نبدا على بركة الله بقصة جديدة بعنوان
🌹وردة 🌹
الحلقة 01🌹بقلم_انصاف🌹
ورده الحلقه الاولى بقلم انصاف حصريه وجديده على مدونة النجم المتوهج
انا اسمي وردة سماني بابا على اسم الفنانة وردة الجزائرية كان بحب اغنيها ولحد الان يسمعهم
بابا انسان عاطفي وحنين بزاف
نوصف شكلي انا طفلة عمري الحالي 27سنة شعري متوسط الطول لونو اسود بيضة البشرة طولي 1٫70 ضعيفة نوزن 50 كيلو من واش شفت واش فات عليا عينيا بني كستنائي كبار مشفرين وناعسين يبانو هادئين لكن داخلهم نار وانكسار كبير وحزن ملامح وجهي طفولية شفتي عادية نيفي صغير عندي غمازة في خد واحد كيف تشفوني تقولو طفلة هادئة ناعمة كيوت لكن من داخلي جرح مستحيل نبرى منو طول حياتي نزيد نعرفكم بعائلة بابا اسمو بوجمعة عمرو 68 سنة كان يخدم في وزين وخرج تقاعد ماعندوش بزاف وماما اسمها بهيجة ماكثة في البيت عندي خاوتي زوج دراري ياسين هو الكبير متزوج عندو طفلة وزوج دراري خويا التاني اسمو عاطف متزوج عندو طفلة وطفل ونجي انا الثالثة وبعدي زوج بنات رندة وايمان هوما تاني متزوجين وعندهم طفل طفل وبعدهم يجي الصغير اسمو انور هذا لقريب ليا بزاف تقول ولدي ماشي خويا اما الاعمام عندي 4 اعمام و3 عمات بابا هو الوسكاني جدي متوفي اما جداتي مزالها عايشة مع عمي الكبير كامل متجورين عماتي كاين لمتزوجة قريبة وكاين لبعيد وتقريبا خوالي يسكنو في نفس المدينة قريبة لينا تاني وماما وبابا ولاد عم المهم حكايتي بدات من كان عمري 10 سنين هذا السن لتسرقت فيه طفولتي من شياطين الانس حطموني خلوني نعيش كابوس يبقى معايا طول حياتي خلاولي جروح في روحي وفي جسمي وفي قلب ابي لتقهر عليا قريب مات مننساش هذاك النهار لتغير فيه مسار حياتي كنت راح نشري من حانوت كان الحانوت بعيد شويا لازم نمشي بين الديار حتى نوصل عندو كان وقت الربيع كنت نقرا سنة الخامسة نهار هذاك ماقريتش في العشية
بعثوني رحت نشري كانت قريب السعتين كنت نقفز بالحبل ونغني في الطريق كنت نمشي فرحانة سمعت صوت يمشي ورايا حبست ودرت
تابعووووووني
تعليقات
إرسال تعليق