رواية أميرة آخر الزمان الحلقه الاولى والثانية بقلم الكاتبه ملك إبراهيم حصريه وجديده
 |
رواية أميرة آخر الزمان الحلقه الاولى والثانية بقلم الكاتبه ملك إبراهيم حصريه وجديده
يعني ايه جوزي يتجوز عليا عشان يخلف ولد ؟!
نطقت "أميرة" كلماتها بزهول بعد ان استمعت الى حديث حماتها المستفز عن حق ابنها في الزواج من اخرى لكي تنجب له الولد بعد ان انجبت زوجته "أميرة" فتاتين توأم.
وقفت حماتها امامها بكل قوة وجبروت قائلة لها بقسوة.
- وماله يا حبيبتي لما يتجوز تاني هو مش الشرع محلله اربعه ولا انتي عايزه تخالفي شرع ربنا كمان !
نظرت اليها أميرة بغضب والدموع تتساقط من عينيها مثل المطر ثم تحدثت ببكاء.
- انا مش بحرم شرع ربنا بس مش شرع ربنا دا برضه بيلزم ابنك انه يصرف عليا انا وبناته ؟ ولا يسيبنا كدا نمد ايدينا للي يسوى واللي ميسواش
هب زوجها واقفاً بغضب قائلاً لها بحدة.
- وانتي كنتي مديتي ايدك لحد امتى ؟، ما انتي واكله شاربه نايمه انتي وبناتك ببلاش ، واحد غيري كان قالك اطلعي اشتغلي واصرفي علي بناتك
حركت رأسها بعدم تصديق ثم اقتربت منه وهي تتحدث بزهول.
- بناتي !! دا على اساس انهم بناتي انا لوحدي ، يعني مش بناتك انت كمان ؟!
ثم نظرت بقوة وهي تضيف بحزن.
- وبعدين عايزني اشتغل ازاي وانا معايا بنتين عمرهم مكملش اربع سنين وواحده منهم عندها القلب
جلست حماتها باسترخاء ثم تحدثت بسخرية جارحة.
- ما لازم خلفتك يا حبيبتي يبقى عندها القلب ، اصلك فقر وفقرتي ابني معاكي من يوم ما عرفك ، يعني يوم ماتخلفي تخلفيله بنتين مع بعض مره واحده وكمان منهم واحده تعبانه وعلي وش موت
التفتت أميرة تنظر اليها بصدمة ثم تحدثت ببكاء.
- بعد الشر علي بنتي من الموت بنتي ان شاءالله هتعمل العمليه وهتخف وهتعيش وتتجوز وتجوز عيالها كمان
حركت حماتها فمها يميناً ويساراً قائلة بسخرية.
- ربنا يديها ويدينا طولت العمر يا حبيبتي بس ابني مش هيرمي فلوسه في عمليه ممكن بنته تموت بعدها ويبقى رما فلوسه علي الارض
نظرت اليها أميرة بصدمة لتضيف حماتها بقسوة.
- انا ابني هيتجوز بالفلوس دي ويخلف الولد اللي يشيل اسم العيله
حركت أميرة رأسها بالرفض وهي تنظر الى زوجها، وجدته يخفض وجهه ارضاً، اقتربت منه تتحدث اليه برجاء وهي على وشك تقبيل يديه كي لا يحرم طفلتهم من أجراء العملية وانقاذ حياتها.
اميرة: جمال ارجوك ابوس ايدك لو عايز تتجوز اتجوز بس بنتك لازم تعمل العمليه ، لو جنه معملتش العمليه هتمووت، جمال ابووس ايدك
نظر اليها بجمود قائلاً لها بقسوة.
ـ بنتك كدا كدا هتموت انا سألت الدكتور وقالي نسبة انها تعيش بعد العمليه ضعيفه اوي وانا علي رآي امي مش هرمي فلوسي علي الارض
جلست على الارض بصدمة، عقلها رافض استيعاب ان زوجها يفضل حياته على حياة ابنته الصغيرة.
نظر اليها زوجها بحيرة، ثم نظر الى والدته التي غمزة اليه بمكر ان لا يتعاطف معها.
حركت أميرة رأسها بعدم تصديق ثم ضربت على الأرض بيديها وهي تبكي بحرقة على ابنتها، همست ببكاء قائلة.
- كده بنتي ممكن تروح مني في اي وقت، طب اروح فين واشتكي لمين ؟
ثم نظرت الى السماء وهي تبكي قائلة.
يااااارب .. يارب مليش غيرك ، يارب بنتي ، والنبي يارب بنتي لو ماتت هموت بعدها
وقف جمال ينظر اليها بحزن وقبل ان يقترب منها هبت والدته واقفه تتحدث مع أميرة بقسوة.
- الشويتين بتوعك دول مش هيدخلوا علينا ، اطلعي لمي حاجتك انتي وبناتك عشان هتعيشوا معايا في الشقه هنا
ثم اضافة وهي تنظر الى ابنها.
- عشان جمال هيدهن الشقة اللي فوق ويتجوز فيها
نظر جمال الى زوجته أميرة بحزن ثم اخفض وجهه ارضاً.
جففت أميرة دموعها ثم استندت على الأرض ووقفت بتعب وهي بداخل حالة من الزهول، تردد ذكر الله بدون توقف قائلة.
- يارب انا مليش غيرك ، اشفي لي بنتي يارب
نظرت الى زوجها الذي يخفض وجهه ارضاً لا يريد ان يرى ما فعله بها ثم عادت ببصرها الى حماتها الواقفة تنظر اليها بقوة وتحدي ، خرجت من شقة حماتها سريعاً وهي تركض ببكاء الى الاعلى حيث شقتها.
فتحت باب الشقة لتجد طفلتيها يلعبون معاً بمكانهم كما تركتهم منذ قليل ، اقتربت منهم وعانقتهم بلهفه وهي تبكي بحرقة ولا تعلم ماذا تفعل ثم نظرت الى ابنتها "جنه" الفتاة التي لا تبلغ من العمر الا اربع سنوات، قبلت اعلى رأسها وهي تتنفس رائحتها بلهفة ثم همست الى الطفلة ببكاء وقلة حيلة.
- انا اسفة يا حبيبتي مش بإيدي انقذ حياتك غصب عني بس صدقيني لو جرالك حاجه يا جنه انا هموت قبل منك
ابتسمت لها الفتاة ببرائة لا تعلم ماذا تقول والدتها ثم رفعت كفها الصغير تجفف دموع والدتها ببرائة.
عانقتها أميرة بقوة ثم رفعت وجهها الى السماء قائلة ببكاء.
- حسبي الله ونعم الوكيل
نظرت اليها طفلتها الثانية "حور" ببرائة ثم تحدثت معها بصوتها الطفولي.
- ماما انتي بتعيطي ليه ؟
جففت أميرة دموعها سريعاً ثم تحدثت مع طفلتها بابتسامة.
- عيني بتوجعني شوية يا حور
ثم اضافة مدعية الحماس.
- ايه رأيك البسك انتي وجنه واخدكم ونروح عند طنط مروة ؟
ابتسمت الطفلة ببرائة ثم اقتربت منها أميرة وقبلت اعلى رأسها هي الاخرى ثم اخذت الطفلتين الى الداخل لتبدل لهم ثيابهم.
في شقة حماة أميرة.
وقفت حماتها تتحدث مع ابنها بقوة.
- مش عيزاك تضعف قدامها والشويتين اللي بتعملهم دول مكر حريم انا عرفاه كويس
تحدث جمال بتردد.
- انا بصراحة محتار يا امي ، دي مهما كان بنتي برضه
تحدثت والدته بقوة.
- بنتك لو كان في أمل انها تعيش كنت انا اول واحدة هقولك اعملها العملية ، لكن انت بنفسك بتقول ان الدكتور قالك ان الامل انها تعيش بعد العملية ضعيف صح ؟
حرك رأسه بالايجاب ثم اضافة والدته بقوة قائلة.
- يبقى تسمع كلامي وتتجوز اللي قولتلك عليها وتسيبك بقى من اللي بتخلف عيال عيانين دي ، وتفكر في عروستك الجديدة والحمدلله هي واهلها موافقين وفرحنين بيك
ابتسم جمال قائلاً بلهفة.
- اه والنبي يا امي الواحد فعلا عايز يجرب نوع تاني من الحريم بدل اللي طول الوقت مش بتفكر غير في بناتها وكأن مفيش حد خلف عيال الا هي
تحدثت والدته بتأكيد.
- متقلقش العروسة الجديدة هتبسطك ، بس أهم حاجة دلوقتي تروح تجيب عريبة ورجالة يحملو كل العفش اللي في شقتك فوق ده وانا هقولك على واحد معرفة هتبعله عفش شقتك وهيديك قصاده عفش جديد تفرش بيه شقتك وهتدفع فرق قليلة متخافش دا انت لسه عفشك جديد
حرك جمال رأسه بالايجاب ثم ذهب ليحضر رجال وسيارة كما قالت له والدته.
قابلته أميرة على الدرج وهي تحمل طفلتها جنه بيد وتمسك بيدها الاخرى طفلتها حور.
وقف ينظر اليها بجمود ثم تحدث اليها بخشونة.
- واخده البنات ورايحة على فين كده ؟!
تحدثت معه بغضب مكتوم.
- هروح ابص على امي
اقترب من طفلته جنه وهي على ذراع والدتها ثم قبل خدها وتحدث بجمود.
- ماشي روحي بس خلي بالك من البنات
ثم اضاف بسخرية.
- يا ام البنات
نظرت اليه بغضب ثم اخذت الطفلتين وتقدمته على الدرج وهي تهمس بداخلها.
- حسبي الله ونعم الوكيل
ثم ذهبت الى منزل صديقتها الوحيدة "مروة" لتشتكي لها همها وتأخذ رأيها فما عليها فعله الان كي تنقذ حياة طفلتها.
بداخل منزل "مروة" صديقة "أميرة.
جلست معها أميرة بداخل غرفتها تتحدث ببكاء وهي تنظر الى طفلتيها وهم يلعبون بهاتف صديقتها.
أميرة ببكاء: عايز يتجوز بالفلوس اللي حوشناها عشان عملية جنه
هبت مروة صديقتها واقفة بغضب قائلة.
- الندل الواطي هو والعقربه امه بقى عايز يتجوز بالفلوس اللي انتي حرمتي نفسك انتي وبناتك من كل حاجه عشان تحوشيها لعملية بنته !!
بكت أميرة بحرقة قائلة.
- مش عارفة اعمل معاهم ايه يا مروة ، حاسة اني متكتفة ومش عارفه انقذ حياة بنتي
تحدثت مروة بقوة وغضب.
- جوزك دا محتاج حد يقفله هو وامه ويوقفهم عند حدهم
بكت أميرة بحسرة قائلة.
- مين بس اللي هيقفلهم يا مروة ، ما انتي عارفة ان انا مليش حد غير امي وجوزها الندل انتي عرفاه كويس ، حقير ومش هيتكلم غير في الخراب عشان ارجع بيت امي تاني وانتي عارفه اني اتجوزت جمال بعد ما خدت شهادة الدبلوم على طول عشان اهرب من جوز امي وافعاله القذرة اللي كان بيعملها قدامي
ربتت مروة على كتفها قائلة بحزن.
- عارفه يا حبيبتي والحمدلله انك اتجوزتي وبعدتي عن قذارته ، راجل معندوش دم واعوذ بالله مفيش حد بيطيقه ، مش عارفة بس امك اتجوزته على ايه
نظرت أميرة الى طفلتيها ثم انهارت بالبكاء.
نظرت اليها مروة بحزن ثم تحدثت بعد تفكير.
- خلاص يا أميرة اطلقي من جمال واتجوزي واحد يكون معاه فلوس و يقدر يصرف عليكي انتي وبناتك واطلبي منه ان مهرك يبقى العملية بتاع بنتك ، وانتي ماشاءالله عليكي حلوه ولسه صغيره وهتلاقي الف من يتمناكي
نظرت أميرة الى مروة بزهول ثم تحدثت ببكاء.
- جواز ايه بس يا مروة ، ومين ده اللي هيدفع تمن العملية لبنتي اذا كان ابوها اللي خلفها استخسر وفضل نفسه على حياة بنته
ثم اضافة وهي تنظر الى طفلتيها.
- وبعدين عيزاني اجيب لـ بناتي جوز ام ويشوفوا اللي انا شوفته من جوز امي
حركت مروة رأسها بحيرة قائلة لها.
- مهو اكيد يعني انتي هتتجوزي واحد محترم مش زي جوز امك
تنهدت أميرة بحزن قائلة لها.
- والنبي اسكتي يا مروة وبعدين انا مش فدماغي جواز انا كل اللي يهمني دلوقتي حياة بنتي ولو جمال اتجوز بالفلوس دي يبقى بنتي مش هتعرف تعمل العمليه وممكن بعد الشر...
تابعة حديثها بالبكاء كلما تخيلت انها من المحتمل ان تفقد حياة طفلتها.
وقفت من مكانها سريعاً واخذت طفلتها بداخل حضنها وهي تقبلها وتبكي بقهرة وتلعن الفقر والضعف الذي يقيدها ويجعلها تقف تنظر الى ابنتها وهي على وشك الموت ولا تستطيع انقاذها.
حملت طفلتها واخذت الاخرى بيدها قائلة لصديقتها بحزن.
ـ انا هاخد البنات وامشي عشان اتأخرت
حركت مروة رأسها بحزن هامسة لها.
ـ ماشي يا حبيبتي ربنا معاكي
عادت أميرة الى منزل زوجها مرة اخرى لتتفاجئ بسيارة كبيرة تقف امام المنزل، يحمل بعض الرجال عفش شقتها ويضعوه بالسيارة.
شهقت بصدمة واقتربت من زوجها الواقف يتحدث مع احد الرجال وهم يحملون محتويات شقتها ويضعوها بالسيارة.
أميرة: هو ايه اللي بيحصل ده يا جمال ، وعفش الشقة بتاعي هتوديه فين ؟
جذبها من ذراعها بغضب بعيداً عن الرجال قائلاً لها بجمود.
- انا بعت العفش دا وجبت عفش جديد عشان العروسه الجديدة ودفعت الفرق خلاص ، والاوضه اللي هتعيشي فيها انتي وبناتك في شقة امي فيها السرير اللي انا كنت بنام عليه قبل ما نتجوز
حركت رأسها بزهول غير مستوعبه قسوته وقلة أصله، تحدثت معه بصوت غاضب مرتفع قليلا.
- انا مش مصدقة ان قلبك يطلع جاحد كده ، بقى يهون عليك تتجوز وتفرح بالفلوس اللي المفروض كنت هتنقذ بيها حياة بنتك، بقي معقول يهون عليك تفرح قلبك بالفلوس اللي هتعالج قلب بنتك وتخفف تعبها ؟
نظر حوله بغضب، صفعها بقوة امام الناس قائلاً لها بصوت مرتفع استمعه الجميع.
- والله لو مش عجبك الباب مفتوح قدامك اهو ويفوت جمل ، تروحي عند امك وتخلي جوز امك الصايع هو اللي يصرف عليكي انتي وبناتك
بكت طفلتها المريضة على ذراعها واخفت وجهها بخوف بداخل حضنها وبكت طفلتها الاخرى وهي تخفي وجهها بثياب والدتها.
اقترب احد الرجال واخذه بعيداً عنها واقتربت من أميرة احدى السيدات من الجيران واصطحبتها الى داخل المنزل بحزن.
وقفت "شاهندة" شقيقة جمال الصغيرة بداخل شقة والدتها وهي ترى احدى السيدات تأتي بزوجة شقيقها اليهم وهي تبكي وتحمل طفلتها والثانيه تسحبها بيدها.
تحدثت شاهندة مع والدتها بصوت مرتفع.
- الهانم اخيراً شرفت يا ماما
دخلت أميرة شقة حماتها وتفاجأت بالشقة مقلوبة رأساً على عقب، تجلس حماتها تسجل بورقة وقلم كل ما يحتاجون اليه للتجهيز لحفل زفاف ابنها وكأنه عريس لأول مرة.
نظرت اليها حماتها قائلة بسخرية.
- اخيرا الهانم شرفت ، هي تخرج تتمشى واحنا نشيلها هدومها هي وبناتها وننقلهم حاجتهم على دماغنا
وقفت "اماني" شقيقة جمال الكبيرة وهي ترد على والدتها بحزن.
- ملوش لازمه الكلام دا يا ماما ، اميره فيها اللي مكفيها
ثم اقتربت من أميرة وحملت جنه من على ذراعها وقبلتها ثم تحدثت بحزن.
- معلش يا أميرة ادخلي انتي اوضة جمال انا حطتلك حاجتك فيها انتي والبنات
نظرت اليها أميرة بحزن، الدموع تنسال من عينيها بشدة، تشعر بالذل والإهانة.
اصطحبتها اماني شقيقة زوجها إلى الغرفه، فتحت الباب ودخلت وضعت جنه فوق الفراش، وقفت أميرة تنظر امامها بصدمة، تنسال دموعها بدون توقف، نظرت اليها اماني بقلة حيلة، تركتها هي وبناتها بداخل الغرفه وخرجت واغلقت الباب خلفها.
وقفت أميرة تنظر امامها والدموع تنسال من عينيها مثل المطر ، تفكر فيما عليها فعله الان ، لا تستطيع ان تقبل ما يحدث معها ولا تستطيع الرفض، فهي عاجزة بفقرها وظهرها المكسور بدون سند ، لا اب ولا اخ ولا عم ولا خال ، تقف وحيدة بمفردها، تحمل طفلتين يتعلقون بعنقها.
اقتربت من الفراش الصغير، نظرت الي ابنتها جنه وجدتها ذهبت في نوما عميق، قبلتها ووضعت الغطاء عليها وهي تربت عليها بحنان، تتأملها بعيونها الباكيه تخشى فقدانها.
اقتربت منها حور الطفلة الصغيرة توأم جنه، رفعت كفها الصغير تجفف دموع والدتها وتسألها بصوتها الطفولي.
- ماما بتعيطي ليه ؟
نظرت اليها أميرة ببكاء ثم اخذتها الى حضنها وهي تضمها الى قلبها وتغمض عينيها بداخل حضن طفلتها وتدعو الله ان يخرجها من هذا الضيق ويحفظ لها بناتها.
__________
بعد أسبوع عاشته أميرة وبناتها سجينة الغرفة بشقة حماتها لم تخرج منها الا لأخذ بعض الطعام لطفلتيها وحرمت عليها حماتها الخروج من الغرفه كي لا تعكر فرحتهم، لم ترى اميرة زوجها جمال منذ اخر مرة عندما صفعها امام الجميع اسفل المنزل.
استمعت من داخل غرفتها اصوات للزغاريد مع اصوات الاغاني المرتفعة بداخل شقة حماتها واستمعت ايضاً الى اصوات اقارب حماتها بالخارج.
فتحت نافذة الغرفة المطله على الشارع ونظرت منها الى الاسفل لتتفاجئ بتعليق الانوار والزينة امام المنزل والتجهيز لحفل الزفاف المقام امام المنزل كما حدث في حفل زواجها منذ 5 اعوام.
تساقطت دموعها، اقتربت من طفلتيها واخذتهم بحضنها وهي تنظر الى السماء وتطلب من الله ان لا يتركها ويكون هو حسبها.
تحدثت طفلتها حور بصوتها الطفولي.
- ماما انا جعانة
نظرت اليها أميرة بحزن لتتحدث جنه هي الاخرى بصوتها الطفولي.
- وانا كمان جعانة يا ماما
وقفت أميرة تنظر حولها بقلة حيلة ثم اتجهت الى باب الغرفة وقامت بفتحه بتردد وهي تفكر كيف لها ان تخرج من الغرفة وتقابل المدعووين على زفاف زوجها ، ثم غمضت عينيها واخذت انفاسها بقوة وهي تهمس الى نفسها بتشجيع.
- بس انا ميهمنيش حد دلوقتي انا كل اللي يهمني بناتي وبس
فتحت باب الغرفة وخرجت منها واغلقت الباب على بناتها وتفاجأت بجميع اقارب حماتها يملئون الشقة ورأت زوجها جمال يجلس باحدى الغرف المفتوحة وحوله اصدقائه يحتفلون به ويهللون له بسعادة والحلاق يقوم بقص شعره.
نظرت اليهم بصدمة وهي ترى الجميع يحتفل بسعادة متجاهلين انه متزوج ولديه طفلة مريضة تحتاج الى كل هذه الاموال لانقاذ حياتها ، لفت انتباهها شخصاً يقف بجوار زوجها ويظهر على ملامحه العبوس وعدم الرضا ثم رفع عينيه لتقابل عينيها وينظر اليها بحزن شديد.
خفق قلبها عندما تقابلة عينيها بعينيه، لا تعلم من هو لكن نظراته كانت قويه جدا.
تحركت سريعاً اتجاه المطبخ لتجد حماتها وشقيقة حماتها يطهون الطعام بكل سعادة للعروسين والمدعوين.
اقتربت منها شقيقة حماتها ترحب بها وتسلم عليها بحزن ، ثم سألتها عن طفلتيها قائلة.
- عاملة ايه أميرة وازي البنات؟
خفضت أميرة رأسها قائلة بجمود.
- الحمدلله بخير ربنا معانا
نظرت اليها حماتها قائلة ببرود.
- ولما انتوا بخير ياختي ولسه عايشين ، كان ايه اللي طلعك من الاوضه دلوقتي ولا عايزة تنكدي علينا يوم فرح ابني
تحدثت شقيقة حماتها مع شقيقتها بغضب.
- ميصحش كده يا ام جمال ، دي مهما كان مرات ابنك وام احفادك
تحدثت حماة أميرة بحقد.
- ميغركيش الشويتين اللي هي بتعملهم دول دا انا اكتر واحدة عرفاها وفاهمها
تحدثت أميرة بغضب رداً على حماتها.
- ربنا اللي شايف وعالم بكل واحد فينا
تحدثت شقيقة حماتها معها بهدوء.
- انتي كنتي داخله المطبخ عايزة ايه يا أميرة ؟
تحدثت أميرة بكسرة.
- البنات جعانين وكنت جايه اعملهم حاجة ياكلوها
تحدثت شقيقة حماتها وهي تحضر لها من الطعام الجاهز للفرح.
- الأكل هنا كتير اهو يا حبيبتي
ثم وضعت لها الكثير من الطعام بالاطباق واعطتهم لها قائلة.
- خدي يا حبيبتي كلي وأكلي البنات وانا هخلص واجي ابص عليهم
اخذت أميرة منها الاطباق وهي تحاول منع دموعها من التساقط امامهم ثم اتجهت سريعاً الى الغرفة واغلقت الباب عليها هي وبناتها من الداخل... بقلمي ملك إبراهيم.
#الحلقة_الثانية
#رواية_أميرة_أخر_الزمان
#الكاتبة_ملك_إبراهيم
تحدثت حماة أميرة بحقد.
- ميغركيش الشويتين اللي هي بتعملهم دول دا انا اكتر واحدة عرفاها وفاهمها
تحدثت أميرة بغضب رداً على حماتها.
- ربنا اللي شايف وعالم بكل واحد فينا
تحدثت شقيقة حماتها معها بهدوء.
- انتي كنتي داخله المطبخ عايزة ايه يا أميرة ؟
تحدثت أميرة بكسرة.
- البنات جعانين وكنت جايه اعملهم حاجة ياكلوها
تحدثت شقيقة حماتها وهي تحضر لها من الطعام الجاهز للفرح.
- الأكل هنا كتير اهو يا حبيبتي
ثم وضعت لها الكثير من الطعام بالاطباق واعطتهم لها قائلة.
- خدي يا حبيبتي كلي وأكلي البنات وانا هخلص واجي ابص عليهم
اخذت أميرة منها الاطباق وهي تحاول منع دموعها من التساقط امامهم ثم اتجهت سريعاً الى الغرفة واغلقت الباب عليها هي وبناتها من الداخل وسمحت لدموعها بالتساقط ثم وضعت الطعام وجففت دموعها سريعاً كي لا يلاحظ البنات بكائها ، ثم جلست على الارض وتحدثت مع البنات بابتسامة.
- يلا حبايبي جبتلكم اكل اهوه
ابتسم الطفلتين ثم ركضوا الى والدتهم وجلسوا بجانبها حتى تطعهم.
كانت تضع الطعام في فم طفلتيها وهي تنظر امامها بشرود وتشعر بنيران تحرق قلبها كلما تخيلت بأن اليوم سوف ينام زوجها بحضن امرأة اخرى غيرها ثم نظرت الى طفلتها جنه وهي تتناول الطعام وتلعب مع شقيقتها حور.
وضعت يدها على خد طفلتها جنه ثم تحدثت اليها بابتسامة.
- كلي يا حبيبتي
ابتسمت لها الطفلة ببرائة ثم تحدثت بصوتها الطفولي قائلة.
- الأكل ده حلو اوي يا ماما
انسالت دموع أميرة وهي تهمس بقهرة.
- الأكل ده معمول بالفلوس اللي كانت هتنقذ حياتك
ثم نظرت الى طفلتها مرة اخرى وهي تضع الطعام بداخل فمها ثم انهارت بالبكاء قائلة.
- كلي ياقلب ماما، انتي متعرفيش يا حبيبتي ان الاكل دا معمول من الفلوس اللي كانت هتخفف وجعك وتخليكي تقدر تجري وتلعبي زي اي طفله في سنك
ثم جذبت الفتاة الى حضنها تضمها بلهفة وخوف من ان تفقدها.
________________
حل المساء واضاءت الانوار امام المنزل وارتفعت اصوات الاغاني واصوات المدعوين بالاسفل.
اقتربت حور من والدتها ثم تحدثت معه بصوتها الطفولي وهي تشير اتجاه النافذة.
- ماما أشوف الفرح
نظرت اليها أميرة بحزن لتقترب منها جنه تتحدث هي الاخرى بصوتها الطفولي.
- وانا كمان يا ماما اشوف عروسة
ابتسمت لهم أميرة ثم عانقتهم الاثنين وهي تتحدث معهم بابتسامة حزينه.
- انتوا عارفين ماما بتحبكم اد ايه ؟
ابتسم الطفلتين ثم قبلت جنه خد والدتها.
تحدثت أميرة بسعادة قائلة.
- البوسة دي عندي اغلى من الدنيا وكل اللي فيها
تحدثت حور بصوتها الطفولي.
- انا كمان هديكي بوسة يا ماما
ابتسمت لها أميرة واعطتها خدها لتقبلها ثم وقفت وهي تحملهم الاثنين بحضنها ثم تحدثت معهم بمرح.
- ها عايزين ايه بقى ؟
تحدثت الطفلتين بسعادة.
- نشوف عروسة
اخذتهم أميرة اتجاه النافذة ثم وضعت لهم احد المقاعد وقامت بوضعهم فوق المقعد كي يستطيعون مشاهدة ما يحدث بالاسفل وهي تقف بجوارهم .
بعد قليل استمعوا الى صوت السيارات المرتفعه وهي تقترب من المنزل وصوت احد افراد الفرقة الذين جائو لأحياء حفل الزفاف يعلن عن قدوم العروسين.
ابتعدت أميرة عن النافذة قليلاً كي لا ترى زوجها وهو بجانب امرأة اخرى وكي لا يراها احداً وهي تشاهد حفل زواج زوجها.
استمعت الى صوت حماتها وهي تهلل بسعادة عند توقف سيارة العروسين امام المنزل.
عادت أميرة الى النافذة تنظر بجانب بناتها بفضول ، لترى زوجها يترجل من السيارة وهو يرتدي بدلة سوداء ويغلق زر البدلة ثم يتجه الى الجانب الاخر ويقوم بمساعدة عروسته في النزول من السيارة.
تابعة أميرة هذا المشهد بعيون باكية بعدما تذكرت يوم زفافها بسبب التشابه الكبير بين الليلتين.
اقترب جمال من باب السيارة وقام بفتحه لزوجته الثانية.
ترجلت العروس من السيارة وهي تغطي وجهها بطرحة الزفاف.
اخذ جمال يديها متجهاً الى المكان المخصص لجلوسهم امام المدعوين.
اشارة حور بطفولة اتجاه والدها قائلة بصوتها الطفولي البرئ.
- ماما شوفي كده ، بابا لابس عريس
نظرت أميرة الى زوجها ثم نظرت الى تلك الواقفة بجانبه بثوب الزفاف الابيض وتضع طرحة الزفاف على وجهها.
تحدثت جنه الى والدتها بابتسامة.
- ماما هي العروسة مش بنشوف وشها ليه ؟
ابتسمت لها أميرة ثم تحدثت بمرح مع طفلتها.
- هنشوفه دلوقتي
تحدثت حور بطفولة وهي تشير اتجاه والدها وعروسته قائلة.
- بابا هيشوف وش العروسة
نظرت اليهم أميرة بفضول لترى زوجها وهو يقف امام عروسته ويرفع الطرحة عن وجهها.
تابعة أميرة يد زوجها وهو يكشف وجه زوجته امام المدعوين ويقترب منها ويقبل اعلى رأسها.
شهقت بصدمة عندما رأت العروسة وعلمت من هي ثم اشارة حور الى والدتها وهي تتحدث بطفولة.
- ماما شوفتي طنط مروة لبسة عروسة
نظرت أميرة الى طفلتها بزهول ثم عادت ببصرها الى صديقتها التي ترتدي ثوب الزفاف وتقف بجوار زوجها ، ثم عادت ببصرها الى طفلتيها وهم يشيرون بيدهم الى صديقة والدتهم ويضحكون بسعادة وهم يرونها ترتدي ثوب الزفاف بجوار والدهما يعتقدون ان ما يرونه الان ما هو الا لعبة بين والدهما وصديقة والدتهم.
اخذت أميرة الطفلتين الى الفراش ثم اغلقت النافذة سريعاً وعقلها رافض استيعاب ما رأته الان ، كيف لصديقتها الوحيدة ان تتزوج من زوجها ، كيف ومتى حدث هذا ، ثم جلست فوق الفراش تفكر بزهول تحاول ان تتذكر اي شئ يجعل صديقة عمرها تخونها وتتزوج هي من زوجها وبالاموال التي تعلم جيداً انها اموال تلك الفتاة المريضة التى تحتاج هذه الاموال لانقاذ حياتها.
حركت رأسها بزهول وهي تهمس لنفسها تحاول ان تتذكر كيف حدث هذا وكيف لم تشعر بأي شئ بين زوجها وصديقة عمرها يدل على ان هناك علاقة تربطهما ، كيف استطاعت صديقتها ان تخفي هذه الحقيقة عنها.
بدأت تنسال الدموع من عينيها وهي تفكر وتشعر بتوقف عقلها تماماً.
نظرت الى بناتها وهم يبكون ويريدون مشاهدة حفل الزفاف ثم وضعت يديها على اذنيها كي تمنع وصول اصوات الاغاني والزغاريد المرتفعة اليها ثم بدأت بالصراخ والانهيار ولا احد يراها غير طفلتيها ولا احد يسمعها غيرهم وكانت اصوات الاغاني المرتفعة بالاسفل تمنع وصول صريخها الى احد.
جلست ارضاً تصرخ بوجع وقهرة ، تضرب على الارض بيدها وتسأل لماذا يحدث معها هكذا ، لماذا يخونها الجميع ويتخلون عنها في اشد احتياجها اليهم ، لماذا هي بكل هذا الغباء حتى لا تكتشف خيانة كل من يحمل مكر بقلبه اتجاهها ، ظلت تصرخ وتبكي وتسأل لماذا ، اقترب منها الطفلتين ينظرون اليها بهلع ويقتربون منها بحذر وهم يبكون من الخوف.
رفعت وجهها تنظر اليهم، تراجعت عن ما تفعله أمام طفلتيها، فردت ذراعيها وطلبت منهم ان يقتربوا منها.
ركض الطفلتين الى حضنها ، اخذتهم بداخل حضنها وهي تبكي بقهرة وحزن وكسرة.
قبلت خدها طفلتها المريضة "جنه" وتحدثت معها بصوتها الطفولي.
- عشان خاطري متعيطيش يا ماما
ثم جففت دموع والدتها بيدها.
تحدثت معها طفلتها "حور" وهي تقبلها هي الاخرى.
- متعيطيش يا ماما
ضمتهم أميرة الى قلبها وتحدثت بقوة.
- خلاص مش هعيط تاني يا حبايب قلب ماما ، انا لازم اقف على رجلي عشانكم ، انا مبقاش ليا في الدنيا غيركم دلوقتي
ثم نظرت امامها وهي تهمس لنفسها بتأكيد.
- انا لازم افكر فيكم انتم وبس ومش مهم اي حد تاني
ثم نظرت الى طفلتيها وهي تهمس لهم بحب يكفي العالم بأكمله.
- انا معنديش اغلى منكم وعمري الا جاي كله هيكون عشانكم انتوا وبس وهعمل المستحيل عشانكم
ثم قبلت اعلى رأس ابنتها جنه وهي تهمس لها بتأكيد.
- وانتي يا نور عيني يا جنه انا هعمل المستحيل عشان اجبلك كل الفلوس الا هتحتاجيها واعملك العمليه والوجع الا في قلبك ده هيروح خالص ومش هتحسي بيه تاني وتقدري تجري وتضحكي وتعملي كل حاجة نفسك فيها برحتك
ثم نظرت الى السماء تتحدث الى ربها.
- يارب انا مش عايزة حاجة من الدنيا غير انك تقف معايا ، يارب انت حسبي ونعم الوكيل وكلتك امري يااارب
ثم وقفت من على الارض ووضعت بناتها فوق الفراش ووضعت الغطاء عليهم جيداً ثم جلست بجوارهم فوق الفراش وهي تفكر في ما عليها فعله.
________________
بعد ساعتين انتهى حفل الزفاف المقام امام المنزل واخذ جمال عروسته وصعد بها الى شقته بالاعلى وصعدت والدة جمال الى شقتها هي وشقيقتها واولاد شقيقتها وابنتها شاهندة وابنتها اماني وزوجها.
جلسوا جميعاً بصالة الشقة يتحدثون عن الحفل وكم كان رائعاً ويتحدث عنه الجميع.
جلس معهم فريد ابن شقيقتها الكبير والذي يبلغ من العمر 28 عاماً ويعمل محامياً ، نظر الى خالته وتحدث معها بغضب مكتوم.
- بس مكنش له لازمه الفرح وكل الهيصه الا حصلت دي يا خالتي وخصوصاً ان جمال مش اول مرة يتجوز وكمان مراته عايشة معاكم في نفس البيت يعني على الاقل كان يراعي شعورها
ثم اضاف بغضب.
- ثم انا لحد دلوقتي مش فاهم هو ليه اصلاً يتجوز على مراته وهو عنده بنتين لسه صغيرين
نظرت اليه والدته بغضب ثم تحدثت اليه بصرامة.
- فريد ، ملناش دعوة بالكلام ده وابن خالتك هو ادرى بمصلحته
نظرت اليه خالته والدة جمال وتحدثت معه بغيظ.
- ايه يا سي فريد انت هتشتغل محامي علينا هنا ولا ايه ؟!
تحدث فريد بغضب.
- يا خالتي انا بقول كلمة حق وخصوصاً ان حضرتك عندك بنات واظن انك متتمنيش ان واحده فيهم يحصلها الا حصل مع مرات جمال
وقفت خالته بغضب تتحدث مع شقيقتها.
- عقلي ابنك يا عزة وعرفيه ان كل واحد يخليه في حاله
ثم اتجهت الى غرفتها وتركتهم.
نظرت والدة فريد الى ابنها وتحدثت معه بلوم.
- عجبك كده اديك زعلت خالتك
ثم وقفت وذهبت خلف شقيقتها حتى تراضيها ووقف الجميع خلفهم وتركوه يجلس بمفرده.
نظر فريد الى ساعة يده ثم نظر حوله قائلاً بملل.
- وانا مالي ما فعلا كل واحد حر ومراته ساكته وراضيه بكده يبقى انا الا هتكلم
ثم وقف هو الاخر وذهب لينام.
رواية أميرة آخر الزمان بقلمي ملك إبراهيم
بعد طلوع الفجر ، نظرت أميرة الى النافذة ثم نظرت الى طفلتيها وايقظتهم حتى تذهب بهم الى منزل والدتها.
بعد وقت فتحت باب الغرفه ووجدت الجميع مازالوا نائمين ، حملت جنه على ذراعها واخذت حور بيدها وخرجت من الشقة بهدوء متجهة الى منزل والدتها.
بمنزل والدتها استمعت والدة أميرة الى طرق على باب المنزل.
اتجهت الى الباب تفتحه بقلق لا تعلم من الاتي اليهم في هذا الوقت الباكر من الصباح.
تفاجأت بأميرة وهي تحمل ابنتها والثانية بيدها ويظهر على وجهها البكاء الشديد.
فتحت لها والدتها ذراعها واخذتها بحضنها بعد ان انهارت أميرة في البكاء عندما رأت امها.
اخذتها والدتها الى داخل المنزل وجلست اميرة تخبرها بكل ما حدث معها وبخيانة صديقتها مروة لها وزواجها من زوجها.
نظرت اليها والدتها بحزن قائلة.
- وبعدين يا أميرة هتعملي ايه يا بنتي ؟
حركت أميرة رأسها وهي تبكي قائلة.
- مش عارفة يا أمي ، اروح فين واجي منين وانا مليش حد في الدنيا غيرك وعارفه ان انتي مفيش في ايدك حاجة تقدري تساعديني بيها
بكت والدتها وتحدثت بحزن.
- مش عارفة اقولك ايه يا بنتي ، على عيني اقولك سبيه وتعالى عيشي معانا هنا بس انتي عارفة الظروف يا أميرة وانتي دلوقتي حملك تقيل يا بنتي ومعاكي بنتين صغيرين ومحتاجين مصاريف دا غير علاج جنه الا بيكلف شئ وشويات كل شهر
تحدثت أميرة ببكاء قائلة.
- عارفة يا امي والله بس انا مش قادرة استحمل اني اشوف بنتي بتموت قدام عيني ومش عارفة اعملها حاجة
بكت والدتها ثم تحدثت معها باقتراح.
- طب بقولك ايه يا أميرة ، انتي عارفة راندا صحبتك الا كانت اكبر منك بسنتين دي
تحدثت أميرة ببكاء.
- راندا اللي بيتهم في الشارع الا ورانا
تحدثت والدتها بالايجاب.
- ايوه هي دي ، اهي راندا دي اتجوزت ومحصلهاش نصيب وطالعه من بيت جوزها وابنها على ايديها ودلوقتي بتسيبه مع امها وبتشتغل هي في مكان حلو اوي وماشاءالله بتكسب وبتصرف على ابنها وامها كمان
نظرت أميرة الى والدتها لتتابع والدتها حديثها بتأكيد.
- ايه رأيك بقى لو نروحلها دلوقتي قبل ما تروح الشغل ونطلب منها تشوفلك شغلانه معاها وتسيبي بناتك معايا وتطلعي تشتغلي ويمكن ربنا يكرمك وتقدري تعملي لبنتك العملية
جففت أميرة دموعها وهي تتحدث بلهفة.
- طب قومي ياما نروحلها دلوقتي
تحدثت والدتها بالايجاب.
- طب انا هحط العباية عليا واجي معاكي وكمان عمك حامد لسه نايم هنروح ونرجع قبل ما يصحى
وقفت أميرة تحمل طفلتها وهي تدعي ان يوفقها الله في هذا العمل.
________________
في شقة حماة أميرة.
استيقظ الجميع وقاموا بتحضير الفطار.
نظرت والدة فريد الى باب غرفة أميرة ثم تحدثت الى شقيقتها برجاء.
- بقولك ايه يا ام جمال ، مش الواجب ننادي على أميرة تيجي تفطر معانا
نظرت لها والدة جمال قائلة بحقد.
- هي هتستنانا ياختي هتلاقيها كلت من بدري هي وبناتها
تحدثت والدة فريد بلين.
- عشان خاطري نسألها مش هنخسر حاجة وعشان خاطر بنات ابنك
تحدثت والدة جمال بعجرفة.
- ناديها وامري لله
ذهبت والدة فريد وطرقت على باب الغرفة عدت مرات ولم تجد الرد.
شعرت بالقلق على أميرة والبنات وقامت بفتح الغرفة وتفاجأت انها فارغة.
وقفت تتحدث بزهول.
- دي أميرة والبنات مش هنا
تحدثت شقيقتها حماة أميرة بحقد.
- هتلاقيها حاسة على دمها وخادتهم وراحت عند امها
ثم اضافة وهي تنادي الجميع.
- يلا نفطر احنا سيبكم منها
وقفت والدة فريد تنظر الى ابنها بقلة حيلة ثم اتجهت معهم الى تناول الفطار.
رواية أميرة آخر الزمان بقلمي ملك إبراهيم
في منزل راندا صديقة أميرة.
رحبت بهم والدة راندا وتحدثت الى أميرة بسعادة.
- مشوفتكيش من زمان يا أميرة
ثم قبلت احدى فتيات اميرة وتحدثت بسعادة.
- بسم الله ماشاءالله بناتك طلعين زي القمر حته منك
ابتسمت أميرة بتوتر وتحدثت والدة أميرة باحراج.
- اومال راندا فين ياختي عايزين نسلم عليها
خرجت راندا وهي ترتدي ملابسها للخروج وتعدل من طرحتها ترحب بهم.
- انا هنا اهو يا خالتي
ثم اقتربت من أميرة تتحدث معها بابتسامة.
- أميرة عاملة ايه وحشتيني
ابتسمت لها أميرة ثم تحدثت والدة أميرة مع راندا.
- أميرة كانت طالبه منك خدمة يا راندا
تحدثت راندا بتأكيد.
- من عينيا يا خالتي
تحدثت أميرة بخجل وهي تفرك بكف يديها.
- أنا يا راندا عندي بنتي جنه تعبانه وعندها مشكلة في القلب ولازمها عمليه وجوزي يعني..
توقفت أميرة عن الحديث ثم انهارت في البكاء وهي تشعر بالذل والقهرة.
وقفت راندا من مكانها سريعاً وجلست بجوارها تربت على ظهرها وتستمع الى حديث والدة أميرة وهي تكمل حديث ابنتها.
- الواطي جوزها منه لله اتجوز بالفلوس الا كانوا محوشينها عشان يعملوا عمليه للبت بنتها وأميرة دلوقتي بتدور على اي شغل عشان تجيب فلوس العملية لبنتها
نظرت راندا الى أميرة بحزن ثم تحدثت بفضول.
- طب وايه المساعدة الا اقدر اقدمها لأميرة يا خالتي
تحدثت أميرة وهي تبكي بانهيار.
- تشوفيلي اي شغل معاكي والنبي ياراندا انا مستعدة اعمل اي حاجة في الدنيا بس انقذ حياة بنتي
نظرت اليها راندا بحزن ثم ربتت على ظهرها وتحدثت بتأكيد.
- اهدي يا أميرة يا حبيبتي وان شاء الله هنلاقي حل
جففت أميرة دموعها وتحدثت وهي تنظر الى طفلتها جنه.
- انا مستعدة اشتغل اي شغلانه، بس اقدر اوفر لبنتي حق العملية في اسرع وقت
حركت راندا رأسها بالايجاب وتحدثت بتأكيد.
- حاضر يا أميرة، انا هشوفلك شغل معايا
ثم اضافة بهدوء.
- بكرة ان شاءالله هستناكي الساعة 7 الصبح هنا ونروح الشغل مع بعض وانا هفهمك في الطريق كل حاجة عن الشغل
ثم نظرت الى الطفلتين واضافة بفضول.
- بس البنات هتعملي معاهم ايه وهما لسه يا حبايبي صغيرين ومحتاجين رعاية
نظرت أميرة الى الطفلتين وتحدثت بحزن.
- انا قاعدة مع حماتي في نفس الشقة، هاسيبهم معاها وهي اكيد هتراعيهم وتاخد بالها منهم
تحدثت والدة أميرة بتأكيد.
- والله لو ينفع اخدهم كنت خدتهم عندي
تحدثت أميرة برفض خوفًا على بناتها من زوج والدتها.
- لا يا امي، البنات هيفضلوا مع ستهم هناك
ثم نظرت الى راندا واضافة بخجل.
- انا متشكرة اوي يا راندا، ربنا ما يوقعك في ضيقه ابدًا
ابتسمت راندا قائلة بتأكيد.
- يا حبيبتي احنا ملناش الا بعض والدنيا لسه بخير وان شاءالله ربنا يقدم الا فيه الخير ليا وليكي
ابتسمت لها أميرة ووقفت مع والدتها وتحدثت والدة أميرة بابتسامة.
- هنستأذن احنا عشان منأخركيش على شغلك
ثم ذهبت أميرة مع والدتها واخذت بناتها وعادت الى منزل حماتها مرة اخرى.
___________________
في منزل حماة أميرة.
جلس فريد على احدى المقاعد بصالة الشقة وهو يقلب بهاتفه بعد ان تناولوا جميعًا وجبة الافطار.
وقفت حماة أميرة مع شقيقتها والدة فريد وتحدثت معها بحماس.
- بينا انا وانتي يا عزة نطلع نبارك للعرسان
نظر اليهم فريد بغضب مكتوم ثم تابع ما يفعله بهاتفه بصمت وهو يعد الساعات حتى يرحل هو ووالدته وشقيقته من هذا المنزل.
صعدت حماة أميرة الى شقة ابنها بالاعلى بصحبة شقيقتها.
اقتربت شاهندة من فريد وجلست بجواره وهي تحاول لفت انتباهه بأي طريقة.
- انت بتعمل ايه يا فريد
زفر بضيق ثم نظر اليها قائلاً بسخرية.
- هكون بعمل ايه يعني يا شاهندة، اهو بضيع وقت على ما يجي الليل عشان نرجع اسكندرية
اقتربت منه اكثر حتى التصقت به وهي تتحدث بنعومة.
- ومستعجل ليه يا فريد ؟
نظر اليها بطرف عينيه واراد توبيخها بصرامة على جرأتها الزائدة... بقلمي ملك إبراهيم.
... يتبع
منتظرة رأيكم وتوقعاتكم في التعليقات مع اجمد تفاعل عشان تشجعوني اكمل❤️🌹🌹 ومتنسوش تتابعوني على صفحة👈 روايات ملك إبراهيم هي اللي بينزل عليها الرواية في مواعيدها 🫶❤️
هلاقي تفاعل على الحلقة الأولى ولا هتكسفونى 🥺❤️ اجمد تفاعل هنا😍🫶
اللي بيحب الروايات الكامله والحصريه من هنا 👇 ❤️ 👇
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
❤️🌹💙🌺❤️🌹💙🌺❤️🌹💙🌺❤️🌹💙🌺❤️🌹
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق