اللعوب البارت الاول الفناااامسعوداااان حصريه وجديده
🌺👈 يلا يا هناء استعجلي بناتك كدا هنتاخر ... تدخل هناء اوضة بناتها جوري ونورهان : انتي لسه بتلبسي ياجورى يلا باباكي مستنيكم سيبك من المرايه شويه يا قلب ماما ... انتي قمر لواحدك من غير ميكب الشباب هتتجنن عليكي ...!!
جوري تضحك ضحكة غرور وكبرياء وتقول : لازم يتجننوا هو فيه حد في الدنيا في جمالي ولا شياكتي وبعد ما تخلص تقرب من امها وتقول : وحياتك يا مامتي لما بمشي بالشارع او بدخل الجامعه الناس بتأكلني بعنيها هههههه ... وتبوس امها وتاخد كتب الجامعه وتخرج ...!!
هاني : ايه يا جوري كل ده بتلبسي ...؟
وفين اختك التانيه ... ؟
يلا يا نورهان : لحظه يا بابا بحط كتبي في الشنطه عشان عندي درس مع مستر حلمي
هناء : شدي حيلك يا نورهان وهاتي مجموع عشان تدخلي ثانويه عامه وتطلعي دكتوره نورهان : تخلص وتبوس امها وهي خارجه : لا انا هطلع راقصة باليه يا ماما
هناء : رقاصة ايه يا بت ... ؟! دول الدكاتره بيكسبوا كتير اوي وانتي عاوزه ترقصي باليه يا خايبه يلا يلا الوقت اتأخر
تخرج نورهان وتنزل مع جوري يركبوا عربية باباهم ال شكلها يادوب ماسكه نفسها وهما راكبين تبص جوري وتقول : بابا بعد اذنك متنزلنيش قدام باب الجامعه شكلي وحش اوي وانا راكبه عربيه زي دي
باباها : معلش يا جوري هانم العربيه مش قد المقام ما انتى لو بنت ناصحه ممكن نجيب بدل العربيه عشره حاجه تليق بيكي وبجمالك ...!!
جوري: ازاي بقا يا سي بابا عاوزني اعمل ايه يعني ...؟!
هاني : بنوته جميله زيك كده المفروض تلعب بعقول الرجاله الغنيه وتخلى اي حد يتمنى ليها الرضا هدايا فلوس لبس حاجات زي كده
جوري وهي مستغربه : ايه ده ياسي بابا ابيع نفسي يعني ...؟!
باباها : لا طبعا مقصدش كده ... شوقي ولا تدوقي يعني بصه ضحكه حلوه كلمتين حلوين شوية رغي وصحوبيه على حبة وعود وفي الاخر نقول النصيب غلاب فهمتي يا قلب بابا
بس طبعا بلاش الغرور والتعامل مع الناس كده لازم تشغلي دماغك هترتاحي وتريحينا من الفقر ده
تسكت جوري وتفكر في كلام ابوها
دا لو كده فيه ناس كتيره بتتمنى نظره مني او حتى كلمه وقعدت تفكر وتعد كل واحد ممكن يقدر يصرف عليها وعلى اهلها وقالت : انا مخدتش بالي او ركزت في مين معاه فلوس ومين لاء لاني مكنتش شايفه حد يستاهل ابص ليه في منطقتنا او الجامعه بس لازم فعلاً اشغل دماغي ...!!
ومقطعش تفكيرها غير صوت باباها بيقولها :: يلا انزلي يا جوري الجامعه على الناصيه اهه ولا اوصلك لحد الباب ...؟
جوري بسرعه : تؤ تؤ كده كويس يلا باي يا نورهان
تدخل جوري الجامعه تشوف صاحبتها الانتيم مي ورضوى دول اكتر اتنين اصحاب ليها تسلم عليهم وتقعد جمبهم في مدرج الجامعه
في نفس الوقت كان بيراقبها بعنيه ونظراته عليها
معتصم شاب متوسط الوسامه متوسط الطول من اسره على قدها يادوب بتاكل وتشرب بس.
معتصم كان بيشوف جوري وقلبه دقاته تذيد ويتوتر جداً والعرق يملا وشه لاحظ عليه صاحبه محمود اللي كان بيتكلم معاه وفجأه لقي معتصم سااااااااارح مع جوري ...
جوري ال كانت متعرفوش او حتى تاخد بالها منه او حتى مهتمه بوجوده اصلاً
محمود : ايه يابني انت كل ما تشوفها تتهبل كده عليها هههههههه ما تفوق يا عم بقا .
معتصم ال بيتغير كل حاجه فيه لما بيشوف جوري : بس يا محمود متعرفش انا بحبها قد ايه من اول ما شوفتها من السنه اللي فاتت
محمود بسخريه : طب ما تكلمها يا معتصم عرفها بحبك ده روح اتعرف عليها هتفضل كده كتير ...؟!
معتصم بخوف وتوتر : لا لا مقدرش مقدرش دي حاجه كبيره اوي بالنسبه ليا ... حاجه كده زي ... زي النجمه في السما اشوفها من بعيد لكن مقدرش اوصلها كفايه وجودها بحياتي اشوفها من بعيد
محمود بعصبيه ونرفزه : ليه يا عم كل ده هي مين يعني انت ليه محسسني انها ملاك مش انسانه زينا وبعدين انت راجل مفيش حاجه تعيبك ولا عشان هى شايفه نفسها حبتين ومغروره بس زيها زي اي بنت
معتصم وشه يحمر : محمود بلاش تتكلم عليها وحش لو سمحت عشان منخسرش بعض .
لحظات ودخل الدكتور عشان يدي المحاضرة انتهت المحاضره وبص معتصم على جوري وهي بتاخد كتبها وبتمشي بسرعه اخد كتبه وقرب منها وهي نازله مع صاحبتها ومشي وراهم وعينه مش بتنزل من عليها كان مجرد انه يكون قريب منها حتى للحظات اعظم امانيه وافضل متعه ليه حتى لو مش حاسه بيه
كان اي مكان بتروح ليه كان بيكون فيه بس من بعيد
محمود : يلا نروح نشتري اكل من الكافتريا
معتصم : لا مش هروح روح انت هات وانا مستني هنا
محمود : يا معتصم انت هتفضل كده قاعد تبص عليها من بعيد ومش عاوز تتحرك ...؟!
معتصم : ايوه عاوز تروح تشتري اكل ماشي مش عاوز اقعد او متعملش حسابي يا اخي
يتعصب محمود بس مش عاوز يزعل صاحبه
يمر اليوم في الجامعه وتخرج جوري وترجع البيت اللي في منطقه شبه شعبيه الناس فيها متوسطي الدخل وفيها الميسور والفقير
كانت جوري بتمشي في المنطقه وعيون الناس مش بتنزل من عليها ستات ورجاله الرجاله بتتمنى تتعرف عليها والستات كانوا بيتكلموا على غرورها ومناخيرها اللي في السما وانها عاديه مش جميله ولا حاجه كانت مجرد غيره منهم في دخلة الشارع عندهم محل انتيكات وتحف شغالين فيه بنتين تعرفهم جوري بس علاقه سطحيه سلمت عليهم وطلبوا منها الدخول يحكوا شويه
دخلت جوري واتكلموا شويه ولحظات وقفت عرببه فخمه جدا قدام المحل
مريم وزميلتها ورده : بس بس صاحب المحل جه شوفتي عربيته الجديده حاجه فخمه اوي
بصت جوري على العربيه فعلا واضح انها غاليه اوي بسرعه سألت مريم : هى دي عربيته معقوله جاب فلوسها منين ... ؟!
مريم : دا مبسوط يا بنتي ومعاه فلوس توزنك وتوزني و توزن البت الهبله ورده دي
ضحكوا وبنظرة عين بصت للعربيه وافتكرت كلام ابوها وفجأه .............. ونقف هنا ونستني سوا اللي جاااااى
الفناااامسعوداااان
👈➖➖➖➖👉
تعليقات
إرسال تعليق