رواية الغراب الحلقه الثالثه بقلم الكاتب إسماعيل موسي حصريه وجديده على مدونة النجم المتوهج
رواية الغراب الحلقه الثالثه بقلم الكاتب إسماعيل موسي
انت عثرت على الرسالة دى فين؟
كتبتله لكن بتردد ،ملقتهاش الرساله دى وصلتنى عن طريق غراب
بعد دقيقه مرت طويله وصلنى رد ،عن طريق غراب ؟
انت من فين ومكانك فين ؟
قلتله على مكانى ،كتب لازم اقابلك فورآ
كتبتله هو الموضوع خطير ولا ايه؟ كتب لما اقابلك هقلك كل حاجه...
بعد ساعتين وصل الشخص ده، كان أربعينى قمحى طويل سايب شعره وشنبه وفى ايده سيجاره
انت الاستاذ يوسف؟ قال اول ما شافنى
قلتله ايوه انا يوسف ،شدنى من ايدى وقال تعال نقعد شويه فى القهوه مش هينفع نتكلم واحنا واقفين
اول ما قعدنا قال ممكن اشوف الرساله؟
قلتله الرساله اتحرقت بعد ما صورتها على طول
صمت لحظه وقال، خساره دى كانت هتكون اعجوبه اول رساله حقيقيه بلغة الجان
بعدها بصلى، انت متأكد ان الرساله وصلتك، يعنى منقلتهاش من كتاب ولا حاجه؟
قولتله يا عم هو انا جاى اهزر، متقول الرساله مكتوب فيها ايه؟
بص يا استاذ يوسف انا مش هدعى انى متخصص بلغة الجان
بس هقلك على الترجمه إلى قدرت اتوصلها
دى رساله تحذيريه موجهه لاميره من الجان من العائله الملكيه اسمها سلافا باعتاها مساعدة للملكه الراحله بتقول انهم عرفو مكانك ولازم تختفى بسرعه وتستخدمى قواكى النائمه.
نهار اسود ،يا عم بتقول إيه ؟ مفيش فى الشقه غير انا ومراتى.
صمت الراجل شويه وقال انت تعرف مراتك كويس؟
قلتله طبعا
بص الراجل على الشارع بتركيز قبل ما برجع يبص ناحيتى
انا اسف انى بقلك كده، لكن الظاهر انك متعرفش مراتك كويس، لو كانت الرسالة صحيحه والطريقه إلى وصلتك بها ذى ما قلتك فمراتك أميرة ملكيه من نسل الجان
لازم تعرف ان رسول الجان لا يمكن يغلط، سواء كان غراب او جرادة او حتى فراشة بيكون، مرسول الجان بيوصل الرسالة معها حصل.
قلتله يعنى تقصد ايه ؟
مراتى اميره جنيه ؟
ايه التخاريف إلى انت بتقول عليها دى؟ انا غلطان انى بعتلك اصلا يا عم
قمت من مكانى بغضب وسبت الراجل قاعد فى القهوه
دا راجل مجنون انا الى استاهل، يعنى ايه حتتة ورقه بلغه غريبه تعمل فينا كل ده...
رجعت على الشقه، مراتى سلمى سألتنى حصل ايه ؟
قلتلها طلع راجل نصاب وبيضحك عليه ،وبصيت على سلمى كأنى بشوفها لأول مره
سلمى حبيبتى مراتى إلى عانت فى الملجاء لحد ما كبرت عيلة مدكور اتبنتها وانا اتجوزتها
وانا بستحم همست قال مراتى جنيه قال؟
بتقول إيه يا يوسف وصلنى صوت مراتى من الصاله رغم انى كنت بتكلم بصوت واطى جدا كأنى بكلم نفسى
صرخت هو انتى سامعانى يا سلمى ؟
سلمى من المطبخ، بتزعق ليه ؟ بتتكلم بصوت معقول
انا سمعتك بتجيب سيرة الجن!!
سبت الميه تنزل على دماغى، ازاى ملاحظتش ده قبل كده
مراتى سلمى فعلا بتسمع اقل الأصوات وبتقدر تفسرها
اكتر من مره حصل كده
نفضت دماغى المبلوله ميه ،مش معقول إلى بتفكر فيه يا يوسف انت اتجننت رسمى..
طلعت من الحمام لقيت سلمى قاعده على الكنبه مغمومه
بقلها فيه ايه ؟
قالت من ساعة الرساله ما وصلت وانا حاسه بقلق وخوف
الغراب ،الغراب اتكلم يا يوسف
قلتلها بهزار ما انا كمان سمعته زيك بيقول هذه رساله
سلمى بصتلى بلا مبلاه وقالت لا مقلش كده بس
قال كمان...٣
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق