 |
سجينته للابد
(الحادي عشر والثاني عشر والثالث عشر والاخير)
زين انضرب بالشومه علي دماغه ولاقيت راجل لابس جلابيه وبيقول حراميه هما دول الحراميه يا ام محمد اللي سرقوا الملايه عواد الدره قولتله حراميه ايه ياعم انت بتقول ايه زين قاله ياعم احنا مش حراميه انت بتقول اي بس وكان ماسك دماغه
ام محمد اللي كانت معاه قالت ولما انتوا مش حراميه الملايه بتاعتي بتعمل ايه عندكم انطقوا
قولتلها حضرتك احنا عملنا حادثه امبارح والعربيه بتاعتنا وقعت في المايه وكنا سقعانين اوي واستلفنا الملايه بتاعتك بس مسرقنهاش قالتلي وانا المفروض اصدق الكلام دوت ده انا جايبه الملايه بالشئ الفلاني انتوا اكيد حراميه
يادي المصيبه ملايه ايه دي ياستي اللي احنا طمعانين فيها خودى الملايه بتاعتك اهيه مش عايزينها
ام محمد : بعد ما نمته عليها واتغطيتوا بيها لا طبعا انا عايزه حقها
زين : حقها
الراجل : ايوه حق الماليه اومال ايه
زين : حط أيده في جيبه بيطلع الفلوس لقي أن الفلوس كلها متكرمشه وبايظه من المايه
قاله بقولك اي ياراجل ياطيب انت ما تشوفلنا فطار حلو كده وبعد كده نتحاسب
الراجل : نتحاسب ازاي وانت فلوسك كلها بايظه
وقتها كنت لابسه سلسله دهب قلعتها وقولتله خد دي سلسله دهب تعوضك عن حق الملايه والفطار دي غاليه جدا علي فكره
زين : انتي بتعملي اي يانادره
نادره : هووووش انا جعانه اوي مش قادره يازين
الراجل نتش مني السلسله بسرعه وقال يا الف مرحب شرفته ونورته اتفضلوا اتفضلوا ودخلت الحمام كان قذر جدا بس غسلت وشي وجابتلي هدوم نضيفه وغسلت هدومي وزين برضوا كمان نفس الحكايه وفطرنا مكنتش قادره قولتله زين احنا لازم ننام قالي مش وقته يانادره
قولتله لا وقته يازين انا طول الليل امبارح مكنتش عارفه انام عشان الزلط والقرف اللي كنا نايمين عليه راح برألي بعنيه سكت في وقتها ماتكلمتش
لاقيت زين بيقول للراجل احنا محتاجين عربيه تطلعنا علي القاهره قاله وماله بس دي ليها حساب جديد قاله حساب جديد انت عارف السلسه اللي معاك دي بكام قاله مايهمنيش السلسله حسابها انكم تفطروا وترتاحوا بيها مش اكتر إنما العربيه دي حاجه تانيه والست مراتك ما شاء الله معاها انسيال زي الفل لمست الانسيال وقولتله لا الانسيال لاء زين بصلي وقالي ادهوله يانادره قولتله لا يازين كله الا الانسيال ده منك قالي لو قعدنا في الصعيد اكتر من كده حياتك هتبقي في خطر قولتله برضوا لاء
وقلعت الحلق اللي كان في ودني واديته للراجل وقولتله انت فعلا بني ادام خسيس
الراجل : الحلق في أيديه وبيبص لمراته وبيضحك وقالي الله يحفظك
وسابنا بره وراح جاب عربيه بالسواق وجه وقالنا لما تروحوا علي مصر حاسبه السواق انتوا بقي
زين : يابن ال .....
وركبنا العربيه ونمت محسيتش بنفسي وبعدد ساعات طويله اخيرا وصلنا القاهره تحت عماره زين وزين قالي خليكي هطلع اجيب فلوس واجي راح جاب فلوس بسرعه وحاسب السواق وطلعنا وحابلي بنطلون من عنده وتي شيرت ولبستهم قولتله مش هنفضل هنا يازين قالي لا يانادره خالي عارف الشقه دي كويس وممكن اي وقت نلاقي هنا انا كنت شايل فلوس هنا هناخودها ونمشي بسرعه ولسه بنفتح الباب
لاقينا محمد ابن خال زين واقفلنا علي الباب وقال لزين كنت حاسس انك ماموتش وخالك كمان كان متأكد انك ماموتش
قاله محمد ااااانا ..قاله انت ايه بسرعه
كويس اني انا اللي لحقتك الاول ما تنزلش اطلع علي فوق خالك والناس كلهم طالعين هحاول ادخلهم واول ما اقفل الباب انزل بسرعه محمد مبقاش عارف يقوله ايه وحضنه وعملنا زي ما هو قال بالظبط واستنينا لحد ما كلهم دخله ومحمد قفل الباب وسمعنااه بيقول لابوه مش قولتلك يابوي مافيش حد هنا
ونزلنا علي السلالم بسرعه مابقيناش عارفين نروح فين ..
وبعد كده قولت لزين يازين انا جعانه اوي مش قادره خلاص
قالي طيب تعالي واخدني أكلنا اكله حلوه اوووووي عجبتني جدا بقوله اسمها ايه الاكله دي قالي كشري بجد حبيتها اوي اكلت منها طبقين لوحدي وفضلنا نتمشي علي الكورنيش واكلنا دره وركبنا مركب كان يوم حلو اوووووي وهو معايا فيه ونسينا للحظه كل اللي حصلنا وبعدها قولتله هنعمل اي يازين دلوقتي قالي انا هكلم جدتي تبعتلنا نجاه بفلوس والباسبور بتاعك انا ونحجزلك علي أول طياره وتسافري وترجعي بلدك قولتله طيب وانت يازين قالي انا ايه يانادره قولتله مش هتيجي معايا ده مش بعيد خالك يقتلك قالي خالي ما يعملش كده يانادره ده مهما كان خالي اللي مربيني وبعدين انا مقدرش اسيب جدتي هنا لوحدها وقتها التفكير بقي بيودي ويجيب فيا وروحنا عند واحد صاحب زين وطلب منه مفتاح الشقه اللي كانوا بيتجمعوا فيها لما ينزل مصر هو وأصحابه وقابلناه وادالوا المفتاح علي طول وروحنا هناك شقه كانت مفروشه فيها كل حاجه ودخلت معاه وقولتله زين احنا لازم نتصل بجدتي واتصلنا بجدتي وقالتلي أن ابوكي سايب جواب مع الباسبور قولتلها ايوه انا مالحقيتش اقراه ياجدتي زين اخد مني الفون وقالها كان بيقول ايه في الجواب ده ياجدتي ..جدتي بقيت تعيط وبتقول أن بابا علي فراش الموت خلاص والعمليه بتاعته ما نجحتش وعايزك انت ونادره تسافروله في اقرب وقت يابني قالها وهو عاوز مني انا ايه قالتله مش كاتب يابني بس منبه جدا انك لازم تيجي مع نادره لازم تروح يازين اوعي ما تسافرش يابني هبقي غضبانه عليك يازين لو ما سافرتش لعمك قالها حاضر ياجدتي ابعتيلي باسبور نادره وباسبوري وفلوس مع نجاه دي الوحيده اللي ممكن نثق فيها قالتله حاضر يابني نجاه جنبي اهيه خد كلمها وكلم نجاه واداها العنوان هي وجدتي واخدت من زين الفون ولاقيت جدتي عماله تعيط وقالتلي هتوحشيني يانادره هتوحشوني اوي انتي وزين قولتلها ياجدتي ما تعيطيش انا اكيد هجيلك تاني وبعدين انتي معاكي كل صوري لو وحشتك اوبقي شوفيها قالتلي صورك ايه يابنتي اللي معايا دي انتي مالكيش عندي ولا صوره قولتلها صوري ياجدتي اللي خليتي زين يطبعهم عشان تشوفيهم قالتلي محصلش يابنتي حاجه من دي ابدا بصيت لزين كده لاقيته اخد مني الفون بسرعه وقال لجدتي طيب خلاص ياجدتي مش عايزه حاجه قالتله تسلم يابني وقتها بصيتله راح حط أيده علي شعره القمر ده ورجع أيده لورا وقالي عايزه حاجه يانادره قولتله ليه كذبت عليا يازين قالي نادره بلاش نتكلم في الموضوع ده عشان خاطري قولتله ليه يازين ..قالي عشان الصور دي فعلا مش بتاعتي ومش انا اللي طبعتها قولتله تاني يازين قالي نادره يالا علي اوضتك عشان تنامي ممكن قولتله لا طبعا انا مش جايلي نوم تعالي نتفرج علي فيلم ونعمل فشار ايه رايك قالي وانا هجيبلك فشار منين دلوقتي قولتله اتصرف ماليش دعوه قالي طيب تعالي نشوف في ايه في المطبخ دخلت انا وهو وفضلنا ندور لحد مالقينا فشار بقيت مبسوطه اوووووي وبقينا نعمل فشار انا وهو وكل شويه يفتح الغطا ويقولي خلاص انا جعان بقيت احاول أمسك منه الغطا بس كان بيرفعوا لفوق بأيديه ومابقيتش عارفه اجيبه قولتله يعني عشان قصيره تعمل فيا كده قالي لو شاطره هاتيه روحت مزغزغاه من بطنه ضحك بسرعه ورما الغطا من أيديه وقالي كده طيب وبقي يجري ورايا في كل مكان عشان يزغزغني ويخليني اضحك لحد ما مسكني من ضهري وشالني ولف بيا وقالي شفتي مسكتك بسهوله ازاي يا اوزعه أتلفت وقربت منه ولمست وشه وقولتله بحبك ❤️ وقتها الوقت اتجمد ووقف لثواني بقيت بصاله قولتله زين انا بحبك ❤️ ابتسم ولاقيت الفيلم بدأ اللي كنا مستنيينه قالي الفيلم بدأ يانادره قولتله زين مش هتقول حاجه قالي مش وقته دلوقتي تعالي نتفرج علي الفيلم عضيت علي شفايفي من كتر ما كنت متغاظه وراح قالي هاروح اشوف الفشار اكيد استوي راح لقي الارض كلها فشار ومافيش حاجه في الحله روحت وراه وبقيت اضحك قالي طيب والعمل الفشار كله روحت قولتله وانا بضحك حد قالك تشيل الغطا وبقينا نلم الفشار كله من الأرض وروحنا بعدها نتفرج علي الفيلم .. وقفلت نور الأوضه وقالي بتقفلي النور ليه قولتله ماتخافش مش بعض في الضلمه وبصلي وضحك وقعدنا علي الكنبه سوا جت لقطه رومانس والبطل بيبوس البطله روحت بصاله واتمنيت أن أول first kiss ليا تكون من زين وفضلت بصاله راح باصصلي هو كمان وقرب مني اوي قولت في بالي بس هيبوسني وهيقول اللي في قلبه كله ليا لاقيته جاب فشار واكلهوني وقالي بصي علي الفيلم يانادره وكلي فشار احسن بقيت أقوله بنرفزه كده انا زهقت من الفيلم ده قالي خلاص تحبي ننام قولتله لا لا خلاص مش زهقانه ولا حاجه راح ابتسم وبقي يتفرج علي الفيلم تاني معرفش ازاي روحت انا وهو في النوم واحنا بنتفرج علي الفيلم وكنت سانده راسي علي كتفه ..وصحي وقالي صباح الورد قولتله صباح النور ...وبعدها بقيت مش قادره بجد جسمي متكسر من نومه الكنبه قالي طيب روحي علي اوضتك كملي نوم وانا هاروح احجز تذاكر السفر قولتله لا ابدا انا مش عايزه انام
انا عايزه أفطر جعانه اوووووي قالي طيب ادخلي الحمام اغسلي وشك وفوقي لحد ما اروح اجيب فطار قولتله تمام روحت علي الحمام ولاقيت فرشاه سنان لسه مش اتفتحت انبسطت اوووووي وغسلت سناني وانا بغسل سناني وكنت بتف المعجون لاقيت زين عدا من قدامي غسلت سناني بسرعه وقولتله قرفت مني صح قالي اه جدا عارفه لدرجه ايه قولتله ايه وقف ورايا وبقيت انا وهو باصين لمرايه الحمام ومسك ايدي اللي فيها الفرشاه والمعجون بتاعي وغسل سنانه بفرشاه السنان اللي انا غسلت بيها سناني وهو ماسك ايدي وبيحرك فرشاه الاسنان وبيغسل بيها سنانه ما بقيتش مصدقه مضمض بوقه وقالي شوفتي قرفت منك ازاي انا بقيت متنحه وبس وسابني ومشي نزل يجيب فطار بقيت اتنطط في الحمام من الفرحه ما بقيتش مصدقه أن زين يعمل كده خالص واول ما نزل نضفت الشقه وبعدها بشويه لاقيت الباب بيخبط روحت افتح وانا بفتح بقوله مش معاك مفتاح يازين بتخبط ليه قالي عشان انا مش زين يانادره ببص لاقيته نهاد قولتله نهاد بتعمل ايه هنا قالي دي برضوا مقابله تقابليني بيها يانادره قولتله ماقصدش انا اقصد انت عرفت مكاني انا وزين ازاى قالي جدتي بعتتني ليكم وهي اللي قالتلي علي مكانكم قولتلوا طيب ادخل واقف بره ليه ؟ تعالي ودخل وقفل باب الشقه وقعدنا علي الكنبه وقولتله فين الباسبور قالي باسبور ايه يانادره هو انتي مسافره قولتله اومال جدتي بعتتك هنا ليه مش انت جاي بدل نجاه عشان تدينا الباسبور انا وزين قالي ااااااه الباسبور ياشيخه نستيني اه طبعا معايا في جيبي ..قوليلي زين عامل معاكي ايه وابتديت زي الهبله أقوله علي كل حاجه من لحظه ما خال زين خطفني لحد هنا قالي نادره انا هسألك سؤال واحد انتي بتحبي زين قولتله بصراحه بصراحه يانهاد قالي ايوه طبعا مش عايز غير الصراحه قولتله كلمه بعشقه دي قليله جدا عليه نهاد انا مش بحبه بس انا بموووووت فيه قالي ليه يانادره ليه بتحبيه الحب ده كله قولتله راجل اوووي وبيخاف عليا جدا وشجاع اوي وبحس معاه أن الدنيا في كفه وهو في كفه تانيه قالي كل ده في زين المحروق قولتله أي اللي انت بتقوله ده يانهاد الحرق ده مش بمزاجه وبعدين ده حتي حرق وشه ميزه فيه مش عيب انا حباه كله علي بعضه وبعدها قولتله فين الباسبور قالي طيب ممكن بس تعملي فنجانين قهوه واحد ليا وواحد ليكي ولا انتي عايزاني اديكي الباسبور عشان امشي علي طول قولتله لا طبعا اللي بتقوله ده وبعدين ده زين زمانه جاي عشان نفطر سوا .. قالي طيب تعالي نعمل القهوه سوا لحد ما ييجي ..روحت وعملنا القهوه وشربناها واحنا بنتكلم وبحكيله عن زين قالي وانا يانادره قولتله انت ايه يانهاد قالي انا مش شيفاني خالص قولتله شيفاك ازاي يعني قالي مش شيفاني حبيب خالص وقتها حسيت بدوخه ودماغي تقلت اوووي وبقيت ماسكه دماغي وقولتله نهاد الحقني الدنيا بتلف بيا قالي ماتخافيش ده مجرد منوم حطيتهولك في القهوه قولتله ايه منوم وانا واقفه ودايخه جيت امسكه وقعت في الارض ما حسيتش بنفسي
بكره أن شاء الله هينزل الجزء الثاني عشر من القصه الساعه ٨
التفاعل ياجماعه والله بيخليني اكمل جداااا
مآآهي _آآحمد
سجينه للابد 💞
(الجزء الثاني عشر )
فوقت ولاقيت نفسي متربطه تاني من ايدي ورجلي وبوقي مابقيتش عارفه هو بيعمل كده ليه ولاقيته بيقولي بقي عايزه تسبيني وتسافري يانادره ده انا ما صدقت تيجي عايزه تسبيني بالسهوله دى وتاخدي زين معاكي
وماتاخدنيش انا .. انا اللي بحبك مش هو ..انا اللي ياااما كنت بتكلم عليكي معاه انا اللي حلمت بيكي من قبل ما اشوفك مش هو ..هو طول عمره بيكرهك وما بيحبكيش بقيت ابصله وانا دموعي بتنزل مني مش عارفه أقوله ايه ..انا مش فاهمه حاجه قالي طبعا انتي مش فاهمه انا بتكلم عن ايه بس انا هفهمك واعرفك كل حاجه يانادره .. وسمعنا صوت المفتاح بيتفتح بقيت ازووووم عشان انبه زين أن في حد واقف ورا الباب ونهاد لاقيته طلع صاعق كهربائي من جيبه ومستني زين يفتح الباب ..
وزين اول ما شافني متربطه كده جري عليا وقالي نادره مين عمل فيكي كده بقيت ازوووم عشان يبص وراه واول ما بص وراه نهاد
حط الصاعق الكهربي علي رقبته اتكهرب واغم عليه في ساعتها
نهاد وقتها ربطوا من كل حته بحبل من أيديهم ومن رجله وحط شريطه علي بوقه وبعد كده بقي يقولي هو ده بقي حبيبك هو ده الشجاع اللي عماله تتكلمي عليه اهو مرمي قدامك مش عارف يعمل حاجه يانادره
وبعدها بشويه زين فاق ولقي نفسه متربط بس ما همهوش ابدا علي قد ما بقي بيسحف لحد ما وصلي وبقي جنبي اه مكناش عارفين نتكلم بس كان بيشاورلي ويقولي انتي كويسه شاورتله براسي كده اني بخير وراح قرب مني وخلاني احط رأسي علي صدره عشان اطمن هو ده زين حبيبي اللي بينسا نفسه لو حس اني في خطر ونهاد لاقيته جه من جواه وماسك مج نسكافيه في أيده وقاله اخيرا فوقت يازين بيه فضل نهاد يحرك رأسه ويحرك جسمه كله
نهاد : انا حاسس انك عايز تقول حاجه قول قول انا سامعك بقي زين يحرك كل جسمه قرب منه وقاله ايه مش سامعك يازين ااااه ده انا نسيت اني حاطط شريطه علي بوقك لو ماشيلتهاش مش هتعرف تتكلم شايفه يانادره زين مش سوبر هيرو ولا حاجه زي ما بتحكي عنه بالعكس ده ضعيف ومش قادر حتي يحميكي وشال الشريطه من علي بوق زين وقاله عايز تقول ايه يازين قاله انت عايز ايه يانهاد قاله عايز حبيبتي يازين اللي انت اخدتها مني
زين : الحب مش بالعافيه يانهاد ونادره ماحبتكش
نهاد : لا حبتني بس انت مكنتش مديلي فرصه واحده عشان تحبني
قولها .. قولها احنا ليه مباقيناش نتكلم مع بعض زي الاول من حتي قبل ما هي تيجي
(زين مبقاش عايز يتكلم )
مش هتقولها يازين طيب راح جاب سكينه من جوه وحطها علي رقبتي أنطق قولها علي كل حاجه يازين يا هقتلها قدامك ويبقي لا أنا ولا انت
زين :خلاص هتكلم هقول
نهاد : بزعيق وشخط أنطق يازين
زين : نادره نهاد من واحنا عيال صغيره كنا صحاب واكتر من الاخوات انا وهو ومحمد واول ما ابتدينا نكبر شويه بقي خالي جابلنا كمبيوتر ونهاد شاف صورتك صدفه مع مامتك الله يرحمها وانتي كنتي لسه صغيره وهي شيلاكي بقي بيتكلم عنك وعن قد ايه انتي جميله كنتي لسه مكملتيش ٣ سنين واحنا كنا ١٠ سنين كنت دايما بتخانق معاه واقوله انك بنت عدوي وكل ما تكبري وبقي يبقي معانا موبايلات بقي يتابعك اكتر علي الانستا والفيس وكل حته ..
(زين سكت )
نهاد حط السكينه اكتر علي رقبتي وقاله كمل يازين
زين :(برعشه في صوته )كان لما بييجي يحكي عنك كنت دايما بشتم عليكي وعلي ابوكي كنت بكرهك وبكره سيرتك الصور اللي شوفتيها دي عندي وافتكرتي اني انا اللي طابعها دي نهاد هو اللي طبعها مش انا ..كنت دايما بقوله انك مش حلوه زي ما بيقول ورخيصه جدا كمان عشان لبسك اللي بتلبسيه نهاد حبك من وانتي طفله صغيره من غير ما يتكلم معاكي ولا يعرفك بيحب كل عيوبك قبل مميزاتك ولما كان بيشوفلك صوره منزلاها مع ولد كان بيجيله اكتئاب وبيفضل يبص لصورك بالساعات وعشان ما يكتئبش اكتر اخدت منه الصور عشان أحرقها بس هو مارضاش وقالي اسيبهم عندي
زين سكت نهاد قاله نسيت اهم حاجه تقولهالها يازين
قالوا مافيش حاجه نسيتها قاله نسيت تقولها مابقيناش نتكلم ليه يازين
زين : ده كان لعب عيال وانت اخدته بجد وعملت عداوه ما بقينا ومابقيتش تكلمني من وقتها
نهاد : يبقي مش هقول اقولك انا بقي يانادره عشان البيه زين حبيبك الشجاع المخلص المحترم كان متراهن عليكي معايا وانك لو جيتي في يوم عندنا هيخليكي تحبيه علي طول وانك مش مستاهله أن حد يحبك زي ما انا بحبك
بقيت بصه لزين وانا ساكته ببصله ودموعي بتنزل مني وبس وبقيت اقول في بالي للدرجه دي انا حد رخيص في نظرك يازين ..
زين كان لسه هيحاول يتكلم تاني
راح نهاد حط الشريطه السودا علي بوقه عشان ما يتكلمش
وبقي يبصلي ويشاورلي برأسه ويقولي لا ماتصدقيش
نهاد بقي يضرب زين في بطنه برجليه ويقوله قصدك ايه انت عايز تكرهها فيا عايز تعرفها اني كذاب انا ما بكذبش يانادره هو اللي كذاب نادره انا بحبك وابتدي يفكلي زراير القميص ويقولي بصي يانادره انا ممكن اعمل فيكي اللي انا عايزه دلوقتي وزين ما يقدرش يعملك حاجه زي ما انتي فاكره ده جبان مش هيعرف يحميكي المره دي اصل هيحميكي من مين مش معقول هيحميكي من اكتر حد بيحبك وقتها كنت ببصله وبترعش من الخوف وبقي يقرب مني اكتر وزين بقي بيحاول يفك أيده بس مبقاش عارف كنت حاسه ان نهاد غريب جدا النهارده مكانش في حالته الطبيعيه فك بوقي وفكلي رجلي
وقالي تعالي يانادره تعالي انتي اكيد جعانه مش كده احنا هنفطر مش انتي كنتي مستنيه الفطار ..تعالي ياحبيبتي وقعدني علي طرابيزه السفره وجابلي الاكل وبقي يأكلني بأيديه بس انا قولتله مش عايزه اكل يانهاد وبعدت عن الاكل اللي في أيده راح رامي كل الاكل من علي الترابيزه صوت وخوفت جدا وبقي يزعق ويشخط فيا جامد جدا وبيقولي بعد كل اللي حكايتهولك يانادره لسه مش عايزه تعرفي انا بحبك قد ايه طيب اقولك علي حاجه هتخليكي تعرفي انا قد ايه بحبك
انا ..ااانا ..انا اللي اقنعت هيام أنها ما تتتعالجش وماتقولش لحد أنها تعبانه عشان لو قالت لحد هتدخل المستشفي وبكده هيأجلوا الفرح ومش هتتجوز زين
بس ..بب ..بس يانادره هي طلعت غبيه ..طلعت غبيه وماتت بسرعه محدش قالها تموووووووووت بسرعه كده كانت زمانهم اتجوزوا وخلصنا من زين خالص وتبقي معايا أنا زي ما كنتي معايا علي طول وقت ما زين كان هيتجوز هيام صح يانادره
وبعدها برق يعنيه وقالي اااااااه انا عرفت الحل ايه عشان تشوفيني يانادره استنيني انا جاي حالا
بقيت أقوله رايح فين هتعمل ايه يامجنون قالي صح ..ص..ص..صح يانادره انا مجنون بس مجنون بحبك ❤️
وراح جاب سكينه وجه وقالي عشان نبقي مع بعض لازم زين يموت يانادره بقي زين يبصلي كده ويزووووم مش عارف يتكلم قولت لنهاد لا يانهاد يموت ايه
مالهوووش لازمه يموت انا اصلا ما بقيتش احبه صدقني ده طلع ندل وجبان انت عملت كتير عشاني وانا مكنتش اعرف بس لما عرفت حبيتك ..قالي يعني انتي بتحبيني يانادره قولتله طبعا يانهاد بحبك انا مش هلاقي حد يحبني زي ما انت بتحبني كده
قالي طيب وبعدين هنعمل ايه في زين لازم نقتله قولتله لااااااااء نقتله ايه احنا مش عايزين منه حاجه يانهاد احنا نتجوز ونسيبه هو يتفرج علينا ايه رأيك
(وقتها حسيت أن نهاد زي العيال الصغيره اللي بيضحك عليهم بكلمتين مش فاهمه ليه بس تصرفاته كلها تصرفات مش واحد عاقل )
لما قولت لنهاد كده قالي اه ..اااه يانادره لازم نسيبه يتغاظ مننا
نهاااد : طيب انا لازم اجيب بدله مش هينفع نتجوز كده
وانتي نادره لازم فستان قولتله اه ..اه طبعا يانهاد تعالي ننزل انا وانت نروح نشتريهم ..قالي اوعي تكوني بتضحكي عليا لو بتضحكي عليا انا هقتله قدامك قولتله لا لا بضحك عليك ايه مافيش الكلام ده ابدا .. وفكلي ايدي اخيرا وفتح الباب عشان ننزل ولسه بيفتح الباب لقي نجاه
قدامه واديته بالشومه علي دماغه وقع في الارض اغم عليه
روحت فكيت زين بسرعه وقولتله انت كويس قالي ما تصدقهوش يانادره محصلش حته أن انا اتراهنت عليكي دي ما حصلتش قولتله زين مش وقته الكلام ده دلوقتي
نجاه : انت كويس يازين
زين : انا كويس يانجاه
نجاه : نهاد رجعتله الحاله تاني يازين
زين : ايوه يانجاه انا عارف ايدك معايا بس نربطه الاول
(زين ونجاه ربطوا نهاد كويس )
وبعد كده سألتهم حاله ايه ..
نجاه : نهاد طول عمره عقله طاير منه
زين : مش للدرجه دي يانجاه
نجاه : اومال لدرجه ايه يازين واللي عمله ده معناته ايه غير أنه مجنون ابن مجانين ولازم يرجع المستشفي تاني بتاعت المجانين
قولتلها انتي عرفتي منين يانجاه أن نهاد هنا
نجاه : واحنا كنا بنكلمكم في التليفون نهاد كان بيتصنت علينا
ولما شوفته بيتصنت عملت نفسي مش واخده بالي دخل علينا وقالي كنتم بتكلموا مين جدتك حاولت تنكر وتقول إن إحنا كنا بنكلم اي حد تاني بقي يزعق ويشخط وكان هيموتني ابن المجنونه وقتها خنقني لحد ما جدتي قالتله علي عنوانكم
وبعدها سابني ومشي مكنتش عارفالك رقم اكلمك عليه يازين جيت بأسرع ما عندي علي العنوان اللي ادتهوني وانا لسه هخبط سمعت زي صوت حاجه بتترمي في الارض ونهاد بيزعق وبيشخط في نادره نزلت جيبت خشبه حلوه من تحت ولسه كنت هخبط لاقيت نهاد فتح لوحده اديته بيها علي طول عشان يعرف يخنقني ابن سميه العارجه
زين : خلاص يانجاه احنا كلنا عارفين أن نهاد تعبان كفايه كده
نجاه اديتنا الباسبور والفلوس وقالت أمشوا وانتوا وانا هتصل باامه وأبوه واعرفهم اللي حصل عشان ييجوا يرجعوا المستشفي وانا هفضل مع نهاد لحد ما يفوق
زين : مش عارف اقولك ايه يانجاه
نجاه : يا اخويا ما تقولش بس عد الجمايل 😊😊
ومشيت انا وزين روحنا حجزنا تذاكر الطيران وحظنا الحلو أن في طياره طالعه كندا الساعه ١٠ بالليل فضلنا مستنيين اكتر من ٩ ساعات في المطار الزهق كان هيموتنا جدا يعني
وبقي زين ماسك ايدي طول الوقت ده ولو كنت سيبت أيده كان بيقولي ماتسبنيش قولتله زين في ايه ..قالي انا عايزك تنسي اي حاجه من اللي نهاد قالهالك يانادره قولتله زين انا ....قالي هوووووش مش عايزك تتكلمي كلمه واحده انا عايزك تسمعيني انا من وقت ما عرفت الدنيا دي وانا خالي دايما ببكرهني فيكي وفي ابوكي كان دايما حاسس ان ابوكي مهما قعد سنين بره هيرجع في الاخر واحد قتل امه وأبوه وأخوه مستنيه منه ايه يانادره ..نادره ..انا عايزك وحقيقي بحبك ❤️
قولتله ايه 😳😳
انت قولت ايه
قالي انا ..بحب ..نادره ..❤️
يااااااااه يازين اخيرا قولتها قالي كنت خايف اقولها يانادره
انا بحبك من اول لحظه شوفتك فيها بحب عصبيتك وهبلك وعبطك بحبك وانتي اوزعه كده بحبك ❤️ لما تكشري ولما تعيطي وبحبك اكتر لما تضحكي تعرفي أن ليكي ضحكه صفرا وضحكه من القلب قولتله انا 🙂🙂
قالي اه انتي يانادره
ضحكه صفرا لما الكلام ما يكونش علي مزاجك
وضحكه من قلبك لما تضحكي وتفتحي بوقك زي العبيطه وعنيكي تقفل من كتر ما انتي بتضحكي من قلبك ❤️
قولتله كل ده عارفه عني يازين
قالي واكتر يانادره ومسك ايدي وقرب مني اوي بقي وشي في وشه وقالي اوعدك من اللحظه دي يانادره هعمل كل اللي اقدر عليه بس عشان نبقي سوا ما بقيتش عايز حاجه من الدنيا غير انك تكوني معايا وبس
قولتله يااااااه يازين انت ماتعرفش انا مبسوطه قد ايه دلوقتي
(وقولت في بالي يااااه بقي لو يبوسني بالمره وتبقي اول first kiss ليا منه )
وبعد كده بصيتله وقولتله بحبك يازين ❤️
ابتسم وقالي وانا كمان يانادره ❤️
بس برضوا مش هيحصل اللي في دماغك قولتله هو ايه اللي في دماغي وانت عرفت اللي في دماغي منين اصلا قالي من نظره عنيكي يانادره عرفت بتقولي ايه جواكي قولتله ياااااه هو انا مفضوحه اوي كده سابني ومشي وقالي جدا قولتله زين استني ماتسبنيش رايح فين وابتديت شركه الطيران تعلن عن الرحله اللي مسافره كندا وطلعنا الطياره سوا وبقيت كل شويه في الطياره
ابصله واقوله ما تقولي بحبك ❤️
مره تانيه يقولي بس يامجنونه قولتله بقي كده انا مجنونه يعني اخلي الراجل اللي قدامي ده يقولي أنه بيحبني يضحك ويقولي والله العظيم بحبك ❤️
كان اسعد يوم في حياتي هو اليوم ده كنت لما بسمع منه كلمه بحبك جسمي كله كان بيقشعر واخيرا زين قلهالي انا كنت حاسه أنه بيحبني بس كنت محتاجه اسمعها منه ووصلنا اخيرا كندا والوقت كان متأخر اوي روحت البيت ياااااه اخيرا روحت البيت مكنتش مصدقه أن رجعت بيتي
لاء وكمان معايا حبيبي اللي ما حبيتش ولا هحب زيه دخلت بسرعه فرجته علي البيت ودخلته اوضتي ووقفنا قدام سريري ورميت نفسي علي السرير قولتله أي رايك في اوضتي حلوه قالي اوضتك اللي في الصعيد احلي قومت بسرعه وزقيته ورميته جنبي علي السرير وبقينا باصين لبعض وقولتله ياسلااااام ده رايك بقي يبص في عنيا ويقولي انتي بتحلي أي حاجه واي مكان بتكوني فيه
قولتله الله بقي كنت مخبي الكلام الحلو ده كله فين قالي جوه قلبي ❤️ هييييييح بقي
معرفش ليه اتكسفت وقتها منه وقالي أي ده نادره بتتكسف قولتله ايه انا مش بنت وبتكسف عادي زي البنات قالي لا يانادره انتي ست البنات
انا مش واخده علي كده من زين انا واخده علي زعيقه وشخط وبس كنت مبسوووووووطه اوووووي وبعدها قولتله طيب انا هاخد شاور يازين قالي اسمها هستحمي يانادره مش عشان جينا كندا تقومي تعوجي لسانك ابتسمت و قولتله فاكر لما كنت بتخليني استحمي بالكوز والطشت من الطرمبه 😂😂
قالي كان منظرك زباله 😂😂
وفضلنا نضحك ونهزر سوا وبعدها دخلت الحمام واخدت الشاور بتاعي وطلبت اكل من بره وكلمت صحابي عشان يعرفوا اني رجعت ولما جم بقيت اعرفهم علي زين وزين طلع بيعرف يتكلم أنجلش كويس اوي وعمره ما قالي وجون زميلي جه عشان يسلم عليا واول ما جه يبوسني من خدي زين بعده عني وقاله دي خط احمر وبعده بأيديه قولتله ده زميلي يازين قالي انتي مجنونه يعني اي زميلك اسمعي يانادره انا بحبك وبغير عليكي ومسمحش لحد ابدا أنه يلمسك فهمتي قولتله طبعا فهمت وبعدها صحابي مشيوا واتصلت بمدير اعمال بابا وعرفت المستشفي اللي بابا فيها ..دي المستشفي اللي دكتور العيله صاحبها وروحنا هناك وعرفت أن بابا عنده سرطان علي المخ وان الامل من أن العمليه تنجح أقل من 1٪ وأنه طول الفتره اللي فاتت دي كان بياخد كيماوي بس العلاج فشل ومافيش قدامه حل غير العمليه دي وانا وزين بنتكلم مع الدكتور جت دكتوره جاكلين
وبقت تبص لزين جامد اوي بقي زين يخبي وشه منها زين اتحرج منها وبقيت اقولها في حاجه يادكتور جاكلين قالتلي الحرق اللي في وشه ده جميل جداا قولتلها جميل ازاي يعني قربت منه وبقت تلمس وش زين .. وزين بقي بيبعد عنها قولتلها بعد اذنك نزلي ايدك انتي ازاي تعملي كده ده انا حبيبته ومابعملهاش ضحكت وقالتلي اهدي لو سمحت انا دكتور جاكلين متخصصه في جراحه التجميل انا اقدر اعمله عمليه تجميل يرجع بيها اجمل من الاول وقتها فرحت قولتلها بجد قالتلي اه طبعا حروق اممممممم
وسألت زين علي اسمه قالها اسمي زين ..قالتله انا اقدر اخلي الحرق اللي في وشك ده يازين ولا اكنه موجود ارجوك اديني الفرصه زين بصلها وقالها لا مش عايز انا حابب نفسي كده وسابها ومشي مشيت وراه وقولتله زين اي المشكله لما تعمل العمليه دي
ايه المشكله لما تجرب قالي عشان انا حابب نفسي كده وبلاش نتكلم في الموضوع ده تاني يانادره وبلاش نزعل من بعض ولا انتي من الناس اللي بيحبوا الشكل مش الجوهر قولتله زين انا حبيتك وانت كده وهفضل احبك لو فضلت طول عمرك كده وبعدها دخلنا لبابا لاقيته في اوضته ومعلقين محاليل اول مره اشوف بابا ضعيف بالشكل ده طول عمره قوي حاولت اتكلم معاه بس هو مكانش قادر يتكلم والدكتور قال تعالوا بكره ممكن يبقي احسن ويقدر يتكلم معاكم بقيت ابكي عليه احنا اه عمرنا ما كنت أنا وبابا قريبين من بعض وكان دايما بعيد عني بس مهما كان ده ابويا زين وقتها اخدني في حضنه وبقي يمسحلي دموعي ويقولي هيبقي كويس ما تزعليش وروحنا واحنا مروحين بقي بيحاول يعمل اي حاجه عشان يخليني مبسوطه ومارضاش يخلينا نروح علي طول .. وروحت اكتر مكان بعشقه في الدنيا وهو الملاهي بعشق كل حاجه هناك حرفيا ركبنا كل الالعاب اللي هناك كانت ضحكتي ماليا وشي مكنتش بطلع من حضن زين ابدا لعبنا لعبه dancing سوا وزين طلع فاشل فيها جدا دخلنا السينما مع بعض وكان كل واحد حاطط أيده علي كتف حبيبته الا زين 🙂🙂 وآخر ما زهقت روحت جيبت أيده وحطيتها علي كتفي قولتله اياك تحرك ايدك من عليا كان يوم جميل عشان هو كان معايا واخيرا روحنا البيت ودخلت اوضتي كنت هموت وانام وطلبت أنه ينام معايا علي سريري وانا في حضنه وبس وراح حضني كان احساس مافيش احلي منه وصحينا من النوم علي تليفون من دكتور بابا وبيقول اننا لازم نيجي عشان بابا قدر يتكلم وعايزنا ضروري اول ما روحنا بقيت احضنه اوي واقوله أنه هيخف قالي اسمعيني يانادره انتي وزين كويس انا عايز احكيلكم علي كل حاجه قبل ما اموت قولتله بابا ما تقولش كده بعد الشر عليك قالي يابنتي انا عارف اني ميت عشان كده رجعتك بلدك اللي فيها أهلك وناسك مكانش ينفع اموت واسيبك في الدنيا لوحدك والحمدلله انتي مابقتيش لوحدك دلوقتي وزين بقي معاكي .. زين قال لبابا انا عايز اعرف حاجه واحده بس انت كنت عايزني ليه ؟ قاله عايز اعرفك الحقيقه يابني وكمان عشان اديك نصيبك قاله نصيبي من ايه من قتلك لامي وابويا واخويا نصيبي من حرقك لوشي قاله مين قالك الكلام ده يابني
زين : البلد كلها عارفه انك انت اللي حرقت البيت واحنا جواه
وخالي كمان شافك وانت بتولع في البيت من بره
بابا : خالك هو اللي قالك كده زين :ايوه والبلد كلها عارفه كده
بابا : انا عمري ما اعمل فيك كده حتي لو عايز
زين : إذا كان عملت في اخوك كده وحرقته مش معني انا
بابا : عشان انت ابني يازين ..ابني من نادره امك الله يرحمها
ونادره بنتي تبقي اختك
انا وقتها اتصدمت ايه أخته 😳😳
لو لاقيت تفاعل هنزل الجزء ال ١٣ علي بالليل
وبجد اسفه اني مانزلتش القصه امبارح
بكره أن شاء الله هينزل الجزء الثالث عشر الساعه ٨ اتمني تعجبكم
مآآهي _آآحمد
سجينته للابد 💞
(الجزء الثالث عشر )
وقتها انا اتصدمت وقولتله ايه أخته 😳😳
زين : اختي ازاي انا مش فاهم حاجه
بابا: ايوه يابني اختك
زين : ( بعصبيه ومسك بابا من هدومه وقاله ) بقولك نادره تبقي اختي ازاى
حطيت ايدي علي ايد زين بسرعه وقولتله سيب بابا يازين مبقاش سامعني بقيت ازعق فيه واقوله سيب بابا بقولك زين وقتها ساب بابا
بابا : ماتستعجلش يابني انا جايبك هنا عشان احكيلك علي كل حاجه
بابا : اقفلي الباب يانادره
قفلت الباب وابتدي بابا بحكي لزين ويحكيلي علي كل حاجه
بابا : لما كان عندي ٢٠ سنه كنت لسه عيل صغير وطايش ماكنتش عارف بعمل اي وقتها كنت مع كل بنات البلد شويه لحد ما شفت نادره امك وهي راجعه من المدرسه بصراحه غلبتني كتير علي ما عرفت اكلمها كانت جميييييله اوي ومحترمه بقيت مهتم بيها من كل النواحي حصلت بينا قصه حب حلوه اوي
بس للاسف مكملتش يوم ما سلمتني نفسها وبقت معايا بعدها قالتلي انها حامل وقتها انا كنت صغير وطايش سيبتها وهربت وسافرت علي مصر وهي راحت لاخويا الكبير وحاكيتله علي اللي حصل مني حاول معايا كتير أني ارجع عشان اتجوزها بس انا مارضيتش ابدا وفي اقل من شهر اخويا اتجوزها عشان يداري عليها وكمان عشان سمعتنا في البلد انا مش هكذب عليك يابني انا حبيت امك ومحبتش غيرها حتي امك يانادره ما حبيتهاش زي ما حبيت نادره أم زين
زين : انت كذاب انا امي عمرها ما حبيتك طول عمرها بتحب ابويا امي ماتت وانا عندي خمس سنين بس عمري ما هنسلها نظره الحب اللي كانت في عنيها لابويا
بابا : طبعا يازين لازم تحبه مش هو اللي أنقذها من العار اللي كانت هتبقي فيه ومش بعيد أهلها لو كانوا عرفوا كانوا قتلوها
زي ما خالك عمل وحرقكم كلكم لما اعرف
زين : يعني ايه انا مش فاهم حاجه
بابا : لما رجعت بعد خمس أو ست سنين مش فاكر وقتها لاقيت ابوك اتجوز نادره مش هكدب عليك رغم كنت أنا اللي سايبها بس نار الغيره والحقد زادت في قلبي لما كنت بشوفهم مبسوطين سوا بقيت كل شويه انكد علي اخويا واقوله اني عايز حقي في ميراث ابويا يا اما هبيع الأرض واخلي الاغراب يدخلوا أرضنا اخويا وقتها مكانش عارف يعمل ايه
وقابلت خالك احنا وقتها كنا صحاب وصغيرين سوا وقعدنا ليله نشرب سوا الحشيش انا وهو وحاكيتله علي كل حاجه مبقاش مصدق اللي حصل والدم غلي في عروقه وقال إن ابوك قرني وإن نادره عاصيه وكلنا عيله وسخه مع بعض وقتها انا اتسطلت من الحشيش وصحيت لاقيت خالك
بقي بيخبط علي باب اخويا ونادره ودخلني معاهم وواجه ابوك بكل حاجه وابوك ما انكرش
وبعدها طلع السلاح علي ابوك وربطهم كلهم وانت كنت نايم جوه انت واخوك وبقي يدلق جركن الجاز في كل البيت وقفل علينا الباب من بره فكيت ابوك بسرعه بس النار قامت في لحظه والبيت بقي كله يتهد علينا والنار في كل مكان واخيرا انا طلعت من الشباك واتحرقت في كتفي خالك شافني وانا بهرب وضرب عليا نار بس ما جاتش فيا ولو مش مصدقني يابني بص علي دراعي اليمين هتلاقي مكان الحرق في كتفي وبعدها هربت وسيبت البلد ومشيت عشان لو كنت فضلت خالك مكانش هيسيبني
زين : فضل يضحك وصوته بقي مسمع المستشفي كلها
وانا بقيت اعيط وابص لزين واقوله بتضحك علي ايه احنا طلعنا اخوات يازين عارف يعني اي اخوات
زين مسكني من كتافي الاتنين وبقي يهز فيا ويقولي اوعي تصدقيه ده كداب صدقيني يانادره يبكدب عليكي انا مش عارف ولا فاهم هو ألف السيناريو الجميل ده ليه بس اللي متأكد منه أنه كداب دي مش الحقيقه وبكره تشوفي يانادره
قولتله وبابا هيكذب ليه مصلحته ايه في أنه يكذب وهو بيموت وقتها بابا كان باين جدا أنه صادق في كلامه
بقي كلام بابا من ناحيه وكلام زين من ناحيه التانيه
مابقيتش عارفه اعمل ايه وقتها بقيت مخنوقه اوي ولاقيت الدكتور بيقولي ياريت تسلمي علي باباكي يانادره عشان هو داخل اوضه العمليات دلوقتي بقيت احضنه وابوسه واقوله ينسي اللي فات وان شاء الله هيقوم من العمليه بالسلامه وبابا بقي يوصي زين عليا ويقوله خللي بالك من اختك يازين اختك امانه في رقبتك زين ماردش عليه وبابا دخل اوضه العمليات بعدهافضلت مستنيه خروج بابا من اوضه العمليات بالساعات انا وزين في المستشفي وبقيت كل شويه ابص لزين ودموعي تنزل من غير حتي ما اعيط معقول بعد الحب ده كله يطلع اخويا معقول زين هيبقي لبنت تانيه غيري انا كنت مصدومه وقتها زين جه وقالي ما تصدقهوش انا عمري ما اصدق كلامه يانادره ابوكي بيكدب والله بيكدب قولتله وانت ايه اللي مخليك متااكد كده يازين قالي احساسي بيكي يانادره وحبي ليكي يخلوني متأكد مليون في الميه انك مش اختي وانتي كمان لو بتحبيني خليكي واثقه في كلامي
وبعدها الدكتور طلع وقال إن العمليه نجحت بقيت مبسوطه اوي واقول الحمدلله يارب وحضنت زين اوي واخيرا بابا عمليته نجحت وهنسأله تاني ليه قال كده صح يازين قالي طبعا يانادره لما يفوق أن شاء الله انا عمري ما هسيبك لغيري ابدا يانادره وروحنا اليوم ده وقبل ما نوصل البيت الدكتور اتصل بينا وقلنا أن بابا دخل في غيبوبه رجعنا بسرعه واتحط في اوضه لوحده ومحدش عارف هيفوق أمتي يمكن بعد ساعه او يوم او سنه محدش عارف
بقيت ابص لبابا واقوله كان قلبك حاسس مش هتقوم منها ..
ورجعنا البيت زين بقي بيحاول يقرب مني بس انا كنت برفض واقوله ما ينفعش انت اخويا بقي يقولي انا هثبتلك بقيت أقوله ازاى يازين ازاي هتثبتلي انك مش اخويا قالي بالتحليل ال dna هيثبت أن ابوكي كذاب ومابيهمهوش غير مصلحته وبس
بقيت اقفل علي نفسي اوضتي ومخرجش منها بالايام زين خبط عليا كتير كنت بتجاهله مكنتش عايزه اشوفه خايفه احنله وده ما ينفعش احنا اخوات
وبعدها محامي بابا جه وجمعني انا وزين عشان نفتح الوصيه بتاعت بابا قولتله بس بابا مش مات عشان نفتح وصيته قالي هي دي وصيته أنه لو دخل في غيبوبه أو مات الورث يتوزع ما بين أولاده زين قالي للمحامي بس انا مش ابنه ومش هصدق مهما عمل اني ابنه المحامي قاله بسيطه ايه رايك نعمل تحليلdna ووقتها هتتاكد إذا كنت ابنه أو لاء روحنا للدكتور اللي قال عليه المحامي وعملنا تحليل لزين وفضلنا مستنيين بالايام
علي ما التحليل طلع وقتها اتصلوا بينا عشان نروح نشوف النتيجه في المستشفي ولاقيت الصدمه الحقيقيه التحليل طلع إيجابي و زين طلع اخويا وقتها قرب مني وزين قالي برضوا يانادره انا مش مصدق التحليل ده كله غلط صدقيني كله غلط في غلط وقتها غمضت عنيا والعالم كأن الثواني بتاعته اتجمدت اخر امل ليا راح ودخلت اوضتي وبقيت اشكي لربنا واقول ليه كده ياربي انا عملت ايه في دنيتي لكل ده انا وزين بقينا اغراب عن بعض ورجعت اوسخ من الاول بكتيييييييير بقيت اكلم صحابي وأسهر معاهم لحد الفجر كل يوم زين بقي مش مصدق اللي حصلي ولما كنت برجع شاربه وسكرانه ومش حاسه بنفسي بقي ياخدني في حضنه ويقولي ما تعمليش في نفسك كده يانادره انا مش عايز ابقي وحش معاكي نادره انا بتقطع لما بشوفك كده نادره بصيلي كويس انا كنت ممكن اروح وارجع بلدي وابعد عنك بس انا وعدتك اني عمري ما هسيبك وخصوصا في الوقت ده قولتله ابعد عني ما تقربش مني اوي كده مافيش أخ بيقرب كده من أخته ولا بيلمسها بالشكل ده
قالي عشان انا مش اخوكي افهمي قولتله طيب بابا وبيكدب وتحليل ال dna ده برضوا بيكدب قالي مش عارف انا هتجن قولتله اعترف يازين أعترف أن إحنا اخوات روح شوف طريقك ابعد عني احنا خلاص ما بقيناش لبعض ووقعت من طولي واخدني نيمني علي السرير وصحيت لاقيت نفسي نايمه في حضنه اتخضيت وقومت بسرعه قولتله انت بتعمل اي هنا قالي انا اسف بس انتي امبارح كنتي سكرانه جدا ولما جيبتك علي السرير مسكتي ايدي ومارضتيش تخليني امشي قولتله بس كده محصلش حاجه تاني قالي محصلش يانادره
وبعدها الباب خبط وكانت الدكتوره جاكلين جايه تقنع زين أنه يعمل العمليه وبقي يتكلم معاها بره وانا واقفه بعيد بسمعهم ولاقيتها بتقرب من زين وبتلمس وشه وبتقوله اوعدك يازين انك هتبقي اجمل بكتير مما كنت عليه
الغيره كانت هتقنلني بس وقتها مكانش ينفع اعمل حاجه ومابقيتش موجوده في البيت تقريبا ال ٢٤ ساعه يا اما نايمه كان كل ما زين يخبط عليا في الأوضه مفتحش ابدا بقيت جاكلين تجيله دايما البيت بسبب أو من غير سبب بقوا يخرجوا سوا دايما كانت الغيره بتقتلني بس هقول ايه .. ورجعت لجون زميلي تاني وبقيت معاه طول الوقت وانا وزين ما بقيناش سوا
وجه وخبط عليا ومارضتيش افتح زي كل مره راح قالي من ورا الباب نادره انا هعمل العمليه بكره عايزك تبقي معايا يانادره عشان ابقي مطمن ارجوكي لازم تيجي بكره المستشفي بقيت اعيط واكتم صوت عياطي في المهد واقول ازاي ..ازاي بكره زين يعمل عمليه وانا مبقاش معاه بس كان لازم يعرف أن خلاص انا عمري ما هبقي معاه وزين عمل العمليه كنت بطمن عليه من بعيد لبعيد لحد اليوم اللي خرج فيه المستشفي ورجع البيت تاني اول ما شوفته كنت هموت واحضنه كان واحشني جدا بس ماقدرتش وجيت امشي قالي نادره انا عملت العمليه قولتله دي حاجه ماتهمنيش مع انها كانت تهمني اوي كان زي القمر وكان فرحان اوي أنه بقي طبيعي وشكله زي القمر بس انا بغبائي كسرت فرحته وفي مره كنت ماشيه انا وصحابي بالعربيه وببص لاقيت زين وجاكلين في كافيه والكافيه ده كله ازاز يعني كنت اقدر اشوفهم وانا من بره وكانوا قاعدين جنب بعض وجاكلين شافتني وانا ببص عليهم راحت قربت من زين وباسته من بوقه البوسه اللي كانت نفسي فيها من زين .. معرفش ليه كنت وقتها بموت من جوايا واتصدمت أن زين نسيني بالسرعه دي زين بعد جاكلين عنه بسرعه وبص وراه وشافني مشيت بسرعه من قدام الكافيه عشان ما يشوفنيش بس هو طلع ورايا ولحقني وقالي نادره انتي فاهمه غلط هي اللي جت باستني مره واحده انا مش عارف هي عملت كده ليه بصيتله وقولتله زين ده من حقك انا اصلا اختك قالي لا يانادره انتي مش اختي انا متاكد انك مش اختي قولتله ليه واثق اوي كده رغم كل حاجه بتبين عكس اللي بتقوله قالي بأماره دي وباسني من شفايفي حته بوسه توهت وقتها في عالم تاني شفايفي لمست شفايفي كنت بقاوم في الاول بس البوسه منه ماتتقاومش واستسلمت في ثواني لزين وغمضت عنيا وبوسته انا كمان ❤️💞
بكره أن شاء الله هينزل الجزء الاخير من القصه الساعه ٨ اتمني تعجبكم
مآآهي _آآحمد
ياجماعه احنا هنا اسره مع بعضينا يعني بعد اذنكم التفاعل لو سمحت ❤️
سجينه للابد 💞
(الجزء الاخير )
وبعد ما باسني فتحت عيوني وحطيت ايدي علي شفايفي ولاقيت زين بيقولي مافيش أخ بيبوس أخته كده يانادره ولو انا كنت اخوكي عمرك ما كنتي هتحسي الاحساس اللي حستيه معايا دلوقتي بصيتله ومشيت وانا لسه حاطه ايدي علي شفايفي بقي ينادي عليا ويقولي
نادره اقفي ..نادره استني .. بس انا بقيت امشي وأسرع جدا في مشيتي كنت مصدومه ازاي الاحساس اللي انا حسيته ده ونطلع اخوات بعد كل المشاعر الحلوه اللي ما بينا دي ..ماروحتش البيت ساعتها وقعدت مع صحبتي ساره وتاني يوم المحامي اتصل بيا انا وزين وقلنا إن انا لازم نيجيله المكتب ضروري اوي روحت بسرعه ولاقيت زين هناك مستني وعرفنا أن الوقت اللي فات ده كله الشركات بتاعت بابا الاسهم بتاعتها بتنزل في البورصه وبقي عليها مديونيه كبيره جدا والناس بتطالب بفلوسها لان طبعا محدش واخد باله من الشركات دي كلها ولازم نعمل حاجه وناخد بالنا من الشركات دي وبما أننا الورثه لازم نتصرف في الاول زين مكانش موافق أنه يساعد بابا وقال للمحامي أنه مالوش دعوه بالكلام ده كله وأنه يتمني أن بابا يخسر كل دولار معاه بس انا قولتله اني مش هسيب بابا وهعمل كل اللي اقدر عليه عشان الفرع الرئيسي يقف علي رجله من تاني وسيبتهم ومشيت زين طلع ورايا وقالي هتستفادي ايه لما تعملي كل ده عشان واحد زي ابوكي اناني كل همه مصلحته وبس قولتله ماتقولش كده علي بابا .. بابا لو كان زي ما انت بتقول فده كان زمان محدش ابدا يبقي عارف أنه علي فراش الموت ويكدب يازين ..يازين فوء بقي فوء وافهم واعرف أن إحنا اخوات انا ماشفتش حد عنيد زيك كده ابدا ..
وروحت علي شركه بابا وبقيت اسال عن كل الملفات والمشاريع والمناقصات اللي الشركه داخله فيها واجتمعت بأداره الشركه وعدي يوم والتاني وانا كل يوم مستنيه زين يفتح الباب ويدخل عليا ويقولي أنه هييجي ويقف جنبي ومايسيبش فلوسنا تتسرق قدام عنيا بالمنظر ده
بس مكانش بييجي لحد ما فقدت الامل عدي اسبوعين علي الحال ده لحد ما انهارت كل حاجه في الشركه بضيع قدام عنيا ومش عارفه اتصرف لوحدي
وقتها كنت في المكتب وقاعده بقيت دموعي تنزل مني انا للدرجه دي فاشله في كل حاجه في حب وفي شغل حتي أصحابي فاشله في اختيارهم ..
ويئست واليأس اتملك مني وفي وقتها لاقيت زين داخل عليا ولابس بدله رمادي كان زي القمر فيها وقرب مني ومسحلي دموعي ورفع وشي وقالي اسف اني سيبتك لوحدك المده دى كلها ابتسمت وقولتله انا تايهه يازين قالي من هنا ورايح انا هبقي دايما معاكي ماتقلقيش نظره عنيه بتخليني اروح لعالم تاني خالص وسرحت في عنيه الرمادي الفاتح ومره واحده بعدت عنه بسرعه وقولتله طيب يلا نبدأ وحاكيتله عن ظروف الشغل واللي حصل كله من أوله وآخره كنا دائما سوا رجعنا تاني ما نسيبش بعض لحظه اه كنا دايما بنتكلم عن الشغل بس مش مشكله المهم أن إحنا سوا مكناش بنروح البيت كنا بنام في المكتب بنطلب البيتزا دايما وناكلها سوا واول ما ييجي عميل جديد نخبي كراتين البيتزا ونظبط المكان بسرعه قبل ما يدخل واول ما يدخل نبص لبعض ونفضل نضحك زين كان شاطر جدا وذكي جدا في تعاملاته وعدت شهور علي كده وابتدت الشركه تقف علي رجليها من جديد بس كان في مشكله واحده بس قدامنا ولو محلنهاش كل اللي عملناه في الشهور اللي فاتت دي كلها هايروح علي الفاضي ..
في عميل مهم جداا ولي اسم كبير في السوق كان اسمه ريان الدمرداش صاحب اكبر مصانع تصدير واستيراد بابا كان سالف منه مبالغ ضخمه جدا عشان الشركه في وقتها الأخير كانت بتنهار وكان بابا حاطط امل أنه هيردله فلوسه دي كلها من اخر صفقه هو هيعملها بس للاسف لما بابا تعب وانهار الصفقه ضاعت وناس تانيه اخدوها قررنا نروح نقابله عشان نسدد الفلوس دي علي اقساط وروحنا قابلناه كان جنتل مان معانا جدا وكان وسيم و سنه صغير رغم الامبراطوريه اللي هو عاملها وقالنا انا عازمكم علي العشا ياريت تكونوا موجودين وافقنا طبعا ولبست فستان سهره احمر وعملت تسريحه مختلفه عن كل مره وحطيت ميكب علي خفيف كنت حلوه اوي اليوم ده زين اول ما شافني بصلي اكتر من ٣ دقايق وابتسم وقالي جميله اوووووي انتي يانادره ابتسمتله واتبسط اوي اني عجبته .. ومره واحده اتحول وقالي روحي غيري الفستان ده حالا عشان مش هخليكي تمشي كده قولتله ماله الفستان قالي انتي مش شايفه الفاتحه اللي فيه عامله ازاي ولا صدرك العريان وبقي يشخط فيا ويزعق ويقولي امشي يانادره علي فوق غيري هدومك اتخضيت و طلعت وانا ببرطم بالكلام قالي بتقولي حاجه قولتله لا مافيش ..انا اه كنت مخنوقه اني مش هنزل بالفستان بس مبسوطه جدا أنه لسه بيغير عليا
بس ايه فايده انبساطي ده كله واحنا للاسف اخوات ولطشت نفسي قلم وقولت لنفسي فوقي ده اخوكي وبعدها لبست فستان اسود سهره كان الديل بتاعه طويل ومقفول كله واول ما نزلت قولتله كده كويس قالي اه كويس يالا بينا وروحنا هناك واول ما ريان شافني قام بسرعه وباس ايدي وقالي ايه الجمال ده كله ابتسمتله وقولتله شكرا ..زين وقتها بقي يغير نظرات ريان ليا واهتمامه بيا مش كان طبيعي ..
ووقتها سألني عن سبب التأخير قولتله أن زين خلاني اغير الفستان بتاعي وضحكنا سوا قال بصراحه عنده حق انا لو عندي اخت زي القمر كده زيك كنت هغير عليها جدا زين قاله نادره مش اختي يااذستاذ ريان
ريان : زين انا اعرف كل حاجه عنكم واعرف كمان انكم عملتوا التحليل وطلع إيجابي عايز ايه اكتر من كده
زين : بس نادره مش اختي انا ابقي ابن عمها ومهما التحليل طلع إيجابي أنا متأكد أن في حاجه غلط
ريان بصلي وقالي وانتي يانادره حاسه برضوا أن في حاجه غلط سكت
قولتله زين للاسف دايما بيفكر بقلبه مش بعقله العقل بيقول إن انا اخوات
ريان : طيب والقلب يانادره بيقول ايه
وقتها سكت ما بقيتش عارفه اتكلم اقول ايه استأذنتهم وقولت انا اسفه بس هاروح الحمام ومشيت وسيبتهم ودخلت الحمام وانا في الحمام بقيت ابص علي نفسي في المرايه وبقيت اعيط مش عارفه اعمل ايه انا في حيره
بس مش بأيدي ..
وطلعت من الحمام واول ما طلعت لاقيت زين مستنيني في الطرقه وذقني علي الحيطه وقالي ما جاوبتيش علي سؤاله يانادره القلب بيقول ايه ؟
بقيت أقوله زين سيب دراعي انت مجنون قالي اه يانادره انا مجنون ومش هسيبك غير لما تقولي بصيتله وقولتله افهم بقي احنا خلاص مابقيناش سوا
افهم واتقبل الوضع اللي بقينا فيه فوء يازين كفايه كده قالي يعني ايه وبكل برود قولتله يعني خلاص انا مابقيتش احبك ..الحاجه اللي بتربطني بيك انك اخويا مش اكتر
بصلي وقالي ده اخر كلام عندك يانادره قولتله ايوه يازين وبلاش نفتح بقي الموضوع ده تاني عشان خاطر ربنا زين وقتها سابني ومشي وروحت قعدت علي طرابيزه مع ريان تاني كنت مخنوقه اوي من اللي حصل بس كان لازم افوء زين وأعرفه أن خلاص لازم يعيش حياته وينساني ..وبعدها ريان سأل علي زين قولتله أنه حس أنه تعبان ومشي راح طلب مني أن إحنا نرقص سوا ووافقت واحنا بنرقص كان بيقربني منه جدا وابتدي يقولي أنه بيحبني وأنه شافني كتير مع بابا قبل كده بس مكانش في بينا كلام وأنه كان ناوي يطلب ايدي النهارده من زين اخويا بس طالما هو مش موجود انا كبيره كفايه واعرف أقرر لمصلحتي ..قولتله مصلحتي قالي اوعدك يانادره أنك لو وافقتي علي الجواز ده هطلعك من كل الأزمات الماديه اللي الشركه بتمر بيها لا ومش كده وبس كمان هخلي الشركه بتاعتكم ترجع احسن من الاول بكتيييير اوي وقتها ماردتش وقولتله انا محتاجه وقت اني افكر قالي بس انا مابحبش استني كتير وطلبت من ريان أنه يروحني عشان تعبانه وروحت البيت ولاقيت زين جوه بيلم هدومه وهيمشي بقيت أقوله بتعمل ايه يازين انت مجنون قالي عنادك ده هيوديني وهيوديكي في ستين داهيه طول عمرك عنيده ومابتشوفيش غير اللي عايزه تشوفيه وبس قولتله انت اللي مشاعرك ممشياك مش انا وبقيت اطلع الهدوم بتاعته من الشنطه وهو يدخلها تاني ويقولي مشاعري دي هي اللي صح لكن عنادك هو اللي غلط وبكره تشوفي يانادره أن ابوكي ده أكبر كداب في الدنيا كلها وشال شنطته وجه يفتح الباب ناديت عليه وقولتله زين
انا هتجوز بقي مديني ضهره وواقف ماتحركش قولتله زين ريان طلب ايدي وانا وافقت وغمضت عيوني والدموع بتنزل مني لاقيته بيقولي من غير حتي ما يبصلي ياخساره يانادره غبيه
ورزع الباب ومشي .. وقتها مابقيتش عارفه افكر امشي ورا مشاعر وامل ضعيف زي ما زين بيقول وأصدقه ولا امشي ورا عقلي واتجوز ريان وانقذ الشركه من الإفلاس كنت اي حد احكيله كان بيقولي ماينفعش والصح انك تتجوزي ريان عشان زين اخوكي واتصلت بريان وقولتله اني موافقه علي الجواز ..ومكنتش بعرف اي حاجه عن زين ولا بييجي الشركه ولا البيت اتصلت بنجاه وعرفت أنه مارجعش الصعيد وعدي شهر علي كده وريان كان مستعجل جدا علي الجواز وحددنا معاد الفرح واشتريت الفستان ولبسته ووقفت قدام المرايا وقولت فينك يازين ؟
بقيت تقريبا مش عارفه استوعب اللي بعمله إذا كان صح ولا غلط وخصوصا أن زين مش معايا ..
بس كنت مكمله في غبائي ..
لحد ما جه يوم الفرح ولبست الابيض واكني بلبس كفني مش فستان فرحي ومشيت ما بين الكل وروحت لعريسي والمأذون لسه بيتكلم لاقيت زين ظهر ما بين الموجودين بقيت ابصله وانا ايدي في ايد ريان والمنديل علي ايدينا والمأذون بيقولي قولي يابنتي زوجتك نفسي بقي زين يبصلي ودموعه بتنزل منه اول مره اشوف دموع زين كانت في اللحظه دي وبقي يشاور براسه ويقولي لاء ما تكمليش بقيت عيني في عنيه ومابقيتش عارفه اعمل ايه .. شاوري علي قلبه وبقي يشاور اني امشي ورا قلبي ❤️
اتنهدت وسكت مكنتش بقول ورا المأذون عاد كلامه تاني وقالي قولي يابنتي زوجتك نفسي روحت قولت زوجتك نفسي علي الصداق المسمي بيننا وفي لحظه لاقيت ناس بتقول مبروك والمنديل اترفع وبقيت مرات ريان الدمرداش .. زين مشي ما شفتش وشه بعدها مره تانيه ..
وروحت انا وريان الفيلا بتاعته واتقفل علينا باب واحد وجه يقرب مني ويلمسني وحضني وراح باسني من رقبتي وضمني ليه وبعدها باسني من خدي وجه يلمس شفايفي روحت معيطه ونزلت علي رجليه بوست علي رجله وانا بعيط وقولتله مش قادره مش قادره عشان خاطري سيبني دلوقتي مش قادره ايامك نفسي دلوقتي كانت دموعي مغرقه فستاني ماقدرتش حد يلمسني غير زين ماقدرتش مش شايفه ولا هشوف حد غير زين في حياتي قومني بسرعه وقالي نادره اهدي ليه ده كله خلاص انا مش هلمسك ولا هقرب منك مره تانيه الا لما انتي اللي تطلبي مني ده يانادره انا بحبك وعارف كويس انك بتحبي زين ..بس ماينفعش يانادره ما ينفعش وسابني ومشي
بقيت احبس نفسي بالايام في الاوضاع بتاعتي واي حد يخبط افتكر أنه ريان وجاي عشان ياخد مني حقه الشرعي ما هو عنده حق برضوا صبر عليا كتير بس بصراحه عمره ما عملها وبقي يطلب مني اني انزل الشغل واغير جو وبقيت اعمل كده فعلا
والايام اخدتنا وريان كان صبور عليا جدا وابتديت استسلم للأمر الواقع وخصوصا أن عرفت أن زين رجع البلد ومافيش امل اني ممكن اشوفه تاني وبعدها لاقيت تليفون من المستشفي والدكتور بيقولي لازم تيجي حالا في خبر حلو ليكي روحت بسرعه لاقيت بابا اخيرا فاق من الغيبوبه كنت فرحانه جدا وبقيت احضن فيه واخيرا بابا فاق الحمدلله وواحده واحده ومع مرور الأيام ابتدي بابا يستعيد صحته بابا انبسط جدا من القرار اللي اخدته وقالي انتي دلوقتي بجد طلعتي بنت ابوكي وأنه ما ينفعش ابدا ارفض جوازه زي دي عشان زين الفقير .. قولتله بابا انت بتقول ايه فقر ايه وغني ايه انت ناسي أن زين يبقي اخويا لاقيته اتلجلج في الكلام وقالي لا يانادره طبعا مش ناسي انا بس العمليه لسه مأثره عليا وقتها قلقت جدا وبقي بابا كل شويه يقولي انا يابنتي دلوقتي رجعت والحمدلله بقيت احسن من الاول واتمني أنك تتنازلي عن كل اللي كتبتهولك انتي كده كده مش محتاجه ده انتي مرات ريان الدمرداش قولتله من غير ما تقول يابابا انا كنت هرجعلك كل حاجه من الاول بس زين مشي قالي لا ما المحامي بتاعي كلمني وقالي أنه اتنازلك عن نصيبه كله قبل ما يسافر ما بقيتش مصدقه بعد كل اللي عملته مع زين يتنازلي عن نصيبه كله ..
وبقيت اسأل بابا انت متأكد يا بابا أن انا وزين اخوات قالي مش انتي عملتي تحليل واتاكدتي بنفسك قولتله بس انا مش قولتلك أن انا وزين عملنا تحليل يا بابا عرفت منين لاقيته بيقولي لا انتي قولتيلي بس انتي ناسيه شكيت في بابا اكتر واتصلت بالمحامي وقولتله ييجي عشان بابا عايزه واول ما جه قولتله انت اكيد اللي قولت لبابا علي حكايه التحليل قالي ايوه انا ..بابا راح قال يووووه انا نسيت يبقي المحامي اللي قالي قولتله بابا انت بتمكدب عنيك كلها كدب قولي حالا يا بابا ايه اللي بيحصل هنا يا اما مش هرجعلك مليم من فلوسك وهتبرع بيها كلها للجمعيات الخيريه .. في الاول كان بينكر ولما ضغط عليه اكتر قالي الحقيقه كلها زين عمره ما كان اخويا وهو اللي حرق البيت فعلا وطلع أنه عمل كل ده عشان بعد ما يموت يلاقي اللي ياخد باله مني ومن الشركات بتاعتنا وبعد ما كتب الثروه ما بيني وما بين زين كلم جدتي وجدتي قالتله أن انا وزين بنحب بعض في الاول رحب جدا عشان هيلاقي اللي ياخد باله مني بس بعدها جاله ريان وطلب ايدي منه عرف أنه استعجل لما كتب الثروه ما بيني وما بين زين واختراع حته أن إحنا اخوات قولتله طيب والتحليل انت كنت في غيبوبه وقت ما احنا عملنا التحليل قالي لا ده اسهل حاجه انتي ناسيه أن المحامي بتاعي هو اللي وداكم المعمل
الصعب فعلا يانادره انك تصدقي أن زين اخوكي وهو ده اللي صعب فعلا وصدقتي الحمدلله دلوقتي انتي مرات اغني واحد في كندا كلها ومعلمي فلوس ماتتعدش
والله انا من كتر الصدمه اللي انا فيها ما كنت بنطق كلمه واحده بصيتله وقولتله روح ربنا ينتقم منك انا مش مسمحاك ابدا انت عمرك ما كنت ابدا انت مافكرتش غير في ثروتك وبس وكنت خايف علي الثروه لا تضيع من بعدك وخصوصا اني مابفهمش شئ في شغلك سيبته وجيت امشي قالي نادره انا قولتلك كل حاجه مش هتتنازلي بصيتله بقرف وسيبته ومشيت روحت لريان وانا بعيط وحاكيتله علي كل حاجه قالي ابوكي طول عمره خسيس وواطي مش غريبه عليه أنه يعمل كده في بنته طلبت من ريان الطلاق قولتله اني عايزه ارجع بلدي مع زين وافق بكل سهوله عشان قد ايه هو عارف انا مش مرتاحه معاه وقالي بس بشرط قولتله أي حاجه انا موافقه عليها قالي اتنازليلي عن كل ثروتك وافقت فورا حتي البيت اللي بابا قاعد فيه كتبتهوله ماسيبتش وقولتله عشان بابا مايلاقيش حته حتي يقعد فيها
وبعد الطلاق ومش رضيت اسافر الا بعد العده بتاعتي ما تخلص وسافرت علي الصعيد وروحت لزين ولاقيت نور ووغاريط وفرح في البيت دخلت علي اوضه زين بسرعه لاقيته بيلبس جاكيت البدله بتاعته قولتله زين انت هتتجوز ..
بص بكل برود وقالي انتي اي اللي جابك هنا قولتله رد عليا هتتجووز قالي انتي مالك قولتله زين ما تتجوزش عشان خاطر ربنا ما تتجوزش يازين قالي ما انا قولتلك ما تتجوزش ودموعي بقت تنزل قدامك وحتي ماتهزتيش قولتله عشان كنت فاكره إن إحنا اخوات
قالي والله ودلوقتي مابقيناش اخوات
قولتله لا يازين انا عرفت كل حاجه سيبني اشرحلك قالي مبقاش في وقت عشان تشرحيلي عروستي مستنياني وسابني ومشي جيت اطلع وراه لاقيت نجاه في وشي وبتقولي بتعملي ايه في اوضه العريس يانادره قولتلها نجاه الحقيني زين هيتجوز ودموعي عماله تنزل مني قالتلي ما يتجوز ده انتي المفروض تفرحي ياهبله قولتلها افرح انا مش فاهمه حاجه ودخلت اوضتي ولاقيت فستان الفرح محطوط علي سريري وقالتلي البسيه بسرعه يا عروسه قولتلها يعني ايه يانجاه قالتلي يعني البسي الفستان بسرعه ولاقيت زين واقف ورايا وفي أيده خاتم ونزل علي ركبه وقالي تتجوزيني ❤️
الفرحه وقتها ماكنتش مكفياني وافقت طبعا في ساعتها وحضني ولف بيا في الاوضه كلها وعرفت منه بعدها أن ريان اتصل بيه وقاله علي كل حاجه وعرفوا المعاد اللي هاجي فيه وهو جهز كل حاجه الفرح والفستان والخاتم وكل حاجه كان اجمل يوم في حياتي والمأذون بيقولي قولي ورايا زوجتك نفسي الله بقي علي الكلمه دي 😍😍
وزين قال قبلت زواجك وبعدها روحنا قضينا شهر العسل بتاعنا في المزرعه جنب الجاموسه وهي بتولد وبعد ما ولدت اتقفل علينا انا وزين اوضه واحده وانا مراته مش أخته واستغرب جدا لما عرف اني لسه بنت وقتها قولتله ماقدرتش حد يلمسني غيرك
وبعد سبع سنين جواز
نادره :يازين بتعمل اي في البقره يازين بالراحه
زين : استني يانادره بشوف حاجه
نادره : ماتشوفش يازين البقره عشر انا كشفت عليها بنفسي
زين : وبقينا بنعرف البقره معشره ولا لاء اهوه 😂😂
من عاشر القوم ياقلبي
مي : مش يالا بقي يابابا انت وماما بقالكم ساعتين مع البقره عايزين انا جعت اوي
نادره : فين اخواتك
مي : جوه يا ماما يالا بقي
وبكده بقيت سجينه زين للابد 💞 واخيرا بقينا سوا
اه نسيت اقولكم انا معايا من زين لحد دلوقتي خمس عيال اصل جدتي بتقولي الراجل مش بيتربط غير بالعيال وانا كل سنه ناويه اجيبله عيل لحد ما نبقي دسته 😍😍
لو عجبتكم قصتي لايك وكومنت
كمان يومين أن شاء الله هنزل روايه جديده وان شاء الله تعجبكم
مآآهي _آآحمد
بداية الروايه من هنا 👇👇👇
