 |
رواية أحببت قمر الصعيد
البارت التالت والرابع
بقلم حنين محمد عبد الرحيم
البارت 3
قمر والدموع اتجمعت في عيناها :
خلاص انا اسفه انا كنت بسالك بس.....
اسر ضرب ايده في الحيطه ومتعصب من نفسه لان زعقلها اخذها في حضني وقال:
خلاص يا قمري انا اسف يا روحي
طب بوصي البسي دلوقتي اي حاجه ولما نروح هناك هتلاقي لبس كثير يا قمر وبعدين لمح فستان ابيض في اسود
وقال: بصي ده حلو البسيه.....
قمر : حاضر.....
آسر بحنان: طب يلا يا قمري البسي وانا هنزل قدامك تحت
للكاتبة حنين عبدالرحيم (حنون)
آسر لبس ساعته ونزل......
قمر لابست الفستان ولبست عليه طرحه سوداء وشوز ابيض ونزلت واسر كان مستنيها تحت شافها وهي نازله على السلم سرح في جمالها
وبعدين قال :عسل يا قمري 😍😍
قمر بكسوف : شكرا
وبعدين ودع جدو وراح ركب عربيته وهي ركبت جنبه وسافروا....🚗🚗🚗
للكاتبة حنين عبدالرحيم (حنون)
------------------------------------------------
بعد مرور وقت ليس بقليل وصلوا قدام عماره كبيره جدا........
اسر فتح العربيه ونزل فتح الباب لقمر
وقال: انزلي يا قمري......
وقمر نزلت وركبوا الاسانسير
ووصلوا قدام شقه كبيره جدا
اسر فتح الباب وقال ادخلي يا قمر
قمر دخلت و لفت نظرها في المكان وقالت :حلوه اوي....
اسر : عجبتك يا قمري.....
قمر : جدا.....
آسر : ده بيتك يا روحي...... تعالى اما افرجك عليه.....
و وراها البيت كله....
آسر : بس يا ستي ودي بقى تبقى اوضه النوم ايه رايك بقى في الشقه؟!!!
قمر : جميله جدا....
آسر : طب يا قمري يلا افتحي الدولاب هتلاقي بيجامات واطقم كثير
البسي اللي عايزاه
ولو مش عاجبينك هاجيبلك غيرهم........
قمر راحت ناحيه الدولاب فتحته وقالت:
انت جبت كل ده امتى؟!!!
آسر : امبارح بالليل لما قلت لك انا هاجيبلك هدوم طلبت هدوم اون لاين كثير وقولت لهم العنوان وقولت للست اللي بتيجي تنظف تحطهم في الدولاب......
قمر : شكرا.........
آسر : شكرا كده ما فيش ضحكه حلوه كده ولا حاجه.؟؟!!!!!😂
قمر بابتسامة : شكرا.....
آسر: ايوه هو ده........
قمر ضحكت
آسر : لا لا مش هقدر على الضحكه الحلوة دي 😂
يلا انا اخرج بره غيري هدومك انتي واطلعي ....
قمر غيرت هدومها و لبست بجامه من اللي في الدولاب وخرجت
قمر : احم.... آسر......
آسر بصلها : يا بنتي قلتلك بلاش تنطقي اسمك اموت كده....
قمر : انا بس كنت عايزة اقولك يعني... احضرلك الغدا......
آسر 😍 : ماشي يا قمري.....
آسر بمشاكسة : بتعرفي تطبخي بقى.......
قمر : شكلك ما تعرفش اني الشيف قمر......😎
آسر : الشيف قمر؟!!!...... طب هنشوف.....
قمر بتحدي : لا مش هتشوف هتدوق وانت هتعرف
الشيف الشربيني اساسا بيتعلم مني....😎
آسر بضحك 😂: الشربيني بيتعلم منك....
اخيرا بدأتي تتكلمي معايا .....
قمر بكسوف وهدوء : احم.... يعني انا بس كنت....
آسر : خلاص خلاص بلاش هدوء تاني اتكلمي براحتك يا ستي اعتبريني مش موجود اساسا......
قمر مشيت راحت المطبخ واسر قعد بيضحك على هدوئها وتصرفاتها
وبعدين قعد على الفون بتاعه
لقي الباب بيخبط قام وفتح ........
للكاتبة حنين عبدالرحيم (حنون)
*هالو يا مان ايه فينك ؟!!!
آسر : يا ابني ما انا هنا اهو لسه راجع من الصعيد......
* بقى هونت عليك يا بيبي تسيبني.....؟!
آسر : بيبي في عينك غور يالا من هنا.....
* خلاص يا اسر في ايه يا صاحبي....
آسر : ايوه كده اتعدل يا لؤى عايزه احكيلك حاجه؟!
لؤي : احكي يا...... وفجأة لقي قمر جاية..... 🚶
وبتقول : اسر الاكل خلاص هيجهز....
اتفاجأت بوجود لؤي طلعت تجري لجوه....
لؤي : اوباااااا.... بقى بتجيب ستات البيت يا اسر وانا اللي كنت بقول عليك محترم وان انا اللي باد بوي و انت محترم اتاريك مقضيها وبعدين قال: بس حلوه البطل دي جبتها منين........
وهوبا لقي بوكس نزل عليه من اسر.......
لؤي : بقى بتضربني علشان البنت يا اسر بس تستاهل....
وهوبا لقي بوكس ثاني نزل عليه......
لؤي بوجع : اه ه ه..... خلاص خلاص انا ماشي و هاسيبك خلاص انا عايز اعيش......
آسر بعصبية : تعالي يا متخلف انت دي تبقى مراتي........
لؤي بتفاجئ: مراتك؟!
مراتك ازاي امال مش كنت هتتجوز البنت الل.....
واسر حط ايده على بوق (فم) لؤي قبل ما يكمل واخذه وراح على البلكونه وقفلها......
لؤي : مراتك ازاي يا برو امال البنت الملزقه اللي اسمها تارا دي ايه ؟!
اسر : اتكلم عن تارا بطريقه كويسه يا لؤي......المهم هقولك كل حاجة هو ده اصلا الموضوع اللي كنت
هقولهولك ......اصل جدي........
وحكا للؤي اللي حصل ...........
لؤي : اه علشان كده طب وتارا قبلت الموضوع عادي كده؟!
آسر : اه ما انا مفهمها كل حاجه.......
لؤي بضحك بسخرية : انا قلتهالك قبل كده يا صاحبي و هاقولهالك ثاني تارا مش بتحبك صدقني عمر ما واحده هتحب واحد وعادي تشوفه مع غيرها.....
آسر : لا يا لؤي الحكايه مش حكايه كده تارا انسانه متحضرة وتفكيرها راقي وبتفكر بعقلها ايه الصح........ ؟!!؟؟
لؤي : لو انت مفكر الحب كده يبقى انت مش بتحب
يا آسر.......
الحب مش بالتفكير الحب تلاقي نفسك بتعمل تصرفات من غير ما تفكر ممكن حتى تبقى غلط بس ما بتفكرش حتى عارف زي ايه زي اللي انت عملته بره كده لما اتكلمت على قمر مراتك ما فكرتش حتى تفهمني ولا فكرت تعمل ايه...
ضربتني بمجرد اني جبت سيرتها
امال اللي انت بتقول عليه ده مش حب ولا عمره هيكون حب يا آسر.......... ❌
آسر : بس يا لؤي انا لسه عارف قمر من يومين بس
ومش عارف ليه من ساعتها كل حاجه فيا متلخبطه
حتى مشاعري ❤❤ ......
تعرف يا لؤي انا خليتها تيجي بالحجاب
و مجرد بس ما جابت سيره انها تنزل بشعرها
اتعصبت من الفكره جامد وزعقت
علي عكس تارا اللي دائما بشعرها وبتحايل عليها بس حتى انها تطول لبسها
بس مش بترضي وتقولي بلاش تخلف وخلي تفكيرك متحضر يا آسر.....
للكاتبة حنين عبدالرحيم (حنون)
لؤي : لا لا حرام هي مش بتقولك كده وبعدين اكمل بدلع وهو بيقلد تارا :
بتقولك يا اسوري......
آسر ضحك وقال : يعني انت سبت كل الكلام وجيت على اسوري......
لؤي بضحك : امال.... وبعدين اكمل بجدية:
الايام هتثبت لك يا صاحبي .... ان تارا مش بتحبك صدقني...... ولينا كلام تاني في الموضوع ده علشان انت دلوقتي بقيت متجوز......
يلا اسيبك انت تعيش حياتك يا عريس و اطير انا بقى
لؤي وبيحاول يستفز آسر:
يلا سلملي على مرات اخويا......
آسر بعصبية : غور يا لا من هنا بدل ما اقلبلك وشك واخليك عامل زي القرد دلوقتي.....
لؤي : خلاص خلاص انت قفوش كده ليه انا ماشي سلام.......
ومشي لؤي واسر دخل يدور على قمر لاقيها في الاوضه قاعده وضامة رجليها ليها وباين عليها انها خايفة ....
أسر بقلق عليها : مالك يا قمري؟!!
قمر بخوف : انت هتزعقلي صح بس والله العظيم
ماكنتش اعرف ان في حد بره والله صدقني يا اسر.....
اسر : اشششش..... خلاص يا روحي ومين قالك اني هزعقلك يا قمري......
قمر : ما انت كنت متعصب........
آسر : وحتى لو متعصب يا روحي متعصبش عليك تعالى .....
واخذها في حضنه........
آسر بمشاكسة : ها عملتي الاكل بقى ولا انت بتضحكي عليا و مابتعرفيش تعملي اكل؟!!
قمر : لا عملت وخلصت كمان يلا هقوم احط الاكل...
صح يا اسر يعني عايزه اسالك سؤال يعني لو
ماعندكش مانع .....
آسر : اسالي يا روحي من غير مقدمات.......
قمر : هو مين ده اللي كان معاك بره......
آسر بغيرة : اشمعنى؟!
قمر : لا عادي بسال.....
آسر : ده يا قمري يبقى لؤي اقرب صديق ليا ماشي .....
قمر : ماشي هقوم اجهز السفره.......
آسر : وانا معاكي اساعدك
ودخل معها المطبخ......
آسر : ايه الروايح دي شكلك كده بتعرفي تطبخي وانا هخسر........
قمر : قولتلك.......
بدؤا يرتبوا السفره وحطوا الاطباق وقاعدوا بيتغدوا......
آسر : يااااااااا يا قمري ماكلتش اكل بالطعامه دي في حياتي كلها........
للكاتبة حنين عبدالرحيم (حنون)
قمر بابتسامة : شكرا......
آسر : دي حقيقه يا روحي وعلشان الاكل الحلو ده جايب لك هديه؟!
قمر بفرحة : بجد ؟!!!
آسر : اكيد يا قمري ناكل وهجبهالك......
قمر ماشي....
واكلوا وخلصوا اكل.......
وقمر في المطبخ وبتلم الاطباق اسر جاء من وراها وقال : قمري....
قمر اتخضت.....
اسر بضحك : اتخضيتي.....
قمر : اخص عليك يا اسر....
اسر : خلاص خلاص معلش....
وبعدين مسك ايديها ولبسها خاتم........
وحضنها وقال : ها ايه رايك يا قمري؟!
قمر : جميل خالص.... شكرا❤❤
آسر بمشاكسة : يا دي شكرا مش عايز اسمعها ثاني ممكن تبدليها بكلمه ثانيه يعني......
قمر اتوترت: انا هروح اكمل لم الاطباق وخرجت من حضنه ومشيت.......
آسر : ده حقها اني اجبلها كل ده.....
علشان هي بقت مراتي ومسؤليتي ايوة علشان كدة بس....
بس ضحكتها سكر بت الايه ❤.....
بس ليه وانا معاها بنسي كل حاجة.....
مش عارف اعمل ايه يا ربي....
مش عارف ؟!!
وبعدين خرج و قمر لمت بقيت الاطباق ودخلت المطبخ.......
آسر شغل الTV لقي الباب بيخبط........
آسر : يا دي اليوم اللي مش فايت ده.....
انا طول عمري عايش هنا محدش معبرني حبكت يعني كله يجي النهاردة....
ولا يمكن لؤي علشان انا عارفه بارد ويحب يرذل......
آسر فتح الباب لقي تارا......
للكاتبة حنين عبدالرحيم (حنون)
تارا : ايه يا اسوري...بقى كده ما تكلمنيش يا روحي لما توصل ؟!
آسر اول ما شافها مش عارف ليه حس بضيق كده جايز علشان افتكر مشاعره المتلخبطة تاني بين تارا وقمر وقال :
انتي ايه اللي جابك هنا يا تارا ؟!!!
تارا : بقى دي طريقه تقابلني بها يا اسوري
وانا جاية اقول لك حمد لله على سلامتك.......
آسر : من فضلك امشي دلوقتي يا تارا ونبقي نتكلم بعدين.......
تارا : امشي ليه يا اسوري اوع تكون خايف من الصعيديه دي......
آسر بعصبية : تارا احترمي نفسك......
تارا : انت بقى بتزعقلي علشانها يا آسر......
آسر : تارا انا مازعقتلكيش بس قلتلك قبل كده اتكلمي بطريقه احسن من كده.......
وجاه صوت من وراهم : في ايه ؟! مين دي يا آسر. ؟!!
آسر بيبص لقاها قمر.......
تارا وجهت نظرها لقمر وكانت واقفة جنب اسر قالت بصوت واطي مسمعهوش غير آسر :
بقي دي بتقول عليها وحشة يا اسر ......ماشي بتضحك عليا........
قمر لسه واقفة......
أسر : دي يا قمر تبقي.....
تارا : انا ابقي تارا يا قمر وانا بقي ابقي.............
استوب ونتقابل البارت اللي جاي ❤❤
تفاعل بقي وبجد شكرا على تفاعلكم اللي شجعني اكتب مع اني مكنتش هكمل 🙂
يلا تفاعل بقي وكومنتات قد المجرة عايزين نوصل كومنت ها هتقدروا 😂
علشان الجاية تنزل.....
يلا تاك كير يا حلوين 👋👋
#رواية: أحببت قمر الصعيد
#للكاتبة : حنين محمد عبدالرحيم (حنون)
مقولة النهاردة للعظيم دكتور ابراهيم الفقي
( أحياناً يغلق الله سبحانه وتعالى أمامنا باباً لكي يفتح لنا باب آخر أفضل منه، ولكن معظم الناس يضيع تركيزه ووقته وطاقته في النظر إلى الباب الذي أغلق، بدلاً من باب الأمل الذي انفتح أمامه على مصراعيه....)
احببت قمر الصعيد 🌜🌜❤
البارت 4
اسر بصلها برجاء وقاطعها وقال: تبقى اختي و اقرب صديقه ليا وطالبه عندي في الجامعه.....
تارا بصتله : اختك ؟!..... اه يا حبيبتي اسر ده يبقى صديقي القريب واخويا....
وبعدين تارا قربت من قمر وقالت :بس انتي طلعتي حلوه اهو يا قمر اسم على مسمى الصراحه......
قمر : شكرا لك تعالى اتفضلى ادخلى....
تارا : ليه هو انا مستنيه اذنك
وبعدين غيرت كلامها بابتسامه وقالت: اقصد يعني احنا خلاص بقينا اخوات يا قمر يعني ده بيت اختي فمش محتاجه عزومه علشان ادخل عليه ولا ايه؟!!؟
قمر : اكيد طبعا ده بيتك اتفضلي.......
تارا : لا هامشي انا علشان ورايا حاجات لازم اخلصها وبعدين راحت بصت لآسر وقالت:
يلا تاك كير يا بيبي سلام ....ونبقى نتكلم بقى ....
ومشيت..........
اسر قفل الباب وراها......
قمر راح لآسر وقالت بصوت بس مش هادي زي ما بتتكلم على طول قالت بصوت فيه نبره عصبيه:
بعد اذنك يا اسر حتى لو صديقتك المقربة و زي اختك ازاي تقول لك يا بيبي؟!!
اسر استغرب لانه اول مره يشوفها بتتكلم كده وفرح في نفس الوقت وعايز يجريها في الكلام علشان تتكلم معه وتبدا تتعود عليه وقال:
عادي يعني يا قمر هي طريقه كلامها كده......
قمر : ايوه بس ماينفعش كده برضه......
آسر ببرود : ماينفعش ليه بقى ان شاء الله
انتي معصبة نفسك ليه؟!!!
قمر : انت بتسال انا معصبه نفسي ليه دي حتى محترمتش اني مراتك واقفه ولازم تكلمك بحدود......
آسر قرب منها : بس عجباني كلمه مراتك دي....
وانتي بتبقى حلوه قوي كده وانتي اسد كده وبيزعق ووشك احمر من العصبيه......
قمر بتوتر :ها.... انا بس كنت......
آسر : تعالي .....
و شدها من ايديها وهمس جنب ودنها :
خلاصة الكلام والعصبيه دي كلها انتي بتغيري صح؟!
قمر : بغير وهغير ليه ؟!........
مش انت بالنسبه لك الموضوع عادي انا كمان الموضوع هيبقى بالنسبه لي عادي......
للكاتبة حنين عبدالرحيم (حنون)
آسر بهدوء : يعني انتي شايفه كده وانك مش بتغيري....؟!
قمر : ايوة.....
آسر بمشاكسة وبيحاول يستفزها : طب تمام اما اروح اكلم تارا بقى.....
قمر سابت ايده وراحت على اوضتها بعصبيه......
اسر قعد يضحك عليها:
طب والله انا متجوز مجنونه و عاقله و هادية في نفس الوقت......... ماشي يا قمري بقى بتغيري ماشي....
واليوم عدي من غير اي احداث جديده
وجاء الليل 🌚🌚
اسر كان قاعد على الموبايل وقمر قاعده على TV...
آسر : قمر يلا بقى عشان تنامي الوقت اتاخر.....
قمر من غير ما ترد طفت الTV .... وسابته و دخلت تنام.....
آسر : مالها دي لسه مضايقة ؟!
وبعدين دخل على اساس انه يأخذها في حضنه و يملس على شعرها زي الاطفال لحد ما تنام زي كل يوم
وبعدين يطفي النور......
بس هي قالت : لا انا مخصماك يلا طفي النور ونام.....
آسر : متاكده مش هتخافى هسيبك وانام على الكنبه....
قمر : عادي انا مابخافش.....
آسر : خلاص براحتك
وراح اطفئ النور و نام على الكنبه
وكان متاكد انها هتخاف وتنادي عليه......
قمر : آسر.....
اسر عمل نفسه نائم وماردش......
قمر : آسر ارجوك......
اسر ببرود : نعم يا قمر عايز انام.....
قمر : معلش ولع النور......
اسر : ما انتي عارفه اني ما بحبش انام في النور
وكمان مش انتي مخصماني وقلتلي طفي النور براحتك انا مابخافش......
قمر بخوف : ارجوك معلش.....
آسر عايز يشاكسها بس صعبت عليه قام ولع النور واخدها في حضنه وفضل يملس على شعرها لحد ما نامت زي الاطفال 😍......
وهو كمان نام......
للكاتبة حنين عبدالرحيم (حنون)
--------------------------------------------------------
جاء الصباح ☀️☀️☀️
اسر صحي وساب قمر نايمه ...😴😴😴
اسر اخذ شاور ولبس بدله رصاصي وقميص ابيض
مبين تقسيمة جسمه الرياضي و لايق مع لون بشرته ولبس ساعه وحط برفيوم جامد جدا وبعدين قال:
اما اصحى قمر اقولها اني ماشي.......
راح عندها : قمر.... يا قمري....
قمر بنوم فتحت عينيها : ايوه.....
آسر : صباح العسل يا قمري.......
قمر بابتسامة : صباح النور......
اسر : يالهوي على الضحكه القمر دي اللي زي صاحبتها...
بوصي يا روحي انا دلوقتي نازل هروح الجامعه والمفروض بطلع من الجامعه على المستشفى بس النهارده هروح الجامعه واجي على طول يا قمر اوكي....
قمر : طب مصحتنيش ليه من بدري كنت حضرتلك الفطار يا اسر...
هتنزل من غير فطار
استني هقوم احضر الفطار بسرعه......
آسر : خليكي يا قمري نائمه
انا قلت اصحيكي علشان اقولك اني ماشي
انا هفطر النهارده اي حاجه من بره ونبقى نعوضها بكره يلا يا روحي عايزه حاجه.......
قمر : لا استني مش هتمشي غير لما تاكل حاجه حتى لو بسيطه......
آسر : بس يا قمري.....
وقاطعته قبل ما يكمل ومسكت ايده وهو بصراحة فرح اوي باهتمامها و محبش يزعلها وراح معها المطبخ.......
قمر عملت ساندوتش بسرعه وقالت: يلا كول ده بسرعه قبل ما تنزل وبعد كده قولي بتصحي امتى
علشان اصحى معاك و احضرلك الفطار........
آسر : هو انا اقدر اقول لأ برضه لقمري.....
واخذ الساندوتش منها واكله
آسر : ها... كده اقدر انزل بقى....
قمر بابتسامة : ايوة....
وراح لها وباس راسها وقال:
يلا مع السلامه .........
ومشي.......
للكاتبة حنين عبدالرحيم (حنون)
قمر فضلت واقفة مكانها ومبتسمة وقالت :
اسر شخص جميل جدا و بيهتم بيا و بيخاف على زعلي انا لازم ابقى حاجه تشرفه وابقى من مقامه زي ما هو دكتور كبير كده.........
آسر نزل ركب عربيته وراح على الجامعه
وكالعادة دخل الجامعة وسط نظرات اعجاب من الكل......
دخل المحاضره وبدا يشرح وخلص وبعدين المحاضره خلصت.........
بعد المحاضرة
تارا : اسوري.....
آسر : ايوه يا تارا......
تارا : ما تيجي نتغدى النهارده في مطعم يا بيبي....
في مطعم فاتح جديد هموت واجربه......
آسر : معلش يا تارا بلاش النهارده........
تارا: اكيد هتقو لي شغل انت ما بتزهقش من الشغل يا اسوري طب تعالى نقعد في كافيه شويه........
آسر : معلش يا تارا لازم امشي دلوقتي.......
تارا : في ايه يا اسوري.... انت متغير معايا كده ليه انا اساسا ليا كلام معاك على اللي حصل امبارح بس تعالي اقعد معايا شويه في الكافيه كده
يلا يا اسوري بقى ......
وشدته من ايده وراحوا الكافيه........
آسر : ها نعم يا تارا.... ؟!
تارا : في ايه يا اسوري؟!..... مالك ؟!؟؟
بلس كده كمان امبارح قدام البنت الصعيدية دي قلت اني اختك انت ماعرفتهاش انك بتحبني ولا ايه يا اسوري.......
آسر : تارا من فضلك اسمها قمر
وكمان اعرفها ايه يا تارا
استنى شويه كده
هي لسه يدوبك عارفه ان اسمي آسر اروح انا اقول لها اني بحب واحده.......
تارا : وايه يعني يا روحي وكمان قولت عليها وحشه بقى دي وحشه اسوري.......
آسر بكذب : اه بالنسبه لي عادية.....
تارا : انا كده اطمنت يعني انت مش شايف حد حلو غيري يا اسوري .....
ربنا يخليك ليا يا بيبي ....
بحبك .....
وبعدين جايه تمسك ايده
آسر ساب ايديها وقال : من فضلك يا تارا مليون مرة اقولك بلاش كدة.....
تارا : في ايه يا روحي انت لسه زعلان مني خلاص يا روحي اهم حاجه عندي زعلك.....
اسر : لا مش زعلان يا تارا هازعل من ايه يعني يلا انا لازم امشي دلوقتي......سلام.....
ومشي اسر..............
للكاتبة حنين عبدالرحيم (حنون)
تارا : هو متغير معايا كده ليه من ساعه ما الصعيديه دي دخلت حياته لا مستحيل اخليه واحده زي دي تاخذه مني...
مستحيل....
ده على جثتي...
وبعدين اسر ركب عربيته و مشي روح البيت
فتح باب الشقه ولقى ريحه اكل جميله جدا جايه من جوه
دخل المطبخ لقى قمر واقفه بتطبخ اتسحب بالراحه
وقال : قمري......
قمر : عاااااا.... حرام عليك يا اسر خضتني.....
آسر بضحك : انتي اللي قلبك ضعيف يا قمري لا اجمد كده يا بطل.......
قمر : طب حمد لله على سلامتك يلا روحي غير بسرعه علشان نتغدى......
أسر : بصراحه ريحه الاكل تحفه قالبة الشقه كلها مش قادر الصراحه.......
قمر بغرور مصطنع : علشان تعرف بس مش اي احد بيطبخ.....
اسر: ايوه بقى يا قمر يا جامد يا متواضع انت.....
انا هروح اخد شاور واغير بسرعه واجي........
قمر : ماشي يلا.....
وآسر دخل اخذ شاور ولبس ترنج بيتي وخرج.....
للكاتبة حنين عبدالرحيم (حنون)
اسر : ها يا قمري الغداء جاهز؟؟؟
قمر : اه يا اسر جهز .....
اسر راح ساعدها في تحضير السفره والاكل
وبعدين قاعدوا ياكلوا.......
اسر : الاكل تحفه تسلم ايدك يا روحي......
قمر بابتسامة : بالهنا والشفا.......
وبعدين خلصوا اكل وقمر لمت الاطباق ودخلت المطبخ
سمعت اسر بينادي : قمري......
قمر : ايوه يا اسر جاية.......
وراحت لأسر........
قمر : نعم يا اسر.....
اسر : تعالى يا روحي.... غمضي عينيك.....
قمر : ليه ؟!
اسر : يا ستي غمضي مش هخطفك ....
وغمضت عينيها......
اسر : يلا فتحي.....
قمر بفرحة : موبايل.... ها شكرا يا اسر وحضنته.....
قمر : شكرا.....
اسر بمشاكسة : لو كنت اعرف اني لما اجبلك موبايل هيحصل كدة كنت جبته من زمان.....
قمر : احم..... معلش بس انا فرحانة.....
اسر : خلاص يا ستي الواحد يفرحك على طول بقي...
على الاقل يشوف الابتسامة اللي زي الشمس دي....
قمر : اسر بصراحة كنت عايزة اتكلم معاك في موضوع
ويعني اخد رايك في حاجة........
اسر باهتمام : قولي يا قمري اللي انتي عايزاه انا سامعك......
قمر : بصراحة....... يتبع
انتوا طبعا عارفني احب التشويق قوي 😂😂
يلا تاك كير يا حلوين واشوفكم في البارت الجديد 💛
يلا تفاعل بقي وكومنتات قد المجرة عايزين نوصل كومنت ها هتقدروا 😂
علشان الجاية تنزل.....
#رواية: أحببت قمر الصعيد
#للكاتبة : حنين محمد عبدالرحيم (حنون)
مقولة النهاردة
(محاولة النهوض من السقوط أفضل من أن تداس بالأقدام وأنت راقد على الأرض.💛)
البارت الخامس والسادس هنا 👇👇👇👇👇👇👇👇👇
بداية الروايه من هنا 👇👇👇
جميع الروايات كامله من هنا 👇
