قاع_الشياطين (البصر والبصيره ) البارت الرابع بقلم_أسماء_ديمير

قاع_الشياطين (البصر والبصيره )

البارت الرابع

بقلم_أسماء_ديمير

ماكو صوت ، كانو اختفه بس الصوت السيارات باين ، رجعت تلمست الي بيدي ، ترجيه ، بس وحده وين الثاانيه ..

رفعت ايدي على شعري ، ضميت الترجيه بالجيب و مشيت على كيف انسطرت حيل ..

منو وليش رجعها معقوله هذا واحد.من حراميه ، 

كعدت على صفحه صافنه ، اجت نور فززتني من صفنتي حجت هلاووووو.

خرب بليسج اي والله خرعتيني ..

اسم الله شبيج..

تعبانه مابيه ..

راسج يوجعج ..

لااا دايخه بهل الدنيا …

محتاجه شي امانه .

اشكرج فدوه لعمرج ، ردت اسالج عمو تحسين هم سامعه علي شي ، من وفاه بابا ماسمعت عنه شي حتى ولده محد تواصل ويانه ..

عمو تحسين بغيبوبه ماعرفتي ..

لا و الله ..

هو من وقت الحادث صحته مو شي يوم صاحي ويوم فاقد هم اعذريهم حايرين بي ماجوكم ..

-ماعاتبه عليهم والله بس استغربت ردت اساله عن شغله بس باين مو وكتها ..

-شنو هيه ..

- سكتت دنجت راسي استحي اسولف بيها ..

-كولي ميمي شكوو 

-قبل وفاه بابا جان يحجي ويه عمو تحسين على بضاعه ..

-بضاعه شنو ذهب قصدج ..

مو يس ذهب ،هيه جانت بضاعه موصين عليها من الامارات للفرع جديد.، متنوعه يعني ، 

-شكد قيمتها ..

ابتسمت ماعرف والله بابا مايحجي بالقيمه يحجي بالكيلوات ..

-هاا اي شبيها ..

-راحو يجببوها بوقتها وصار الحادث وياهم ، شصار عليها بعدها بالمطار لو جابوها ..

-لو جابوها جان من سوو الحادث الشرطه لكتها ونجده ، و اكيد يخبروكم ، او كان خبرو ولده لابو تحسين ، يمكن بعدها بالمطار ..

-هيج كولتج اني هم كلت جوز مو وياهم والا اكيد جان وصلني الخبر ،  ..

-بس انتي هم اسالي عليها بالاخر هاي فلوسكم و حلالكم خما تعوفي ..

-بس خلي يطلع ساري من المستشفى وعود احجي ويه نانه نروح نسال و نشوف ..

-الله يسهل الكم اماانه اي شي تحتاجي كولي الي اني اجي وياج ..

-عيوني انتي نور ، عيوني تدرين لو لاا ..

كملت دوام واجه ابو يقين اخذني خلاني اكعد ليوره ويه جهال ولده يقين وعلي كاعدين بالصدر انمردت مرد…

لمن وصلت روحي طلعت ، سالت تالا شلونه و ضعج بالمدرسه همست زفتت اليوم اخذت ١٥ من ١٠٠ بالرياضيات …

سكتت اني هاي لو امي موجوده وتجي تالا هيج درجتها جان علكتها من اذني وسوت يوم اسود عليها ..

-همست الها ليش ..

-راسي مجاي يستقبل اي شي من المدرسه ..

-اسجلج بدوره تقويه ..

-لاا مالي واهس بالدراسه مثل قبل ..

جريت نفس ..

حجت بحه زعل مشتاقه لساري ونانه ..

اني هم ..

وصلنه للبيت ونزلت ، هم رجعنه وين ملابسنه ام يقين  ،وين حاجاتنه ام يقين ، هم قافله عليهم ..

وعلى هالمنوال ، دخلت للحمام اغسل و ياي تالا تساعدني ، و صاحت ام يقين يبوووو راح تلفون ..

مافتهمت عليها عبالي هيه وجهالها ، بس طلعت لان جهازي موكعه يقين بالماي واخذته تالا تكاب بي ، مايشتغل كبت ناار تالا رجعت تعيط و تصيح ونتتر بيهم ..

جهاز حديث روحه عزيزه ، كلشي بي ، ارقام ملاحظات كلمات سر ، حتى صورنه ، بهت وجهي لزمته يقطر ماي ، وجهي انكلب بس خجلت احجي ..

هم ناس تشمرها على ناس ، واحد يكول علي شمره عمده و علي يكول لا والله هذا يقين ، تالا ماسكتت حجت كون مرض بيدكم بيش نخابر نانه بعد .

مخابيل انتو همج والله همج ...

ام يقين زعلت شلون تالا تخبلت عليهم ، جريت تالا و مشيت لغرفه الحجي كرصتها واهمس الها كاافي عيب شبيج …

كالت هيج وكعدت تبجي اشتاقيت لاهلي اشتاقيت لنانه و ساري شنسوي هنا خلي نرجع لبيتنه ممرتاحه هنا ابد ...

-بهل وضع مستحيل ، الوضع مو امن يرجع ساري وامه للبيت و يله ماتخافين نرجع لوحدنا ..

ام يقين جن سامعتنه دخلت جفت علينه فززتنه  ، وين ترحن يماا من كل عقلجن شنوو ماعدجن اهل صار عليجن ماصار مو ناس تاكل وجوهنه ..

ردت تالا مانكدر نتحمل هناا ممرتاحات نرجع لبيتنه ..

شترجعين عيوني الوكت مو امان مثل قبل شعدجن رجال بالبيت وتنامن مرتاحات ، بعدجن حديثات عين عليكم انتو بيتكم ، 

-عصرت ايد تالا عود اسكتني ، مرت يوم ويومين وابو يقين كل مااكله دك على ام ساري يكول ماترد ..

كلبي انقبض خاف بيها شي ياربي شبيها هاي ، مو عوايدها نوب اسامه وياها هذا شلون تحمل المستشفى .. 

ضل بالي نوب كلت جوز مصروف ماعدها لو رصيد لا خاف ساري بي شي ، تالا تنك عليه تريد ترجع لو نروح الهم ...

لحد مابزعت و كتله لابو يقين اخذني للمستشفى داشوف شبيها  داطمن ساري اكيد بي شي ..

نتر بوجهي المره عافتجن واخذت ابنها ولت لهلهاا شنو اركض وراها اني ، اكعدن واسكتن ، هنا ..

رجعت ليوره مفزوعه من نبره صوته ، حجت تالا شنو عافتجن ؟! هيه تشتغل عدنا براتب اصلا ، شنو عافتنه و شغلها عدنا وين تروح ..

-المره طفشت،  و ابنها مريض بالفراش ، تكابلجن وتكعد اكيد لا ، تحير بابنها المريض ، هيه كالت عمي بطلت من الشغل عدهم و كافي ابني اعز منهن ..

-حجيت اني اهز راسي بالرفض ماكو هيج شي ، ام ساري مسوي هيج ، انطيني جهاز داحجي وياها انطينياه ..

-عاط ودفع ايدي دووخرري ، داجذب اني عليج مثلا ، 

حجيت ترجف ، رجعني لبيتنه يله رجعنه ماضل هنا والله ..

-اكول اكعدي وانجبي لا اجيبج بجف اعدل اخلاقج لا تتنتنرين ولج هي عميه..

-فكيت عيوني منصدمه ..عيوني دمعت ، 

تالا ردت مهضومه ، منو عميه يالنذل ،  بعدها ممكمله و اسمع صوت ضربه على وجها وعاطت تبجي ..

ام يقين صاحت يمعووود شبيك ..

صاح ،دشوفيهن انجلبن متعودلات على دلال ماعندي دلااال اني هنا ، ماكلات شاربات بلاش اكعدن بحترامجن لا ادبجن اني ..

-وكفت مرته على صفحه ، تكول كاافي شبيجن ، ليش تلحن و تعصبن الزلمه ، فوك مايشتغل ويصرفن عليجن ، حالجن حال جهاله هاي جزاته اضوجنه ، 

رديت بهدوء خايفه لايضربني رجعوني لبيتنه خلفه عليكم ..

-ردت هيه ز وين ترجعن يماا مكانجن هنا بعد ابتلشنه بيجن احنه ..

-رديت بهدوء ليش ابتلشتو رجوعنه عمي وصرفتو علينه انطي الكم والله اضعاف ..

ضحكت منين ترجعي يماا شو جنطتج فاارغه تصفرر ربع مابيها ..

دمعت عيوني ، عدنا بالبنك والله عدنا خير من الله ..

رد ابو يقين موو جاي اكول سويلي وكاله داسحب الجن مصروف شكلتي ..

سكتت تالا حظنتني حيل خايفه تهمس انطيهم الي يردو خلي يرجوعنه لبيتنه ..

بلعت ريك ارجف ،رديت اني مو مؤهله انطي و كاله،  و تالا هم ..

اسال محامي و تاكد ..

جرتني تالا لغرفه الحجيه و عفناه يحجي هو مرته ..

تالا ضلت تبجي ماهانت عليها نفسها شلون تنضرب ..

حجت انطي الي يريدوو خلي يودينه لنانه ..

حجيت بهدوء منو بالغرفه هنا ..

حجت وهيه تشهك ..محد ..

الحجيه وين ..

طالعه مدري وين ولت ..

تقربت منها ، لزمتها وهمس الها ، داخلين على طمع هذول ، حتى من جابونه هنا رادو يستفردون بينه، لازم ننهزم منا ..

همست وهيه تتقرب مني شلون …

من معهد اخذ تكسي واجيج و نروح ونعوفهم ..

وين نروح لبيتنه ..

سكتت ..

-ميراال وين نروح للمستشفى يم نانه نشوف ساري ..

-ماعرف وين نروح ، منو يكول نانه وساري بالمستشفه اكيدطلعو هسه ..

-نروح لبيتنه و ندك عليها مناك ..

-الغراض ومفاتيح عند ام يقين نسيتي قافله عليهم ..

-نبوكهم ..

-شلون ..

-اني ابوكهم .

-لا تلنكفين ولج شفتي نذل يضرب ..

سكتت خايفه ..

خليتها بحظني وكعت صافنه شلون بهل سالفه هاي …

ضلينه كاعدات اني وياها بالغرفه مال الحجيه لليل ؛ واجه يقين ينتر صار العشه امي تكول تعالن اكلن ..

نترت بي تالا تاكلون وجع منريد.. حجه مو اكول لابويا يجي يزوعج العافيه متكبره ..

رديت بهدوء اني ، الف عافيه ، مانريد تعشو ..

حجه طبجن وجع ، توه يطلع واسمع لزم الباب وطلعت صوت صحت وراه يقين حبيبي ..

نتر هااا . 

جديتك وين لحد هسه ماكوو .

عمتي اشواق مريضه وراحت تبات عدها ليش ..

هيج ماكو ..

عافنه وطلع ،  ضلينه لوحدنا ، شوي واجت ام يقين واكفه بالباب وحجت اذا ماتعشيتن ترى ماكو عشه ليش تكولن ثلاجه فارغه ، 

ماحجيت ردت تالا كلنه منريد ..

طلعت ادردم ، حقجن عيوني امهات دلفري انتن ماتاكلن اكلنه ، بنات ملوك حظرت جنابجن ..

 بس طلعت همست لتالا كومي سدي الباب وخلي وراها شي حتى نام ، كامت لحيلها سدتها ورجعت بسرعه يمي ، تغطيت وياها بنفس الغطا ، و تمددت ..

-حجت تالا مقهوره ، مشتاقه لنانه شلون هان عليها تعوفنه ..

-صفنت ساكته ..

-حجت مو وياج معقوله عافتنه لان ماعدنا ندفع الها راتب لو ساري خبث وزها علينه ..

نترت بضوجه منو كال ماعدنا عدنا فلوس تغطي عين شمس ، من عدا اجارات العماره ، بس مو جوه ادينه ، اذا رحت اني لو انتي محد يعترف بينه ..

 لازم محامي وحاليا كلشي منعرف نتصرف ، بمنو نامن لو على منو نعتمد ،اغلب اصدقاء بابا و كرايبنه ماعرفهم ماعندي ثقه بيهم ..

عدا نانه و العم تحسين و اثنينهم مو يمنه ..

-ردت ونانه زين والحجيه .

تالا ماثق باحد شنو الي يضمن الي اسوي الها وكاله و يروح كلشي ، ولج ماتعلمتي انتي مو انباكينه محد سال ولا كال شبيجن يابه محتاجات شي ، لو الشرطه الي اجت بس افترو راحو ، اذا سلمنه وكاله لاي اخد منو يضمن يخاف الله ومايستغلنه ... والله اذا راحن الفلوس الي بالبنك لو عماره لو الذهب بالمحل معناه ضعت اني وياج بشارع ..

حجت مهضومه ، نانه ليش ماجت و سالت علينه هنا ليش قابل ماتندل البيت ..

-ماتعرفين شنو ظروفها ..

-معقوله عافتنه من صدك لان ملت منه ، اصلا هيه من صدك ماتحبني وجوز لكت فرصه حتى تتركنه ولدها اعز من عدنا خاصه بعد مااجت تخسر ساري اخر مره …

-ماكو هيج حجي  لاتخلين حجيهم ياثر عليج ، ابو يقين واحد نفسه دنيه و مرته مثله ، تردين تصدكيهم و وتضنين سوء بنانه الي ربتنه ..

ليش لعد ماسالت علينه لحد هسه ..

-هيه هسه هم جاي تسال نفسها ليش البنات ماسالو عليه الله يعلم شنو حاجوها و زرعو براسها كلام علينه مثل ماسوو ويانه ..

-شنسوي هسه ..

-بس اروح للمعهد باجر ادك عليهم من جهاز نور ، واذا ماردو اخذها و نروح للمستشفى نسال عليهم ، 

جرت نفس شوي و برطمت تبجي تكول معقوله ساري مات ..

-اسم الله تالا بطلي هالفكار سلبيه ضوجتيني ترى …

-اشتاقيت الهم والله …

-ما بي شي انشالله اخر اتصال وياها كالت الي عده مرحله الخطر ..

-بابا وماما هم كالو عليهم هيج و تالي ماتو نفس اليوم ..

-سكتت مغثوثه و الخوف وشك دخل كلبي ، نامت هيه واني ضايت عايشه بقلق ..

ثاني يوم كعدنه متاخرات ركض ركض بدلنا و طلعنه من الغرفه بلا ريوك ..

طلعت تالا حجت ساعه ب٨ ام يقين ابو يقين وين تاخرنه .

ردت ذيج و هيه تشتغل مدري شنو تقطع ، و حجت وووين .. رديت اني تالا عدها امتحان و اني عندي دوام ..

ردت ابو يقين راح ..

وين ..

-سياره عطلانه و اخذها يصلحها ..

رديت منو يوصلنه .

حجت احد كلج ابو يقين يشتغل خط عندج و عند اختج ..

-ليش مانطتوني خبر على الاقل احجي ويه ابو الخط مالتنه يمر علينه ..

بموبايل منو ادكين بجهاز ابو يقين هم ، رصيد ماعدنا ..

ردت تالا شهل عايله فكرريه يارب ..

-نترت بيها ام يقين افرك حلكج بالنعال والله الفكريه ملفيج وملفين اختج تاكلن و تشربن بلاش ..

-بلعت الغصه كوه حجيت ام يقين شهل حجي عيب والله ..

-يااعيب تعرفن العيب انتن،  تردن كلشي على الحاظر ، مخابرات و توصيل واكل وشرب خير مفتحين باب سبيل احنه ..

-انطينه غراضنه و خلينه نتوكل اذا هيج كارهين كعدتنه ..

-لو علي اشمرجن بس ابو يقين مجلب بيجن ..

-خلفه عليج ماقصرتي تالا ضلت تبجي امتحاني راح ارسب هذا شهر الثالث راح ارسب بي ..

-حجيت ام بقين لخاطر الله على الاقل لو بس تالا توصليها انتي ..

-قابل اوصلها مشي ..

-دكي على ابو يقين ..

-كتلج سياره و عطلانه اذا عندج فلوس انطيها النه دنصلحها الله ويدج ..

بهت وجهي ، رجعت للغرفه عاجزه من صدك عاجزه و تالا كضتها بجي و عياط ماصدكت اكو هيج تصرف وهيج نفسه تتعامل وياها ..

اجه ابو يقين نوب شافها تبجي و تحجي عليهم رد علينه يغلط الحيوان والله حتى فشار فشر علينه لميت اختي وكعدت بزاويه يااربي فرجك وين اولي بيها ..

والله حتى شارع مايرحم ، هاي جاهل واني ضريره ، وين اخذها بهل وضع ..

اجت الحجيه و شافته يحجي وكعدت تهدي بي و تكولن ميخالف عصبي ميقصد ..

ماحجيت بلعتها وسكتت اني بس تالا سوده عليه ، شلون الي شاطت من قهر ، ياايمه ممتعودات على هل قهر واحد نوب يضرب ويعرينه بالكمه ،  لزمتها صخونه ترجف اليل كله ..

يومين هيه الصخونه هدت حيلها ، توسلت بام يقين ناخذها لدكتور كالت عدج فلوس يله ماعدج اكعدن واسكتي تشرب بندول و ثاني يوم تكوم ..

يومين تالا تهذري و الله و جها جمر محد كال خطيه يوم ثالث مالها صوت ، بس تتنفس كابلتهاابجي ..

اليل كله درجه الحراره مانخفضت ، طلعت بره الغرفه اجيب ماي و صله اسويلها كمادات لراسها ولرجليها ..

نوب ماندل ماحافظه البيت ، امشي واتعثر ، ترست طاسه مدري سراحيه و ومشيت ، بنص درب وانردم بشخص رجعت ليوره مفزوعه ..

حجيت ام يقين ..

ماكو صوت بس نفس قوي و خطوات رجليه ..

ضليت متبسمره بمكاني مخترعه ، انمدت ايد على صد** و كرصه من خرعتي عطت و شمرت سراحيه الماي عليه ..

وطلع صوته لابو يقين ياابنت الكلب شبيج ..

رجعت ليوره و انضربت بالطباخ عطت شبيك شتريد مني يماااا ام يقين وينج ..

هو تقدم عليه بسرعه يصم حلكي ..

-عطت يمااااا تاااالا وينكم وخرر عني ..

-طلعت ام يقين تصبح شكوو ولج شكوو ..

-ابتعد عني يغلط كلبه شسوين هناا بنص اليل و جع تفترين هاااا وين تردين تطلعين ..

لزمت كلبي يوجعني بجيت لزمني انته لزمتني حقير  .

-الزمج وانعل والديج ، وين ناويه تشردين ولج عبالي ادميه و لفيتجن بيتي كلبات ..

بجيت كبل و الله لزمتني تحرشت بيه انته الله لايوفقك اجيت اجيب م…. قاطعني يابنت الكلب جذبين بعد ، اجذبين مو جرني من شعري و صرخت .

تاااالااا وخرر عني ام يقين حجت دعوفها يمعود شهرتنه الكح*** 

دفعني حيل وكعت بالاض ، وخروو عني وخروو عني وكعت بالارض اتلمس بفوضي اريد شي اجلب بي ، مرعوبه و اتحرك بفزع وبخوف ..

وخروو عني ضليت ارددها وخروو عني ..

صاحت ام يقين دكاافي لج فضحتينه شمسويله جاي اسوين اصلا بهل اليل تفترين شعدج ..

اكلك ابو يقين خاف هاي تشوف ..

مادري كلشي اتوقع منهن هذني ..

كمت لحيلي كوه و زلكت بالماي وكعت ورجعت كمت ابجي وارجف ، واردد وخروني عني لاتلزموني و خروو عني . 

لزمت الميز سندت عليه و مشيت ارجف متحظره لاي هجوم عليه او لاي لزمه ..

طلعت بسرعه من المطبخ همه وراي يحجون 

دخلت ليم تالا ملابسي منكعه ماي و تالا مصخنه نار ، حظنتها ارجف وابجي ، كل هالعياط ومحد كعد على صوتي الحجيه جنها ميت و جهال مدثرين ..

للصبح ما نمت اخاف يدخل علينه و الله جوز يعتدي علينه و محد يدري  محد يخلصنه منه ..

الحجيه بس كعدت نزلت ابوس بيدها حجيه فدوات لروحج فدوه لعزاز كلبج تالا فرد نوب حالتها لو ناخذها للصيدليه مو الا دكتور اخصائي ..

حجت عدج فلوس ..

بهت وجهي هم كالت عدج فلوس، لو عندي اضمها قابل ،  تذكرت محبس الي بيدي جريته وخليته بيدها هذا ذهب بيعي وتعاي ناخذها ..

حجت هذا ذهب ..

اي حجيه ..

شو ممبين عليه ..

هذا ايطالي حجيه فدوه لعينج يله بت ماتت من الصخووه ..

مشت وعافتني و رجعت يم تالا لاريوك ولاغده ولاعشه ، من القهره وشوطه عليها ، رجعت جايبه فلوسه وجايه كالت يله كومن ..

صاحت ام يقين ووين ..

ردت للصيدليه نضرب بنت ابره ..

منين فلوس دوه ..

ردت الحجيه من اشواق دزتهن صدقه شتردين ام يقين خيير ..

بهت وجهي ياايمه صدددقه سوده بوجهي ناس تتصدق عليجن بنات الصاايغ ، دنجت ابجي شلت تالا كوه ابجي مهضومه ..

يكرم الله طلعت بنعال البيت و بملابس البيت ، هيه داعيه خركه و الحجيه هيه تريد من يسندنها كما اني امشي واتعثر وكامشه بيهن ..

لحد ما عثرت و طمست بنص خيسه مال مجاري بنص الشارع و مشيت كملت دربي شسوي …

صوت سياره صفت بصفنه حجه اوصلكم حجه ، 

ردت الحجيه خاف زحمه يمه ..

لا حجيه رحمه اصعدو ، جرتني و صعدنه ، سياره عاليه ، مادبرتها ، نزل الوبد صعد تالا لزمني من زندي يساعدني التفتت عليه مستغربه ..

دفعت ايده ، استغرب كانو مار عليه هالصوت ...

صعدت متوتره ، خليت راس تالا بحظني ، وسكتا مستغربه هو من حاله وصلنه للصيدليه ...

نزلت كوه حاظنه تالا ، ثكيله نوب تفلت المر ، شافها الصيدلاني  كال لو تاخذها للمستشفى تشدولها مغذي افضل ..

رديت الحجيه منكدر ماعدنا احد ينام بيها ..

شدلها مغذي هو و كال من يخلص افصلو انتو عن ايدها ، اخذنه الادويه ورجعنه حجه اوصلكم..

صعدنه وياه ساكت هو عكس الحجيه كعدت تخرط ، 

وصلنه للبيت بس نزلت سمعت صوت ابو يقين ديشغل السيارته ، شوي و حركت سيارته ..

نذل يكول عطلانه ..

دخلنه للبيت ، و خليتها تنام ، دزيت ايه عمرها تسع سنوات تسوي حليب و وتجيب بهذا الالف بسكت حتى تاكل تالا ..

كالت ماعدنا حليب انطيني واروح اجيب ..

نطيته وحجت الف الي .. خليتهم بيدها وطلعت تركض ..

جابتهم واجت ، ذبتهم بحظني ، لان اشوف بسكت ابو ربع و عصير ابو ربع ..

والله كلبي جمررر جمررر نار و شرار ، خفت لااشوط من القهر وهم اوكع مريضه ، كابلت تالا يومين اوكل واشرب و اخذها للتواليت كوه ..

عصاتي بيدي و ادلي بنفسي ..

نوبات يجنن ايه لو فاطمه هنه يدلني على الشغله ، باليل اكعد ابجي من قهري و ضعفي و بالنهار اصبر بروحي بالله كريم مايضل الحال هيج يتغير ..

عرفت ابو يقين ناوي على فلوسنه الي بالبنك عباله اسويله وكاله لو وصايه و الله على جثتي ، 

تالا مدرستها راحت عليها خطيه ، سبوعين و هيه تكوم يوم و توكع يوم ، لان ماكو عنايه  ولا دوه زين اكدر اوفره الها ..

اسمع اصوات يقين واخوته من يرحون للمدرسه واتكرضم ، اذا تسمعهم تالا تموت من القهر ، حتى معهد مالتي هم راح عليه ..

فتره و بلشت ترجع تالا لصحتها شوي ، دخلت ام يقين شاطيه خيااات عيوني اميرااتت كومن عاونني بالبيت يله مدام جهال ولو لامدرسه ..

حجت الحجيه شرايده منهن بت مريضه ..

وثانيه شبيها ..

تردين من ميرال هالمسكينه تنضف وياج حمام ماتندله نوب تنظيف ..

-اني ادلها قابل اتضل كاعده ..

-كولي الله يامره خافي ربج ..

ضليت بمكاني ماكمت ، حجت تالا شغل مانشتغل واذا ماعاجبج انطينه غراضنه تسوين معروف دنولي من هالخيسه .

-ياخيسه قصدج يالخايسه ..

رديت اني اهدي الوضع ، خفت لا تاذينه ،  ام يقين اكوم اني اساعدج بلا مشاكل الله يخليج ..

-ضبي اختج لاسرد حلكها بالنعال  ..

-ردت تالا بعصبيه شوو شلون تسري بالله شوفيني .

-ذيج تقدمت بربدات رجليها العصبيه كمت بسرعه حجيت ام يقين شبيج يمعوده نترت بتالا تالاااا كافي ..

-اساعدج والله امشي لاتاخذين بحجيها لهاي ..

سكت وطلعت طلعت وراها اني ، نطتني غسل مواعين و خلتني واكفه اجلف ، نوب بس سيم حتى جلافه ماكو ..

غسلتهم وانجبيت ، خليتهم على صفحه على هالاكدر عليه ..

اجت يمي تحجي ام يقين هااا صلاوات مو تعرفين تشتغلين ويكولون ماتعرف و ماتشوف شو شغلج انضف من شغل بناتي لعد منا وهيج غسل مواعين عليج  .

عوجت حلكي لا هاهيه هاي عايزه والله ..

صدك خلت مواعين عليه ، ومشت هيج شغل تشمره علي تالا تتعارك وتغلط نوبات تنضرب و نوبات تفزع الها الحجيه ..

اكل ماناكل هيج من جذب من جوعنه ناكل والا اكلهم ماياكله بس الحيوان من حشه نعمه الله …

اجت تالا تكلي ملابسج عود ستن ام يقين مطيتها لبناتهن ..

يا ملابس ..

مال نوم يحظي شفت فاطمه لابستهن ..

وين يجن عليهن ..

امهن مخيطتهن ومصغرتهن مسويتهن على كعدها ..

صدك تحجين  .

اي والله هذا الوردي والبيجي هم المخطط  .

سكتت .. جنت استحي البسهن جدام ابو يقين لان مالات نوم اخذتهن  ونطاهن لبناتها بالعافيه عليهن بس لو كالتلي ..

حاجيت ام يقين على حاجاتنه سمعت مناا وطلعت منها ولا كانو داحجي وياها تغلس علي ..

لحد ما فديوم تالا من حركه كلبها و يقين مدري شمسويلها وكومي و هفي بالنعال على عينه و خلي يعيط من عينه ..

لزمها ابو يقين كطعها تكطع لتالا هيه تصرخ واني اعيط ماندلها وين امشي واتعثر نوب انربدت بالباب نوب بالحايط ، لحد ماوصلت لرجليها وتلمستها  وبسرعه نمت عليها اصرخ وياها..

توه ديضربها بالحزام وتجي ضربه على وجهي ترس على عيني لزمت عيوني ابجي واعيطو تالا تصرخ لج يماااا لج نانااا الحكينه سااري وينكم ..

الحجيه جرتنه تحجي وتغلط عليه وام يقين تكله عوفن المستهترات لا تبتلي بيهن عوفهن ..

فضحنه بصواتهن يمااا منجن ، لميت روحي و اتلمس باتلا ابجي وهيه شمرت نفسها عليها تعيط شبيج شبيج ..

همست عيني ولج عيني حمووت من الالم ..

تالا ماتسكت المشكله مااتسكت عمت علينه اثنينه عافنه عافنه و من شافها تغلط رد يضرب دفرات لحد ما جرتنه ام يقين من شعري تشمرنه بالغرفه وتغلط كحاااب خبلتن رجال راح تجلطنه ..

كعدت بالغرفه مددت و لازمه عيني باثنين اديه اون احس نار واستعرت بيها و تالا تكلي شوو اشوف شبيها شووو ..

ما نطيتها مجال ماهانت علي روحي أكون بهل ضعف كبال اختي الصغيره ..

هو بره يغلط و يتهدد …

الحجيه سدت الباب علينه وطلعت تتعارك وياه بيش طالبهن ظالم النفس اخذهن واهج والله ، 

كبت بينها وبين ابنها نوب ، كالت هيج و عافت البيت وطلعت وخلتنه ..

ايام حصرنه بالغرفه ممنوع طلعه من غرفه ، حتى حمام نطلع اله بس باليل ، لو الاكل تجيبه ايه النه بقايا اكلهم والله ثريد ممرود و تمن بارد و متروس مرك ..

نوبات ناكل من جوع ونوبات تلعب نفسنه من الريحه مو بس المنظر ، تالا تبجي وتحجي ماتسكت ، خلي يشمر للبزون هالاكل هو هذا هم اكل بشر ..

تمن مصبوخ بالمرك و الثريد جنه هريسه ، هو هذا هم نعمه بالله ..

همست استغفرالله ، 

عيني تصل عليه تجرات و سالت تالا شبيها عيني ..

همست يمكن نزف لان صايره حمره ..

رديت لازم ننهزم منا ..

وين نروح ..

جريت نفس ، 

عندج مكان نروح اله ..

نمشي لبيتنه ..

شلون نفتحه ..

نروح يم جوارينه بالكت يعرفون رقم ساري ..

هاا هيج كولتج  

اي بعد ماتحمل اضل هنا اكثر ..

سكتت حايره مثلي ، بنفس اليوم طلعت اريد اروح للحمام ، امشي بهدوء حتى لايعتني هالنذل ابو ايد النكسه ..

دخلت و قفلت الباب ، كملت وطلعت على كيف ، واسمع صوته قريب من باب صاله ..

-بسرعه اتجهت للغرفه مال الحجيه و تجي جمله باذني ، نشمرها بشماعيه ..

-وشلون يصدكون هيه مخبله ..

ننطي جم فلس و نطلع الها تقرير مزور ، و نشمرها هناك ..

و السوسه صغيره ..

نزوجها ..

ياا ياهو ياخذها و هيه عمرها ١٣ مدري ١٤ سنه ..

اني شبيه ..

شهكت مرته صخاام صخمك ابو يقين تريد تاخذ علي هاي  الجاهل ...

يتبع ...

بداية الروايه من أولها هنا 👇👇👇👇

البارت الاول