 |
دكتور_بطاطس
البارت_التانى
بقلمى منار مجدى
كان فى بنت فى المطعم و تقريبا من البنات الفافى إلى بتتأثر بالحاجات ديه حطيت إيديها على بقها وهى بتعيط.
كملت موده: متعيطيش انا مبسوطه مبسوطه عشان بان على حقيقته خلاص.
النادل:اتفضلى يا أنسه مايه متعمليش فى نفسك كده.
موده: الله يخليك.
كان مالك قاعد مصدوم من الى بيحصل هو فى إيه يا جدعان.
البنت الى كانت قدامه:انا مضطره امشى دلوقتى هكلم حضرتك بعدين عن أذنك انا اسفه لو سببت اى سوء تفاهم.
موده لما شافتها قايمه:لا خليكى انا خلاص قصتى انتهت بس عايزه انصحك بحاجه متحبيش حد وتثقى فيه اوى عشان فى الاخر بيخدعك ويخونك.
البنت:يا انسه انتى فاهمه غلط انا همشى وانتو اتكلمو.
مشيت البنت وموده بتقولها فى سرها:لا لا متمشيش استنى مش المفروض انك تضربيه عشان بيخدعك خدى هنا متسبنيش.
مشيت البنت وموده لفت تشوفه لقيته واقف قدامها ومتعصب بلعت ريقها وجت تمشى مسكها من قفاها وخرجو ورماها فى العربيه وقفل الباب بعصبية
موده:ما براحه ياعم الله.
لف مالك وقعد الناحيه التانيه:تقدرى تقوليلى ايه حصل جوه دلوقتى.
موده:إيه حصل هو حصل حاجه لالا انت اكيد بتتخيل انا مقولتش حاجه محصلش صدقنى انت كنت بتتخيل هو الباب ده مش بيتفتح ليه.
مالك:يسلام يعنى انا كنت بتخيل.
موده:حصل
مالك:وانتى معملتيش حاجه
موده: حصل.
مالك بزعيق:انتى هتستعبطى انتى بوظتى اليوم كله
موده:ما براحه على نفسك يا كابتن انت الى مستقصدنى.
مالك:انا إلى مستقصدك انتى مستقصدانى اول حاجه اتأخرت على اول محاضره ليا بسببك تانى حاجه بوظتى القميص بتاعى وتالت حاجه بوظتى مقابله الشغل.
موده:حيلك حيلك انا معملتش حاجه من دول بقصد طيب مانت كمان طردتنى وبوظت سندوتش الشاورما بتاعى وكمان بتزعقلى ده انت بجح اوى.
مالك: دلوقتى عندك حلين لأرفع عليكى قضيه مضايقه وانا بحذرك انا عيلتى كلها محامين لأما.
كمل مالك: لأما المقابله إلى بوظتيها هتشتغلى بدل البنت الى طفشتيها.
موده:شغل إيه.
مالك:الاسستنت بتاعتى لأما بقا هنفتح قضايا واحتمال تتفصلى من الجامعه سوء سلوك وهستقصدك بجد بقا
موده:وليه كل ده انا عملت ايه.
مالك:قولى معملتش إيه.
موده:خلاص هبدأ أمتى وايه هى ظروف الشغل.
مالك:هنبدأ الساعه ٨ هتفضلى ورايا لحد ما اخلص محاضرات كل يوم وهتروحى معايا هنحضر المحاضرات بتاعت بكره يومك هيخلص الساعه٨ برضو.
موده:١٢ساعه يا مفترى.
مالك:إلى طفشتيها كانت هتعمل كل ده.
موده:حاجه تانى.
مالك:اياكى ثم إياكى التاخير انا بكره التأخير هتتأخرى ساعه هزودلك ساعتين شغل وانتى إلى جبتيه لنفسك.
موده:ومحاضراتى.
مالك:ريم تقدر تجمعهملك زى انهارده.
موده:ايه.
مالك:ده إلى عندى.
موده:خلاص خلاص افتح الباب بقا.
مالك:اتعلمى تقولى لو سمحت اسفه من فضلك مش هيقلو منك على فكره.
موده:يوووه متفتح بقا الله.
مالك فتح بتأفف منها.
نزلت موده وهى بتبصله بضيق أطفال☹️ وهو مشى.
ريم :موده كريم بيدور عليكى ها عملتى ايه.
موده:ادبست فى شغل.
ريم: هو الواحد لاقى هاشتغلى إيه.
موده:اسيستنت الدكتور بطاطس.
ريم بصدمه:إيه.
كريم شافها جرى عليها حضنها فى الشارع:موده كنتى فين قلقتينى عليكى روحت اجيب بيبسى من السوبر ماركت ملقتكيش روحتى فين.
موده:متخافش انا كويسه وبعدين قولتلك بلاش أحضان فى الشارع الناس هيقولو عليا إيه.
كريم:اخرسى يا موده عشان انا قلبى وقع فى رجليا.
موده:انشف امال.
كريم بعدها بعصبية:كنتى فين يا هانم.
موده:اسكت يا كريم مش اتوظفت.
كريم:إيه مش انا قولتلك مفيش شغل ليكى.
موده:يووه يا كريم مانت كمان بتشتغل بليل.
كريم:ملكيش دعوه بيا.
موده:مانا كمان زهقانه.
كريم:تعالى بس نروح البيت ونشوف إلى بتقولى عليه مع بابا.
موده: اشطا.
روحو البيت واكلو.
كريم:بابا مش موده اتوظفت من غير ما تقولى
سيد:موووده.
موده:بابا لو سمحت وبعدين انا قولتلك وقولتلى لو كويس ماشى
سيد:ويطلع إيه الشغل ده.
موده:مساعده دكتور فى الجامعه.
سيد:بجد ده كويس اوى كده بعد ما تتخرجى تبقى دكتوره.
موده:أن شاء الله.
سيد:والمواعيد إيه وهترجعى امتى.
موده:من ٨ل٨ هرجع على ٨ ونص٩ كده.
سيد: ومحاضراتك.
موده:الدكتور نفسه هيكون معايا متقلقش وكمان كريم وريم ووليد بيحضرو عادى اخد منهم المحاضرات.
سيد:بس كده كتير عليكى
كريم:قولها يا بابا.
موده:لا يا بابا انا عايزه كده عشان اعتمد على نفسى وابقا سوبر ومن.
كريم:مش لما تبقى ومن الاول ده انتى لسه صغيره.
موده:لو انا صغيره تبقا انت كمان صغير لأننا تؤام .
سيد:بس هو راجل.
موده:يعنى ايه يعنى يا بابا الرجاله هما كل حاجه والستات زيرو.
سيد:نفس الكلمه سبحان الله.
موده:بنتها بقا
سيد:خلاص يا موده إلى تشوفيه اعمليه انتى عارفه انى بثق فيكى.
موده حضنته:احلى بابا فى الوجود.
كريم:كده يا بابا توافق.
موده حضنت كريم:يعنى عايز تزعلنى.
كريم:لا خلاص وبلاش استعطاف وخلى بالك هاجى اخدك من مكانك.
موده:سندى.
سيد:طيب يالا موده ادخلى زاكرى وانت كمان يا كريم.
كريم:لا يا بابا ورايا اوردرات هخلصهم واجى ازاكر.
سيد:ربنا معاك يا بنى.
موده:يالا يا بابا تعال ارتاح شويه.
تانى يوم.
موده:ااااه الساعه كام سته.
قامت موده ودخلت اخدت دش وغيرت تليفونها رن.
موده وهى بتسرح شعرها:امممم.
مالك:نزلتى.
موده:مين.
مالك:انا دكتور مالك.
موده:اه بلبس الكوتش اهو.
مالك:هستناكى فى كافتيريا الجامعه.
موده:حاضر.
قفل مالك وموده لفت حوالين نفسها وخبطت كالعاده على كريم ومردش فسلطت ابوها عليه ونزلت وهى بتلبس الكوتش على السلم ركبت العربيه.
موده بصوت عالى:الباقى يا سطا.
السواق:مفيش فكه.
موده:يعنى ايه مليش فيه تتصرف وتجيب النص جنيه.
السواق:خدى يا انسه جنيه اهو.
موده:انت هتبقشش عليا وله إيه بقولك إيه خد الجنيه بتاعك ونزلنى هنا.
نزلت موده ورزعت باب العربيه وجريت عديت الطريق وخبطت فى بنت.
موده:هو يوم باين من أوله.
البنت:اتعميتى.
موده:مش عارفه شوفى كده عينك.
البنت:مالها عينى.
موده:اكشفى عليها عشان تعرفى تبصى قدامك.
وجريت وهى بتقول
موده:اهم حاجه هيثم شايفنى ازاى اتفو عليكى عيله رزله.
خبطت فى ولد الكتب وقعت لمتهم بسرعه.
الولد:اسف.
موده:اعمل بأسفك إيه ابعد عنى.
جريت موده الكافيه ووقفت قدامه وهى بتنهج وسانده على الكرسى.
مالك بص فى الساعه اتأخرتى دقيقتين هتتأخرى فى الشغل اربع دقايق.
موده وهى بتنهج:بس ده ظلم.
مالك:هخليهم خمسه عشان لسانك.
موده قعدت وهى متنرفزه وقالت بصوت عالى:محموووود.
مالك اتخض منها.
محمود:جاى اهو.
موده:أنجز.
مالك:اتعملى احسن من كده.
محمود:احلى قهوه لأحلى موده.
موده:متشكره يا محمود.
محمود:خدى مخزون الشكولاته خلص ربنا يسامحك.
موده اخدتها:عادى فدايا.
محمود:احنا عندنا كام موده.
موده:ماشى ياعم متشكرين.
مالك:ينفع نبدأ.
محمود:مين الاستاذ.
موده:ده دكتور .وحطيت إيديها جمب بقها عشان مالك ميشوفهاش وقالت:بطاطس.
محمود:اااه طيب انا ماشى بقا.
موده:بسلامه يا زميلى متقطعش الجوابات.
ضحك محمود ومشى.
مالك:قولتيله إيه عليا.
موده:مقولتش حاجه ينفع نبدأ شغل بقا مش معقول التعطيل ده الساعه كام وشافت فى التليفون وقالت:تؤتؤ اخرتنا خمس دقائق كمان تؤتؤ يبقا متعدلين مفيش زياده ومفيش أقل.
مالك بتأفف:ماشى يالا أمضى على ده.
موده:إيه ده.
مالك:ده عقد شغل.
موده:اه طيب ومضت.
مالك:انتى عبيطه يا بنتى بتمضى على طول كده مش تقريه الاول.
موده:هو لازم.
مالك:المفروض.
موده:انت كاتب حاجه غلط .
كملت موده:أو حاجه كده أو حاجه كده.
مالك:لا بس شوفى الشروط.
موده:ليه الشروط وحشه يعنى وله انت كاتب غلط وعايزنى ارجعلك امال دكتور على إيه بقا.
مالك:بس بس افصلى انا اصلا غلطان هاتى.
موده:مش المفروض يبقا معايا نسخه.
مالك:لا ده شرط من شروطى العقد هيبقا معايا.
موده:مش مهم محموووود.
محمود:إيه سرعتينى.
موده:واحد شاورما الله يخليك.
محمود:اجيبهولك منين.
موده:ابعت إلى حد أن شاء الله تتستر جوعانه.
محمود:خلاص استنى.
مالك:اااوووف ممكن نشتغل بقا.
موده: متقول إيه الشغل طيب انا سامعه.
مالك:طيب ماشى عندنا محاضره الساعه تسعه يعنى كمان ساعه لازم تحضرى كل حاجه وتفضلى واقفه جمبى عشان لو عوزت حاجه ولى حد فى المحاضره عامل إزعاج تقوليلى بصوت واطى مش عايز احس حتى انك جمبى فاهمه انا مش بحب الصداع وساعتك صلحيها.
موده:لا ساعتى ملكش دعوه بيها.
مالك:اوكى ابقا إجى فى يوم أسألك الساعه كام تقوليلى معرفش هشغلك يوم كامل اربعه وعشرين ساعه
موده: يا ماما ماشى.
محمود: الشاورما يا قمر
موده:الواحد مش عارف هيعيش من غيرك ازاى يا محمود متشكره.
محمود:العفو ومشى
مالك:انتى هتعملى ايه.
موده:هاكل وله ممنوع.
مالك:اطفحى
موده بصوت واطى:جاك طفحه .
مالك:بتقولى حاجه.
موده:تاكل.
مالك:متشكر انا فطرت فى البيت.
موده بصوت واطى:احسن.
اكلت موده.
مالك:يالا اول محاضره هتبتدى.
موده لمت بسرعه مكانها وجريت وراه ورمت الشنطه فى الزباله وجريت وراه تانى.
موده:هو بيمشى كده ليه ده بيجرى من بيمشى جاك وجع فى معاميعك.
دخلو المحاضره وسندت على المكتب بتاعه وهى بتنهج.
مالك بتبريق:احم.
بصيتله موده وخافت رجعت لورا ووقفت زى ما قالها وفضلت تبص على الطلاب كان كريم قاعد وعمال يضحكها وهى كاتمه
ضحكتها مالك كل شويه يبوصلها ويبص لكريم يلقيه مركز معاه وفجأة.
استووووووب خلص البارت يا حلوين كان معكم الكاتبه منار مجدى
البارت التالت من هنا 👇👇👇👇👇
بداية الروايه من أولها هنا 👇👇👇👇
