 |
روايه حافة الهاويه💚🧚♀️
دول الابطال الأساسيين لحين ظهور الاحداث هنعرف باقي الشخصيات مع أحداث الروايه.
اتمني تعجبكم زي《 روايتي أميره المالك💙🦋 》
البطله: غزل محمد الحديدي
فتاه بسيطه من الطبقه المتوسطه لديها (24سنه)
متخرجه من كليه تجاره انجلش تتميز بجسد متناسق
ومثير ملامحها جميله جدا ورقيقه ولديها شعر طوله يتعدي مؤخرتها ولونه خيال ولاكن محجبه تتميز بشخصيه كامله ف هيا العاقله والمجنونه والمرحه والهاديه في بنت واحده كوكتيل غريب😂😂
تاج: اخت البطله الصغيره لديها 5سنوات عفويه ورقيقه جدا بتحب اختها وجدتها بشكل فظيع ومتعلقه بيهم جدا جدا جدا
خديجه : جدت البطله لديها قلب ابيض من اللبن حنونه جدا علي احفادها البنات بتحبهم جدا وبتخاف عليهم من الهوا الطاير
___________________________
البطل: يزن محمد الأنصاري
عند العصبيه الله الغني اعصار يتميز بجسد رياضي جذاب لديه(27سنه )
متخرج من كليه تجاره انجلش لديه سلسله فنادق( الأنصاري)
مازن:اخو البطل أصغر منه لديه(24سنه ) متخرج من كليه الألسن معروف بشخصيه الكوميدي الفرفوشه ولاكن وقت العصبيه لايقل عن غضب يزن الأنصاري ابدا
حلم الأنصاري:اخت البطل لديها (22 سنه )
اخر سنه ليها ف كليه تجاره انجلش ف اخوها الكبير مثلها الاعلي تهابه وتحترمه جدا ولاكن مرحه ومجنونه جدا
يحيي الشناوي: صاحب البطل وابن خالته في نفس الوقت شريك معاه في طفولته وشبابه وشغله حتي البيت عايش معاهم بعد وفاه عائلته
محمد الأنصاري:ابو البطل متقاعد بسبب حادثه هنعرف التفاصيل في الروايه مع الاحداث ولاكنه طيب القلب ويخاف علي أولاده
حنان : ام البطل طيبه القلب وحنونه جدا علي اولادها وابن اختها
فهد ياسر : اب خالة البطله كانو أقرب اتنين لبعض منذ الصغر وتربطهم علاقه قويه فهم قريبين لبعض بدرجه كبير
💚💚💚💚💚💚💚💚💚💚💚
💚💚💚💚💚💚💚💚💚💚
💚💚💚💚💚💚💚💚💚
💚💚💚💚💚💚💚💚
💚💚💚💚💚💚💚
💚💚💚💚💚💚
💚💚💚💚💚
💚💚💚💚
💚💚💚
💚💚
💚
روايه حافةالهاويه💚🧚♀️....
..بقلمي أميره أحمد
......(البارت الاول💚🧚♀️)
روايه_حافة_الهاويه_بقلمي_أميره_احمد💚🧚♀️
الساعه الخامسه فجرآ
كتنت تجلس في الغرفه ترتدي ثيابها فاليوم يوم سفرها لاستلام الشغل التي تبحث عنه منذ فتره كبيره لانها ترد إثبات ذاتها و عدم الشفقه من اي شخص فهي بعد وفاه والديها منذ خمس سنوات ف بعد ولادة اختها تاج بخمس أشهر توفي الي رحمه الله والديها في حادث سير كانت صدمه كبيره عليها بس عملت المستحيل عشان تقف علي رجليها و متضعفش عشان اختها و جدتها اللي ملهاش غيرهم في الدنيا قامت بعد م حضرت شنطه سفرها و ترسم علي ملامحها الابتسامه الهادئه و تكتم بداخلها حزن كفيل انه يدفنها بالحيا
خرجت في مرحها المعتاد
غزل: صباح الخير ي ديجه
خديجه: صباح الخير ي غزال
غزل: ي ديجه ي ديجه قولتلك الف مره غزل غزل اي غزال دي
خديجه: غزل غزال المهم انك قمر ي حبيبتي
غزل: امال فين تيتو
تاج بطفوله: مين بيجيب في سرتي بقا
غزل: تعالي ي لمضه هنا
تاج بضجر: يوووه لمضه لمضه
غزل: شربتي اللبن
تاج بتقزز: لا
غزل: هو اي اللي لا يلا اشربي اللبن بتاعك دلوقتي
خديجه: من ساعه م صحينا و انا عماله اتحايل عليها و هيا مش راضيه
غزل شالت تيتو و قعدتها علي طربيزه السفره و قعدت قدامها علي الكرسي
غزل: مش احنا اتفقنا انك تشربي اللبن كل يوم و انا يوم الجمعه هخرجك المكان اللي عاوزاه
تيتو بحزن: بس انتي مش هتقعدي معايا و هتسافري و تسبيني زي بابا و ماما
غزل و الدموع بعيونها: ي حبيبه قلبي مش انا قولتلك بابا و ماما في الجنه عند ربنا في مكان احسن من هنا بكتير وانا هروح الشغل بتاعي و هاجي كل خميس و همشي السبت بليل لمده شهر و أقل كمان و هشوف شقه هناك عشان تيجي انت و ناناه تقعدو معايا
تاج: يعني مش هتسبيني زيهم
غزل بضحك: هو انا اقدر اعيش من غير تيتو
و قعدت تلعب معاها و تزغزغها في بطنها و تهزر معاها و شربت اللبن
غزل: يلا ادخلي اغسلي سنانك و تعالي
تاج: حاضر و راحت الحمام
خديجه بحنان : ربنا يخليكم لبعض و متتحرموش من بعض ابدا
غزل: ولا يحرمنا منك ي ديجه يا قمر انتي
حنان: مكنش ليه لزوم الشغل ده ي بنتي م ورث ابوكي و امك موجود و انا المعاش بتاعي و ورث جدك الله يرحمه ليه تتعبي نفسك و تتغربي في مدينه تانيه
غزل: ي ديجه انا مش عاوزه فلوس انا عاوزه إلهي نفسي في اي حاجه مفيده هفضل قاعده ف البيت كدا من غير اي شغل كنت درست ليه بقا
خديجه كأي ست مصريه اصيله: يلا يبنتي ربنا يفتحها في وشك و ترجعيلي و العريس في ايدك
غزل بضحك: في أيدي علي طول كدا 😂😂
خديجه: ما تسبيه يمسكها ي فوزيه 😂😂
غزل قامت و حضنت جدتها و تاج خرجت من الحمام و سلمت عليها برضو و حضنتها جامد و الدموع في عنيها
غزل: انا هنزل عشان الحق الاتوبيس اللي هسافر بيه اسكندريه و اول م اوصل هطمنك خلي بالك من تيتو ي ديجه و اي حاجه تحصل او محتجاها كلميني علي طول وف اي وقت من غير تفكير انتو اهم حاجه عندي
خديجه: روحي ي بنتي ربنا يوصلك بالسلامه
غزل: يارب ي ديجه
خديجه: طب خلي فهد يوصلك ي بنتي انا خايفه عليكي
غزل بجديه: لا ي ديجه انت عارفه اني مش بطلب من حد حاجه و انا موجوده اهو متخافيش عليا
غزل : باي ي تيتو
و غمزتلها و نزلت للاتوبيس
ركبت العربيه و طول الطريق تفكيرها من اول حادثه وفاة والديها وما مرت به في حياتها من مشاكل وصعاب و لاكن اتحدت نفسها انها عمرها م هتضعف ابدا ولا اي حاجه تكسرها تاني عشان جدتها و اختها
متعرفش ازاي الوقت عدي بالسرعه دي ازاي ولا يمكن تفكرها في همومها دامت وقت طويل ابتسمت علي جرحها و نزلت من العربيه أمام احد اكبر الفنادق فندق ( الأنصاري )في مدينه الاسكندريه( عروسه البحر 💙)
دخلت الفندق و سألت احد العاملات في الاستقبال عن مكتب المدير
غزل: لو سمحتي مكتب المدير فين
العامله: حضرتك عندك معاد
غزل: ايوه انا عندي مقابله شغل عن طلب سكرتريه
العامله: اه يفندم اتفضلي مكتب السكرتيرة فوق في الدور **
غزل: تمام شكرآ ممكن الشنطه دي تخليها هنا لحد م اخلص المقابله بس
العامله : حضرتك في اوض للاعاملات اللي منتقله من مدينه لمدينه اتفضلي روحي لعم علي هو هيفهم
ثم صاحت عم علي
عم علي: ايوه ي بنتي
العامله: خد الانسه و فهمها
عم علي: تعالي ي بنتي
مشيت معاه
عم علي : هنا في اوض للعاملات اللي منتقله من مدينه لمدينه تانيه يعني تقدري تقعدي فيها
غزل بتوتر: بس انا لسه مستلمتش الشغل
عم علي : اهدي ي بنتي ان شاء الله هتتقبلي ده يزن باشا راجل طيب ومحترم جدا الشنطه هخليهالك هنا ولما تخلصي تعالي و انا هبقا موجود
غزل: شكرا ي عم علي
عم علي بطيبه: ربنا يفتحها في وشك يبنتي ويسهلك الحال
غزل: يارب استأذن انا
و طلعت عشان تروح مكان المقابله بس طلعت تلفونها و هيا طالعه و اتصلت علي جدتها
غزل: السلام عليكم ي ديجه
خديجه: و عليكم السلام طمنيني ي بنتي وصلتي
غزل: اه ي ديجه وصلت الحمدلله و نعمل المقابله اهو ادعيلي ي ديجه
خديجه: ربنا يفتحها في وشك ي بنتي
تاج بضجر:عاوزه اكلم غزل ي ناناه
خديجه: خدي ي بنتي اختك عاوزاكي
غزل: ادهاني ي ديجه
تاج: وحشتيني اوي ي غزل
غزل: وانت كمان ي تيتو ان شاء الله هخلص بسرعه و تيجي تقعدي معايا
تاج بطفوله:سلميلي علي البحر ي حبيبتي
غزل: حاضر ي روح قلبي يلا عشان هشتغل ادعيلي
تاج: ربنا معاكي
غزل: يارب ي حبيبتي باي
تاج : باي
كانت غزل وصلت لمكتب المدير وكان في بنات تانيه بتقدم بس شكلهم و لبسهم احسن منها لوجهه للفندق لانها محجبه و البنات اللي بتقدم بشعرها و لبسها عريان و ملفت بس قالت جوه نفسها لو اتقبلت كان بها لو لا يبقا ده قدر ربنا
كانت السكرتيرة المؤقته بتدخل كل بنت بالدور و جي دور البنت اللي قبل غزل بس كان لبسها ملفت جدآ و عريان تكاد تجزم انها لا ترتدي شئ يسترها
غزل في سرها: استغفر الله العظيم ربنا يهدي
في غرفه المدير دخلت البنت و صوت كعبها مسمع في كل الاوضه
دخلت و قعدت قدام المكتب
البنت بدلع: اتفضل ي فندم ده السي ڤي بتاعي
رفع يزن نظره ليها من اولها لاخرها وقال
يزن: تمام اتفضلي
البنت بدلع: حضرتك انا معملتش مقابله اتقبلت علي طول كدا ده تأثيري كبير بقا
يزن بجمود: اطلعي برا
البنت بصدمه: افندم
يزن: طلبك مرفوض برا
البنت بخبث: لو انت عاوز اي حاجه انا هعملهالك بس توافق علي شغلي
يزن بصوت جهري: انتي بني ادمه مقرفه و رخيصه برا
البنت عيطت جامد و طلعت تجري من الاوضه
كل ده و الصوت بدأ يعلي و البنت خارجه كدا اما نظر غزل اللي كان دورها بعدها مش هتنكر انها خافت من انه يعمل معاها كدا او يرفضها التوتر ذاد عندها و سمعت السكرتيرة
بتناديها
السكرتيرة: انسه غزل محمد اتفضلي
قامت غزل و التوتر كان واضح عليها بس حاولت اظهارها عكس ما بداخلها
دقت علي الباب و سمعت صوته بيقولها
يزن: ادخل
دخلت بخطوات هادئه و وقفت قدام المكتب
يزن رفع نظره لها لا ينكر انها لفتت انتباهه فهي عكس البت التي دخلت قبلها شتان فكانت لا تضع نقطه مكياج بوجهها و كانت محجبه
فكانت ترتدي

يزن يهدوء: اتفضلي اقعدي
غزل قعدت علي الكرسي قدامه و فضلت ساكته لا اتكلمت ولا ادته السي ڤي بتاعها
يزن استغرب بس لاحظ توترها
يزن: فين السي ڤي
غزل بتوتر: سوري بس اتوتر شويه اتفضل السي ڤي
يزن بهدوء: مفيش مشكله بس مش محتاجه توتر تحبي تشربي حاجه
غزل بهدوء: لا شكرا
يزن: تمام اتفضلي
غزل ببعض الثقه : اسمي غزل محمد الحديدي
24سنه متخرجه من كليه تجاره انجلش
بتقديرات
يزن : معاكي كام لغه
غزل: معايا اربع لغات انجلش و الماني و فرنساوي و تركي
يزن بأستغراب: اشمعنا تركي
غزل:هوايه
يزن : حضرتك عايشه في اسكندريه لا لا
غزل: لا انا عايشه في القاهره و جيت هنا شغل
يزن: تمام حضرتك اتقبلتي في الوظيفه و في هنا سكن للمغتربين تقدري تاخدي اوضه و هتستلمي الشغل من بكرا مني السكرتيرة هتفهمك نظام الشغل بكرا
غزل بسعاده واضحه : شكرا ي فندم و ان شاء الله مش هيبقي في اي تقصير في حاجه
يزن بأبتسامه: اتمني اتفضلي ي انسه غزل
قامت و خرجت وسط سعاده هادئه انها اتقبلت و دي اول خطوه في حياتها الجديده اللي اختارتها بأردتها
رجعت لعم علي
عم علي: خدي ي بنتي المفتاح
غزل بأستغراب: حضرتك عرفت منين إني اتقبلت
عم علي بطيبه: مش قولتلك ي بنتي استاذ يزن محترم و طيب و ابتسامتك واضح انك اتقبلتي
غزل: شكرا ي عم علي
خدت المفتاح و دخلت غرفتها اول حاجه عملتها كلمت جدتها و طمنتها انها اتقبلت في الشغل و حكت ليها علي كل اللي حصل من اول م و صلت لحد م دخلت الاوضه و جدتها اتمنت ليها حياه طيبه و ان الله يحافظ عليها ليها
قامت غزل غيرت هدومها و خدت دش و لبست بيجامه و قفلت علي نفسها الباب كويس و صلت فرضها و نامت
_______________________________
في بيت محمد الأنصاري..
*بيت دوبلكس ب روف
حنان بضيق: هو مش ناوي بقا يرجع يبات معانا هنا هو اي الشغل اكل عقله
محمد: ابنك راجل ادعيله ربنا يقويه
حنان: يعني انت فرحان انه بعيد عنك كدا
محمد: بعيد اي ي ست الكل م هو بيخلص الشغل و بيجي هنا يفضل لحد معاد النوم و بيمشي و مش بيفوت يوم غير و هو هنا سبيه بقا هو عارف هو بيعمل اي
حلم و هيا نازله من علي السلم
حلم: خناقه كل يوم اكيد ي ميدو صح
محمد: اكيد ي حبيبي
حلم: طبعآ م هو مفيش غيره اللي علي الحجر
حنان : اتلمي ي لمضه
حلم: صباح الخير ي حنونه ي قمر
حنان: صباح الخير يختي
حنان : امال فين مازن لسه مراحش الشغل
حلم: لا كنا بنتكلم امبارح و قالي انه واخد اجازه
محمد: ربنا يهديه و يصلح حاله امين يارب
حنان: امين يارب وا
حلم بقاطعه: راح المقابر يزور خالتي و جوزها و هيروح علي الفندق ل يزن
محمد بضحك: حفظتي😂
حلم بضحك: طبعآ ي ميدو دي اسأله كل يوم لازم احفظ عشان اجاوب و انجح 😂😂
حنان: طب اجري ي فالحه صحي مازن عشان يفطر معانا
حلم: قالي لو صحتيني بكرا من النوم هقطع وشك
حنان:اي هقطع وشك دي
حلم: بيئه هنعمله اي
حنان: احترمي نفسك ي حيوانه اخوكي الكبير
حلم بهزار: اهو ده عيب الصغير في اي بيت مصري حقه مهدور
محمد: ده انت اخر العنقود ي قمري
حلم بهزار: شالله يخليك يارب يا رافع روحي المعنويه ديمآ😂💙
حنان: اهو حبو في بعض زي كل يوم و انا مرارتي تتفقع
حلم: اي ي حنون بتغيري مني ولا اي ده انا زي بنتك يعني
حنان و هيا بتقوم و طالعه علي السلم
حنان: يا شيخه اتلهي
و طلعت عشان تصحي مازن يفطر معاهم
دخلت عليه الاوضه
حنان: نفسي مره ادخل اوضتك القيها نضيفه زي اخوك
مازن و هو نايم ومغطي وشه: و هو اخويا بيقعد فيها زيي
حنان: و انبي علي اساس انه مكنش موجود ديما م هو ديما موجود و انت اللي معفن
مازن بضحك: في دي معاكي حق ي ست الكل 😂😂
حنان: اي اللي منيمك لحد دلوقتي
مازن: مصدقت اترحمت من ابنك الله يسامحه نافخني في الشغل هو البغل التاني حرام عليا انام شويه مستكراهم عليا انتي كمان يا ست الكل
حنان:قوم ي صايع عليا انا الكلام ده يلا عشان نفطر
مازن: الفطار جاهز
حنان: اه يلا قوم غير هدومك وانزل
مازن: خلاص عشر دقايق و نزل وراكي
حنان : ماشي يبني ربنا يهديكم
و نزلت و مازن غير هدومه و نزل وراها و فطر معاهم و نزل لأصحابه يقعد معاهم شويه
____________________________
في القاهره في بيت غزل..
فهد بغضب: ازاي يعني ي تيته تسمحيلها انها تسافر لوحدها لا وكمان هتفضل هناك
خديجه: من امتا و غزل حد بيمشي كلامه عليها و بعدين هيا مش صغيره هيا عارفه مصلحتها فين كويس و انا و اثقه فيها
فهد: و انا واثق فيها اكتر من نفسي بس مش واثق في الناس
تاج بغضب طفولي : اولا غزل مش صغيره ممكن تخليك في حالك بقا
ثانيآ انتي جي هنا تعمل اي
**تاج صغيره في السن بس عقلها بيستوعب اي حاجه و بتهتم ب اختها جدا و بتحس بيها و هيا عارفه انها مبقتش تحب فهد يجي عندهم ولا يقرب منها
فهد: اي ي تيتو مش عاوزاني اجي اشوفك ولا اي
تاج: هو انت جي عشاني اصلا
فهد: طبعا جي اشوفك انتي و تيته
تاج: شكرا ليك ي فهد
فهد لجدته: انا مش هعدي الموضوع ده خالص مش هسيبها تعيش لوحدها في مكان بعيد عنك انا مطمن عليها و هيا معاكي
خديجه بقوه : لو قربت منها و سمعت منها انها بس اتضايقت منك متتخيلش انا هعمل فيك اي
فهد: انتي خايفه عليها مني ي تيته
خديجه: كل واحد عارف هو عمل اي و بيعمل اي ي فهد ف سبها ف حالها و شوف حالك بعيد عنها
فهد بضيق: انا ماشي
سلام عليكم
و خرج في ضيق
___________________________
في الاسكندريه في الفندق..
بالأخص في مكتب يزن
دخل يحيي عليه من غير استأذان
يزن بأبتسامه:مش هتتغير ابدا
يحيي بضحك: تعرف عني كدا
يزن: ابدا اعرف انك مش متربي بس
يحيي بضحك :يعجبني فيك انك حافظني
يزن: اي اللي حدفك عليا
يحيي بضحك : في وفد سياحي روسي هينزل عندنا في الفندق بس اي عنب
يزن: و انا بقول برضو المجيه دي انا حافظها
يحيي: اي يبني مش بفهمك
يزن: علي شغلك ي حيوان
يحيي: هو انا مكتوب علي وشي تهزيق
يزن: اكتر وحياتك
يحيي: طب بجد بقا عملت اي ف موضوع السكرتيرة
يزن: اه اتقبلت انسه انهارده و هتبتدي الشغل بكرا
يحيي بشقاوه: حلوه
يزن: انا هعد لتلاته لو ما اختفتش من قدامي هتشوف وش يزن الأنصاري بجد
يحيي بسرعه: لا و علي اي محتاج حاجه ي بيبي
يزن: برا ي حيوان
يحيي و هو خارج: طب ي حبيبي عاوز حاجه سلام
و جري علي الباب و خرج
__________________________
بعد انتهاء الشغل في الفندق
يزن دخل اوضته في الفندق و غير البدله
و لبس ده و نزل
و رجع البيت علي معاد الغدا..
الجرس رن
حنان : اجي افتحي الباب اكيد اخوكي
حلم: حاضر
و راحت تفتح الباب لقت فعلا يزن
نطتت فب حضنه بطفوله
حلم: وحشتني ي ابيه
يزن: و انتي كمان وحشتيني ي حبيبتي
يحيي : ممكن العشق الممنوع ده يتعمل جوا عشان عاوز ادخل
حلم: ديمآ كدا هادم اللذات و مفرق الجامعات
يزن: أقف و انت ساكت ي حيوان
حلم بفرحه : مفيش غيرك بياخدلي حقي منهم ربنا بخليك ليا ي ابيه
يزن بهمس: نحترم نفسنا بقا عشان احنا بناخد حقنا تالت و متلت و لا انتي ليكي رأي تاني
حلم بخجل: هو في رأي بعد رأيك ي ابيه اتفضل يلا الاكل جاهز
يحيي: فينك ي مازن مرارتي اتفقعت و عاوز اضرب حد
مازن من وراه: هو انت مش بتقدر علي الحمار تقدر علي البردعه
يحيي بصوت عالي : تقصد ان يزن حمار ي مازن
مازن كتم بوقه: اكتم الله يخربيتك هينفخنا انا و انت ف ساعه واحده
يحيي بضحك: طب ادخلي ي حلوه ياللي بتخافي😂😂
مازن: اسم الله عليك ڤان ديزل يلا
يحيي: هتكلم ولا اسخنه عليك و اقوله علي البت سالي
مازن كتم بوقه : الله يخرب بيتك هتودينا في داهيه اسكت اسكت ادخل خلي اليوم يعدي علي خير
دخل الاتنين و كان يزن و حلم و حنان و محمد قاعدين علي السفره
يزن: ازاي صحتك ي بابا انهارده
محمد: بخير يبني انت عامل اي ف الشغل
يزن: الحمدلله ي بابا كل حاجه كويسه و الشغل ماشي زي الفل
محمد: انا عارف ان الحمل عليك بقالك كتير بس غصب عني يبني معلش انا عارف انك راجل وبتستحمل
يزن: عيب ي بابا تقول كدا انا تحت امرك في اي حاجه ربنا يخليك لينا يا حبيبي
محمد: و يخليكم ليا يبني
اكل الجميع و قعده في الصاله
حنان: قومي اعملي قهوه لاخوكي و يحيي ي حلم
حلم : حاضر ي ماما و دخلت تعمل القهوه في المطبخ
و يحيي دخل المطبخ يجيب مايه
دخل المطبخ و جاب مايه من التلاجه
يحيي برخامه: عاوزها قهوه فرنساوي ي كابوس
حلم: انت بني ادم مستفز قولت ليك الف مره مبحبش الكلمه دي
يحيي بضحك: ليه ي كوكو
حلم : يوووه
وبتصب القهوه بعصبيه ادلقت علي ايديها
حلم بدموع: يح يح ايدي اي
يحيي بخوف: حصلك اي وريني
خد ايديها وحطها تحت المياه
يحيي : اهدي الحمدلله مش كبيره
حلم: منك لله انت السبب
يحيي بضحك: هو اي حاجه انا
حلم : اسكت بقا اسكت
وعيطت
يحيي بحنان: اهدي خلاص انا اسف
وراح جاب مرهم للحروق من الدرج و قعد يحط علي ايديها بحنيه و هيا دموعها مش بتقف
باس دماغها قولتلك خلاص معلش يستي انا اسف و عشان اصالحك هعمل انا القهوه
حلم: بجد
يحيي: اه اقعدي انتي بس و استريحي
عمل يحي القهوه و هيا فضلت بصاله و هو بيعمل القهوه ويتحرك في المطبخ و تضحك عليه
انتهي اليوم و رجع يزن للفندق و دخل اوضته اللي في الفندق
و غير هدومه و نام و صحي تاني يوم الساعه ٦ و نص صباحآ غير هدومه لبدله سوداء انيقه و وقف يشرب قوته زي م اتعود قدام شباك اوضته شافها قاعده قدام البحر و سرحانه فيه كأنه بتحكيله علي اللي جواها
سرح فيها شويه و خلص قهوته مرحبا بعدين راح علي مكتبه لقاها قاعده علي المكتب مع مني و بتفهمها نظام الشغل اي
و فهمتها و مشيت و هيا ابتدت شغلها
عدي اول ساعات عليه بخير لحد م جت نزيله عشان تقدم شكوي من الفندق
النزيله: لو سمحتي ي انسه عاوزه اقابل استاذ يزن
بصت ليها غزل من فوق لتحت في استغراب واضح فكانت ترتدي مايوه قطعتين فقط و ترتدي عليهم كاش مايوه لا يستر اي شئ فكان شفاف وبعدين اتكلمت
غزل: عندك معاد ي انسه
النزيله : لا شكوي من الفندق
غزل : اي شكوة حضرتك
النزيله : لا لازم اتكلم مع يزن بيه
غزل: تمام ي فندم ثواني
و خبطت و دخلت المكتب ليزن
غزل: استاذ يزن في نزيله في الفندق عاوزه تقابل حضرتك بتقول عاوزه تقدم شكوي من الفندق
يزن: اسمعها انتي واعرفي شكوتها وبلغيني
غزل بتوتر: مصره علي حضرتك ي فندم حاولت معاها و الله
يزن: ماشي ي غزل دخليها
خرجت و سمحت للنزيله انها تدخل
النزيله: هاي
يزن بثبات: اتفضلي ي انسه اي الشكوى بتاعتك
النزيله بدلع: ينفع ي استاذ يزن يبقا في مواد تحرق البشره في البول
يزن بثقه فهو فهم مبتغاها كلم غزل
يزن : غزل تعالي عاوزك
غزل: حاضر ي فندم
ودخلت المكتب
غزل : ايوه ي فندم
يزن: خدي الانسه عندك وافهمي منها شكوتها بظبط و حليها
غزل : تمام ي فندم اتفضلي ي انسه
النزيله بغيظ: تمام
النزيله بمياعه: اتشرفت بمعرفتك جدا ي يزن
وخرجت مع غزل اللي كانت نفسها تجبها من شعرها علي المياعه وقله الادب اللي فيها
غزل بداخلها : اي يختي البلاوي دي 😂😂
يزن كان متابع نظراتها للبنت ويبتسم بداخله علي تصرفاتها
بعد نص ساعه دخلت غزل بطلب من يزن
غزل: نعم ي فندم
يزن: ممكن بلاش فندم دي عادي ممكن يبقا اسمي يزن عادي
غزل: مينفعش ي فندم
يزن: برضو
غزل: حضرتك كنت محتاج حاجه
يزن: عملتي اي مع النزيله و مشكلتها
غزل بغيظ وتسرع: مشكله اي دي مياعه و قله ادب بتقول ان في مواد في البول بتتفاعل مع الشمس وبتحرق بشرتها
يزن بضحك علي اسلوبها و انها فعلا معاها حق
يزن: اي بنت تجي وتطلب منك اننا نتقابل فهميها اني في اجتماع واعرفي منها طلبها او مشكلتها و بلغيني انتي
غزل بخجل من تسرعها:تمام انا اسفه ي فندم والله مكنش قصدي
يزن بضحك: مش محتاجه اسف ي غزل انتي معاكي حق جدولي في اي انهارده
غزل: حضرتك عندك كمان نص ساعه اجتماع مع الاداره
يزن : خلصي جهزي نفسك عشان هتحضري معايا
غزل: تمام ي فندم
________________________
في الاسكندريه ولاكن بمكان اخر جديد..
نور: ي بابا انا نفسي افهم ليه مانعني من اني اشوفها
الاب بغضب: هو كدا ومن غير كلام كتير كلامي يتنفذ
نور بفضول: وانبي ي ماما فهميني هو ليه بيتعامل كدا اول م تيجي سيرتها
الام: ربنا يهديه ي بنتي ويصفي قلبه و يفوق من غفلته
نور: بس انا عاوزه اشوفها ده من حقي
الاب بصوت عالي : ده اخر مره هنتكلم في الموضوع ده الكلام يتنفذ من غير اي جدال
وسابهم ودخل اوضته
وسابها وسط تفكيرها ف اللي بيحصل واستغربت من تعامل ابوها بالشكل ده
و هنااا البارت الاول خلص من روايه حافة الهاويه 💚🧚♀️ي قمرات اتمني روايتي الجديده تعجبكم و عاوزه تفاعل علي البارت و فوت كتر و كومنتات و عاوزه رأيكم في الروايه الجديده
يزن💚
غزل وتيتو 🫂
مازن 😂😍
يحيي💙
حلم💣
فهد🤬
خديجه💞
محمد و حنان💜
نور وعليتها🎬
بحبكم ي بسكوتاتي🤤💙روايه_حافة_الهاويه_بقلمي_أميره_احمد💚🧚♀️
تعليقات
إرسال تعليق