رواية الغراب الحلقه الاولى والثانية بقلم إسماعيل موسي حصريه وجديده على مدونة النجم المتوهج
رواية الغراب الحلقه الاولى والثانية بقلم إسماعيل موسي حصريه وجديده على مدونة النجم المتوهج
كنت قاعد انا ومراتى فى الصالة قافلين النوافذ كلها وباب الشقه بعد ما السلطات ما حذرت من العاصفه الترابيه ،ماسك كتاب بقراء فيه ،وسلمى مراتى فى المطبخ بتندن وهى بتطبخ.
وكان فى الجو شيء غريب، سكون ذى البحر قبل النوة بحب سلمى مراتى جدا لطالما اعتقدت انى محظوظ لأنها فى حياتى.
وانا منسجم مع صوت سلمى سمعت نقرات على الشباك المقفول، وقفت فى مكانى وانا معتقد ان العاصفه احتجزت قط، مشيت ناحيت الشباك وفتحت ورا الزجاج لقيت غراب كبير وشكله غريب، بينقر الزجاج بأصرار
سلمى بصت عليه بخوف وارتباك، قعدت الوح للغراب عشان يمشى لكن الغراب فضل فى مكانه منقاره عمال يضرب فى الزجاج، قلت مش معقول حتتة غراب هيخوفك فتحت الزجاج ومسكت حاجه اضرب بيها الغراب، لكن الغراب اندفع جوة الصاله ووقف كأنه عارف هيعمل ايه وساب ورقه ملاحظتهاش كان ماسكاه فى مخالبه
الغراب بص على سلمى وقال انها رسالة، الريح خلى الورقه تلف جوة الصاله وفجأه الغراب طار وخرج من الشباك
وقفت فى مكانى متخشب ببص على سلمى إلى كانت مخضوضه ذى ،قلت لسلمى وانا ببص على الورقه
هو الغراب اتكلم ولا انا بخترف وبيتهيأقلى ؟ كل ده الورقه لسه منزلتش على الأرض، قفلت الشباك بسرعه الورقه استقرت على الأرض وكانت رسالة فعلا عليها اختام غريبة عمرى ما شفتها
قربت من الرسالة وسلمى فى حالة صدمه وانا عمال اهمس
غراب جايب رساله وبيتكلم ؟ هو انا فى حلم ولا علم؟
الحلقه الثانيه
الثانية
؟؟؟ ؟
مراتى سلمى قعدت جنبى ،يوسف إيه إلى حصل حالآ دلوقتى ؟ هو الى انا شايفاه ده بجد ؟ أخدت سلمى فى حضنى اتأكد انى مش فى حلم !!
صوت الريح بره الشقه كان عمال يزعق، مثل وحش غاضب
إيه الرسالة دى يا يوسف بتقول إيه؟
بصيت لسلمى بأستغراب ،الرسالة مكتوبة بلغة غريبه وبخط ايد ذى المخطوطات التاريخيه القديمه
هو انتى فاكراني احمد زويل يا سلمى ؟ انا متلخبط ذى زيك
متفتح الرسالة يا يوسف قلبى مش مطمن ____
سلمى مراتى قلبها خفيف جدأ ،إى حاجه حتى لو كانت صغيرة تافهه ممكن تسببلها رعب جسيم انا عرفت كل ده من ساعة ما اتجوزتها.
قلت دى مجرد رسالة يا سلمى يعنى هيكون فيها ايه؟
وبعدين هو احنا عارفين نقراء العنوان إلى عليها ؟ خلينا نفتحها يمكن مكتوبه بالعربى...
فضيت الاختام الغريبه المتنوعة ،فراشة وورده وعصفوره
وشكل تانى غريب ،الرسالة اتفتحت وانفردت قدامنا من غير ما نلمسها.
أنا مش مطمنه ية يوسف
همست بقلق ولا انا والله، كلام كتير مكتوب لكن مبهم اللغه غريبه ،كل ده وانا وسلمى متخيلين اننا فى حلم
حتى سلمى قامت فتحت الشباك تبحث عن الغراب عشان تصدق ان كل ده حقيقى
من غير ما ابص قلت الغراب رحل انا شفته بيطير بعيد
لكن سلمى وقفت صامته تبص على شجره قدام الشقه
اكتر من دقيقه قبل ما تقفل الشباك بقوه وتجرى ناحيتى مرعوبه تترمى فى حضنى.. الغراب يا يوسف الغراب
قلتلها بزعر ماله يا سلمى هو لسه بره؟
سلمى قالت بخوف انا شفتة على الشجره لكن مكنش غراب
كان شخص شكله غريب ولما بصيت عليه تحول لغراب وعمل حركه غريبه واختفى بعيد.
هى ليله باينه من اولها، جريت شغلت القرأن وقعدنا شويه لحد ما هدينا، كل إلى حصل داخل عقلنا مش قادرين نصدق
سلمى قاعده متكوره على نفسها بتبص على الرساله كأن الرساله فى لحظه ممكن تتحرك
فتحت جوجل واخدت صوره للرساله وبحثت عن معلومه او ترجمه، وانا ببص على التليفون سلمى صرخت
بقلها مالك فيه ايه؟
قالت الرساله اتمسحت انمحت
بصيت على الرساله إلى كانت بتولع قدامنا من تلقاء نفسها
وجريت قعدت جنب سلمى ،بسم الله الرحمن الرحيم
ايه إلى بيحصل ده، مرت دقايق الرساله تحولت لرماد
قلت لا دا كتير اووى، حاولت اهدى سلمى وابينلها انى مش خايف لانى عارف ضعف قلبها، بكره الصبح هورى الرساله لواحد صاحبى شغال فى الأثار يمكن يعرف يترجمها
وقعدنا الليل بطوله مرعوبين وانا عمال ابحث فى جوجل من غير فايده، جوجل فشل يعرف اللغه ومفيش إى معلومه
الصبح كلمت صاحبى وطلبت اقابله بسرعه لما اتقابلنا وريته الرسالة من غير تفاصيل، صحبى بص على الرسالة بأستغراب
واكدلى انها مش لغه فرعونيه أو فارسيه او إى لغه بشريه
وسألنى جبتها من فين؟
قولت بلا مبلاه كنت بقراء كتاب ولقيتها فيه واثارت انتباهى
صاحبى قال له يبقى كتاب سحر ودى يمكن تعويذه او اى حاجه متشغلش بالك.
بس ان بالى انشغل اصلا لما سمعت كتاب سحر وتعويذه وجان،شكرت صاحبى ورجعت على الشقه وانا مغموم
مش عارف اقول لسلمى ايه وقررت اكدب عليها واقولها دى رساله من كتاب فرعوني الظاهر الغراب لقيها فى الشارع مرميه واخدها وهو طاير
مكنتش مصدق نفسى لان الغراب نطق واتكلم والرساله اتحرقت قدامنا ،كنت عارف ان سلمى طيبه وعلى نياتها وهتصدق اى حاجه..
رغم كده قعدت ادور وابحث عللى النت ،دخلت صفحات دجل وسحر يمكن إى شخص يساعدنى
اخيرآ بعد ساعات لقيت شخص مجهول ناشر صفحه على النت فى تحقيق عن رساله غريبه عثر عليها فى مكتبه تاريخيه من كتاب بلا عنوان ،اخدت البريد الإلكتروني بتاع الشخص ده وبعت ليه الرساله وانى طالب مساعدته
كان امل بسيط انه يرد عليه لكن الغريب
ان الرد وصل فورا
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق