رواية الغراب الحلقه السادسه بقلم الكاتب إسماعيل موسي حصريه وجديده على مدونة النجم المتوهج
رواية الغراب الحلقه السادسه بقلم الكاتب إسماعيل موسي حصريه وجديده
اتبعونى ___
مشيت انا وسلمى خلف الشخص الذى اتضح ان اسمه مادوك
كأننا اول مره نمشى بين البشر
همست يا سلمى هو معقول شخص ممكن يصدق كل الى احنا شفناه دة ؟
لكن سلمى كانت فى عالم تانى، سلمى الرقيقة ام قلب طيب
مكنتش معايا، ايدها بارده جدا وشها مخطوف وكل شويه تبص عليه كأنها عايز تستخب جوايا، او انى اقلها ان كل دا كذب ومفيش حاجه اسمها سلافا...
لكن محدش يقدر يغير الواقع، مادوك قال انا لازم اسيبكم هنا
مارسو حياتكم بصوره طبيعيه ،استأجرو شقه جديده
والأمير سلافا متقلعش التميمه وطلع خاتم من ايده وفى زقاق ضيق انحنى وهمس إلى الاميره الحقيقه لأرض الجان
إلى الملكه المستقبليه اقدم الامانه التى حملتها لسنين طويلة
تيبست سلافا وبصت عليه ،يعنى اعمل ايه ؟
قبلتها بعيونى وابتسمت وهزيت دماغى ،سواء كنتى جنيه او بشريه هكون معاكى يا سلمى يا اميره سلافا
فى أرض البشر، فى أرض الجان هفضل يوسف حبيبك
قلتله قبل ما يرحل، ايه إلى ممكن اعمله عشان اساعد سلافا
مادوك سكت شويه وبص لوشى بتركيز ،لا اعتقد ان بشرى يستطيع أن يساعد سلافا
قلتله انت غلطان، انا مش هتخلى عن سلافا الا وانا ميت
مادوك اختفى وسابنا وسط الحيرة دى ،وبعد بحث لقينا شقه
الأمير مادوك ادانا فلوس مش بتخلص من سحر الجان
كل إلى علينا نعمله اننا نعد النقود وهو هترجع ذى ماكانت اول مره.
اول ما استقرينا قعدت مع سلمى ومسكت إيديها ،قلت سلمى انا فاهم كل الارتباك إلى انتى فيه، مش هكدب واقول انى مش خايف ومرعوب وان كل إلى حصل دا شيء عادى
لكن اعرف حاجه واحده بس، انى بحبك وهفضل احبك
طالما انا لسه عايش حبى هيفضل يحاوطك ولو جه وقت الاختيار هختارك انتى يا سلمى على نفسى.
انا خايفه اوى يا يوسف ،مش عارفه هعمل ايه لو هيحصل ايه ؟
إحنا فى خطر صح، الشقه ممكن الجدران تنفتح ويخرج واحد من الجان يقتلنى او يخطفنى وانا ضعيفه
ابتسمت متخفيش يا كلى ،اى حد هيظهر لازم يتعدانى عشان يوصلك ودا مش هيحصل
وكان الحب يكبر فى قلبى اكتر، ذلك التغيير الذى طراء على حياتنا غير حياتنا الممله
الاميره سلافا ؟
شوفى حظى انا دايما كنت بعتبرك أميرة قلبى لكن مكنتش اتخيل انك اميره حقيقيه
بلاش هزار يا يوسف وحياتك احنا فى خطر
سلمى حبيبتى ؟ حتى لو كان لينا لحظات قليله فى الحياه نقضيها مع بعض لازم نستمتع بيها
انا معرفش هيحصل ايه لكن اعرف شيء واحد انا بحبك اكتر من نفسى
ارتخت سلمى فى حضنى مثل هره مرعوبه من صوت المطر
انت مش هتسبنى يا يوسف صح؟
ابدا ابدا انا معاكى يا سلمى، طول حياتنا بنعدى الصعاب مع بعض ودى كمان هعنديها مع بعض.
يمكن كنت مسرف فى التفاؤل ومعرفش ان إلى جاى أكبر منى.
الأمير كارداك أصيب بلعنة سلمى وصل القصر الكبير فى أرض الجان فاقد للوعى ،الملك الغاضب شارخان صرخ طالب الحكماء والمشعوذين والسحره والأطباء من كل أرض الجان
لمن محدش قدر يرفع اللعنه ،اميره المحارب وريث العرش
عرش مملكة الجان نايم على سريره بعيون مفتوحه لكن فى عالم تانى.
حتى عراف المملكه الملم بعلوم الجان وسحرهم وتعاويذهم فشل فى علاج الأمير، كل ما ينظر إلى سلافا من أرض الجان يقع تحت سيطرتها ،يقع فى حبها.
صرخ الملك وصوته هز جدران القصر وجعل نبات اللبلاب يرتعش من غضبه
حذرت مادوك الذهاب لأرض البشر لكنه عصا امرى، ذهب خلسه من خلف ظهرى، لم يتقبل شارخان فقد أبنه الوحيد
اجمعو لى أقوى مردة الجان ،أقوى المحاربين، اجمعو الوحوش ،كائنات جرافن ولوياثانات وكميرات ،احضرو لى الاميره عندما تسقط منها اول قطرة دم ستنحل لعنة الأمير
لكن بين أرض البشر والجان عهود وقوانين لا يجرؤ احد على نقصها، صرخ الملك لا ابالى بالعهود والقوانين حتى لو اضطررت لحرق أرض البشر جميعها
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق