 |
صغيرتي_البريئه...
العاشر والحادي عشر والثاني عشر
بقلم دعاء احمد
الساعه اتنين بليل
قمر حسيت بحركة في الاوضه قامت بخوف وقلبها بيدق بسرعه لان النور كله مطفي في الاوضه
قمر بخوف:ب باسل.. مين...
راحت تشوف ايه المشكله لكن فجأه حد قيدها
قمر بقيت تضر"ب في الشخص دا وبتحاول تبعده
قمر بدموع:ابعد عني انت مين وبصوت عالي باااااسل اللحقنننننننيييي
فجاه حط ايديه على بوقها
قمر فضلت تتحرك وبتبعد بخوف لحد ما النور اشتغل
قمر مغمضه عنيها وبتعيط بانهيار وهستريه
باسل بسرعه:اهدي اهدي دا انا
قمر بخوف :ان انت هو ايه اللي حصل
باسل:مفيش.. الكهربا قطعت عن القصر فكنت بشوف المشكلة مع البواب
قمر بدموع :وليه بتعمل كدا انا كنت همو"ت من الرعب
باسل :انا اسف خالص بقى متزعليش وامسحي دموعك
قمر مسحت دموعها وبصتله
باسل بجديه:ياله روحي نامي ومتخافيش
قمر :وانت مش هتنام
حسين من برا:باسل في حاجه سمعت صوت صر"اخ
باسل :لا يا بابا مفيش حاجه متقلقش يا حبيبي
حسين:ماشي يا ابني تصبح على خير
باسل:وانت من اهل الخير
قمر :انت مش هتنام
باسل بجديه:لا حاسس اني قلقان
قمر:طب هتعمل ايه؟
باسل بهدوء:الا بذكر الله تطمن القلوب هصلي قيام الليل و بعدين الفجر هيكون اذن
قمر بسرعه :ط طب استني اتوضي واصلي معاك
باسل بابتسامه :ماشي يا قمري ادخلي ياله
بعد مده طويله باسل بيقرأ في المصحف بصوت عذب جدا تستطيب له النفس
لدرجة ان قمر بقيت تعيط من خشوع صوته
باسل :صدق الله العظيم
قمر بدموع وحب: صوتك حلو اوي... عمري ما تخيلت انك حافظ القرآن الكريم
باسل بابتسامه هادئه:ليه بقى؟
قمر وهي بتهز كتفها :يعني مش عارفه
باسل :انا درست علوم إسلامية و شويه في الفقه والسنة والحمد لله خاتم القران
قمر بابتسامه جميله وعفويه :انت بجد جميل جدا
باسل ضحك بهدوء وهو بيبص لها :وانتي طيبه اوي يا قمر... صحيح افتكرت
قمر:ايه؟
باسل مسك ايديها وقام و راح وقف أدام المرايه طلع سلسله الكواكب لونها ارزق بتلمع
قمر بسعاده:دي ليه انا
باسل بفرحه لفرحتها وبا"س راسها :طبعا يا اميرتي
قمر ابتسمت وهو لابسها السلسله وكانت جميله جدا
**************
في صباح يوم جديد
باسل ساب قمر نايمه وقام اخد شاور ولابس بدلته ونزل الشغل
في اوضه قمر
صحيت من النوم مبسوطه وهي بتفكر في باسل وفي حياتهم سوا وخصوصا انه شخص كويس.. لسه جواها قلق لكن بتحاول تتغضي عنه
لابست هدومها ونزلت لقيت والدتها قاعده مع حسين
قمر:صباح الخير
حسين وسميه:صباح النور
حسين :عامله ايه مع جوزك يا بنتي
قمر بابتسامه :الحمد لله يا عمي كويسين
حسين :الحمد لله ربنا يسعدكم يا بنتي.. انا هطلع اقعد في الجنينه شويه
سميه:تعالي يا قلبي عايزه اتكلم معاكي
قمر:اتفضلي يا ماما
سميه:منار ونواره
قمر بغضب :مالهم دول كمان مش خالص خلصنا من عثمان
سميه بطيبه:يا بنتي استنى بس عليا.... منار صحيح غلطت في حقنا انا و انتي لكن هي دلوقتي مترمطه في الشوارع وحالتها تصعب على الكا"فر
قمر بطيبه وبراءه:طب اتتتي عايزني اعمل ايه
سميه:قولي لباسل يشوفهم اي مكان يعيشوا فيه او يشغل البت نواره عنده اهو نكون عملنا فيهم خير
قمر بتوتر:باسل اه تمام هحاول يا ماما
سميه:وهي مستعده تعتذرلك وتبوس راسك كمان ان كن هي ولا نواره
قمر:مالوش داعي يا ماما انا اصلا نسيتهم
سميه بضيق: بصراحه هما قالوا انهم جاين كمان شويه
قمر :حاضر يا ماما هستقبلهم
بعد حوالي ساعتين
منار جايه من برا وبتعيط وهي بتحضن قمر
قمر كانت متضايقه وهي بتفكر في الاهانه و الضر"ب اللي عشته معهم
منار بدموع مزيفه: قمر يا بنتي انا اسفه على كل اللي عملته فيكي بس ربك مش بيرضي بالظلم...... انا ظلمتك وربنا جبلك حقك..... عثمان ال.... هو السبب لا وكمان كان عايز يعتد*ي عليكي.... بس انتي ميرضيكيش ان انا واختك نترمي في الشارع
ماهي نواره برده في مقام اختك الكبيره
قمر ببراءه وطيبه:طبعا هي اختي
نواره حضنت قمر وفضلت تعيط بغل وحق"د :انا اسفه على كنت بعمله فيكي يا حببتي بجد معرفتش قيمتك الا لما اتبهدلت واتمرمطت في الشوارع
قمر بطيبه:خالص يا نواره اهدي وان شاء الله هنلقيلها حل
**************
في مكتب حسين
حسبن:طبعا يا بنتي ممكن يفضلوا هنا لحد ما يلقوا مكان يعيشوا فيه
قمر :انا متشكره جدا يا عمي
حسين:مش خايفه منهم يا قمر... دول اتنين اتسببوا في اذيتك ودلوقتي بيلجوا ليكي بس عشان محتاجينك
قمر بطيبه:انا عارفه يا عمي بس ربما اللي اعمله دا تكون بداية جديده بينا... الدنيا رحله قصيره وانا قررت اسامح واتغضي عن اخطائهم
حسين:ربنا يديكي على اد نيتك يا بنتي
****************
بعد وقت طويل
قمر كانت نايمه بهدوء
باب اوضتها اتفتح براحه جدا..... نيره دخلت وهي شايله سله مقفولة ابتسمت بشر اول ما شافت قمر نايمه وراحت ناحية السرير وقعدت على ركبتها وفتحت السله بهدوء
بتخرج منها اف"عي .... نيره بعدت بخوف و ابتسمت بشر
و كان في
في السله ازاز مك"سور حطيته على الأرض
بصتلها بانتصار وخرجت بشويش من الاوضه لكن اصطد"مت بحد
نيره بتوتر:ا انتي بتعملي ايه هنا
نواره بابتسامه خبيثه: كدا اسمه غباء ووممكن تخرج من الاوضه
نيرة بصلها بشك وهي ابتسمت :فين مفتاح الاوضه دي
نيرة طلعت نسخه من المفتاح و نواره اخدته وقفلت الاوضه بالمفتاح
نيره بسخريه: واضح ان في أمور مشتركه بينا
نواره:تقريبا كدا
الاتنين بعدوا عن الاوضه وسابوا قمر مع مصيرها المجهول
تفاعل كبيررر يا جماعه عشان انزل بارت تاني بليل
صغيرتي_البريئه...
البارت١١
قمر كانت نايمه والتعبا"ن بيتحرك في الاوضه
قمر قامت وبتتاوب مكنتش فايقة قامت دخلت الحمام و اخدت شاور
في نفس الوقت
باسل دخل الفيلا بتعب من الشغل
سميه:ازايك يا ابني
باسل بابتسامه :الحمد لله
اخبار حضرتك ايه؟
سميه:انا الحمد لله بخير بس عايزه اكلمك في موضوع ممكن
باسل :طبعا اتفضلي نتكلم في المكتب
دخلوا مكتبه وهو قلع جاكيت وحطه على الكرسي وقعد قدامها
باسل:اتفضلي يا امي
سميه: نواره ومنار
باسل بجديه:مش دي مرات عثمان وبنته
سميه:ايوه شوف يا ابني..... منار وريت قمر النجوم في عز الضهر.... ضر"ب واهانه وانا للأسف كنت ضعيفه مقدرتش احميها منهم
لكن قمر قلبها لسه ابيض ونضيف و منار لما طلبت منها المساعده هي مرفضتش
باسل:اصدك ايه
سميه: منار هي و نواره قاعدين فوق.... منار الشارع بهدلها وطلبت النجدة من قمر وهي وفقت تساعدها وطلبت من والدك انه يخليها تعيش معانا يومين كدا لحد ما تلقى مكان تفضل فيه
وانا بستسمحك انك تلقى لنواره اي شغل معاك
باسل بتفكير :خالص يا حماتي هدورلها على اي شغلانه بس مينفعش تفضل هنا كتير
لكن فجأه سمعوا صوت صر"اخ قمر عالي
باسل قلبه اتنفض وبسرعه طلع من المكتب وهو بيجري ويطلع لاوضتهم لقى الباب مقفول كسر الباب بدون تفكير
دخل لقى قمر واقعه على الأرض و بتنز"ف من رجليها بشده وفي ازاز على الارض
بسرعه شالها وحطها في السرير وهي بتعيط بوجع
باسل بخضه:قمر اهدي لو سمحتي
طلع موبايله وكلم مروان
مروان:يا نعم مش لسه مخلصين شغل ولا في حاجه تانيه
باسل بغضب :هات دكتورة وتعالي بسرعه يا حيو"ان
مروان :في ايه؟
باسل: انجز
لكن فجأه وقف مصدوم لما شاف التعبا"ن بيطلع على فرش السرير
قمر بصتله بصدمه وبسرعه باسل شالها وقعها على إلانتريه واخد نفس عميق وهو بيمسك فوطه صغيره ويرميها عليه... وبسرعه مسكه من راسه
قمر شافته كانت حاسة انه هيغمي عليها وهو خرج من الاوضه و الفيلا كلها
بعد مده
الدكتوره: تمام يا باسل بيه هي كدا محتاجه راحه ومتمشيش على رجليها لحد ما الجرح يلم
باسل بتفكير وشك:تمام يا دكتور
الخدامه دخلت نضفت الاوضه من للازاز وخرجت مفضلش غير باسل وقمر اللي سرحان
قمر بصوت واطي :باسل
فاق من شروده على صوتها الهادي
باسل بابتسامه :نعم يا قمر
قمر بشك:انت كويس؟
باسل : انا اللي مفروض اسألك انتي كويسه
قمر:اه الحمد لله احسن دلوقتي
بس هو ازاي التعبا"ن دخل الاوضه
باسل بشك:متفكريش كتير يا قمر و نامي دلوقتي
قمر بهدوء وخوف:ممكن اطلب منك طلب
باسل :اتفضلي
قمر:ممكن تفضل معايا انا بس خايفه
باسل وهو بيعدلها المخدة :طبعا ياله نامي يا حببتي متخافيش
قمر لنفسها :يارب هو حنين اوي... انا خايفه من الاحساس اللي جوايا خايفه لاني عارفه النهايه والمصبر اللي هروحله برجليا.... ياترى ليه بتزرع حبه في قلبي ليه... ليه قلبي بيوجعني اوي وانا شايفه حنيته
باسل لنفسه:حسابك تقل اوي يا نيره وهتتدفعي التمن غالي عشان تفكري الف مره انك تلعبي معايا..... ياترى القدر مخبيلنه ايه يا قمر
بص ليها لقها نامت حط ايديه على وشها بحنان وهو بيحفظ ملامحها جواه
تاني يوم
نيرة ونواره ومنار وسميه وحسين قاعدين على السفره
بينزل باسل وهو شايل قمر
نيره بصتلهم بغل وحقد دفين
حسين بابتسامه:اخبارك ايه يا بنتي دلوقتي
قمر:كويسه الحمد لله يا عمي
نواره بحب مزيف:حمدلله على سلامتك يا قمر ان شاءاله انا
قمر بطيبه:بعيد الشر عنك
حسين: باسل شوف انت تاخد قمر وتطلعوا شاليه الساحل تقعدولكم كم يوم كدا ومترجعوش الا لما تقولي اني هبقي جد انا عايز حفيد صغير كدا
باسل بخبث:وماله يا بابا تسع شهور ويكون بينا
قمر عنيها دمعت وهي عارفه انها مش هتكون موجوده معهم وانه ممكن ياخد منها ابنها ويسيبها
********************
بعد اسبوع
قمر واقفه أدام المرايه بحزن وهي بتحط النقاب على وشها
باسل:خالص جهزت يا قمر
قمر بسرحان :اه
باسل شدها من دراعها وشال النقاب و شاف الحزن اللي في عيونها:مالك.؟
قمر:مفيش انا كويسه بس تعبانه شويه
باسل بحنان:تحبي اطلب الدكتوره
قمر بهدوء:انت ازاي كدا؟
باسل استغرب :ازاي ايه؟
قمر متكلمتش وحضنته وفضلت تعيط
باسل :بسم الله الرحمن الرحيم مالك يا قمر
قمر بحزن:انا بس عايزه افضل كدا لو سمحت
باسل حط ايديه على دماغها وبدأ يقرأ قرآن
*****************
عند نيره
كانت قاعده بتتفكر تعمل ايه عشان تخلص من قمر
لقيت موبايلها بيرن من نمره مجهوله
نيره:مين؟
خالد :انا
نيره بتوتر:خالد القصاص
خالد بابتسامه ساخره:اهلا مدام نيرة المنصوري
نيره: خالد انا
خالد:ههههششش انتي خا"ينه و كدابه وطماعه سيبتي واحد بيعشقك عشان واحد معه فلوس تخيلي يا نيره انا بسببك بقيت غني اوي اه دلوقتي اسم القصاص بيرن في كل مكان
نيره :انا انا مغلطش يا خالد انا حبيت باسل
خالد:كدابه وخا"ينه انتي اللي زيك ميعرفش يعني ايه حب يا نيره لأنك وحشه اوي من جوا
نيرة :انت عايز ايه دلوقتي
خالد:قمر
نيره:ايه؟
خالد :تعاليلي في المكان دا لو حابه تخلصي منها........
نيره:وانت هتستفاد ايه
خالد:مالكيش دخل
وقفل معها
صغيرتي_البريئه
دعاء_احمد
صغيرتي_البريئه..
ال١٢
:::::::::في عربيه باسل ::::::::::
:تجلس قمر بجواره وهي شارده في مصيرها المجهول ربما لأنها بدأت تتعلق به................
ام باسل فيفكر فيها ك ام لأولاده و زوجته للأبد لايعرف لماذا ولكن يكفي ان تكون بجواره........
فهو لم يعترف بأنه بدا يعشقها او لنكون أدق...... لم يختبر مشاعره حتى الآن.......
باسل بمشاكسه:القمر سرحان في ايه؟
قمر :جعانه
باسل :طب اول ما نقف عند أي ماركت هنزل اجيبلك اللي انتي عايزاه
قمر بابتسامه :شكرا
باسل:قوليلي بقى مالك؟ بقالك مده سرحانه وتايهة.. ايه بتحبي جديد؟...
نظرت له ووجهها في متورد بحمره الخجل
كاد قلبها ان ينشق من صدرها ليخرج ويقول بأعلى صوت
ماذا فعلت بي..... جعلتني متيمه بعشقك......
اخفضت راسها وهي تبتسم تلك الابتسامه الجميله
باسل :نزلي النقاب
قمر:ليه؟
فتح سقف العربيه والهوا كان بارد نسماته خفيفه
قمر أبتسمت وقامت وقفت
مكنش في حد موجود رفعت النقاب لتتلمس نسمات الهواء مع وجهها لتبدو فرحتها كفرحه طفله بالعيد
********************
بعد مده طويله
بيوصلوا الاتنين الساحل الشمالي
البواب بيفتح بوابه الفيلا وباسل بيدخل بالعربيه
وقف العربيه وبص لقمر لقها نامت
...نزل فتح الباب شالها بهدوء و دخل الفيلا
بيحطها في سريرها.. بينزل يعمل كم حاجه و طلع ياخد شاور
قمر بتصحي وهي بتتاوب قامت بدون وعي وهي بتفرك في شعرها و عينيها
لكن بدون ادراك اصطدمت به
قمر بنعاس:اسفه
باسل بقى يقرب منها وهي بترجع لورا بخوف
قمر:في اي؟
باسل متجاهل الرد عليها وبيقرب منها بخبث لحد ما اصطدمت بازاز البلكونه
باسل وهو يحاوطها وبغرور
:ااامم مش عارف ليه حاسس انك بتكوني اصده اصل مش كل دي صدف.....
قمر بتوتر وخجل وبلا ادراك:لا والله انا مش ببقى اقصدي اني اكون قريبه منك...
انا بس بلقيك ادامي في كل حته بس مش عارفه ازاي
.. كانك قدري
باسل بابتسامه جانبيه وهو يحاوط خصرها :طب ما دي حقيقه ولا عندك شك
قمر بتوتر:لا طبعا بس بس اه افتكرت انا عايزه اتفرج على الشاليه ممكن
باسل بخبث:تؤتؤ مش دلوقتي
قمر بغيظ وهي بتربع ايديها ادامها بطفوليه :ليه بقى؟
باسل بخبث:مزاجي كدا
قمر : ليه هو انت اشتريتني؟
فجأه سكتت وهي بتبسم بسخريه
قمر:انت فعلا اشترتني....
باسل بصلها بضيق وسابها ودخل اوضه الملابس
قمر اتضايقت منه ودخلت اخدت شاور
بعد مده
خرجت وكانت لابسه دريس صيفي قماش لونها ازرق منقوش ب ورد لونه اخضر
ورافعه شعرها ديل حصان
لقيت باسل قاعد على السرير وسرحان
قمر: احم احم
بسرعه شدها من دراعها وقعدها جانبه
قمر:في اي؟
باسل بحده:ممكن انا اللي افهم في اي؟
قمر :انا فعلا مش فاهمه اصدك
باسل :بصي يا قمر انتي مراتي وحكاية شاريكي دي وهم في دماغك
قمر بغيظ :اصدك ان انا مجنونه
باسل :ايوه مجنونه وستين مجنونه كمان ماهو مفيش بنوته عاقله تقول لجوزها انت شاريني بفلوسك......
........ كان ممكن تقولي كدا لو انا جايبك من الشارع وهتسلي معاكي يومين مش اتجوزك واختارك ام لعيالي
قمر :بس انت مختارتنيش وانجبرت عليا
باسل: لا والله تفتكري ان واحد عنده ٣٣ سنه كبير وعاقل في حد ممكن يجبره على حاجه
يمكن متختارتكيش لكن لما اتجوزت اعتبرتك مراتي مش واحده هتسلي معها
قمر :تمام انا عايزه اتفرج على المكان
باسل بخبث:مكان ايه بقى بقولك ام عيالي مش ملاحظه حاجه
قمر بتوتر وبسرعه زقته وقامت:انا بقول ننزل نتمشى افضل
باسل بغمزه:مسيرك يا ملوخية تيجي تحت المخرطه
قمر بمرح :بيئه اوي....
باسل بضحكه وسيمه:فعلا.. ياله بينا
قمر:هنزل كدا
باسل:متقلقيش مفيش حد في المنطقه حتي البواب مش موجود ياله بينا
قمر:ياله
بينزلوا سوا بتكون قمر فرحانه جدا معه
باسل :ياله ننزل نعوم شويه
قمر:بس انا مش بعرف اعوم
باسل بابتسامة وهو بيشدها من خصرها ليجذبها لصدره العا"ري:هعلمك متخافيش
قمر بخوف:باسل انا بجد بخاف من المايه
باسل وهو يحاوطها بتملك:مش واثقه فيا
قمر بسرعه:بالعكس انا واثقه فيك اكتر من روحي
ابتسامة واسعه ارتسمت على وجهه ليزداد وسامه ليطبع قب"له خفيفه على وجنتها
=خالص متخافيش خليكي واثقه فيا وصدقيني مش هتندمي
هزت راسها بخوف وحذر وهي تنظر لحمام السباحه بتوتر
بعد قليل
كانت تضحك بمرح وهي تنفذ تعليماته حتى أصبحت تسبح بطريقة افضل
ضحكت بطريقه طفوليه بينما هو يلف يديه حولي خصرها ويثبتها امامه
باسل
=خدي نفس واحبسيه جواكي... واحد... اتنين... تلاته
ماهي إلا ثواني وسحبها لاسفل لمده قصيره ثم رفعها مره اخرى
وهو ينظر لها بسعاده
باسل بسعاده:مش صعبه اوي
قمر :دي جميله اوي
ممكن نفضل شويه
باسل بضحك:من شويه كنتي رافضه مفيش مكافأه ليا بقي
قمر ببراءه:هعملك كب كيك بالشكولاته
هز راسه بنفي وهو بيضحك :طلعتي بتحبي المايه طب استحملي بقي
بصتله بشك وهو بسرعه شدها تحت المايه
**********************
في فيلا بجوار شاليه باسل
شاب واقف وماسك كاميرا وبيتفرج على قمر وباسل
ومركز مع قمر
دخل الاوضه ولقى صحابة مشغولين...
سيف:خدي يا عم سيجا"ره إنما ايه.... عنب.... شوف انا اللي لفتهالك بنفسي
عز:انتم قاعدين هنا وسيبين الصا"روخ قاعد برا
سليم:صا"روخ ايه في الهو دا دا احنا في مكان مقطوع يا ابني
عز:في الشاليه اللي جانبنا... بس معها واحد
سيف:طب هات الكامير دي كدا
واخدها وطلع شاف باسل وقمر سوا
سيف:اوبا هي دي مصريه
سليم:انتم مجانين انتم عارفين دا مين.... ادخلوا بسرعه
كلهم دخلوا
عز:في ايه يا جدع
سليم:انتم عارفين دا مين؟ دا باسل المنصوري واكيد دي مراته دا لو عرف انك قلت كلمه على مراته هينسفك من على وش الارض
سيف:بس مراته مز"ه اوي يا بخته يا جدع
سليم :بصراحه اه هو دايما بيقع واقف
سليم بخبث :عشان كدا لازم نعمل حاجه تخليني نتسلى بدون ما نتاذي منه
سيف:هو دا الكلام
****************
في القاهره
وصلت نيره لشقة في مكان معزول خاص بخالد
اول ما خبطت لقيت خالد ادامها
خالد بسخريه :اهلا يا مدام نيره
نيرة :ازايك يا خالد
خالد وهو بيصب له كاس:ااااممم كويس جدا اتمنى تكوني مبسوطه مع باسل
نيرة بسرعه حضنته :انا اسفه يا خالد والله العظيم انا محبيت غيرك بس باسل كان الاقوى وانا مكنش عندي استعداد اعيش في الغُلب دا للابد
خالد بسخريه:مبقتيش تفرقيلي يا نيره
نيره:يعني ايه؟
خالد:هههههههه تفتكري لما باسل بيه يعرف ان مراته معايا في بيتي
ثم تابع وهو ينظر بسخريه: تفتكري هيكون رده فعله ايه
نيرة :خالد انا بحبك ومستعده اطلق منه ونتجوز هو خالص اتجوز واحده غيري
لسه هتقرب تبو"سه قلم نزل على وشها بقوه
خالد بحده:طلعتي ر"خيصه بس انا مش رخيص عشان اخو"ن واحد كنت صاحبه في يوم من الايام.... برااا اطلعي برااا
نيرة اتملكها الغضب ومشيت
خالد اخد موبايله وكلم يزن
خالد بضيق:احجزلي تذكره على المانيا انا زهقت
يزن:اعتقد ان الأبيض اللي جواك خليك ما ترتكبش غلطه تفضل تندم عليه.... عاش يا صاحبي
*******************
بليل
عند باسل وقمر
واقفه قدام المرايه وهي لابسه دريس ابيض لبعد الركبه منقوش بورد احمر والدراع من الشيفون الناعم
فرده شعرها الناري و حطه مكياج خفيف جدا وملمع شفاه
باسل دخل الاوضه ووقف يتفرج عليها بصتله وابتسمت
باسل :متجوز ملاك يا اخواتي
قمر بابتسامة ساحره: شكرا
باسل كان لابس تيشرت ارزق نص كم وبنطلون ابيض
مسك ايديها ونزلوا
خرج من الشاليه
باسل بشياكه فتح باب العربيه:اتفضلي يا اميرتي
قمر بحركه مسرحيه:شكرا يا مولائ
ركبت وهو ركب جانبها كانت عربيه من النوع الفيراري المكشوفه
الهواء كان بيلمس وشها برقه وهو بيطير شعرها في وسط كلمهم المرح
بعد مده وقف العربيه ونزل
و قمر نزلت ووقفت جانبه وهو مسك ايديها
وبقي يمشي في ممر طويل متعلق فيه انوار صغيره و متزين بالورد
والبحر على الجانبين والموج هادي بينشر رذاذه عليهم وسط انبهار قمر وسعاده باسل
وقف أدام يخت كبير ساعد قمر انها تطلع
وقفت على اليخت وفجأه انوار انتشرت في السما
قمر وقفت مبتسمه وفجأه الموسيقى اشتغلت
جذاب اوي هاموت عليه
هيجنني بضحكته
آه يااني من كلامه وابتسامته يا اني....
عليه عيون لكن مدوخاني
بدوب وبنسي اسمي لو ناداني
و
بنسي نفسي من سلام ايديه
مهما اتقال في حبيبي كلام هو مالي مركزه
لو كان واقف وسط كام لو بين الف بميزه
من خوفي عليه من الايام بدعي الله يحفظه
لو في الدنيا منه اتنين كانت اتغيرت
الاتنين فضلوا يرقصوا بطريقه جميله جدا وهما على سطح اليخت
صغيرتي_البريئه
البارت١٢
دعاء_احمد
تكملة الرواية من هنا 👇👇👇
بداية الروايه من هنا 👇👇👇
