 |
ملكتي روحي
من البارت الخامس عشر حتي البارت العشرون والاخير"
عاصم نزل تحت "
عاصم :باصص لاخته" ابقي خليهم يحضرولنا غدا ويطلعو ع فوق
مشيره : والله هي الشملوله مش حابه تقعد معانا ولا اي
عاصم : انتي ال مش حابه تقعدي معاهاا وبلاش شغل الحموات ده "طلع قعد ف الجنينه وبيرن ع الناس ف الشغل بيتابع اخبارهم ، بلغوه ان ف شخصين عايزينه ضروري وقرر يروح ،طلع اوضه ولبس هدومه ومشي ودخل مكتبه ومحمد وروان دخلو وراه "
عاصم : نعم اي هي الحاجه المهمه ال متنفعش ف التلفون
روان:كنت عايزه ابلغك ب حاجه مش متوقعه ومش هتصدقها بسهوله بس لازم تفهمني وتستوعب الاول وبعدين ترد علياا
عاصم : اممم والحاجه دي بخصوص اي او بخصوص مين ؟
روان : بخصوص حياه ، حبيبتك ، واختي
عاصم : مين هي دي ال اختك
روان : حياه
عاصم : اممم يعني عايزه تفهميني ان حياه ليها اخوات صح كدا
روان : ايووه
محمد : الحوار مش زي م حضرتك فاهم ، بس الحقيقه ان حياه مش بنت مؤنس "عاصم اتصدم ووقف " واحنا عايزين نتأكد كلنا من الحاجه دي ولازم نعمل ل حياه ومؤنس ومريم تحاليل DNAعشان نشوفهم مطابقين مع بعض ول لا وهتعرف ان كلامي صح لان انا متأكد ميه ف الميه انهم مش هيتطابقو
عاصم : انت عرفت المعلومات دي ازاي
محمد : قصه طويله هبقا احكيها بعدين
عاصم : وحياه تعرف ان مؤنس ده مش ابوها
محمد : لا ، اصل هي لو عرفت مكنتش قعدت يوم تاني معاهم
عاصم : مش كده يعني ممكن تكون هي حبت فلوسهم وقررت تسيب اهلها الحقيقين وتقعد مع مؤنس برضاها
محمد : لالا مفيش الكلام ده لان ابويا هدد مؤنس وقالو انو هيبلغ حياه بالحقيقه راح مؤنس قتلو ، مؤنس مش عايز ده يحصل ومش لازم يعرف ولا حياه لازم تعرف
عاصم : والتحاليل هنعملها ازاي ، عندي فكره احنا ناخد اهلها الحقيقين ونعملهم تحاليل مع حياه ونشوف هيتطابقو ول لا
محمد : تمام موافق
عاصم : ونا مش هخلي حياه تعرف حاجه وف يوم وهي نايمه هسحب منها نقطه دم بسيطه من غير متحس وهنروح المستشفي تكونو انتو مجهزين دم من اهلها تمام
محمد : تمام ي عاصم بيه "عاصم كان مصدوم جدا ومش عارف يتصرف وميت فكره ف دماغه ، روح ع البيت وطلع اوضته وتاليا حضنته "
تاليا : كنت فين ي بابا
عاصم : معلش كان معايا حوار ف الشغل بس
تاليا : اممم طنط حياه كانت قعده معايا ومرضيتش تنام واكلتني وشربتني الدوا
عاصم : طب حلو انبسطو مع بعض
تاليا : ايوة ي بابا انا بحبها اوي
عاصم : طب هي فين
تاليا : باباها جيه اخدها
عاصم : ااي ، باباها ، ي نهار اسود "ساب تاليا ونزل تحت " ازاي تسيبي مؤنس ياخد حياااه كده بسهوله
مشيره : واحد جاي ياخد بنته هقدر اتكلم انا يعني
عاصم : طب خدها وداها ع فييين
مشيره : انت متعصب لي كده واالله معرف
عاصم : ي ديني ، ده ممكن يأذيهااا
مشيره : انت اتجننت صح ف اب هيأذي بنته ولا اه هيأذيها عشان قعده معاك ادي اخره عمايلك السودا
عاصم: يووووه بقا ي اااامي حرام عليكييي كفايهه كلامك ده "طلع برا ورن ع حياه كتير جدا لحد م ردت "
حياه : ايوة ي عاصم
عاصم: ف حاجه حااصله معاكي
حياه : لا عادي بابا قالي لازم افضل معاهم شويه
عاصم : لي يعني
حياه : ماما قالتلي ان عندهم مشاكل وقلتلي خليني معاك بس بابا كان عنده راي تاني بقا ومعرفش لي اخدني
عاصم : بس انا مش هسيبك تقعدي مع الاشكال دي
حياه : الاشكال دي بيكونو امي وابويا ي عاصم ، ع العموم شكرا ليك سلام
عاصم: حيااه دي زله لسان وللله ، الووو ي بت اااوف بقاااا ، اتصرف ازاي دلوقت اعرف مكانها ازاي ..."ودخل جوه واخد فون اخوه ورن عليها " انا عاصم ي حياه ، ي بت المشاكل ال عند ابوكي هتوديكي انتي ف داهيه اسمعي مني انا خايف عليكي ، قوليلي ع عنوانك ونا هفهمك وهشرحلك كل حاجه ويستي لو مقتنعتيش بكلامي هسيبك تروحي لاهلك والله مهضرك وغلاوتك انتي وتاليا ف قلبي هسيبك وانتي ال تختاري
حياه : ماشي ي عاصم عشان حلفتني ب تاليا بس
عاصم : تعالي قابليني ف اي كافيه دلوقت ي. حياه
حياه : حاضر
"طلعت من ورا اهلها وخدت تكس وراحت قابلتو ف كافيه "
عاصم : عارفه اي هي المشاكل ال عند باباكي
حياه : لا معرفش ، اي شغل ف مشاكل عادي يعني واكيد بابا خايف من الشخص ال عامل مشاكل معاه لحسن يأذيني
عاصم : الحوار اكبر من كده ي حياه وهو فعلا الشخص ال عايز يوصلك مش عايز يوصلك عشان يأذيكي لا ده عايز يقولك ع حاجه ، يفهمك الحقيقه ال مكنتيش فهماهاا
حياه : حقيقه اي دي
عاصم : مش عارف بس قعدتك مع مؤنس غلط ، مشاكلو كتير ومش هتسلمي منه
انا مش عايز حاجه غير مصلحتك
تعالي معايا ي حياه ونا هحميكي
حياه : انت هتحميني من ابويا ده من امتي ، انت بتدمرني انا همشي مش عايزه حمايتك دي شكرا
عاصم : مسك ايدها " خليكي معايا متختاريش الشر لنفسك وحيات ربنا قعدتك مع مؤنس هتجبلك الاذيه والله مبيحبك وبيتمنالك الشر ، مؤنس ده .... مؤنس ده حقير ي حياه
حياه : انت ازاي تقول ع بابا كده ي زباله ، انا مقدرش اشتم بابااك عشان انت تعمل كده وتقول ع بابا كده ، تعرف ي عاصم حتي لو هتأذي عند بابا ف انا هروحلو بردو عندك مانع
عاصم : ايوة عندي مش هسيبك مش هشوفك بتغلطي واسيبك مش هشوفك بتروحي للنار واسيبك مش هسيبك ولا هسمح لحد بانه يأذيكي فهمتي ي حياه ، ده كل ال عندي ، انتي مش هتمشي من بيتي غير لما تعرفي الحقيقه بس اهم حاجه تكوني بعيده عن مؤنس ومريم انتي مش هتسلمي من شرهم ي بنتي والله
حياه : ملكش دعوووه بيا انت قولتلي انك هتسبني صح وانا ال هختار ، خليك قد كلامك بقا لان بابا مش هيسكت "وطلعت برا وهو طلع وراها ومسك ايدها بقوه "
عاصم : كنت عارف ان دماغك ناشفه ومش هتقتنعي بس بمزاجك او غصب عنك هتقتنعي وهتيجي معايا "وطلع حقنه من جييه وحطها ف دراعها لحد ما داخت وكانت هتقع وشالها ودخلها عربيتو ، روح البيت وطلعها ف الارضه وخد منها نقطتين دم ، بصلها بحزن " معرفش لي بتخليني اغصب عليكي ف كل حاجة لي مبتسمعيش كلامي بسهوله لي دايما تعباني وتاعبه نفسك والله انا مش هضرك ، ااه ياربي بقاا صبرني ع الحب ال انت زرعتو ف قلبي ده "ف الفجر وحياه فاقت ولقيت نفسها ف حضن عاصم وادايقت جدا وزقته بعيد عنها وقامت ولسه هتمشي وبصت ع هدومها ولقيت نفسها لابسه شورت وتيشرت حمالات "
حياه : يلهوي مين ال غيرلي هدومييي ، اااكيد الحيوان الزفت ده اااقتلوو بقا ولا انيل اي والله تعبت وقرفت منه ، حسبي الله ونعمه الوكيل فيك ي عاصم ، اه يارب غارو فين الهدوم ال كنت لابساها "فضلت تدور وملقتهمش واخدت هدوم من ال هو جيبهالها ونزلت عشان تمشي من البيت وفتحت الباب بهدوء ومعرفتش تمشي عشان معهاش عربيه ولا هتلاقي مواصله لقيت ناس مغمين وشهم متجهين ناحيه باب الڤيلا راحت استخبت ورا عربيه وسمعتهم"
؟؟؟: انت عبيط ي عم احنا اي ال هيخلينا نروح ناحيه الباب العمومي عايزين باب خلفي او اي حاجه
!!!: معاك حق تعالا ندور بس هي حياه دي حلوه
??? : دي قمر ولما تشوف جسمها هتدوخ
!!!: طب حلو عشان لما نعتدي عليها نتبسط بقا
???:خلاص هتفضحنا متفرحش اوي كده احنا جايين ننفز مهمتنا وخلاص لازم نعمل ال اتطلب منا دي فيها قطع رقاب ده شديد اوي انت متعاملتش معاه عشان تعرفو بس انا متأكد من ال بقولو ولو منفزناش ده انهردا مش هيحصلنا كويس
!!!:لا وع اي لازم ننفز يلا ع الباب ال من ورا
"حياه اترعب وكانت بتترعش واتمنت انها مكنتش قامت من حضن عاصم ابدا ، جريت ع الباب وفضلت تخبط بقوه وتبكي والاتنين خافو توقعو ان ف حد صاحي وقررو يهربو لحد مواحد منهم لمحها وقال ده هي دي حياه ، لقيتهم بيجرو عليها وفضلت تصرخ وتنادم ع عاصم لحد مكتمو نفسها واخدوها ، مشيره سمعت صوتها وطلعت فتحت الباب ولقيتهم وهم بيجروها ع العربيه واتخضت وراحت طلعت ل عاصم صحته من النوم وعاصم نزل جري وخد عربيته وطلع وراهم .........
" التكمله ف البارت السادس عشر ، دينا "
تفاعل
اكمل ول لا
معلش ع التأخير بس بزاكر وورايا امتحان بكره دعوواتكم
ملكتي روحي
البارت ( 16 )
???: ف عربيه جااايا ورااناا ااسرع ي اابني
!!!: ع اخري والله وانتي اتهدي بقاااا اتهدي
حياه : اابعد عني ي وسخ ي زباله نزلنيييي من هنااا "فضلت تشد فيه لحد م شالت القناع ال ع وشه واتخضت لما لقيته فارس وفجأه سابها وادايق جدااا جداا ..."
حياه : هتوقفو العربيه ول لاااا ، ماشي تمام "وفتحت الباب ونطت من العربيه وفارس كان هيمسك ايدها بس ملحقش ، ووقعت جامد ع الارض وعاصم شافها وكانت هيتجن ونزل جري عليها وعدلها ليه ولقي دماغها جايبه دم ودراعها مجروح ، شالها وطلع بيها ع المستشفي وربطولها الجروح ..
عاصم : ااي ال حصل ي حياه
ازاي خدوكي من حضني ونا محستش ان ف حد ف اوضتي ازاي كده
حياه : مش زنبك
عاصم : امااال اااي
حياه : نا طلعت برا وكنت عايزه اروح عند باباا
عاصم : تاااني باباكي حرام عليكي بقا انتي بتفهمي ازاي
حياه : لقيت ناس حد باعتهم ليا عشان يعتدو عليا ومعرفش مين ال باعتهم
عاصم : هو في غير ابوكي اكيد هو ال باعتهم
حياه : متظلمووش مستحيل يعمل فيا كده نا بنته ي عاصم
عاصم : بنته اه ، معرفتيش مين الكلاب دي ال اخدتك
حياه : عرفت واحد منهم
عاصم : بيكون ميييين ؟!
حياه : فارس اكيد عايز ينتقم مني
عاصم : فارس معقول ، بس ده لو عايز ينتقم ف هينتقم مني انا ، انتي ملكيش زنب ف حاجه "بص بعيد وقال لنفسه ، اكيد ابوها ال باعت فارس عشان يأذو حياه مهو كلهم زباله ف بعض ، الفكره هنا هم لي عايزين يأذوها لي مؤنس عايز يأذيهااا .....
_____________
مريم : مؤنس عايزه اسئلك سؤال ينفع
مؤنس : نعم ، بخصوص حياه طبعا
مريم : طبعاا
مؤنس: اتفضلي
مريم : لي هتعمل كده فيها
مؤنس : عشان اخليها تكره عاااصم ي مريم
اعرفها انها وهي معانا احنا عايشه ف امان ، لكن لما تبعد عننا هتضر ومفيش مخلوق هيعرف يحميها غيرنا ، عاصم ممكن يكرهها فيناا ونا لازم اكرهها فيه قبل مهو يعمل كده وياخدها مننا ولو وقف معاها وعرفها الحقيقه يبقا احنا ضعنا ، عايز حياه تبق جنبي ولا عاصم يقربلها ولا محمد يعرفلها طريق لايروح يبلغها بالحقيقه عشان هي تأذيني بقا وياخد طار ابوه
مريم : انا معاك ف كل ده بس حياه بتخاف من خيالها عشان تخلي فارس يخطفها ويحبسها ف اوضه ضلمه
مؤنس : مكنتش هسيبها ف الاوضه كتير وهروح انقذها عشان تعرف ان ابوها عايزها
مريم : بس قعدتها ف الاوضه لوحدها وحشه ممكن تنهار ويغمي عليها اصلا
مؤنس : متقلقيش ي عم هنفوقها وبردو تعرف اني انا ال فوقتها ، بس كده انا مطلبتش من فارس غير انو ياخدها يحطها ف الاوضه دي ولا اكتر ولا اقل متكبريش الموضوع حوار صغنن عشان نعرفها اننا بنحبها بس كده ....
______
"الصبح وعاصم روح ب حياه وقعدت ع الكنبه وامه راحتلهم وقعدت جنب حياه وحطت ايدها ع ضهرها"
مشيره : انتي بخير
حياه : الحمد لله
عاصم : الحمد لله لحقتها وهي عرفت تنقذ نفسها بس انقذت نفسها بطريقه غبيه زي منتي شايفه
حياه : بكره اخف ان شاء الله ولا كنت عايزني اسيبهم لما يعتدو عليا
عاصم : ولا انتي هتسبيهم ولا نا هسيبهم يعملو ف مراتي حاجه زي كده
مشيره : اهو الحمد لله انها جات ع قد كده احسن م كان حد لمسها ، ي عاصم مش لازم تسيبب ال عمل فيها كده لازم تعرفهم اي نتيجه اغلاطهم معانا وانهم يقربو ع بيتنا انت سامع ، وبلغ ابوها خليه يساعدك ف التدوير عليهم
عاصم : مش هسيبهم متقلقيش ، تعالي ي حياه ، خليهم صح يحضرولنا اكل "وخد حياه وطلعو ع اوضته '
حياه : هو انت صحيح هتقول ل بابا ان فارس هو ال حاول يعمل كددا
عاصم : لا مش هقول عشان انا شاكك ان ابوكي ورا كل المصايب ال بتحصل دي بجد
حياه : لي بتقول ع بابا كده هو عشان عندو مشاكل ف شغله منت كمان بتعمل مشاكل ف شغلك وبتعمل ميت غلطه بس مش معني كدا ان قلبك قاسي ع اهلك او ع تاليا بنتك ، ابويا مش هيقدر يأذيني ي عاصم لازم تفهم كدا ، واكيد فارس عمل كده من نفسه عشان ينتقم مننا واكيد يفتكر ان اتجوزتك بمزاجي مع ان كنت رافضه والله ، انا فاكره ان ماما قالتلي ان بابا راحلو وفهمو ان انا كنت مرتبطه بيك ف الاول ومش مغصوبه عليك ولا حاجه لانه فعلا مكنش هيسيبك بس بابا راح اقنعو ف هو افتكر ان خونتو ...
"عاصم افكارو اتشتت اكتر واكتر والافكار دخلت ف بعضها ومش عارف يحسبها منين ولا منين وحاسس ان الدنيا وقفت ف وشه ومش عارف هيعمل اي او هيبدا من انه حته وكل ال هيعملو حاليا انو هيتاكد من ان حياه بنت مؤنس ول لا ....... "
حياه: اللزقه ال ف دماغي دي مديقاني
عاصم : استحملي بس لاخر اليوم ونبقا نشيلها ، انا همشي ورايا مشاور خلي بالك من نفسك
حياه : تمام
"مشي وكلم بوديجرد وامن يققو عند الڤيلا وراح قابل محمد وروان وكانو واقفين جمال ومريم ، عاصم بص عليهم بقرف وازاي الناس دي بتكون اهل حياه وهو بقا مستخسرها ف مؤنس ومستخسرها ف الناس دي ، استغرب من شكلهم ولبسهم وادايق جدا ، عملو تحليل DNA وفعلا كانو متطابقين وحياه بتكون بنتهم.. "
جمال : احنا عاايزين نشوف حياه بترجاك ي بيه
عاصم : ان شاء الله ، بس طلاما انتو بتحبوها كده او لسه فاكرينها معرفتوش تدورو عليها غير دلوقت
جمال : احنا مكناش نعرف ان الجثه ال ادفنت دي مش حياه والله العظيم
عاصم:بزعيق" لا اعتبروها حياه ، هي ملهاش زنب بجهلكم ده عشان تتصدم صدمه زي كدا وتعرف ان الراجل والست ال ربوها وال هي حبتهم مش اهلها لي انا اتسبب ف صدمه زي دي انا اه عايز ابلغها ان مؤنس مش ابوها بس كنت فاكر ان اهلها احسن من كدا وفاهمين ومتعلمين ، بس انتو مطلعتوش كده ، تيجو اي انتو جنب شكل حياه وشياكتها وهدومها وفلوسها واكلها وشربها وعيشتها وشهرتها ، حياه عملت برنامج كسرت بيه الدنيا ، تيجو اي انتو من كل ده انتو متستهلوش واحده زي دي
روان : احترم نفسك ي عاصم دول اهلي واهل حياه وانت ملكش دعوه بيها هو انت ولي امرها
عاصم : انتي تخرسي خالص ، لا ونا ولي امرها اتطمني انا جوزها ع سنه الله ورسوله
محمد : جوزهااا ازااي
عاصم : حاجه متخصكش "طلع العقد " وادي ورقه الجواز واي حد هيتكلم نص كلمه هقطعلو لسانه لان مفيش حد هيقرب من حياه ، وانتو ال بعتوها زمان ملكمش حق انكم تقربو منها ولا يمكن طمعانين انها هتشدكم معاها وتعيشكم ف ڤلل لا بتحلمو
روان : عاصم متتكلمش بلسااان حياه هي ممكن يكون ليها راي تاني
عاصم : انا مبسمحش ل حياه تتكلم اصلا لانها واحده غبيه بتختار غلط
روان : غلط صح هي حره
جمال : افهمني ي اابني احنا مبعنهاش واالله مبعناها هي اتخطفت واحنا دورنا عليها لحد م لقينا جثتها ودفناها وبس منعرفش حاجه
عاصم : ونا قولتلك احنا ملناش دعوه بالتخلف ده ازاي تدفن واحده من غير متشوف وشها ازاي ده انت راجل متخلف
روان : راحت زقت عاصم بعيد وكانت هتصربه بالقلم راح مسك ايدها ورزعها هو قلم ع وشها ومحمد ادايق جدا ومسك عاصم من هدومه وكان هيرزعه ف الحيطه وال بعده عنه المسدس ال عاصم طلعه من جيبه وحطه ع دماغ محمد ..."
عاصم: بصو كده انتو كلكم زي بعض محمد اتجوز روان وعيشو سوا مع اهلها الجمال دول وكونو اسره سعيده ، محدش بقا ليه دعوه بحياه خالص
جمال : انا مش هسيب بنتي ي عاصم
عاصم : بصراحه مشفتش بجاحه كده، انت سبتها اكتر من 10 سنين وجاي دلوقت تقول عايزها اي ده بجد
روان : انت عايز تاخد حاجه مش من حقك
عاصم : ايوة .. "ومشي وسابهم"
حياه : فونها رن ومسكته لقيت باباها فضلت متردده ترد عليه ول لا لحد م ردت " ايوة ي بابا
مؤنس : حبيبتي انتي بخير
حياه : ايوة متقلقش عليا
مؤنس : الدكتور ف المستشفي كلمني وقالي ان بنتك كانت هنا ، خير اي ال حصلك
حياه : بصراحه ي بابا ف ناس حاولو يخطفوني ويعتدو علياا
مؤنس : نعمممممممم ؟! انتي بتقولي اي ومين هم الناس دي
حياه : فارس ي بابا وواحد تاني
مؤنس : ده ليله امه سودا ، سلام دلوقت "مؤنس فضل يرن ع فارس راح قفل تلفونه وقاعد ف البيت ياكل ف نفسه"
مريم : اي ال حاااصل
مؤنس : فاارس الكلب كان عايز يتهجم ع حيااه ي مريم ، بيخالف اوامري وعايز يغتصبها ااه ي اابن الكلب والله لماا اشوفك انا مقولتلوش كداا ي مريم
مريم : وفارس لي يعمل كدا
مؤنس : معرفش ي مريم بس لما اشوفو
مريم : وعرف يعمل فيها حاجه
مؤنس : لا هي مخبوطه بس اكيد حاول ومعرفش حياه تربيتنا بردو
........
"بالليل وعاصم رجع من برا "
مشيره : ع فين
عاصم : فوق
تاليا : مش هتتعشي معايا ولا طنط حياه اخدتك مني
عاصم : راح حضنها " لا مفيش حد يقدر ياخدني منك ، طب يستي انا هروح انادمها واجي ناكل كلنا ماشي
تاليا : ماشي
"وطلع لقي حياه نايمه ومتغطيه ، قرب منها بهدوء وقعد ع السرير وقرب من وشها وباسها وايديه ع جسمها لحد م فاقت وصرخت رح حط ايده ع بوقها "
عاصم : اهدي اصل كنت بشوف نفسي فاكر ولا نسيت الحاجات دي معلش
حياه : ضحكت وعدلت وشها بعيد" هو انت بتنسا يعني
عاصم: مهو من كتر منتي بتبعدي عني طيب اعمل اي ، مطولتكيش غير مره واحده ، مش قادر اغصب عليكي تاني
حياه : معلش بقا ، نا جعانه اوي
عاصم : اه صح هم مجهزين العشا تعالي ننزل
حياه : ماشي هقوم البس بيجامه طويله
عاصم : تمام "وقربت من الدولاب ومقدرش يبعد اكتر من كده وقرب منها وحضنها من ضهرها " انا بحبك اوي ي حياه
ونا جوزك ع سنه الله ورسوله ي حياه ايوة معملناش فرح ولا حد يعرف بس هيجي اليوم ال الناس كلها هتعرف فيه وتشوف فرحنا
حياه : اتعدلت ليه وبعدت عنه "ونا كنت بحبك
عاصم : كنتي ومازلتي "واخدها ع السرير"
_________
تاليا : تيته انا جعانه اوي وبابا لسه منزلش
مشيره : خلاص. تعالي ناكل انا كمان جعانه ومش هستناه تاني اقعد ي حسام يلا
حسام : ماشي
تاليا : وبابا وطنط حياه
مشيره : روحيلهم نادميهم
تاليا : حاضر "وطلعت خبطت ع الباب كتير وعاصم مرضيش يفتح .."
حياه : بصوت واطي" روح اافتح متفضحناش
عاصم : والله ميحصل انا مصدقت ، امشي ي زفته انتي ااامشي من عند الباب انا مش هفتح ع فكره
"تاليا زعلت ونزلت تحت "
مشيره: ها جايين
تاليا : لا بابا زعقلي وقالي مش هيفتحلي
مشيره:ضحكت " والله كنت عارفه انو مش هيفتحلك شوفو الواد
حسام : ضحك " اه منك ي ست مشيره ، طب بطلعيلو البت لي بدل متقوليلها متطلعيش سيبيه يعيش وياخد راحته ولا كمان هنق عليه ف دي، اه معلش اصل داود هيرجع كمان شهر ف انتي غيرانه من حياه
مشيره : ي اابن الجزمه بتقولي انا كدا "ومسكت الشبشب وشوته عليه وهو بعد "
حسام : ضحك " اقول اي طيب اصل المفروض انا ال اغير مش
انتي
مشيره : ي جزمه ي حسام والله ماشي ..
"" التكمله ف البارت السابع عشر ، دينا "
تفاعل
كومنتس
اكمل ول لا
اااسفه ع التأخير. واي حد دعالي ربنااا يكرمه ياارب
حليت النهردا ف الامتحان
بليل هنزل بارتين تاني لو لقيت تفاعل
ملكتي روحي
البارت ( 17 )
محمد: هنعمل اي دلوقت
روان : لازم حياااه تعرف ده لازم ونشوف رأيها هي ، تعتقد هتقبل ول لا ي محمد
محمد : معرفش صدقيني مش هقدر اقولك كلام غلط ، بس اكيد صدمه ليها وف نفس الوقت خايف لمؤنس يأذيها ع الاقل احنا هنا متخبيين اما هي هتبقا قدامه هي ال هتبقا ف الوش خايف لما احنا نقولها بدل منسعدها هننهي حياتها وساعتها بقا احنا كلنا هنموت ع ايد عاصم قبل مؤنس ميقتلنا عاصم هو ال هيخلص علينا عشان دي حبيبه حياته
روان : يارب ع الحيره دي بس انا مش عارفه اعمل اي ، طب مينفعش نقول ل حياه ونبلغها ان ده سر
محمد : فكري بدماغك شويه بقا حياه مجنونه ومش هتسمع منك ولو سمعت كلامك هتقول ل مؤنس ، افهميني شويه بقا
روان : انت لي مش عايزني اوصل لاختي ولا تكون بتحبها انت كمان زي عاصم
محمد : بعد كل ال بعملو عشانك تقولي كده ، شكرا ي ستي انا غلطان ان حاولت اساعدك وانا غلطان ان عرفتك مكان اختك وانا غلطان ان بحاول احافظلك ع حياتها ، هي لو ماتت او عاشت انا مش خسران حاجه بس انتي ال هتخسري كل حاجه ، انا يستي هسيبك كملي بقا ورجعي حياه ليكم .....
جمال : لي عملتي كده ي روان ميمكن كلامه صح
روان : خلاص ي بابا حياه لازم تعرف بجد انا مش هسكت ولا قادره اصبر اكتر من كده ..
"الصبح وعاصم قام اخد دوش وطلع وقف ف البلكونه وبيشرب سجاره ولقي فونه رن "
عاصم : اه ي لميس
لميس : تعلالي فورا
عاصم : لي ع الصبح كده
لميس ؛ قولت عااايزاااك هتيجي ولا اجيلك انااا
عاصم : لالا تيجي اااي مش هينفع خاالص انا هجيلك
لميس : يلا دلوقت
عاصم ؛ حااضر "دخل ع اوضته ولبس وراحلها ... ع الضهر وحياه قامت اخدت دوش ونزلت تحت اكلت معاهم ولقيت فونها اتبعتلو رساله من رقم غريب .."
لميس : جوزك ف حضني دلوقت تحبي ابعتلك الصور "حياه اتصدمت من كلامها وادايقت جدا وسابت الاكل وقامت "
حياه :بعتت رساله" اه ابعتيلي ااصور او قوليلي انتو فين "قالتلها ع العنوان وسابتلها باب الشقه موارب ، حياه وصلت وفتحت الباب بعصبيه وسمعت صوته ف اوضه وجريت عليها وفتحت الباب ولقيته معاها ع السرير واول م شاف حياه راح بعد عن لميس "
عاصم : حيااه ...
حياه : والله مصدقتها لما قالتلي اقسم باالله مصدقت ، انت ي عاصم
هو ده حبك ليا
هو ده انك عايز تحافظ عليا وخدتني من اهلي وخدتني من جوزي عشان تعيشني مع شخصيه زباله كده خسرتني كل حاجه ودمرت حياتي ومستقبلي ، منا كنت هعيش مبسوطه مع فارس بس لا انت حبيت تكسرني ووتتعبني طب ليييي يعني انا عملتلك اي لي بتعمل فيااا كدا ، قد اي انا غبيه وانت عرفت تخدعني قد اي ، روح ولم من الشوارع دول اخرك ، ونا هستنا ورقه طلاقي مش هستنضف ان ابق علي زمتك يوم تاني والله "بكت ونزلت ع عربيتها وفضلت قاعده تبكي ع الموقف ال حصل ، عاصم لبس بسرعه شديده ونزل ليها وفتح العربيه وركب "
عاصم : انتي مش فاهمه حاجه والله ااهدي شويه وهفهمك
حياه : تفهمني اااي تفهمني انك ضحكت عليا ، ي ابني هو نا قولتلك تعالا اتجوزني بالعافيا ولا انت ال عملت كده من نفسك ، لولا الحركه الزباله ال انت عملتها انا كان زماني عايشه مبسوطه مع فارس واهو واحد متجوزاه قدام العالم كله مش انت ال تكتب عليا كده ولا من شاف ولا مندري ، انت ال اخدتني منه وكمان بتخوني ياخي اتقي الله شويه بقاااا
عاصم : طب ممكن تبطلي بكااا ونا هفهمك
حياه : هتفهمني اي ولا تبرر اي انا شيفااك بعيني معاهاا مش حد قايلي ، تعرف لو حد بلغني والله م كنت هصدقو والله العظيم ، حبك ليااا كدبه ولازم ننهيها ي عاصم
عاصم : والله م كدب خالص صدقيني ، ي حياه اانا بحببك انتي وبعشقك والله ، ي بنتي اااسكتي بقا خليني ااافهمك "حياه طلعت برا العربيه ولقيت الدنيا لفت بيها ووقعت من طولها وهو راح شالها وخدها ع عربيته وطلع ع المستشفي ..."
الدكتور : اي ي عاصم مش قولنا تخليها تهتم بنفسها ومتجهدش روحها ، دي مش بتاكل وجسمها ضعيف اااوي مش هتقدر تستحمل اي حاجه
عاصم : هي اه مبتاكلش كتير يعني هو ده ال بيتعبها
الدكتور : اه هو ده انت لو قعدت يومين مبتاكلش هتقع من طولك مبالك هي ال جسمها ضعيف وعندها انيميا ده انتو تحمدو ربكم ان شعرها موقعش ولا حصلها حاجه وحشه لقدر الله يبقا تهتم بقا بنفسها الانيميا مش كويسه ، خلي بالك منها مش هقول تاني
"عاصم دخل ليها وعدلت وشها الناحيه التانيه "
عاصم : ال انتي شوفتيها دي بتكون اخت مراتي الله يرحمها ، بنت مش تمام وكانت بتحبني حتي ونا متجوز همس كانت بتجيلي واختها برا وكنت بمنعها ويمكن كمان كانت بتتمني اختها تموت بسرعه عشان تاخدني انا ، بردو بعد م ما ماتت همس جاتلي المكتب وكده بس نا عمري م حبيتها ولا قبل م همس تموت ولا بعد ، انا فضلت اكرهها لحد مشوفتك واتعلقت بيكي ، بعدين عرفت انك مش هتكوني ليا لما سمعت انك مخطوبه ضعفت انا بقا وقربت منها، اتجوزتها عرفي عشان دي متشرفش انها تكون مراتي ف يوم من الايام ، مكنتش عارف بعمل اي وتايه وعايز انساكي واشيل حبي ليكي من قلبي بس فشلت ف كده وقررت اني عمري مهسيبك لانك مش هتتنسي ابدا ، دي حقيقه ي حياه ولازم تصدقيني لاني مش بكدب عليكي
انهردا بقا رنت عليا وقالتلي اني اروحلها لحسن لو مروحتش ليها هتجيلي ونا خفت لانتي تعرفي وخفت ع زعلك ف اطريت اني اروح
ادي كل الحكايه ي حياه انا مخنتكيش ولا هقدر اعمل كده .. طب ردي عليا ع الاقل
حياه : بزعيق" ااامشي من وشي بقاااا مش عايزه اشوفك اااقسم بالله م عايزه اشوفك كل م اقول هاجي ع نفسي عشانك بندم وندمانه ع ليله امبارح ، انت مكنتش تستحق ان استسلم ليك ولو لمره واحده انت متستهلنيش ي عاااصم انت تروح للاشكال الزباله ال تشبهك روحلهم .. انت لسه واقف بقولك روحلهم انت مبتسمعش ، ي دكتووووور اااي حد يبعد الشخص ده عنييي "عاصم اتعصب جدا ومشي وهي بكت وبعد شويه مسحت دموعها وشالت المحلول من ايدها وجايا تمشي ولقيت ال حضنتها راحت حياه زقتها بعيد"
حياه : انتي مجنونة ي بت انتي ولا عبيطه انا سمحتلك تحضنيني ولا نا من بقيه اهلك ، انتي هتفضلي تلفي ورايا لحد امتي لو عايزه فلوس قوليلي هديكي ال انتي عايزه بس تغوري من وشي انا كل م اتحرك ف حته بشوفك ونا فيا ال مكفيني مش عايزه اغلط فيكيييي
روان : هو انتي لسه مغلطتيش
حياه :اه تحبي تشوفي الغلط
روان: لا محبش بس ف حوار كنت عايزه اكلمك فيه ومش هينفع اكلمك وانتي متعصبه كده
حياه : احسن متكلمنيش بقا ومتجيليش تاني
روان : مسكت دراعها " الحوار ده لازم تعرفيه
حياه : انتي ازاي تتجرأي تمسكي ايدي كده ، اابعدي عني
روان : انتي من امتي كنتي كده ي حياه
حياه : وانتي تعرفي عني اي عشان تقولي كده ممكن تحلي عن سمايا
روان : معرفكيش بما فيه الكفايه بس ال سالتهم قالو عليكي احسن كلام ف الدنيا وقالو انك اطيب بنت وانك اابنت المثاليه بس ال انا شيفاها دي ولا مثاليه ولا نيله
حياه : انا مش مثاليه ومش عايزه اكون كده نا عاديه خالص ممكن امشي بقا
روان : طب تعالي معايا لان باباكي ومامتك الحقيقين مستنين يشوفوكي
حياه : بابايا ومامتي الحقيقين ؟ اي الكلام ده ؟
روان : زي مسمعتي ، ممكن تبصي معايا ع الورقه دي
حياه : اي دي
روان : انتي هتسألي من قبل متقري
حياه : تحليل DNA بتاع مين ؟
روان : بتاعك انتي وباباكي جمال وماماتك منار
حياه : جمال ومنار "قلبها اتقبض" مين الناس دي
روان : امك وابوكي ي حياه ال انتي عايشه معاهم مش اهلك
حياه : عيونها دمعت وبصت ف التحاليل ولقيته تحاليلها وتحاليل جمال ومنار مطابقين لبعض ، بصت ل روان بصدمه ومن غير متنطق ولا كلمه "
____________
محمد : الو ي عاصم
عاصم : ننننعممم ي استاذ انت عايز اي مني
محمد : نا اتخانقت مع روان بسبب حوار حياه وانها متروحش تبلغها بالحقيقه
عاصم : اه وبعدين
محمد : بس هي اعترضت ع كدااا وعايزه تروح تبلغها ف اسرع وقت بترجاك امنعها لو عايز حياه تعيش ، متبسش حياه لوحدها ولو لثانيه وامنع روان من انها تدخل ليها ..
عاصم : حاضر تمام ولو ف اي جديد بلغني
محمد : ابويا مات بسبب انه هدد مؤنس وقالو انو هيقول ل حياه الحقيقه راح قتلو قبل ميقولها يعني مؤنس لو عرف ان حياه عرفت حقيقته هيقتلها قبل متروح تبلغ عنه ، انت بتحبها ومتضيعهاش من ايدك متخليش نهايتها ع ايد واحد زي ده .....
___________
روان : دي حقيقه ي حياه ولازم تتقبلي كده ، مؤنس ومريم مش اهلك والله العظيم مش اهلك انتي اتخطفتي ومؤنس خلاكي نسيتي كل حاجه ي حياه نسيتي اهلك ال بجد نسيتي اختك وملو دماغك زي مهم عايزين ، مؤنس ومراتو اساسا مبيخلفوش ازاي هيجبوكي انتي
احنا كنا عايزين نعمل تحاليل تاني ليكي وليهم بس هناخد دم منهم ازاي مقدرناش ، عرفتي بقا عاصم عايز ياخدك منهم ليه عشان انتي مش بنتهم مش عايزك تعيشي مع ناس خطر زي دي ي حياه هو خاف عليكي وانتي مكنتيش بتسمعي الكلام ف عشان كدا كان بياخدك عنده بقسوه وغصب عاصم حبك بجد ومش هيستحمل يشوف فيكي حاجه وحشه ...
"الورقه وقعت من ايد حياه ومسكت دماغها بوجع والم ووقعت من طولها من الصدمه .......
" التكمله ف البارت الثامن عشر ، دينا "
تفاعل
اكمل ول لا
ملكتي روحي
البارت ( 18 )
"عاصم راح ع المستشفي ولقي روان واقفه تبكي "
عاصم : ف اي ؟؟ حياه كويسه ، انا سايبها كويسه !!
روان : انا غلطتت ي عاصم غلطتت اوي
عاصم : عملتي ال انتي عايزاه !! قولتي ل حياه ع السر
روان : كان لازم اعمل كده كان لازم اوديها لامها وابوها
عاصم : "رفع ايده عليها وكان هيرزعها قلم بس منع نفسه ع اخر لحظه وكلمها بزعيق " حرام عليكيي لي كدااا لي عملتي كده احنا مش اتكلمنا ف الحوار ده وقولنااا بلاش لي عايزه تفتحيه تاني متقعدي مع امك وابوكي وانسوها بقا زي مكنتو ناسينها ومعتبرينها ميته ارحمي بقاا خلاص البت عايشه مبسوطه اكيد انتو مش بتتمنولها غير السعاده عايزين تخلصو عليها لي ، انا لو لقيت ف وقت يسمح اننا نقولها كنت هبلغها بس ف الوقت المناسب مش كده بقا صدمه ورا صدمه البت هتتعب وهي تعبانه وحدها
روان : مكنتش اعرف انها تعبانه ، الدكتور قال حالتها صعبه وقلبها تعب من الصدمات ي عاصم انا مش عايزه اضيعها من ايدي بعد م لقيتها
عاصم : بعمااايلك دي هتضيعها واقسملك باللله لو حياه راحت مني مهيكفيني فيكي روحك ي روان "وحط ايده ع رقبتها وهي شالت ايده بالعافيا وفضلت تكح ، عاصم راح يتكلم مع الدكتور "
عاصم : اي ال حاصل تاني
الدكتور : قلبها تعب اتقبض مره واحده ، وقف واشتغل تاني ، حاجه حصلت ليها بسبب زعل او ضرب او خوف او صدمه ، لي كل شويه تعرضوها لكده المشكله انها مش بتستحمل حاجه
عاصم: طب وبعدين هنتصرف ازاي
الدكتور : والله هي دخلت ف غيبوبه والله اعلم هتفوق امتي انهردا بكره هتطول والله دي حاجه بامر ربنا "عاصم مشي وهو متعصب جدا وقعد ع كرسي قدام اوضه حياه ومش عارف يعمل اي ويتصرف ازاي ، ساند دماغه ع ايديه وباصص ف الارض "
روان : الدكتور قالك اي
عاصم : حاجه متخصكيش
روان : دي اختي
عاصم : متنطقيش الكلمه دي ع لسانك تاني بصي ااخفي من وشييي وربي هقتلك لو شوفتك ف وشي "روان خافت منه ومشت ، عاصم قاعد ولقي ال وقف قدامه وف ايده مسدس وبيرفع وشه لفوق لقيه مؤنس ، سمع صوت بينادي عليه وبتقول ي بابا وعدل وشه ع يمينه ولقي بنته رابطين ايدها واتنين واقفين جنبها وواحد منهم حاطت سكينه ع رقبتها راح اتخض ووقف ومؤنس حط المسدس ع دماغه"
عاصم : نا ماشي موتني ، بنتي لا متلعبش معايا بالطريقه الوسخه دي مؤنس
مؤنس : انا ولا هموتك انت ولا بنتك ده ف حاله واحده
عاصم : اي هي
مؤنس : انك تبعد عن حياه نهائي وتشطبها من افكارك وتطلع معايا ع المأزون حالا عشان تطلقها "عاصم سكت وبعدين سمع بنته وهي بتبكي وبتقولو الحقني "
عاصم : موافق هعمل ال انت عايزه
مؤنس : حلو ومتخفش انا مش هكسر قلبها ولا حاجه لانك انت ال كسرت قلبها لما شافتك بتخونها ، البركه ف لميس وخدت اتعابها والله تشكر
عاصم : كنت متفق معاها ؟
مؤنس : اكيد مهي خطه الخطف فشلت كان لازم ادور ع خطه تانيه اكره حياه فيك ، اوعا تكون فاكر اني مش بدور وراك زي منت بادور ورايا لالا انا عارف عنك حاجات كتير ي عاصم متستغربش
ونا مش هسيبك لحد متقول لبنتي ع حقيقه شغلي ، كفايه عليها صدمتها فيك
عاصم : قال لنفسه هي فعلا لسه معرفتش حقيقه شغلك ال انا عارفها بس هي عرفت حقيقه تاني واصخم من حوار شغلك ده ، عرفت انك مش ابوها ، مؤنس لما يعرف من حياه اول متفوق هيروح قاتلها ومحدش هيعرفلها طريق ، اتصرف ازاي دلوقت لو سبتهالو يبقا سبتها للموت باديا..."
مؤنس :ي جماعه شكل عاصم رجع ف كلامه خلصو ع البنت
عاصم : لالا بترجاكم خلاص نا موافق والله موافق ع كل كلمه قولتها "وجري ع تاليا وخدها ف حضنه "قولولي عايزين اي تعالا نروح عند المأذون
مؤنس : يلا بينا هاتوه ع العربيه
عاصم : مش محتاج حد يجبني نا معاك اهو
مؤنس : تمام ، ابعتو باقي الرجاله ياخدو حياه ع بيتي بالاجهزه المطلوبه ووخلو دكتور يروح معاها عشان يهتم بصحتها ، انا هعالج بنتي ف بيتها مش ف مستشفيات
عاصم : حط ايده ع وشه وقال لنفسه " كمان هيخدها ع بيته يعني محدش هيعرف يوصلو ابدا ولا يوصل لحياه واول متفوق هتقولو انه مش ابوها وهو هيموتهاا ياارب هو عشان انقذ بنتي من الموت اضحي بيهاا ..... "
"راحو للمأذون ومضي ع ورقه طلاقه منها ومشي هو وبنته ع البيت ال لقاه مبهدل ورجاله الامن مضروبين بالنار والاسعافات قدام الباب ، دخل جوه يجري ولقي امه قاعده تبكي هي وفاتن ع حسام ال واقع ف الارض وغرقان ف دمه ، جري عليه وشاله وطلعو ع عربيه الاسعاف وفاتن وعاصم ركبو معاه وسابو مشيره وتاليا ف البيت "
مشيره :قاعده تبكي وتصرخ" منكك لله ي حياااه يااارب تموتي ي حياه ، كل ده بسببك كل ال بيحصلنا ده بسببك ، حسبي الله ونعمه الوكيل فيككي ، مش قادره ادعي عليك ي عاصم ، يوم ما يحب يحب بنت مجرم زي ده لي كده لي كده ي اااابني لي "رنت ع داود وحكتلو ال حصل وهيجي ع اول طياره .. "
"فاتن قاعده ف المستشفي وعماله تقرا قرءان وتبكي وعاصم قاعد يهديها "
عاصم : هيبقا تمام والله متقلقيش ي حبيبتي
"الدكتور طمنهم عليه وانها طلقه ف الكتف وطلعوها وهيبقا تمام طمنو امهم وبالليل متأخر حسام فاق وكلموه ورجعو بيه البييت ، تاني يوم وعاصم طلع ع المحطه كمل شغله وخلال ساعه رجع ع البيت وجاب رجاله امن. جداد وعمل تصليحات ف البيت والقزاز ال اتكسر وجب خدم كتير عملو نضافه كامله ف البيت كله وبعدها طلع ع المحطه وقاعد ف مكتبو "
___
فاتن : حبيبتي الرجاله ال اخدوكي عملو فيكي حاجه
تاليا : لا ي عمتو دول ودوني عند بابا
فاتن : متعرفيش كانو عايزينك لي
تاليا : عشان يخلو بابا يطلق حياه ، لي هم عايزينو يسبها
مشيره : هي السبب ف كل ده ي تاليا متفكريش فيها
وباباكي ع كده طلقها ول لا
تاليا : طلقها
فاتن : حبيبي والله باين عليه الزعل ي امي
مشيره : يزعل ولا يتفلق
فاتن : حرام عليكي متبقيش قاسيه كده ...
____
عاصم : قاعد سرحان وبيفكر فيها وبيقول لنفسه " يترا اي ال حصلك ي حياه ، يترا مؤنس هيعمل فيكي اي ، وهل كده حكايتي خلصت معاكي طب انا بايدي اي اعملو ، اقوم حرب بيني وبين مؤنس عشانك واضيع بنتي واهلي ، لا مش هينفع اانا هكون الخسران ... "الباب خبط ودخلت روان "
روان : انا اسفه اني جيت بس انا روحت المستشفي عند حياه ملقتهاش ، هي فين انت وديتها فين
عاصم : ياريت كانت تبقا معايا ، كنت بتمنا
مؤنس خدهاا مني
روان : وانت سبتهالو لي انت عارف انها مش بنته
عاصم : لو كان عليا مكنتش بعدتها عن حضني ابدا ولا خليتها تروح عند مؤنس ولا عند ابوكي
روان : طب احنا عايزين نجيبها من مؤنس
عاصم : اتفضلي روحي هاتيها عشان لو فاقت من الغيبوبه هتخرب الدنيا وهتموت ، عليكي انك تجيبيهاا قبل م تفوق يلا
روان : وانت مش هتساعدني
عاصم : مش هقدر
روان : انت اناني
عاصم : انتي ال انانيه ، لو حياه ماتت هتبقي انتي السبب في موتها لان انتي ال روحتي قولتيلها مش انااا ، مؤنس عمره مهيأذيها طول مهي مش عارفه الحقيقه بس انتي عرفتيها ، اشربي بقا ، روحي واجهي مؤنس عشان يقتلك انتي واهلك ومش هتاخدي ف ايدهم ثانيه ولا حد هيعرفلكم طريق ولا حد هيسأل فيكم ..
"مشت روان وراحت لمحمد وبعد فتره وداود راح ع المحطه"
داود : اي كل المشاكل ال حاصله دي ي بيه
عاصم : خلاص المشاكل خلصت بعد ازنك
داود : استنا" لو بتحبها بجد مش هتستسلم بسهوله
عاصم : اعمل اي ونا شايف عيلتي محاوطها الخطر من كل ناحيه
داود : تحب اسافر واخدلك امك وبنتك واخوك ، هتعرف تتعامل لوحدك مع مؤنس ؟
عاصم : هو شديد
داود :بس انت قده
عاصم : عليك حركات
دايما تدخلنا ف تجارب مش قدها
داود : م عشان تتعلم تتصرف لوحدك بعد كده ، براحتك انا قولتلك انقذ حبك ووقفت معاك ف كده عشان عرفت انك بتحب بجد
مش عايز يبقا احسن بردو
عاصم : خدهم وسافر ونا هواجهه مؤنس ..
_____
"مؤنس واقف ف اوضه حياه هو ومريم"
مريم : مش عارفه لي كل ده مفقتش من الغيبوبه ، للدرجادي صدمتها ف عاصم كانت قويه
مؤنس : او ممكن صدمتها ف حاجه تاني
مريم : قصدك اي
مؤنس : قصدي صدمتها فيا ، يمكن عرفت عني حاجه ي مريم ، امال انا اخدتها هنا لي عشان اول متفتح عينها اعرف منها اي ال عرفتو ولو طلع ال ف بالي صح وسمعت عني حاجه هخلص عليها قبل مهي ال تبلغ عني وتخلص عليا ، لازم الحقها بس تفوووق ونا مش هطلعها من البيت ده تاني سواء عرفت ول لا
مريم : هي اكيد متعرفش حاجه
مؤنس : بتمنااا
مريم : يعني لو هي معرفتش حاجه هتأذيها بردو
مؤنس : بدماغك انتي هأذيها لي ونبي طلاما هي مش هتوديني ف داهيااا ، قولتلك انا مش عايز البنت دي تبقا خطر عليا ، مهو مفيش غير حلين لانا ال هخلص عليها ل هي ال هتخلص علياا ونا مش هسمح لبنت زي دي تدخلني السجن ي مريم
__
روان : عرفت اخر اخبار
محمد : لا
روان : مؤنس اخد حياه وحبسها ف بيته
محمد : نعم ازاي ده وعاصم ازاي سمحلو بكدا
روان : بيقول انو خطف بنته وكان هيقتلها ف اضطر يضحي بحياه عشان بنته
محمد : هي وصلت لكده ، مؤنس ده خطر ولو حياه صحيت وقالت انها مش بنته هيقتلها ومحدش هيسمع بيها ي روان
روان : ااانا غلطت بس اعمل اي دلوقت اصلح الغلطه دي ازاي
محمد : انا معرفش ومش مسؤل عن تصرفك ده انتي خربتي الدنيا كانت هتبقا عايشه ف امان وهي متعرفش لكن دلوقت لازم نقلق عليها
روان : طب والعمل
محمد : دي غلطتك انتي انا حاولت احافظلك ع اختك وانتي مخلتنيش اعمل كده ، ودي مش اختي نا مليش دعوه بيكم بعد ازنك ....
" التكمله ف البارت التاسع عشر ، دينا "
تفااعل
كومنتتسس
اكمل ول لا
ملكتي روحي
البارت ( 19 )
داود : لازم نسيب عاصم هنا لوحده يتولي امر نفسه
مشيره : انا مستحيل اعمل كده واسيب ابني وسط مجرمين وامشي ، حتي لو مؤنس عمل في حاجه هيبقا لوحده مين هينقذه مين ايدين مؤنس ، مين هيبقا جنبه ويساعدو ويقف جنبو لو اضرب او حاجه ، انت فكرت كويس قبل متاخد قرار زي ده
بص ي داود انا مستحيل اسيب عاصم ، انت سامعني مستحيل اسيبه
داود : وحبيبته
مشيره : خلاص هو ال خلقها مخلقش غيرها يبقا يشوفله واحده غيرها بقاا لي لازم يجري ورا راحد وراها مشاكل لي
داود : النصيب هو ال اختار كده
ومتنسيش ان مؤنس كان بيخاف من عاصم عشان الحاجات ال هو عارفها عنه لكن زي م عاصم لاوي دراع مؤنس ، مؤنس لعبها صح وخد بنت عاصم عشان يلوي دراعو ومش بس لوا دراعه لا ده قطعه خااالص ، عاصم ميقدرش يعمل اي مشكله مع مؤنس حتي التبليغ عنه بردو مش هيقدر يبلغ لانه هيبقا عارف ان بنته هتتأذي ولا هتموت ومش هتفرق مع مؤنس ف حاجه يبقا لازم ناخد تاليا وانتي وحسام ونمشي
مشيره : مش همشي من هنا واسيبو وهو خليه يبعد عن مؤنس وبنت مؤنس ومشاااكل مؤنس وينسس الامر
"عاصم طلع من المحطه وركب عربيته ومشي وقرب من البيت ووكان ملاحظ عربيتين طالعين ورا من ساعه مكان ف المحطه ، غير طريقه وبدأ يمشي ف اماكن تانيه والعربيتين بدأو يزنقو عليه جامد لحد م خبطو ونزلو رجاله وخدو عاصم وفضلو يضربو فيه جامد واتكاترو عليه وهو مقدرش يعمل حاجه بسبب كترتهم وضربهم المتواصل لحد م وقع خالص ومقدرش يقوم ، كان مفتح بس مش حاسس بالدنيا ، اخدو ف العربيه ورابطين ايديه ورموه ف جراش وجالو فارس ومعاه هند ..."
فارس : اقدر عليك مش كده ، اي رايك فيا
عاصم :بيتكلم بتعب وبينهد" راي فيك ؟ انت عملت اي ، انت لو جتلي لوحدك كنت عرفتك مقامك كويس ي فارس الكلب بس انت للاسف مره ، لو كنت راجل كنت جيت واجهتني وش ل وش
فارس : قرب منه وضربه برجله ف بطنه " احترم نفسك بدل م اخرك معايا طلقه وارتاح منك ومن قلقك ، بس انا جايبك هنا عشان اعرف منك حاجه واحده ، فين مكان حياه انت مخبيها فين
عاصم : حياه مش معايا وحتي لو معايا فاكرني هقولكك
بس غريبه ازاي انت شغال مع مؤنس ومتعرفش ان بنته معاه
فارس: كنت مع مؤنس بس مؤنس مقدرش يحافظلي ع حياه وادهالك انت بسهوله مع انها مكتوبالي من ساعه م شفتها ، اصل ال انت متعرفوش ان حياه مش بتكون بنت مؤنس ، وال متعرفوش بردو ان انا بكون ابن شعيب ، شعيب ده شريك مؤنس ف كل حاجه وهو ال خطفلو حياه ومؤنس خدها يربيها ، وشعيب ده ال انت اتفقت معاه ع اذيه هند ..
عاصم : عرف ان كلهم عصابه ف بعض والوحيده الي مش شبههم هي حياه ولازم يطلعها من وسط الشر ال محاوطها ده كله .."
هند : طبعا مؤنس طلب من فارس انو يخطف حياه بس قالو يحبسها ف اوضه ضلمه ، بس فارس كان غرضه اكبر من كده ، وكان هيعتدي عليها زي منت عملت كده معايا وبعتلي ناس اعتدو عليا ، وكمان كان هيعمل كده فيها عشان ياخد حقه منك زي م اخدتها منه يوم فرحه ، احنا الاتنين حطينا ادينا ف ادين بعض ومش هنسيبك ي عاصم غير لما نموتك بحصرتك ع حياه ، هوريك اي ال هنعمله فيها الاول وبعدين هنخلص منك وانا ال هخلص منك بادياا ...
"سابو ومشيو وعاصم بيحاول يقوم ووقف ع حيله ومش عارف يتصرف ولا لاقي مخرج ......"
_______
"حياه فتحت عيونها وكانت مرعوبه من الكلام ال سمعت ابوها بيقولو ، فضلت عامله نفسها تعبانه لحد مسمعت مؤنس ومريم خارجين برا وبعدها قامت وطلعت تدور ع اي تلفون تتواصل بيه مع اي حد لحد ملقيت تلفونها واول حد رنت عليه عاصم ، رنت كذا مره ومحدش رد واطرت ترن ع نهله صحبتها وكلمتها .......... طلعت برا من الباب الخلفي ال في الجنينه وفارس كان ماشي بالعربيه وشافها راح نزل خدها ع العربيه "
فارس : انتي خفيتي اهو
حياه : فارس بترجاك سبني اامشي بقا
فارس : هرباانه من ااي
حياه: من مؤنس
فارس : لي ؟ وبتقولي مؤنس يعني مش بابا
حياه : ي فارس افهم انا هقولك حاجه واعتبرها سر ، انا مش بنت الراجل ده ده خاطفني من زمان
فارس : ونتي لسه فاكره دلوقت
حياه : منا لسه عارفه دلوقت ، فارس ساعدني امشي من عنده ونا هعملك كل ال انت عايزه بس اتجدعن معايا لو مره واحده بس
فارس : هساعدك بس بشرط
حياه : اي هو
فارس : ترجعيلي ، نتجوز ي حياه "لف ايديه حوالين وسطها ولزقها فيه وهي ااترعشت "موافقه ؟
حياه : ابعد ااابعد ، انا مواقفه بس ساعدني ف للاول
فارس : حاضر ، اول حاجه لازم ترجعي البيت لان لو مؤنس رجع وملقكيش هيعرف ع طول انك هربتي لما كشفتي سرو ومش هسيبك والله لو استخبيتي ف بطن الحوت هيجيبك ي حياه وهيقتلك ارجعي ع البيت ونامي وكأن لسه عندك الغيبوبه وبعدين انا هخدك وهقولو انا هتصرفلك فيها متقلقيش
حياه : شايف كدا
فارس : ايوة يلا جري ونا مش هسيبك ي حياه .. "وسمعت كلامه وجريت ع البيت ونامت قبل م مؤنس يجي ...."
"فارس قال ل هند تروح تودي اكل ل عاصم، دخلتلو بالاكل وحطته ف الارض وقربت من عاصم وطلعت مناديل بتمسحله الدم ال عند وشه وشفايفه وعدلته من ع الارض وسندت ضهره ع الحيطه "
عاصم : بتعب " مبسوطه وانتي شيفاني كدا
هند : بصت بعيد " لا هتبسط لي
عاصم : امال بتساعدي فارس ع ازيتي لي
هند : انت ازتنا ف الاول ي عاصم ، غير الحوار هأكلك
عاصم : مبحبش حد يأكلني ، فكيلي ايدي وانا هاكل لوحدي
هند : مش هقدر افك ايدك ي عاصم
عاصم : تمام ومتقربيش ايدك ناحيتي
هند : بس لازم تاكل
عاصم : لا مش لازم انتو كدا كدا عايزين تموتوني ..
هند : مش هسمح لفارس انو يموتك "قربت منه وبترجع شعره لورا وهو قرب عليها مره واحده وباسها وهي بادلته نفس مشاعره وحطت ايدها ع ضهره وقعدت ع رجله ، بعدت عنه وفكت ايده وخدتو ع الفيلا ودتو ع اوضتها ..."
___
"تاني يوم "
داود : انا هموت من قلقي ع عاصم ي مشيره ، هو متعود يبات برا كدا ول اي
مشيره : لا مش متعود ي داود والله مش متعود ودايما يجي ع البيت ع طول ، نا خايفه ي داود خايفه لمؤنس يكون عمل فيه حاجه وانت السبب انت ال حطيت ف دماغه فكره حبه وانه لازم ينقذ حبه من ايدين مؤنس بدل متعقله بتوديه للخطر برجليه حرام عليك ي داود "قعدت تبكي وداود ندم ع ال كلام ال قالو ل عاصم وخلاص مش عايز يكون ليه علاقه بينه وبين مؤنس تاني وهو بردو مش هيستحمل لو خسر ابنه ، مسك فونه ورن عليه وبردو مفيش حد بيرد والفون وقع من ايده وغمض عينه ودب ب ايده ع الحيطه ومش عارف اخره الندم ده اي ولا عارف عيوصل ل عاصم ازاي بس لازم يتحلي بالصبر .....
_____
"عاصم قام من حضن هند ودخل اخد دوش ولبس هدومه المتربه من تاني ، هند قامت ولبست ووقفت قدامه "
هند : لازم اربطك وتنزل تحت زي م كنت ي عاصم عشان لما فارس يجي
عاصم : تربطيني ، انا قولت خلاص انتي فهمتي قد اي انا بحبك وهتسبيني امشي
هند : لو سبتك مش هعرف اوصلك تاني "ومسكت ايديه ولسه هتربطه وراح مسكها من شعرها وزقها ع السرير وضربها كذا قلم ونزل جري ع السلم وطالع برا ولقي فارس نازل من عربيته وجري عليه مسك دماغه وخبطها ف الباب، عاصم وقع من طول وفارس جاي يقرب منه راح قاملو وفضل يضرب فيه وجرجرو ف الارض ومسك دماغه وضربه ع قزاز العربيه ال اتكسر ع ميت حته ، خد منه المفاتيح وركب وطلع ع بيت مؤنس ، الممرض وصل البيت عشان يشوف حاله حياه وقالهم انها بخير بقالها يومين وانها صاحيه ومؤنس عرف انها بتستهبل عليه ، مشي الدكتور وحياه كانت هتموت من الرعب وعرف انها كانت قاعده وليها غرض تاني زي م كان متوقع ومسكها من شعرها وضربها ، جاياا تجري ومؤنس رفع عليها المسدس وعاصم دخل من الباب وحياه بقت واقفه ف النص ، بصت ل عاصم وقالتلو يمشي وبعدها عدلت وشها لمؤنس "
مؤنس : متمشيش ي عاصم خليك لما تاخد جثتها دي بعيد عني يلا هتوحشيني ي حياه "وعمر المسدس وضرب ف قلبها طلقه والتانيه والتالته والدم جه ع مريم ال كانت بتجري عليها عشان تبعدها عن مؤنس وصرخت عليها ، حياه ووقعت ع ضهرها وصدمه عاصم مكنش ليها مثيل ، جري عليها وهي رجله مش شيلاه وبيترعش وحط ايده ع وشها ............!
عاصم : بيبكي بحرقه" حيااه !! حيااااااه حياااه ردي هااا ردي علياااا ونبي ، حياه اوعي تبعدي عنيي انا بحبكك بحبكك والله بحبك وهعيش طول عمري بحبك ، انتي ملكتي روحي ، ملكتي قلبي ملكتي عقلي ملكتينييي كلي ي حيااااه متبعديش ونبي ي حياه خليكي جنبي انتي كنتي اول حب ف حياتي واخر حب ف حياتي
.. حيــــــــاااااااااه .......
"التكمله ف البارت العشرون ، الاخير "
دينا بسكوته
اقوي تفاعل وهنزل الاخير بليل
يلا اكمل ول. لااا
ملكتي روحي
البارت ( 20 ) الاخير ..
دينا ..
"عاصم اخد حياه وراح ع العربيه ومشي ..."
مريم : بتبكي " كداا ي مؤنس هاان عليك تعمل كدا ف البنت ال احنا مشفناش منها غير كل خير ، البنت ال عوضتني عن اعاقتي ف الخلفه وان مش مكتوبلي اخلف ومش مكتوبلي يبقالي طفل من ضلعي وعصبي ، هي ال عوضتني عن كل ده ، اي نعم هي مش بنتنا بس حبناها ي مؤنس ، انا حبيت حياه اكتر من نفسي اعتبرتها بنتي ال انا مجبتهاش اعتبرتها كل حياتي ، حبي ليها كان صادق وحبها واحترامها لينا كان صادق ، البنت كانت اطيب بنت ف الدنيا مشوفتش منها العيبه ولا الغلط
كده تبقا دي جزاتها ، حتي لو حياه عرفت كنت صبرت عليها لما تفهمك ونفهمها يمكن تتقبل كلامنا وتعرف حالتنا واننا عملنا كده لي، يمكن كانت تسامحنا وتنسالنا غلطتنا دي مقابل العيشه ال عيشنهالها احنا لينا فضل عليها وهي عمرها مهتنساه ، حياه بتعرف ف الاصول كويس قوي اكيد مكنتش هتأذي الناس ال ربتها ي مؤنس ، مننك لله منك لله "وطلعت ع اوضتها وهي منهاره من العياط ومؤنس ادايق جدا جدا وعيونه دمعت "
"عاصم منيم حياه ف الكنبه ال ورا وماشي باقصي سرعه ورايح ع المستشفي وعيونه مليانه دموع بس رايح ع امل ان بعد ال 3 طلقات ال جم ف قلبها حياه هتعيش وممكن يلحق ينقذها "
حياه : بصوت متقطع" امشي برااحه
عاصم : باستغراب شديد وبصلها ف المرايه وهي غرقانه ف دمها ومش عارف هي ال اتكلمت ولا اي ال حصل ، رجع نظرو للطريق وقال انها تهيقات ، حياه حطت ايدها ع دراعه راح اتخض ووقف العربيه ونزل منها وفتح الباب ال من ورا وبيعدل حياه ولقاها فتحت عينها "
حياه : ضربته ع كتفه " عايزني اموت يال تتشل وعمال تعيط علياا بدل متيجي تحط ايدك ع قلبي ال وجعني من كتر الطلقات ال جات فيه
عاصم : مش قادر يستوعب .." قلبك وجعك "وبيفتح ليها الجاكت الجينز ال لابساه ولقاها لابسه جاكت وقايه ومكنش مصدق نفسه وضحك والبسمه ملت وشه وحضنها " يااااا بت الللعيبه اي ده بجد انتي ازااي كده
حياه : بعرف افكر اهو مش زيك ي حلو
عاصم : ازاااي عملتي كدا احكيلي كل حاجه
حياه : وانت اي ال مخرشم وشك كدا شكلك وحش اوي
عاصم : هحكيلك بس لما اسمع منك الاول ..
حياه : مفيش انا اليوم ال فوقت فيه سمعت بابا وهو بيتكلم وعايز يخلص عليا وكده رنيت عليك مردتش روحت رنيت ع نهله عشان تساعدني قالتلي اهربي وتعاليلي ، ونا طالعه لقيت فارس ف وشي خلاني رجعت البيت هو كان هيساعدني ، بعدها بساعه لقيتو جاي ولبسني البتاع ده قالي انا مش ضامن اي ال هيحصلك وبس كده ، شكل فارس بيحبني اوي
عاصم : بغيره " امممم روحيلو
حياه : حاضر بس بجد جسمي تعبني ااوي
عاصم : انا هخفف عنك
حياه : سمعت انك طلقتني
عاصم : هردك
حياه : مش عايزاك اصلا انت طلعت جبان
عاصم : جبان ؟
تمام ال انتي شايفاه
حياه : فين امي وابويا الحقيقين ي عاصم
عاصم : هوديكي ليهم "وركب من قدام وطلع ع الشقه ال قاعده فيها روان واهلها ودخلت حياه وعيونها دمعت ، جمال جري عليها وخدها ف حضنه وبكي عليها ، منار راحت خدتها منه وحضنتها وفضلت متبته فيها وبتبكي "
روان : اي ال عمل فيكي كدا ي حياه واي الدم والبهدله دي
حياه : انا بخير ااهدو ، انا خلاص موجوده معاكم مش هسيبكم
روان : حضنتها "عرفتي بقا كنت بلف وراكي لي
حياه : عرفت بس انا مش قادره افتكر حاجه خالص
روان : هم لعبو ف دماغك ي حياه ، المهم انك رجعتيلنا ، لازم نرجع البلد قعدتنا هنا خطر ع حياتها يلا ي بابا يلا ي ماما ، حياه مش عايزه تيجي معانا ؟؟
حياه : بصت ل عاصم وبعدين بصتلهم " هاجي ، انا كمان مليش قعده ف البلد دي ومؤنس لو شافني هيقتلني تاني "بصت لعاصم" لازم امشي .. "راحت سلمت عليه وفضل ماسك ايدها وهي بصت لعيونه ، قربها منه شويه وحط ايده ع وشها "
عاصم : هتسيبيني
حياه : مضطره ي عاصم ، ضحكت بكسره وعيونها دمعت " شايف شكلي عامل ازاي ، شعري زي ميكون بقالو كتير متسرحش ومش باكل ولا بشرب وبشرتي وشكلي اتدمرو من الحزن والصدمات وقله اهتمامي بصحتي ، لسه معجب بياا لسه معجب بشكلي ده
عاصم : لسه عجباني ولسه بحبك ي حياه ، وعمر م حبي ليكي هيتغير ولا هيقل ، انتي حب حياتي انتي الوحيده ال عرفت معاها معني الحب ، انا بس كنت بتسلي بالبنات لكن انتي .. ملكتي روحي
حياه : ابتسمت ليه وبصت وراها ولقيت روان وقفالها ، عدلت وشها لعاصم" كان نفسي اديك بوسه طيااري كده
عاصم : مسك وشها باديه الاتنين وباسها " انا ميهمنيش حد
"حياه ضحكتلو وراحت مع روان "
روان : خلصتي محن
حياه : اي شغل الاخوات ده لا انا مش متعوده ع كده
روان : ضحكت " شغل الاخوات ده هيفضل طول منتي معايا ، متروحي تكملي محن
حياه : ده حبيبي ال حبيته من اول نظره ي حلوفه انتي اكيد متعرفيش حاجه واكيد الصعيد مفهاش حد حلو زي عاصم كده كان زمانك حبتيه
روان : ده حلو
حياه : ده قمر ، هو بس معرفش مضروب ولا عامل حادثه انا نسيت اسألو ثواني وجيالك
روان : مسكت ايدها " احنا نزلنا خلاص
حياه : بس انا لازم اتطمن عليه
روان : خلاص ي حياه مش لازم
حياه : كمان جتتلي فكره انا لازم اقولهالو "وطلعتلو جري وجريت عليه واترمت ف حضنه وهو رفعها من ع الارض"
حياه : بحبككك اوي اوي اوي اوي اوي اوي ، قد العااالم
عاصم : بموووووت فيكييييي ي حياه بجد بموت فيكييي
حياه : نسيت تقولي اي ال عمل فيك كده
عاصم : مفيش اتخانقت مع فارس
حياه : اها ، لازم نخلص منهم
لو البوليس قبض ع مؤنس انا هرجع ليك ي حبيبي والله مهبعد عنك لحظه واحده
عاصم : هعمل اي حاجه ف الدنيا عشان ارجعك ليا ، بس قبل متسافري لازم تجي معايا ، "وطلعو ع القسم وخلا حياه هي ال رفعت قضيه بالقبض ع مؤنس انه كان خاطفها وورته تحاايل الDNA ، رفعو عليه قضيه انه بيتاجر ف السلاح والمخدرات وبعدها حياه سافرت ع الصعيد وعاصم رجع لاهله ال قلقو عليه جدا لما شافو حالته ، بعد ساعات ومؤنس اتقبض عليه متلبس وهو بيستورد سلاح ودخلو فتشو البيت حته حته لحد ما لقيو ورق بكل عمليه قام بيها وقبضو ع فارس وشعيب ... "
________
حياه : انتو ازاي عايشين ف البيت ده
جمال : انتي كنتي عايشه فيه ي حياه
حياه : بس انا مش فاكره حاجه وكمان الاكل مش قدد كدا مش هقدر اعيش هنا ولا حتا استحمل يوم تاني ف المكان
روان : متبقيش قليله اصل احنا اهلك
حياه : بس انا مش متعوده ع العيشه هنا مش قصدي اي اهانه
روان: براحتك ي حياه
"ومره واحده راحت حياه وقعت من طولها وجريو عليها ونيموها ف اوضه وجابولها دكتوره وكشفت عليها وبلغتهم انها حامل ولازم تاخد بالها من نفسها رغم كل التعب ال تعبته بس البيبي فضل ف بطنها لان كان ف اول شهر ليه ....
بعدداسبوع و النيابه بعتت ل حياه وراحت هناك هي واهلها وكانت مرعوبه من نظره مؤنس ليها ، الظابط قرر يسبها معاه لاخر مره قبل تنفيذ حكم الاعدام ..."
حياه : كانت بتترعش وخايفه جدا " انا غلطت مره وانت غلطت 1000 مره بخطفك ليا
مؤنس : عارف ومش زعلان منك "وقف وحط ايده ع وشها وقرب دماغها ليا وباس دماغها ..." بتمنا تسامحيني بحق كل لحظه حلوه عشتيها معايا ف البيت ، ماتنسينيش انا من ساعه معرفتك كانت اكتر حاجه تهمني سعادتك ، بغض النظر عن اي حاجه عملتها وان كنت عايز اقتلك بس مكنش قدامي حل وكنت خايف منك ، انا عارف ان قلبك طيب وانك كنتي ممكن تتقبلي الحقيقه وتسامحيني بس خفت ، خفت ي حياه من اللحظه ال انا محطوط فيها دلوقت انتي طلعتي ذكيه ذيي ي حياه .. انا فخور بيكي وكنت اسعد واحد وانتي موجوده ف حياتي كان نفسي ف عيل يملا عليا دنيتي وانتي عوضتيني ، بس دلوقت انا هتعدم ومريم ف السجن ، ونا هكتب كل املاكي وفلوسي ليكي انتي
حياه: ي بابا انا مش عايزه حاجه ، انا والله كنت بحبك ااوي ومش قادره استوعب انك هتبعد عني بس انا كمان مكنتش عارفه اعمل اي ، انا ليا اسبوعين قاعده مع جمال ومنار دول مش قادره اعيش معاهم ولا استوعب انهم اهلي ، انا مش شايفه غيرك انت ي بابا "اترمت ف حضنه وبكت " والله انا بحبك بحبكك اوي ي بابا متسبنيش ونبي خليك جنبي انا اسفه انا غلطت ف حقك انا هروح اتنازل عن القضيه خلاص
مؤنس : فات الاوان ي حياه ، بتمنالك حياه سعيده ي بنتي
حياه : لالا ي بابا متسبنيش ونبي ، ف خبر كنت عايزه اقولهولك ، ي بابا الخبر ده هيفرحك وهيخليك ترجعلي ومش هتسبني ابدا ، انا حامل ، ي بابا هيبقالك حفيد خلاص ، فاضل 7 شهور وهتشوف حفيدك وانت ال هتسميه وتشيلو خليك معاياا
مؤنس: يتربا ف عزك وعز عاصم ي حياه .... "العساكر اخدوه وهي قعدت تبكي وعاصم وصل ع المحكمه واخدهم ع العربيه واخد حياه ف حضنه"
عاصم : مالك ، اي ال قالهولك مؤنس وزعلك بشكل ده
حياه : مقليش ي عاصم بس هو صعباان عليااا اوي مش هاين عليا اشوفو كدا
عاصم : بتهزري ؟ انتي مبتحسيش صح
روان : سيبها احنا هنشوف الحكايه دي بطل تلزيق ف اختي "وفتحت الباب وشدت حياه ناحيتها "
عاصم : بتعملي اي انتي، انتي مجنونه ، نا هردها وهتبقا مراتي قدام العالم
حياه : بحبك ي عاصم ، نا كمان عملالك مفاجأه ، بعد كل ده انا حاامل يدوب شهر واسبوع
عاصم : شدها لحضنه " اااحلي خبر ف الدنياا كلهاا بحبك بحبكك ي عمري ي عمررري ي عمري ي عمري انتي ربنا يديمك عليا نعمه
روان : هتقبلي ترجعيلو
حياه : ايوة طبعا
روان : هتقبلي تكوني زوجته الرابعه
حياه : اي رابعه اي ، قصدك التانيه
روان : همس الله يرحمها واختها لميس وسكرتيرته هند ادي تلاته ، وانتي الرابعه
حياه: بصت ل عاصم وادايقت جدا "
عاصم : اقسم بالله هفهمك
حياه : تفهمني اااي ، واحد عمال يتجوز ع طول كل ميلاقي بنت حلوه يتجوزها يمكن كمان تروح تتجوز بعدد متخليني مراتك قدام الناس ، ابعد عنيي "وطلعت من العربيه " يلا ي روان
عاصم : بتهزري ي حياه ، هتسيبيني ؟ ع فكره البنات دي هي ال كانت بتترمي عليا انا معملتش كده من نفسي افهمي بقا شويه وصدقيني وانتي حره
انتي الوحيده ال كانت من اختياري والوحيده ال متمسك بيها ، روان متدخليش بنا لو سمحتي لان مش هسيب حياه ليكم ، حياه دي مراتي ومش هسيبها ولا هستغني عنها
حياه : انا بحبك بس انت لي بتعمل كدا
عاصم : غلطه يستي اعتبريها غلطه كلنا بنغلط
روان : اممم كل بعقل البت حلاوه
عاصم : بزعيق " اخرسي بقا اخرسي
حياه الخيار قدامك عايزاني تعالي معايا مش عيزاني اسمعي كلام اختك وارجعي ع الصعيد .. اختاري .. اي واخده وقت ع ما تردي يعني ي استاذه شكلك معترضه خلاص فل اسيبك "ركب عربيته ودور العربيه راحت وقفت قدامه"
حياه : هتتخلي عني بعد كل ده
عاصم : لفي وتعالي ، انا مستحيل اتخلي عنك ، انتي ملكتي روحي ي حياه انتي حياتي ، بس اختك الجديده دي مستفزه
حياه : راحتلو وركبت جنبو " اختي الجديده واو حلو الاسم ده "وضحكت "
جمال : خد مراتك وامشي ي عاصم وروحو ع بيتكم ، مفيش حد ممكن يسعد حياه غيرك ربنا يحميكم ي ابني ويبعد عنكم كل شر وكل اذي ، انا مش بتمنا لبنتي غير السعاده والفرحه مش بتمنالها غير كل خير ، بحبك اوي ي حياه
حياه : مسكت ايده وباستها " ربنا ميحرمني منك ي بابا ...
_________
"بعد فتره واتنفذ حكم الاعدام ع مؤنس والمحامي راح ل حياه وعاصم "
المحامي : البيه مؤنس الله يرحمه كتب كل الفلوس ل حياه ، اتفضلي وقعي بالاستلام
عاصم : بص ي فندم احنا عملنا اجرائات كتير بسبب الحكايه دي وروحنا المحكمه وبتاع عشان نرجع اسم حياه لاهلها الاصليين وخلاص استلمت بطاقتها الجديده انهردا ، ف مش هنقدر نستلم الفلوس دي والله اعلم هتودوها فين بس اكيد المحكمه هي ال هتتصرف ، لان مؤنس مش ابوها ومفيش اي وجود لاسم حياه مؤنس الوزان ابدا ..
المحامي : ثانيه بس ي حضرت ، مين قالك اني جاي ادي الفلوس ل حياه مؤنس الوزان ؟!
حياه : امال جاي تديها لمين
المحامي : حياه جمال السويسي ، البيه مؤنس كاتب كل فلوسه باسم حياه جماال السويسي ....
"حياه بصت لعاصم وعاصم بصلها ومكنوش مصدقين .... حياه اخدت الفلوس وادت جزء منها لاهلها وساعدت اختها ف جوازها من محمد ، ودت باقي الفلوس كلها للمساكين والفقرا ، حياه جابت ولد زي القمر وقاعده مبسوطه مع جوزها ال معيشها احلي عيشه ف الدنيا ومخليها سعيده دايما ، كانت بتحب تاليا جدا وتاليا بتحبها وبتسمع كلامها وبقت تقولها ي ماما .. عاصم فرحان جدا واخيرا ربنا لم شملو مع عيلته الحلوه وعاشو مبسوطين وسعداء وبعد كل اللف والدوران والبنات ال كانت ف حياته ربنا كرمه ب احلي حياه ف الدنيا كلها ، ربنا بعتله الشخص المناسب بس بعد كتير واخيرا لقي حبه الحقيقي واخيرا لقي ال ملكت روحو ......
*النهايه*
*ملكتي روحي*
دينا بسكوته
بداية الروايه من هنا 👇👇👇
بشكر كل الناس ال تابعتني بحبكم موت + محتاجه رايكم ف المحتوي ال قدمتو ليكم وبتمنا تكونو مبسوطين منه وبتمنا ينال اعجاب حضراتكم + استمر ول لا .. + متنسونيش ف دعواتكم بليز
