 |
_*~الجزء الاول
~من
روايه الاعمى
بقلمى ليلةعادل*~_✍️🌹
- البارت التانى والتالت والرابع
- إحدى افخم الفنادق فى مصر 8 م
اجواء احتفال صاخبه قاعه زفاف من افخم ما يمكن انه زفاف شخص هام جدا فى الدولة ! حضور صف المجتمع والمشاهير وكبار الدوله زغاريد تعم المكان واغانى و حركه فى كل مكان ثم يطلب الدي جي من العروسان ان يقومو للرقص بعد لحظات يظهر مروان ؟ لقد تزوج من ماجى ماذا ستفعل اميرة انها تعشقه ؟؟
يقوم مروان وماجى برقص سلو على احد الاغانى الرومنسيه لعمر دياب مع نظرات سعاده متبادله بينهم و يحضنها ويلف بها مع ابتسامات وسعادة من كل الحاضرين ولكن فجأة يظهر نفس الشاب مره اخرى ولا يظهر منه سوى جزء صغير جدا من ظهره فقط لكن هذا الشاب يقف بجوار اميره وهى تبكى ثم ينظرلها وعند وصول حمزه ونور اليها يختفى فى لمح البصر لماذا فمن هو هذا الشاب !!!! هل يعرف اميرة؟؟؟؟
حمزه ... اميره يلا
اميره .. (وعيونها تمتلى بالدموع ).. استنى بس شويه
نور ... (بحسم ) اسمعى الكلام يلا هى خلصت خلاص
اميره ... تنظر وعيونها مليئه بدموع وخيبات الامل والانكسار الى حبيبها وهو يتزوج إمرأة اخره
تشاهده هو وعروسته وهما يضحكون وسعادء بهذا الزفاف الذى بنسبه لها عزاء فقد ضاع امالها فقد تحطم كل شئ فاكل شئ اتمنتة وحلمت به اختفى فى لحظه واحده فقد ضاع عمرها هضر وهى تتمنى المستحيل .
ثم تقوم نور بشدها من كتفها الى خارج القاعه
نور ( بغضب ) بقولك يلا
بعد خروجها بمسافه قصيرة تقف اميرة وتتحدث بصوت داخلى
اميرة .. (بتحدى وثقه) ..لا مش دى نهاية
.ثم تنزع يد نور من عليها وتمسح دموعها وتذهب مسرعه مره ثانى الى داخل القاعه نور حمزه يجرون خلفها خائفين ان تفعل اى شى مجنون تذهب اميره وتقف بجوار مروان وماجى وهم يتحدثون
اميره ...(ببتسامه زائفه ) الف مبروك يا دكتور مبروك يا مدام ماجى
(الاتنين ... الله يبارك فيكى عقبالك)
اميره ... ان شاء الله .. (تصمت قليلا ) ممكن تاخدى بالك منه لانه بجد انسان طيب جدا على فكره انتى اكيد ربنا بيحبك ومامتك دعتلك ليلة القدر بزوج الصالح ابن الحلال
ماجى ... اكييد يا حبيبتى. .يلا يا حبيبى
مروان ... (ببتسامته الساحره ) بعد ازنك عقبالك
اميره .. دكتور (ينظر مروان ويلتفت اليها ثم تقترب اميره منه وبثقه وتحدى ) رقم ثمانيه هتجيلك لانى متاكده انى اللى عايزه هيحصل ومش دى النهايه
مروان . (باستغراب.) ..مش فاهم.
اميره ... ولا عمرك فهمت ولا هتفهم مبروك
(وتذهب مسرعه وتترك مروان واقف مزهول مستغرب من كلامها)
منير ... مبروك يا ماروووووو
مروان ...(يلتقت انفاسه ) خضتنى
منير ... ايه مالك سرحان فى العروسه
مروان ... اكيد .. بس البنت دى غريبه اوى
منير ... مين دى
مروان ... (باستغراب شديد ) مشيت مره تقولى 7 ومره 8 مش فاهم حاجه غريبه اوى
منير ... (بسخريه )ههههه ايه بتقول تعويذ
مروان ... لا يامنير بتقول حاجه مهمه انا متاكد باين من طريقتها
منير ... ياعم ركز كدا فى ليلة دخلتك سيبك من المعجبات بتوعك دول مجانين
مروان ... امممم طيب يلا نروح لماجى
_____💞 ليله عادل 💞_____
عربيه حمزه 10 م
حمزه يقوم بسوقه ونور بجواره واميره بالخلف يبدو على ملامحهم الانزعاج وعدم ارضائهم على ما فعلته اميرة .... لكن اميره تبكى بسكون
حمزة... ( بنرفزه ) اقسم بالله مجنونه بجد
نور ... (بعصبيه شديده تلتفت وتنظر لها ) انتى غبيه فى حد يعمل كدا ها عمره ما حبك ولا حس بيكى من اولي ثانوى بتجرى ورا سراب
حمزة ... نور اهدى
نور ... بس ياحمزه احنا السبب محدش فينا فوقها على طول كنا ماشين وراها لحد مضيعانها بس خلاص عارفه انتى لومش فوقتى من الهبل ده اقسم بالله هزعلك
اميره ... (تنظر اليها بكل ياس) ياريتك عملتى كدا من زمان
- اماكن مختلفه فى فرنسا
سافر مروان وماجى الى فرنسا لقضاء شهر العسل
ظهور اجمل شوارع باريس واشهرها ومروان وماجى يسيرو فى الشوارع وعلى البحر مرتدين ملابس البحر وهم فى منتهى السعادة بعد مرور عام على هذه الزوج عاش مروان هو ماجى حياه زوجيه سعيده كان بها بعض المشاكل التى تكون بين اى زوجين وعملت اميرة فى احد افرع مراكز مروان فهى زكيه جدا وممتازه فى عملها واصبحت من المتميزين فيه فهى تعمل معالجه نفسيه وتقوم بعمل جلسات فى العلاج النفسى والارشاد النفسى وتعديل السلوك ومرات السنوات مازالت اميره تتابع مروان فهى لا تياس لكنها اصبحت اقوى بكثير من قبل لكن مروان عكسها كانت ماجى تستغل نجاحه وشهرته وامواله لتحقيق احلمها فى خلال عامين اصبحت تمتلك اكثر من معرض وجاليرى وورش خاص لها لكنها كانت انانيه لا تحب غير نفسها والفلوس كانت كثير الخناق والمشاكل مع مروان فهى لا يعجبها طريقته فهى تحب السهر والحفلات والشرب الخمرا وهذا كان لا يجعب مروان ابد , خصوصا منعها ان تحمل بسبب خوفها على جسمها الرشيق ولكن اخر سنه كانت المشاكل بينهم كبيره جدا وكان يرغب مروان ان يطلقها لكنها كانت تعتذر منه وكان يعطيها الكثير من الفرص برغم كل شى فعل معها مازالت ماجى لا يرضيها شئ .
(بعد مرور عامين )
عربيته مروان 2 م
فى يوم كان مروان راجع من احد المؤتمرات كان يتحدث مع ماجى فى التليفون وهم يتشاجرون ووكان يبدو على ملامحه الغضب الشديد جدا ؟
ماجى ... (نرفزه واستفزاز ) انت مش هتبطل البرود بتاعك ده
مروان ...(بجديه وقوه ) قولتك لما ارجع
ماجى ... انا قولتلك عن الحفله
وفجأه يصاب مروان بحادث كبير جدا
وهنا يبداء التشويق
ظهور اسعاف وعربيات شرطه حركه سريعه جدا خوف وقلق على ملامح الجميع الكثير من الناس بتجرى ماذا حدث تظهر عربيه مروان مقلوبه ومروان بدخلها ولا يتحرك شبه مغم عليه ماذا حدث؟؟
- احد المستشفيات 5 م
منير وماجى يقفو امام باب العمليات وعليهم ملامح الخوف والقلق ثم يخروج الدكتور يجرى عليه الاثنان
ماجى ومنير ... خير يا دكتور
ماجى ... مروان كويس رد طمنى
الدكتور ... الحمد الله هو نزف كتير وكنا شكين انه عنده نزيف داخلى بس الحمد الله هو بخير
منير ...(يطمئن) الحمد الله هنقدر نشوفه امتي
الدكتور ... لما يفوق من البنج
- نادى المعادى 6م
اميره واصديقائها يجلسون على الترابيزه اميره تمسك تليفونها تتصفح الفيس فجاه تقرا الخبر حادثه تجرى مسرعه على عربيتها متجها الى المستشفى وهى خايفه جدا
_____💞 ليله عادل 💞_____
- المستشفى 7م
- عند وصول اميرة الى المستشفى تجرى مسرعه وهى خائفه وحزينه على مروان تصل الى الاستقبال و تتحدث مع موظف الاستقبال
اميرة ... (قلق ورعب ) لوسمحت دكتور مروان عزت فين
الموظف ... تقصدى الراجل اللى جه فى حادث العربيه
اميرة ... اه
الموظف ... الدور الثالث
تجرى اميره على الاسانسير وهى خايفه وتبكى تخرج من الاسانسير تتلفت حوليها مش عارفه تروح فين فايزداد قلقها فجاه يظهر منير تجرى عليه مسرعه وهى تنهج
اميره ... (بصوت مخضوض)... استاذ منير يا استاذ
منير ... ايوه
اميره ... هو هو دكتور مروان كويس
منير ... اهدى بس انتى مين
اميره ... من فضلك قولى بس ونبى هوكويس
منير ... الحمد الله
اميره ... احلف يعنى هو بخير محصلش حاجه
منير ... والله العظيم كويس
اميره ... (تشعر بلاطئنان ) الحمد الله
منير ... (يتحدث مع احد الممرضات) لو سمحت ممكن كوبياه مياه
الممرضه ... حاضر
منير ... ها انتى مين بقا
اميره ... اميره انا طالبه عند دكتور مروان كمان بشتغل فى المركز فرع اكتوبر
تاتى الممرضه ومعها كوبايه مياه ثم يعطى منير الكوبايه لاميره
منير ... اتفضلى اشربى
اميره ... متشكرة
.منير ... (بخبث ) بس هما كل الطلبه بيخافو كدا على الدكاترة بتاعهم انتى كنتى مش عارفه تاخدى نفسك
اميرة ... لا بس يعنى .
منير ... بس يعنى ايه
اميره ... هو حضرتك
(تدخل ماجى عليهم وهما وقفين فى الممر)
ماجى ... انت واقف كدا ليه يا منير مين دى صحافيه
اميره ... لا يا فندم انااا
(ماجى ..تنظر لمنير متخلهاش تكمل كلامها بقل زوق)
ماجى ... منير مروان بقا كويس انا هاروح مش قادره انت هتبات معاه صح
منير ... اه مقدرش اسيبه لوحده
ماجى ... طب سلام
وسط دهشه وتستغراب من اميرة كيف لها ان تترك زوجها وهو فى هذه الحاله بهذه البساطه
اميره ... استاذ منير هو ينفع ابص على دكتور مروان والله العظيم مش هعمل اى صوت
منير .. .هدخلك عشان تعبك وخوفك ده
اميرة ... متشكره جدا
تدخل اميره الى غرفه الرعاية مركزه ثم تنظر الى مروان تنزل دموعها من منظر مروان وهو على الاجهز وثم تجلس على الكرسى الذى بجوار السرير وتظل تنظر اليه بعض من الدقائق بحب وخوف, وكان يشاهدها من بعيد منير لكن هى كانت لا ترى , ثم تقوم وتقرب من السرير وتنزل دمعه من عيونها على وجه مروان وتلمس شعره ووجه بحب, وتتحدث انت عارف لوكان حصلك حاجه كنت هموت وراك انت متعرفش انا بحبك قد ايه وازاى , انت ساكن هنا من غيرك قلبى ميقدرش يكمل انت لازم تقوم وترجع عشانى انت فاهم, ثم تقترب كثيرا الى اذنه وتقول بحبك ثم تخرج واثناء خروجها تتحرك عيون مروان ) هل سمعها؟؟
اميره ... (بامتنان )شكرا بجد ان حضرتك وافقت انى ادخل هو انا هبقى رخمه لو طلبت منك حاجه كمان
منير ... اولا مافيش شكرا ثانيا اتفضلى
اميره ... ابات معاك (ينظر منير لها باستغراب)
منير ... معايا فين
اميره ... هنا مش حضرتك هتبات
منير ..ايوه بس
اميره ... خلاص والله هقعد مش هعمل صوت لو ضايقتك بلغ الامن ونبى ونبى
منير ... طب خلاص اهدى موافق
اميره ... (بسعادة) شكرا اوى ربنا يخليك بجد
صباح اليوم الثانى فى الممر المستشفى امام العنايه المركزه منير نائم على الكرسى ,ثم داخل غرفه العنايه المركزه اميره تجلس فى الكرسى الذى بجانب مروان تنظر بحب وشوق اليه وتمسك يده ثم يدخل الدكتور والممرضات)
الدكتور ... انتى مين مين دخلك هنا يا امن
اميره ... (باستفزاز ) امن مين مالك انت شيفنى كنت بقتله ما انا قعده فى مكانى زى الكرسى اللى قعده عليه
(منير يدخل على الصوت)
(منير يدخل على الصوت)
منير ... (بخضه ) ايه يا دكتور فى ايه مروان حصلو حاجه
الدكتور ... لا بس البنت دى
اميرة... (بقرف ) متقولش بنت بس
الدكتور ... لقيتها قعدة فى العنايه اكنها اوضه نومها
منير ... حقك عليا معلش دى قريبته خايفه عليه
اميره ... انا اصلا معملتش حاجه على فكره هو اللى اوفر
(اثناء الحديثهم يفوق مروان)
كلهم فى نفس واحد ... مروان انت كويس
(لكن اميره تقف فى جانب الغرفه تنظر اليه وهى سعيده)
منير ... ايه يا حبيبى قلقتنا عليك
مروان ... (بتعب )ااااااه مش عارف انا فين انتم مين
لدكتور يقرب منه يقوم بفحصه ويطلب باخراج الجميع بره ثم يامر بنقل مروان الى غرفه العاديه
_____💞 ليله عادل 💞_____
المشتشفى 10 ص
- فى الغرفه مروان العاديه فى المستشفى يقوم الدكتور بفحص مروان
الدكتور ... مروان انت كويس
مروان ... الحمد الله بس دايخ شويه
الدكتور ... معلش اثار البنج
مروان ... بس انا ليه حاسس انى مش شايف ( ثم يقوم بدعك عيونه اكثر من مره )
مروان ... هو فى ايه انا مش شايف ليه دكتور انا مش شايف ليه
( يدخل الجميع بنظرات الصدمه ماذا حدث؟؟)
(بعد مرور عام )
استوب
تفتكرو ايه اللى هيحصل بعد سنه اللى عايز يتابع
♥️♥️♥️♥️♥️♥️♥️
رجاء منكم. تعملو ليك وكمنت عشان تساعده ان الروايه تنجح وتنشهر. شكرا♥️
#روايه الأعمى
#تاليف ليلةعادل
_*~الجزء الاول
~من
روايه الاعمى2
♥️___بقلمى ليلةعادل___♥️_✍️🌹
البارت الثالث
مطار القاهره
يقف مروان ومنير وماجى امام العربيه مروان ويقوم السوق بحمل الشنط داخل العربيه
ماجى ...تنظر لمروان ... حمد الله على سلامتك يا مروان
مروان ... الله يسلمك
يدخلون العربيه كان يجلس مروان وماجى بلخف ومنير بجوار السائق و اثناء السير العربيه
منير (يلتف وجه للخلف الى مروان ).. مروان .. مروان انت يابنى سرحان فى ايه
مروان ... نعم
منير ... مالك
ماجى ...( بالا مبالا) منير سيبه هو اصلا من بعد الحادثه مبقاش بيتكلم مع حد
ينظر مروان من نافذه السياره كانه مش سامع حديثهم
شقه نور 6م
البلكونه .. اميره نور يسكنون فى نفس العماره وحمزه وياسر ايضا اميره ونور يجلسون على مروجيه فى البلكونه بجوار بعضهم وتقوم اميره بكتاب مذكراتها نعم فهى تكتبها من زمان تدون بيها كل شئ حدث معها وكل شئ عن احلمها
نور ... ميرو
اميرة.. .عايزه ايه يابت
نور ... انتى جايه عشان تفضلى تكتبى في مذكراتك هنا
اميره ... اطلع يعنى
نور ... لا انتى بتصدقى .. حمزة زعلان منى
اميرة ... اقسم بالله حقه
نور ... ليه يعنى
اميره ... بقا الود يقولك امتي هناخد خطوة فى موضوعنا تروحى مغنياله خطوه يا صاحب الخطوه
نور ... ههههههه كنت بهزر معاه بعدين ما الحيوان بعدها عملى بلوك ملحقتش اكمل الاغنيه
اميره ... هى دى مشكلتك .. هو عملك بلوك واتس بس صح؟
نور ... اه شفتى
اميره ... الحمد الله انه مش عملك بلوك من الحياة يابت بلاش برود
نور ... مش برود بس فعلا مش عايزه اتجوز دلوقتى بعدين سيبك منى انا بعرف اصالحه.... الكراش بتاعك
اميره ... مالو
نور ... رجع من السفر ياسر حكالى
اميره ... عارفه. (ثم تنظر اليها بحزن ) وحشنى اوى
فيلا مروان 12م
عند دخول مروان وماجى ومنير الى داخل الفيلا كان كل الخدم يقفه لاستقبال مروان وترحيب به
ماجى ... (بعجرفه ) يلا خلاص هى صوره كله على شغله عوض طلع الشنط فوق مروان انا خارجه عايزه اروح المعرض اللى بقالى سنه معرفش عنه حاجه ده
مروان ينظر لها دون تحدث ثم تخرج ماجى الى الخارج
منير ... بص بقا انا كلمت الناس وحضرولك الاوضه اللى تحت وجهزنهالك تمام
مروان ... شكرا يا منير تعبتك معايا الفتره اللى فاتت واخدتك من ولادك وبيتك ومراتك
منير ... عيب الكلام ده انت اخويا ..بعدين انت ليه بتعمل كدا فى نفسك
مروان ... بعمل ايه
منير ... ساكت مش بتقابل حد سجاير وقهوه على طول ان شاء الله العمليه الجايه هتنجح
مروان( بصوت حزين وياس)..تنجح عملت اربع عمليات كلهم فشلو لسه بتقول اجرب تانى لا خلاص انا ولا عايز اعمل عمليات ولا عايز حاجه سيبونى فى حالى ممكن بقا
منير ... انا مش مصدق الدكتور مروان عزت اللى بيعطى الناس طاقه ايجابيه وحب الحياه يبقى يائس كدا
مروان ...(مش عجبه الكلام ) منير اطلع برا .. روح روح شوف عيالك
منير ... امممم مافيش فايده بقالى سنه بحاول معاك وانت بردو مافيش فايده فيك انا ماشى سلام ... اقفلك االنور؟
مروان (بسخريه) ... هى هتفرق
(ثم يخرج منير)
♥️___ليلةعادل ___♥️
الجاليرى 8 م
تجلس ماجى على كرسى مكتبها ثم يظهر ساق شخص ما تسير داخل الجالرى ببطئ ! ثم يظهور الشاب مره اخري من ظهره فقط فمن هو ؟
الشاب ...(بصوت غير واضح ) حمد الله على سلامتك يا غاليا
ماجى ..(.بنظرات اغراء) وحشتك
الشاب ... يعنى مش عارفه
ماجى ... (تمسك ايده وتشدها نحوها ) طب تعال بقا ورينى وحشتك قد ايه
(بعد مرور ايام)
فيلا مروان 11م
مروان جالس سرحان فى غرفته فى الدور الارضى المطله على المسبح والحديقه يدخل عليه عوض يطرف الباب ويدخل
عوض ... مروان انا عوض
مروان ... (بنرفزه) على فكره انا والله مش محتاج كل شويه حد يدخل عليا يقولى هو مين انا ببقى عارف
عوض ... انا اسف يابنى مقصدش
مروان ... (بهدوء ) انا اللى اسف حقك عليا يا عم عوض فى حاجه ؟
عوض ... لا بس كنت عايز اسالك لومحتاج حاجه عشان فاطمه نامت والمدام لسه مجتش
مروان ... لا شكرا ادخل انت نام تصبح على خير
وبطبع مره اكثر من شهر على رجوع مروان من السفر بعد ان فقده بصره - لكن مروان كان يأس محبط عصبى جدا كاغيرعادته الطبيعيه الهادى المبتسمه دائما ومحبه للحياه فقد تغير كل شى فا ماجى اصبحت اسؤى من قبل بكثير فى يوم سيكون عيد ميلاد مروان لكن لااحد يتذكره ولا ماجى
فيلا مروان 10 ص
مروان يجلس على الكرسى الهزاز امام الباب الزجاجى المطل على حمام السباحه
(تطرق الخادمه الباب)
مروان ... اتفضل
الخادمه ... دكتور جتلك العلبه دى
مروان ... (ببتسامه ولهفه).. طب حطيها هنا بقولك منير جة
الخادمه ... ايوه يا دكتور وجاى ورايا
منير ... (يقترب منه وبهتمام ) سمحنى اتاخرت عليك يا حبيبى بس انت عارف الزحمه
مروان ... ولا يهمك تعال افتح شوف ايه ده
منير ... هتكون ايه يعنى اكيد علبه كل سنه هى بتنسى
مروان ... (باهتمام وحزن). عارف دى الانسانة الوحيده اللى لسه فاكرانى بقولك متحاول تعرف مين دى
منير ... سهله .. يفتح منير العلبه مع نظرات اعجاب وانبهار من الهداية.
اوبايا سيدى يا سيدى جيبالك نظاره غاليه
مروان ... (بشغف) كتبه ايه على كارت
منير ... اه كاتبه نفس الاغنيه بس كتبه حاجه تانى
مروان ... ايه
منير ... ينظر الى الكارت ويبدو عليه انه مستاء جدا من الكلام المكتوب ....انت مش
مروان ... انا مش ايه
منير (بعصبيه ) دى قليلة الزوق والادب انا هعرف شغلى معاها وهوصلها
مروان ... منير متعاليش صوتك متتعصبش بالله عليك فى ايه
منير ... معلش بس مستفزه
مروان ... كاتبه ايه
منير ... (وهو متردد ) انك مش محتاج تلبس نظاره انت فعلا لبسها كل سنه وانت طيب يا حبى الاعمى
مروان ... ( بصوت حزين) هات الكارت و حط العلبه مع الباقى
منير ... انت مش مضايق
مروان ... هضيق ليه
منير ... مش شايف قلة الادب
مروان ... لا يا حبيبى انت فاهم غلط هى متقصدش انى مش بشوف واعمى البصرهى تقصد انى لابس نظاره عن اللى حوليا ومش شايف الحقيقه مش شايف حبها ليا وانها قريبه منى , حد جنبى يعنى اعرفه كويس بس مش شايفه
منير ... يييا كل ده من جمله دى
مروان ... شفت بقا منير حاول تعرف دى مين من فضلك
منير ... حاضر
فى هذة الفتره ماجى كانت تتعامل مع مروان بشكل سئ جدا و انقطعت العلاقه الزوجيه بينهم هل بسبب الشاب ام بسبب قل شهرته وعماه ؟
♥️___ليلةعادل ___♥️
فيلا مروان 3م
مروان كاعداته يجلس فى حديقه الفيلا ثم يسمع صرخات يذهب الى الداخل ليعرف ماذا يحدث وعند دخوله يتفاجى بماجى تتشاجر مع فاطمة
ماجى ...(بعصبيه ) يعنى نشغلك عندنا ونديكى مرتب عمرك ما تحلمى بيه وفالاخر تسرقينا وياترا سرقتى كام مره
مروان ... (باستغراب ) فى ايه
دادا ... الحقنى يا مروان شوف مراتك بتعمل ايه
ماجى ... اسمها مدام ماجى ست هانم ولاه انت نسيتى نفسك
مروان ... (بنرفزه) بس بس فى ايه
ماجى ... الست اللى حضرتك قال ايه بتقولها يا ماما حراميه بنت ك .....
مروان ... (يقطعها بحسم وغضب ) ماجى بس
ماجى ... بس بتقولى انا بس خايف على احساسها وانا طظ
مروان ...(بنرفزه) بس زعيق محبش الصوت العالى ولا العصبيه فهمينى براحه
ماجى ... الست دى
مروان ...(بقوه وحسم) قولت صوتك يوطى
ماجى ... بص بقا مره خاتم الالماظ ييضيع اقول يمكن نسيته فى مكان مره 10 االف جينه يختفو اقول يمكن صرفتهم وانا ناسيه وحاجات تختفى اقول لا لا مافيش حاجه من اللى فى دماغك, لكن لوحه رسماها بقالى 6شهور طالع عينى فيها وتيجى الست دى توقع عليها القهوه وازعقلها ترد عليا ,لاو كمان القى الاسوره الالماظ فى الاوضه بتاعتها
مروان (بستغراب) ..ايه اللى انتى بتقولى ده
مروان ... ماما فطمه فهمينى
دادا ...( وهى تبكى) والله معرف ولا وقعت حاجه
ماجى ... يعنى انا بكدب طب اطلعى برا انتى وجوزك مش عايزه اشوف وشكو تانى
مروان ... بس بقا مافيش كلام من ده اللى ضاع هرجعهولك اكيد فى حاجه غلط اكيد كنتى شربه ما انتى مقضيه حياتك شرب وسهر
ماجى ... (بسخريه) والله يعنى انا لقيت حاجه اعملها غير كدا وقولت لا... انا حاسة انى متجوزه مع ايقاف التنفيذ اصلا
مروان ... تقصدى ايه بكلامك ده
ماجى ... ولا حاجه , بقولك ايه انا بقا ست شريره معايا شهاده من ابليس وبكدب يانا يا هما لما تفكر ابقى رد عليا سلام
(تخرج ماجى من باب الفيلا الى خارج )
مروان ... ماما فاطمه بجد انا اسف
دادا ...(تبكى) بص يابنى بعد اللي حصل ده مينفعش نعيش هنا
مروان ... حقك عليا عم عوض متزعلش
عوض ... مروان احنا من وقت الجوازه دى احنا بنتهان بس مكناش بنحب نقولك بنخاف نخرب البيت بس توصل للسرقه خلاص يابنى
مروان ... الكلام ده مش هيحصل انا هرجع لماجى اللى ضاع هى اكيد مضايقه من حاجه
عوض ... (بحسم ) مروان لو سمحت كفايه اوى لحد كدا مره جايه هتجبلنا البوليس
مروان ...(بقلق ) ماما فاطمه قولى حاجه
دادا ... ده الحل الصح احنا كدا هنكون مرتاحين
مروان ... هتسبونى لوحدى فى اكتر وقت انا محتجلكم فيه بسهوله دى بتتخلو عنى
عوض ... مروان متزعلش يابنى بس حت نفسك مكانه
مروان ... وانا عتذرتلكم وهجيبلكم حقكم بس استنى عليا
عوض ... ده قرار مش هنرجع فيه
دادا ... هنجيلك من وقت للتانى
مروان ...يشعر بحزن عميق وان كل اصبح يتخلى عنه .... طب برحتكم عن اذتكم
بعد كم اسبوع من مشكله الدادا تتغيرت ماجى 180 درجه اصبحت تتعامل مع مروان مثل اول الزواج وفتره الخطوبه لكن مروان كان لا يبادلها اى شئ لكن لماذا هذا التغير المفاجئ
- فيلا مرون الساعة 5 م
داخل غرفه النوم مروان يجلس فى غرفته يستمع الى احد اغانى عبد الحليم ثم تدخل ماجى الى الغرفه وهى سعيده جدا ثم تجلس على طرف كرسى مروان وتحوط ايدها على رقبته !!!
ماجى ... حبيبى حبيبى وحشتنى
مروان ... ايه الرضا ده كله
ماجى ... بتعمل ايه
مروان ... ولا حاجه بسمع عبد حليم
ماجى ... (تتصنت للاستماع وبعد دقايق قليلة ) يا سلام الله سامع الكلام الحلو
مروان ... كنتى عايزه حاجه
ماجى ... اه كنت هقولك ان هادى هيرجع من السفر كمان شهر
مروان ...(بسعادة) بجد حمد الله على سلامته مقدما.,.بس هوانتم مش متخنقين انا فاكر انك حكيتلى كدا ؟
ماجى ... اه محنا اتصالحنا خلاص انت عارف انه اخويا الوحيد
مروان ... انا ياما قولتلك اتصالحوا ملكمش غير بعض
ماجى ... اهو سمعت كلامك
مروان ... طب هتجهزيلو انهى اوضه انا عارف انه اخوكى من الاب مامتك هترفض تستقبله
ماجى ... لا ده هيقعد فى فندق وبعدين فاي مكان بقا هبقى اشوف
مروان ... لا طبعا عيب ياجى ينور هنا المكان كبير
ماجى ... ربنا يخليك ليا يا حبيبى
- فيلا مروان الساعه 6 م
يقوم مروان باستقبال هادى بعد عودة من السفر فهو كان مسافر منذ 15 عام
هول الفيلا
يقف مروان فى هول الفيلا ببتسامه واهتمام ثم يدخل هادى وماجى
(هادى)
هادى من اهم شخصيات روايتنا شاب فى منتصف العشرينات قمحاوى اللون عيون سودا وشعر اسود طويل القامه
ماجى ... معلش اتاخرنا عليك انت عارف الاجراءات
مروان ... لا ولا يهمك حمد الله على السلامه يا هادى
هادى ... الله يسلمك يا دكتور بجد شكرا ان حضرتك بتستقبلنى فى بيتك
مروان ... دكتور وشكرا وحضرتك بلاش الكلام ده انت اخويا الصغير قولى مروان ..نورت بيتك
هادى ... شكرا
( ثم يتصفحان )
( بعد مرور كام شهر )
مركز/ مروان عزت
داخل احد الممرات كان يقف منير يتحدث مع شخص ويقلب فى الاورق ثم تدخل عليه اميرة
اميره ...( ببتسامه) استاذ منير
منير ... (يتنظر له ببتسامه واهتمام ) ازيك
اميره ... الحمد الله ايه ده حضرتك فاكرنى
منير ... طبعا هو انتى تتنسى
اميره ... ههههه طب كويس ممكن بقا طلب صغير
منير ... (يمزحها) تانى انتى تانى ها الخناقه المره دى هتكون فين
اميره ... هههه فى بيت الدكتور بص انا واصحابى كنا عايزين نقابل دكتور مروان يعنى من وقت ما رجع من السفر من اكتر من 6 شهور ماشفنهوش
منير ...(بضيق ) والله ياريت بس للاسف مروان ولا بيخرج ولا بيشوف حد
اميره ...(بحزن ) لية يعنى
منير ... يعنى نفسيته صفر ويائس خصوصا بعد ما رجع من السفر وعرف ان البرنامج اتوقف والعقد اتلغي والناس شبه نسيته
اميره ...(بحزن) ليه يعنى هما يطولو ان دكتور مروان عزت يروحلهم والله معندهمش دم بعدين مين اللى قال نسيناه انا عمرى مقدر انساه
منير ... اها كان نفسى اساعدك
اميره ... (بحماس ) طب بص عندى فكره ماتقولوش حاجه و نعملها مفاجأه ها ؟
منير ... مممم عجبنى حماسك بس
اميره ... (بجنان ) ولا بس ولا حاجه هى ربع ساعه وهنمشى قولت بقا هنيجى الساعه 11 ماشى يلا سلام باى باى باى
تتركه وترحل يقف منير يضحك على جنان اميره
منير ... هههههه ايه البت دى .يارب بس يا مروان ربنا يهديك ما تعملش اى حاجه مجنونه
♥️___ليلةعادل ___♥️
- فيلا مروان 11 ص
صباح تانى يوم فى حديقه فيلا اميره معاها اصديقائها نور وحمزه وياسر ونهله يجلسون على احد الترابيزات منتظرين مروان يبدو على ملامحهم الزهق
ياسر ... بقلنا نص ساعه محدش جبلنا حتى مياه
حمزة ... تقريبا صايمين
اميره ... (بنرفزه ) متخف انت وهو انتو جايين تملو كرشكم
نهله ... ههههه بتجيبو الكلام لنفسكم
(يدخل منير عليهم)
منير ... ازيكم يا شباب
اميره ...( تقف بلهفه ) الحمد الله هوالدكتور فين
منير ... نازل بس انتو جيتو فجأه ها زى ما اتفقنا
حمزة ... مفهوم معلش ممكن كوبايه مياه اصل حاسس انى بتعذب عذاب الكفار
منير .. واضح ان الشله كلها فكه حاضر يابن
بعد قليل يدخل مروان عليهم وعندما يشاهده يقفوا لاستقباله باهتمام
كلهم ... ازيك يا دكتور
نهله ... حمد الله على سلامتك يا دكتور
نور ... والله كلنا زعلانا
مروان (بقله زوق وحده ) انتم مين
اميره ... ازيك يا دكتور انا اميرة كنت طالبه عندك جيت انا واصحابى عشان نسلم عليك
مروان ... (بقله زوق) اها انا كويس حاجه تانى
اميره ... (باستغراب ) نعم
مروان ... انا عندى مواعيد عن اذنكم ياريت بعد كدا محدش ياجى من غير ميعاد
( يتركهم ويغادر )
حمزة ... (بغضب ) ايه ده بدل ما يحمد ربنا ان فى حد بيعبره
نهله ... معرفش يابنى ده ماشوه من كل حاجه حتى الصفحه بتاعته الفانز قل منها ولا بقا حد فاكره اساسا وبيتنك على ايه ده
اميره (تزعق ) بس بقا عيب هو اكيد مضايق
حمزة (بعصبيه ) بقولك ايه يا سندريلا ده طردنا عايزه تقعدي هنا , تيجى تانى مع نفسك احنا عندنا كرامه يلا بينا
نور ...(بعقل) اميره يلا مش هيقابلنا يلا
اميره ... (يبدو على ملامحه الحزن ) ماشى
وعند سيرهم للخروج كانت اميره تنظر الى الخلف فى نفس الوقت كان يقف على الباب الزجاجى فى غرفته مروان ينظر اليهم ثم يدخل منير على مروان هو ينظر من الزجاج
منير ... (باستغراب تام )ايه اللى انت عملتو ده
مروان ...( يلتفت له بنفعال) عملت ايه انت ازاى اصلا تاخد ميعاد من غير ماعرف وتستاذنى
منير ... انا مكنتش عارف ان فى حد جاى
مروان ... منير انا مش عيل معاك عشان تحطنى قدام الامر الواقع انت اتصرفت من دماغك يبقى اتحمل نتيجه اخطائك
منير ... (بقوه ) انت بقيت غريب انت بتعمل فى نفسك ليه كدا يابنى فوق انت بتخسر كل حاجه
مروان ... منير اعتقد انا مش محتاج حد يبقى واصى عليا انت غلطت لو مش هتعمل شغلك صح ممكن تصفى حسابك وكلملك المحامى تشوف محتاج ايه انت بردو خدمتنى سنين
منير ...(بدهشه ) اصفى حسابى انت خلاص مش بقيت باقى على حد اتجننت انا مش هاحسبك دلوقتى بعدين هنتحاسب , بس احب اقولك ناس اللى انت طردتها بيحبوك بجد خصوصا البنت اللى اسمها اميره ماشفتش عملت ايه فالمسشفى عشانك وباتت معايا مراتك سابتنى انت كدا يا مروان بتخسر كل الناس اللى بتحبك, بسبب ياسك وضعفك عشان حاجه ربنا اللى عملها مش بايدك انا همشى يخرج منير خارج الغرفه ويغلق الباب....
يجلس مروان حزين عيونه غرقانه بالدموع ثم يقوم بزق الترابيزه برجله
♥️___ليلةعادل ___♥️
- فيلا مروان 1ص
غرفة نوم ماجى تقف امام المراءه وتصفف شعرها وهى ترتدى لانجرى ثم تبداء بلحديث
ماجى ... حبيبى اعمل حسابك بكره هتيجى معايا الشهر العقارى
يخرج من الحمام ببطى شخص يمسك فوطه يجفف وجه ثم يظهر ظهره نفس الشباب ثم يقوم بعنقها من الخلف. ويقبلها فى خديها وفجأه يظهر وجهه انه هادى؟.؟؟ وهنا هى الصدمه !! ماجى تعيش علاقه محرمة مع اخاه ما هذا الفجور انها تخون زوجها فى بيته وهو موجود تحت سقف البيت لا يبتعد عنها سوى امتار و مع من اخاه اى عقل واى انسان يستوعب هذه القذاره انا لا اصدق ماذا سيحدث هل سياظلون يستغفلون مروان سنعرف قريبا؟؟؟
هادى ... انا ملك ايدك لو مش فاضى افضالك ياحلو انت
ماجى ... (باغراء ) طب يلا على اوضتك بلاش شقاوه
هادى ... ليه كدا بقا محنا كنا حلوين زهقتى منى
ماجى ... لا بس احنا اتفقنا انك لازم تنام فى اوضتك
هادى ... لازم ليه مروان تحت مش بيطلع فوق والشغلات بتوعك ميقدروش يتكلمو حتى لو حد اتكلم ولا شك اخ نايم جنب اخته الحلوه اللى بتخاف تنام لوحدها فى الضلمه
ماجى ... ههههههههههه انت شيطان
هادى ... تلميذك يا حياتى
♥️___ليلةعادل ___♥️
فيلا مروان ساعه 4 م
السفرة
..هادى ومروان وماجى يجلسون على ترابيزه السفرا لتناول العشاء مع بعض نظارات اغراء بين هادى وماجى ثم يقبلها من خدها ثم شفيفها!! نعم ماذا سننتظر من هؤلاء
الفاجره سوى هذة الاشياء القذره
مروان ... هادى
هادى ... (بخضه ) ايوه
مروان ... انت هتعمل ايه فى حياتك بقالك شهر فى مصر شايف طريقك هيمشى ازاى
هادى( بالا مبالا يضع ايده على كتف ماجى ثم يقبلها من خدها ) والله مش عارف يعنى الواحد يريح شويه كدا اصل الغربه تعبتنى بس اكيد هشتغل مع ميجو
مروان ... اها بس انت بتفهم فى شغل الفن
هادى ... اتعلم (ينظر لها) ميجو ممكن تعلمينى
ماجى ... (بدلع ) عينيا
مروان ... ربنا يخليكم لبعض؟
- فيلا مروان 12م
صباح اليوم الثانى تظهر اميرة وهى تطرق باب الفيلا تفتحلها كيلا خادمة ماجى
اميره ... دكتور مروان هنا
وهى تتحدث تنظر ترى مروان جالس فى الراسبشن تذهب اليه
اميره ... عامل ايه يا دكتور
مروان ... انتى تانى
اميره ...(باستغراب) حضرتك عرفتنى ازاى
مروان ... (يقف بنرفوه ) انا قولت مش عايز اشوف حد انتى ما بتفهميش
اميرة ... لا بفهم
مروان ... امال ده اسمه ايه
اميره ...،(بمزح) تقدر تقول عني معنديش دم على فكره انا مش همشى مهما عملت حتى لوجبتلى الامن ورمونى بره هاجيلك كل يوم لحد ما تزهق وتتقبل الامر الواقع , لا انت متعرفنيش انا رخمه جدا وعنيده جدا جدا جدا
مروان (بستغراب ) انتى قولتيلى اسمك ايه
اميره ... اميره وحيات ربنا اميره بقالى استنى كدا
( تحسب على ايدها 3ثانوى و 4جامعه كمان قول 4سنين خطوبه و جوز وحادثه يبقا كام يا مرمر (و هى لسه بتحسب)
مروان ...11
اميره ... ايوة صح والله ماشاء الله عليك11 سنه كل مره اعرفك اسمى احفظه بقى
مروان ... عايزه ايه يعنى
اميره ... اشوفك يا دكتور
مروان ... مش شفتينى خلاص انا كويس اطلعى برا
اميره ... انت بتعمل كدا ليه معايا اصلا بتعمل كدا ليه فى نفسك ايه دقنك دى وكميه السجاير دى (قبل متكمل كلامها)
مروان ...(بنفعال ) انتى مالك كيلا كيلا
كيلا ... ايو يا فندم
مروان ... وصلى الانسه لحد الباب
اميره ... (بحسم ) والله انا هطلع بس هاجى تانى كلامى معاك مخلصش
♥️___ليلةعادل ___♥️
شقه اميره 8 م
مكتب الاب خالد فى اول الستينات يعمل دكتور جراح يمتلك مستشفى باسمه
تطرق اميرة باب غرفه المكتب ثم تدخل كان يجلس الاب على كرسى مكتبه يقراء كتاب علميا عندما ينظر لاميره يبتسم لها تجلس اميرة بكرسى الامامى
اميره ... بابا وحشتنى
الاب ... (يغلق الكتاب يضع على مكتب) اخيرا ظهرتى
اميره ... انت عارف بقا شغلى فى المركز واخد كل وقتى بابا كنت عايزه استاشيرك فى حاجه
الاب ... قولى
اميره ... حضرتك عارف دكتور مروان عزت
الاب ... اكيد طبعا مين ميعرفهوش ده من افضل واشهر 10 اشخاص ماثرين فى العالم
اميره ... تخيل بقا الراجل ده اللى كله طاقه وحيويه بقا مكسور وحزين عايش شبه ميت
الاب ... ازاى فهمينى
اميره ... هحكيلك ... تتحدث معه عن كل شى حدث معهاثم تقوله بحيره ...... ها ايه رايك اعمل ايه انا نفسى اساعده
الاب ... حقيقى مش عارف بس انتى مش هتقدرى تعملى حاجه لانسان رافض انه يتغير هو مش بس مستسلم هو رافض يتغير فهمانى , هو بالنسبه ليه انه انكسر والكل اتخلى عنه هومحتاج حد يحسسه انه عايش وانه لسه دكتور مروان مش مجرد راجل اعمى ميعرفش يعمل حتى كوبايه شاى لنفسه فهمانى
اميره ... ايوه بس هو مش مدينى الفرصه بقا عصبى رافض حتى يسمعنى
الاب ... جربى حاولى مره والف انا عارف بنتى عنيده هتوصل للى عايزاه
اميره ... حاضر ممكن ابوسك
الاب ... تعال يلا , (تقبله من خده ) روحى اعملى اجتماع مع الفقدين اصحابك وشفلكم حل سبينى بقا اكمل شغل
اميره ... حاضر
تخرج اميره من باب الغرفه ثم تتصل باصحبها حمزه ونور ثم يتقبلو فى سطح العماره
سطح العماره 8م
يقف نور حمزه بجانب سور ويتحدثون ثم تقترب اميره منهم وتقف للاستماع لحديثهم
حمزة ... وحشتينى اوى
نور ... وانت كمان اوى اوى
حمزة ... عارفه يا لمبة حياتى
نور ... ايه يا حزومت عمرى
حمزة ... بحلم باليوم اللى هنتجوز فيه ونجيب الوزه الصغيره
تدخل عليهم اميره وهى تنظر لهم بشتمزاز
اميره ... ايه الحوار اللى يخلى الواحد يرجع ده
حمزة ... دى رومانسيه يا جهله
اميرة ... ونبى بت يا نور اوعى تصدقى ده بيحور عليكى
نور ... عجبنى ياختى خليكى انتي فى عبقرينو بتاعك لما نشوف هيقولك ايه
حمزه ... هيقولها فى عيد الحب كل عيد حب وانتى بالف خير يا زوجتى الغاليه هههههههههههه
اميره ... (بنرفزه ) تصدقو انا غلطانه انى بتكلم معكم والمصحف غورو
حمزة ... استنى بس بتقفشى ليهكل
اميرة ... ما انتم بتستظرفو
نور ... خلاص يلا الاجتماع علي ايه
اميره ... هحكيلكم ونحط هالخطه قشطات
تفتكرو اميره هتنجح فى خطتها
طب ايه توقعتكم فى الحلقات
الجايه
تابع
رجاء منكم تتفاعلو على البارت.
بليك وكومنت عشان تساعده ان روايه تنشهر
#الاعمى
#تاليف_ليلةعادل
_*~الجزء الاول
~من
روايه الاعمى2
❤️___بقلمى ليلةعادل___❤️✍️🌹
البارت الرابع
المركز دكتور مروان 10 ص
يقف منيره مع اميره امام باب مكتب مروان يتحدثوان
منير ... انا جبت مروان اهو بس انا ماليش دعوه باى حاجه هتحصل
اميره ... هوانت ليه بتبعنى كل مره كدا ياعم متخفش انا معرفكش اصلا هو جوا
منير ... ابيعك وعم .. تصدقى مروان يستاهل واحده زيك انتى اللى هتربيه اه جوا
اميرة .. هدخله
منير يشاور بايده الاتنين لباب تنظر له اميره ببتسامه وتطرق الباب
مروان ... اتفضل
اميره ... (تقترب منه وتقف امامه ) عامل ايه النهارده
مروان ... (يقف وبستغراب ) انتى تانى
اميره ...(تجلس ) اه وثالث ورابع لا ماتبصليش كدا و متتعصبش ها مابحبش العصبيه على فكره , ايوه ايوه انا معنديش دم ومجنونه وفكه ومش هخرج ولا هطلع بره
مروان ... طب خليكى قاعده هطلع انا
(يتركها ويخرج خارج الغرفه)
اميره ... يادكتور
الفيلا مروان 12 م
مروان جالس امام حمام السباحه يشرب قهوه ثم تدخل عليه اميره
اميره ... صباح الورد
مروان ... انتى دخلت هنا ازاى
اميره ... اكيد من الباب بتسال اسئله غير منطقيه
مروان (بعصبيه)... كيلا يا كيلا
كيلا ... نعم يا فندم
مروان ... طلعي الانسه برا
اميرة تعشق مروان بجنون فهى تحدتد نفسها من قبل انه سوف يكون لها فهى لا تعرف معنى الهزيمه سوف تفعل المستحيل حتى تحقق ما تتمنى وما تريده , اميرة قامت بزياره مروان عدد مرات فى الفيلا والمركز بدون ياس لكن مروان كان يتعامل معها بشكل سئ ويرفض مقابلتها ويترضها كل مره ,لكن هل ستنجح بطلتنا فى هذا سنعرف؟؟؟
❤️___ليلةعادل___ ❤️
- الفيلا مروان 12م
- مروان جالس فى حديقه فيلا يستمع الى اغانى فيروز ويشرب عصير برتقال
اميره ... السلام عليكم ازيك يا دكتور
مروان ... (يقف ) ها مافيش فايده
اميره ... طب اسمعنى ادينى فرصه
مروان ... انتى عنيده اوى على فكره عمرى ما قابلت حد زيك
اميره ... انت متعرفش ان البنت العنيده رزق؟
مروان (بستغرب) ..مالك ؟ ايه الرزق فكدا
اميره ... حاجات كتير اكبر اسببها انى اللى بعوزه بيتنفذ
مروان ... فى دى عندك ..حق بس انتى عارفه انتى الشخص الوحيد اللى بيدخل عليا ما بيقولش انا فلان
اميره ... هههه عادى انت اكيد عارف الاصوات بتحس بيهم دول عايشين معاك فالبيت حافظهم
مروان ... اممم
اميره ... (باستغراب ) بس ايه ده مش هتقولى برا ولا متعصب لا ده احنا نطلب شاى بقا... كيلا تجلس على كنبه
مروان ... ( ببتسامه )تعرفى كيلا كمان
اميره ...(بمزح ) ده انا باجي عندك اكتر ما بعقعد فى بيتنا
مروان ... ههههههههه
اميره ...(بغزل ) تعرف ان ضحكتك حلوه اوى
مروان ... تعرفى انك مجنونه اوى
اميره ... اه من زمان
مروان ... طب عايزه ايه
اميره ... فرصه
مروان ...فرصه ايه
اميره ... ممكن تقعد
- تقف تمسك ايده وتساعده على الجلوس لكن عند مسك مروان ايدها يشعر بشعور غريب ثم يجلس على كرسى واميره على كنبه
مروان ... انتى بتقولى كنتى طالبة عندى فى الجامعه وكورسات وبتشتغلى كمان فى المركز عندى
اميره ... يس
مروان ... وبتجيبى امتياز وكمان اترقيتى
اميره ... تخيل
مروان ... وسبتك بجنانك ده تكملى
اميره ... ايوان
مروان ... انا ازاى مابعتلكيش جواب رفد
اميره ... ربك بقا لما بيكرم عبده يا دكتور
اثناء الحديث منير كان يقف من بعيد ينظر الى صديقه هو يبتسم لاول مره من بعد الحادثه
مروان ... انتى عايزه ايه
اميره ... عايزه بس ابقى اجى اشوفك وبصراحه نفسى اساعدك
مروان ... تشوفينى وفاهمها تساعدينى فى ايه
اميره ... انى ارجعك تانى زى زمان دكتور مروان اللى الابتسامه مش بتفارق وشه اللى كله عزيمه اللى بيقول انت اقوى من كل شى انت قادر على تحقيق المستحيل
مروان .....( يقف وبنفعال) المقابله انتهت
اميره ... (تقف اميره بغضب) لا مانتهتش مش كل مره تتعصب عليا وتسيبنى استنى هنا انا بكلمك بقولك اقف كلمنى زى ما بكلمك بتهرب ليه
مروان ...(بعصبيه ) انتى بتعدي حدودك اوى انتى مين
اميره ... انا واحده من الملايين اللى كانت الدنيا قلبه وشها ليها ولما سمعتك اتغيرت حياتها انا من الملايين اللى كانو مدمرين وكرهين الدنيا والناس وبسببك رجعت حبتها انا بسببك بقا ليا هدف
مروان ... وهدفك ايه بقا
اميره ... انى ارجعك تانى زى زمان
مروان ... انتى
اميره ... متسخرش منى انا بتحداك
مروان ( يسكت شويه بهدوء جدا) انا موافق بس بشرط
اميره .... موافقه
مروان ... اسمعى الشرط لاول
اميره ... مش مهم انا موافقه
مروان ... اتعلمى تسمعى وتعرفى لاول
اميره ... طب ايه هو
مروان ... لو خسرتى ما شفش وشك تانى وتقدمى استقالتك من المركز بالزوق ولو
اميره ... (بثقه ) لا لو التانيه دى بتعتى انا لوكسبتك واصلا هكسبك مفهاش كلام تسمع كلامى من غير مناقشه
مروان .... موافق
اميره ... هو اصلا الرهن عليه صح هههههههه
مروان ... (بجديه ) بكرا الساعه 8 تكونى عندى 8 وخمسه مشفش وشك
(يتركها ويغادر)
اميره ... (تتنطط من الفرحه) يس يس يسسسسسس ( تمسك التليفون و تتصل بنور) لمببببه انا كسبت
- فيلا مروان 8 ص
..يجلس مروان على كرسى المكتبه يشرب القهوة كعادته ويستمع الاحد اغانى العندليب ثم تدخل اميره عليه
اميره ... صباح الخير يا دكتور مر.... قبل ان تكمل كلامها
مروان ... شايفه الورق ده
اميره ... اه
مروان ... تروحى الشهر العقارى تخلصيه
اميره ... سهله طب التحدى
مروان ... تطلعى على المركز تظبطى الجدول المحاضرات لوفى اى حاجه تخلصيها كمان فى شويه كتب كتبتلك اسمها فالورقه تجبيهم بعدين تروحى البنك تخلصى الحاجه ده غير تروحى المجمع تخلصى شويه اورق بصى كل حاجه متكوبه فى الورق
اميره ... ( مصدومه) هو بس يعنى كل ده النهارده
مروان ... اه
اميره ... بس ااا
مروان ... مش موافقه طب خلاص خسرتى
اميره ... لالالالالالا انا بس بتاكد لومحتاج حاجه
مروان ... لو محتاج هكلمك ! انجووووي
اميره ( هى مش عارفه تعمل حاجه) شكرا
لقطات سريعه لاميره من المركز للمجمع للبنك للمكتبه
❤️___ليلةعادل___ ❤️
فيلا مروان 6م
سفرة ... يجلس مروان وماجى وهادى على السفره لتناول العشاء ثم تدخل اميره وهى تعبانه من المشاوير
اميره ... مساء الخير
هادى ...(باعجاب) مسا مسا عليكى يا فروله
ماجى ... (بقرف ) اه هلا
مروان .... ها يا اميره خلصتى اتفضلى معنا الاول كيلا هتلها طبق
اميره ... لا انا اكلت انا جبت لحضرتك الحاجه
مروان ... طب يلا على المكتب
(يخرج مروان واميره ويذهبون داخل المكتب الذى بدخل غرفه نومه فى الطابق لاول
هادى ... سلام يا مسكره
ماجى ... (بنرفزه ) انت بتستعبط
هادى ... ايه يا حياتى بتغير لاسمح الله
ماجى ... لا بس انت بتاعى انا ملكى انا انا محبش حاجه ملكى تعمل اى حاجه مش على مزاجى هادى اظبط نفسك معايا انت فاهم
هادى ... بعشقك وانتى متعصبه انت اللى فى قلبي يا سكر يا عسل انت
ماجى ... ايوه كدا اظبط كلامك احسن ليا وليك
(داخل المكتب مروان يجلس مروان على كرسى الامامى للمكتب واميره امامه )
مروان ... ها احكيلى عملتى ايه شكلك تعبانه
اميره ... (بضيق وعصبيه ) اوى انت بتعمل كدا ليه انت مش عادل على فكره انت بتعذبنى مش بتتحدى محدش بيتحدى كدا
مروان ... انتى على طول عصبيه ومندفعه كدا
اميره ... ما هو
مروان ... وطى صوتك واهدى ايه اللى مضايقك انا طلبت منك حاجه تعمليها مش قولتك ازاى بس انتى لانك مش بتسخدمى عقلك ودايما مندفعه وعصبيه لفيتى مع انك كان ممكن تقعدى فى بيتك تخلصى كل شى
اميره ... (باستغراب ) ازاى يعنى
مروان ... انا عامل توكيل للمحامى كنتى المفروض تتصلى وتبلغيه بلى فى الورق كان بعدها بساعتين ثلاثه قالك كله جاهز تحبى نتقابل فين اما الكتب نفس التيلفون تتصلى بالمكتبه تقوللهم على الاسماء الكتب هيحضروهالك هيجبها لحد عندك او تبعتلهم عنوانى اما المركز صفوت تكلميه تقوليله ابعتلى الجدول بس الموضوع سهل
اميره ...( مصدومه) انت بتعمل فيا ليه كدا انت بتزهقنى صح
مروان ... لا بس بعلمك انك لازم تفكرى قبل ما تعملى حاجه بلاش تبقى مندفعه ها لسه بتتحدينى
اميره ... بثقه ايوه وهكسبك وهتشوف مكنش اميره خالد لو منفذتش اللى فى دماغى
مروان ... انا مستنى
(فى خلال شهرين )
استمرت اميره تذهب لمروان كل يوم لكن هو كان مستمر باسلوبه فى ازعجها وتزهقها فاعند توجدها فى الفيلا يرفض ان يقابلها يظل جالس فى المكتب وهى تجلس فى الحديقه او براسبشن وعندما يذهبون الى المركزه تظل بجانبه لا تفعل اى شى مثل الكرسى الذى تجلس عليه وعندما يطلب منها طلب تكون طالبات كثيره ومرهقه لكن كان دائم شرب القهوة من ايدها ! اميرة كانت تتحمل اى شى منه ولا تنزعج مجرد وجودها بقرب منه سعاده كبيرة بنسبه لها لكن فى يوم هتفضل يومين كاملين مختفيه
❤️___ليلةعادل___ ❤️
- فيلا مروان 10ص
- مروان قاعد فى الحديقه ثم تدخل عليه اميره قبل ان تتحدث
مروان ... صباح الخير انا قولت انك استسلمتى
اميره ... لا كنت تعبانه بس (با ستغراب ) ايه ده عرفتنى ازاى انا متكلمتش ماتقولش برفان انا بغير برفاني كل شويه
مروان ... عرفت وخلاص
اميره ... ها وانا بقول على نفسى عنيده ده انا جنبك ملاك
مروان ...( بمزح ) الراجل العنيد رزق
اميره ... لالا الراجل العنيد عايز ال
مروان ... اللى ايه
اميره ... ولا حاجه المهم اتفضل (تعطى علبه )
مروان ... ايه ده
اميره ... ده تليفون اصل لاحظت ان حضرتك مش عندك واحد ده معمول مخصوصا لفاقدى البصر سجلتلك عليه الارقام المهمه هعلمك عليه ده سهل اوى عشان تتواصل مع الناس اللى بتحبك
مروان ... ميرسى
اميره ... بحبك
مروان ... (باستغراب ) نعم
اميره ... لا اغنيه اسمها بحبك جت على دماغى
مروان .... هههههه انتى مش طبيعيه بجد
(هادى يدخل عليهم)
هادى ... ايه يامكسرات والمصحف وحشتينى مش بتيجى ليه
اميره ... كنت تعبانه شويه
هادى ... لا الف سلامه عليكى بس متغبيش علينا كدا اصلك بتوحشينى والقهوه من ايدك وحشتنى
اميره ... لا والله
هادى ... اه والله
اميره ... دكتور فى مطعم هندى حلو اوى فى مدينه نصر ممكن نروح
هادى ... ليه مافى هنا فى المعادى واحد احلى بكتير انا بروحلو على طول من زمان؟
مروان (بستغراب) من زمان ازاى انت مش كنت مسافر مانزلتش مصر خالص
هادى ... اقصد لما نزلت
مروان ... اه ماشى
اميره ... ها يا دكتور هتيجى
مروان ... موافق اميره ممكن تعمليلى فنجان قهوه
اميره ... عيونى اعملك ياهادى
هادى ... ياريت
(تغادر اميره)
مروان ... بقولك يا هادى
هادى ... ايه
مروان ... متحاول تصلح علاقه ولدك بماجى بردو ده باباها
هادى ... اه حاضر
مروان ... هو لسه عايش فى استراليا
هادى ... اه هناك اتجوز وعاش هناك
مروان ... تمام
هادى ... انا هسحب انا
مروان ... طب والقهوه
هادى ... ميرو تشربها سلاموز
مروان ... سلام
مروان ( يتكلم مع نفسه ) فى حاجه غلط لازم افهمها
استوب لحد هنا
❤️❤️❤️❤️❤️❤️
تفتكرو مروان شك فى حاجه🤔
طب ليه الاسئله الغريبه دى اللى سألها لهادى🤔
طب اميره هتكسب التحدى ولا🤔
تابع
اتمنى تكون الحلقه عجبتكم
هستنى رايكم❤️🌹
رجاء محدش ينسى يحط ليك وكومنت عشان تساعده الروايه تنجح لانها تستاهل تنجح🌹🥰
شكرا
❤️❤️❤️❤️❤️❤️❤️❤️❤️❤️❤️❤️❤️❤️❤️❤️
هناك شكوي متكررة من عدم وصول باقي الاجزاء وذلك
👈للحصول على الجزء التالى علق ب 20 ملصقا ليصلك اشعار بجزء
#الاعمى
#تاليف_ليلةعادل
بداية الروايه من هنا 👇👇👇
