

زياد :أحمد اللي هيودينا لا كفاية الشهر اللي فات كنت هموت

احمد :يا عم المرة دي علي ضمانتي اسأل رامي اكل منه و عجبه و عايزين نتجمع بقا

في اللحظة دي مازن وصل و دخلهم

مازن :انا سامع كلمة اكل في الحوار يلا بينا

زياد و احمد و رامي ضحكو

زياد:انت دايما همك علي الأكل ارحم شوية و ياريت باين عليك

مازن :ياعم أنجز العزومة هتطير احمد ممكن يرجع في كلامه

زياد :ماشي يلا بينا

و خرج معاهم للمطعم

________

اما شيماء كانت بتكلم شهد في الموبايل 

و شهد كانت بتحضر الاكل في المطعم

شيماء كانت قالبة الدولاب كلو و مش عارفة تلبس ايه

شيماء :يا بت قوليلي البس ايه 

شهد :اممممم

شيماء:ايه يا دودو مكنش غدا ده .... قولي البس ايه بقا

شهد :البسي البسي هدوم ههههههههه

شيماء :يخربيت ظرف اهلك. .. لا بجد من غيرك مكنتش عارفة هروح ازاي

شهد :كنتي هتروحي من غير هدوم 

شيماء :بس يا حيوانة بقا .... بجد البس ايه

شهد :البسي الفستان الموف

شيماء :اممممممم ولا الطقم الأزرق الجديد 

شهد : لا الفستان احلي

شيماء:طيب اقفلي أجهز ... باي 

___________

زياد و رامي و احمد و مازن وصلو المطعم و احمد اختارلهم من المنيو الاكل

و كانت بعدها ب نص ساعة شهد خلصت الاوردر بتاعهم

و هما بياكلو

مازن طلب 3 وجبات تاني ليه لوحده من جمال الاكل

و زياد طلب تاني و رامي و احمد برضو

زياد :الاكل روعة يا احمد اول مرة تعمل حاجة عدلة 

مازن بإعجاب :اممممممم بجد ايه الجمال ده انا كدا همشي دادة سحر و اجيب الشيف اللي بيطبخ ده يشتغل عندي

احمد بيضحك :مش قولتلكو الاكل هنا تحفة 

رامي :انا كل يوم هنا هاجي اصلا

كلهم :واحنا كمان دايسين معاك 

كان حمزة (مدير المطعم )معدي و سمعهم :اتمنى الاكل يكون عجبكم

زياد :عجبنا بس دي كلمة عجبنا دي قليلة احنا هنيجي كل يوم اصلا هنا 

حمزة بابتسامة: ميرسي جدا يا فندم الحقيقة الفضل كلو يرجع للشيف

مازن و هو بياكل :اشكروهلنا من فضلك

زياد :من فضلك عايز 5 وجبات تاني ديلفري زي دول

حمزة :حاضر يا فندم هنحضر الاوردر لحضرتك نورتونا

حمزة راح عند شهد

حمزة :شهد معلش انتي هتتاخري شوية انهاردة ينفع تكلمي والدك تقوليلة عشان الزبائن و الطلبات كتيرة اوي انهاردة و الشيف أيمن (ده اللي ماسك شيفت بالليل ) مش بيعمل اكل زيك

شهد :امممم خلاص هكلم بابا اقوله

حمزة :ماشي و جهزي من الطلب ده 5 وجبات

شهد :حاضر يا مستر حمزة

و خرج حمزة

مكنش في شبكة في المطبخ شهد خرجت الصالة برة و هي بتكلم باباها تقوله

شهد :ها يا بابا قولت ايه

عبدلله:ماشي يا حبيبتي بس خلي بالك من نفسك وانتي خارجة رني عليا

شهد:ماشي يا بابا سلام

و قفلت معاه و هي بتقفل معاه شافت زياد و فضلت متنحة شوية و دخلت 

و كانت مبسوطة اوي أنها شافته بالرغم انه مشافهاش لكن كانت مبسوطة اوي

_________

اما شيماء كانت جهزت و رايحة هي و مامتها و كريم عند إبراهيم يتغدو

رن الجرس

حنان فتحت الباب: اهلا يا وفاء اتفضلي

ازيك يا شوشو عاملة ايه

شيماء :ازيك يا طنط حنان حضرتك عاملة ايه

حنان : تمام يا حبيبتي ادخلي

وفاء :اومال إبراهيم فين

إبراهيم خرج وقتها من اوضته

إبراهيم :فوفا وحشتيني اوي ولله

وفاء :ماهو باين يا هيما كل ده مبتسالش عليا

إبراهيم :كنت مضغوط في الشغل ولله غصب عني

حنان :سلم علي شوشو يا هيما

إبراهيم سلم علي شيماء :عاملة ايه

شيماء :تمام الحمدلله ... وانت يا هيما ازيك

إبراهيم :تمام الحمدلله

و بص لكريم : أزيك يا كوكي عامل ايه

كريم:تمام الحمدلله 

حنان دخلت المطبخ تحضر الأكل علي السفرة و شيماء دخلت تحضره معاها

و بدؤ ياكلو 

شيماء كانت مش بتاكل يعتبر و باصة لإبراهيم 

و هو مكنش مركز و بياكل

______________

شهد كانت خلصت طلبات زياد

و احمد حاسب و خرجو برة المطعم 

زياد :بقولكو ايه ما تيجو نروح نتمشي عند البحر اللي قريب من هنا بحر إسكندرية وحشني عايشين فيها بس مش بنروح نتمشي علي البحر 

رامي :عندك حق المكان ده وحشني جدا

مازن و احمد :يلا بينا

وصلو عند الشاطيء و جريو ورا بعض بهزار و ضحك و كانو في قمة السعادة 

(احلي حاجة في الدنيا لما يكون عندك صحاب بجد احمد لما اكل اكلة حلوة في مطعم حلو جمعهم كلهم ياكلو مع بعض هي حاجة بسيطة لكن جميلة جدا لو عندكو الصاحب اللي بجد امسكو فيهم و اوعي تسيبوهم)

رامي :تعالو نقعد علي الشاطيء هناك علي الكراسي اللي قدام البحر دي 

كلهم :يلا بينا 

و قعدو كلهم و اتفقو يجو كتير المكان ده و كانو مبسوطين جدا

في الوقت ده كان الليل بدأ  و قامو مشيو و كل واحد ركب عربيته اما زياد مكنش لاقي المفاتيح

___________

في الوقت ده كانت شهد خلصت الشيفت بتاعها و سلمت اليونيفورم

و هي خارجة من المطعم مشيت من نفس الشارع اللي كان فيه زياد و صحابه

___________

زياد :انا شكلي نسيتهم و احنا قاعدين 

رامي :طب تعالو نروح نجيبهم

زياد :لا اطلعو انتو وانا هروح اشوف المفاتيح و انا كدا كدا هجيب حاجة ل ريماس و هروح الفيلا

مازن واحمد و رامي :ماشي يلا بينا

مازن :ابقي طمني عليك لو لقيتهم 

زياد :حاضر 

_________

شهد وهي ماشية شافت شابين ويبدأو يتكلمو معاها

_______

اما زياد شاف مفاتيحه في نفس المكان اللي كانو قاعدين فيه و هو ماشي شاف بنت و ولدين بيرخمو عليها 

الشاب1:ايه ياقمر مالك ماشية لوحدك ليه

الشاب2:بس مالكش دعوة بيها

شهد بصتلهم بقرف

الشاب1 :طب ماتيجي معانا واحنا هنظبطك

شهد سابتهم ومشيت

الشاب2 مسك ايد شهد وشدها جامد : قولتلك تعالي معانا واحنا هنظبطك

شهد ضربته بالقلم علي وشو

شهد بعصبية :انت حيوان ايه القرف ده 

و الشاب لسة هيضربها بالقلم لكن يجي زياد ويمسك ايده :انت مالك باختي

شهد لما شافت زياد استغربت و استخبت ورا ضهرو ومسكت في قميصه 

زياد :انت بتتجرأ وتمت ايديك عليها

و ضربه زياد بالبوكس ف وشه ووقع الشاب1 علي الارض

الشاب2 حاول يضرب زياد لكن زياد ضربه بالبوكس وقعو هو كمان

الشاب1 قام من ع الارض وهو شفايفه مليانة دم  وبيضحك و ضرب زياد  بالبوكس لكن زياد موقعش

زياد ضربه برجليه ف بطنه و حدفه برجليه لبعيد ووقع ع الارض والشاب2 فضل يضرب زياد و زياد يضرب فيه((شهد كانت واقفه منهارة من العيااط علي زياد وخايفه عليه))

الشاب1 يطلع مطوة من جيبه ولسه هيقرب يضرب زياد شهد تجري عليه و تصرخ: زيااااد

زياد بخوف:اوعي يا شهد

يتبع ....... تفاعلوا⁦♥️⁩✨

الفصل 10 :

احببت طباخة 

زياد بخوف:اوعي يا شهد

شهد بتبص شافت الشاب 1 شدها من ايدها و وضع السكينة على رقبتها و شهد بتعيط جامد

زياد :اوعي تلمسها هي ماعملتش حاجة عشان كل ده

الشاب 2 :انت اللي بدأت استحمل نتيجة غلطك بقا

الشاب 1 :يلا اتشاهدي على روحك يا حلوة

شهد كان مغمضة عيونها و دموعها نازلة زي المطر

و زياد خايف يعمل حاجة عشان متتعورش

و فجأة زياد خبط الشاب 1  ووقع المطواة من ايده و مسكها هو و فضل يضرب فيه لحد ما جاب دم كتير و لما صاحبه يلاقي معاه المطواة

يقوله: أجري يلا ده معاة المطواة بتاعتنا اجري

و جريو هما الاتنين

شهد كانت قاعدة في الأرض بتعيط و منهارة و جسمها بيترعش و حست أنها في لحظة كانت هتضيع لولا ستر ربنا و زياد ايجا في الوقت المناسب

زياد قعد جنبها و قرب منها و حضنها و مشي ايده علي شعرها

زياد :بس بس اهدي متخافيش مش عايزك تخافي

شهد :كويس انك جيت انا كنت خايفة اوي انا كنت في لحظة هموت و هضييع

زياد :اوعي تقولي كدا ربنا بيحبك عشان جيت في الوقت ده ممكن تهدي بقا

شهد كان قلبها بيدق جااامد و هي في حضن زياد و هو كمان كدا و فضلو ربع ساعة كدا و مش حاسين بنفسهم

و شهد هديت شوية و لاقت نفسها في حضن زياد بعدت عنه بهدوء و بصت في الأرض و هي مكسوفة جدا منه

زياد كان سرحان في كسوفها و باصصلها

زياد لنفسه :انا مالي كنت حاضنها جامد كده ليه ولما سحبت نفسها من حضني انا ليه ماكنتش عايزها تبعد لا عادي ده عشان كنت بهديها مش اكتر

زياد فاق من سرحانه

زياد :بقيتي كويسه يا شهد 

شهد :اه شكرا...

وتبص علي وشو وتلاقيه بينزف دم من جمب شفايفه

شهد بخوف :ايه ده دم ده دم

زياد :لا عادي مفيش حاجة اهدي 

شهد:عادي ازاي 

و قامت شهد وقفت

شهد :في صيدلية في اول الشارع هروحها و هجيبلك من هناك شاش و قطن و مطهر

زياد بعصبية و شدها قعدت تاني قدامه :ايه انتي هبلة يا شهد مستحيل اسيبك تمشي لوحدك هنا كفاية اللي حصل

شهد :بس في دم علي وشك

زياد :مش مهم دي حاجة بسيطة

شهد :بسيطة ازاي دي 

و زياد بص في عينيها اوي لحظات وهي كمان و اتكسفت

شهد :انا متشكرة اوي علي اللي انت عملته معايا محدش بيعمل كدا في الزمن ده

زياد :ليه اي حد مكاني كان هيعمل كدا 

شهد :لا عشان الرجالة ماتت في 73 و الباقي مستحيل يدافعو عن بنت 

زياد :انا مكنتش اعرف انتي مين بس شوفت اختي في الموقف ده جريت عشان انقذها لقيتك انتي 

شهد :ربنا يخليك جميلك ده فوق رأسي

زياد :جميل ايه انتي هبلة

شهد :طب انا لازم اقوم دلوقتي عشان متاخرش

متشكرة مرة تانية يا زياد 

و لسة بتقوم زياد مسك ايدها

زياد بعصبية :قولتلك مش هسيبك تمشي من هنا لوحدك 

شهد :يعني هنبات هنا يعني

زياد ضحك :لا يا لمضة انا هروحك

شهد: ها .. لا مش هينفع اصل 

زياد حط ايده علي شفايفها :هشششششش اسكتي خالص

زياد شال ايده و قام و شدها تقوم و مشيو لحد العربية و هما ماشيين بيتكلمو

زياد :قوليلي يا شهد ايه اللي خلاكي تمشي من هنا لوحدك

شهد :عشان الشغل بتاعي كان عندي شيفت بالليل و كان لازم امشي من هنا

زياد بصلها :انتي بتشتغلي

شهد :ها ... اه اه بشتغل

و بصت في الأرض و اتكسفت

و هو ابتسم علي براءتها و علي أنها شايلة مسؤلية من و هي صغيرة كدا

زياد :مالك مكسوفة ليه هو الشغل عيب

شهد :لا

زياد :احنا وصلنا خلاص

شهد بصت شافت صيدلية

شهد :بص في صيدلية هناك اهي يلا نروح نجيب مطهر و شاش و قطن و لزق

زياد :خليكي واقفة هنا متتحركيش هروح اجيب بسرعة و راجعلك

شهد :حاضر

___________

في بيت شهد

امل :انا خايفة علي شهد اوي يا عبدلله قلبي مش مطمن بنتي فيها حاجة 

عبدلله :ما هي رنت عليا و هي خارجة من المطعم وشوية و هتيجي اهدي بقا

امل :لا يا عبده شهد فيها حاجة قلبي مش مطمن اتصل عليها

عبدلله :حاضر اهدي بقا 

___________

عند شيماء في بيت إبراهيم كانو بيتفرجو علي Tv 

شيماء  حست ان قلبها واجعها وحست ان شهد فيها حاجة

شيماء :ماما ... ماما شهد يا ماما

وفاء :مالك يا بت شهد مالها 

شيماء :شهد فيها حاجة يا ماما قلبي مش مطمن

وفاء :وانتي مكشوف عنك الحجاب ولا بتشمي علي ضهر ايدك

شيماء :يا ماما انا خايفة انا هتصل بيها 

____________

في الوقت ده كانت امل بتكلم شهد و كان زياد لسة جاي عندها و جاب الحاجات من الصيدلية

شهد :يا ماما اطمني ولله انا كويسة

امل :قلبي واجعني عليكي يا حبيبتي حسيت ان فيكي حاجة

شهد :ولله ما في حاجة يا ماما صدقيني

عبدلله اخد منها الفون :شهد انتي كويسة يا حبيبتي

شهد :اه يا بابا انا كويسة ولله ممكن تهدي ماما شوية

عبدلله :حاضر يا حبيبتي خلي بالك من نفسك و توصلي بالسلامة بابا معلش شيماء بتتصل هرد عليها

شهد :ايه يا شيمو عاملة ايه

شيماء :انتي كويسة يا شهد

شهد :انا كويسة يا بنتي ولله في حاجة

شيماء :حسيت ان فيكي حاجة قولت اكلمك

انتي فين

شهد :انا لسة مخلصة شغل و اخدت شيفت مسائي كمان هكلمك لما اروح ... سلام عشان في الشارع

_____________

عند شيماء 

وفاء :اطمنتي يا شيمو

شيماء :لا شهد مخبية حاجة انا عارفة

حنان :ربنا يخليكو لبعض يا حبيبتي يارب و يبعد عنكم اي شر

شيماء :امين يارب

إبراهيم :بعد اذنكم انا داخل انام عشان تعبان شوية 

شيماء اتضايقت :تصبح علي خير 

إبراهيم :وانتي من اهله 

____________

اما زياد كان باصص لشهد 

زياد :بس واضح انهم بيخافو عليكي اوي لدرجة انهم حسو بيكي

شهد :شيماء دي صاحبتي و توأم روحي بتحس بكل حاجة فيا

و ماما عشان قلب الام بيحس اصلا ببنتها 

زياد افتكر مامته و قال لنفسه :ياااه اشمعني امي عمرها ما عملت حساب كدا ولا بتحس بينا لو حصلنا حاجة

شهد :انا لازم اروح عشان متأخرش

زياد :لا طبعا مستحيل تروحي لوحدك

شهد :اومال هروح ازاي

زياد :اركبي معايا العربية مش هطمن عليكي غير و انتي معايا

شهد :لا طبعا انت عايز الناس تقول ايه مستحيل

زياد :امممم طب بصي انا ممكن انزلك في اول الشارع و هفضل في العربية باصص عليكي لحد  ما توصلي بيتك عشان اطمن

شهد: أيوة بس

زياد قاطعها :مفيش بس.. اركبي بقا

ركبت شهد مع زياد و اخدت منه الحاجات اللي جابها من الصيدلية

شهد :زياد استني امسحلك الدم ده و احطلك القطن و المطهر

و بدأت شهد تنضف الخبطة اللي اخدها و الدم و حطتله المطهر و الشاش و لزقته

شهد :انا متشكرة اوي يا زياد علي اللي انت عملته معايا ده

زياد :ربنا بيحبك يا شهد عشان كدا جيت في الوقت المناسب

شهد ابتسمت: طب يلا بقا اطلع عشان اوصل بدري

زياد ابتسم و بص لعينيها لمدة 3 دقائق و بعد كدا شغل العربية و اتحرك

زياد وهو سايق :بس انتي ليه كل ما اشوفك يحصل حاجة 

شهد بصتله و ضحكت :حاجة ايه يعني

زياد :يعني مثلا اول مرة قابلتك كنتي تايهة و مش عارفة المبني بتاع شئون الطلبة فين

و تاني مرة خبطك في كتفك و انا بجري و انهاردة حصل خناقة

شهد :اهو نصيبنا بقا

زياد :بس صدفة غريبة اننا نتقابل تاني

شهد :اكيد ربنا ليه حكمة في كدا

زياد :عندك حق

بعد 10 دقايق زياد وقف عند سوبر ماركت كبير

شهد :وقفت هنا ليه يا زياد

زياد :سوري يا شهد بس هجيب حاجات ل ريمو اختي 

شهد :ماشي متتأخرش 

زياد :حاضر

و نزل من العريية 

اشتري شوكليتات كتير نوتيلا و جلاكسي و بابلي و ديري ميلك و بسكويت و حلويات كتير ل ريماس و زيهم لشهد و دخل محل ورد اشتري بوكيه ورد

و حاسب و ركب العربية

زياد كان حاطط كل حاجة في علبة متغلقة

زياد :شهد ده عشانك

شهد :واااو ده الشوكليت اللي بحبه بس تمنه كام ده

زياد بصلها :حطيهم في شنطتك و اسكتي انا جايب ليكي و لريمو و حسيت انك بتحبي الشوكليت زيها

شهد :لا مش هينفع 

زياد :مبحبش اعيد كلامي مرتين و اعتبريهم هدية و ذكري

بعدها ب ربع ساعة كانو وصلو

شهد :زياد ادخل يمين ... بس هنا هنزل هنا سلام بقا علي التوصيلة

زياد :استني استني

شهد :نعم

زياد :فين تمن التوصيلة

شهد :امممم

و أخرجت من شنطتها جنيه فضيةو وضعته في ايده

شهد :اتفضل يا بني ربنا يحنن عليك

زياد ضحك و فرح عشان لمس ايدها:هاخده ماشي 

شهد :ليه

زياد :عشان يكون ذكري لليوم المشئوم ده

شهد : يلا بقا انا نازلة عشان محدش ياخد باله

و نزلت من العربية

زياد :شهد

شهد بصتله :نعم

زياد :خلي بالك من نفسك و متمشيش لوحدك تاني بالليل

شهد بتنهيدة:حاضر و انت كمان ... لا اله الا الله 

زياد :محمد رسول الله

و استناها لحد ما اتأكد أنها طلعت العمارة

و شهد كانت مبسوطة جدا رغم اللي حصلها لكن كانت فرحانة اوي و مبسوطة ان لسة في ولد بيخاف علي بنت زي اخته في زمن اتمسحت فيه الرجولة

اما زياد كان ماسك الجنيه بتاعها و فرحان اوي و هو سايق مازن اتصل عليه

زياد  :ايه يا مازن

مازن :لقيت المفاتيح

زياد :اه يا مازن و مروح اهو 

مازن :اومال مكنتش بترد ليه علي الفون

زياد :كان في العربية مشوفتوش

هوصل الفيلا و اكلمك سلام عشان سايق

______________

شهد كانت نايمة و حاضنة الشوكليت و مبسوطة اوي

______________

في فيلا زياد

رباب شافت ريماس لسة بتتفرج علي tv راحتلها

رباب:ريماس هو اخوكي  لسة مرجعش

ريماس :لا يا مامي لسة

رباب :طيب انا طالعة اوضتي انام  شكله هيتاخر

ريماس :في حاجة يا ماما

رباب :لا مفيش

و طلعت اوضتها

دادة فاطمة ايجت ل ريماس

دادة فاطمة :هتتعشي يا ريمو

ريماس:لا هستني ابيه زياد

دادة فاطمة :ماشي يا بنتي زي ما تحبي

بعد ربع ساعة كان زياد وصل الفيلا

و دخل

زياد :حبيب قلبي الصغنن بتاعي 

ريماس جريت عليه حضنته

ريماس:وحشتني اوي يا ابيه من الصبح وانت برة 

و لاحظت لاصقة جروح علي خده :ايه ده يا ابيه انت متعور

زياد:لا ابدا ياحبيبتي دي حاجة بسيطة اتخبطت وانا في المطعم ... بصي انا جايبلك ايه شوكليت و حلويات و ورد و اكل تحفة

ريماس:ربنا يخليك ليا يا احلى اخ في الدنيا بحبك اوي

دادة فاطمة :احضرلك العشا يا زياد عشان ريماس مرضيتش تاكل الا معاك

زياد :خدي يا دادة الوجبات دي سخني 3 منهم و الاتنين التانيين حطيهم في التلاجة لحد بكرة عشان ماما و بابا

اخدت دادة فاطمة الاكل منه و دخلت المطبخ و ريماس كانت بتاكل من الحلويات

زياد قعد جنبها :عاملة ايه يا حبيبتي 

ريماس:انا مبسوطة اوي يا زياد عشان فرحتني

زياد باس راسها :ربنا ميحرمنيش منك ابدا

ريماس :صحيح ماما كانت عايزاك

زياد :متعرفيش ليه 

ريماس :لا مش عارفة 

في الوقت ده كانت دادة فاطمة سخنت الوجبات  و حطتهم علي السفرة 

فاطمة :يلا يا ريمو يلا يا زياد عشان تاكلو

قعدو علي السفرة و دادة فاطمة كانت داخلة المطبخ نده عليها زياد

زياد :دادة

فاطمة :نعم يا حبيبي عايز حاجة تاني

زياد :يا دادة الوجبة التالتة دي ليكي انتي تعالي كلي معانا 

فاطمة :لا يا حبيبي كل انت انا 

قاطعتها ريماس:يلا يا بطوط تعالي كلي ده الاكل يجنن 

و قعدو ياكلو و ريماس مستمتعة بالأكل جدا

ريماس :الاكل يجنن يا ابيه شكلنا كدا هنستغني عنك يا بطوط

فاطمة بتضحك :بقا كدا يا ريمو ماشي

___________ 

في الصباح

عند إبراهيم صحي الصبح وهو بيفطر مع مامته قرر يفتح معاها الموضوع

إبراهيم :ماما

حنان :ايه يا حبيبي عايز تقول حاجة

إبراهيم :اه يا ماما مش انتي عايزة تخلصي مني

حنان تنحت و فرحت :بجد يا هيما أخيرا هتتجوز

إبراهيم : و العروسة قمر و انتي تعرفيها كويس اوي يا ماما و هتحبيها

حنان بسعادة و هي فاكرة ان العروسة شيماء :خلاص تمام يا حبيبي تفاتحها انهاردة و نتفق معاهم 

و زغرطت : لوووووووووووولي مبروووك يا هيما أخيرا

إبراهيم :بس يا ماما بس انا لسة بقول هخطب مقولتش هتجوز يعني

حنان :فرحانة بيك يا هيما أخيرا بقا

إبراهيم :حضري غدا حلو عشان هقولك هي مين و احتمال اجيبها

حنان :عينيا يا روحي

كان في الوقت إبراهيم خلص الاكل و خرج للشغل

___________

اما شهد كانت عند شيماء و حكتلها اللي حصل

شيماء :اخص عليكي يا شهد يعني كان هيحصلك كل ده وانا اخر من يعلم

شهد :خوفت اقولك متطمنيش قولت هاجي الصبح قبل ما اروح الشغل و احكيلك

شيماء: هي الزغروطة دي منين انا حاسة أنها طنط حنان

شهد:مش عارفة بس تقريبا جاية من عندها

تعالي نشوف في ايه

___________

 وفاء كانت واقفة في البلكونة و حنان وقفت معاها

وفاء :ما تفرحينا معاكي يا حنان سامعة زغاريط

حنان :اخيرا الواد هيما هيخطب شيماء

شيماء سمعت كدا الفرحة مكنتش سايعاها و حضنت شهد اوي

وفاء :بجد من نفسه كدا

حنان :اه ولله و قالي دي مفاجأة وانتي تعرفي العروسة اوي و بتحبيها و قالي حضري الغدا

وفاء :مبروووك يا حنان عقبال ما نشوف ولادهم يارب

شيماء كانت فرحانة  اوي

شيماء :مش مصدقة يا دودو الإنسان اللي اتولدت حبيته من وانا عندي سنة و كنت بقعد معاه و متعلقة بيه 17 سنة بحبه و اخيرا ايجا اليوم اللي اعترف فيه

شهد :الف مبرووووك يا روح قلبي عقبال الفرح يارب يلا نشوف هتلبسي ايه

شيماء :اسمعي انتي لازم تكوني موجودة معايا

شهد :حاضر هحاول اخلص الشيفت بدري و اجيلك

شيماء :لا ده انا تخلصي ماليش دعوة انتي فاهمة

شهد بتضحك و باستها من خدها :مبسوطة يا شوشو

شيماء :عارفة إحساس أن بتحلمي بحاجة 17 سنة و اخيرا هتتحقق إحساس ان اهم حلم في حياتك بيتحقق قلبك بيرقص مش فرحته

هقولك ايه بس ما انتي محبتيش زيي و مش هتفهمي

شهد ابتسمت و افتكرت زياد :طب انا اتأخرت علي الشغل لازم امشي دلوقتي

______________

 ميار كانت قاعدة في النادي مع صاحبتها رودينا

رودينا :عاملة ايه مع زياد

ميار بحزن:كويسين

رودينا:مالك متضايقة كدا ليه. ...هو مش بيكلمك

ميار :عادي يعني. ...بنتكلم بس ده اذا كنت انا اللي بدأت

رودينا :هو مبيتصلش بيكي خالص

ميار:بقولك ايه يا رودي غيري الموضوع ده عشان بتخنق

رودينا :ميار انتي زعلتي انا اسفة

ميار شافت رامي بيجري ندهت عليه لكن مسمعهاش

جريت لحد عنده

ميار :رامي.... رامي

رامي وقف و بص وراه :ميار ازيك 

ميار كانت بتنهج من الجري :الحمدلله ايه الجري ده قطعت نفسي

رامي :كنتي  عايزة حاجة ولا ايه

ميار :كنت عايزة اسالك علي زياد عشان مش بشوفه

رامي :زياد في الفيلا بتاعته انهاردة اجازة 

ميار :ولله .. طيب شكرا يا رامي سلام 

____________

في فيلا زياد

رباب اتفاجات ان شاهر لسة موجود :ايه ده انت مروحتش الشركة انهاردة

شاهر :لا

رباب :ليه

شاهر :هو تحقيق .... عادي يعني تعبان شوية و قولت اخد انهاردة اجازة و زياد كمان

ريماس نزلت و قعدت جنب باباها

شاهر :صباح الخير يا حبيبيتي

ريماس:صباح النور يا بابا

زياد نزل قعد معاهم

زياد :صباح الخير 

شاهر و ريماس :صباح النور

رباب :زياد انت هتروح الشغل انهاردة

و لاحظت اللاصقة اللي علي وشه

رباب: ايه ده يا زياد من ايه 

زياد :لا انا مريح انهاردة

اتخبطت امبارح و احنا بنهزر مع بعض انا و صحابي

رباب :طيب خد بالك بعد كدا.اومال مين هياخد باله من الشغل

شاهر مسك الجرايد فتحها و بصوت واطي: الله يخربيتك يا شيخة ارحمينا شوية حتى في الإجازة

ريماس سمعته و ضحكت

رباب بصتلها :انتي بتضحكي علي ايه

ريماس :مفيش يا ماما

رباب :انتي مش عارفة ان الضحك من غير سبب قلة أدب

شاهر بصوت واطي :اتهدي بقا يا ولية انتي ايه

ريماس سمعت كدا و فطست من الضحك 

رباب بنرفزة: يوووووه انتي قليلة الأدب 

و سابتهم و خرجت تفكر هتقول ايه لزياد

سكتت ريماس و زعلت من معاملة مامتها ليها 

حضنها شاهر و باس رأسها :متزعليش يا حبيبتي انتي مش عارفة مامتك يعني لكن هي ولله قلبها ابيض

ريماس بحزن:يا بابا انا مش زعلانة هي ليه دايما عايزانا نتكلم بطريقة معينة ده لما اخدتني معاها امبارح النادي شرطت عليا اني اقولها مامي قدام أصحابها

شاهر :معلش يا بنتي هي الستات دي كدا لما بتكبر بتتهب (كان رايح يقول بتتهبل )

و لسة بيكمل شاف رباب قدامه

رباب:بتقول حاجة يا شاهر 

شاهر :مبقولش مبقولش كنت بقول ل ريماس الضحك من غير سبب قلة أدب 

زياد ضحك في الوقت ده 

رباب بصتله :تعالي يا زياد عايزاك في الجنينة برة 

خرج زياد وراها

_____________

إبراهيم و فاتن كانو بيتكلمو في تفاصيل الخطوبة

إبراهيم :احنا نروح انهاردة بعد الشغل و تركبي معايا و هعملها مفاجأة ل ماما و ادخلك البيت 

فاتن بابتسامة:تمام يا هيما

___________

زياد بعصبية :طب اوعي يا ماما تكون كنتي هتعملي خطوبتي من غير ما أحضر لازم تستني اجي من الشغل 

رباب:زياد انت بتهزر

زياد :اومال اسيبك تهزري لوحدك .... ايه اللى بتقوليه ده 

رباب :كنت عايزنى اقولها ايه يعنى 

زياد :من غير ما تاخدى رأيى تروحى تحددى ميعاد الخطوبة واللى هى بعد 5 ايام وجاية تقوليلى النهاردة

طلعت ريماس و شاهر علي صوتهم العالي

شاهر :في ايه صوتك عالى ليه 

زياد :اتفضل يا بابا شوف ماما اللى رايحة تحدد يوم خطوبتى مع صاحبتها وتقرر من نفسها

رباب:عيب كده متعليش صوتك عليا 

شاهر بعصبية :ايه اللى انتي عملتيه ده يا رباب

رباب:يعنى كنت اقولها ايه ولغاية دلوقتى محددش يوم خطوبتهم 

زياد:انا مش هخطب حد 

رباب :عايز تطلعنى صغيرة يا زياد 

زياد :والله انتى اللى اتصرفتى من نفسك يا ماما من غير حتى ما تقوليلى 

و خرج عند العربية و اخته خرجت وراه

ريماس :زياد يا زياد استنى طيب

بصلها زياد :عايزة ايه انتى كمان 

ريماس :اهدى عشان خاطرى 

زياد بعصبية :بقولك ايه سيبينى فى حالى ..انا مش ناقص 

و ركب العربية وخرج من الفيلا

فضل سايق العربية و مش عارف رايح فين وقف شوية عند البحر اكتر مكان بيحبه و قعد عند الشاطيء و هو بيفكر يتصرف ازاي لحد ما قرر يروح يتكلم مع اكتر حد بيحب يتكلم معاه لما يكون متضايق

___________

في بيت شيماء كانت شهد وصلت و حنان اتصلت عليهم يجو عندها عشان ابراهيم كان قرب يوصل

____________

في فيلا زياد

شاهر بعصبية :انتى ايه اللى هببتيه ده يا رباب

رباب بعصبية :ما تتكلم عدل يا شاهر في ايه 

شاهر :انتى كمان هتعلمينى اتكلم ازاى كفاية بقى نيجى نتكلم تقوليلنا متتكلموش بالطريقة دى البت تضحك تقوليلها الضحك قلة ادب وابنك دايما مصممة تبعديه عنك بتصرفاتك انتى فاكرة انك بتعملى كده لمصلحتهم لكن انتى مش هتفوقى غير لما تلاقيهم كارهينك 

رباب :تلاقيك انت اللى بتكرهم فيا

شاهر :انا مش هسمحلك تدمرى حياة عيالي ولا تتحكمى فيهم انتى فاهمة 

و سابها و طلع اوضته

______

طلع شاهر و هو متضايق من تصرفات رباب و دخل اوضة ريماس 

شافها بتعيط

شاهر:بتعيطى ليه يا حبيبتى 

ريماس بدموع:زياد يا بابا زعقلى اول مره يزعقلى كده 

ضمها شاهر لحضنه:متزعليش منه يا حبيبتى غصب عنه انتى مشوفتيش امك قالتله ايه 

دى عملاله الخطوبة يوم الخميس من غير ما تاخد رأيه 

بس هو راح فين مقالكيش

ريماس :لا مقاليش هو انا لحقت اسأله خرج على طول وهو متعصب

_________

في شقة إبراهيم

دخل شاف شيماء و شهد و وفاء استغرب ايجو ليه لكن قال لنفسه :ما كدا كدا هما هيعرفو اني هخطب

وقف قدامهم و شهد كانت قاعدة جنب شيماء و السعادة علي وشها وفاء و حنان فرحانين اوي

إبراهيم :ماما انا اخيرا قررت اخطب الانسانة اللي حبيتها بجد و وعدت نفسي اني هخطبها و اخيرا ايجا اليوم اللي هوفي بوعدي

بس قبل اي حاجة انا عايز اقول اني بجد بعشقها و بخاف عليها من اي حاجة في الدنيا 

وجودها جنبي بيطمني معاها بضحك من قلبي بجد شافتني في كل حالاتي وانا متضايق وانا فرحان عمري ما حسيت بالسعادة ولا عمري قلبي دق لحد غيرها الانسانة دي بجد انا بحبها جدا و عشان كدا حبيت اعمل المفجأة دي و اجيبها بنفسها و اعترفلها اني بحبها قدام الكل

و فتح الباب و دخلت فاتن 

إبراهيم :احب أعرفكم فاتن طبعا ماما عارفاها

كانت زميلتي في الجامعة و بتشتغل معايا 8 سنين مع بعض و هفضل معاها طول عمري

فاتن تتجوزيني 

في اللحظة دي شيماء دموعها كانت خلاص هتنزل حاولت تكتمهم و كانت ماسكة كوب عصير و وقعت منها اتكسرت

يتبع ......لو في تفاعل هنزل تاني انتظروني

من البارت الحادي عشر حتي الخامس عشر هنا 👇👇👇👇

من هنا