رواية تـزوجت صـعيدي الفصل الثالث بقلم الكاتبه ساره سالم حصريه وجديده على مدونة النجم المتوهج

رواية الديزل البارت الثانى  بقلم بيري الصياد حصريه وجديده 

رواية الديزل البارت الثانى  بقلم بيري الصياد حصريه وجديده 

بقلم بيرى الصياد ✍🏻✨

............ ⚡.......................⚡.......... 

وينظر إليه يوسف ويقول بغيظ شديد:عند المدير تكون حلو وابن ناس وعندي انا وسخ وابن ستين ك

ينظر اليه بحر بغضب شديد ليبتسم يوسف ويقول:هدي يا ديزل مش كده يا راجل هتبلعني وانا لسه شباب ما تتكلم يا عم صفوت انت مش الكبير هنا ولا ايه 

أنهى حديثه وهو ينظر الي صفوت الذي ضحك بخفة وقال وهو ينظر إلي بحر:خلاص يا بحر ملكش دعوه بيه يا ابني

بحر وهو ينظر إلى يوسف: واللي يعز ويذل لولا وجودك دلوقتي لا كنت نسيتوا لبن أمه يا مدير بس ملحوقه 

قالها وهو ينظر إلى يوسف الذي بلع ريقه وقال صفوت بعد أن فتح يده إليه ويقول:طب سلم عليا وبعد كده اعملي احترام ياخويا

يبتسم بحر ويذهب ويضمه بقوه واستقبله صفوت بقوة أكبر وهو يضرب علي ظهره ليقول بحر:ايه يا عم صفوت مش كده هتكسر ضهري يا جدع في ايه انت مفكرني حمار مبحسش

انهى حديثه وهو يبتعد عنه ويقول صفوت بغيظ شديد:أتصدق يالا ان انا غلطان غور من هنا بعضلاتك النفخ دي

بحر بصوت عالي:لا مسمحلكش يا مدير الا دول ده انا عايش علشان أكبرهم متجيش انت وتقول عليهم نفخ 

صفوت بصوت أعلى:بقى هو ده اللي فارق معاك ياخويا 

بحر بغضب: لاحظ أن صوتك عالي في منطقتي يا مدير مش علشان بحبك هسكت يعني

كاد صفوت ان يتحدث لكن يصفر يوسف ويجلس علي هذه الطاوله ويقول:العب يا ديزل يلا ادي واحدة من عندك يا مدير بس اقل من طحن مش هقبل هو ازاي يعلي صوته عليك كده مفيش احترام ولا ايه

ينظر اليه بحر ويصفعه خلف رأسه ويقول:طحن ايه يا عجل انت مع مين 

ينزل يوسف ويقول بغضب:مع اللعبه الحلوه يا بحر انت بتضربني ليه اوعى تكون فاكر اني لسه عيل هتضرب في زي ما انت عايز كده 

ينظر اليه بحر بنظرة اخافته بشده وجعلته يحمحم ويقول:يلا علشان نبدا العشريتين يا حبيب اخوك عايزك تغلب المدير ومتخلهوش يلعبها تاني يلا مستنيكم

انهى حديثه ويذهب إلى هذه (القهوة)الذي توجد بعيد بمسافه بينهما وينظر خلفه صفوت وينظر الي بحر ويذهب يضع يده علي كتفه ويقول:تعالى يالا خليني اغلبك علشان اروح بدري

يبتسم بحر بسخريه شديده ويقول:هتروح بس لما تفتكر طريق بيتك بعد العشريتين دول يا مدير تعالى بس وبعدين نشوف موضوع المرواح ده

كانت تتسطح هذه الفتاة وهي تلعب بالهاتف وهي تشعر بملل شديد ترمي الهاتف وتنفخ بقوه وهي تنظر أمامها وتقول:ايه الزهق والقرف ده يا ربي اوووووووف

كادت ان تنهض لكن تسمع صوت هاتفها لتنظر اليه وترى المتصله ما سواها مي صديقتها لتمسك الهاتف وترد عليها وتسمع مي تقول:فينك يا سو كده 

تسمع ياسمينا صوت الموسيقى والضجة التي حول مي وتقول بملل شديد: زهقانه اوي يا مي ومش لاقيه حاجه اعملها من الصبح اليوم كله زهق وحاجه اخر قرف

مي بخبث مخفي:يا بنتي تعالي انا في النايت دلوقتي مع الشله تعالي فكي عن نفسك شويه وفي نفس الوقت شوفي الدنيا هنا حلوه اوي 

ياسمينا بغيظ شديد:بابا لو عرف هيزعق يا مي وانا مش عايزه صداع دلوقتي

تغضب مي لكن تقول: لا طالما خايفه من اونكل خليكي يا سو هو برضو هيخاف عليكي وعارف مصلحتك اكتر منك

تنهض ياسمينا وتقول:طب انا جايه يا مي استنيني عندك وابعتيلي اللوكيشن 

مي بخوف متصنع:بلاش يا سو اونكل هيزعقلك وانتي خايفه منه بلاش تيجي يا روحي 

ياسمينا بغضب شديد:اخلصي يا مي وقولتلك ابعتيلي اللوكيشن انا جايه علي طول باي

أنهت حديثها وتغلق المكالمه علي الفور وتنهض تذهب لغرفة الملابس وترتدي



وتخرج تعدل هيئتها وتفرد شعرها علي ظهرها وتضع القليل من المكياج وتأخذ اشياءها وتنزل إلى الأسفل وكادت أن تخرج لكن ترى والدتها تدخل لتنظر إليها وتقول والدتها:انتي رايحه فين يا ياسمينا

ياسمينا بغيظ شديد:زهقت من القاعده دي يا ماما رايحه اشوف صحابي شوية عندك مانع

نجلاء بغضب شديد:ايه ماما دي يا ياسمينا انا مش قولت مليون مره بلاش الكلمه دي انا نوجا مش ماما بطلي تبقي بلدي وبيئه زي ابوكي 

تنظر اليها ياسمينا بغضب وتقول:معلش يا نوجا نسيت يلا مش فاضيه باي

أنهت حديثها وتذهب إلى الخارج وتقول نجلاء بصوت عالي:متطوليش علشان باباكي ميجيش يتكلم معايا انا في الاخر يا ياسمينا مش عايزه وجع دماغ معاه

لا ترد عليها ياسمينا بل تذهب تركب سيارتها وتقودها بسرعة كبيرة إلى طريقها وهي تغضب من والدتها التي خربت مزجها وبعد قليل تصل ياسمينا إلى المكان الذي تريده وهو هذا الملاهي الليلي وتنزل من السياره وذهبت الي الداخل وكالعادة تختطف كل الإنتظار وتنظر حولها بغرور شديد وهي بالفعل تشعر بأنها ملكة وهي ترى كل هذه الإنتظار فهي ترى أنظار المعجبين وأيضا الفتيات الذين يغارون منها ومن جمالها وترى ياسمينا التي تشير إليها لتنظر إليها وتبتسم وتذهب وتضمها وتبادلها صديقتها مي بحرارة واشتياق متصنع وتقول: وحشتيني اوي يا سو بجد

تبتسم ياسمينا وتقول: وانتي اكتر يا روحي

أنهت حديثها وتبتعد عنها وتقول مي وهي تشير إلى احد الشباب: ده نبيل صديق جديد في الشله بس فظيع يا سو بجد هتتبسطي اوى لما تتعاملي معاه

يمد نبيل يده الي ياسمينا التي نظرت اليه وتمد يدها تصفحه ويمسك نبيل يديها ويقول:اتشرفت يا سو اتمنى ننبسط مع بعض

تنظر ياسمينا الي مي التي ابتسمت بتصنع وقالت بصوت منخفض إليها: ايه يا بنتي قاصده في الشله يعني

أومأت لها ياسمينا وتقول مي:خلينا نقعد بقى هنفضل واقفين كده ولا ايه

تنظر ياسمينا إلى هذا نبيل وتجلس ولم تلاحظ نظراته الشهوانية إليها وتنغز مي نبيل وتقول:اقعد يا نبيل مالك عامل كده ليه

ينظر اليها نبيل ويجلس أمام ياسمينا وهو ينظر اليها باعجاب وشهوة كبيرة وتلاحظ ياسمينا نظراته لكن من هي لتفكر بنظرات احد إليها فالجميع ينظرون إليها بهذا الإعجاب الذي لا يزيدها سوى غرور فقط

قفلت: كانت هذه الكلمه الذي قالها الديزل وهو يضرب هذه ورقة (الدومينو) وينظر الي صفوت ويرمي اربع اوراق اخرى علي الطاولة وينظرون إليهم الجميع ويبتسم بحر ويقول:اكشف ورقك يا مدير

ينظر اليه صفوت بغضب فهو يكره الخساره بشده ويرمي الاوراق ويصيحون الجميع بفوز الديزل علي صفوت كالعاده ويقول بحر بغمزه إليه:لما تعوز تلعب تاني ابقي خلينا نلعب في المداري يا مدير شكلك بقي وحش اوي الصراحه وسط اهل الحاره كفايه عليك لحد كده

صفوت بغضب:اتصدق انك كلب صحيح وانا اللي خسران علشان مخليش شكلك انت الوحش قدام اهل حتتك جاي دلوقتي تقولي انا الكلام ده انا لو عايز افوز كنت عملتها من العاشره الاولى بس بخسر بمزاجي 

يضحك بحر بخفه وينهض ويقول:طب تعالى يا مدير تعالى ياخويا 

انهى حديثه ويذهب لطاوله بعيده عن هذه الطاوله لكي يلعبون سواهم ويذهب صفوت ويجلس بجانبه وينظر اليه ويرى يلعب بهذه السيجارة ولا يضعها بفمه ليقول:لا اوعي تكون هتعملي احترام يا ديزل ازعل 

يبتسم بحر ويضع هذه السيجاره بفمه ويشعلها وياخذ نفس كبير منها ويقول بغمزه الي صفوت:وانا ميهونش عليا زعلك يا مدير 

ويأخذ منها نفس اخر ويرميها علي الأرض وينظر إليه صفوت ويبتسم ويقول:انت هتقولي ياخويا ده محدش حافظك في الدنيا دي كلها قدي يا بحر اوعى تنسى انت اتربيت علي ايد مين يالا

ينظر اليه بحر لفتره طويله ويبتسم ويقول:مش انا اللي انسى أفضال حد عليا يا مدير ومش ناسيلك اللي عملته معايا انا واختي وانت الوحيد اللي في الدنيا كلها حلال عليك رقبتي ولو طلبت مني عمري هقدمه علي طبق من دهب ليك

ينظر إليه صفوت بفخر شديد ويقول: وانا مش عايزك غير ابني سندي وضهري وضهر بناتي يا بحر 

بحر برفعة حاجب:هكون ضهر بناتك ازاي يا مدير

يضربه صفوت علي كتفه بقوه كبيرة ويقول:اتلم يا عجل وصفي دماغك الوسخه شوية علشان مزعلكش الا دول

بحر بغضب:هو انا يا جدع كلمتك ده انا بسالك بصفى نيه معملتش حاجه يعني

ينفخ صفوت بغضب شديد ويقول:معلش انا غلطان وابن كلب يا بحر استحملني شويه

ينظر اليه بحر قليلاً ويلف وهو يضع يده علي الطاوله ويقول:ما تحكيلي يا مدير ايه اللي في دماغك حاسس ان فيك حاجه عايز تقولها ما تقولها وتريح نفسك ولو في أيدي حل احللك وانت عارف اني مش هتأخر عليك

ينظر إليه صفوت بنظرة حزن يراها بحر لاول مره بحياته ويشعر بغصته ليشعر باستغراب شديد ويقول:احكيلي يا مدير مالك

يتنهد صفوت بقوه كبيرة ويقول: انا بموت يا بحر

.................... 🌿...... ..............   🌿............ 

البارت الثانى من 

الديزل😎 

بقلم بيرى الصياد ✍🏻✨

______________________________________________

يتصدم بحر من كلامه وينظر اليه بصدمه شديده ويقول:انت بتقول ايه

ينظر إليه صفوت ويقول:بموت وانا شايف حياة بناتي مدمرة وان ملهمش حد بعدي وشغلي كله مين هيديروا انا عندي ياسمينا مبيفرقش معاها غير الخروج والنوم ورقيه صغيره اوي متقدرش تعمل حاجه انا لو موت مي

قاطعه بحر وهو يقول بصوت عالي:انت جاي تقول ايه يا عم انت هو انا ناقصك ما تسيب كل حاجه ومحدش ضامن عمره يمكن بناتك الاتنين يموتوا وتفضل انت عايش

صفوت بغضب:بس يالا انت بتفول علي البنات ليه دلوقتي تف من بقك

يبصق بحر علي الأرض بالفعل ويقول:علي اللي يقعد معاك يا جدع عليا الطلاق القاعدة معاك تعجز بدري انا ماشي يا عم

وكاد ان ينهض بالفعل لكن يضع صفوت يده علي يده بسرعه ويقول:اقعد يا بغل انت عايز اكلمك

ينفخ بحر ويقول:ما تسيبني في حالي يا مدير انا مش ناقصك وعلي تكه كمان وهولع في نفسي سيبني الله يباركلك

يسحبه صفوت ويجعله يجلس مره اخري ويقول:اقعد يالا واسمعني كويس

يجلس بحر ويقول:يا عم ارغي

يضربه صفوت علي رأسه ويقول:ما تتلم يا عجل و اوعي تنسى اني قد ابوك

ينظر اليه بحر ويقول:قول يا مدير في ايه

صفوت بهدوء شديد:عايزك تمسك الشركه مكاني وتكون مسؤول علي كل حاجه 

يبتسم بحر بسخرية ويقول:اه طب ان شاء الله 

صفوت بغضب شديد:أنا بتكلم جد علي فكره مش بهزر يا بحر انا عايزك تمسك كل املاكي. وتكون انت المسؤول بعدي عن كل حاجه 

بحر بغضب:اه ويجوا مراتك وبناتك ياكلوني انا لا يا عم مش لاعب 

صفوت بهدوء: محدش هيقدر يكلمك يا بحر انا وانت عارفين كويس ان مش بناتي ونجلاء إللي هياخدوا منك حق ولا باطل

لا يرد عليه بحر ليقول صفوت:وبعدين يا ابني انا عايزك تمسك كل حاجه علشان بس تحافظ علي املاكي يا بحر انا لو حصلي حاجه بناتي هيدمروا ونجلاء هترميهم عادي ومش هيفرقوا معاها 

بحر برفعة حاجب:انت اتجوزتها ازاي الوليه دي يا مدير

يتنهد صفوت بقوه ويقول:النصيب غلاب يا ديزل المهم عايزك تفكر كويس وانا معنديش ابن غيرك اعتمد عليه يشيل الشيلة من بعدي فكر وكلمني

وكاد ان ينهض لكن يقول بحر:خد يا عم انت هترميها في عبي وعايز تمشي بسهوله دي

ينظر إليه صفوت ويقول بصوت عالي:بقولك ايه يالا انا زي ما قولتلك معنديش كلب غيرك وانت من بكره تجيلي علشان نشوف موضوع الشركه ده عايزك تفهم كل حاجه 

ينهض بحر ويقول بصوت عالي:اييييييييييه يا عمنا ما تهدى علي نفسك مش كده اومال وبعدين انا عايز افكر في الموضوع واشوف هوجهه مراتك دي ازاي اذا كان بناتها مش طيقاهم ما بالك هتعمل فيا انا الغلبان ايه دي مش بعيد ترميني تحت قطر

يبتسم صفوت وينهض ويقول:اللي عندي قولته يا بحر بكره تكون عندي في البيت هنتكلم وهعرفك علي بناتي ومراتي سلام 

انهي حديثه وذهب بالفعل من امام بحر الذي نظر خلفه وتنهد بقوه كبيرة وهو لا يعلم ماذا يفعل لا يريد أن يحمل كل هذا فهذه مسؤولية كبيره عليه حقا

بعد عدة ساعات تدخل ياسمينا المنزل وتنظر حولها وتتنهد بقوه وهي لا ترى احد وتنزع حذائها تمسكه بيدها وتصعد بهدوء إلي الاعلى لكي لا يشعر بها احد وكادت أن تذهب لغرفتها لكن ترى والدها يخرج منها وهو غاضب بشده وينظر إليها ويقول بصوت عالي:انتي كنتي فين يا ياسمينا لحد دلوقتي

تبلع ياسمينا ريقها وتقول:كنت مع مي صاحبتي ع

قطعها صفوت الذي قال بغضب شديد: و بتعملي ايه مع صاحبتك زفت انا مش قولتلك مليون مره تبعدي عن البنت دي خالص يا ياسمين

ياسمينا بغضب:دي صاحبتي وانا مقدرش ابعد عنها يا بابا وممكن تهدى شويه مفيش حاجه تستاهل كل ده

يقترب صفوت منها ويقول بصراخ في وجهها:انتي  هبله يا ياسمينا  ولو كلامي متسمعش هحبسك هنا ومش هخليكي تطلعي تاني وانتي حره بعد كده

أنهى حديثه ويذهب الي الخارج وتنظر ياسمينا خلفه بغضب شديد فهو رفع صوته عليها دون مبرر لهذا الشيء وتذهب تتسطح علي السرير وتنام علي بطنها وتغلق عينيها لكي تنام 

يدخل الغرفه وينظر إلى زوجته التي تجلس أمام المرآة وهي تفعل روتينها الليلي ليقول بغضب شديد:هو ده اللي انتي فالحه في يا نجلاء 

تنظر اليه نجلاء وتقول وهي تبرد أظافرها ببرود: اومال هيفرق معايا ايه تاني يا صفوت مفيش حاجه تستاهل 

صفوت بصوت عالي:وبنسبه لبناتك دول ميستهلوش برضو يا نجلاء 

تنهض نجلاء وتقول وهي تذهب إلى السرير:مالهم بناتي هما كويسين كده ومش ناقصهم حاجه اقفل النور وسيبني انام عندي اجتماع مهم مع صحباتي بكره 

ينظر اليها صفوت بغضب شديد وهو يتمنى ان يقتلها او يذبحها بهذا الوقت الآن وينزع هذا الجاكيت ويذهب إلى الحمام قبل ان يتهور ويقتلها لكي يرتاح منها ومن تصرفاتها

وفي صباح يوم جديد كان بحر يتمرن كعادته وهو يتذكر حديث صفوت اليه لا يريد ان يذهب اليه ولا يدخل حاله بكل هذه المتاهة لكن صفوت الذي طلب ذلك وهو لا يستطيع أن يرفض إليه طلب يسمع صوت هاتفه يدق لينظر إليه يرى صفوت يتنهد ويرد عليه ويسمعه يقول: فينك يا بحر مجتش ليه

بحر برفعة حاجب:هو انت عايزني ابيع لبن يا مدير ولا ايه انت عارف الساعه كام دلوقتي

ينتبه صفوت الي الساعه بالفعل ويقول:مخدتش بالي 

ينظر بحر الي الهاتف ويقول:مالك يا مدير في ايه يا عم حاسسس ان فيك حاجه غريبه

ينفخ صفوت ويقول:مفيش حاجه يا بحر خلص وتعالى انا مستنيك سلام

ويغلق صفوت الهاتف ينظر بحر الي هاتفه وهو يستغرب بشده ويستكمل تمريناته وينتهي و يذهب الي الحمام لكي يتحمم لينزل إلى الأسفل 

وفي منزل وفاء كانت تجلس وأمامها هناء شقيقة بحر وتقول وفاء بغضب شديد:انتي يا بت هتفضلي ساكته لحد امتى ما كفايه عليكي كده وشوفيلك حل مع الراجل ده 

تتنهد هناء بقوه وتقول:اعمل ايه بس يا خالتي سامح مستحيل يتغير هيفضل طول عمره يتعامل بنفس الطريقه دي

وفاء بنفس الغضب:ده علشان لاقي اللي تطبطب من غير ما تحاسبه علي تصرفاته انتي اللي مدمره حياتك وانتي اللي سلبيه يا هناء بطلي تبقي كده والا ورحمة امك لا اقول لبحر علي كل حاجه

تمسك هناء يد وفاء بسرعه وتقول:تقولي لمين بس يا خالتي حرام عليكي هو انا ناقصه مش عايزه مشاكل بين سامح وبحر ورحمة أمي يا شيخه بلاش 

جرا ايه يا فوفا مالك ومال الست الوالدة مزعلها ليه كده:كان هذا صوت عبدالله ولد هناء وتنظر هناء إلى الباب بسرعه وتقول وفاء:خد يالا تعالى هنا وحشني اوي يا ابن الجزمه 

يذهب عبدالله إليها ويضمها بقوه ويقول:وانتي اكتر يا فوفا والله 

تضربه وفاء علي كتفه وتقول: اومال مبتجيش ليه يا حيوان أنت لا تكون امك بتقولك متجيش

يبتعد عبدالله عنها ويقول بغيظ شديد:هو انا لسه عيل يا فوفا ولا ايه انا راجل مش محتاج حد يقولي اجي ولا مجيش

وفاء بغيظ أشد:طالما انت راجل مبتجيش تشوفني ليه يا كلب انت

يعود عبدالله شعره إلي الخلف ويقول بغرور:معنديش وقت يا فوفا البنات برميهم برجلي كده بيرجعولي تاني معرفش اعمل معاهم ايه علشان يصدقوا اني مرتبط

مرتبط بمين يا حيلتها:كانت هذه جملة بحر الذي أته من النافذة وينظر اليه عبدالله ويبتسم ببالها ويقول:مرتبط بامي يا خالو طب تصدق انك وحشني اوي يا راجل بقالي كتير مش بشوفك

يرفع بحر حاجبه ويقول:اومال مين اللي كان بيعاكس بنات الحته هنا امبارح 

تنظر هناء الي عبدالله بغضب شديد ليبلع عبدالله ريقه ويقول:بعاكس ايه بس يا خالو ده انا كنت جاي اصلي المغرب علشان بحب صوت الشيخ اللي هنا اوي متظلمنيش كده ده حتي الخال والد 

يبتسم بحر ويلف ويدخل المنزل وتركض شقيقته بسرعه وتترمي بين احضانه فبرغم انها الاكبر الي انها تشعر دائماً بأنه والدها وليست شقيقها الاصغر ويجلس عبدالله بجانب وفاء ويقول بغيظ وهمس شديد: عاجبك عايز يوقع بيني وبين امي كل دي غيره مني علشان انا احلى منه و شاقط بنات الحاره كلهم وهو مش عارف يوقع واحده حتى

تنغزه وفاء وتقول بهمس هي الأخرى:نفسي يشقط حتى كلبه يا عبده عايزه افرح بيه اوي

ينظر إليها عبدالله ويقول بصدمه مصتنعه:لا لا انتي بتقولي ايه يا فوفا عايزه الديزل اللي الحاره كلها بتحلف بي يتجوز كلبه علي اخر الزمن ده اقل من ملكة جمال ميقبلش بيها 

ينظر اليه بحر وتقول وفاء بغضب شديد:بقي بدبسني يا كلب

عبدالله باستفزاز:مش انتي اللي قولتي كده يا فوفا يا شيخه حرام عليك

تنهض وفاء وتقول بغيظ شديد:بقي عاجبك اللي ابنك بيعمله يا هناء 

كادت هناء أن تتحدث لكن يقول بحر:لا انا مش فاضي متمشيش لحد ما ارجع مش هطول 

أنهى حديثه وهو ينظر الي هناء التي ابتسمت اليه أومأت برأسها وكاد بحر أن يذهب لكن يقول عبدالله بخبث:هو انت رايح ديت ولا ايه يا خالو رسي ابن اختك علي الحوار وانت عارف سرك في بير

ينظر اليه بحر باشمئزاز ويقول:غور يا عجل من وشي مش عايز اشوفك تاني

ويذهب بحر إلى الخارج ليقول عبدالله بصوت عالي: ابقي شوف المزه لو عندها صاحبة ظبطني معاها يا ديزل مش هنسهالك والله 

تضربه هناء علي كتفه وتقول:خف ياللي متربتش عيب اللي بتعمله ده خالك 

عبدالله وهو ينظر إليها:اقطع دراعي من هنا لو مكنش الديزل رايح يشوف مزه ابقى تفي في وشي لو حاله متبدلش بعد المقابله دي

تفتح ياسمينا عينيها علي صوت شقيقتها التي تفيقها وهي تقول:سو قومي بابا بيقول عايزنا في موضوع مهم اوي 

تنظر اليها ياسمينا وتقول:عايزنا في ايه يعني

رقيه:معرفش هو قالي صحي ياسمينا و تعالي عايزك تحت يلا انتي قومي وتعالي نشوفوا عايز ايه بسرعه

انهت حديثها وهي تمسك يدها وتسحبها معها لتقول ياسمينا: اصبري يا رقيه هاخد دش علي السريع وهاجي وراكي علي طول

رقيه بخوف من والدها:بس يا سو لو اتاخرتي ب

قطعتها ياسمينا وهي تقول:مش هتاخر يا رقيه اهو رايحه ونازله علي طول متقلقيش

و تذهب ياسمينا الي الحمام وتنظر خلفها رقيه وتنفخ وتذهب الي الأسفل لكي ترى والدها وبعد مده تأخرت ياسمينا بشده ليقول صفوت وهو ينظر الي رقيه بغضب:اطلعي شوفيها ف

قطع حديثه وهو يرى ياسمينا تنزل علي الدرج وهي ترتدي



ليقول بغضب شديد:اتاخرتي كل ده ليه انا مش باعت مع اختك اني عايزكم في حاجه مهمه

ياسمينا بغضب هي الاخرى: وانا متاخرتش يا بابا يا دوب خدت دش ونزلت علي طول

يغضب صفوت منها أكثر ليقول:بقالي ساعتين وربع باعت رقيه يا ياسمينا تقدري تقوليلي كل ده بتعملي ايه

ياسمينا بصوت عالي:قولتلك كنت باخد دش هو في ايه لكل الزعيق ده انا معملتش حاجه لكل ده

صفوت بصراخ عالي:في انك محترمتيش كلمتي ولا قدرتي ان ابوكي قالك تنزلي و روحتي تلعبي من غير ما تفكري في حاجه

تلوح ياسمينا بيدها وتقول بغضب شديد وهي تذهب الي الخارج:انا ماشيه ومش قاعده لحد ما تهدى يا بابا علشان انا معرفش انتي بتعمل كل ده ليه انا معملتش حاجه 

يصرخ صفوت بأسمها لكي تعود لكن لا تسمع منه ياسمينا وتذهب إلى الخارج وكادت ان تذهب الى سيارتها لكن ترى هذه السياره التي تخبطها لتقع ياسمينا وترى هذا المشهد رقيه لتصرخ بأعلى صوتها:ياسمييييييييييييييينا

يذهب صفوت الي الخارج وينظر إلى ابنته التي ترتمي علي الأرض وينظر إلى هذا الذي نزل من السياره ليقول بصوت منخفض:بحر..... 

................ 🌿.................. 🌿....................... 

البارت خلص قولولى رايكم ومتنسوش التفاعل على البارت حبايبى🤍✨

الفصل الثالث من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺