 |
مقدمه
قصتي الجديده هتكون مختلفه عن باقي قصصي هتكون من واقع احنا عايشين فيه من واقع ملموس واقع بيمر علينا كل يوم عندما يخفق القلب مرتين
عندما يخفق القلب للاسف يسكت العقل ويصبح العقل ليست لي اي لزمه مع اول دقه قلب خلاص أصبح عقلك مركون علي الرف مع اول كلمه حب ودقه قلب قويه أصبحت لا تدرك غير حب الشخص فقط وهنا العقل يصبح لا يوجد له لزمه
قصتي الجديده باسم عندما يخفق القلب مرتين
عندما يخفق القلب مرتين اختاري الثاني اذا كنتي فعلا تحبين الاول مع كان قلبك حب الثاني كتير بيقول عن الحب الاول أنه ده اخر حب لانه اول حب والخ الخ ..لا الحب الاول ساعات مش بيكون حب لان الحب الاول بيكون حاجه جديده عليكي في كل حاجه جديده من ناحيه المشاعر وكل شي ساعتها مش بنقدر نقرر إذا كان حب او اعجاب ممكن نقول عنه حب ومنعرفش أنه اعجاب مش اكتر الحب الاول بيكون اول تجربه وبتفشل لان بنكون مش عارفين نعمل اي عشان نحافظ عليه بالتالي بتصرفات بتاعتنا أنه مش يضيع دي بتخسري ساعتها الحب ليست اول او ثاني ولا الف حتي في حب اقوي يمحي كل اللي قبله حتي لو كان الف
مع قصه عندما يخفق القلب مرتين بقلمي الكاتبه والمؤلفة أية امير يوكا♥️
{الاشخاص مع يوكا}
زهره ( فتاه تبلغ من عمرها ٢٢ عام فتاه بسيطه جدا في كل شئ شكلها بسيط مثلها بيضاء شعرها اسود طويل جدا عيونها سوداء بتلمع لكنها جميله وي وشها برئ مثل الاطفال فتاه رقيقه بسيطه قلبها طيب جدا تتحب بسرعه جدا حالتهم بسيطه فتاه هادئه رومانسيه جدا ) باقي صفاتها ها نعرفها في الحلقات الجايه
هنيه ...( تكن ام زهره بتحب زهره جدا لكن زعلانه جدا علي حاله بنتها ام بسيطه حنينه جدا ياتري زعلانه علي بنتها ليه )
نهر( بنت جميله تتميز بالشعر البني بشرتها خمريه عيونها بني لكن جميله وبسيطه جدا صديقه زهره منذ الطفوله وبتحب زهره جدا بنت جدعه طيبه وبسيطه بتدرس في كليه تجاره .. باقي الصفات ها نعرفها في الحلقات القادمه صح نسيت تبلغ من عمرها ٢٣ عام )
هانم ( تكن ام نهر ام حنينه جدعه بتخاف علي بنتها لأنها بنتها الوحيده وجابتها بصعوبه حالتهم. الاجتماعيه كويسه طبقه متوسطه لكن حالتهم كويسه)
ريماس ( بنت طايشه جدا كل شهر ليها قصه حب كل شهر تقع في غرام شاب بنت طايشه جدا وحيده اهلها ومدلعه جدا تتميز بالشعر الاسود عيون عسلي بشره بيضاء وجميله جدا صديقه نهر في الكليه .. تبلغ من عمرها ٢٢ عام باقي الصفات في الحلقات الجايه )
عبير( تكن ام ريماس زعلانه علي بنتها المعوج نفسها حال بنتها يتعدل وتكون فتاه عقله زي باقي الفتيات )
هايدي ( بنت غنيه جدا بتمشي علي الموضه والاستايل كل همها تلبس اي تروح فين تعمل شوبنج اي الشنطه دي جايه من باريس واوو لازم اجبها ده كل همها .. فتاه مغروره جدا فاكره نفسها الاميره ديانا باقي صفاتها في الحلقات القادمه)
لميس ...( بنت جميله رقيقه جدا بطبعها وكيوت هادئه بسيطه بتخاف من اقل حاجه في حالها مش بتحب تختلط بحد وتكون الثلاثي المرح لي نهر وي ريماس تتميز بالشعر الاسود مثل سواد الليل وعيون سوداء بتلمع وضحكه مثل ضحكه الاطفال حالتهم بسيطه ومعاهم في الكليه وتبلغ من عمرها ٢٣ عام اهل لميس كلهم في البلد وهيه عايشه هنا منذ الطفوله مع عمتها حتي تدرس هنا وحبيت القعده هنا )
{الابطال}
حازم ( يكون زوج زهره انسان عصبي جدا كل شئ عنده عصبيه زعيق شتيمه يتميز بالبشره الخمريه عيون سوداء شعر اسود ناعم باقي الصفات ها نعرفها في الحلقات الجايه يبلغ من عمره ٣٠ عام )
ليل ( شاب يبلغ من عمره ٢٨ عام شاب بشرته قمحاويه شعره بني ناعم عيونه رمادي طويل القامه جدا كل من يعرف اسمه يخاف منه فعلا شخصيته معتمه زي اسمه محدش يقدر يفهمه غير القريب منه بس يكن حبيب هايدي بيعشق حاجه اسمها هايدي وكأنها اخر بنات الأرض باقي صفاته في الحلقات القادمه)
فارس ( شاب عصبي متقلب المزاج حالته الاجتماعيه مش كويسه بيدرس مع نهر في نفس الكليه ويكن حبيبها يبلغ من عمره ٢٤ عام طويل القامه عيونه سوداء شعره اسود ناعم وشكله وسيم يخطف القلب جدا باقي صفاته في الحلقات القادمه)
يوسف ( يكن ابن عمت لميس شاب وسيم هادي بسيط جدا عصبي لكن جدع وراجل جدا بيخاف علي لميس زي أخته جدا شاب مفتون العضلات وطويل القامه يبلغ من العمر ٢٩ عام )
مالك ( شاب بسيط هادي جدا راجل يتحب لكن عايش في الصعيد مش هنا صعيدي جدا بمعني الكلمه مبيحبش الحال المائل خالص ويكن قريب ريماس شاب طويل بشرته سمراء بشرته تشبه شخصيته المعقده لكن بشرته رايقه عليه وي وسيم جدا عيونه رمادي شعره اسود مثل سواد الليل يبلغ من العمر ٢٩ عام )
باقي الأشخاص في الحلقات الجايه بقا
___________________________________________
{نبذه مختصره عن القصه}
_نروح عند زهره _
زهره ..بدموع تدخل الي عيالها الاتنين تشغل ليهم التلفزيون وتعلي الصوت علي الاخر وتخرج من عند أطفالها تدخل الي زوجها ..
زهره ...( تقرب من حازم قولي لي امتا هتفضل كده )
حازم ( بصوت عالي شكلك عايزه خناق علي الصبح ومد ايد )
زهره ( مين قالك اني عايزه كده انا عايزه كلمه حلوة نظره طيبه مش الجفاف ده انا ست عارف يعني اي ست يعني محتاجه كلام حلو اهتمام انت اي يا حازم )
حازم ( يقرب منها يمسك شعرها كلام حلو اوي وزفت انا اصلا مش قادر ابص في وشك مش قادر اشوفك اقولك علي حاجه كمان شايفك قدومي عفريته اقولك كلام حلو ليه يعني )
زهره ( بوجع حتي لو بكذب بل ريقي بكلمه طيبه ولو نظره شفقه )
حازم ( خلي اليوم يعدي يا زهره
زهره ( زهره اي هو بقا فيها زهره انا المفروض اتسمي دبلانه مش زهره )
حازم ( يشدد علي مسكه شعرها روحي هاتي حاجه اطفحها)
زهره ( هروح اجيب لك حاجه تتفطحها يمكن تكون اخر لقمه ليك )
حازم ( ينزل علي وشها بكف يرن جدار الغرفه )
زهره ( تمسك وجهها وتجري برا الغرفه تدخل المطبخ تجهز الاكل ودموعها مثل الشلال علي وجهها البرئ تعمل الاكل بكل وجع وتدخل بي الاكل لي حازم اتفضل )
حازم ( يأكل اول لقمه يروح يرمي الاكل بأيده اي القرف ده ولا طعم ولا اي حاجه مش عارف اي خلاني اتجوزك مش عارف كان فين عقلي في اليوم الاسود ده )
زهره ( تتخض لما رمي الأكل عارف الاكل اللي رميته ده بكره تتمني تاكله دي نعمه ربنا كان يوم اسود اليوم اللي اتولدت فيه )
حازم ( يلا بكره تموتي ونرتاح منك )
زهره ( يارب يا شيخ تؤمر بحاجه تاني )
حازم ( يضربها كف لما تكلمي جوزك ياريت تكلمي عدل
زهره (. تغادر الغرفه بدموعها وتقعد علي الاريكه تفتكر ذكرياتها السوداء معاه )
فلاش باك قبل خمس سنوات تفتكر يوم اللي اتقدم لها في
هنيه ( لولولولوي يابنتي فرحك كمان اسبوعين
زهره ( مين دي انا
هنيه ( اه ياروحييييييييييييييي
زهره ( انا لسه صغيره انا عندي ١٧ سنه جواز اي
هنيه / يابت الجواز ده ستره
زهره / لا مش عايزه اتجوز دلوقتي يا ماما عايزه اخش كليه
هنيه / انتي عارفه أن ام حازم متكلمه عليكي من وانتي صغيره وخلاص احنا قرارنا ليكم يابت ده الجواز ستره ودلع يا هبله
زهره ( يا ماما انا صغيره لسه )
هنيه ( بلاش دلع خلاص ابوكي قرر هو وي ابو حازم وخلاص مافيش كلام
زهره ( ماشي يا ماما )
باك
زهره / هو ده الستر والدلع يا امي اه يا ماما اه وتغلق عيونها بكل وجع يقربوا منها اطفالها ادم وجميله)
ادم / مامي حبيبتي انتي بتعيطي
زهره / لا يا حبيبي ده انا كنت بقطع بصل بس
جميله / مامي انا بحبك
زهره / تحضن أطفالها وفي سرها ها ستحمل كل ده من أجلكم حبايبي عشان لما تكبروا محدش فيكم يقولي فين بابا راضيه بالجحيم ده عشانكم بحبكم يا عيالي )
________________________________________
(نروح عند نهر)
نهر ( كانت قاعده سرحانه بتفكر في حياتها مع فارس )
فارس ( يقرب منها ويمرر ورده علي وشها
نهر( فارس حبيبي )
فارس ( يقعد بحب فارس حبيبك ويعطي ليها الورده كل سنه وانتي طيبه حبيبتي ).
نهر ( تأخذ منه الورده وتبتسم احلي هديه علفكرة
فارس ( بحرج عارف أنه شئ قليل ليكي لكن ما باليد حيله يا نهر
نهر (. هششش مش عايزه اكتر من كده كفايه انك فكرت فيا
فارس ( بكره لما يبقي معايا فلوس ها جبلك كل اللي نفسك فيه وانتي احلمي بس
نهر ( عايزاك انت وبس مش ناوي بقا تتقدم لي بابا يا فارس
فارس ( انتي عارفه يا نهر أن مافيش معايا حق ده وعارفه ان لسه قدومي جيش كمان وعارفه ان لسه بكون نفسي ازاي أتقدم يعني وعارفه اني مش لاقي شغل حتي )
نهر ( العرسان بتيجي كتير حتي لو تحجزني بدبله لحد ما الحال يتحسن
فارس( ناويه نكد مش هعرف اعمل كده دلوقتي خالص بلاش بقا الكلام ده انا بحبك يا نهر
نهر / تأخذ نفس وانا بأيدي حاجه غير اني بحبك
فارس / صدقيني بكره كل ده ها يتحسن
نهر / انا ها ساعدك تلاقي شغل كويس
فارس / ياريت
نهر / حاضر يا حبيبي
فارس / يطبع قبله علي أيدها بحب والله بحبك لكن ما باليد حيله يا نهري
نهر. / هستناك حتي لو عمر فوق عمري
فارس / لا قريب باذن الله
نهر / يارب )
____________________________________________
(نروح عند ريماس)
ريماس / تقرب من شاب في الكليه اخبارك اي مودي
مودي / كويس يا حبي اقعدي حبيبتي اخبارك اي
ريماس / لا مش عايزه اقعد بص انا جايه اقولك الصراحه نهيت علاقه حبنا دي انا اعجبت بشاب تاني الصراحه اوه
مودي/ نعم ازاي يعني انتي مجنونه
ريماس / يعم انا قولت اجرب الحب معاك والصراحة كان شهر حلو جدا بشكرك لكن مش هفضل احبك لحد ما اموت مثلا يعني لازم اعرف الدنيا ماشيه ازاي واعرف ده وده واعرف كل حاجه واعيش سني
مودي / بقرف انا غلطان اني احب بنت زيك مالهاش أهل يربوا بنتهم اللي ماشيه علي حل شعرها
ريماس / بلاش تتخطي حدودك لو سمحت
مودي ( حدود اي يا ام حدود انتي تعرفي عنها أي اصلا ويزقها ويمشي
ريماس ( اوه ماله ده حاجه تقرب تقرب منها لميس )
لميس / شكله خد الصابونه صح
ريماس / هفضل احب فيه هو بس يعني
لميس. ( انتي بجد فظيعه
ريماس ( خليكي انتي في حب اللي مش شايفك )
لميس ( تحزن تفتكري مش شايفنا فعلا ولا بيستهبل واي حكايته ده
ريماس ( تلوي شفتيها الله واعلم
لميس ( محدش يطلع منك بمعلومة
ريماس / ده معقد فكك
لميس ( اعمل اي بحبه اوقات بحس من نظره عيونه كلها حب وخوف عليا اوقات بحس اني ولا هنا اوقات بحس أنه مش شايفني اصلا اوقات بحس أنه جواه كلام كتير عايز يقوله ومش قادر اوقات احس انه مافيش اي مشاعر في قلبه تفسري ده بأية
ريماس( ده ياستي نقول عليه ملبوس
لميس / تتضحك بقوة غوري يابت
ريماس/ براحه طاه الله
لميس / ها تشل منك بجد
ريماس/ كالعاده يا ساده ريماس مصدر شلل الآخرين
لميس / قدومي علي المحاضرات
ريماس / محاضرات اي تعالي نخرج
لميس / تزق ريماس قدومي بطلي بقا
ريماس / اوف بجد عيال وش فقر يلا يخشوا المحاضرات ويقابلوا نهر جوه
_________________________________________
نروح عند هايدي
هايدي/ ليل حبيبي
ليل / قلب حبيبك عيون حبيبك
هايدي / شوفت الفاشون الجديد الصراحه جامد
ليل / مش ناويه تبطلي التفكير في البس والسهر وبس
هايدي / اكيد لا انا هايدي كامل لازم اكون احلي بنت
ليل / علفكرة انا بحب البساطه وانتي عارفه ده
هايدي / يووه يا ليل
ليل / اي يا هايدي لازم تكون دماغك اكبر من كده
هايدي / بدلع يلا بينا نخرج طيب
ليل / في أيدي شغل
هايدي / يوووه خلي الشغل ينفعك انا خارجه
ليل/ بحزن عندي اجتماع مهم
هايدي / تقوم سلام وتمشي
ليل / يووه منك يا هايدي بجد
دي نبذه عن قصتنا اعرف رايكم فيها اكمل في القصه دي ولا لا وهل نالت اعجابكم ولا لا ومشوقه ولا لا ياريت رأيكم اكمل ولا لا يتبع مع حلقات أكثر تشويق بقلمي الكاتبه والمؤلفة أية امير يوكا♥️
مع المؤلفة والكاتبة أية امير يوكا♥️ رايكم حبايبي الحلوين بقا عن النبذه وكده مع يوكا
البارت الاول والتاني هنا 👇👇👇
تعليقات
إرسال تعليق