رواية ريحانه الفصل الاول حصريه وجديده على مدونة النجم المتوهج
رواية ريحانه البارت الاول
رواية ريحانه الجزء الاول
رواية ريحانه الحلقه الاول
رواية ريحانه الفصل الاول حصريه وجديده على مدونة النجم المتوهج
انا إسمي ريحانة عمري 18 سنة حبست قرايا فالباك كي مجبتوش خرجت ولا تقولو ضغط لي عايشة فيه خلاني نبطل ومانكملش نعاود باك ندمت بزاف بصح الله غالب هذاك وقت مكاش لي كان ينصحني و يوقف معايا و يوريلي وش ندير نعرفكم على عائلتي عايشة مع جدي وجدة وعمومي او ولادهم ونسا عمومي وبناتهم لي هوما خوتاتي حنا 13 بنت او 10 ولاد هاذو غير أحفاد عمومي عندي 5 او بابا 6 ملي نشفا روحي وانا عايشة مع جداتي كنت نشوف بنات عمي كي يأذن مغرب كل وحدة تروح لدارهم بما أنو حنا كي نلعبو نقعدو قدام دار تع جدة ولا داخل عندها فدار كي يوصل مغرب كامل يتفركتو يروحو لدارهم وانا نرجع ندخل عند جدة بديت بشويا نكبر وتحوس نعرف وين راه بابا و ماما تمنيت تكون عندي ام او أب كيما بنات عمي باش نعيطلهم جامي خرجت من فمي كلمة ماما ولا بابا بشويا وعرفت حكاية بنت عمي هي لي حكاتلي باسكو هي كبيرة و متزوجة عندها 38 سنة بلي بابا غلط مع ماما ورفدت حمل بيا وكي سمعو أهل تاعها جاو تضاربو مع جدي وبابا كي سمع راح حرڨ وش دارت يما لي لازم نفتخر بيها نهار لي ولدتني خلاتني فالسبيطار وهربت ايه راحت وخلاتني وحدي باسكو كان جدي لي هو باباها يحلف فيها من نهار لي سمعت حكايا كرهت بابا و ماما لي جامي شفتهم يغلطو كبار ويخلصوها صغار كنت حابة نشوفهم ونعنقهم بصح كي عرفت حكاية تمنيت يقولولي ميتين ولا هكا انا جيت لهاذي دنيا ضحية إغتصاب......ماما كانت إنسانة شابة بزاف وانا خرجت نشبهلها في كلش بابا هو لي غلط مع ماما كان باغيها وهي رفضاتو قالها نجي وهي محبتش صرا لي صرا ولي زاد أكدلهم بلي ماما هي لي دارت معاه كلش بإرادتها كي هربت .......
... كي هربت ماما، الناس كامل حكمو عليها وقالو عليها لي ما تصلحش، بسيف شكون يسمع لوحدة بنت دار تقف قدام راجل وتحكي الحقيقة؟! من داك الوقت، كل مرة نسمع حاجة من بنات عمي ولا نسا عمامي نولي نخمم، واش كانوا يقصدو بيا؟! كي يقولو "ربي يستر بناتنا"، نولي نحس بلي أنا ما كنتش مستورة، نحس روحي شوكة في حلقهم، نحس بلي وجودي راه يذكرهم بحاجة حبو ينسوها.
كبرت وأنا نحاول نرضيهم، نحاول نكون دايماً خدّامة، نعاون في الدار، نضحك كي يكون لازم نضحك، نبكي وحدي كي يطفى الضو كامل، كي نرقد في بيت وحدة نسمع صوت جدتي وهي تدعي في الليل، دعاءها كان يعطيني شوية راحة، بصح كي تقول "ربي يسامحها ويهديها" كنت نخمم، على من تحكي؟ على ماما؟ ولا حتى هي ما سامحتهاش؟
ومن داك الوقت، بدات تتبدل حياتي، مابقيتش نحوس نفهم علاش صرا هكا، وليت غير نبغي نخرج من هاد الجو، وليت نحلم نعيش وحدي، نكون حرة، نلقى واحد يحبني ويسترني، نلقى دار نقول عليها "دارنا"، ونلقى حد نقول عليه "بابا" ولو بالإسم، نحس بالدفا... مشي بالشتاء، لا... دفى القلب لي عمرني ما عرفت طعمو.
ما نكذبش عليكم، مرات نحس بلي أنا غلط، بلي وجودي كان غلطة... بصح نعاود نقول روحي:
"أنا ما طلبتش نجي، أنا ما اخترتش نكون ضحية، بصح راني هنا، راني واقفة، وراني نحكي، وراني نعيش..."
كل مرة نكتب ولا نحكي، نداوي شوية من الجرح لي فيا...
وإذا أنتِ تقراي قصتي وكنتِ تشبهيلي، نقولك:
ماكش وحدك، رانا بزاف، ورانا قويات....💔🤍
تابعووووني
إرسال تعليق