جميع الروايات كامله

 رواية عصافير الغرام

الفصل_الرابع والخامس والسادس والسابع

بقلم تسنيم محمود

عدي بغيظ: ما تسمعني يا زفت انت 

أيهم ببرود: اسمع ايه يا عدي بتقولي الخدامة شبه اختك انت مجنون يالا ولا ايه؟ 

عدي بأمل: مش ممكن تكون هيا يا أيهم 

أيهم : لا انت اتجننت رسمي.. وانا دماغي هتنفجر مش قادر

عدي بضيق: مهو من كتر القرف اللي بتنيله.. استنى هعملك قهوة 

أيهم بلامبالاة: ماشي 

عدي عمل قهوة وجابهاله: خد قهوة اهي وصحصح معايا 

أيهم قاعد بكل برود ومش بيتكلم وعدي هيموت من الغيظ 

عدي: يابني انت بارد كده ليه؟ ما ترد عليا .. انا بكلم نفسي اصلا 

أيهم: بص القضية خلصانه النهاردا بالليل وبكره نتكلم ف اللي انت عايزه 

عدي: وايه مخلي سيادتك واثق اوي كده؟

أيهم بصله: مكنتش بقيت تنين مخابرات يا عدي وانا ف السن ده 

عدي: مش هنكر انك ذكي بس مش ده السبب الرئيسي.. السبب انك بتقتل بدم بارد يا أيهم، بتقتل بدون ما يرمشلك جفن.. حياتك كلها غلط في غلط.. شرب وسكر وسهر وكل يوم مع واحده. فوق لنفسك يا أيهم 

.....

في مقر شركات العسيلي 

سامر: مالك يا حمزة؟ مش مركز كده ليه؟ 

حمزة فاق من شروده: كنت بتقول ايه؟ 

سامر بغمزة: ايه يا معلم في وجه جديد ولا ايه؟ 

حمزة بغضب: وجه جديد مين يا متخلف انت؟ انا من امتى بهتم بالكلام الفارغ ده 

سامر بمكر: اومال؟ 

حمزة: حال أيهم الزفت مضايقني 

سامر: ساعده يا حمزة يخرج من المستنقع اللي هو فيه ده.. ثم اكمل بخبث: بس برضو مش هو ده اللي يخليك تسرح كده 

حمزة: ... دق باب المكتب 

حمزة بعملية: ادخل 

السكرتيره: الوفد الألماني وصل مسيو حمزة 

حمزة: اوك... يلا يا سامر 

دلف الاثنان معا إلى غرفة الإجتماعات وسط نظرات الإعجاب الشديدة فسامر وسيم أيضا 

بدأ حمزة بشرح المشاريع الجديدة بحرفية ولكن كانت هناك نظرات لا تتابع الشرح فقط " حمزة العسيلي "

.....

في فيلا العسيلي 

دخلت مليكة المطبخ وشافت بنت قاعدة بتقرأ قرآن بصوت خاشع صوت مخنوق يقترب للبكاء.. قعدت جنبها 

همس انتهت من القراءة وبصتلها بابتسامة هادئة وجدتها حقا فتنه مثل ما يقولون عنها 

مليكة بتأثر: صوت حضرتك حلو اوي 

همس: دا انتي اللي جميلة... انتي بتحفظي قرآن؟ 

مليكة: اه ابيه حمزة حافظ القرآن الكريم وهو بيحفظني 

همس كبر فنظرها رغم الغرور اللي هو فيه: ما شاء الله.. حفظتي كام جزء؟ 

مليكة: اثنا عشر.. وحضرتك؟ 

همس: ما شاء الله عليكي... وانا اممم اكتر منك بشوية صغننين 

مليكة بابتسامة صافية: اوك.. عن إذن حضرتك. واسفه اني ازعجتك 

همس باستغراب: لا طبعا مفيش ازعاج 

.....

....: عرض ايه ده؟ 

البنت: معرفش يا ست هانم انا سمعته بيكلم اللي اسمه سامر ده وبيقولوا محدش يعرف حاجه عن العرض غير هو وأخوه وسامر 

....: تمام خليكي مفتحه عنيكي على طول، ولو جبتيلي ورق العرض ده هديكي أضعاف دول 

وطلعت كام رزمة فلوس وادتهملها 

البنت بصت للفلوس وعنيها كانت بتطلع نجوم وقلوب: ربنا يخليكي يا ست هانم 

...: متعرفيش العرض ده هيتقدم امتى؟ 

البنت: من يومين كانوا بيقولوا هنقدمه بعد ثلاث ايام 

...: تمام يعني مش قدامك غير النهاردا عشان تجيبي الورق

البنت بخوف وقلق: ربنا يستر.. ومشيت 

... بشر يخرج من عيناها: نهايتك قربت اوي يا حمزة العسيلي 

.....

جاء الليل سريعا وعاد للفيلا بهيبته المعتادة وما أن رأها حتى حلت السعادة قسمات وجهه ... كانت مازالت مستمرة بالعمل ودموعها تغرق وجهها

حمزة قرب منها وهي بعدت بزعر ابتسم في نفسه.. كل بنات العالم تتمنى نظره منه ودي بتهرب.. وشاف دموعها حس بغزة ف قلبه لم يعرف سببها: بتشتغلي ليه لدلوقتي؟ على حد علمي ساعات عملك خلصت!! 

همس بتوتر ومسحت دموعها بسرعة: اه انا همشي على طول دلوقتي 

حمزة: بتعيطي ليه؟ 

همس اتصدمت.. مش معقول هو ده الوحش اللي مفيش ف حياته غير شغل وبس ومفيش نقاش دايما أوامر صارمة هو ده نفسه اللي بيتكلم؟ 

حمزة: تمام خليكي مصدومة كده 

سابها وطلع وهي مش واعيه لنفسها بتعمل ايه ظلت تنظر لطيفه ببلاهة 

.....

سمر: يابنتي ليه بتعملي كده؟ 

ميار: لازم اخد تار بابا اللي هو جوزك 

سمر بحزن من الشر والضغينه اللي في قلب بنتها: اكيد مش هو اللي قتل ابوكي يا ميار اسمعي الكلام 

ميار: مهو فعلا مش هو لكن رجالته!! 

أمها: حرام عليكي يا بنتي اللي بتعمليه ده.. عمك هيجيبك الأرض لو مشيتي ورا كلامه

ميار بغيظ: هتقعدي تقوليلي حرام وحلال والله اقتلك انتي هي العملية مش ناقصة قرف

أمها: انتي جايبه الكره والحقد ده منين؟ 

ميار بمياعة: انا رايحه انام تصبحي على خير.. سي يو بيبي 

.....

حمزة قاعد وحاطط رجل فوق الآخرى بغرور خاص به وحده، ماسك سكينة الفاكهة وبيلعب بيها 

خرج أيهم من التواليت الملحق بغرفته الخاصة.. تفاجأ بنظرات حمزة ليه: في ايه يا حمزة؟ 

حمزة ببرود: مفيش..

أيهم بشك: متأكد؟! 

حمزة بثقه: تعرف عني غير كده؟ 

أيهم: لا.. ولبس وكان بكامل شياكته وصفف شعره الطويل بحرفية ووضع برفينوم .. جعل للوسامة عناوين خاصة بمملكة العسيلي 

حمزة: خير

أيهم: رايح الشغل.. صدقني

حمزة وكان عارف هو هيعمل ايه بس أيهم مش صغير عشان يراقبه ومش عايز يضغط عليه: مصدقك يا أيهم.. سلام 

وسابه ومشي وأيهم واقف بيبوص للفراغ بقلة حيلة 

خرج أيهم من الفيلا والفريق بتاعه كان مستنيه زي ما اتفقوا 

واحد من الفريق اول ما شافه بلم: يا نهار اسود.. اومال انا لو كنت بنت كنت عملت ايه؟ 

واحد تاني صفر: انت امك كانت بتتوحم على ايه وهي حامل فيك؟ 

بوكس جامد كان من نصيبه اوقعه أرضًا غير قادر على الحركة: من بكره مش هتكون ف الفريق عشان انا مش بهزر يا روح امك 

.....

كان نايم ع السرير بيفكر فيها دموعها وجعاه نفسه يعرف فيها ايه!!... اتغيرت اوي يا حمزة 

ياربي اشمعنا دي يعني ما طول الوقت بنات اجمل منها رايحين جايين قدامي.. حياتي كلها بره وبشوف الشقرة والجميلة، بس دي جمالها مش طبيعي حجابها ولبسها غير كل البنات اللي بشوفهم. دي حتى مش بترفع وشها تشوفني اصلا

فعلا غير كل البنات اللي بيبقوا ممكن ييجوا يطلبوا ايدي وما يواجهوش اي مشكلة 

حس بشئ يعتصر قلبه بشدة قام اتنفض من مكانه

#الفصل_الخامس

شعر حمزة بشئ يعتصر قلبه بشدة قام اتنفض من مكانه 

خرج من اوضته وهو حاسس بشئ غريب.. دخل اوضة اخته مليكة وكانت نايمه ببراءتها المعتادة 

حمزة: ياربي ايه اللي بيحصلي ده؟ 

نزل يدور عليها في جميع أنحاء الفيلا الوقت كان متأخر جدا 

ركب عربيته bmw السودا ومش عارف هو رايح فين بس حاسس انه مخنوق 

مشي كتير وأفكار كتير ف دماغه وفجأة وقف العربية 

نزل من العربية وشافها واقفه مصدومة رجليها مش شيلاها. 

قلبه كان هيخرج من مكانه وهو شايفها ف الحالة دي.. قرب منها بس راعى انها مش حلاله ومش هينفع يلمسها: بتجري ليه كده؟ 

فاقت لنفسها بفزع وافتكرت الشباب اللي بيطاردوها وقعدت تعيط بهستيريا وهو واقف نفسه يروح ياخدها ف حضنه ويعرف مالها: اهدي وتعالي اركبي

همس من وسط بكاءها: جاي ورايا ليه؟ 

حمزة بعدم فهم: افندم!! جاي ايه؟؟ 

همس وهي تبكي: عن إذنك.. جات تمشي هو مسكها من دراعها قائلا بجمود: رايحه فين؟ 

ظلت توزع نظراتها بينه وبين ايده بصدمة، وهو حس بنفسه فسابها بسرعة 

حمزة بحدة: تعالي اركبي 

همس: لا طبعا مش ممكن... 

حمزة بغضب وهو يجز على أسنانه: اللي متعرفيهوش عني يا قطة اني مبحبش أكرر كلمة قولتها مرتين

همس بتلقائية: بطل غرور 

حمزة اتصدم.. أربع شباب جايين عليه وهو واقف ثابت وهي صرخت واستخبت ورا ضهره ودموعها سبقاها 

شاب١: المزه تخصك ف حاجة يا أمور؟ 

حمزة باستنكار: أموووور!! اجري يالا العب بعيد 

شاب٢: ولو ملعبناش بعيد هتعمل ايه؟ 

شاب٣: سيبها ياد بدل ما نعلم عليك

حمزة ببرود: ياد! ونعلم عليك! ليه سوسن يالا؟ 

شاب١: سوسن دي تبقى امك ياد يا بق.. وقرب منه وحسس على جسمه: كل ده نفخ ع الفاضي 

حمزة اتعصب ومسك ايده وكسرها الواد صرخ وهمس برقت عنيها وفتحت بقها... التلاته الباقيين قربوا من حمزة عشان يضربوه ... ف خلال ثواني كلهم كانوا بيولولوا من الألم وواقعين ع الأرض ومحدش قادر يتحرك 

همس بطفولة وصقفت: برافو عليك يا حمزة ... احم انا... 

حمزة ابتسم في نفسه ولكن صدر الوش الخشب. حمزة بسخرية: ابقي سلملي على سوسن 

همس بسرعة: شكرا لحضرتك جدا.. عن اذنك 

حمزة بحده وعصبية: انتي شيفاني عيل صغير قدامك؟ انا مبهزرش 

همس اتوترت من نظراته الحاده وقربت من العربية وبلمت: دي عربيتك؟ 

حمزة ضحك: سارقها!! 

همس: ايه ده انت بتضحك زينا كده عادي؟ 

حمزة اضايق منها وطول الطريق صمت رهيب ... قطع حمزة الصمت: انتي اسمك ايه؟ 

همس: اسمي همس 

حمزة فضل باصصلها شوية ... همس: هو اسمي وحش؟ 

حمزة: لأ... عنوانك؟ 

همس معرفتش تنطق... حمزة: ايه القطة اكلت لسانك؟ 

بكت بقهر: مش هروح!! 

حمزة: افندم 

همس: ممكن اطلب منك طلب؟ 

حمزة بملل: اطلبي

همس بحزن عميق: لو مفيش عند حضرتك مانع ممكن النهاردا اقعد مع الخدم؟ 

أول ما قالت كده حس قلبه وجعه جامد: مش عايز اعرف ليه ودي حاجه ترجعلك... بس تمام مفيش مشكلة 

همس مسحت دموعها: شكرا 

..... 

في مقر شركات العسيلي 

السكرتيره بدلع: ملفات المشروع الجديد مسيو حمزة 

حمزة: اوك.. ابعتي بشمهندس أحمد وبشمهندسه ميار بسرعة 

السكرتيره: تمام 

حمزة: سامر رجع من أرض المشروع؟ 

السكرتيره: No

حمزة بصلها بصه غريبة ارعبتها: اخرجي بره.. 

السكرتيره خافت وخرجت مش فاهمه هو بيتعامل كده ليه 

..... 

رجع أيهم الفيلا وطلع اوضته اخد دش ولبس بنطلون اسود بيتي وتيشيرت رمادي ضيق يبرز عضلاته... دق باب الغرفة 

أيهم وهو يصفف شعره: ادخل 

مليكة بابتسامة: ابيييه  

أيهم ضمها لحضنه: مليكة وحشتيني اوي 

مليكة: وانت وحشتني اوي اوي 

أيهم: مروحتيش المدرسة ولا ايه؟ 

مليكة بتذمر وطفولة: ابيه انا لسه بلبس المدرسة 

أيهم: اوبس 

مليكة: عايزة اقولك حاجه يا ابيه 

أيهم استغرب جامد: انا؟ غريبة انتي دايما بتحكي لحمزة كل حاجة دا حتى لما بتخافي من الكوابيس بتروحي تمسكي ف حضنه. ف أنا ليه بقا؟ 

مليكة بدموع: هو لازم نبعد عن ابيه حمزة عشان هيتجوز؟ 

أيهم بعدم فهم: ليه بتقولي كده يا لوكه... 

مليكة: عشان ميار قالت اني لازم ابعد عن ابيه حمزة لأنهم هيتجوزوا ومش هينفع امسك فيه كده على طول ومش هينفع يكون الشماعة اللي بعلق عليها همومي هو مش بابي او مامي... وقالت إن ابيه حمزة عايز يقول كده بس مش قادر 

أيهم عنيه كانت بطلع نار: مليكة حبيبتي متحطيش كلام ميار دي ف بالك ابدا... ومش لازم اي حد يقولك اعملي حاجه تنفذيها على طول... انتي عندك عقل يميز ايه الصح وايه الغلط ولما حمزة ييجي يقولك كده ابقى اسمعي كلامه، مفهوم؟ 

مليكة بابتسامة هادئة: مفهوم 

..... 

عصام بعصبية وزعيق: انتي اتجننتي ولا ايه؟ قولتلك مليون مره متتصرفيش من دماغك 

ميار: انا هقتله واخلص منه قبل ما هو يخلص مننا 

عصام: كنت متأكد انك هضيعينا بغباءك ده... روحي انقذيها بقا من تحت ايده 

ميار: احسن حل اني اقتله

عصام بسخرية: تقتلي مين يا بت مختار 

ميار: خلاص يبقى تبطل توترني. انا كده كده كنت بلبس نقاب ومكنتش بتقدر تشوفني... 

عصام: اقسم بالله العظيم يا ميار لو اتصرفتي من دماغك تاني أو لو فكرتي في فكرة قتله دي تاني متلوميش الا نفسك  انا نفسي اشوفه ذليل. زمان مقدرتش على ابوه لكن دلوقتي جه دوره هو 

ميار بشر: فعلا هستفاد ايه انا لو مات؟ انا عايزه اشوفه ذليل طول عمره. اكسر غروره ده. عايزاه يفلس كده.. عايزاه يتمنى الموت ومش يلاقيه عشان هيكون تحت رحمتي 

..... 

في مقر شركات العسيلي 

حمزة: المشروع مهم يا بشمهندس أحمد ومش عايز غلطه وسامر هيكون معاك بإستمرار بس حاليا مشغولين شويه 

أحمد بكل احترام: انا تحت امرك يا حمزة بيه وبإذن الله هكون عند حسن ظنك 

حمزة: تمام تقدر تتفضل..

خرج أحمد من مكتب حمزة 

حمزة بغضب: فين ميار؟ 

السكرتيره بخوف: والله يا حمزة بيه دورت عليها بنفسي بكل أنحاء الشركة ومش موجوده 

حمزة كور ايده لدرجة انها بيضت وعروقه ظهرت: اخرجي انتي دلوقتي 

..... 

مرت الساعات وعاد سامر من أرض المشروع الجديد 

سامر: حمزة 

حمزة: اهلا يا سي سامر... اخبار المشروع ايه؟ 

سامر: زي الفل يا معلم انت مش واثق ف قدراتي ولا ايه؟ 

حمزة: لأ طبعا 

سامر: يعني احنا كده مش هنقدم العرض؟ 

حمزة: لأ هنقدمه بس هنأجل التقديم 

سامر: اوك 

..... 

في مبني المخابرات 

أيهم رمى ملف كامل عن القضية قدام الفريق بتاعه وهم مصدومين 

أيهم: التسليم يوم السبت الساعة ٢ الضهر عند الكيلو ١١ ع الطريق الصحراوي... 

..... 

رجع حمزة الفيلا ليلا طلع على اوضته اخد شاور وبدل ملابسه من الزي الرسمي للعمل الى بنطلون اسود اسود بيتي وتيشيرت ابيض ضيق يبرز عضلات جسده 

استمع إلى صوت صراخ يأتي من غرفة مليكة... اتشل تفكيره 

خرج بسرعة من اوضته وشاف همس حاطه راس مليكة على رجلها 

حمزة بفزع: في ايه؟ 

ضم اخته جامد: مليكة حبيبتي ردي عليا.. مليكة، اطلبي دكتور بسررررررعة 

#الفصل_السادس 

رجع حمزة من الشركة طلع جناحه الخاص اخد دش ولبس بنطلون اسود بيتي وتيشيرت رمادي ضيق يبرز عضلات جسده، صفف شعره ووضع برفينوم خاص به استمع إلى صوت صراخ يأتي من غرفة مليكة طلع من اوضته جري شاف مليكة واقعة ع الأرض وهمس حاطه راسها على رجليها وبتضرب وشها بخفة 

حمزة بفزع: في ايه 

ضم اخته جامد: مليكة حبيبتي ردي عليا.. مليكة، اطلبي دكتور بسررررررعة 

..... مرت الدقائق على الجميع كأنها ساعات خرجت الدكتورة من اوضة مليكة منكسه الرأس 

حمزة بعصبية وزعيق: هي كويسه مش كده؟ انطقي 

الدكتورة ارتعبت من نبرة صوته: أزمة قلبيه ولازم تتنقل للمستشفى بسرعة لأن الأربعة وعشرين ساعة الجايين هيكونوا صعبين جدا 

وقع الخبر على الكل وقع الصاعقة 

.....

مر بعض الوقت وهمس روحت بيتها بعدما اخبرتها والدتها انها سوف تعود اليوم من بيت خالتها 

دخلت وسلمت على أمها وشافت جوز أمها قاعد بيشيش كالعادة 

حمدي: كنتي فين كل ده؟ يومين بحالهم متسأليش.. ليه ملكيش أهل؟ 

همس بهدوء: اسفه.. هسأل المرة الجاية، عن اذنكوا 

دخلت اوضتها ورمت نفسها ع السرير وجه ف بالها حمزة قسوته عصبيته غروره شجاعته حنيته لهفته لما شاف اخته ع الأرض 

همس: استغفر الله العظيم رب العرش العظيم واتوب اليه عدد خلقه ورضا نفسه وزنة عرشه ومداد كلماته... يارب اعصم قلبي لحلالي يارب اعصم قلبي وعقلي وروحي من التفكير فيه، افتكرت يوم ما انقذها من الشباب اللي كانوا بيجروا وراها وابتسمت.. ظهر انعكاس صورتها ف المرايا 

همس: يوووه انا فاضيه للكلام الفاضي ده.. أعوذ بالله من الشيطان الرجيم 

قامت اتوضت وصلت العشاء وقعدت تذاكر وقررت تاخد إجازة من الشغل عشان امتحاناتها قربت 

.... تاني يوم

راحت الجامعة وقعدت مع صديقتها فاطمة 

همس: خلاص يابت افردي وشك ده

فاطمة بغيظ: بس اسكتي خالص مش عايزة اسمع صوتك، يابنتي انا بالاسم صحبتك 

همس بتهكم: بالنسبالك يا قلبي..

فاطمة: طيب انتي بتعرفي توفقي بين الشغل والدراسة يا همس؟ 

همس بحزن: مش عارفه يا فاطمة والله بس اهو نوعا ما كده احسن ما اقعد ف وشه

فاطمة: طيب ما تحكي لأمك يا همس 

همس بكسره: احكي لمين يا فاطمة؟ ماما اللي فضلت جوازها على عدي اخويا ومشته من البيت لسبب ملوش ذنب فيه كأنها كانت مستنياله غلطه.... بكت بحرقه 

فاطمة حضنتها: همس حبيبتي امسحي دموعك دي غالية يا قلبي... ويلا المحاضرة هتبدأ 

مسحت دموعها وراحت محاضراتها 

.....

في مستشفى العسيلي 

بدأت تفوق وحاسه بتعب وإرهاق شديد وبتفتح عنيها وتغمضها مره تاني عشان تعتاد على إضاءة الأوضة 

شافت أخواتها الاتنين حواليها ومعالم الحزن باينه على وشهم وعدي وسامر برضو لأنهم بيعتبروها اختهم بالضبط وهي كده برضو وبتهزر وتلعب معاهم زي أيهم وحمزة 

حمزة: الف سلامه عليكي يا كوكي 

أيهم: مليكة انتي كويسة صح؟ 

هزت راسها بابتسامة هادئة 

عدي بمرح: كده يا لوكه تخضينا عليكي ... كنتي جيتي شفتى المقدم أيهم وهو وشه ضارب مية لون لما عرف انك تعبانه 

أيهم ضربه بقبضه ايده ف صدره: ملكش دعوه يا رخم

عدي حط ايده مكان الضربة: ايدك طرشة منك لله يا بعيد 

سامر: ابعدوا كده انتو الاتنين... عامله ايه دلوقتى يا كوكي 

مليكة بابتسامة: كويسه يا ابيه الحمد لله 

حمزة ساكت وبيبوصلها... مليكة: ابيه حمزة 

حمزة: نعم يا قلب ابيه.. 

مليكة: انا كويسه وعايزة اخرج من هنا 

حمزة بهدوء: حاضر يا حبيبتي هشوف الدكتور يكتبلك خروج 

.....

في مقر شركات العسيلي 

السكرتيره: صدقيني يا بشمهندسه حمزة بيه مش موجود 

ميار بعصبية وزعيق وغرور: انتي اتجننتي ولا ايه؟ هتمنعيني انا بشمهندسه ميار من اني ادخل مكتب خطيبي؟ 

السكرتيره: بس دي أوامر يا فندم انا مش بأيدي حاجه... سامر بيه جه الصبح ومنع دخول اي حد وهو كمان مشي 

ميار بغل: ماشي يا حمزة انا هوريك ازاي تتحدى ميار 

.....

همس رجعت من الجامعة وسألت عن مليكة وقالوا انها لسه مجتش من المستشفى. قعدت تشتغل شغلها وبعد فترة ليست بطويلة جات مليكة من المستشفى 

همس طلعت اوضة مليكة ودخلت بهدوء: عامله ايه دلوقتى يا مليكة هانم 

مليكة: كويسه وحضرتك؟ 

همس: زي الفل بس انتي مالك بقيتي حلوة كده ليه؟ حد بييجي على جو المستشفيات؟ 

مليكة ضحكت: حضرتك جميلة وانا بحبك وكلامك حلو اوي 

همس: اوباااا بتعاكسيني ادامي؟ وبتقوليلي بحبك كمان تؤ تؤ انا مش متعودة على كده واحده واحده 

حمزة كان معدي أدام اوضة مليكة وسمع صوت ضحك اخته وهمس وهي بتتكلم.. افتكر ميار وطريقتها ف الكلام مع مليكة .... خبط ودخل وهمس ارتبكت 

همس بتوتر: انا بس كنت بسأل عن مليكة هانم... عن إذن حضرتك 

حمزة ببرود: وانا ما سألتكيش.. وممكن تقعدي مفيش مشكلة 

مليكة بفرحة: ابيه بجد حضرتها ممكن تقعد معايا؟ 

حمزة ضحك: حضرتها؟!! متعرفيش اسمها؟ 

مليكة ببراءة: تصدق لأ!! 

همس: اسمي همس وبلاش حضرتك دي كل شوية مش بحبها

مليكة بتلقائية: زي اسم اخت ابيه عدي!! 

همس اتصدمت: مييييين؟؟؟ 

حمزة لاحظ ردة فعلها بس ما بينش اي شئ: عادي يا كوكي مش أول واحده يكون اسمها همس 

همس اتوترت جدا وكان نفسها تشوف اللي اسمه عدي ده..: كنت عايزه استأذن حضرتك اني اخد اجازة عشان امتحاناتي قربت جدا 

حمزة: وانتي بتدرسي؟ 

همس فهمته غلط وانه بيستهزء بيها لمعت الدموع بعنيها: اه 

مليكة: وحضرتك ف كلية ايه؟ 

همس رفعت عنيها لفوق تمنع الدموع اللي عايزة تنزل: كلية الطب.. سنه رابعة 

حمزة اتصدم بس تحلى بالثبات: ممكن تقعدي مع مليكة وهيكون شغل بسيط ومنها هتقدري تذاكري كويس 

همس:... خادمة دقت الباب 

الخادمة: حمزة بيه.. ميار هانم تحت وعايزه تقابل حضرتك 

همس سمعت اسم بنت اضايقت جدا.. قالت بصوت مسموع: ياربي بقا انا مالي

حمزة بصلها بسخرية ومليكة مش فاهمه حاجه.. حمزة: تمام انا نازل حالا  

.....

في مبني المخابرات 

أيهم للفريق بتاعه: مستعدين ولا ايه؟ 

الفريق بصوت واحد: مستعدين... خرجوا وراحوا مكان تسليم صفقة السلاح 

أيهم ماسك منظار وبيتفرج بهدوء قاتل 

القائد: يلا هجووووووم 

أيهم شاور للفريق بتاعه محدش يتحرك من مكانه

القائد: انت اتجننت بتكسر كلامي يا تنين؟ 

أيهم اداله المنظار: بص اتفرج شايف التسليم بيتم بكل سهوله ازاي استحالة دي تكون تسليم لصفقة سلاح 

القائد: المصدر قال انه النهاردا يبقى عايز ايه تاني... هجوووووم 

الفريق محدش بيتحرك ومستنيين أيهم 

أيهم: من عقلك كده في تسليم هيتم بالنهار كده عيني عينك لا وكمان الصندوق اللي بيبقوا شايلينه خمسه سته ومش قادرين يشيلوه ده الواحد منهم شايله وبمنتهى السهولة 

القائد بعصبية: انا القائد بتاعك ولازم تنفذ اللي بقولك عليه من غير نقاش 

أيهم ببرود: وانا مش مستعد اخسر فريقي عشان حاجه انا متأكد انها مش صح 

القائد بغضب: انتو شايفين نفسكوا على ايه؟ 

أيهم: تقصد مين ب انتو دي؟ 

القائد: انت واخوك يا ولاد العسيلي 

.....

عدى الوقت وهمس روحت... وحمزة بيفكر فيها ليه كلمها بالطريقه دي؟ هل هي زيها زي الناس الباقيين اللي اتعود يتكلم معاهم بغروره وكبرياؤه؟ ولا في فرق؟ هل هي اخت عدي فعلا ام هذا ملعوب كبير ؟ 

ميار بضيق: فينك يا حمزة؟ من ساعة ما جيت وانت سرحان كده 

حمزة بصلها وسكت 

ميار بدلع: بيبي عارفه ان موضوع مرض مليكة مضايقك بس انا مش عايزة ده يأثر على حياتنا احنا الشخصية 

حمزة: تمام الموضوع ملوش علاقة بيكي اصلا.. فا متقلقيش مش هيأثر على حياتك 

ميار بمياعة: وايه حياتي وحياتك احنا واحد حبيبي 

حمزة: اممم قولتيلي 

ميار: حمزة انت ليه مش بتقولي اي حاجه بخصوص الشغل أو الشركة الصفقات كده يعني 

حمزة فضل باصصلها: انتي من امتى بتهتمي بالشغل اصلا انتي حتى الإجتماعات مش بتحضري وانتي هتتجوزيني انا ولا الشغل والصفقات، الشغل ده يكون آخر تفكيرك تمام؟

ميار بعصبية: لا مش تمام.. انا هكون مراتك يعني لازم تكون كتاب مفتوح ادامي اعرف كل حاجه عن شغلك حياتك دا انت حتى العرض مجبتش سيرته ادامي 

حمزة بغضب عمى عنيه: مش حمزة العسيلي اللي يتاكل اونطه يا قطة...

#الفصل_السابع 

همس رجعت بيتها ورنت الجرس 

صباح فتحت الباب واستغربت: جايه بدري كده ليه؟ 

همس بهدوء: ينفع نتكلم جوه 

صباح بضيق: ادخلي ياختي 

دخلت وقعدت بتعب وإرهاق شديد... 

صباح: الشغل حلو يا دكتورة همس؟ 

همس وهي تنظر للفراغ بعدم تصديق لما وصل له حالها: عارفه انا بشتغل ايه يا أمي؟ 

صباح: مش عارفه ومش عايزة اعرف... حياتك وانتي حره فيها انا مليش دخل 

همس بصتلها بحزن عميق: تمام انا هقوم اعمل اي حاجه أكلها وانام شوية.. عايزة حاجه يا ماما؟ 

صباح: هعوز منك ايه الحمد لله ابوكي مش مخليني محتاجه حاجه خالص 

همس اتصدمت: ابويا مين ده؟ 

صباح ببرود: حمدي جوزي. ابوكي !! 

همس بزعيق جامد: لا طبعا مش ابويا وانا لا يمكن اعتبر واحد زي ده ابويا هو جوزك بس يا أمي.. وانا مليش اي صلة بيه ابدا هو واحد جاي عالة علينا بعد وفاة بابا الله يرحمه وطرد عدي اخويا من بيته 

صفعة قوية كانت من نصيبها: اياكي اسمعك تتكلمي عنه بالطريقه دي تاني انتي فاااااهمه؟ 

عيطت همس ودخلت اوضتها لحد ما نامت من كتر العياط 

صحيت على رنين هاتفها مسحت دموعها بسرعة وتكلمت بمرح: فطوم حبيبي 

فاطمة: اه يا بكاشه انتي.. عامله ايه؟ 

همس: زي الفل.. مروحتيش الجامعة ليه النهاردا؟

فاطمة بضحك: ابدا ياختي اصل السواق بتاعي عنده شوية مشاكل كده واتأخر اعمل ايه بقا؟ 

همس ضحكت جامد: يا نهار اسود ع الوهم 

فاطمة: سجى رجعت هي وجوزها من امريكا النهاردا 

همس بفرحة: بجد! ابقي سلملي عليها وحشاني اوي 

.....

كانت تمر الأيام مثل بعضها وكل يوم على نفس الروتين الخاص بكل شخص 

انتهت إجازة عدي فجأه مما أدى إلى تأجيل ختطه هو وأيهم ف التعرف على اخته!! يا الله هل عشرة سنوات كفيله بأنها تنسيه اخته التي كانت الأقرب إلى قلبه؟ لا ليس كذلك انها كانت في مرحلة مراهقة... وتماما كما قال أيهم اكيد تغيرت مائة وثمانون درجة 

يوم أيهم معروف الصبح عمل شاق والليل السهر والسكر وذلك الذي يجعل حمزة يستشيط غضبا 

مليكة كانت تتعب بإستمرار ولم يخبرها اخوتها قط بما تعاني منه انها حقا صغيرة جدا على ذلك المرض الذي فتك بحياتها 

حمزة في عمل دائم وتفكير مستمر في اعدائه الذين يطمعون في شركات العسيلي العالميه ويودون الفتك بحياته بمحاولات عديدة ولكن مازال ثابتا ويواجه كل تلك المشكلات بصدر رحب 

همس شعرت بأنها في راحه في هذا العمل الجديد لأنها لا تفعل شئ سوى انها تعطي مليكة ادويتها في مواعيدها المحدده واصبحت هي ومليكة مقربتين جدا ولكن لم تحكي همس قصة حياتها لمليكة بعد 

.....

يوم جديد... في مقر شركات العسيلي 

دلف حمزة إلى الشركة بطلاته الخاطفة للأنفاس.. توجه إلى حيث مكتبه ، شاف ناس كتير أدام المكتب 

حمزة بعصبية: انتي يا زفته يا شمس 

شمس بخوف شديد: تحت امرك يا حمزة بيه 

حمزة بعيون تدق شرار: ايه كل ده؟ 

شمس: اعملهم ايه؟ هم اللي دخلوا 

حمزة بهدوء مميت: اطلعي برا الشركة ومش عايز اشوف وشك هنا تاني 

شمس بكت: انا اسفة 

حمزة: ملكيش مكان هنا تاني... برااااا 

خرجت وكلها غل وضيق ونفسها تنتقم منه بأي طريقة على اهانته ليها وسط كل تلك الحشود من الناس 

ميار: مش تفتحي يا غبيه؟ 

شمس: خلاص ما تزوقيش كده.. 

ميار: مالك يابت انتي؟ 

شمس بغل: انتي مش كنتي عرضتي عليا عرض قبل كده.. انا موافقة 

ميار بابتسامة انتصار: لوكس كده نبدأ الشغل 

.....

في مبني المخابرات 

المدير: انت اتجننت ولا ايه يا أيهم باشا؟ 

أيهم: اتجننت لا كتر خيركم بصراحة... حضرتك اسأل القائد وشوفوا لما اتكلم مع واحد خاين منهم وقالوا الحقيقة انه النهاردا مش معاد التسليم. ده تهويش بس 

القائد ارتبك... المدير: الكلام اللي بيقوله المقدم أيهم مظبوط؟ 

أيهم: انا عمري ما قولت حاجه انا مش واثق منها واظن ده المعروف عني يا سيادة المدير 

المدير: وبعدين هنعرف منين امتى معاد التسليم؟ 

أيهم: بنفس الطريقة اللي عرفنا بيها المره الأولى!! 

المدير قرب منه: مش ده لو كانت لسه عايشه؟ 

أيهم بثقه وبص للقائد: البنت ف الحفظ والصون... عن اذنكوا 

.....

ليلا في مكان تجمع ميار وعمها 

ميار بقلق: عمي عايزة اقولك حاجه؟  

عصام: احكي 

ميار: حمزة العسيلي بيقولي كده ف وشي مش حمزة العسيلي اللي يتاكل اونطه 

عصام بارتباك وتوتر: ها؟! يقصد ايه 

ميار بخوف: شكله شاكك فيا 

عصام بفزع وخوف: لا ده كده مش شاكك ده متأكد.. لالالا نفض الأفكار دي من دماغك يا عصام 

ميار بغل وغيظ: والمافيا بتاعت بره دي مستنيه ايه؟ في صفقة كبيرة اوي الشركة داخله فيها واحسن من الأولى بكتير اوي يا عمي 

عصام بسرعة وخبث: طيب اوعي تضيعينا بأفكارك المتخلفة دي تاني يابنتي لو عرفوا انك المرة اللي فاتت عملتي اللي عملتيه ده وخلتيه بس يشك مجرد شك يعني احنا كده ميتين ميتين 

ميار بخوف وقلق شديد: لا لا يا عمي اطمن انا بتعلم من أخطائي 

عصام بمكر: اما نشوف 

ميار: طب عمي انت ليه مش ظاهر ادامه بشخصيتك الحقيقية؟ 

عصام بعصبية وزعيق: انتي اتجننتي أظهر أدام مين بشخصيتي الحقيقية؟ 

ميار: انت خوفت كده ليه يا عمي 

..... 

في فيلا العسيلي قاعد أيهم وحمزة ومليكة ف غرفة الطعام يتناولوا العشاء 

أيهم: ها ايه رأيك يا حمزة؟ 

حمزة: لأ 

أيهم: خليك حلو يا زومي... بليييز. ثم اكمل في سره: بس انت هتبقى احلى من كده ايه تاني؟ 

حمزة: سمعتك يا حيوان 

أيهم: ياعم انا قولت ايه؟ 

مليكة ضحكت: اومال لو ميرا شافت ابيه حمزة هتعمل ايه؟ 

أيهم ضحك بصوته كله: متفكرينيش يا ملوكه 

حمزة بصلهم بغضب لان هو عارف الموضوع طبعا من قبل مليكة التي لا تخفي عنه أي حاجة 

دق الباب والكل استغرب جامد... ولكن حمزة لم تظهر على وجهه اي تعبيرات: ادخل 

دخلت همس والكل اتفأجا وأيهم بيبوصلها باعجاب وطبعا حمزة ملاحظ نظراته الوقحه... اضايق منه جدا وكان نفسه يقوم يضربه 

حمزة بغضب وهو يجز على أسنانه: عنيك ف الطبق اللي ادامك يا حيوان انت 

أيهم اتحرج وقعد ياكل في صمت.... حمزة: خير 

همس بتوتر: هو.. انا.. حضرتك.. كنت 

أيهم ضحك... وهي اتكسفت ونزلت وشها فى الارض 

همس زاد توترها ومعرفتش تقول ايه فقالت باندفاع: هو اللي اسمه عدي ده عنده اخت اسمها همس بجد؟؟؟؟ 

الكل رفع وشه وبصلها والصدمة الجمت لسان الجميع عن النطق !! 

يتبع 

انتهى الفصل السابع وبإذن الله أنزل بارت جديد بحبكم ف الله... 💙

بداية الروايه من هنا 👇👇👇

من هنا

تعديل المقال