رواية عشق من أول جوله بقلم جيجي حصريه وجديده وكامله جميع الفصول على مدونة النجم المتوهج

رواية عشق من أول جوله بقلم جيجي حصريه وجديده وكامله جميع الفصول على مدونة النجم المتوهج 

رواية عشق من أول جوله بقلم جيجي حصريه وجديده وكامله جميع الفصول على مدونة النجم المتوهج 

 هى فاكره نفسها مين انا تعبت معاها وعملت معاها كل ده عشان تقولى بل المباراه واشرب ميتها  انا تقولى اشربها انا هوريها ازاي هشربها الحثاله دى انا اللى عملتها اصلا

صاحبه قال..... اهدى يا ادم بس انت لازم تروح وتبوس على ايدها وعلى رجلها وترجعها علشان تقدم المباراه اللي بعد ٣ شهور لازم تيجي يعني لازم تيجي مش هينفع نقول للناس اصلها اتخانقت مع الكوتش وسابت المباراه ومشيت علشان فسخوا خطوبتهم افصلو الشغل من مشاكلكم 

ادم قال.... انا مش هقول اني سبتها انا هقدم واحده تانيه وتلعب المباراه وزي ما عملتها هعمل 10 غيرها

صاحبه قال.... هتعمل واحده تانيه ازاي في فتره ٣ شهور بس اكيد مش هنلحق 

ادم قال... لا اكيد هنلحق حطلي اعلان للاعبه بمبلغ خيالى ما تتخيلهوش اي واحده في العالم وتحط فيه ان انا عايز متسابقه وتحط مده المسابقه والبنت اللى هتلعب قصادها في السباق معاها وتعلقوا في كل مكان عايزه بكره الصبح يكون مالى الدنيا مش عايز مكان واحد ما يتحطش فيه الاعلان بسرعه انا هربيها

صاحبه قال.... اهدى يا ادم ما ياخدكش الغضب انت عارف انها هتقابل جيسكا ودي مش اي واحده هترضى تيجي انا اتصلت بلاعبات كتير جدا واول ما سمعوا اسمها خلعو ودى هتلعب بره مصر فلازم تكون كفئ

ادم قال... انت تعمل اللي بقول عليه وبس يلا 

تانى يوم الصبح في مكان تاني في مطعم كانت واقفه بنت فى العشرين وماسكه فردة الشبشب فى ايدها و

بتقول.... انتو اشترتونا ولا عشان معاكوا شويه فلوس هتتحنجلو بيها على الناس وتحكموها لا يا حبيبي انا هشتغل بكرامتي وفى الحاجه اللي تعجبني 

الراجل قال.... انتى حته جرسونه لا راحت ولا جت 

صدفه قالت...... لا يا حبيبي راحت وجات وجات وراحت وكل حاجه هي عايزاها بتعملها انت اللى فاكر نفسك ايه انا من النهارده اسيبك واشتغل في حته احسن منك واقبض اكتر بكتير 

الراجل قال.... اطلعي بره والبسي شبشبك اللي انتى قالعاه ده احنا مش في حارتكم المعفنه علشان تقلعى الشبشب وتجيني بيه كل ما حد يكلمك يلا اتفضلي اطلعي بره 

صدفه قالت... هطلع هطلع لان مطعمك ده اساسا مش مطعم ده تفتحه غرزه احسنلك جاتك البلا اتفو عليكم رجاله اخر زمن 

الراجل قال... شيلوها وارموها بره 

الجاردات شالوها

صدفه قالت... يه ايه انت بتعمل ايه بعد منى سيبونى 

صدفه قعدت تحت الحيط اللى الجاردات رموها عندها بياس وحطت ايديها على راسها 

وقالت..... اعمل ايه انا يا ربى الراجل مستني الفلوس بتاعه الشقه وفاتوره الكهرباء وفاتوره السوبر ماركت وكل الحاجات دي انا هدفع ثمنها منين وعلاج امي ومدرسه اخويا 

واستندت على الحيط  بس شافت الاعلان اللي علقوا ادم جات عينها على الرقم اللي في الورقه شالت الورقه من على الحيط وركبت اول تاكسي وطلعت عند ادم وكان واقف مع حسام بغضب 

وبيقول..... يعني ايه ما فيش ولا واحده عايزه تيجي

صاحبه قال.... انا قلتلك لمجرد ما بيسمعوا اسم سوناينا كله بيهرب مفيش ولا واحده مستعده انها تواجهها يعني مع الاسف  

بس سمع صوت صدفه

 بتقول..... انا عايزه اقابله بخصوص الاعلان دوت 

ادم قال...اهيه جات روح بسرعه دخلها بس حاول ما تبينلهاش ان انا مدلوق قوي عليها 

حسام قال... مدلوق ايه يا ادم يا حبيبي هو انت رايح تخطبها احنا ما صدقنا ان في واحده اساسا هبله شاركت في الموضوع ده اوعى كدا

صدفه قالت.... استاذ ادم فين فين الكوتش اللي مقدم الاعلان بتاع دى 

ادم قال... انا اتفضلى 

صدفه قالت.... يخربيت امك دى عيون بشريه ولا قنابل زريه 

ادم قال... نعم قولتى ايه 

صدفه قالت... حضرتك انا عايزه الفلوس دي لو سمحت ضرورى

ادم قال.... هو ايه اللي تاخدي الفلوس دي لازم عشان تاخدي الفلوس دي تقدمي المهمه اللي في الورقه دي

صدفه قالت.... اللي انت عايزه

ادم قال.... انتى تعرفي تلعبي بوكس ليكى تجارب قبل كده

صدفه قالت..... مين انا انا فنانه في البوكس الا بوكس انا احسن واحده تضرب بوكس على وجه الارض 

ادم قال... اتس اوكي بس  انتى جاهزه عشان ما فيش رجوع في الكلام عشان مش بعد ما اكمل معاكى شهرين وتضيعيلي وقتي  تقوليلي مش عايزه 

صدفه قالت.... يا بيه انا معاك لاخر عمرى قصدى لاخر المباراه

حسام قال بهمس.... بتهيالي كده ما لهاش فيها وجسمها ضعيف وممكن تهبط منك اسمع مني انتى عارفه هتقابلى مين يا ماما 

ادم قال... اش انا قلتلك اخرس

صدفه قالت.... لا  البنت مكتوب اسما بالانجليزي اللي في الورق ده واصلا مش فارق طالما الكوتش معايا انا افوت فى النار عشان العيون دى

ادم قال.... اشطا تمام يلا بينا

حسام قال...  مش شايفه صور ليها يعنى قبل كدا

صدفه قالت... لا انا ما اعرفهاش يا بيه ما ليش بيها احتكاك بس لو هي يعني قريبتك انا ممكن العب معاها بالراحه يا لهوى على النظره دباحه

ادم قال... بالراحه ايه احنا عايزينك تغلبيها 

صدفه قالت..... اصل هو بيقولي 

ادم قال.... هو ملكيش دعوه بيه خالص

حسام قال..... طب احنا مش لازم نقولها انها 

ادم قال..  لا واخرج انت من هنا ما تتدخلش..  اتفضلى يا انسه اهلا بيكى... 

٢... ادم قال..  لا واخرج انت من هنا ما تتدخلش روح اتفضلى 

صدفه قالت..... شكرا يزيد فضلك

ادم قال..... انتى هتفضلي معايا هنا في البيت ده لحد اما نخلص 

صدفه قالت.... هنا بس احنا هنبقى لوحدينا يا بيه والشيطان تالتنا انا ما اضمنكش بصراحه 

ادم قال... انا هبصلك انتى يا مأيحه قصدي يعني لا ما تقلقيش من الناحيه دي انتى هتبقالك اوضتك لوحدك وانا لوحدي تمام لان هيبقى فى تمارين خمسه الفجر وبالليل وكدا 

صدفه قالت.... تمام يا بيه انا تمام معاك بس ما ينفعش تديني حاجه تحت الحساب من المبلغ ده خالص 

ادم قال..... هديكي 20000 مش اكثر من كده

صدفه قالت.... لا دا كتير قوي

ادم قال... تمام يلا روحي الاوضه دي ونامي

راحت على الاوضه اللي دلوها عليها ونامت في صباح يوم جديد كان ادم واقف قدامها في الاوضه حدف المنبه عليها قعدت بخوف 

وقالت.... ايه في ايه ايه اللي حصل 

ادم قال.... يلا الساعه 5:00 جيه وقت التدريب

صدفه قالت... هنقوم دلوقتي 

ادم قال..... ايوه البسي لبس التدريب وانزلى خمس دقايق ما تاخديش ست ساعات الهدوم اهي المكان اللي احنا هنتدرب فيه تحت يلا 

ومشى

صدفه قالت...... يا لهوى على ايامى السودا 

واخدت شور ولبست الهدوم وكان منطلون وتوب قصير  ونزلت وكان مكمان  زي حلبه المصارعه بالظبط وكان ادم واقف مستنيها بصلها شويه ورفع حاجبه باعجاب

وقال.... ايه الجمال دا كله انتى هزمتينى انا شخصيا مش الخصم 

صدفه بصتله بكسوف 

وادم قال... احم  يلا تعالي واقفه عندك ليه تعالى عشان نبتدى 

صدفه  طلعت عنده وقالت... انا بس اول مره البس كده

ادم قال... ليه امال كنتى بتلعبى بأيه 

صدفه قالت... اه تيشرت كامل يعنى يلا نبتدي  

ادم قال... اه نبتدي اوكي شوفي هترفعى ايديك كده

و لف وقف ورها ومسكها من معاصمها 

 وقال.... هيبقى بالشكل ده والرجلين كمان بتبقى واحده قدام كدا والتانيه ورا شويه ايوه بالظبط كدا وبتستعدى للمواجهه 

صدفه قلبها دق من قربه وادم كمان ادم حمحم ولف قصادها

 وقال...... تانى حاجه حاولى تحمى وشك  تمام لازم تحاولي تحمي وشك وكل جسمك برضه تحاولي تحميه وتضربي فى نفس الوقت تمام بس تركزي بقى كدا اوكي يلا اقفي وانا هجرب انا هضرب وانتى هتصدي اتس اوكي انا عشان اول مره ابقى قصادك  بقولك انا هضرب في وشك تمام احمي وشك دا خساره فيه الضرب 

صدفه قالت..... اوكي تمام يلا ابتدي

ادم ادالها بالبوكس وقعت على الارض مغمى عليها 

حسام قال... هي ماتت ده انا جيت مخصوص عشان احضر المباراه 

ادم جرى عليها بخوف وقال.... ... لا هي لسه عايشه بس مش هتنفع خالص شكلها فعلا ما لهاش فيها 

حسام قال.... يا عم ما انا قولتلك ما لهاش فيها انت قولت تمام كالورين ايه اللى هتعمل زيها دى كانت بتاكل اي حاجه في البيت احنا كنا قاعدين في مجاعه يلا يا اخويا شيل القتيل دي وطلعها فوق

ادم قال.... اطلعها ايه احنا عندنا تدريب هنفوقها وناخدها تانى 

حسام قال.... تلعب ايه دى ماتت من بوكس

ادم قال .. هتلعب وهي ميته وهتفوز هي وميته سونيا 

الخدامه... اتفضل يا باشا 

ادم قال..... كبى عليها الميه 

ومسك كوباية الميه وكبها كلها عليها صدفه قعدت وقالت بشهقه 

صدفه.... ليه كده 

ادم قال.... هو ايه اللي ليه كده هو انا جايبك عشان العب معاكي انا مش قايلك ان انا حاضرب في وشك امال لما تبقى فى المتش وانتى مش عارفه الضربه هتجيكى منين هتعملى ايه يغمى عليكى من بوكس انتى عايزه تخسرى من اول بوكس عايزه تشمتى كارولين فيا 

صدفه قالت... اكيد مش هخسر يعنى ايدها غير ايدك دي مش ايدي دى مرزبه حسبي الله ونعم الوكيل فيك منك لله بس بعيد الشر عنك برضه

ادم قال بعصبيه..... لا اله الا الله يا ماما ركزي معايا انتى لازم تلعبي لازم تفوزي احنا ما عندناش وقت خالص.. ولا اقولك انتى روحي ما تضيعيش وقتي انا هجيب واحده تانيه انتى مش هتنفعى نهائى اتفضلى امشى من هنا.. 

٣.... هجيب واحده تانيه انتى مش هتنفعى اتفضلى امشى من هنا 

صدفه قالت بغضب.... يعنى ايه هتجيب واحده تانيه ها يعني ايه هي كدا بسهوله تجيب بنات ناس وتضربهم وتخزقلهم عينهم وتفتح شفايفهم وتجيب غيريهم يا جاحد منك لله انا كده مش هعرف اخط روج تانى 

ادم قال.... معلش ما انا مش واخدك معايا المنتزه انا هاخدك تضربي فاكيد مش هتحطي روج وانتى رايحه تضربى بعدين انتى حلوه من غير حاجه شكلك قمر

صدفه قالت.... لا طبعا هحط براحتي مش هيبقى فى صحافه و صور على التلفزيون اطلع وحشه على التلفزيون يعنى 

ادم قال... لا الميكاب هيسيح في عينك وهتبقى ليله زفت على دماغك ما تحطيش حاجه وانتى ماشيه وبعدين مش اما نوصل للمسابقه اللى بنقول عليها دى ده انتى تتحسدى قوي لو كملتى الجلسه بتاعتك 

صدفه قالت... لا هيجي منى  ان شاء الله انا بس مش شايفه حاجه بعيني عيني اليمين طارت ولا اقولك  عينى هتطير ودنى هتطير هلعب يعني هلعب

ادم قال... هو الاصرار حلو لحظه بس 

وجاب علبت الاسعافات وبقى يحطلها على شفايفها صدفه  غمضت عيونها بوجع ومسكت فيه ادم بصلها شويه باستغراب 

 وقال...  معلش بس انتى لازم تقوى شويه ما ينفعش كدا حتى لو مش عشان الكاس عشان تقدرى تعيشى فى الدنيا دى وتبقى قدها ما ينفعش تبقى ضعيفه كدا قومى معايا يلا نجرى ساعه بره هتخليكي تتحمسي كده والطاقه تدخل جسمك

صدفه قالت...  انا لما اجري اتحمس ده انا بمشي لحد عمر بتاع الكبده بفيص 

ادم قال... بتقولي حاجه يا انتى

صدفه قالت.... لا لا هقول ايه يعني بس هو احنا لما نجرى كدا فى الشارع الناس تقول علينا ايه مجانين بنجرى في الشارع يا كابتن 

ادم قال.... لا سلامت المجانين منك يلا بسرعه امشي قدامي يلا

جريو شويه قليلين بس صدفه قعدت على الارض                 صدفه قالت.... لا لا لا انا مش قادره اجرى تاني ولا خطوه كمل انت وافتكرنى بالخير ووزع عليا قرص

ادم قال.... بتقولي ايه انتى قومي يلا اجري لا حول ولا قوه الا بالله يا ماما ركزي مع اللي جابوني انتى لازم تجري ولازم تلعبي ولازم تفوزي انتى عارفه لو خسرتي انا هعمل ايه كده تعبي كله هيروح على الفاضى انتى عايزه تخسريني انتى بتضيعي وقتي يعني كدا انا حاسس ان كارولين زقاكى عليا انتى لو مش عايزه تفوزي امشي يا ماما اتفضلي 

صدفه قالت.... لا مش هسيبك في محنتك ما فيش ولا واحده راضيه تشتغل معاك وانا مصره ان انا اشتغل معاك وهفضل معاك لحد ما نلبس المدليا 

ادم قال... ما انا كدا لبست 

صدفه قالت... ما تخافش انا اقدر اعملها صدقني 

ادم قال... اصدقك ازاي وانا مش شايف حاجه من اللي انتى بتقوليه اسمع كلامك اصدقك اشوف امورك استعجب طب انتى مصدقه نفسك  انا مش شايف حاجه من اللي انتى بتقوليه انتى مش قادره تعملي اي حاجه خالص لازم تفوزي دى بره مصر عالميه مش بتلعبى استغمايه فى بيتكم انتى

صدفه قالت... اديني فرصه اخر مره هتحسن بجد والله هركز معاك فى كل حركه وهفوز ٣ دقايق وهكون جاهزه اغسل عيني دي بس اللى طارت واجى على السريع

ادم قال.... الرحمه يا صاحب الرحمه 

بعد وقت كانو في الجيم 

ادم قال....  انتى هتقعدي على الارض كده وتفردى رجليكى كدا. وانا هحط اديا على رجلك تنامى وتقعدي بنص جسمك بس تمام وحطى اديكى ورا دماغك هتبقى صبعه فى الاول بس بعد كدا تمام هتتعودى عليها هتحبيه

صدفه قالت... اه تمام يلا بصراحه حلو التمرين دا انا حبيته انت بتبقى قصادى فيه لانى بقرب ليك فبقدر اقعد عشان اقرب  احم قصدى يعنى انى اقدر اقعد عشان واثقه انك مش هتسيبنى

ادم قال... كنا نعمله انا وكارلين كانت كل قعده ببوسه بصراحه كان التمرين بيبقى حلو قوى

صدفه قالت.... انت اللى بتشجعها بالبوسه ولا هي بتشجعك 

ادم قال... احنا الاتنين بنشجع بعض

صدفه قالت...... انت كنت بتحبها دى ولا معرفه لمصلحه

ادم قال.... حبينا بعض يا دوب خلصنا جامعه وتخطبنا وخدنا وقت سوا وكنت بعلمها بس فسخنا وسابتنى ومشيت حتى المباراه ما رضيتش تكملها معايا وخلعت

صدفه قالت.... يه يخرب بيتك طب مش تتجوز وتخلف امال كل الفلوس دي تروح فين لما انت تموت مين يورث كل دا

ادم قال...  ايه الغباء ده ما انا كنت هتجوز كالورين وبعدين حد يفول على حد كدا 

صدفه قالت... مش مسالت افول بس تعبى وحدتك دى بواحده تشاركك حياتك مش تلحق نفسك وتتجوز قبل ما تكبر

ادم قال.... البطوله دى كانت حلمى انا وكالورين صح هى تنازلت عنه بس انا هحققه لو كلفني ايه 

صدفه قالت... طب ليه ما تلعبش انت فى بطولة شباب وتكسب انت اسهل 

ادم قال... ما اقدرش بابا كان ملاكم وجاتله اصابه غلط ومات وامى جاتلها صدمه ورمت منى الادوات وقالت.. ما تلعبش وانا وعدتها انى مش هلعب بقيت مدرب لانى بحبها انا مدير شركه بس بحبها كدا هوايتى يعنى فاهمه 

صدفه قالت... لحظه بس هو انا ممكن اموت عادى يعنى فى البوكس دا ولا ابوك كان عيانز 

ادم قال... لا يا صدفه بابا مكانش تعبان هو لعبها كدا هوايه وبعدين انا قلتلك كانت ضربه غلط يعنى مش هتموتى انشاء الله وانا هعلمك كويس ازاى تصدى 

صدفه قالت... ادم انا مش ملاكمه ولا عمرى لعبت بس محتاجه الفلوس قوى وهفوز مش بس عشان الفلوس لا عشان حلمك انا هساعدك انك تحقق امنيتك هاخد البطوله بجد المره دي مش هقولك انى جامده بس هجمد عشانك عشان ما اقعش من الجلسه الاولى واخسر وضيع حلمك احنا هنفوز انا وانت نقدر نعمل اي حاجه سوا 

ادم قال... عارف من اول ما جيتى يعنى من اول بوكس ادتهولك وفرهدتى منى وانا اهوه ايدى  في ايدك مع بعض مهما كان  هنحاول ومهما حصل مش هنرجع وهنفوز انشاء الله يلا عشان تريحى شويه عشان بالليل هنجري تاني 

صدفه قالت..... تمام عن اذنك 

ومشيت وادم فضل يفكر فيها بالليل كانو واقفين قدام الفيلا 

صدفه قالت.... هبهرك في الجري بص دى يا كوتش

وبقت تجري بسرعه 

وتقول... بص هوصل لحد اول الشارع  من هنا من غير ما اخد نفس بص عليا وانا بوصل

ادم قال... ايه المجنونه دي جريه غريبه قوى 

وجرى وراها وبقى على قصادها

وقال.... برافو بتجري حلو سريع المره دى يجي منك كملى

صدفه قالت..... هو انا هفضل اجري منها في الحلبه لحد اما تتعب وتترمي على الارض صح والحكم يرفع ايدى

ادم قال..... لا طبعا هتواجهيها كالورين كانت بتقدر تواجه 

 صدفه قالت... لازم تصد دى قاعده في البيت ده بتاكل تشرب وتضرب بتعمل هوايتها اللى بتحبها من فراغ تلبس وتخرج انما انا 

ادم قال... انتى ايه 

صدفه قالت.... لا ولا حاجه انا اقصد يعني ان انا مش مهم خلاص يلا كمل

ادم قال.... اهوه وصلنا الفيلا

صدفه قالت... يا لهوي وصلنا البيت اخيرا انا رجليا مش شايلاني تانى تعبت  

ادم قال.... خلاص بصى انتى اطلعى ريحى شويه و انا كمان هطلع بعدين ننزل نكمل تدريب تانى

صدفه قالت.... ماشي وبعد وقت كانوا قاعدين بيتغدوا سوا 

صدفه قالت.... ايه كل الاكل ده انت مستني حد ياجى يتغدا معانا

ادم قال... لا كل ده علشانك انتى

صدفه قالت.... ربنا يخليك شكرا ليه ده كله يعني كلفت نفسك انا اكيد مش هاكل ده كله يعنى

ادم قال.... لا انتى هتاكلى ده كله كل اللي هحطهولك في طبقك ده مطلوب منك تخلصيه لان انتى لازم تمشي على نظام غذائي معين عشان توصلي الوزن اللي احنا عايزينه قبل المباراه وزنك ناقص 5 كيلو عن الوزن اللي بتلعب بيه كالورين يا صدفه شدى معايا شويه

صدفه قالت.... انا كرهت البنت  دي والله من غير ما اشوفها كده يعني ربانى يا ساتر سيرتها تقبض القلب 

 يلا انا اكلت الحمد لله 

ادم قال..... تمام يلا غسلى وتعالي هستناكي في التدريب

صدفه قالت.... مش نستنى الاكل يركن الاول 

ادم قال.... لا ما فيش وقت يلا يلا 

وبعد شويه كانو في صاله الجيم بتاعتههم 

ادم قال... انتى هتوقفى على اله الجرى دى نص ساعه كدا تمام 

صدفه قالت... نص ساعه كامله 

ادم قال... اه عشان اول مره بعد كدا هناخد ساعه يلا اطلعى 

 صدفه طلعت وادم شغل الاله وصدفه بقت تنهج هى وبتجرى 

وقالت... انا مش عارفه اجرى هقع يا عم وقف

ادم قال... وبعدين ايه انتى مش عايزه تبزلى اى مجهود مش بتحاولي حتى انتى لحقتى جريتى عشان نوقف

صدفه قالت...  والله العظيم بحاول اهوه بس انا مسكينه انا ضعيفه انا غلبانه وقف بقى البتاعه دى

ادم قال... انتى مش غلبانه ومش ضعيفه ومش مسكينه انتى بنت عاديه بتقدري تعملي اي حاجه انتى عيزاها 

صدفه قالت.... اي بنت عاديه تقدر تعمل اي حاجه هى عايزاها  ليه سوبر هيرو لا مش اي بنت عاديه تقدر تعمل اى حاجه يا كوتش انت فاهم غلط الابطال بس اللى بيقدرو

ادم قال... لا  يا صدفه اى بنت تقدر تعمل اي حاجه هي عايزها طالما حابه وعندها اصرار كل واحد بطل حكايته وكل بنت بطلة حكايتها وانتى بطلت حكايتك يلا 

صدفه قالت... خليك قصادي بس انت كده عشان انا بتشجع لما انت بتكون معايا... 

٤...صدفه قالت... خليك قصادي بس انت كده عشان انا بتشجع لما انت بتكون معايا 

ادم قال... تمام يلا انا معاكى اهوه مش هسيبك بالنسبه لاول  مره برافو  تحفه يلا

صدفه  كنت بتبص لعيونه من قرب باعجاب وادم كان بيبصلها كمان وصدفه نزلت عينها بس رجعت بصتله تاني بس ادم بصلها برتباك وحمحم بحرج 

وقال..... تمام كدا التمرين خلص يلا اطلعى ارتاحى شويه 

صدفه قالت...  تمام

وحطت اديها على كتافه وهو حاوط وسطها ونزلها وصدفه بصتله شويه وادم بصلها بابتسامه جميله

وصدفه قلبها بقى يدق جامد بعدت عنه بحرج وطلعت على اوضتها بالليل كانوا قاعدين بيتعشوا سوا في البلكونه بس صدفه ما كانتش عارفه تاكل بالشوكه ادم بصلها شويه وابتسم على حركتها         

وقال.... ايه مش عارفه تاكلى المكرونه ولا ايه 

صدفه قالت... لا بتقع بس منى انا مش عارفه امسكها كويس بس انا لو مسكتها هكلها اكيد يعنى  

ادم قال بضحك.... اه صح 

صدفه قالت... خلاص سيبك منها هاكل حاجه تانيه

ادم قال...  اوكي انا ممكن اساعدك فيها 

وراح جمبها بالكرسي بتاعه ومسك الشوكه ولفها بالمكرونه ومدها عليها صدفه رفعت عيونها ليه 

وقالت..... لا خلاص مش مهم هاكل حاجه تانيه 

ادم قال... لا وليه كليها ولا مكسوفه منى يلا عادى احنا عدينا المرحله دى 

صدفه  اكلت منه وكانت بتبصله باعجاب وكان في بينهم نظرات جميله جدا قاطعها دخول حسام لما 

قال.... ادم الناس بتوع الفريق عملين حفله هيتعرفو فيها على اللاعبه الجديده اوبس شكلى جيت فى وقت مش مناسب الف وراجع تانى 

صدفه قالت... يالهوى انا عمرى ما لبست فستان ولا عملت ميكاب ولا اي حاجه خالص من الحاجات دي 

ادم قال..... ما تقلقيش احنا هنظبطها اهدى

انا هكون معاكي في الحفله ومش هسيبك ابدا تمام معاكي انا  ما تخافيش

حسام قال... تمام اخلع انا بكره باليل الحفله اسيبكم انا عشان معاكم تدريب  

ادم قال.... فعلا شوفى ما تركزيش مع الحفله وتهملى التدريب تمام الحفله اصلا مش مهمه قد الفوز يلا نكمل تدريبنا 

حسام مشى وادم وصدفه لبسو ونزلو الجيم  

ادم قال... انا همسك الكيس وانتى هتضربي يلا 

صدفه ضربت الكيس 

وقالت..... ما بيتحركش

ادم قال..... بصي تخيلي ان الكيس ده شخص مضايقك في حياتك وحاولي تضربيه

صدفه قالت..... المدير بتاع المطعم اللي مشاني

ادم قال... تمام مشاكى ليه من المطعم 

صدفه قالت.... واحد  في المطعم اتحرش بيا بيقولي عادي الزبون دايما على حق انا الاقيها من الزبون ولا صاحب المطعم ولا صاحب الشقه كمان قارفيني في عيشتي مش عارفه الشهر بيجري ازاى كل شويه يجي للايجار انا بحس انه بياخد الايجار ٣ مرات هعتبره صاحب المطعم وصاحب الشقه كمان يلا هضرب 

ادم قال.... اضربي     

صدفه بقت  تضرب في الكيس بس من غير نتيجه بقت تحاول تحرك الكيس خبطها وقعت على الارض ادم وقفها بسرعه*

وقال.... كده مش هتعرفي تعملي اي حاجه خالص حاولي تجمدي هسيب الكيس وانتى تجربي تاني تمام يلا

صدفه ضربت الكيس واخيرا حركته لفت عند ادم وبقت تقول بفرحه وهى رافعه اديها ضربته وحركته حركته بس الكيس رجع خبطها في ظهرها زقها على ادم وقعو هم الاتنين على الارض وكانت فوقه بصلها بنظرات جميله جدا وهي كمان كانت بتبصله بنظرات حلوه ادم حمحم بحرج             

وقال....... حاولي تقومي 

صدفه قالت.... اسفه هو خبطني بس حركته 

ادم قال... حركتيه برافو عليكى 

وبالليل كانوا قاعدين في البلكونه 

صدفه قالت... هى كلورين طفشت منك ليه 

ادم قال.... قابلت واحد وحبته وسابت المباراه عشان تروح معاه وقلتلها هنكمل المباراه قالت انت عايزني اسيب مستقبلي عشان نكملها 

صدفه قالت... لا طب هي مش كانت حبيبتك 

ادم قال... اه كانت  خطيبتي بس فركشنا قلتلها نكمل شغل زي ما احنا قالت لا 

صدفه قالت.... بصراحه بيني وبينك انت ما تتعاشرش 

ادم قال... شكرا 

صدفه قالت... بهزر معاك انت قمر وحليوه وكل البنات بتحبك كل البنات دايبين 

ادم قال بضحك.... شكرا 

صدفه نامت وهي قاعده وقف ادم وشالها حطها على السرير  بتاعتها وفرد عليها الغطى ومشي تاني يوم باليل كان مستنياها في الصالون نزلت من فوق وكانت لابسه فستان سهره جميل جدا وكانت رافعه شعرها بطريقه راقيه وكان شكلها تحفه ادم وقف شويه شارد فيها صدفه بصتله بكسوف 

وقالت.... ايه طالعه حلوه 

ادم قال.... طالعه تحفه تفضلي 

وفتحلها باب العربيه وركبوا سوا وصلوا الحفله وكان حاطط ايده في ايدها وواقف جمبها طول الحفله جات رقصه رومانسيه وادم كان بيرقص مع صدفه وحط ايده فى ايدها وايده التانيه على خصرها وبقى يتحرك معاها على             

 وقال.... عايزك تركزي معايا 

صدفه قالت..... انا تمام بس خايفه ادوس على رجلك الكعب عالى  هيوجعك

ادم قال.... لا اذا ركزتى معايا انا مش هتدوسي على رجلى 

ادم قال..... طالعه احلى واحده في الحفله كلها

صدفه قالت...... شكرا  

ادم قال.... مش مجامله يعني طالعه جميله جدا بصراحه 

صدفه قالت... عاجبك الشكل ولا الشخصيه اكتر 

ادم قال... هو بصراحه الاتنين سوا كاريزما كدا 

صدفه قالت.... على العموم دي شهاده انا اعتز بيها ان انت تقول كدا اصلا 

ادم قال...  اشمعنا يعني ميرسي طبعا بس حاسس  وراها حاجه يعني مش طالعه من قلبك

صدفه قالت... يعني اصل انا ملاحظه ان كل البنات اللي في الحفله عينهم عليك

ادم قال.... اقولك على سر كل دول كانوا عايزين يتجوزوني بس انا بصراحه ما رضيتش سبتهم كلهم واخدت كالورين وخزوقتنى برضه 

صدفه قالت..... هو طب انت هتفضل كده يعني اللي باقي من عمرك ندمان على الخزوقه ولا هتشوف خازوق جديد 

يعنى انا لما افوز ايه اللي هيحصل بعد كده انا هرجع على بيتى انا قايله لامى الشغل فتره وهتخلص انت بقى هتعمل ايه 

ادم قال... الرقصه خلصت يلا خلينا نروح كفايه كدا 

صدفه قالت.... انت شكلك بتتهرب من السؤال

ادم قال... لا الرقصه خلصت بجد 

صدفه قالت.... ما انا عارفه سامعه الموسيقى اما وقفت بس انا بتكلم عن سؤال محدد 

ادم قال... ما هو ما فيش اجابه محدده يلا خلينا نروح 

وطلعو بس لقى كالورين قدامه 

وقالت بسخريه... ادم هى دى اللى هتنافس بيها دى هتطب من اول جوله يا حرام 

ادم قال... لا هتفوز ومش بس هتاخد مكانك فى المباراه هتاخده فى حجات كتير يا كالو 

كالورين قالت... ازا فازت ابقى قابلنى 

بس صدفه وقفت قدامها وقالت بتحدى.... لا مش هيقابلك لانه مش فاضيلك هيكون بيحتفل معايا يا روحى يلا عن اذنك ما بقاش فى وقت ليكى عشان يضيعه معاكى يا قمر خلاص ما بقاش فاضى يلا بينا 

ادم مشى معاها وركبو العربيه ورجعو على البيت بس كانو لسه فى العربيه

وقال... حبيتى طريقه يا صدفتى الجميله 

صدفه قالت... بص يا ادم اللى يبيعك بيعه ما يستهلش خصوصا الحلوين اللى زيك ما ينفعش يزعلو على حد اصلا 

ادم قال... انتى جميله جدا يا صدفه تستاهلى كل خير انا بجد معجب بيكى

 وقرب منها شويه بس صدفه نزلت جرى من العربيه وطلعت على اوضتها بكسوف واتنهدت بفرحه ونامت 

بس دخل شاب ولقيها نايمه قعد جمبها بسكر وقال.. ايه الجمال ده كله صدفه قعدت وبصتله بخوف وصرخت باسم ادم 

الشاب قال... اش انا ابن خالو زيو هبسطك ما تقلقيش يا قمر 

صدفه قالت.. ابعد انت مجنون انا مش كدا 

دخل ادم جرى لما سمع صوته ومسك الشاب من قفاه وضربو وطلع بيه بره 

الشاب قال... ايه يا عم 

ادم قال... انت ايه جابك 

الشاب قال... جيت اشوفك كدا برضو من غيرى 

ادم قال.... اخرص واطلع بره يلا دى مش كدا دى البنت اللى هتقدم المباراه وطلع بره بدال ما تشلفطك 

الشاب جرى لبره وادم دخل عند صدفه وقال.... حببتى انتى كويسه 

صدفه قالت.... قال زى ادم وهبسطك وبدفع حلو 

ادم قال.... انا اسف دا حيوان سيبك منه 

صدفه قالت... دا معناه انك بتجيب اللى بتدفعلهم انت بجد كدا 

ادم قال... دا اللى لفت نظرك فى الموضوع 

صدفه قالت... رد ما تستهبلش 

٥...صدفه قالت... دا معناه انك بتجيب اللى بتدفعلهم انت بجد كدا 

ادم قال... دا اللى لفت نظرك فى الموضوع 

صدفه قالت... رد ما تستهبلش 

ادم قال.... احم يعنى كنت لما بكون قاعد زهقان 

صدفه قالت... اطلع بره 

ادم قال... بس انا خلاص مش حاسس انى حابب اعمل كدا تانى حاسس انى وصلت لاحلى واحده 

صدفه قالت... دى ما بتتبطلش 

ادم قال... لا انا بطلت من وقت ما جيتى ما روحتش لانى مشغول بيكى عن العالم كله 

صدفه قالت.... احم طب انا هنام 

ادم قال... انا هفضل جمبك الليله هنام على الكنبه دى 

وراح نام على قبالها وكان بيبصلها بنظرات جميله لحد ما غلب عليهم النوم 

فى صباح يوم جديد... ادم راح صحى صدفه وكانت بتتمشى معاه فى الجنينه 

وقال... اسف جدا على امبارح بجد اندمجت زياده 

صدفه قالت.. احم خلاص عادى بس ما تعملش كدا تانى انا معنديش وقت لازم اكسب عشانك 

ادم بصلها وهى قالت بحرج.... احم يعنى قصدى عشان انت حاطط املك عليا وما ينفعش بعد ما حطيت املك عليا اخيبو 

ادم قال... تؤ اتطمنى مستحيل يخيب اختيارى المره دى فوق الممتاذ 

وعدى الوقت وكان ادم بيقرب من صدفه وبيدربها ويعلمها يلا لحد ما جيه الوقت 

ادم قال... يلا بقى احنا هنسافر علشان هنروح المكان اللي هتتقام فيه المباراه 

صدفه قالت... انت هتسافر معايا صح 

ادم قال.... اكيد طبعا 

صدفه قالت... اه اصل انت قولت مش هتسيبني اروح لوحدي

ادم قال... لا طبعا لوحدك ايه انا الكوتش بتاعك حتى في المباراه هتلاقيني قاعد جنبك ما تقلقيش

صدفه قالت.... انت حتى لو ما كنتش الكوتش بتاعي لازم تكون معايا انا مش هعرف اعمل حاجه من غيرك قصدي يعني انه مش هعرف اتصرف من غيرك 

ادم قال.... اكيد طبعا انا معاكي من البدايه ومش هسيبك للنهايه يلا 

صدفه قالت.... تمام 

بعد فتره كانوا وصلوا الاوتيل اللي نازلين فيه وكان اتويل فخم جدا

صدفه قالت... يا حلاوه يا ولاد انا اول مره اروح اماكن زي دي بصراحه انا كان حلم حياتي اشتغل مكان البنت اللي بتنظف الاوضه دي بتاخد تبس يا اما من النزيله

ادم قال...  من النزيله ايه الكلمه دي تاخد فلوس عرفتها من مين بقى

صدفه قالت.... الناس اللي بتيجي تنزل هنا اسمهم نزيله 

ادم قال..... اول حاجه اسمهم جيست تمام  واسمها بالعربى نزلاء ما فيش حاجه اسمها نزيله دي اصلا وحاولي ما تتكلميش مع حد هنا يعني عشان تعدى قعده لطيفه عشان ما تسوئيش سمعه مصر 

صدفه قالت.... خلاص حاضر 

ادم قال... نزيله قال وانا اقول مصر متمسكه بان البنت ما تلعبش بوكس ليه انتى وامثالك خربوا سمعت الفتيات المصريه انتى فعلا النموذج اللي بيقولوا عليه اخرو المطبخ انتى المفروض ما تطلعيش من بيتكم ما تجيش اماكن زي دي اصلا

صدفه قالت.... ايه يا عم حيلك حيلك كل شويه تجرح فيه ايه ده لم موسك يا اسط

ادم قال.... ايه ايه مو سك دى 

صدفه قالت.... لسانك بيحدف زي الخنجر يا سطى عامل زى لسان الوليه ام عاطف الرداحه في ايه يا حبيبي لا يا بابا هتجرح هنردح الست كالورينا المتعلمه بتاعتك  اتولدت في بقها معلقه ذهب وبقت بنت الباشا ورايحه جايه سافرت ولعبت بوكس وركبت عربيات وبقت انيقه يبقى خلاص البنات المصريات ما ينفعش لا يا حبيبي انتم لو كنتوا جبتوا بطولات تانيه يعني انا مثلا اقدر ابقى زيها لو انا اتولدت في ظروفها انما انا مش مولوده في ظروفها المقارنه اصلا مرفوضه كالورين دى تعرف تشيل الانبوبه وتعدلها وتولع تحت الشاي تقدر تتشعبط على الكرسي عشان تفتح محبس السخان اللي فوق عشان هي قصيره خطيبتك دي تقدر تطلع بالانبوبه الدور التاني انا كنت بطلعها كارولين دى تعرف تنظف الفراخ وتتبلها وتشويها اهو لازم ابطك زي ما ببط اللحمه عشان تسكت 

ادم قال...  بستوعب اللي قلتيه بس مش اكتر يعنى كل دا عشان بقول انك بيئه كنت بهزر اصلا

صدفه قالت... لا حاجه بسيطه ظالمه انا 

ادم قال... جدا يلا روحى نامى عشان المباراه عايزك تبهرينى ها وترفعى راسى كارولين جايبه حبيبها وجايه تتفرج فاكره انك مش هتفوزى ها ما تشمتيهاش فيا 

صدفه قالت.... يا عم على الله يلا 

وطلعت اوضتها واخدت شور ونامت فى  يوم جديد باليل 

صدفه راحت لادم وقالت... تيجى نسهر الليله سوا دى خلاص اخر ليله ليا هنا انا همشى كدا يا ادم وانت مش هتشوفنى تانى 

ادم قال... مين قال كدا 

صدفه قالت.... انا اللى قولت مش خلاص كدا 

ادم قال... طب يلا وكانو سهرانين فى مكان فى رومانسى جدا وفى ناس بترقص سوا 

صدفه قالت... المكان تحفه ادم قال.... جدا دا كل الأحِبه بيعترفو بحبهم لبعض هنا 

صدفه قالت... وانت جايبنى هنا ليه هتعترف بحبك 

الاخير....صدفه قالت... وانت جايبنى هنا ليه هتعترف بحبك 

ادم قال... لا انا حبى هعترف بيه قدام الدنيا كلها قصدى يعنى لما احب يا صدفتى الجميله بس حابب اقولك انك احلى حاجه حصلتلى فى حياتى واجمل ما عدى عليا فيها انتى بجد احسن واحده دخلت حياتى 

صدفه قالت... وانت احلى حاجه حصلتلى فى عمرى كله بجد الوقت جرى معاك كنت عايزه بس اكسب واخد فلوسى وامشى بس دلوقت زعلانه لانى همشى ومش هشوفك تانى 

ادم قال... بس انا هشوفك 

صدفه قالت... انت هتذورنى 

ادم قال... لا انتى اللى هتيجى 

صدفه قالت... ازاى يعنى مش فاهمه 

لدم قال... بعدين هتفهمى يلا نرجع دلوقت عشان نجهز للمطش بتاعنا 

يلا ورجعو الاوتيل فى يوم جديد  كانت صدفه واقفه على الحلبه بس شافته البنت اللى هتلعب قصادها جايه من بعيد وكانت ضخمه جدا 

صدفه قالت..... يا مسبتى انا هلاعب التريله دي انا متفقتش على كدا 

ادم قال..... ايه خايفه 

صدفه قالت..... خايفه قوي بس ما دام انت معايا خلاص مش هخاف بس خليك جمبى 

ادم قال... انا هنا جمبك 

وطلع بره الحلبه 

صدفه قالت... خلعت يعنى امال جمبك من البدايه وجمبك للنهايه وعاملى فيها جنات ليه. 

ادم ضحك وصدفه وقفت قصاد البنت والبنت كانت بتضرب جامد وصدفه ما كانتش قادره تعمل ولا حاجه من اللى علمهالها  ادم في ال٣ شهور ادم غمض عنيه بضيق بس بقى يشجعها وكان واقف جمبها بس البنت كانت بتضرب جامد ادم طلع من المكان بضيق بس بعد فتره سمع صوت اعلان الفائز طلع بسرعه هناك اتفاجئ بالنت مرميه على الارض والحكم رافع ايد صدفه وكالورين كانت بتبصلهم بزهول ادم جري على الحلبه وشلها ولف بيها وصدفه ادتلو المداليا وابتسمت 

وقالت.... جبتها شوفت بقا انى انفع بره المطبخ اهو بقيت بطله اهو بقيت بطله  العالم مش بس بطله فى حكايتى يا ادم  انا عمرى ما شوفت الحب دا كله والتشجيع دا كله كان بسببك شكرا لوقوفك جمبى انت تستاهل المداليا لانك تعبت عشانها 

ادم لبسلها المداليا وحاوط وشها باديها وبصلها بفخر 

وقال......  تعرفي ان انا النهارده مبسوط جدا انك فزتي مش عشان الميداليه انا مش فرحان بالميداليه قد ما انا فرحان بيكي قدرتى تعملي المستحيل انا النهارده مش كسبت مباراه عاديه انا كسبت  مباراه عمري كله تقبلي زي ما شاركتيني في المباراه تشاركيني في عمري كله 

وطلع الخاتم ووراه الناس وبص لصدفه 

ادم قال.... فاكره اول كلمه قولتيهالى لما جيتى تقدمى يا صدفه قولتيلى جمبك لاخر عمرى انا عايزك جمبى لاخر عمرى يا كل عمرى تقبلى تتجوزيني وتشاركينى اللى فاضل من عمرى فى كل خطواته وتكونى بطلت حكايتى 

صدفه قالت.... اكيد طبعا يا كوتش 

ادم قال....  انا بجد فرحان بيكي قوي يا فوز العمر كله انتى مش بس جبتى كاس فوزى  انتى كنتى كاس مرحله العمر يا اجمل مرحله فى العمر عشتها وبعيشها ولسه عايز اعيشها 

وصلنا للنهايه شكرا للى تفاعلو واللى شجعو.. تسلمو يا غوالى  هستنى رأيكم فى القصه.. دمتم فى امان الله مع من تحبون بأذن الله 🥰