 |
متاهة الحب
الفصل الثانى ....
= متنساش تيجى معايا انا وبابا بكرا عشان نتفق عالخطوبه .. انت اخويا ومهم تكون موجود معايا فيوم زى دا
~ اه اكيد جاى .. يلا بقا تصبح على خير
= وانت من اهله
كريم دخل اوضته و فتح اكونت ندى عالفيس و بدأ يقلب فيه للمره الالف
~ ياريتنى كنت مكانك ..
*اليوم الى بعدو*
+ ي ندى قومى بقا البسى .. نص ساعه وهيكونو هنا
- مش عايزه ي مريم .. بصى انا هبلغهم برفضى و اهو قبل الخطوبه و اى حاجه
+ حرام عليكى مشفتهوش ازاى فرح اوى لا وافقتى . صدقينى هتحبيه مع الوقت
- طيب البس اى . اختارى انتى البس اى
+ ماشيي
فعلا اهتارتلها و ندى جهزت
الباب خبط
¥ اهلا وسهلا اهلا وسهلا . اتفضلو فالصاله
= احنا جايين نتفق عالخطوبه ي عمى .. تحب تكون امتى
الاب كان لسا هيتكلم بس كريم قاطعه
~ انا شايف ان لسا بدرى عالخطوبه ي مصطفى
بذهول = نعم ! اومال اى يعنى .. اكيد لازم يكون فيه خطوبه عشان نعرف بعض اكتر فيها و لا عايزنا نفضل ف زون قرايه الفاتحه
الاب قام من مكانه
¥ انتو ف بيت محترم .. اظن لو كان عندكم شك ف انكم عايزين بنتى او لا مكنتوش خبطتو البيت من الاول . مع السلامه
وكان هيمشى و يسيبهم بس مصطفى مسك ايده
= يا عمى كريم ميقصدش حاجه .. انا والله بحب بنتك و لو عليا كنت عايز كتب الكتاب بكرا قبل النهارده
¥ هقعد بس عشانك يا مصطفى . وانت يا كريم اظن لما الكبار يتكلمو المفروض انت تسكت خالص صح ولا اى
₩ اه طبعا انا متأسف جدا بالنيابه عن ابنى كريم
كريم اتعصب من كلام بابا ندى .. هو عنده ٢٢ سنه ومش صغير عشان يكلمه بالطريقه دى
~عن اذنكم هروح اتمشى شويه تكونو خلصتو و اتفقتو..
ومشى و رزع الباب وراه
¥ لولا بس انكم محترمين انا كان ليا تصرف تانى بعد الى كريم عمله دا بس هعديها عشان انا شايفك راجل محترم يا مصطفى . فالنهايه انتو جايين تطلبو ايد بنتى ل مصطفى مش لاخوه المتهور دا
₩ شكرا لزوقك
فعلا اتفقو على الخطوبه بعد اسبوع
بعد م اتفقو ندى خرجتلهم شويه
₩ بس الله ما شاء الله انتى بتحلوى كل يوم ولا اى يبنتى ؟!
ندى اتكسفت
مصطفى همس لباباه ف ودانه
= متكسفهاش يا بابا
₩ احنا اتفقنا عالخطوبه بعد اسبوع ف اى رأيك يا عروسه .. انا هسيبك مع مصطفى تتكلمو شويه و هقعد مع باباكى فالصالون
= تحبى فتره الخطوبه تكون اد اى
- سنتين مثلا
= سنتين !
- كنت عايزها تكون اد اى ؟
= ٣ شهور مثلا
- لا دى فتره قليله
= ما علينا نبقا نتفق بعدين
ندى قامت من مكانها
- انا اسفه بس لازم اروح اوضتى
بحزن = تمام ..
+ اى يبنتى جيتى بسرعه كدا ليه انتى لسا خارجه من دقيقتين
- عادى يا مريم قعدت معاه شويه وخلاص و بعدين .. كريم مكنش موجود
بصدمه + ندى انتى بتهزرى صح ؟!! انتى كنتى خارجه تشوفى كريم ولا مصطفى اساسا يبنتى فوقى بقا
- يمكن اتخانقو ؟
+ احنا مالنا ي ندى ميتخانقو ولا يتحرقو . دلوقتى عريسك هو مصطفى مش كريم . انسى كريم خالص خالص
* الساعه ١٠ بالليل *
مصطفى و باباه وصلو بيتهم
اول لما مصطفى دخل البيت جرى على اوضه يا كريم
بغضب = ممكن اعرف اى الى عملته النهارده دا !! لو انا مش عارفك كويس كنت هقول انك عايز تبوظلى الجوازه خالص . ليه عملت كدا لييه
كريم كان بيبص فالموبايل و مش مدى اى اهتمام لمصطفى
مصطفى اخد منه الموبايل و رماه عالارض
بغضب = لما اخوك الكبير يكلمك تبصله !!!
~ ماشى خلاص اسف ي سيدى ،ارتحت كدا ؟!!
= انت عايز اى ى كريم . بتتصرف معايا كدا ليه
~ طب خلاص انا اسف يمصطفى بقا متكبرش الموضوع
اتبدلت ملامح مصطفى من الغضب لحالته العاديه ( هو طيب جدا و بيتصالح بسرعه)
= النهارده اكدلى ان ندى مش طايقانى يا كريم .. مش عارف اعمل اى . تفتكر اهلها غصبوها عالجواز منى ؟
~ احنا ف ٢٠٢١ ي كريم .. محدش بيتجوز بالغصب دلوقتى و بعدين باين ان باباها راجل محترم ومش معقول الى بتقوله دا
= طيب ليه هى مش طايقانى
~ متقلقش مع الوقت هتحبك
= ياريت والله ى كريم
~ هو احنا مبقناش نتكلم غير عن خطيبتك صح ؟!
= اه اسف نسيت اسألك عملت اى مع البنت الى بتحبها فدفعتك .. قلتلى انك مستنى الفرصه المناسبه عشان تقولها
بحزن ~ لا خلاص موضوعنا انتهى قبل ميبتدى
= ليه كدا ا حصل . قلتلها و رفضت ؟
~ لا .. اتخطبت
= متزعلش ى كريم مش يمكن الخطوبه تتفركش و وقتها تقدر تقولها
~ ادعى معايا يا مصطفى انها تتفركش عشان بجد غيران اوى
= ان شاء الله هتتفركش . هدعيلك فكل صلا بس هو انت مش هتقولى اسمها اى ؟
~ هبقا اقولك لو اتفركشت الخطوبه
= مااشى متقلقش هدعيلك كل يوم
مصطفى خرج من اوضه كريم
كريم فنفسه
~ بتدعى على نفسك يا مصطفى ؟! بتدعى تتفركش خطوبتك ؟
و فضل يضحك زى المجنون
*اليوم الى بعدو *
كان يوم دوام جامعى عادى
ندى كانت ماشيه مع صحبتها بسنت
كريم اعترض طريقهم
~ لحظه بس يا بسنت . ينفع تسيبينا وحدنا دقيقتين
باستغراب ÷ ليه ؟!
~ يلا بس يا بسنت متبقيش بارده
÷ هراقبك من بعيد خلى بالك
~ ماشى ي ستى
- نعم يا دكتور كريم عايز حاجه ؟!
~ اى الالقاب الى م بينا دى ؟! مش شفتينى بقول لصحبتك ب اسمها عادى ؟
- اى زميل ليا بقوله ب لقبه بما انه ميقربليش حاجه
~ ما علينا .. بصى انا عايزك ترفضى مصطفى و اهو قبل الخطوبه و بكدا مش هيتأثر لما ترفضيه .. يومين وهينسى
- وانت مين عشان تتدخل ب امورى و تقولى ارفض و مرفضش .. وبعدين متخلى عندك شويه نخوه . دا اخوك دا الى بتقولى ارفضه
~ بقولك كدا عشان عارف انك مش بتحبيه
- لا بحبه
ومشيت وسابته
بس هو مسك ايدها
~ لا مش بتحبيه ى ندى .. فاكره اللايك الى عملتيه على صوره بروفايلى السنه الى فاتت شهر ٥ يوم ٢
ندى اتصدمت
- ل...لايك اى انت بتقول اى
~ بصى انا اساسا بحبك من قبل حكايه اللايك بس وقتها اتأكدت انك كمان بتحبينى و الا ليه هتدخلى صفحتى عالفيس مثلا
- لو سمحت سيب ايدى انا هكون خطيبه اخوك بعد يومين عيب الى بتعمله دا !!
~ مش هسيب ايدك غير لما تعترفى و تقولى ان كلامى صح
- دا اخر كلام عندك ؟
~ اها
ندى صرخت بصوت عالى
- متحرش يا ناااس متحرش
كريم اتصدم
ف خمس ثوانى كانو الشباب بيضربو كريم و ندى مشيت
*بالليل *
- قالى انه بيحبنى يا مريم اتخيلى دا حتى فاكر اللايك الى عملته بالغلط على صفحته و لغيته بعدها
+ كريم دا ماضى .. بذمتك مش انتى الى كنتى بتقولى ان مفهوش اى صفه حلوه وفيه كل الصفات الوحشه ؟
- و قلت ان هغيره
+ مش هيتغير يا ندى مش هيتغير
- انا هبلغ بابا يتصل ب مصطفى يفسخ الخطوبه قبل متحصل
+ يا ندى حرام عليكى مصطفى بيحبك و شاب كويس ومحترم . هترفضيه عشان واحد زى كريم !!
وقتها وهما بيتجادلو الاب دخل عليهم
مصطفى واهله جايين بعد شويه
- ليه ؟
¥ مش عارف اهو جايين و هنعرف
بعد نص ساعه الباب خبط
بعد لما قعدو فالصاله
₩ احنا عايزين نخلى الفرحه فرحتين و جايين نطلب ايد بنتك مريم ل ابنى التانى كريم ....😲😳
( كريم اكبر من مريم بسنتين)
🙄🙁😦ياترى ايه هايحصل ؟ ... توقعاتكم فى الكومنتات وعايزه تفاعل كتير عشان اكمل ...
استنونى فى الفصل القادم اللى جاى جامد جدا عرض أقل
الفصل الثالث .....
₩ احنا عايزين نخلى الفرحه فرحتين ونطلب ايد بنتك مريم لابنى كريم 😲
ندى كانت بتتصنت عليهم عشان كانت مستغربه من زيارتهم
سمعت كلامهم واتصدمت بس مقالتش لمريم حاجه
¥ تمام هشوف بنتى و ابلغكم ب ردى رغم انى مش حابك يا كريم
~ انا اسف والله ى عمى على الى عملته المره الى فاتت .. مكنش قصدى حاجه
و باس ايد الاب
الاب اتراجع ل ورا
¥ عيب عليك يبنى مفيش بينا الكلام دا .. خلاص تمام مسامحك
الاب ودع الضيوف و بعدها دخل اوضه مريم وندى
¥يا مريم كريم اخو مصطفى عايزك فالحلال .. فكرى وقوليله ردك
ندى بصت لمريم مستنيه تقول انها رافضه .. هى اصلا مينفعش تقبل حد اختها بتحبه ..
ب ابتسامه+ لا مفيش داعى للتفكير يا بابا بلغهم انى موافقه
ندى بصت لمريم وهى مصدومه
بعدها الاب خرج من الاوضه
ندى قامت من مكانها وضربت مريم بالقلم
بغضب - فهمينى ازاى توافقى !!! انتى ازاى كدا ! وانا الى كنت فاكره اننا اخوات متفاهمين ..
+ اظن انك دلوقتى مخطوبه لواحد غيره وملكيش الحق اساسا انك تقولى اوافق او ارفض
بغضب - انتى انسانه مقرفه يا مريم .. مقرفه
مريم طنشتها ونامت على سريرها
اما ندى خرجت تنام فالصاله وسابت سريرها
طول الليل بتفكر .. ازاى اختها تعمل فيها كدا .. هى كانت مقرره تسيب مصطفى .. معقول كريم اتقدم لمريم عشان الى عملته معاه اخر مره ؟
¥ يلا بقا يا بنات جهزو الاكل و كدا عشان مصطفى و كريم و الحاج عصمت جايين يتغدو عندنا النهارده و ابلغهم بموافقه مريم بالمره
+ هنعمل احسن اكل يا بابا متقلقش
- انا نازله اجيب كتب الجامعه ...
¥ طيب متتأخريش عشان اختك متتدبسش فالاكل وحدها
- حاضر يا بابا ...
ندى لبست ونزلت من بيتها . دى كانت حجه عشان تخرح من البيت . هى لو فضلت كتير مع اختها مريم هتعمل فيها حاجه .. كانت غيرانه جدا و متغاظه منها وفنفس الوقت حاسه بالخذلان .. اختها الى كانت بتأتمنها على كل اسرارها وتحكيلها كل حاجه خذلتها
فضلت تمشى فالشارع وهى مش عارفه تروح فين ..
وقت الغدا جه و الضيوف وصلو
¥ اتفضلو اتفضلو
الاكل عجبهم و كانت كل حاجه تمام ماعدا اختفاء ندى
مريم خرجت تقعد معاهم شويه
= هو فين ندى يا عمى ؟
¥ مش عارف يا مصطفى خرجت تجيب كتب بقالها كذا ساعه
ب استغراب ~ غريبه اصل احنا استلمنا كل الكتب بتوع الترم من شهر كدا .. يا ترى كتاب اى دا
مصطفى قام من مكانه
= انا هنزل ادور عليها اشوفها راحت فين .. خايف يكون جرالها حاجه
¥ شويه وهتيجى يا مصطفى اقعد بس
~ لا يا عمى مصطفى عنده حق غريبه تفضل كذا ساعه برا البيت و تكدب على حضرتك وتقولك انها رايحه تجيب كتب
+ وانت مالك ب ندى يا مصطفى . خايف عليها ؟
الكل اتصدمو من كلام مريم
بتوتر ~ ان...انا بس خايف يكون حصلها حاجه بما انها خطيبه اخويا وكدا وبعتبرها زى اختى
+ اه طبعا اختك
مصطفى استغرب من طريقه كلام مريم
= انا هنزل ادور عليها يا عمى . انتو كملو السهره و ان شاء الله ساعه و هلاقيها
¥تمام براحتك يبنى ..
فعلا مصطفى نزل يدور عليها
كريم كل شويه يبص فالساعه والموبايل على امل ان مصطفى يتصل عليهم ويقول انه لقيها بس محصلش ... عدت ساعه واتنين وتلاته و مصطفى لسا مجاش
الساعه بقت ١٢
¥هو مصطفى اتأخر ليه . معقول لسا ملقهاش ؟ انا بدأت اخاف فعلا
~ اه والله يا عمى الموضوع بقا مخيف .. انا هنزل ادور عليها بردو و اهو اتنين احسن من واحد يمكن اعرف الاقيها
¥ تمام يبنى ..
كريم نزل
بدأ يستعيد بذاكرته اى اكتر اماكن بتحبها
بعدها راح لحديقه عامه وهاديه
و فعلا لقيها هناك
خبط على كتفها
~ سرحانه ف اى
- انت ؟!! عرفت مكانى ازاى
~ سنه ٢٠١٩ شهر ٤ يوم ١ كان فيه حد سألك على صراحه انهى مكان بتروحيه لما تتضايقى و انتى جاوبتى و قولتى الحديقه العامه
- دا كان انت ؟!!
~ اها انا .. اى مضايقك
- ولا حاجه . كنت عايزه افضل لوحدى بس ..
~ على فكره انتى الى بدأتى اللعبه دى .. كان ممكن بكل بساطه ترفضى اخويا من الاول
- دا على اساس انى كنت اعرف انك بتحبنى مثلا ؟!! كنت فاكره ان دا وهم وعمره مهيتحقق و اخوك كان شخص مناسب جدا ليا ف اختارته بالمنطق يمكن احبه مع الوقت . انت بقا طالما بتحبنى مجتش تتقدملى ليه ؟!! مش الى بيحب وحده بيروح يطلب ايدها فالحلال ؟
كريم اتنهد
~ انا already فتحت الموضوع دا مع بابا بدل المرتين تلاته و اربعه وخمسه كمان . كل مره بيقولى هتتجوز ازاى قبل اخوك الكبير .. كان بيقولى لما اخوك مصطفى يخطب ابقا اخطب انت براحتك بعده .. وكمان هو شايفنى طفل و مش هتحمل المسئوليه .. مصطفى جه فيوم و قال انه هيتقدم لبنت بيحبها جدا و كلنا فرحنا .. انا فرحت عشان اخيرا هقدر اجى اتقدملك بس اتصدمت .. اكتشفت ان البنت دى هى انتى ..... اخويا الى عمره م حب او اعجب ب اى واحده حتى . يوم م حب حب البنت الى بحبها .. وقتها انا قررت انى همسح الموضوع من بالى وهتمناله السعاده بس مقدرتش .. حاولت والله ومقدرتش .. كنت بغير لما اشوفه يتكلم معاكى او عنك وكمان شفت عدم رضاكى بالخطوبه دى و دا شجعنى اكتر انى اكلمك
- ياريت كان الكلام دا اتقالى بدرى شويه يا كريم
قامت من مكانها
- يومين وهكون خطيبه اخوك و المفروض احترم دا .. هو شخص طيب ميستاهلش منى انى اكون حقيره معاه .. انت كمان احترم اختى يا اما تبعد خالص عنها
~ غيرانه؟
- لا 😏🙄
~ غيرااانه ؟!
- قلتلك لا
~ اى دا لحظه فيه كلب وراكى استنى متتحركيش
بخوف - بجد؟!!!!
فجأه حضنها
مصطفى جه فنفس اللحظه و شافهم
- مصطفى !!😦😳
~ مصطفى !!!
يالاهوى ياه ياه ياه 😁😳😳ياترى ايه اللى هايحصل ومصطفى هايعمل ايه ؟ تعليقات كتير بقى توقعاتكم باللى جاى الاحداث مثيرة جدا واللى جاى اقوى 💪 عرض أقل
تعليقات
إرسال تعليق