رواية رمضان في حارتنا البارت الاول الكاتبة أية علي الشربيني كامله علي مدونة النجم المتوهج للروايات والوصفات

رواية رمضان في حارتنا 

البارت الاول

الكاتبة أية علي الشربيني 

أحمد خلصت تعليق الزينة ولا لسه 

رد أحمد وقال : 

لسه ياما دة لسه قدامنا ياما هنزين الحارة كلها 

ياعم ابراهيم خلصت الفانوس ولا لسه 

رد عم إبراهيم بحب وسعادة : 

لسه يا أحمد بزينه اهو عقبال ما تعلقة الزينة هكون خلصته عمك سعيد خلص الفانوس الا معه 

رد أحمد وقال : 

لسه بيظبط النور في لما تخلص الفانوس نادي علية وهجيلك طايرة 

ضحك عم أبراهيم وقال : 

رمضان كريم يااحمد 

رد وقال : 

الله أكرم ياعم إبراهيم 

______________________

في منزل الحاج سيد 

يابابا انا جهزتلك الطبلة اهو 

رد عم سيد بحب وقال : 

ربنا يحفظك يابنتي 

ردت بحب وقالت له : 

رمضان كريم ياحج سيد 

رد حج سيد وقال وهو يدق علي الطبلة : 

اصحي ياهنا حضري السحور رمضان كريم 

قبلته هنا بحب وقالت : 

كل سنه وانت معانا يابابا 

دخلت ابنته الشقية وهي تقول : 

بابا ياحج سيد متنساش تنادى علي اسمي اول واحدة أحسن انت عارفني مش هسكت وهجيب ناس متسكتش 

ضحك الحج سيد وهنا علي شقاوة ابنته وقال : 

اصحي ياهدير وجهزى السحور رمضان كريم 

قبلته بحب ودخلت زوجته الست سعاد وهي تقول : 

ونستني انا ياحج 

رد وقال : 

وانا اقدر بردو ياام يوسف اصحي ياسعاد واعمليلي طبق الفول رمضان كريم 

ونتركهم في حالتهم الجميلة ونذهب الي مكان اخر 

_________________________

بعد تعليق الزينة والفانوس بدأت اجواء رمضان ترسم البهجة علي حارتنا الجميلة في احدى المناطق الشعبية تجري الاطفال وهم يولعون بعض الاسلاك ل احتفالهم بشهر الكريم فكل منطقة ولهم عاداتهم في الاحتفال 

عم جرجس ونبي عاوزة طبق فول واتوصي 

رد عم جرجس بحب وسعادة وقال : 

من عيوني ياست البنات احلي طبق فول ل اجمل عروسة في الدنيا كل سنه وانتي طيبه ياقمر يابنتي 

ردت قمر بحب وقالت له : 

وانت بخير ياراجل ياطيب انت 

اعطاها الفول بحب وهو يقف يحتفل معهم هو وابنه مينا ب اجواء رمضان وزجته مريم 

يامينا يامينا ياله تعالي هات الفانوس بتاعك علشان نحتفل 

رد مينا وقال : 

حاضر استنوني انا جي وحوي ياوحوي رمضان كريم 

وكمان وحوي رمضان كريم ظلو يهتفة جميع الأطفال 

وبدأت أجمل أيام تعم علي كل بيت مصري ليأتي صوت عذب بدء في غناء وتهتف بعض الاطفال بسعادة معاها 

وهي تقول : 

افرحوا يابنات يالا وهيصوا

رمضان اهو نور فوانيسه

ياحلاوة التين الله الله

والقمر الدين الله الله

واكياس النوقل وقراطيسه هيه

افرحوا يابنات هيه

هيصوا يابنات هيه

بعد الفطار دوغرى نحلى

بكنافته وقطايفه تملى

وكل يوم افراحنا تزيد

يفوت علينا اوام يجرى

نقول له لسه عليك بدرى

يقول دا جاى ورايا العيد

افرحوا يابنات يالا وهيصوا

رمضان اهو نور فوانيسه

ياحلاوة التين الله الله

والقمر الدين الله الله

واكياس النوقل وقراطيسه هيه

افرحوا يابنات هيه

هيصوا يابنات هيه

افرحوا يا بنات يالا وهيصوا

وبعد الانتهاء ظل الجميع يهنئ الأخر بحب وسعادة 

والجميع ينظر لها بحب علي تلك الصوت العذب ف ها هي صوت جنيل ووجه جميل فهي اسم علي مسمي جميلة ابنه الحج سيد الأبنة الكبري تبلغ من العمر ٢٤ عام واختها هنا تبلغ من العمر ٢٢ عام والصغيرة هدير تبلغ من العمر ١٨ عامآ ويوسف الأبن الاكبر الذي يكبر البنات فهو في سن ٢٨ عام والحج سيد يبلغ من العمر ٦٠عام وزوجته سعاد ٥٠ عام 

___________________________

الاجواء مازالت مستمرة ويجتمع الجميع بعد غناء جميلة مع الأطفال وهنا وهدير يقفون ليتجمعه كل واحدة بصديقتها نظرت جميلة لتعمل بوجه سعيد الي صديقتها قمر وهي تقول : 

عروسة العيد القمر كله كل سنه وانتي طيبه ياقمر الكون 

ردت قمر بحب وقالت لها : 

وانتي طيبه ياجميلة العالم ياام صوت كروان خليتي الحارة كلها بهجه وفرحة 

ردت جميلة بحب وقالت : 

انا بعشق اجواء رمضان أووى تصدقي ياقمر احنا في نعمة كبيرة جدا 

ردت قمر واجتمعت البنات ليصنتو الي كلمات جميلة وهي تقول : 

نعمة ايه ياجميلة 

ردت جميلة بحب وقالت : 

حارتنا وكل منطقة شعبية بتقدر تحس ب اجواء وفرحة رمضان تعرفي ان الاغنياء يملكون كل حاجه بس معندوهمش اجواء زى الا احنا بنحسها علشان كدة احنا في نعمة كبيرة جدا 

ردت قمر والبنات وقالوا : 

عندك حق 

اتاهم صوت الحج سيد بسعادة وهو يقول : 

ياجميلة ربنا استجاب دعاكي ودعاية يابنتي اتصله من شغلك وقبلتي في شركة الدمنهوري 

السعادة اكتملت والجميع ظل يحتفل ب جميلة وعم سعيد صاحب قهوة السعادة وزع شربات بتلك المناسبة ومنهم من قدم الحلويات فهم حارة السعادة والترابط والحب 

________________________

دقت الساعه الثانية صباحآ 

ليبدء العم سيد بدوره في اجواء رمضان وامسك عصاه وطبلته الصغيرة ليبدء ويقول : 

اصحي ياهدير وجهزى السحور 

اصحي ياقمر رمضان كريم 

اصحي ياأحمد ووحد الرازاق رمضان كريم 

عم سيد عم سيد ونبي قول اسمي 

رد عم سيد بحب وقال : 

اصحي يامينا رمضان كريم 

تجري الاطفال بحب وهي تقول : 

رمضان كريم وحوي ياوحوي 

ذهب الحج سيد الي منزلة ليبدء كل منزل في اعداد السحور وتجهزت السفرة من طبق الفول والفلافل وطبق البطيخ الأحمر الجميل والخ وجلس الجميع بسعادة وحب يأكل لتدمع أعين سعاد وتقول : 

كان نفسي يوسف يكون معانا ياحج سيد 

رد الحج سيد وقال : 

ياحجه ابنك جي بكرة وهيقعد يفطر معانا ربنا يجيبة بسلامة ان شاء الله 

بعد الانتهاء من السحور ابتدأ قرأن الفجر بصوت الشيخ محمد بصوته الجميل وبدأ الجميع يستعد ل اول يوم صيام وبدء الشيخ محمد يصلي بجميع من في حارة السعادة وجلست جميلة بعد اداء فرضها وامسكت المصحف وبدأت تقرأ به بصوتها العذب وهي جامعه اخواتها هنا وهدير وكل منهم قرأه وردها وغطه في ثابت عميق لتنير الشمس لتعلن عن اليوم الاول في الشهر الكريم لتستيقظ جميلة بنشاط لتنعم بحمامها وتصلي فردها وتتجهز وتخرج لتقبل يد أمها وولدها ويدعه لها لتذهب الي أول يوم في عملها في شركة الدمنهوري 

تدخل جميلة الي الشركة ب انبهار وهي ترتدي دريس من اللون الزهري وحجاب من اللون الابيض وبه ورود صغيرة من اللون الزهري وحذاء من اللون الأبيض وتدهل الي الأسانسير وتذهب الي قسم التعين لتقابل فتاة وجهها بشوش تقف وتقول : 

انتي قبلتي في الشغل 

ردت جميلة بحب وقالت : 

اه قبلت وانتي 

ردت وقالت بسعادة : 

اه الحمدلله قبلت 

ردت جميلة بحب وقالت : 

اسمك ايه 

ردت وقالت : 

اسمي رباب 

ردت جميلة وقالت لها : 

عاشت الاسامي انا جميلة 

ردت رباب بحب وقالت لها : 

عاشت الاسامي اسم علي مسمي فعلا انتي جميلة 

استملت كل منهم وظيفتها والنصيب جمعهم في مكتب واحد مع اتنين اخرين الاستاذة مني وهي تبلغ من العمر ٣٤ عام والاستاذ هيثم يبلغ من العمر ٣٠ عام 

__________________

في صباج اول ايام رمضان يفيق زين الدمنهوري بنشاط وينعم بحمام ويخرج ليصلي فردة ويرتدى زية الرسمي الذي تعطيه وسامة فوق وسامته لينزل ليقبل يد ولدته ولده ويصبح عليهم حتي تقول ولدته ثريا هانم : 

رايح فين الصبح كدة ارتاح شوية كل حياتك شغل بس 

رد عليها بحب وقال : 

ياماما انتي عارفة اني بحب شغلي اووى ولازم اروح علشان اخلص الشغل بدري وارجع قبل الفطار ودعهم 

وقاد سيارته وانطلق الي شركته حتي دخل الي الشركة فالجميع يهابة ويحترمونه جيدآ ويخافة من عصبيته فهو يعشق من يعطي الشغل حقة واكثر 

دخل مكتبة وابتدا عمله جتي أذن الظهر وهناك لائحة ان اوقات كل اذان محق لكل موظف ان يادى فردة وهناك مكان للرجال خاص بالصلاة وهناك مكان للسيدات خاص بصلاة ذهبت جميلة الي تلك المكان مع استاذة مني وصديقتها الجديدة رباب حتي قالت سيدة يظهر عليها أنها اكبرهم وتدعي السيدة عائشة فهي موظفة بالحسابات قالت : 

مين هيصلي بينا 

ردت جميلة بخجل واضح وقالت : 

لو تسمحولي انا 

رد الجميع بحب وقالوا : 

اتفضلي طبعا 

بدأت جميلة تقرأ بعض الأيات القرأنية بصوت فوق الرووعه واتمت الفرض بحب وسعادة حتي ظل كل من كان يصلي معاها منبهرين بصوتها الرائع وشكروها ورحل الجميع علي شغلة وجلست جميلة وطلعت مصحف صغير وبدأت تقرأ وردها وبعد الأنتهاء بدأت في عملها وتفهمت طبيعته سريعآ 

_______________________

انتهت عملها وذهبت الي المنزل بعد يوم عمل دخلت بطريقتها خفيفة الظل ودمها الخفيف وهي تقول : 

يااهل المنزل انا جيت يااهل المنزل انتو فين 

طلعت اختها هنا وقالت : 

ياهلا ياهلا البرنسس جميلة بجلاتها وصلت احكيلي يابت عملتي ايه 

اخذتها هدير الي جهاتها وقالت : 

اعترفي الشركة عاملة ازاي المدير عامل ازاي قوليلي بقا اوصفي بتفاصيل زى الروايات صح المدير اتعصب عليكي وهوبا وقعتي وهوبا بص في عيونك حبك من اول نظرة 

خبطتها جميلة علي رأسها وقالت : 

الروايات اكلت دماغك وسعه انا هلكانه وصايمة ومش عاوزة اضيع صيامي عليكم 

قبلت ولدتها وقالت : 

ياجمالوو ياحركاتوو ياتكاتوو ياسوسو ياجميلة اووى 

ردت سعاد بحب وقالت : 

حبيبه قلبي عملتي ايه الشغل حلو مرتاحة 

ردت بسعادة وقالت : 

مبسوطة جدا ياسوسو المكان جميل والشغل كويس بس 

ردت وقالت : 

بس ايه 

ردت جميلة وقالت : 

المدير الكل بيخاف منه بس انا مشفتوش بصراحة بس سمعت ان بيحب الناس النشيطة 

ردت سعاد وقالت لها : 

يبقي ياحبيبتي خليكي نشيطة وان شاء الله هتوصلي وتحققي حلمك دعيالك يابنتي 

ردت هدير بشقاوة وقالت : 

بت يا هنا انا اتأكدت ان الست دى مرات ابوكي مش امنا خلاص هي بنتها جميلة جرا ايه ياست سوسو ما تدعلينا احنا كمان يمكن يتنفخ في صورتنا 

ردت سعاد وقالت : 

طول عمرك لسانك متبري منك اقول ايه اشكوى اليك 

ردت هدير وهي تمثل الحزن وقالت : 

يرضيك ياحج مراتك تدعي لجميلة واحنا ولاد البطة السودة 

طلع يوسف من الغرفة وهو يضربها علي قفاها ويقول : 

وانتي ياقنبلة صداع نصفي هتيجي في عقل جميلتي 

نظرت جميلة بصدمة وجرت عليه واحتضنته واتعلقت برقبته وقالت : 

وحشتني اووى يايوسف 

رد بضحك وقال : 

ليه كدة ولسه بقول انك عقله شكلكم مجانين رسمي وحشتيني ياقلب يوسف 

ردت هدير وهنا وقالوا : 

متيجي نريحوك ياجو ونوريك العقل بتاعنا دة احنا نعجبوك جوى جوى 

قهقهة يوسف علي طريقتهم وقال : 

مين الناس دى وسعه بقا صدعتوني 

وبدء في تجهيز الأفطار ليأذن المغرب ليعلن عن الأفطار 

مدفع الأفطار اضرب 

علق ب ٢٠ ملصق ليصلك باقي الأجزاء ❤❤نكمل في البارت الجديد بقا 😍😍😍😍😍😍😍

مع كاتبة أية علي الشربيني كاتبة روائية مصرية 🙈💞

متنسوش التفاعل ورأيكم لو الروايه عجبتكم ولسه الا جي أحلي مع الكاتبة يوكا .....♥️

علقو ب20 ملصق وأعملو #متابعة لحسابي ليصلك كل جديد اضغط هنا 👈👈 👇👇👇👇👇👇👇👇

أية علي الشربيني 

أعملو #متابعة لحسابي ليصلك احلى واجمل الروايات من العيار الثقيل 🙈💞😉 اه صحيح بحبكم قد البحر وسمكاته 💞😉🙈

البارت الثاني من هنا 👇👇👇

من هنا