الجزء التالت { المدرسة المهجورة } حصريه وجديده وكامله جميع الفصول
الجزء التالت { المدرسة المهجورة } حصريه وجديده وكامله جميع الفصول
الضوء لما رجع، المكان ما رجعش زي ما كان
الدور التاني بقى أضيق … كأن الحيطان قربت من بعض
والرعب بيزيد والدقايق بتمر ببطيء شديد
حسام كان واقف ثابت، لكن دقات قلبه كانت بترجه رج من جوة وعينه على اسم محمود في الدفتر
الـ ✔️ اللي اتحطّت كانت ميلة … مش متظبطة زي باقي العلامات كأن اللي كتبها … إيد كانت بترتعش
العسكري اللي جنب حسام همس :
«باشا … حضرتك كويس؟ وشّك شاحب»
حسام ما ردش
لأن حاجة تانية شدت نظره.في آخر صفحة في الدفتر، صفحة ما كانتش موجودة قبل كده
مكتوب في أعلاها : «دفتر الحساب»
وتحت العنوان اسم قديم :
عبد الرحيم حسام الدين
مدير المدرسة – سابقًا
قلب حسام اتخطف وعنيه برقت ونفسه بدأ يقل والدنيا لفت بيه للحظة
سنده العكسري اللي واقف جنبه وسأله تاني
ياباشا قولي حاسس بأيه ؟
رد وقاله الاسم اللي في الدفتر دة .... ماله ياباشا .. كمل ...
ده اسم أبويا
وقبل ما يستوعب ايه اللي بيحصل ، الصفحة اللي بعدها اتقلبت لوحدها
سعيد عبد الرحيم
ناظر المدرسة
العساكر بدأوا يتلخبطوا :
«باشا … الأسماء دي إيه؟»
لكن عسكري من اللي واقفين قال في خوف ....
حسام باشا مش زميلنا اللي اختفي اسمه
" محمود سعيد عبد الرحيم "
وقبل ما يرد عليه حسام .. فجأة …
الصوت جه، بس المرة دي مش صوت ست
صوت أطفال … كتير … في نفس واحد : «فاكرنا؟»
السبورة اللي وراهم اتملت كتابة لوحدها :
مش كل اللي سكت … نجا
حسام حس بدوخة
مش عشان الخوف لا … عشان الذكريات اللي بدأت تطلع غصب عنه
— فلاش باك —
صوت صريخ
دور أرضي
حمّام المدرسة
باب مقفول
وأطفال بيخبطوا من جوه
حد بيقول : «سيبهم شوية يتأدبوا …»
الصوت كان صوت الناظر
وصوت تاني، أوطى … متردد : «بس الجو حر …»
كان الصوت لأبوه
الذكريات قطعت فجأة
على صوت خبط عنيف وقوي
الدولاب اللي كان فيه طاقية العسكري محمود … اتقفل لوحده
واتكتب على بابه بالطباشير :
اللي شارك … هيرجع
واللي سكت … هيتحاسب
العسكري اللي كان واقف جنب حسام بدأ يصرخ :
«باشا! هو ابو محمود كان شغال هنا زمان!»
حسام لف له ببطء : «إزاي؟»
العسكري بلع ريقه :
«ملف خدمته … فيه نفس الاسم ونفس عنوان محمود »
في اللحظة دي جرس المدرسة رن تاني
بس المرة دي رنّتين واحدة … واتنين
وكأن حد بينادي :
حسام … مش باسمه باسم الطفل اللي كانه وسكت
والدفتر اتحرك
والقلم كتب اسم جديد … حسام عبد الرحيم
من غير ✔️
لسه
لكن قبل ما حد يستوعب اللي حصل … الدفتر اتقفل بعنف،
والطباشير اللي علي الصبورة بدأ يقع من السبورة لوحده
صوت انفاس اتسمعت في الفصل، كأن المكان كله بيتنفس زي البني ادمين
الهوى بقي ابرد فجأة،
والشموع اللي على التورتة ولعت لوحدها … واحدة واحدة
وفي الضلمة، أصوات أطفال بدأت تعدّ بصوت واطي :
«واحد …
اتنين …
تلاتة …»
لما وصلوا لرقم حسام … العد وقف
والصوت قال بهدوء مخيف :
«لسه الدور ما جاش … بس قرب»
وفي اللحظة دي، باب الفصل اتقفل بغضب والجرس رن من جديد بس المرة دي
كان رنّته غريبة ومختلفة رنة مش عادية ، دي كانت رنّة حساب … مش بداية يوم دراسي خالص
يتبع … 😈🏫🩸
اتمني جزء النهاردة يكون عجبكم وانتظرونا فى جزء جديد ياحلوين 🤗😊🥰
واعذرونا لو البارت قصير بس ده بسبب الضغط عشان بنجهز للموسم التالت من قصة عزيزة ونوح 😊🥰🤗♥️
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق