رواية زهرة البيت الفصل الثالث بقلم روان الشبلاق حصريه وجديده

رواية زهرة البيت الفصل الثالث بقلم روان الشبلاق حصريه وجديده 

رواية زهرة البيت الفصل الثالث بقلم روان الشبلاق حصريه وجديده 

بعد مرور اسبوع روعة مافاتحت ايمان بقصة الهوية 

ورجعت علاقتها ب وسام منيحة كتير 

بس روعة بلشت تتضايق من وجود ريم كل الوقت بغرفتها ليل ونهار ماعم تاخد راحتها

والشغلة ماوقفت بس ع ريم كمان اولاد ايمان كلهن اوقات بتبعتهن ينامو عند روعة 

وروعة خجلانة تحاكيها وخايفة انو تزعل 

بالليل في غرفة روعة

وسام. اشتقتلك 

روعة. اي 

وسام. اشتقتلك كتير

روعة. وسام لشو هالحكي والبنت هون

وسام. ريم قومي روحي نامي عند امك اليوم

ريم. مابدي رح ابقى هون

وسام. عم قلك روحي

لعند امك

ريم. وانا بدي ابقى عند روعة انت شو دخلك

وسام. والله هلأ بضربك ها

ريم. روعة مابتخليك

روعة. خلص اتركها اليوم

وسام. شو اتركها اليوم الها اكتر من اسبوع ع هالحالة وبعدين يعني

ريم. والله بقول لبابا انك عم تقلعني

وسام. اي روحي قوليلو هلأ

ريم. اي رايحة قلو ورح ارجع

وسام. اي الله معك

قام وسام وقفل الباب

وسام. ليش معطيتها وجه قولي لأمها

روعة. بدك الصراحة وانا بلشت اتضايق يعني ماعم باخد راحتي كل النهار هي واخواتها هون واذا بروح ع غرفة اسراء لنقعد سوا بيلحقونا 

وسام. خلص انا بكرا بحكي لأيمان 

روعة. بلكي زعلت 

وسام. اي وتزعل مو فارقة معي 

روعة. بس مابدنا مشاكل

وسام. اي خليها تزوء ع حالها وتظب اولادها يعني مابتعرف انو لساتنا عرسان ومابصير بنت بعمرها تظل بينا

رجعت ريم ولقت الباب مقفول 

ريم. وسام افتحلي .. قلت لبابا وقال بكرا بتشوف شو رح يعمل فيك

لك افتح الباب وساااام افتحلي

روعة. وسام افتحلها هلأ البيت كلو بفيق ع صوتها

وسام. شايفة انو انتي اللي عم تعطيهم وجه

روعة. يعني عاجبك صوتها

وسام. اسمعي ريم هلأ كلهم نايمين وهلأ بيطلعلك جني والدنيا عتمة او بيجي حدا وبيخطفك وبنخلص منك

ريم. يا ماماااا

وسام. هههههه راحت 

روعة. ههههههه ما اقواك

تاني يوم بالصالون ماكان في الا وسام وايمان

ايمان. وسام ليش هيك مخوف البنت مبارح 

وسام. اها منيح ذكرتيني انا بعرف ليش عم تبعثيها تنام عنا وتظل عنا طول النهار

ايمان. البنت بتحب مرتك وبتحب تنام عندها وين المشكلة

وسام. انتي عم تبعثيها لعنا لتحكيلك شو بصير بينا 

لو توفري عليها هالتعب وتسأليني الي كنت انا بحكيلك كل شي بتحبي تعرفيه

ايمان. يا الله تفكيرك وين بروح

وسام. هلأ المهم ماعم ناخد راحتنا فوق مو حاشين حالنا بهالبيت كمان استكثرتو علينا هالغرفة 

ريم مابقى تبعثيها لا بالليل ولا بالنهار

ايمان. شوف حبيبي هي غرفة اخوها بتفوت ايمتى مابدها انا مابحقلي امنعها

وسام. بس بحقلك تضبيها 

ايمان. اي بقص ايدي اذا مو روعة هي اللي شاكيتلك منها

لأن انت مو كل النهار بالبيت

حتى تعرف اذا كانت عم تفوت ع غرفتكم او لا

وسام. خلص سكري ع الموضوع

تاني يوم دخلت ايمان لعند روعة 

ايمان. شوفي روعة والله لو مو وضعي صعب ماكنت بجي وبحكيلك 

روعة. خير شو في

ايمان. انتي شايفة بعينك انو عمك ماعم يشتغل والشباب كلهم قاعدين بلا شغل 

ماسألتي حالك من وين عم نصرف

والله الوضع كتير صعب 

حتى انتي اكيد عم تلاقي فرق بين عيشتنا وعيشة اهلك بس شو نعمل كل واحد بعيش ع قد مصاريه

وماحدا هكلان هم هالبيت غيري انا 

وكل شي غالي الاسعار نار

ومافي مصاري شو اعمل

قلت بحاكيكي بلكي بتحكي مع وسام يدبرلي خمسين الف ضروري لانو البيت فاضي وما عنا شي ناكلو 

روعة. معك حق يعني اكيد البيت بدو مصروف بس والله وسام عم يطلع كل يوم يدور ع شغل 

وكل الشباب قاعدين بلا شغل مو بس هوا 

يعني لو معو اكيد مارح يقصر ع اهلو 

ايمان. احكي معو خليه يدبر متل المرة الماضية ضروري عم قلك رغيف خبز مافي بالبيت

روعة. مستحيل من وين بدو يجيب خمسين الف 

ايمان. يعني نموت من الجوع احسن

روعة. طيب .. هي 30 الف مامعي غيرهم والله كنت مخليتهن مصروف لحتى يلاقي وسام شغل بس البيت اهم

ايمان. بس هدول مابكفو 

روعة. والله لو معي غيرهن مابيغلى عليكي 

ايمان. يسلم ايديكي حبيبتي بس قولي لوسام بدنا خمسين الف ضروري

خليه يدبر حالو

روعة. المسا بحكيلو 

ايمان. اي ماتنسي

روعة. ولا يهمك

بالليل

روعة . ايمان قالتلي انو خبرك تدبرلها خمسين الف ضروري 

وسام. ههههه خمسين الف والله كل اللي معي مابيطلعو 3 الاف 

لشو بدها ياهن

روعة. قال مصروف للبيت

وسام. لك مابتشبع هالمرة

روعة. معها حق مين بدو يصرف ع البيت 

وسام. شو مين لك مبارح وسيم اعطاها 25 الف الو شهر يجمع فيهن وظلت وراه حتى اخدتهن وين اختفو من مبارح لليوم

روعة. وانا اليوم اعطيتها ال 30 الف اللي كانو معي

وسام. لا انتي اكيد مجنونة لك عنجد عم تسدئيها

لك شو عم تحكيلك حتى عم تضحك عليكي

كل هاد ولسا بدها خمسين مني

انتي بتعرفي انو كل هالمصاري اللي عم تاخدهن وحتى الميت الف الماضيين عم بتاخدهن لعند اهلها وبتخليهن معهم عم بتأمن مستقبل اولادها

روعة. عنجد بتحكي

هيي قالت لجارتكم

وسام. اي عنجد وقلتلك لا تعطيها وماسدئتيني

لك شغلي كلو وشغل وسيم وابي من زمااان وهي تاخدو منا وتروح فورا توديه ع بيت اهلها وتتركنا بجوعنا

وهلأ عم تضحك عليكي انتي

روعة. انا ماكنت بعرف انو هيك عم تعمل

وسام. وهي صرتي تعرفي

ظلت ايمان فترة ع هالحالة تطلب من روعة مصاري 

وروعة كل ماتروح ع بيت اهلها تاخد مصاري اما من امها او من حنان وتعطيهم لرحاب لحد ما بيوم قالتلها حنان 

حنان. روعة انتي كل هالمصاري اللي عم بتاخديها ماعم بتستفيدي شي منها لا انتي ولا زوجك

عم بتعطيهن لمرت ابوه 

هدول حقك انتي

ليش هيك عودتيها ع حالك 

انتي بتعرفي لحد اليوم اديش بتكون اخدة منك

روعة. والله بعرف و وسام نفس الشي بيحكيلي بس انا والله بستحي لما بتطلب مني وبتظل تترجاني مابعرف شو بصرلي وبقلا اي تكرمي

مع انو المصاري اللي عم اعطيها ياهن عم يختفو والبيت دائما فاضي مابعرف وين بتروح فيهم

حنان. اي قولي لحالك هالحكي

المصاري اللي عم تعطيها ياهم انتي اصرفيهن عليكي و ع زوجك ولا تخلي شي ينقصك

 بس تصير تطلب منك لا تستحي قوليلها مامعي واهلي وضعهم صعب هالفترة وهيك مابقى تطلب شي

روعة. اي ان شاء الله بس اليوم صرت واعديتها

حنان. هلأ بعطيكي خمسين الف بتعطيها عشرة بس والباقي الك ولزوجك انتو احق فيهن

وحاولي تطلعي ع بيت لوحدك 

بتخلصي من كل هالأمور 

روعة. هه مستحيل صعب كتير

حنان. نحنى بنساعدك كل شي علينا انتي بس اطلعي

روعة. مابعرف بنشوف

بالليل روعة اعطت ايمان عشر الاف 

ايمان. شو هاد روعة بس هدول

شو بدي اعمل فيهن

هدول مابجيبو دوا لعمك

روعة. يعني والله هدول جبتن من اهلي وهلأ وضعهم صعب شوي يعني مابقى فيني جيب منن لأن هني هلأ بدهن مين يعطيهن

ايمان. طيب يسلم ايديكي

بس اكيد لما بتروحي عليهم المرة التانية بكون تحسن وضعهم 

روعة. ان شاء الله 

ايمان في نفسها يخرب بيتك ما اكذبك بلشتي تلفي وتدوري

روعة. حنان معها حق المصاري اللي عم يعطوني ياهن اهلي بقدر جمعهن واشتري فيهن اغراض للبيت بلكي طلعنا ع بيت لوحدنا بكون كل شي جاهز عنا

وبقدر اعطيهم لوسام يفتح فيهن محل نحنى احق فيهن 

روعة حكت مع وسام واقنعتو بأنو تخلي اهلها يفتحولو محل يشتغل فيه

بالأول كان رافض الفكرة بس روعة ظلت وراه حتى اقنعتو

وبعد اقل من شهر فتح وسام محل وصار يشتغل فيه 

ايمان. ماشاء الله عليكي يا روعة شو انك فهمانة هاد احسن شي بتعمليه

مو متل اسراء مسكين زوجها ماعم يستفيد منها بشي لك لا مصاري ولا جمال ولا بتعرف تكون انيقة ومرتبة متلك على شو حاببها مابعرف

روعة. ليش هيك عم تحكي عليها .. برأيي لو تخليلها وقت تهتم بحالها بتشوفيها غير هيك 

ايمان. كيف يعني خليلها وقت

روعة. يعني انتي ماعم تخليها تتنفس اذا بتفوت ع عرفتها دقيقة بتناديلها 

اذا بدها تسهر مع زوجها ماعم بصيرلها

كل وقتها بلشانة بأولادك حرام هيك شوفي اديش عم تهمل حالها وزوجها كرمالكم وفوق هيك عم تحكو عليها ومو عاجبيتكن

ايمان. ليش هيك زعلتي عليها ليش انا شو حكيت

روعة. حكيتي كتير وكل مرة بتحكي عليها قدامي وبظل ساكتة بس والله حرام

فوق مو قبلانة بهي العيشة 

وما الها حدا تروح عليه 

صرلي من لما تزوجت ماشفتها طلعت مشوار وغيرت جو 

ايمان. اي الحق ع زوجها انا شو دخلني

روعة. مادخلك بس خفي عليها

ايمان. طيب تكرمي مشانك مابقى حاكيها.. بس بدي طلب صغير منك مقابل هالشي .. بدي تدينيني ميت الف كتير مضطرة عليهن اليوم بدي اشتري اغراض للمطبخ صرلنا اسبوع مقطوعين من الاكل

روعة. شوفي خالتي بصراحة مابقى فيني اعطيكي ولا الف لأن اهلي صارو يشكو بالموضوع كل يوم عم اطلب منهن وعم يحكولي وين بتروحي بالمصاري

وهلأ بعد مافتحو لوسام محل مابقى اعطوني شي 

لهيك لابقى تطلبي مني لأن والله مامعي

واذا حجتك البيت

هي وسام بلش شغل ومارح يقصر رح يصرف ع البيت 

ايمان. هلأ معقووول اهلك رغم كل هالمصاري اللي معهن عم يدققو ع كم الف 

روعة. هي المصاري ماجابوها من الشارع هي تعب وشقى ابي واخوتي لسنين طويلة وحقهن انو يحافظو عليهن 

وبالأخص بهالأحداث

انا صرت اخدة منن اكتر من خمسمية الف وهاد حرام هاد حق اخوتي 

ايمان. وانتي وين حقك وايمتى رح تاخديه

روعة. خالتي كأنك عم تحاسبيني ع مصاري اهلي

ايمان. لا ماعم حاسبك الله لا يعيزنا الك

كل اللي طلبتهن ميت الف عملتيهن خمسمية ياعيب الشوم عليكي بعد كل شي منيح عملتو معك

روعة. شو المنيح اللي عملتيه معي

ايمان. مابكفي عم دللك وعاملك احسن معاملة مو شايفة الفرق بين معاملتي الك ومعاملتي ل اسراء سلفتك

روعة. لو اسراء هي اللي معها مصاري وانا الفقيرة كنت رح تعامليني نفس المعاملة ؟

لهيك الله يخليكي انا ساكتة ورضيانة بكل شي وعم قول الحمدلله مع الايام بتتحسن عيشتنا

بس انتي ماعم تساعدينا لنصير عيلة وحدة 

انتي عم تفرقي بين الكل وبتعاملي كل واحد حسب مصاريه

ولا تفكري حالك عملتي منيح معي وقت تعامليني غير عن اسراء انتي عم تفرقي بينا بمعاملتك

ورغم هيك اسراء ساكتة ومابتحكي شي

وبتحبني وما الها مصلحة معي 

ايمان. لك اي خلص فهمنا منيح اللي انفتح هالموضوع خلي كل واحد ينكشف ع حقيقتو ع قولة المثل ياما تحت السواهي دواهي

روعة. مابسمحلك تحكي عني هيك

انا ماغلطت معك انا حكيت اللي عم شوفو قدام عيوني

ايمان. كل هالحكي وماغلطتي

روعة. يبدو انو مابقى فينا نعيش ببيت واحد انا ماحابة يصير مشاكل بيني وبينك

انتي بتظلي خالتو لزوجي وانا بحترمك بس انما للصبر حدود

ايمان. اللي بيطلع بأيدك اعمليه فضحتينا بأهلك اللي شايفين حالهن عالناس وكأنو ماحدا معو مصاري غيرهن

روعة. هلأ اهلي شايفين حالهن بس مارح قول غير حسبي الله ونعم الوكيل

هي كانت بداية المشاكل بينهن وايمان خافت انو روعة تطلع من البيت هيا و وسام ويعيشو لوحدهم ويكونو مبسوطين

وهي مابدها هالشي

لهيك مارح تسكت لروعة وخصوصي انو مابقى قدرت تحصل منها مصاري 

وفقدت الامل بهالشي 

صارت تخطط وتفكر شو بدها تعمل لتنتقم من روعة

بالليل بس رجع وسام من شغلو كانت روعة بغرفتها

دخل وسام ع الصالون وكانو ابوه وايمان واسراء موجودين 

ايمان كانت عم تبكي

وسام. خير شو في ؟

ليش خالتي عم تبكي 

ابو وسام. روح اسأل مرتك اللي مو مرباية ببيت اهلها

وسام. لك ليش شو صاير

شبها روعة

ابو وسام. روعة غلطت ع خالتك بالحكي وعيرتها بالمصاري اللي اعطتها ياهن ومن الصبح لهلأ فضحتنا بأهلها شي اهلي بيصرفو عليكي وشي اهلي احسن منكن وشي اهلي فتحو لوسام محل ورح يصير يصرف ع البيت من مصاري اهلي

وسام. روعة تحكي هيك !!

ابو وسام. اي روعة ليش مستغرب

بنت الحسب والنسب شافت حالها علينا ومابقى عجبتها عيشتنا وبدها تطلع لوحدها

وسام. طب فهموني ليش شو صاير

ابو وسام. روح وخلي مرتك تحكيلك

وانا مارح اسكت عن اهانة مرتي

دخل وسام ع الغرفة

روعة. اهلين حبيبي الله يعطيك العافية

وسام. الله يعافيكي

روعة. كيف كان الشغل

وسام. شو صاير بينك وبين ايمان

روعة. ليش شو صاير

وسام. انا عم اسألك شو صاير بينكن الصبح

روعة. ولشي طلبت مني مصاري وقلتلها انو مامعي 

وكلمة مني وكلمة منها كبرت القصة وهي يمكن زعلت

وسام. وشو كمان

روعة. بس هيك

وسام. يعني مزبوط الكلام اللي اسمعتو

روعة.  ليش شو سمعت ومين خبرك 

وسام. انتي غلطتي عليها لأيمان وسمعتيها حكي انو عم بتعطيها مصاري

روعة. لا ماغلطت عليها بس ع المصاري اي قلتلها مابقى فيني اعطيكي

وسام. طيب لكن امشي معي

طالع روعة ع الصالون لعند اهلو وايمان لسا عم تبكي

وسام. روعة عم تقول ماغلطت عليها وانو بس قالتلها مافيني اعطيكي مصاري هيك بشو بتكون غلطت

ايمان تبكي. كذابة والله مارح سامحها ع الحكي اللي حكتو وع تعبي اللي ضيعتيه

روعة. تسامحيني ع شو ليش انا شو حكيت

وسام. اذا انتي حاكية شي قوليلي

روعة. عم قلك ماغلطت عليها والله

ايمان. لك بكفي كذب قلتي انو مصاريكم وتعب اخوتك وابوكي كلو عم يروح علينا

 وقتلي انو صرتي صارفة علينا خمسمية الف وقلتي انو محل وسام كلف اهلك هديك الحسبة وانو نحنى ماتعرفنا ع شي وفوق هيك بدنا يصرف علينا من المحل اللي عملوه اهلك وقلتي انو منيح منك انك صابرة ع هالعيشة وماعم تشتكي

وقلتي انو كيف اسراء متحملة هالعيشة بدون ماتطلع وماتفوت وانو مابتهتم بحالها وكيف زوجها صابر عليها

وقلتي انو رح تتحسني عليها بكم قطعة من تيابك 

روعة. هالحكي كذب والله العظيم قلبت كل الحكي انا ماقلت هيك شي 

ايمان. انتي اللي عم تكذبي حتى قلتي انو وسام حق معسل للأركيلة عم ياخدو منك 

روعة. لك بكفي كذب حرام عليكي

ايمان. سدئني يا وسام اني عم قول الحقيقة لكن انا شو عرفني انو عم تعطيك حق معسل وفحم للأركيلة لو ماهيا بلسانها حكت

وسام. لكن اهلك اللي عم يصرفو عليي

لك كلهن مرتين اللي اخدت منك حق معسل فضحتيني فيهن وصرتي تعيريني بس انا الحق عليي اللي قبلت اخد من الأساس

روعة. وسام والله مو صحيح هالحكي لك انا ايمتى عيرتك بشي

والله العظيم كلو كذب معقول انا يطلع مني حكي هيك

لك وقت كانت تطلب مني مصاري كنت استحي احكيلها لا او مامعي

وسام. كل شي كنت ممكن سدئو انو كذب وتأليف لو ما قصة الاركيلة اللي ماحدا بيعرف فيها غير انا وانتي

انا كنت محتاج بوقتا واخدت منك الفين بس وهلأ عم تعيريني يا روعة

روعة. وسام خلينا نفوت ع الغرفة ونحكي شوي واشرحلك كل شي صار والله الحكي مو هيك كان

وسام. اهاا يعني الحكي صار

روعة. لك لا لا والله لا

وسام. روحي انقلعي ع الغرفة ولا تطلعي منها 

روعة. لك وسام شو صرلك معقول تسدء هيك شي

وسام بصوت عالي. انقلعي ع الغرفة 

دخلت ع غرفتها وصارت تبكي 

ليش هيك عملت ايمان كل هاد لأنو ما اعطتها مصاري

وسام ظل قاعد مع اهلو للساعة 3 الصبح وايمان استلمتو وعبت براسو ع روعة والفت عليها حكي كتير 

و وسام سدء كل شي انو ليش روعة عملت معو هيك

ابو وسام. شوف وسام مرتك بلشت تعمل مشاكل بالبيت لهيك انا مابدي وجع رأس من بكرا بتدور ع بيت وبتطلع لوحدك

وسام. لا شو اطلع من وين بدي جيب اجار بيت ومن وين بدي اصرف لك اصلا شو بدي افرش البيت

ماعندي شي

ابو وسام. هي ماصار عندك محل وبلشت تشتغل

وسام. المحل رح سكرو ورح رجعلهن كل المصاري اللي دفعوها 

ابو وسام. اي بتكون عملت منيح لأن رح تجي ايام ويقولولك نحنى اللي عملنا منك رجال ونحنى اللي اصرفنا عليك وطعميناك .. انت ابني ومابتخلى عنك 

لهيك يا اما بتحط حد لمرتك يا اما بتطلع ع بيت لوحدك 

وسام. لا خلص انا رح بحكي معها وبس لاقي شغل رح حاول رجع كل المصاري اللي كنتو اخدينهن منها

ابو وسام. بس عندي شرط لحتى خليك بالبيت

وسام. شو هوا

ابو وسام. مرتك ممنوع تزور اهلها لأنو بس تروح عليهن عم يكبرو برأسها علينا هه لكن الخانم طلعت مو عاجبيتها عيشتنا

وسام. طيب مارح خليها تروح .. انا رايح نام راسي رح ينفجر من الوجع .. تصبحو ع خير

ابو وسام. وانت بخير

ايمان. بتستاهل هالحيوانة

ابو وسام. مبسوطة هلأ .. هي رح يمنعها تروح ع بيت اهلها 

ايمان. اي بتستاهل خليها ولسا كمان رح كسرلها راسها اكتر واكتر والايام جاية

دخل وسام ع الغرفة كانت روعة عم تبكي وكانت بدها تحكيلو الحقيقة بس سكتها

وسام. روعة راسي رح ينفجر مابدي اسمع ولا حرف اللي فيني مكفيني

نام ع التخت ودار وجهو ع الناحة التانية 

ومارضي يسمع شي

ايمان ما اكتفت بهالشي وتاني يوم اتفقت مع جارتهم ع كلام وخلتها تحكيه قدام وسام وروعة لحتى يسمعو وسام

جارتهم. شو وسام كيف شغلك كيف المحل الجديد

وسام. الحمدلله

جارتهم. عم بقولو انو كلف اهل مرتك كتير وانو ان شاء الله انت تقدر هالشي وتلتزم بشغلك 

وسام. مين اللي عم يقول هيك

جارتهم. كل الناس عم تحكي هيك وقال حتى لو فتحولك اهل مرتك معرض سيارات انت مو خرج شغل ومارح تكمل الشهرين

ايمان. ياحبيبي هي بلش حكي الناس

انو شو بيستفيدو الناس لما بيحكو هيك مابعرف يعني حتى لو اهل مرتو ساعدوه شو بصير ماهوي زوج بنتهم يعني متل ابنهم

روعة. ياريت كل الناس تلتهي بحالها وكل واحد يضب لسانو بحلقو 

وسام. روعة خلص اسكتي 

دخل وسام ع الغرفة ولحقتو روعة

وسام. انا الحق عليي اللي وافقت من الاساس بس انتي السبب ظليتي ورايي حتى صرت علكة بتم الناس

واول حدا عيرني وسمعني حكي هوا انتي 

روعة. يعني انت مصر ماتسدئني

وسام. قلتلك لا بقى تفتحي الموضوع لأن بالغصب عم حاول انسى اللي حكيتيه انا تزوجتك لأني حبيتك مو طمعا بمصاري اهلك

وهي صرلنا 4 شهور متزوجين كل اللي اخدتن منك مابيطلعو عشرين الف 

وكنت قلك ياروعة لا تعطي ايمان شي وماتردي علي

لحتى اجا اليوم اللي سمعتيها وسمعتيني حكي 

بس منيح صار هالشي لأن لحد هون وبكفي هي مفاتيح المحل هلأ رايح اعطيهن لأهلك وخالصين

والخسارة اللي خسروها بس الله يرزقني رح عوضهم فيها ومارح اوكل حقهم كل شي اخدتو واخدوه اهلي هاد دين عليي و رح رجعو 

روعة. مشان الله ماتحكي هيك انا بحبك ومستحيل احكي شي عنك ليش عم تسدء ايمان وتكزبني

وسام. اسمعي روعة انا لحد الان ساكت وماعملت شي لسا لهلأ عم تنكري

اذا بدك تبقى علاقتنا منيحة وحابة تبقي معي سيرة اهلك مابقى تفتحيها وممنوع تروحي عليهم 

روعة. وسااام ليش عم تعمل فيني هيك لك هدول اهلي بدك تحرمني منهن

وسام. وانا زوجك واللي عندي قلتو ف انتي تسطفلي 

طلع وسام من الغرفة وتركها عم تبكي 

وراح اعطا مفاتيح المحل لأهلها وحكا معهم بنشافة وماعرفو شو السبب

رجع وسام يدور ع شغل من اول وجديد وظل اسبوع هوا وروعة علاقتهم مامنيحة وكل شوي يتخانئو بسبب نفس المشكلة 

واسراء بتعرف انو كل الحكي اللي حكتو ايمان كذب وماسدئتها وعلاقتها بروعة كتير منيحة وكل مالها عم تقوى اكتر واكتر

وهاد الشي كان يزعج ايمان

ايمان تمكنت من وسام وكل يوم عم تشكيلو من روعة وسام عم يسدئها ع قد مابتشكي وبتبكي

روعة. هي صرلنا اسبوع ع هالحالة وسام زعلان مني وحارمني شوف اهلي

بس اكيد مع الايام بروق وبيعرف انو ايمان كذابة 

الله لا يوفقك يا ايمان متل ماخربتي حياتي مع وسام ان شاء الله بتنخرب حياتك يارب

بعد مرور اسبوع

وسام. شو شايف علاقتك قوية ب اسراء لسا من فترة كنتي عم تحكي عليها 

روعة. انا ماحكيت عليها وانا وياها متل الاخوات وللمرة المليون عم قلك ايمان كذابة

وسام. بس والله منيح اسراء رغم كل الحكي اللي قلتيه عنها لساتا منيحة معك

طلعت بنت اصل ومابتهون عليها العشرة

وليكا صابرة ومتحملة ايمان وبلشانة بأولادها وماعم تحكي شي 

انتي من اول كم شهر بلشتي تشكي

روعة. يا الله ع هالنهار يعني انت عم تجاكرني

وسام. الحقيقة بتزعل ماهيك

روعة. مارح رد عليك

وسام. طبعا مارح تردي ليش مين انا لتردي عليي

روعة. لك خلصناااا بكفي والله بكفي انو ماكنت تنسى يعني والله لو كنت حاكية شي مابزعل بس كل القصة تأليف من مرت ابوك

وسام. لا ما خلصنا مرت ابوي شو عرفها انو اخدت منك حق معسل للأركيلة

روعة. واللهي مابعرف اسأل حالك بتكون انت حاكي بالغلط

او بتكون تسمعت علينا

حنان اتصلت بروعة وسألتها انو ليش ماعم تروح عليهم  وانو امها اشتاقتلها وروعة حكتلها كل شي صار وحكتلها انو ماتخبر امها واخوتها بشي

بعد اسبوعين شكت روعة انها حامل وحللت بالبيت وطلعت النتيجة ايجابي فرحت كتير لأن كانت عم تستنى هاليوم

كان وسام برات البيت وكانت كتير متشوقة انها تخبرو بحملها وتشوف ردة فعلو 

وصارت تفكر بأنو اكيد حياتها رح تتحسن ورح تطلع ع بيت لوحدها ورح يعمللها كل شي بدها اياه بعد مايسمع الخبر

الفصل الرابع من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺