 |
رواية تزوجتها
البارت الخامس والسادس
_انت متجوزني عشان الفلوس!!
وقف قدامي معرفش يرد فمشيت من قدامه بسرعه، اكيد الي سمعته دا مش صحيح، بتهيقلي؟ كنت فكراه طيب!
نزلت بسرعه حضرت الفطار ولا كأن حاجه حصلت، سبت الفطار على السفره وهو ومامته نزلوا وانا طلعت الاوضه، مش عارفه نتصرف ازاي، كتت بسأل نفسي كل شويه اي الي يخليه يقبل بالوضع دا والجوازه دي كل دا عشا الفلوس! طب منا عرضت عليه أي مبلغ يقوله مكنش وافق ساعتها لي؟ كنت فكراه مختلف طلع زي كل الرجاله
طلع وقعد قدامه وفضل يتلفت يمين وشمال، جيت امشي مسك ايدي فسحبتها وقعدت مكاني تاني
_انا اسف
=على ايي؟
_على الي سمعتيه، انا والله ..
=انت ممكن تقولي اي مبلغ انت عاوزه وانا هكتبهولك على طول، اه وشكرا جدا على خدمتك الي قدمتهالي، ممكن تطلقني بقى؟
_ايي!!
=تطلقني
_بس انا مش عاوز اطلقك
=عاوز فلوس اكتر يعني؟ تمم انا ممكن اعملك توكيل بفلوسي الي في البنك مش الاستاذ كان جاي عشان كده بردو؟
_مريم متفهميش غلط، انا مش عاوز حاجه
=باين اويي انك فعلا مش عاوز
_انا معملتش اي حاجه ب ارادتي، جبت مجموع مش كويس في ثانوي فضلت اتعاير بيه، دخلت تجاره وانا كنت عاوز ادخلها بس بردو كنت بسمع كلام زي السم، ملقتش شغل في مجالي اتقال عليا فاشل، مرضتش اتجوز عشان ببساطه عاوزه احب الأول عشان نقدر نعيش سوا ومظلمهاش اتقال عليا معقد، معملتش اي حاجه على كيفي حتى انتي بس انتي اجمل حاجه معملتهاش بمزاجي، انا والله مش عاوز حاجه ابدا، ومش حابب اصلا اعيش هنا، عاوز اعيش في شقتي الي بقالي اربع سنين بعمل فيها، تفتكري واحد عامل شقته وشقي وتعب فيها ومقبلش على نفسه قرش غير بتعبه يبقى عاوز يتجوز عشان فلوس!! تفتكري؟
بصتله وابتسمت ومسكت ايده
=انا اسفه
_يعني كده خلاص سماح؟
=سماح
_لا يبقى نعمل كيكه بالمناسبه دي بقي
=خد هنا بلا سماح بلا نسرين اقعد مش هتعمل حاجه
ضحكنا احنا الاتنين وقعدنا نتكلم الكلام جاب بعضه وسألني سؤال مهم جدا
_واي اهم صفه بالنسبالك لازم تكون في الراجل ؟
=الحنيه، اني ميهونش عليه زعلي، لما ازعل ميقولش عليا اني كبرت على الكلام دا، يحضني وبعدها كل حاجه هتبقى تمم، تخيل بابا عمره محضني! كنت بشوف كل البنات في المدرسه مع باباها في اي حفله بتتعمل لكن كل مره الكرسي بتاعه الي جمبي فاضي، عمره مقالي فيكي اي كلتي ناقصك حاجه؟ مقتنع دايما ان عشان معايا فلوس يبقى كده مبسوطه، كل صحابي عرفوني عشان غنيه بعدت عنهم وبقيت لوحدي، عمره مهتم انا ممكن اكون بعيط في اوضتي؟ طب ممكن اكون حاسه ان مفيش حد جمبي؟ كل همه الشغل وبس، لما ماما ماتت حسيت قد اي الدنيا بقت فاضيه، نفسي اجرب حضنه بس، يجي جمبي ويطبطب عليا، انا بحاول دايما أقرب بس مش عارفه او يمكن معندوش وقت، محاولاتي زهقت مني من كترها، الحنيه اهم صفه في الدنيا، لما اجي اخلف هعامل بنتي بحنيه هديها كل حاجه اتحرمت منها، لازم ابوها يحبها جدا مش عوزاه يحسسها بنسبه واحد في الميه انها لوحدها او تيجي في يوم تلومني اني اخترته اب ليها، لو عاملها كويس هيضمن انها اكتر حد هيحبه، لما يتعب هتقعد جمبه وتعيط لمجرد انه موجوع، كان نفسي اعيش اللحظات دي معاه بس انا مش بشوفه غير اوقات قليله اوي
حضني وكملت عياط، كان قلبي وجعني واول مره أبوح بكلام زيي دا، طول عمره في قلبي لي أخرجه قدامه وابين ضعفي!
_بنتنا ان شاء الله مش هتندم اني ابوها ب اذن الله
=ايي؟
_ايي!!
=هو انت ابوها؟
_وحيات امك!
ضحكت وهو مسح دموعي وباس راسي وكملنا كلام، كان ماسك ايدي وقاعدين جمب بعض وحكينا لبعض كل حاجه
_احنا كده صحاب مش كده؟
=بتتكلم بجد؟ هنبقى صحاب؟
_ايوه ونحكي لبعض كل حاجه ومتخافيش مني ابدا انا اصلا تافه، وانك مش هتهوني عليا ابدا عشان انتي صاحبتي بقى وكده
ابتسمت وكملنا كلام احساس حلو اوي ان جوزي يبقى صاحبك وسرك، ثواني هو جوزي بجد ؟ احيه
نزلنا واتهورنا وعملنا الغدا
_احمد دي محروقه
=يخربيت التعليم المجاني
_انا كنت في مدارس لغات على فكره
=بصي هو يخربيت التعليم عموما، دي فراخ مشويه لازم تكون كده يهانم
_متمشيش معاك محروقه؟
=لا ابدا دي مشويه يبنتي انتي عاميه ولا اي!!
ضحيت وكلناها، كان الاكل ليه طعم تاني معاه، هه بهزر معاكم كان الاكل ميدقش والله منه لله
_رايح فين؟
=مشوار على السريع وهرجعلك عاوزه حاجه اجبهالك وانا جاي؟
_ممكن مصاصه؟
ضحك= حاضر، حاجه تانيه؟
_ومتتأخرش
=حاضر
مشي وانا استغربت هو نازل يعمل اي! دا حتى مقليش هو رايح فين خد هنا يبني قولي رايح فين الاول!
رجع بليل واول مدخل ربعت ايدي وبصتله بغضب
_اهدي بالله عليكي
=كنت فين؟ دا انت ماشي من ساعه الغدا
_افردي وشك عشان اقول
=اخلص!
_والله مقايل الا لما تفردي وشك
ابتسمت ابتسامه ساذجه =كنت فين يا احمد وانجز
طلع علبه من جيبه _كنت بجيب دول
=اي دول!
فتح العلبه كان فيها دبلتين كانوا حلوين اوي
_موافقه اخطبك؟
ضحكت= نعم!!
_موافقه اخطبك؟
=افكر
_ها فكرتي؟
=ماشي وماله
لبسني الدبله في أيدي اليمين وبصتله وابتسمت
_ها ودلوقت موافقه تتجوزيني؟
=انت ليك خال اهبل؟
_يبنتي اخلصي!
ضحكت =موافقه
وقف ورايا وحرك الدبله من الايد اليمين ل ايدي الشمال
_خدي لبسيني دبلتي بقي
لبستهاله ومسكت طرف ايده =عجبتني
_دا انا عليا افكار دا انا عليا افكار
=طب وجبتهم لي؟
_متجوزين ومش في ايدنا دبل ازاي يعني، افرضي دخلنا سينما وملقوناش لابسين دبل!
=مش هيدخلونا
_شوفتي بقى
حط ايده في جيبه _ومنستش المصاصه يكش تعقلي
خدها منه بلهفه =صاحبي وكفاءه
_ايدا مش احنا اتجوزنا؟
=دا قدام الناس لكن احنا صحاب يجدع
_مينفعش نبقى متجوزين ونعيش شويه محن؟
=كان على عيني والله
قرب مني _مهي دي، عينك دي والله الي مجنناني
=ولما البس الدبله في وشك هترتاح؟
قرب خطوه كمان _ اخرك فاضي وكلنا عارفين متعمليش جامده بقي
الباب خبط ودخلت بنت وحضنت احمد
_احمد!!!!!!!!
تزوجتها💙
مريم سمير💙
البارت السادس
الباب خبط ودخلت بنت وحضنت احمد
_احمد!!
حضنها هو كمان ولفها وكانت الضحكه على وشه كبيره جدا!!
_يبنت الايه وحشتيني جدا
=انت كمان وحشتني اوي، كده تتجوز من ورايا ماشي يعم هعدهالك
_انتي جيتي من السفر امتي؟
=لسه النهارده الصبح وتنحت يجي ساعه عما استوعب ان بقلوظنا اتجوز!!
_اسكتي بلاش بقلوظ ديي
=بقلوظي اتجوز وبقي شايل مسؤوليه وهيدوس علينا بعياله!
كنت واقفه متنحه ومبلمه قدام الحوار الشيق دا اجيب فشار! ايدا هو انا شفافه ومش متشافه ولا ايي معلش كلميني هنا، اي العشم الي واخدك دا وداخله! ثواني هي حضنته!
_مريم، يمريم!
=ها، نعم مين ديي؟
_ديي بنت عمي امل، كانت مسافره أمريكا الي رافعه راس عليتنا اهي اهي اهي اهي اهي
=افندم!!
_دي بقي مريم زي مبيقولوا كده مراتي
ضحكت وسلمت عليا وحضنتني كنت مبتسمه بس من جوايا الله وكيل كنت عاوزه اعملهم زبادي خلاط
_لازم تتعشى معانا بقى
*لا مش عاوزه اتعبكم
_تعب اي يبنتي انتي هتعملي فيها بنت ناس ولا اي!
*اما انت عيل بقلوظ بصحيح!
_خلاص يا امل انا اسف
ضحكوا هما الاتنين وهي نزلت وهو جاي ينزل ف مسكته من ياقه قفاه وشديته وقفلت الباب وسحبت السكينه الي على الطبق ولزقته في الحيطه
_احيه في اي!
=حد قالك اني قرني؟ كيس جوافه عصير مانجا!
_لا محدش قالي
=ومدام محدش قالك تحضنها لي يعني اي بنت عمك يعني!
_يمريم انا ..
=أخرس عما تخلص كلامي
_اتفضلي كملي هبد
=وضحك وهيهي وهيهي وقله ادب ولا كأني واقفه جاوبني بصراحه احلى مني؟ مين دي الي احلى مني دا انا اموت نفسي ويتقال المنتحر اهي
_خلصتي!
=تحضنك بتاع اي اذا كان انا مبعملهاش!!
_طب متيلا ما احنا فيها
=أسكت بالله مطيقاك لو مجبتش راسك بالسكينه دي مبقاش مريم
_يمريم امل اختي في الرضاعه
بصتله ب سماجه =احلف
_والله
=حبيتها اوي ما شاء الله قمر
_ايه!!
=اي؟
لف ايده حوالين وسطى _بس الوقفه دي حلوه جامد
زقيته وبعدت =اختك تحت تقول علينا اي قلالات الزوق!
نزلت وانا بجري وبضحك الحمد لله انها طلعت اخته دا انا كنت بولع
الشغاله حضرت العشا واعشينا سوا طلعت لطيفه هي كمان طب والله العيله دي جامده
_لازم تباتي معانا بقي
=نعم يروح امك، اقصد اكيد اكيد
*لا مش عاوزه اتقل عليكم انا هروح
_تروحي اي! الوقت اتأخر متقول حاجه يا احمد
ميل عليا = والله مهحلك يمريم اصبري
ضحكت غصب عني وبصتلها _انتي دلوقت صاحبه بيت انتي اخت أحمد انتي بتقولي اي
=والأوض كتير يا امل الحمد لله
_اوض اي هتبات معايا
=دا الي خايف منه والله
*لا هبات في اوضه تانيه
=الله يكرمك يا امل والله
_مش هتباتي غير معايا
=ربنا ينتقم منك يمريم
ضحكت انا وهي وشديت ايدها وطلعنا فوق
_الدولاب اهو البسي الي انتي عوزاه، هروح اجيب عصير وهاجي
خرجت من الاوضه وقفلت الباب لقيته قدامي فحط ايده على بوقي قبل مصوت ودخلنا اوضه تانيه وشغل النور
_انا هتعالج بسببك، انا والله مبتهني على اي حاجه، انا حد باصصلي في حياتي دا مش طبيعي والله ما طبيعي
كنت ببصله وهو لسه حاطط ايده علي بوقي
_وبعدين تبات قولنا ماشي لكن انتي كده زوديها، مريم بقولك اي اخونك؟
=..
_مش هتباتي غير معايا ونينيني
=..
_طبعا مش عارفه تردي، هتردي تقولي اي مثلا!
بصيت بملل على ايده فشالها
_وانا الي قاعد اقول انتي من امتى بتسكتي!
=خلصت؟ اوعا من سكتي يلا
_حرام الي بيحصل والله حرام
=يبني البنت قاعده في الاوضه لوحدها يبني
_صغيره يعني ولا اي؟ وبعدين امل بتحب تبات لوحدها
=وعرفت منين؟
ضحك _مكنتش بترضي انام جمبها لما تيجي تبات عندنا
ضربته على صدره =اتلم بقي
_بهزر والله، بس تعرفي
=ها
_شكلك بيقي حلو اوي وانتي غيرانه
=مين دي الي غيرانه ولا في دماغي اصلا
_بذمتك!
=حاسب يبني من قدامي
_كده كده رايح الشغل بكره اكيد فيه أبطال هناك
=نعم!!
_خلاص والله
=يلا تصبح على خير
_منك لله
طلعت وانا بضحك ودخلت الاوضه على طول
_كنتي فين؟
=ها، كنت بجيب عصير منا قولتلك
_هو فين العصير دا!!
=انتي عامله اي دلوقت؟
ضحكنا احنا الاتنين على السرير
_ها يستي احكيلي اتعرفتم على بعض ازايي؟
=احنا اتجوزنا اسرع من الطياره الأسرع من الصوت دي عرفاها؟
ضحكت _بس باين عليه بيحبك دا انجاز انه يحب
سكتت هو المفروض نحب بعض! اقسم بالله؟
=وعرفتي منين انه بيحبني؟
_نظراته ليكي بصي مدام هزر معاكي يبقى حبك دا مبنسمعش صوتك اصلا
=دا مش بيبطل كلام دا لكاك جامد دا
_الله اكبر ما شاء الله عليكي، طب محترم؟
ضحكت = الله وكيل متربي
_دا بقى كان في حاله جدا مبسوطه انه اتجوز واحده زيك، بصي احمد طيب اوي وحنين، جميل اوي من جوا ساعات بيبقى طفل وحركاته مش محسوبه بس هيبسطك، طول عمري بقول يبخت الي هتتجوز احمد والله، ودايما بتمنى من ربنا يرزقني زوج زيه
=احكيلي عنه بيحب اي وبيكره اي؟
_بيحب اللون الاسود في اللبس جدا، بيحب المانجا والقهوه، بيحب يخترع اي اكله ويبوظها
=انا بعاني معاه والله بسبب موضوع الشيف الي جواه دا
ضحكت _انتي لسه شوفتي حاجه، دا كويس اني سافرت انا قعدت سنه مرحومه من ابتكاراته دي
=والي يجنن انه شايف ان اكله مفيش منه
_اسمه الحقيقي احمد تناكه، ها بتحبيه؟
=بحبه!!
ضحكت _اي يبنتي متجوزاه تخليص حق!
=بحب وجوده وكلامه وانه معايا
_يبقى بتحبيه
=تفتكري!
_لازم انتي الي تردي على السؤال دا، عيد ميلاده بعد بكره على فكره
=اقسم بالله؟
ضحكت _والله، يلا تصبحي على خير
نامت وانا فضلت قاعده معقوله بحبه! افتح قلبي واخليه يحبه! مش هندم طيب؟ انا بخاف بس هو بيطمن ومريح وطيب!
نمت وصحيت على خبط على كتفي ف صحيت ودعكت عيني ولقيته قدامي لابس بدله، كان جميل جدا ويخطف القلب والعقل والله من اول ما نظرك يقع عليه، احيه على حلاوتك حد يصحى على حاجه حلوه كده! والله يبنتي قدرتي على مقاومه جمالك يدوبك!
_متجيب بوسه وانت حلو كده
=هو انا مستني تعليق زي حلو مثلا بس تعليقك اجمد من اي توقع والله، يلا
_يلا اي؟
=مش انتي قولتي هات بوسه!
_تعبير مجازي يبني، بس شكلك حلو جامد
=حبيبت قلبي و..
_غيره بقى انت بتستعبط اكيد
=ايدا في اي!
_بابا عنده بنات كتير في الشركه مش هتروح كده انت
=واقولك بتغيري تقولي ابدا وبتشوحي ب ايدك كده
_امشي من وشي بدل محضنك امشي
=يمريم انت هرياني تعبيرات مجازيه بالله عليكي خليها حقيقه
قومت ووقفت قدامه وحضنته
_شد حيلك عوزاك تبقى احسن واحد هناك
=حاضر
_وتبين الدبله كل خمس ثواني بدل مخزق عنيك
=انا بقول اني اقعد هنا بلا شغل بلا زفت
بعدت عنه وبصيت ورايا لقيت امل صاحيه فبرقت
_ازيك يا امل عامله اي، انا ماشي بقى يمريم
مشي وانا فضلت واقفه مكاني
*مش بتحبيه! يشيخه قولي كلام غير دا
=هنزل الحق اديله حاجه يكولها قبل ميمشي
مشيت من قدامها وانا بضرب جبهتي ب ايدي من الكسوف، بس الله وكيل كانت لحظه جامده زي الي بشوفها في التليفزيون دي
_احمد
=نعم
_استنى اعملك سندوتشات
=متنسيش الزمزميه بقي
_ايي؟
=يحبيبي هاكل هناك مش صغير انا
_طب خلي بالك من نفسك
=حاضر
_وارجع بدري
=اخليني معاكي طيب؟
_يلا في رعايه الله
ضحك وباس راسي ومشي وانا ابتسمت وقفلت الباب، فطرت انا وامل سوا
_همشي انا بقي
=اقعدي اتغدى معانا
_مره تانيه ان شاء الله
=دا بيتك ابقي تعالي على طول
حضنتني _حاضر يحبيبتي
مشت وانا طلعت الاوضه، ونزلت عشان خبط في الباب، كنت فكراه احمد وكنت مبتسمه فتحت الباب والابتسامه اتحولت لصدمه
_اهلا يمريم
=انت!!
تزوجتها💙
مريم سمير💙
بداية الروايه من هنا 👇👇👇
