جميع الروايات كامله

رواية شتات قلب بقلم الكاتبه دليا منصور الفرجاني حصريه وجديده وكامله جميع الفصول على مدونة النجم المتوهج 

رواية شتات قلب بقلم الكاتبه دليا منصور الفرجاني حصريه وجديده وكامله جميع الفصول 

كان واقف قدامها وهي قاعدة وضامة رجليها وبتقول بانهيار: 

-انت عملت ايه فيا يا حيوان انا بكرهك.. 

بصلها بخبث وهو بيقرب وبيقول: 

-عملت ايه يعني زي مبعمل مع اي واحدة ملهاش لازمة وبتترمى عليا ايه مش مبسوطة. 

بصتله بدموع وهي بتقول بانهيار: 

-حسبي الله ونعم الوكيل فيك روح ربنا ينتقم منك انا مستحيل اسامحك حسبي الله ونعم الوكيل.. 

قرب عليها فهد وهو بيمسكها من شعرها بعصبية وبيقول: 

- هو مش انتي اللي رميتي بلاكي عليا والا انا بتبلى عليكي مش انتي اللي جتيلي شقتي والا انا جبتك غصب.. 

كانت بتصرخ وهي بتقول بانهيار: 

- انا مجتلكش برضايا افهم بقى انت مبتفهمش انا حد كلمني من الشركة وقالي استاذ فهد عاوز الملف بتاع شركة المالنيا وقبل واول موصلت هنا محستش بنفسي بس انت استغليت دا حسبي الله ونعم الوكيل.. 

بذمتك واحدة في الصعيد تروح شقة واحد لوحدة وتقولي انا اللي غلطان.. 

حنين قربت عليه وهي بتقول: 

- انا اللي طلعت غلطانة بس ابوس ايدك اكتب عليا واستر عرضي الهي يستر عرض احبابك.. 

قرب فهد عليها بكل جبروت وهو بيقول باستهزاء: 

- عوزاني انا فهد المرشدي اللي بنات الصعيد كلياتهم يحلموا ولو نظرة واحدة مني تيجي انتي وتقولي اتجوزك انا مش بتجوز واحدة خلاص مدة صلحيتها انتهت ويا عالم شريفة والا لاء.. 

قربت عليه وضربته كف وهي بتقول بصريخ: 

- انا اشرف منك ومن اهلك كلهم.. 

ضربها كف هو كمان وهو بيقول: 

- انتي بتضربيني يا زبالة والله منا سايبك يا بنت الكلب. 

ومسكها من شعرها وهو متعصب وبيفتح باب الشقة وبيرميها بره وهو بيقول: 

- معتش اشوف وشك تخطي باب شركتي ولو لمحت طيفك قريبة مني بس هدفنك مكانك امشي من هنا غوري.. 

وزقها وقعت على الأرض قريب السلم لولا انها مسكت كان زمانها وقعت من على السلم وقفل الباب في وشها.. 

وقفت حنين بصعوبة وقلبها متكسر مليون حتة وهي بتقول بتعب وانهيار:

- انا انتهيت اهلي لو عرفوا هيدفنوني حية. 

ونزلت من العمارة وهي منهارة وبتفتكر اللي حصل معاها وخلاها تروح شقت فهد... 

««فلاش بااك»» 

في شركة من افخم الشريكات في الصعيد كان في بنت جميلة ومحجبه قاعدة على كرسي السكرتارية وهي بترد على التليفون وبتقول: 

- الو تمام يا فندم هبلغ مستر فهد باللي قولتهولي.. 

وحطت التليفون ودخلت المكتب من غير متستأذن فجأة.. 

-انتي مش بتفهمي مفيش باب تخبطي عليه قبل متتنيلي تدخلي مكتبي.. 

كان فهد قاعد وجنب منه بنت شبه عارضات الأزياء وميكب كامل، حنين فضلت متنحة من اللي شافته بس فاقت على صوت فهد وهو بيقول: 

- انتي يا متخلفة انتي في ايه مالك مش قلتلك خبطي والا انتي مبتفهميش.. 

حنين بصتله بقرف وهي بتقول: 

- معلش يا استاذ فهد في مكالمة من الوفد الألماني وكان بيقولي عاوز يكلم حضرتك.. 

فهد بصلها بعصبية وهو بيقول: 

- طب غوري اخرجي برة مكتبي وتاني مرة لم تدخلي ابقي خبطي على الباب يا متخلفة ماشي.. 

خرجت حنين وهي بتقول بعصبية: 

- دا واحد قليل الزوق ومش متربي ايه القرف اللي بيهببه دا في المكتب ربنا يتوب عليا من الشغلانة دي انا لولا محتاجة فلوس علشان اكمل تعليمي مكنتش عبرت اهلك وجيت الشركة دي من اساسه.. 

وقعدت على المكتب بعد ساعات لقيت حد بيقولها بمياعة... 

-انتي يا بتاعة انتي بعد كدا لم تدخلي عند دومي حبيبي تبقي تخبطي نشي يا بتاعة انتي.. 

بصتلها حنين من فوق لتحت وهي بتقول: 

- استغفر الله العظيم واتوب اليه يارب سامحني، امشي يا ست انتي من قدامي وبخصوص استاذ فهد انا اعتزرت منه ملكيش دعوة انتي انا هنا شغالة في شركة المرشدي مش عند ابوكي.. 

اتكلمت روز بكره وهي بتقول: 

- انا كلمتي تتسمع زي فهد بالظبط لانه هيبقى خطيبي فهمتي والا لاء.. 

قالت حنين في بالها: 

- في ايه يا حنين انتي مالك ومالهم انشالله يغور هي وياه اهم حاجه انتي وشغلك متخسرهوش وبخصوص البنت دي ملكيش دعوة بيها.. 

طنشتها حنين وقعدت قالت روز بعصبية: 

- وحياة ابويا مهسيبك.. 

بصتلها حنين بقرف وهي بتقول: 

- تمام اخرجي ورايا شغل كتير.. 

خرجت روز وهي متعصبة وبعد ساعة كان وقت الخروج من الشركة وحنين كانت بتلم الورق اتفجأت بالعامل وهو بيقول: 

- استاذة حنين استاذ فهد طلب منك تبعتيله الملف على الشقة دي.. 

وعطاها العنوان حنين قالت بزهق: 

-تمام يا عم صابر بس امانة عليك هاتلي فنجان قهوة قبل مخرج علشان اقدر استحمل.. 

عم صابر قال بابتسامة: 

- من عيوني الاتنين وخرج يجبلها قهوة وبعد وقت كانت شربت القهوة وراحت على العنوان اللي ادهولها عم صابر.. 

لكن بمجرد الباب متفتح كان الدنيا مشوشة ومحستش بأي حاجه بعدها... 

«بااااك» 

كانت حنين قاعدة في اوضتها وهي بتقول بعياط: 

- خلاص انتهيت ومستقبلي ضاع هقول لأهلي ايه دلوقت والحقير مش هيقبل يستر عليا انا اللي غلطانة مكنش لازم اروح ليه يا حنين تعملي كدا.. 

كانت بتلوم نفسها وتلطم على وشها بتعب وعيونها حمرة دم وهي بتقول: 

- انا لازم انهي حياتي هعيش ازاي في وسط اهلي انا من الصعيد اه انا قعدت سنين في اسكندرية عند خالتي، لكن عوايدنا واهلي صعايدة وهما عندهم انهم يقتلوني والا شرفي يضيع.. 

سمعت خبط على الباب مسحت دموعها بسرعة وهي بتقول: 

- ادخل.. 

دخلت امها وهي بتقولها: 

-حنين يا بنتي عاملة ايه.. 

حنين بحزن بس حاولت تداري: 

- ادخلي يا ماما انا هنا بخير.. 

دخل سماح وهي بتقول بفرحة: 

- في خبر بمليون جنيه.. 

خنين بصتلها بتعب وهي بتقول: 

- ايه هو يا ماما.. 

سماح قالت بخضة: 

- فيكي ايه يا حنين وشك باين عليه التعب والأرهاق مالك.. 

حنين وهي بتوه: 

- مفيش يا ماما الشغل اللي كنت معتمدة عليه خسرته والجامعة بتاعتي هتبداء كمان شهرين مش عارفه هعمل ايه وكمان هنا في الصعيد الشغل للبنات بنلاقيه بصعوبة.. 

سماح قعدت جنبها وهي بتقول: 

- حنين يا بنتي انتي اه عشتي في اسكندرية كتير بس انتي في الأصل صعيدية وعوايدنا ان البنت مش بتخرج غير غلى بيت جوزها وبس غير كدا يعتبر غلط بس انا سمحتلك تخرجي علشان تعليمك لكن أن الأوان تتجوزي وجوزك هو اللي يقرر تكملي تعليمك والا لاء عمك جابلك عريس بيقولوا غني جداً وكويس وهيقدر يشيل مسؤليتك كفاية انك مش هتبقي مطرة تشتغلي علشان تصرفي عليا وعلى اخواتك.. 

حنين بصت لأمها برعب وقلبها بيدق وهي بتقول في بالها: 

- ينهار اسود جواز ايه دلوقت انا لو حد ف اني مش بنت هروح في ستين داهية دول مش بعيد يخلصوا عليا من دم بارد انا لازم اخلص على نفسي قبل محد يكاشف الموضوع دا.. 

سماح هزت حنين وهي بتقول: 

- حنين يا بنتي روحتي فين انا بكلمك مالك مش معايا ليه بقالي ساعة بكلم فيكي.. 

حديد بصت لأمها بتوهان وهي بتقول: 

- ماما انا عاوزة اقول ليكي حاجة.. 

دموعها نزلت امها قربت عليها وهي بتقول: 

- في ايه يا حنين يا بنتي مالك قولي فيكي ايه.. 

حنين قالت ببكاء: 

- انا مش بنت.... 

ام حنين بصدمة: 

الثاني 

ضربتها كف و هي بتقول: 

- يابت الكلب ومسكتها من شعرها وهي بتصرخ وتنادي على عمها وبتقول: 

- الحقوني يا خلق.. 

ووقعت وهي ماسكة قلبها وحنين قربت عليها وهي بتصرخ وبتقول: 

- ماما ابوس ايدك متسبنيش ماما... 

حنين صرخت وهي بتفوق على هزت ايد امها: 

- يا بنتي مالك النهاردة اقول ايه لعمك علشان العريس اللي جايبه ليكي.. 

حنين هزت راسها بخوف وهي بتقول: 

- اللي انتي عوزاه يا ماما.. 

خرجت سماح وحنين بتقول: 

- ينهار اسود انا لو قلتلها على اللي حصل معايا واني مش بنت وضيعت شرفي مش بعيد تموت فيها انا لازم ارفض بأي طريقة او اخلص على نفسي بس محدش يكتشف اني مش بنت... 

.... في مكان تاني عند بطلنا كان داخل لمكتبه وشاف  مكتب السكرتارية فاضي قال في باله: 

- زبالة زي غيرها بتترمى تحت رجلي علشان اتجوزها وتبقى مرات فهد المرشدي طمعانة زي غيرها في الفلوس وبس بس اللي عملته دا مش هيخليها تستجرى حتى تبص على غيري مش تضحك عليهم.. 

ودخل مكتبه وقعد ولسه هيمسك الملف شاف تليفونه بيرن.. 

فهد بفرحة: 

- اختي حببتي ايه مشوفتكيش من شهر الواد حزومبل عامل اين حبيب خالو.. 

اخته في التليفون: 

- واد يا فهد سيبك من الواد ابن الجزمة اللي مطلع عيني دا.. 

فهد ضحك وهو بيقول: 

- طالع لمين يعني غير امه كانت بتطلع عيني بس الله المستعان ربنا بيخلص اول بأول.. 

ديما بهزار: 

- طب والله انت متستاهلش اللي جاية اقولهولك.. 

فهد بهزار: 

- خير الهم اجعله خير.. 

ديما بحب: 

- انا خطبتلك خليت جوزي شافلك بنت جميلة ومتعلمة وكمان شبهك وطباعها زيك وكمان دي متعلمة شبهك وخليته كلم عمها هو اه عمها طماع وطلب مهر عالي لكن علشان راحتك يهون الدنيا ومافيها.. 

فهد بتريقة: 

- هو حد قالك اني باير يا استاذة وكمان ليه اقبل بطلب واحد زي دا فهد مش بيتهدد والا البنات بتتقل عليه وبخصوص الجوازة دي مش  هتم.. 

ديما بزعل: 

- يوه يا فهد لأمتا هتفضل قافل على نفسك كدا فوق بقى وبالنسبة للعروسه احنا هنشوفها ولو معجبتكش انا يا سيدي اللي هفركشها بنفسي بس في حاجه مهمة.. 

فهد استغرب وقال: 

-في ايه يا ديما.. 

ديما بتوتر: 

- امك يا فهد انت عارف عايشة في دور بنت البشوات زيادة عن الزوم رغم انها صعيدية واصلها كمان لكن هنقول ايه الفلوس بتغير النفوس.. 

فهد بهزار: 

- متقلقيش من نحية امك هي مبتقدرش تقف قصادي.. 

ديما باستغراب: 

-احلف كدا ياخويا امك لو عرفت بجوازتك دي مش بعيد تطربقها عليك وعلى اللي خلفونا.. 

فهد بتحدي: 

- طب لو قلتلك ان الجوازة دي هتم وهشوف امك هتطربقها الزاي تخليها في جوزها اللي عاوز يضحك عليها وتسيبنا في حالنا انا مش هسمح لحد يتحكم في حياتي.. 

ديما بخبث وهي نفذت اللي عوزاه: 

- تمام يا خويا يا قمر انت اسيبك بقى علشان تلحق تجهز ونروح للعروسة نطلبها.. 

..... عند حنين كانت قاعدة في الاوضة بتاعتها وفجأة دخلت عليها والدتها وهي بتقول: 

- حنين انتي لسه مجهزتيش العريس جاي هو واهله علشان يشفوكي في ايه يا بنتي.. 

حنين بحزن: 

- يا ماما انا مش عاوزة اتجوز ليع بتغصبوني على كدا والا عمي قابض كتير علشان يرميني بسرعة.. 

سماح بزعل: 

- ميصحش كدا يا حنين الناس على وصول وعمد لو شم خبر باللي قولتيه دا هيقكع رقبتك وهمي جهزي نفسك وتعالي قبل الناس متيجي.. 

حنين بقهر وهي بتقول لنفسها: 

- انا في مصيبة هعمل ايه بس انا لو وافقت واتجوزت فضيحتي هتبقى بجلاجل في الصعيد كلها وغير ان عمي هيخلص عليا وهحط راسهم في الطين يارب انجدني يا رب.. 

لبست حنين وخرجت تشوف العريس.... 

.... تاني يوم كانت واقفة حنين قدام شركة فهد المرشدي وهي بتقول: 

- انا لازم اترجاه يتجوزني حتى لو هبوس رجله انا مش هقدر استحمل اللي هيحصل فيا او في امي.. 

دخلت حنين الشركة ومكنتش واخدة بالها خبطت في حد وهي بتقول: 

- اسفة مخدش بالي.. 

روز بقرف: 

- ايه البلاوي اللي بتتحدف علينا من الصبح دي في ايه مالك مش المفروض معتش ليكي وجود هنا والطردتي جاية ليه ياللي معندكيش دم.. 

حنين سابتها ولسه هتدخل اوضت المكتب روز مسكتها وهي بتقول: 

- هي وكالة من غير بواب يا بيئة انتي اخرجي من هنا حالاً. 

حنين قالتلها بترجي: 

- امانة عليكي ابعدي عن طريقي انا مش حمل بهدلة هو بس في حاجه هقولها لاستاذ فهد وهخرج من هنا.. 

وفلتت اديها من ايد روز وكانت هتدخل لقيت اللي بتوقعها على الارض وهي بتقول: 

- الزبالة اللي ذيك معندهمش دم والا احترام لكلمة اخرجي انتي مش بتفهمي.. 

حنين دموعها نزلت وافتكرت اللي حصل معاها وعزمت انها تدخل بأي طريقة قامت بسرعة وفتحت باب المكتب وهي وروز كانت وراها بتقول: 

- فهد البنت دي دخلت بهمجية وحاولت امنعها.. 

فهد كان قاعد مع شاب وبيتفقوا على الشراكة اللي بينهم واول مشاف حنين قال: 

- اوبا ايه الجمال دا.. 

فهد سمع كلام ادم وقال بعصبية: 

- انتي يا متخلفة ازاي تقتحمي مكتبي بالهمجية دي مش قلتلك مشوفش وشك مهوبة شركتي والا مقربة مني.. 

حنين بصت حوليها برعب وهي خايفة وبتفرك في اديها بتوتر وتقول: 

- كنت عاوزة اتكلم مع حضرتك في حاجه لو سمحتلي.. 

ادم حس بتوترها خرح وروز مكنتش راضية تخرج لكن فهد بصلها وخرجت وفهد قرب من حنين وهو بيقول: 

- انتي جاية تعملي ايه هنا مش قلتلك لو لمحتك في شركتي او قدامي مش هسيبك عايشة.. 

حنين نزلت عند رجليه وهي بتقول بقهر: 

- ابوس رجلك ارحمني واستر عليا انا هتجوز وخايفة اهلي يتفضحوا قدام كل العالم ابوس ايدك ودي خدمة عمري مهنساها أبداً.. 

فهد ابتسم بخبث وهو بيقول: 

- تمام عندي استعداد اساعدك لكن بشرط اجرب كمان مرة جايز تعجبيني المرة دي بصدق واتجوزك للمزاج.. 

حنين اتصدمت من كلامة وفجأة ضربته كف وهي بتقول: 

- انت عرة على الرجالة وانا عمري مهطلب منك حاجه خالص ولو كان فيها روحي ولو على الجواز انا هوافق وجايز يطلع راجل ويرضى بيا مش ذيك متسواش أصلاً تتسمى راجل.. 

فهد كانت شياطين الدنيا قدامه ومسكها من رقبتها بعصبية وهي كانت هتموت في ايده بس حد شدها منه وهو بيقول: 

- انت متخلف يا فهد عاوز تخلص عليها انت اجننت.. 

فهد بغضب وهو بيقول: 

- واحدة زي دي متستاهلش اصلا انها تقف قصادي مش تتكلم ببجاحة ولو على جوازك انا بهني الاريل اللي هيتجوزك على اللي هياخده بعد ميتجوزك.. 

وفضل يضحك وادم كان بيبص لحنين بحزن لانه فهم من كلام فهد اللي حصل بينهم وحنين قالت بشجاعة وحرقت قلب: 

- انا اللي هيتجوزني هيكون يستاهل فعلاً مش واحد ميعرفش ربنا ولو على الجواز خلال اسبوع هكون متجوزة راجل فعلاً وبخصوص اللي بتفكر فيه انت اللي هتندم لم يتردلك الصاع عشرة لاني بقلب محروق بقولك حسبي الله ونعم الوكيل فيك ويارب يتردلك اضعاف مضاعفة... 

فهد كان مصدوم من كلام حنين اللي سابته وخرجت وهو قال بعصبية... 

#استوووب ياترى هيعمل ايه فهد؟ وهل حنين مظلومة والا اتهام فهد ليها صح... اشوفكم في الفصل الجديد بحبكم جداً وبحب انزلكم جديد من كلامكم الجميل... 

#الفصل_الثالث

- هي ازاي تستجرى تقف قصادي انا مش هسمح لها تقف قصادي كدا معاش والا اتخلق اللي يقف قصادي وخصوصاً لو واحدة شبه دي.. 

ادم قال بزعل: 

- انا مش متخيل انك تعمل كدا بجد انا اللي مزعلني انك تبقى صاحبي واخوا مراتي ديما تعرف وشك دا وانك بتاجر في اعراض البنات حرام عليك دي شيفاك قدوتها ومثلها الأعلى وفرحانة بجوازك لكن انت بتقدملها ايه الدعوات اللي ممكن تتردلك يا فيها او فيك وانا مش حمل ظلم ومش هقدر اخسر مراتي يا فهد.. 

فهد بصله بغرور وقال: 

- انا مضربتهاش على اديها دي جاتلي لحد عندي وكمان هي اللي رمت بلاها عليا وجاية تدعي عليا كمان بس انا عارف صنف البنات دي الفلوس هي همهم الاول والاخير وانا بقى مش مستعد اصدق واحدة ممكن تبيعني اللي ورايا واللي قدامي اشوفك بخير يا ادم وسابه وخرج.. 

... حنين وصلت بيتها ودخلت اوضتها بتعب وهي بتقول: 

- ورحمة ابويا لندمك على اللي عملته فيا وبخصوص جوازي انا لو هعيش خدامة لواحد صادق بدل متزل لواحد ميعرفش ربنا.. 

دخلت سماح وراها وهي بتقول: 

- حنين يا بنتي اخت خطيبك جابتلك كل المستلزمات بتاعة كتب الكتاب وبخصوص خطيبك قالت هو هيكون هنا يوم كتب الكتاب وتشوفيه بنفسك.. 

حنين بصت لأمها وهي بتقول: 

- انا معاكي يا ماما في اي حاجه تعمليها لكن انا بطلب منك تسامحيني.. 

سماح بصتلها وهي مستغربة وبتقول: 

- مش فاهمة اسامحك على ايه يا بنتي انتي عاملة حاجه لسمح الله.. 

حنين في بالها بتقول: 

- سامحيني لاني هحط راسكم في الطين ومش هتقدري ترفعي راسك قدام حد بسببي ويا عالم جوزي هيطلع يعرف ربنا ويساعدني حتى لو هيطلقني خلال شهر او يفضحني قدام كل العالم يارب انا سبتلك كل حاجه تحلهالي انت العالم بحالي يا رب.. 

سماح باستغراب وهي بتهز حنين وبتقول: 

- في ايه يا حنين انا بكلك مش بتردي عليا ليه مالك يا بنتي حالك متشقلب بقالك ايام ومش على بعضك ليه انطقي.. 

حنين ودموعها نازلة: 

- مفيش يا ماما.. 

سماح بتوتر: 

- مفيش ايه بس يا بنتي انتي حالك متشندل على الأخر وكل مكلمك تقوليلي مفيش لاء لازم تحكيلي انا امك يا ضنايا عمري مخزلك احكيلي.. 

حنين كان نفسها تقول لأمها لكن قالت بتوتر: 

- مفيش يا ماما انا بس افتكرت انك هتبقي لوحدك بعد جوازي وخايفة عليكي وانا هسيبك فبقولك سمحيني وانا صعبان عليا بس نفسي.. 

سماح حضنت بنتها وهي بتقول: 

- يابنتي حبي ليكي حاجة تانية خالص انتي بنتي وضي عيوني وبخصوص جوازك دي حاجه مخلياني افرح مش ازعل بالعكس انا بدعيلك ان ربنا يسترها معاكي دنيا وأخرة وميحصلش معاكي حاجة... 

حنين بكت وهي بتقول: 

- يارب يا ماما يسمع منك ربنا انا عاوزة انام يا ماما شوية انا حاسة بتعب وعاوزة ارتاح.. 

خرجت سماح وحنين خرجت حاجه من شنطتها وهي بتقول: 

- دي الحاجه اللي هتحميني ولو مقبلنيش هيكون جزاتي الموت يوم فرحي بدل ميقول عني واحدة شمال واتفضح.. 

وشالت الحاجه تاني ونامت بسبب التعب والضغط النفسي اللي حست بيه النهاردة.. 

.... عند فهد كان روح بيته وهو بيفتكر كلام حنين وبيقول لنفسه : 

- انا ليه قلبي واجعني رغم انا اللي عملت كدا ليه حاسس اتجاها بحاجه غريبة عيونها بتشدني رغم قسوتي عليها بحس اني عاوز اضرب نفسي بالجزمة ، انا لم رميتها وشوفتها بتترجاني كان نفسي اخدها في حضني ومخرجهاش أبداً، لكن اللي حصل خلاني غصب عني لازم اعمل كدا وبالذات البنت دي لأنها السبب الرئيسي في عذابي وكنت بحاول اجاهد نفسي وابعد عنها لكن هي اللي جت للعقاب برجليها 

ديما من وراه وهي بتقول: 

- بخ كنت فين كل دا يا فهد مستنياك من الصبح دأنا مصدقت ادم اداني يومين اقعد معاك فيهم بس شكله كان مدايق مش عارفه ليه انت مش عارف يا فهد اصل انت اقرب واحد لأدم جوزي.. 

فهد بتوتر: 

- وانا ايه عرفني بمشاكلك مع جوزك مش جايز انتي اللي منكدة عليه وجاية ترميها عليها.. 

ديما باستغراب: 

- على بابا الكلام دا دأنا بقول عليك انت وادم انكم اخوات دا ادم بيقعد معاك اكتر مني انا والأولا لدرجة شكيت فيكم انتوا الاتنين وكنت هطلبلكم بوليس الاداب.. 

لقت كف نازل على قفاها وهو بيقول: 

- بت انا مش ناقصك والا انتي والا جوزك وبخصول جوزك الاهبل دا انا زهقت منه وقال ايه عامل نفسه مقموص وباعتك انتي ليا قوليله الحركات دي مش عليا فاهمة.. 

ديما بضحك: 

- وربنا انتوا مجانين مش بقول اني شاكة فيكم من فراغ اه صحيح سيبك من جوزي دلوقت اهم حاجه خطيبتك.. 

فهد بصلها ببرود: 

- بسرعة كدا خلتيها خطيبتي مش لم اشوفها الاول يا ختي مش انتي روحتي من غير متخديني معاكي امال ايه لزمتها مستنياد متتأخرش.. 

ديما بهزار: 

- الصراحة انا بعد مستنيتك اتوقعت منك الخيانة ولم روحت شوفت البنت كانت قمر يبقى ملهاش لازمة ترفض وبعد يومين كتب الكتاب جهز نفسك والا عندك رأي تاني.. 

فهد كان مصدوم من تصرف اخته وقال بعصبية: 

- ديما انا قولتلك مليون مرة انا مش هتجوز بالطريقة دي ولو انا وافقت على جوازي من البنت دي علشانك بس لكن لو هنبتديها كدا يبقى بلاها احسن لاني أصلاً مش في دماغي اتجوز.. 

ديما مثلت الزعل وهي بتقول: 

- مش عارفه انا ليه لم بعملك حاجه مش بتقبلها انت اخويا الوحيد يا فهد فيها ايه لم اشوفك فرحان ومستقر ومتجوز البنت اللي تستاهلك يا اخويا انا بحبك ومش عاوزة غير اني اشوفك فرحان وبس.. 

فهد كان فاهم دماغها وقال بزهق: 

- اقلع القناع يا رشدي انا عارف دماغك كويس انتي عاوزة تخليني اتجوز علشان ابطل صرمحة وابطل اخرج مع حريم وفك نفسي من روز اللي بتكرهيها لكن اللي في دماغك انا ساكتله بمذاجي يا اختي القمر انتي.. 

ديما بلا مبالاة: 

- الحمد طلعت ذكي ووفرت عليا الدمعتين اللي بجاهد في تنزيلهم يالا بينا بقى نجهز بدلة كتب الكتاب يا اخويا يا حبيبي انت.. 

فهد باستهزاء: 

- وتفتكري امك هتقبل بالجوازة دي يا هانم والا كل دا عملتيه من غير متاخدي رأيها دي ممكن تطربقها على دماغك اصلك متعرفيش وشها الحقيقي ام تتأكد ان مركزها وفلوسها في خطر من دخيل.. 

ديما بلا مبالاة: 

- تخليها في جوزها اللي بيضحك عليها علشان الفلوس وبخصوص جوازك هيتم من قبل هي متعرف علشان اتأكد من جوازك بسلام من غير اي عائق وانا مستعدة اخبي عنها لو حتى طول العمر اهم حاجه فرحتي بيك وبس. 

فهد وهو بيحضن اخته وبيقول: 

- لولا انا عارف انك بتعملي كل دا لمصلحتي مكنتش سمحت انك تتدخلي في حياتي لكن هقولهالك لتاني مرة امك لو عرفت بجوازي من غير منقولها هطينها عليكي ومش بعيد تبهدل الدنيا مقابل انها تجوزني روز بنت جوزها علشان تضمن الفلوس والأملاك وبس.. 

- ومين دي اللي عاوز تتجوزها هو الكلام بقى طلع صح وحضرت جنابك عاوز تتجوز مش كدا.. 

ديما بتوتر.. 

-ماما انا حددت جواز اخوبا فهد من بنت جميلة وكتب كتابهم كمان يومبن.. 

قلم نزل على وش ديما..... 

#استوووب ياترى هتعمل ايه لم تعرف بجواز فهد؟ وهل حنين هتعمل ايه بعد متتجوز وهل جوزها هيتقبل اللي حصلها... 

اشوفكم في الفصل الجاي انا اسفة بس الباقة خلصانة ومش معايا رصيد علشان كدا اتأخرت في التنزيل... 

#الفصل_الرابع.... 

مديحة بكره: 

- انتي متخلفة عاوزه اخوكي يتجوز من واحدة شبه جوزك علشان تحطيني قدام الأمر الواقع.. 

ديما بحزن وهي حاطة اديها على خدها وبتقول ببكاء: 

- جوزي مش وحش وبخصوص البنت اللي اخترتها دي متعلمة ومحترمة مش شبه ست روز بتاعتك دي اللي عاوزة تلبسيها لأخويا وخلاص.. 

مديحة كانت لسه هتضربها تاني لكن لقت ايد وقفتها وبتقول: 

- انتي هنا في بيتي انا وبخصوص جوازي اختي اللي ليها الحق في دا حتى لو من غير علمي انا موافق انتي خليكي في بيتك ومع جوزك متقلقيش عليا ماشي.. 

مديحة بعصبية: 

- على جثتي انك نتجوز البنت دي انت ابني انا وليا الحق اني اختارلك البنت اللي هتبقى مراتك.. 

ديما اتكلمت بتريقة وهي بتقول: 

- وبخصوص اللي تناسبه دي هي روز مش كدا اللي رامية بلاها عليه، ولبسها هو فين لبسها أصلاً دي مش مدارية حاجه خالص عاوزة اخويا يتجوز واحدة اتشافت من كل الناس انتي ناسية يا مديحة هانم ابنك اصله صعيدي غير اننا عايشين في الصعيد هو اه لهجتها متغيرة لكن اصلنا عمره ميتنسي، وبخصوص اخويا خلاص كتب كتابه كمان يومين وانتي معزومة يا مديحة هانم والا اقولم ماما.. 

مديحة كانت عاوزة تجيب ديما من شعرها لكن لقت اللي واقف في وشها وبيقول: 

- اختي قالتلك كل حاجه بخصوص جوزك اللي باعتك ابقي اعزميه مكانا لأننا مش فاضين وخد اخته وطلعوا فوق وساب امه وهي بتقول بعصبية.. 

- والله منا سيباكي يا بنت محمود اصلك شبه ابوكي وانا مصدقت خلصت عليه دورك جاي انتي وراه.. 

وخرجت وهي مدايقة. 

.... فوق عند ديما كانت مدايقة وبتقول: 

- دي عرفت يا فهد وانا متأكدة انها مش هتسكت وهتعمل مصيبة تبوظ بيها فرحك صدقني.. 

فهد وهو بيحضنها وبيقول: 

- يا حببتي انا وانتي موجودين ومهما يحصل مش هيبوظ الفرح رغم انه مش في دماغي بس طلاما انتي مصره على الجوازة دي يبقى هتم بأحلى ليلة كمان ايه رأيك.. 

ديما بفرحة: 

- ربنا بخليك ليا يا اجمل سند في العالم كله انا بحبكك با فهد قوي وبتمنى من ربنا يبعد عنك روز واللي زيها ويجعل خطيبتك هي اللي تخرجك من اللي انت فيه.. 

فهد باستهزاء: 

- انسي ان فهد المرشدي يتغير وبخصوص بنت تغيرني يبقى انتي متعرفيش اخوكي كويس.. 

ديما بزهق: 

- انا اغلبت فيك والله بس سيبك من ام غرورك دا ويالله علشان تقيس البدلة علشان لو فيها حاجه تتبدل.. 

سهو ديما وفهد في التجهيزات للفرح رغم عدم اقتناعه بالجواز بس علشان اخته يعمل اي حاجه... 

... بعد يومين كانت حنين واقفة قدام المرايا وسامعه ظغريط ورقص بره في الصالة وهي في اوضتها لوحدها وخرجت قزازة وهي بتقول بقهر: 

- خلاص قربت للنهاية ياترى هيحصل ايه هستعملك والا مش هيكون ليكي عازة انا لازم اخليكي معايا لأنك هتحميني في يوم زي دا..

فجأة الباب اتفتح والقزازة اللي معاها وقعت من الخضة لكن قالت بتوتر: 

- ماما في ايه مالك خضتيني.. 

سماح بصت على القزازة اللي وقعت وهي بتقول باستغراب: 

- حنين يا بنتي ايه دا وليه اتخضيتي كدا ليه مالك.. 

حنين وهي متوترة وبتاخد القزازة الصغيرة من على الارض قبل امها متشوفها وبتقول: 

- ها لاء يا ماما مفيش دي حاجه صحبتي ادتهولي زي دهان للبشرة علشان تبقى منورة يوم فرحي.. 

سماح قالت بفرحة ودموعها نازلة: 

- انتي مش محتاجه حاجه يا قلب امك انتي قمر الله اكبر عليكي هاتي البتاع اللي في ايدك دي بدل ميكون ليها مضاعفات عليكي وانتي أصلاً مش محتاجه حاجه يا بنتي.. 

حنين خبتها وهي بتقول بتوتر: 

- يا ماما دي حاجه انا بستعملها كتير جداً ومتقلقيش مش هتأذيني بس كنتي داخلة مستعجلة كدا ليه.. 

سماح طبطبت على دراها وهي بتقول: 

- اه صحيح نستيني كنت جاية اقولك العريس وصل وعمك بيسألك عن رأيك وهو هيدخل كمان شوية علشان يشوفك موافقة والا لاء دي حاجه لازم تحصل يا بنتي.. 

هزت حنين دماغها بس قلبها كان بيترعش من اللي هيحصل معاها وفعلاً دخلوا الناس وهي وافقت ووكلت عمها وتم كتب الكتاب ومضت.. 

حنين بدموع وهي بتحضن امها وبتقول: 

- خالي بالك من نفسك يا ماما بنتك هتفضل قلقانة عليكي طول مأنتي هنا لوحدك من غيري.. 

سماح بدموع: 

- خلاص يا حنين يا بنتي جوزك برة ومستنيكي وانا الصراحة شوفته باين عليه شخص محترم ومتفاهم وهيصونك صدقيني ربنا يفرحك يا بنتي.. 

حضنت حنين امها وعي بتقول: 

- يارب يا ماما يارب.. 

وخرجت حنين وهي بتبكي وودعت امها بصعوبه وركبت العربية فجأة لقت حد بيقول: 

- لاء دأنتي طلعتي قمر فعلاً.. 

حنين بصت للي قاعد قدام وكانت مكسوفه وهي بتقول: 

- اسفة مشوفتكش وركبت ورى بس انت ازاي هنا .. 

-والا يهمك اهم حاجه راحتك مش كدا والباقي هتعرفيه بعدين .. 

هزت حنين راسها ونزلت قعدت قدام وطلع بالعربية قدام قصر كبير نزلت حنين وهي مبهورة وبتقول بصدمة: 

- هو دا بيتك.. 

هز الشخص راسه وهو بيقول: 

- اه دا بيت جوزك امال هجيبك مكان مش ليكي ليه.. 

حنين حست باستغراب وازي الشخص دا هنا وهل دا اللي اتجوزها بدافع الشفقة.. 

دخلت حنين القصر وهي متوترة وبتقول: 

- بس انت تعرف الحقيقة.. 

بس ملقتش اي رد وراها وبصت وراها وهي بتقول: 

- انت روحت فين بسم الله الرحمن الرحيم.. 

وفضلت تدور عليه في كل مكان لكن ملقتهوش لكن شافت اوضه بابها مفتوح قربت من فضولها وهي بتقول: 

- انت يا استاذ روحت فين كنت عاوزة اقولك حاجه ودخلت الأوضه وشافت اللي صدمها وهي بتقول: 

- ينهار اسود ايه جاب صور الحيوان دا هنا انا لازم اخرج من هنا بسرعة.. 

وكانت خارجة سمعت اللي بيقول من وراها: 

- على فين العزم امال هو انتي لحقتي تيجي علشان تخرجي وكمان مش تورينا وشك الأول قبل متمشي دأنا حتى اتجوزت عمياني من غير معرف انا اتجوزت مين.. 

حنين قلبها دق جامد وهي بتقول جواها: 

- جواز ايه ينهار اسود لو طلع اللي بفكر فيه صح.. 

فهد بعصبية: 

- انتي يا حيوانة انتي احنا هنبتديها عبط والا ايه اتنيلي وريني وشك انا مش ناقص قرف على المسا مش كفاية متنيلتش شوفتك ويا عالم حلوة والا عاملة ايه.. 

حنين مكنتش قادرة تبصله وهي بتقول جواها: 

- انا لا يمكن اقعد هنا والا دقيقة والحيوان دا لو جوزي عمري مهستحمل اقعد معاه.. 

وكانت خارجه بخوف لكن فجأة مسكها من فستانها من ورى وهو بيقول: 

- انتي رايحة فين خايفة ليه كدا يا عروسه استني بس اشوفك الأول.. 

وشدها عليه خبطت في صدره ووشها اتخبى بيحاول يرفع راسها بس هي كانت خايفه لم يشوفها ايه هيحصل لكن بقوة رفع راسها وهو بيقول بصدمة: 

- انتي.. 

حنين بدموع وهي بتقول: 

- انا ايه جابني هنا.. 

فهد قرب عليها وهو بيقول بغضب: 

.....  استوووووب ياترة فهد هيعمل ايه؟  وهل هيتقبل جوزه من حنين؟  ومين اللي استقبل حنين وفكرته جوزها؟ وحماتها هتعمل معاها ايه؟  اشوفكم في الفصل 

#الفصل_الخامس... 

انتي بتعملي ايه هنا يا متخلفة انتي.. 

حنين بخوف: 

- انت اللي بتعمل ايه هنا انا خلاص مصدقت اتجوزت وخلصت من وشك لكن تلحقني هنا.. 

وسكتت وهي بتقول بصدمة: 

- مانا استغربت وجود ادم صاحبم مستقبلني في عربيته في الاول فكرته العريس لكن الحكاية وضحت خلاص شكلك متفق معاه مش كدا عاوز تكسرني قدام الكل وتقوى عني معيوبة انت مبتخفش من ربنا.. 

فهد كان مصدوم مش من اللي قالته من كلمة ان دي العروسة وبيقول بعصبية: 

- بقى انا فهد اتجوز حتت بت لا راحت والا جت ويا عالم كنتي مع كام واحد قبلي.. 

لقى كف نازل على وشه وهي بتقول: 

- عندك واحترم نفسك انا عمر محد استجرى يمسك ايدي مش بس يبصلي بس انت اللي مش راجل لم تعمل كدا في بنت وتخليها تتمنى الموت في اهم ليلة في عمرها انا مكرهتش حد قد مكرهتك.. 

فهد خنقها وهو بيقول بعصبية: 

- انا مش راجل يا بنت الكلب وحياة اغلى حد على قلبي لعلمك الأدب.. 

وجرجرها نحية السرير وهي كانت بتصرخ وتقول: 

- ابوس ايدك بلاش تكسرني تاني كفاية كسرتني قبل كدا.. 

فهد كان متعصب ومكنش في دماغه غير الكلام اللي قالته لكن اول مشاف خوفها حس بوجع في قلبه وهو بيقول: 

- انا ليه حاسس اتجاها بشفقة مش عاوز اكمل لاء يا فهد فوق مش حتت بت كدابة زي دي تخليك ضعيف كدا.. 

سابها فعد وخرح وهي قعدت ضامه نفسها وبتبكي وتقول: 

- يا رب انا رضيت بكل اللي جرالي بس مش عاوزة الشخص الحقير دا دا ميستاهلش اني اقبل مش اتجوزه.. 

قامت خرجت اسدال الصلاة ودخلت الحمام تتوضى واتصلي.. 

.. عند ديما كانت قاعدة فجأة: 

- ديما ادم جوزك فين.. 

ديما بخوف وتوتر: 

- فهد في ايه مالك ومتعصب كدا ليه اهدى بس ونعرف نتكلم.. 

فهد بعصبية: 

- اهدى ايه انتي عارفه ايه اللي حصل جوزك كان عارف ان البنت اللي هتجوزها نفسها البنت الشمال اللي رميتها برة شركتي.. 

ديما باستغراب: 

-وادم هيعرف منين يا فهد ادم مشافش مراتك غير لم انت قولتله يروح يجيبها بالعربية ومشيت ومعبرتهاش فأدم اطر يجيبها وميفضحش عمايلك قدام الناس. 

فهد بعصبية: 

- وانتي في كل الصعيد والدنيا كلها ملقتيش غير المتخلفة دي تبقى مراتي انا هتجنن.. 

ديما بهدوء: 

- في ايه يا فهد اهدى البنت جميلة وطيبة وانا شوفتها بنفسي حنين بنت محترمة ولو انت هتفضل بطبعك دا يبقى انا لا اختك والا تعرفني.. 

فهد بعصبية: 

- يعني ايه بتلوي دراعي ياعني مفكراني هحبها علشانك.. 

ديما بحزن: 

- تمام يا فهد شوف انت رايح فين وانا هلم هدومي وارجع بيت جوزي..

وسابته وراحت تاخد شنطتها فهد وهو بيقول في باله: 

- في ايه يا فهد واختك ذنبها ايه اعقل كدا واعرف نفسك بتعمل ايه.. 

-خلاص بقى يا ديما.. 

ديما بحزن: 

- بلا خلاص بلا مخلصش ابعد عني يا فهد انا مش ناقصة حد يحرق دمي .. 

فهد وهو ببحضنها وبيقول بهزار: 

- يابت بقى بطلي فرك واعقلي خلاص قولت اسف حقك عليا يا ستي وادي راسك ابوسها اهي.. 

حب على راسها وديما فرحت وحضنته كل دا تحت انظار شخص كان بيتمنى الحنان دا ولو لمرة واحدة في حياتها.

حنين بحزن: 

- كان نفسي يكون عندي اخ يحميني من الدنيا الظالمة دي جايز لو كان عندي سند كان زمانك عمرك مقدرت تيجي جنبي حتى مش تعمل فيا كدا .. 

ديما شافت حنين مرات اخوها واقفة على باب الاوضه قالت بحب: 

- عروستنا هنا بنفسها تعالي يا حنون.. 

حنين بصت على فهد اللي بصلها بضيقه وقالت بتوتر: 

- لاء مش هقدر انا كنت بس محتاجه اخرج شوية اشم شوية هوا.. 

ديما بغمزة: 

- هوا واليلة محدش قالك ان اليلة ليلة جوازك والا ايه يا عروسه... 

نزلت الكلمة على قلب حنين كأنها جمر وهي بتقول في بالها: 

- ياه كلمة عروسة دي كنت قربت انساها انا بجد كرهت اليوم اللي وافقت فيه بس دا نصيب ولازم استحمل.. 

فهد قرب على حنين وهو بيداري غيظة وحط اديه على خصرها وهو بيقول: 

- ديما يا حبيبتي بطلي رخامة وروحي نامي انا هاخد مراتي فوق علشان نخلص من ذنك.. 

وفعلا خرج واول مول الأوضه بتاعتهم كانت حنين في عالم تاني لكن فجأة فاقت من على واقع اليم وهو بيقول: 

- غوري بقى الواحد زهق انا هلقيها منك والا من تمثيلك دا.. 

حنين سابته بحزن وقربت على السرير ونامت وفهد كان في قمة غضبه ومش عارف ليه... 

....  تاني يوم كان كان فهد قاعد بيشتغل على الاب توب وفجأة: 

- فهد حبيبي.. 

فهد بص لروز وهو بيقول: 

- في ايه يا روزجاية هنا ليه في الوقت دا مش المفروض تكوني في المكتب دلوقت.. 

روز قربت وهي بتقول: 

- انا جيت اطمن عليك واباركلك على جوازك.. 

فهد بصلها وهو بيقول: 

- لا والله تباركيلي مرة واحدة على العموم الله يبارك فيكي.. 

روز قربت وهي بتقعد جنبه لم لمحت حنين نازلة وبتقول بخبث: 

- تعرف يا فهد يا حبيبي طنط طول اليل قلقانة عليك من جوازك من البنت الحرباية دي وكانت زعلانة لكن انا قولت هروح لفهد واصلح بينكم متخلوش وش الفقر مراتك تكون سبب بعدك عن امك.. 

فهد فهم مقصد روز وقال: 

- لاء متقلقيش امي عارفة انا بعمل ايه وهي مش زعلانة هي هتيجي في اي وقت دي مش بتزعل متقلقيش.. 

روز بتمثيل: 

- يعني مش زعلان من طنط مش كفاية سبنا القاهرة وجينا هنا وانت اصريت تأسس شركتك في الصعيد هنا رغم اننا مش حابين المكان بس علشانك وهي كمان هتطر توافق على مراتك دي علشانك.. 

فهد بص فوق وهو بيقول: 

- لاء متقلقيش مراتب عارف كويس ايه اللي يناسبها وبلاش يا روز تدخلي في حياتي وانا ومراتي وامي حرين ولو قعدتك هنا تعباكي ارجعي للقاهرة اقعدي هناك انا مش غاصبك على حاجه.. 

حنين سمعت كلامه حست بفرحة في روز لكن قالت في بالها: 

- في ايه يا حنين نسيتي اللي عمله معاكي دا ميستاهلش دا ضيعلك كل حياتك.. 

روز بصت على حنين بغيظ وهي بتقول في سرها: 

- وربنا منا سيباكي زي مخليته يفكر انك شمال هخليه يطلقك ويرميكي برة حياته نهائي ولو معملتش دا ميكون اسمي روز.. 

وقالت بتمثيل: 

- عاملة ايه يا حنين مبروك الجواز.. 

حنين بصتلها بأستغراب وهي بتقول: 

- الحمد لله انا بخير وكمان الله يبارك فيكي عقبالك.. 

وكانت لسه هتخرح سمعت اللي بيقول: 

- على فين العزم.. 

حنين بتوتر: 

- خارجه اشم شوية هوا مخنوقة.. 

وكانت بتبص لروز وروز بتقول بخبث: 

- مش للدرجة دي انك تتخنقي من فهد من اول يوم للدرجة دي هو السرمحة عجبك.. 

فهد كأن حد جاب جردل ماية سقعة وكبها فوقه وقال بعصبية: 

- اطلعي يا هانم فوق مش هتخرجي من باب القصر نهائي.. 

حنين واقفت بصدمة وهي بتقول: 

- انت اتجننت عاوز تحبسني ومخرجش بره.. 

لقيت كف نازل على خدها... 

حنين بصدمة: 

- انتي اتجنني ازاي تضربيني كدا.. 

#الفصل_السادس.. 

مديحة بكره: 

- ونعم اختيار الزوجة بترفضي امر ابني من اول يوم ليكي بجد دي اللي كنت عاوز تتجوزها.. 

فهد بص على امه وقال بعصبية: 

- انتي ازاي تمدي ايدك عليها هي مراتي وانا ليا الحقىفي دا وبس.. 

مديحة بكره: 

البنت دي ملهاش قعاد هنا لأنها والا من مقامك والا اسلوبها يناسبك وطريقتها بيئة في نفسها شوف روز دي اللي تشرف اهل جوزها راقية في اسلوبها وهدومها.. 

حنين بصت على فستانها المحتشم ورجعت بصت على حماتها وروز وهي بتقول: 

- لاء ونعم القين والأحترام بجد انا منبهرة بأحترامكم.. 

روز قالت بعصبية: 

- قصدك ايه يا فلاحة انتي بتقولي عليا كدا انا وطنط.. 

حنين بسخرية: 

- اللي على راسه قربه يا حببتي بيحسس عليها وكمان انا مش فلاحة ولو على لبسي تقولوا عليه فلاح فأنا فلاحة وسبتلكم التمدن ليكم.. 

مديحة بكره: 

- واحدة جاية من تحت الجاموسة عاوزة تعلمني انا اعمل ايه.. 

حنين بصتلهم وهي بتقول: 

- والله انا بفتخر اني فلاحة واهلي وجدزدي كمان وانا مش جاية من تحت الجاموسة زي مقولتي رغم ان دي حاجه مش وحشة لكن انا متعلمة وواخدة ماجستير وإلا مكنتش اتقبلت في يوم من الايام وبقيت سكرتيرة في شركة ابنك.. 

فهد كان واقف وهو فخور بأسلوبها وبيقول: 

- ياه لو مكنتيش عملتي كدا كاز زماني حاطك جوة قلبي وقافل عليكي ومحدش قدر يشوفك غيري لكن اعمل ايه القلب مش قادر يصدق اللي عملتيه.. 

وقال لأمه: 

- في ايه يا روز انتي وامي جاين ليه طلاما مش طايقين مراتي انا احترامي من احترامها.... 

حنين في سرها: 

- منين مش طايقني ومنين يدافع عني ويقول مراته كرامتها من كرامتي الراجل دا مبقاش مفهوم خالص انا تعبت من تصرفاته ومبقتش عارفة اتعامل ازاي معاه.. 

روز سكتت وخدت مديحة وقعدوا على جنب وحنين طلعت فوق وهي دماغها بتفكر كتير.. 

فهد دخل الأوضه بعد فترة ملقاش حنين دخل خلع قميصه... 

غند حنين وهي واقفة في الحمام وبتقول: 

- يلهوي نسيتي هدومك انا هعمل ايه بس واكيد زمانه رجع انا لازم اتصرف.. 

وخدت البرنص ولبسته وخرجت.. 

فهد بصدمة: 

- انتي خارجه كدا ليه.. 

حنين وهي بتقول بتوتر: 

- اما م.. معرفش انت جيت ازاي.. 

فهد كان في عالم تاني وكل اللي شايفه حنين اللي قدامه حنين بخجل: 

- استاذ فهد متقربش كدا.. 

فهد وهو ببحاول يمسك نسه ومشاعره وبيقول: 

- ادخلي البسي هدومك ومشوفش وشك قدامي كدا تاني يلا.. 

حنين اتوترت وجريت على اوضت الهدوم تلبس.. 

فهد قعد على اول السرير وهو بيقول بتوهان: 

- في ايه يا فهد نسيت اللي حصل وهتوثق في واحدة زي دي.. 

«فلااش باك» 

فهد وهو واقف بيقول: 

- أخيراً اعترفت لنفسي اني بحبها بس هي متعرفش دا بس تستحق حبي ليها محترمة ومؤدبة غير لبسها واحتشامها.. 

روز من وراه: 

- فهد حبيبي وحشتني.. 

فهد بعصبية: 

- يووه هو انا مش قلتلك جو الأحضان والتلزيق دا وفهد حبيبي تبطليه.. 

روز بتمثيل: 

- بس انا بحبك وانت عارفة.. 

فهد بعصبية: 

- وانا مش بحبك يا ريت تبطلي الكلام دا.. 

روز كانت خارجة لكن شافت اللي صدمها: 

- حنين بتوتر: 

- استاذ فهد الملف اللي حضرتك طلبته.. 

فهد بصلها بأبتسامة عكس شخصيته وهو بيقول: 

- تعالي با حنين.. 

وخد الملف وخرجت بسرعة.. 

روز بعصبية وهي بتقول في بتلها: 

- عيونك بتقلب قلوب قدا من ست الهانم لكن قدامي لاء بس والله لخرجها من هنا بأي طريقة.. 

تاني يوم فهد كان قاعد فجأة جتله رسالة محتواها: 

- خالي بالك على سكرتيرتك دي مقضياها مش خايف لتخسر ورك.. 

فهد بصدمة: 

-دي صور حنين ومع كذا شاب بأوضاع مخلة قال بغضب: 

- ورحمة الغالين منا سايبك وهعلمد ازاي تمشي تتسرمحي هخليكي تحرمي تعملي كدا وواحدة ذيك متستاهلش تبقى مرات فهد.. 

«باااك..» 

روز كانت رايحة جاية بعصبية مديحة قالت بزهق: 

- يوووه يا بنتي خيلتينا تعبت اقعدي في مكان مش كدا.. 

روز بقهر: 

- خالتي بالله عليكي سيبيني انا مش ناقصة ودمي محروق بقى حتت بنت والا راحت والا جت تاخد مني حبيلي قدام عيني وانا مش عارفه اتكلم... 

مديحة ضحكت وهي بتقول: 

- لاء مأنتي متعرفنيش اللي بيقف قصادي بيكون مصيرة الموت او الدمار وهي وقفت قدامي واتحدتني كمان هتشوفي هعمل فيها ايه انتي بس نفذي اللي بنخططله.. 

روز بفرحة: 

- بحق يا طنط هتجبيلي فهد من الحرباية دي.. 

مديحة بضحكة خبث وهي بتقول: 

- انتي اجهزي بس للي هيحصل.. 

روز وهي بتقول بفرحة: 

- واخيراً هخلص من ام البنت الخنقة دي انا كنت خلاص هطق منها لاء وكمان ابنك بيدافع عنها قدامنا.. 

مديحة وهي بتضحك بخبث: 

- علشان تحرم الخدامين اللي شبها انهم يوقعوا ابني وياخدوه مني.. 

... تاني يوم صحيوا على صريخ فهد بخضه نزل جري لتحت على الأوضه اللي واقف قدامها روز ومديحة واللي شافه كان صدمة، حنين كانت نايمة في حضن شاب فهد قال بعصبية: 

- ايه دا ومين دا انطقي.. 

حنين فاقت على زعيق وهي بتقول بخوف: 

- معرفش والله العظيم معرف حاجع.. 

فهد راح جري عليها وهو مسكها من شعرها وقتها الشاب جيه يهرب خلا الحراس يمسكوه ويودوه المخزن وقرب عليها وهو بيقول: 

- انا يابنت الكلب تعملي معايا كدا ليه انا اللي اديتك وش اظاهر انك متستهليش تقعدي هنا حتى خدامة.. 

وفضل يضرب في حنين ومن الضرب وقعت اغمى عليها فهد قال بعصبية: 

- روز اجهزي هنتجوز بكرة.. 

وسابهم وخرج روز بخبث وهي بتبص لحماتها: 

-دماغك دي سم والله يا طنط والا اقولك حماتي انا هتجوز حبيبي بكرة.. 

مديحة بخبث: 

- مش قلتلك امشي ورايا مش هتخسري ولسه دأنا هخليه يكره صنفها بنت الخدامين دول... 

روز بخبث: 

- لاء عفارف عليكي انا مصدقتش لم خلتيني استدرجها تنزل من غير مأ فهد ياخد باله بس الصراحة بمجرد ان نزلت تعبتنا عبال مخدرناها.. 

مديحة بتوتر: 

- بس هنعمل ايه او الواد اعترف علينا مش جايز يقول حاجه.. 

روز بخبث وهي بتضحك: 

- لاء من الناحية دي اطمني انا اتفقت مع الشخص دا كل ما يخلي فهد يشك كل مهديه فلوس يعني عمره مهيبيعنا لانه لو فكر يبيعنا مش هيطول والا الفلوس وكمان حياته هيخسرها.. 

مديحة بصدمة: 

- انا كنت بقول عليا دماغيسم طلعتي اسواء مني بكتير مغلطتش لم اخترنك لأبني.. 

روز بخبث: 

- عيب عليكي يا حماتي انا عارفة بعمل ايه كويس وبخصوص جوازي من فهد خلا هيتم غضبه عماه واتحول الحب لنار ممكن تاكل الأخضر باليابس.. 

مديحة بخبث: 

- يعجبني فيكي دماغك الجوهرة دي بس انا عوزاكي تخلي فهد خاتم في صباعك عوزاه يوقعلي على كل الاملاك بعد جوازكم  .. 

روز بخبث: 

- اكيد يا طنط انا مش عاوزة فلوس انا عاوزة فهد وبس.. 

وكملت في بالها وهي بتقول: 

- مسكينة مفكراني بحب ابنها انا اللي مخليني قريبة منه هي الفلوس ومنكرش ان ابنك حلو فعوزاه بأي طريقة لكن بخصوص الفلوس لم تشوفي حلمت ودنك..

مديحة بفرحة: 

- أخيراً فرقنا بينهم... 

سمعوا صوت حاجه بتنكسر وراهم بصوا بخوف لقيوا اللي صدمهم...... 

#الفصل_السابع... 

ديما بصدمة:

-انا كنت بقول عليكي وحشة بس متوقعتش انك خبيثة للدرجة دي .. 

مديحة بصدمة قالت: 

- انتي بتعملي ايه هنا وواقفة تتسمعي علينا يا قليلة الترباية.. 

ديما بتريقة: 

- مش شيفاها غريبة من واحدة ذيك تقولي انا كدا يا مديحة هانم.. 

ديما بكره: 

- انا بكرهك انتي اه امي بس كنتي بتعذبيني وكرهتينا في عيشتنا، خلتيني اخاف من خيالي بس لولا فهد اخويا خرجني من اللي كنت فيه وحبي لأدم وعاني خليتني فهمت وشخصيتي قوت ، مستحملتيش على موت بابا غير شهور العدة ها انطقي فين بقى تربايتك اللي بتقولي عليها دي.. 

روز ببرود: 

- هتكون فين يعني طنط كانت مع بابا كانت عوزاها تفضل زعلانة على موت ابوكي وتكبت نفسها بين حطان.. 

ديما ضحكت بتريقة وهي بتقول: 

- متخيلة اللي بتقوليه بس اقولك على حاجه الطيور على اشكالها تقع وانا مبسوطة ان بابا مات وانتي اتجوزتي الراجل دا لأنه بمجرد ميخلص مصالحه هتترمي في اقرب سلة زبالة.. 

ديما لقيت كف نازل على وشها وبيقول: 

- اخرسي انا لو سمعت لسانك دا ينطق تاني هحرمك من انك تشوفي الدنيا دي تاني.. 

ديما بصدمة: 

-للدرجة دي بس اقولك على حاجه فهد هيعرف كل حاجه ومش هسمح ان واحدة ذيك تضحك عليه  وعلى الغلبانة اللي اتظلمت بسبب حقدكم وغيرتكم.. 

وكانت لسه خارجة لقيت اللي ضربها فوق راسها ومعتش شافت حاجه بعديها.. 

مديجة بصدمة: 

- ايه اللي اعملتين دا يا روز انتي اتجنني. 

روز بعصبية: 

- كان لازم نعمل كدا ايدك معايا نربطها ونحطها في مكان لغاية لم الفرح يخلص نبقى نتصرف معاها.. 

مديحة وهي بتبص على بنتها وبتقول: 

- سامحيني يا ديما بس الحب اعمى وانا بحب ابو روز جداً وعلشان يفضل معايا لازم روز تتجوز فهد وانا هساعدها علشان كدا.. 

وربطوا روز وحطوها في مكان مخفي وحطوا حاجه على بقها وادوها حقنت منوم علشان تفضل اكتر فترة غايبة عن الوعي.. 

.. تاني يوم عند فهد كان قاعد في اوضته وهو بيقول: 

- ها اخلصي نضفيلي رجلي كويس النهاردة يومي وهبقى عريس هتجوز واحدة نضيفة مش شبهك لمامة.. 

حنين بتعب من الضرب والعذاب اللي عذبهولها: 

- مش قادرة هموت ابوس ايدك ارحمني وانا همشي من هنا خالص معتش هتشوف وشي وربنا يسعدك مع النضيفة اللي شبهك.. 

فهد قام بعصببة وهو بيقول: 

- بتتريقي عليا انا وبتقولي كدا بس اللي هتندمي عليه بعد جوازي هتشوفي العذاب الوان.. 

حنين قالت رغم تعبها: 

- اكتر من كدا مظنش بقولك ايه سيبني وخليك مع روز دي وانا هديك اللي انت عاوزة سيبني اروح للي شبهي ويستحقني مش انا وحشه زي انت مبتقول . 

فهد بصلها بغضب بس قال بخبث: 

- كل اللي انا عاوزة هتدهولي صح تمام يالا بقى.. 

وشد اديها وزقها على السرير حنين برعب: 

- انت بتعمل ايه سيبني ابوس ايدك.. 

فهد بغضب وغيرة: 

- لاء لازم اعرفك مقامك وبالمرة نعرف انك نضيفة والا لاء.. 

حنين باستغراب: 

- انت بتقول ايه انت عاوز تكرر اللي عملته قبل كدا.. 

فهد بغضب: 

- واحدة ذيك متتكلمش وكتم بقها بلزق ونفذ اللي في دماغه.. 

بعد فترة: 

- ازاي ده.. 

حنين بتعب بس الصدمة كانت حليفتها وهي بتقول: 

- انا كنت لسه بنت يعني انت مجيتش جنبي وقتها.. 

فهد وهو بيقول بصدمة: 

- يعني الصور اللي شوفتها كانت كذب وقتها. 

حنين بتعب وهي بتقول: 

- انت معملتليش حاجه يومها ليه مقولتليش يا فهد.. 

فهد بصلها وهو بيقول: 

- انا كنت وقتها بكرهك لكن بمجرد مشوفتك وقعتي بين ايديا مصدقت اني اذلك بحاجه بس قولت لازم اديكي درس تحرمي تعمليها وفعلا قطع، تلك هدومك وانتي بقى لم صحيتي اتكفلتي بكل حاجه.. 

حنين بصدمة: 

- انت عاوز تقولي ان كل اللي عيشته كان كذب انا كنت هموت نفسي بأيدي من عذاب الضمير، كنت حاسه نفسي بقيت رخيصه انا كنت حبيتك يا فهد بس انت الظاهر مش تستحق الحب دا.. 

فهد بصلها بصدمة وهو بيقول: 

- حبتيني امال اللي شوفته تحت والراجل اللي كان في حضنك دا لعبة يعني.. 

حنين باستهزاء: 

- لاء اصل لو هخونك هعملها هنا في قصرك انت مجنون انت عارف بتقول ايه انت حتى معرفتش تميز بين الصح والغلط.. 

فهد قام لبس هدومه وسابها ومشى وهو متعصب وحنين قالت بتعب: 

- منك لله يا فهد على قد محبيتك على قد مكرهتك كره انت ظالم وتستاهل اللي حوليك يكونوا كدا.. 

وقامت دخلت الحمام... 

.. ادم قابل فهد وهو خارج قال بخوف: 

- فهد متعرفش ديما فين انا مش عارف راحت فين من امبارح.. 

فهد بخوف: 

- انت بتقول ايه يا ادم انت متخيل اللي بتقوله وازاي مكلمتنيش من امبارح.. 

ادم برعب: 

- انا في اعتقادي انها هنا عندك لكن من امبارح برن عليها تليفونها مغلق ورنيت عليك مردتش عليا اعمل ايه انا قولت جايز نايمة والا حاجه لكن لم الصبح جيه ومرنتش قلقت وجبت فوراً رغم انا كنت في الشغل اللي انت قولتلي عليه.. 

.. عند روز كانت واقفة بفستان الفرح وهي بتقول: 

- ياه أخيراً حلمي وحلم بابا هيتحقق وبمجرد ميمضي على عقد الجواز هيمضي على ورق الملكية ووقتها كل املاكه هتبقى ملكي وبس وقتها والا هيهمني فهد والا مديحة والا حد.. 

جد مديحة وهي بتقول: 

- ها ياروز لبستي علشان بتاعت الميكب على وصول.. 

روز بخبث: 

- اه يا طنط والا اقولك ماما انتي ام فهد برضوا.. 

مديحة بفرحة: 

- قولي اللي انتي عوزاه بس بخصوص ديما انا بس قلقانة لتتعب او يحصلها حاجه.. 

روز بعصبية: 

- دا وقت عواطف الأم كان فين عواطفك وانتي بتتجوزي بعد موت جوزك الاولاني علطول والا لم عيشتي بنتك العذاب علشان الأملاك وتاخدي حقك من جوزك الميت والا اللي بتعمليه دلوقت فوقي يا ماما.. 

مديحة وهي بتقول بحزن: 

- كل اللي عملته دا علشان حبي لأبوكي يا روز ابوكي كان بيحركني شبه العبه وانا مقدرش ارفضله والا اي حاجه.. 

روز بخبث: 

- علشان كدا بقولك فوقي بابا اكيد مستنينا تحت يالا قبل متيجي واحدة تاخده منك.. 

مديحة بغيرة: 

- لاء جوزي... 

وخرجت روز من وراها بتقول بضحك: 

- الست دي يا متخلفة يا مجنونة رسمي اصل عمري مشوفت ام تعمل كدا في ولادها علشان راجل غريب انا اه في قلبي حقد بس عمري مهحقد على بنتي اللي مني او ابني او اعذبهم علشان حد بس اللي اتضحلي ان الست دي مجنونة رسمي بس ميخسرش اهي بتساعدنا.. 

وفضلت تضحك وهي بتدور حولين نفسها وبتقول: 

- أخيراً حلمي هيتحقق انا لازم ابقى اجمل واحدة في الحفلة كلها واجمل من ام حجاب دي وعملالي فيها شريفة.. 

عند فهد كان بيدور على اخته في كل مكان وملقهاش هو وأدم وكان باله مشغول جيه وقت كتب الكتاب ادم قاله: 

- فهد انت لسه هتتتجوز واختك ضايعة كدا.. 

فهد بخوف على اخته: 

- مش عارف يا ادم بس اختي لو هنا كانت هتتمنالي الخير وانا لازم اعمل كدا.. 

ادم بصدمة: 

- اختك عمرها مكانت هتتمنى انك تتجوز روز يا ادهم.. 

#استووووب ياترى ايه اللي هيحصل؟ وهل فهد هيتجوز روز؟  وليه فهد موقدثقش في حنين رغم اللي عرفه عنها.؟ 

#الفصل_الثامن_والأخير.. 

فهد بغموض: 

- متقلقش يا ادم انا عارف بعمل ايه كويس جداً وراح ادم في اتجاه المعازيم وقعد قدام المأذون وكان لسه هيمضي فجأة.. 

-لاء يا فهد متمضيش بلاش تخسر اخر امل في حياتنا.. 

حنين كانت واقفة وجنبها ديما اللي مغمى عليها وهي سنداها جرى عليها ورمى القلم من ايده وهو بيقول: 

- ديما انتي فيكي ايه اطلبوا دكتور بسرعة.. 

ادم كلم الدكتور وهو قلقان.. 

وبعد فترة روز كانت مدايقة وبتقول: 

- فهد انت مش هتتجوزني المعازيم هنا والمأذون كمان يالا بينا يا فهد الناس هتمشي عيب كدا.. 

فهد بصلها وهو بيقول بعصبية: 

- اختي تعبانة وانتي بتقولي جواز ونيلة انتي متخلفة.. 

روز بقهر وهي بتقول في بالها: 

- الزفته حنين وديما ضيعولي اللي خطتله بس والله منا سيباهم الاتنين... 

وكلمت حد في التليفون واتفقت يبعتلها ناس... 

فهد كان لسه داخل عند ديما وملقهاش قال بصدمة: 

- ديما راحت فين ادم.. 

ادم جيه جري وهو بيقول: 

- في ايه يا فهد وبص على السرير ملقاش ديما قال بصدمة.. 

- ديما فين انا بس خرجت اودي الواد الحمام بس متأخرتش علشان تختفي.. 

فهد بغموض قال: 

- هترجع متقلقش يا ادم وخد بعضه وخرج... 

عند ديما وحنين كانوا في مكان مهجور وفجاة صحيت ديما وهي بتقول: 

- انا فين حد هنا يا عالم.. 

حنين وهي بتفوق هي كمان:

- انا هنا ديما انتي هنا وايه المكان دا وليه احنا هنا وفين فهد وأدم.. 

ديما بخوف: 

- مستحيل تكون مديحة هانم وروز عملوا كدا فينا مستحيل هي اه ربطتني بس مش لدرجة انها تربطني هنا وتأذيني.. 

حنين بحزن: 

- متزعليش يا ديما بكره تعرف قيمتكم لم يرموها هتعرف ان من بعد اللي منها متبيعهم عمرها متلاقي طريق تاني يحتويها.. 

سمعت اللي بتقول بضحك: 

- لاء وطلع عندك حق انا الصراحة بعترفلك ان اللي بتقوليه صح هي اه حماتك مجنونة بـ بابا بس عمرها مكانت هتوافق بخطفك او تعرضك يا ديما للخطر بس حبها ل بابا خلى مخها ضرب زمبقتش شايفة حاجه قدامها تاني غيره بس.. 

ديما بحزن: 

- تعرفي انا شفقانة عليها انها رمت الاصل وجريت على التقليد ويا عالم ايه هيكون مصير مشيها وراكم.. 

روز بضحك: 

- هيكون احلى مصير هنوديها لفوق عند جوزها الأولاني علشان تطلب منه المغفرة براحتها.. 

سمعت اللي بتقول وراها: 

- ومين قالك يا روز ان انا هروح لفوق قبل ماخدك معايا انا اه مجنونة بحب ابوكي لكن عمري مخلص على اللي مني ومن دمي.. 

ديما بتريقة: 

- اهي المسرحية التانية ابتدت يالله بقى قولي اللي عاوزة تقوليه.. 

روز بضحك: 

- لاء جدعة يا بت يا ديما لكن اللي عاوزة اقولهولك المرة دي امك جد وعرفت خطتي مش كدا يا مديحة هانم.. 

مديحة بكره: 

- انا عملتلك ايه علشان تلعبوا في مشاعري انتي وابوكي كان بيخليني اعزب ولادي اللي من لحمي ودمي علشان بس ريق حلو ومكنش بيعبرني انا ضحيت بكل حاجه حتى املاكي ادتهالكم وخدتها من ولادي وهما صغيرين ومهتمتش بأنهم هيعيشوا ازاي كل دا علشانك وعلشان ابوكي لكن انا فوقت خلاص.. 

روز بخبث: 

- بعد فوات الأوان يا مديحة هانم.. 

ولقت اللي ضربها برصاصة ووقعت مكانها حنين وديما بصراخ وديما قالت بانهيار: 

- لاء ماما ابوس ايدك قومي انا مسمحاكي على اللي اعملتيه فينا بس قومي.. 

حنين بصدم: 

- ايه بالجبروت دا ازاي خلصتي على شخص لمجرد انه هددد انه هيفضحك بس اقولك على حاجه عمر الظلم مبيدومش صدقيني واللي بيفكر انه خلاص بقى فوق ومحدش قده ربنا بيعرفه مقامه الصحيح.. 

روز بضحك وهي بتقول: 

- انتي بالذات تخرسي انا خليتك زي الزبالة وفهد مش طايق يبص في وشك بسببي انا اللي بعتله صورك ، وانتي في حضن شباب واه دول انا اللي مفبركاهم، وكمان اديتك منوم وبعتك شقت فهد وبمجرد موصلتي فهد فكرك شمال وحب يلعب معاكي، واخر مرة انا وحماتك اللي زعلانين عليها خدرتك وخليت شاب نام جنبك علشان يكون الناهي على حبك في قلب فهد هو كرهك لدرجة بقى يتمنى ليكي الموت لكن مش عارفه ازاي لسه متمسك بيكي دا اللي هيحنني.. 

فهد من وراها: 

- اقولك انا ليه عبشان هي انضف منك وعلشان عمري محبيت غيرها وكل اللي قولتيه متسجل  هنا غير الشرطة سمعت كل اللي قولتيه.. 

روز بصراخ وهي بتقول: 

- انا عملت كل دا علشان بحبك وانت تعمل فيا انا كدا.. 

فهد بتريقة: 

- علشان بتحبيني والا علشان دول.. 

ورمى في وشها اوراق الملكية اللي كانوا هيخلوه يمضي عليها قالت بصدمة: 

- انت عرفت ازاي.. 

فهد بضحك: 

- والا حاجه انا لم كنت بدور على ادم وقتها لقينا ديما بس متكلمناش لاننا عرفنا انك وراها وبعدين اتفقت مع حنين انها تيجي في الوقت اللي بكتب فيه الكتاب بديما علشان توقف اللي بيحصل واعمل نفسي مشغول بيكي.. 

وادم كمل كلام فهد: 

- وبعديها انتي بسبب جنانك خطفتي الاتنين بدافع غيرتك اللي عمتك ومخلتكيش تفكري بس احنا كنا سابقينك بخطوات كتير وجينا هنا وحتى وقت مضربتي ام فهد كانت الشرطة هنا وسمعت كل حاجه.. 

روز بصريخ: 

- لاء انا مش هلبسها لوحدي وطلاما دي النهاية انا لازم اخلي قلبك يتحرق وراحت في اتجاه حنين وهي حاطه السك، ينة  على راسه وكانت لسه هتخ، لص عليها لقيت اللي ضر، بها قبل متخلص على روز وكانت الشرطة.. 

وقعت روز وحنين كانت بتصرخ هي وديما من اللي شافوه بس هدوهم والشرطة جابت الأسعاف خدت جثت روز وشالوا مديحة وودوهم المستشفى.. 

حنين بتعب: 

- فهد انا.. 

فهد بحب: 

- هش انا اسف يا حنين ظلمتك وافتريت عليكي بس والله العظيم كان غصب عني انا من بي ليكي مستحملتش اشوفك مع حظ تاني الغيرة عمتني.. 

حنين بحب: 

- تعرف انا حبيتك جداً وكنت بتمنى اني اكون بحلم علشان متطلعش وحش للدرجة دي وصدمتي كانت لم عرفت انك مجيتش جنبي وحميتي رغم اللي قولته وعملته بس كان حبك الاقوى وسترتني.. 

فهد حضنها وهو بيقول: 

- يمكن انتي الحب والعوض بعد العذاب دا يا اجمل حنين في حياتي كلها... 

خرجوا من المكان وكلهم راحوا لمديحة المستشفى وديما كانت بتبكي على امها رغم اللي عملته.. 

مديحة فاقت لقيت الكل حوليها قالت بتعب: 

- انا اسفه يا ديما يا بنتي دموعك دي مش من حقي علشان تنزل على واحده زي اللي تظلم اللي من دمها تستاهل اللي يحصلها.. 

وبصت على حنين وقالت: 

- خالي بالك منه يا بنتي انتي شبه ابني وطيبة شبه سامحوني.. 

وماتت مديحة وديما كانت بتبكي.. 

وماتت قبل متكفر عن ذنوبها حرمت ولادها من الحنان واتحرمت هي كمان منه، واتحرمت من العيلة والعزوة والحب والتضحية، علشان اللي بتحبهم الأهل هما السند مش الظهر المكسور، والبذرة اللي بتذرعها هي اللي بتحصدها اعرف ان حياتك ممكن تنتهي في لحظة بلاش ظلم والا تذل حد علشان اللي بيزرع حاجه بيحصدها، اتمنى روايتي تكون عجبتكم واسفة على التأخير وبتمنى تقولوا رايكم اشوفكم بخير.. 

                                تمت

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙