expr:class='data:blog.languageDirection' expr:data-id='data:blog.blogId'>

وقعت في حب عاجز البارت التالت والرابع

  


🌺🌷🌺البارت الثالث والرابع🌺


🌺🌷🌷وقعت في حب عاجز 🌹🌷


🌺🌺🌺🌺🌺🌺🌺🌺🌺🌺🌺


وقفنا البارت اللي فات لما لما قنر طلبت من احمد تطلع ل رعد و سناء وصلتها لرعد و طلبت من رعد تتكلم معاه يلا بينا نكمل 


رعد.... اتفضلي اتكلمي 


قمر.... احم اولا انا مش متجوزاك شفقه او طمع في فلوسك انا متجوزاك بس علشان خاطر بابا احمد ولما حضرتك تقوم بالسلامه هنتطلق و حضرتك عارف ان جوزنا هيكون صوري علي ورق يعني و الفتره اللي هنقعدها مع بعض هيكون في بينا حدود 


رعد.... خلصتي 


قمر باحراج.... ايوه 


رعد... طب خليهم يطلعو علشان نكتب الكتاب و كل اللي قلتيه هيتنفذ يا ستي 


قمر في نفسها.... بابا عنده حق ده طيب جدا وقمور وحاجه كده اجنبي ويلهوي علي شكله والبدله جامده عليه (كان لابس قميص ابيض والبدله لونها رصاصي) 


رعد.... قمر قمر انتي معايا 


قمر... ها كنت بتقول حاجه 


رعد.... اه خليهم يطلعو علشان نكتب الكتاب 


قمر.... محدش هيطلع احنا اللي هننزل 


رعد بعدم فهم..... ده اللي هوو ازاي معلش 


قمر.... عادي خالص هنادي حد من الخدم يساعدني وهنزلك انت بقالك 6سنين في نفس الاوضه مزهقتش 


رعد..... تمم، لا مش زهقت لاني بحب الوحده 


قمر بضحك... ليه بس يا عسل ده انا هبقي جمبك وهخليك تنسي اللي انت فيه 


احمد من الخلف.... ها يا ولاد خلصتو كلام 


قمر بابتسامه.... ايوه يا بابا ويلا نادي حد يساعدني انزل رعد 


وبالفعل رعد نزل تحت لاول مره من 6 سنين و تمم كتب الكتاب واصبحت قمر حرم رعد الشاذلي واتفقو هيعملو الفرح كمان اسبوعين رغم رفض رعد بس وافق بعد اصرار والده و قمر هتفضل مع رعد لحد معاد الفرح بما انهم متجوزين اصلا 


رعد.... ممكن تساعديني اطلع للجناح بتاعي 


قمر... تؤتؤ احنا هنقعد هنا وبتشاور علي غرفه الضيوف 


رعد.... وده ليه ان شاءالله 


قمر.... ببساطه لاني مش هسيبك تقعد لوحدك وهبدأ من بكره ان شاءالله اعملك نظام غذائي وهساعدك في العلاج الطبيعي 


رعد.... اوووف تمم 


قمر بضحك.... بتكلم مع ابن اختي انا هههههه 


رعد بضحك..... هههه شكلك دمك خفيف اووي 


قمر وهيا بتزق الكرسي و رايحه الاوضه..... اكيد طبعاً يا باشا 


رعد.... يخربيت التواضع 


في الغرفه 


---------- 


قمر..... هااا يا رعد ناقصك حاجه 


رعد... لا طبعا ده انتي غطتيني واكلتيني وشربتيني لبن ولا كاني ابنك 


قمر..... انت امانه عندي ولازم احافظ عليك انا دلوقتي هنام علي الكنبه و لو احتجت حاجه صحيني انا كده كده نومي خفيف 


رعد.... طب مش المفروض انك مراتي لازم تنامي جمبي 


قمر... احم حضرتك نسيت انه جواز علي ورق بس ومينفعش انام جمبك 


رعد.... اه صح اسف، عندي سؤال هو بعد ما عيلتك مشيت وبابا عرفك علي عيلتي ليه مقلعتيش الحجاب 


قمر.... مينفعش اقلعه بسبب وجود ابن عمك وعمك 


رعد..... طب وانا هتفضلي قاعده قدامي كده 


قمر بخجل... هاا لا هقلعه وبالفعل قلعت قمر الححاب وفردت شعرها الاحمر الطويل 


رعد بتوهان.... انتي ازاي حلوه كده، ده انا شكلي هخلي الحواز حقيقي 


قمر و وجهها اصبح مثل الفراوله..... بعد اذنك كده عيب وميصحش 


رعد بتفهم.... اسف مكنش قصدي بس انتي بسم الله ماشاء الله اسم علي مسمي 


قمر... شكرا، ويلا ننام الوقت اتأخر 


رعد..... تصبحي على خير 


قمر..... وانت من اهل الجنه 


عدي الاسبوع الاول وقمر منشغله بعلاج رعد الطبيعي وكل يوم تخده الجنينه وتدربه يوجاا وتهتم بصحته و رعد اتعلق بيها جامد قد ايه هيا طيبه وهاديه وبتستحمله حتي لما بيغضب وبيتعصب ولو فضل يدور علي حد شبها مش هيلاقي ونفسه الجواز بتاعه يبقي حقيقي مش علي ورق ايوه يا جماعه رعد حب قمر مش حبها بس ده ادمنها ادمن برائتها وضحكتها و كل حاجه فيها 


قبل الفرح ب 3ايام 


الاسره متجمعه علي الغدا


------------------


احمد... ها يا قمر هتروحي تجيبي فستان الفرح امتي 


قمر... احم معرفش لسه يا بابا 


احمد.... خليها انهارده تمم، هتاخدي حد معاكي 


قمر... حاضر، ايوه هاخد رعد ومي صحبتي 


رعد... هاجي معاكي ازاي يعني؟ 


قمر... ذي الناس و علشان نجيب بدله ليك 


رعد.... لا روحي انتي و صحبتك ولو علي البدله عندي بدل كتير اوووي 


قمر بحزن.... تمم يا رعد براحتك اكملت وهيا بتقوم الحمد لله شبعت وبعدين طلعت الجنينه 


احمد لرعد.... شفت اهي زعلت وبعدين فيها ايه لو رحت معاها دي مراتك 


رعد.... بابا انا فاهم اللي حضرتك كويس بس مش هينفع بالحاله دي 


ميرا.... خلاص يا عمي مش تضغط عليه وسيبه براحته 


محمد.... ميرا متدخليش انتي عمك بيكلم ابنه وانتي عارفه قوانين البيت ده محدش يدخل في تربيت التاني ولا في حاجه تخصه انتي فاهمه 


ميرا.... ايوه يا بابا بس 


هدي.... مفيش بس اسمعي الكلام واسكتي 


احمد.... خلاص يا جماعه حصل خير، وبالنسبه ليك يا رعد هتروح مع مراتك وادم هيروح معاكم علشان لو حصل حاجه 


رعد.... حاضر يا والدي 


احمد... روح راضي مراتك يلا 


وبالفعل رعد خرج وراح للجنينه لقي قمر قاعده علي المرجيحه وبتعيط وفضل يشتم نفسه علشان هو السبب في حزنها 


رعد.... احم قمر 


قمر بابتسامه تحاول اخفاء دموعها.... نعم يا رعد 


رعد..... تمم هنروح سوا بس متزعليش 


قمر بفرحه.. بجد يا رعد وقامت حضناه جامد 


رعد بتوهان.... بجد يا قلب رعد 


انتفضت اثر امساكه من خصرها وقربها منه جدا 


قمر بارتباك من قربه..... ااا ابعد 


رعد بتوهان واحساس اول مره يجربه معها 


قمر انتى حلوه اوي وقالها وهو يمررر يده على وجهها ويده التانيه على خصرها وعيونه مركزه على شفتاها


قمر برعشه تسرى فى جسدها فهى لا تنكر انها اعجبت به 


قمر... وهيا بتحاول تفلت منه ابعد كده غلط 


رعد.... ا اسف




وانا كمان اسفه علي التاخير +شكرا على دعمكم القمر




يتبع 


بقلميSarahmahmoud 


ŸÄŚÖÖ MÄȞMÖŮĐ


البارت الرابع


وقعت في حب عاجز 🥺♥ 


قمر محاوله تغير الموضوع طب يلا علشان تاخد العلاج ونروح نجيب الفستان 


رعد..... تمم يلا 


بعد ساعه 


--------- 


ادم.... وصلنا يا شباب 


قمر... تمم واهي مي واقفه هناك 


نزل كل من رعد وادم و قمر وذهبوا للمكان التي تقف فيه مي 


مي...... قمورتي اللي وحشتني 


قمر بضحك.... انتي اكتر وبتحضنها 


مي.... بطلي محن بقاا اله 


قمر.... بس يا كلب البحر، نسيت اعرفك ده ادم ابن عم رعد 


مي.... اهلا 


ادم ببرود.... اهلا 


رعد... تمم يلا ندخل 


في اتليه الفساتين 


--------------


قمر وكانت ترتدي فستان... ايه رأيك يا رعد 


رعد.... لا ده ضيق 


قمر.... طب وده 


رعد..... قصير 


قمر.... طب وده 


رعد..... لا ضيق من فوق 


قمر..... اووووف مفيش حاجه عجبتك خالص 


رعد.... لا انتي حلوه في كلهم وكده الناس هتبص عليكي 


مي بضحك.... اوبااااا لا ده انت شكلك واقع اووووي 


رعد.... الصراحه ايوه، انا حبت قمر 


قمر بعدم تركيز..... شكرا 


مي وهيا بتخبطها.... انتي هبله ده بيقولك بحبك 


قمر بصدمه... هاا ب بتحبيني انت بتهزر 


رعد بضحك.... لا والله مش بهزر انا بجد اتعلقت بيكي وحبيتك 


قمر بخجل.... وانا كمان 


رعد.... وانتي كمان ايه 


قمر.... ملكش دعوه هههه 


ادم.. مش يلا ولا ايه 


مي بهمس.... ده شكله نكدي 


ادم... سمعتك علي فكره 


مي.... ما تسمع اعملك ايه يعني 


قمر.... طب اهنو فستان طيب 


رعد..... ده يا قمر شكله حلو 


قمر.... اشطااات هجيبه 


في محل بدل 


---------


قمر..... دي هتبقي حلوه عليك 


رعد.... تمم هجبها 


بعد ما خلصو ابطالنا الشوبينج بتاعهم روحو البيت ومن تعبهم كل واحد راح في نوم عميق 


تاني يوم


--------- 


هدي : هناء يا هناء (المسئوله عن المطبخ) 


هناء : نعم يست هدي


هدي: يلا حطى الاكل على السفرة زمانهم صحيوا 


هناء : حاضر 


حطت هناء الاكل على السفرة و احمد و محمد وادم و ميرا نزلم كلهم وقعدوا 


هدي : امال فين رعد و قمر


احمد : اهى قمر بنتى نزلت اهى 


هدي : تعالى يبنتى افطرى يلا 


قمر: حاضر يا طنط


محمد : صباح الخير يا عروستنا 


قمر : صباح الخير يا عمي


قمر : صباح الخير يا بابا 


احمد : صباح الخير يبنتى وكذلك ادم و ميرا 


ميرا كانت مدايقه اوى من تصرفات العيله مع قمر 


ادم.... اومال فين رعد 


قمر... هو تعبان شويه ف مش رديت اصحيه 


هدي.... تمم يلا علشان نبدأ نجهز علشان الفرح بكره 


احمد.... انا حجزت الفندق 


محمد.... وانا دعيت الناس 


ادم.... وانا هشرف علي التحضرات 


هدي... وانا كلمت عيله قمر علشان يجو يقضو اليوم هنا 


قمر.... ليه كل ده انتم كده بتتعبو نفسكم 


ميرا... مانتي مش متعوده تعيشي في المستوي ده علشان كده مش عارفه حاجه 


قمر و بتحاول تسيطر على نفسها.... انا بحب البساطه يا ميرا ولا اكتر ولا اقل وبعدين استاذنت تطلع تشوف رعد 


في جناح رعد


-----------


دخلت قمر الغرفه وفضلت تبكي جامد اووي علي كرهه ميرا ليها وتصرفتها اللي بتاذيها من اول ما دخلت البيت ده 


رعد بنوم... مالك يا قمر 


قمر وبتمسح دموعها.... مفيش حاجه 


رعد.... ممكن اتكلم معاكي شويه 


قمر... تمم بس تعاله ننزل الاول وتفطر في الجنينة ونتكلم شويه 


رعد.... فكرة حلوه 


قمر.... تمم جهز نفسك انت وانا هنزل اجهز ليك الفطار 


رعد... اوك بس بلاش تجيبي ليا لبن انا مش طفل صغير 


قمر.... هههه حاضر يا رعد بيه حاجه تانيه 


رعد.... لا يا قلب رعد 


قمر بخجل.... كده عيب وسبته ومشيت 


في المطبخ 


----------


قمر.... طنط هناء طنط هناء 


هناء.... نعم يا بنتي 


قمر.... ممكن معلش تجيبي ليا الحاجات دي لاني مش عارفه مكانها 


هناء.... من عيني يا حبيبتي، بس ليه 


قمر.... تسلمي عينك يا جميل، هجهز الفطار ل رعد 


هناء.... طب ما اجهزه انا 


ميرا من الخلف..... معلش يا هناء اصل هيا متعوده علي شغل الخدامين ف هتاخد وقت علشان تتعود علينا 


قمر.... اولا مش اسمهم خدامين اسمهم الناس اللي بتساعدنا وبتحافظ علي حاجاتنا، ثانيا بقااا انا بحب اعمل كل حاجه بنفسي وخصوصا لو لحد بحبه 


ميراا.... يعني عاوزه تفهميني انك بتحبي رعد 


قمر...... لا مش بحبه انا بعشقه وبعشق كل تفاصيله 


ميراا...يعني مش بتحبيه علشان فلوسه 


قمر.... الفلوس مش كل حاجه وبعدين انا مش ذي ناس كده قالتها قمر وهيا بتبص ل ميرا جامد وقامت مكمله تحضير الفطار 


هناء... بجد رعد محظوظ انك مراته ربنا يحميكم ويهنيكم يا رب 


قمر بابتسامه.... يا رب 


بعد فتره 


--------


قمر بمرح..... رعد رعودي 


رعد بضحك.... هو انتي بتنادي علي ابن اختك ولا ايه ههههه 


قمر بحزن.... يا ريته كان معانا 


رعد بعدم فهم.... قصدك ايه 


قمر.... كان عندي اخت اكبر مني ب10سنين كان وقتها انا عندي 17 سنه وهيا 27 وكانت متجوزه وعندها طفل عنده 7 سنين جوزها كان ظابط شاطر قوووي وفي الوقت ده كان بيطارد مافيا و في يوم كنا متجمعين في الملاهي انا وهيا وجوزها وبابا وماما 


فلاش باك🖤🥀 


قمر... يا جماعه انا هروح اجيب ايس كريم اجبلكم معايا 


الجميع.... تمم 


لورا (اخت قمر)..... بقولك يا حبيبي شيكو عاوز يركب المرجيحه دي 


يونس(جوز لورا)..... امممم شيكو برده اللي عاوز يركبها ولا مامت شيكو 


لورا بدلع.... الصراحة اه مامت شيكو هيا اللي عاوزه 


يونس.... يا حبيبتي انتي كبيره ولازم تبقي عاقله كده مش طفله 


لورا بحزن.... قصدك ايه انا مجنونه يعني وطفله 


يونس بحب.... تؤتؤ انا اللي مجنون بحبك وانتي طفلتي ديما 


قاطعهم صوت قمر 


قمر... بلاش محن ونبي بطني بتقلب منه 


يونس.... غوري يا بت من هنا جتك القرف 


قمر.... والله هزعلك ياض واضربك ومش هديك من الايس كريم 


لورا بضحك.... خلاص انتي وهو عاملين ذي الناقر ونقير كده ليه هههه 


مازن.... اومال فين شيكو حبيب جدو 


يونس.... اهو بيلعب كوره وبيبص ملقاش حد 


لورا بخضه.... شريف فين ده كان هنا 


يونس... اتفرقو ندور عليه 


بعد يومين من البحث عن شريف اللي مليش ليه اثر تلفون يونس رن 


يونس بحزن... الوو 


الشخص.... لو عاوز ابن عايش تعاله العنوان ده 


يونس بخوف وغضب في نفس الوقت..... انت مين وابني فين الوو الوو 


الشخص... سلام يا حضرت المقدم 


باك 


رعد.... وبعدين ايه اللي حصل 


قمر بدموع.... الشخص ده غدر ب يونس ولما راح لقي شربف مدبوح و يونس انهار جامد اووي وبعدها بيومين بالظبط يونس كان رايح يزور شريف في المقابر وهو رايح العربيه بتعته عملت حادثه واتقلبت ومات فيها وبعديها عرفنا ان الحدثه دي مقصوده لورا مستحملتش موت ابنها الوحيد و حب عمرها ف انتحرت وفضلت قمر تعيط جامد اوى 


رعد بحزن وهو بياخد قمر في حضنه.... معلش يا قلبي ربنا يرحمهم ويغفر لهم يا رب خلاص متبكيش تاني وبعدين خلاص عدي كده 8 سنين علي وفاتهم لازم تنسي لانك لو عيشتي في الماضي هتتعبي واكمل مغيرا الموضوع وبعدين ايه ده انتي جايه تنكدي عليا قبل فرحي ب كام ساعه ده انا هنفخك بس لما نتجوز 


قمر بضحك و بتمسح دموعها.... اله مش جوزي و لازم تستحملني 


رعد..... بحبك 


قمر ب صدمه.... ايه 


رعد.... ايوه بحبك والله من اول مره شفتك فيها كمان ونفسي تكوني مراتي قولا وفعلا 


قمر بخجل... انا هروح اساعد ماما وطنط هدي ودخلت الفيلا بسرعه 


قبل الفرح بقليل في الفندق 


رعد : النهارده فرحي يجدعاان 


ادم بضحك: عايز كله يبقى تمام 


رعد: هيصاا عندناا فرح هيصاا


هدي بدموع: مبروك يا حبيبي عشت وشفتك عريس 


رعدوهو يقبل يد هدي: الله يبارك فيك يا حبيبتي بلاش دموع ماشي 


هدي : ماشي يحبيبي 


عند قمر 


-------


سندس بدموع.... مبروك يا قلب ماما 


احمد... الف الف مبروك يا قلب ابوكي واخدها في حضنه 


مي.... العريس وصل يا جدعان لوووووووولي 


ادم بصرامه ارعبت مي..... تعرفي تسكتي خالص وبعدين ايه اللي انتي لبساه ده فستان ده ولا قميص نوم 


مي بخوف... وانت مالك يا اخ انت 


ادم بعصبيه.... لا مالي ونص وقام شدها من ايديها و دخلوه اوضه تانيه 


خلص البارت اسفه علي التاخير بس كنت مشغوله وكده +ايه اللي هيحصل ل مي البارت الجاي ويا تري الفرحه هتكمل قولو ليا توقعاتكم بسرعه❤🖇


يتبع 


بقلمي Sarah mahmoud 


ŸÄŚÖÖ MÄȞMÖŮĐ

تعليقات



CLOSE ADS
CLOSE ADS
close