 |
دكتور_بطاطس
البارت_الرابع
بقلمى منار مجدى
كملت عزه:كنت بغيظ الكراش بتاعى بيك وخلاص جاى يخطبنى دورك انتهى حل عنى بقا.
وسابته ومشيت كان ماشى فى الشارع تايه ويوميها كانت الدنيا بتمطر تلج فضل ماشى كان مخنوق وسط التلج ده كله قلع الجاكت وقعد على الأرض وقال بصوت عالى:لييييه.
ووطى رأسه في الأرض بيأس بس رفعها لما سمع.
بنت:إيه يسطا مش بردان.
مالك: ابعدى عنى.
بنت:ألبس الجاكت الاول.
مالك:مش متزفت وانتى ملكيش دعوه بيا ابعدى عنى
البنت عيطت بصوت عالى:انت بتكلمنى وحش ليه.
مالك اضايق لانها عيطت:خلاص خلاص اتنيلت لبسته.
البنت:شاطر قوم بقا روح بيتك عشان الدنيا برد.
مالك:حياتى كلها بقيت برد.
البنت:يبقا تدفى كويس وتتمسك بالى عندك لأنهم يستحقو ده.
مالك:معاكى حق مامتى محتاجنى جدآ.
البنت:يبقا لازم تروح زمنها قلقانه عليك يالا قوم.
قام مالك ومشى وقف وبص وراه سمع صوت ضحكتها الطفولية وهى ماده إيديها بتمسك التلج إلى نازل من السما.
ابتسم ولف ومشى وبقا كده كل حياته شغل.
فلاش باك.
تانى يوم صحيت موده ولبست وجهزت كالعاده يعنى ونزلت ركبت تاكسى.
وصلت الجامعه الاول.
موده:حوده القهوه.
محمود جاب القهوه:مزاجك رايق انهارده.
موده:جايه بدرى.
محمود:اجبلك اكل.
موده:لا مش عايزه هشرب القهوه الاول وبعدين افكر.
محمود:هتعمل إيه بكره.
موده:كالعاده يعنى.
محمود:بكره الجمعه يا موده.
موده:اه صح مش عارفه هشوف كريم واقولك بس لو خارجين انت معانا.
محمود:اشطا.
وليد حط أيده على عينيها عرفته من ريحته.
موده: وليد هزارك بايخ.
وليد:عرفتينى ازاى انا قولت هتفتكرينى كريم.
موده: عرفتك من البرفان المعفن بتاعك إلى بيقلب معدتى استغفر الله العظيم.
وليد:وكريم بتعرفيه إزاى.
موده:من إيديه.
وليد:اه يا واد يا خطير.
موده:لا انا اعجبك اوى.
ريم:موده وحشتينى.
موده:وانت اكتر يا حبى.
قعدو يتكلمو.
موده مسكت تليفونها تشوف الساعه بقيت ٨ونص ده مستحيل يتأخر قلقت عليه بس مش معاها رقمه عشان تطمن.
كريم:انا جيت.
موده:يا صباح الفل.
كريم:صباح العسل.
وصل مالك وبصيلها بضيق ونادى:انسه موده.
قامت موده وجريت عليه:حضرتك اتأخرت ليه قلقت عليك جامد ومش معايا حتى رقمك.
مالك:انا متصل عليكى منه امبارح.
موده:مانا نسيت اسجله وضاع وسط الارقام.
مالك بضيق:طيب يالا ورانا محاضره.
موده رجعت اخدت شنطتها ومشيت معاه كان وشه باين عليه مرهق وهى كانت خايفه عليه وفى نفس الوقت خايفه تسأله لانه كان متعصب خلص اليوم محاضرات.
مالك:الساعه كام.
موده: اربعه.
مالك:طيب يالا على العربيه.
تليفون موده رن.
موده:ايوه يا كريم.....لا خليها يوم تانى معلش مش فاضيه.....عشان خاطرى.......هعملك كيكه....اشطا باى.
قفلت وبصيت لقيت مالك متعصب منها ولف ركب العربيه وركبت هى جنبه ومشيو للبيت
مالك:اركبى الاسنسير.
موده:لا هطلع على السلم.
مالك بزعيق:إدخلى بقا.
موده دمعت ودخلت وهى ساكته وعينيها بتنزل دموع مسكت فى هدومها جامد من الخوف وحطيت إيديها على قلبها وهى بتحاول تتنفس وصلو وخرجت بسرعه تاخد نفسها بصوت عالى رن الجرس فتحت هيام.
هيام:اهلا بالكتاكيت.
موده:اهلا يا هيما.
هيام:اهلا يا حبيبتى.
وقفو يتكلمو ويهزرو أما مالك فكان دايخ مشى خطوتين وداخ جامد دخل وقعد على المكتب وغمض عينه دخلت موده قربت وهى بتهزه.
موده:دكتور مالك دكتور مالك شكله مغمى عليه وله ايه.
حطيت إيديها على وشه عشان تفوقه لقيته سخن.
موده:ينهار ده انت مولع.
مسكت دراعه ولفيته على رقبتها فتح مالك عينيه بتعب.
موده:دكتور مالك لو سمحت قوم معايا.
قام مالك وهو بيسند عليها ورغم أنه تقيل على جسمها الضعيف استحملت وخرجت من المكتب.
هيام:فى إيه ماله مالك.
موده: سخن شويه ممكن تقوليلى فين اوضته.
هيام:فى الدور إلى فوق.
نسيت اقولكم شقه مالك ومامته دوبلكس.
موده تعبت اوى بس طلعته فى الاخر ودخلته اوضته ونايمته على السرير وقلعته الكوتش والشراب وغطيته كويس.
هيام:هنعمل ايه.
موده:اول حاجه عايزه مايه بتلج ومعاها فوطه صغيره وعايزه اى دوا سخونيه.
هيام:هشوفلك.
موده حطيت إيديها تانى على وشه وهى متوتره:هعمل ايه انا مش عارفه اعمل ايه انا مش دكتوره يا رب بقا خليه يخف يا رب حاسه كأنى انا إلى تعبانه وعايزه اعيط بس لو عيطت هيما هتعيط وهتتخض يا رب بقا.
حط أيده على إيديها وابتسم وقال بتعب:انا كويس.
موده شالت ايديها:انت صاحى.
مالك: انا تعبان .
هيام دخلت:انا جبت الحاجه ولقيت البرشام ده هينفع.
موده:ورينى كده اه ده هينفع بابا كان بيديهولى لما بسخن عايزه بس كوبايه مايه اهى.
مسكت مالك وعدلته وقعدت جمبه وهى سانداه وإيديها حوالين رقبته هو كان تعبان بس حاسس بكل حاجه حطيتله البرشامه فى بقه وشربته وهى بتشربه كان بيبصلها هى كانت متوتره من نظرته فمكنتش بتبصله فى عينيه بس مكنتش بتقدر كل لما تبصله تلقيه بيبصلها تبعد عينيها بسرعه خلصت ونايمته تانى.
موده:هاتى يا هيما المايه بالتلج ديه.
وجابت كرسى وقعدت عليه وفضلت تعمله كمدات تليفونها رن.
موده:أيوه كريم لا هتأخر شويه بقولك ايه مش وقتك خالص لما اخلص هرن عليك متزعقليش كريم عشان خاطرى متقلقش بابا انا كويسه هتصل عليك ماشى سلام.
قفلت التليفون كان مالك مبتسم وفرحان أنه زعقت معاه بس مش عارف ليه موده فضلت تعمله كمدات لحد ما حسيت أن حرارته نزلت جابت الترمومتر وشافت الحراره لقيته كويس.
لمت المايه والفوطه وركنتهم بصيت فى الساعه لقيتها اربعه الفجر قومته وإديته علاجه ونايمته تانى.
موده كانت فكراه نايم:انت كده بقيت تمام انا همشى وهبقا إجى اطمن عليك بكره.
كانت حاطه ايديها على وشه جت تشيلها مسكها .
موده اتوترت جت تشدها.
مالك بتعب:متمشيش.
موده:لازم امشى بابا زمانه قلقان.
مالك:الوقت أتأخر.
موده:كريم هيجى ياخدنى.
مالك سابها لما سمع اسم كريم:خلاص روحيله.
موده: شكرا ألف سلامه عليك خلى بالك من نفسك كويس وانا هاجى على الضهر كده واطمن عليك لو اتأخرت على الساعه ١٢ ارجوك خد الدوا الساعه ١٢بالظبط عموما انا هحاول متأخرش عن أذنك.
خرجت.
مالك لنفسه:هى مهتمه بيا ليه هى معجبه بيا وله ديه مجرد شفقه بس مظنش أنها شفقه سهرانه جمبى لحد دلوقتي واتخانقت مع الى اسمه كريم عشانى مظنش يا ترى ايه حكايتك يا موده معايا.
خرجت موده ونزلت وهى ماسكه التليفون بترن على كريم واول ما إدا جرس رد كريم بسرعه.
موده:كريم يالا تعال انا مش هنزل غير لما تيجى.
كريم:انا تحت انزلى.
موده:ماشى.
نزلت تحت لقيت هيام نايمه على الكنبه قدام التليفزيون راحت قفلت التليفزيون وراحت جمبها.
موده:هيما هيما اصحى.
بس مرديتش تصحى وعملت زى الاطفال وفردت ضهرها على الكنبه ابتسمت موده وبصيت حواليها وطلعت فوق شافت اوضه مفتوحه وعليها بطانيه اخدت البطانيه ونزلت غطيتها وكتبت ملحوظه جمبها (انا مشيت اول ما تصحى كلمينى) ونزلت بسرعه على السلم .
كريم كان قلقان وبيبص لباب.
موده:كريم انا هنا.
كريم:إيه اخرك كده كل ده شغل.
موده:لا هو تعبان ومامته مكنتش عارفه تتصرف.
كريم:كنتى اتصلت بدكتور ومشيتى انتى مالك اصلا.
موده:انا انسانه وعندى انسانيه مستحيل اشوف حد قدامى تعبان وانا فى إيدى اساعده ومساعدوش واقول وانا مالى ولو سمحت اقفل الموضوع ده خلاص.
كريم:ماشى يا موده مش هتكلم عشان بس شكلك تعبانه بس الى انتى عملتيه غلط مينفعش تفضلى للوقت ده فى بيت واحد.
موده:انت بتقول إيه انت فاكر انى هعمل حاجه غلط.
كريم:لا انا واثق فيكى بس الناس هتقول إيه عليكى.
موده:كريم انت عارف ومتأكد انى مش بيهمنى كلام الناس.
كريم:عارف يا موده عارف يالا تعالى.
مشيو وروحو البيت .
سيد:ايه يا بنتى كل ده.
موده بصيتله بتعب.
كريم:خليها يا بابا تنام وانا هقولك كل حاجه
سيد:طيب ادخلى نامى دلوقتى.
موده حضنته وباست رأسه ودخلت نامت بهدومها من كتر التعب بعد ما ظبطت المنبه الساعه١١ وغطيت فى نوم عميق.صحيت الساعه ١٠ونص على صوت التليفون رديت من غير ما تشوف مين.
موده بنوم:اممممم.
هيام:انتى نايمه يا حبيبتى.
موده قامت:لا يا هيما انا بلبس وجايه اهو.
هيام:طيب مستنياكى.
موده:تمام.
قفلت معاها ورمت نفسها على السرير وغمضت عينيها وفتحت بسرعه وقالت لنفسها.
موده:لا مش هنام انا قادره على التحدى والمواجهة بس عايزه انام لا لا مش انا إلى النوم يضعفنى انا سوبر ومن
قامت غيرت وكتبت ملحوظه على الباب وقالت لباباها أنها نزله ومشيت.
موده:خد يا سطا العشرين أهى وهات خمسه
السواق:ايه لا يا انسه مينفعش انا مرديتش اقولك خمسه وعشرين .
موده:لا كنت قول يخويا مكنتش ركبت معاك التكاسى مفيش اكتر منهم على العموم خدها مش مسمحاك فيها.
ومشيت وسابته وهى بتجرى طلعت على السلم وكل دورين تريح وهى بتريح تتخيله عمال يكح وتعبان تطلع جرى وتقف تريح تفتكره وتطلع لحد ما وصلت اخيرآ وصلت على الباب وكانت بتنهج ومش قادره تاخد نفسها فتحت هيام لقتها واقعه على الأرض وبتنهج.
هيام: موده مالك انتى طلعتى السلم.
موده بنهجان:اه عندى فوبيا اه كوبايا مايه يا هيما مش قادره.
هيام:حاضر اهو.
قامت موده وهى مش حاسه برجلها قعدت على الكنبه وشربت المايه.
موده:الساعه كام يا هيما.
هيام:١٢ اشمعنا.
موده:معاد العلاج يا هيما نسيتى.
قامت موده ودخلت بعد ما خبطت كان نايم دخلت صحيته وعدلته وإديته الدوا وخرجت.
موده:هيما.
هيام:ها اخد الدوا.
استووووووب خلص البارت يا حلوين كان معكم الكاتبه منار مجدى
البارت الخامس من هنا 👇👇👇👇
تعليقات
إرسال تعليق