 |
روايه
ملكتي روحي
البارت الاول والثاني
البارت ( 1 )
حياه جمال : بنت حلوه وجميله ، شعرهت طويل جدا واخد اللون البني الغامق وبشرتها بيضه ، عيونها عسلي وجسمها مظبوط ف سن ال 10 سنوات ، اختها روان : اصغر منها ب 4 سنوات ، ف يوم جمال اخد بناته وامهم منار وسافرو مصر وكانو اول مره يتحركو من الصعيد ويسافرو ع مصر عشان يفسح اولاده ، كانو ماشيين ف حتت ف مصرو وبيستمتعه بجمال البلد وراحو يزورو الحسين وف زحمه الناس حياه اتخطفت واهلها فضلو يدورو عليها ملقوهاش ، بلغ ف القسم عن اختفاءها بس مرضيوش يعملو محضر غير بعد 24 ساعه كالعاده ، فضلو مستنين قدام باب القسم ومر 24 ساعه عليهم وهم قاعدين ف الشارع بيبكو والظابط عملهم محضر ودورو عليها ف كل مكان ملقهواش ، بعد اسبوع ورجعو الصعيد مستنين اي مكالمه من الظابط بس اتلقو مكالمه من شعيب الراجل ال خاطفها وكان عايز فديه وطمعان ف فلوس بس هم كانو غلابه وع قد حالهم ومقدروش يجمعو فلوس ف الوقت المحدد ال حددو الراجل ده وبلغهم انه قتلها واستلمو جثتها من غير ميشوفوها ودفنوها وكانت جثه عاديه من المشرحه ... ف الحقيقه الراجل ال خطفها مقتلهاش بس بلغهم بموتها عشان ميدوروش عليها تاني بسبب واحد قريبه سمع بانه خاطف بنت ولما شافها لقاها زي القمر وسنها صغير ، فأطر ياخدها ويديلو مبلغ اكتر من ال طلبو منهم ويتبناها لانه متجوز بقاله 20 سنه وربنا مأردش ليه انه يتهنا بطفل ومراته مخلفتش ف أخدها وكتبها ع اسمه واسم مراته ، روان اختها جاتلها عقده من صغرها وعايشه ع امل ان حياه عايشه ومماتتش وهترجع ليهم ف يوم من الايام ، بعد فتره وكان الراجل ال اتبناها بيديلها ادويه تخليها تفقد الزاكره وبالفعل حياه فقدت زاكرتها والادويه اثرت عليها بسرعه بسبب صغر سنها .. بدأ يملا دماغها بحياته هو ومراته وفهموها انهم اهلها وانها بنتهم الوحيده ال جات بعد عذاب وفضلو سنين ع الحال ده لحد م حبتهم من كل قلبها
________________________
*بعد 7 سنين*
مؤنس : بنتي حببتي
حياه : نعم ي بابا
مؤنس : تخلي بالك من نفسك وانتي راحه ع مدرستك
حياه : يووه ي بابا هو كل يوم متقلقش ي عم انا كبرت خلاص ده السنه الجايا هدخل كليه
مؤنس : عايزك تجيبي مجموع عشان تدخلي طب
حياه : ي بابا قولتلك مش عيزه طب ولا بتاع انا هدخل كليه الاعلام ال نفسي فيها نا نفسي ابقا مذيعه ف التلفزيون اي مش شايف بنتك القمر دي
مؤنس : قمر وعايز احافظ عليكييي فكك من الاحلام الهبله دي
حياه : انت شايفها هبله بس انا لا
مريم : سيبها ع راحتها ي مؤنس ياا ي قلبي خدي السندوتشات ومتنسيش ورق البحث ده ال ليكي اسبوع تكتبي فيه
حياه : مش هنساه متقلقيش هاتي ي ست ماما السندوتشات انا تعبت من السندوتشات ال كل يوم دي
مريم : هتفضلي كده مش عجبك حاجه يلا ي بت امشي
حياه : ماشي ي ماما ، باااي "ومشت وسابتهم وراحه المدرسه ومعديه من طريق تاني والطريق ده موجود ف محطه اذاعه تلفزيونيه كبيره وضخمه بتعدي مخصوص عشان تشوف شكلها وحلمها انها تدخلها وعايشه ع الحلم ده من لما كانت ف اعدادي ، صحبتها رنت عليها"
حياه : ايوة
نهله : متأخره ليه ي بت انجزي
حياه : حاضر ف الطريق
نهله : اوعي تكوني بتعدي من قدام محطه التلفزيون
حياه : بالظبط انا بكون مبسوطه لما بشوفها ي نهله
نهله : بس كده هتتأخري اكتر الطريق طويله
حياه : همد بسرعه اهو "وفجأه صرخت ورمت الفون والورق وقع من ايدها وعربيه خبطتها ووقعت ف الارض وفضلت تبكي واتعورت ف ايدها ، نزل عاصم من العربيه عمره 22 ليه عضلات وطول بعرض وجسمه رياضي ، شعره شديد السواد وناعم وطويل ورافعه لفوق ، عيونه رماديه ورموشه كثيفه ، كان لاابس بدله ومنظم وجري عليها قومها من الارض "
عاصم : اهديي بس اهدي انتي ال سرحانه ونا عمال اقول ي انسه ابعدي عن الطريق وانتي ولا هناا
حياه : انتو عشان معاكو عربيات ف هتدوسو البشر بيهاااا يعني
عاصم : لا طبعا اي الهبل ده ، نفضي هدومك بس ، ي تاليا تعالي نفضيها بسرعه معلش ي حبيبت بابا
تاليا:نزلت بنت قموره جدا ف حدود 4 سنوات "يوه بقا انت كل يوم تخبط حد
عاصم : الله يفضحك نفضيها وانتي ساااكته
حياه : اايدي وجعاني جداا
عاصم : تحبي نروح مستشفي طيب
حياه : هتأخر ع المدرسه وف بحث لازم اسلمو
عاصم : فين البحث ده هروح اسلمهولك بنفسي
حياه : كان ف ايدي بس وقع مني هو فيين "وبتتعدل وراها ولقيت البحث واقع ع الارض وفي ميه جايا عليه ، عيطت اكتر " البحث بتاااعي انا تعبت فيه جدا ع مخلصتو حرام عليييك يارب تموت
عاصم : ياارب ي ستي انا اسف بس كفايه بكا بقاا اهدي وهتتحل
حياه : اي هو ده ال هيتحل بسس البحث بتاعي باظ
عاصم : هنعمل واحد جديد تعالي معايا "ومسندها وركبها العربيه " وتاليا جابت الفون ال وقع من حياه وحطته ف شنطتها وركبت العربيه وطلعو ع المستشفي والدكاتره ربطولها ايدها وهو طلع برا يتكلم ف الفون "
عاصم : الو ي حسام ، معلش هتعبك تنزل تجبلي بدله مدرسه ثانوي بسرعه شديده
حسام : اي ده بنتك كبرت بسرعه كده ودخلت ثانوي ي مشاء الله
عاصم : هنستهبل ، انا خبطت بنت بالعربيه وكده وبدلتها اتوسخت
حسام : طب متبقا تغسلها
عاصم : القميص اتقطع ي زفت اسمع الكلام من سكات ، وعايزك بسرعه تروح مكتبه تسألي ع البحوث ال بيعملوها ف ثانوى همليك اسم البحث وتخلي الراجل يعملهولك معلش بس باقصي سرعه عايز كل ده انهردا
حسام : حاضر ي عاصم حاضر ...
تاليا: انتي اسمك اي
حياه : اسمي حياه
تاليا : شعرك طويل اوي
حياه : ايوة ، بس ابوكي ده واحد مفتري وشكلو مبيشوفش ابقو ركبولو نضاره
عاصم : احم احم ، حاضر يست هانم هبقا اركب نضاره
حياه : يلا قولي هروح ل ماما وبابا ازااي بمنظري ده هيقلقو عليااا
عاصم : قوليلهم حدثه بسيطه بس انتي بخير ، والبحث هيجهز وهيروح المدرسه ف معاده وانتي لازم تروحي ع البيت وتستريحي تمام ي قمر
حياه : بصتله بقرف " اشكال مبتحسش
عاصم :طب ياريت بقا تحترمي نفسك شويه وتحترمي فرق السن انا لحد الان ساكتلك بس بعد كده هقل ادبي عليكي "بزعيق" يلا قدامي "حياه اتنفضت ومشت من سكات وركبت العربيه وقالتلو ع عنوان بيتها ونزلها ومشي ... "
مريم: جريت عليها" حبيبتي فيكي ااي اي ال مبهدلك بالشكل ده
حياه : حدثه بسيطه ي ماما متقلقيش
مريم : حدثه ااي دي مين ال عمل فيكي كده ونا اوديه ف دهيه قوليلي مين نا هرن ع ابوكي يجي حالا
حياه : لالا ي ماما متقلقهوش بليز مفيش حاجه نا بخير اهو والله بس ايدي هي ال وجعاني شويه
مريم : طب قوليلي مين ال عمل فيكي كدا
حياه : واحد معرفوش متخلف عقليا ماشي يخبط ف الناس بس يلا حصل خير اهم حاجه نا رجعتلكم سليمه .. "دخلت اوضتها عشان تنهي النقاش مع امها"
حياه : فوني ؟؟ ياربي فوني فيين .....
----
تاليا : ي بابااا نسيت ادي الفون لحياه
عاصم : حياه مين بس ي تاليا اقعدي وانتي ساكته
تاليا : البت ال انت خبطتها
عاصم : مالها
تاليا : تلفونها اهوو ي بابا
عاصم : يبت الايه ومش ادتهولها ليه يحيوانه انتي
تاليا : نسيت
عاصم : ورهوني
تاليا : اهو
عاصم : مسك الفون " ده ايفون 11 برو ، اكيد البت هتموت عليه والله ، بس يترا الكسر ال فيه ده منها ولا بسبب الحدثه يلا مش مهم انا لازم اجيبلها واحد .....
"تاني يوم وراحت المدرسه وحكت لصحبتها "
نهله : انتي مش لازم تسكتي ولازم تاخدي تعويض عن ال حصل ده
حياه : يعني انا هشوفه فين تاني مخلاص بقاا قالي هيعملي البحث ومعملش حاجه والله تعبت وهصقط ف الماده دي بسببه وكمان فوني ضاع فوني لسه جيباه من يومين والله زهقت
نهله : انتي غبيه معرفتيش تتكلمي وتاخدي حقك
حياه : اعمل اي بس والله خفت منه
نهله : هبله يلا روحي اتعبي نفسك واعملي بحث من اول وجديد يلا هو ده ال فالحه فيه ، انا همشي شان اتأخرت باي
حياه : بحزن " باي " ومشت وهي مدايقه ولقيت عربيه وقفت ف وشها فجأه ونزل منها عاصم "
عاصم : اسف ع التأخير ، خدي اوراق البحث اهي
حياه:مدت ايدها واخدته " شكرا ليك
عاصم : لا مفيش شكر ي حياه
حياه : عرفت اسمي ازاي
عاصم : معايا بت عفريته مجننه امي هي ال قالتلي
حياه : ربنا يخليهالك
عاصم : اه صح خدي الايفون بتاعك وده ايفون جديد جبته ليكي لان لقيت ف كسر ف بتاعك ، نفس النوعيه متقلقيش
حياه : بس
عاصم: من غير بس ، خديه دي مش هديه ده حقك و كمان الشنطه دي فيها بدله مدرسه بدل ال اتقطعت ونا اسف ع ال عملتو وبتمنا تسامحيني
حياه : مش هقدر اقبل كل ده "وحطت الايفون بتاعه ف الشنطه وراحت حطتهم ف عربيته راح حط ايده ع ايدها وهي بصتله بخوف"
عاصم : الحاجه دي مش هترجع صدقيني ، مهما حاولتي مش هترجع ي حياه
حياه : بس ده كتير
عاصم : والله م كتير ولا حاجه "مسك ايدها وحط ايده التانيه ع ايدها" اقبليها بترجاكي
حياه : باصه لعيونه وهزت راسها ب اه "
عاصم: هتقبليهم
حياه : ايوة
عاصم : وهتسامحيني !
حياه :مسامحاك
عاصم: طب تعالي اوصلك وبليز متقوليش لا
حياه : مش هقول
عاصم : اتفضلي ...
" التكمله ف البارت الثاني ، دينا "
تفاعل + كومنتس + اكمل ول لا
لو لقيت تفاعل هنزل بالليل 🌸🖤
ملگتي روحي
البارت ( 2 )
"ف العربيه"
عاصم : مسك ايدها وبيبعد القميص عنها " خلينا نشوف الجرح ال ف ايدك
حياه : انت دكتور ، اصل بابا كمان عايزني ادخل طب
عاصم : لا مش دكتور ، بس حلو ده يلا شدي حيلك ، انتي ف سنه 3 يعني ولا اي
حياه : اها بس نا مش حابه طب
عاصم : لي بس امال عايزه تدخلي اي
حياه :اعلام
عاصم : الله ، حلو جداا نفسك تبقي مذيعه ولا ممثله ول اي
حياه : مذيعه ، نفسي اشتغل ف محطه الاذاعه والتلفزيون ال ف الشارع ال جنب المدرسة هموت عليها بجد شكلها ضخم وبينها فخمه من جوه نفسي ادخلها
عاصم : مفيش ابسط من كده هدخلك المحطه دي
حياه : هتدخلهاني ازااي بقاا واحنا منعرفش حد فيها ، دي ل ناس وناس يا عم ، ولو المدير اكتشف ان في اغراب ف المحطه هيضربهم بالنار
عاصم : اي الهبل ده ي بت مين قلك الكلام الاهبل ده
حياه : الناس كلها بتقول ان المدير شديد
عاصم : ايوة شديد بس مش بيـأذي حد ي حياه وابوه شديد اكتر منه اكيد الناس قصدهم ع ابوه
حياه : مدير المحطه ماااات يلهوووي
عاصم : لا مامتش ي حياه اقعدي ساااكته اقعدي مش عايز غباء ، المهم الجرح مش خطير وهيتلم بسرعه
حياه : شدت ايدها منه" ليك ساعه ماسك ايدي وف الاخر تقولي مش خطير امال لو خطير بقا كنت مسكتها ازاي
عاصم : لسانك طويل جدا ع فكره انا غلطان ان خفت عليكي بس انا بعمل معاكي كدا عشان خبطتك وحسيت بزنب من نحينك وبتمنا ربنا يغفرلي الزنب ده
حياه : يلهوي صح نسيت حوار البحث ده
عاصم : خلاص مفرقتش ، خليها بكره
حياه : ده اخر يوم للبحث وخلاص بقا فات الاوان خد البحث ده ميلزمنيش ."وجايا تنزل راح مسك ايدها وشدها ليه وكانت قباله بالظبط ، رفع وشها لفوق وبيمسح ليها دموعها وبيمشي ايده ع خدها ببطء"
عاصم : خلاص اهدي بكره هاجي معاكي وهنسلم البحث انا اختي مديره المدرسه دي ع فكره
حياه : ابتسمت وفرحت " بتتكلم بجد انت هتساعدني
عاصم: هساعدك متقلقيش انا هروحك وبكره الصبح هستناكي بس استناكي فين ؟
حياه : قدام المدرسه هناا
عاصم : تمام "وطلع بالعربيه و وداها ع بيتها ونزلت ومعاها الشنطه ال فيها لبس المدرسه والايفون والبحث وكانت مبسوطه جدا وبتتمنا ترتبط بواحد زيو ، دخلت اوضتها وقاست البدله ولقيتها واسعه عليها شويه وطويله ف قررت توديها عند حد يظبطها ، مسكت الايفون الجديد وشالته بعلبته ف دولابها ونامت ع السرير بارتياح
________
" ف ڤيلا واسعه وكبيره "
"بالليل"
مشيره : عاصم
عاصم : اه ي امي
مشيره ؛ متأخر ليه انهردا
عاصم : شغل صعب اوي
مشيره : مراتك تعبانه وكانت المفروض تروح للدكتور
عاصم : ومرحتش ليه مع اختها
مشيره : اهو ال حصل اطلع شوفها
عاصم : منا متزفت اكيد "وطلع ليها وكانت نايمه ع السرير '" اي اخبارك
همس : اهو كويسه شويه
عاصم : طب قومي البسي بس شان نروح للدكتور
همس : حاضر "وقامت وهو كان واقف عند الدولاب وحضنته من ضهرو ، هو عدلها ليه ومسك وشها راحت خبطت ع دراعه" بت مين ال خبطتها ي استاذ
عاصم : يادي النكد انتي مبتعمليش حاجه ف حياتك غير بتنكدي
همس : ايوة ي سيدي اذا كان عاجب ، وحده خبطتها ومدي وقتك كله ليها
عاصم : والله م حصل
همس : امال اي اللبس والايفون والبحوث ال انت جايبهم وبتلف وراها اكيد عشان تدهملها
عاصم : لي بتحسبيها كده ي همس ، بترجاكي بطلي شك فياا
همس : ابطل شك لي وانت كل حاجه بتعملها غلط وبتجبر الواحد ع انه يشك فيك
عاصم : لا نا مش بنيل حاجه غلط انتي ال دماغك متركبه غلط ده انتي مره شفتيني قاعد مع السكرتيره افتكرتي ف بنا حاجه واحنا كنا بنشتغل اصلا وخلتيني اغيرها اتقي الله شويه بقا
همس : بردو مقولتليش مين دي
عاصم : يوووووه ، دي بت صغيره خبطتها وهعوضها عن الخبطه دي فيها حاجه مش فاهم انااا ، انا نازل تحت البسي وحصليني يلعن ابو نكدك
همس :عاصم اااستنا
عاصم : ف اي تاني ي ست هانم
همس : لو عرفت انك قابلتها تاني انا همشي من البيت
عاصم : تهديد ده ولا لوي دراع
همس : تحزير
عاصم : لا بصي امشي من دلوقت يلا لمي هدومك وطرقيناا بقاا
همس :بتطردني
عاصم : بالظبط يلا ، مش انتي بت راجل وعايزه تمشي من البيت يلا امشي ، انا ماشي والله ما عايز اشوف وشك .. "ونزل تحت"
حسام : اخوه فيه شبه منه ، 20 سنه" صوتك جاب اخر الدنيا
عاصم : اعمل اي حاجه تطهق الجواز ده زباله
حسام : لا متقولش كده ونبي انا عايز اتجوز ، صح كلمني ع البنوته ال خبطتها دي شكلها ااي وف سنه كام يمكن اتعرف عليها
عاصم : وانت سبت كل بنات العالم وعايز تتعرف ع البت ال انا خبطتها ما البنات كتير ي ابني
حسام : بس انت كلامك عنها بيخلي الواحد يتشد ليها من غير حتي ميشوفها ، وبعدين قولتلي انها فائقه الجمال ومحترمه ومؤدبه هلاقي كل الصفات دي مع بعض تاني ازاي
عاصم : معاك حق ، بس تحسها غبيه شويه او طفله
حسام : شكلها ع نياتها ي عاصم مش كده ، متسميش ده غباء لو سمحت
عاصم : انت وقعت من غير متشوفها امال لو شوفتها بقا
حسام : اي هغير رأي ؟؟
عاصم : هتوقع اكتر واكتر ، بكره هقابلها عشان رايح المدرسه عند فاتن عشان حياه خايفه تسلم البحث وانت عارف اختك شغلها لازم يتم ع اكمل وجه
حسام : اسمها حياه
عاصم : ايوة ي حسام
حسام : الله ده الاسم لايق ،حسام وحياه
عاصم : ضحك " خيالك واسع بس بكره بقا ابقا اصحا بدري ونشوف الحوار ده .... "تاني يوم وحياه قامت من نومها ومبسوطه عشان هتشوف عاصم ، لبست وقعدت قدام المرايا "
حياه : افرد شعري بقا المرادي بدل ديل الحصان ده ال مش بعمل غيرو ، ايوة كده حلو اويي ، او ناقص روج بس اجيبه منين "وراحت اتسحبت ع اوضه امها وحطت روج خفيف بس باين ومشيت وهي وشها ف الارض عشان اهلها ميشوفهاش وراحه ع المدرسه وبتعدي من قدام المحطه الاذاعيه وعماله تبص عليها وعاصم كان واقف بينزل تاليا من العربيه ولمحها ومقدرش يشيل عينه من عليها وشعرها ال عمال يطير ع وشها وجمالها وبدل مهيوريها لاخوه لفتت نظره هو "
حسام : مين دي ال مركز معاها
تاليا : دي حياه ، "ونزلت جريت عليها"
عاصم : ي غبيهه استني ي تاالياا
تاليا : حياه
حياه : تاليا يعمري عامله اي
تاليا : انا كويسه وانتي
حياه : كويسه بردو بس انتي جايا هنا تعملي اي دي تاني مره اقابلكم هنا
عاصم: راحلها " انا شغال ف المحطه دي وفي مربيه اطفال فيها ف بجيب بنتي هنا
حياه : لي مامتها بتشتغل
عاصم : لا تعبانه .. تاليا روحي يلا مع حسام ، حسام " وحسام كان باصص لها ومتنح ، تاليا راحت ومسكت ايدها ودخل بيها جوه المحطه وحياه عينها هتطلع ع المحطه "
حياه : يبختك شغال هناا بجد ده حلم من احلامي
عاصم : هيتحقق .. يلا بس نروح ع المدرسه اركبي عشان نوصل اسرع "وركبو العربيه وعماله تبص ف المرايه وكل م تاكل شفايفها عشان الروج يتمسح كان بيزيد اكتر ، عاصم بصلها ومسك دقنها "
عاصم : انتي اي ال بيخليكي تحطي روج من الاساس وانتي راحه ع المدرسه
حياه : قولت اجرب
عاصم : ازاي مامتك سابتك تجربي ، وبعدين مش بتروحي افراااح حطي ال عايزاه ف الفرح
حياه : عيونها دمعت '" حاضر
عاصم : طلع مناديل وبيمسحو ليها بهدوء عشان ميجرحهاش لحد م خف خالص "كده كويس هاتي البحث ويلا بينا "طلعو عند مكتب المديره ووقفت مكانها " يلا ي بنتي خلينا نخلص
حياه : خاايفهه
عاصم : خايفه من اي ونا معاكي ي متخلفه "مسك ايدها ودخل " اهلا ي فاتن
فاتن : ازيك ي عاصم ، هي دي البنت
عاصم : اه
فاتن : واي ده ان شاء الله ساايبه شعرك كده ليه انتي غبيه مش بتلتزمي ليه بالتعليمات
عاصم : بص ل حياه ولقاها بدأت تبكي ، قرب من فاتن " عشان خاطري خلاص متقسيش عليها اعملي تقدير ليا وبس هي كانت خايفه تدخلك
فاتن : ي عاصم مش فاهم دلوقت لو واحده شافتها من زمايلها كلهم هيجو فاردين شعرهم وعملين فرم كمان هم جايين فسحه
عاصم : طب والعمل
فاتن : تعالي "حياه قربت منها وفاتن طلعت توكه وربطتلها شعرها " كده تمام وتلتزمي بعد كده
حياه : حاضر
فاتن : فين البحث
عاصم : اهو اتفضلي كامل من كل حاجه ومظبط ومرتب
فاتن : انت متتكلمش خالص البحث ده مش مكتوب بخط الايد ليه ان شاء الله
عاصم: هنكتبه وبطلي بقاا
فاتن : ماشي ي عاصم عشان خاطرك بس
عاصم : فين خاطري ده بس يشيخه ، روحي ي حياه ع فصلك
حياه: اروح ي مس
عاصم : بقولك روحي ع فكره
فاتن : روحي يا حياه ، ومين دي ان شاء الله
عاصم : بنت خبطتها بالعربيه
فاتن : هو كل مره
عاصم : فين كل مره دي
فاتن : الست الكبيره والطفل ال كان بيلعب كورا والشاب الكبير والراجل العجوز اما المرادي حادثه غير اي حادثه دي بنوته وكتكوته وعسوله وانت نقطه ضعفك بقا البنات
عاصم : حالا سمتيهم نقطه ضعفي ، والله ما كده بس صعبت عليا اوي وكانت بتبكي زي الاطفال
فاتن : وبعدهالك ي عاصم احنا قولنا لما نجوزك هتتلم وبردو ال فيك فيك اوعا تعمل حاجه للبنت
عاصم : ياربي بقا ، فاتن قولتلك مفيش حاجه من الكلام ده وعشان اريحك والله مهقابلها تاني ي فاتن استريحي بقااا
فاتن : انا خايفه عليك
عاصم : خايفه عليا من اي بس
فاتن : سكه البنات مش حلوه ، ولازم تخلي بالك من مراتك وبنتك لانهم محتاجينلك ومتلعبش بديلك احنا كدا كدا عارفين ال فيها وان معندكش قلب تحب بيه حتي مراتك كارهها ، ولازم تخلي بالك من المحطه ي عاصم انت شغال بسمعتك وبس انت سامع
عاصم : بعد ازنكك
فاتن : متخليش كرهك ل همس يخليك تخونها
عاصم : امال اعمل اي
فاتن : ممكن تتجوز وبس وبعدين همس ايامها معدوده تقدر تستحملها اليومين ال هتعيشهم زي م استحملتها السنين ال فااتت لحد م تموت ، انت كده كده عارف ان السرطان صعب وعلاجو بسيط وعارف ان الهانم بتاعتك بتتكبر ع المرض ومش راضيه تاخد علاج الكيماوي عشان تحافظ ع بشرتها وشعرها يعني صدقني مش هتعيش قد ال عاشته
عاصم : عايزها تموت انهردا قبل بكره ، لولا ابويا بس انا مكنتش اتجوزت وحده زي دي
فاتن: هي كمان ملهاش زنب ف انها تدبس ف واحد زيك ....
" التكمله ف البارت الثالث ، دينا "
تفاعل + كومنتس
اكمل ول لا 🌸✌
من البارت التالت حتي الرابع عشر من هنا 👇👇👇👇👇
تعليقات
إرسال تعليق