رواية خيوط نور البارت الاول 1 بقلم الكاتبه آيه طه حصريه وجديده
نور: ايه يا احمد كل دا كنت فين وليه بلغت طنط انى اقعد استناك هنا عندها وبكلمك كتير، مش بترد... انت كويس؟
يدخل احمد من باب شقة امه وباين عليه التوتر والارتباك...
احمد: اهدي يا نور انا كويس بس حبيت اخليكي هنا علشان عايز اقولك حاجه مهمه انا قولت لابوكي يقولك بس هو رفض...
نور: اهدى ازاى انت مش شايف شكلك عامل ازاى وبعدين اي اللى دخل ابويا فى الموضوع انا مش فاهمه حاجه يا احمد
بيبص احمد لباب الشقه وينادي لسعاد وتدخل بنت فى الثلاثينات ولابسه فستان سواريه ابيض وطرحه وتمشي بدلال ودلع وتقف جمب احمد....
نور: سعاد؟! هو انتى كنتى معاه؟ وايه اللى لابساه دا؟! ومالك واقفه جمب احمد كدا ليه وبتبصيلو كدا... اوعى كدا يا سعاد
وقبل ما نور توصل لسعاد علشان تبعدها كانت ايد احمد اترفعت توقفها..
احمد: سعاد تبقى مراتي يا نور ولسه كاتبين الكتاب دلوقتي وجايين...
نور من الصدمه اتسمرت مكانها وسعاد اول ما سمعت احمد قال كدا قربت منه اكتر ومسكت ايده واتعلقت فى دراعه ودموع نور غرقت وشها....
نور: اتجوزتها؟! امتى؟ وازاى؟! انت اكيد بتهزر وبتعمل فيا مقلب صح؟ قول يا احمد انك بتهزر وانك معملتش كدا وخونت حبنا وكسرتني كدا يا احمد؟! وانتى يا سعاد اتكلمى ساكته ليه هو انتو بتهزروا معايا صح؟ دا مقلب من مقالبكم اللى دمها سخيف وعلى فكرة بقى بجد المقلب دا بايخ وزعلنى منكم بجد؟!
احمد: لا يانور مش بنهزر ولا مقلب انا اتجوزت سعاد على سنه الله ورسوله يعنى لا اجرمت ولا عملت حاجه غلط وعايزك تهدي علشان نعرف نتكلم ونتفاهم...
وقتها قربت نور منه بعصبيه ومسكت قميصه: معملتش حاجه غلط؟؟؟ واهدى ايه؟! انت اتجنيت... انت تتجوز عليا انا ليه ليه يا احمد بعد 4 سنين حب ليه تعمل كدا انا قصرت معاك في ايه... ويوم ما تتجوز تتجوز سعاد.. سعاد اللى كنت بقول عليها اختي..
وتروح ناحيه سعاد وتقف قدامها: انتى ازاى عاملتي فيا كدا... دا انتى كنتى اختى ودخلتك بيتى واكلنا وشربنا ونمنا وخرجنا كل سوا ومع بعض وانتى مستغفلاني وعينك على جوزي... دا العدة بتاعتك لسه خالصه امبارحتقومي تتجوزيه النهارده... يعنى كنتو مخططين بقى وانا المغفله اللى فيكم اللى نايمة على وداني ولا حاسه بحاجه علشان وثقت فيك وقولت دا مستحيل يخوني ولا يعمل فيا كدا ووثقتي فيكي وقولت اختى ومستحيل تخرب بيتي وانتى دخلتى بيتي علشان تخطفي جوزي منى يا خطافه الرجاله ياواطيه يا زباله...
ولسه هترفع ايدها تضرب سعاد بس احمد وقف فى النص بينهم ومسك ايد سعاد جامد وزقها على كرسي الانتريه لتقعد عليه ومسك ايد سعاد ووقفها وراه وسعاد انتهزت الفرصه وحطت ايدها على كتف احمد وبتبص لنور بنظره شماته ونصر...
احمد: سعاد دلوقتى مراتي وانا مسمحش لحد يرفع ايدو عليها سامعه وانا ولا هى خوناكي يا نور ولو هديتى علشان نتكلم هتعرفي الحقيقه وكل حاجه....
نور بصدمه والدموع مغرقه وشها وحماتها جات وقعدت جمبها تطبطب عليها: بتمد ايدك عليا علشان دي يا احمد؟! اهدى وافهم ايه عايز تقنعني بايه يا احمد...
احمد قرب وقعد على الكنبه جمبها: انى مخونتكيش ولا اتجوزت عليكي يانور بالعكس انتى اللى جايه عليها مش اللى جايه عليكي... الموضوع قديم ومن زمان وانا حكيته لابوكى علشان يعرفك بس هو رفض وقفل السكه فى وشي فاضطريت بقى انا اللى اواجهك واقولك واحكيلك....
نور: يعنى ايه انا اللى جيت عليها.. انت بتقول اي كلام انا مراتك وهى الزوجه التانيه ليك... انت بتبرر ايه وبتقول ايه وزمان ايه...
حماتها فوزية: انا جبت الحية تاني الدار يا احمد اللى معرفتش تعمله زمان وتخرب البيت رجعت علشان تعمله دلوقتى وخربته وانتى يا بتى انا مش قولتلك حرسي من سعاد خليكى بعيده عنها مدخلهاش بيتك وانتى تقولي انها زى اختك وبتثقي فيها جالك كلامي دلوقتي بس ايه يفيد البكى والنويح بعد اللى حصل..
نور بتبص لحماتها باستغراب: اللى معرفتش تعمله زمان؟! هو انتو كنتو تعرفو بعض قبل كدا؟
احمد: ايوا ودا اللى بحاول افهمهولك من بدري انا اعرف سعاد من قبل ما اعرفك اصلا واتجوزك انا هحكيلك الحكاية من الاول...
يتبع
تعليقات
إرسال تعليق