رواية زوجتي العمياء المقدمه والفصل الاول والتاني

🌺🌷 رواية زوجتي العمياء🌷🌺

المقدمه والفصل الاول والتاني

🌺🌷🌺🌷🌺🌷🌺🌷🌺🌷🌺

مريم فارس الصياد

هى فتاة شديدة البرأة والنقاء والطيبه تتمتع بقدر عالى من الجمال حيث الجسد الممشوق والشعر الاسود الممزوج بالبنى طويل ولديها عينان رماديتان تحيطها الرموش الكثيفة محبوبه من الجميع ولديها صديقة واحدة وهى رهف الصياد ابنة عمها ذات حسب ونسب فهى ابنة عائلة الصياد أكبر عائلات الصعيد ومع ذلك فهى عمياء فقد فقدت بصرها منذ كانت فى العاشرة وكذلك يتيمة الابوين ولديها اخوين يحبونها كثيراً تبلغ 23من عمرها خريجة سياسة واقتصاد فعجزها لم يمنعها عن تحقيق ما تريد

=============

جاسر صالح الصياد

شاب قاصى لا يعرف الرحمة يخاف منه الجميع ولكن أمام والده تذهب كل هذه القوه ولا يستطيع أن يرفض له طلب ذو عين حاده وبشره برنزية وشعر بنى يمتزج بالاصفر قصير عيناه حاده كالصقر والزيتونيه اللون فاره الطول لديه جسد معضل مثل التماثيل الاغريقيه يحب عائلته جداً المكونه من والده والدتة واخته يبلغ من العمر32عاما خريج كلية الهندسة ولديه مجموعة خاصة من الشركات فهو عقليه اقتصادية فزة حيث هذه من أهم صفات عائلة الصياد الذكاء الحاد والعقلية الاقتصادية الفزه

===============

مروان فارس الصياد

قاصى وبارد ولكن مع الجميع أما مع عائلته فهو

شئ آخر فهو يحب عائلته جداً يخاف منه الجميع

و لا يرفض لجده كلمه له فهو من رباه منذ أن ولد حتى يبث داخلة صفات عائلة الصياد وصلابتهم فهو سيصبح كبير عائلة الصياد فى المستقبل لديه شعر بنى وعين حاده كالصقر ذات لون العسلى وجسد رياضى وطول فاره خريج كلية الهندسة يدير كل أعمال عائلة الصياد من شركات الصياد وأراضي ومزارع كذلك يبلغ32عاما

==============

رهف منصور الصياد

فتاه رقيقه بريئة ابنة عم مريم وصديقتها الوحيده وخطيبة مروان ذات شعر بنى طويل وعيون سوداء واسعة تحيطها رموش كثيفة ولديها غمازات ذات

جسد ممشوق قصيرة القامة تحب مروان جداً وهو

كذلك يعشقها فهى حبيبته منذ الطفولة ولكنها

صاخبة قليلاً وحادة اللسان خريجة السن تبلغ

23عاماً

==============

مهاب الشناوى

صديق جاسر منذ الطفوله وابن خالة جاسر ربته خالته بعد وفاة والدته يتميز بالشعر الاسود والبشره البرونزيه وعيناه الحاده كالصقر ذات اللون الاسود

لديه جسد معضل ذو شخصية قويه وصلبه شريك جاسر فى العمل حيث يملك نسبة فى الشركات خريج كلية الهندسة

==============

سلمى صالح الصياد

فتاه جميله جداً تحمل ملامح البرأه ذات وجه مستدير وشفاه مكتنزه ذات عيون خضراء مثل أخيها قصيرة القامة جسدها متناسق وممشوق طيبة ومرحه جدا تحب عائلتها جداً خريجة فنون جميله قسم ديكور عندها25

===============

شريف القاضى

صديق جاسر ومهاب او يدعى ذلك ولكنه فى حقيقة الامر يكرههم كثيراً فهو يشعر بالغيرة منهم حيث يملكون كل شئ وهو ليس لديه شئ فعمل على تدمير حياة جاسر وتخريبها وسرقة أمواله ذو عين بنيه وبشره برونزية وشعر بنى

==============

كامليا الكيلانى

حبيبة جاسر يحبها كثيراً او هكذا يظن اما هى شخصية متملقه تحب المال وتحب الصعود فوق أكتاف الآخرين فتقربت من جاسر حتى تحصل على المال وتكون سيدة مجتمع كما تحلم ان تكون دائما فهل يتحقق حلمها وتحصل تلك الشخصية الجشعه على ما تريد

🌺🌺🌺🌺🌺🌺🌺🌺🌺🌺🌺🌺

الفصل الاول

بعد مرور اسبوع فى قصر صالح الصياد

استعد هو وأسرته ومعهم مهاب للذهاب إلى الصعيد تحت فضول وتوتر الجميع فهم يريدون معرفة ماذا يريد ذلك العجوز بعد كل هذه السنوات فهم لم يقابلوه من قبل ركب الجميع السيارات وساروا خلف بعضهم ومعهم الحراسه الخاصة بهم وما هى الا دقائق حتى خرجوا على الطريق السريع فى طريقهم

لمحافظة قنا بعد مرور عدة ساعات وصلوا أخيراً

إلى وجهتهم وهى قرية نجع حمادى ذات الشهرة

الواسعه دخلوا القرية واستمروا فى السير بالسيارات

حتى وصلوا إلى قصر كبير جدا يمتاز بالكلاسيكيه والرقى كان يحيطة الحرس من كل جانب اصيبوا الجميع بالدهشة فقد ظنوا انه منزل بسيط متهالك ماعدا شخص واحد وهو صالح الذى يعرف كل تفصيله فى المنزل فهو قد ولد به توجه إلى حرس البوابه وقال

صالح:الحاج مهران موجود

الحارس:ايوه موجود نقوله مين حضرتك؟

صالح بهدوء:قوله صالح الصياد ولده

الحارس بتهليل:سى صالح يا أهلاً وسهلاً نورت ياسى صالح افتح البوبات يا ولد وابعت حد لسيدك

الحاج مهران قوله ولدك الغايب رجع يلا

نظر صالح لأسرته وقال

صالح :يلا بينا

سلمى بتسأل:بابا هو انت متأكد ان ده البيت

صالح بحده:اه يا سلمى هو ده البيت هو أنا هتوه عنه يعنى انا اتولدت هنا وعشت شبابى كله هنا

تدخل جاسر فى الحديث مهدئا والده

جاسر:سلمى ما تقصدش حاجه يا بابا بس بصراحه ما كناش متوقعين ان شكل البيت كده خالص احنا كنا فكرين ان هو بيت بسيط ما كناش متوقعين كده

خالص ده اكبر من بتنا

صالح :طيب يلا بينا بقى

وبالفعل دخل صالح وعائلته مع الحارس وجلسوا فى المضيفه الخاصة بالقصر وانتظروا عدة دقائق حتى حضر الحاج مهران ومعه إبنه منصور... جلس الحاج مهران على الكنبه الكبيره ومقابله أبنائه واحفاده صمت طويل ساد على المكان فقطعه منصور

حتى يخفف من حدة التوتر باللهجه الصعيدي

منصور:كيفك يا خوى عامل ايه ليك وحشة والله

صالح :أنا كويس جداً يامنصور بس قولى أنت عامل إيه ازاى أحوالك يا منصور أنت وفارس عايز تحكولى كل حاجه فتتنى أنت فاهم ما تفوت حاجه

منصور:أنا اتجوزت أمال بنت عمك وخلفت منها بنتى رهف عندها 23 سنه وفارس اتجوز بنت عيلة

السيوفى وماتت بعد جوازه منها بسنتين فى حادثه وبعد كده فارس اتجوز سهيله وخلف منها مروان عنده 31 سنه وخطيب بنتى ومريم عندها23سنه وبعد عمرا طويل ان شاء الله مروان هو هيبقى كبير عيلة الصياد بعد أبوك إحنا ربناه على كده

صالح بأستغراب:طب هو فين فارس مش شايفه يعنى وازاى مروان هو اللى هيبقى الكبير فى وجودك أنت وفارس

إجابة عن كلام صالح تحدث الحاج مهران مجيبا

الحاج مهران :فارس مات اخوك مات... مات بسببك

أنت مات هو ومرته من غير ذنب وساب ولادهم

صالح وقد شحب وجهه:مات إزاى فهمنى يا بوى.. وأنا السبب إزاى.. أنا ما عملتش حاجة

الحاج مهران:الكلام ده مش وقته كل واحد هيعرف اللى ليه واللى عليه بس لوحدنا لأن لو الكلام اتفتح

هيجرح ناس ما لهاش ذنب روحوا استريحوا دلوقتى

وبعدين هنبقى نتحاسبو

نهض الحاج مهران متكأ على عصاه تارك ولداه و وزوجة ولده واحفاده وساد صمت تام

سلمى:بابا هو فيه إيه جدو ماله وبيتهمك بموت عمى فارس ليه أنا مش فاهمة حاجة

جاسر بعصبيه :هو جايبك لغاية هنا عشان يقولك كده عشان يقطمك بالكلام ده

منصور:أهدى يا بنى ابوى ما يقصدش الكلام إللى قاله ده

صالح بحزن:لا كان يقصد يا منصور.. الكلام ده عشان يخلينى احس بالذنب على إللى عملته وانى صغرته قدام الناس بس فارس اتجوزها إزاى يعملوا فيه

كده ويقتلوا هو ما كنش ليه ذنب فى أى حاجه

منصور بهدوء:ما حدش كان ليه ذنب فى أى حاجه ده قدر ومكتوب.. روح انت وعيلتك استريحوا دلوقت

وأنا هبعتلكم حد على الغداء يندهلكم

==============================

صعد منصور مع أخيه صالح حتى يريهم غرفهم

وأثناء ذلك كانت رهف تنزل على السلم ورأتهم

ولكن ما جعلها تتسمر مكانها هو رؤية جاسر فهو

ذلك الشخص فى أحلام مريم انه هو كما وصفته

مريم وكما رسمته هى بيدها فأقتربت من والدها

وحدثته عن من هم هؤلاء الأشخاص

رهف بتسأول:بابا هو فيه إيه ومين دول

منصور مربت على كتفها:ده عمك صالح ودول يبقوا مرات عمك صفيه ودول ولاد عمك (أشار على جاسر وهو الذى كانت تريد تحديد هويته) ده ابن

عمك جاسر (أشار على سلمى) ودى سلمى بنت

عمك تقريباً فى سنك (أشار على مهاب) وده مهاب

يبقى ابن اخت مرات عمك صفيه

رهف بأستغراب :وهو إيه اللى جابهم هنا مش جدى كان مقاطهم أنا مش فاهمة حاجة

منصور بقوه:هو اه كان مقاطهم بس دلوقتى ابوى عايز إبنه جاره وكمان يتمتع بشوفة احفاده كفايه بعد

بقى ومش عايز أسمعك بتقولى الكلام ده تانى مفهوم

رهف بخوف:مم مفهوم يا بابا (ثم بعد ذلك رقدت صاعده السلم واخذت تصيح بأسم مريم) مريم

يا مريم مريم

جاسر بأستغراب:إيه ده مجنونه دى ولا إيه

سلمى وهى تمط فى شفتها:مش عارفة كل إللى فى البيت ده غريبين بصراحة

مهاب بسخريه:يا ختى حد غيرك يتكلم ده أنتى لسعه زييها

جاسر ضاحكا:ههههههه عندك حق والله يامهاب.... بس يلا بقى عشان أنا هموت وأنام

صعد الجميع إلى حيث وجههم منصور واخذوا قسط من الراحه حتى وقت الغداء

=================================

نعود لرهف التى كانت تصعد على السلم وتصرخ

كالمجنونه بأسم مريم حتى وصلت إلى غرفتها وفتحت بابها بعنف فصدم مقدمة رأس مريم بالخطأ

مما أصابها بجرح صغير فى رأسها بالخطأ فتأوهت متألمه من الضربه

مريم بألم:اه مش تخلى بالك يارهف الله

رهف بقلق:أنا أسفه يا مريم ما كنتش أقصد والله

هى وجعاكى طيب اجيبلك دكتور

مريم :ما تخفيش يا رهف أنا كويسه بس ممكن تقوليلى بتنادى عليا وفتحتى الباب زى التور الهايج

كده ليه ها

رهف بلهفة :اصل أنتى ما شوفتيش اللى انا شوفته

عارفه الشاب إللى انتى وصفتيهولى من أسبوع

مريم بأستغراب:اه ماله إيه إللى فكرك بيه دلوقتى ده موضع وعدى أنا ما بفكرش فيه

رهف:موضوع وعدى إيه بس ده طلع ابن عمك صالح وموجود هنا أنتى عارفه ده معناه إيه

مريم بدهشه:معناه إيه أنا مش فاهمة وموجود هنا إزاى احكي يا رهف

رهف:ده أبن عمك صالح واسمه جاسر كمان وحلمك بيه ووجوده هنا ده إشارة شكله كده

هيبقى قدرك ونصيبك يا مريم

مريم بحزن:قدرى ونصيبى إيه يا رهف هو فيه حد هيقبل انه يربط حياته بوحده عاميه بردوا وبعدين عمى صالح إيه اللى جابه هنا هو مش جدى كان مقاطعه إيه اللى جابه هنا بعد كل السنين دى

رهف بشرود:ما عرفش بس أكيد كلوا هيعرف

مفيش حاجة بتستخبى

نسيبهم بقى شويه ونروح عند مروان

=================================

كان مروان يقابل شخص ما ويحدثه عن قاضيه موت والديه فهو قد وظف شركة تحقيقات لكى

تبحث فى موت والديه

مروان:اسمع يا شهاب أنت لازم توصل للقاتل فى أسرع وقت انت مش كل شويه هتقولى لسه بدور

على القاتل القاتل معروف انه من عيلة السيوفى

أنت بس إللى مش عارف تشوف شغلك وتحدد هو

مين فقول من الاول إنك مش قد المهمه عشان

اشوف حد غيرك

شهاب بتبرير:يا مروان افهم عيلة السيوفى مش سهله امسك عليهم حاجه بس أنا خلاص قربت

اوصل للقاتل وبدليل كمان أنا شاكك انه توفيق

اخو مرات أبوك الله يرحمها

مروان:على العموم أنا هستنى يا شهاب بس خليك

فاهم انا صبري قرب ينفذ يلا سلام

رحل مروان متوجه لمنزله

=================================

فى مكان آخر بالتحديد بالقاهرة

فى إحدى الشقق التى تمتاز بالرقى والرفاهيه والديكور العصرى كانت كاميليا هناك مع ذلك الشخص المجهول يفعلون ما حرمه الله من فواحش نهض

ذلك الشخص وهو يرتدى شورت لحد الرقبه وحدثها

المجهول:أنا عايز افهم انتي وصلتى معاه لحد فين

كاميليا:هو مش بيرفض اى طلب ليا كل اوامرى مجابه أنت ناسى الفلوس إللى طلبتها من أسبوع

وبردوا عطهالى جاسر زى الخاتم فى صباعى خلاص

المجهول:بردوا ما تتغريش جاسر لو كشف علاقتنا هنروح فى داهية وكمان طول ما علاقتك بيه ما تطورتش لخطوبه حتى يبقى أنتى ما عملتيش حاجه

حاولى تستعجلى وتخليه يخطبك

نهضت كاميليا من على السرير وهى تلف الشرشف حولها تقدمت من ذلك المجهول واحتضنته من الخلف وتحدثت بمياعه

كاميليا :ما تخافش يا حبيبى جاسر جاى جاى

التف إليها المجهول وتحدث بضحك

المجهول :أموت أنا فى الواثق

نتركهم معا يفعلون ما حرمه الله وهى من اكبر كبائره

=================================

فى قصر الصياد

كان يجلس الجميع على السفرة وينتظرون مروان ومريم لكى يأتوا لتناول الطعام كانت مريم تنزل من

على السلم لتناول وهى ترتدى بلوزه من اللون الأحمر على بنطال من اللون الأبيض كانت مثل

الملاك هى تنزل برقه من على السلم كانت تتحسس ما حولها فتوجهت أنظار الجميع اتجاهها

وما ان وقعت أنظار جاسر عاليها حتى انبهر بجمالها

ولكن ما أن رأى طريقة سيرها حتى أدرك أنها عاميه

وكذلك تذكر حبه لكامليا ذلك الوهم الذى يعيش به

تحدث الحاج مهران بسعاده وحنان لم يراها صالح

من قبل ولكن اعتاد عليها الجميع

الحاج مهران:تعالى يا مريم تعالى يا حبيبة جدك اقعدي جنبى

رهف بأبتسامه:إيه يا جدو هو حلاص طالما جت مريم يبقى إحنا خلاص مالناش أهمية

مريم بصوتها العذب الذى عزف على أوتار قلب جاسر والذى بدأ يتسلل إلى سناياه دون أن يشعر

مريم بأبتسامه:إيه يا رهف انتى هتبصى فى رزقى ولا إيه خليكى فى حالك الواحد مش ناقص حسد كفايه إللى أنا فيه

رهف:ماشى ياستى بس ابقى خلى جدو يرمى علينا

نفحه من حبه ليكى مش كل حاجة تبقى لمريم يعنى

الحاج مهران:وهو انى ليا حد غير مريم حبيبة جدها

أثناء حديثهم دخل مروان فحدثه جده

الحاج مهران بحده:كنت فين يا مروان وبتعمل ايه لحد دلوقتى بره

مروان بكدب:هكون بعمل ايه يعنى يا جد كنت بشوف الشغل والحسابات

الحاج مهران بعصبيه :أنت كداب يا مروان أنت ما كنتش فى شغل ولا حاجه

مروان بهدوؤ:وطالما أنت عارف أنا كنت بعمل إيه يبقى بتسأل ليه يا جدى وعلى العموم أنا عارف انك بترقبنى من زمان كمان

الحاج مهران بحده:طب ينفع اعرف بترمى نفسك فى النار ليه يا ابن فارس انت عارف خطورة اللعب بالدم ولا لأ

مروان بعصبيه:اه عارف كويس ده وعارف كمان انى مش هسيب حق أبويا وامى اللى ماتوا غدر على ايد

ابن السيوفى ولو طولت ان ابيد العيله دى كلها

هعملها يا جدى وسلسال الدم اللى انت بتتكلم

عنه ده هما اللى فتحوه من زمان مش إحنا

رحل مروان فى ظل غضبه الجامح الذى اخاف الجميع عليه

مريم بعد فهم:هو فيه إيه يا جدى

الحاج مهران بقوه:اخوكى فتح سلسال دم مالوش اخر(ثم وجه حديثه لصالح) وعشان كده يا صالح إبنك لازم يتجوز مريم

جمله واحده فقط أدخلت الجميع فى صدمه و اولهم جاسر الذى لم يتوقع هذا فى أحلامه فهو يعتقد انه

يحب كاميليا ولا يريد الزواج بغيرها وكذلك لا يمكنه

الزواج بعمياء مهما حدث فهى لا تصلح للزواج ولكن

إذا تمت هذه الزيجه وهو على يقين أنها ستتم سيذيقها العذاب الوان وهذا عهده لنفسه

توقعتكم

مين هو المجهول؟

وهل قاتل اهل مريم ومروان من عيلة السيوفى؟

هل سيتم زواج مريم وجاسر؟

ماذا سوف يكون رد فعل كاميليا اذا علمت بزواج جاسر؟

🌺🌷🌺🌷🌺🌷🌺🌷🌺🌷🌺🌷🌺

الفصل التاني

فى أحد قصور محافظة أسيوط

كان هناك قصر كبير مزخرف بنقوش أوربية دقيقه فهو على الطراز الاوربى الكلاسيكي يمتاز بالرقى الشديد والثراء الفاحش يدل على غنى أصحابه فهم عائلة الصياد الشهيرة ملوك الصعيد وأكبر عائلاته كان يجلس الحاج مهران كبير العائلة ذلك الرجل الذى يتميز بالقسوة والحسم مع الجميع الا أبنائه واحفاده ولكن إذا لزم الأمر يقسو عليهم لمصلحتهم كان يجلس على رأس طاولة الطعام مع ابنه منصور وزجته امال ويتحدثون فيما بينهم منتظرين الاحفاد

الحاج مهران: منصور يا ولدى عايزك تتصل بأخوك صالح قوله أبوك عايز يشوف

منصور بتنهيده:أنت لسه يا بوى مصر على اللى فى دماغك يا بوى اللى بيدور فى دماغك ده خايف منه قوى

الحاج مهران :ما تخافش يا ولدى أنا عارف أنا بعمل إيه صوح أنا عايز اطمن على مريم قبل ما موت

منصور بلهفه :بعيد الشر عنك يا بوى ما تقولش أكده إحنا ما نقدرش نعيش من غيرك طب شوف

حد غير ولد صالح اللى ما نعرفش أخلاقه عامله إيه

الحاج مهران:ده أجل ولا بد منه يا ولدى وكلنا هندوقه أنت عارف يا ولدى ان اى حد اتقدم لها

كان طمعان خاصة بعد موزعت الثروة على العيال

وبقت تملك تلت ثروتى هى لوحدها والتلتين

التانيين لفارس ورهف

منصور:أنت مش شايف يا بوى إنك ظلمت صالح

بالتقسيمه دى

الحاج مهران وهو يدب عصاه على الأرض :أنى ما ظلمت حد أخوك هو اللى ظلم نفسه لما قرر يصغرنى قدام الناس ويسيب بت السيوفى قبل

فرحهم بشهر ويروح يتجوز الاجنبيه دى يبقى

ظلم نفسه ولولا أخوك خد مكانه كانت سمعتنا

على كل لسان وولاد السيوفى كانوا دوروا القتل فى

العيله كله ويبقى سلسال دم ما له آخر بس ماتت

صغيره الله يرحمها وبعدها اخوك اتجوز من مصر

أنا اى نعم كنت ضد جوازكم من بره البلد بس سكت

عشان هو ضحى بحاله عشان ينقذ أخوه وبعدها خلفوا مروان ومريم أحلى حاجة فى حياتى وخاصة

مريم اللى الحادثة خدت نظرها وبقت كفيفه وأبوها وأمها ماتوا وانا هى لستها بت عشر سنين يبقى مين اللى ظلم مين يا ولدى هو إللى ظلم حاله بس أنى برضك مش ظالم أنا كتبتله 100مليون على جنيه ليه وحده

منصور بدموع لا تنزل أمام أى كان:ياه يا بوى بقى كل ده فى قلبك وانت ساكت (ثم مسك يد ابوه وقبلها بحب) عارف يا بوى إحنا من غيرك ولا حاجة

الحاج مهران بضحك:كتر خيرك يا ولدى بس امسح دموعك دى بدل ما حد يشوفك ويبقى شكلك عفش تبقى فضيحة فى البلد كبير عيلة الصياد المستقبلى عم يبكى هههههه

منصور:كبير إيه يا بوى أنا فيا نفس مروان ان شاء الله هو الكبير من بعدك إحنا ربناه وكبرناه على كده

الحاج مهران :صحيح إحنا كبرناه على كده بس ده ما يمنعش إنك أنت هتبقى الكبير

أثناء حديثهم نزل شاب وسيم زو شعر بنى وعينان عسليه يسير نحوهم بخطواته الرزينه الواثقه تظهر

عليه ملامح الهيبه والوقار أجل يا ساده أنه مروان فارس الصياد أحد أبطال قصتنا وصل إلى جده فقبل

يده وبعده قبل رأسه

مروان:صباح الخير يا جدى

الحاج مهران:إسمها صباح الخير برضك يا مروان ولا

شكلك اتعودت على عيشة مصر يا ولد فارس

مروان متنحنح:أنا أسف ياجدى السلام عليكم

الحاج مهران:وعليكم السلام ورحمة الله وبركاته يا ولدى أقعد مرت عمك قربيت تجيب الوكل (جلس

فارس أمام عمه وجوار جده) إلا قولى يا مروان اخبار

الشغل إيه معاك

مروان:كله تمام الحمدلله والشغل ماشى كويس اى نعم فى شركات منافسه بس مش فى نفس قوتنا

بس فى شركة هى إللى يتحذر منها فعلاً بس على

مين

الحاج مهران بأهتمام:واسمها إيه الشركة دى عاد

مروان:إسمها المهران جروب وطلعت بتاعت واحد اسمو صالح وابنه هو اللى بيديرها إسمه جاسر

منصور بتوتر:إسمه جاسر صالح مهران يا مروان

مروان بأستغراب:أنت تعرفه يا عمى ولا إيه

بالطبع لم يأتى فى بال مروان ان هذه المجموعة هى ملك عمه العاصى فهم لم يذكروا إسمه فى المنزل

منذ ترك عروسه وغادر وكذلك كان والد مروان وعمه

منصور يذكرون إسمه أمامهم فى مواقف قليله تكاد

تعد على الأيدي فنسى ذلك تماماً

فى ذلك الوقت نزلت مريم فكانت فى غاية الجمال سبحان من صورها فهى ذات شعر أسود يتخلله

اللون البنى وعينان روماديه تحيطها رموش كثيفه

وبشرتها شديدة البياض مع حمره خفيفه على الخد

زادتها جمالاً ولكن مع ذلك تشعر بالنقص بسبب

عجزها ذهبت فى اتجاه طاولة الطعام والقت التحيه

ثم توجهت ناحية كرسيها ولكن وجدت أحد يجلس

عليه فقد كان مروان يجلس مكانها

الحاج مهران بصرامة :قوم يا مروان قوم يا ولد أنى مش قولت ممنوع اى حد يقعد على الكرسى دى

غير مريم ليه ما بتسمعوا الكلام لا أنت ولا رهف

مروان بدهشه:فيه إيه يا جدى كل ده عشان قعدت على كرسى ده اومال لو كنت قعدت مكانك كنت

عملت إيه كنت قتلتنى

الحاج مهران:تقعد مكانى لع لع ده انت لسانك طول وعايز قصه كمان يلا روح اتلقح مكانك وخلى حبيبة

قلب جدها تقعد مكانها أصل بحبها جارى بتفتح نفسى بقى نعملوا إيه

مريم بأبتسامه:بس مش معقول يبقى كل يوم نفس

الموال يا مع مروان يا مع رهف المفروض كل واحد يتعلم يقعد فى مكانه بقى وملوش دعوه بمكان

غيره مش صح يا جدو

الحاج مهران:صح يا عيون جدو أومال فين رهف ما نزلتش ليه لغاية دلوقت عاد

مريم بضحك :هههههه رهف لو جبل وقع فوق دماغها مش هتصحى انتوا عرفينها كويس خميرة

نوم دى بتحب النوم اكتر من أى حاجه

منصور بضحك:طالعه ل مها بتحب النوم زيها كتلة نوم متحركه

جائه صوت من خلفه جعله يفزع

أمال:هى مين دى اللى كتلة نوم متحركه يا منصور

الحاج مهران بضحك:ههههه جالك الموت يا تارك الصلاة اشرب عاد يا ولدى ههههههههه

منصور:أنا بتكلم على بتتك يا حبيبتى مش على حد تانى

أمال:امممم احسب كنت بتتكلم عن حد تانى

وبعد الإنتهاء من الضحك والمزاح شرعت العائله فى

تناول الطعام ثم ذهب كل واحد إلى اشغاله واعماله

================================

فى القاهرة

فى احدى القصور الكبيره ذات التصميم العصرى

والثراء الفاحش نجد عائلة صالح الصياد كلا منهم

يستعد لتناول الإفطار والذهاب إلى العمل كان صالح

يجلس على رأس الطاولة وعلى يمينه زوجته صفيه وبجوارها ابن اختها وعلى يساره ابنته سلمى وكانوا

يتناولون الطعام ويتحدثون فيما بينهم

صالح:صفيه جهزى نفسك انتى والولاد عشان هنروح الصعيد اخر الاسبوع

صفيه بدهشه:نروح الصعيد ده انت عمرك ما عملتها يا صالح من سنين وجاى دلوقتى تقول يلا هنروح أنت خوفتنى هو فيه حاجة حصلت لا سمح الله

صالح بتنهيده:لا مفيش حاجة بس أخويا منصور اتصل بيا وقالى أبوك عايز يشوفك أنت وعيلتك

صفيه بتوتر:مع انى خايف اقابلة بس اهم حاجة انك تكون سعيد وفرحان وأنا عارفه والدك وحشك قد إيه وان أنت نفسك تشوفه

صالح بحب:أنا متشكر أوى إنك قبلتى تيجى معايا هناك أنا عارف ان أنت صعبان عليكى لما رفض جوازنا بس أنا صغرته قدام الناس كلها ويا عالم

إيه اللى حصل بعد ما أنا ما مشيت بس تعرفى باباو

فارس ومنصور وحشونى قوى ياترى بقى شكلهم عامل إزاى بعد ما كبروا فى السن أنتى عارفه ان جاسر فيه شبه كبير من بابا وهو صغير

تحدثت سلمى مقاطعه والدها

سلمى:على كده بقى يابابا أنتى ترتيبك إيه وسط أخواتك

صالح بأبتسامه:أنا يا ستى كنت الكبير بس تقدرى تقولى فى شهادة الميلاد بس كنت مستهتر ومش بتحمل مسئوليه وكمان بتاع بنات لحد ما جت

أمك وغيرتنى شالت من كل الصفات الوحشه و

عززت فيا صفات عيلة الصياد

سلمى بمرح:دى ماما بقى جامده ان هى تشيل منك حبك للبنات والاستهتار وتخليك تكتفى بيها

هى بس وكما تدبس فى جوازه

صفيه بحزم مزيف:بنت عيب كده بقى انا تدبيسة يا سلمى ماشى حسابنا بعدين

سلمى:وأحلى تدبيسة يا صفصف يا عسل أنتى

أثناء حديثهم ومزاحهم المعتاد هبط بطل قصتنا جاسر صالح الصياد ذو العين الزيتونيه والشعر

البنى والجسد الرياضى ينزل على السلم فى ثقه

هيبه متحدث فى هاتفه

جاسر:مع السلامة يا حبيبتي نص ساعه وأكون عندك يلا سلام صباح الخير يا جماعه

الجميع :صباح النور

صفيه :يلا يا جاسر يا حبيبى تعالى افطر معانا

جاسر:لا يا ماما أنا هفطر مع كاميليا أنتى عرفانى بفطر معاها على طول

صالح بحده:انت لسه ما سبتش البنت دى البنت دى بتستغلك انت وفلوسك وكمان تصرفاتها ولبسها مش كويس أنت عايز تفضحنا قدام الناس

جاسر:بابا لو سمحت دى حياتى وده اختياري وأنا بحب كاميليا وهفضل أحبها سواء اقتنعت بده

أو لأ فأنا هخطبها

صالح :بالزمه دى تنفع ام لولادك ولا حتى زوجه ليك بس احب اقولك إنك هتندم على معرفتك بيها لما وشها الحقيقى يبان قدامك وكمان لما تدخل الإنسانه إللى حبك ليها هيكون حقيقى حياتك

بس أنا مش هتدخل انا هخلى الايام تثبت ليك ده

جاسر:وعلى ما الآيام تثبت ده سبنى اعيش حياتى زى ما أنا عايز اعيشها

صالح :أعمل حسابك إحنا هنسافر الصعيد الأسبوع

الجاى

جاسر :ماشى سلام

ثم رحل جاسر إلى وجته حيث معتاد على لقاء كاميليا

=================================

عند مريم

أخذت مريم رهف وصعدت إلى جناحها واخذوا

يتحدثون فيما بينهم ويسلون أوقاتهم ولكن

فتحت مريم ذلك الحديث المعتاد عن الحلم الذى

يراوضها والتى تتحدث عليه مع رهف

مريم:مش حلمت بيه تانى يا رهف وشه ظهر المره دى كان شكله وسيم جداً وحلو وقلى خلاص أنا جاى قريب ليكى يا مريم بس أستنى واصبري

رهف:مش عارفه أقولك إيه يا مريم بس طالما بتحلمى بيه وكمان قالك المره دى أنه جاى يبقى

شكله موجود فى الحقيقة ودى علامات بصى أنتى

اوصفيه وأنا هرسمه أنتى عارفه ان أنا رسامه شاطره

مريم:بصى يا ستى هو كان(اخذت مريم توصف ملامح ذلك الشخص ورهف ترسم ما تمليه عليها

من مواصفات حتى اكتملت الرسمه و توضحت معالمه المجهوله)

مريم:ها يا رهف اللوحة خلصت

رهف بأستغراب:اه يا مريم خلصت بس غريبة الملامح اللى أنتى قولتى عليها شبه جدى بس ممذوجه بملامح تانيه ميكس غريب خلق هيئة حلوة وجميلة لأبعد الحدود يا مريم

مريم بشرود:طالما بتقولى شبه جدى يبقى حلو اصل جدو وسيم جداً بس ياترى حقيقى وموجود فى الحياه ولا مجرد أوهام بكرا الأيام هتثبت

=================================

عند كاميليا

كانت تجلس على احدى طاولات المطعم وتتحدث فى الهاتف بمياعه وتضحك بخلاعه

كاميليا:انت عارف يا حبيبى ان قربى لجاسر الصياد بهدف واحد بس أنى احصل على فلوسه وسلطته

مش اكتر واحقق احلامى

الطرف الاخر:بس خلى باللك ياقلبى جاسر الصياد مش سهل ولا حتى مهاب ابن خالته

كاميليا بضحكه خليعه:هههههه أنت مش عارف مين هى كاميليا ولا إيه ده أنا اوديهم البحر وارجعهم عطشانين عيلة الصياد دى

الطرف الآخر :المهم دلوقتى هتيجى بالليل ولا لأ عشان نعيد أمجادنا

كاميليا:ههههه يا شقى وبالليل ليه دلوقتى حالا بس أخلص من سى زفت وبعد كده اكون عندك يا قلبى

يلا سلام بقى عشان المغفل جه

وصل جاسر إلى الطاولة التى تجلس عليها كاميليا

وقبلها من وجنتها

جاسر: صباح الخير يا حبيبتى عامله إيه

كاميليا:أنا كويسه المهم اخبارك ايه وأخبار مامتك وباباك إيه وكمان سلمى عامله إيه

جاسر:كلهم بخير اخبار مامتك إيه لسه زى ما هى تعبانه بردوا

كاميليا بحزن زائف:اه لسه ده غير أن المرض بيشتد

عليها أكتر أنت عارف الكانسر مصاريفه كتيره وأنا

مش معايا اكفى علاجها

جاسر:كاميليا بصى أنا هبعتلك فلوس النهارده عشان تقدرى تصرفي على مرض مامتك وكمان

اى حاجه تحتاجيها قوليلى عليها

كاميليا بتمنع:لا يا جاسر أنا كده بتقل عليك ومش هقدر اخد منك الفلوس دى أنا حاسه نفسى عاله

عليك مش هقدر اخدهم

جاسر: لا ما تقوليش كده والفلوس هتخديها أنتى هتبقى مراتى وأم عيالى يعنى مفيش فرق بينا

كاميليا بدلال:أنا مش عارفه اقولك إيه بجد ربنا يخليك ليا يا حبيبي انت مش عارف انا بحبك

اد إيه

جاسر بحب:وأنا كمان بحبك جداً المهم أنا وبابا وماما وسلمى هنروح الصعيد الأسبوع الجاى وهتوحشينى

جداً والفترة اللى هتعدى عليا وأنا هناك هتبقى كأنها

سنه فى بعدك

كاميليا بأستغراب:وايه اللى يخليكوا تروحوا الصعيد

جاسر بتنهيده:جدى يا ستى عمى منصور اتصل بأبويا وقله تعالى ابوك عايز يشوفك انت وعيالك

كاميليا بشرود:طب وهو إيه إللى فكروا بيكوا دلوقتى

اممم ربنا يستر أنا قلبى مش مطمن

يتبع

ياترى مهران عايز إيه من إبنه صالح؟

ومين اللى ظهر فى الصور إللى رسمتها رهف وفقاً

لوصف مريم؟

كاميليا كانت بتكلم مين؟

توقاعتكم

وارائكم