احببت_مربيه_ابنتي
البارت_الرابع والخامس
تقي : ماما يا ماما
زينب : ايه يا تقي انا في المطبخ
تقي وراحه لامها المطبخ : هو احمد فين
زينب : احمد في الدرس ليه
تقي بتكشيره : يوووه بقي كنت عايزه شوكولاته وشيبسي
زينب : يا بنتي انتي لسه واكله شيبسي قبل ما تنامي غلط عليكي كده وبعدين انتي صغيره علي الحاجات دي اللي قدك متجوزين ومخلفين
تقي : يا ستي انا عيله قدام الحاجات دي بحبها الله
زينب بقله حيله : ماشي ياختي روحي بقي جيبي لنفسك
تقي : ماشي انا نازله سلام
نزلت تقي جابت اللي هي عيزاه ورجعت
تقي وهي طالعه علي السلم : طنط سعاد ازيك عامله ايه
سعاد : الحمد لله يا حببتي انتي اللي عامله ايه وامك عامله ايه
تقي : كويسين الحمد لله،مين القمر اللي معاكي دي وبصت علي هنا
سعاد كانت ماسكه هنا وهنا استخبت فيها لمه شافت تقي
سعاد : دي بقي هنا
تقي بفرحه : بجد انتي هنا انا كان نفسي اشوفك اوي الله انتي حلوه اوي
تقي بتقرب من هنا لكن هنا خايفه منها
تقي بحنيه : تعالي معايا بصي انا جبت ايه شيبسي وشكولاته
سعاد : معلشي اصلها مش عرفاكي عشان كده خايفه
تقي بتفكير :..... انتي بتحبي العرايس
هنا : اه
تقي بفرحه : طب ايه رايك انا عندي عروسه جميله شبهك تحبي تلعبي معايا
هنا ابتسمت : ماشي (هنا مسكت في ايد تقي )
سعاد بفرحه : خلي بالك منها يا تقي انا هشوف ام سيد ماشي وانتي يا هنا اوعي تزهقي تقي
هنا : حاضر
تقي وشالت هنا : متخفيش علي القمر دي خالص هنلعب انا وهي
تقي خدت هنا ودخلت عندهم وسعاد دخلت عند اختها
زينب بانبهار : ماشاء الله مين البنت الجميله دي يا تقي
تقي ولسه شيله هنا : دي بقي هنا اجمل بنت انا شفتها
زينب بتفكير : اااه هنا،هي الحاجه سعاد جت ولا ايه
تقي : اه عند طنط ام سيد،انا دخله انا وهنا في الاوضه عندي
زينب : ماشي يا حببتي...
ودخلت تقي وهنا علي الاوضه
تقي وحطت هنا علي السرير وجابت العروسه بتعتها : بصي ايه رايك في العروسه الجميله دي
هنا بفرحه : الله دي حلوه اوي،انتي اسمك ايه
تقي : اسمي تقي
هنا : وانا اسمي هنا
تقي باست هنا : انتي هنايه
هنا : ايه ده بأبي هو كمان بيقولي كده
تقي ابتسمت علي برائه هنا : انتي سكر،خدي ياله بتحبي الشكولاته
هنا : اه بحبها
تقي وأدت هنا الشكولاته : خدي احلي شوكولاته لحلا هنا
تقي وهنا فضلوا يلعبوا ويضحكوا كتير وهنا اتعلقت بتقي وتقي حبت هنا واتعلقت بيها
هنا باست تقي
تقي فرحه جدا : حببتي
هنا بحب : انا بحبك اوي
تقي حضنت هنا : وانا كمان بحبك اوي يا هنايه
زينب : يا تقي
تقي : نعم يا ماما
زينب : تعالي ياله عشان تكلي
تقي : بابا جه
زينب : اه وأحمد كمان جه
تقي : انا جايه اهو
تقي لهنا : ياله ناكل يا هنايه
هنا : ياله. خرجت تقي وهي شيله هنا
احمد : مين الصغنونه دي
مصطفي : مين دي يا تقي
تقي : دي هنا
مصطفي : هنا مين ياتق.....ولم يكمل كلامه
دق دق دق
احمد قام فتح الباب
سعاد : سلامو عليكو يابني
احمد : عليكم السلام....جت عليهم زينب
زينب : اهلا وسهلا يا حاجه سعاد اتفضلي
سعاد دخلت : اهلا بيكي يا ام تقي معلشي بقي اكيد هنا غلبتكم #هاله_محمد
تقي : لا ابدا دي هاديه جدا ورقيقه
مصطفي : اتفضلي يا حاجه اقعدي
مصطفي بترحيب : اهلا وسهلا نورتينا والله
سعاد : ده نورك يا بني معلشي ازعجتكم
مصطفي : لا لا ابدا متقوليش كده
سعاد : ربنا يعزك يا بني،ياله ياهنا
هنا : لا انا عايزه اقعد مع تقي
سعاد بفرحه : انتي حبيتي تقي يا هنا
هنا حضنت تقي : اه يا داده انا بحب تقي اوي
سعاد بتفكير وقررت....
سعاد : بقولك ايه يا ابو تقي انا كنت عيزاك في حاجه ويا رب ما تكسفني
عم مصطفي باستغراب وبص لزينب : اتفضلي يا حاجه سعاد قولي
زينب : خدي هنا يا تقي وادخلي جوه وانت ي احمد ادخل اوضتك
دخلت هنا وتقي وأحمد دخل اوضته
زينب : خير يا حاجه سعاد قلقتينا
سعاد بتنهيده : خير خير ان شاء الله،انا كنت بترجاكوا في حاجه كده
عم مصطفي : قولي يا حاجه اللي انتي عايزاه
استمع عم مصطفي وزينب بانتباه وسعاد حكت كل حاجه عن هنا
عم مصطفي بحزن : هو في ناس قلبهم قاسي كده ازاي تعامل طفله بريئه بالطريقه دي
زينب : منهم لله هي و اللي زيها
سعاد : انا كنت عايزه اقول
عم مصطفي : قولي يا حاجه سعاد لو هنقدر نساعد في حاجه مع اني مش عارف هنساعد ازاي
سعاد : انا كنت عايزه تقي تيجي تقعد معانا
عم مصطفي بصدمه : ايه ازاي بس يا حاجه سعاد هتقعد بصفتها ايه
سعاد : اسمعني بس هنا عمرها ما قعدت مع حد غريب كانت ديما بتخاف لكن تقي قدرت تخليها تحبها فكنت عايزاه تقعد معاها كمربيه
زينب : لا لا مش هينفع طبعا لمؤخذه يا حاجه سعاد
عم مصطفي : ازاي بس هتقعد وفي راجل غريب ميصحش
سعاد : يابني رعد سافر والله اعلم هيقعد اد ايه وانا يابني كبيرت في السن وكمان اول لمه رعد يرجع تقي هاتمشي يعني عمرهم ما هيتقبلوا خالص
عم مصطفي : يا حاجه انتي بتقولي بنتي تبعد عني وتعيش معاكوا
سعاد : متخفيش عليها وهي هتبقي في امان والله ارجوك يا بني اعتبرني زي امك
عم مصطفي وقلبه رق : خلاص يا حاجه سعاد انا هسال تقي وهشوف رأيها
زينب : ازاي بس يا ابو تقي
عم مصطفي : ده عمل انساني يا ام تقي والحاجه سعاد هتخلي بلها منها وكمان انتي مربيه تقي وعرفاها كويس
زينب بقله حيله : اللي تشوفه
عم مصطفي : طب قومي نادي علي تقي
تقي : نعم يا بابا حضرتك عايزني
عم مصطفي وقال لتقي طلب سعاد
تقي : مش عارفه يا بابا اللي حضرتك تشوفه
عم مصطفي : اهم حاجه انتي يا تقي رايك ايه
هنا برجاء : تعالي معايا يا تقي عشان نلعب سوا واوريكي العروسه بتعتي
تقي بصت لهنا وابتسمت : ماشي يا هنايه
سعاد بفرحه : طب ياله يا تقي حضري شنطتك وتعالي ده بعد ازنك يا ابو تقي
عم مصطفي : روحي يا تقي حضري شنطتك
تقي : حاضر يا بابا
ذهبت تقي وسعاد وهنا الي الفيلا
هنا ماسكه ايد تقي وبتشدها
هنا : تعالي يا تقي نطلع فوق
سعاد : استني يا هنا لمه ناكل الاول
هنا بتذمد طفولي : يوه بقي
تقي : كده عيب يا هنا لمه حد كبير يكلمنا لازم نسمع الكلام
هنا : حاضر
نروح عند رعد
مهاب : في ايه يا رعد انت هتفضل باصص في اللاب كده كتير
رعد : مش عارف هي هنا مطلعتشي اوضتها ليه ده كلوا معقول لسه مرجعوش من بره انا هتصل بداده سعاد اطمن عليهم
عند هنا
سعاد : كولي بقي يا هنا
هنا : مش عايزه اكل
تقي : كده انا زعلانه منك يا هنا
هنا : مني انا ليه
تقي : عشان مش عايزه تأكلي ياله كولي عشان نطلع نلعب وتوريني العروسه بتعتك
هنا بدئت تاكل وسعاد كانت فرحانه بتقي
رعد : الو ازيك يا داده
سعاد : ازيك يا حبيبي عامل ايه
رعد : الحمد لله يا داده هي هنا فين انتم رجعتوا ولا لسه
سعاد : اه يا حبيبي رجعنا وكنت باكل هنا وراحه تغسل ايديها
رعد : ماشي يا داده انا هكلمها علي التاب بتعها
سعاد : ماشي يا حبيبي.....قفلت سعاد ورعد
سعاد : هنا بابي اتصل بيكي
هنا بفرحه : هييييه هاتي أكلمه
سعاد : هو هيتصل بيكي لمه تطلعي اوضتك
في : طنط سعاد هو عارف اني موجوده هنا
سعاد : لا انا مقولتلوش
تقي براحه : طب كويس انا مش عايزه يعرف اني هنا يعني عشان لمه يرجع انا همشي
سعاد : برحتك يا حببتي
تقي : هنا ممكن اطلب منك حاجه
هنا : ايه
تقي : ممكن لمه بأبي يكلمك متقولوش اني موجوده معاكي
هنا : ليه يعني اكذب
تقي بإحراج : لا يا حببتي اصل انتي لو قولتيله انا همشي ومش هاجي تاني
هنا : لا خلاص انا مش هقوله حاجه هيبقي سر
تقي بابتسامه ظهرت غمزتها : ههههه ايوه سر شطوره
سعاد : طب اطلعوا انتم وانا هجيبلكم عصير وجايه
طلعت تقي وهنا ودخلوا اوضه هنا
عند رعد
رعد لنفسه : ايه ده مين دي؟!
هاله_محمد
احببت_مربيه_ابنتي
البارت_الخامس
رعد باستغراب : ايه ده مين دي،ممكن تكون مربيه وداده سعاد جبتها بس هي ليه مقلتليش مع اني كلمتها انا هتصل اشوف مين دي و بتعمل ايه
عند تقي سعاد دخلت ومعاها العصير
سعاد : خدي يا هنا العصير اشربيه كله،خدي يا تقي انتي كمان اشربي انا هنزل اشوف هعمل ايه
تقي وهنا : ماشي
هنا ماسكه العصير وبتكلم تقي : بصي يا تقي العروسه حلوه ازاي....لكن العصير وقع علي تقي وهنا خافت
هنا بدموع وخوف : انا اسفه يا تقي مش كان قصدي
تقي بحنيه : خلاص يا حبيبتي ولا يهمك متخفيش.....( كل ده ورعد شايف وسامع الحوار وقرر أنه هيسمع الحوار للاخر)
هنا بدموع : يعني انتي مش هتضربيني
تقي حضنت هنا : وهضربك ليه اهدي يا هنايه.
( رعد ابتسم علي حنيه تقي وعلي كلمه هنايه اللي هو ديما بيقولها)
تقي بابتسامه : خلاص بقي متعيطيش انا هدخل الحمام اخد شاور وانتي العبي ماشي
هنا مسحت دموعها وابتسمت : ماشي
دخلت تقي اخدت شاور وخرجت كانت لبسه بجامه جميله بنطلون قطن اسود وتيشرت بنص بينك منقط اسود ومسيبه شعرها اللي واصل بعد ضهرها لانه طويل جدا جدا وناعم زي الحرير
هنا بانبهار: الله يا تقي شعرك زي ربانزل جميل اوي وطويل اوي
تقي حضنت هنا : انتي اللي شعرك جميل وكل حاجه فيكي جميله
رعد شاف تقي واتشد لجملها وحنيتها وقرر يتصل بهنا
تقي قاعد هي وهنا علي الكنبه وبتقرا لهنا روايه وتاب هنا رن بمكلمه فيديو
هنا : بأبي.......جريت هنا قعد علي السرير ومسكت التاب وفتحته بتكلم رعد
رعد بحب : وحشتيني يا هنايه
هنا : وانت كمان وحشتني اوي اوي يا بابي
تقي قاعده علي الكنبه اول ما سمعت صوت رعد قلبها دق جامد اوي من غير ما تشوفه
رعد بيكلم هنا فيديو وكان شايف تقي من اللاب
هنا : عارف يا بأبي تقي شعرها زي ربانزل طويل وجميل
تقي برقت بصدمه وقامت وقفت وبتشاور لهنا أنها متعرفش رعد بوجودها
هنا افتكرت أن تقي قالت لها متقوليش لبابي اني موجوده معاكي هنا حطت اديها علي بؤها وسكتت
رعد كان شايف تقي وضحك عليها وهي بتشاور لهنا
رعد بخبث : تقي،تقي مين يا هنا
هنا بإنكار : لا لا يا بابي مش تقي
رعد حس أن تقي مش عايزاه يعرف انها موجوده وقرر ميخلهاش تحس بمعرفته بوجودها
رعد : ماشي يا هنا انا هقفل بقي عشان اشوف الشغل
هنا : ماشي يا بأبي ورحه حدفه بوسه رعد وهو كمان حدف لها بوسه وقفل
وبص عليهم في اللاب يشوف تقي هتقول ايه لهنا
تقي قعدت جمب هنا علي السرير واتنهدت براحه
تقي : كده يا هنا احنا مش اتفقنا انك مش هتقولي لحد اني موجوده معاكي
هنا : انا اسفه يا تقي انا نسسيت
تقي : وكمان عيب انك تقولي .تقي وشها احمر جدا احم انك تقولي لحد علي شعري
هنا ببراءه: ليه،وايه يعني ده بأبي مش حد
تقي ضحكت علي كلام هنا ورعد كان متابعهم وكان بيضحك علي كلام هنا لكن كان مستغرب ليه تقي مش عايزاه يعرف بوجودها
تقي : كده يا هنا انا لبسه حجاب ومينفعشي انك تقولي لحد علي شعري عشان كده حرام
هنا : خلاص انا مش هقول لبابي تاني
تقي باست هنا : بحبك يا هنايه وانتي بتسمعي الكلام،ياله نامي بقي عشان الوقت اتاخر...
عند رعد
رعد لنفسه وبشرود : مين دي وازاي هي كده رقيقه وحنينه وجميله جميله اوي،رعد هز دماغه عشان يفوق في ايه يا رعد قوم نام قوم
فعلا رعد قام نام وكل ابطالنا ناموا تاني يوم الصبح
رعد صحي واخد شاور واتوضي ولبس وصله وقبل ما ينزل فتح اللاب لقي هنا وتقي لسه نيمين
رعد نزل وراح الشركه وبعد ساعتين فتح اللاب لقي تقي صحيت
عند تقي قبل نص ساعه
تقي كانت صحيت واخدت شاور واتوضت ولبسه إسدال الصلاه
تقي بهدوء : هنا يا هنايه
هنا بنوم : تقي، انا صحيت
تقي يتقلد هنا : انا صحيت،يا لهوي علي الضغنن ده قومي ياله الساعه بقت عشره
هنا صحيت : ايه ده انتي لبسه ايه
تقي : لبسه إسدال
هنا : ليه
تقي : عشان اصلي، تصلي معايا
هنا : اه انا عايزه اصلي بس مش عندي إسدال
تقي شدت هنا أومتها: تعالي بس وبعدين انا هجبلك إسدال
رعد كان قاعد ومتابع وشايف تقي بالاسدال وكان متنح ادايه هي جميله في الاسدال
تقي بدئت تصلي وهنا كانت واقفه معاها وبتصلي جمبها خلصوا صلاه وتقي لبسه الدريس
ده👇ونزلت

رعد قفل الباب وكان حاسس بإحساس غريب كأنها خطفت قلبه
فات اسبوع والوضع زي ما هو تقي قاعده مع هنا والاتنين اتعلقوا ببعض وكل يوم رعد يكلم هنا ومتابعهم من كاميرا اللاب وهو كمان كان نفسه يخلص شغله ويرجع عشان يكلم تقي ويشوفها وجها لوجه تقي كل يوم كانت بتكلم امها وأبوها وتطمنهم عليها لحد في يوم
تقي : في ايه مالك يا حببتي
هنا وهي بتعيط وحضنها صوره رعد : انا مش هكلم بأبي تاني خالص
رعد ركز في كلام هنا
تقي : مش هتكلميه ليه يا هنايه
هنا : كده عشان هو مش راضي يجي عشان وحشني اوي
تقي بحنيه وحضنت هنا : طب ما انتي بتكلميه كل يوم
هنا بدموع : لا هو وحشني يعني عايزه احضنه فهمتي
تقي ابتسمت ورعد قلبه وجعه
تقي بابتسامه : طب بصي يا ستي هو مش بأبي سافر عشان يشتغل
هنا بدموع : اه كل شويه يسافر يسافر
تقي : طب بيسافر عشان يشتغل ولمه هيشتغل هيجيب لهنا حاجات حلوه كتير مش هو بيجبلك اللبس الحلو ده
هنا سكتت بس دموعها نازله : اه
تقي : وكمان بيجبلك لعب كتير وكل حاجه انتي عايزاه يبقي لازم يشتغل ويسافر صح يا هنايه
هنا مسحت دموعها : صح
تقي بتمسح دموع هنا : يبقي ايه بقي مش عايزه اشوفك زعلانه ولا عايزه اشوف دموعك تاني
ماشي يا هنايه
هنا ابتسمت وحضنت تقي : ماشي،انا بحبك اوي يا تقي
تقي : وانا كمان بحبك اوي
هنا بطفوله : انا بحبك اكتر يعني بحبك اد بأبي كده
تقي اتحرجت ووشها احمر : احم،ماشي يا شقيه
رعد كان متابع كل الحوار وكان سعيد جدا كأنه ملك الدنيا كلها وابتسم علي خجل تقي لمه هنا قالتها إنها بتحبها اده
رعد لنفسه بابتسامه : هي وشها احمر كده ليه اومال لو عرفت اني سامع وشايف كل ده او لو كنت قدمها كانت عملت ايه ..... عند تقي
تقي : ياله يا هنايه نصلي ونقرا شويه قران
هنا : ياله ....قامت تقي وهنا يصلوا وخلصوا بدئت تقي تقراء قران بصوت هادء جميل هزت قلب رعد من جمال صوتها واتشد ليها اكتر
هنا كانت بتسمع تقي وهي منتبها ليها اوي ومن هدوء صوتها وحنينته هنا نامت في ثبات عميق
تقي صدقت وقفلت المصحف : انتي نمتي يا هنايه
تقي شالت هنا ونيمتها علي السرير وقررت تكلم امها
تقي : .......
هاله_محمد
تعليقات
إرسال تعليق