الرديف الفصل الاول والثاني والثالث والرابع والخامس والسادس بقلم الكاتب إسماعيل موسي حصريه وجديده
الرديف الفصل الاول والثاني والثالث والرابع والخامس والسادس بقلم الكاتب إسماعيل موسي حصريه وجديده
كنت شغال فى الحديقه بتاعة فيلا مروان بيه الشماخ بعد ما خلصت الجامعه على طول من مدة ٦ شهور إلى الأن
خلال المده مدخلتش الفيلا ولا مره ولا فيه اى شخص من سكان الفيلا عرض عليه حتى شربة ميه
بالعكس صاحب الفيلا ومراته وأولاده بيعدو عليه كأنى شجره من أشجار الحديقه او خيال لا بيرمو السلام ولا حتى بيبصو ناحيتى
كنت بشوف الغطرسه والتكبر فى عنيهم ولبسهم وعربياتهم
مكنتش بحقد عليهم وكنت حامد ربنا على وظيفتى ورزق الحلال إلى ربنا أكرمنى بيه، بخلص شغلى واروح على طول ومرتبى بتوصلهولى الخدامه كل اول شهر.
اسماعيل موسى
فى يوم سمعت ضجه جامده داخل الفيلا وزعيق غير معتاد، الوضع استمر أكتر من ساعه، بعدها انا خلصت شغلى وروحت بيتى
تانى يوم روحت الشغل عادى، غيرت هدومي وبدأت أروى الأشجار والزهور واقص بعضها، فجأه طلع مروان بيه من باب الفيلا وقال انت يا ولد تعالى هنا؟
كانت أول مره يكلمنى فيها، وكما توقعته نبرته طريقته وكلامه بتبين قدر الدونيه إلى بينظر بيها ناحيتى
سبت خرطوم الميه ومسحت ايدى فى هدومى ومشيت ناحيته
بصلى من فوق لتحت وقالى، غير هدومك والحقنى على الفيلا
سابنى ودخل الفيلا وانا قلبى انقبض، انا معملتش حاجه تستحق انه يكلمنى الا لو كان عايز يطردنى من الشغل
اسماعيل موسى
غيرت هدومى وقلت كل إلى عايزه ربنا خير وانا الحمد لله مغلطتش ومراعى ربنا فى شغلى
وقفت على باب الفيلا والخدامه خدتنى معاها لجوه
بسألها فيه ايه؟
قالت مس عارفه البيت من مبارح عمال يخبط يعدل ومراوان بيه مش على طبيعته
كان مروان بيه قاعد ومراته وابنه مختار، فضلت واقف فى مكانى لحد ما مروان بيه قال انا عندى ليك لقمة عيش كويسه بشرط انك متسألش عن حاجه وتنفذ المطلوب منك من غير ما تفتح بقك وانا هديك ٥٠٠٠٠ الف جنيه
#اسماعيل_موسى
بلعت ريقى المبلغ كان كبير كمان طريقة مروان بيه كانت مريبه
كان حاطط ورقه على الترابيزه مسكها ومدها ناحيتى، قلى وقع هنا
بتعرف تكتب صح؟
قلتله انا خريج جامعه حضرتك
مراته قالت خلاص، خلاص انت هتحكيلنا قصة حياتك
مسكت الورقه لقيته عقد جواز عرفى واسمى مكتوب فيه ثلاثى
قلتله ايه ده حضرتك؟
قال عقد جواز ايه مش عارف تقرى؟
قلتله عارف حضرتك، ببص على الاسم التانى لقيته صوفيا مروان الشماخ
قلتله انا مش فاهم حاجه يا فندم
قلى مش لازم تفهم، أمضى خد الفلوس ومش عايز اشوف وشك غير بعد تلت شهور
#الرديف
2
انا شغال عند حضرتك بستانى مش عبد، يعنى لما تطلب منى أوقع على حاجه لازم اكون فاهم
مروان بيه رفع ايده، مراته قالت اهدى يا مروان خلينا نخلص
عايز تفهم ايه
عايز افهم ايه العقد ده وليه أمضى عليه
مروان بيه بفروغ صبر دا عقد جواز، انت هتتجوز بنتى وبعد تلت شهور هطلقها
وايه إلى يجبرنى على كده يا مروان بيه؟
هتاخد مبلغ محترم متستحقهوش من غير تعب
انا مش موافق يا مروان بيه، مش هبيع نفسي عشان الفلوس
مروان بيه ضحك اه قول كده بقا، انت بتلف وتدور عايز تزود الفلوس
خلاص هديك ١٠٠٠٠٠ يلا وقع وخلصنا
قلت لحضرتك انا مش للبيع
مرآة مروان بيه قالت اخلص قول مبلغ وانا هكتبه ليك
اتنهدت، قلت لحضراتكم انا مش للبيع
ابنهم رغد كان قاعد وقف فى مكانه وقال لا دا انت عايز تتربى بقا، يومين تلاته فى السجن كافين لكده
مروان بيه صرخ اسكت يا رعد
اخلص يا ابنى وانطق عايز ايه؟
انا لو مضيت على العقد هيكون عشان انا عايز كده مش عشان فلوسكم
خدمه ليكم معروف
رعدصرخ لا بقا انت زودتها اووى، قلتلك يا بابا دا عيل كلب
تلاقى عايز مليون ولا اتنين
سمعت الكلمه والدم غلى فى عروقى، مسكت القلم ومضيت على العقد
انا مش عايز منكم حاجه
رميت القلم على الترابيزه وخرجت
بعد شويه طلع مروان بيه ورايا، قال انت مش هينفع تشتغل فى الجنينه دلوقتى
دا مهما كان اسمك جوز بنتى
مش لازم تظهر خالص غير لما المده تخلص ومرتبك هيوصلك كل اول شهر
غيرت هدومى وخدت بعضى ومشيت، مكنتش طايق اقعد اصلا وقرفان من الناي دى
فضلت اكتر من عشرة أيام على الوضع ده لحد ما تليفونى رن برقم غريب شفته اتخضيت
رقم فخم
قلت الو
سمعت صوت نثوى بيرد عليه الو
انا صوفيا الشماخ
بلعت ريقى، اهلا صوفيا هانم
انت مهند الى شغال عندنا فى الجنينه؟
ايوه انا يا صوفيا هانم
صوفيا مممم، لو انت مهند مينفعش تقول لمراتك يا هانم
مش كده ولا ايه؟
#الرديف
٣
العفو يا صوفيا هانم، انا فين وانتى فين، انتى عارفه حضرتك ان دا جواز على الورق وانى عملت كده من باب الشرف والنخوه مش اكتر
صوفيا - : قصدك تقول عشان الفلوس؟ صح
فلوس ايه حضرتك؟
ال ١٠٠٠٠٠ الف جنيه إلى بابا اديهالك نظير انك تمضى على العقد
مهند بغضب، انا مخدتش مليم واحد من والدك ولا يمكن ابدا ابيع نفسيى عشان الفلوس
صوفيا سكتت لحظه، انت بتقول ايه؟ ازاي مخدتش فلوس؟
هو دا إلى حصل صوفيا هانم انا مش للبيع
صوفيا وكلام بابا وماما واخويا رعد؟
ممكن تسأليهم حضرتك
صوفيا بخبث، مهند؟. انت بتقول الحقيقه ولا بتقول اى كلام عشان ترضينى ومتطلعش نفسك مستغل
لحد كده وكفايه صوفيا هانم انا مش هقبل اى اهانه من اي انسان كان
انا فعلا فقير لكن انسان سلام
صوفيا خلصت المكالمه ونزلت عند مامتها، ماما انا عايزاكى تقولى الحقيقه
الولد البستانى خد فلوس فعلا ولا مخدش
والدة صوفيا بتناكه هتفرق ايه يعنى ؟
صوفيا هتفرق كتير يا ماما
لا مش هتفرق زعقت والدة صوفيا الزفت ده مضى وخلاص
مش كفايه المصيبه إلى عملتيها؟
صوفيا، يبقى فعلا مخدتش فلوس
والدة صوفيا بقلك ايه يا صوفيا انا بجهز نفسي طالعه حفله ومش عايزه وجع دماغ
وياريت متجيبيش سيرة الأشكال دي تانى هنا
صوفيا طلعت اوضتها وكلمت مهند تانى، مهند رفض انه يرد رغم أنها اتصلت اكتر من مره
اخيرا بعد عشر مكالمات رد علي صوفيا
صوفيا انت عصبى كد ليه؟
مهند بغيظ، عايزه تهينينى ومغضبش لكرامتى؟
صوفيا مش متعوده على النبره دى، دايما بتأمر وتطاع
طيب انت عملت كده ليه +؟
اصلى مش مقتنعه بموضوع النخوه والشهامه دي
انتى مثلا شفتنى وعجبتك وفكرت انك لو عملت كده ممكن تشد انتباهى؟
مهند بغضب للأسف انتى عقليه فارغه وانا ندمان اكتر انى وقعت العقد
وعشان ترتاحى انا عملت كده فى لحظة ثوره ودفاع عن كرامتى دون أي اعتبارات أخرى
يعنى ملوش علاقه بجمالك من عدمه
صوفيا اتفاجأت عمرها ما سمعت الكلام ده، كل الناس بتمدح فى جمالها ورقتها
صوفيا زعقت، انت ازاي تقول كده؟ نسيت نفسك ولا ايه انت مجرد خدام عندنا
مهند، خدام وقدمت استقالتى انا مش هشتغل عندكم تانى ولا عايز اشوف وش اى واحد فيكم تانى وقطع الاتصال وقفل التليفون
بعدها قعد مع نفسه يفكر، كده الشغل ضاع منى ولازم ادور على شغل تانى
صلى العشا ونام، الصبح بدرى طلع على مقاول كان يعرفه وطلب من هيشغله معاه فى المعمار يشيل رمله واسمنت اهو اي يشغل يصرف منه على نفسه
قعد اسبوع على الحال دا يشتغل من الصبح لحد المغرب ويرجع شقته مهدود يدوبك ياكل وينام
تانى يوم كان عندهم شغل فى عماره كبيره تحت الإنشاء وكان مهند بيطلع الرمله على كتفه الدور الرابع
كان واقف قدام العماره بيملى شكاير بالرمله ووقفت سياره مرسيدس قدام العماره وطلعت منها صوفيا الشماخ
#الرديف
٤
_____مهند نصب جسمه وفضل واقف فى مكانه مندهش لرؤية صوفيا الشماخ بكل جمالها وتأنقها نازله من العربيه قدامه
فضل ساكت، عقله مش قادر يقوم بأى حركه، من على قرب كان جمال ملامح صوفيا اكتر، هيه يا مهند هتفضل ساكت كده؟
مش هترحب بمراتك؟
___ استغرب مهند إصرار صوفيا انه تذكر كلمة مراتك فى كل مره اتكلمت فيها معاه
اهلا صوفيا هانم، كان نفسى اقلك اتفضلى لكن زى ما انتى شايفه انا شغال، مهند كانت هدومه غرقانه تراب لحد آخرها وشعره ملطخ بالوساخه مثل حيوان تمرغ فى التراب
طايب ايه؟ مش هتعزمنى على حاجه؟ ولا ايه ____
عندما تتحدث صوفيا فأن الكلمات تخرج من فمها كتغريده اى بحة ناى قديم
نفض مهند اديه من التراب، وقال لواحد زميله انه مضطر يغيب بعض الوقت
وانتى وشاور لصوفيا، استنينى لحظه انضف نفسى، دخل مهند حمام غسل وشه وشعره وغير هدوم الشغل بهدوم تانيه
اول ما خرج ، كان العمال بدأو ينتبهو ويبصو على صوفيا ومهند لاحظ كده، قرب من صوفيا شدها من أيدها وقال يلا بينا من هنا
شعرت صوفيا بخشونة ايد مهند، ايدها ألمتها وكادت تصرخ، لكنها استسلمت لشعور غريب وجميل مختلط بالوجع
همست بصوت شقشقة عصفوره حاسب ايدى؟
انتيه مهند انه ضاغط على ايد صوفيا اكتر من الازم، كأن دبور لسعه نفض ايده بسرعه
اسف مخدتش بالى
ابتسمت صوفيا، وقالت بنبرة ابنة بلد اصيله ولا يهمك
صوفيا فتحت الباب الإمامى للسياره وطلبت من مهند يدخل
مهند، مش خايفه العربيه تتوسخ؟
ادخل بقا وبلاش رخامه قالت صوفيا وهى بتركب فى مقعد السائق
ها تحب اخدك على فين ؟
بص مهند لصوفيا نظره صارمه، هتاخدينى للمكان إلى اختاره انا
صوفيا وهى بتسوق العربيه، استار باكس، كنتاكى، ماك، كوك دور
انا معنديش مانع
مهند بصرامه بصى قدامك وسوقى لأخر الشارع
دقيقتين والعربيه ماشيه، وقفى هنا!
وقفت صوفيا قدام قهوه قديمه لكن هاديه وانيقه
ايه ده احنا هنقعد هنا؟
وهو نازل من العربيه مهند قال ايوه
نزلت صوفيا مبتسمه، تجربه جديده بالنسبه ليها، مخالطة رععاع الشارع والاستماع لاصواتهم الصاخبه
شد مهند كرسى وطلب من صوفيا تقعد بأدب
كان كرسى خشب لما جلست عليه صوفيا بجسدها الرقيق ترك علامته فى جلدها
تشربى ايه؟
صوفيا عايزه تشرب بس مش عارفه بيقدمو ايه هنا
ممكن اشوف المنيو؟
مهند ضحك، نادى على النادل، هاتلى شاى وللهانم عصير لمون
جلست كوباية الليمون الملوثه بأصابع النادل القذره أمام وجه صوفيا وهى ترمقها بأشمئزاز
ممكن اعرف حضرتك جيتى هنا ليه؟
صوفيا العثور عليك صعب جدا يا مهند كأنى بدور على ابره فى الرمل
طيب ها ، فيه سبب محدد يا صوفيا؟
صوفيا، اعتقد مش لازم يكون فيه سبب عشان اشوف جوزى؟
صوفيا، همس مهند، انا وانتى عارفين ان دى مسرحيه الله اعلم ايه السبب لكن اكيد مش حاجه كويسه فبلاش ارجوكى النغمه دى
صوفيا، ليه مش مصدقنى، فعلا كنت عايزه اتعرف عليك من قرب
وعلى فكره انا اتأكدت انك مخدتش فلوس من والدى
وانك عارضته ودى حاجه ممتازه جدا
هو دا السبب يعنى يا صوفيا؟
الصراحه يا مهند ان بحثت عنك عشان اعتذرلك، طريقتى معاك مكنتش كويسه
انا كنت فاكره انك شاب صايع عملت كده عشان تتقرب منى او تستغل أهلى
لكن انت دماغك عاليه، مزاجيتك تجنن ولا فارق معاك حاجه انت عجيب يا اخى
دي طبيعتى على فكره انا كده على طول
ودا إلى عجبنى فيك، انك بتعمل إلى انت عايزه وشايفه صح مهما كانت العواقب
كان كلامها سلس وغير متكلف غير متطابق مع عيشتها الراقيه ولا مجتمعها المقرف
لاحظ مهند ان يد صوفيا لم تمتد على العصير فضحك
فيه نمل وصراصير قال وهو بيشاور على كوب الليمون
امتعض وجه صوفيا وسعلت وكادت تتقيء
انا بهزر، استرجلى شويه
استجمعت صوفيا نفسها وسكنت
اسمعى صوفيا، احنا مش لازم نتقابل تانى عشان مصلحتك ومصلحتى
انا مش عايز اعرف والدك عمل كده ليه ولا انتى عملتى ايه
ماشي
حس مهند بلمحة حزن عبرت وجه صوفيا النقى، وقف فى مكانه انا لازم ارجع الشغل دلوقتى
حاسب القهوجى ووصل صوفيا عربيتها
صوفيا وهى بتودعه قالت طيب على الأقل اسمحلى اساعدك الاقيلك شغل ___
مهند منعها من الكلام، وقفى صوفيا متكمليش انا مش محتاج مساعدتك
انا مبسوط كده، يلا لازم تمشى دلوقتى
#الرديف
٥
_______إنطلقت صوفيا الشماخ بسيارتها المرسيدس الصفراء غارقه فى حاله من التخبط هذا الكائن الذى لا تعرفه اوصلها لحاله من النشوه والفوران، إنها تعتقد قدرتها على التحدث معه إلى ما لا نهايه بلا غايه ولا هدف، فقط يجلسون او يرقدون على العشب مسندين روؤسهم بأيديهم ويبحلقون بلطخ الغيم التى تلون السماء __
____ كان على مهند ان يعود للعمل الذى ينتظره، جيبه فارغ الا من بعض العشرات من الجنيهات
عمل قاسى يتطلب جهد مضاعف، زملاء العمل، من دي يا مهند؟
البنت حلوه اوى، انت تعرف ناس بشوات بقا؟
ضحك مهند، جرفته رغبه عارمه ان يقول صوفيا زوجتى ويتركهم يضحكون عليه أو يسخرون
واصل مهند حمل دفعات من الرمال حتى انكسر ظهره، هذا العمل لا يتركك الا مهدود ميت
رجع مهند لشقته، استحم، غير هدومه، اكل فول وجبنه بيضاء ولنشون وخبز مع قطع طماطم
شرب الشاى وبعد أن صلى العشاء ذهب للنوم
رن هاتفه وكان يعرف انها صوفيا لكنه لم يكن مستعد للسهر ولا كلامها المايع الذي لا معنى له
___ماذا تريد هذه اللعينه بحق الجحيم؟ ان تتسلى؟
فتح الهاتف ورد بصوت واهن الو
ضحكه، تبعتها انت صوتك بلدى اوى على فكره
لم يجادلها مهند، كيف يشرح لها أن صوته عادى وانها هى ومحيطها يلونون الكلام
انا عادى فله، المشكله فيكى يا صوفيا
ضحكت صوفيا، اه، هه تلك الضحكه التى تجعلك تتلوى بلا سبب
صوفيا انا عايز انام
_____مفيش نوم، انا لى حقوق عليك، ابسطها تكلمنى
صوفيا بلاش هزار من فضلك، انت بتتسلى يعنى؟ كلمى واحده من صاحباتك، انا دماغى مش رايقه
انت بتطردنى يعنى! ؟
بقلك تعبان يا صوفيا
وانا بقلك هتكلمنى عافيه مش هسيبك تنام
_____ يابنت الناس انتى اتجننتى مثلا، فاضيه؟؟
الكلام إلى بيصفعها بيه مهند غريب على ودانها، كل شخص يحلم ان تتحدث اليه صوفيا الشماخ
بس الكلام ليه وقع عجيب عليها
ترغب ان تسمعه، ان تجب منه جب
انت بتحب اغانى مين؟
________ دا كلام تافه يا صوفيا، بتسمع مين؟ مين فنانك المفضل
كلا دا هراء
طيب فهمنى من فضلك ايه الى مش عاجبك فى كلامى انا عايزه اتعرف عليك
____صوفيا هانم من فضلك، انا مش بحب أخوض محادثات بلا فائده
كلامنا ملوش اى معنى
رجعت تقول صوفيا هانم تانى؟
انا كلمت والدى على فكره وهيبعتلك فلوس
انهض مهند جسده، انتى بتقولى إيه؟ وازاي تتصرفى بدل منى
انا اسفه كل غرضي انى اساعدك بأى طريقه، مكنتش عارفه اعمل ايه
الفلوس دى ايدى مش هتتمد عليها، انا اخذت قرارى خلاص
طيب متزعلش، انت عصبى ليه؟
مش عصبى صوفيا دى طبيعتى
طبيعتك حلوه وعجبانى
صمت مهند، صوفيا انا فعلا غريب ومش عايز اتعمق معاكى لان لو حصل
لو حصل يعنى هتتعبى
هتعب ازاى؟
مهند، صوفيا انا لازم انام مع السلامه، أغلق مهند الهاتف وترك صوفيا شارده، حاولت أن تتخلص من الحاله هاتفت أحد أصدقائها ووجدت كلامه التافه الذي كان يعجبها فى الماضي لا تطيقه
دقيقه وانهت المكالمه وشعرت بألم فى معدتها الألم استمر شويه ومشي
لكنه رجع تانى، كان بيختفى ويرجع، شعرت بقيء فركضت نحو الحمام
هو فيه ايه سألت نفسها انا مكلتش من الصبح؟
دخلت على جوجل وقرأت عن ألام المعده فى نتائج البحث ظهر الكثير من الأعراض منها الحمل
#الرديف
6
صوفيا اشترت اختبار حمل بعد ما قرأت عن الأعراض، استنت لحد الليل ونفذت التعليمات
والنتيجه فجاتها كانت شرطتين وردى
عرفت انها حامل، قعدت فى غرفتها تعيط وتبكى، اكتر من تلت ايام لابتاكل ولا بتشرب ولا حتى بتلكم مهند
الف فكره كانت فى دماغها أنها لازم تنزل الطفل ده من غير ما اي شخص يشعر
لكنها كانت خايفه من الأعراض وانها ممكن تموت فى العمليه
لكن الحل التانى كان انها تعيش فى العار مع ابن غير شرعى
اليوم الرابع غصب عنها تناولت طعامها وخرجت، خدت كشف عند دكتوره وطلبت منها تعملها عمليه تنزل الطفل
الدكتوره حذرتها من خطورة العمليه على صحتها وان دا حرام اصلا
رجعت صوفيا على البيت مره تانيه، فكرت تتكلم مع والدتها لكن لو والدها عرف ممكن يقتلها
مروان الشماخ سمعته اهم عنده من أى حاجه
قررت انها تكلم مهند يمكن يقدر يساعدها، لكنها شعرت بالعار، حست انها بتضغط على مهند وبتشيله شيله مش بتاعته
لكن جواها صوفيا كانت بدأت تحب مهند بجد ونفسها يفضل معاها
اختلافه كان ليه سحر عجيب عليها
الشيطان أوحى ليها بفكره غريبه، كلمت مهند وكالعاده رد عليها، صوفيا متطرقتش لموضوع حملها ولا اي حاجه
فضلت تلمح لمهند عن الحب إلى بيجى من غير ميعاد
وان الحب ملوش منطق
مهند فهم صوفيا بتلمح لأيه وكان رده صادم، قال لصوفيا بالحرف الواحد
انه اتفق مع والدها مروان الشماخ انه يتجوزها ثلاثة أشهر بعد كده هيرمى يمين الطلاق عليها وعلاقتهم تكون انتهت
صوفيا خلصت المكالمه وهى بتعيط، مش مستعده تفقد مهند
لازم تحافظ عليه باى طريقه، وجوده فى حياتها ملزم ليه
نزلت من غرفتها، مروان الشماخ والدها ووالدتها كانو قاعدين على السفره
صوفيا اتنهدت، وقفت قريب منهم، جمعت شتاته، غمضت عنيها وقالت انا عندى حاجه لازم تعرفوها
والدتها قالت قولى وخلصينا انا مستعجله
صوفيا قالت انا حامل
يا نهار اسود صرخت والدتها يا فضيحتنا، اقول ايه لصحباتى؟
مروان الشماخ حس الدنيا بتلف بيه
حامل ازاى؟
ومن مين؟
_______ من مهند قالت صوفيا وهى بترتعش
الكلب، الواطى، ابن الشوارع، مسك صوفيا من شعرها، انتى جيبتلنا العار
حتى الولد الصعلوك روحتى رميتى نفسك بين احضانه؟
تلاقيه دلوقتى طاير من الفرحه وبيفكر ازاى يبتذنا؟ انا قلت الولد دا مش سهل من وقت رفض الفلوس إلى عرضناها عليه
انت لازم تنزلي الطفل ده وانا هعرف شغلى مع الولد ده، اقسم بربى لابهدله
مهند رافض انى انزله، بيقول ان ده طفله ولو حصلتله حاجه هيخرب الدنيا ويفضحنا
كمان كمان صرخ مروان الشماخ، انا كنت ناقص المصايب دى يا ربى
انا هعرف اوريه، ورحمة امى لازحفه على الأرض، هقضى عليه خالص
انتظرووووووني
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
تعليقات
إرسال تعليق