دار الأيتام البارت الثامن عشر والتاسع عشر

دار الأيتام

 البارت الثامن عشر والتاسع عشر

خرجت السكرتيره ودخلت نور وزهره...

نور...صباح الخير.

زهره...صباح الخير

ادم..ونوح. صباح الخير وكانو مترقبين ليل..

ليل...بترقب...من اجابتهم...عشق...فين

زهره..ونور...وهما بيبصو لبعض..وساكتيين

ليل...ما تنطقووووو

زهره..ونور..اتنفضو..

زهره...مرضيتش. تيجي. 

ليل..يعني ايه ما رضيتش تيجي. هي بتتحداني

زهره..هي من امبارح من ساعت ما خرجت من عندها وهي قافله الباب وبتعيط ومش راضيه تخرج...حتي الصبح مشوفنهاش قافله الباب.. ورفضت رفض تام انها تيجي...

ليل...وهو...بياخد. موبايله وسجايره من عالمكتب...

ادم...علي فين...ياليل..

ليل...هروح اشوف عشق هانم اللي كسرت كلامي.

نور.. بخوف بس هي مش هتفتح لحضرتك...لانها متوقعه انك هتروح...قالت بلغوه ميجيش عشان لو جه مش هفتح.

ليل...كمان...تمام.

وخرج...وقبل ما يلحقه نوح وادم..وقف ليل...

مش عايز حد يجي ورايا...تاخدو نور وزهره وتفهموهم شغلهم وانا ساعت زمن هاجي انا وعشق..

استسلمو بقله حيله...

وخرج..ليل.. رغم.. تعبه زي الوحش الغاضب...نزل من الشركه وركب عربيته وسط زهول الموظفين من شمله اللي يرعب وه‍و خارج...بعد ما جه بوقت بسيط...

..............

نوح....كان لازم تقوليله..اللي عشق قالته.

نور...معرفش طب اعمل ايه..ماهي فعلا قالت قول له ميجيش عشان مش هفتحله.

زهره..بخوف ربنا يستر..

ادم...متقلقوش ان شاء الله خير.

زهره....يارب

ادم..حد فيكم كلم تمارا

زهره...بقلق ليه في حاجه..

ادم..لا خالص اصل بكلم جاسر مش بيرد فا قولت اشوف يمكن تكونو كلمته تمارا.

زهره...لا من امبارح اخر مره كلمناها كانت نازله تتعشي من وقتها متكلمناش..

ادم...تمام...انا الوقت ابقي اكلموجاسر يكون صحي..واشوف هيرجعو امته

نوح...احنا المفروض هنعمل ايه

نوح...نور...انتي...وزهره...هتمسكو مع بعض شغلي انا ونوح...لان تقريبا انا ونوح شغلنا واحد..واللي هو. المراجعه..المفروض ان انا وادم مسؤوولين عن مراجعه كل كبيره وصغيره بتدخل مش فرعنا بس لا المجموعه بالكامل...وانتو هتساعدونا في ده...مش هتشتغلو انكم تراجعو لوحدكم لا احنا الاربعه هنبقي تيم واحد طبعا الشغل نفسه وطريقه المراجعه دي هنفهمهالكم متقلقوش وطبيعه الشغل سهل لاكن في نفس الوقت صعب احنا بنتكلم في مبالغ وارقام خرافيه يعني مينفعش غلطه تحصل..القسم بتاعنا عايزه تركيز جامد جدااا لان زي ما قولتلكم الغلطه بتساوي خساره..

زهره...بس ده كده خطر احنا منفهمش اي حاجه ويوم ما نشتغل نمسك شغل زي ده.

ادم...متقلقيش يا زهره..الموضوع ابسط بكتير من ما تتخيلي كل الحكايه زي ما نوح قال محتاج تركيز وبس...وطبعا احنا مش هنجبكم وانتو لسه بتتعلمو وهنديكم ورق وملفات ونقولكم راجعو لا انتو هتعملو ده معانا هتشوفونا واحنا بنشتغل هتفهمو وبعد كده هتلتدو شغل وطبعا بعد ما تبتدو فالجد وتكونو فهمتو بردو مش هنسيبكم احنا الاربعه هنكون تيم واحد وكل واحد فينا هيسلم للتاني..يعني بدل ما كانت بتتراجع مرتين هتتراجت اربعه فهمتو.

نور...مبدأيا ان شاء الله خير 

نوح...ان شاء الله... يلا تعالو نروح علب مكتبي وهنوريكم مكاتبكم...الانتو الاتنين هتكونو مع بعض..

زهره...تمام...

قامو مع بعض....

...........

اما عند جاسر...خرج الصبح من الاوضه بتاعته بعد مالبس...عشان ينزل يروح لهادي....

عدي علي اوضه تمارا...وقف ادام الباب شويه ورفع ايده عشان يخبط...وبعد ثواني نزلها.

ونزل علي تحت يقابل هادي...

وابتدو يتكلمو فالشغل وراحو تاني عالموقع مع بعض..وكان جاسر مش مستحمل كلمه...من هادي اللي ضايقه اكتر بسؤاله عن تمارا...واللي اكتفي جاسر برده انه مش محتاجلها فالشغل انهرده.  وانها هتحضر نفسها عشان السفر.

...............اما عن عشق 

حاولو البنات زهره وتمارا.. يتصلو بعشق عشان يقولولها ان ليل رايحلها...لاكن كانت قافله الموبايل عشان محدش يتصل عليها وخصوصا الدكتور اللي هي محرجه منه جدا...واخر ما تعبو في انهم يبلغوها.. سابوها تقابل نصيبها لوحدها....

اما عند عشق....فا بعد ما نزلو البنات...قامت من نومها وهي حاسه بصداع جامد من كتر العياط...فضلت تحرك راسها شمال ويمين...وانتبهت للاوضه اللي كانت فيها...

واللي كان واضح انها فخمه جداااا. قامت عشق... فضلت تتحرك فالاوضه...بخطوات بطيئه وهي بتتفرج عالاوضه...وعينها جت علي صورته🥺🥺

عشق..لنفسها...ايوه دي الاوضه بتاعته. راحت علي صورته مسكتها.  وعيونها مدمعه.  سابتها وفضلت تلف فالاوضه تستكشفها...علي اد ما كانت مضايقه جدا من ليل بس مكنتش بتكرهه زي ما قالتله كان جواها شعور من ناحيته كل يوم بيقوي اكتر...الاوضه كان طابع عليها الشكل الرجولي الراقي..كانت عجباها الاوضه اوي..

واخيرا خرجت...تشوف باقي الشقه اللي حست انها تايهه فيها...

ورجعت تاني...فتحت شنطتها طلعت منها غيار...خدت ترنج ودخلت تاخد دش...دافي...

وبعد وقت بسيط...خرجت...نشفت شعرها..وصلت فرضها.

ورجعت تاني عشان تحط هدومها في الدولاب....واتفجأت ان ليل سايب كام غيار ليه..وبرفانات بتاعته...ولقت علبه شكل الصندوق الخشب...مقفوله بقفل..فضلت تبص علي شكلها وفالاخر سابتها مكانها... وانتبهت مره واحده علي صوت الباب.. اللي كان بيخبط..اتفزعت...لما سمعت

.عشق...وهي حاطه ايدها علي قلبها....ده انه اكيد ليل😵

مشيت براحه علي اطراف صوابعها عشان متعملش صوت ويسمعها...فضلت تقرب من الباب...عشان تبص من العين..

وقبل ما ترفع نفسها علي اطراف صوابعها عشان تشوف...جالها...صوته من ورا الباب اللي فزعها...

ليل...افتحي ياعششششق...افتحي الباب ده..انا عارف انك سمعاني..

عشق....😳😳😳وفضلت ترجع لورا بخطوات بطيئه..كانت حاسه ان قلبها هيقف من الخوف..

ليل...افتحييييي البااااااب.....ليل كان حاسس انه تعبان وحالته كل شويه بتسوء من كتر ما شرب ومحتاج عالاقل يرتاح اليوم ده لاكن كان بيكابر...

ليل....افتحي ياعشق...عشان وديني لو ما فتحتي لا هتندمي.

عشق... واقفه ادام الباب...حاطه ايدها علي قلبها...وعنيها مليانه دموع..وحاسه ان جسمها اتجمد مجرد ما سمعت  صوته بس.

ثواني....وعشق...برقت عينها بخوف😳😳..لما سمعت صوت مفاتيح...فالباب...وفجأه. ظهر. ادامها الوحش😨😨 زي ما لقبته عشق بداخلها بمجرد ما شافته...ببدلته السوده وشكله الواصل لاعلي قمم الغضب...وعيونه الحمره. نتيجه الغضب والتعب. وشرب الخمره...

دخل جوه وقفل الباب وفضل واقف ثواني من بعيد باصصلها...ومع سماع عشق لدفعه الباب... هزه.قويه اصابت جسدها بالجمال من شده الخوف..ونسيت تماما انها واقفه ادامه من غير طرحه..

فضلت باصه عليه من بعيد من غير كلام...ولكن عنيها قالت كل حاجه بمجرد ما سقطت دمعه سريعه علي خدها..

فضل يقرب ليل بخطوات بطيئه من غير ولا صوت...وهي ترجع خطوه...هو يقرب خطوه وهي ترجع وفجأه...لفت عشق. جسمها في حركه سريعه. وجريت عالاوضه بسرعه عشان تقفل الباب. بالمفتاح...

لكن كان ليل اسرع منها..وقبل ما تقفل كان ليل. اسرع منها..ومسك الباب اللي مقدرتش عشق تحركه. فتح ليل الباب بعنف. واتدفعت معاه عشق...

ليل....بصوت باين عليه السكر. والتعب...بتكسري كلامي

عشق..بتهز دماغها بالنفي..بسرعه ودموعها بتتسابق علي خدها..

ليل...بتتحديني ياعشق.

عشق...لسه بتهز دماغها بعنف.

ليل....قولتلك بلاش ياعشق..تعانديني...قولتلك. اسمعي الكلام...حظك وقعك معايا في اسوء فتره بمر بيها في حياتي..

فضلت ترجع عشق لحد ما ضهرها خبط فالحيطه..

وقف ليل..عن الحركه...وقلع ببطئ شديد الچاكت بتاع البدله....ورماه بأهمال عالكرسي..

فك زراير القميص كل ده وهو باصص لها...

تحت نظرات عشق.  الواضح عليها الزهول...😳😳😳

ليل....انا هعرفك. ياعشق...يعني ايه...ليل يقول حاجه وانتي تكسريها...

اقسمت عشق بداخلها ان قلبها وقف حرفيا من صدمتها.

عشق...بصوت مهزوز اخيرا نطقت انت بتعمل ايييه.

ليل....انا لسه معملتش بس هعمل فضل يقرب يقرب. لحد ما وقف ادامها...

عشق...لي لي ليل ارجوك..ابعد عني...وانا هعمل الانت عايزه صدقني

ليل.. بعد ايه... انا حذرتك امبارح...وانتي اتحددتيني...

ليل كان محاوطها فالحيطه   بايده...حاولت عشق  تنزل من تحت ايده  بسرعه لاكن مسكها ليل بسرعه وقربها منه..

صرخت...عشق... وقربها ليل لحضنه وفضلت تضرب في صدره بقبضه ايدها الصغيره اللي معزتش ليل سنتيمتر ...لاكن اتصدمت عشق اول ما لقت ليل خدها في حضنه ...وقالها.

ليل...ششششش..متخافيش مني انا لايمكن أذيكي..او المسك..انا مش وحش ياعشق..

فضل يقربها لحضنه ويضغط عليها اكتر وكأنه بيخبيها جوه ضلوعه...هديت عشق.  لما حست بصدق كلامه..لاكن علامات الرعب كانت لسه ظاهره علي وشها..

ليل...ابتدا يقول كلام مش واعي بيه...هي اللي عملت فيا كده...هي اللي غيرتني.  هي اللي حولتني وخلتني بني ادم عايش من غير قلب. ..قاسي ميعرفش يعني ايه رحمه.  محدش بيطمنلي كل الناس نظرتها ليها نظره  خوف حتي انتي ياعشق...خفتي مني. بس انا مش كده. سامحيني لو جرحتك بكلامي ..عشق..انا تعبان اوي..ومحتجالك..ماتسبنيش....وفجأه حست عشق..ان ليل بيتقل عليها وثواني..وكان فقد وعيه..صرخت عشق..ووقعت معاه عالارض من حمل جسمه عليها..

عشق...ليل...ليل..ليل..قوم والنبي...ليل فوق. قولي مالك... ليل طب بص انا مش زعلانه منك ومسمحاك والله مش زعلانه بس قوم

جريت بسرعه جابت مايه.  والبرفن بتاعه..وفضلت ترش علي وشه وترش له من البرفيوم وتقرب ايدها تشممه عشان يفوق...ولاكن من غير استجابه...فجأه.. صرخت عشق.. فيه بهيستريا.. وفضلت تضربه علي صدره...لما حست انها بتفقده...وافتكرت عم محمد...

عشق...ليل قووووم ليل متوجعش قلبي اللي اول مره يدق لحد ليل قوم عشان خاطري..انا محتجالك اكتر مانت محتاجلي...ليل. قووووم وانا هسامحك لو جرالك حاجه مش هسامحك ياليل..

وفجأه...ليل فتح عينه بضعف..

عشق...وهي بتعيط...وبتضربه..حرام عليك..حرام عليك...تعمل فيا كده...حرام عليك..انا مش ناقصه...وجع..

شدها..ليل.  براحه علي صدره...فضلت عشق تعيط...وهو يطبطب علي ضهرها..ويمشي ايده بحنان علي شعرها...وقالها بهمس...وضعف

ليل...انا اسف..

عشق...قامت..براحه..ومسحت عنيها بدهر ايدها زي الاطفال...

وقفت حاولت تساعده عشان يقوم...حاول ليل يقوم معاها... بس كان دايخ جدا وحاسس ان الدنيا بتلف بيه.

قومته. براحه.. واعدته عالسرير...

عشق...انت شارب!!!!

ليل...ايوه.

عشق...واكيد مش واكل صح.

ليل...هز دماغه بنفي..

عشق..سابته...وخرجت بره الاوضه غابت خمس دقايق ورجعتله..بصنيه عليها عصير وفطار بسيط. وحطتهم ادامه

عشق...لازم تاكل حاجه عشان الدوخه اللي انت حاسس بيها دي...تروح..وتقدر تقف.

ليل...مش عايز 

عشق...لازم تاكل ..عشان الخمره اللي لنت شربتها دي تفصل.  ومدتله ايدها. بساندوتش صغير

ليل..مليش نفس ياعشق مش جعان.

عشق...معلش. لازم تاكل..

ليل..خد منها الاكل وكل براحه وحاسس انه فعلا تعبان..بعد ثواني بسيطه..اداها الاكل...مش هقدر اكل اكتر من كده ياعشق..

عشق...طيب اشرب العصير ده. ومتقولش لا.  انت محتاج حاجه مسكره عشان تقدر.  تفوق.

ليا...خد منها العصير شرب منه شويه...مش قادر خلاص..

عشق..خدته منه..وحطته عالصنيه...  طيب احسن الوقت

ليل...احسن .

عشق...اتصل بأدم او نوح يجبولك دكتور.

ليل...انا كويس ياعشق متقلقيش..وحاول يقوم يأعد عالسرير.

عشق..اساعدك..

ليل...لا انا تمام...وقرب ايده من زراير القميص.. عشان يقفله... بس حس بدوخه والوان كتير شايفها في عينه حط ايده علي عينه. بتعب...

وحس بلمسه عشق..ليه وهي بتقفله الزراير...

شال ليل ايده براحه...وفضل باصص عليها. وهي منزلها عينها عشان متشفهوش... خلصت وراحت جابتله الچاكت.  وساعدته انه يلبسه..

ليل...شكرا.ياعشق

عشق..بارتباك...العفو.  انا انا هشيل الاكل وارجعلك.

مسكها ليل من ايدها...استني ياعشق..

عشق..وهي بتسحب ايدها براحه.

ليل...انا اسف يا عشق..عاللي حصل..واسف عالكلام اللي قولته امبارح...صدقيني انا

قاطعته عشق...وانا مش زعلانه منك ..

ليل...بجد..

عشق...بجد.

ليل...يعني مسمحاني 

عشق...بابتسامه هاديه مسمحاك..

ليل...وهو بيبصلها باعجاب شعرك حلو اوي يا عشق..

اختفت ابتسامه عشق...لما افتكرت انها كل ده واقفه ادامن كده...جريت بسرعه من ادامه...  فاحت الدولاب وشدت منه طرحه بسرعه حطتها علي شعرها...

ليل..بابتسامه...انا هروح البيت...الوقت...مش هقدر اروح الشركه.  لاني منمتش من امبارح...ياريت بكره تكوني موجوده...ممكن

عشق..بابتسامه...هزت دماغها. ممكن..

بس انت هتعرف تسوق

ليل..متقلقيڜ. انا كويس.

عشق...طيب. يعني ممكن.

ليل...قولي ياعشق.

عشق...مكن لما تروح بس تعرفني عشان اطمن انك كويس..

ليل....انتي طيبه اوي ياعشق...بعد اللي عملته معاكي ده. وقلقانه عليا.

عشق....انا قولتلك اني نسيت اللي حصل خلاص..

ليل....ماشي ياستي ممكن.  لما اروح هطمنك. وخرج ليل من الاوضه بضعف. واضح عليه...وهي وراه...

عشق....ليل.

بصلها ليل...نعم..

عشق...مين اللي كنت بتتكلم عنها ووصلتك للحاله دي.

ليل..واختفت ابتسامته بسرعه...

حست عشق انها اتسرعت فالسؤال وانه هيتحول تاني..

ليل...مش لازم تعرفي وانسي اي حاجه قولتها...بكره... ياريت متتأخريش

عشق.😳

فتح...الباب...وخرج بسرعه من ادامها....

عشق...ده اكيد مجنون...

.....بعد ما مشي ليل بلغ ادم ونوح.. انه مش رايح عشان تعبان وعايز ينام...

سأله ادم عاللي حصل بينه وبين عشق.. قاله انه اتعصب عليها شويه بس لما حس انه تعبان مشي وقالها بكره تكون موجوده ووافقت.

...........

زهره... يعني محصلش غير كده

ادم...ده اللي قاله بس ليل مبيكدبش وهو فعلا تعبان من ساعت ما صحي. شرب كتيؤ امبارح وحالته كانت صعبه اكيد مقدرش.  هو بيقول انها كانت هتيجي خلاص بس هو اجلها لبكره لان المفروض عشق هتشتغل معاه فا هو مش هيجي.  .

نور...الحمد لله ان الموضوع عدي بخير.

نوح...الحمد لله يلا نكمل شغل

نور...يلا

.........

مرت الساعات بسرعه كان جاسر. خلص شغل. مع هادي.

هادي...كده احنا تمام

جاسر...اه كده هنبتدي خلاص. وطبعا اي ملاحظه بسيطه واحناوبنشتغل هنظبطها مع بعض.

هادي...تمام. جدا... انا يومين كده ومسافر بره.. هأعد اسبوع واول ما هرجع هجيلكم عالقاهره.  ونبتدي.

جاسر..ان شاء الله

هادي...هتسافرو خلاص

جاسر ..اه يادوب..اطلع اغير واحضر الشنطه...وشويه ونروح عالمطار.

هادي...توصلو بالسلامه

جاسر...شكرا يا هادي...علي استضافتك لينا.

هادي...متقولش كده يا جاسر ده مكانكم...واي وقت تحب تيجي بعيد عن الشغل المكان مفتوح..

جاسر...شكرا يا هادي...هسيبك انا بقي عشان الحق 

هادي...ماشي ياجاسر... مع السلامه..

مشي...جاسر.  عالفندق تاني.

........

اما تمارا.. فامن بعد ما صحيت... حضرت شنطتها ولبست ورجعت اعدت تاني عالسرير.وعلي وشها معالم الحزن...وأثر الدموع باين علي عنيها اللي حمره...

وبتفكر فاللي حصل بينهم...وكانت مضايقه انها استسلمتله لحظه..وكانت مضايقه انه من ساعت الصبح متعرفش عنه حاجه.ولاوكلمها ولا عدي عليها متعرفش رجع من الشغل ولا لسه.فضلت اعده عالسرير مجهزه نفسها لحد ما يخبط عليها..

.......

اما جاسر..فا كلم ليل وهو في طريقه للفندق.

جاسر...الووو

ليل...ايوه يا جاسر

جاسر..مال صوتك🤨

ليل... مفيش بس تعبان شويه.

جاسر..مالك.

ليل..مفيش تقلت قالشرب امبارح ومعدتي تعبانه يعني حاجه بسيطه

جاسر...طيب ما تروح ترتاح

ليل...انا فعلا مروح عالبيت خلاص..

جاسر....ماشي انا بس بعرفك ان كله تمام خلاص...وكام ساعه كده ونبقي فالقاهره.

ليل... طيب تمام...المهم...توصل تمارا...عالشقه بتاعتي 

جاسر..باستغراب.. نعم اشمعني.

ليل...البنات هناك..

جاسر...وافقو

ليل... يعني مش بالظبط.. بس حصل حاجه يعني كده فا خدتهم علي هناك

جاسر..بقلق في ايه ياليل مال كلامك كله الغاز كده

ليل...جاسر.. انا مش فايقلك انا حقيقي تعبان...كلم نوح او ادم يفهموك.

جاسر..ماشي ياليل..تمام...هقفل واكلمهم

ليل..سلام

جاسر..سلام..

قفل جاسر.. مع ليل..واتصل بأدم...اللي عرفه كل حاجه..

واتصدم من اللي سمعه...

جاسر...خلاص تمام يا ادم هجبها علي هناك..المهم حد منهم جراله حاجه

ادم..متقلقش لحقناهم فالوقت المناسب.

جاسر..الحمد لله.

ادم...متعرفش... تمارا عشان متقلقش لما توصلو ابقي قولها

جاسر...خلاص تمام..يلا سلام عشان وصلت وهدخل الاسانسير

ادم...اوك تمام يلا سلام.

...........

طلع جاسر.. علي اوضته...من غير ما يعدي علي تمارا...كان عايز يشوفها ويطمن عليها عشان مشفهاش من امبارح بعد اللي حصل بينهم لاكن كان بيحاول يهرب منها بعد اللي حصل منه عشان مكنش عنده تفسير او مبرر يقولهولها..

دخل خد شاور. وخرج لبس سويت شيرت رمادي. وبنطلون اسود..وكوتشي رمادي...وحضر شنطته بسرعه...وجهز نفسه...وبعد وقت كانت الساعه بقت عشره... اتصل جاسر يبلغهم حد يطلع ياخد الشنط..وخرج...

راح علي اوضه...تمارا...خبط عليها. بترقب.

حست تمارا بلغبطه..اول ما سمعت خبطته عالباب..عرفت ان جت ساعت الرحيل. ..

وقبل ما جاسر يخبط تاني...كانت فتحت تمارا...

جاسر....بجديه... وهو بيحاول يشوف رد فعلها.... جاهزه

تمارا..وهي منزلها عينها ومش عايزه ترفعهم..تمام جاهزه.

لمح جاسر الشيال.. ونداله..

جاسر...فين شنطتك..

تمارا...لحظه هجيبها.

جاسر...استني..دخل جوه جابها واداها للعامل..

جاسر...يلا

مشيت..وراه تمارا.. في صمت

وبعد وقت بسيط خرجو من الفندق...وركبو العربيهواللي هتوديهم المطار...وطول الطريق الاتنين ساكتين.. خالص

وصلو اخيرا المطار...وبعد ما خلصو الاجراءات طلعو عالطياره...

اعدت..تمارا...وبسرعه قفلت الحزام قبل ما المضيفهوتنبههم عشان متديلوش الفرصه انه يقرب منها...

جاسر..شافها فهمت تصرفها...وسكت...

دقايق مرت بينهم كأنها ساعات...واخيرا نطقت المضيف..

المضيفه...علي جميع الساده الركاب الرجاء ربط الاحزمه..الطائره علي وشك الإقلاع...

ربط...جاسر الحزام الخاص بيه...وانتظر طلوع الطيارع

اماتماره... فا كانت مترقبه لحظه الطلوع. وقلبها بيدق بخوف.

وابتدت الطياره...تمشي وتزيد سرعتها اكتر...

جاسر...باصص ادامه...مش عايز يصبلها عشان متحسش..انه بيستغل خوفها...

فضلت تمارا.. تتنفس بسرعه بخوف...وتبصله...وهو باصص ادامه ببرود ولا كأنها اعده ...بصت ادامها بغضب منه...واول ما. الطياره اترفعت... غمضت تمارا عينهاوبقوه...وثواني...وحست...بايده بتحضن ايدها بقوه... اتشبثت بأيده اكتر من غير ما تبصله..ولا هو يبصلها...

طلعت الطياره...فالجو...فضل جاسر ماسك ايدها بين ايده..حتي بعد ما طلعت...وفضلت تمارا ايدها في ايده مسابتهاش..وكأنها مغيبه تماما.. ومرتاحه وهي بين ايده...

سندت راسها عالكرسي... وغمضت عينها عشان متشوفش المنظر من فوق ..وثواني...ونامت...حس جاسر ان اعصاب ايدها فكت بين ايده... بص عليها لقاها نايمه...بس منكمشه علي نفسها من البرد..

طلب جاسر من المضيفه حاجه يغطيها بيها... ثواني وجابتله المضيفه...بطانيه صغيره...غطاها جاسر.كويس..ورجع مسك ايدها بين ايده تاني...

عدي الوقت بسرعه...ونزلت الطياره...من غير ما تصحي تمارا..ولا حست بنزولها...لاكن كل ده كانت ماسكه في ايده.

جاسر...تمارا...تمارا...وقرب ايده من وشها يصحيها وبلمسه حنينه طبطب علي خدها يلا قومي... وفضل عينه علي شفايفها اللي باين عليها الجرح اللي سببهولها.

فتحت عينها براحه...شافته ادامها وباصص علي شفايفها..

تمارا.. وهي بتعدل نفسها..نعم

جاسر...يلا قومي وصلنا والناس بتنزل 

تمارا... بجد وصلنا..احنا لسه طالعين

جاسر..بابتسامه...لا احنا وصلنا انتي اول ما الطياره طلعت نمتي..

تمارا...سحبت ايدها من ايده براحه...

وفكت الحزام...

جاسر.. قام. وهي وراه...مدلها ايده.. عشان كان في زحام جامد.

مسكته تمارا من سكات...

وبعد مده بسيطه.. وصلو خارج.. المطار..كان السواق مستنيهم...

ركبو...معاه....وبلغو جاسر عالمكان اللي يطلع عليه.

تمارا.. فكرت انهم لسه هيروحو مشوار. فا سكتت ومتكلمتش...

وبعد وقت. اخيرا وصلو.  تحت البرج الضخم..اللي اول ما تمارا شافته... بصتله بانبهار وهي بترفع راسها عشان تشوف طوله الشاهق...

تمارا.. وهي بتبصله... احنا هنا ليه. احنا. مش هنروح

جاسر..حب يلاعبها...ما احنا روحنا خلاص

تمارا...روحنا فين... ده مكان تاني

جاسر...وايه المشكله

تمارا.. وهي عينها مليانه غضب....نعم هو ايه اللي ايه المشكله..هو حضرتك شايفني ايه ادامك...

جاسر...مالك خليكي هاديه...الشقه هتعجبك اوي

تمارا...😳😳😳.انت اكيد مجنون او عبيط...شقه ايه اللي هتعجبني وعايزني تطلعها معاك..انت شايفني سهله حضرتك ولاعشان امبارح..مدتلكش قلم يفوقك عاللي عملته ده.

جاسر...بابتسامه...عبيط..ومجنون وقلم يفوقني...ولما انتي جامده اوي كده مدتنيش ليه. وكمل بغمزه ولا عجبتك.

تمارا...اتصدمت من جرأته... انت قليل الادب ومش محترم

جاسر..مسك ايدها.  وهو بيضغط عليها جامد لاكن كان مبتسم..

ينفع. واحده تقول لمديرها انت قليل الادب ومش محترم...عشان وصلها بيتها...اللي فيه.  اخواتها.

تمارا..😳اخواتي...انت بتكدب وانا اخواتي هيعملو ايه فوق

جاسر...ليل جابهم علي هنا.. 

تمارا...انت كداب.. نور كان رافضه...

جاسر.. يابنتي هتغابي عليكي بلاش كداب دي...والله ليل جابهم هنا  امبارح

تمارا....ومقولتليش ليه

جاسر...عشان انا لسه عارف انهرده قبل ما نسافر.  ليل بلغني وقاللي اجيبك علي هنا.

تمارا...واقفه. مش قادره تصدقه..طيب هو جابهم هنا ليه. 

جاسر..لما تطلعي هتعرفي منهم كل حاجه

وكمل  علي فكره تليفونك معاكي.. تقدري تكلمي اي حد منهم تتأكدي بنفسك..انهم فوق.  بس قبل ما تتصلي... انا مش هكدب عليكي تمارا... انا مش وسخ زي ما انتي فاكره...يلا اتصلي اتطمني...ووقف.جاسر.سند  علي شجره ادم باب البرج  وعقد رجليه علي بعض و.طلع سيجاره..ولعها. وفضل باصصلها وهو بينفخ الدخان...

جاسر...ماتتصلي.

مسكت..تمارا.. موبايلها... وفتحته..  نورت الشاشه.  جابت رقم عشق... كل ده وهو باصصلها...

وفجأه...قفلت تمارا الشاشه.  يلا

جاسر...مش لما تطمني بنفسك

تمارا...لا مش هتصل يلا.

ابتسم جاسر لاكن من جواه كان طاير انها متصلتش..

شال شنطتها...ودخل معاها الاسانسير...وطلعو سوا...ادام باب الشقه...

وقف جاسر بعيد...شويه...

تمارا...انت واقف بعيد ليه

جاسر...عشان اكيد ميعرفوش اني معاكي.

تمارا...لا هما مش بيفتحو غير لما بيلبسو طرحه...تعالي اقف هنا

جاسر...ايه بتحسي بالامان جمبي.

تمارا...بتبصله بغضب...ورنت وهي ساكته..

ثواني والباب... اتفتح كانت زهره...الي اول ما شافته جريت قبل ما تسلم علي تمارا.  عشان كان شعرها باين.

جاسر...وهو بيتك علي شفايفه...وبيكور قبضه ايده في وش تمارا عجبك كده.

تمارا. وهي بترفع كتفها وبتغمض عنيها بخوف منه..

معرفش الله

جاسر...طب يلا خدي شنطتك...وادخلي واتأسفيلها

تمارا... حاضر شكرا

جاسر...علي ايه

تمارا...معرفش بس شكرا..

جاسر..ماشي ياستي...ومدلها ايده...سلام

تمارا...وهي بتمدله ايدها سلام...ولكن اتصدمت..وفتحت بوئها وبرقت عنيها..لما جاسر رفع ايدها. علي شفايفه يطبع عليها بوسه...

جاسر...😉😉وهو بيغمزلها تصبحي علي خير

تمارا.😳😳😳😳😳

مشي. جاسر وهو بيضحك.  ضحكه جميله.. وقف الاسنسير وشايفها من بعيد واقفه..لسه متنحه.

جاسر...ادخلي بدل ما اجي تاني...

انتبهت تمارا...ودخلت وقفلت وراها بسرعه...

نزل..جاسر.  وهو مبتسم❣️

البارت التاسع عشر...

تمارا.. حضناهم وبتعيط عياط هستيري

عشق...في ايه ياتمارا اهدي بقي احنا كويسين ادامك اهو

زهره....يابنتي اهدي.  من ساعت ما جيتي وانتي فتحاها مناحه.

تمارا...يعني اللي حكيتوه ده كله.  واللي حصلكو ده من غير ما تعرفوني وتقوليلي قلباها مناحه..

عشق...خلاص يا تيمو بقي احنا كويسين اهو والله وعموما احنا هنا اظن في امان اكتر

تمارا...بس بردو انا معرفتش مين دول...وليل يقصد ايه.. بانهم تبع حد ومين الحد ده اللي هما تبعه...

عشق...انا كمان زيك مش مستوعبه انا متأكده ان الولاد دي شوفتهم فالحته قبل كده يعني نش تبع حد يعرفه ليل وحتي لو تبع حد ليل والشباب يعرفوه وحابب يضايقهم احنا مالنا.

نور..فعلا في حاجه مش مظبوطه..

زهره...بس عارفين ايه اكتر حاجه مفرحاني فاللي حصل ده كله.

البنات...ايه.

زهره...اننا هنشتغل في نفس المكان.

تمارا... اه والله بجد دي اكتر حاجه فرحتني اوي.

عشق...بس معرفش ليه انا قلقانه.

نور...من ايه.

عشق..معرفش... بس احساسي بيقولي ان اللي جاي..في حاجه مش مريحه.

تمارا...ابوس ايدك مش نقصاكي.. ياست عشق...ابعدي باحاسيسك واحلامك دي..عننا شويه... 

زهره..اه والنبي ةحنا مبنلحقش نفرح غير لما تقولي علي حاجه وتحصل فعلا ويتنكد علي اهلنا.

عشق...خلاص بقيت انا النكد...اديني هسكت اهو...

نور...بقول ايه... انا محتاجه ورق مهم جدا بكره 

عشق...وانا كمان

زهره...انا وتمارا معانا اخر ورق نزل جبته اخر مره كنت فيها معاكي.

نور...طيب انا لو قدرت استأذن بكره واروح اجيبه وارجع...هعمل كده.  بس مش عارفه بقي هعرف ولا لا خصوصا اننا اول يوم ليا كان انهرده..

عشق...تمام...عموما لو روحتي ..هقولك علي ورق محتاجاه.

نور...خلاص تمام...ماتيجو ننام بقي..عشان نصحي بدري.

زهره..ايه ده البت دي محكتلناش اللي حصل معاها فالسفر.

تمارا...لا ده حوار كبير وانا مش قادره...خلوها بكره...الخميس واكيد هنسهر مع بعض وناعد نرغي براحتنا..

زهره..ماشي يا اختي.

عشق.. بقول ايه...انا كنت محتاجه يعني انزل اجيب لبس وحجات نقثاني ما تيجو ننزل يوم الجمعه.

نور...اه ياريت..وانا كمان محتاجه لبس..خصوصا اننا بقينا شغاللين في شركه السيوفي لازم نبقي واجهه.

عشق...والله لازم نبقي وجهه للشركه ولا للي شغاللين فالشركه 

نور... يعني من ده علي ده.

زهره...لا بجد فعلا انا كمان محتاجه حجات فكره حلوه ننزل الجمعه نقضي اليوم مع بعض ونجيب اللي ناقصنا ونتغدي بره وتبقي اول مره نخرج فيها مع بعض.

تمارا...ماشي انا معنديش مانع فكره حلوه. بقول ايه  انا تعبانه اوي ومحتاجه ارتاح... انا هنام فين.

نور...عندك اوضتين هناك فاضيين شوفي اللي تعجبك فيهم وخديها.

تمارا.. طبعا اختارتو الاوض الحلوه🤨🤨🤨🤨

نور...والله ابدا...الاوض اصلا كلها تجنن...

تمارا.. طب يلا قومو بقي عشان ننام شويه...

عشق... يلا تصبحو علي خير.

البنات...وانتي من اهله...

...........دخلو البنات ينامو وكل واحده فيهم جواها كلام ومشاعر مختلطه..

اما عند ليل...فامن اول ما  روح من عند عشق وهو نايم حتي بعد ما نوح وادم روحو اطمنو علبه وسابوه يكمل نوم...وراح كل واحد فيهم ينام بعد تعب يوم طويل فالشغل ...

......في صباح يوم جديد...صحي ابطالنا...بنشاط... علي غير المعتاد...

ابتدو البنات يجهزو... بنشاط...نور وزهره مستعدين ليوم جديد...ومتحمسين للشغل...تمارا.. متحمسه للرجوع للشركه... خصوصا انها هتشوف جاسر.. مشاعرها متلغبطه من ناحيته حاسه باهتمامه وغيرته لاكن لسه مفيش بينهم حاجه صريحه...بتحاول تصدق احساسها باهتمامه ليها. وترجمعه علي انه إعجاب حب غيره لاكن بترجع تفوق نفسها لما تفتكر ان في فحياته حد. وخاطب...

اما عشق..فا كان احساسها نفس احساس تمارا...حاسه بحجات حلوه مبسوطه وطايره باحساس اول مره تحسه وفنفس الوقت مضايقه من شعورها اللي هي حاسه بيه  نفسها تتكلم مع البنات بس مش عارفه تقول ايه خصوصا انها كانت بتنصحهم بكلام عن الحب والارتباط وانه في جزء من الحرمانيه... بس صدقت نور...لما قالت غصب عني وعرفت ان فعلا الحب ملهوش كبير وادام القلب دق.  لايمكن حد يقدر يقف ادامه...كمان شعورها بليل تحديدا كان مختلف.. ليل بالنسبالها غامض قوي قاسي طيب حنين.. ليه هيبه ورهبه... شخص ابعد من انها توصله خصوصا انه عارف حقيقتها... خايفه تتعلق بيه وهي مش في باله او زي ما قال مجرد حد بيهتم بيه عشان دي كانت امانه حاج محمد وفنفس الوقت نظراته ليها من بعيد لبعيد تركيزه معاها وتحكيم رأيه معاها هي بالاخص... حضنه ليها لما كانت خايفه منه...واحسسها بالامان وسط خوفها منه كلمته اللي بتتردد في ودنها متسبنيڜ!!!!

احاسيس متخبطه مش قادره تفسرها ولا قادره تتكلم فيها مع حد وهشان كده قررت تسيب كل حاجه تمشي زي ما ربنا كاتباها..لاكن شعور القلق.  كان مختلط مع مشاعرها...ومش قادره تتجاهله...

لبسو البنات وخرجو يفطرو لحد ما يجي السواق....

.............................

اما عند الشباب...كان الوضع مختلف...

لما صحيو علي صوت واحشهم...جدآ وهو صوت والدتهم اللي وصلت من السفر.

اعدو كلهم عالسفره يفطرو...معاها بعد ما جهزو ولبسو عشان يروحو عالشركه.

ليل....نورتي البيت يا امي 

سهام...منور بيك ياحبيبي وحشتني اوي.

ليل...انتي وحشتيني اكتر.

ادم...واحنا ايه.

سهام...وانت نور عيني يا دومي وحشتني اوي 

ادم...وانتي اكتر والله يا امي البيت من غيرك وحش بجد

نوح....ايوه افضلي وزعي سلامات علي سي ليل ويسي ادم..وانا ابن البطه السوده..

سهام...بضحك....اهو انت اكتر واحد بقي وحشتني تخيل ووحشني لماضتك وطولت لسانك وضحكك.

نوح...ايوه بقي ياسوسو.

سهام...🤣🤣🤣اتلم ياولد.

نوح...انتي وحشتيني اكتر وبجد فعلا البيت من غيرك هادي.

سهام...🤨🤨🤨وده حلو ولا وحش.

نوح...وحش طبعا انتي عرفاني مليش فالهدوء ابدا...سبتيني مع واحد ه‍ادي ومع نفسه...يقصد ادم.

ومع واحد بيخانق دبان وشه.

ليل.....🤨🤨🤨تقصد مين

نوح...انا لا انت فهمت ايه ياكبير. اقصد الواد جاسر. بقي عصبي اوي يا سوسو..جاسر ده

سهاب...بضحك....جبان.

نوح...مشوفتيش رفعه الحاجب انا لسه صغيره ومدخلتش دنيا..

ليل...طب خاف علي نفسك بدل ما اخرجك كنها بدري بدري.

سهام...اخس عليك ياليل... متقولش كده.ده نوح الفاكهه بتاعت البيت

ليل...اه الفاكهه بتاعت البيت..صح😏😏

نوح...لا.  هنتريق هزعل واجيب ناس تزعل..

ليل...طب ازعل وهات الناس دي عشان اخرجهم معاك زعلانين من الدنيا بحالها..

نوح...لا وعلي ايه يا بوص... انا مقدرش ازعل منك..

ادم.....بضحك...والله مجنون..

سهام...بجديه...وانت مالك ياليل... قالولي انك تعبان

ليل...لا يا امي متقلقيش انا احسن تقلت فالشرب بس...

سهام...ارحم نفسك شويه ياليل..انت كل يوم بتقلقني عليك اكتر من اللي قبله.

ليل...يا امي مفيش داعي للقلق والله انا احسن كل الحكايه تقلت فالشرب. وكنت محتاج انام وارتاح شويه.  وانهرده انا احسن بكتير.

سهام...يارب ديما بس عشان خاطري يا ليل.. خف شرب  شويه...مش هقولك عشان حرام وعشان متضيعش نفسك وصحتك والكلام اللي بيضايقك ده.. بس عشان مفيش حاجه مستاهله كل ده ياحبيبي. مفيش حاجه مستهله تخليك. تخسر دينك وتضيع صحتك....انت مكنتش بتسيب فرض ياليل ...ايه اللي حصل لده كله....

ليل....امي عشان خاطري.

سهام...حاضر ياليل هسكت خالص.

ليل..وهو بيقوم ناحيتها أعد علي ركبته. اظامها ومسك اديها الاتنين باسهم...اسف يا امي مقصدش صدقيني..اني ازعلك... بس كل اللي بتقوليه ده انا عارفه وعارف انك عندك حق وانك خايفه عليا بس صدقيني غصب عني بس اوعدك ان الفتره الجايه هحاول ارجع زي ما بتتمني تشوفيني.

سهام...وهي بترفع ايده تبوسها....اتمني اشوفك احسن الناس يا ابن عمري. يا اول فرحتي...

ابتسم. ليل... وقام وقف.  ورجع تاني واقف بكل هيبه.

بعد ما كان ادام والدته اضعف كائن عالارض...ووجهه كلامه لادم ونوح..

ليل...طب ايه... هتفضلو اعدين عجبتكم الاعده...ورانا شغل علي فكره.

نوح...عدو الفرحه..ياعم سبنا اعدين اللحظه الرومانسيه دي مرنشوفهاش كتير.

ليل...طب اخلص عشان مزعلكش... وعشان انهرده في اجتماع معانا ومع البنات عشان اعرفهم بشغلهم...

سهام...بنات مين.ياليل..انتو جبتو موظفين جداد.

ليل...ايوه ياامي. دي بنت حاج محمد نور حضرتك عرفاها...وبنات قرايبه كانو عايشين معاه الفتره الاخيره.

سهام...ربنا يرحمه يارب كان راجل ميتعوضش...حقيقي. نور عامله ايه. صحيح

ليل...الحمد لله يا امي بتتحسن..

سهام....عايزه اروح يوم اعزيها ياليل... شوفها موجوده امته الراجل ده كان محترم وغالي علينا ولازم نفضل مع بنته.  دي ملهاش حد....

ليل...طبعا يا امي...هنبلغها. حاضر..

سهام...بس غريبه انت بتقول قرايبهم انا اللي اعرفه ان حاج محمد كان شبه منقطع عن اهله..

ليل...وهو بيبص هو وادم ونوح لبعض...كمل بثبات...دي حقيقه يا امي بس الفتره. اللي فاتت. من قبل حني ما تسافري بس مجاش فرصه اني اقول ادامك..بنات قرايبه جم يأعدو هنا لانهم بيدرسو هنا بس كانو بيسافرو فا كان تعب عليهم فا قررو يأعدو هنا في سكن لاكن حاج محمد مرضيش يسيبهم لوحدهم فاعدو معاهم...

سهام...مش بقولك راجل ميتعوضش...ربنا يرحمه يارب.. عموما خدلي معاد من نور عشان اروح اعزيها..وكمان اشوف الحسين وخان الخليلي المكان هناك واحشني جدا.  

ليل.....رجع بص تاني لنوح وادم...اه بس يا امي هما مش اعدين الوقت فالخان...

سهام...ايه ده عزلت ليه كده امال هما اعدين فين.

ليل...في برج الزمالك الشقه بتاعتي..

سعام...باستغراب...نعم...وده ليه...وغريبه انك تسيب الشقه حد يأعد فيها...دي جابتلك ملايين ورفضت تبيعها. وانت بسهوله تأعدهم فيها.

ليل...مش كده يا امي...بس حاج محمد قبل ما يموت وصاني علي نور والبنات...والفتره اللي فاتت حصل حجات كتير اوي...وحضرتك مش هنا...طبعا هحكيهالك بعدين...بس اخرهم او سبب اني اخليني اوديهم الشقه...ان في شباب من المكان عندهم. استغلو موت حاج محمد وانهم معهمش راجل...وللاسف اتهجمو عليهم فالشقه ولحقناهم علي اخر لحظه.

سهام...وهي مبرقه عنيها...ياخبر انت بتتكلم جد

ليل...ايوه

سهام....ربنا يسترها عليهم وكويس ياليل انك اتصرفت كده ربنا يحميك يا ابني وديما تكون سند لاي حد يحتاجك...

ليل.. وهو بيبوس راسها...ويخليكي لينا ياست الكل... اطلعي يلا انتي نامي وارتاحي من السفر...واحنا هنروح عالشركه...

سهام...ماشي يا حبيبي... يلا عشان انا اخرتكم ومتنساش تاخدلي معاد عشان اعزيهم.

ليل...حاضر.. يا امي.. يلا سلام...

خرج...ليل.. بعد ودع والدته...وخرج وراه نوح وادم...ركبو عربياتهم وانطلقو الي الشركه......

.......عدي وقت بسيط...ووصلو اخيرا الي الشركه...ونزلو بكل هيبه ووقار.  ادام كل الموظفين...اللي واقفين باحترام يلقو عليهم التحيه...

وصل ليل... مكتبه...

ليل... نوح جاسر وصل

نوح...معرفش شوفه كده

اتصل ليل.. بمكتب جاسر....ومكنش حد بيرد..

ليل...شكله كده موصلش...ثواني وكان الباب بيخبط وقبل ما ليل يرد...كان اتفتح الباب...

جاسر...صباااااح الفل...

حضنه نوح...وحشتني ياواطي

جاسر..بضحكه جميله انت اكتر

ادم...وهو بيحضنه والله عملت فراغ 

جاسر...وحشتني ياض يادومي.

ادم...ما بلاش دومي دي برستيچي هيضيع وسط الموظفين.

نوح...وبالنسبه لياض عادي...🤣🤣🤣

ليل....وهو بيسلم عليه...ليك وحشه...ياصاحبي.

جاسر....انت اكتر...راح اعد...ايه الاخبار..

ليل...تمام...

جاسر...ايه اللي حصل ده صحيح.

ليل...لا لينا اعده طويله... مع بعض.

جاسر...امته انهرده بقي انتو واحشني.

ليل...بلاش انهرده...سهام هانم لسه واصله واكيد هترفعنا لو قولنا هنسهر.

جاسر...عندك حق انا كمان ملحقتش اعد مع ماما يا دوب سلمت عليها واطمنت عليها واعدت معاها شويه وجيت 

نوح...خلاص خلونا بكره.

ليل...بس بعد الشغل... عايزكم معايا مشوار كده لحد الكلاب اللي متلقحين في المخزن دول

جاسر...اتأكدت هما تبعهم ولا فعلا من الحته.

ليل...هما فعلا من الحته بس انا شاكك انهم وراهم حد...بس الرجاله اللي معاهم فالمخزن مروقنهم وبيقولو أن كل كلامهم انهم ميعرفوش حد ولا تبع حد...

فاللحظه...دي خبطت السكرتيره....

ليل..ادخل...

السكرتيره...مستر ليل... البنات وصلو ومنتظرين حضرتك.

ليل...بلغيهم يستنونا في اوضه الاجتماعات.

السكرتيره...تحت امر حضرتك...وخرجت

ادم...نقوم احنا نروحلهم

ليل...لا خليهم شويه... ياخدو عالمكان 

جاسر..صحيح يا ليل.انت مروحتلهمش من ساعتها..

ليل...ده هما بقالهم يومين كل الحكايه...انا قولت بس يفوقو من العلقه اللي كلوها ويجيلهم دكتور يظبطهم ويروقهم واروحلهم تاني عشان يبقو فايقين وهما بيتروقو تاني.

نوح....قاسي اوي😁😁

ليل.....🤨

نوح....🙄🙄🙄🙄

ادم...لسانك ده قريب هيوديك ورا الشمس🤣🤣🤣

جاسر...خلاص نخلص شغلنا...ونروح نمسي عليهم ..

ليل...انت عامل ايه مع هايدي...

جاسر...😏😏وليه السيره دي عالصبح.

ادم...جاسر باشا مبقاش عاجبه سيره هايدي...دي معجزه

جاسر...انا مبقتش اكرهه حد اد مابكرهها .بس اللي مخليني ساكت ليل...

ليل...هانت ياصاحبي...وساعت الحساب خلاص قربت الكل هيتحاسب بس يوم ما ليل السيوفي هيكشف ورقه الحساب هيبقي عسير...

ادم....اهو انا مش قلقان غير من ساعت الحساب دي.

ليل...متقلقش... انا مستنيها بقالي زمن....المشكله...اني كنت عارف عدوي.وعارف اخره من اوله..بس مع الوقت اكتشفت ان الدايره بتوسع وبتزيد اعداء...

نوح..عندك حق... في اطراف زادت...مكنتش اتخيل انهم يدخلو الدايره اصلا...

جاسر....بس انا اللي قالقني ان البنات دخلو معانا الدايره دي..

ادم...للاسف دخلو دايره مش بتاعتهم وحرب كبيره علي انهم يدخلوها...

ليل....متقلقوش البنات.. هيفضلو في حمايتي ومش انا بس انتو معايا...هنفضل عنينا عليهم طول الوقت...وبعدين..انا جبتهم معانا فالشركه ليه...ماهو عشان منبقاش طول الوقت عنينا علي كل واحده فيهم في مكان مختلف...لما نجمعهم في مكان واحد هنقدر نحميهم اكتر..وعموما اللي مطمني انهم سابو المنطقه بتاعتهم واي حد من الكلاب بيخوم وراهم ويعرف انهم ساكنين..في مكان يخص ليل السيوفي مش هيقدر يقرب منهم...

جاسر...بقلق... يارب بس تمشي زي ما احنا مرتبين ومفيش حاجه تحصل تاني...خصوصا ان كمان هايدي مش هتطلع تمارا من دماغها..

ليل...حبيتها يا جاسر..

جاسر...وهو بيبص بصدمه لليل وادم ونوح. من السؤال..  بعد عينه عنهم...لثواني...ورجع بص لليل...اه يا ليل.. حبتها ...وحبتها اوي كمان...يمكن اكون حبتها من اول يوم. شوفتها فيه...لما روحت لهايدي المستشفي...كانت بالنسابلي. مختلفه ابتسم  حد لسانه اطول منه..

شدتني فالاول بطريقتها المختلفه...لما طلبت منها اوصلها ورفضت رفض تام...كانت نقطه التحول بالنسبالي...حاجه من جوايا.. خلتني اروح وراها..بالعربيه.ودي كانت بدايه..المفجأه بالنسبالي ...فاكر ياليل لما كلمتني وانا كنت وراها...عشان تطمن علي هايدي...فاكر لما قولتلك اني تحت بيت حاج محمد.😳😳😳😳😳😳

فلاش باك......

ليل...الوووو

جاسر...ايوه ياليل..

ليل...ايه الاخبار.. هايدي كويسه.

جاسر..اه الحمد لله هي تمام بس البنت اللي خبطتها هي اللي ايدها حصل فيها شرخ بس بسيط. 

ليل...طيب اجيلك.

جاسر...لا انا مشيت بس...بس مش دي المشكله.

ليل...في ايه ياجاسر.. مالك...

جاسر...انت عارف انا فين الوقت يا ليل..

ليل...فين.

جاسر...انا تحت بيت حاج محمد.

ليل...وايه اللي وداك هناك..هو تعبان وكلمك ولا ايه

جاسر...لا بس بعد ما هايدي مشيت. عشان شدت مع البنت اللي خبطتها..طلبت من البنت اني اوصلها...بس هي رفضت...انا وقفتلها تاكسي..بس مش عارف حاجه جوايا خلتني امشب وراها متسألنيش ليه...بس المفجأه...انها خدت نفس الطريق لبيت حاج محمد...انا استغربت بس بعد كده قولت يمكن  ساكنه في نفس المكان عادي...

ليل...عادي يعني بتحصل ياجاسر هو مفيش حد ساكن فالحسين والخان غير حاج محمد ياجاسر..

جاسر...بس هي دخلت نفس الشارع. ومش بس نفس الشارع دخلت نفس البيت.كمان...ولما طلعت ركنت العربيه ورحت وراها براحه..لقتها دخلت شقه حاج محمد.

ليل...وهو سرحان ومش بيتكلم.

جاسر...انت معايا ياليل...

ليل....جاسر لما جاتلك المكالمه من هايدي جه احاج محمد هو كمان مكالمه من بنته نور وقالتله ان قريبتهم عملت حادثه 

جاسر...يبقي صح دي تبعهم... .

ليل بعد ما مشيت. هو قفل معاها وقال لازم يمشي عشان نور بلغته ان قريبتهم عملت حادثه.

جاسر...بس صدفه غريبه

ليل...لا ياجاسر في خاجه غريبه دي مش مجرد صدفه

جاسر...ليه بتقول كده.انا كنت مستغرب انها دخلت عنده بس بعد كلامك يعني طلعت قريبتهم. ايه الغريب بقي في كده

ليل...لا ياجاسر...انت ناسي ان حاج محمد بقاله سنين ملهوش حد...وبعدين مش بس كده انت مشوفتش منظره لما سألته مين دي...كان مرتبك. ومتلغبط..ومش عارف يقول ايه.

جاسر ....خلاص بكره لما يجي نسأله...

ليل...ماشي...هعمل كده.. المهم امشي بقي انت من عندك.

.باااااااااااك.

ادم...ونوح باستغراب...

ادم...يعني انت من الاول يا جاسر كنت عارف. ان تمارا. تعرف عم محمد من قبل ما تشتغل معاك.

ليل....اه انا اللي طلبت منه يعمل كده.

اصل بعدها سألت حاج محمد وفضل زي ما كنتو بتشوفوه كده مرتبك ومتلغبط وكل شويه كان يخلينا نشك مش فيه بس كنا شايفين حاجه غريبه بتحصل...

وبعدها جه حاج محمد طلب شغل لقريبته...وسعتها انا قولتله تمام يجبها..وجاسر قاله انه محتاج سكرتيره عشان هو مشي السكرتيره بتاعته..

جاسر...ويوم ما جابها معاه انا عملت نفسي متفاجئ بوجودها....

وبعدها انتو عارفين الباقي...وعرفتو هما طلعو ايه. لحاج محمد.

نوح...طب سيبك من كل ده انت لو مكنتش روحت وراها كان كل ده حصل وكنت لما شوفتها اتافجئت بجد...السؤال بقي انت اصلا ايه اللي خلاك تمشي وراها.

جاسر...هتصدقني لو قولتلك معرفش.. بس يمكن اكون فكرت فالسؤال ده بيني وبين نفسي لاقيت اني لو مكنتش مشيت وراها وجه حاج محمد طلب لقريبته شغل... انا عن نفسي مكنتش هقول اني محتاج سكرتيره وكان ممكن ليل يقبلها وتشتغل في اي قسم بعيد عننا ومشوفهاش اصلا بس كل ده اقدر افسره بأنه ليه حكمه من ربنا.  عشان لما الراجل ده يموت كلنا نقرب منهم...ومنسبهمش..

ليل...جاسر عنده حق.. لولا معرفته بتمارا مكناش عرفنا اي عنهم...والاعم من كل ده.  مكناش عرفنا مين اعدائنا شغل تمارا معانا... خلي اعدائنا يظهرو واللي دفع تمنها حاج محمد ومن وقتها البنات رجلهم جت معانا وهما ميعرفوش حاجه..بس وجودهم وضح حجات كتير.

نوح...عندك حق.

ادم...طيب انتو عرفتو انهم كانو عايشين في دار قبل ما يقول عم محمد.

ليل...طبعا انت عارف يا ادم اني مبشغلش حد من غير ما اعرف اصله من فصله...يمكن لو كان حصل وطلب حاج محمد الشغل في ظروف غير اللي حصلت مكنتش دورت وراه بس اللي خلاني اجيب اصل وفصل تمارا.  ان الموضوع بالنسبالي كان غريب ارتباكه ولغبطته واحنا اصلا عارفين ان ملوش حد كل ده كان دافع لبا اني اعرف...

ادم...عمري ماشكيت في ذكاءك لحظه

ليل ..طب ايه مش هنقوم بقي عالاجتماع.

جاسر...ايوه صح البنات بقالهم ساعه مستنين فالمكتب.

ليل...طب يلا بينا

نوح...تمام....

........اما في اوضه الاجتماعات.

عشق..اعده مضايقه انها اعده ولحد الوقت محدش سأل فيهم

تمارا...في ايه ما تفكي.شويه

عشق...افك ايه وزفت ايه... في حد يسيب حد الفتره دي كلها انا غلطانه اصلا اني جيت

زهره..صحيح هما اتأخرو اوي كده ليه...وليه انا وانتي ونور عالاقل مروحناش علي مكتبنا...

تمارا...معرفش بصراحه..بس هو المفروض كده في اجتماع

نور...طيب يمكن في حد عندهم. او في اجتماع مهم

تمارا...اي اجتماع بيتم هنا.

نور...غريبه فعلا

عشق...بنرفزه ولا غريبه ولا زفت.  انا ماشيه 

زهره...بقلق...لا والنبي ياعشق اصبري شويه اللي خلاكي تستني كل ده مش هتستني الحبه دول

عشق...انتي خايفه كده ليه هو هياكلنا. بقولك ايه... انا ماشيه خليكو انتو واللي عنده بقي يبقي يعمله...انا مش مبخفش من حد..هو فاكر ان هو هيتحكم فيا..ومشيت ناحيه الباب..

تمارا..ونور..جريو وراها..

نور...عشق عشان خاطري..مش ناقصين مشاكل انتي شوفتي من كلامهم واضح ان في حاجه كبيره حاصله. عشان كده خلونا نشتغل كلنا معاهم وخلونا نمشي من البيت وواضح ان في حاجه ورا اللي دخلو علينا البيت دول

تمارا...اسمعي الكلام ياعشق... طب بصي عشر دقايق كمان لو مجاش ياستي اعملي الانتي عيزاه..

عشق..بنرفزه...ولا دقيقه كمان ولما يجي الباشا اللي راعبكم ده ابقو قولوله اني مشيت عشان هو قليل الذوق وادام غصب علينا نشتغل معاه يبقي يكون موجود قبلنا مش يلطعنا ساعه...اوعو من وشي..و بتبعدهم وراحه علي الباب..

تمارا...بصوت عالي... استني بس يا عشق..

فاللحظه دي لقت اوكره الباب بتتفتح.. وظهر ادامها الوحش... زي ما لقبته..  ووراه ادم ونوح وجاسر بطلتهم المرعبه...

ليل.....صباح الخير..

البنات... بارتباك...صباح النور...اما عشق فا وقفت في صمت وعنيها بتطلع شرار ومدتش عليه تحيه الصباح.

ليل...موجهه كلامه لعشق...علي فين يا انسه عشق.

تمارا...بسرعه ابدا يا مستر ليل دي كانت بس هتروح التويلت 

نور...بسرعه..اه اه...صح

عشق...بثقه..ومن غير خوف...لا انا مكنتش رايحه في مكان انا كنت ماشيه...

البنات..😳😳😳🙊🙊🙊🙊

الشباب..🙆‍♀️🙆‍♀️🙆‍♀️🙆‍♀️🙆‍♀️🙆‍♀️🙆‍♀️

ليل...وجواه اعجاب فظيييييع من جرأتها وهي واقفه ادامه

ماشيه علي فين..

عشق...مروحه..

ليل...انتي لحقتي تيجي عشان تروحي وبعدين انتي لسه ابتديتي شغل 

عشق....حضرتك بتقول انك بتلتزم بالمواعيد.  وانا جيت هنا في معادي... وكنت هنا 8ونص.  والمفروض ان ده اول يوم ليا يعني المفروض الاقي حد يوجهني..وللاسف من ساعت ما جيت وانا مرميه في اوضه اجتماعات داخله علي ساعه وربع.  من غير ما اشوف حد ولا حد يعرفني المفروض ابدأ ازاي ولا اعمل ايه مشوفتش غير السكرتيره اللي بلغتنا نترمي هنا لحد ما حضرتك تفتكر اننا منتظرينك.

ليل....بابتسامه.  بسيطه...عندك حق. يا انسه عشق انا اسف دي غلطتي. كان في حجات مهمه بنخلصها. والوقت خدنا ..بكرر اعتذاري...

نوح...ادم...جاسر....نور....زهره...تمارا😳😳😳😳😳😳😳😳😳😳😳😳😳😳😳😳

في زهول تام من رد ليل....حتي عشق اتصدمت. من رده كانت عارفه انه هيطلع فيها بس مقدرتش متعبرش عن غضبها لاكن متوقعتش رد فعله..

ليل...نقدر بقي نبتدي الاجتماع...

عشق...وهي مصدومه..هزت دماغها. وراحت اعدت مكانها من غير كلام...وراحو كلهم اعدو والزهول باين علي ملامحهم...

ليل...فالبدايه...تمارا...انتي عارفه طبعا...شغلك بقي ماشي ازاي...فا انتي بره اي حاجه هوضحها..

تمارا...تمام يامستر ليل.

ليل... بس قبل ما اوضح للبنات طبيعه شغلهم...احب اقولك مبروك...انتي اتثبتي في شركه السيوفي واجتازتي الاختبار في اقل من الوقت المحدد...ومستر جاسر مبسوط بشغلك جدا معاه. وطلب مني انهي فتره الاختبار وتكوني معانا ضمن مجموعه السيوفي...

تمارا ..بابتسامه فرح. كبيره.  شكرا. يامستر ليل.

ليل...العفو...تستاهليها ياتمارا

وبصت علي جاسر اللي كان باصصلها بابتسامه جميله علي فرحتها ...شكرا يامستر جاسر.

اكتفي جاسر...بهز دماغه بابتسامه..

ليل.نكمل..زهره.. ونور...طبعا انتو فهمتو طبيعه شغلكم من مستر نوح ومستر ادم...بس احب انا اعيد كلامهم..عشان تعرفو اهميه شغلكم..

نوح وادم.شغلهم في قسم المراجعات وعلي اد ما القسم ده يبان سهل بس هو من اخطر قسم موجود فالشركه...

باختصار...هما بيقومو بمراجعه كل ورقه داخله او خارجه من الشركه...وانتو هتشتغلو معاهم هتسلمو المراجعات لبعض..  طبعا مش عايز اقولكم اد ايه التركيز مهم.  الشغل مش متعب بس محتاج دماغ صاحيه... عشان الغلطه بفوره واي غلطه فالارقام...توقع المجموعه كلها. خصوصا ان الارقام اللي داخله وخارجه من الشركه مش مجرد ارقام بسيطه احنا بنتكلم عن ملاييين.  وبنا انكم لسه جداد طبعا هما عرفوكم انكم لسه في مرحله تدريب.  هيبتدي ادم المراجعه هتوصل لنور...نور.. هتسلم لزهره. زهره هتسلم لنوح...يعني ادم بيبدأ ونوح بينهي.  وانتو في وسطهم بتأكدو ورا ادم...مفهوم.

نور...وزهره...مفهوووم..

ليل...محتاجين توضيح لاي حاجه.

زهره...لا يا مستر ليل مفهوم.

ليل...عموما اي حاجه تقدرو ترجعو لادم ونوح..وهما مش هيسيبوكم.

وبص لعشق...اللي كانت مستنيه تعرف دورها فالمجموعه.

ليل...اما عشق... فا دورك. هيبقي كبير شويه...اولا هتكوني سكرتيرتي الخاصه... يعني تقريبا شغلك هيكون يشبه شغل

تمارا شويه.. مع اختلاف.  الشغل نفسه...تمارا... بتظبط مواعيد جاسر عموما بتنظم مواعيد اي ميتنج... وبتقدر تتصرف لو في معاد معقد...وزي ما قولت هي نجحت في ده.

اما انتي ياعشق... فا هتشتغلي معايا زي مانا بشتغل بالظبط...

عشق...اسفه بس انا مش فاهمه شغل 

حضرتك عباره عن ايه بالظبط..

ليل...اولا... هتشوفي معايا اي صفقه بتتعرض عالمجموعه.  وتدرسيها.  معايا وعالاساس ده نقرر اذا كنا مبدأيا موافقين او لا وافقنا جاسر وتمارا بيستلمو مننا تمارا بتحدد معاد الميتنج.  وجاسر بيحضره. ويتفق علي كل حاجه.  ولو حصل الاتفاق بنبتدي الشغل وبعدها نوح وادم وزهره ونور.  بيجي دورهم في مراجعه الحسابات...يعني الشغل بيبتدي مني انا وانتي وينتهي فالمراجعات عندم ادم ونوح.

عشق....بس انا هقبل علي اساس ايه.

ليل... فالبدايه هتاهديلك اسبوع اسبوعين علي حسب قدرتك عالفهم..

عشق😡

ليل....وهو كاتم ضحكته علي منظرها....بعد كده هتقدري تشتغلي ...وفي اوقات ممكن تحلي مكاني فالمجموعه.

عشق...ازاي

ليل...يعني... لو انا مسافر...واتعرض عالشركه صفقه. وانتي شايفه انها مش مناسبه للمجموعه او مش هتفيدها تقدري ترفضيها باختصار هيكون معاكي كل الصلاحيات بتاعتي...

عشق...ايوه بس يعني ازاي ومستر جاسر ومستر ادم و

ليل... قاطعها ليل مفيش بس...هما عارفين كويس طبيعه شغلك معانا وموافقين عليه...وبعدين هما شغلهم بعيد عن شغلي يعني انتي مش هتتحكمي في شغلهم انتي هتقدري تتحكمي فالشغل بتاعك...هيكون في اجتماعات لازم احضرها هتكوني معايا... ومش هتكوني وقتها سكرتيرتي الخاصه وبس .. انتي هتقدري تكوني متحدثه بمعني.  انك لو في رأي حابه تضيفيه تقدري تتكلمي..في اوقات ممكن نسافر بره مصر في اجتماعات مهمه هتكوني معايا.  جاسر مسؤول عن السفر داخل اي مكان جوه مصر لاكن انا بره 

عشق....بتوتر بس انا ميتهيأليش هقدر اعمل كده

ليل...هتقدري ياعشق... فالاول انا مش هسيبك هفهمك كل حاجه...بعدها هتلاقي الموضوع سهل.وتاني مهمه ليكي...

عشق...هو لسه في مهمات تاني...

ليل...اهم مهمه...هتحلي مكان حاج محمد.

عشق... ازاي

ليل...حاج محمد...كان ليه شغلته هنا فالشركه توصيل اوراق يجبلنا امضت اطراف معانا يودي الشهر العقاري ورق طبعا دي ملكيش دعوه بيها....لاكن كان ليه مهمه تانيه خالص ودي كانت اكبر مهمه والوحيد اللي مكنتش آمن. اي حد غيره انه يعملها...

عشق...بترقب...واللي هي...

ليل... يودي فلوس الشركه اللي ماسكها مستر سراج...او يجيب منه فلوس... او يحط فلوس فالبنك..

والفلوس.. دي رقم ياعشق...

عشق... ايوه بس انا مش هقدر اعمل كده.

ليل.. ليه.

عشق... بابا كان بيقول ادامنا ساعات انه بياخد من حضرتك مبالغ كبيره وانا اخاف اعمل كده.

ليل... متقلقيش هيكون معاكي سواق هتتحركي بيه براحتك يعني هتكوني في امان.

عشق...انان ايه وانا ماسكه شنطه فيها ملايين... لا انا اشتغل واتعلم اي حاجه إلا دي...شوف حد تاني يقدر يعملها..

ليل...وانتي اللي انا شايف تقدر تعملها بعد حاج محمد ياعشق..وهتقدري

عشق... بتوتر... بلاش يامستر ليل

ليل.... متقلقيش ياعشق...انا واثق انك هتقدري.

ونهي الكلام معاها عشان متعترضش...كده الكل فاهم شغله صح

الكل تمام...

ليل... هنيجي بقي لكلام مهم بعيدا عن الشغل...

طبعا كلكم.  حابين تعرفو سبب اني اصمم تكونو شغاليين هنا وتحت عيني.  وسبب اني ابعدكم عن البيت.

سمعوه البنات بترقب...بس خاب املهم في انهم يعرفو في اخر لحظه..

ليل... فالتوقيت ده. مش مهم تعرفو بس كل اللي حابب اعرفهولكم... اننا اكيد لينا اعداء.  وللاسف انتو دخلتو في دايره الاعداء دي.   او بمعني اصح... في خطر ناحيتكم فا حبيت اني اكون مطمن عليكم...قريب هتعرفو كل حاجه...بس من هنا لحد ما اعرفكم احب اقول كام حاجه كده...

اولا.... نور... بصتله نور بانتباه اول ما قال اسمها...

ليل...انا يوم ما حاج محمد مات قولتلك اني هجيب الكلب اللي عملها ده في اسرع وقت... عايزك بس متفكريش اني نسيت الموضوع... انا وقتها قولتلكم ان العربيه اللي عملت الحادثه الرجاله بتاعتي ملاقوهاش عشان يعرفو مين اللي عملها...بس ده مش حقيقي... انا عرفت مين اللي وراها

نور... وهي الدموع في عنيها...مين

ليل... مش هينفع الوقت في ححات لسه مش واضحه ادامي.. بس احط ايدي عليها هعرفك وهخليكي تاخدي حقك.  وهرجع حق حاج محمد بنفسي.

تاني... حاجه.... عشق... وزهره ونور... الكلاب اللي دخلو عليكم الشقه.  لسه تحت ايدي هسلمهم بس لما يتربو وأتئكد الاول واعرف وراهم حد ولا مجرد عيال صيع انتهزو فرصه انكم لوحدكم...

تالت حاجه وده الاهم...اي وقت حد فيكم انتو الاربعه يلاحظ اي حاجه غريبه من اي حد برانا احنا الاربعه يبلغنا فورا... محدش يسيب حاجه حتي لو صغيره وميعرفهلناش. اللي بالنسبه ليكم صغير بالنسبالنا كبير ويمكت هيوضح حجات من اللي لسه موصلنلهاش. .

مفيش مرواح اي مكان غير بعلمنا... اي مكان حابين تروحوه.  تعرفونا. قبلها...باب الشقه ميتفتحتش لاي حد غيرنا احنا الاربعه وطبعا اللي جاي فينا هيبلغكم غير كده لو الباب اتهد عليكم من الخبط متفتحوش..وعموما انا مش عايز اقلقكم الامن هنا مفتح عينه ومبلغهم ان مفيش حد يطلع غيرنا. اي حد تاني لا...

عشق...هو حضرتك كده مش بتقلقنا.  ده حضرتك بتتكلم علي ان في ارهابين او مافيا بيحاولو يقتلونا.

ليل....لا مش للدرجادي ياعشق بس الامان حلو وانا حبيت افهمكم مبدأيا ان في خطر ايه نوع الخطر بقي ده مش وقته..

عشق... طيب احنا اكيد مش هنفضل محبوسين.

ليل... مين قال انكم محبوسين

عشق... يعني نقدر نخرج

ليل.. طبعا بس نكون عارفين فين وامته 

عشق... بدون مقدمات... بكره.

ليل وهو بيرفع حاجبه.🤨🤨🤨 هو ايه اللي بكره

عشق... يعني احنا كنا ناوييين ننزل بكره مع بعض.  نجيب حجات نقصانا...ونقضي اليوم بره.

ليل... هتنزلو امته..

عشق... لسه منعرفش.  

ليل... تعرفو وتبلغوني

تمارا... هو ممكن يعني عالضهر..

ليل... تمام...كده انا خلصت كل حاجه...حد عنده اي سؤال..

الكل ساكت....

ليل... يبقي اتفقنا... ياريت محدش ينسي اي حاجه اتفقنا عليها...نور...

نور...نعم.

ليل...  فاضيه انهرده بعد ما تروحي

نور....اه ليه

ليل... والدتي كانت حابه تيجي تعزيكي.

نور... طبعا.  تشرف اي وقت انا اكيد موجوده..

ليل... تمام....

يلا اتفضلو علي مكاتبكم... وعالساعه 5تقدرو تمشو ...

الكل... تمام....

ليل... عشق... تعالي ورايا عشان اوريكي مكتبك...