أخر الاخبار

الحرام ( الجزء التالت والرابع والخامس) البيدج الاصليه حكآآيآآت مآآهى بقلمي مآآهي آآحمد كامله علي مدونة النجم المتوهج للروايات

 


الحرام 

( الجزء التالت والرابع والخامس) 

البيدج الاصليه حكآآيآآت مآآهى 

بقلمي مآآهي آآحمد


ماهر مبقاش مصدق ووقع التليفون من ايده وبص للبنت 

ماهر : 😳😳

البنت : ( بتوتر )  طبعا .. طبعا ..انت مستغرب انا عرفت ازاي 

ماهر: انتي مين 

البنت وقعت من كتر ما مش قادره تقف علي رجليها ماهر مسكها بسرعه من وسطها وقربها لي اكتر البنت بصتله وبقت وشها في وشه 

ماهر : انطقي انتي مين وعرفتي ازاي 

البنت : دي حكايه طويله مش هينفع احكيهالك دلوقتي بس لازم تروح لوالدك هو محتاجلك دلوقتي صدقني مافيش وقت 

ماهر : ( بخوف وخضه علي باباه ) 

ماهر : اوبس انا ازاي نسيت 

بس برضوا مش هسيبك الا لما اعرف عرفتي منين 

البنت مابقيتش قادره تقف حرفيا ماهر شافها كده 

ماهر : انا هاخدك معايا

ماهر عدل الموتوسيكل وركب والبنت راكبه وراه 

ماهر : انتي مالك خايفه كده ليه انتي اول مره تركبي موتوسيكل ولا اي 

البنت: بصراحه ايوه وبخاف منه جدا 

ماهر : مش وقته انا لازم اوصل بسرعه امسكي فيا جامد ومتخافيش 

البنت حطت ايدها علي ماهر يادوبك لامسه ضهره 

ماهر بص في المرايه كده لقاها بعيده عنه مش عايزه تقرب 

ماهر : يوووووووه 

راح بقي يسوق بسرعه جدا والبنت من الخوف قربت منه وبقت لفه ايديها حوالين وسطه جامد جدا وحطه راسها علي ضهره ومغمضه عنيها

بقلمي مآآهي آآحمد

ماهر بص كده في المرايه لما لقاها كده وابتسم ابتسامه سخريه منها 

واخيرا وصلوا 

البنت لسه ماسكه في ماهر مش راضيه تسيبه ومغمضه عنيها 

ماهر : احنا وصلنا علي فكره صح النوم 

البنت بسرعه مسحت دموعها اللي كانت نازله منها من كتر الخوف وسابت ماهر 

البنت : اسفه ما اخدتش بالي ان احنا وصلنا 

ماهر مهتمش اصلا لدموع البنت مع انه شاف انها بتعيط ومسكها وبيشدها معاه عشان يدخلوا المستشفي بس البنت مكانتش قادره تقف ولا تمشي حركه تانيه 

البنت : مش .. مش قادره والله امشي 

ماهر راح بسرعه شالها ودخل بيها 

البنت : نزلني انت بتعمل اي .. ارجوك نزلني 

ماهر: كلمه تانيه وهنزلك فعلا وبرضوا هتدخلي معايا ما انا مش هسيبك غير لما اعرف منك انتي عرفتي منين ان ابويا في المستشفي وانتي مين اصلا 

بقلمي مآآهي آآحمد 

البنت : طيب ممكن تنزلني بقي احنا خلاص بقينا في المستشفي 

ماهر نادا علي الممرضه 

ماهر :  عملت حادثه واتخبطت في رجليها 

الممرضه : طيب هاتها وتعالي معايا 

ماهر مشي ورا الممرضه وهو لسه ماسك البنت واول ما دخل الاوضه الدكتور بقي يكشف عليها 

ماهر : انا لازم اسيبك بس اوعي تمشي 

البنت : اكيد مش همشي عشان مش قادره امشي اصلا 

الدكتور : ارجوك اتفضل خليني اشوف شغلي 

ماهر سابها وطلع بسرعه علي العنايه المركزه لقي امه وممدوح صاحبه وهدي 

ماهر : امي في ايه بابا حصله ايه 

هدي : بعد ما انت ما مشيت طلع .... 

( ولسه هتكمل ) 

ماهر : اخرسي انتي محدش وجهلك كلام انتي فاهمه ولا لاء انا بكلم امي 

هدي : ( بصتله بصت غيظ وسكتت ) 

ماما ماهر: اسكتي انتي ياهدى 

هدي : حاضر ياطنط 

ماما ماهر: زي ما سمعت بالظبط اول ما انت مشيت  طلع وراك بسرعه وخصوصا اول ما شافك رجعت تلبس الجاكيت الاسود بتاعك تاني وركبت الموتوسيكل خاف عليك فضل يجرى وراك عشان يناديك بس انت ماسمعتش ومن الجرى وراك مبقاش قادر ياخد نفسه وانت عارف ابوك القلب عنده ضعيف والحركه بحساب مش يفضل يجرى وراك لحد باب الفيلا الجنايني شافه وهو ماسك قلبه ومش قادر يقف قلنا ولما روحناله لقيناه زي ما انت شايف كده ممدوح صحبك كتر خيره شاله وجابه لحد هنا واحنا كنا معاه

بقلمي مآآهي آآحمد

ماهر : ( وهو قلقان ومتوتر )  ويجرى ورايا ليه يا امي بس انا مش عيل صغير عشان يقلق عليا 

الام : ( بحزن شديد ودموع ماليا عنيها ) ادعي لابوك ياماهر ربنا يقومه منها علي خير 

بقلمي مآآهي آآحمد

ماهر : هيقوم يا امي مش هينفع مايقومش ابويا قوي ماتقلقيش عليه 

الام : ربنا يستر يابني 

ماهر : ممدوح عايزك 

ممدوح : ايوه ياماهر 

ماهر : في بنت تحت هتلاقيها في اوضه الاستقبال عايزك تقف معاها وتخلي بالك منها اوعي تخليها تمشي ياممدوح 

ممدوح : ليه مين دي

ماهر: مش وقته دلوقتي اعمل اللي بقولك عليه

ممدوح : حاضر 

ممدوح نزل في اوضه الاستقبال ملقاش حد ولا لقى البنت اللي ماهر بيقول عليها اتصل بماهر 

ماهر : الوو 

ممدوح : ________

ماهر : مش لاقيها يعني اي اكيد موجوده 

ممدوح: _________

ماهر: طيب انا نازل 

ماهر : امي انا لازم اسيبك دلوقتي بس راجع بسرعه

الام : هتسيبنا واحنا في الظروف دي 

ماهر : مش هتأخر جاي علي طول 

ماهر مشي ونزل بسرعه 

هدي : اكيد راح لحبيبه القلب ياطنط 

الام : اي طنط دي ياهدى انتي من النهارده تقوليلي ياماما .. انتي دلوقتي بقيتي زي ليان وماهر ابني واكتر كمان 

هدي : حاضر ياماما 

ماهر نزل تحت في الطوارىء وبقي يدور علي الدكتور 

ممدوح : مكانش في حد لما انا نزلت ياماهر 

ماهر :  ( بنرفزه ) ازاي دي كانت لسه هنا 

ماهر شاف الممرضه 

ماهر : فين البنت اللي دخلت بيها من شويه 

الممرضه : بنت .. بنت مين 

ماهر : البنت اللي رجليها كانت بتجيب دم من الحادثه 

الممرضه : ااااه افتكرت اسفه مكننش واخده بالي 

ماهر : ( بعصبيه ) بقولك هي فين انطقي 

الممرضه : الدكتور خيطلها الجرح اللي في رجليها ومشيت وكان باين عليها مستعجله جدا 

حتي حاولت اقولها انها لازم ترتاح شويه ماينفعش تمشي علي طول بس لاقيتها ماسمعتش كلامي 

ماهر : بنت ال ... 

ممدوح : مين دي ياماهر 

ماهر : معرفش ياممدوح معرفش 

ممدوح طلع لباباه فوق في العنايه المركزه 

الممرضه : وقوفكم هنا جنبه مش هيودي ولا يجيب اتفضلوا روحوا وهو لو فاق اكيد هنبلغكم 

الام : لاء انا هفضل معاه هنا 

ماهر : روحي انتي يا امي وانا هفضل معاه هنا 

الام : ماشي يابني انا هاخد هدي واروح 

ماهر كان بقي قاعد وبقي يبص علي باباه من الازاز وبقي زعلان جدا من اللي حصل 

وطلع فونه وبقي يتصل بماهي لانه بقي حاسس بخنقه رهيبه ومابيرتحش غير معاها هي وبس 

بس ماهي بقت تبص علي الفون بتاعها وهو بيرن ومابقيتش ترد عليه 

ماهر : ( وهو ماسك الفون ) ردي بقي ياماهي ردي بس ماهي كانت بتعيط ومش قادره تكلمه 

ماهر ركب الموتوسيكل بتاعه وراحلها البيت بيخبط مامتها فتحتله وجاي يدخل راحت مامتها وقفتله علي الباب

ماما ماهي: نعم .. افندم يلزم خدمه 

ماهي كانت في اوضتها اول ما سمع ان ماهر بره فتحت الباب بسرعه وطلعتله وبقت واقفه علي باب اوضتها وباصه عليه وهو بره باب الشقه

ماهر : بعد اذنك انا عايز اتكلم مع ماهي شويه 

الام : وماهي مابقيتش عايزه تتكلم معاك خلاص وانا قولتلك قبل كده خلاص مبقاش في حاجه تربطك تاني بماهي اهلك مش عايزنها وامك دلوقتي مش هتسيبها في حالها ومش بعيد تغصب عليك عشان تتجوز البت دي وانا بنتي بقي ماتدخلش علي ضره انا بنتي الف واحد يتمناها 

ماهر : اي اللي انتي بتقوليه ده مش انا خالص اللي امه تغصب عليه حاجه انا مش عايزها 

الام : برضوا مش عايزينك 

وجت تقفل الباب في وشه ماهر حط ايده علي الباب وزقه 

وبقي يبص لماهي ويكلمها

ماهر : ماهي ردي علي امك قوليلها ماتدخلش في حياتنا ومالهاش دعوه بينا 

ماهي: انساني ياماهر .. انساني انا خلاص مابقيتش عايزاك 

ماهر : ماهي انتي بتقولي اي 

( ماهي ادت ضهرها لماهر ودموعها نازله منها  ) 

ماهي: اللي سمعته 

الام : سمعت هي قالتلك اي يلا بقي مع السلامه وقفلت الباب

بقلمي مآآهي آآحمد

ماهي : تفتكرى اللي بنعمله ده صح يا امي 

الام : يابنتي ده هو الصح بعينه ماهر مبقاش ينفعك خلاص اسمعي الكلام ماهر ده وحيد امه وابوه وليان اخته من بعد حادثه اخوه مابقيتش عايشه معاهم خلاص وفي لبنان يعني هو بقي الحيله بتاعهم  وانتي هتعيشي وسطهم لو مكانوش مرحبين بيكي وسطهم بلاش من الناس دي احسن يابنتي 

ماهي دخلت اوضتها وهي مخنوقه ومش عارفه تفكر بس قلبها. كان بيقولها انها لازم تروح لماهر كانت حاسه بي وحاسه قد اي هو مخنوق وعارفه ان تحت اي ظرف لازم يكونوا مع بعض واول ما مامتها دخلت تنام اتسحبت ونزلت بسرعه ووقفت تاكسي وراحت لماهر الفيلا 

ماهر  وقتها كان روح البيت ودخل اوضته وهو مخنوق جدا وحتي مافكرش يفتح النور بتاع الاوضه  قلع الجاكيت بتاعه ورماه 

وقلع التي شيرت اللي من تحتيه وبقي صدره عريان وعضلاته المتقسمه كانت باينه جدا والسلسله اللي كانت ماهي مدهاله النص قلب مكانش بيقلعها من صدره 

وشال اللحاف ولسه بينام بيبص لقي في حد نايم جنبه 

شغل الاباجوره اللي جنبه بسرعه لقاها هدي لابسه قميص نوم ونايمه في اوضته 

ماهر : انتي .. انتي بتعملي ايه هنا 😡

بقلمي مآآهي آآحمد

ماهي تحت خبطت وفتحلها الخدام 

ماهي : ماهر بيه هنا 

الخدام : اه لسه داخل ثواني اديله خبر ان حضرتك هنا 

ماهي : مافيش داعي انا هطلعله 

هدي: هكون بعمل اي نايمه في سرير جوزي 

هدي قربت من ماهر وحطت ايدها علي صدره 

هدي : عمرك ما اتغيرت ودايما محافظ علي جسمك ياماهر 

ماهر : نزلي ايدك انتي صدقتي نفسك ولا ايه ده نجوم السما اقربلك من اني اتجوزك انتي في يوم انتي حاولتي تلعبي عليا زمان ولما مالقتيش مني رجا روحتي تلعبي علي اخويا اوعي تفتكرى اني مش عارف انتي بتعملي كده ليه لا انا عارف كويس اوي وفاهم اشكالك كويس 

هدي: قامت وقعدت نص قاعده علي السرير وقربت من ماهر جدا وبقت تلمس بصوابعها علي خده بالراحه 

هدي: مهما قولت انت هتبقي ليا في يوم 

وفي لحظه ماهي بتفتح الباب لاقت 

ماهر علي السرير ومش لابس هدومه اللي من فوق وهدي بقميص نوم ومقربه منه جدا 

ماهر : ماهي 😳😳

ياجماعه الروايه والله حلوه جدا بس هي لسه بتبتدي ادوها فرصه مش اكتر لان التفاعل عليها قليل وبجد حابه اقول اسفه اني ماقدرتش انزل حب خارج ارادتي الجزء التاني بس والله غصب عني جاتلي فرصه انزلها ورقي وشرطهم اني مش انزل جزء تاني وده حلمي بصراحه وللاسف العرض جه بعد ما نزلت اني هنزلها ارجوكم محدش يزعل مني 

وادوني فرصه انجح في الروايه دي زي ما نجحت في روايه بنت المنياوي وحب خارج ارادتي شجعوني بقي بحبكم والله 🥺❤️

لاف وعشر كومنتات عشان اقدر اكمل ماتعرفووش اللايك ده بيساعدني ازاي

بكره أن شاء الله هينزل الجزء الرابع من الروايه الساعه ٨ 

#مآآهي_آآحمد

الحرام 💞

( الجزء الرابع ) 

البيدج الاصليه حكآآيآآآت مآآهي 

بقلمي مآآهي آآحمد 


ماهي: 😳😳

ماهر اول ما شافها اتصدم وقام بسرعه من جنب هدي 

ماهر : ماهي انتي فاهمه غلط انا مكنتش اعرف انها في اوضتي 

ماهي سابته ونزلت بسرعه وماهر نزل وراها راحت فتحت باب الفيلا بسرعه وطلعت في الجنينه 

ماهر بيبص لقي نفسه مش لابس لا هدوم من فوق ولا لابس حاجه في رجله بس مهمووش وراح وراها  لحد باب الجنينه 

ومسكها من ايدها ولفها لي 

ماهر : بقولك استني 

ماهي: سيب ايدي احسنلك 

ماهر : لاء مش هسيب ايدك ومش هتمشي غير لما تفهمي كل حاجه 

ماهي: افهم .. افهم ايه ده انا شيفاكم بعنيا وهي جنبك علي السرير 

ماهر : اه شوفتيني بعنيكي بس انا دخلت الاوضه لاقيتها عندي 

ماهي بصتله بصت احتقار وزقت ايده من ايدها 

وطلعت بره باب الفيلا 

ماهر مسكها تاني من ايدها  : ياماهي استني علي الاقل اسمعيني 

ماهي لفت وبصتله وراحت ضربته بالقلم 

بقلمي مآآهي آآحمد

ماهر ابتدي يتعصب ونفسه بقي طالع نازل من الغيظ 

ماهي: اي هتضربني زي ما كنت بتعمل زمان ولا لو حظي حلو هتشتمني بس علي العموم اعمل اللي يريحك انت خلاص مابقيتش تهمني 

وبعدها سابته ومشيت ووقفت تاكسي 

ماهر فضل واقف مكانه ومسك اعصابه حس ان كل حاجه بقت بتضيع منه

وبعدها طلع بسرعه عشان يلبس هدومه 

واول ما شاف هدي لسه في اوضته 

ماهر مسكها من دراعها بغيظ وكان هيخلع دراعها في ايده 

ماهر : انتي .. انتي لسه هنا بتعملي اي 

هدي : ماهر سيب دراعي .. دراعي هينخلع في ايدك 

ماهر : انتي طلعتيلي منين الله يخربيتك ياشيخه 

هدي : مش انا ده ربنا اللي عايز يجمعنا ببعض انت ليه مش قادر تفهم احنا كنا مع بعض زمان ورجعنا تاني لبعض دلوقتي 

ماهر : انتي اكيد مجنونه انا مش مصدق ابدا ان اللي في بطنك ده يبقي ابن مازن اخويا الله يرحمه وبكره هعرف اثبت انك كدابه وامي وابويا هما اللي هيرموكي بره الفيلا دي بنفسهم

ماهر طلع قميص وبقي يلبس بسرعه وهو نازل من علي السلم 

بقلمي مآآهي آآحمد

هدي : انت ليه بتكرهني اوي كده مع انك كنت بتحبني زمان 

ماهر وقف بس مابصلهاش 

ماهر : عشان كنت مغفل زمان 

(وسابها ونزل)

ماهر ركب الموتوسيكل بتاعه واتصل بممدوح صاحبه 

ماهر : الووو ايه ياممدوح انت فين 

ممدوح : ___________

ماهر : معاك حد في الشقه ولا لوحدك 

ممدوح : _______________

ماهر : خلاص انا جايلك 

ماهر راح لممدوح الشقه بتاعتهم اللي كان بيروحها زمان 

ماهر حط مفتاح في الباب وفتح بيبص لقي ممدوح معاه بنات في الشقه 

ممدوح : ( بضحك ) مفاجأه مش كده 

ماهر : انا مش سألتك انت لوحدك قولتلي اه 

ممدوح : ياعم قولت اعملك مفاجأه 

ماهر : لا ماليش مزاج يلا يابت انتي وهي من هنا البسي هدومك 

البنت قربت منه وحطت ايدها علي صدره وبقت تفكله زراير القميص 

البنت : سيبلي نفسك خالص ومش هتندم 

ماهر مسك ايدها بغيظ كان هيعصر ايديها في ايده 

البنت : اه .. ايدي .. حرام عليك 

ممدوح: اي ياعم ماهر بالراحه مش كده البت صوابعها هتتخلع 

(ماهر بص للبنت باحتقار )

ماهر : لما اقول البسي هدومك يبقي تلبسي هدومك من غير كلام 

البنت : ح .. حاا .. حااضر بس سيب ايدي 

ماهر زق البنت لورا وطلعها هي والتانيه بره وحدفلها هدومها بره الشقه ورزع الباب 

ممدوح : ياعم انا عارف ان ابوك في المستشفي بس انا قولت حاجه تطرى الجو 

ماهر : ما انت اصلك معندكش دم ومابتحسش.

ممدوح : خلاص حقك عليا 

ماهر : هات التلج والويسكي وتعالي علي البلكونه

ممدوح : مالك ياماهر فيك اي احكيلي 

ماهر : مش قادر احكي دلوقتي بس انا لازم افهم اي اللي بيحصل ده كله ولازم اتاكدت اذا كان اللي في بطن هدي ده يبقي ابن مازن فعلا ولا لاء 

ممدوح : وهتعرف ازاي 

ماهر : انا ليا طريقتي بس النهار يطلع 

ماهي روحت البيت وبتفتح باب الشقه بالمفتاح 

 بالراحه اوي وبتتسحب علي طراطيف صوابعها عشان مامتها ماتصحاش واول ما دخلت من باب الشقه مامتها فتحت النور بتاع الصاله 

ماما ماهي: كنتي عنده طبعا 

ماهي : ماما انا .. ماما انا مخنوقه معلش ممكن تسبيني دلوقتي 

ماما ماهي ضربتها بالقلم علي وشها 

ماما ماهي: لو كنتي فاكره ان ابوكي مات وانا معرفتش اربيكي تبقي غلطانه يابنت بطني 

ماهي: ماما سبيني عشان خاطر ربنا انا مش ناقصه 

ماما ماهي: اسيبك .. انتي من هنا ورايح هتقعدي في اوضتك مش هتخرجي منها حتي الجامعه بتاعتك مش هاتروحيها انتي فاهمه انا بقي هعرف اربيكي من اول وجديد انتي فاهمه 😡

-------------------------بقلمي مآآهي آآحمد-------------------------

(في  اليوم التالي ) 

ماهر بيلبس هدومه بسرعه 

ممدوح : صاحي بدرى ورايح علي فين 

ماهر : لدكتور عبد الحميد عايز اسئله علي حاجه 

ممدوح : طيب استني هاجي معاك 

ماهر : طيب البس بسرعه 

ماهر وممدوح لبسوا وراحوا لدكتور عبد الحميد 

ماهر : دكتور عبد الحميد ازيك 

دكتور عبد الحميد : اهلا .. اهلا ازيك ياماهر 

ماهر : الحمد لله بخير كنت عايز اسال حضرتك عن والدي 

دكتور عبد الحميد: والله ياماهر للاسف والدك في حاله خطيره جدا ادعيله انه يقوم منها غلي خير 

ماهر : للدرجه دي 

دكتور عبد الحميد: انت مش واخد بالك ياماهر ابوك القلب عنده ضعيف جدا واحنا حطينه في العنايه المركزه وداخل في غيبوبه 

بقلمي مآآهي آآحمد

ماهر دخل لباباه وبقي يمسك ايده ويبوس في ايده وحاسس ان في حاجه غلط في حاجه حصلت خليته يدخل في غيبوبه مش بس الكلام اللي مامته قالتهوله 

بقلمي مآآهي آآحمد

ماهر طلع ورجع تاني لدكتور عبد الحميد 

ماهر : تفتكر في أمل انه يبقي كويس يادكتور 

دكتور عبد الحميد: يابني مافيش حاجه كبيره علي ربنا واحنا بنعمل اللي علينا وان شاء الله خير 

ماهر : انا كنت عايز اسئل حضرتك علي حاجه تانيه يادكتور

دكتور عبد الحميد: اتفضل طبعا 

ماهر : هو فعلا ينفع ان اخويا يجمد الحيوانات المنويه بتاعته لمده ٣ سنين وبعدها بالعمليه المجهريه الست تحمل وتخلف منه وهو ميت 

دكتور عبد الحميد: الطب دلوقتي اتقدم جدا ياماهر الحيوانات المنويه طول ما طبيعيه وقويه ممكن تفضل متجمده لمده خمس سنين مش ٣ سنين بس وممكن الست تخلف عادي جدا 

ماهر مع نظره يأس لدكتور عبد الحميد 

ماهر : شكرا يادكتور 

ممدوح : هاا هتعمل اي دلوقتي 

ماهر : برضوا مش داخل دماغي ابدا ان البت دي حامل من اخويا وبكره هكشفها 

بقلمي مآآهي آآحمد

ممدوح : طيب وهنعمل اي دلوقتي 

ماهر : انا لازم اروح الجامعه عشان اقابل ماهي 

ممدوح : وتفتكر هي هاتروح الجامعه النهارده بعد اللي حصل امبارح .

ماهر : هاروح واشوف

(ماهر راح الجامعه وبقت عينه بتدور علي ماهي في كل مكان وكل ما يتصل بيها يلاقي فونها مقفول )

ممدوح: مش قولتلك مش هتيجي النهارده 

ماهر : انا لازم اروحلها البيت 

ممدوح : مابلاش 

ماهر : لاء لازم اعرفها الحقيقه 

ماهر لسه هيمشي سمع بنت بتنادي علي صحبتها نور يانور 

ماهر بيبص لقى البنت اللي قالتله ان باباه في غيبوبه وهربت منه في المستشفي 

نور بصت لماهر واول ما شافته بقت بتبعد عنه 

ماهر مشي وراها وبقي بيمد عشان يلحقها بس نور جريت بسرعه ومع اول تاكسي بره الجامعه وقفته وركبت فيه 

(ممدوح جه ورا ماهر وهو بينهج )

ممدوح : اي ياعم قطعت نفسي .. في ايه .. كن .. كنت بتجرى ورا مين 

ماهر : البنت .. البنت بتاعت المستشفي 

ممدوح : هي فين 

ماهر : مالحقتهاش ركبت التاكسي اول ما شافتني 

بقلمي مآآهي آآحمد

ماهر  : ممدوح فين البت اللي كانت بتنادي عليها هي ماطلعتش من بره الجامعه 

ممدوح : معرفش راحت فين

ماهر فضل وقتها يدور في الجامعه كلها علي البنت اللي كانت بتنادي عليها بس للاسف مالقهاش 

ممدوح : مش كفايه كده ياماهر حرام عليك بقالنا ٣ ساعات بندور عليها ومش لقينها

ماهر : انا متاكد انها لسه ماطلعتش من الجامعه 

ممدوح : طيب علي الاقل ندور عليها بكره مش هنخسر حاجه انا خلاص تعبت 

بقلمي مآآهي آآحمد

ماهر : طيب امشي انت وانا هاروح لماهي 

ممدوح : طيب ماشي يلا سلام 

ماهر راح لماهي وبقي واقف تحت البيت عندهم علي امل ان ماهي تطلع من البلكونه بس مافيش فايده فضل واقف لحد نص الليل ولحد ما زهق واتشعلق علي المواسير ودخلها من البلكونه

بيبص مالقاش ماهي في اوضتها 

بقلمي مآآهي آآحمد

ومره واحده لقي الباب بيتفتح وقف ورا الباب بسرعه ماهي كانت بتاخد شاور وداخله وهي لابسه البورنس بتاعها وبتنشف شعرها بالفوطه 

راح بسرعه حط ايده علي بوقها ومسكها وبقي ضهرها للحيطه وهو حاطط ايده علي بوقها ولان الاوضه كانت ضلمه ماهي مكانتش عارفه انه ماهر 

ماهر : حط صباعه علي بوقه 

ماهر : ( بهمس )هوووووش انا ماهر ماتخافيش 

وابتدي يشيل ايده من علي بوقها بالراحه

ماهي : ( بهمس وبوشوشه ) 

ماهي : انت بتعمل اي هنا يخربيت جنانك امي لو شافتك هنا هتقتلتي 

ماهر قرب لماهي وشم ريحه شعرها 

ماهر : حلوووو اوووي ريحه الشامبو اللي بتستخدميه 

ماهي: ( مسكت الفوطه اللي كانت بتنشف شعرها بيها وضربته علي كتفه ) 

ماهي : انا مابهزرش انت ليك عين تيجي لحد هنا اصلا ومن الشباك كمان

ماهر : ( بهمس ) ما انا لو معملتش كده مش هتسمعيني 

ماهي: اسمعك ازاي وانا شيفاك بعيني 

ماهر قرب منها اكتر وبقي بضهر ايده يلمس خد ماهي بالراحه اوي لحد ما نزل علي رقبتها بصوابعه 

ماهر : بحبك 

ماهي: من بعد االلي شوفته مابقيتش بحبك  خلاص 

ماهر قرب بصوابعه وبقي يلمس شفايفها بالراحه اوي ماهي غمضت عنيها واتنهدت 

ماهر شال خصل من شعرها المبلول وحطه علي جنب وقرب بشفايفه من رقبتها كان قريب منها لدرجه انها كانت سامعه صوت نفسه وهمس في ودنها بالراحه اوي 

ماهر : لاء انتي بتحبيني 

 وحط ايده علي قلبها ودقات قلبها بقت تزيد اكتر واكتر 

ماهر : لو ماكنتيش بتحبيني مكانش قلبك دق بالسرعه دي

ونزل بأيديه علي كتفها وبقي ينزل بأيديه بالراحه اوي علي كتفها لحد ما وصل لصوابعها وشبك ايديه في ايديها

بقلمي مآآهي آآحمد

ماهر : والله مظلوم وانتي عارفه قلبك بيقولك اني مظلوم ولا هدي ولا عشره زيها يملوا عنيا يا ماهي 

بقلمي مآآهي آآحمد

ماهي : ( بحنيه وبصت في عنيه  ) طيب .. طيب كانت بتعمل اي في اوضتك 

ماهر: والله ما اعرف انا رجعت من عندك لاقيتها عندي في سريري

ماهي انتي كل حاجه بالنسبالي ماتسبنيش انا محتاجلك 

(فجأه الباب خبط )

ماهي: (لطمت علي وشها )

ماهي : يانهار اسود ماما😳😳

ماما ماهي: قافله الباب عليكي ليه يابت من جوه 

ماهي: اصل .. اصل ياماما بغير .. بغير هدومي 

ماما ماهي: انتي في حد معاكي جوه 

ماهي: لاء طبعا 

ماما ماهي: طيب بقولك افتحي 

ماهي : ( بتوتر وخوف ) استخبي .. استخبي بسرعه عشان خاطرى 

ماهر : استخبي فين 

ماهي: تحت السرير بسرعه بس 

ماهر استخبي تحت السرير وماهي بسرعه فتحت لماماتها

ماما ماهي: انتي لسه مغيرتيش هدومك 

ماهي: لاء ما انا كنت بسرح شعري الاول 

ماما ماهي: طيب اسمعيني كويس انا مش عايزاكي تفتحي سيره ماهر مره تانيه ياماهي فهماني ولا لاء الناس دوول يابنتي شايفنا اقل منهم بكتيير انا مش هكدب عليكي احنا فعلا كده هما حاجه واحنا حاجه تانيه خالص وانا كنت موافقه عشان خاطرك علي الخطوبه بس كمان لما تيجي حوار ابن اخوه ده اهله مش هيسبوكي يابنتي واحنا مالناش حد غير ربنا في الدنيا دي انتي فهماني ياماهي 

ماهي كانت عايزه مامتها تطلع بأي طريقه 

ماهي: ايوه طبعا فهماكي ياماما 

ماما ماهي: وده برضوا مايمنعش انك متعاقبه لمده اسبوع مش هتشوفي في الشارع 

ماهي : اللي تشوفيه ياماما 

ماما ماهي طلعت من هنا وماهي حطت ايدها علي قلبها واخدت نفسها وماهر طلع من تحت السرير 

ماهر : مامتك عندها حق ياماهي 

ماهي: عندها حق في ايه 

ماهر : انا لازم الاول اخلص حوار ابن اخويا ده لازم اكشف لعبه هدي عشان امي ماتحطكيش في دماغها 

ماهي: طيب 

ماهر: بس انت عايز مساعدتك 

ماهي: مساعدتي انا .. ازاي 

ماهر: بوسه من شفايفك الحلوين دوول عشان اقدر اكمل 

ماهي : ( ضربته علي كتفه بحنيه ) ماااهر بطل 

ماما ماهي : ( بتنادي عليها من بره ) يامااااااهي  

ماهي : ماما 😳😳

ماهر : امك دي هتجيبلي جلطه 

ماهي : انزل .. انزل بسرعه عشان خاطرى انزل 

ماهر : طيب .. طيب نازل 

وقبل ما ينزل وهو علي الشباك خطف بوسه من علي خدها ونزل. وماهي حطت ايدها علي مكان البوسه وابتسمت 

بقلمي مآآهي آآحمد

ماهر روح البيت 

ماما ماهر: كنت فين من امبارح ياماهر 

ماهر : ( بزهق )  وانتي من امتي بتسألي سؤال زي ده يا امي 

ماما ماهر: من وقت ما عرفت ان اخوك هيبقاله ابن علي وش الدنيا 

ماهر : اسمعيني يا امي 

ماما ماهر: اسمعني انت يابني ارحم قلبي انا ما صدقت ان يبقي في حاجه من مازن علي وش الدنيا الولد ده لما يتولد هيتكتب علي اسم مين غير اسمك 

ماهر : يا امي انتي بتقولي اي البت دي نصابه والله نصابه وبتضحك عليكي 

ماما ماهر: لاء مش نصابه انا اللي اقنعتها انها تعمل العمليه وتخلف من اخوك 

ماهر : انتي يا امي 

ماما ماهر: ايوه انا 

وكلمت ليان اختك  النهارده وعرفتها علي كل حاجه وهي مكانتش مصدقه من الفرحه وجايه بكره من لبنان عشان ترجع تعيش وسطنا من جديد انت ليه مش قادر تفهم ان اللي في بطن هدي ده هيرجع يلمنا كلنا تاني سوا من بعد موت اخوك 

ماهر : امي ارجوكي ماتضغطيش عليا اكتر من كده انا طالع فوق 

-------------------------بقلمي مآآهي آآحمد-------------------------

( تاني يوم ماهر راح لوالده لقى الحاله مستقره ومافيش اي جديد وبعدها طلع علي الجامعه فضل يدور علي نور او البنت اللي كانت بتنادي عليها وبعد تدوير في وشوش كل اللي في الجامعه لمده خمس ساعات اخيرا لقى البنت اللي كانت بتنادي عليها ) 


بقلمي مآآهي آآحمد

ماهر : انتي .. استني 

البنت : ( بتوتر ) مين حضرتك ؟؟

ماهر : انتي امبارح كنتي بتنادي علي بنت وتقوليلها يانور البنت دي فين

البنت : نور .. انا .. انا معرفش حد اسمه نور وارجوك ابعد عني 

ماهر وقف قصادها 

ماهر: اسمعي بقي البت دي انا عايزها بأي طريقه انتي فاهمه 

البنت بقت تعلي صوتها في الجامعه وتزعق عشان تعمل شوشره لماهر 

ماهر : تمام عالي صوتك اكتر تحبي ازعق معاكي 

البنت : انت .. انت عايز مني ايه 

ماهر : فين البنت اللي كنتي بتنادي عليها امبارح 

نور : معرفش قولتلك 

ماهر : كده طييييب 

ماهر شد البنت من شعرها واخدها معاه بره الجامعه واي حد كان يقرب منه يضربه ويكمل طريقه 

وبعد ما طلعوا بره الجامعه 

البنت : طيب سيب شعري طيب وانا هقولك 

ماهر : اي ده فجأه افتكرتي هي فين 

البنت : حرام عليك سيبها في حالها دي غلبانه 

ماهر : ( بنرفزه وعصبيه ) عااايز لعرف هي فيييييين 

البنت : طيب .. طيب خلاص هقولك 

البنت ركبت في العربيه جنب ماهر وماهر ساق بيهم 

احنا ساكنين في الكيتكات طبعا حته عمر اللي زيك ما سمعوا عنها 

بقلمي مآآهي آآحمد

ماهر : اللي زيي .. تقصدي ايه باللي زيي 

البنت : الاغنيا اللي زيك 

ماهر : لا ياستي اعرفها وعلي فكره انا حبيبتي من عين شمس عادي يعني 

البنت :ماشي 

ماهر دخل منطقه في حاره جوه حاره لحد ما اخيرا وصل لبيت نور 

ماهر : عارفه لو كنتي بتكدبي عليا وده مش بيتها 

البنت : لا والله ابدا ده بيتها فعلا 

ماهر : طيب اطلعي معايا 

البنت طلعت وماهر بقي طالع علي السلم وكان من خشب وكان خايف السلم يقع بي لانه كان بيزيق جدا 

واخيرا وصلوا 

البنت خبطت وماهر كان واقف من علي جنب 

ونور فتحت الباب ونور مكانتش شيفاه 

نور : امل عامله اي 

امل : ________

نور : اي يابنتي مابترديش ليه ووشك اصفر كده ليه ؟ 

ماهر وقتها وقف قدام نور 

نور : ( بخوف ) يانهار اسود 

ابو نور كان في الحمام 

ابو نور :مين بره يانور 

نور : ده .. ده .. دي .. دي ..

ابو نور : الله ماتنطقي يابت مين بره 

نور : دي امل يابابا 

ابو نور : طيب خليها تدخل 

نور : ابوس ايدك ابويا جوه امشي دلوقتي 

ماهر : امشي .. انتي اتجننتي ده انا ماصدقت لاقيتك انا مش همشي غير لما اعرف كل حاجه انتي فاهمه ولا لاء انتي اكيد تبقي تبع هدي القذره وعاملين علينا لعبه 

نور : هدي .. هدي مين انا معرفش حد ابوس ايدك امشي قبل ما ابويا يطلع من الحمام وتبقي مصيبه 

ماهر : قولتلك مش ماشي غير لما اعرف كل حاجه 

نور بتبص لاقت باباها بيفتح باب الحمام راحت اخدت ماهر بسرعه ودخلت امل علي اوضتها وخبت ماهر في الدولاب 

بابا نور دخل 

ابو نور : كويس ياامل انك جيتي عشان تقعدي مع نور عشان انا خارج 

امل : طيب ياعمو اخرج حضرتك وانا هفضل معاها 

ابو نور : خللي بالك من نور يا امل انا مش هتأخر 

امل : حاضر ياعمي ماتقلقش عليها 

بقلمي مآآهي آآحمد

ابو نور خرج من هنا وماهر طلع من الدولاب 

ماهر : انطقي قوليلي انتي مين وازاي عرفتي اني ابويا هيدخل المستشفي حالا 

نور : ما انا .. انا لو قولتلك مش هتصدقني 

ماهر : انا مش هصدقك لو كذبتي عليا اكيد 

امل : محدش بيصدق نور لو حاكيتله علي اللي بيحصل معاها مش معني انت يعني اللي هتصدقها 

ماهر : بقولكم اي انتوا الاتنين انجزوا انا مش ناقص 

نور : خلاص .. خلاص هقولك بس .. بس لما اقولك مش عايزه اشوفك تاني 

ماهر : انا اللي اقرر اذا كنتي هتشوفيني ولا لاء

بقلمي مآآهي آآحمد

نور : احنا مش من هنا .. احنا من الشرقيه من حته اسمها المعالي اتولدت بحاجه كده ابويا بيقول انها موهبه وانا بقول انها لعنه 

ماهر : يعني اي مش فاهم 

نور مره واحده وهي لسه هتتكلم بقت تترعش ووقعت في الارض وعنيها بقت تبربش 

ماهر جه يقرب منها 

امل : سيبها ماتقربلهاش لو قربتلها هتأذيها 

ماهر : انا مش فاهم حاجه دي كده هتموت 

امل : مش هتموت بس سيبها دلوقتي ابعد عنها 

نور فضلت تترعش في الارض وتتحرك زي ما يكون عندها صرع فضلت كده لمده خمس دقايق وبعدها فاقت وقامت وهي مخضوضه وخايفه 

نور : امل ابويا .. ابويا .. هيموت يا امل 

امل : فين وناقص قد اي 

نور مسكت ايد ماهر وبصت في الساعه بسرعه 

نور : قدامه ربع ساعه 

امل : طيب يلا بسرعه شوفتي مكانه 

نور : ايوه شوفته 

نور بصت لماهر : انت معاك عربيه 

ماهر : ايوه معايا 

نور : طيب بسرعه لازم توصلني لابويا بسرعه قبل ريع ساعه 

ماهر نزل وهو مش فاهم اي حاجه 

وركب هو ونور وامل 

امل : قدامه قد اي 

نور : اقل من سبع دقايق سرع العربيه شويه عشان خاطر ربنا 

ماهر : دي اكتر حاجه الطريق زحمه جدا 

واخيرا وصلوا بس للاسف بعد ما فات الاوان نور نزلت من العربيه لاقت باباها سايح في دمه من حادثه عربيه خبطته وجريت والناس عماله تحط ورق جرانين عليه 

نور بقت تصوت وتعيط علي باباها لحد ما الاسعاف جت اخدت باباها وودوه المستشفي 

ماهر : طمني يادكتور هيعيش 

الدكتور : للاسف هو لما وصل كان ميت 

وقتها نور اغم عليها واتحجزت في اوضه لوحدها 

بقلمي مآآهي آآحمد

امل : انا لازم امشي 

ماهر : هتسبيها لوحدها وهي في الحاله دي

امل : انت مش فاهم اهلي مانعني من اني اكلم نور ولو مامشيتش وعرفوا اني كنت معاها عمري ما هقدر اكلمها تاني ارجوك خللي بالك منها 

ماهر فضل مستني نور لما تصحي وتفوء ومن كتر التعب جاب كرسي وقربه من السرير بتاعها وغمض عنيه  ونام علي الكرسي 

الدكتور دخل لقى نور صاحيه وماهر نايم 

الدكتور كشف علي نور 

الدكتور : بقينا احسن الحمدلله 

ومسك ايد نور عشان يشوف نبضها 

ماهر صحي 

ماهر : يعني بقت كويسه يادكتور 

الدكتور : احسن من الاول بكتيير انا هكتبلها علي خروج 

ماهر : نور .. عامله اي دلوقتي

نور : _______

ماهر : قومي يانور معايا 

ماهر مسك ايد نور وقربها منه وبقي يسندها لحد ما وصلوا العربيه بتاعته ولما شاف حالتها كده مارضاش يروحها البيت لوحدها واخدها معاه علي شقته 

بيبص لقي ممدوح في الشقه 

ماهر : ممدوح سيب الشقه حالا 

ممدوح : ليه ياعم في اي 

ماهر : بقولك اسمع الكلام 

ممدوح : مين دي 

ماهر : ( بنرفزه ) يوووووووه 

ممدوح : خلاص ياعم ماتتنرفزش انا ماشي 

ماهر اخد نور ودخلها اوضه النوم وهي كانت مستسلمه جدا مكانتش بتتكلم من كتر ما كانت مصدومه فعلا كانت بصه قدامها وبس

بقلمي مآآهي آآحمد

ماهر قعدها علي السرير وحط البطانيه عليها وجه يطفي نور الاباجوره عشان يطلع ويسيبها 

نور مسكت ايده وقالتله 

نور : ماتسبنيش


الحرام 💞

( الجزء الخامس ) 

البيدج الاصليه حكآآيآآآت مآآهي 

بقلمي مآآهي آآحمد


نور : ماتسبنيش 

ماهر بص لايد نور وهي ماسكه ايده ورجع بصلها تاني 

نور : أصل .. اصل.. انا بخاف انام لوحدي 

ماهر : طيب ماتخافيش انا هنام هنا علي الكنبه وهسيب النور كمان مفتوح ولو احتاجتي حاجه صحيني 

نور ( هزت راسها ) : ماشي شكرا 

ماهر نام علي الكنبه ونور حاولت تنام بس كل ما تحاول تغمض عنيها كانت بتشوف حادثه باباها قدامها ودموعها بقت تنزل منها من غير ماتحس كانت مش عارفه تعمل اي وكانت بتلوم نفسها كل لحظه انها ماقدرتش تنقذ باباها من الموت 

قامت واتعدلت علي السرير وهي مخنوقه جدا عايزه تمشي بتبص لاقت ماهر راح في النوم خالص راحت قامت علي طراطيف صوابعها بالراحه جدا وقربت منه وبصت لملامحه وقعدت علي ركبتها   وبقت تكلم نفسها 

نور : معقول .. معقول ييجي اليوم اللي انا وانت نتكلم فيه ياماهر.. انا فضلت سنين ابصلك بس من بعيد وانت عمرك ماشوفتني 

جه اليوم اللي انا وانت مش بس نتكلم لاء وكمان بايتين مع بعض في اوضه واحده 

( وبعدها وهي بتكلم نفسها بحركه لا اراديه منها رفعت ايدها وكانت عايزه تلمس ملامحه بطراطيف صوابعها وهي لسه بتقرب ايدها من وشه بقت تقول في نفسها 

نور : اي الهبل اللي انا بعمله ده 

بقلمي مآآهي آآحمد 

 راح ماهر حرك راسه وهو نايم نور اتخضت وبسرعه قامت ورجعت لورا وهي خايفه لا ماهر يصحي وقلبها بقي يدق جامد جدا

نور ( في نفسها ) : يادي المصيبه .. فوقي لنفسك يانور 

ماهر بيحب ماهي وعمره ماهيبصلك في يوم اتمنيله الخير مع اللي قلبه اختارها وحبها 

وبعدها  راحت لاقت كوبايه مايه وهي لسه هتمسكها وقعت منها اتكسرت ١٠٠ حته وماهر قام بسرعه من الصوت وبصلها 

نور : ( بتوتر ) انا .. انا اسفه جدا ثواني وهشيل الازاز 

بقلمي مآآهي آآحمد

نور وطت بسرعه عشان تشيل الازاز اللي اتكسر  من علي الارض 

راح ماهر جرى عليها 

ماهر : سبيه يانور لا تتعورى 

نور مسمعتش كلامه وفضلت تلم في الازاز وهي بتلمه ازازه دخلت في ايدها عورتها 

ماهر : خللي بالك يانور .. 

ماهر مسك ايدها وبقي يشوف مكان الجرح فين 

نور : انا كويسه ده جرح بسيط 

ماهر مسك ايد نور التانيه 

ماهر : اضغطي علي الجرح ثواني وجاي 

نور : انا اسفه الكوبايه وقعت غصب عني والله

ماهر جاب شبشب بسرعه ولبسه لنور 

ماهر : البسي ده 

ثواني وجيلك 

ماهر راح بسرعه عشان يجيب شاش وقطن ويلف بي الجرح بتاع نور .

وبعدها جاب قطن وبيتادين بسرعه وبقي يحطه علي جرحها 

نور كانت مكسوفه جدا من اللي حصل 

نور : مممم مافيش داعي التعويره مش كبيره 

بس ماهر برضوا بقي يربطلها ايديها وهو بيربطلها ايديها قرب منها اوي وكأنه اول مره يااخد باله من ملامحها وبقي يبصلها من تحت لتحت كده 

نور وماهر بينضفلها الجرح 

نور بصت علي ايده لاقته مجروح 

نور : ماهر اي الجرح اللي في ايدك ده 

ماهر : ولا حاجه ده جرح قديم 

وماهر شد ايده من نور وخبى ايده منها عشان ماتشوفش الجرح بتاعه 

ماهر : اطلعي انتي يانور علي السرير انا هشيل الازاز 

نور : ايوه بس 

ماهر: من غير بس اطلعي 

نور طلعت علي السرير وماهر بقي ينضف الازاز وفضلوا هما الاتنين يبصوا لبعض 

ماهر ( في سره وهو بيبصلها ويرجع مره تانيه يلم الازاز) 

ماهر: ياترى انتي مين واي حكايتك واي اللي بيحصل معاكي وازاي عرفتي ان ابوكي هيموت 

نور ( نايمه علي السرير علي جنبها وبتقول في سرها ) : ياترى لو حاكيتلك علي اللي بيحصلي ياماهر واللي بعيشه هتصدقني ولا هتكدبني زيهم 

ماهر لم الازاز اخيرا وطلع علي الكنبه وفضلوا الاتنين صاحيين من غير كلام الاتنين بيفكروا في الف حاجه جايه في بالهم 

المشهد ده حلو جدا عشان كده عملتوا فيديو علي بيدج حكآآيآآت مآآهي اتمني يعجبكم 

ماهر اخيرا نام وغمض عيونه بعد تفكير كتير اوي في اللي بيحصل ومش لاقيله اي اجابه 

--------------------------------

( في اليوم التاني ) 

ماهر صحي بيبص مالقاش نور 

فضل يدور عليها في الشقه مالقهاش بقي يضرب ايده في الحيطه وهو مخنوق 

ماهر : ( بخنقه وضيقه ) راحت فين دي 

لبس الجاكيت بتاعه بسرعه ونزل ركب عربيته وراحلها بيتها فضل يخبط علي الباب اكتر من ربع ساعه وبرضوا ماحدش فتح بقي هيتجن هو هيموت ويعرف اي اللي حصل 

وبعدها فونه رن بيبص لقاها ليان اخته 

ماهر  ( بفرحه ): معقول ليان 

ليان : ____________

ماهر : اكيد وحشتيني جدا وصلتي القاهره امتي 

ليان : ________________

ماهر : طيب انا جاي حالا 

ليان : _______________

ماهر : لا ماتخافيش مش هتأخر 

--------------------بقلمي مآآهي آآحمد--------------------------------

ماما ماهر : ايه قالك انه جاي 

ليان : ايوه ياماما في الطريق 

ماما ماهر: اسمعي ياليان كويس انتي اخر أمل ليا في ان ماهر يوافق انه يكتب علي هدي انا مبقاش ليا حد غيرك يقنعه بالفكره دي يابنتي 

ليان : ياماما انا هحاول مع ان انتي عارفه ماهر عمره ما عمل حاجه غصب عنه ابدا 

ماما ماهر: يعني ايه وابن اخوه هيتكتب بأسم مين غيره 

ليان : أهدي بس انتي ياماما 

ماما ماهر : انا حاسه ان ضغطي اترفع انا هاروح اجيب الدوا 

ماما ماهر مشيت 

هدي : الظاهر اني عملتلكم مشاكل وانا مكنتش اقصد ياليان 

ليان عوجت بوقها : عليا انا ياهدي الكلام ده 

(وضحكه ضحكه سخريه ) الكلمتين دوول تضحكي بيهم علي ماما مش عليا انتي طول عمرك بتحبي ماهر ولما خونتيه وروحتي لمدحت  سابك وبعدها معرفتيش ترجعي ماهر تاني وعشان تلفتي نظره روحتي لمازن اخوه كنتي فاكره ان كده ماهر هيغير وهيرجعلك بس اللي حصل بقي انك نزلتي من نظره اكتر واكتر ولما مازن مات ولاقيتي نفسك مش في حياه ماهر خالص قولتي حوار الحمل ده عشان يتجوزك غصب عنه 

هدى : ( رفعت حاجبها وسقفت لليان ) برافو ياليان لاء بجد برافو تنفعي مؤلفه كبيره .. انا مش واطيه اوي كده عشان احمل عشان اخلي ماهر يتجوزني

ليان : ياحبيبتي انتي مش واطيه وبس انتي اوطي من كده كمان

هدي : انا مش هرد عليكي ياليان 

ماهر دخل واول ما شاف ليان جرى عليها 

ماهر ( بفرحه ) :  ليااااان 😍😍

ليان جريت علي ماهر وحضنته 

ماهر : وحشتيني .. وحشتيني اوي ياليان 

ليان : انت اكتر ياماهر وحشتني اوي

ماهر : روحتي لبابا 

ليان : طبعا دي اول حاجه عملتها وللاسف الدكاتره مش مطمنني 

ماهر : ماتقلقيش ان شاء الله هيقوم منها 

ليان : يارب ياماهر يارب 

هدي : ازيك ياماهر 

ماهر بصلها من فوق لتحت وسكت 

بقلمي مآآهي آآحمد

ماهر : تعالي نطلع فوق ياليان احسن 

ليان : احكيلي اي اخر اخبارك مع ماهي وهتعمل اي مع هدي 

ماهر : سيبك من هدي هكشفها في يوم اكيد وانا وماهي كويسين المشكله ان في بنت تانيه اسمها نور بتعرف حاجات عني انا شخصيا معرفهاش حاجاات لسه محصلتش انتي متخيله دي 

ليان : ده ازاي انا مش فاهمه حاجه 

بقلمي مآآهي آآحمد

ماهر : ولا انا بس لما افهم اكيد هفهمك 

ليان : طيب انت بتلبس ورايح فين دلوقتي 

ماهر : هروحلها البيت مره تانيه اكيد هتروح علي بيتها 

ليان : طيب اوبقي طمني عليك 

ماهر : ماشي 

ماهر رجع لبيتها مره تانيه بس المره دي فضل مستني علي السلم ماتحركش لحد ما بيبص لقى نور طالعه ولابسه اسود في اسود وحاطه طرحه سودا علي شعرها 

ماهر مسك دراع نور بنرفزه 

ماهر : كنتي فين 😡

نور : أه .. دراعي سيب ايدي ياماهر 

ماهر : مش هسيب ايدك غير لما تقوليلي كنتي فين وليه اتسحبتي زي الحراميه ومشيتي وانا نايم 

نور: عشان مكنتش عايزه اقلقك واصحيك انا عارفه انك مانمتش طول الليل 

ماهر : مش هتقولي برضوا كنتي فين 

نور شدت ايدها من ايد ماهر 

نور : ( بغيظ منه ) كنت بدفن ابويا ياماهر 

انت ناسي ابويا ميت 

ماهر : كده .. بتدفنيه لوحدك معندكمش قرايب مش هتعملي حتي عزا 

نور : ( والدموع نازله منها ) اه لوحدي .. احنا مالناش حد هنا واللي هنا بيبعدوا عننا محدش بيحب يقرب مننا يعني لو عملت عزا محدش هييجي ومحدش هيزعل علي موت ابويا ياماهر فهمت بقي معملتش عزا ليه ؟ 

نور رجليها ماكنتش شيلاها راحت كانت هتقع ماهر مسكها بسرعه من ايديها وراحت قعدت علي السلم وماهر قعد جنبها 

نور بصت لماهر وهما الاتنين قاعدين جنب بعض علي السلم 

نور : ( وهي بتبص لماهر والدموع في عنيها ) طبعا انت بتدور عليا عشان تعرف انا ازاي عرفت ان باباك في غيبوبه انا هحكيلك علي كل حاجه 

ماهر: احكي يانور

نور : كنت صغيره في البلد عندنا وكان ليا عم بيحبني اوي وبحبه جدا كان حنين عليا اوي وكنا قريبين من بعض جدا ووفي يوم حسيت بدوخه ورعشه في كل جسمي ومش قادره افتح عنيا وقعت في الارض ودي كانت اول مره اقع في الارض فيها وشوفت عمي  و عربيه بتخبطه وبيموت قدامي واول ما فوقت روحت قولت لامي وانا بعيط  قدام جدتي وقتها جدتي ضربتني بالقلم وقالتلي تفي من بوقك ياوش الشؤوم ماتقوليش كده علي عمك 

وبعدها بساعه واحده اتصلوا با ابويا وقالوله ان عمي عمل حادثه ومات جدتي اول ما عرفت كده بقت تمشي تقول للكل اني انا اللي فولت علي عمي بالموت .. صعبت علي خالي محمد عشان من كتر كلام جدتي عني الكل صدقها بقي معايا دايما ودايما كان بيسأل عني وعوضني عن عمي اوي لحد ما في يوم جاتلي الرعشه مره تانيه كان تقريبا بعد موت عمي ب ٣ سنين وقعت  في الارض وشوفت عمي وحد بيتخانق معاه يوم فرحه وضربه بالشومه علي راسه روحت لخالي بسرعه وقولتله بلاش تتجوز النهارده ياخالي النهارده يوم وحش اوي بقت امسك في رجله واقوله هتموت النهارده قدام اهل البلد كلهم خالي مسكني وحضني وقالي ماتخافيش مش هيحصل حاجه

والفرح اتعمل وقامت خناقه واتضرب رصاصه طايشه مات في وقتها 

كل اهل البلد وقتها مابقووش يخلوا عيالهم يقربوا مني وجدتي دايما كانت تقول عليا وش الفقر وابويا وامي جابوني هنا عشان ماكنتش عارفه اعيش هناك 

لحد ما شوفت ان امي بتموت من مرض السرطان وماتت فعلا قدام عنيا حتي هنا لما قولت لامل ان اخوها هيعمل حادثه اهلها بقوا بيتشائموا مني 

ومبقاش حد بيرضي يكلمني 

ماهر كان بيسمع نور وهو مستغرب جدا 

نور : ايه مش مصدقني صح 

ماهر : حاجه عجيبه وغريبه اكيد مش هصدق 

نور : ده اللي كنت عامله حسابه 

ماهر : انتي عايزه تفهميني انك بتشوفي الغيب 

نور : استغفر الله اكيد مش كده انا مش فاهمه اي اللي بيحصل بس هو ده اللي بيحصلي 

ماهر : علي كده انتي ممكن تنقذي اي حد من الموت 

نور : لاء الموت قدر ومكتوب علينا .. اللي بيجيله ساعته بيموت 

علي فكره اليوم اللي شوفتك فيه انت كنت هتعمل حادثه كبيره بس مكنتش هتموت فيها وانا عرفت ووقفت قدامك قصد عشان تهدي سرعتك شويه ومش يجرالك حاجه 

ماهر : طيب وبابا .. بابا هيموت 

نور : معرفش الموت بشوفه قبلها بعشر دقايق بالكتير مش اكتر ولو جالك الموت محدش يقدر يمنعه عنك اما لو حد هيعمل حادثه عاديه بشوف قبلها بساعه او اتنين 

ماهر : وعلي كده بتشوفي كل الناس 

نور : لاء مش كل الناس اللي بح... 

(ولسه هتكمل كلامها )ممممم اقصد اللي قريبين مني بس بشوفهم وبشوف اللي بيحصل للقريبين منهم 

ماهر : ايوه بس انا مش قريب منك ازاي شوفتي والدي وشوفتيني وانا هعمل حادثه 

نور اتوترت : انا .. انا .. مش هقدر اجاوبك علي السؤال ده 

ماهر : لاء لازم تجاوبي 

نور : قولتلك مش هقدر 

ماهر : يبقي انتي كذابه 

نور : انا قولت اللي عندي وربي العالم ما كدبت عليك في شىء 

ماهر: طيب ليه مش عايزه تجاوبي ومسك ايد نور اول ما مسك ايدها نور بسرعه اترعشت ووقعت علي السلم ماهر مسكها بسرعه وبقت بتتشنج ما بين ايديه

بقلمي مآآهي آآحمد

ماهر : نور .. نور 

نور فاقت وشهقت 

ماهر : نور في ايه انطقي 

نور : اختك ليان في بلطجيه هتطلع عليها في عربيتها ويسرقوها حالا 

ماهر : ليان 😳😳

بداية الروايه من هنا 👇👇👇


من هنا

تعليقات



حجم الخط
+
16
-
تباعد السطور
+
2
-
CLOSE ADS
CLOSE ADS
close